من غير مجامله وبمنتهي الصراحه

يا شباب كيف حالكم واحوالكم اتمني انكم تكونوا بخير وعافيه
طبعا اظن معظمكم تابع البوست بتاع اساسي وما نجم عنه اولا احب ان اوضح
وتحت القسم بالله العظيم
اني ما دخلت لاي غرض او مرض او تصفيه حسابات
لاني اولا معافيه تماما من هكذا امراض .
ثانيا ليس لدي حسابات مع اي فرد في هذا البورد من جانبي .

كما انوه ان راسي دا متعوب عليه ولا يمكن باي حال من الاحوال ان يحمل توافـــــــــــــــــــــــــــه الامور.

عليه وكي لا احمل اي انسان فوق طاقته
علي الذين لا يرغبون في ان اتداخل معهم من الان وصاعدا تسجيل اسمائهم هنا
والتزم التزاما تاما بالا اتداخل في اي بوست يكون ملك لاحدهم .
كما يجب علي الاعضاء المعنيين عدم مصادره حقي في التداخل في اي بوست او محفل يتواجدون به .
والسلام عليكم .
لووووووووووووووول
بوست ما بشبهني
مش؟؟
بس ما فضل الاالموسيقي بتاعت الانقلابات العسكريه
بيان رقم واحد

[ بت الشمش] يا صديقة؛
قسماً بي ذات المولى القاسي انا واحداً من الناس ماني عارف
الحاصل في البتتكلمي عنو ده.. يمكن متلي في ناس تانين..
دحين ادينا رابط البوست المعني فشان نتابع..

صديقي الجميل
والله من شده الموضوع عندي ما تافـــــــــــــــــــــــه وما بستحق ولا رابط ما بعرفه ليهو .
بس اي زول ما داير معاي كلام تاني يكتب اسمه ويريح نفسه .
انا دائما مرتاحه وراضيه عن نفسي .
والاصدقاء العندي وبعزهم ويعزوني يكفوني من هنا الي يوم ان ابعث مره اخري .

Quote: علي الذين لا يرغبون في ان اتداخل معهم من الان وصاعدا تسجيل اسمائهم هنا

هيا أم نزار مراحــــــــــــب

ده كلام شنو إنت أم البورد وسندالتو
ما عاش من يزعلك و أدخلي كيفما اتفق البزعل يزعل والبرضى يزعل كمان

ما معانا قوائم بالله رجاءً


تحياتي الأكيدة وكان أبو النز جابو ليه تيمان كلميني عشان الورد

الاخت دوما

تحياتي


رغم اني زي المطرطش حتي الان ماعارف البوست البتتكلمي عنه وبغض النظر عما حدث فيه

وكما يقول تبارك
المهم

فانا اسجل نفسي في خانة الراغبين في الحوار والتداخل مع دوما دوما وابدا

الاخ المحترم عمر صديق
مرورك من هنا عني لي الكثير
شاكره لمبادرتك واتمني ان تستمر قنوات الحوار الجاده مفتوحه بيننا
لما فيه مصلحه الانسان السوداني البسيط .

انا من قائمة التواصل مع الانسانة زينب الفحل

دومه الي يوم البعث التاني

وهناك برضو في سودانيز وسودانير
ام الحكاية بتكون ملخبطة

بعد لخبطة هنا ؟؟؟


ما قاعد اشوف بوستات الخصام

لان معركة الخصم الاكبر ارزقية الجبهة تجار الدين

تاخذ مني الواجب المباشر

لكن ختيني محل ما تريدين

تحياتي الطيبة

يا رائعة واصيلة

فتحت المنبر لقيت البوست وش
عليه انا احمد العربي
ليس لدي الرغبه في

.

.
.
.
.
.
.
.
.
.
.
.
.
.
..
.
.
.وبإصرار
.
.
.
.
.
.
.
.
.
.
.
.
شديد.
.
.
.
.
.
.
.
ليس لدي الرغبة
...
..
..
..
.
في أن تقاطع دوما بوستاتي
فهي بهار هذا البورد والحب
والجمال ....
ولدوما الحب والجمال دوما
عاطر الود

احمد العربي يا فنان
ما تقول ما شفت مداخلتك او فطيتها
بس الكلام السمح دا
ارد عليه كيف ؟؟؟!!
وباي لغه ؟؟؟!!!
مودتي التي لا املك سواها يا كريم الخصال

Quote: ما قاعد اشوف بوستات الخصام لان معركة الخصم الاكبر ارزقية الجبهة تجار الدين تاخذ مني الواجب المباشر

ما اعلمه انك لم ولن تكون في حساباتنا ابدا

لافي خانة الخصوم ولا الاصدقاء

تجديد بيعة... ياأستاذة دوما...
دوما = الأم .. الإنسانية .. الثقافة والفكرة المضئية ..إحترام الذات و الأخر ...حب الوطن والناس .. من منا لايحب هذه المعاني ?
........ تعرفي مشيت قريت البوست المعني ولم أجد فيه ما يمسك بسوء ...
تقديري ....
..

الأخت دومــا

سلام


المنبر فيهو ما فيهو...
البجيب الزعل والبجيب النكد..

وده انتي ما عليك بيه...
ولا داعي للزعل ده..
الناس بتزعل وبتتزاعل في بوست وبتتصالح في البوست البعده..
يعني ما يكتب بيكون هو حد الزعل..

وعشمنا كبير في مواصلتك واثراءاتك للمنبر



تحياتي

Quote: دوما = الأم .. الإنسانية .. الثقافة والفكرة المضئية ..إحترام الذات و الأخر ...حب الوطن والناس .. من منا لايحب هذه المعاني ?

شكراً يا كمال عباس...


ماما دوما..
كدي بالله لزي لينا الإيمل بتاعك ..أو رقم التلفون لو أمكن.




________
ولدك الجَنْقُو حافظ حسين تاعبني شديد ياخ...
لوووووووووووووووول

Quote: وده انتي ما عليك بيه... ولا داعي للزعل ده.. الناس بتزعل وبتتزاعل في بوست وبتتصالح في البوست البعده.. يعني ما يكتب بيكون هو حد الزعل..

الابن المحترم عبد العزيز عيسي
تحياتي
والله يا ريت لو كان كدا الحاصل يا ابني
انه في ناس بتصرها ليك لشهور وربما سنين وربما ابدالدهر
وانا ما من النوع دا
عشان كدا احسن نكون صريحين
النوع البصرها دا هذا فراق بيني وبينه .

Quote: من غير مجامله وبمنتهي الصراحه

انا عايزاك تداخلى معاى
حتى لو اختلفتى معاى فى الراى ..
وحتى لو شاكلتنينى ..
مداخلاتك دايما بتدى قيمة للبوست ...
ذكاء ووجاهة راى .. وهندسة










ــــــــــــــــــــ
ويا جبل ما يهزك ريح !

يا ماما دومة انتي في زيك كم في المنبر ده عشان تسالي? أنا والله بفتش لي مداخلاتك لانها بتدينا أمل في وعي المراة السودانية و عشم في أنه الناس الحولك تتعلم منك ..."لكن ما عارفة ليه أقرب الناس منك ما مستفيدين من الطاقة الأنسانيه دي ليه" أنا غايتو أكاد أجزم اني استفدت من قصة حياتك و اتعلمت أحاول أمرن نفسي على التسامح و الغفران... لك كل الحب يا دومة و استمري في بذر الأنساني ما استطعت يا غالية.

Quote: لكن ما عارفة ليه أقرب الناس منك ما مستفيدين من الطاقة الأنسانيه دي ليه"

عارفه يا عفراء بتي انا زمان كنت زوله شرسه
و متاكده لو في زول من زمن الجامعه ما ح يصدق اني بقيت مسكينه كدي الغنمايه تاكل عشايا
كله بيتم بتقدم العمر الانسان بيعقل
لما تنتهي فوره الشباب
والواحد يكتشف انه مهما اؤتي من كل شئ
انه لايسوي شرو نقير امام دقه الكون دا وبدائع الخلق .
وتبدأ تتضاءل الاشياء في نظرك وتعرف حجمك الطبيعي
انك انسان مخلوق ضعيف ستعود مره اخري لهذا التراب
فتقول ليه الهيلمانه وليه الاحتراب وليه الصلف ليه الغرور ليه االشرور
ما كله الي زوال الا الكلام الطيب والعمل الطيب .

سلام يا دوما
طولنا من تلفوناتك الجميلة
هسه الواحد لو داير يتشاكل معاك
يشاكلك في شنو؟ ولي شنو؟
سلام لي دوم والعيال

Quote: ا وحتى لو شاكلتنينى ..

دندون يا ستهن انت ما بشاكلوك
عامله صور بروفايلك السمحه دي

Quote: تجديد بيعة... ياأستاذة دوما... دوما = الأم .. الإنسانية .. الثقافة والفكرة المضئية ..إحترام الذات و الأخر ... حب الوطن والناس .. من منا لايحب هذه المعاني ?

الابن المحترم ابو عبيده البصاص
تحياتي وشاكره للطله
اتمناك دوما بخير .

العزيز صبري الشريف
تحياتي ومودتي التي تعلم
شكرا يا صديق

الابن العزيز آدم صيام
تحياتي ومعزتي
طبعا ما اظنك متذكر وين اتلاقينا يابني ؟؟
تصدق ما ناسياك ابدا وللان اتذكر اين التقيتك وفي اي مناسبه
ومع اني رايتك مره واحده لكن لوالتقينا ممكن اتعرف عليك .
.
نزار عنده تلاته اولاد . سامي امير ومازن
تصدق امير امس اشتري لي ورد جابوه لي اشوفه بالاسكايبي
عسل بس ربنا يحفظهم .
شكرا ليك يا ابني علي الكلام الطيب وقطعا من معدنك .

ستنا و تاج راسنا العزيزة دوما

يا قول كمال عباس، ده تجديد بيعة، لووول و عليه نجدد بيعتنا و نتمني من الله يخليك لينا في بوردينا ده و لاولادك و اهلك و اصحابك

لكن انا عندي عشم واحد و اتمني انك توعديني انك تفكري فيه، ما دايره وعد انك تنفذيه الا اذا اقتنعتي بجدواه
انا قريت جزء يسير من البوست و بصراحة ما فهمت الحصل غلط شنو، لكن فهمت انه في قراية متقاطعة للبوستات و تاريخ انا غير ملمة به ده من ناحيتك انت و تمبس، و بما انك ست التصافي في المكان ده، ياريت لو انتي ضربتي لينا مثل و حاولتي مع تمبس تفهمي سر المشكلة شنو، انا من قرايتي البسيطة لما خطة تمبس في البورد، علي الاقل ما قراته، ما شفته ختي علي زول، قد يحتد في الرد مرات و لكن قصتكم ده شكلها فيها حاجة بسيطة ما مظبوطة و ياريت لو قدرتو تحلوها

عني شخصيا افضل لو ما تدخلت في الموضوع، و عشان ما اثقل عليك، ما دايراك حتي تردي لي هنا، بس فكري في الموضوع و اعملي ما ترضيه لنفسك

كل الود و الاحترام ليك و لتمبس

يا ناسي يا السمحين والسمحات مرحب بيكم ومشكورين وفي حدقات العيون
البوست دا ابدا ما كتبته وانا زعلانه او مشتكيه من انسان ابدا
انا انسانه نفسي سمحه
ودا ما شكر لنفسي بل توضيح لهبه وهبني لها الخالق
منزوع من نفسي الحسد والحقد واضمار الشر.
ممكن ازعل واحتد واقول كلام ما جميل يغضب الاخر
لكين ابدا ابدا ما بفكر في الحاق الضرر بهذا الانسان ولا بعتبره خصمي .
والله العظيم ما جئت هنا شاكيه من احد
ولا عاتبه علي احد
وملتزمه بعدم الاحتكاك بTmbis

وكل غرضي ان ياتي من لا يرغب في الاحتكاك بي
ومن غير مجامله ان يكتب اسمه هنا
حتي لا احمل الناس ما لايطيقون .

