اكبـر فشـل للثورة الليبيـة ......

ان يتمكن هذا السفاح من الخروج من ليبيا ....

دينا ...أتوقع أن ينتحر أو يقتل مثل سلفه هتلر ...لأن من يقوم بهذه الجرائم لن يتمكن من العيش بأمان مهما حاول الإختباء وستضيق عليه الأرض بما رحبت

يجب ان يحاصر الشعب الليبى هذا القذاف
الذى يقذف فى المدنيين بلا اى عقل .. او تعقل ..

الشعب الليبى امام تحدى كبير
بافتراع طريق جديد لثورات الشعوب

نجاح الثورة الليبية ما عاد يكمن فى اسقاط الفوضى
التى كان يجلس على دكتها هذا القذاف ..
النجاح الحقيقى هو محاصرته ومنعه هو واعوانه من الخروج










ــــــــــــــــ
اذا استطاع هذا الرجل ان يفر بجلده
ويهرب من كل تلك الافعال فقط التى فعلها خلال ال 6 ايام
الماضية فقد فشلت الثورة فشلا زريعا ..

أتوقع أن يكون القذافي أول قتيل من بين الرؤساء العرب
نتيجة قمع انتفاضة الشعوب العربية

Quote: فقد فشلت الثورة فشلا زريعا ..

يجب على الشعب الليبى ان يعزز كل تلك الثورات
التى سبقته .. ويضيف من ارثه المختلف
نكهة ورائحة وطعم لدماء كل الشهداء
ويعبد الطريق لمحاكمة اولئك الجناه











ـــــــــــــــــــــــ
اتمنى من كل قلبى الا تدعوا القذافى يهرب ..

غايتو القذافى ماعندى معاهو شريعة
لكن ولدو البيقولوا عليهو سيف الاسلام دا
كان لميت فيهو ممكن اعلقو ليك من كرعينو
لانو كمية الحقارة البيتكلم بيها المرة الفاتت بالجد
تخليك تتطلع من طورك..

















---------
هذا بعد السلام طبعا
ازيك يادينا ياخ

انشاء الله نهاية غردونية بحته ...!



هذا المعتوه يقاتل في أبرياء بعتاد عسكري كامل بري وجوي ...



وكانما هذا شعب دكتاتور آخر ...

بال الليبيين طويل كدا ونحنا ما كنا عارفين ...



أغلى ثورة في سعرها ... وحا يشتروها انشاء الله ..

ما القذافى براهوو يا دينا
القذافى وجميع اسرته وعلى راسهم سيف الاسلام
لاحولا ولا قوة الا بالله سلامة الاسم والله
والله والله والله هذا هو الجنون بعينه
يجب ان يقتل و يصلب
وكل من شارك معه
وموش يقيفو على كده
يجب اعدام كل من شارك فى سلاح الطيران
فى هذه المذبحة

حاجة تدمى القلب والله
الواحد ما عارف اقبل وين ولا وين فى الدنيا ده
قرف يقرف القرف زاتو

فى اى دولة فى العالم ...
بتحترم نفسها
ممكن تستضيف قذافى بعد مذبحة الامس دى ؟؟

الحبيبة سهام
الام المكلومة تعرف معنى ان تفقد ام ابناءهافى عمر الزهور
برصاصة قدر او بقذيفه .. او باى فعل ########
مااا اصدق كلماتك يا سهام
وللامهات فى ليبيا الذين فقدوا شبابهم الذى الورد
صادق المواساة ..
تفتحت حدائق غناء فى الساحات الليبية ..










ـــــــــــــــ
عارفه يا سهام حبوبة ما بتريد المعارضة والضرب
والموت .. امس انا بقول ليها شوفى شوفى كتل الشباب كيف
قالت لى بتعب وهى بتودى وشها فى الاتجاه التانى ::
ما بشوفهم يعنى شنو الزول بعد ما جناهو يمووت كان جات الحكومة
دى ولا ديك !!!!! وما جاوبت عليها .

