"مسؤول ينفى اغتصاب عناصر فى الامن لفتاة بالخرطوم"!!

Quote: فى اول تعليق لمسؤول سودانى على اتهام منتسبين لجهاز الامن السودانى بالتورط فى اغتصاب وتعذيب معتقلين نفى سفير السودان ببريطانيا عبدالله الازرق تلك الاتهامات. واعتبر السفير ان هذه الادعاءات مغرضة وترمى للنيل من سمعة السودان واتهم منظمات يسيطر عليها الشيوعيون ببثها واكد لجوءهم الى تلك الطريقة بعد فشلهم في تغيير الحكم بالطرق الأخرى.

تتمة

سفيرنا في لندن دا مكتبه في وزارة الداخلية بالخرطوم؟!

الأزرق دا دفعتك يا عمر عثمان؟

الاستاذ الفاضل اشرف

لك التحية و التقدير


هذا ما نتوقعه من كل كوز مأفون رذيل لا اخلاق له

فهم يقتلون القيل و يمشون فى جنازته

الا لعنة الله على الكيزان و كل من تبعهم

سلامات يا بو الطيب
اوكيه، ما عنده أخلاق لكن كمان ما عنده مخ؟!
النتيجة الوصل ليها دي بعد تحري ولا سأل وداعية ولا رجالة ولا شنو؟



BBC المصدر الأصلي

كان ياهو الفي الصورة دي ..ما عليهو أي حرج

خليهو يقول سااااااااااااااااي

Quote: كان ياهو الفي الصورة دي ..ما عليهو أي حرج خليهو يقول سااااااااااااااااي

أنا برضو قلت كدا يا إدريس
لو ياهو الأصلي اللابس (جلد أصلة) في حفل اعتماده كسفير ما في داعي للدهشة

سلام يا اشرف,,

الناس ديل بقوا يرجفوا لما صحفى أو وكالة أنباء تسأل أى سؤال والقاعدة يا زول للضمان كدا أنكر وقول أصصصصصصصصلو ما حصل,,
عارفين الفايلات بقت مفتوحة والبفك آخرو ويقعد ينظر لمن يلقى نفسو إعترف حا يتركب وإحتمال يجيبو الخرطوم للملطشة,,,,

الإعترافات التى تملكها المحكمة الجنائية أغلبها كانت دردقة!!

من نوع (عشرة الف قتيل بس فى دارفور,,)
(وما عايزين أسرى)!! وأنت قيس على كدا..

تقول لى ما ينكر وينفى!!!!

تحياتى,,

Quote: الناس ديل بقوا يرجفوا لما صحفى أو وكالة أنباء تسأل أى سؤال والقاعدة يا زول للضمان كدا أنكر وقول أصصصصصصصصلو ما حصل,, عارفين الفايلات بقت مفتوحة والبفك آخرو ويقعد ينظر لمن يلقى نفسو إعترف حا يتركب وإحتمال يجيبو الخرطوم للملطشة,,,,

دا التفسير الوحيد لحد اسي يا أيمن

وإلا شنو البخلي سفيرنا في لندن ديك يفتي في اختصاص جهة تانية قبل ما الجهة تحقق؟!
عارف سفيرنا دا لو كان سفيرنا لدى السودان شوية كان تكون مبلوعة!

الفاضل اشرف
تحياتي

Quote: سفيرنا في لندن دا مكتبه في وزارة الداخلية بالخرطوم؟!

الغريب في الأمر أنو النفي يجي من
سفير موجود خارج البلد
وبعد مدة من الزمن
ولولا سؤال البي بي سي
لما تحدث اصلاً ...
في حين لا حياة لمن تنادي
للمعنين بالأمر بالداخل
شيء مخجل جداً

Quote: النتيجة الوصل ليها دي بعد تحري ولا سأل وداعية ولا رجالة ولا شنو؟

تحياتي - دا مش السفير الذي تغزل في الناها وزيرة خارجية موريتانيا ديك ولا غيرو .

وفي لندن وبنفي - يالله سريع كدا عمل تحرياتو ووصل لهذه النتيجة ولا الردود مفصلة جاهزة

بحيراوي

Quote: تحياتي - دا مش السفير الذي تغزل في الناها وزيرة خارجية موريتانيا ديك ولا غيرو . وفي لندن وبنفي - يالله سريع كدا عمل تحرياتو ووصل لهذه النتيجة ولا الردود مفصلة جاهزة بحيراوي

بس ياهو زاتو ....

