يا جماعة بصراحة كده .. القاعد يمسكنا ضنب الككو كل مرة في المنبر ده منو ؟

من زمن قضية الخاتم مرورا بلبنى ثم الفتاة المجلوده ثم شهيد الظاهرات ولحدي قضية صفية


فجاة والناس مركزه في قضيتها تمرق اشاعة

يروج للاشاعة دي ليغطي صوتها على صوت الحدث الاصلي

الناس تركز مع الاشاعة ويفقد الحدث الاصلي التركيز عليه


ثم فجاة يتضح انو الاشاعة المرقة كانت كذبة كبيرة
ويتضح انو نحن ماسكين ضنب ككو وهمي



القضية موت الخاتم وعودة جثمانة
خرج اشاعة سرقتها لتغطي على موت الخاتم

القضية المادة ( 128) بصورة عامة
يتم التركيز على البنطلون .. لتحاكم لبنى بامر اخر من نفس المادة

القضية الفتاة المجلوده وطريقة الجلد
تمرق اشاعة عن اتجاه الفتاة الجغرافي تغطي على الحدث ذات نفسو

القضية مظاهات انتظرناها سنين
يخرج خبر انو هناك شهيد يغطي على خبر المظاهرات ثم يطلع الخبر فشنك

القضية صفية واغتصابها
يظهر موضوع انها مسيرية يغطى على موضوع الاغتصاب
ثم تاتي ارهاصات عن انو صفية ما مسيرية



يا جماعة الحاصل شنو ؟

أخونا وليد سلام

Quote: يا جماعة الحاصل شنو ؟

دا سلاح مُباح في الحروب الدائرة بين الحكومة و المعارضة

أصبحنا شعب يُصدق الإشاعة مهما كانت و نجري خلفها

لذلك أصبحت أداة من أدوات المعارك الدائرة.



تحياتي

المشكلة ما في السلاح
يا ابو حسين

المبرر لينا السلاح ده في هذا المنبر منو ؟

Quote: القضية صفية واغتصابها يظهر موضوع انها مسيرية يغطى على موضوع الاغتصاب ثم تاتي ارهاصات عن انو صفية ما مسيرية

رد ذكرته لكل فى البوست الاخر حق الاخ الدقم انقله، مصدر معلومة مسيرية صفية هو التقرير الطبي و هو صحيح مية مية بمعلومات من جهات تولت الموضوع من البداية، قالوا نعم هذا هو التقرير الطبى الذى ضمناه فى اوراق البلاغ و استلمه البوليس، تمام معاك، كمان و فوق للبيعة هو التقرير الطبي الذى اثبت حدوث اٍعتداء جنسي.

الاشارة لقبيلة المسيرية فى التقرير، اٍشارة عفوية جداً، حيث لم يتوقع احد من الاساس تتطور الامور بهذا الشكل و لم يخطط لها احد، يعنى جات عفوية تماماً حتى الامنجي القوّاد فضح الامن من حيث اراد ان يدافع عنه و كان التقرير قاصمة الظهر بالنسبة للتشكيك.كل دا يؤكد ليك صدقية اٍنتماء هذه البنت للمسيرية، لانو اصلاً مافى زول متوقع شئ او مخطط لشئ. و انا بصراحة دعوت اهلها لاخذ القانون باليد قبل ان أعرف لاى قبيلة تنتمي، فالسودايين فيهم من الشجاعة ما يكفي غض النظر عن القبيبلة، لكن بعض القبائل لظروف ما بقيت فى حال دائم من الحرب و الاستعداد لها.

القوّاد علاء الدين و اولياء نعمته خافوا و جفلوا عندما اشار الناس لاهل البت باخذ الثار بأيديهم، و انا دعوت لذلك دون حتى ان أعرف او انتبه لقبيلة الاخت صفية، اها لمن انتبهو الناس لانو صفية بت المسيرية و ما دارك ما المسيرية خاف عجل الامن على ضنبه و حاول الانكار.

الاخ وليد
تحياتي

بالنسبة لسؤالك الرئيس في هذا البوست


كل الذي يفعل ذلك في الامثلة التي ذكرتها


هم الشيوعيون الذين لااخلاق تردعهم حيث انهم ينظرون الي ان الدين والاخلاق هي افيون لتخدير الطبقة العاملة


وشعارهم المعروف هو اكذب اكذب حتي يصدقك الناس

مرحب عمر صديق

بالله !!!

تلقاها عند الغفل
عاوز تمسك البوست ده ضنب ككو جديد


اها يا صديقي كلامك الفوق ده عندك عليه دليل ولا حا تطلقوا ساكت كده زي الاشاعات المالية المنبر

مرحب ابوبكر

انا سالت علاء الدين في بوستيه عن موضوع انو صفية مسيرية او ما مسيرية


بحول ليك السودال ده

هل تستطيع ان تحسم لينا امر انو صفية دي مسيرية او غير ذلك ...

التركيز على الحته لانها منذ الصباح اصبحة هي قضية المنبر المحورية
عاوز اعرف المعلومة دي مدى صدقيتها شنو ... وليه فجاة اصبحة هي بؤرة التركيز اكتر من الاغتصاب ذات نفسو

هل انت متاكد تماما انو صفية مسيرية ؟

يا ريت تجاوبني

يا وليد

إنت ماشي كويس لكن المفروض تركز أكتر وإنت سيد المركزين

لو رجعت لآخر حدثين

وهما موت محمدعبدالرحمن الخيالي

وإغتصاب صفيه الذي لا نعرف حقيقته بعد

يمكن أن ترجع للأرشيف لتعرف من أول من كتب بوست عن وجود شهيد

ومن ناصر تلك البوستات وكتب مثلها عن شهيد وهمي

والآن ببساطه يمكنك أن تعرف من هو أول من أشار لقبيله صفيه

ومن الذي تبعه بتلك الإشاره

ببساطه يا وليد

شخصياً وجدت إنني ضد هذه المعارضه الخائبه المبنيه على الإنتهازيه والنرجسيه وهي معارضه تخدم النظام القائم وتمد في أيامه لأننا نقارن بينها وبين النظام


آها

بعد ده عرفت الممسكك ضنب الككو

مرحب فيداس

موضوع اغتصاب صفية بالنسبة لي انا شبه مؤكد وبنسبة 99.9% ..
ومنذ ان اطلت صفيها برسمها بصورة واضحة وحكت القصة .. معتمد في الامر ده على انو الخسران الشخصي في الامر ده حسب ثقافتنا اقدح واكبر بكثير من المكاسب السياسية

