Post: #1
Title: في الخرطوم اليوم : إرتفاع جنوني في سعر الدولار!
Author: Mohamed Abdelmotalib Hassan
Date: 03-19-2011, 03:13 AM
| Quote: بلغ سعر شراء الدولار في السوق الموازي أمس 3.520 جنيه، بينما كان سعر البيع 3.480 جنيه، على الرغم من أنه صدر حديث أن بنك السودان ضخ كمية من الدولارات لامتصاص أي زيادة محتملة. يذكر أن الأيام الماضية شهدت استقالة د . صابر محمد الحسن من رئاسة البنك المركزي وخلفه د. محمد خير الزبير. |
|
Post: #3
Title: Re: في الخرطوم اليوم : إرتفاع جنوني في سعر الدولار!
Author: Mohamed Abdelmotalib Hassan
Date: 03-19-2011, 03:18 AM
Parent: #2
واضح إنو سيصل لي أربعة جنيهات في غضون أسابيع فقط!!!
|
Post: #4
Title: Re: في الخرطوم اليوم : إرتفاع جنوني في سعر الدولار!
Author: Mohamed Abdelmotalib Hassan
Date: 03-19-2011, 03:22 AM
Parent: #3
|
Post: #5
Title: Re: في الخرطوم اليوم : إرتفاع جنوني في سعر الدولار!
Author: Hisham Ibrahim
Date: 03-19-2011, 06:41 AM
Parent: #4
البلاء جاي من تلي موني ...
تلى موني سعرو البحول بيهو من السعودية 875 جنيه للريال ..
تلي موني إستعان بي فلسطينين وباكستانيين للعمل وتطويره من طرف بنكـ الخرطوم ..
ماذا يعرف هؤلاء عن الإقتصاد السوداني ...!
أبعدوهم عن هذا المكان ...
رجاء أن يولي هذا المحافظ الجديد هذا الأمر ويواجهه بصرامه وشراسه ...
فهذا أُس البلاء هذه الأيام ...
|
Post: #6
Title: Re: في الخرطوم اليوم : إرتفاع جنوني في سعر الدولار!
Author: Wasil Ali
Date: 03-19-2011, 06:47 AM
Parent: #5
السودان يده مغلولة لأنه يعتمد على عائدات البترول والأستثمارات وتحويلات المغتربين لبناء احتياطي من العملات الأجنبية وماحصل عليه في السنين الماضية تم اهداره وبالتالي لم يعد البنك المركزي يستطيع التدخل يشكل فعال لوقف التدهور لأن حل هذه المشكلة لايتأتى بقرارات ادارية او سياسية
|
Post: #7
Title: Re: في الخرطوم اليوم : إرتفاع جنوني في سعر الدولار!
Author: فتحي الصديق
Date: 03-19-2011, 06:47 AM
Parent: #5
| Quote: يذكر أن الأيام الماضية شهدت استقالة د . صابر محمد الحسن من رئاسة البنك المركزي وخلفه د. محمد خير الزبير. |
هو الهروب اذن ..هروب المسؤولين ..وهروب رؤوس الأموال ..من وطن يتهاوى اقتصاده ..
|
Post: #8
Title: Re: في الخرطوم اليوم : إرتفاع جنوني في سعر الدولار!
Author: رشا سالم
Date: 03-19-2011, 06:50 AM
Parent: #7
اليوم الريال السعودي 900 جنية!
|
Post: #9
Title: Re: في الخرطوم اليوم : إرتفاع جنوني في سعر الدولار!
Author: عمر الفاروق عبد الله الشيخ
Date: 03-19-2011, 11:24 AM
Parent: #8
| Quote: واضح إنو سيصل لي أربعة جنيهات في غضون أسابيع فقط!!! |
لولا مجيء ثورة الانقاذ لاصبح الدولار ب 12 جنيه
صلاح كرار
|
Post: #10
Title: Re: في الخرطوم اليوم : إرتفاع جنوني في سعر الدولار!
Author: ايهاب الطيب بله
Date: 03-19-2011, 12:44 PM
Parent: #9
الارتفاع الجنوني للعملات الحره في السودان سببه الصرف الحكومي والسياسات الاقتصاديه العرجاء
|
Post: #11
Title: Re: في الخرطوم اليوم : إرتفاع جنوني في سعر الدولار!
