قرنتيه

قرنتيه


03-13-2011, 10:43 AM


  » http://sudaneseonline.com/cgi-bin/sdb/2bb.cgi?seq=msg&board=320&msg=1300009421&rn=0

Post: #1
Title: قرنتيه
Author: نجلاء قرافي
Date: 03-13-2011, 10:43 AM

وحينما لم يقدروا علي رفعها سلخوها وتقاسموها بينهم
Post: #2
Title: Re: قرنتيه
Author: نجلاء قرافي
Date: 03-13-2011, 10:45 AM
Parent: #1

.... لادبابة..برمائية
لا جاسوسة

لا مدسوسة
لا غواصة روسية
لاجندية في (حركة)

لا مختلسة مال شركة
لاقصفت حدود (فشلا)
لاكسرت رصيف كسلا
ولا معروفة (ختمية)
Post: #3
Title: Re: قرنتيه
Author: نجلاء قرافي
Date: 03-13-2011, 10:46 AM
Parent: #2

لاصعلوكة لبست (شورت)..
لا بتعرف شنو الباسبورت
لامحتاجة جنسية
هي قايله النيل سقف بيتها
وقايله ضفافه محمية
جات منسابه عز الصيف
قايله الناس بكرمو الضيف
وقايله النيل امان والقيف
، وقايله العاصمه عصريه
Post: #4
Title: Re: قرنتيه
Author: نجلاء قرافي
Date: 03-13-2011, 10:47 AM
Parent: #3

لا مستلفة عشرين وش
لا بتعرف تعيش بالغش
كان محتاجه بس للقش
وجات احلامها دغرية
لا بلعت عديل السوق
لا نضمت بدون طايوق
لا كنزت دهب او ماس
لا ظلمت بدون احساس
لا عصرت شباب الناس
لا كتمت علي الانفاس
لا قطعت عشم بي فاس
لا داستنا زنديه ..
Post: #5
Title: Re: قرنتيه
Author: نجلاء قرافي
Date: 03-13-2011, 10:48 AM
Parent: #4

لا دست سلع في الخيش
لا شربت مريسة العيش
لا ضبطوها في التفتيش
لا سجنوها شالو الفيش
لا خانت قسم أو جيش
Post: #6
Title: Re: قرنتيه
Author: نجلاء قرافي
Date: 03-13-2011, 10:50 AM
Parent: #5

لا اجتمعت بمستر جون
لا أكلت مؤونة العون
لاسدت علينا الكون
لا سبت كتاب الدين
لا سامتنا حمرة عين
ولا باعتنا ضهرية
Post: #8
Title: Re: قرنتيه
Author: نجلاء قرافي
Date: 03-13-2011, 10:52 AM
Parent: #6

قرنتيه لا بتعرف عجن او لخ

وجات احلامها دغريه عجب ساقوها جوه الفخ

عجب من طولها وقعت طخ
عجب
سلخوها صبحية
ونحنا بنسلخ الانسان كيف ما نقدر الحيوان
عجب ....
والدنيا عصرية ؟!
Post: #7
Title: Re: قرنتيه
Author: خضر عطا المنان
Date: 03-13-2011, 10:52 AM
Parent: #4

تداعيات تكاد تشي بما فيها او كادت ان تنطق

واصلي عزيزتي نجلاء يا بت قرافي

ولك تحياتي

خضر
Post: #9
Title: Re: قرنتيه
Author: نجلاء قرافي
Date: 03-13-2011, 10:55 AM
Parent: #7
Post: #10
Title: Re: قرنتيه
Author: نجلاء قرافي
Date: 03-13-2011, 10:57 AM
Parent: #9

المبدعون الذين يحملون همنا كهاشم صديق
يستبق الاحداث ويقرأ المستقبل علي اكفنا القابضه علي جمر الصبر
Post: #11
Title: Re: قرنتيه
Author: نجلاء قرافي
Date: 03-13-2011, 11:03 AM
Parent: #10

معليش يا بِتْ

يا خَيَّهْ وأُمّْ

يا خاله وعَمَّه

وصاحبةْ روح

ورفيقةْ هَمّْ

يا بلداً زين

لكنْ …….
Post: #12
Title: Re: قرنتيه
Author: نجلاء قرافي
Date: 03-13-2011, 11:04 AM
Parent: #11

غارِق

غارِق

غارِق في الشَّين

يا نِيِل مكسور

زي أيِّ حِلِمْ

أسمْر

مكسور
Post: #13
Title: Re: قرنتيه
Author: نجلاء قرافي
Date: 03-13-2011, 11:06 AM
Parent: #12

يا صرخه تهِزِّي جِبال

ورِجال ……

رِجال مِن قَشْ

أشباهْ ….. أشباحْ ….. وظِلال

يا دمعةْ غُبن

ووجع مسلول

مِن جوف الجوف

يا خوف …..

