Post: #1
Title: المريخـاب يحتلــون المنبـر حـاره حـاره وزنقـة زنقـة .... إلى الأمام إلى الأمام
Author: keiga2000
Date: 03-12-2011, 08:19 AM
عاوزين نشيل معاكم الفاتحة
ولا حـد يجي يهنئ ويقول مبــروك
دا حال الدنيا وبعد ما اتحلت مشكلة الحارس تاني
تهي تهي تهي
أبومصطفى
|
Post: #2
Title: Re: المريخـاب يحتلــون المنبـر حـاره حـاره وزنقـة زنقـة .... إلى الأمام إلى الأمام
Author: keiga2000
Date: 03-12-2011, 08:23 AM
Parent: #1
هكذا دائما الكبيـر كبيـر
والزعيـم زعيـم
سيظل يوم 11/3/2011م ذكرى تاريخيـة ونهاية لهزائـم الوصيـف
ابومصطفى
|
Post: #3
Title: Re: المريخـاب يحتلــون المنبـر حـاره حـاره وزنقـة زنقـة .... إلى الأمام إلى الأمام
Author: keiga2000
Date: 03-12-2011, 08:29 AM
Parent: #2
سكواها سواهـا
أبومصطفى
|
Post: #4
Title: Re: المريخـاب يحتلــون المنبـر حـاره حـاره وزنقـة زنقـة .... إلى الأمام إلى الأمام
Author: keiga2000
Date: 03-12-2011, 12:03 PM
Parent: #3
أرقص ياحضــري وطالما جيت المريخ ياما حتـرقص وتشبع رقيـص
من أكــرم للحضري الرقيص متواصـل
أبومصطفى
|
Post: #5
Title: Re: المريخـاب يحتلــون المنبـر حـاره حـاره وزنقـة زنقـة .... إلى الأمام إلى الأمام
Author: keiga2000
Date: 03-12-2011, 12:07 PM
Parent: #4
سكواها سواها.. بي جمهور وبدون جمهور.. الزعيم منصور.. والضرب بالدور!
الهلال محتاج للبحث عن جكسا جديد.. الفارق بين الأحمر والأزرق في اتساع شديد!
بعد الانتصار على هلال الساحل والهلال الساهل في مطلع الدوري: المريخ.. يريد.. إسقاط.. هلال الجبال!
حبة سكواها عند اللزوم.. قبل دقيقة من النوم.. تزيل الأورام وتقضي على الأوهام!
وحش إفريقيا الأول رد على مستهدفيه بياناً بالعمل.. الشغيل بطل.. وسكواها بي مهل ختاها!
في الساحل وفي الصحراء.. البصمة حمراء.. الإستاد فاضي.. الإستاد مليان.. الضرب في المليان!
مزمل أبو القاسم
ألم نقل لكم قمة التاريخ.. للمريخ؟
لم نكن راجمين بالغيب عندما كتبنا أمس أن النصر في متناول يد الزعيم!
ربطنا الماضي بالآتي!
ومن كتب التاريخ استلهمنا معطيات الحاضر!
المباريات التاريخية.. دائماً مريخية!
معظم المباريات التي ارتبطت بالتاريخ كسبها المريخ!
من سوق القش.. الهلال ما قال كش!
كؤوس الرؤساء والمناسبات من نصيب الزعيم!
افتتاح إستاد الموردة.. افتتاح إستاد الخرطوم.. افتتاح إضاءة استاد الخرطوم!
الثماني المتواليات.. الملك فيصل.. الدوق هرر.. ديوري هاماني!
دهب السد!
جوبا مالك عليا.. وحتى العجبية البلاترية.. والسكواهية!
وبدون جمهور.. المريخ منصور!
ما أشبه الليلة بالبارحة.. في جوبا باقي دقيقة وسامي بجيبها!
وفي العرضة جنوب.. باقي دقيقة وسكواها بجيبها!
المريخ دائماً فوق جبين التاريخ.. وفوق هامة الزمن!
والمغالطنا يفتح صفحات مانديلا.. ودبي.. وجوبا.. وسيكافا ون.. وسيكافا تو!