سلامات يا تاج الرأس

ماعارفة الحاصل شنو

لكنما اظن في زول عاقل ما يكون عايز يتداخل معك
وانت من عركتها الحياة وتعلمت
الخبرة مع العلم مخزن لا ينضب لكل عاقل.
مع التواضع وكرم الاخلاق مافي منك اثنين..

اشوف الموضوع واجيك

يا حبان والله البوست دا ما محاكمه لزول
ولا تحقيق منو الغلط علي منو ؟؟.
بس الما عايزني اتكلم معه او ادخل في بوست كاتبه هو بكيبورده يكتب اسمه هنا >
ح ارفع ليكم البوست دا سبعه ايام بلياليها وبعد دا ك الما بسجل اسمه ذنبو علي جنبو
شوت ضفاري
انا زوله بحب الهظار وما بعرف حكايه الهمز واللمز وبكرها جدا
اي زول عندي معه موضوع بقوله ليه بالاسم وقدامه .
اي زول ما بيقدر يحتملني يكتب اسمه هنا
مجانا
ما فيها رسوم لا غرامه
مع خالص الشكر والتقدير والمحبه في محلها .

ستنا و تاج راسنا العزيزة دوما

يا قول كمال عباس، ده تجديد بيعة، لووول و عليه نجدد بيعتنا و نتمني من الله يخليك لينا في بوردينا ده و لاولادك و اهلك و اصحابك

لكن انا عندي عشم واحد و اتمني انك توعديني انك تفكري فيه، ما دايره وعد انك تنفذيه الا اذا اقتنعتي بجدواه
انا قريت جزء يسير من البوست و بصراحة ما فهمت الحصل غلط شنو، لكن فهمت انه في قراية متقاطعة للبوستات و تاريخ انا غير ملمة به ده من ناحيتك انت و تمبس، و بما انك ست التصافي في المكان ده، ياريت لو انتي ضربتي لينا مثل و حاولتي مع تمبس تفهمي سر المشكلة شنو، انا من قرايتي البسيطة لما خطة تمبس في البورد، علي الاقل ما قراته، ما شفته ختي علي زول، قد يحتد في الرد مرات و لكن قصتكم ده شكلها فيها حاجة بسيطة ما مظبوطة و ياريت لو قدرتو تحلوها

عني شخصيا افضل لو ما تدخلت في الموضوع، و عشان ما اثقل عليك، ما دايراك حتي تردي لي هنا، بس فكري في الموضوع و اعملي ما ترضيه لنفسك

كل الود و الاحترام ليك و لتمبس

غايتو انا رحاب خليفة عبرت عنى تماما ........


________________________________________

تلقيها عند الغافل قال اى زول ماعايز

بيان رقم اتنين
اي زول ما سجل اسمه في قائمه من لا يرغبون في التداخل معي
يستعد للشوت الظفاري

صديقتي الصدوقة دوما عليك الله تاني لما تكسري لي تلج لفيها لي في كيس ورسليها لي في الماسنجر عشان ما بدون سبب يطلعوا ليك تاريخك لي جد جدك
انت دوما دي في الصين البعيدة ديك وقالوا البعيد من العين بعيد من القلب , انا دا القاعد هنا معاهو سوا سوا , وقبل اسبوعين تلاتة مخمخم شفعي ومساهر بيهم عشانو للصباح ارقص بدون خجلة , دقني ما غطيتو طلعوني فلاشا واصحاب غرض

Quote: صديقتي الصدوقة دوما عليك الله تاني لما تكسري لي تلج لفيها لي في كيس ورسليها لي في الماسنجر عشان ما بدون سبب يطلعوا ليك تاريخك لي جد جدك

لوووووووووووول والله يا اساسي لا اكتمك سرا بريد اقرا كتابتك لانها كتابه ذكيه و ساخره وحتي لو كنت انا التخته
I can't resist Asasi flavour

سلام .. يا دوما
وليكي قوما
هو الناس وين
لاقينك يا ام نزار
ياالسمحه ورزينه ...
شاحد الله
البياباكي ...
والمابدورك ..
يا ضي الرتينه
اريتو ...
لا يضوق الهنا
ولا يشوف الجنا
دحين يا ستهن
ما تشيلي هم
متاوقة ...
ناس غشينا
وناس مشينا
وياكي يا الحبيبه
يطول عمرك
ويدوم عزك
بنيتنا المننا وفينا

التحيه والسلام لابو نزار

لووول محمد مصطفي مجذوب حبابك
والله قصيدتك سمحه الا
لو تسمح نعدل فيها شويه
اريتوا المابيني
يضوق الهنا
والجنا
دسته من بنات لي اولاد
بركه الخميس المقابل الجمعه .
بركه الجمعه الجامعه والدعوه السامعه .
ما بتمني للناس الا الخير يا ود امي
عندي الجنا والبريدو لي وليداتي بريدو لوليدات الناس
ربنا يبرد حشا الولدوهم

Quote: بيان رقم اتنين اي زول ما سجل اسمه في قائمه من لا يرغبون في التداخل معي يستعد للشوت الظفاري

ظفـــار و لاّ مسقط
لوووووووووووووول.





_
كلامك بتك رحاب خليفة الفوق داك ما تنسيهو .

اها طيب ح أنتظر لي بتين ياخ الايمل ده يا ماما دوما
إنتِ وحافظ , مُش كان في إتفاق..؟

Quote: إنتِ وحافظ , مُش كان في إتفاق..؟

والله انا وحافظ دا عندنا اتفاقيات
مش اتفاق واحد وكلها مخستكه
هو وين الزول دا ؟؟؟!!!انا بفتش عليه شديد .
رسلنا ليكم التلفون والاميل
رسلوا المصاريف عاجلا .

ام نزار
سلام
عمرك اطول من عمري

Quote: دسته من بنات لي اولاد

ههههههههههههههههههههها
اها انا ...نيتي غلبت
عشان بيني وبينك كدي
لينا نحن الناس الفي غرب اروبا وناس امريكا ديل ..
حكاية نتمني للواحد دسته عيال ...دي زي البندعي عليهو

تسلمي يا ام نزار

بيــــــــــــان رقم 3

من اراد ان تثكله امه
فليزعل زينب الفحل
وليترك الكيبورد ونلتقي في اي صقيعة واسعة

هييييعع هيع اخوي ود البوش
الله ما جاب الشينه
كلام بسييييط وحاتك
مناكفات اسفيريه لا منها لا عليها
جابتو الهبوب وتشيلو الهبوب .
المواعين في بطن البيت بطاقشن
والمصارين في البطن بجاوطن

Quote: ههههههههههههههههههههها اها انا ...نيتي غلبت عشان بيني وبينك كدي لينا نحن الناس الفي غرب اروبا وناس امريكا ديل .. حكاية نتمني للواحد دسته عيال ...دي زي البندعي عليهو تسلمي يا ام نزار

والله يا بروف ديل ناس سعوديه ربنا يديهم الفي مرادهم
سلمت من كل بلاء يا توب غتاي

الحبيبة دوما ..

أكان غلطنا عليك وله بس رفعنا صوتنا ساي في حضرتك ..

شوتي طوالي .. وما تترددي أبداً

ياخ معقولة بس ..

إنتي حبيبة الكل وخالة الجميع يا دوما ..

تسلمي من كل شر إن شاء الله ..

ماما دوما ام وشاً شبر

الله لا يحرمنا منك

التوقيع : اب عمة

Quote: ماما دوما ام وشاً شبر الله لا يحرمنا منك التوقيع : اب عمة

لوووووول يا اخي والله انتوا ناس سمحين
يا الصادق ضرار ولدي
والدتي الله يرحمها
كانت بتقول انا ما بخاف من زول وشه شبر
لكين النوريكم شبر امي دا من الابهام للسبابه
اها معناتوا كل زول وشه قدر شبر يده .
ما في زول يشبر وش اخوه .

سمحة والله ومقدرة

Quote: لكين النوريكم شبر امي دا من الابهام للسبابه

العزيزة جدا / دوما

ماعارف الزعلك شنو ، ماجبت الرابط ، لكن للضمان كده الزول التاني غلطان بعداك نشوف

بخصوص الشبر ومقداروا أحكي ليك القصه دي

في الأيام التي شهدت ملاسنات بين البشير ومبارك بخصوص موضوع حلايب
كان التلفزيون المصري يقدم قفشات عن البشير وذلك بإيراد تعليقاته ومن ثم تعليق حسني مبارك عليها

فملأ الشاشة وجه البشير في لقاء مفتوح وهو يهتف ( نحن ماحنفرط في شبر من بلادنا )

وجاء تعليق حُسني

الرئيس السوداني بيقول مش حيفرط في شبر من بلادو
والجيش المصري ( دلوأتِ ) موجود في حلايب

هوَ شبرهم ده أد أيه؟

_____________________

الإحترام الكتير يادوما ولابأس من سوء فهم هنا وهناك ، لا نجاة من ذلك

Quote: ماعارف الزعلك شنو ، ماجبت الرابط ، لكن للضمان كده الزول التاني غلطان بعداك نشوف

عارف يا عمر عشاري انا مسمياك الرايق
ما في شئ مزعلني يا الرايق
انا في زول زعلان مني واقف لمبه
( هومن وجهه نظرو اكيد ما غلطان)
وانا من وجه نظري انه فسر دخولي البوست بتاع اساسي تفسير خاطئ تماما
وقلت عشان تاني ما ازعل زول
الما داير معاي كلام يكتب لي ما عايزك تد اخلي معاي يا دومه
الما بكتب ح يكون معرض اني اتداخل معه واحتمال يمر موقف يزعله .
-------------------
النكته والله زعلتني لووووول فضحونا مع المصريين .
الشبر السوداني دا كيفما اتفق
مرات مليون ميل
ومرات من السبابه للابهام

Quote: بيان رقم اتنين اي زول ما سجل اسمه في قائمه من لا يرغبون في التداخل معي يستعد للشوت الظفاري

اعتبر دا وعد منك يا خالتو دومة؟

العزيزة دوما

تحياتي ومن غير مجاملة وبمنتهى الصراحة يوم هاتفتك من بانكوك ولقيتك في بكين إنتابني إحساس بسودانية كأنما تخرج ليم من جهاز الهاتف وتقول ليك مرحب يا حشايا وجيدأً جيت إستريح لي قدام. ولولا المسافات كان قالدتك سلام سوداني . وكان الوعد الصادق في المرة الجاية برسل ليك الولد ويكون في إستقبالك. لكني لم أعاود الرحلة لبانكوك حتى للحظة.

التوقيع : داخلي زي ما دايرا كان معايا ولا ضد راي.

بحيراوي

البحيراوي يا انسان يا جميل
دا اقل شئ اقدمه
ويا ريتك لو كنت لقيتني هناك

وان جيت هنا اشيلك فوق راسي
حبابكم ومرحب بيكم في اي مكان وزمان
ابناء السودان كلكم اهلي وحباني
من شماله لجنوبه من شرقه لغربه

Quote: اعتبر دا وعد منك يا خالتو دومة؟

لووول اشرف يا حلبلب
اها قول واحد شوت ضفاري
لو قلت نصلحو
نصلحو كمان

دومـــــــــــا الله يسلمك...
لك ودى واعزازى.........