Author: jini
Date: 03-19-2011, 02:21 PM
Parent: #10
هذا اقتصاد الدولة الرسالية اقتصاد النافع محمد النافع إقتصاد يرزق من يشاء بغير حساب!
دولة السماكة والحواتية ناس رزق اليوم باليوم!
ولهذا فر القذر صابر محمد الحسن بجلده!
بؤساء السودان موعودين بتسونامى غلاء لن يبقى ولن يذر!
سيطلقون عليه ابتلاء ويوم نهبوا واغتنوا اطلقوا عليه "التمكين"!
احتكروا التدين والوطنية والاخلاق تحت الابتزاز بان البلد" مستهدفة"!
وعلم الله انهم من إستهدفوها هى وأهلها!
جنى
|
Post: #12
Title: Re: في الخرطوم اليوم : إرتفاع جنوني في سعر الدولار!
Author: Frankly
Date: 03-19-2011, 02:44 PM
Parent: #11
طبعاً الواحد يجي يشبكنا ليك دولة رسالية وكيزانية وهلمجرا وهو أوّل واحد بيخرب في الإقتصاد لتمريره التحويلات للسوق الموازي المسيطرين عليه بعض المتمكنين
شيء من اتساق
|
Post: #13
Title: Re: في الخرطوم اليوم : إرتفاع جنوني في سعر الدولار!
Author: محمد على حسن
Date: 03-19-2011, 02:57 PM
Parent: #12
| Quote: د بيخرب في الإقتصاد |
والاقتصاد لو اتعافي في ظل سيطرة الاسلامويين الفاسدين القتلة المتمكنين اليوم في السودان بيكون خدم ودعم حكومة الحرامية القتلة والمغتصبين
عافية الشعب في طرد الحرامية المتمكنين في الاقتصاد والسوق المتوازي لانهم حرامية وقتلة ومغتصبين ومدعي اسلام وفاسدين
|
Post: #14
Title: Re: في الخرطوم اليوم : إرتفاع جنوني في سعر الدولار!
Author: هاشم نوريت
Date: 03-19-2011, 03:08 PM
Parent: #13
اسعاركم هذه تقديرية لان السعر فى الخرطوم يعتمد على "حنكك" والا دقسوك
الله هونينى
|
Post: #15
Title: Re: في الخرطوم اليوم : إرتفاع جنوني في سعر الدولار!
Author: Frankly
Date: 03-19-2011, 03:10 PM
Parent: #13
| Quote: والاقتصاد لو اتعافي في ظل سيطرة الاسلامويين الفاسدين القتلة المتمكنين اليوم في السودان بيكون خدم ودعم حكومة الحرامية القتلة والمغتصبين |
ما أهو نحنا عشان الفهم البليــد الزي دا بنقيف ضد معارضي الكيبورد
طيب الفرق شنو بين الكيزان والقشران الزيك ديل؟
جنس عباطة
|
Post: #16
Title: Re: في الخرطوم اليوم : إرتفاع جنوني في سعر الدولار!
Author: محمد على حسن
Date: 03-19-2011, 03:17 PM
Parent: #15
| Quote: طيب الفرق شنو بين الكيزان والقشران الزيك ديل؟ |
دقينة
|
Post: #17
Title: Re: في الخرطوم اليوم : إرتفاع جنوني في سعر الدولار!
Author: أيمن دياب
Date: 03-19-2011, 04:21 PM
Parent: #16
كما في قناة العربية: العالم هذه اللحظة..
نقول أنّ الريال السعودي في هذه اللحظة وصل إلى 910 جنيهاً في مدينة الرياض..
والسعر قابل للزيادة حسب الكمية.. هذا حسب اتصالي بأحد الذين أتعامل معهم باستمرار في التحويل..
|
Post: #18
Title: Re: في الخرطوم اليوم : إرتفاع جنوني في سعر الدولار!
Author: Mohamed Abdelmotalib Hassan
Date: 03-19-2011, 04:21 PM
Parent: #16
كبار تجار العملة والسماسر بلعبو دور كبير في إرتفاع السعر ، ضخ كميات كبيرة من بنك السودان للسوق ما قدر يسيطر علي السعر إلا في حدود ، وبعدها تعود نفس الدوامة والإرتفاع.
|
Post: #19
Title: Re: في الخرطوم اليوم : إرتفاع جنوني في سعر الدولار!