عليه
لا اعتقد انو في شخص سوداني عاقل يظهر بهيئته واسمه الكامل يقول اغتصبوني عشان كسب سياسي .. يخسر معاه حسب ثقافتنا وعرفنا الكثر
خصوصا لو كان الزول انثى .. ومن الهامش كمان

عموما انا مقتنع بالكلام ده الى ان يظهر العكس


اما في امر ضنب الككو
فحقيق يا فيداس المر عاوز متابعة بعد ده

مودتي

وليد
نحن شعب يعشق الاشاعات (بس ما توصفنا بأننا مشاطات)
سبب ذلك غياب المعلومه... مما جعل بعض الاتجاهات تستخدمها كسلاح... يا للبؤس !!!
علاء الدين يوسف أتي بأورنيك 8 .... أستنكر عليه البعض ذلك ....
لا أري في ذلك مشكله (المشكله في حصول علاء الدين علي الاورنيك بصوره خاصه).....و الان جاء بمعلومات حسبها لصالحه...فما الذي يدرينا إن كانت هناك ارانيك أخري و مستندات أخري مخفيه... إذا الحل أن تكون كل معلومات البلاغات و المحاكم منشوره و موجوده و مكفول لكل مواطن الحق في طلب نسخه منها.
لتعرف من يريدك ان تمسك ضنب الككو ....حاول أن تعرف مصدر هذه الشائعات (المقصود هنا شائعه كونها من دارفور ... و بعد ذلك المسيريه و ليس موضوع الاغتصاب نفسه)....
أنا شخصيا ...إذا لم يكن لهؤلاء الشجاعه بالاعتذار عن المعلومه الخطأ لن أصدق معلوماتهم (هذه خطوه أولي ....قد تتطور لما بعد ذلك).... و أقول ذلك و أعلم صدق نيه البعض... و لكن الموضوع قد يكون عدم وزن الامور بصوره جيده

Quote: رد ذكرته لكل فى البوست الاخر حق الاخ الدقم انقله، مصدر معلومة مسيرية صفية هو التقرير الطبي و هو صحيح مية مية بمعلومات من جهات تولت الموضوع من البداية، قالوا نعم هذا هو التقرير الطبى الذى ضمناه فى اوراق البلاغ و استلمه البوليس، تمام معاك، كمان و فوق للبيعة هو التقرير الطبي الذى اثبت حدوث اٍعتداء جنسي.

ابوبكر سلام
يخيل لى دا ضنب الككو القصدو وليد
فيا رفيق يكفى ان صفية سودانيه مورس ضدها ما مورس
القضية الاساسيه اغتصاب شريفه سودانيه
دى المفروض ينهاضها كل اصحاب الضمائر الحيه
بغض النظر عن قبيلتها او دينها او توجهها

نقعد نتغالط مسلمه والا مسيحية دا ضنب ككو
شيوعيه والا قرفانيه دا ضنب ككو
مسيريه والا فوراويه دا ضنب ككو
دارفوريه والا جنوبيه دا ضنب ككو

التركيز فى جوهر قضيتنا هو الاهم

تحياتى


الشفت
ليك وحشه والله

يا اوسلي 2

اخبارك ياخ
والله الشوق بالكرتين


وين الحي بيك ؟

Quote: دا سلاح مُباح في الحروب الدائرة بين الحكومة و المعارضة أصبحنا شعب يُصدق الإشاعة مهما كانت و نجري خلفها

هسى مسألة اعراض بنات الناس دى مفروض تطلع من لستة "الأسلحة المباحة" ... وما بتطلع بالقانون طالما فى طرف شايف انو المسألة كسب سياسي وأسلحة مباحة ... الأسلحة المباحة عرفياً وأخلاقيا ودينياً وإنسانياً ... انو أىّ سودانى يتمكّن من التعرّف على أىّ رجل أمن ... يجلدو جلدة نضيفة ... ولو فى امنجى طلّع طبنجة يتقتل فى حينها ... فالدفاع المشروع عن النفس بكل الأسلحة المباحة ... يستمر الحال على ذلك ... إلى أن يخرج لنا "البشير" مغتصبى بناتنا .... للقصاص فى العلن ...

بعد داك الداير مزايدات سياسية ... يفكّر فى شنو المباح ... وشنو العروض والحرمات التى يستباح الثأر فيها بالدم ... أو الموت دونها شهداء ...








... المهم ....

Quote: انا سالت علاء الدين في بوستيه عن موضوع انو صفية مسيرية او ما مسيرية

يا وليد علاء جفل و انخلع ساكت لانو عرف انو المسيرية ح يقطعوا راسوا طال الزمن ولا قصر، صدقنى. دا قبيلة حافظت على قيم البادية و لم تختلط بالمدينة حتى اليوم.
بعدين موضوع انها بتهم ولا ما بتهم دا لا يحسم علاء الدين، هم يعرفون انها ابنتهم أكثر مما يعرفوه امنجي نجس خايف على ضنيبوا.

اكرر كل مرة، اللجوء للقبيلة سببه هو فشل المؤسسات الحديثه فى معالجة الموضوع، فشلها فى نصرة المظلوم، لا أحزاب نفعت و لا شرطة نفعت، و الامن يواجه المظلوم بقواد لا ضمير له! فما العمل؟ الانسان يلجاء لدمه و عشيرته عندما يظلم من المؤسسات الحديثه فالدم لا يخون.

Quote: انا سالت علاء الدين في بوستيه عن موضوع انو صفية مسيرية او ما مسيرية بحول ليك السودال ده

ما عارف اثبت ليك كيف انو صفية تنتمي للمسيرية، لكن أكبر اثبات هو موجود اسم القبيلة فى الفورم، و الفورم اتملئ عفوياً دون اي تخطيط، فلا يوجد ما يدعوا للشك فى الموضوع، الانكار من علاء جاء لان الناس اٍنتبهت للقبيلة و اووووو دى بت المسيرية، قام الرجل انخلع و جفل يسوا ليهو شنو يعنى ظرفو مقدّر، عايش المسكين فى رعب حقيقي من امس انا لاحظت ليهو، الزول البيتدخل فى عروض الناس يتحمل المسؤولية!.

