Post: #1
Title: أعترف أني بقيت ما ناقش أية حاجة في المنبر دا ..
Author: طلحة عبدالله
Date: 03-13-2011, 12:11 PM
فلتمدد الشماتة لسانها أو لترقص عارية ما فرقت
المهم الواحد يكون متصالح مع نفسو ..
موش زي ناس كدا عارفم أنا..
يتبع ....
|
Post: #2
Title: Re: أعترف أني بقيت ما ناقش أية حاجة في المنبر دا ..
Author: عمار عبدالله عبدالرحمن
Date: 03-13-2011, 12:26 PM
Parent: #1
وانا ظاتو زيك ,,,
|
Post: #3
Title: Re: أعترف أني بقيت ما ناقش أية حاجة في المنبر دا ..
Author: عمار عبدالله عبدالرحمن
Date: 03-13-2011, 12:28 PM
Parent: #1
وانا ظاتو زيك ,,,
|
Post: #4
Title: Re: أعترف أني بقيت ما ناقش أية حاجة في المنبر دا ..
Author: طلحة عبدالله
Date: 03-13-2011, 12:34 PM
Parent: #3
وبالله يا شباب ما في زول يزعل من الأمثلة
المرفقة التى تؤكد على أني بقيت لافي ساي
في الحوش دا ..
يتبع ...
|
Post: #5
Title: Re: أعترف أني بقيت ما ناقش أية حاجة في المنبر دا ..
Author: طلحة عبدالله
Date: 03-13-2011, 12:49 PM
Parent: #4
مثلا
ما فاهم سر غضبة الهلالاب وإدعائهم الحسرة والحزن
على هزيمة فريقهم من المريخ مع أنو دا الوضع الطبيعي
لولا الزمن الكعب الذي اوقع هذا النادي العظيم(المريخ)
تحت رهن ثلة من القوم لا يعرفون قيمته وتاريخه وإنجازاته
فهووا به من قمة المجد إلى السفح ليصبح ندا للهلال
لدرجة أن أصبح أنصاره المساكين يثورون لخسارتهم منه .
في زمن العز والمجد كان طبيعيا أن يخسر الهلال من المريخ
ويحمد الهلالاب ربهم سرا وجهرا على الهزيمة التى لم تتحول
إلى فضيحة، وغير الطبيعي أن يزعلوا من هذه الهزيمة لأنها
لم تأت من جزيرة الفيل أو أم الطيور أو القرضات بل
كانت من المريخ الكبير .
لكن دا برضو ما الشيء الما فاهمو ...
يتبع .....
|
Post: #6
Title: Re: أعترف أني بقيت ما ناقش أية حاجة في المنبر دا ..
Author: طلحة عبدالله
Date: 03-13-2011, 01:00 PM
Parent: #4
المافاهمو في الكلام الفوق دا هو إنقلاب الهلالاب
لدعاة فضيلة بذرفهم لدموع التماسيح وهم يتباكون
زيفا على الأخلاق التى قالوا أن مريخيا كسر رقبتها
بعد ان دق سكواها مسماره الغليظ في شباك المعز
مبطوح .
لا أقر الخروج عن الأخلاق والتفلت لكن ليس من الهلالاب
الذين أشبعوا غيرهم من سوء الأخلاق التي اشتهر بها قائدهم
وعليهم أن يولوا الأدبار بمجرد أن جاءت سيرة الأخلاق لأن
سجلاتهم تحتشد بمثل هذا الخطل أنواعا وألوانا .
اعتقد أنها محاولة هلالية ساذجة للإلتفاف حول الهزيمة
سعيا لتجميل واقعهم لكن هل يفيدهم ذلك ؟
يتبع ..
|
Post: #7
Title: Re: أعترف أني بقيت ما ناقش أية حاجة في المنبر دا ..
