للمرة الاخيرة

عزيزي القارئ

صارت موضة هنا حين اختلف مع احد في وجهات النظر

ان يردد انني انتمي لهذا النظام ثم بعد قليل يحتدم النقاش يذكر انني مستفيدة من النظام
وحين ينهزم في الحوار ويفقد النمطق يتهمني انني سرقت اموال الشعب ...
والعبش باموال الحرام ايوا اموالحرام عديل كدا.
وكنت اقدم لهم تحدي انني اكتب منذ اكثر من 10 سنوات على اي انسان يحضر كوت فيه
دعم للنظام. او حاجة توري اني منظمة سياسيا فياي تنظيم

كما اريد دليل انه في ا ي مرة في حياتي كلها تقلدت وظيفة في السودان مكنتني من سرقة اموال الشعب..
عايزة اسم الوظيفة والمكان والسنة

كما اريد ايضا من يردد ذلك ان يذكروا لي كيف استفادتي من النظام
بوضوح شديد
يا بيان انت استفدتي من النظام في كذا وكذا
بدون لف او دوران


عايزة وثائق حقائق موش كلام لساتك وشمارات ورجال ضايع ليهم الدرب

آخر من ردد هذا امير جبر و منبر النوبة الديمقراطي و صديق الموج و
وتلميحات من البعض لان ما اكتبه عن صفية لم يعجبهم


يا ناس اعترف انني احتقر المعارضة السودانية
واحاربها بشرف وصدق. من اجل الغبش الذين انا منهم.
سيفهم سيفي وقوسهم قوسي...
ولا فرق بين المعارضة والحكومة في وجهة نظري

ما وجدت رد على ذلك
تبقى يا عزيز القارئ ان تعرف الاكاذيب ترديدها لا يجعلها حقيقة
وانه لان لي رأي مؤثر جدا احارب حتى لا اكتب وجهة نظري
التي يحترمها عدد مقدر من القراء
وداالغايظ مفتشين الضمائرالانبياء الكذبة

وشكرا عزيزي القارئ





.

يا دكتورة انتى صادقة فى ما تقولين

لكن ما صرت تعرفى مين المعاك ومين الضدك
صرت تشككين فى اصدقائك القدامى

لى مشاركة معك فى بوست المطالبة لاستاذك الزبير طه,,وهو استاذك قبل ونيف وعشرين سنة وهو والى الجزيرة الحالى,,,اعرف ناس من خاصتى لهم معه معاملات يومية
رجل صار انقاذى بمعنى الكلمة,,يرى الفساد امام عينينه وهو ساكت,,انا قلت لك مدير مكتبه عمل كذا وكذا,,قلت لى لا تشتت الكور,,لكن فى الحقيقة انت كورتك فككت,,, يادكتورة ما عاد ينفعك القدم فى المنبر,,ناس كتار قدامى مثلك الان يتفرجون فقط لذا عليك التفرج مثلهم,,هذه مرحلة نضال,,,لا تتصورى هذه البنت راحت بمحض ارادتها لفتح بلاغ ,,هنالك كثر مثلها لكنهن يخشين العار والاسرة والسمعة,, هذه البنت لها قضية ومحاطة بجدار نضالى مؤسس,,هذا ما يقلق منام الحكومة هذه الايام ربما تكون بوعزيزى اخر او غنيم سودانى,,
موال
هكذا الثورة تبداء,,
وهكذا النضال يشتعل
لابد من ضحايا
ولابد من مفتعل,,,

احمد ابقوتة
وشكرا

سلامات ياابو قوتة

اسع كلامك دا ما صابي في البوست دا
ممكن ترد لي في بوست الزبير

الان انا عايزة الناس دي تجي

تقولي
كيف انا سارقة اموال الشعب وعايشة بقروش الحرام

واني كوزة ومستفيدة من النظام

مع التحية

يا دكتوره نجا ه يا حبيبه نحن نعلم انك ما كوزه
ولا تاكلين فلسا من مال حرام
ولا زوجك من من يقبلون المال الحرام
انت تكرهين المعارضه والحكومه
و الشعب يرزح تحت نير الحكومه
فما العمل؟؟
قو لي لينا رائك
لو لقيناه صائبا سنقف معاك
وضحي لينا طريق الخلاص من حكومه السجم دي ؟؟؟

د. نجاة :

Quote: عزيزي القارئ صارت موضة هنا حين اختلف مع احد في وجهات النظر ان يردد انني انتمي لهذا النظام ثم بعد قليل يحتدم النقاش يذكر انني مستفيدة من النظام وحين ينهزم في الحوار ويفقد النمطق يتهمني انني سرقت اموال الشعب ... والعبش باموال الحرام ايوا اموالحرام عديل كدا.