Quote: القاعد يمسكنا ضنب الككو كل مرة في المنبر ده منو ؟

يا وليد، مُتذكِر نكتة الزول الراكب اللوري (مرة جِرجِير ومرة شجر ، مرة جِرجِير ومرة شجر)
أها يا شفت ، مرة ديل ، ومرة ديل..
اللوري ده أخير تنزل منو ، بيطشش بيك..

كده بتعرّض لقبك الرمادي للخطر.

Quote: نقعد نتغالط مسلمه والا مسيحية دا ضنب ككو شيوعيه والا قرفانيه دا ضنب ككو مسيريه والا فوراويه دا ضنب ككو دارفوريه والا جنوبيه دا ضنب ككو التركيز فى جوهر قضيتنا هو الاهم

انت غبت ليه يا اوسلي ياخ
حمدلله علي السلامة دعما لتيار العقلانية و الحق

الأمر أبسط من بسيط يا وليد ...
شوف الأورنيكـ و أنت تعرف من أين جاء ذكر قبيلة المسيرية ( أنظر خانة القبيلة ) ..
أنظر من جاء بالأورنيكـ الحكومة أم المعارضة ؟
و ستعرف الإجابة على سؤالكـ

Quote: الأمر أبسط من بسيط يا وليد ... شوف الأورنيكـ و أنت تعرف من أين جاء ذكر قبيلة المسيرية ( أنظر خانة القبيلة ) .. أنظر من جاء بالأورنيكـ الحكومة أم المعارضة ؟ و ستعرف الإجابة على سؤالكـ

يا خالد أجمل مافى الموضوع انو ملئ الاورنيك دا جاء عفوياً، يعنى مافى زول اصلا كان خاتى فى حسابتو تطورات زى للموضوع، سالوها عن القبيلة زكرت قبيلتها. بعد ما الموضوع اخد بعد تانى و ظهرت الدولة و الشرطة كخصم يسرّب اوراق البلاغ للامن و المأجورين، قالنا خذوا ثاركم باليد قبل ان نعرف قبيلتها، و عندما ظهر ان القبيلة هى المسيرية المسلحة بالنار و التى تحتفظ بقيم البادية و تقاليدها حتى اليوم اصبح الامر حتمي، عشان كده الامنجى جفل و خاف على ضنيبو. عالم تخاف ما تختشيش، صدقنى لن يمر هذا الموضوع مرور الكرام.

Quote: Quote: ابوبكر سلام يخيل لى دا ضنب الككو القصدو وليد فيا رفيق يكفى ان صفية سودانيه مورس ضدها ما مورس القضية الاساسيه اغتصاب شريفه سودانيه دى المفروض ينهاضها كل اصحاب الضمائر الحيه بغض النظر عن قبيلتها او دينها او توجهها نقعد نتغالط مسلمه والا مسيحية دا ضنب ككو شيوعيه والا قرفانيه دا ضنب ككو مسيريه والا فوراويه دا ضنب ككو دارفوريه والا جنوبيه دا ضنب ككو التركيز فى جوهر قضيتنا هو الاهم تحياتى الشفت ليك وحشه والله[/QUOTE وليد الشفت مساك الله بالخير يابوى المشكله مافى ضنب الككو او الشخص الذى يلوح به ، المشكله فى الناس البمسكو فى الكلام لما يحيرو الزول الاطلق الشئ ، وديل بغيرو الاتجاه كليا . تحياتى لك وللمارين

---

Post: #20 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: ناذر محمد الخليفة Date: 02-26-2011, 05:57 PM Parent: #18 Quote: عاوز تمسك البوست ده ضنب ككو جديد ههههههه

---

Post: #21 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: محمد إبراهيم علي Date: 02-26-2011, 07:11 PM Parent: #20 كل له مصلحة هدف علاء الدين يحرز هدف باثبات ان البت كذبت مرة في ذكر قبيلتها وعليه يمكن ان تكذب في باقي القصة كلها هدف الطرف التاني يمكن التهديد باشعالها نارا باضافة قبيلة المسيرية لقائمة القبائل التي تم اغتصاب بناتها اول زول اتكلم عن موضوع انو في اغتصبت (عديل مش تحرش ) كان تراجي وهاجمت بيجو والحاج وراق ورباح الصادق وكل اليسار بانهم مكتمين على الموضوع وما دايرنو يطلع عشان البت من دارفور وانا لغاية امس كنت بفتكر انها من دارفور امس انتبهتا لقصة القبيلة في الاورنيك وانو علاء كان بلمح لانو البت كضبت الحتة بتاعة القبيلة اليوم تراجي عملت كم بوست على موضوع القبيلة والمسيرية وما الى ذلك يبقى الفريقين بمدو في الضنب والبيوصل اول منتظرين البورد يصفق ليهو ويقول هو المنتصر خليك مركز كدة وصاحي وشايف هدفك ما حتجيك عوجة ولا حتلقى روحك ماسك ضنب ككو ولا حاجة الموضوع : هو فتاة سودانية اغتصبت داخل مباني تابعة لاجهزة الامن وهي لغاية الان تقدم رواية متماسكة الطرف المتهم عامل كبير والموضوع ما شغال بيهو (لا اتكلم عن الاصوات داخل المنبر فهي لا تغني في شئ) في قضية كبيرة مثل هذه الصوت الوحيد المفروض يتكلم ومش يتكلم هنا في البورد دا لا يتكلم للمواطنين ويتخذ اجراءات سريعة وشفافة هو وزارة العدل لـ:- 1- اثبات براءة الجهاز ومن وراءه الحكومة في حال كان الموضوع كما يدعي علاء الدين انه ملفق 2- معاقبة المجرمين في حال ثبتت الجريمة وعشان الناس تطمئن انو الموضوع دا ما حتكرر تاني استقالة او اقالة لمدير الجهاز بحكم انو ما شايف شغلو وقبل ما اختم اقول شئ مهم سودانيزاونلاين ليس هو المكان المناسب لحسم موضوع بهذا الخطورة ولكنه وسيلة ضغط لا اكثر ولا اقل لمزيد من الشفافية لدى اجهزة الدولة اجد نفسي مصدقا لرواية الاخت صفية وهي وقوع جريمة الاغتصاب في حقها واطالب بتحقيق العدالة لها ولنا كلنا ولن امسك ضنب اي ككو يتمد لي SO LET US BE FOCUSED ON THE BRUTAL ACTION ITSELF

---

Post: #22 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: Bakhaf Date: 02-26-2011, 07:42 PM Parent: #21 سلامات ياوليد الموضوع ده حله واضح مهما يلفقوا ويحاولوا يصرفوا الناس باشياء اخري المحيرني انهم نزلوا دليل ادانتهم براهم للناس لو كل الكلام القالتوا البت دي كدب كما سيقولون التقرير الطبي بيلزمهم يمشوا المحكمة ودي ما اظن يعملوها او التجاهل وهنا بيرز دور الاعلام والمنظمات والاحزاب الجماعة ركبوا التونسية الجماعة استجموا .