Author: طلحة عبدالله
Date: 03-13-2011, 01:02 PM
Parent: #6
Quote:
طريقة الأسد دي طريقة سليمة ومتبعة من قديم العهود، فضرب حمودي العسل ودوما وضرار تحديداً لأنّهم أظهروا بعض الولاء أو التحيُز للطرف الآخر، فلذلك كان على تمبس أن يقطع خطوط الإمداد، ركز تمبس على قطع خطوط الإمداد في حين أن العدو الحقيقي أقرّب إليه من خطوط الإمداد، بذلك توزّع جهد تمبس ما بين ضرب خطوط الإمداد وهجمات العدو المباشرة، ممكن نقول تمبس ما عمل منجمنت سليم للرسورسيس التي يمتلكها. عامل الثقة أيضاً أضرّ بتمبس، لأنه لو قيّم مقدرات الخصم تقديراً سليماً، لوفر كل إمكانياته للتركيز عليه دون غيره، وينسى خطوط الإمداد لحين، أو يعمل على تحييدها إن وجد طريقاً لذلك..
___
تعرف يا محمد علي عندنا شلة وِست، خرخرة ومشاكل كتيرة، البرة يرش والجوة الطربيزة يرش جوّة وبرة، نشتت الكُشتينة، ونجرجر الملايا وعيك وعوك، ولكن في النهاية حدنا الطربيزة، أصحاب وحلوين.. فأتمنى أن يعتبر اساسي وتمبس أن ما حدث هو مجرّد "قيم" just a game
|
في البوست دا : تمبس ـ اساسي + الخير **
أنا متأكد أنو الكلام دا زي الفل لكن ما كنت عارف أنو حصل في البوست
الأساسي بتاع أساسي مع مراعاة فروق مفردة أساسي .
والمتأكد منو تاني أنو الاخ الكريم جرجير الملقب بمحمد البشر(ي) الخدر
برضو ما ناقش حاجة .
يتبع .....
|
Post: #8
Title: Re: أعترف أني بقيت ما ناقش أية حاجة في المنبر دا ..
Author: طلحة عبدالله
Date: 03-13-2011, 01:11 PM
Parent: #7
سامى الحاج: هل قَبّلت رأس البشير ووصفت حكمه بالصلاح والإدارة الرشيدة ؟؟
كقارىء وعضو والله ما فاهم المستفاد شنو من النقة في
البوست الفوق دا ..
العارفو أنا انو اخونا سامي الحاج كان معتقل في غونتنامو
وطلع بالسلامة زيو وزي غيرو لكن ما شايف أية أهمية كونو
قبل رقبة الرئيس واللا حلق ليهو شعرو .
اللهم إلا إذا أفعال سامي وتصرفاتو تعتبر قدوة للغير ويجب
أن تكون منهج دراسة في المدارس والجامعات .
|
Post: #9
Title: Re: أعترف أني بقيت ما ناقش أية حاجة في المنبر دا ..
Author: طلحة عبدالله
Date: 03-13-2011, 01:19 PM
Parent: #8
كبيـرة هي فيـك صـدمتي .. فلتعـذريـني يا عـزيزتي !!!
أها لو فرضنا أن الأستاذ خضر عطا المنان إنصدم صدمة كبيرة
او صغيرة في الأخت المذكورة فهل يعني ذلك شيئا عظيما لدرجة
أن يفتح له محضر كامل .
وما الجريمة التى إرتكبتها الأستاذة في الجهر بموقفها مع
أو ضد أو حيادا ؟
مع الوضع في الإعتبار أنو صاحب البوست نفسه يجهر بموقفه
بمناسبة ودونها، اللهم إلا إذا كان يري أن الجميع يجب أن
نسخة منه في الأفكار والمعتقدات وغيره .
يتبع ......
|
Post: #10
Title: Re: أعترف أني بقيت ما ناقش أية حاجة في المنبر دا ..
Author: طلحة عبدالله
Date: 03-13-2011, 01:25 PM
Parent: #9
هذا الكل ب بن الكل ب اختار من قارعة الطريق بيتا له فنام مطمئنا "صور"
غايتو دا اخونا هاشم نوريت بالغ فيهو بووليغ ليس بعده
هل أصبح نوم الكلاب في الشوارع مدعاة للدهشة والتساؤلات
وفتح البوستات ؟؟؟
غايتو لو خليتوني بقول ليكم سيد البوست ذاتو ما فاهم
منو حاجة .. 
|
Post: #11
Title: Re: أعترف أني بقيت ما ناقش أية حاجة في المنبر دا ..