متابع ولاخيار ياكى دوما ...شكرا
دوما الام الخالة الاخت الصديقة
لوووووووووووووووووووول

سلام يا ماما دوما

أبصم على كل الإتقال فوق ده

و احسن من عبر عني

أستاذي كمال عباس

Quote: تجديد بيعة... ياأستاذة دوما... دوما = الأم .. الإنسانية .. الثقافة والفكرة المضئية .. إحترام الذات و الأخر ...حب الوطن والناس .. من منا لايحب هذه المعاني ? ..

ولك يا غالية وله هذه

غايتو ده بنعتبرو بوست إستفتاء online
عليك الله شوتيهم كلهم.

Quote: والتزم التزاما تاما بالا اتداخل في اي بوست يكون ملك لاحدهم .

مافي بوست (ملك لأحدهم) .. قالوا إسمو (منبر خاص).

الما عايز يتداخلوا معاهو طارح كلامو هنا ليه ... ما يرسل إيميلات.

سلام ماما دوما

هو في شنو؟

يشهد الله دخلت بوست اساسي

الي اصدقائي الصدوقين او عنوان مشابه...
وقريت فيه لي نصو..ما فهمت حاجة وطلعت

هسي هنا برضو ما فاهم حاجة...

يعني نفهم انو البورد دا من هنا وجاي عايز يتحول
الي ( فيعرض هذا ويعرض هذا...بدون خيركما)

انا غايتو صديق دوما واساسي...وصديق اعدائهما
هي العداوة الما بحلوها بالعكاز دي عداوة؟؟

Quote: انا غايتو صديق دوما واساسي...وصديق اعدائهما

لوول نزار غايتوا انا ما عندي عدو تب
الا تكون صديق الر فيق الفسل .
يا زول كلام تـــــــــــــافه والله ما ادلك علي محلو ولا بستحق
بس ما بدور اغلت علي الناس اي زول ابرتو ما بتشيل خيتين يكتب اسمو

Quote: الا تكون صديق الر فيق الفسل

ههههههههههههههههههههههههههههههههههههههههه

كان كدي...انا ابرتي مشفي...(بتعرفي المشفي يا دومه؟
بتشيل شريط دباره ...والف خيط

Quote: كان كدي...انا ابرتي مشفي...(بتعرفي المشفي يا دومه؟

بري شن خبرني بيه يا خوي افرز بالله
انا ولدوني في الراهبات
وقريت في سيستر اسكول
وساكنه العمارات
وبنصيف في Côte d'Azur
تقول لي بتعرفي اللشفا؟؟؟!!

Quote: وبنصيف في Côte d'Azur تقول لي بتعرفي الاشفا؟؟؟!!

hgu.d.

العزيزة بنت الفحل ام الرجال و اخت الرجال ، بختك و الله المره الجايه تنزلى انتخابات طوالى وتفوزى شفتى حب الناس ليك ، بالرغم اننى ما عارف حاجة عن الموضوع الذى ازعجك ، دعينى اقول انك إنسانه كريمة و حنونه و بتعرفى الواجب .

الاخ الكريم هجو الاقرع
كله فضلت خيرك يا عشايا
الرجال مواقف ومواقفك مشهوده .
شهم كريم الخصال وجاهر بالحق دون وجل
سلمت يا ابا هاله من كل شر .

شوتي شوتي..احنا لاقين لما ماما دوما تشوتنا..

الجميلات موز الجنائن
دكتورتنا رشا سالم
وشاعرتنا الرقيقه سومه الجنيد
واعلاميتنا ناديه عثمان مختار
تسلمن يا الحبيبات
انتن برشكن بالعطر الفواح .

دوما الحبيبة من القليب قريبة
انا غايتو متل اخوي المطرطش الفوق ده ماني خابرة شي يعلم الله ولاني دايره اخبر تب’’
لكن بدورك اتي تخبري إن مر يوم وما شفت إسمك حايم بالفريق في حلة بكري دي بتجيني خمة نفس وحراق روح
دحين يا خية إن ما لقيناك بنهاجر ليك في الصين دييييييييك
مش قالوا اطلبوا العلم ولو في الصين؟
اها أنا سوما القدامك دي بقول ليك علما من مدرستك إنتي ادفع ليه عمري يا السمحة من البداية وكريمة للنهاية

الخالة دوم,,

غايتو أعفى لى أنا ضحكت فيك ضحك شديد,,

ما شماتة والله لكن شنو ما تعرف!!!


كان عندك معاى حساب صفيهو زى ما يعجبك
الزعل ممنوع ,,

تحياتى,,

Quote: بيان رقم اتنين اي زول ما سجل اسمه في قائمه من لا يرغبون في التداخل معي يستعد للشوت الظفاري

يا بت الفحل
لازم تغسلي رجولك نضيف وتقصقصي الأظلاف وتنظفي الحوافر
عشان الشوت يكون نضيف وظريف
وما يعمل لي غرغرينا في كنكوجي

بالمناسبة ،، ماسمعتي غنية : حبيبي تعال نتشاوت ؟
الشوت المقصود هو الشات
وليس الذي تتوعدينا به

Quote: يا بت الفحل لازم تغسلي رجولك نضيف وتقصقصي الأظلاف وتنظفي الحوافر عشان الشوت يكون نضيف وظريف وما يعمل لي غرغرينا في كنكوجي

بالله اسع يا حباني الود بركوته دا الزول يعمل فيه شنو ؟؟؟
اشوته ليكم ؟؟؟

Quote: غايتو أعفى لى أنا ضحكت فيك ضحك شديد,, ما شماتة والله لكن شنو ما تعرف!!!

لوووووووووووووووول
ايمن الطيب انت حدد شماته ولا تصفيه حسابات ؟؟؟!!!

لا ايدي لا كراعي يا ولدي جيت اتفرج فرجوا بي وكسروا عدتي
لووووووول والله اانا ذاتي اتكيفت منه .
غايتوا اسع ضحكتني لما ولدي جاء قال لي مالك يمه ؟؟؟
قلت ليه ديل ناس سودانيز ديل يوم بكتلوني بالضحك

الخالة دومه

تحياتي

غايتو الزول القال الدنيا دي آخرها كوم تراب دا زول كريم خلاص

ياخ دي آخرها صفر كبييييير وما يفقدو الانسان كل يوم مفروض يخليهوا

صاحي لحتة أنو هو نفسو يوما ماسيتم فقدانه وإلى الأبد

عشان كدا المحبة والصفح دائما كويسات

ونأمل دوما في رتق التشققات التي تظهر بين الحين والآخر

والجميع أخوة بإذن الله

الابن العزيز حمد عبد الغفار عمر
اسعدني مرورك
حقيقي الدنيا صفر كبير
انا ما شايله في خاطري من زول ابدا
. بس لما اصل حدي تاني ما عندي طريق اصلاح لا رجعه
والبورد دا واسع بشيلنا كلنا .
بتمني للجميع العافيه والتوفيق .

Quote: علي الذين لا يرغبون في ان اتداخل معهم من الان وصاعدا تسجيل اسمائهم هنا!!!

الخالة دوما!

السلام عليكم!

طيب ماذا عن الذين لا ترغبين أنتِ أصلاً في التداخل معهم!!!

والله جيتيني مرة صاح! لكن تاني ما كررتيها!

وأنا يا ما جيتك! بل مرة جيتك، ما رديتي علي ذاتو!

ههههههههههههههههههههههههههه

Quote: طيب ماذا عن الذين لا ترغبين أنتِ أصلاً في التداخل معهم!!! !

شكرا للابن صلاح عباس فقير علي السؤال ( احم احم ) من باب الاهميات كدا
اولا ا انا بتداخل من طرف ما من نوع ما بنمش لي ناس ما بجونا
لاني ما بفتح بوستات بنفسي يعني دايما بكتب في بوستات الناس

او اكون ما فهمت الموضوع المطروح
ادا كان مشفرا من ود الصايم ا وود البشري ابو حتوت
او ما يطلق عليهم بشله الانس والسمر واخيرا بالرماديين
( اسع يجوا يتشبكوا فيني ) ان شاء الله ما يشوفوه
بقوا حساسين ناس البورت دا
او ما عندي كلامه اقوله عن الموضوع المطروح .
.

Quote: والله جيتيني مرة صاح! لكن تاني ما كررتيها!

يعني يا صلاح ليله القدر دي بتجي للزول كل يوم ما تبقي طماع يا اخي

Quote: وأنا يا ما جيتك! بل مرة جيتك، ما رديتي علي ذاتو

عيب الشوم لو انت جيتني وانا مارديت عليك
فيا اكون الثقيله انا وهنا بعتذر عن ثقالتي جد والله
او التقيله الانترنت نت كونكشن بتاعنا
او الثقيل بورد بكري دا وغالبا بيكون هو الثقيل

Quote: غايتو ده بنعتبرو بوست إستفتاء online عليك الله شوتيهم كلهم.

ههها يامحمد ابوالعزائم
دي وصيه سمحه ما ح افرط فيها نهائي.

الاحباء الابن معاويه عبيد الصائم
والاخ العزيز خالد العبيد
خليكم دائما في الجوار
الرش محمدكم الجوز لووووول مني انا طبعا

Quote: الحبيبة دوما .. أكان غلطنا عليك وله بس رفعنا صوتنا ساي في حضرتك .. شوتي طوالي .. وما تترددي أبداً ياخ معقولة بس .. إنتي حبيبة الكل وخالة الجميع يا دوما ..

الحبيب عبد الله كسلا
يا بلدي يا حبوب
ليك القومه والانحناءه

حاشاكم انتوا ما بتغلطوا علي يا السمحين
واتمني اني ما اغلط علي زول فيكم

شاكره مرورك وطيب كلامك يا الباهي

آخر فتوى طالعتها لدى مجمع الفتوى
( ان الشايت والمشيوت
كلاهما في النار ، مع دون كيشوت )

فلو ناوية بالجد
شيلي معاك طفاية

الخالة دوما
سلام
لا ارغب الا في احترامك لان كتاباتك شمعة تضئ ظلام عراكنا المنبري , ومداخلاتك نسمة تعبر جدارات الخصام باكسجبن متدفق من شرايين القلب الابيض المتدفق سماحة كما اهلنا البسطافي اصقاع اريافنا النائية فانت الام الرؤوم والحبوبة التي تسدل ضفائر حكاوينا في جلسة جبنة .

لاول مرة اكسر ثلج لزول في المنبر دا لكن تستاهلي لانه من الدواخل .