رحلة بين طيات السحاب.. وحدنا.. إنت وأنا ويا بختنا!
المريخ برق عبادي سوى الهول.. روى اليابس علي المبلول.. وقلب فرح الأهلة ذهول!
صدق من قال: المريخ بحر والنصر له سحاب!
ذا السحر ولا فخر ولا عجب.. ذا المريخ.. سُر القوم أم غضبوا!
بي جمهور وبدون جمهور.. الضرب بالدور!
مطلوب جكسا جديد!
لم يأت فوز الزعيم في لقاء الأمس خبط عشواء، ولم يتحقق صدفة!
فالصدفة لا تتكرر مرتين!
ومعطيات آخر مباراتين تؤكد أن الأهلة بحاجة إلى البحث عن جكسا جديد!
فيهما استبان الفرق، واتضح أن البون بات شاسعاً بين الفريقين في كل شيء!
فريق شباب وقوة.. مليان فتوة!
وفريق أصابه الهرم. وبات يعتمد على لاعبين أكل الدهر عليهم وشرب!
شتان بين محترفي المريخ ومحترفي الهلال!
شتان بين سكواها وفيلكس.. وبين يوسف محمد وباسكال!
حتى بين الوطنيين.. الفرق كبير يا البرير!
وشتان بين الأسد سفاري وولدنا أتير!
ظل الهلال يعتمد على أربعة أو خمسة لاعبين مميزين في وسط الملعب، أنهكهم الركض المستمر.. وتقدم بهم العمر!
وفي المقابل ظل المريخ يجدد فريقه ويدعمه بأفضل النجوم كل عام، ويمارس الصبر الجميل على شباب يمتلئ فتوة وحيوية، أمثال مصعب، وراجي، والشغيل، ونجم الدين وحكومة الزومة وبقية العقد الفريد!
مظهر الهلال الكحيان في آخر لقاءات القمة يؤكد أن الفرقة التي تفصله عن شباب المريخ باتت شاسعة!
أمس لم نر أي وجود لهيثم مصطفى، ولولا أننا رأيناه يصافح سفاري قبل بداية المباراة لظننا أنه لم يشارك!
ولم نحس بأي وجود علاء الدين يوسف، ولم نر أي معلمة لعمر بخيت!
ورأينا حمودة يناهد أمام سرعة الصبي القوي مصعب حاج موت!
كان الفارق شاسعاً بين فريق ينبض قوةً وفتوة، ويزخر بالشباب الماهر، وفريق أنهكته السنوات!
في الستينات حقق المريخ أكبر وأطول متوالية في تاريخ القمة!
ثمانية انتصارات متتالية، كان بطلها الجلاد ماجد أبو جنزير، ولم تتوقف إلا بهدف جكسا في اللقاء العاشر!
على الأهلة أن يبحثوا عن جكسا جديد بأقصى سرعة ممكنة، لأن انتصارات المريخ المتتالية على فرقة الكهول الزرقاء لن تتوقف بسهولة!
ونعتقد أن الرقم ثمانية لن يوقف مسلسل الانتصارات الحمراء هذه المرة!
فرق يا إبراهيم!
سا سا!
القمة حمراء.. والطعنة نجلاء!
وفي مباراة الصامت.. الهدير أحمر!
سا سا.. ساكواها!
بي مهل دلاها.. وبي فهم ختاها.. وفي الهلال سواها!
سا سا!
مريخ باسكال.. هزم الهلال!
مريخ الحضري والبدري.. جمع النقاط من بدري!
مريخ حاج موت.. سوى الفوت!
مريخ الشغيل.. شد الحيل!
مريخ سمح بالحيل!
لا بتتنسي.. لا بتتمحي!
تنطبق على مريخ 2011 مقولة: (الصبي من حومتو.. والبحر من قومتو)!
والجواب يكفيك عنوانو!
بدأ بهلال الساحل.. وثنى بالهلال الساهل!
الإستاد فاضي.. الإستاد مليان.. الضرب في المليان!
بي جمهور.. بدون جمهور.. الضرب بالدور!