Quote: الغريب في الأمر أنو النفي يجي من سفير موجود خارج البلد

ما دا المحير حيرتنا يا بو الشوش


في طريقة تانية غير ديل يا د. شهاب؟

زي ما قال عتيق يا بحيراوي

Quote: بس ياهو ذاتو

ناس الراكوبة برضو أكدوا الخبر لسفير السوداني الذي تغزل في " الناها " يكذب جريمة إغتصاب الناشطة صفية من قبل أفراد جهاز الامن..!!

Quote: دا مش السفير الذي تغزل في الناها وزيرة خارجية موريتانيا ديك ولا غيرو .

وبرضو نكر إنو تغزّل في الناها..
أنا خايفو ينكر إنو هو سفير السودان في بريطانيا..

Quote: أنا خايفو ينكر إنو هو سفير السودان في بريطانيا..

تخيل دي مراقتو الوحيدة من حكاية تدخله في سلطات الداخلية دي يا نصر

قلت لي نكر؟
يعني الغزلية البتقطر وله وهيام دي ما عندها سيد؟

Quote: حيّ الميامين من شنقيط والناها *** قم حيّها بحبور حين تلقاها واحضن بها عبق التاريخ تحمله *** من أرض شنقيط فيّاضا وموّاها وانثر لها الورد في الخرطوم إن لها *** ربعا وأهلا هنا تاقوا للقياها وللورود هنا سفن وأشرعة *** بحبّكم كان مجراها ومرساها بل أنثر الدرّ كي تنصف فيا أبتي *** إن الورود قطوف من محيّاها الطير غرّد أشجانا وقافية *** كتبتها وأنا ، إنّا كتبناها لما أتانا الأُلى إنّا نجلّهمو *** تراقص القلب تيها بعد إذ تاها وفاض كالنيل بالأشواق مجلسنا *** ودثّر النفس باللقيا وزكّاها وصفّق الموج بالنيلين مزدهيا *** وفاح عطر شذيّ إذ ذكرناها أحبابنا الشوق للسودان يسبقنا *** شنقيط نحوكمو حثّت مطاياها وللشناقيط في كل القلوب هوى ** شقائق الروح بل أسمى سجاياها النبل والكرم السودان موطنه *** هنا حصون تصون العز والجاها تفطرت كبدي من بينهم زمنا *** واليوم جاؤوا فيا سُعدي وبُشراها جئناكمو نقتفي آثار من علموا *** أن المواطن أسماها ثريّاها فلو درت إذ أتت ما يحملون لها *** بين الجوانح من حُبّ لأغناها لم ننس حضنكم الرحب الفسيح لنا *** نُسقى به من عذاب الكرم أحلاها إن أسدت الدنيا في أيامنا هبة *** فلا أرى غير أنّا قد عرفناها يا قبلة المجد سودان البشير وهام العز من ولد العُليا وسمّاها فإن عجبت فلا تعجب لما جمعت *** إن الأصالة مأوها ومرعاها لو تطلبون مزيدا من قصائدنا *** في وصلكم لكتبناها وقلناها

شريكي براااي

Quote: تحياتي - دا مش السفير الذي تغزل في الناها وزيرة خارجية موريتانيا ديك ولا غيرو . وفي لندن وبنفي - يالله سريع كدا عمل تحرياتو ووصل لهذه النتيجة ولا الردود مفصلة جاهزة بحيراوي

طيب طالما انو هو ذاتو


راجين منو شنو غير النكيرة والف والدوران



خالص الود

يا اشرف ..الزول ده استشار ناس الامن قبلما يصرح ؟


حسى بقومو يبلعوه لسانه.....

الناس ديل ما عندهم رحمه..
بخلوه خشمه ملح ملح ......


ماله ومال المسائل الامنية!!!

يا بيناوي الزول نكر بالله ما تجهجه لينا غزليتنا
لو طمعان ليك في بيت بيتين شيلن وأقطع وشك

سلامات النصري
أنا متخيل إنو الأمن بجهز في كباش فداء للفضيحة دي لامتصاص غضب الرأي العام
لأنو ما عنده غير كدا، لا بد من كباش، حتى لو يدعي انتحالهم لشخصية رجال أمن وينفي انتسابه للأمن
المهم في الآخر يكون في كباش نتضبح قدام الرأي العام
خصوصاً بعد شيخنا بوعزيزي على روحه السلام ولعها والدنيا موسم ثورات وكدا
أها لو السيناريو بتاعي دا تم سفيرنا في لندن دا منظره حيكون بايخ للطيش،
فما عنده حل غير يطبع النفي ويتوجه لأقرب سفارة

Quote: يعني الغزلية البتقطر وله وهيام دي ما عندها سيد؟

يا أشرف حا يقول القصيدة دي ألفها القلّع عبد الحفيظ..
ده راجل (ناكر جميل)..
ناكر جميل ما شفنا نفيو..