Quote: عارفه يا سهام حبوبة ما بتريد المعارضة والضرب والموت .. امس انا بقول ليها شوفى شوفى كتل الشباب كيف قالت لى بتعب وهى بتودى وشها فى الاتجاه التانى :: ما بشوفهم يعنى شنو الزول بعد ما جناهو يمووت كان جات الحكومة دى ولا ديك !!!!! وما جاوبت عليها .

والله يا دينا ما قالت الا الحق...
الحبوبات دى ما هن سيدات الحكمة
بعد الموت تانى مافى شىء غير الحزن والحزن فقط رافع راياته

لما الجنا يموت زى موت االشباب الليبى
المغسة بتكون اكبر لانو الاحساس بالظلم والقهر اكبر واكبر
بس لما تجى حكومة تانية مع ضمان اخد التااااار (عديييل كده فى الحاله دى)
المغسة بتتفشى شوية
والاحساس بفخر انجاز الاستشهاد بيجى شويه شويه
لكن الحزن يبقى حتى اللحاق بهم/ن

يجب ان يكون القذافى و زبانيته عبرة لمن يعتبر
خلال فترة حكمه قتل اكثر من 55 الف ليبى ...
كان السفاح القذافى يقتل الشباب امام نظر ذويهم
و يقوم بسحل و جر جثثهم داخل الاحياء لارهاب الليبيين ...

وليد !
فعلا والله فشلا زريعا دى كتيرة شوية ..
لكن المهم قاصدة اقول احباط شديد
لو مرق بى مغستو ..

محمد عوض
كلامك صاح كللللللو كوم وتبجح ولدو دا
كوم تانى ..
شفتو لما قال الى اخر رجل واخر امراة واخر طفل ؟؟
جن يجننكم .. ديل دايرين يا قول المصريين بروستان
ما عندك صور ؟

في ذكرى الراحل المقيم
ولن نرضى بأقل من ذلك
حيوا معي نيكولاي تشاوشيسكو

لا ابدا يا دينا.

اكبر فشل ان يلجاو الي تذبيح الافارقة المقيمين بديارهم معا مع افارقة ليبيا.

دينا سلام
القذافي لن يهرب فالبارحه تمت شكوته للاهاي
هو اول رئيس عربي تتم بحقه شكوى لمحاكم التطهير العرقي.





طبعا البشير بنظري هو رئيس افريقي وليس عربي.

اما عن سؤالك:

Quote: فى اى دولة فى العالم ... بتحترم نفسها ممكن تستضيف قذافى بعد مذبحة الامس دى ؟؟

نعم يا دينا فنزويلا الشيوعيه وكوبا مرحباتن به تخيلي؟؟!!

عشان تعرفي ديناصورات اليسار ديل ممكن يصلوا في غبائهم السياسي لاي حد!!

عمر التاج !!
من خشمك ولى باب السما
عملتو دى اصلو ما اقل من كدا ..

هشام ابراهيم !
الراجل دا بقتتل فى شعبو كدا عشان
يحكم منو تانى ؟ مش حقو يسالوهو السؤال دا !!


طارق احمد ابوبكر
اها الليلة لقينا ليك زول اكعب من ايلا ..
اتفك من رقبة الراجل شوية وادرررع لينا قذافى دا
لحين ما يغوور ولا ذى ماقال عمر تاج يوقتل ..

طه ابراهيم
شاوسيسكو ومرتو كاتلهم ما تعرف ..
دفنوهم بس .. يمهههههههل

الجد بشاشا ..
لكن انت كمان الافارقة ما بالغوا ؟؟
حايمييين يورجغوا بالفرنسى قال ليك
هم افارقتهم ما بغبوهم .. الدور والباقى
على الجو من بره ديل ..


رجرووج .. صباحك فل بى بتاع كندا
عارفه يا تراجى هو عاش العمر دا كلو يربى
فى النعرات القبلية دى .. عشششان اليوم الذى دا
وياها تدويرت فررق تسد ..

اما الزول البتتكلمى عنه دا والله عاد ما بنقدر
نفتى ليك عربى ولا انكليزى ..
دى خليها اسالينا منها قدام ولا لمن نجى نسكن حداكم
فى كندا .. لووووووووبييين
دى ايام يا رجروج نقول ولا نعيد ؟
بتتكلمى عن محكمة الشمالى ..
كان ما كل يوم خالعانا بى بوست !

