الى جنقو حليمة في (نجوعه)

لا أذيعك سراً إن قلت لك أن (دامرقا) المكان قد استعصت عليّ؟

فلا طحين الحكومة المنتهي الصلاحية عاد يستساق
ولا (مرحاكة) المعارضة توفي بما يسد الرمق!

إلا أن ارتفاع (الاوزوت) في امعاء حوجتنا
إضافةً لشفط ما تبقي من سكر الامل المؤدي لتخمر أفكارنا
هو ما بان لك اثر الجعجعة التي ملأنا بها الاسافير!






حبيب نورا وقيقراوي مطلوبين علي فكرة وبشدة

الاخ ابارو
هذة الحالة المستصيه والموزانة المفقودة
وحال السودان الذى املنا فيه كان كبيرا فى ان ينصلح حال
المعارضه والحكومه اصبح الان مفقودا والبتالى حال اهلنا المساكين
الذين يرجون فقط
اللقمه والسكن والعلاج بعيدا عن كلام السياسه
وكلام المثقفين والعولمه
والنت والفيس بوك وغيرها
واملهم
فى ابنائهم الذين شغلتهم مطامعهم وهمومه الخاصة
عن شعبهم
انا شخصيا ماكنت عندى يوم من الايام رغبه فى مغادرة هذا البلد الحبيب
ولكن الان بعد العمر الطويل تغيرة الفكرة
اخى ابارو تداخلت فى هذا الموضوع وامل اكون قد اضفت شيئا مفيدا
لان حال البلدالضائع بين هذا وذاك وموضوعك هما اللذان دفاعنى لذلك
اتنمنى ان اكون قد دخلت بالغلط
مع شكري

جَنْقُوُ حليمة....
أفتقدك ياخ.... و بشدِّة
أتمني لك
..........
...................
.....
وبَسْ..!



_
أبّارو
يا عزيزي , إعتبرني مقيماً هنا, من بعد إذنك طبعاً, (الجَنْقُوُ) ..صنو النفس وحبيب الروح له المحبات الكثيرات والشوق الكثير.

عسى ولعل........






قبل ماتنده حبيب نورة شفتو مدسى بين حروفك ياممدوح..

Quote: عسى ولعل........

بجيب همو يا أميرة صدقيني

Quote: قبل ماتنده حبيب نورة شفتو مدسى بين حروفك ياممدوح..

حبيب نورة يا أميرة أحسن من يرسم بالكلمات



ـــــــــــ
خليك معانا

Quote: جَنْقُوُ حليمة.... أفتقدك ياخ.... و بشدِّة أتمني لك .......... ................... ..... وبَسْ..!

هواري يا رفيق الوجع

مثلك أفتقد هذا الشقي!



ـــــــــــــــ
خليك حاتل هنا حسي بجيبو ليك

Quote: اخى ابارو تداخلت فى هذا الموضوع وامل اكون قد اضفت شيئا مفيدا لان حال البلدالضائع بين هذا وذاك وموضوعك هما اللذان دفاعنى لذلك اتنمنى ان اكون قد دخلت بالغلط مع شكري

احمد جمعة حبابك

تعرف أكثر ماآمله في هذا البوست
هو تسخير الوجعة بـ (درش) عيشنا
دون إنتظار للـ

Quote: هذا وذاك

الجبتهم ديل

حضرنا في حضرة الجنقو


لا وجدناكم لا وجدنا الجنقو همسلف!






------

جيب لينا الزول دا بجاي ياخ؟

خليك معانا

ياممدوح هو انا فتكم اصلا ... شان اكون معاكم ......

Quote: حضرنا في حضرة الجنقو لا وجدناكم لا وجدنا الجنقو همسلف!

جيت يا المبيريك؟

أها أكشح جرادل فهمك علها تثبت قيزان واقع فهمنا العجاجتو عاكلة دا

طيب يا عم الراوي قيقا وبت الشيخ

ولحدي ما يجي جوز (النجّاع) ديلك نرسم خارطة طريق للبدء

الوضع الراهن:
خمول تحت بند التريث (المعارضة الممهولة* )
قمع مقابل لإي حركة (الحكومة الغاشمة)
زهج سااااي كدي من الفشل المتكرر ( الشباب وقل الغير منضوي)
شغل ضاغط وبث أكاذيب (الحكومة الغاشمة)
تكذيب وتشكيك في كل الحقائق (الحكومة الغاشمة)
الجري وراء كل كيس طاير يهدد الحكومة (المعارضة المتسربعة)