Author: Mohamed Abdelmotalib Hassan
Date: 03-19-2011, 11:38 PM
Parent: #18
كثير من الصرافات - وعن تجربة شخصية - تتسلم حصتها من العملة الحرة من بنك السودان ولكنها تضارب بها أو تهربها ، فهي تتعمد عدم تسليم الحوالات القادمة من الخارج بالدولار بحجة أن بنك السودان لم يقم بتسليمهم حصتهم بعد ، ذلك على الرغم من تقاضيهم رسوم إضافية بغية الإلتزام بالتسليم بالعملة الحرة وتجبر المستلم على الإستلام بالعملة المحلية ، مالم يكن المستلم (عكليتة شديد)!!!
|
Post: #20
Title: Re: في الخرطوم اليوم : إرتفاع جنوني في سعر الدولار!
Author: Mohamed Abdelmotalib Hassan
Date: 03-20-2011, 01:23 AM
Parent: #19
وفي بعض هذه الصرافات تجد أن كل الموظفين فيها من السودانيين ماعدا مدير الصرافة فهو غالباً من إحدى الدول الأفريقية (غالباً الصومال) وهو الآمر الناهي فيها ، وأعني بذلك الصرافة التي تقع شمال مطعم البحر الأحمر مباشرةً بالخرطوم جنوب القبة الخضراء ، "وعليهو جنس قطامة" حيرتني والله ، يعني يسمعك فارغة كده لمن تحتار في أمرك وأمره ، لا يفقه شئياً عن أبسط قواعد التعامل مع العملاء أو الزبائن ، عندما أخبرته أن التحويل يجب أن يسلم بالدولار لأن هناك رسوم إصافية تم سدادها من المرسل بغرض إستلامها بالدولار ، أجاب بمنتهى الوقاحة "خليهو يمشي يشيل رسومو الدفعها زيادة"!!!
(("سيلما" عديييل عمكم ده)).
ههههههههههه!!!
|
Post: #21
Title: Re: في الخرطوم اليوم : إرتفاع جنوني في سعر الدولار!
Author: Mohamed Abdelmotalib Hassan
Date: 03-20-2011, 04:34 PM
Parent: #20
يعني يشيلو منك رسوم تحويل ثم رسوم إضافية للتسليم بالدولار ، ولما تجي تستلم بالدولار يقولو ليك بنك السودان ما أدانا حصتنا لسه ، تقول ليهم ياخي أنا دخلي شنو بي بنك السودان؟ يقولوا ليك والله ما بيدنا حاجة نعملها ليك ، تنق معاهم يقولو ليك تعال بكرة يمكن يدونا ، تقول ليهم أنا مسافر بكرة ، يقولوا ليك خلاص تعال بعد الساعة إطناشر ، تقول ليهم عندي مشاوير مهمة لازم أخلصها ، يقولوا ليك خلاص بنديك نص سوداني ونص دولار ، تقول ما عايز يقولوا ليك خلاص خش للمدير إتكلم معاهو ، تخش للمدير يقوم يمسعك الفارغ الفوق داك ومعاه نهره وبي لكنة كمان!!!
ههههههههههههههه!!!
|
Post: #22
Title: Re: في الخرطوم اليوم : إرتفاع جنوني في سعر الدولار!
Author: Mohamed Abdelmotalib Hassan
Date: 03-20-2011, 10:44 PM
Parent: #21
وده برضو يبعني إنو تشيل قروشك بالعملة المحلية ، وتمشي تطلع من الصرافة وعلى بعد خطوات تلقى أبان جلاليب شايلين ربط قروش تقوم تشتري منهم الدولار ، وأكيد طبعاً بتاع الصرافة القبيييييل داك ، القطيييييم داك بيكون داسي الدولارات المفروض كان يديك ليها ويبيعها للناس الواقفين ديك أو من يعملون لصالحهم ، يعني تشتري دولارك بي قروشك وعليهم زيادة.
ويييييييييييييييييييو!!
|
Post: #23
Title: Re: في الخرطوم اليوم : إرتفاع جنوني في سعر الدولار!
Author: حذيفه ابراهيم الكباشي
Date: 03-20-2011, 11:08 PM
Parent: #22
اذا لم يوقف بنك السودان ضخ السيولة من العملة المحلية فسيستمر الوضع من سيء الي اسواء
اذا لم يتوسع بنك السودان في شراء الذهب بأسعار عادلة فسيستمر التدهور
اذا لم يوقف بنك السودان هلع الناس تجاه الدولار فسيستمر التدهور
....
|
Post: #24
Title: Re: في الخرطوم اليوم : إرتفاع جنوني في سعر الدولار!