هل نسيتي أن بيتك من زجاج؟

يا دكتورة نجاة .. و منذ كنتي تكتبين بإسم دكتورة بيان ... يعلم عزيزك القارئ جيدا كيف أنك كلت التهم و الإفتراءات لسودانيي المهجر بأنهم آكلي الولفير (إعانات الحكومة) و عيرتيهم باللجوء السياسي و كأن اللجوء السياسي عيبا في ظل حكومة قاتلة طاردة لمواطنيها تستخدم أبشع الأساليب و أخسها في محاربة خصومها
مدة مكوثي الطوبلة بأمريكا فإن معظم السودانيين الذين عاشرتهم و قابلتهم هنا و من مختلف بقاع السودان هم أناس عصاميين يعملون لساعات طويلة و البعض يعمل سبعة يوم في الأسبوع و يكسب عيشه بعرق جبينه ... نساءا و رجالا ...
الذي تشتكين منه هو ما كنتي تكيلينه للآخرين ... و القارئ العزيز فطن و ذو ذاكرة ... و بعض من آذيتميهم لم يعولوا علي الأرشيف .. و سجلوا كلماتك ليوم حساب .. يوما ما ...

Quote: عايزة وثائق حقائق موش كلام لساتك وشمارات ورجال ضايع ليهم الدرب

حقا ؟؟!!
و هل كانت لديك وثائق عندما كنت تكيلين الإفتراءات هنا في هذا المنبر للآخرين؟! ؟؟

يا دكتورة نجاة .. كما تدينين تداني ..
What goes around..... comes around
و من عاش بالسيف ... مات بالسيف ...



ء

د نجاة
كدا اولا صباح الخير بالليل
( الدنيا عندنا صباح )
الموضوع يا بيان ومن خلال متابعة فى المنبر
وتحديدا موضوع الجلد ( فى قسم الكبجاب ) سيادتك
تركت الاصل اى اصل القصة واشترعت ليك بوست فرعى
(معلومات كاذبة لقناة الجزيرة ) مما خلق ربكة للناس
او تغبيش لاصل الموضوع , والله اعلم كما يقال بعد كل حديث
غير دقيق . دا فيما يخص الحكى الفاضى وخمج
ولكن

Quote: عايزة وثائق حقائق موش كلام لساتك وشمارات ورجال ضايع ليهم الدرب

ياخ لا كين ال 11 مفردة ديل ما واسعين شديد وكمان خالص خالص

كونى بخير

قاسم المهداوى

Quote: مدة مكوثي الطوبلة بأمريكا فإن معظم السودانيين الذين عاشرتهم و قابلتهم هنا و من مختلف بقاع السودان هم أناس عصاميين يعملون لساعات طويلة و البعض يعمل سبعة يوم في الأسبوع و يكسب عيشه بعرق جبينه ... نساءا و رجالا ... الذي تشتكين منه هو ما كنتي تكيلينه للآخرين ... و القارئ العزيز فطن و ذو ذاكرة ... و بعض من آذيتميهم لم يعولوا علي الأرشيف .. و سجلوا كلماتك ليوم حساب .. يوما ما ..

التلبوث الضوضائي

ممكن توريني كيف جيرانك واصحابك ديل شغالين وين؟

زكيف اتوا لامريكا لجوء سياسي ولا لوتري ولا اعادة توطين..
عشان كل واحدة عالم بحالها.يوما ما سافتح ليهم بوست عديل كدا
بالله وريني الذآيتهم بالاسم بكلامي دا
يجو هنا يورونا شغالين شنو
قلنا كلام وثائق ما كلام لساتيك وشمارات..
يا حاقد

Quote: ركت الاصل اى اصل القصة واشترعت ليك بوست فرعى (معلومات كاذبة لقناة الجزيرة ) مما خلق ربكة للناس

دا كلام ما دقيق وما صاح
انا سالت من قال للجزيرة انها جلدت في بنطال
ودي تفرق كثير جدا
الربكة عملوهاالناس الكذبوا وقالوا جلدت في بنطال وتكشفت الكذب

وما خلقت ايا ربكة بل شرحت للناس الخقيقة المرة التي تكشفت بعد ذلك

ممن الاول لو ما الكذب ما كان الوالي جا قرا صحيفة السوابق عشان يثبت انه كلام الجزيرة ما صاح
ولم تجلد في بنطال كما ادعت الجزيرة..بل في جريمة دعارة


اسع دا ما موضوع البوست
موضوع البوست دا انه انا سرقت اموال الشعب وعايشة باموال حرام
ومستفيدة من الكيزان

سلامات يا دومة

بجيك برواقة اوريك وجهة نظري بعد نشوق الادلة حقت سرقتنا دي
بعداك منها حأوريك ليه بكرة المعارضة دي وشايفة مافي فرق بينها وبين الحكومة
احمد وحاج احمد

مودتي وشكرا للكلام الطيب

سلام يا دكتورة ..

Quote: يا بيان انت استفدتي من النظام في كذا وكذا بدون لف او دوران

لا يا دكتورة كلامك ما صاح ..
الناس هنا عليها تتهمك و بس و من غير اي دليل و لا يحزنون ..
و إنتي عليك أن تنفي عدم صحة هذا الإتهام و تثبتي إنك ما أستفدتي من النظام ..
إنتي ناسية إنو المنبر دة فيهو فطاحلة بتاعين قوانين و حقوق وعواليق ..

يلا أولا بالتبادي

تعالي أثبتي إنك ما أستفدتي من النظام ..

و بعد داك برضو حـ ندينك و نطلع .....

ولا سلام حتى ماف










فاسم