افضي واتم الباقي


* من المهلة

ممدوح


لقيت خيتك متأخر جداً

أنتظرني لمدة كباية شاي حمرا وسجارة من نفس اللون


وبجيك صاد

" دردقة " متآمرة علي ود حليمة في طقسِ " نجوعهِ " المر ، أخشي أن " تفلقهُ حصاية " حوجتنا الراهنة لحلمٍ يعابثنا
ينظر لذات الواقع ويغمز لهُ بعين لا ترضي
ولكنها تهادن وتراوغ و" تبحلق" مشدهوةً في لؤم الأيام .
أظن أن هذا الحلم جدير " بالحشُر " عمداً في صراعاتنا من أجلِ البقاء
ومع ذلك أجزم بأن الأمر يحتمل هذه " الدردقة " المراوغة ، وذلك بخصوص ود حليمة الذي سيشدّه هذا " الخيت "
وسيأتيك محمّلا " بدساتيرهِ " ومباخرهِ " وديك جنه الكلكي " طالباً العفو والسماح ورضي الأسياد .

أما أنا

فسأرابط هنا علي مرمي " دردقة "

وعلي بعدِ كأسٍ من الغيبوبة

سأمضي إلي بعضِ شأني

Quote: الوضع الراهن: خمول تحت بند التريث (المعارضة الممهولة* ) قمع مقابل لإي حركة (الحكومة الغاشمة) زهج سااااي كدي من الفشل المتكرر ( الشباب وقل الغير منضوي) شغل ضاغط وبث أكاذيب (الحكومة الغاشمة) تكذيب وتشكيك في كل الحقائق (الحكومة الغاشمة) الجري وراء كل كيس طاير يهدد الحكومة (المعارضة المتسربعة)

دا الوضع الراهن يا ابارو , طيب عرفناه
هل هنا في مساحة للحلم بتغيير الراهن دا؟
لو في قول عشان نحلم معاكم


______________

لاحظ انا قلت حلم ما عمل

Quote: دا الوضع الراهن يا ابارو , طيب عرفناه هل هنا في مساحة للحلم بتغيير الراهن دا؟ لو في قول عشان نحلم معاكم ______________ لاحظ انا قلت حلم ما عمل

مراحب ود البشري

ونحنا غير الحلم فضل لينا شنو ؟

عموماً اهو البوست دا لنبحث موضوع الحلم دا قبال يبق فلم

Quote: وعلي بعدِ كأسٍ من الغيبوبة سأمضي إلي بعضِ شأني

وعلي بعدرشفة من الوعي سننتظرك

حضرنا في حضرة الجنقو


لا وجدناكم لا وجدنا الجنقو

مسنوووووووووووح

الجنقو طال إنتظارنا

Quote: حضرنا في حضرة الجنقو لا وجدناكم لا وجدنا الجنقو مسنوووووووووووح

شيقا الدبيب

الجنقو ما قادر يخش سودانيز قال

أما أنا فقاعد ليك شوكة حوت
يا مسنوح

Quote: الوضع الراهن: خمول تحت بند التريث (المعارضة الممهولة* ) قمع مقابل لإي حركة (الحكومة الغاشمة) زهج سااااي كدي من الفشل المتكرر ( الشباب وقل الغير منضوي) شغل ضاغط وبث أكاذيب (الحكومة الغاشمة) تكذيب وتشكيك في كل الحقائق (الحكومة الغاشمة) الجري وراء كل كيس طاير يهدد الحكومة (المعارضة المتسربعة)

نضيف:
إدمان لطاولات التفاوض في موقف الضعف والقوة(بعض القوي القديمة)
رفض كل سبل التفاوض مع الحكومةفي موقف الضعف والقوة (القوي الحديثة)

نواصل



ــــــــــــــــــــ
أها كيف الدبارة يا صاحب؟

ولسة صديقي الجنقو

يسقينا مرارة نجوعه الحزين

حبيب نورة

Quote: ولسة صديقي الجنقو يسقينا مرارة نجوعه الحزين

انت ممدوح دا شاور صديق و لّ ساي بس؟

البعرفو الزول دا نجوعو بطول

راقدلو فوق رأي عديل




---------

ممدوح و ود البشرى ...
باقيلي باقيلكم الثورة ام موتاً احماااااااااار ديك
او سيبقى الوضع على ما هو عليه
الحال في ي ي ي حالو
و الطين في طينو