Author: الغالى شقيفات
Date: 03-20-2011, 11:28 PM
Parent: #23
توقعات بوصوله الى خمسة جنبهات فى اغسطس المقبل
|
Post: #25
Title: Re: في الخرطوم اليوم : إرتفاع جنوني في سعر الدولار!
Author: Mohamed Abdelmotalib Hassan
Date: 03-21-2011, 01:51 AM
Parent: #24
اليوم وفي السوق الموازي وصل سعر الدولار إلى ٣.٧٢٠ وتوقعات بزيادة مستمرة خلال الأيام المقبلة!!
|
Post: #26
Title: Re: في الخرطوم اليوم : إرتفاع جنوني في سعر الدولار!
Author: Dr. Ahmed Amin
Date: 03-22-2011, 00:49 AM
Parent: #25
فوق لحد ما نشوف المجنون ده ماشي لوين!!!!!
سلام يا محمد عبدالمطلب
|
Post: #27
Title: Re: في الخرطوم اليوم : إرتفاع جنوني في سعر الدولار!
Author: Mohamed Abdelmotalib Hassan
Date: 03-22-2011, 02:07 AM
Parent: #26
عليكم السلام يا دكتور أحمد أمين.
طبعاً السودان الدولة الوحيدة في العالم لو حصلت زيادة في أي حاجة تاني مستحيل سعرها يرجع للقديم.
|
Post: #28
Title: Re: في الخرطوم اليوم : إرتفاع جنوني في سعر الدولار!
Author: doma
Date: 03-22-2011, 03:45 AM
Parent: #27
ودا كله بفسر ليكم شنو يا محمد عبد المطلب يا بني ؟؟
انهيار انهيار تام
بس الشعب الداقس دا لسع داقس لما يلقي نفسوا في المقابر .
Economic Bubble Blast
|
Post: #29
Title: Re: في الخرطوم اليوم : إرتفاع جنوني في سعر الدولار!
Author: محمد أبوالعزائم أبوالريش
Date: 03-22-2011, 07:16 AM
Parent: #28
| Quote: طبعاً الواحد يجي يشبكنا ليك دولة رسالية وكيزانية وهلمجرا وهو أوّل واحد بيخرب في الإقتصاد لتمريره التحويلات للسوق الموازي المسيطرين عليه بعض المتمكنين |
هذا الشئ، أفاد السيد/ عمر حسن أحمد البشير بممارسته أثناء خدمته بدولة الأمارات العربية المتحدة، عندما أجاب على سؤال مذيعة البي بي سي (هل كنتم تحولون مدخراتكم عبر القنوات الرسمية أثناء عملكم بدولة الأمارات؟) كان السؤال بعد قتل الطيار جرجس ورجل الأعمال مجدي، فكانت إجابته (لم أكن أحول مدخراتي بالقنوات الرسمية .. لكن، حينها، لم يكن التعامل مع السوق الموازي جريمة).
فــ .... ما تفكوا كلامكم في السهلة.
|
Post: #30
Title: Re: في الخرطوم اليوم : إرتفاع جنوني في سعر الدولار!
Author: doma
Date: 03-22-2011, 07:45 AM
Parent: #29
الحاصل انه بقرب انقطاع عائدات البترول والتي شكلت المصدر الرئسي للعمله الحره وعضم ظهر اقتصاد الانقاد والنفخه الكاذبه
والتي خرجت من خزينه الدوله الي جيوبهم راسا في شكل شركاتهم التي نفذت المشاريع ذات التكلفه العاليه
وعن الجوده لا تعليق البته
اضافه لهروب راس المال الي خارج السودان قبل استفتاء الجنوب
حيث عمل معظم اصحاب الاستثمارات علي شراء الدولار خارج السودان وتخزينه في الحسابات الخارجيه
و دفع المقابل بالعمله المحليه والتي قريبا لن تساوي ورق التوليت.
اها الجماعه بقوا يطبعوا ورق جنيهات سودانيه دون غطاء .
وفاكرين نفسهم الدولار الامريكي الذي مهما فقد من قيمته الحقيقه برضو سيد الموقف كعمله عالميه
|
Post: #31
Title: Re: في الخرطوم اليوم : إرتفاع جنوني في سعر الدولار!
