Post: #1 Title: نـــداء ثورة 21 مارس لأصحاب الحافلات والعربات الخاصة Author: عبدالحافظ سعد الطيب Date: 03-15-2011, 01:07 PM Parent: #0
نــــــداء لأصحاب المواصلات العامة والعربات الخاصة تضامنا مع الشعب السودانى تضامناً مع ابنائكم وبناتكم من اجل رحيل هذا النظام الذى سيبدأ يوم الأثنين 21/مارس
أن لاتحركوا سيارتكم من اماكنها وسيذكر التاريخ لكم هذا
قبل الوصول الى ميــــــــــــــــــــــــدان الخلاص المقترح إحتلالة والمقترح تسميته
أقترح على كل فصائل التغير الشبابية وضع المتاريس على الشوارع الرئيسية واحتلالها
شارع الصحافة زلط الصحافة شرق شوارع جبرة شوارع أركويت شارع الكلاكلة العام الشجرة مايو عدحسين الوزير دقس الثورات شارع الشنقيطى حتى الحارات الجديدة شارع النص حتى الحارات الجديدة شارع الوادى حتى وادى سيدنا وودالبخيت شوارع الحاج يوسف شوارع الفتيحاب وضرورة التواصل مع بعضهم وسيجدون الكيفية فقط أحتلوا الشوارع ولانريد مصادمة السلطة حتى تبدأ هي وسوف تاتى مرحلة التجميع وهذا ينطبفق على كل المدن
سنواصل أوصلوا هذا النداء
Post: #2 Title: Re: نـــداء ثورة 21 مارس لأصحاب الحافلات والعربات الخاصة Author: Tabaldina Date: 03-15-2011, 01:38 PM Parent: #1
.. ,
Quote: أقترح على كل فصائل التغير الشبابية وضع المتاريس على الشوارع الرئيسية واحتلالها
-------
اها وبعد ما الحافلات اعتصمت وما اتحركت لميدان (الاحتلال) ناس الكلاكلة وامبدة والحتانه ومايو يعسكروا قدام بيوتهم ويشربوا شاى باللقيمات ولا ياخدوها كدارى ويجوا يريحوا فى ابوجنزير ؟؟
Post: #3 Title: Re: نـــداء ثورة 21 مارس لأصحاب الحافلات والعربات الخاصة Author: Hussein Mallasi Date: 03-15-2011, 01:52 PM Parent: #2
و الحال كذلك .. فصائل التغيير الشبابية دي تصل كيف للشوارع الرئيسية لا حتلالها؟!!
Post: #4 Title: Re: نـــداء ثورة 21 مارس لأصحاب الحافلات والعربات الخاصة Author: b_bakkar Date: 03-15-2011, 02:07 PM Parent: #3
احصروهم وأقعدوا لهم كل مرصد
الزحف من الأطراف إلى المركز
ومن المركز إلى الأطراف في نفس الوقت
سيأتيهم من كل صوب
ومن حيث لا يحتسبون
شيئا فشيئا
حتى تستوي على الجودي
Post: #5 Title: Re: نـــداء ثورة 21 مارس لأصحاب الحافلات والعربات الخاصة Author: Tabaldina Date: 03-15-2011, 02:15 PM Parent: #4
.. .
Quote: الزحف من الأطراف إلى المركز ومن المركز إلى الأطراف في نفس الوقت
يا راجل .. يعنى شتتهم .. كدى حاول اتخيل معاى (ميدان التحرير) !!
-------
انتو بتكتبو الكلام دا بتفكير ولا خم سااى وونسه.. كأننا تجم ..
Post: #24 Title: Re: نـــداء ثورة 21 مارس لأصحاب الحافلات والعربات الخاصة Author: احمد محمد بشير Date: 03-19-2011, 09:32 PM Parent: #5
Post: #6 Title: Re: نـــداء ثورة 21 مارس لأصحاب الحافلات والعربات الخاصة Author: Hussein Mallasi Date: 03-15-2011, 02:21 PM Parent: #4
Quote: احصروهم وأقعدوا لهم كل مرصد الزحف من الأطراف إلى المركز ومن المركز إلى الأطراف في نفس الوقت سيأتيهم من كل صوب ومن حيث لا يحتسبون شيئا فشيئا حتى تستوي على الجودي
ما فضل ليهو إلا يكورك: دقت ساعة العمل .. دقت ساعة الزحف .. دقت ساعة الانتصار .. ثورة .. ثورة .. ثورة!