---

Post: #24 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: Salwa Seyam Date: 02-26-2011, 07:58 PM Parent: #22 Quote: بالله !!! تلقاها عند الغفل عاوز تمسك البوست ده ضنب ككو جديد

---

Post: #58 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: وليد محمد المبارك Date: 03-01-2011, 07:27 PM Parent: #24 مبسوطة يا سلوى ان شاء الله دايما

---

Post: #57 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: وليد محمد المبارك Date: 03-01-2011, 01:01 PM Parent: #22 بخاف يا انا ياخ والله بتبالغ .. وين الحي بيك ياخ ؟ سمعتو ولا جابو ليك ؟

---

Post: #23 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: وليد محمد المبارك Date: 02-26-2011, 07:57 PM Parent: #21 Quote: الأمر أبسط من بسيط يا وليد ... شوف الأورنيكـ و أنت تعرف من أين جاء ذكر قبيلة المسيرية ( أنظر خانة القبيلة ) .. أنظر من جاء بالأورنيكـ الحكومة أم المعارضة ؟ و ستعرف الإجابة على سؤالكـ عن ازنكم يا شابا ارد على خالد ده لانه جنس مداخلاتو دي ابلغ نعبير عن مسكان ضنب الككو مرحب خالد والله فعلا هو ابسط من بسيط ؟؟!! وانا اقصد تفكيرك يا خالد ما انا عارف انو سيرة القبيلة جات في الاورنيك .. والكلام ده كتبتو في كم مداخلة .. قبلي ما تكتشف ذرة المنبر وعارف انو الاورنيك جابو علاء الدين نيابة عن الحكومة صحي انت عارف ضنب الككو يعني شنو ؟ انا اشرح ليك ضنب الككو يعني شنو .. القصة جاية من فلم طرزان حسب ما حكوا لينا طرزان بطير من شجرة لي شجرة وهو متعلق بحبل اها احيانا بفقد تركيزو بسبب ضنب ككو بسيب الحبال الراسا عديل وبمسك في ضنب الككو لم يقع على رقبتو يكسرها المعنى يا ابوي انو علاء الدين ( الحكومة )الجاب الاورنيك المكتوب فيه ( مسيرية ) هو ذات نفسو علاء الدين ( الحكومة )القال البت دي ( ما مسيرية ).. والكلام ده بعد ما رفع الاورنيك هو ضنب الككو ده بمسكوه كيف ؟! يعني الحكومة مسكتكم الككو وانتو مسكتونا ضنبو ___________________________ بالمناسبة يا ابوبكر انا اتقصيت وسالت ووصلت لي انو البت دي ما مسيرية ( حسب المعلومات الوصلت ليها ) اها الراي شنو ؟ اكيد ما حتسالني جنسها شنو ؟ ولو سالتني ما بوريك لانو ده ضد قناعتي دي بت سودانية اغتصبوها وكفي ركزوا في اغتصبوها دي .. وخلونا من جنسها ومقاسها ولونها ولابسة شنو لانو ده شَطُر ميت

---

Post: #25 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: abubakr salih Date: 02-26-2011, 08:10 PM Parent: #23 Quote: المعنى يا ابوي انو علاء الدين ( الحكومة )الجاب الاورنيك المكتوب فيه ( مسيرية ) هو ذات نفسو علاء الدين ( الحكومة )القال البت دي ( ما مسيرية ).. والكلام ده بعد ما رفع الاورنيك يا وليد يا ابوي رفعت التقرير دى دخّلت الامن فى ثلاثة مواسير: اصلا علاء الدين لمن رفع التقرير الطبى قاصد بيهو اٍدانة ناس المعارضة فى الاخر التقرير قلب الرأى العام ضدهم و عضّد شهادة البنت، و شهد عدد كبير من الاطباء بأن الافادة الفى تقرير تأكيد حدوث اٍعتداء جنسي دي الماسورة الاولي. أما الماسورة التانية كانت فى اٍنتباهة بعض الشفوت الي موضوع القبيلة، انو صفية من المسيرية و الجماعة ديل الحكومة تحتاجهم بشدة و بالاضافة لانهم مسلحين و حافظوا على قيم بدوية راسخة حتى اليوم، دا خازوق شخصى بالنسبة لعلاء الدين يوسف طالما اصبح يعبث بشرف هذه القبيلة، طال الزمن او قصر الناس ديل بشيلوا حقهم و الحكومات دى ما بتقعد للابد، شايفا براك تقع مثل بيوت من الرمل كل يوم. الماسورة التالته كانت هى فضيحة الشرطة التى تسرّب اوراق البلاغات و المتشاكين فيها و توزرعها للامن، عار كبير سوف يبقي في رقبة الشرطة السودانية و اساليب عملها الى الابد.

---

Post: #26 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: اساسي Date: 02-26-2011, 08:13 PM Parent: #23 قبل انزال علاء الدين للاورنيك علمت بموضوع القبيلة هذا واستغربت علاقة الموضوع وقتها بما حصل من اغتصاب حتي جئت اليوم الي المنبر ورأيت اثر القبيلة في الموضوع فزال استغرابي .