اما ديناصورات اليسار البتتكلمى عنهم ديل يا رجروج
عاشوا لما الشيوعية ذاااتها اتسهكت منهم ..
هى ذاتها الشيوعية بتكون مستغربه !!!










ــــــــــــــــــــ
نحنا افارقه والله لكن الافارقة الهجموا ديل
ما ح نقدر ندافع عنهم ..

ليبيا ليست مصر أو تونس، والقذافي ليس حسني مبارك أو بن علي.

طرابلس هادئة وفي سلام ودماء أهلها محقونة والحمد لله.

Quote: اما ديناصورات اليسار البتتكلمى عنهم ديل يا رجروج عاشوا لما الشيوعية ذاااتها اتسهكت منهم .. هى ذاتها الشيوعية بتكون مستغربه !!!

رغم الغضب والحزن الا اننى اعترف انك ضحكتينى ياخ
البوست ده فيهو كم حكمه جيدة الظاهر عليك متجلية الليله

تفتكرى الشيوعية بتكون مستغربة بس
ياخ دى بتكون اتمحنت لمن كوعت


________________________________
يا اصحاب ما تضايقو رائيى اصلكم عارفنو

Quote: ليبيا ليست مصر أو تونس، والقذافي ليس حسني مبارك أو بن علي. طرابلس هادئة وفي سلام ودماء أهلها محقونة والحمد لله.

الأخ محمد عثمان
والله ما فضل ليك إلا تقول و عاشت الوحدة العربية... ياخي بالغت الرجل ولده يهدد بالقتال حتى آخر طفل و آخر امرأة و يقصفون أبناء بلدهم بالطائرات. القذافي ليس مبارك ولا بن علي بل أضل و أجرم منهما و بإذن الله سيلقى أسوأ من مصيرهما هو و من تبقى من مجرمين و على رأسهم بشيرنا.
سلامي لدينا و ضيوفها الكرام.

فعلا يا دينا المعتوه وجرذانو لو نفدوا من غير عقاب تكون سبه في وجه الإنسانية

لازم يلقي الجزاء المناسب ليكون عبرة لمن لم يعتبر

سهووم !
فرحتنى ضحكتك يا حبيبة
الزملاء ديل ما ترفعى منهم لما يقولوا ليك
فهمت
فهمت
فهمت

اسامة ..
الراجل يتععععب ينجر ليكم فى المصطلحات
وانتو تجو تلقوها جااااهزه تسبوه بيها !!
ال جرذان ال !

هسه الراجل دا فى اى اى احتمال يمرق ؟









ــــــــــــــــ
هو طبعا فى ال 42 سنة دى بكون
عامل لى جوغب ممكن يدخل فى وبكون خاتى فيه
مؤونة مائة عام من العضة صاح !

دينا ...
ما تسمعي كلامه و نفشتو....
ليك علي يجري جري ...لمن يسجلو في التاريخ....الا ما يلقي فرصه للجري

محمد شمس الدين
ونحن ما دايرنو يجرى
الجرى دا كان ممكن يكون زمان لكن بعد العملوا
دا كان اتمكن من الجرى ماكو فايدة ..

يجرى من فوق لكل الجثث دى ؟
لازم يدفن بالفرب منهم ..
قال بتعاطوا الحبوب قال ..
عاين لى وشو
لى حركة يدينو
لى كل البودى لانقودج بتاعتو
هسه منو البتعاطى الحبوب ؟

محمد ابراهيم الحاج

والله لو انت شايف انو دا حقن دماء الله لا ورانا
سفك الدماء عندكم ..
وهو بن على كان بشبه حسنى مبارك ؟؟
اصللللو القصة دى ماشة بتنضف فى
الناس الكلو واحد شبهو براه ديل ..


العوض سلامات ومششرف
انا لو بى رايي الزول دا يقبضوا ذى ى ى
قبضة نوريغا كفف ..
ويسلموا الشعب الليبى بعرفوا لى
ما يمشوا يودوا سجون العالم الاول ديك
و يعملوها لى محاكمات وضل بارد وفيس بووك ..