Quote: لاول مرة اكسر ثلج لزول في المنبر دا لكن تستاهلي لانه من الدواخل

هههههههههههها الابن العزيز يوسف السماني يوسف
شاكره كثير لطفك
واظنها اول مره زول يكسر لي ثلح في البورد دا
تسلم يا سمح يا زين

الفاضلة دوما

ما تلتفتي للناس الما بشبهوك

والله انت نوارة منبر بكري ده

والبرشك بالمية نحنا بنرشو باي حاجة قدامنا

احترامي الذي تعهديه

الفاضله جداً
زينب الفحل
التي لم يملك ابني ذو السنتين ونيف الا ان يتحكر امام شاشة كمبيوتري منتظرا لوجها النور وطلتها البهيه
ليهتف لها ه ت ا ف ه المحبب...لها .....لي....لامه......زينب الفهل جات
هكذا ابني ببراءة الاطفال وحكمهم الصادق احبك لا لشئ الا لانك اهلٌ لان تُحبي ويُرتاح لك..بس لله في الله كده
منذ سنين عديده اتابع كل مداخلاتك والتي لم تخرج من حق ولم تقارب باطل لهذا احبك الجميع حتي المختلفين معك رأياً
لم يجدو الا الانحناء لك حباً كرامه.
وانا بالضروره المنبريه كنت من هولاء المتيمين بكتاباتك المعطونه بحبر الصدق والمكتوبه بمداد سنين من خبرة الحياه
لذا لا علينا سوي ان ننصت اليك مستمعين
لوووووووووووووول دي حقتك...فتحت عيوني وعثمان بلاوي فيني وكتبت فعذرا ان كان كلامنا متقازماً امام مقامك السامق
انتي تداخلي وتشوتينا كوره ونحنا نستمتع بذلك
لوووووووووووول تاني

التعديل لفصل كلمة ه ت ا ف ه

يادكتور فاروق يا اخي عثمان دا حبيبي انا عسل ربنا يحفظه

حبوبتى دوما ما تعملى دعايه لرقبتك ساكت
كان تقولى كلامك ده زمان لما كنت خالتنا ساكت
بعد النار انطفت والحله انكفت تقولى مادايره هظارنا
يعلم الله تاريه الزهايمر ده كعب خلاس..
لووووووووول..
انا شخصيا ما داير معاك كلام جادى باقى
عمرى ده،اصلو ما فضل كتير،،،

ما قريت البوست و لا حاجتين

لكن واضح لي انو ماما دوما عاوز تجس شعبيتا في البورد

اها العميان جا شايل المكسر و داك يا كستير التلج

قديمة يا ماما دوما
العبي غيرا




-------

اسمعي وجودك ضروري جداص ياخ في تيمنا
و نا دي لحدي اسي مرصود فيها انا و منال معيار
الناس الكورتم قالشة طوالي ..
لكن على بياض نية .. محل ما تجي تجي
انتخبناك كبتن رسمي للتيم الشوتو اصلن زي تشتيت الكورة ..
تقولي لينا مقاطعة و هيلكوبتر!!؟
مقاطعة وين؟
كان قاطعيتنا ذاتو بنجيك انحنا ديل .. المافي شنو؟
على كيفك هو!؟

بالله اي زول جاي من الضهاري ما يكتب اسمه
نحن اولاد ام درمان نشوت اي قيقاوات

كُر كُر كُر كُر كُر كُر كُر كُر كُر كُر ...










... المهم ......

Quote: بالله اي زول جاي من الضهاري ما يكتب اسمه نحن اولاد ام درمان نشوت اي قيقاوات

ايوة قرضي على كدا بس







------

قال اولاد قلبا قال ؟ ..
ما نفس الضهاري و نفس البقر ..
بس بعتو بقركم قبلنا و قبلتو غرب ( المنتزها ) ذااااااتا بس!
قلتو احسن تجو قريب بدل المساسقة

أخ .... واحده اتحسست يا (منز)..

العزيزة زينب الفحل ..
البعض في هذا البورد يجذبون الإنتباه ببوستاتهم ومداخلاتهم المتميزة والذكية والفكهة..
وزي ما قال أحد الإخوة هنا..
دا بورد عام تتحشري في أي بوست وتقولي الدايره تقوليهو..
جادة كنت أم مهازرة..
ناقدة كنت أم مؤازرة..
يقبل صاحب/ة البوست ويعقب عليك بلباقة / ما يعقب عليك ـ مرحب ..
يعقب وهو مادي بوذه ـ برضو مرحب ..
المهم إنك وصلتي للقارئ المعلومة العايزها تصلوا..
القارئ ذكي يا دوما ..
وبنكشف ليهو Mood الكاتب ساعة اصابعو لامست الكيبورد..
ارمي وراء ظهرك وواصلي عطائك..
سلمتي واسرتك.

الخالة العزيزة دوما

ســـلام..
انت بالذات عندك حق الفيتو اتداخلي في اي بوست
والله صحي
والما عاجبو يشرب من الترعة


تحاياي

الابن الجميل
الامين موسي البشاري
يا عريس
الف مبروك
بيت مال وعيال
وموده وسترة حال

ماما دومة العسل

مع إني ماعارفة في شنو ذاتو !!

لكن عاوزة أقول ليك أنتِ وأحدة من الناس لمن تدخلي لي بوست إن شاء الله بنقطة بفرح فرحة بت صغيرونة بفستان العيد البمبي !!

تسلمي ياوأعية ووأضحة وحقانية .

العزيزة دوما
خاسر من لا تتداخلين معه وبائر البوست الذي لا يتجمل بفكرك الثاقب ووعيك المتقدم وعباراتك الرقيقة..

ماما دوما
سلامات

Quote: عليه وكي لا احمل اي انسان فوق طاقته علي الذين لا يرغبون في ان اتداخل معهم من الان وصاعدا تسجيل اسمائهم هنا والتزم التزاما تاما بالا اتداخل في اي بوست يكون ملك لاحدهم .

شايف مافي زول سجل اسمو
قلت من حظي
1- ياسر بيناوي
اوكون وبكل شجاعة اول زول يسجل اسمو يطالب ماما دوما

































بالتداخل في بوستاتي كلها وتعتبريها حقتك





خالص الود

ياسر بيناوي
وينك ياخ
انت مسجل اسمك يا فرده معناه ما يداخلو معاك,كدي اقرا البوست تاني
مالك طاشي شبكه

Quote: ياسر بيناوي وينك ياخ انت مسجل اسمك يا فرده معناه ما يداخلو معاك,كدي اقرا البوست تاني مالك طاشي شبكه

القال ليك منو طاشي شبكة ا دكتور

لكن لاني متأكد من اصلو مافي زول حيقول ليها ماعايزك تجي بوستاتي
حبيت اقول ليها ناس المنبر كلهم حقولوا لقيكي وجودك في بوستاتنا يسعدنا



خالص الود

من غير مجامله لك منى
كل الود والاحترام
واتمنى ليك اقامه طيبه بيننا
ولك الصحه والعافيه

من غير مجامله لك منى أنا نجلاء سيد احمد

Quote: العزيزة دوما خاسر من لا تتداخلين معه وبائر البوست الذي لا يتجمل بفكرك الثاقب ووعيك المتقدم وعباراتك الرقيقة..

الحبيبات نجلاء سيد احمد ومحاسن احمد محمد
شاكره طلتكن البهيه
لكن حبي واحترامي الكبير
لما تقمن به لاجل الوطن والمسحقوين

مرحب بالابن ياسر بيناوي
تقبل خالص تحياتي

العزيز BAKTASH
شكرا علي طيب الكلام
وبالتاكيد دا كلام كثير علي مشاركاتي ومقدراتي المتواضعه جدا
شكرا ليك فهو من لطفك

Quote: أخ .... واحده اتحسست يا (منز)..

تصدق يا محمد علي طه الملك يا عزيزي
ا لاتحسس ما واحده بل واحد ؟؟!!
مودتي التي لا املك سواها

Quote: يعلم الله تاريه الزهايمر ده كعب خلاس.. لووووووووول

لووووووول يا ود اختي يا زين الزهايمر دا سمح خلاص
تخيل ما بتصر ليك غبينه بتنسي طوالي
وانا ولدوني بالزهايمر
اي كلام ما حلو بنساه
هو في زمن يا ود اختي عشان نشيل النكد نحوم بيهو ؟؟!!

في دار ابو منو ؟؟؟!!!
وحاتك انا بمسح طوالي.

الابن الغاالي دكتور محمد علي المشرف
ياها طله جميله لي زمن من شوفتك
امنياتي الطيبه ليك وللحلوين بطرفك
يا راقي يا ظريف

Quote: آخر فتوى طالعتها لدى مجمع الفتوى

ياهو الفضل كمان حتي اصحاب اليسار يفتون

حبيباتي اميره ورحوبه شاكره للمداخله
كلامكن علي العين والراس
بس متل ما شرحت ان المقاطعه كانت مطلبه هو اولا
وفي بوست اساسي كررها لي
كل الذي ارجوه انه يشيلني من راسه
لو لاقيته في محل او اتكلمت مع زول في بوست هو فيه
الكلام بتاعي ما بيكون بعنيه لا من قريب لا بعيد
لانه هو بالنسبه لي بقي في حساب العدم .
مودتي ليكن علي الدوام

خالة دوما

تحيــاتى ..

حقيقى الكلام التحت دا ما بــ شبهكــ

Quote: بوست ما بشبهني مش؟؟ بس ما فضل الاالموسيقي بتاعت الانقلابات العسكريه بيان رقم واحد

لكــ كل الحقوق للتداخل فى كل البوستات.

صدر تحت توقيعنا والما عاجبو يشتت أو كما

يقول فيصل نوبى

من غير مجاملة يادومة اختى

انتى زولة زى حامل المسك

دائما حلوة ومريحة

تحياتى

Quote: علي الذين لا يرغبون في ان اتداخل معهم من الان وصاعدا تسجيل اسمائهم هنا والتزم التزاما تاما بالا اتداخل في اي بوست يكون ملك لاحدهم .

فكرة مبتكرة يادوما هههههههههههههه
لو في طريقة يدخل عليها تعديل و تبقى الواحد يكتب لستة باسماء الماعايزهم يتداخلوا معاه أو يقروا ليه حتى وهم يتعهدوا بالالتزام وكدا
كان جات الأولى عديل كدا

قلت ليك يادوما كان انقرنا فيك من محبة لله بس و إلاّ كان التجاهل متحمدك

_________________________

كلام رحاب و بت الشيخ دا ما تديه البحر , فتش لأخوك زي سبعين عذر و عذر إكراما للمعزة و الخوة و سابق الذكريات الطيبة

.

حبيبة الكل دوما

كم تقت لسماع كلماتك الأليفة الوديعة بعد التلفون داك

انت نوارة البورد وستنا كلنا

والبورد بدونك دا طرفي منه

ماجد لا تغيب سيرتك يوماً عنه

الله يخليك لحبانك

عبير يا سمحتنا تصدقي بعد عرفتك
ندمت علي الزمن الفات وما كنا بنتعارف
تحياتي لصديقي القيافه وفايت الناس مسافه
بينا تلفون قريب

Quote: لو في طريقة يدخل عليها تعديل و تبقى الواحد يكتب لستة باسماء الماعايزهم يتداخلوا معاه أو يقروا ليه حتى وهم يتعهدوا بالالتزام وكدا كان جات الأولى عديل كدا

,الرمادي عدلها يا زول واكتب لسستك
انا طوالي بكتب بعديك
التجاهل
التجاهل
ما اتوا لحوار

الخالة المحترمة .. دوما
لك دوماً منا كل الاحترام والتقدير

كم سعدت بمناقشتك عبر هذا البوست
لعنايه عارف الركابي
وأتمنى المواصلة فيه .. ويبدو أننا جميعاً انشغلنا عنه ..
عن نفسي ورغم اختلافنا في بعض الأمور من خلال بعض نقاشنا السابق.. إلا أني أتمنى مشاركتك في أي بوست لي هنا ...
زادك الله من حسن الخلق .. ورفعك به درجات .. وكتب لك التوفيق الدائم لما يحب ويرضى ..
وأجد هذه الفرصة مناسبة لأجدد شكري لك لما سطره قلمك هنا وقال :

Quote: يشهد الله طفر الدمع من عيني وانا اري التصديق ببناء مدرسه ثانويه لهم سدد الله خطاكم يا ابني واتمني ان تساهم الحكومه ايضا معكم وان تتعهد بالصيانه الدائمه. من مشاكل التنميه في السودان هو عدم الصيانه للمنشآت . والله لو كان بمقدوري ان اترك ابني قبل ان يكمل الثانوي العالي لذهبت كاستاذه متبرعه دون اجر للمواد العلميه والرياضيات او ماده الانجليزي بهذه المدرسه .