Author: Elawad Eltayeb
Date: 03-22-2011, 09:44 AM
Parent: #30
| Quote: في الخرطوم اليوم : إرتفاع جنوني في سعر الدولار! |
شكرا لك أخي ولجميع المتداخلين.
بالإضافة للوضع الاقتصادي المتردي، وفساد الدولة المشهود له بتقارير المراجع العام، وعدم وجود أي أمل في المساءلة والشفافية والمعالجة، إلخ،
فإن هذا الارتفاع في أسعار العملات الأجنبية وقلة المعروض منها مؤشر للوضع السياسي الغير مستقر.
والمشكلة أن هذا التدهور يتردى من سيئ إلى أسوأ فيما يشبه الانهيار، خاصةً في ظل التوقعات التي لا تنبئ بأي بوادر لانفراج سياسي قادم في الأفق.
وجود نظام الإنقاذ نفسه يمثل عبء إقتصادي كبير على كاهل الوطن، ذلك أن إستمرارية النظام مبنية على إستراتيجية ("توزيع الثروة وتقسيم السلطة" - الذي يشمل فقط من يحملون السلاح في وجه النظام)، وليس بناءاً على مفاهيم (الحكم الرشيد) الذي يؤسس على الإعتراف بالآخر والمشاركة والمساواة والشفافية والمساءلة إلخ. هذه المفاهيم التي تتيح للوطن تفعيل أدوات جديدة في الإنجاز الحقيقي طويل الأجل (وليس نظام أمسك لي وأقطع ليك الحالي) تنبني على ال Synergy وإحتساب التنوع Diversification كميزة أساسية للبلد، يمكن أن تدفع بها إلى مصاف الدول القيادية بدلاً من أن تكون سبباً في المشاكل والتفرقة. الحل الوحيد هو في التخلص الإستراتيجي من عبء نظام الإنقاذ. وإلاّ سنبقى في هذه الدائرة المفرغة للنظام حتى نرتطم بالواقع المرير من التفتت.. بعد فوات الأوان.
|
Post: #32
Title: Re: في الخرطوم اليوم : إرتفاع جنوني في سعر الدولار!
Author: محمد عمر الفكي
Date: 03-22-2011, 07:10 PM
Parent: #31
احدالزعماء الافارقة ناس البوليس قامو بثورة عليهو طبع ليهم ورقة نقدية واحدة فئة من عملة البلد ومقداره 2.5 مليون اي والله وحكمة ربنا نها بتساوي دولار واحد ولا تكفي لشراء كباية شاي في ذلك البلد السعيد كسوداننا والذي ان استمرت حكومة الصحابة المطهرين في حكمه الى ما بعد يوليو فلن نستغرب من ظهور تلك العملة عندنا.
|
Post: #33
Title: Re: في الخرطوم اليوم : إرتفاع جنوني في سعر الدولار!
Author: ASHRAF MUSTAFA
Date: 03-22-2011, 09:26 PM
Parent: #32
محمد عبد المطلب
سلامات ومشتاقين
يعني نبدأ نخزن ولا شنو؟
الغريبة الأسعار بالإسترليني ما إتغيرت عند التحويل للدولار
وده خبر كويس معانا وباسطة كمان
لكنها تتغير بسرعة في السودان..السبب شنو؟؟
|
Post: #34
Title: Re: في الخرطوم اليوم : إرتفاع جنوني في سعر الدولار!
Author: Dr. Ahmed Amin
Date: 03-22-2011, 10:49 PM
Parent: #33
ما ذكر في جريدة الصحافة اليوم :
Quote: المركزي يؤكد تواصل انخفاض سعر الدولار
الخرطوم: الصحافة: اكد بنك السودان المركزي استمرار السعر التأشيري للدولار في الانخفاض على لائحة اسعار البنك المركزي، حيث سجل السعر التأشيري للدولار لليوم الثلاثاء 2.80 (جنيهين وثمانين قرشا) منحدرا من 2.85 الخميس الماضي.
ويعتزم البنك المركزي، حسب نشرة صحفية له امس، زيادة ضخ العملات الاجنبية للمصارف والصرافات خلال الفترة المقبلة، بسبب تحسن موقف النقد الاجنبي بفضل تحسن اسعار النفط وارتفاع كميات الذهب المصدرة بواسطة البنك المركزي وشركات تصدير الذهب التي تبيع الى البنك المركزي حصيلة هذه الصادرات من النقد الاجنبي.