---

Post: #27 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: وليد محمد المبارك Date: 02-26-2011, 08:33 PM Parent: #26 تاني عن ازنكم Quote: أما الماسورة التانية كانت فى اٍنتباهة بعض الشفوت الي موضوع القبيلة، انو صفية من المسيرية و الجماعة ديل الحكومة تحتاجهم بشدة و بالاضافة لانهم مسلحين و حافظوا على قيم بدوية راسخة حتى اليوم، دا خازوق شخصى بالنسبة لعلاء الدين يوسف طالما اصبح يعبث بشرف هذه القبيلة، طال الزمن او قصر الناس ديل بشيلوا حقهم و الحكومات دى ما بتقعد للابد، شايفا براك تقع مثل بيوت من الرمل كل يوم. اي مكسب من الاورنيك للبت متفق معاك فيه الا امر القبيلة ده .. اها يا بكري .. الشفوت القلتهم طلعوا دقوسات لو فعلا البت ما طلعت مسيرية .. ولحدي هسع الاخبار بتقول انها ما مسيرية .. والحكومة مسكتكم الككو وانتو مسكتونا ضنبوا اها يا بكري قياسا على كلامك الفوق ده .. ممكن المسيرية وبما انهم ما بسيبوا حقهم .. يتشربكوا فيك عاااااااااااااااادي بنفس فهمك ده .. ويعتبروك قاصد تشوه سمعت القبيلة .. خصوصا وانو البت الان في حماية الحركة الشعبية العدو الاول للمسيرية .. اختو القبلية دي باكري .. ده سلاح ممكن يرتد على الجميع

---

Post: #30 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: abubakr salih Date: 02-26-2011, 08:43 PM Parent: #27 Quote: اختو القبلية دي باكري .. ده سلاح ممكن يرتد على الجميع تعرف يا وليد انا أمس كتبت بوست دعيت فيه أهل الاخت صفية لاخذ القانون باليد، الاحزاب السياسية المعارضة لا تفعل شئ، و الحكومة تتأمر عليها و تناصر المجرمين. حتى الوقت داك لا أعرف لاي القبائل تنتمى. انا أعرف ان كل أهل السودان بقبائله المتخلفة ناس حارة و لا يرضون فى عرضهم. اٍعتقال و تعذيب للرجال عرفنا لكن اٍغتصاب الحرائر هذه لا ما لا يسامح فيه أحد. خصوصية المسيرية فى انهم مسلحين و فى انهم ناس بادية و دا ينطبق على كل اهل البادية … موضوع العرض خط أحمر جداً. البعتدى على عروض الناس يتحمل مسؤوليتو، انا اسنادهم بشدة لاخذ القانون بالزندية. أدعوا اهل الاخت صفية لاخذ القانون باليد (أغسلوا ظلمها بالدم) الدولة اٍذا انحلجت و اٍنحلت بهذا الشكل فالناس ح تاخد القانون باليد.

---

Post: #59 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: وليد محمد المبارك Date: 03-01-2011, 08:09 PM Parent: #26 يا اسس شكلك عارف الككو وين!!

---

Post: #55 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: وليد محمد المبارك Date: 03-01-2011, 12:13 PM Parent: #21 محمد علي ابراهيم سلامات كفيت واوفيت ياخ Quote: الموضوع : هو فتاة سودانية اغتصبت داخل مباني تابعة لاجهزة الامن وهي لغاية الان تقدم رواية متماسكة الطرف المتهم عامل كبير والموضوع ما شغال بيهو (لا اتكلم عن الاصوات داخل المنبر فهي لا تغني في شئ) في قضية كبيرة مثل هذه الصوت الوحيد المفروض يتكلم ومش يتكلم هنا في البورد دا لا يتكلم للمواطنين ويتخذ اجراءات سريعة وشفافة هو وزارة العدل لـ:- 1- اثبات براءة الجهاز ومن وراءه الحكومة في حال كان الموضوع كما يدعي علاء الدين انه ملفق 2- معاقبة المجرمين في حال ثبتت الجريمة وعشان الناس تطمئن انو الموضوع دا ما حتكرر تاني استقالة او اقالة لمدير الجهاز بحكم انو ما شايف شغلو وقبل ما اختم اقول شئ مهم سودانيزاونلاين ليس هو المكان المناسب لحسم موضوع بهذا الخطورة ولكنه وسيلة ضغط لا اكثر ولا اقل لمزيد من الشفافية لدى اجهزة الدولة اجد نفسي مصدقا لرواية الاخت صفية وهي وقوع جريمة الاغتصاب في حقها واطالب بتحقيق العدالة لها ولنا كلنا ولن امسك ضنب اي ككو يتمد لي SO LET US BE FOCUSED ON THE BRUTAL ACTION ITSELF

---

Post: #54 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: وليد محمد المبارك Date: 03-01-2011, 05:22 AM Parent: #20 مبسوط يا ناذر ؟

---

Post: #35 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: وليد محمد المبارك Date: 02-26-2011, 09:24 PM Parent: #18 مرحب خالد عبد الحليم Quote: المشكله مافى ضنب الككو او الشخص الذى يلوح به ، المشكله فى الناس البمسكو فى الكلام لما يحيرو الزول الاطلق الشئ ، وديل بغيرو الاتجاه كليا . والله صحي !!

---

Post: #34 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: وليد محمد المبارك Date: 02-26-2011, 09:14 PM Parent: #14 يا صلاح عبد الله قلت لي قبلي جاي وقبلي جاي هاهاهاهاهاهاها اللوري ده ما سودانيز اون لاين انت كان نزلت انا بنزل هاهاهاهاهاهاهاهاهاهاهاها رماديون نعم

---

Post: #33 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: وليد محمد المبارك Date: 02-26-2011, 09:10 PM Parent: #9 ازيك يا تبارك شايفك معصور بهناك عصرة عدوك

---

Post: #28 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: وليد محمد المبارك Date: 02-26-2011, 08:36 PM Parent: #6 مرحب محمد شمس الدين منو البعتذر .. نحن شعب ليس من ثقافته الاعتذار او الاستئذان او الشكر المهم الحاجات دي كترت ..