Quote: ناكر جميل ما شفنا نفيو

ياخ ما سمع بأنطونيو الضحى بالتاج؟، تقول لي سفارة!

تحياتى يا اشرف
الاجابة المعروفة فى مثل هذه الظروف هى ( التحقيق سيتم فى هذا الامر)
حتى لو لم يكن هناك تحقيق اصلا!!
لكن يبدو ان (مراهقة) الرجل تتبدى حتى فى طريقة دفاعه عن نظام الجبهة الاسلامية الحاكم !!

Quote: الاجابة المعروفة فى مثل هذه الظروف هى ( التحقيق سيتم فى هذا الامر) حتى لو لم يكن هناك تحقيق اصلا!! لكن يبدو ان (مراهقة) الرجل تتبدى حتى فى طريقة دفاعه عن نظام الجبهة الاسلامية الحاكم !!

سلامات طلعت
طبعاً (التحقيق سيتم في هذا الأمر) دي أقرب إجابة دبلوماسية
لكن الظاهر شاعرنا الجاهلي يجهل ألف باء الدبلوماسية

ههههههههههه

الحاصل شنو يا شباب ...

الملكة دي ما مالية عينو !!
مالو ما بكتب فيها قصيدة ؟؟

Quote: يا بيناوي الزول نكر بالله ما تجهجه لينا غزليتنا لو طمعان ليك في بيت بيتين شيلن وأقطع وشك

خلاس يازول طالما ما القصيدة الكاربة دي طلعت ماعندها سيد
بشيلا انا كلها لكن واياكم وايكم اجي القي لي بوست ( السرقات الادبية في المنبر بيناوي نمـــــــــــــــــــــوزجــــــــا )
ههههههههههههههههههه




خالص الود

عبد اللة الازرق متين بقى مسؤول لو هو بعرف المسئولية مابنطلق غزل وهو فى السن دا .
هو دا حى لحدى الان بعد وقعت بيهو العربية من كبرى شمبات فى النيل برضو لازال موجود واللة وباللة واللة على ما اقول شهيد هذا الرجل ظلمنى وعلى قدر ما اتذكرة ادعو علية لانو لا أملك الا الدعاء علية أن كان فعلا هو عبداللة الازرق الذى كان يشغل منصب قنصل السودان بالرياض فى عام 1991

ذهبت السفارة لتجديد جوازى بعد أول عامين لى بالغربة وكنت متوجة السودان ,اذكر يوم سبت تقريبا فى اكتوبر من عام 1991 اول مرة تطأ قدمى سفارة السودان بالرياض وكنت اعمل بالصناعية الجديدة ومعلوماتى عن السفارة وما يدور فيها كانت زيرو . وقفت فى الصف وطلب منى ضابط الجوازات ابراز مستند التحويل الالزامى وسداد الضرائب ذكرت ليهو ضرائب لم أسدد لكن التحويل الالزامى اقوم بالتحويل للسودان والمستندات بالصناعية الجديدة التى تبعد عن السفارة فى ذلك الوقت اكثر من 80 كيلو حولنى للقنصل الذى وجدتة حائما وسط الصالة وذكرت لة نفس القصة وكان ردة ( دا كلام فارغ) ولا أنسى هذا الرد الذى أستفزنى وكان ردى ( بانك انت هنا لتحل مشاكلنا ام خلق مشاكل لنا) فما كان منة لا ان ذكر لى انى شخص قليل أدب ولا أستحق ان احمل الجواز السودانى وطلب منى الخروج خارج السفارة ( وبدون جواز وبدون اى مستند) المهم لا أدخلكم اكثر فى التفاصيل انتظرت برة حوش السفارة وجاء حائم وجدنى بطول صوتة طلب منى ان اطلع برة السفارة . لحدى صلاة الظهر صليت والامام خطب فينا بعد الصلاة ونهاية الخطبة ذهبت لة وذكرت لة كل ما دار بينى وبين هذا القنصل طلب منى الانتظار وجانى بعد فترة طالبا منى ان اعتذر وباعلى صوت فى صالة القنصلية واذكر بالنص انى أعتذر للقنصل لانى اساءت للسودان باساءتى للقنصل اذكر أجابتى كانت كلمة واحدة (ابيت) . وتركنى الرجل وحوالى الساعة الثانية ظهرا ذهبت لضابط الجوازات ( وذكرت لة بالنص لو ماسلمونى جوازى فى ظرف نصف ساعة سااسلم نفسى لدورية الجوازات السعودية الموجودة خارج السفارة واذكر لهم كيف صودر جوازى) وذهب ضابط الجوازات واتانى يحمل الجواز معة وكانوا لم يحصل اى شئ ( اكان هذا هو عبد اللة الازرق فهو شخص افترى على ) وعلى قدر ما اذكرة ادعو علية . ولعلمكم لوهو عبداللة الازرق نفسو طرد من السعودية وطرد من كينيا وهوت بة عربتة من كبرى شمبات وعلى قدر ماأذكرة ادعو علية.