راجي في.. راجي مافي.. الهلال مافي!
بي هنو.. وبدون هنو.. الحُمر يغنوا ويتهنوا!
في المقبرة.. في المفخرة.. الهلال برة!
وفي مريخنا سمحة المقدرة!
الضربة الصامتة.. لا بتتنسي.. لا بتنمحي!
ولا زال ليل انتصارات الزعيم طفل يحبو!
جهزوا الطعن.. الحضري موقوف!!
الرصاصة زامبية.. والفرحة مريخية!
مساوي لاعب.. مساوي موقوف.. شباك الوصيف منتوف!
ثقالات الجمعة.. زامبية!
يا خالدونا سكواها عمل ثقالات الجمعة!
حلاة الجمعة يومها!
قدم الخير يا برير!
وود البدري سمين!
ضربنا هلال الساحل.. والهلال الساهل!
حلقنا للولد وأبوهو!
وزي ما قلنا: ولدك كان حلقوا ليهو.. بل شبكتك!
في الساحل وفي الصحراء.. البصمة حمراء!
تم تفتيش الهلال ساحل ساحل.. مقبرة مقبرة.. دار دار.. بيت بيت.. ساحة ساحة.. مدرب مدرب.. إدارة إدارة.. مقبرة مقبرة.. مفخرة مفخرة.. ديدا ديدا ديدا.. وزنقة زنقة!
انتصر الأحمر في جمعة تنحي ميشو.. ورحيل البرير!
الحضري موجود.. الهلال مافيش!
قالها الحضري أكثر من مرة: سأرد عليهم بياناً بالعمل!
استهدفوه بالمانشيتات المسيئة!
قالوا أعشى.. وقالوا موقوف.. وقالوا طاعن في السن.. وقالوا مقلب.. وقالوا صفقة مكلفة للاعب منتهي الصلاحية!!
قالوا كتير.. كتير وغريب!
وجاء الرد من وحش إفريقيا الأول بياناً بالعمل!
الرد ما تروه ولا ما تسمعوه!
الحضري موجود.. الوصيف مافيش!
لم يترك شاردة ولا واردة إلا اصطادها بكل هدوء وتمكن!
كتب ابن النيل الجميل على البوابة الحمراء عبارة: ممنوع الاقتراب أو التصوير!
أرقص فوق عديلك يا حضري!
أتير أنسانا مرارة غياب الملك!
شكراً أتير توماس، فقد أنسيتنا مرارة غياب الملك!
وبعثت فينا سيرة داريوكان من جديد!
ولدنا.. جعل الوحدة جاذبة حتى بعد الانفصال!
قوون قناتنا.. ورمضان ولدنا.. وأتير حقنا!
ولد يبث.. وولد يهدي!
الوضع صامت: رنة واحدة.. سكواها!
وفي ضع الرنين.. راجي سنين!
يا قسم خالد.. زنقة زنقة.. وديدا ديدا.. الصدمة عليك شديدة!
سكواها لحقكم أمات طه!
حبة سكواها!
حبة سكواها تزيل الأورام.. وتعالج كل الأوهام!
طريقة الاستعمال: حبة عند اللزوم.. قبل دقيقة من النوم!
شالوا الكلام جابوا الكلام.. سكواها.. حبة حبة جابوه ليك!
الحضري قيافة.. باسكال قيافة.. سكواها قيافة.. وفيلكس آخر نضافة!
ود المدرب لازم يلعب!
لماذا لم يشرك ميشو هيثم مصطفى وكاريكا؟ نتمنى ألا يكونا مصابين!
الفتوى ضروري يا كاروري!
لو حتى تخسر بالصفر.. ميشو لازم يستمر!
الشعب.. يريد.. إسقاط.. هلال كادوقلي!
أخذ المريخ النمرة الكاملة.. تسعة من تسعة!
ضرب هلال كأس السودان.. وهلال بورتسودان.. وهلال أم درمان!
الشعب.. يريد.. إسقاط..هلال الجبال!