---

Post: #29 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: Shawgi Sulaiman Date: 02-26-2011, 08:43 PM Parent: #28 Quote: من زمن قضية الخاتم مرورا بلبنى ثم الفتاة المجلوده ثم شهيد الظاهرات ولحدي قضية صفية الاخ وليد لك تحياتي والله ضحكتني بضنب الككو دي غايتوا انا غلبني تب امسك ضنب الككو الناس بلعبوا علينا اغتصاب صفية ده اغتصاب مسيس واضراب الاطباء كان مسيس وبنطلون لبني كان مسيس والفتاة المجلودة مسيس ومقتل طالب الاهلية الناس دي بتهرج فقط تهريج وأتمنى الناس ديل تاني ما بنتلفت ليهم

---

Post: #60 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: وليد محمد المبارك Date: 03-02-2011, 05:34 PM Parent: #29 شوقي حبابك ان شاء الله دايما ضاحك ما اظن انو اغتصاب صفية لكسب سياسي ولو فعلا حصل ده ... بنكون وصلنا اخرتها فعلا

---

Post: #32 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: الصادق اسماعيل Date: 02-26-2011, 09:01 PM Parent: #28 وليد كيف حالك ركّز مع كلام محمد ابراهيم على الفوق دا، وسودانيز دي ما هي السودان لكن المشكلة إنو بعض الناس الهنا بيفتكروا إنو سودانيز اونلاين دي (بداية الدنيا ونهايتها) زي ما قال ود ابراهيم هي جزء من وسائل الضغط، وأعتقد أنك في موضوع صفية لم تفقد المسار، الموضوع ما قبيلة، والمسيرية ديل فيهم ناس كتار حركة شعبية زي ما فيهم ناس مؤتمر وطني وزي ما فيهم شيوعيين زيهم زي أي قبيلة سودانية تانية، وزيهم وزي أي سودانيين عايشين في اي محل سواءاً هم قبيلة او مجموعة طلبة ولا مغتربين. وعشان كلامي ما يتفهم غلط، القبيلة في السودان بتلعب دور ما في شك، لكن في النهاية الموضوع في السودان ما قايم على القبائل، في حالة بتاعت تهميشن التهميش دا بيطال كل المجموعات السودانية، وهناك مركز، المركز دا بيحتوي على مجموعات كثيرة إستفادت من الإمتيازات بتاعت التعليم وغيرو وبقت بتربطا مصالح خاصة والمصالح دي هي البتحدد وجود الأشخاص ديل مع بعض، فهناك من يستيعن بقبيلته لتحقيق مصالحه إلخ. المهم التركيز على القضايا الأساسية بيكون واضح، وفضح الذين يحاولون استغلال الموضوع (أي موضوع) لمصالحهم أيضاً مهم. شكراً لك على إثارة الموضوع.

---

Post: #61 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: وليد محمد المبارك Date: 03-02-2011, 06:02 PM Parent: #32 الصادق اسماعيل حبابك Quote: المهم التركيز على القضايا الأساسية بيكون واضح، وفضح الذين يحاولون استغلال الموضوع (أي موضوع) لمصالحهم أيضاً مهم. ميه ميه يديك العافية

---

Post: #36 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: حسن حماد محمد Date: 02-26-2011, 09:46 PM Parent: #1 الأخ وليد سلامات Quote: .. خصوصا وانو البت الان في حماية الحركة الشعبية العدو الاول للمسيرية ..

---

Post: #37 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: حاتم كاهن Date: 02-26-2011, 10:27 PM Parent: #36 يا ولي .. Quote: القاعد يمسكنا ضنب الككو كل مرة في المنبر ده منو القصة ما إنو منو .. يكون اليكون .. الكلام فينا نحنا ديل .. مفروض بس نبطل دور الطرزانات ده .. ومافي زول يمسكنا شي .. يعني نحرن عديل يا صديقي .. نحرن بس

---

Post: #38 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: khaleel Date: 02-26-2011, 10:33 PM Parent: #37 سلامات يا ولول ليس هناك ككو وضنب سوء الظن بالانقاذ ادي الي ذلك خبر مقتل طالب الاهلية يمكن تصديقه لان الجبهة قتلت الطلاب المتظاهرين من قبل الاغتصاب فعلته قبل ذلك بالنسبة لحكاية مسيرية والقبلية دي ليس هناك ما ينفي ان صفية من قبيلة المسيرية الذي نفي هو اخونا علاء الدين يوسف فقط

---

Post: #39 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: Yassir Tayfour Date: 02-27-2011, 00:09 AM Parent: #38 ولي أب قلباً حار أحذر بوستات ناس تراجي و"أتراجها"، لا بتمسك ضنب ككو ولا بتشوف الككو ذاتو..

---

Post: #40 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: Tabaldina Date: 02-27-2011, 00:46 AM Parent: #39 .. . اسالك سؤال قد يرشدك للاجابة .. انسانة تم انتهاك شرفها وعرضها اقتنعت عشان البلد تمشى قدام لابد من اظهار المسكوت عنه .. امنت بقضيتها وعرضتها للراى العام وفتحت بلاغ ضد الجناة فى النيابة وورفع الامر للقضاء وجارى التحقيق نشرت روايتها فى شريط فيديو للملاء جاء تقرير طبي .. ثم ارنيك 8 .. ثم تحديد قبيلة ذات جيش جرار تأكل النار _ كما يوصفون_ وفجاة .. تغادر البلاد الى دولة مجاورة _ جوبا باعتبار ما سيكون _ تاركة كل نضالها وقضيتها ومبدأها خلفها !! لشخصيات حزبية لمتابعة ما بدأت _ زوار الامة او كما عرفناهم _ اين ما نادت به وقررت ان تضحى بسمعتها لاجل الاخرين ؟؟ هل تعتقد ان هناكـ قضية ..؟؟ وان كانت لما ساعدوا فى تلاشيها ؟؟ -------- اها عرفت ضنب الككو مسكك ليهو منو ؟؟

---

Post: #41 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: سناء عبد السيد Date: 02-27-2011, 01:57 AM Parent: #40 Quote: يا جماعة الحاصل شنو ؟ الحاصل انه دي الحرب الباردة ..بستعملا نظام البشير عشان يلهي بيها الناس عن الحقايق ..لأنه النظام عارف انه في ناس شغالة بالفارغة

---

Post: #42 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: د.نجاة محمود Date: 02-27-2011, 04:06 AM Parent: #41 Quote: الحاصل انه دي الحرب الباردة ..بستعملا نظام البشير عشان يلهي بيها الناس عن الحقايق ..لأنه النظام عارف انه في ناس شغالة بالفارغة

---

Post: #43 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: mohamed hussein Date: 02-27-2011, 04:46 AM Parent: #42 يا وليد.. أحترمك .. شكراُ لمواقفك القوية وأعتزر عن سوء فهمي لكتاباتك في الماضي.. الرجال مواقف.. وأنت رجل محترم

---

Post: #44 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: Asim Fageary Date: 02-27-2011, 06:11 AM Parent: #43 يا وليد سلام يا أخوانا صفية دي تبقى مسيرية تبقى زانداوية تبقى حلفاوية تبقى هندندوية دي ما شغلتنا المهم إنها سودانية تعرضت لهكذا فعل مشين وهذا مربط الفرس إغتصاب من قبل أصحاب السلطة والنفوذ

---

Post: #45 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: Tragie Mustafa Date: 02-27-2011, 06:19 AM Parent: #44 اها وصلتوا وين في ضنب الككو؟؟!! متابعين....