وتوقع البنك المركزي ان يستمر سعر الصرف في الهبوط كنتيجة طبيعية للوفرة المتوقعة بفعل الضخ المتزايد للمصارف والصرافات وتحسن موقف النقد الاجنبي بالبنك المركزي.
|
http://alsahafa.sd/details.php?articleid=24404#24405
أين الحقيقة ؟؟!!
|
Post: #35
Title: Re: في الخرطوم اليوم : إرتفاع جنوني في سعر الدولار!
Author: احمد محمد بشير
Date: 03-22-2011, 10:54 PM
Parent: #34
سألت احد الإخوة عن الاسعار و عن هذه الارتفاعات التى بلغت 3.50 , قال:
فعلا كانت هنالك زيادات والآن إنخفض الى اقل من ال 3 جنيهات.
|
Post: #36
Title: Re: في الخرطوم اليوم : إرتفاع جنوني في سعر الدولار!
Author: Mohamed Abdelmotalib Hassan
Date: 03-22-2011, 11:20 PM
Parent: #35
السعر لا زال يواصل إرتفاعه ، حسب تحويل تم صباح اليوم.
|
Post: #37
Title: Re: في الخرطوم اليوم : إرتفاع جنوني في سعر الدولار!
Author: Dr. Ahmed Amin
Date: 03-23-2011, 09:05 PM
Parent: #36
| Quote: السعر لا زال يواصل إرتفاعه ، حسب تحويل تم صباح اليوم. |
إتصلت السودان قبل قليل مع بعض الأصدقاء ..
وقد أخبروني بأن الأسعار لم تزيد عن 3300 الأ قليلاً ..
الكلام ده كيف ؟؟ يعني نصبر شوية .. ولا كيف يا محمد ؟؟
|
Post: #38
Title: Re: في الخرطوم اليوم : إرتفاع جنوني في سعر الدولار!
Author: Mohamed Abdelmotalib Hassan
Date: 03-24-2011, 03:08 PM
Parent: #37
Quote:
الكلام ده كيف ؟؟ يعني نصبر شوية .. ولا كيف يا محمد ؟؟ |
يا دكتور،،،
مع الصبر عايز ليك شوية تكتيك جاهز كده ، يعني خلي قروشك جاهزة ، لما نديك
الإشارة إنو وصل أربعة من محلك وطوالي على السودان تبدل قروشك وترجع تاني يوم.
لأنو واضح إنو القصة عاملة زي بحر الدميرة ، يوم في السما وتاني يوم في الواطة.
وياهو ده السودان!!!
|
Post: #39
Title: Re: في الخرطوم اليوم : إرتفاع جنوني في سعر الدولار!
Author: Mohamed Abdelmotalib Hassan
Date: 03-26-2011, 09:43 PM
Parent: #38
وعلى صعيدِ متصل :
Quote: أكبر شبكة متخصصة في الدولار الأسود بقبضة السلطات
الخرطوم: عبدالرحمن حنين
تمكنت إدارة الأمن الاقتصادي من ضبط أكبر شبكة إجرامية متخصصة في الدولار الأسود وبحوزتها معدات وأدوات الجريمة.
وتعود تفاصيل الحادث إلى أن الشبكة وبواسطة أحد أفرادها الأجانب قد حاولت الاحتيال على رجل أعمال مشهور، حيث أوهمته بأن بإمكانه الحصول على «3» ملايين دولار، شريطة أن يدفع مبلغ 75 ألف دولار لشراء مادة كيميائية لغسل الدولار الأسود، ليتحول إلى دولار حقيقي.
وكان رجل الأعمال قد اتصل بجهاز الأمن الاقتصادي الذي نصب كميناً تم بموجبه ضبط الشبكة وبحوزتها أدوات الجريمة.
وأعرب مسؤول رفيع بالأمن الاقتصادي عن قلقه من تفشي ظاهرة الاحتيال من تنزيل ونحوه من قبل بعض المجرمين الوافدين من دول إفريقية مشهورة في هذا المجال، داعياً المواطنين إلى أخذ الحيطة والحذر وعدم التعامل مع الدجالين والمجرمين.
|
http://www.alwatansudan.com/index.php?type=3&id=24604&bk=1
|
Post: #40
Title: Re: في الخرطوم اليوم : إرتفاع جنوني في سعر الدولار!