Quote: الملكة دي ما مالية عينو !! مالو ما بكتب فيها قصيدة ؟؟

لو لبست توب يا خالد "ينُظر ويُفاد"

يا بيناوي في تصريح للبيان الشنقيطية الزول دا ما نكر فأعمل حسابك
حوار البيان مع السفير

اشرف ........سلام

يا اخو البنفى من لندن ده مابكون سفير
بكون سفيه ساكت،،،

Quote: يا اخو البنفى من لندن ده مابكون سفير بكون سفيه ساكت،،،

سلامات يا موج
سفيه وعرفاناها وقلنا نرجا لعل وعسى
لكن البلادة لزوما شنو؟
يعني الدبلوماسية البمثلا دي أصلو ما فتحت عليهو برد دبلوماسي؟!

أتمنى الحكومة تعترف رسمي بالحادثة
إن شاء الله بعد داك يقولو آآي سويناها والراجل يجي يحاسبنا
نشوفوا بودي وشو وين عمك السوى غزلية "الناها" دا!

Mohammed Ahmed Saeed سلامات
لو طلبت من السواد الأعظم من المغتربين في المنبر يدوك نماذج عن المآسي المرت بيهم في سفاراتنا حتلقى آلاف القصص المشابهة
بس الشاعر الرقيق دا ما ممكن يكون الوحش الكاسر اللاقاك في سفارتنا في الرياض يا بوحميد!
لكن للضمان واصل الدعاء

Quote: هي ليست قصائد غزل بالمعنى الدارج للكلمة، هي قصائد رصينة ومحترمة تعبر عن عمق العلاقة بين الخرطوم ونواكشوط، وعلاقتنا بموريتانيا قوية وذات ابعاد خاصة، فمثلا علاقتنا الثقافية بها قوية جدا ربما بشكل يفوق علاقتنا بمصر، الجارة التي تربطنها بها روابط كبيرة فوق الوصف ورغم ذلك فإننا لنا طبيعة خاصة في علاقتنا بهم فالمذهب الديني الذي نتبعه في السودان هو المذهب المالكي، جاء لنا من هناك وتتشابه ازياء النساء هناك مع السودان، وكذلك يلبس الرجال العمامة مثلنا وعادتنا في البيوت تكاد تكون واحدة، لذا هناك رابطة ثقافية عميقة جدا، والشعر الذي نظم في الوزيرة هو تعبير عن حبنا لموريتانيا في شخص الوزيرة، والقصيدة الاولى كتبتها انا عندما جاءت في زيارة رسمية للسودان، وللتأكيد على ان الامر لم يكن غزلا قلت هذه القصيدة في عشاء رسمي حضرته الوزيرة الموريتانية، ووزير الخارجية السوداني، وسفراء الدول العربية المعتمدون في الخرطوم، ثم جاراني ستة من الشعراء السفراء ممن يعملون بوزارة الخارجية السودانية، وهذا الامر ليس غريبا، اذ ان الصلة بين الشعر والفن والادب لها جذور عميقة في الدبلوماسية السودانية، فقد كان اول وكيل للوزارة اديبا. لكن الجميع يتحدث عن غزلك في الوزيرة وذكرك اسمها !