_____ كان أخير بتاع الحافلات أعلاه!
Post: #7 Title: Re: نـــداء ثورة 21 مارس لأصحاب الحافلات والعربات الخاصة Author: Tabaldina Date: 03-15-2011, 02:27 PM Parent: #6
.. . وانظر ماذا كتب صاحب البوست
Quote: وسوف تاتى مرحلة التجميع وهذا ينطبفق على كل المدن
وكأنه يمسك بمكعب ( روبيك )
--------
هلا _ تأملت _ مرة اخرى فى ( فى نفس الوقت ) التى كتبها بكار ..
Post: #8 Title: Re: نـــداء ثورة 21 مارس لأصحاب الحافلات والعربات الخاصة Author: Hussein Mallasi Date: 03-15-2011, 03:40 PM Parent: #7
Quote: الزحف من الأطراف إلى المركز و من المركز إلى الأطراف في نفس الوقت.
ما يا تبدلدينا عشان يتلاقوا في مواقف المواصلات الخالية من الحافلات؛ و القصة تجوط؛ و الحكومة تنقلب؛ ثم تستوي الأمور على الجودي و كدا.
Post: #9 Title: Re: نـــداء ثورة 21 مارس لأصحاب الحافلات والعربات الخاصة Author: محمد حسن العمدة Date: 03-15-2011, 04:04 PM Parent: #8
اي عمل غير مدروس ح تكون نتائجه وخيمة
من قبل في 30 يناير قلنا ان شارع القصر كمكان للتجمع حكم مسبق بالفشل
تاني بنقول لا بد قبل اي تحرك توزيع اكبر قدر من المنشوارت التي توضح فساد النظام لسواقين الحافلات وللمواطن في البيت وفي سوق الخضار وفي المكتب وفي الجامعة ولي ست البيت ولكل مواطن سوداني ..
الناس بتتعامل مع نظام غير اخلاقي و######## عشان كدا التعامل معاهو يكون بحجم المسئولية بتاعين الحافلات ديل ما ليهم اي دور والدور الوحيد انهم عنصر ايجابي بيساعدو الناس يطلعو من بيوتهم ويصلو ليكم
لو القصد انو الناس ما تصل مكان عملها اعملو التظاهر ليلا ودا افضل بكتير
الزول لو عاوز يشارك في التظاهر ما بمنعو عمل ولا غيره لكن كيف انت كمنظم تخليهو يكون مؤمن بقضيتو الح يطلع عشانا لانو في طلوعو دا ممكن يخاطر بحياته وما في اي انسان بيخاطر بحياته من اجل قضية هو ما عارفة شنو وعشان شنو
مليون مرة عامل التوعية والتعبئة مهم جدا ...
التخطيط السليم والمدروس هو 90 % من نجاح اي عمل ..
غير كدا الناس تنتظر زيادة الاسعار الجاية واستشعار اي مواطن لخطر استمرار النظام علي حياته شخصيا
Post: #10 Title: Re: نـــداء ثورة 21 مارس لأصحاب الحافلات والعربات الخاصة Author: Hussein Mallasi Date: 03-16-2011, 02:40 AM Parent: #9
Quote: تاني بنقول لا بد قبل اي تحرك توزيع اكبر قدر من المنشوارت التي توضح فساد النظام لسواقين الحافلات وللمواطن في البيت وفي سوق الخضار وفي المكتب وفي الجامعة ولي ست البيت ولكل مواطن سوداني ..
Post: #11 Title: Re: نـــداء ثورة 21 مارس لأصحاب الحافلات والعربات الخاصة Author: Hussein Mallasi Date: 03-16-2011, 02:47 AM Parent: #10
واحد قال المواصلات تقيف؛ متكفلاً بإعاشة أسر أصحاب الحافلات و سائقيها؛ و التاني قال الجوة يمرق و البرة يدخل؛ و جا التالت قال يوزعوا منشورات لكل مواطن سوداني لتوضيح فساد الإنقاذ .. فتامل!
Post: #12 Title: Re: نـــداء ثورة 21 مارس لأصحاب الحافلات والعربات الخاصة Author: Mohamed Yassin Khalifa Date: 03-16-2011, 03:29 AM Parent: #11
Quote: دقت ساعة العمل .. دقت ساعة الزحف .. دقت ساعة الانتصار .. ثورة .. ثورة .. ثورة!