Author: Mohamed Abdelmotalib Hassan
Date: 03-26-2011, 09:47 PM
Parent: #39
تلقيت عدد مهول جداً من الرسائل تستفسر عن آخر سعر للدولار ، على ذلك سأحاول متابعة السعر لحظة بلحظة والإفادة ما أمكن ذلك ، وأرجوا المعذرة إذا لم إتمكن من ذلك على وجه السرعة............
|
Post: #41
Title: Re: في الخرطوم اليوم : إرتفاع جنوني في سعر الدولار!
Author: هشام المجمر
Date: 03-26-2011, 09:57 PM
Parent: #40
يا فرانكلى
سلام
لا تطالب المغتربين ان بحولوا اموالهم عبر القنوات الرسمية فأهلهم هناك لا يشترون السلع من سوق الحكومة بل من سوق الله واكبر الذى يحسب الدولار بسعره الموازى لا الرسمى.
|
Post: #42
Title: Re: في الخرطوم اليوم : إرتفاع جنوني في سعر الدولار!
Author: صبري طه
Date: 03-26-2011, 10:42 PM
Parent: #41
| Quote: فوق لحد ما نشوف المجنون ده ماشي لوين!!!!! |
ماشي زي القذافي 
|
Post: #43
Title: Re: في الخرطوم اليوم : إرتفاع جنوني في سعر الدولار!
Author: أبو الحسين
Date: 03-27-2011, 09:19 AM
Parent: #42
| Quote: تلقيت عدد مهول جداً من الرسائل تستفسر عن آخر سعر للدولار ، على ذلك سأحاول متابعة السعر لحظة بلحظة والإفادة ما أمكن ذلك ، وأرجوا المعذرة إذا لم إتمكن من ذلك على وجه السرعة............ |
ليك أجر المُناوَلَة والمتابعة يا اخوي...
|
Post: #44
Title: Re: في الخرطوم اليوم : إرتفاع جنوني في سعر الدولار!
Author: Dr.Mohammed Ali Elmusharaf
Date: 03-27-2011, 11:12 AM
Parent: #43
التحية للجميع
حولت الدرهم اليوم بــ 925
|
Post: #45
Title: Re: في الخرطوم اليوم : إرتفاع جنوني في سعر الدولار!
Author: Dr. Ahmed Amin
Date: 03-27-2011, 05:21 PM
Parent: #44
| Quote: حولت الدرهم اليوم بــ 925 |
دكتور ود المشرف والله لكن ده رقم قياسي ...
شكرا على المعلومة الهامة جدا .. عشان ما ندقس ..
نشوفك غدا في السمنار ...
|
Post: #46
Title: Re: في الخرطوم اليوم : إرتفاع جنوني في سعر الدولار!
Author: Frankly
Date: 03-27-2011, 05:41 PM
Parent: #41
سلام يا هشام
وساقية جحا تشيل من البحر وترمي البحر
التجّار ديل ذاتهم هم من يشتري تحويلات المغتربين (العملة الصعبة من تجّار العملة) عشان يشتروا بيها بضاعة جديدة ونسبة لزيادة التكاليف الناتجة من زيادة سعر العملة الصعبة يضعوا الزيادة على المنتج ويقوم يشتريها الزول الحوّل عملته الصعبة بأضعاف أضعاف سعرها
هو لم يضر نفسه فحسب بل يضر أحمد وإسحق وأدروب وتيّة الماعندهم مغتربين زيّكم كدا
ديل طبعاً يا هشام أنت أصلاً ما خاتيهم في الحسبة وشايف التضحية بيهم جائزة وما فيها شي,
ياكلوا نارهم (هم أصلاً القال ليهم منوا ما يرسّلوا أولادهم يغتربوا برّه عشان يرسلوا ليهم العملة الصعبة ليحولوها في السوق الموزاي)
|
Post: #47
Title: Re: في الخرطوم اليوم : إرتفاع جنوني في سعر الدولار!
Author: Dr. Ahmed Amin
Date: 03-28-2011, 08:59 PM
Parent: #46
صديق حول اليوم من الإمارات بسعر 936 درهم
|
Post: #48
Title: Re: في الخرطوم اليوم : إرتفاع جنوني في سعر الدولار!