الاخت دينا خالد

سلامي

رجاء حار، إلى الأخوة العرب الأحرار، في كل الأقطار، ومن لديهم رغبة في القيام بالثورة في بلدهم، نرجو منهم أن ينظموا ثوراتهم بالدور، ويحترموا الطابور، حتى تستطيع الأمة أن تقف مع كل ثورة بما تستحقه من الدعم والتأييد، فليس معقولا يا جماعة أن تقوم ثورة في ليبيا واليمن والعراق والجزائر والمغرب والبحرين في وقت واحد؟
لقد كنا بالأمس نتمنى ولو ثورة واحدة، فقامت عندنا ست ثورات في وقت واحد! وهذا شيء مذهل لا نستطع تصوره ولم نكن نحلم به!
لقد أسقط العرب في خلال شهرين اثنين فقط ثلاثة طغاة في ثلاث دول، تشكل ما نسبته نحو أكثر من ربع سكان العالم العربي تقريبا مائة مليون نسمة، وربع مساحته الجغرافية، أكثر من ثلاثة ملايين كيلو مربع!
وهذه أسرع حركة تحرر وتحرير في تاريخ العالم كله!
وإذا استمر العرب على هذه الوتيرة فسيحتاجون لاستكمال تحرير العالم العربي ستة أشهر أخرى فقط، فإذا العرب من الخليج إلى المحيط أحرار كما ولدتهم أمهاتهم، وإذا كل عروش الظلم والطغيان قد سقطت، ليستعيد العرب أوطانهم المنكوبة، وأموالهم المنهوبة، وكرامتهم المسلوبة!
وأنا أقترح على الأخوة في كل بلد عربي عندهم رغبة بالثورة، أن يتم ترتيب الأمور وتنسيقها بين الشباب الثوار في كل الأقطار، إما بالقرعة، أو بحسب الحروف، فتبدأ الثورة بالدول التي تبدأ بالألف ثم الباء ثم التاء..الخ، حتى يمكن لنا جميعا أن نتابع دوري الثورات العربية، ونقوم بالواجب للجميع!
وأرى ضرورة التفاهم مع قناة الجزيرة الوكيل الحصري لبث هذا الدوري، حتى تقوم بتغطية كل ثورة تغطية شاملة، مع اشتراط وجود المفكر العربي الحر عزمي بشارة لتحليل وتوجيه أحداث ومجريات كل ثورة!
وبما أن هناك من استعجلوا الآن ونزلوا الحلبة، كالأخوة في اليمن والعراق فأرى أن يبقوا فيها، وأن يسخنوا، حتى يصل إليهم الدور!
وأرى ضرورة أن يراجع أي شعب عربي لا نية لشبابه بالثورة جيناتهم، وفي حال ثبوت دمائهم العربية، وأنه لا يوجد ما يمنعهم وراثيا من الثورة، فبالإمكان إرسالهم في دورة تدريبية تحت عنوان(كيف تصنع ثورة خلال شهر واحد) لدى الشباب في مصر أو تونس أو ليبيا، والاستفادة من خبراتهم في هذا الفن!
كما يمكن إقامة معاهد خاصة لهذا الفن في هذه الدول الثلاث، تستقبل الشباب من كل بلد من بلدان العالم كله، مع وضع رسوم للدراسة فيها، لتصبح مصدرا من مصادر الدخل القومي العربي!
كما أقترح أن يتم تشكيل لجنة تحكيم في تونس أو مصر لتقدير أداء كل ثورة، ووضع معيار للتحكيم بينها، ومعرفة مميزات كل ثورة وأبرز خصائصها ونقاط الضعف فيها!
فإذا كان التونسيون قد حازوا في ثورتهم قصب السبق، وكانت ثورتهم فاتحة الثورات، وإذا كان المصريون قد حازوا كأس الثورة الأضخم، والحدث الأعظم في هذا القرن، فإن الثورة الليبية كانت الأسرع حسما، والأقوى قصما!
فقد احتاج التونسيون إلى أقل من أربعة أسابيع تقريبا، ونجح المصريون في أقل من ثلاثة أسابيع تقريبا، فجاء الليبيون وحسموا الموضوع في أسبوع!
وقد أصبح لدى العرب ثلاثة نماذج من الثورات مختلفة الطعم والطريقة، فهناك الثورة الشعبية السلمية، وهناك الثورة الشعبية المسلحة، وهناك الثورة التي دعمتها النقابات كما في تونس، والثورة التي دعمتها الأحزاب والتيارات كما في مصر، والثورة التي دعمتها القبائل كما في ليبيا!