نعم هي ثورة نابعة من إرادة الشعب وعزيمته من أجل التغيير
Post: #13 Title: Re: نـــداء ثورة 21 مارس لأصحاب الحافلات والعربات الخاصة Author: صلاح عباس فقير Date: 03-16-2011, 03:53 AM Parent: #12
Quote: فقط أحتلوا الشوارع ولانريد مصادمة السلطة!
!!!
مع تقديري لكل عمل وطني!
!!!
لكن ...
!!!
Post: #14 Title: Re: نـــداء ثورة 21 مارس لأصحاب الحافلات والعربات الخاصة Author: Tabaldina Date: 03-16-2011, 06:31 AM Parent: #13
.. .
Quote: حسين الهرجلة دي فوق شنو.. وتمنها كم؟
_رغم ان السؤال موجه لحسين _ بس فى ذمتك الهرجلة من حسين ولا من منظرين المظاهرات التقول الواحد ماسك بيلى استيشن ديل .. او قاعد فى قهوة المواردى..
-------
محمد يس خليفة .. اسمك لايق بوزارة فى المرحلة القادمة
Post: #15 Title: Re: نـــداء ثورة 21 مارس لأصحاب الحافلات والعربات الخاصة Author: محمد أبوالعزائم أبوالريش Date: 03-16-2011, 06:37 AM Parent: #14
Quote: _رغم ان السؤال موجه لحسين _
يعدّل إلى: حسين وتبلدينا .. الهرجلة دي فوق شنو .. وتمنها كم؟
Post: #16 Title: Re: نـــداء ثورة 21 مارس لأصحاب الحافلات والعربات الخاصة Author: Tabaldina Date: 03-16-2011, 06:50 AM Parent: #15
.. .
Quote: يعدّل إلى: حسين وتبلدينا .. الهرجلة دي فوق شنو .. وتمنها كم؟
عايز تهرج معانا هرجل ما عايز ما تسئ ..
---------
طوال سنوات احترمك فى التعامل وما حصل اسمعتك ما لا يق .. ولست انا من يقبض ثمنا لاى موقف كان .. يا تحترم نفسك .. يا تقعد فى الكنبه الاولى ومطبق يدينك فاهم يا شاطر ..
Post: #17 Title: Re: نـــداء ثورة 21 مارس لأصحاب الحافلات والعربات الخاصة Author: عبدالحافظ سعد الطيب Date: 03-16-2011, 07:55 AM Parent: #13
بيكون ذيك مهموم بنجاح الثوره التى تراكمت كل أسبابها من المفيد لكل الناس أن تتناقش قضايا الثوره على هذا الفضاء لتداولها والكل مشارك فى نجاحها والكل قائد لها والكل منظم لها لأن الكل مهمومم الكل حارقاهو الجمره
Quote: اي عمل غير مدروس ح تكون نتائجه وخيمة
ماذا بعد أن تغتصب النساء ماذا بعد أن تنهك كرامة الأنسان ماذا بعد تأخذ روح أعز الناس إليك هل هنالك فعل أكبر من ذلك تبشر به ياصديقى نحن داخل المعركة داخل التجريب منذ الأنقلاب مرورا بحمل السلاح والدخول فى الحوار مع هذا الحزب الكاذب الذى أهدر زمن الشعب تأكد أننا لن نحبط ولانساهم فى أحباط الشعب وإلا نكون مثقفى خائنين لقضايا شعوبنا بعلم او بدون والبدون أمثال المعمعمين مأذومى الأسلاعروبيه
Quote: بتاعين الحافلات ديل ما ليهم اي دور
ليهم دور وأنت ليك دور والمعمعمين مثقفى السلطة ليهم هنا دور وبره بتلاقيهم المستفيدين من بذة الفساد ولولا أهمية دور الأضراب فى شل حركة دولاب الدولة لما تهجس أصحاب العمامات المتسخة مدنى الكاملين القضارف كوستى بورتسودان الفاشر الجنينة نيالا الأبيض عطبرة شندى أمدر كل الشوارع ست والصحافات الحاج يوسف الكلاكلات مايو الوزير دقس
الخرطوم السنتر ماجينو لاشارع قصر لاميدان أبوجنزير
محمد حسن العمدة / ساهم بالفعل الأيجابى ولا اشكك فى انك تفعل الأضراب جزء من الأدوات التى ترهب النظام ده مرحلة متقدمة
Quote: لو القصد انو الناس ما تصل مكان عملها اعملو التظاهر ليلا ودا افضل بكتير
فى الصبح والليل والنهار ومقترحك جميل بصب فى الفعل الأيجابى للثورة
Post: #18 Title: Re: نـــداء ثورة 21 مارس لأصحاب الحافلات والعربات الخاصة Author: عبدالحافظ سعد الطيب Date: 03-19-2011, 05:49 AM Parent: #17
قف وكن شرارة قف وهى الخطوة الأولى يوم الأثنين 21/مارس تأكد أنت الخلاص
Post: #19 Title: Re: نـــداء ثورة 21 مارس لأصحاب الحافلات والعربات الخاصة Author: رامي إبراهيم أحمد Date: 03-19-2011, 07:05 AM Parent: #18
Quote: التخطيط السليم والمدروس هو 90 % من نجاح اي عمل ..