Re: أمنياتنالأهلنا الجنوبيين بمستقبل أفضل،وللتأريخ نوثق...عفاض نموذجا(تقرير وص

لقد وصلت مشاعرك هذه ورغبتك إلى بعض أهل تلك المنطقة .. ودعوا لك بالخير.. وشكروا لك هذه الكلمات
التي تدل على معان كثيرة ونبيلة فقدها الكثيرون في هذا الزمان ...
وفقك الله ... وحفظك .. ومتعك بالصحة والعافية ...

لك التحية الخالة دوما
رغم أن الطرق منذ زمن
لم تتقاطع بيننا
إلا إنني مازلت أكن لك الإحترام .

ماما دوما لك التحية والتقدير ولمثلك ترفع القبعات

عبداللطيف حسن علي























ـــــــــــــــ

بالرغم من إعجابي بإستماتتك في الدفاع
عن العلمانية !

حبابكـ ألف في أي حتة وأي وكت وأي رشّـة زاتو!
الموضوع سوء تفاهم بسيط وإن شاء الله ترجع المياه
لمجاريها ونرش بعض في تبات ونبات .. ولّ مو هيكـ؟

Quote: ونرش بعض في تبات ونبات

ود الصايم الرمادي

تبات دي شنو ؟

تبات دي جمع (تبّاً)

Quote: ود الصايم الرمادي تبات دي شنو ؟

ارفع يدك عن ود الصايم
تبات دي خت نقطه ثالثه واقراها
لو فهمت النبات ما كان سالت من التبات
دي مشكله العلمانيين ديل يا ود الصايم ما تشتغل بيهم
هم في واد والناس في وادي

يا ود الصايم عبد اللطيف حسن علي
دقس
تخيل كتب اسمه
وبعد دا قاعد بنفس فاتحه في بوستيني
اظنوا ما قرا نص البيان رقم واحد كويس
يا علماني انت البيان دا ذو حدين

Quote: ولّ مو هيكـ؟

هيك ونص!



_
ولّ مو هيكـ؟

يا مطرطش .. الليلة الخميس ما تقعد
تهقهق لينا .. برانا ما ناقصين!

slam ya Toma

Quote: والواحد يكتشف انه مهما اؤتي من كل شئ انه لايسوي شرو نقير امام دقه الكون دا وبدائع الخلق . وتبدأ تتضاءل الاشياء في نظرك وتعرف حجمك الطبيعي انك انسان مخلوق ضعيف ستعود مره اخري لهذا التراب فتقول ليه الهيلمانه وليه الاحتراب وليه الصلف ليه الغرور ليه االشرور ما كله الي زوال الا الكلام الطيب والعمل الطيب .

بسسسسس...
تانى انا شخصيا ما عاوز معاكى اى كلام..

هو فضل شنـو يتقال تانى

Quote: بسسسسس... تانى انا شخصيا ما عاوز معاكى اى كلام.. هو فضل شنـو يتقال تانى

ههههههههها تومي ما جايين تاني علينا
مشتاقين والله تحياتي للاسره الجميله

***ههههههههها تومي ما جايين تاني علينا
مشتاقين والله تحياتي للاسره الجميله ***


فى الصيف قاعدين تفكوا البيرق إنتو لاكين، يلموا فيكم كيف؟!!

بس إن شاء الله الصيف دا فى (الشمالية) وإن شاء الله نلاقيكم هناك.

والتزم التزاما تاما بالا اتداخل في اي بوست يكون ملك لاحدهم

اختي وصديقتي بت الفحل

نيهاو ..

لا يوجد هنا في سودانيز بوست ملك لاحد

طالما ان اسمه المنبر العام من حقك الدخول في اي بوست

رغما عن انف اي احد

ولا ستطيع حتي بكري ان يمنعك من الدخول

ونحن معك وخلفك في اي بوست وضد اي من يتجرأ عليك


لك عاطر ودي

Quote: ونحن معك وخلفك في اي بوست وضد اي من يتجرأ عليك لك عاطر ودي

ههههههيع الشمباته جو

طارق ميرغني اخوي ود حلتي ودفعتي

تحياتي للزيتونه
عليك الله يا طارق اجدع لي تلفونكم في الخاص

من غير مجامله وبمنتهى الصراحه انتى زولة ما سهلة وكلامك دهب عشان كداندين ونشجب كل من زعلك وتسلمى يا أم الكل،

وانا ( شفتي الأنادي كيف) علمتني الحياة أن لا أقايض بـ قناعاني( تحت طائلة المجاملة وأخوانها) ، مهما كلف الأمر .
المشكلة الوحيدة هو اننى أتفق معك إتفافاتاماً فى كل ما كتبتيه بحيث لم تعد هناك مساحة للحبنكة والزعل !
لكِ الاحترام دايماً

الابن اللطيف منصور علي
عارف في ناس كدا مهما يكون الفارق بينك وبينهم زمني او معرفي
بتحس انك قريب منهم الاستاذ كمال عباس وانت احد هؤلاء
يفرحني تواجدكم بهذا البورد علي الدوام

Quote: عبداللطيف حسن علي

لوووول من امس كايسه لي زول يكون واضح ويختها لي علي بياض كدا
توشكر استاذ عبد اللطيف حسن علي .
بس يا اخي اديني حق القرايه لما تكتبه .
داطلب مشفوع بكثير من الرجاءات .
مع فائق الشكر والتقدير .

أختي العزيزة دوما
لي زمن من البورد وما عارف الحاصل شنو
لكنك :-

Quote: زولة زى حامل المسك دائما حلوة ومريحة

تحياتي ومودتي

اخي الفاضل جدا جعفر اسماعيل
مرحبا بطلتك البهيه
والله فقدتك وما عرفت سبب غيبتك
الا لما اشوف سعد الدين هنا بقول معناتو الامور بخير
تحياتي للاسره الكريمه

الابن العزيز حامد محمد حامد
شكرا علي المرور يا ظريف
مودتي التي لا املك سواها

الابن الحبيب
عبد المنعم ابراهيم الحاج
تحياتي و عامر الموده وكل الاحترام
انت ليك زمن من هنا ولا انا ما متابعه؟؟؟
اسعدتني الطله كثير

Quote: لقد وصلت مشاعرك هذه ورغبتك إلى بعض أهل تلك المنطقة .. ودعوا لك بالخير.. وشكروا لك هذه الكلمات التي تدل على معان كثيرة ونبيلة فقدها الكثيرون في هذا الزمان ... وفقك الله ... وحفظك .. ومتعك بالصحة والعافية ...

مرحبا بالابن عارف الركابي
يا ابني لهذا السودان دين علي ويحزنني عدم رد الجميل فما بالك بالدين ؟؟؟!!
لذاك الوطن ومواطنه المنسي دين في رقابنا لم نوفه لهم .
اتمني ان يمتد بي العمر وان يمتحن ابني الصغير ا لعام القادم ويلتحق بدراسه جامعيه فيكون بمقدوري تركهم وحدهم
لرد قليل من دين من علمونا بعرقهم وكدهم فشغلتنا حياتنا الخاصه عنهم
ويعلم الله انهم لا يغيبون عن تفكيرنا ولكن اليد قصيره .

بس اي زول ما داير معاي كلام تاني يكتب اسمه ويريح نفسه .

Quote: الابن العزيز آدم صيام تحياتي ومعزتي طبعا ما اظنك متذكر وين اتلاقينا يابني ؟؟ تصدق ما ناسياك ابدا وللان اتذكر اين التقيتك وفي اي مناسبه ومع اني رايتك مره واحده لكن لوالتقينا ممكن اتعرف عليك . . نزار عنده تلاته اولاد . سامي امير ومازن تصدق امير امس اشتري لي ورد جابوه لي اشوفه بالاسكايبي عسل بس ربنا يحفظهم . شكرا ليك يا ابني علي الكلام الطيب وقطعا من معدنك .

متذكرك بلحيل أظنو كنت دارش الجماعة شطرنج في القهوة و أنت جيتي مع أسرتك الكريمة
بس الشيتن اليادوب لميت فوقو مطلع العام ده أنو ماما دوما هي أم نزار الواحد ده!
والله لو رسمت ليك تصور لماما دوما ومواصفاتها العضوة معانا هنا ده تدي الدنيا عجب

ماشاء الله على نزار وربنا يحفظهم جميعاً
نحن معانا صورة الولد الأول سامي بس
أبو النز بكون بقى أنصاري سنة كلامو كلو لاحول ولا قوة بالله وما شاء الله وقدر الله ما شاء الله فعل
العجب كان شفتي الأصلع ود الإمام، يلا ويمين حتى عرفني بعد جيتو من السودان النهائية!

دومي بخير يا ماما دوما

Quote: والله لو رسمت ليك تصور لماما دوما ومواصفاتها العضوة معانا هنا ده تدي الدنيا عجب ماشاء الله على نزار وربنا يحفظهم جميعاً نحن معانا صورة الولد الأول سامي بس أبو النز بكون بقى أنصاري سنة كلامو كلو لاحول ولا قوة بالله وما شاء الله وقدر الله ما شاء الله فعل العجب كان شفتي الأصلع ود الإمام، يلا ويمين حتى عرفني بعد جيتو من السودان النهائية!

لووووووول بالله ترسمها لينا يا آدم ولدي لوووووووول في زول قال لي كنت متخيلك طويله وسمينه لول قلت ليهم الطول شالوه اولادي
والسمن دا خليتو للراجل براهو .الايام دي
عامل رجيم كل يوم يلقاني محضره ليه شوربه خضار
وينقنق تحت تنحت بقينا ارانب
( لو متذكر اخوود الامام العمل حادث حركه في بتايا وكان راقد في المستشفي ببانكوك التقيتك هناك واتذكر لما عرفوني عليك قالوا استاذ لغه عربيه لا يشق له غبار )

الاخت دومة
إن أحبك الله حبب خلقه فيك اها شايفه الأعمى شايل المكسر محبة فيك ده حالتو ما ختيتى صورة البروفايل الزمان بتاعت الأثيوبيه كان إلا سوارى عشان ينظم الناس

الداير أقولو إن زي ما قال الأخ ود البشرى وود الصايم فتشي ليهو عذر من قديم محبة ولا عشره الزول فينا بزعل أمو الولدتو وبتعفى أنا ما بعرفوا لكن زعلتو الشديدة دى شفت فيها خيبة امل وسوء فهم وأكيد شايف حاجة من زاوية شوفو كان غلت كان صاح ما فى زول شايفة فزي ما إنت مصدومة هو بكون زعلان اكتر فانت كان ما بقلب الوالد بحق الخالة الإسفيرية كوسى ليهو فرقة وهى الدنيا الجد جد ما بتستاهل غبينة خليك من وطن لا وطن له فاعتبريه نزار وغلط بترجيه لامن يجيك ولا بتلفحى توبك تمشى ليهو فكوسيهو قبل ما تبقى غبينةانا والله بشوف هنا غباين من زمن سودان نت من 99 اسيادها يكون نسو السبب لكن لى هسه شايلين معليش لكن دة كلو عشم فى حكمتك فدارفى ليهو بجاى جاى بتلقى ليهو طريقة

كتبت العميدة دوما

Quote: لووول اشرف يا حلبلب اها قول واحد شوت ضفاري لو قلت نصلحو نصلحو كمان

دا منو اليقدر يقول ليك صلحي!؟
يا زولة إنتي من أعمدة المكان دا.. فعندك كريديت تعملي أي شي من غير مراجعة
عارفة لو عايزانا نشيل ليك بكري ذاتو برة اسي نسود ليكي اسمه
أقدلي فوق عديلك ساي

Quote: بس اي زول ما داير معاي كلام تاني يكتب اسمه ويريح نفسه .