وأرى بأن الأخوة في ليبيا - نصرهم الله وأيدهم - قد أفقدوا الدوري متعته، واستعجلوا في أمر كان لهم فيه أناة وسعة، وضيقوا واسعا، وحرموا الأمة من الاستفادة من هذه الدورة التدريبية باختصارهم المدة على هذا النحو، مع أن كل ثورة هي دورة تدريبية نفسية وعملية للعرب كلهم، ليكتشفوا ذواتهم وقدراتهم ومهاراتهم!
ولا أدري من يستطيع أن يضرب الرقم القياسي الذي حققه الشعب الليبي، هل يعقل أن تنجح ثورة في أقل من أسبوع! وإذا حدث ذلك فعلا، فإن عدد الدول العربية اثنتان وعشرون دولة، وقد بقي منها تسع عشرة دولة، فإذا صارت الشعوب فيها تتنافس على تحطيم الرقم القياسي، فهذا يعني أن الثورة الأخيرة عليها أن تحقق المهمة في ثمان ساعات تقريبا وهذا شيء لا يكاد يصدق!
وأرى بأن على العرب حتى بعد تغيير كل الأنظمة، أن يبقوا على هذا الدوري كل عشر سنوات، فأي دولة لم يتغير فيها نظام الحكم خلال هذه المدة، فعلى شعبها القيام بثورة شعبية سلمية، حتى لا تنقطع هذه العادة الكريمة، والخصلة الحميدة!
كما أرى ضرورة أن يتصدى المؤرخون والكتاب والمفكرون بتدوين أحداث هذه الثورات وأبطالها وأحداثها ومميزاتها، حتى تكون حاضرة دائما في ذاكرة الأجيال العربية، لتظل هذه الثورات جزءا من ثقافتها وممارساتها وسلوكها!
كما يجب دراسة نفسيات الطغاة، وممارساتهم وسلوكياتهم، قبل الثورة وأثناءها وبعدها، ومعرفة طبائعهم، وحججهم وذرائعهم، وقد تتوصل الدراسات إلى اكتشافهم من صورهم وأشكالهم، لتتجنب الأمة وصولهم للسلطة ولو عن طريق الانتخاب!
وهناك تشابه في تصرفاتهم يحتاج إلى وقفات لفهمه، فهم يخطبون ثلاث خطب، ثم يسقطون بعد الثالثة، ويكون الخطاب الأخير يوم الخميس ليلة الجمعة، وكلها في آخر الليل!
وكلهم استشرى فسادهم المالي وفساد أسرهم وأبنائهم، وأثروا ثراء أسطوريا، وحولوا يلدانهم إلى عزبة وإقطاعية أسرية، وهي حالة تكاد تتصف بها كل الأنظمة العربية الحالية!
وكلهم يقول ليست بلده كتونس، وكلهم يغرر به إعلامه المضلل وبطانته بأن دولتنا غير، وهي دولة الخير، وليست كتونس، ثم يتفاجأون بأن دولهم كتونس!
وقد تكررت خلال هذه الثورات بعض الذرائع التي يتحجج بها الطغاة وهي :
1- الخوف على البلد من الإرهاب والاقتتال الديني الإسلامي المسيحي، والتدخل الدولي، والخوف على قطاع السياحة والدخل القومي، كما قال مبارك.
2- الخوف على البلد من الإسلاميين والأخوان المسلمين والتنمية، كما قال زين العابدين.
3- الخوف على البلد من الاقتتال القبلي وانقسام الدولة وقيام إمارات إسلامية جهادية، والخوف على النفط والاقتصاد، كما قال القذافي وولده.
4- الخوف على البلد من الفتنة الطائفية السنة الشيعية، كما قال وزير الداخلية البحريني!
5- الخوف على الديمقراطية، وعلى صندوق الاقتراع، كما قال علي صالح، وبما أن الصندوق في حوزته، والمفتاح في جيبه، فلا خوف على الديمقراطية!
فهم جميعا يستخدمون فوبيا إرهاب المجتمع بعضه من بعض، {إن فرعون علا في الأرض وجعل أهلها شيعا} ليقولوا بأنهم صمام الأمان، وسور الأمن، وحماة الوطن!
كما أنهم يتحججون جميعا بالتاريخ لا بالواقع، فمبارك بطل حرب أكتوبر، والقذافي بطل الثورة على الاستعمار، وعلي صالح بطل الوحدة، أما الواقع السيئ الذي أوصلوا دولهم إليها حتى خرجت الشعوب بالثورة ضدهم، فلا يتطرقون إليه!
وعودا على بدء اكرر ندائي للأخوة الثوار بالدور يا أخوة بالدور، والرجاء احترام الطابور، فالجميع سيحصل على نصيبه من الثورة!