Author: Maawya Hussein
Date: 03-13-2011, 01:28 PM
Parent: #9
Quote: ما فاهم سر غضبة الهلالاب وإدعائهم الحسرة والحزن
على هزيمة فريقهم من المريخ مع أنو دا الوضع الطبيعي
لولا الزمن الكعب الذي اوقع هذا النادي العظيم(المريخ)
تحت رهن ثلة من القوم لا يعرفون قيمته وتاريخه وإنجازاته
فهووا به من قمة المجد إلى السفح ليصبح ندا للهلال
لدرجة أن أصبح أنصاره المساكين يثورون لخسارتهم منه . |
الماقادر افهموا انا ..انك بتكتب كلام انشائي ساكت وبعيد عن الواقع والحقائق !
فاحصائيات الدوري الممتاز منذ انشائه عام 96 تثبت انو كلامك عبارة عن تضليل للقاريء الكريم
فالهلال باللقب 10 مرات ..بينما فاز به المريخ 5 مرات
في مسيرة الدوري الممتاز التقي الهلال 30 مرة فاز فيهم الهلال بـ 15 مباراة ومريخك بـ 6 مباريات وكان التعادل في 9 مباريات
الهلال احرز 35 هدف والمريخ 19 هدف
يبقي مافي داعي للتضليل دا
____
ممكن نجيب احصائيه من 1935 لو التضليل دا كتر
|
Post: #12
Title: Re: أعترف أني بقيت ما ناقش أية حاجة في المنبر دا ..
Author: طلحة عبدالله
Date: 03-13-2011, 01:36 PM
Parent: #11
اتير حسنك يا توماس
بوست للحبيب khaleel
فإذا عرفنا أنو توماس دا هو مدافع الهلال
الذي أعاد الكرة بالخطأ ووجدها سكواها
وسجل منها هدف الفوز للمريخ ..
وبما أنو ابو الخل هلالابي ومفروض طوالي
يدي توماس دا في قفاهو إلا انه ولحاجة غير
مفهومة بالنسبة لي غني ليهو كما غني زيدان
لأثير حسنو الغالي ..
اها فهمونا دي ..
|
Post: #13
Title: Re: أعترف أني بقيت ما ناقش أية حاجة في المنبر دا ..
Author: طلحة عبدالله
Date: 03-13-2011, 01:47 PM
Parent: #12
Quote: الماقادر افهموا انا ..انك بتكتب كلام انشائي ساكت وبعيد عن الواقع والحقائق !
|
معاوية حسين ياخ ما قلنا مافي داعي للزعل ياخ ..
اها إيه رأيك انو بوستيني دا ذاتو ما ناقش منو حاجة ..
يتبع ...
|
Post: #14
Title: Re: أعترف أني بقيت ما ناقش أية حاجة في المنبر دا ..
Author: محمد البشرى الخضر
Date: 03-13-2011, 02:44 PM
Parent: #13
| Quote: أعترف أني بقيت ما ناقش أية حاجة في المنبر دا .. |
اها و الجديد في كدا شنو؟
|
Post: #15
Title: Re: أعترف أني بقيت ما ناقش أية حاجة في المنبر دا ..
Author: ABUHUSSEIN
Date: 03-13-2011, 02:59 PM
Parent: #14
ود البشرى
دي فطيتها مالك...؟؟؟
Quote: والمتأكد منو تاني أنو الاخ الكريم جرجير الملقب بمحمد البشر(ي) الخدر
برضو ما ناقش حاجة . |
|
Post: #16
Title: Re: أعترف أني بقيت ما ناقش أية حاجة في المنبر دا ..
Author: محمد البشرى الخضر
Date: 03-13-2011, 07:27 PM
Parent: #15
يا ابا حسين زول ما ناقش حاجة باي ديفولت لدرجة انو ما ناقش حتى كونو ما ناقش اي حاجة و يكتشف ذلك بالصدفة بعد اعوام واعوام اهرق فيها ما اهرق من مداد قدر الليلة وبكرة تنظيرا وفارغة ثم مقدودة
دايرني أأبه لما يقول و يهرف و اقعد اباري ترهاته و تنظيره
معقول يا ابوحسين ؟!! كان كدا ليه حق الرائع يشوتك خلال يومين ونيف 
|
Post: #17
Title: Re: أعترف أني بقيت ما ناقش أية حاجة في المنبر دا ..