التجاهل
التجاهل
احسن ليك اكتب اسمك
ولا بكتبك انا براي
قايلني نسيت كلامك عن خرفي ؟؟؟!!!!
ما بنحتاح نكوت الذاكره ما زالت بخير
اعمل حسابك يا ود ملاح
ادينا عجاج كرعيك
وجر الباب وراك


لووول
ولد دا
تعال راجع ليك الامان

Quote: لاخت دومة إن أحبك الله حبب خلقه فيك اها شايفه الأعمى شايل المكسر محبة فيك ده حالتو ما ختيتى صورة البروفايل الزمان بتاعت الأثيوبيه كان إلا سوارى عشان ينظم الناس الداير أقولو إن زي ما قال الأخ ود البشرى وود الصايم فتشي ليهو عذر من قديم محبة ولا عشره الزول فينا بزعل أمو الولدتو وبتعفى أنا ما بعرفوا لكن زعلتو الشديدة دى شفت فيها خيبة امل وسوء فهم وأكيد شايف حاجة من زاوية شوفو كان غلت كان صاح ما فى زول شايفة فزي ما إنت مصدومة هو بكون زعلان اكتر فانت كان ما بقلب الوالد بحق الخالة الإسفيرية كوسى ليهو فرقة وهى الدنيا الجد جد ما بتستاهل غبينة خليك من وطن لا وطن له فاعتبريه نزار وغلط بترجيه لامن يجيك ولا بتلفحى توبك تمشى ليهو فكوسيهو قبل ما تبقى غبينةانا والله بشوف هنا غباين من زمن سودان نت من 99 اسيادها يكون نسو السبب لكن لى هسه شايلين معليش لكن دة كلو عشم فى حكمتك فدارفى ليهو بجاى جاى بتلقى ليهو طريقة

شفت يا منتصر الزمن دا كيف بغير الناس ؟؟؟
تخيل صوره البروفايل السمحه ديك اداني ليها تمبس الكان زمان .
المشكله ا ني اعتبرته نزار واتعاملت معه علي اساس انه نزار
وما برضيني ولدي يتفلت ويتشفتن علي انسان اكبر منه سنا
عشمي ما كان في محله
الكلام داتم قبل فتره
بعد تعنيفي له رسل لي رساله داخليه
فهمتها و ما رديت عليها
نفذت ما جاء بها وابتعدت عنه .
فسر دخولي لبوست اساسي بصوره ما بتخطر علي تفكيري نهائي
انا اكبر من اني احقد او اكون عايزه اتشفي او اصفي حساب مع تمبس
انا اسقطته نهائيا من حساباتي
يعني بعد رسالتو لي لو لقيتوا بيعمل في السبعه وذمتها ما بيعنيني امره
متل باقي المتفلتين الما بقول ليهم دا اعوج ولا عديل .
نحن ولدنا وعرفنا نربي يا منتصر
نزار ما برفع صوته ولا عينو علي
نزار مش بيحترمني انا وبس
يحترم كل زول اكبر منه في سن امه او ابوه
يحترم الخال والخاله والعم والعمه .
انا ما عندي ولد بترجاه او اكوس رضاءه .
انا انسانه طيبه تاكل وتقش ايدك في توبي
بس عندي لمت معين لو وصله انسان معاي
برمي طوبته وتاني لو يكون قبله محمد ما بصلي عليها .
الحكايه دي عملتها في حياتي مره واحده ودي تاني مره .
الزول بيكون مات بالنسبه لي .
في زول بزعل من ميت ؟؟!!!
او بصفي حساب مع ميت؟؟؟!!!
او يحقد علي ميت ؟؟!!!

Quote: عليه وكي لا احمل اي انسان فوق طاقته علي الذين لا يرغبون في ان اتداخل معهم من الان وصاعدا تسجيل اسمائهم هنا والتزم التزاما تاما بالا اتداخل في اي بوست يكون ملك لاحدهم .

الطلب ناقص دمغة فئة واحد جنيه واتنين شهود من دائرة الاختصاص لايقل راتب

الواحد فيهم عن 200 جنيه شهرياً عليه نقرر :

رفض الطلب شكلاً اما موضوعاً قطعاً مرفوض ولو استكمل الشكل اعلاه ....

ياخالة دوما حبابك ياااااخ ..

Quote: لطلب ناقص دمغة فئة واحد جنيه واتنين شهود من دائرة الاختصاص لايقل راتب الواحد فيهم عن 200 جنيه شهرياً عليه نقرر : رفض الطلب شكلاً اما موضوعاً قطعاً مرفوض ولو استكمل الشكل اعلاه ....

لوووووووووول عاد يا جنابو ما عصرت علي خالتك شديد ؟!!
اها انا حلفت عليك
تدفع حق الدمغه
وتجيب الشهود تمضيهم
وتختمه وتمضيه بيمينك
وكت انت جيت
غرض خالتك كله مقضي
تسلم يا زين الشباب

(

Quote: لو متذكر اخوود الامام العمل حادث حركه في بتايا وكان راقد في المستشفي ببانكوك التقيتك هناك واتذكر لما عرفوني عليك قالوا استاذ لغه عربيه لا يشق له غبار

)



غبار وين يا أم نادر!
خليت العربية زمان ومشيت كداري في حاجة اسمها الانفيرنمنت والليبرال والسوشيال استديز

خلاس كلامك صح بس لاقيتك غير كده كمان
باقي جياتك كانت كتيرة
علك ما انقطعت من بانكوك التنسيك أمك وأبوك؟

بدون مجاملة

نتمنى نسمع صوتكم

Quote: بدون مجاملة نتمنى نسمع صوتكم

تسلم يا دكتور محمد حسن
غايتوا اول انتاجي شريط تحت الطبع بالاشتراك مع سميره دنيا
لو لقيت زول بعرف ينزل الفديوهات بنزل ليكم مقطع صوت وصوره

ههههههههههها اي يا ابني نزار كلمني انكم رحلتوا من تايلند
وانا لي منها زمن يمكن اربع سنوات ما زرتهم لكين بشوفهم بالاسكايبي وعارفين انها دي( Grandma)
لكين زوجي قبل سته يوم كان هناك جاب لينا منهم صور وافلام .

يا الله فوق زينب



http://www.sudani.cc/s-data01/abdelkarimkabli/danab.mp3

ششششششششششوكرن ا يا خلو اغنيه جميله بالجد
يا سلام يا ذوق يا ملك

دكتوره مهير يا مسك الختام ومنتهي الكلام
يا اصيله يا جميله
دايما بلقاك قدامي في كل المواقف النبيله
شكرا للبورد دا الجمعني بنساء في قامتك
شرفتيني بالحضور شكرا يا حبيبه

Quote: صدر تحت توقيعنا والما عاجبو يشتت أو كما يقول فيصل نوبى

دا الكلام يا محمد كابيلا ولدي
مقدره والناس اهالي
تاني علي كيفي اتجدع ليك في ناس ود الصايم ديل
صفا انتباه للخلف دوور .
لك كامل الموده يا وريف
ومن هنا ا احي فيصل نوبي
وكتبنا اسمه من الذين يجوز شوتهم ضفاري
مش يعمل فيها رايح
هو والود كيكي كمان

الخرخرة شنو ياخ!
ما قلنا نخلي الأمور بتتصلح!!
ردكـ لمنتصر ما عجبني .. صراحة كـدا!

Quote: الخرخرة شنو ياخ! ما قلنا نخلي الأمور بتتصلح!! ردكـ لمنتصر ما عجبني .. صراحة كـدا!

امسحو لي في وشي يا ولدي
وحاه معزتك عندي ما بقدر وما بتتصلح
لانه هو طلب مني كدا من زمن
واول امس كررها لي
ومسح بي الارض
ما اظنك تقبل لامك يمسح بيها ولدفي عمرك البورد ولا شنو يا محمد؟؟
هل انا صغرت عندكم للدرجه دي ؟؟
اظنك ملاحظ الناس الممكن ما يحترموني انا نهائي ما بنصحهم لا بعنفهم لا بقول ليهم تلت التلاته كم
انا تمبس عشمت فيه كنت فاكراه متل نزار
وراني انه عشمي ما في محله وقال لي الزمي حدك
انتوا عايزني اصغر له خدي ؟؟؟؟

أبدا والله ما برضى فيكـ أي حاجة
وخدودكـ ورقابنا فداكـ تدوسي على اليمين ونديكـ الشمال
راضين ومبسوطين وحامدين ربنا وشاكرينو على فضله وأنو
خلانا نقابل ونتعامل مع ماما دوما
لكن كمان نخلّي باب العشم مفتوح!!

يا خالة كيفنك
انا غايتو ما فاهم الحاصل شنو
بس عندي عشم زي ود الصايم دة


انا غايتو كان ما رشيتيني ضفاري
بكلم ليك خيلاني ناس ابو دية

طارق جبريل ولدي السمح وعديل
يا اخي انا امكم لو قلت كلام اعوج تقوموني واسمع كلامكم و ونصحكم
بطيبه نفس
ولو لقيتكم غلطانين وحديثكم اعوج بقول ليكم ما فيها شئ
البساط بيننا احمدي والمزاح بين الام واولادها في
بس الزول البتحسس انا ببعد منه عشان ما يزعل مني

سلامات يا والدة ..

والله كنت متابع البوست مداخلة مداخلة .. كلمة كلمة .. زنقة زنقة

ومستمتع جدا بقفشات اساسي والناس كلها فاهمة كويس جدا إنو الموضوع هزار أخوان وأصحاب ..
وفي كم حتة بعمل (رد) وتاني أقوم أرجع وأقفل البوست .. لأنو بالجد اتخيلت حاجة زي دي ممكن تحصل
وللأسف خيالي طلع في محلو وما خاب لقيت سامي وماما دومة مداخلاتهم اتفهمت غلط وسموها فش غباين
وأحقاد متراكمة واصطياد في المياه العكرة ..

حمدت الله وشكرتو إني مسكت خشمي دا علي
والنجيضة الطلعت بيها إنو بورد بكري ده مهما اتونست مع الناس فيهو وقريت كلامهم .. ما تعمل فيها عرفتهم

وبرضو بقول إن شاء الله النفوس تصفى والدنيا دي شن فيها غير لمة ناس في خير .... إلخ

أما بالنسبة لموضوع البوست .. فأنا ده .. محمد عمر جبريل ده ولدك .. الما ولدتيهو
حبابك في أي بوست وفي أي حتة زاتو .. ويومك التشوفيني غلطان جريني من أضاني دي هنا قدام الناس واديني على راسي
ولو حبيتي تشوتي ضفاري برضو حبابك ..





____________

والله بكتب في الرد ده
وفي بالي إنو ممكن برضو يتفهم غلط

جيت اسلم يا دوما الغاليه
لمن بشوف حروفك فى مواضيعى
بحس بفخر وسعاده
فانتى لكى فى احساسى مكانه وتقدير واعتزاز

رنويه محمد الشيخ حبيبه سودانيه
تسلمي بتي انا
تجيك السعاده والايام الطيبه طائعه ومختاره

Quote: أما بالنسبة لموضوع البوست .. فأنا ده .. محمد عمر جبريل ده ولدك .. الما ولدتيهو حبابك في أي بوست وفي أي حتة زاتو .. ويومك التشوفيني غلطان جريني من أضاني دي هنا قدام الناس واديني على راسي ولو حبيتي تشوتي ضفاري برضو حبابك .