الإثنين 28 مارس - السبت 9 أبريل 2001 م إمتحانات الشهادة السودانية ..
عدد الجالسين 428 ألف و 357 طالباً وطالبة ..
Post: #20 Title: Re: نـــداء ثورة 21 مارس لأصحاب الحافلات والعربات الخاصة Author: بشير أحمد Date: 03-19-2011, 07:40 AM Parent: #19
Quote: نــداء لأصحاب المواصلات العامة والعربات الخاصة تضامنا مع الشعب السودانى تضامناً مع ابنائكم وبناتكم من اجل رحيل هذا النظام الذى سيبدأ يوم الأثنين 21/مارس
أن لاتحركوا سيارتكم من اماكنها وسيذكر التاريخ لكم هذا
طيب الثُوار ديل يجوا كداري من بيوتهم؟
Quote: احصروهم وأقعدوا لهم كل مرصد
الزحف من الأطراف إلى المركز
ومن المركز إلى الأطراف في نفس الوقت
دي قلوتية ولاّ شنو ؟ ناس تجي كداري وسط الخرطوم ؛وناس ترجع اطراف الخرطوم برضو كداري
غايتو... ساقية جحا تشيل من البحر وتكب في البحر.
________ بشير احمد ؛ حقي اندفع عجين .
Post: #21 Title: Re: نـــداء ثورة 21 مارس لأصحاب الحافلات والعربات الخاصة Author: عبدالحافظ سعد الطيب Date: 03-19-2011, 08:52 AM Parent: #20
b_bakkar
Quote: الزحف من الأطراف إلى المركز سيأتيهم من كل صوب ومن حيث لا يحتسبون
شدو الهمة يابحرية شدو الهمة
Mohamed Yassin Khalifa
Quote: نعم هي ثورة نابعة من إرادة الشعب وعزيمته من أجل التغيير
دون شك محمد يس ثورة حتى النصر
محمد أبوالعزائم أبوالريش رامي إبراهيم أحمد
مزيدا من الدفع ومؤازرة الثورة سيأتى يوم الخلاص دون شك لكم التحية
Post: #22 Title: Re: نـــداء ثورة 21 مارس لأصحاب الحافلات والعربات الخاصة Author: د.نجاة محمود Date: 03-19-2011, 09:07 AM Parent: #21
Quote: التي توضح فساد النظام
العمة الحاصل دا ما عايز كتابة بتاع الحافلة دا سايق 12 ساعة في اليوم عارف اي حاجة حصالة في البلد بحكم احتكاكه باكبر عدد من الناس
يعني ما محتاج لتوعية ولا الشعب ذاتو جاهل بالبحصل
الشعب عنده اكتئاب وما عايز يتحرك والسؤال الدائم
اها قلبوها منو الحبجو؟
Post: #23 Title: Re: نـــداء ثورة 21 مارس لأصحاب الحافلات والعربات الخاصة Author: Ahmed musa Date: 03-19-2011, 09:23 PM Parent: #9
Quote: اي عمل غير مدروس ح تكون نتائجه وخيمة
أهو في واحد عاقل ظهر ..!!!
أتوقع النداء القادم كالآتي :
نـــداء ثورة 21 مارس لستات الشاي والقهوة وفي متنه : إخلطو في هذا اليوم الشاي بالقهوة لجهجة الحكومة أو أعملوا أي حاجة غريبة فالمرحلة فعلاً غريبة ..!!!