Author: ABUHUSSEIN
Date: 03-13-2011, 08:47 PM
Parent: #16
| Quote: كان كدا ليه حق الرائع يشوتك خلال يومين ونيف |
يا ود البشرى قالو أبو صلعة لم ما إلقى ليه زول إشوتو و إفتش ليك ما إلقاك
برجعك علشان إشوتك تاني.....
تقول لي طلحة ما ناقش...؟؟؟؟
|
Post: #18
Title: Re: أعترف أني بقيت ما ناقش أية حاجة في المنبر دا ..
Author: طلحة عبدالله
Date: 03-13-2011, 09:03 PM
Parent: #17
دي برضو من الحاجات الما ناقشا
البعرفو أنا أنو الزول البقولو ليهو أبو صلعة نبذوهو
فكيف يتجرأ عضو ليقول لسيد المنبر أبو صلعة ؟
من جانبي أنا غايتو اتنين البرشهم باللبن أنا برضو
برشو باللبن ..
أبو صلعة
والهكر .
|
Post: #19
Title: Re: أعترف أني بقيت ما ناقش أية حاجة في المنبر دا ..
Author: محمد البشرى الخضر
Date: 03-13-2011, 09:11 PM
Parent: #17
ابوحسين ياخي ركز , قلنا الرائع الرااااااائع
اسي الجاب سيرة ابصلعة منو؟ كدي اتحسس آخر شوتة ليك كانت من وين؟
|
Post: #20
Title: Re: أعترف أني بقيت ما ناقش أية حاجة في المنبر دا ..
Author: طلحة عبدالله
Date: 03-13-2011, 09:18 PM
Parent: #19
Quote: ابوحسين ياخي ركز , قلنا الرائع الرااااااائع
اسي الجاب سيرة ابصلعة منو؟ كدي اتحسس آخر شوتة ليك كانت من وين؟
|
مع انك قاصد أبصلعة
لكن برضو نمشيها ليك ونكتفي بواحد أحي أنا .
|
Post: #21
Title: Re: أعترف أني بقيت ما ناقش أية حاجة في المنبر دا ..
Author: ABUHUSSEIN
Date: 03-13-2011, 09:18 PM
Parent: #19
Quote: دي برضو من الحاجات الما ناقشا
البعرفو أنا أنو الزول البقولو ليهو أبو صلعة نبذوهو |
| Quote: فكيف يتجرأ عضو ليقول لسيد المنبر أبو صلعة ؟ |
الجاب سيرة سيد المنبر منو...؟؟؟ (( إنت فعلاً ما ناقش))
و الله ليه حق ود البشرى.......
|
Post: #22
Title: Re: أعترف أني بقيت ما ناقش أية حاجة في المنبر دا ..
Author: طلحة عبدالله
Date: 03-13-2011, 09:28 PM
Parent: #21
أبو حسين يا حبيب
يعني أبو صلعة البوقف دا سيد النبق ؟؟؟
الخوف حلو برضو يا صاحب
وقد قيل في المقام:
الخواف ربى باسووردو
|
Post: #23
Title: Re: أعترف أني بقيت ما ناقش أية حاجة في المنبر دا ..
Author: محمد البشرى الخضر
Date: 03-13-2011, 09:40 PM
Parent: #21
| Quote: الجاب سيرة سيد المنبر منو...؟؟؟ |
يا زول هو عندو صلعة بالله ؟!!!
دي ما كاااااااكـ بالزنجبيل عديل كدا طيب
يا طلحة ياخي ما تقدنا بتنظيرك ساي انت ما ناقش حاجة فعلا
|
Post: #24
Title: Re: أعترف أني بقيت ما ناقش أية حاجة في المنبر دا ..
Author: طلحة عبدالله
Date: 03-13-2011, 10:08 PM
Parent: #23
قال جرجير الملقب ...الخQuote: يا طلحة ياخي ما تقدنا بتنظيرك ساي انت ما ناقش حاجة فعلا
|
وكنت سلفا قد قلتQuote: أعترف أني بقيت ما ناقش أية حاجة في المنبر دا ..
|
فتأمل أضعاف تأمل ملاسي.
|
Post: #25
Title: Re: أعترف أني بقيت ما ناقش أية حاجة في المنبر دا ..