مِنْ سوط أعمى ومسعور

مِنْ يد مشلولةْ حِسْ

مبتورةْ حِنْ
Post: #14
Title: Re: قرنتيه
Author: نجلاء قرافي
Date: 03-13-2011, 11:07 AM
Parent: #13

يا جِنْ

يا طير أخضر مِنْ لبن الطير

يا طيرةْ الْجنَّه المسجونة

كما بلَدِكْ …….

سجِّانِكْ ميِّتْ مِنْ آهاتِك

يا آآآآآآآهةْ روح

ونشيد مجروح مجروح
Post: #15
Title: Re: قرنتيه
Author: نجلاء قرافي
Date: 03-13-2011, 11:08 AM
Parent: #14

معليش معليش

لو قِصرِتْ قاماتنا المشروخه

وطالتْ هامتِك

لو عارنا أدَّفَّقْ زي النِيل

والْعِز صانِك

لو صوتنا طفاهو رماد الخوف

وصوتِكْ زانِك

يا بِتْ روحِكْ
Post: #16
Title: Re: قرنتيه
Author: نجلاء قرافي
Date: 03-13-2011, 11:09 AM
Parent: #15

يا أنبَلْ ما في هذي الأرض الملعونه

يا أجمَلْ مِنْ كُلِّ جُنونا

يا صوت جارِح

يفضح صمت الأشعار

وعمى الأوتار

قِدَّامِكْ صوتِكْ أو صوتِكْ

ووراك سوطين

وورا السوطين

أوباش ورِمَمْ ومُسوخ

بلدين مِنْ تيه ورماد

صوتِكْ قِدَّامْ

ما تعايني وراك

صوتِكْ قِدَّامْ

ما تعايني وراك

صوتِكْ قِدَّامْ

ما تعايني وراك
Post: #17
Title: Re: قرنتيه
Author: نجلاء قرافي
Date: 03-13-2011, 11:12 AM
Parent: #16

عبرت عن وجعنا ياعصام عيسي رجب
عبرت عن جرحنا المغموس في الملح
جرحنا المفتوح قسراً
Post: #18
Title: Re: قرنتيه
Author: نجلاء قرافي
Date: 03-13-2011, 11:17 AM
Parent: #17

عقلية البت زي عود الكبريت
هي من جعل هولاء السفله الساقطين
يفعلون ذلك
Post: #19
Title: Re: قرنتيه
Author: نجلاء قرافي
Date: 03-13-2011, 11:21 AM
Parent: #18

انا بشكر كل الناس الوقفوا معاي
وحابقي قويه عشان الحاجات تبقي كويسه

لك الصمود والانحناء ياصفية يانقيه وهاأنت تشكرين من وقفوا معك برغم محنتك تعطي الاخرين حقهم .
Post: #20
Title: Re: قرنتيه
Author: نجلاء قرافي
Date: 03-13-2011, 11:24 AM
Parent: #19

صفيه كسرت التابوت
ماأقسي علي المرأه ان تحكي حادثة اعتداء جنسي (اغتصاب ) أمام الجميع
ماأقساهم ياصفيه وهم يفعلون مافعلوا بك ولم تردعهم صرخاتك وألمك المميت .
Post: #21
Title: Re: قرنتيه
Author: نجلاء قرافي
Date: 03-13-2011, 11:26 AM
Parent: #20

من استباح صفيه فقد استباح جميع نساءنا
فكلنا صفيه
هذه رسالتهم للمرأه السودانيه التي تخالفهم في الرأي
Post: #22
Title: Re: قرنتيه
Author: نجلاء قرافي
Date: 03-13-2011, 11:29 AM
Parent: #21

قد كان بوسعي،

أن أبتلع الدّمع

وأن أبتلع القمع

وأن أتأقلم مثل جميع المسجونات

قد كان بوسعي

أن أتجنّب أسئلة التّاريخ

وأهرب من تعذيب الذّات

قد كان بوسعي

أن أتجنّب آهة كلّ المحزونين

وصرخة كلّ المسحوقين

وثورة آلاف الأمواتْ ..