بقلم د. حاكم المطيري

Quote: ما عندك صور ؟

لى سيف الاسلام ولا لى انا؟

شكر كتييير يا الطيب شيقوق ..
انا اثنى اقتراحك واقتراح المطيرى
وعليكم الله راعوا لينا عامل السن
يعنى الانظمة العمرها 43 دى تمشى اوول
بعدها ناس ال تلاتينات
ومن ثم العشرينات فهم لا زالوا (طفلا يحبو) !!
ديل فطامتهم صعبة
خلوهم ااااخر سمح ؟





محمد عوض (وجووووه ضاحكة)
ما نستغنى ياخ
لكن اعفينا من الشنه بالله جيب لينا من صور الثورة
الليبية ..
اصلوا نحن نبارى الشنا دى منبر منبر وبوست بوست ومداخلة مداخلة!!!
وزنقة زنقة لوووووووووووب .

Quote: ان يتمكن هذا السفاح من الخروج من ليبيا ....

دينا يا درويشة

يا ليته خرج من ليبيا .. وجنب اهلها الاهوال الحاصلة الان

وليد صاحبى !
كلمتكم قلت ليكم الزول دا لو مرق ونفد
بى جلدوا مافى اى فايدة ..
الشعب الليبى اثبت انه مستعد لدفع ثمن خنوعو
لهذا الدعى المجنون 42 عاما ..
ولسه بقول مافى اى ى ى فايده لو الزول دا مرق من بين
يدينهم وفلت من عقاب الشعب الليبى ..
فليصبر الشعب وليصابر فى سبيل القبض على هذا
المجرم الذى اغرق ليبيا فى دماء ابناءها ..







ــــــــــ
واللياقة خشم بيوت .. لوووووووب

يا ليته يخرج الان في صفقة عالمية
حتى يجب هذا المعتوه الليبيين المزيد من القتل


الزول ده مجنون يا دينا .. اي حاجة منو متوقعة


خلي يتخارج

في زول نصيحي بعمل العلموا امبارح

القصف والرجم والتنكيل التي يقوم بها عقيد ليبيا المعتوه هي فلسفة أن لم أبادر فقد أؤخذ علي حين غرة(يعني بلغة ناس الكورة الهجوم خير وسيلة للدفاع ) ..هو لايملك ملاذا يأوي آليه ثم أنه لن ينتحر لأن شهوة الحياة عنده طاغية بل قد يردم ردما في باب عزيزيته والمسألة تحتاج الي كثير من الصبر علي الأبتلاء ونقص من الأموال والأنفس والثمرات ...ولكن النصر آت ومنها الي الجنوب الشرقي الي السودان أن شاءالله ومصير البشير لن يختلف كثيرا عن مصير القذافي كلهم طار الآن مطلوبا للعدالة الدولية كلهم لايهمهم كم نفس تقتل بل كم سنة يمتد بهم الحكم ... مقتلون مقتلون أن شاءالله وصبرا (أل السودان وليبيا )

الأخت العزيزة / دينا خالد ...