والله يا ابو الشوش زولك دا بيقنبلا قنبلا ( علي قول عوض دكام )
ياخي نحنا عندنا قنابير وللا ما بنعرف الشعر .....؟
والله الصيد كلها غزل شخصي
وانا لوفي محلو اصلو ما انكر بالجد الناها تستاهل حتي لوفقدت السفارة ذاتو


خالص الود

سلام

اليكم راى الموريتانيون فى قصيدته

القصيدة نشرت بعد زيارتها للخرطوم
مطالبات بإقالة وزيرة موريتانية تغزل بها مسؤول سوداني
حجم الخط |

صورة 1 من 1


من المصدر ©
تاريخ النشر: السبت 08 يناير 2011
الاتحاد نت
ارتفعت أصوات داخل موريتانيا للمطالبة بإقالة "رائدة الدبلوماسية الموريتانية الناعمة"، وزيرة الخارجية الموريتانية، الناها بنت مكناس، بعد أن دبج شاعر ومسؤول كبير في السلك الدبلوماسي السوداني قصيدة غزل في جمال الوزيرة الشابة.

وبدأ الغزل السوداني بقصيدة لمسؤول رفيع المستوى في وزارة الخارجية السودانية، هو عبد الله الأزرق، الذي يبدو أنه انبهر بجمال الوزيرة الممشوقة القوام، فضلا عن ابتسامتها الساحرة، أوذلك أثناء زيارة قامت بها الوزيرة إلى السودان رفقة الرئيس الموريتاني.
وبحسب موقع قناة "العربية" الذي نشر تقريرا عن الموضوع، فإن القصيدة الغزلية خاطبت الوزيرة باسلوب غزلي تقليدي، كماهو شائع لدى شعراءً العرب الكلاسيكيين، إلا أنها خاطبت، أيضاً، عبر الوزيرة، موريتانيا وأهلها واستحضرت تاريخ العلاقات بين البلدين والتشابه في التقاليد والعادات، ولكن بلغة غزلية هيمنت فيها تعابير الشوق والوجدان والحب والبين والفراق والقرب.




وانتقدت صحيفة "السراج" الموريتانية لسان حال التيار الاسلامي، قصيدة في التغزل بالوزيرة الشابة ورأت في الغزل السوداني خروجا على الأعراف الدبلوماسية واعتبرته تصرفا غير لائق ومهين ورأت في المسالة رؤية دونية للمرأة التي جاءت تمثل بلدها.

وطالب مدونون موريتانيون الرئيس محمد ولد عبد العزيز بالغيرة على الوزيرة المتغزل عليها وتجسيد ذالك بإعفاءها من منصبها ومنعها من السفر خارج البلاد.

وقال احد المدونين غاضبا ان العرب "لا يرضون بتشبب احد ببناتهم، وكان يمنعون من يعرفون انه تشبب بهم من رؤيتهم"، وأضاف "على الرئيس ولد عبد العزيز ان يمنع شعراء السودان من رؤيتها مستقبلا بعد هذا الغزل الفاضح والمشين" حسب تعبيره .

واثارت بعض المقاطع الشعرية حساسية شديدة لدى اتجاهات من النخبة الموريتانية بعضها ذو ميول اسلامية. إذ يرى الشاعر الموريتاني محمد ولد عبد الله ان الشعراء الدبلوماسيين نسوا واجب التحفظ عندما بهرهم جمال بنت مكناس، ليسقطوا في غزل فاضح شبهوا فيه زيارة الوزيرة الى الخرطوم بضوء الصبح.ورفضت بنت مكناس التعليق على السجال الشعري، وقالت انها لاتريد التعليق على الموضوع عندما اتصلت بها "العربية.نت"، قبل منتصف ليل الجمعة الى السبت عبر مساعدتها وشقيقتها أمينة بنت مكناس.
والناها هي كريمة رائد الدبلوماسية الموريتانية الراحل حمدي ولد مكناس الذي كان اخر وزيرخارجية لموريتانيا قبل ان يبدأ حكم العسكر والتداول على السلطة عبر الانقلابات في يوليو ١٩٧٨.
ولفتت وزيرة خارجية موريتانيا الانتباه اليها في المحافل الدولية بقامتها الفارعة واناقتها المميزة رغم احتشامها وتدثرها دائماً في ملاحف تقليدية تختارهن من فئة الألوان الزاهيةً انسجاما مع موقعها المرموق الذي يفرض عليها الاعتناء قليلا بشكلها .