Post: #25 Title: Re: نـــداء ثورة 21 مارس لأصحاب الحافلات والعربات الخاصة Author: abdelrahim abayazid Date: 03-19-2011, 10:07 PM Parent: #23
في فرق بين الناس تخرج في مظاهرة او تخرج تمشي الكورة لكن بتذكر في ايام الانتفاضة كنا بنطلع من الصحافة الي منتصف الخرطوم كداري الي ان وصلنا سجن كوبر في 6 ابريل 85 ومن امدرمان اتي المتظاهرين راجلين نساءا ورجالا يوميا من يوم 21 الي اقتلاع النظام في 6 ابريل الدافع كان نفس الدافع الشعور بالكبت والظلم ولا يعني هذا ان هذه الحركة سوف تودي الي اقتلاع النلظام الان لكنها حركة نجحت من الان في ارعابه وجعلته يستعد لهذا اليوم وفي السودان الواسع ده ما عاجبها اي حد لا احزاب ولا معارضة ولا تغيير ولا تدري انها او تدري انها تخدم في الجلادين بانتقادها السالب
ولنعمل جميعا من اجل اسقاط النظام دون تقليل من مجهودات بعضنا سوي كانت في حجم العمل او حلم التغيير والي ان تحيين ساعة التغيير يكون شعارنا النصر او القبر
Post: #26 Title: Re: نـــداء ثورة 21 مارس لأصحاب الحافلات والعربات الخاصة Author: بهاء الدين سليمان Date: 03-19-2011, 10:28 PM Parent: #25
أنا أتمنى أن يحدث التغيير ولكن أعتقد أن السودانيين اصبحوا فى أكل عيشهم .... يعنى جوع ومرض وفقر وقمع ومعاناة فى القفة بتاعت الخضار ... ويقولك انا عندى ايتام بربى فيهم واليقولك أنا عندى مسئولية واليقولك يا خى انامالى ومالهم ... والخائفين ... الجبن يا عزيزى عشعش جوانا ... خوف شديد ... البمبان بيفرتقم والعصايات بتخليهم يجروا ... عن أى شعب أنت تتحدث ... عن شعب صبر لأكثر من عشرون عاما ؟؟؟؟ ده كان زمان ... لمن جدودنا صحى صحى وصونا على الوطن على التراب الغالى الماليهو تمن ... المصلحة بقت هى الاساس ... أبيعك لو بكرة لقيت وظيفة مع ناس الجبهة ارتاح وأريح أهلى ... ده الحاصل .. نفاق ... خداع ... غش .. كضب ... للأسف ... يا حليل السودان والسودانيين
Post: #27 Title: Re: نـــداء ثورة 21 مارس لأصحاب الحافلات والعربات الخاصة Author: حذيفه ابراهيم الكباشي Date: 03-19-2011, 11:03 PM Parent: #26
Quote: واحد قال المواصلات تقيف؛ متكفلاً بإعاشة أسر أصحاب الحافلات و سائقيها؛ و التاني قال الجوة يمرق و البرة يدخل؛ و جا التالت قال يوزعوا منشورات لكل مواطن سوداني لتوضيح فساد الإنقاذ .. فتامل!
المشكلة كلهم رابطين مكنة القيادة
بالطريقة دي حتكون في ازمة في المنفذين لأنهم كلهم مخططين وقادة لازم يكونوا موجودين في
غرفة التحكم
.......
Post: #28 Title: Re: نـــداء ثورة 21 مارس لأصحاب الحافلات والعربات الخاصة Author: عبدالحافظ سعد الطيب Date: 03-20-2011, 05:45 AM Parent: #27
شباب في مقتبل العمر عذبوا حتى الموت فما ضعفوا ولا وهنوا وذهبت أرواحهم فداءً لهذا الوطن
لي يوم بحين احفض كرامتك تحفضك .. الموت ولا العيش المهين
الموت نفاد الما نفد .. الموت حياة الميتين
Ahmed musa
bdelrahim abayazida
Quote: ومن امدرمان اتي المتظاهرين راجلين نساءا ورجالا يوميا من يوم 21 الي اقتلاع النظام في 6 ابريل الدافع كان نفس الدافع الشعور بالكبت والظلم
بهاء الدين سليمان
Quote: أنا أتمنى أن يحدث التغيير
شكرا لمروركم شكرا لأنكم ترفعون الهتاف من أجل شعبكم شكرا لأنكم لم تمارسوا فعل قتل الهمم والمروءة
تذكروا ان الذين أذلوا أبناء وبنات هذا الشعب حتى ولو كان بفعل إسباط الهمم ستكون اسماؤهم محفورة فى الذاكرة