تحية التقدير والتجلة ....

أنا معاك لآخر مدى في إن القذافي لو أتخارج من ليبيا ليعيش بقية عمره سليماً معافى في أي بلد آخر ، حقيقة ده فيهو إحباط كبير للثوار ودماءهم التي سالت هدراً ....

Quote: ليبيا ليست مصر أو تونس، والقذافي ليس حسني مبارك أو بن علي. طرابلس هادئة وفي سلام ودماء أهلها محقونة والحمد لله.

الأخ / محمد عثمان

بعد التحية ...

أتساءل باستنكار شديد ... لماذا دائماً أراءك غريبة ومخالفة للواقع الواضح وضوح الشمس في رائعة النهار ... هل هو من باب (خالف تذكر) ... أم ماذا ؟ .... أم يا ترى هي سخرية كامنة لم أفهمها بعقلي القاصر ... عجبي !!!
ألا يكفيك أخي محمد أن تجاوز عدد الشهداء الذين أبادهم القذافي حتى الآن بآلته العسكرية الستة آلاف ؟ ... ويا ترى كما أسلفت الأخت دينا من سيحكم القذافي بعد إبادة شعبه ؟ ... سؤال ملح يطرح نفسه ...ولا إجابة منطقية بالطبع ....

شكراً لك مرة أخرى أختنا دينا ....

مع خالص ودي وتقديري ؛؛؛

Quote: ان يتمكن هذا السفاح من الخروج من ليبيا ....

اتمني ان يتم القبض عليه وتنجح الثورة وتتم محاكمته واعوانه امام محكمة وطنية ليبية تضمن العدالة لتؤسس لنظام عدلي جديد قائم علي مرتكزات التغيير الديمقراطي للثورة .
بت خالد نهارك سعيد

والله يا وليد الراجل دا من ناحية انو مجنون
فهو مجنون فعلا .. مجنون الجن الوااااحد دا
اثبت انو جنو كلكى وداير الفكى هاشم ..

يا ادريس كلامك عدييل خاتى العوج ..
وريهم بالله ..


يوسف السمانى نهارك الاسعد شرفت ونورت البوست
تسلم

يااخوانا يبدو انو توقع عمرالتاج فى صدر
هذا البوست اقترب من الحقيقة
المجتع الدولى بعد العدة ليكون مصير قذافى
وابناءه هو نفس مصير اولاد صدام فى الحرب على العراق ..

انباء مؤكدا من التيم العامل فى الاوديسا
وحسب التقارير التى رفعت الى اجتماع لندن

تم التاكيد بان القذافى ولا حتى النملة
يمكنهم الخروج من كل المنافذ الليبية
الاعبر طريق واحد هو طريق الكفرة الى السودان ..

هل فعلا قام الثوار بذبح الاسري ؟





...........................
ان صح الخبر ... ما الفرق بينهم وبين السفاح القذافي ؟

( الاعبر طريق واحد هو طريق الكفرة الى السودان .. )

إنتى كده بقيتى طابور خامس ,, يعنى عايزه تودى
قذافى والبشير ونافع كلهم فى بوليصه واحده للاهاى ؟!!



مشتاقين يادندنه ( شوق الله الواحد ده ) وكتر خيرك على
سؤالك عنى ,, بس والله اليومين دى بطنى طامه وبقيت أشوف
سودانيز أون لاين ده عشره عشره .
يعنى الإفك بتاع كمال الزين ده ماتصدقيهو .

Quote: بس والله اليومين دى بطنى طامه وبقيت أشوف سودانيز أون لاين ده عشره عشره

وتيب ..!!

يا نوفل لو صحت جرائم الثوار دى
فهى اكبر جرما واعظم انتهاكا مما يفعله
القذافى .. على الاقل قذافى ما عندو ادعاءات



كمال سالم ..
تسلم بطنك وبطن الجابتك
انا عارفه والله عارفاااك محبط
لكن الصبر جبر





كمال الزين
انجهنا انجهنا لحقنا اليابان !
انتو الدخلكم جووووووه فى الاوضة
شنو ؟؟ وكمان نفسكم فاتحة تاخدو صور
ما بسالك !!