Author: ساميه حامد
Date: 03-13-2011, 10:28 PM
Parent: #24
Quote: مثلا
ما فاهم سر غضبة الهلالاب وإدعائهم الحسرة والحزن
على هزيمة فريقهم من المريخ مع أنو دا الوضع الطبيعي
لولا الزمن الكعب الذي اوقع هذا النادي العظيم(المريخ)
تحت رهن ثلة من القوم لا يعرفون قيمته وتاريخه وإنجازاته
فهووا به من قمة المجد إلى السفح ليصبح ندا للهلال
لدرجة أن أصبح أنصاره المساكين يثورون لخسارتهم منه .
في زمن العز والمجد كان طبيعيا أن يخسر الهلال من المريخ
ويحمد الهلالاب ربهم سرا وجهرا على الهزيمة التى لم تتحول
إلى فضيحة، وغير الطبيعي أن يزعلوا من هذه الهزيمة لأنها
لم تأت من جزيرة الفيل أو أم الطيور أو القرضات بل
كانت من المريخ الكبير .
لكن دا برضو ما الشيء الما فاهمو ... |
والله يا طلحة يا اخوي بكلامك ده فعلا طلعت ما ناقش اي حاجة في اي حتة
|
Post: #27
Title: Re: أعترف أني بقيت ما ناقش أية حاجة في المنبر دا ..
Author: طلحة عبدالله
Date: 03-14-2011, 08:03 AM
Parent: #25
Quote: والله يا طلحة يا اخوي بكلامك ده فعلا طلعت ما ناقش اي حاجة في اي حتة
|
لا دي حقيقة والله يا سامية
|
Post: #26
Title: Re: أعترف أني بقيت ما ناقش أية حاجة في المنبر دا ..
Author: Yassir Tayfour
Date: 03-14-2011, 00:33 AM
Parent: #24
يا طلحة
مداخلتى دي علاقتها شنو بالبوست ده؟
الله يسألني ما فاهم أي حاجة!
___
أرفع التسطيح عنا يرحمك الله؛)
|
Post: #28
Title: Re: أعترف أني بقيت ما ناقش أية حاجة في المنبر دا ..
Author: طلحة عبدالله
Date: 03-14-2011, 08:15 AM
Parent: #26
أبو اليسر
معليش مداختك دي نسيت أكتب عليها أسمك وأنا لاطشة
من بوست أعتقد أنو زي الفل لكن والله زي ما دخلت
زي ما مرقت منو، وخفت أقول كدا وأرفق البوست يقوم
سيدو يتحسس فإكتفيت بمداخلتك من باب (متحسس تعرفو
ولا متحسس يعرفك) ..
المهم يا حبوب مداخلتك ذات صلة وثيقة بتسطيحي الفتحت
ليهو البوست دا لأنو أنا لما دخلت بوست أساسي بتاع تمبس
قايل أنو الحصل بيناتم مجرد سوء فهم في حاجة حدثت فجأة
في البوست وعلى الأساس دا قلت ليهم ياخ باركوها وألعنوا
أبو الشيطان وطلعت على كدا وقايل نفسي أنجزت لكن عليك
الطلاق ماعارف الحكاية فيها تكتيكات وكلام زي كلام البوست اللى
جبت منو مداخلتك دي ..
أتاريني لافي في البورد دا ساي زيي وزي جرجير واحد .
|
Post: #29
Title: Re: أعترف أني بقيت ما ناقش أية حاجة في المنبر دا ..
Author: Kabar
Date: 03-14-2011, 08:44 AM
Parent: #28
| Quote: دي ما كاااااااكـ بالزنجبيل عديل كدا طيب |
بالله هي الكاااااااااااااااكات بقت عندها.. flavor ?
ياخي الليلة واحد قريبك هندي شغال معاي ..و الراجل فنان..مصور سنمائي و كده..و من صعيد الهند (طبعا اول مرة اعرف انو ناس الهند برضك فيهم ناس السلطنة الزرقا (يعني نحن و كده..من قالت عنهم الحكامة اخضر قيافة خاطي الهيافة)..اها الرجال عجبو صوت شرحبيل.. على بالحرام غنية حايمة ما خليتها..بعد شوية فتحت سودانيز اونلاين.. اول حاجة ظهرت صورة حمودي العسل..اها قريبي قال لي: بالله انتو السودانيين بتعرفو تضحكو قدر ده..!