لكنّي خنتُ قوانين الأنثى

واخترتُ ..مواجهةَ الكلماتْ
Post: #23
Title: Re: قرنتيه
Author: نجلاء قرافي
Date: 03-13-2011, 11:30 AM
Parent: #22

كان بوسعها يادكتوره سعاد الصباح ولكنها

خانت قوانين الانثي
وواجهت الكلمات
Post: #24
Title: Re: قرنتيه
Author: Nagat Sid Ahmed Elshiekh
Date: 03-13-2011, 11:37 AM
Parent: #17

نجولة اذيك ممكن نساهم بألم برضو من قصيدة محجوب دى وخلى البوست دا يبقى للشعر المعصور ألم،،تسلمى ياستى


مرت الاشجار ـ محجوب شريف

مرت الأشجار

كالخيال أحلام

ناس لطاف وظراف

مابين غزال وزراف

مابين ظلال وغمام

مرت الأشجار

طابق طبق طابقين

في ضلهن كرتون

حر والسقط أولاد

تحت المطر ياجون

لاعندكم عداد

ولابوهيتك كم لون

ما احتجت لي حداد

يوما ولا نجار

وكنت ألطف جار

ومرت الاشجار

الباقي تحت العين

حيث الرماد أحجار

من يوما داك فاقداك

كل الدروب فوق راي

ياخيت وهيت ياكيت

حس المقص بكاي

سكسك سنون براق

نار الفراق جواي

أمونه ست الشاي

صمت الكبابي عويل

برادا ساكت ساي

ياحليل تريزا قريب

كانونا كان بي جاي

ياحليل جناها جناي

هم يسألون وعيون

تحزن تقول باي باي

يامنتهي الأشواق

اتمحن الكنتين

والنيمه ذات الساق

القدره كم تشتاق

كم كمشه مويه فول

سمسم عمل زقزاق

وين الملامح ديك

يازحمه البصات واللفه والدقداق

ليل القهاوي حزين

عدد الكراسي فراق

جفت عروق السوق

ريق الطريق العام

واتحتت الأوراق

---------

وين ياسواد العين

مشهد علي صعبان

شبان وهم حبان

تحت النجوم الفوق

في عتمة الميدان

الشوق بلا بيبان

من وين ذهاب واياب

وكلاهما تعبان

ابنوسة اللاوو

ياحليلا غصن البان

جمر الحصي الوقاد

علا الكتف أركان

ميري الفراق بي طال

وسال سيل الدمع هطال

لكنو مهما كان

لو بالوسم سكان

لو بالرسم جيران

متين بقيت يانيل

عددا من الخيران

نتدفي بس أو قول

نعزم بعض يوم داك

بنولع النيران

29 يناير 2011‬
Post: #25
Title: Re: قرنتيه
Author: نجلاء قرافي
Date: 03-13-2011, 11:40 AM
Parent: #24
Post: #26
Title: Re: قرنتيه
Author: نجلاء قرافي
Date: 03-13-2011, 11:43 AM
Parent: #25

استاذ خضر
انها تفاصيل لحادثه حدثت وتحدث وسوف تحدث ان لم نفضح سلوك هولاء السفله
صفيه قالتها وكم في الوطن من صفيات
Post: #27
Title: Re: قرنتيه
Author: نجلاء قرافي
Date: 03-13-2011, 11:45 AM
Parent: #26

نجوته
اي كلام في راسك قوليهو
واي قصيده بتعبر عننا نزليها
زمن الصمت فات وغنايو مات

تحاياي للجميع بطرفك
Post: #28
Title: Re: قرنتيه
Author: Nagat Sid Ahmed Elshiekh
Date: 03-13-2011, 11:52 AM
Parent: #26

دا برضو جرم ارتكب فى حقنا والقصة متشابه مع بعض الاختلاف والسبب الكيزان

متين بقيت يانيل

عددا من الخيران

نتدفي بس أو قول

نعزم بعض يوم داك

بنولع النيران

29 يناير 2011
Post: #29
Title: Re: قرنتيه
Author: نجلاء قرافي
Date: 03-13-2011, 02:23 PM
Parent: #28

سلمتي ياام ايوب

يارب قريب

للقراء من خارج المنبر
هذا هو ايميلي
[email protected]
Post: #30
Title: Re: قرنتيه
Author: Abdlaziz Eisa
Date: 03-13-2011, 02:27 PM
Parent: #29

0020053HpeU2.jpg Hosting at Sudaneseonline.com
Post: #31
Title: Re: قرنتيه
Author: نجلاء قرافي
Date: 03-13-2011, 05:38 PM
Parent: #30

وردتك ياعبدالعزيز تعبير نقي عن تضامنا مع القرنتيه