لا قوى حديثة نافعة لا قوى تقليدية راجين خيراً منها بعد الشفناه
ما استفدتوا أي شئ من المد الثوري الحوالينا و ما جا علينا دا!؟
كل الثورات دي فجروها و انجزوها ( شباب ) غير منظم ( في الغالب ) ..
شباب تواق للحرية .. اتحرم من حقو في الحياة الكريمة و تساوي الفرص ..
حقو في الحلم و العلم ..
نفس الشباب دا هو الح ينهض و ياخد حقو
خريجين عطالة بالملايين .. غلاء اسعار .. انعدام تنمية في الريف .. انعدام امن و جريمة منظمة
فساد سلطة .. قانون النظام العام و بقية القوانين المقيدة للحريات .. تكميم الافواه و صحافة هزيلة.. عسف و فاشية اجهزة الامن
اعتقد انو دي القضايا الهابشة عصب الازمة عندنا ..

عما قريب بجي الهمبريب .. لكن بعد ما التنقاض يصل مداه .. و تنفجر الازمة

لي وكتها نطمن نفسنا غايتو :

صد لي ملامحك يا حراز .. شمس العوارض غرّبت
افرد ضفايرك للرزاز .. جية العصافير قرّبت

Quote: نضيف: إدمان لطاولات التفاوض في موقف الضعف والقوة(بعض القوي القديمة) رفض كل سبل التفاوض مع الحكومةفي موقف الضعف والقوة (القوي الحديثة) نواصل ــــــــــــــــــــ أها كيف الدبارة يا صاحب؟

داير الجد و لّ الجمبو؟
عرفتك بتختار الجد
مبروك خيار موفق .. الله يصبرك عليهو ...

لافي بعض لا في حديث ..
كلهم متآمرون على الديمقراطية .. * .. او كما قالت

قايلين الشعب دا عندو فقدان ذاكرة و لّ شنو؟
كلهم زبائن للمؤتمر الوطني ..

السيستم كلو دظنت وورك !!؟
تغيير شامل و جذري و تفكيك علاقة الزبائنية دا .. و لّ خلونا في حالنا!!



-----------

* شوف المهابشة مع صاحبك عبد الله عيدروس .. عليك الله الكزو
وين آمنة مختار دي ذااااااتا؟

قيقرا اقول شايف حماسك قل يا خوك
الدم الليبي المسفوك بالهبل دا مسّخ علينا الياسمين و اللوتس

يا ابو حتحوت

Quote: قيقرا اقول شايف حماسك قل يا خوك الدم الليبي المسفوك بالهبل دا مسّخ علينا الياسمين و اللوتس

المخاطر كبيرة جداً
الالم كبير .. فوق طاقة الاحتمال
لكن برضو الظلم ليلته قصيرة
مشوار الدم دا نهايتو حرية
ياتو رصاص ما عقبو خلاص؟ ... و ياتو زمن دام للانجاس!؟

في brave heart
لما كلّ عزم الثوار الاسكوتلانديين.. و دخلتم خوفة من كثرة عدة و عتاد الجيش الانقليزي
خطب فيهم وليم والاس : امامنا خيارين :
- مواصلة الحرب و الموت هنا على أمل ان ننتصر و ننعم بالحرية.
- او الفرار و العيش لمدة اضافية غير معلومة و الموت في النهاية.

انا ساقاتل

زي ما بقول المحللين دخلنا مرحلة عض الايادي ( الاصابع ) تتذكرا؟

النصر ح يكون حليف الاكثر إحتمالاً .. الامضى عزماً .. و دي بقيف وراها حق اصيل
تفتكر منو الح ينتصر ؟

شعب عمر المختار لا يستسلم .. ينتصر او يموت بعز
الخوف بس من التدخل الخارجي، الزرائعي ..
ما خجلت للبريطانيين امس؟
قال ايه ( دبلوماسيين ) و جايين يتفاوضوا مع ( المعارضة ) .. معارضة بتاع فنيلتم!؟
ديل ثوار موشحين جبينم بهالة النضال .. كل المدردم ليمون هو؟
بعدين الانزال المظلي دخل السلك الدبلوماسي متين؟
و الله الناس ديل ما بحترموا عقولنا كلو كلو!
عشان كدا قلنا النار الاشعلا البوعزيزي في التاريخ، لازمن و حتماً تستمر جذوتها متقدة
لتقود المنطقة لعصر الانوار النسخة الخاصة بتاعتنا ..
عصر الشعوب المسلحة بالوعي .. لا التابعة و الخاضعة ..
عصر الحرية و الديمقراطية لا الدكتاتوريات المسلحة بالنفط و الغاز الطبيعي و الذهب، و دعم الغرب المنافق جداً جدن حتى اونكل ( سام ) همسلف!