بل وستنشر بأنهم خائنون لآوطانهم خائنون للنساء اللائى أغتصبن لنضالهم من أجل التغير خائنون لأبناء الوطن الذين أقتلعت ارواحهم عنوة فى بيوت الأشباح عنوة فى ساحات التظاهر
السلمى سوف يخجل منهم أبنائهم لأفعالهم المشينة للأنسانية
Post: #29 Title: Re: نـــداء ثورة 21 مارس لأصحاب الحافلات والعربات الخاصة Author: احمد محمد بشير Date: 03-20-2011, 11:18 AM Parent: #1
فوووووق · يا أخواننا لموا علينا.. عشان سوداننا الغالي علينا · يا سوداني انت القوة.. وانت شرارة النار الجوة · يا سوداني أنسى الخوف.. خلي غيرك يصحى يشوف · يا سوداني صحي الروح.. الحرية باب مفتوح · يا سوداني عشان اولادك.. سمع كل الدنيا مرادك · ارفع صوتك قول للناس.. نحنا كرهنا الظلم خلاص · ما دايرين تجار الدين · يا شارع الحلة.. ولع عليك الله.. نضف بيوت الله.. · البوليس ما ضد الشعب.. البوليس حيحمي الشعب · يا بوليس ماهيتك كم.. ورطل السكر بقا بي كم.. أصحى وشوف راجنك كم
Post: #30 Title: Re: نـــداء ثورة 21 مارس لأصحاب الحافلات والعربات الخاصة Author: عبدالحافظ سعد الطيب Date: 03-20-2011, 12:50 PM Parent: #29
لي يوم بحين احفض كرامتك تحفضك .. الموت ولا العيش المهين الموت نفاد الما نفد .. الموت حياة الميتين
Post: #31 Title: Re: نـــداء ثورة 21 مارس لأصحاب الحافلات والعربات الخاصة Author: أسامة خلف الله مصطفى Date: 03-20-2011, 01:27 PM Parent: #30
من قصب الغابات
نخرج كالجن لكم.. من قصب الغابات
من رزم البريد، من مقاعد الباصات
من علب الدخان، من صفائح البنزين، من شواهد الأموات
من الطباشير، من الألواح، من ضفائر البنات
من خشب الصلبان، ومن أوعية البخور، من أغطية الصلاة
من ورق المصحف نأتيكم
من السطور والآيات…
فنحن مبثوثون في الريح، وفي الماء، وفي النبات
ونحن معجونون بالألوان والأصوات..
لن تفلتوا.. لن تفلتوا..
فكل بيتٍ فيه ثورى وثورية...
من ضفة النيل إلى البوابة القيومية***
Post: #32 Title: Re: نـــداء ثورة 21 مارس لأصحاب الحافلات والعربات الخاصة Author: Amani Al Ajab Date: 03-21-2011, 02:19 AM Parent: #31
البلد بلدك.. اخرج و طالب بحقك.. شباب من اجل غد افضل لا للفساد، لا للظلم، لا للغلاء، لا للبطالة. نعم للعدالة وكل القيم السماوية الشعب هو البديل. معاً يد بيد يوم غد 21 مارس في تظاهر سلمي وواعي انشر الرسالة إلى معارفك مساهمتك = حريتك
Post: #33 Title: Re: نـــداء ثورة 21 مارس لأصحاب الحافلات والعربات الخاصة Author: Abdlaziz Eisa Date: 03-21-2011, 03:59 AM
عشان التغيير.. عشان باكر يكون أفضل.. عشان الحاجات تبقى كويسة..
Post: #34 Title: Re: نـــداء ثورة 21 مارس لأصحاب الحافلات والعربات الخاصة Author: صديق الموج Date: 03-21-2011, 08:05 AM Parent: #33
اليوم 21 مارس سوف نخرج من كل الميادين الى كل الشوارع من اجل التغيير الان الشرفاء يسدون الطرقات الثورة انطلقت فى اكثر من حى فى العاصمه
Post: #35 Title: Re: نـــداء ثورة 21 مارس لأصحاب الحافلات والعربات الخاصة Author: Hussein Mallasi Date: 03-29-2011, 10:35 PM Parent: #34
Quote: الزحف من الأطراف إلى المركز و من المركز إلى الأطراف في نفس الوقت.
لولا الاقتراح البهلواني أعلاه لربما نجحت الثورة!!
Post: #36 Title: Re: نـــداء ثورة 21 مارس لأصحاب الحافلات والعربات الخاصة Author: عبدالحافظ سعد الطيب Date: 03-30-2011, 06:59 AM Parent: #35