المهم.. يا زول حمودي العسل ده رفعنا ليك ارصدتو في السما..من انطولوجيا الكااااااااك التي فحطت بابتسمولوجيا الديالوج ..و عرجت بيها في اركونولوجيا التثاقف و سوسيولوجيا الونسة ..و فقه الشمار.. ثم حطت بها في كزمولوجيا الظرافة..لغاية استطيقا الكلمة الرشاقة الكتلت اشراقة.. او كما قال..!
و ده كلو هين.. ياخي قريبك الهندي.. حلفت ليهو بالطلاق انو حمودي العسل هو كان واسطة لعافية حسن..و جاب ليها غنية (يا حنين) من اسحق الحلنفي ( يعني عافية لو ما حمودي ..كانت لغاية الليلة مع ناس حجر الظلط)..و تووش في اليوتوب.. هاك يا حنين..!
عارف الهندي قال لي شنو؟.. قال الزول ده ، قاصد حمودي ، يكون فيهو عرق هندي..!
و بدون ما اشعر قلت ليهو انت هندي؟؟؟
طلحة ، تنقش شنو ، مش صهيوني؟..و تيب..!
كبر
|
Post: #30
Title: Re: أعترف أني بقيت ما ناقش أية حاجة في المنبر دا ..
Author: طلحة عبدالله
Date: 03-14-2011, 09:03 AM
Parent: #29
Quote: من انطولوجيا الكااااااااك التي فحطت بابتسمولوجيا الديالوج ..و عرجت بيها في اركونولوجيا التثاقف و سوسيولوجيا الونسة ..و فقه الشمار.. ثم حطت بها في كزمولوجيا الظرافة..لغاية استطيقا الكلمة الرشاقة الكتلت اشراقة
|
وإذا خاطبهم المثقفون قالوا أوماااااااك .
لن أزيد وإن عدتم عدنا .
|
Post: #31
Title: Re: أعترف أني بقيت ما ناقش أية حاجة في المنبر دا ..
Author: محمد عبد الماجد الصايم
Date: 03-14-2011, 09:14 AM
Parent: #30
إنا لله!!
|
Post: #32
Title: Re: أعترف أني بقيت ما ناقش أية حاجة في المنبر دا ..
Author: خالد عبد الله محمود
Date: 03-14-2011, 09:53 AM
Parent: #31
| Quote: أعترف أني بقيت ما ناقش أية حاجة في المنبر دا |
أعترف إنو النتيجة دي أنا وصلت ليها من قريت ليكـ أول مداخلتين لما جيت برلوم في المنبر
|
Post: #33
Title: Re: أعترف أني بقيت ما ناقش أية حاجة في المنبر دا ..
Author: طلحة عبدالله
Date: 03-14-2011, 12:11 PM
Parent: #32
Quote: أعترف إنو النتيجة دي أنا وصلت ليها من قريت ليكـ أول مداخلتين لما جيت برلوم في المنبر
|
أبو الخلد يا غتيت
ما كلمتني مالك طيب ؟
|
Post: #34
Title: Re: أعترف أني بقيت ما ناقش أية حاجة في المنبر دا ..
Author: محمد البشرى الخضر
Date: 03-14-2011, 02:57 PM
Parent: #29
| Quote: بالله هي الكاااااااااااااااكات بقت عندها.. flavor ? |
كيف يا عمك دا كلامك
كمان في واحدة بالغرنجال * أسكت ساي , تكاكي ما تدي الجنبك
يا تنظير يا الشهير بطلحة
التأمل في كونك بعد كم سنة تنظير وطلوع العالي يادوب تكتشف حقيقة كالشمس رآها الكل من أول يومين وقيل من أول مداخلتين
______________
* حقوق الغرنجال لشروق 
|
Post: #35
Title: Re: أعترف أني بقيت ما ناقش أية حاجة في المنبر دا ..
Author: طلحة عبدالله
Date: 03-14-2011, 07:23 PM
Parent: #34
جرجير يا عمك
رحم الله رجل عرف أنه ما عارف ولو بعد حين ..
وقد قيل:
أن تعرف متأخرا أنك ما عارف خير من أن تظل ما عارف أنك ما عارف .
|
|