Quote: لافي بعض لا في حديث .. كلهم متآمرون على الديمقراطية .. * .. او كما قالت قايلين الشعب دا عندو فقدان ذاكرة و لّ شنو؟ كلهم زبائن للمؤتمر الوطني .. السيستم كلو دظنت وورك !!؟ تغيير شامل و جذري و تفكيك علاقة الزبائنية دا .. و لّ خلونا في حالنا!!

في دي أنا ما معاك بالنسبة( للحديثة) طبعاً
القديمة هي من تلتف حول الديموقراطية ولا أقو تتأمر عليها

دخلنا الانتخابات ( الديموقراطي الليبرالي) ليس بنية الفوز بمقاعد
فقط ولكن كان لعدة أسباب علي سبيل المثال:
*تثبيت مبدأ أصيل في الحراك الديموقراطي( صناديق الاقتراع)
*معرفة حجم قوانا وتدريب كوادرنا علي العمل الانتخابي( درس عصر مجان)
*تثبيت موقفنا تجاه منتسبينا (عدم ثبات القوى السياسية علي رأي مرة مقاطعة ومرة مواصلة)
وهلم جرا

معاك في فرمتت السيستم كلو لا عمل أب قريت للقديم

يا ممدوح

Quote: دخلنا الانتخابات ( الديموقراطي الليبرالي) ليس بنية الفوز بمقاعد فقط ولكن كان لعدة أسباب علي سبيل المثال: *تثبيت مبدأ أصيل في الحراك الديموقراطي( صناديق الاقتراع) *معرفة حجم قوانا وتدريب كوادرنا علي العمل الانتخابي( درس عصر مجان) *تثبيت موقفنا تجاه منتسبينا (عدم ثبات القوى السياسية علي رأي مرة مقاطعة ومرة مواصلة) وهلم جرا معاك في فرمتت السيستم كلو لا عمل أب قريت للقديم

كلامك آخره يناقض اوله مقروءاً بتجليات الاستاذة آمنة مختار في كتبها الموسوم بمتآمرون على الديمقراطية
لست في صدد تقيم موقف/مواقف الحزب العلاني و لّ الفرتكاني .. دي مهمة اصيلة لاصحاب الشئ ذاتا امام التاريخ و الجماهير .. و نعم الشاهدين.

لكن ياخ الفرمتة يعني نفي القديم و إقامة الجديدة مقامه ..
من وحي ثورة اللوتس ..
الناس كان بتنزل " ميدان التحرير " بعد خلع كل الفنايل .. و ارتداء فنيلة التغيير وحدها لا شريك لها.
التنسيق افقي كان، ما رأسي .. الداير يرجع لي ولي أمرو يرجع .. المافي شنو!؟
لكن ميدان التحرير كان ملئ بالاحرار .. صناع الغد .. صناع المجد

بالنسبة لي المسألة بهذا الوضوح ..
كل القوى الراغبة في التغيير تنزل الشارع .. لوجه التغيير، لا لخدمة احزابها و انتماءاتها الضيقة.
البناءات دي وسيلة ما غاية هي في ذاتها!! .. بقاءها ما بهمني كتير و لا بشغل بالي من بلائها و اهترائها.

دا السيستم العاوز فرمتة ذاتو يا حبيب.
حزبي و حزبك دخلوا السيلاخنة دي سوا .. و ما اظن يطلعوا منها سالمين كان دي طريقتم.
عشان كدا ملصنا الفنايل دي.