تسلم يا ود كبدي الدنيا لسه بخير وكت فيها امثالكم
شكرا يا ابني
شفت كلمه يا والده دي حنينه كيف ؟؟؟

الاخت العزيزة\ دوما,,, مليون سلام وعساك بخير وعافية


والله يا زينب معزتنا ليك لو وزعوهاعلى شعب الصين

العظيم تكفى وتفيض ,, ما تزعلي يا ملكة ليك أولاد

وأخوان في هذا المنبر يكنوا لك كل الود والاحترام

والتقدير وأنت اهل لذلك ,, تسلمى وحاشاكي اللوم.

شوتي يا الحبيبة ظفاري ضفاري ولالالالالالالالالالالايهمك.

والماعندو كبير يشوفلو كبير

مودتي

يا حاجه دومه ... و الله بعد ده الا يربطوك بي حبل في كراع نقريب, خرفتى عديل ....
أقري كلامى ده بهدوء و دون انفعال, مرات في الدنيا دى بتمر بينا نحن البشر لحظات لأسباب و ظروف قد تكون واضحة و معروفة و قد لا تكون بتخلينا ما نقدر نشوف و نحكم كويس, قد نؤذي ناس نحبهم و نعزهم و قد نجرح آخرون لا ذنب لهم, ده ممكن يحصل مننا كلنا, المهم في الأمر هل الشخص الذي يفعل ذلك سئ اصلآ و يفعله عن قصد و بدافع الأذى؟ قبل اطلاق أى حكم ارجو التريث و التفكير في السؤال ده. طبعآ لا ادعو لى باركوها و ما شابه, لكن اعطاء الناس الكويسه حقيقة فرصة ان يراجعوا في هدوء ما يدور و نطول بالنا و نحاول - بعيد عن النت - نتكلم و نتفاهم , النت مرات مشكله حقيقية في اوضاع زى دى . و انتى بالتسعماية تلاتة و سبعين سنه العشتيهم ما بقولو ليك الكلام ده
ارجوك انتى و أساسي تسحبو بوستاتكم ديل ... مفهومه اندهاشتكم و ربما صدمتكم ... بس النقة دى ما بتساعد في خلق جو افضل ...
و لا نجيب الحبال؟
سلام للجميع

Sag mal, ist das so schwer zu verstehen
???
Es geht hier ueberhaupt nicht um Versoehnung oder Annaehrung, ich persoenlich habe nicht das geringste Interesse daran.

Mein lieber Freund das ist ein geschlossenes Kapitel fuer mich

Ich bin traurig heute

I have always believed that many people here in this board are not real....

they pretend to be someone else... protected behind their keyboard and live a cypher life

But of the few here that I feel they are real is You Mama Doma... You are real...

real in your humanity...
in your intelligence ....
in your ethics...
you are real just being Doma....

We do not ask for respect for you....
We demand respect for you....

If I heard you have an argument with my brother, I will stand by you first, and then ask what has happened....

And those who are demanding Doma to let go and forget, please understand that when someone is hurt, it needs time for things to heal... to calm.....

Go and Ask Timbs to appologies and reconcile .... The son go to the mother and not the other way around... that is how we were told all along

Doma .... for you my regards, love and atmost respect....

I hope one day we meet in Person and have the honor of your company and wisdom...

stay as always strong and Doma
 

My beloved son Haitham
, frankly I can't explain to you how I felt about your supportive and sympathetic words,you have truly touched my heart. Thank you very much for your gentle manner , kind and empathetic words. I'm really honoured to have you in my life
be blessed with love and peace
.

I would also like to express my gratitude and appreciation to my friends who have taken malicious pleasure in my plight and those who have shown tremendous support and sympathy during this difficult time. Thank you all

Wenn Abu Hatout traurig ist ,mir bricht das Herz. Ich werde mich umbringen

Ich weiß

الاخ الكريم سيف الدوله كامل
شكرا جزيلا يا صديق
معزتكم لي بالتاكيد هي العزاء وبلسم الروح
تسلم يا ودود من كل شر
تحياتي للاسره

الغاليه دومه هذه اول مداخله لي معك
لكن يشهد الله كم انا معجبه بكتاباتك الرصينه
ومداخلاتك الجميله وردودك الحكيمه
فاتمنى ان تضيفنى الى قائمةممعجيك

مرحب مني التوم تشرفيني كثير يا مني
وانا لاقياك وين يا حبيبه ؟!!
.لي عظيم ا لشرف بمداخلتك ومعرفتك بتي انا

بوست طويل و مسيخ و غير مفيد......
ودا إسمي في القائمة

كوستاوي الكرمبة الخردة
USA

متابعين ليكم حبوبة لا تغني ولا تسمن من جوع

Al Karamba you 'd better cut the crap short . make it snappy , get the Red Roses and Wine before showing up again

العزيزة دوما

والله دا اشتفتاء حقيقي

حقو نسميك الام تريزا بعد الاجماع دا

وانت فعلا أهل لذلك, واضحة وراقية وافكارك مرتبة ودائما منحازة لقيم الخير والجمال
وكمان نفسك كبيرة ومتجاوزة للأحقاد والتفاهات ودا ما جاء ساكت كدا صدفة لكنه نتيجة مران ومجاهدة نفس
وتجريب ودربة في الحياة.

ياست الناس أنا ما عندي بوستات عشان تتداخلي فيها لذا فأنا محرومة من هذا الشرف باي ديفينيشن

لكن وجودك في اي مكان قطعا هو اضافة ومكسب.

بالله لو عاوزة تردي علي فالتكتبي بلغة القالك (لغة اسكتلندية قديمة)
اشمعنى تردي على عصام جبر الله بالالماني وتدقسينا وكمان ود البشرى عامل فيها فهم تلقيه جازفها من قوقل.







ود البشرى يعد اذنك أنا يعني ما صديقتك الصدوقة لكن ما قاصدة حاجة كعبة
الظروف يقب مامضمونة حقو تاني الواحد لما يكتب ينزل معاه صورة اشعة لقلبه.

هاهاهاهاهاااااااااااااااااي
والله عجبني تحسسك ده وسرا بالي

عافي منك يا فلان

بلها ست الشاي دي بلها

يا سناء يعني دا طلع الماني ؟ّ!! كان كدا قوقل اداني الطراوة ساي

يا أختي أخدي راحتك حتى لو حصل سوء فهم ففي الحياة دائما متسع لتصحيحه
ما في قصة جابتر كلوزد دي *

_______________
* واخدة بال حضرتك يا دوما هانم

كُر كُر كُر كُر كُر كُر كُر كُر كُر كُر ...

(انا ما بشرب شاى زاطو ...)








... المهم ......

زينب الفحل
ياخى انت دخرى حوبا للبعرفك ويتعرف عليك

دوما واحدة من المعلمين الكبار هنا.

Quote: ما بنحتاح نكوت الذاكره ما زالت بخير

خالتى دومه ازيك
وحات المصحف كان دى ذاكرتك اخير منها المصفى بتاعك حق الشاى
القطعو ليك فى راسك داك..
انت عارفه انا العاجبنى اى بوست حقك بتداخل فيه انا الوحيد
الماقاعد تردى لى وعشان ماتمشى بعيدراجعى البوست حقك ده
والبوست الفتحه اساسى وبرضو قال فيه كلام زى كلامك ده ..
وزى اربعه بوستات كده بكتب ليك وانت احرص الناس تردى
على الناس كلهم حكمة الله الا انا قاعد تنسينا لكن الله يشهد
يوم واحد ماخامرنى شك انك قاصده والدليل برجع اتداخل معاك
فى البوست البعده..
ما تفتكرى ده عتاب او طالب منك اعتذار وساغضب ان فعلتى
قدر ماهو انا داير اوريك كان متكله على ذاكرتك دى يخربك
بس حيطه مايله ومنسندها عليها.
لانو كل مره ما تردى لى فى بوست بضحك بقول خالتى خرفت
واللا الزهايمر ما عارف المهم بقوم اغنى :
ده اليوم الدايرنو ليك يا ام نزار مبروك عليك (اعنى الخرف)
اها اقوم اتداخل معاك فى البوست البعدو واقعد اضحك كل مرة كده
وسعيد بالحاجه دى جدا ما عارف ليه ؟عشان العفصه منك بتعجبنى؟
وزى ما قالو عفصة الحبوبه احلى من رقدت الراكوبه ..
ده مثل يابانى..ماتشبكينى المصدر....
ومرات بقول انا مداخلاتى لى المره المخرفه دى محجبه واللا شنو ياربى؟
نصل للخلاصه:
ماعافى منك كان اعتذرتى لى خلينى استمتع بى خرفك وعفصاتك دى.
وكان مارديتى على هنا بريدك اكتر..
بعدين انا نفسى لا اتوقع منك حكمه واللا ردا سمح ياهو كلام خارم
بارم كماقال شيخى ودفعتى كوستاوى قدس الله سره.
عشان كده الناس لما تحتدم فى كلام البورد ده انا بستغرب جدا
يعنى انا متاكد اى شخص هنا بما فيهم انا لابقرا اكتر من 1%
مما يكتب وهو الواحد فى الميه زاتو وحاتك ما بضيف لى الزول
واحد فى الميه الا فيما ندر..
دومه بصراحه انا دايرك تهظرى معاى لكن بدون مداخلات يعنى شاغلينى
بالماسنجر، مره مره كده اطرينى فى بوستات ماعندى بيها علاقه
طاعنينى وممكن تنبذى بس ما تسئى على قول ناذر..
اها ودعتك الله اوعا تتثاقلى وتقولى لى متين مارديت عليك
او جيب لى البوستات اوما شفتك وبياختك فى الاعتذار بعرفا طويله
ومسيخه كده وما كنت قاصده وانا لاقياك وين والحنك العاضى ده.
عشان يكون عندى دليل لعفصاتك راجعى البوست ده وبوست الوغد اساسى الاخير
وليس الذى شاتو ليك فيه كفتيرتك فى راسك ولى هسه مالامه فى المصفى،،،

عمو صديق الموج بس امش كدي ولا كدي
انا عيني في الشباب
ارد للعجائز مالي
كفاني العجوز القاعد مصاقرني دا
الايام دي بامر الطبيب لازم يعمل رجيم
اها الموضوع دا حارقوا شديد .
الفطور Muesli
متل العيش البتكشحه حبوبتك للجداد
ولبن ما فيه دسم
اها العيش الحب دا ومعه غلغل وبرقل ونصايب كدي متل العويش ورده القمح خاتها في نصيبه بلاستيك
اولا شئ داير يفتحه كشحه في الواطه والتربيزه
بقي في نضافه الواطه اولا المهم طنطن كدي لكين نضفه
المهم بلعه متل حبوب الكينا شال هديماتوا قال ماشي الجم
قلت ليه يا ابوي ما تتعب نفسك شديد الحصل حصل
وبي شماته شديده قلت ليه اها اسوي ليك الغداء شنو ؟
اداني ليك جنس عين كان ليه مراد يمسحني من الدنيا .
قال لي يعني ح تعملي لي شنو ما ياها شوربه ال ِcabbage
يا زوله قالوا ليك من غير دهون ما قالوا ليك Cabbage soup

Quote: انت عارفه انا العاجبنى اى بوست حقك بتداخل فيه انا الوحيد الماقاعد تردى لى وعشان ماتمشى بعيدراجعى البوست حقك ده والبوست الفتحه اساسى وبرضو قال فيه كلام زى كلامك ده .. وزى اربعه بوستات كده بكتب ليك وانت احرص الناس تردى على الناس كلهم حكمة الله الا انا قاعد تنسينا لكن الله يشهد يوم واحد ماخامرنى شك انك قاصده والدليل برجع اتداخل معاك فى البوست البعده..