Author: اميرة السيد
Date: 03-28-2011, 10:02 PM
Parent: #47
سعر صرف الدولار ومن مصدر موثوق لأنه تاجر عملة وبتصريح رسمي وصل اليوم 3 جنيه وستين قرشا وان التوقعات أن يرتفع السعر بعد يوم 9 يوليو القادم لأسباب منها فتح باب العمرة والحج وانفاصال دولة الجنوبية حيث ان المصرفيين يتوفعون وصول سقف السعر إلى 4 جنيهات للدولار الواحد.. وطبعا معنى هذا غلاء في جميع اسعار المواد الأساسية المستوردة من الخارج
|
Post: #49
Title: Re: في الخرطوم اليوم : إرتفاع جنوني في سعر الدولار!
Author: Mohamed Abdelmotalib Hassan
Date: 03-29-2011, 01:12 AM
Parent: #48
Quote:
ودا كله بفسر ليكم شنو يا محمد عبد المطلب يا بني ؟؟
انهيار انهيار تام
بس الشعب الداقس دا لسع داقس لما يلقي نفسوا في المقابر .
Economic Bubble Blast |
يا دومه
السودان ياهو حالو ، وحيظل علي نفس الحال ، البلد الوحيدة الما بمشي فيها قانون العرض والطلب ، السلعة معروضة أكتر وسعرها يزيد ، الطلب يزيد علي سلعة وسعرها ينقص ، والبلد الوحيدة لو حصلت زيادة في أي سلعة لي أسباب معينة يستحيل تاني سعرها ينزل حتى ولو زالت الأسباب.
هو لقي مقابر وأباها؟
بس إنتي حولي الينات دي لي دولار ، إشتري وخزني بس ، طلعي التحت البلاطة يا دومه!!!
|
Post: #50
Title: Re: في الخرطوم اليوم : إرتفاع جنوني في سعر الدولار!
Author: Mohamed Abdelmotalib Hassan
Date: 03-29-2011, 01:15 AM
Parent: #49
Quote:
شكرا لك أخي ولجميع المتداخلين.
فإن هذا الارتفاع في أسعار العملات الأجنبية وقلة المعروض منها مؤشر للوضع السياسي الغير مستقر. |
شكراً،،،،،
الدولار هو حاله منذ زمن بعيد ، في زيادة مستمرة ، ما وجد سماسرة العملة وإلا إرتفع سعره ، سواء إستقر الوضع السياسي أم لم يستقر.
|
Post: #51
Title: Re: في الخرطوم اليوم : إرتفاع جنوني في سعر الدولار!
Author: Mohamed Abdelmotalib Hassan
Date: 03-29-2011, 01:20 AM
Parent: #50
Quote:
محمد عبد المطلب
سلامات ومشتاقين
يعني نبدأ نخزن ولا شنو؟
الغريبة الأسعار بالإسترليني ما إتغيرت عند التحويل للدولار
وده خبر كويس معانا وباسطة كمان
لكنها تتغير بسرعة في السودان..السبب شنو |
يا أشرف مصطفي
أولاً : اللهم صلي وسلم على سيدنا محمد عليه أفضل السلام
وأتم التسليم.
كيف الحال
بالأكتر ، كيف عامل؟
أيواااااااااا ، نفس النصيحة لي دومة ، إشتري وخزن ، لحدي
عيد الفطر القدامنا ده طوالي على السودان وغير قروشك
ودبر حالك!!!
الإسترليني ده ما تركز عليهو كتير ، أبو صلعة بس!!!
|
Post: #52
Title: Re: في الخرطوم اليوم : إرتفاع جنوني في سعر الدولار!
Author: Dr.Mohammed Ali Elmusharaf
Date: 03-29-2011, 04:52 AM
Parent: #51
الحبيب د/ احمد امين
الف تحية ومحبة
عندك فكرة السعر اليوم عمل كم
|
Post: #53
Title: Re: في الخرطوم اليوم : إرتفاع جنوني في سعر الدولار!
Author: Dr. Ahmed Amin
Date: 03-29-2011, 11:00 AM
Parent: #52
Quote: الحبيب د/ احمد امين
الف تحية ومحبة
عندك فكرة السعر اليوم عمل كم |
تحياتي يا دكتور ...
عند دكتور معتصم النور الخبر اليقين ...
أتوقع اليوم بين 935 و 940
|
|