الاصتفاف الحزبي هين .. كدي باللول نوفر مسرح ( ديمقراطي ) يسع الجميع .. ولّ شنو!؟
مرحلة جديدة + وعي جديد + ثورة مفاهيمية شاملة = بناءات اجتماعية جديدة

Quote: كلامك آخره يناقض اوله مقروءاً بتجليات الاستاذة آمنة مختار في كتبها الموسوم بمتآمرون على الديمقراطية لست في صدد تقيم موقف/مواقف الحزب العلاني و لّ الفرتكاني .. دي مهمة اصيلة لاصحاب الشئ ذاتا امام التاريخ و الجماهير .. و نعم الشاهدين. لكن ياخ الفرمتة يعني نفي القديم و إقامة الجديدة مقامه .. من وحي ثورة اللوتس .. الناس كان بتنزل " ميدان التحرير " بعد خلع كل الفنايل .. و ارتداء فنيلة التغيير وحدها لا شريك لها. التنسيق افقي كان، ما رأسي .. الداير يرجع لي ولي أمرو يرجع .. المافي شنو!؟ لكن ميدان التحرير كان ملئ بالاحرار .. صناع الغد .. صناع المجد بالنسبة لي المسألة بهذا الوضوح .. كل القوى الراغبة في التغيير تنزل الشارع .. لوجه التغيير، لا لخدمة احزابها و انتماءاتها الضيقة. البناءات دي وسيلة ما غاية هي في ذاتها!! .. بقاءها ما بهمني كتير و لا بشغل بالي من بلائها و اهترائها. دا السيستم العاوز فرمتة ذاتو يا حبيب. حزبي و حزبك دخلوا السيلاخنة دي سوا .. و ما اظن يطلعوا منها سالمين كان دي طريقتم. عشان كدا ملصنا الفنايل دي. الاصتفاف الحزبي هين .. كدي باللول نوفر مسرح ( ديمقراطي ) يسع الجميع .. ولّ شنو!؟ مرحلة جديدة + وعي جديد + ثورة مفاهيمية شاملة = بناءات اجتماعية جديدة

تناقض شنو يا راوينا ياخ؟
انت بس قاريني بي عيون اعجابك بكلام امنة
انا اتكلمت عن الاسباب الخلتني كحزب وليد ادخل الانتخابات الفاتت
واتفقت معاك علي الصلعة بالموس تجي تطلعني متناقض؟

اقراني تاني ياخ بي رواقة

يا ممدوحنا اليومين دي اظن سحرونا
انت معاي في نفس الصفحة ياخ؟
اظن كل زول بقرا من صفحة براها!

Quote: انا اتكلمت عن الاسباب الخلتني كحزب وليد ادخل الانتخابات الفاتت واتفقت معاك علي الصلعة بالموس تجي تطلعني متناقض؟

اسف و الله ما الهدف انو اطلعك متناقض
الهدف الاسمى انو ابين التناقض - من جهة شوفي - لما اشوفو عشان ينعدل المقال و بالتالي ينعدل الحال
و لّ شنو؟

الفرمتة - نسخة غير كمبيوترية - العبرت عنها بنفي القديم، بتكون بقراية صادقة و أمينة ليهو بدون تعاطي مع التلفيق او التبرير، عشان نصعد لمرحلة متقدمة، اكثر نضجاً و اقرب للهدف الكبير..
انا قلت كلو - و اشار الى السيستم - ما قصدت زول بعينو او نجيت حزباً.
كنت بقول الكلام دا و في راسي عبارة حسام البدراوي ، السلموهو رئاسة الحزب الوطني و المركب بتغرق. بمسئولية شديدة قدم استقالتو وذكر بالحرف الواحد : " المرحلة الجديدة في مصر تتطلب احزاب جديدة ".
كان صادق جداً مع نفسو في قراية الواقع الجديد الافرزتو الثورة.
و اكد الواقع - الاخضر - قرايتو دي .. بتشكّل " حزب التحرير الشبابي " حزب جديد واقعي .. اوجدتو ضرورة واقعية .. معبراً عن آمال و تطلعات جماهيرو .. طبيب آسي لجراحات شعبو.. و عضويتو الناس الاكتوت بالقديم و صنعت الجديد بيدها هي، عضوية حقيقة مش مجرد " فانز "* لمجموعة افكار ما معروف تتحقق متين؟
الحياة ليست كتاب يا عزيزي .. و لّ شنو؟
زمان ( عبوهاب ) غنى :
كم قصرٌ هو العمر حتى افنيه في النضال .. في النضاااااااال
عاوزين نعيش يا صديق ..
بنرفض نحن نموت ياخ!




----------

* و التعبير لسيدنا محسن خالد عليه صلاة الحب ..