على محمد جعفر قريش أن يخاطب الاتحاد بالسرعة اللازمة لاستبدال مباراة الزعيم مع مكوك دار جعل بمباراة هلال كادوقلي!
خلونا نخلص من سالفة نقاط الأهلة من عصراً بدري!
المريخ أحسن تحية مجلس الهلال الجديد!
قول واحد.. صباح الخير يا البرير!
من قولة تيت.. مريخنا حديد!
وهلالكم محتاج جكسا جديد!
حضارات سادت ثم بادت!
بطل المتواليات.. الأسد.. البرنس.. سيدا.. ديدا.. فييرا.. المعلم!
لم نر من الهلال أمس إلا شعاره الأزرق!
ولولا أن البدري أخطأ في وضع التوليفة في مطلع المباراة لتضاعفت النتيجة عدة مرات!
لعب المريخ أما خصمٍ منهك فقد كل عناصر تميزه، وركض لاعبوه بتثاقل شديد، بلا لياقة، ولا حماس، ولا قدرة على تمرير الكرة، ومع ذلك تأخر في الإجهاز عليه حتى الدقيقة الأخيرة!
عفواً يا بدري.. هدف واحد لا يكفي!
الهلال محظوظ
من حسن حظ الأهلة أنهم لاقوا المريخ مبكراً في الدوري الحالي!
يشرف على المريخ مدرب جديد لم يتعرف على قدرات لاعبيه بالكامل حتى اللحظة!
أفضل لاعب صاعد في السودان حالياً (راجي عبد العاطي) خارج نطاق المشاركة بسبب الإصابة!
كليتشي بعيد عن فورمة المباريات التنافسية لأنه عائد من إصابة مؤثرة!
هيثم طمبل بعيد عن التشكيلة الأساسية بسبب ابتعاده عن اللعب التنافسي!
سكواها جديد ولم يلعب مع المريخ سوى مباراة رسمية واحدة ولم يتعود على أجواء السودان بعد!
باسكال جديد ويلعب مع سفاري لأول مرة!
الدافي عائد من فترة توقف طويلة بعد أن ابتعد عن اللعب ستة أشهر كاملة!
لو تأخرت المباراة عدة جولات واكتسب المريخ ما ينقصه من انسجام واستفاد من كل نجومه لنال الهلال هزيمة تسير بذكرها الركبان!
الخسارة أمام المريخ بهدف وحيد نعمة كبيرة.. تستحق الشكر يا أهلة!
هذه الطعون
طعون الحبيب تخميس!
طعن عضوية الطائف والتحرير!
طعن النقر في الكاروري!
طعن الحضري!
طعنة باسكال.. الغلب الهلال!
أبسط يا أسامة عطا المنان.. جاياك مليون ونص هدية!
هدية من إيدك مقبولة.. معناها إني على بالك.. في جمعة التنحي الأزرق والغضب الأحمر!
واحد من أصحاب الخيال الواسع قالوا ليهو (القمة بدون جمهور) قال: يا أخوانا دي ما (سكوى) جااااهزة!
سا سا!
أغاني وأغاني!
على ذمة قناة قوون: هدف المريخ سجله فيلكس سونزو.. ومنصب همد: نائب رئيس قطاع منشآت المريخ!
منتهى السكوهة!
وكلو من أتير!
من المتوقع ظهور سيدا وفييرا والمعلم وهوت في قناة الجزيرة اليوم لترديد عبارة (هرمنا.. هرمنا.. هرمنا من أجل هذه السكوهة التاريخية)!
بالنغمة ضربنا الابن!
وبالصامت ضربنا الأب!
وبالهزاز سنضرب انتركلوب!
سكواها أنت وفرحتي.. ومنى الفؤاد إذا تمنى!
الأتير القلبي رادو!
أتير غزال فوق القويز.
يا حبيبي ظمئت روحي وحنت.. لسكواها!
كان (بدري) عليك.. تسكوهني وأنا محتاج ليك!
لا شوفةً تبل الشوق ولا أتيراً يطمن!