الاخت دينا مساء الخير
الحاصل شنو فى الكر والفر الفى شرق ليبيا حيث ان كتائب القذافى استعادت
السيطرة على المناطق الخسرتها بالامس ( راس لانوف و البريقة و العقيلة )
وتواصل حصارها و قصفها العنيف على مصراتة غربا
السؤال : هل ناس فجر الاوديسا ديل شمسهم غابت و لا عدتهم فقدت فاعليتها
بالجد شئ يحير دبابات وارتال من المشاة تتحرك وتستعيد مناطق خسرتها امس
دى استيعابها ما ساهل ... نتمنى انتصار الثوار

ابو حريبة
الراجل دافع كتير وبقود حرب
بى فلوس الشعب الليبى ..
الثوار عدتهم ما عندها مقارنة بى
الاليات التقيلة بتاعة الراجل دا ..
ساعدوهم ناس اوديسا بى جكة حظر الطيران
وبى ضرب الدفاعات الارضية تبعا للحظر ..
لكن الراجل مشترى مرتزقه كتار اتضح
يموتوا ديل يمرق غيرهم والله يستر
ويكضب الشينة ..


لكن بينى وبينك هو انتهى خلاص وبعمل
فى فرفرة المذبوح .. العدة مااااا عدة
نصاح .. وهم هسه بدبروا لى فى مصير
ناس عدى وقصى ابناء صدام ..












ـــــــــــــ
العاجبنى فيهواصلو ما بنكر ويقول ديل
بلطجية وح اعمل تحقيق والكضب بتاع الفاسدين
ديك .. دا شغلوا نضييييف وبى خشم الباب ومصرح بى ..

الثورة في اعتقادي فشلت منذ ان لبست ثوبا عنصريا

Quote: وأرى ضرورة التفاهم مع قناة الجزيرة الوكيل الحصري لبث هذا الدوري، حتى تقوم بتغطية كل ثورة تغطية شاملة، مع اشتراط وجود المفكر العربي الحر عزمي بشارة لتحليل وتوجيه أحداث ومجريات كل ثورة!

يعلم الله يا دينا بطني طامة من الكتابة في سودانيز اونلاين الا دخلني كلام ود شيقوق دا لانو حرقني شديد انو نسى الخبير الجنرال بتاع السبورة البجي كل يوم اول ما يسالوه يتجه نحو السبورة الصغيرة بتاعتو العاجباه ....طق.. طق اجدابيا..طق... طق...
والله بقينا نسبقو بالكلام


--------------
دمتم جميعاًبخير

استاذ احمد ابراهيم
مششرف والله
عارف يا استاذ الحسنة الوحيدة الحا يخلفها
التغيير فى ليبيا وطرد القذافى هو انه
ح يعرض كل تلك الافكار العنصرية للهواء الطلق
سيفتح الباب لحلحلة المشاكل من هذا النوع
وتعريتها والعمل على تصحيحها والقضاء عليها ..
حتى لو كانت عند الثوار
فالثوار ليسوا ملائكة .. فهم ابناء تلك البيئة
عاشو وترعرعوا حيث نمت ونشطت كل الافكار الهدامة
وفى جو الكبت كل معتوه ضررا عيشو ..
بزوال القذافى ستكون بداية الاصلاح وليس منتهاه ..



نازك الطيب
شرفتى .. وعليك الرسول كان كجنتينا
اكتبى اكتبى ..

هل سيخرج العقيد فعلا
عبر الكفرة وينصب خيمته فى الاراضى
المجهولة داخل السودان ؟؟

الحسابات والمصالح الدولية يا دينا

ستخرج القذافى من ليبيا تحت مسميات كثيرة

منها على سبل المثال حقن الدماء واسباب اخرى

وستغتالة الايادى الاثمة بعد ان تضمن حصتها فى الغنيمة

التى اتتها دون توقع.