Quote: هل "الشويعي" كائن مألوف في أساسه، وله تعريف لدى البيئات العمليّة التي يجب أن يوجد فيها، هل رآه إنسانٌ في تلك الأنحاء دون أن يتسلَّق له شجرةً ويكمن له بجوف دكّة قصب؟ هل بوسع الريف أن يرى ذلك "الشويعي"، دون أن يترك العقارب خلفه تسعى ومعايشه مغروزة في غدر نهر؟ أم نتوكَّل على الله ونكتفي منه وفيه بتعريف الحرم بت حاج طيفور؟ خصوصاً أنَّ هذه البلاد في تنظيماتها كلّها، لا تحتوي على أي حزب يهتم بالدراسات الواقعية والاقتصادية والاجتماعية في توجّهه العملي صوب الناس. ولا تمتلك فكرة التغيير هذه للواقع من منظور المعرفة والعلم، فكلّها أحزاب تتحدَّث عن الآخرة أكثر عمّا هو حادث في واقع الناس، بدءاً بجميع أنواع الإخوان المسلمين والسلفيين الآخرين وانتهاء بآخر صوفي كان. والأحزاب الطائفية الكبرى، والدينية الكُبرى، تتمركز في هذا الريف الذي لم يَرَ "الشويعي" بعد. أمَّا الأحزاب التي نشأت حديثاً هذه كلّها، فتشبه لي جماعات الفانز الـFans. كلّهم فانز ومشجعون ومشجّعات لأعطيات الحضارة الغربية بعد تأسيسها، ولا يمتلكون فكرة واحدة عن كيفية تأسيس الحضارة من حيث تليهم. إنَّهم جماعات فانز لجماعات حقوق الإنسان والبيئة والحيوان الغربيات، الديموقراطيات منهن والليبراليات، حيث فرغ الناس من الأساسيات وضروريات البقاء، وانطلقوا نحو الكمال. وفانز لجماعات تحرير المرأة، والفيمنيزم وما بعد الفيمنيزم، ودعاة الحداثة وما بعد الحداثة، وكيفيّة إلصاق "تاء التأنيث" في آخر الكلمات لمساواتها بالرجل ورد حقوقها؟ بينما المرأة الواقعية في الريف السوداني لا تنقصها أية تاء تأنيث حالياً، وإنّما ينقصها المقوت والهدم والكركار وفك الحرف ذاته بخشم الباب والدرب العديل! وإن ألصقوا لها مائة تاء تأنيث من فئة الألف، وهي في غيّابة الجب هذه، فلن تستطيع قراءتهن ولن تربح شيئاً. والحزب الشيوعي ذاته لا يمتلك بنية تحتية من الدراسات والخُطط النظرية حالياً، ولا يدفع بأي جهودٍ على أرض الواقع العملي، الصلد الـSolid، ولكن بأقل تقدير هو يمنح هذه الرؤية حظاً من الاهتمام والتفاكر في أحلامه إن صادف واجتمع سامِرُهُم بعد خمسين ستين سنة، ونيف. وهو حزبٌ مُحَصَّنٌ ضد النَّقْد من الخارج، لأنَّه معروفٌ بردود أفعاله الدفتردارية، كما هو ذو مناعة هومورالية لتثبيط النقد من الداخل، ضد أي صوت طامح، أو يحلم بما هو أكثر من بياته الشتوي الذي لا ينتهي هذا، كي يفيق ويقود الناس. ولكن كيف يقودهم، وهو الذي شأنه ما رويتُه عليكم أعلاه، حيث بيئاته التي يجب أن يكون فيها ويخضرّ ويترعرع؟ وكادره جلّه من برجوازية مدن لا تفهم لغة ذلك الريف ولا تملكُ من طرائق وأفانين التأثير في ذلك الريف نِكْلَةً، لأنَّها تجهله ولا تشبهه في شيء. Re: شرح الدقّة!

Quote: انت بس قاريني بي عيون اعجابك بكلام امنة

جلطي
كل البتكتبو آمنة مختار هنا قاعد يعجبني ..
لكن هنا لما قلت داير ابقى فان لـحزب الخضر السودانى . رفضوني صدق؟ .. قالوا لي امش جيب ولي امرك! .. شاورت ولّ جيت تكابس ساي!!
كل الناس قبلوهم، حتى صاحبي " عمدة " اللمن مشيت السودان قلي بجيك .. و قام ماجني و لا قلي ما بجيك ذاتو!؟
فتأمل!!

