ذكرياتى مع المظاهرات... نفســى فى مظاهــــرة

اول مرة اطلع مظاهرة انا طالب ابتدائى
هتفنا ضد تاجر التومين
صلاح الدين سف الومين
اتنين عقر غلوا السكر
قربنا نحرق دكان الراجل المسكين
لكن عندو بنت بطلة جابت الخرطوش
وصوبت علينا قمنا رجعنا

مظاهرة سنة 86
كنت حاضرهاوهتفت فيها باعلى صوتى
الكاكى جميل لابسنو حمير
راسى نميرى مطلب شعبى
والبوليس متابعنا خطوة بخطوة,,وبعضهم بضحك معانا

طلعنا فى الهند مرتين مطالبة سلمية
مرة ضد السفارة ايام الاعتصام الشهير
ومرة ضد مدير الكلية عشان يغير نظام التسجيل
ما كنت فاهم حاجة لكن طلعت مجاملة للشلة
ولا بوليس اخد خبرنا ولا كاكى حام حولينا جاتنا مديرة الجامعة
اخدت مطالبنا وقالت سوف تتحقق,,

امس كانت مظاهرة فى مخرج كذا؟ قلت احصلها
لقيتها اتفرقت بدرى بدرى ,,والجماعة عبروا بيهم الكبرى
خسارة ,,,
انا ياناس بناتى صغار وبيتى لسع ما تم
حوالينا ولا علينا اى حاجة ولا بلدنا المؤمنة دى,,,

بس نفسى اطلع مظاهرة مع محمد عادل
والله الولد داطلع ضكران وعجبنى خلاص,,انا كنت قايلو حنكوش
لكن طلع فرفوش وفرتق الدحوش

كدى شوفوا لينا اى حاجة قريبة خلونا ننزل ليها اجازة
بس تكون مضمونة,,,ما تخرنا كتير
تحياتى

ابو قوتة سيد الهلال


كيفك

سالت صاحبي يوم مظاهرة 30 يناير الفاتت

قلت ليهو ما طالع في المظاهرات

قال لي نحن جكتنا كملناها مع نميري

ما بنقدر نجري تاني مع الاولاد الصغار ديل

ولا بنقدر نجري من البوليس

خليل صباحك عسل,,انتو طبعا لو عندكم مظاهرة الا بعد 2022 عاد فى كلام
وهل هنالك انجاز اكثر من كدا,,,,

كدى شوف المظاهرات المدورة فى قرى ابقوتة والحلال

Quote: في اطار التغيرات التي تشهدها المنطقة التقي السيد/طالع محمد نازل_ الامين العام للحزب الحاكم بجمهورية تميرة بالسادة السفراء المعتمدين لدي الجمهورية واوضح سيادته ان مايجري في المنطقة لايمس بلادنا بشي لان تميرة ليست كترة ولاجابر او القفيلة كما ان شعب بلادنا واعي ويتمع بكامل حريته الداير انوم انوم والداير اصحا إصحا علي كيفو كما ان البلد بسمن علي عسل ومتماسكة بكل قبايلها من عرماب وقديراب ومسنداب والعلاقة بينهم جيدة ولاتوجد نزاعات في الحواشات او موية الزراعة كما ان المخزون الاستراتيجي من الدقيق يكفي الناس كلهم و علي الطلاق كمان كان اجوهم ناس الخيران وابوقوتة لي فاتحة علي الطلاق اشبعو ! ! وفي تعليقه علي ماتنقله قناة الجزيرة من صور للمتظاهرين ضد حكومته اوضح السيد/ طالع محمد نازل ان هذا غير صحيح وان هذه الجماهير بتاعت كورة جرت بين فريقي كرة قدم داخل الجمهورية كما اصدر سيادته بيانا دعا فيه جماهير تميرة إلي مطاردة الخونة _حواشة/حواشة ابو عشرين /عشرين ترعة/ترعة لحدي ما اغرقو في الكنار ذاتو! وسوف نفيدكم بما يجري اولا باول والتغطية مستمرة

Quote: وفي تغطيتنا للاحداث الجارية بجمهورية تميرة وبعد قطع كافة وسائل الاتصال داخل الجمهورية معنا عبر الهاتف مراسلنا من ابوقوتة _سيد احمد هل لديك اي اخبار جديدة عن الوضع السائد هناك ‏_‏ حقيقة اثناء تجوالي وسط االجماهير المعتصمة امام سفارة تميرة لدي ابوقوتة مطالبة بسقوط النظام تلقيت مكالمة هاتفية من تميرة مفادها ان الاتحاد النسائي بتميرة نفذ اعتصاما امام احد قصور الحكومة والتي تسكنها احدي زوجات الرئيس وهي الزوجة الثانية له ولديه منها ولدان وهما الخليفة الذي يتولي منصب القائد العام لجهاز الامن والناجح الذي يشغل منصب مدير عام باحدي الشركات التابعة للنظام عفوا احمد ساعود إليك لاحقا والان نتنقل إلي تميرة ويبدو هناك خبر هام مراسلنا سيد هل لديك اخبار جديدة معي علي الهاتف السرة ام زوجة امراة الرئيس الثانية _حقيقة والله البلد مافيها حاجة بس ديل نسوان حاسدات بتي علي زوجها عشان عايشة مرتاحة والله هي ما قصرت معاهن مشاركاهن في الافراح والبكيات الا نقول شنو اصلو ده طبع النسوان كدي ومعي ايضا ام الريس اهلا بيك مالو ولدي لسه بدري عليهو مالو عمرو خمسة و سبعين سنة بس وحكم ثلاثين سنة مالو خلو اتمها اربعين وتاني احكم ولدو عليك الله قصر معاكم في حاجة الشفقة اطير لا حقين شنو والله الداير العرس عرس ليو والداير الناقص بتمو ولد السرور شغل اهلو كلهم ما اخير من اجيب ناس اجانب الحمد لي الله والتغطية مستمرة

المصدر http://www.abogota.com/vb/showthread.php?t=767