---

Post: #46 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: علي الكرار هاشم Date: 02-27-2011, 06:40 AM Parent: #45 الاخ وليد اتفق معك في هذا الطرح الواضح بصراحة الموضوع اصبح ذو شقين 1- البعض مفتكر انو ممكن يعمل اي حاجة من خلال مجرد كتابة عابرة مهما كان مصدرها 2-البعض مفتكر انو الشعب السوداني قاعد في البورد دا ممكن يتحرك حسب مزاجه تحياتي

---

Post: #47 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: محمد البشرى الخضر Date: 02-27-2011, 06:59 AM Parent: #46 يا ولي موضوع ىسعاد عبدالله و نجرة حريات العملوا منو الناس رايحين لمن بقت تكوس للبنشر ليها نفيها يعتبر ضنب ككو برضك ولاّ ككو راسو عديل؟

---

Post: #48 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: ناصر احمد الامين Date: 02-27-2011, 07:24 AM Parent: #47 تسلسل الموضوع الطبيعي لبعض الناس هو (ضنب ككو) و عشان كدا بحاولوا يتخلصو من مسكتو و يرجعوا الموضوع للمسار المفترض حسب وجهة نظرهم و بالطريقة دي الناس الفتحو الموضوع (و مناصريهم) حا يمسكو الضنب. و تبقي القضيه: فرض مسار البورد .. و تصحيح مسار البورد.. تقودها الاهواء و الاجندات الخفية و علي ابسط الفروض (الشخصية السودانية)زاتها.!!! يا هو دا السودان يا وليد الجديد شنو؟؟ دي طريقة تفكيرنا في السياسة و الكوره و غيرها.

---

Post: #49 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: Tragie Mustafa Date: 02-27-2011, 07:45 AM Parent: #48 اها يا وليد ضنب الككو الجديد قالوا صفيه فلاتيه!! Quote: بالمناسبة يا ابوبكر انا اتقصيت وسالت ووصلت لي انو البت دي ما مسيرية ( حسب المعلومات الوصلت ليها ) اها الراي شنو ؟ اكيد ما حتسالني جنسها شنو ؟ ولو سالتني ما بوريك لانو ده ضد قناعتي دي بت سودانية اغتصبوها وكفي ركزوا في اغتصبوها دي .. وخلونا من جنسها ومقاسها ولونها ولابسة شنو لانو ده شَطُر ميت ودي برضها معلومه خطيره عارف ليه لانه لن تثبت انه صفيه اسحاق فلاتيه ولكنها ستثبت انه الانقاذ معتبره الفلاته اقل من المسيريه باسأ!! واها يا ناس كيكي عضلات تبش عايزنها تظهر. عارف يا وليد انت كخرطومي وعلاء مثلك ربما تتوهمون ان الفلاته اقل باسا ولا فكرين الفلاته ياهم نوع قدوقدو ديل! يمين الله فلاته دارفور لو فكوهم للانقاذ دي يعدموها نفاخ النار. نظاره الفلاته طويله عريضه ومحسوبين من القبائل العربيه برضو وعاملين لينا عروض عجيبه وفي سبيل عروبتهم منشفين ريقينا و اسال منهم بريمه!! ومشاركين في الجنجويد وحكومتهم حتضرب لخمه زي لخمتها الضربتها لما قالوا مسيريه!

---

Post: #50 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: خالد عبد الله محمود Date: 02-27-2011, 07:51 AM Parent: #48 Quote: مرحب خالد والله فعلا هو ابسط من بسيط ؟؟!! وانا اقصد تفكيرك يا خالد ما عندكـ مشكلة يا فردة مقبولة منكـ القصد يا وليد إنو الحكومة هي من أشارت لموضوع القبيلة سواء الإثبات الفي الأورنيكـ أو النفي بتاع علاء الدين و لاحقاً مسكتها المعارضة و ده شئ لا أعتقد إنو يحسب على المعارضة بقدر ما يحسب على الحكومة و أعني إقحام المسألة العرقية في القضية ( طبعاً دي قراءة حسب تفكيري البسيط ) يعني ضنب الككو المرة دي غير ضنب الككو بتاع المرات الفاتت ..

---

Post: #51 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: Mahmoud Mustafa Mahmoud Date: 02-27-2011, 09:07 AM Parent: #50 قالوا في واحد سألوه عن البيحصل في السياسة ده... رد بكل عفوية.. والله البيسووا فيهو ناس المعارضة وناس الحكومة ديل أنا شايفو كدي زي (شغل) الكدايس..التحت يكورك .. والفوق يكورك.. مانا عارفين المتكيف فيهم ياتو.. كاااااااااااااااااااااااااااااااك.. وليد يا شفت.. يا تفتيحة إنت.. الدرب ما يروح ليك يا حبيب.. البتعمل فيهو دا زاتو يعتبر درجة عالية من الوعي بالأشياء.. درجة عالية ينتفي معها إمكانية "مسك ضنب ككو" أو حتى مسك أي حاجة تانية.. لك المودة والتقدير يا سيناتور..

---

Post: #52 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: حماد الطاهر عبدالله Date: 02-27-2011, 09:17 AM Parent: #50 الأخ/ وليد تحياتي Quote: انا اتقصيت وسالت ووصلت لي انو البت دي ما مسيرية ( حسب المعلومات الوصلت ليها ) الظاهر عليك عايز تمسك ضنب ككو آخر، البنت مذكور بالتقرير إنها مسيرية، وخلاص، أي كلام ثاني ضنب ككو. طبعا لا يخفى عليك تداخل القبائل بمناطق غرب السودان، والإنتماء أحيانا للقبيلة صاحبة الدار بغض النظر عن الأعراق الأصلية مما قلل كثير من الفوارق بين سكان تلك المناطق. وفي كل الأحوال وقع الفاس في الراس.