لوووول يا اخوي نحن زيتنا في بيتنا
ود اختي وانا مخيره في
ارد
اعفص اديك عين حمرا
علي كيفي
عارفاك ومالي يدي بيك

Quote: عمو صديق الموج بس امش كدي ولا كدي انا عيني في الشباب ارد للعجائز مالي كفاني العجوز القاعد مصاقرني دا الايام دي بامر الطبيب لازم يعمل رجيم اها الموضوع دا حارقوا شديد . الفطور Mueseli متل العيش البتكشحه حبوبتك للجداد ولبن ما فيه دسم

خالتى دوما......كيف اصبحتى
وحاتك صدقا لى كلامك ده فى سن زى دى السيرلاك
بقا يغلط علينا.لووووووووووول
عندنا صاحبنا عنده ضغط وسكرى وقاوت وبعدين عمل ليه عمليه
قام الدكتور منعه من اى شى بياكلوه، يوم جابو الصينيه
مكربه وفيها كوريه كدى لى زولنا ده،اخوه طلع
الكورية ختاها ليه فى طربيزة جنبه....
وتعالى شوفى الصينيه لحم وحمام ومحشىى وام رقيقه كاربه
وصينية سمك خرافيه وزى كم نوع سلطه كده.
والكورية حقت زولنا المريض وحاتك تاريها فيها فاصوليا خضراء
وبازليا مسلوقات وبدون ملح او اى بهارات وهو تاريه بعاين
لينا ونحن بنرمرم و نخمج فى الشطه والجماعة عايثين بالصينيه
فسادا.
فجأة لى شلاقتى اتلفت عليه قلت ليه:
انت بتاكل فى شنو يا عثمان ؟
رد على بغضب وجلافه مبالغه، رد زول محموق وقال لى:
نييييييييييييييم مسلوق داير تتحنطر تعال،،،
تخريمه:
بايخه مش قلت ليك ماتردى على ،افسدتى على بهجة الاحساس بالعفصة.
ماسمعتى الغناى قال :ردك ثقيل مازى عفصتك..

يا زينب يا عشقنا ويا فضل الزمان علينا
وسط كل هذا اليباب انت أمل
الله لا فوتك قبل أن يفوتنا

Quote: الله لا فوتك قبل أن يفوتنا

ما كنت قايلاك بتقسو علي بالشكل دا يا سناري ( وش حزين )
عاين لي جاي
واحد انت والثاني معتصم الاقرع ( دا زول صاحبي لكين ما هنا )
ما اشوف فيكم كربه نهائي
ويا ريت لو في العمر فضل كثير كان هديته ليكم مناصفه .

زينب الفحل لك التحية والاحترام وشهادتك بالدنيا

لاني اعرف موضوعيتك جيدا في كل بوستاتك ومداخلاتك

واحرص علي قراءتها رغم انني لم اتداخل فيها

الاستاذ كمال عباس محلل بارع واستفيد جدا من كتاباته

لولاكم لاصبح (البورض-مع الاحتفاظ لو الصايم بحقوق الطبع) بايخ

بوخ شديد...لك معزتي الاكيدة

دوما...

تبقي عطر يفوح شذاه..وعبير يسموفي علاه..وزهر يشم رائحتهالابناء ..
وأريج يتلألأ في وجود الاباء..ودفء و حنان..و جمال و أمان..محبة و مودة
ورحمة..و ألفةو أعجوبة و مدرسة..

أنتي المصدر الذي يحوينا ليزرع فينا بذور الامن و الطمأنينة..

يا نبع الحنان المتدفق تبقي الحنان ذاته
يتجسد في صورة انسان لك وافر معزتي و تقديري و احترامي

طمبلاوي

العزيزة دوما
لك احتراماتي

احلامنا ليك كل الاماني الحلوه البتشبهك
تحياتي لمحمد السني .
منتظرين معاكم اجمل الاخبار وفرحانيين من اسع

شكرا يا امير يا ذوق
تحياتي وحبي الكثير لك وللحلوين المعاك

العزيز عبد اللطيف حسن علي
تصدق انا برضو بقرا كل كتاباتك وبقيمها جدا
بس ما حصل اتداخلت معاك
لكنك من اصدقائي الفكريين
كون بخير يا صديق

جنس كسير تلج هو





قيقاراعي
حلف شمال الضهاري
جاي مأتر العوض
ما جاكم بجاي!؟

ماما دوما
طبعاً الموضوع ده ما داير ليهو إستفتاء و لا أنت دايره إذن لدخول بوستاتي أنا تحديداً ....
أنا جيت هنا بس عشان أأكد على عشم ود الصائم و منتصر ود البشري و بقية ( الرماديين) ديل




* ما دايرين ندخل في حتة ( خليكـ أنت الكبيرة) و نشمت جلاكين البورد فينا

Quote: قيقاراعي حلف شمال الضهاري جاي مأتر العوض ما جاكم بجاي!؟

اصبحنا بالله
العوض دا كان قريب بتلقاه في ام جلاله

خالد يا ابني الحبيب
الشئ دا جا منو هو ما مني انا
انا درشتو مره وهو ما قبل
وقال لي تاني ما تحتكي بي
يا وليداتي ويا حباني ما تلومني ساكت
انا قراراي دا بناءا علي طلبه
والباب البجيب الريح سدو واستريح

طيب اكتبى لينا لستة الناس الإنتى مقاطعاهم ..

لأنو دى المداخلة التالتة يا عمتنا زينب (الشمش حبوبتى باللفة وكدا)

ولاّ الطناش دا شنو؟

يعنى عشان انا كوز؟







... المهم ....

كر كر كر يا يمه
متين بقيت كوز ؟؟؟!!!
خبر السيح والريح
تحدث في الخلا يا يابا
والريح تشيل لي وراء
تبرأ يا ود شيخ الدين من الكوزنه

اها يا حبان ادوني خاطركم
للان ما جاء زول قال ما داير معاي
غير آنف الذكر .
وعليه مشكورين وقدمكم لي ابو ابراهيم . وفي امان الله .

LOOOOOOOOOOl ya Tabarek
Even your dove is politically correct loooooooool

العزيزة دوما

صحي ال###### بيريد خانقه
يعني تردي علي ود الموج الطلعك مخرفة وتعفصي لي انا
لكن العجايز على اشكالها تقع ان شاء الله يضوي ليك
كدي بعد يودوكم دار العجزة واحد فيكم يقول لي تعالي زوريني
كرهتونا الشباب ظاطو.


ود البشرى مشكور يا زول يا نقي على تغليب حسن النية ودام الود بين الجميع.

سنو انت ما بردوا ليك هنا يا اخ
معاك بكون حديث القلب للقلب والروح للروح

----------------------------

عاد تتوبوا الزول من فتح البوستات مالكم لوامين كدي

انت قايله ود الموج بس الطلعني مخرفه ؟؟؟!!
لكين برضهم احسن من عصام جبرالله القال بربطني في كراع العنقريب

Quote: والله يا سناء أنا برضو عافصين لي بس أنشالله ما يكون السبب ألفي بالي

عاد يا عفراء يا بتي يعلم بي الله رديت ليك
كمان رد طويل قلت ليك زمان كنت شرانيه
الا كبرت وعقلت وبقيت تاكلي وتقشي في طرفي .
كدي راجعي الصفحه الاولي

Quote: ويا ريت لو في العمر فضل كثير كان هديته ليكم مناصفه .

بالله شوف أمي دي إسكندنافية كيف
ثلجك طبيعي و الله ما مزور

يا أخوانا بت الشمس حبوبتنا دي ما تعصروا عليها شديد و تلوموها
زمان عثمان دقنة قال ليها الله لا جاب يوم خرفك!
خابرنها طيبة و الحاجة دي لو ما مضايقاها
ماكان فتحت البوست المتحسس ده..

Quote: عاد يا عفراء يا بتي يعلم بي الله رديت ليك

حصل يا ماما دوما لكن الظاهر اني خرفت بعيد عنك يوم 9 مارس كان عيد ميلادي و لاول مرة أحس اني فعلا عجزت

Quote: يوم 9 مارس كان عيد ميلادي و لاول مرة أحس اني فعلا عجزت

كل سنه وانت طيبه يا جميله عقبال تطفي الشمعه الميه
بري ما عجزتي يا بتي زينه البنات لي حدهن ورده ونديانه

نان انا تاني يا سعد الدين ولدي بغلط متل الغلطه دي
و افتح لي بوست ؟؟؟؟؟؟؟؟؟؟؟؟؟
تاني حبوبتك تعفص من طرف
وليس علي الخرفان من حرج

زنوبة والله انت ما بزعلوا منك

انا بهزر ساي وكنت قاصدة اجرجر ود الموج دا

أصلو من زمان بفتش لي معاه في سيرة لانو زول لذيذ

وحاولت اهبشه قبل كدا مع ابو ساندرا الذي رد لي فورا

لكن ود اختك دا عمل مجنون وهسة دي المرة التانية والمشتهي البروف ياكل الحنيطير.

أها أنا ذاتي ما لقيت ردا علي روحي هنا لكن مامهم وبرضو بنريدك ياستنا

تسلمي يُمة الحنينة

Quote: العزيزة دوما صحي ال###### بيريد خانقه يعني تردي علي ود الموج الطلعك مخرفة وتعفصي لي انا لكن العجايز على اشكالها تقع ان شاء الله يضوي ليك كدي بعد يودوكم دار العجزة واحد فيكم يقول لي تعالي زوريني كرهتونا الشباب ظاطو.

حبوبة دوما.....سلام
الحمد لله الرديتى على بت الصباغ دى عشان ما تصلبط تعمل قدرى..
ياخد صلاح غريبه من وشى ياحبوبه دوماامى قالت لى انا شايلاك انت
صغير مودياك للتطعيم لقيت سناء الصباغ دى امها جايباها للدكتور
بتقلع ليها فى ضرس وكان ما اخاف الكضب التقول على قالت لى ضرس
العقل غايتو يا خالتى سناء بالغتى، نسوى شنو البورد ده بلمك مع الناس
الكبار لووووووووووول،،،

Quote: أها أنا ذاتي ما لقيت ردا علي روحي هنا لكن مامهم وبرضو بنريدك ياستنا تسلمي يُمة الحنينة

وحاتك انت رديت ليك يا موز الجناين بس راجعي الصفحه الاولي بتلقي الرد ليك ولي رشا سالم وسومه الجنيد
يا جميل يا دهب الخزائن

كويس يا مجمج أنا ما بتكلم معاك لكن بنادي ليك القدرك
والله هسة اكلم ليك جدي بركوتة الا تقول الزبادي
وانت عارفو براك كان لمة قيك تاني حبوبة هناي الخلفت بيه دا ماتحلك.

بروفات اخر زمن!!!!!!!

Quote: كويس يا مجمج أنا ما بتكلم معاك لكن بنادي ليك القدرك

سناء الصباغ ..ليه كده ياخالتو؟
تنادى لى القدرى؟؟؟قصدك محمد عادل ؟
اتحداهـو قايلانى بخاف منه؟؟،،،

زينوبة السمح إسمها وسمح طبعها وسمح ذوقها
أنا بعد عمري دا كلو تخليني أمشي أعمل بحث بإسم أساسي وأفتش جحور البورد جحر جحر عشان أشوف البوست
لو منك مابتضايق
الحكاية بسيطة
تنبس زعل وفش غضبو فيكم
عادي
أمي علوية بتقول
المابيبلع ريق على ريق مابيلقى ليهو رفيق

ليك مني السلام والمحبه وكامل الاحترام
نجاه سيد احمد بجلال قدرها
شرفتيني كثير يا اصيله