تعرف يا صديقي (ودا ما كسير تلج بالمناسبة)

قاعد يعجبني تفكيكك وقراياتك

بتزكرني بي شيخي النفاش (جاك دريدا )
لما يتجلي في نفش الميتافيزيقا من منظورو الواقعي

في شان كدي بقدر ما بكون متكيف للحوار معاك بكون خايف من النفش



ــــــــــــ
يا زول حبابك وحباب محسن وامنة

Quote: بتزكرني بي شيخي النفاش (جاك دريدا ) لما يتجلي في نفش الميتافيزيقا من منظورو الواقعي

حولتتتتتتتتن!!
دريدا حتة واحدة !!

و الله بي طريقتكم دي تشجعوا الزول يدعي ليكم النبوءة عديييل
ما تقول كمان اخوك في الجك عديل .. اربعين طق طرق
بس باقي الرسالة .. غايتو و الحال كذلك في بورض من لا بورض لهو دا .. ان جاتن اي رسالة .. تعبتو معاي
ان شاء الله SMSاً ساي - او كما قالها حموددي العسل - بحسبا ليكم رسالة

بهناك حسيت زي الناس حسبتني بعرف فيورباخ!؟
و الله العظيم ثلاثاً معرفتي بيهو ياهو في ( عنوان )* الكتاب اللفحتو جبتو ليكم داك
اكتر من كدا ما حصل لينا الشرف و الله لسه!
انتو بعد الزول يحلف ليكم تاني في شنو؟
الزول غايتو اكتشف انو مصداقيتو و محمود الكذاب واااحد في بورض من لا بورض لهو دا
كويس عشان لمن نقول ليكم هجم النمر ما تصدقول و ياكلكم كلكم يرحينا منكم ذاتو

في ي ي ذمتك دي انت مصدق اني بعرف فيورباخ!
كياخ كان بعرفو بلعب وين المقعدني معاكم هنا شنو طيب!؟



--------

* لاحظ الخط .. ( معرفتي ) القال عليها ابتفة و هو باهتون لي بيها ساي دي كدا! .. ما اتعدت العنوان!
عشان كدا نحن نتفق تاني البجيب عنوان نمسكوا نسمع ليهو .. عشان ما يفكها فينا ساي!؟
و لّ شنو يا الركاب؟

Quote: * لاحظ الخط .. ( معرفتي ) القال عليها ابتفة و هو باهتون لي بيها ساي دي كدا! .. ما اتعدت العنوان!

يعني داير تقول كما قال سقراط:
(وجاء يتهمني أمام المدينة وكأنها الأم "ذلك يقول أنني مخترع آلهة......")

ياخ بطل حركات دس العلم دي أو كما قال أحدهم بهناك

حسي نحنا في طريق نعمل حملة تفتيش عنك لنري إنت كنت (علافاً) كهشو...
أم من صلعتك النضم دا

Quote: يعني داير تقول كما قال سقراط: (وجاء يتهمني أمام المدينة وكأنها الأم "ذلك يقول أنني مخترع آلهة......")

ذكرتني " وليم والاس " في Brave heart .. واحد من الجماعة الجايين يحاربوا معاه اتصدم فيهو لمن شافو .. و قال ليهم اسي ياهو دا وليم والاس ؟

انقر قال ليو شنو؟



امشي فتش براااك

او اقول ليك قولة؟ .. احضر الفلم دا .. ياخ لحدي اسي انا حاضرو لا اقولليك عشرة لا حداشر مرة
و تاني كان لاقاني بحضرو

كدي في الاول خليني أعتزر للفيلسوف (أوطيفرون) علي بتر كلامة وعدم الاشارة إليه
فهو صاحب الجزء الاول من المقولة(وجاء يتهمني أمام المدينة وكأنها الأم)
حتي بعداك جاء كلام سيدنا أرسطو الذي يحتاج أيضاً إعتزار علي نسب كلام ليس له
حيث قال:
("ذلك يقول أنني مخترع آلهة......")


شفت الاستعجال في الكتابة بعمل شنو؟

بالمناسبة (أوطيفرون) الفوق دا أنا والله عرفتي ليهو معرفة عنوان برضك
وكل الهيلمانة الفوق دي لاقتني في قصيدة للشاعر
صلاح بوسريف بعنوان :(كوميديا سقراط)