---

Post: #53 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: وليد محمد المبارك Date: 02-28-2011, 08:21 AM Parent: #52 مرحب حماد Quote: الظاهر عليك عايز تمسك ضنب ككو آخر، كلامك سليم ووجهة نظرك مقدرة وحتمالك وارد جدا شكرا على التنبيه

---

Post: #56 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: Tabaldina Date: 03-01-2011, 12:29 PM Parent: #53 .. . Quote: لانه لن تثبت انه صفيه اسحاق فلاتيه ولكنها ستثبت انه الانقاذ معتبره الفلاته اقل من المسيريه باسأ!! واها يا ناس كيكي عضلات تبش عايزنها تظهر. هى العنصرية دى كيف !! لمن الواحد يفاخر بيها تعتبروها شتيمة .. -------- يلا اجمعوا قبائل الفلاته من نيجيريا وحتى بورتسودان للزحف الاكبر .. :)

---

Post: #62 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: Amjed Date: 03-02-2011, 08:06 PM Parent: #56 ولله يا وليد لكو ما اشوفك في بداية بوستك دا كنتا داير تمشي بيهو على وين و اعاين ليهو حسي القاهو وصل لي وين اقول سبحان الله فوق منبر بكري دا عموماً جهاز الان ارتكب جريمة بشعة جداً في حق انسانة سودانية و هو محمي بقانون معين بيتيح ليهو ارتكاب الجرائم دي و اعادة ارتكابها الي ابد الابدين اها شن قولكم في دا

---

Post: #73 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: وليد محمد المبارك Date: 03-05-2011, 04:04 PM Parent: #42 مرحب دكتورة نجاة

---

Post: #72 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: وليد محمد المبارك Date: 03-05-2011, 07:50 AM Parent: #41 مرحب سنا Quote: لأنه النظام عارف انه في ناس شغالة بالفارغة

---

Post: #71 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: وليد محمد المبارك Date: 03-04-2011, 09:44 PM Parent: #40 يا تبلدينا كيف يا حبه والله انا شايف الضنب لحدي هسع لكن الككو ما شايفو ؟! لو انت شايفو وري اخوك معاك

---

Post: #69 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: وليد محمد المبارك Date: 03-04-2011, 08:22 AM Parent: #39 ياسر طيفور ياخ تراجي فتحت بوست شكر لمحمد حامد جمعة قر قر قر قر قر قر قر

---

Post: #68 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: وليد محمد المبارك Date: 03-03-2011, 11:22 AM Parent: #38 مرحب ابو الخل وكيف اكتسبت الانقاذ سوء الظن هذا ؟ اليس نتاج لتراكم تصرفات واقوال على مر النسن الان انتقلت العدوى للمعارضة واصبح سوء الظن يشملهم الاثنين نتيجة عدم وعي وسرعة تصرف بدون دراسة متانية تصريحات .. يتنطل منها قائليها لانهم اقل منها اشاعات .. يلبت المروجين لها بع اكتشافهم انها محض هراء .. ولا احد يعتذر او يبرر ؟؟؟؟؟ Quote: يس هناك ما ينفي ان صفية من قبيلة المسيرية الذي نفي هو اخونا علاء الدين يوسف فقط صحيح يا خليل لكن هل انت متاكد من انها مسيرية ؟ لان من اثبت انها مسيرية علاء الدين ايضا وهو من احضر المستند الذي يقول بذلك فلماذا تصدقه في المستند وتكذبه في غير ذلك ؟

---

Post: #67 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: وليد محمد المبارك Date: 03-03-2011, 11:10 AM Parent: #37 كاهن يا فرده اخبارك ياخ Quote: الكلام فينا نحنا ديل .. مفروض بس نبطل دور الطرزانات ده .. ومافي زول يمسكنا شي .. يعني نحرن عديل يا صديقي .. نحرن بس غايتو يا صحابي انا منو وجاي حارن حارن حا احكها في اي موضوع لمن تجيب دم

---

Post: #63 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: وليد محمد المبارك Date: 03-03-2011, 07:50 AM Parent: #36 مرحب الاخ حسن حماد فعلا احتماء صفية المسيرية بالحركة الشعبية بيضع نقاط استفهام خصوصا انو المعركة هنا تم ادارتها بصورة قبلية بحته

---

Post: #64 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: د.محمد حسن Date: 03-03-2011, 07:54 AM Parent: #63 والله ياوليد طلعت مقلب انا كنت قايلك شفت المهم القاعد يمسكك ضنب الككو زول اشفت منك تحياتي

---

Post: #65 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: وليد محمد المبارك Date: 03-03-2011, 08:18 AM Parent: #64 Quote: القاعد يمسكك ضنب الككو زول اشفت منك والبمسكك ليه انت زول ادكتر منك خالص الود

---

Post: #66 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: حامد بدوي بشير Date: 03-03-2011, 10:43 AM Parent: #65 الأخ وليد المبارك، أعتقد أن المشكلة كلها تتلخص في أن سودانيزأونلاين قد فتح بابه على مصراعيه لعناصر أمن النظام الحاكم بالقوة في السودان. لا نمانع في عضوية الإسلاميين. لكن ان يتحول المنبر إلى أداة في يد جهاز أمن النظام، يطلق من خلاله الاشاعات ويسفه من غضب الشرفاء حين يرتكب النظام الفظائع ويغرق المنبر بالأكاذيب، فهذا ما يجب أن يوضع له حد. والغريب أن أفراد جهاز الأمن صاروا يكتبون بصفتهم الحقيقية وصاروا معروفين بالاسم، ومع ذلك فلهم الحق في (إبراز رايهم). تصور جهاز وظيفته تكميم الافواه ومنع أفراد الشعب السوداني من إبراز رايهم، يعطى الحق كاملا في (إبراز رايه) جهاز مهمته ذبح الديموقراطية ويعطى الحق تخريب أحد المنابر لحرة وباسم الديموقراطية. هذه هي العلة التي لا بد من علاجها.

---

Post: #70 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: صلاح شكوكو Date: 03-04-2011, 09:49 AM Parent: #1 ... Quote: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ القصة كلها ياوليد في الككو الشفت دا جبتو ليك في حالة تلبس ( جرم مشهود) مع تحياتي شفت الشفتنة كيف ؟؟ ..

---

Post: #74 Title: Re: يا جماعة بصراحة كده .. القاعد يمسكنا ضنب الككو كل مرة في المنبر ده منو ؟ Author: عمر عشاري Date: 03-06-2011, 01:47 AM Parent: #70 بوستي المفضل لهذا الربع من السنه -____________________________ سلامات ياوليد