قصيدة السفير عبد الله الازرق في الناها بنت مكناس
السفير السوداني يتغزل في الوزيرة الجميلة الموريتانية : جسر الوجدان بين شنقيط والسودان حيّ الميامين من شنقيط والناها *** قم حيّها بحبور حين تلقاها واحضن بها عبق التاريخ تحمله *** من أرض شنقيط فيّاضا وموّاها وانثر لها الورد في الخرطوم إن لها *** ربعا وأهلا هنا تاقوا للقياها وللورود هنا سفن وأشرعة *** بحبّكم كان مجراها ومرساها بل أنثر الدرّ كي تنصف فيا أبتي *** إن الورود قطوف من محيّاها الطير غرّد أشجانا وقافية *** كتبتها وأنا ، إنّا كتبناها لما أتانا الأُلى إنّا نجلّهمو *** تراقص القلب تيها بعد إذ تاها وفاض كالنيل بالأشواق مجلسنا *** ودثّر النفس باللقيا وزكّاها وصفّق الموج بالنيلين مزدهيا *** وفاح عطر شذيّ إذ ذكرناها أحبابنا الشوق للسودان يسبقنا *** شنقيط نحوكمو حثّت مطاياها وللشناقيط في كل القلوب هوى *** شقائق الروح بل أسمى سجاياها النبل والكرم السودان موطنه *** هنا حصون تصون العز والجاها تفطرت كبدي من بينهم زمنا *** واليوم جاؤوا فيا سُعدي وبُشراها جئناكمو نقتفي آثار من علموا *** أن المواطن أسماها ثريّاها فلو درت إذ أتت ما يحملون لها *** بين الجوانح من حُبّ لأغناها لم ننس حضنكم الرحب الفسيح لنا *** نُسقى به من عذاب الكرم أحلاها إن أسدت الدنيا في أيامنا هبة *** فلا أرى غير أنّا قد عرفناها يا قبلة المجد سودان البشير وهام العز من ولد العُليا وسمّاها فإن عجبت فلا تعجب لما جمعت *** إن الأصالة مأوها ومرعاها لو تطلبون مزيدا من قصائدنا *** في وصلكم لكتبناها وقلناها



اقرأ المزيد : المقال كامل - مطالبات بإقالة وزيرة موريتانية تغزل بها مسؤول سوداني - جريدة الاتحاد http://www.alittihad.ae/details.php?id=2606&y=2011&arti...e=full#ixzz1FMwCug32

Quote: الاجابة المعروفة فى مثل هذه الظروف هى ( التحقيق سيتم فى هذا الامر)

هو إستبعد الإجابة دي لانو تحت تحت كدا سمع إنو الرئيس ماشي القضارف قريب وأخدها من قصيرا!
مساكم الله بالخير جميعا

Quote: وانا لوفي محلو اصلو ما انكر بالجد الناها تستاهل حتي لوفقدت السفارة ذاتو

دا الكلام يا بيناوي
ساعتها كان ممكن نحترم فروسيتو كشاعر فتن بالجمال
لكن لا لحق بلح الفروسية ولا عنب وقار منصبه
شلاقة!

سلامات جلال

Quote: خروجا على الأعراف الدبلوماسية واعتبرته تصرفا غير لائق ومهين ورأت في المسالة رؤية دونية للمرأة التي جاءت تمثل بلدها.

دال الحصل بالضبط
ياخي الشناقيط ديل ناس محترمين ومساكين
اسي الزولة دي لو كان دي وزيرة سودانية والسفير موريتاني القيامة كان قامت

Quote: هو إستبعد الإجابة دي لانو تحت تحت كدا سمع إنو الرئيس ماشي القضارف قريب وأخدها من قصيرا!

لانى استبعد ان يكون عبد الله الازرق الذى كان متجهما بالرياض
الى ان طرد منها ان يكون هو الذى كتب الكلام الجميل المتغزل
فى وزيرة خارجية موريتانيا ده،كدى اكدو لينا المعلومة دى
عشان نخبركم عنه كويس،،،

Quote: لانى استبعد ان يكون عبد الله الازرق الذى كان متجهما بالرياض الى ان طرد منها ان يكون هو الذى كتب الكلام الجميل المتغزل فى وزيرة خارجية موريتانيا ده،كدى اكدو لينا المعلومة دى

يا موج يمكن تجهمه داك كان من رياضكم دي!
قصدي يكون ما صادف فيها ناهات نهائي
ولك في حكاية علي بن الجهم بعد سكن فيلل المتوكل الرئاسية في الرصافة أسوة حسنة