النجمة أم برق بالفرحة ضاوية سماها.. فرحنا الزعيم ذاد عن دايرو حماها.. بي مسمار حرق كل الأهلة كواها.. وقع الأتير.. قدام ضرب سكواها «فاروق أبو حوة»!
قالوا (السكواي) ما حداث!
بعد ما راجي ختاها.. وهنو تناها.. جانا سكواها.. وتاني سواها!
ثورة.. ثورة.. إلى الأمام سكواها رامي قدام!
متصدر الترتيب فتش الوصيف سكواها سكواها.. شارع شارع.. بيت بيت.. زنقة زنقة!
وتعالوا بكرة.. أو بعد بكرة!
أقول ليكم.. طالما السكوهة حاصلة ومريخنا في العلالي.. تعالوا طوالي!
سكواها سواها ونهاها.. وجهّز شكواها!
وكما يقول الرشيد: اتسكوهي!
آخر خبر: أتير حسنك يا غالي!
أبومـرح
|
Post: #6
Title: Re: المريخـاب يحتلــون المنبـر حـاره حـاره وزنقـة زنقـة .... إلى الأمام إلى الأمام
Author: اسماء الجنيد
Date: 03-12-2011, 12:11 PM
Parent: #5
ابو مصطفى سلام وتحية يا خوي ليك وللأسرة الكريمة
غيبة طويلة بركة فوز المريخ الجاباك يابا
الف مبروك ليكم ومزيدا من الفرح
تحياتي لك وعبرك لكل العقاب هنا وفي البلد
سلامي وإحترامي
|
Post: #7
Title: Re: المريخـاب يحتلــون المنبـر حـاره حـاره وزنقـة زنقـة .... إلى الأمام إلى الأمام
Author: keiga2000
Date: 03-12-2011, 12:38 PM
Parent: #6
تسلم يديك البصمت للمريخ
وأرقص ياحضــري
أبومصطفى
|
Post: #8
Title: Re: المريخـاب يحتلــون المنبـر حـاره حـاره وزنقـة زنقـة .... إلى الأمام إلى الأمام
Author: keiga2000
Date: 03-12-2011, 12:40 PM
Parent: #7
Quote: ابو مصطفى سلام وتحية يا خوي ليك وللأسرة الكريمة
غيبة طويلة بركة فوز المريخ الجاباك يابا
الف مبروك ليكم ومزيدا من الفرح
تحياتي لك وعبرك لكل العقاب هنا وفي البلد
سلامي وإحترامي |
اختي اسماء
الله يبارك فيك
11/3/2011م يصادف عيد ميلاد حبيبتي مــرح الجابت الفــرح وبقت علينا الفرحـة فرحتيـن
وكان لابد من الظهـور يعطيك العافية وسلامي للاسرة الكريمة وربنا يحفظكم
ابومصطفى
|
Post: #9
Title: Re: المريخـاب يحتلــون المنبـر حـاره حـاره وزنقـة زنقـة .... إلى الأمام إلى الأمام
Author: keiga2000
Date: 03-12-2011, 07:14 PM
Parent: #8
في السلك
بدون عنوان
(1)
• قلنا ليكم المابتعرف ماتدوها تغرف
• ماسمعتوا الكلام
• والمابتعرف يوم الجمعه اديتوها تغرف
• ويوم الجمعه (المابتعرف ) كانن كتاااااااااار
• واحده القناه الناقله للمباراه
• مابتعرف
• اديتوها تغرف
• فوتت علينا هوبه سا سا سا
• هوبه معدوله ومقلوبه
• اذا قاصده تفوتها تبقي مشكله
• واذا ماقاصده تفوتها تبقي مابتعرف
• وغير كده
• العالم كلو عارف الجاب القون ساساسا
• ساسا سا ده
• يعني سلك ؟
• ظاهره ساكواها
• القناة كتبت فيليكس هو الجاب القون
• غرفت غرف جلبقه سااااااااي
(2)
• برضو حول المابتعرف
• اعتمادكم علي اتير توماس
• مابتعرف
• ورتكم الغرف الماخمج
• غرفت لي ساكواها
• ضواقه ماضاق
• كتحه ليك كلها
• غرفة السرور (بفتح الغين )
(3)
• الفندك
• الشغيل
• البهارات كلها دقاها ليك
• الشمار الاخضر
• الجنزبيل
• الجنزبيل بالذات
• الفلفل الاسود
• الفندك يدق
• ومصعب يغربل
• نااااااااااعمه طلعت
• ادونا فندكم ندق ونديكم
(4)
من الشعر بيت بيت
• الفقره دي داير اديكم من الشعر بيت بيت
• دار دار
• زنقه زنقه
• يقول الشاعر
• طلعت ضربة مرمي ***** قام الحضري ختاها
• كشف شديد حدد مكان **** اتوكل وزفاها
• جات جمب مقدم ******* علولو جلاها
• زنقة اتير فرقت كتير **** قام اتير دلاها
• وقعت في راس الخط **** جمب الخطير ساكواها
• ثبت باليمين وحلف يمين *** وبالشمال شمال المعز ختاها
• عزو نطط ونطط واتمطط **** سما ارض يفتش مالقاها
• وبيت بيت دار دار زنقه زنقه **** ونطه نطه ماقدر يلفاها
(5)
ملاحظات
• غياب العزيز محمد عبدالماجد امس
• الحضري يرقص علي الصامت بدون جمهور
• ياربي قون صورت رقصة الحضري ؟؟؟؟
• الهلال الخرطوم سادس الدوري حاليا
• ولسه
• موش قلت ليكم السنه دي التنافس علي البقاء حايكون ملهلب
• وبين تلاته هلالات
• المهم غلبنا
• هلال بورتسودان
• هلال امدرمان
• فضل لينا هلال كادوقلي والهلال الاحمر
• البدري لعب بي طريقة ميدان التحرير
• اصرار اصرار وطولة بال
• في الآخر
• رووووووووووووووووووووووووو
• ارحل
• ورحل طوالي
• الوالي قدم حافز بلغ ستين الف
• انتوا قايلنها ستين الف داهيه !!!
• ستين الف دولار
• ستين دي في ناس ماسمعوا بيها الا في شارع الستين
• ناس تهتف ساكواها ساكواها
• وناس تكتب وتشرط في شكواها
• لاقاني واحد بغني في الشارع براهو
• بردد اتير بي وين اتير بي وين
• قلت ليهو بي جاي هنو وبي هناك ساكواها
• الاتطير لي فوق
• آخر ملاحظه
• عرفتوا الحضري قاطع فشفاشهم ليه ؟
• اتفشفشي
• الحضري ده غايتو الا تشكوهوا لي ربنا ده ؟
• تشكوا المقادير لي منو عاد ؟
• ايسكوتي ايسكوتي
• ميش الحضري رقص عشره بلدي علي الحديده
• انهو حديده يابت ؟
• الحديده الانبرش عليها ديدا
• بجد يابت ؟
• امال ايه ... وقالك كمان يامه الحاجه الحضري رقص بدون تصديق
• يعني ايه يابت ؟
• يعني هايشتكوهوا
• طب مايرقص يابت , الوسط وسطو هو في حد عندو معاه حاجه ؟
• وقالك يمه الحاجه الحضري طلع لسانو كمان ؟
• هوا لسان مين يابت ؟
• لسان الحضري
• طيب مايطلعوا يابت اصلوا لسان العرب !!!!!
• لكن والله رقصت المعز بعد الهدف برضو حلوه
• هنا قعده وهنا نطه
• آآآآآآآآآآآآآآآآآآآآآآآآآي
• راجعوها في الاعاده لو اعادوا الكوره
• غايتوا الا نعيدها في الاستاد
• في الشاشه الله واعلم
• عبدالله كبيري الاحمر الخطر
• قال يا ايد البدري وديتي الجماعه الحتانه بدري بدري
• حمزه حسن حمزه رسل لي رساله قال فيها
• عمياء وقايداها مجنونه
• ماشات وين ديل يا حمزه ما وريتنا !!!!!
سلك كهربا
في الافراح بنتذكرك اكتر
والي لقاء
سلك
متعة والله
ابومصطفى
|
|