برافو طه سليمان ..

قدم طه سليمان أمس (من خلال قناة النيل الأزرق ) وأول أمس من خلال المسرح القومي واحدة من أجمل الوصلات الغنائية في ليالي أمدر ..
في إعتقادي كان الحضور الجماهيري هو الأعلى على الإطلاق للدرجة اتي لم يتمكن حتى الإعلاميون من الحصول على مقاعد فكانوا جلوساً على الأرض..
ومن هم خارج المسرح كانوا أكثر من من هم داخله ..
كان طه سليمان أنيقاً في حضوره وكانت فرقته أكثر أناقة ..
بدأ طه وعلى غير المعتاد بفقرة إستعراضية هي واحدة من سمات هذه الليالي بعد (وينش) حسين الصادق و(هودج) احمد الصادق ..إلا ان تقليعة طه كانت موفقة وفي إطار العرض الفني وهو يقدم رقصة جماعية مع مجموعة من الشباب والشابات في اغنية كانت موفقة الإختيار ( إزييكم..كيفنكم ..انا لي زمان ما شوفتكم )
المدهش حقاً كان هو التفاعل الجماهيري مع اغنيات طه سليمان وهنا ألفت الإنتباه غلى أن التفاعل لم يكن في ترديد أغنيات هابطة وخفيفة كما تعودنا ولكن كانت في أغنيات جميلة وتقيلة اللحن ..
تفاعل الجماهير وصل للحد الذي تغنى فيه كلللل من على المسرح كبار وصغار شباب وشابات نساء ورجال وهم يرددون مع طه هذه الغنيات ..
طه قدم وجه مغاير تماماً لما ظل يتناوله الإعلام عن هذا الفنان وللحقيقة طه أحرج الفنانين الكبار من المشاركين في هذه الليالي وسحب البساط من الجميع (بأستثناء محمود عبد العزيز طبعاً )..
طه الأن يسير في الإتجاه الصحيح واثبت أن ما للحفلات للحفلات وما للمهرجانات للمهرجانات وما للمسارح للمسارح ..
شكراً طه لهذا الحضور الأنيق وشكراً للجمهور الذي ردد مع طه هذه الإغنيات الجميلة ..

تخريمة :
أغنية "سائلين عليك" حنييينة ياخ ..

الجميل عمر الفاروق...

أثني على كلامك وقد كنت حضورا لهذا اليوم... ولكني لم أستطع الدخول لكثرة من هم خارج أبواب المسرح القومي... فاكتفيت بالرجوع الحزين...

طه سليمان... شاب أثبت فعلا أنه الأفضل... الأنشط.. والأجرأ...

سمعت كن (الكرين) الذي دخل به حسين الصادق... و(الكرسي) الذي دخل به أحمد الصادق.. أقول لهم... من حقكم أن تفعلوا ما تشاءون.. ولكن, ليس في مثل هذه الإحتفالات.. فهذه مهرجانات رسمية بإسم وزارة الثقافة.. أي ان هنالك وزير امامك.. وشخصيات مجتمع ونقاد يجلسون.. وليس بحفل جماهيري سيعود ريعه لك..

عمر..
لقد كنت حضورا أيضا للحفل الإستعراضي الأول الذي قدمه الفنان طه سليمان بأرض المسرح القومه ذاته وذلك قبل أسبوع تقريبا من إنطلاق فعاليات أماسي أم در...

ولجميل حظي... كان معي صديقي (الجميل) ناجي الملك.. وكان (كالعادة) يداعب كاميرته...





قدم طه بعض من جميل أغنيات ألبومه الأخير .بريدِك. والتي صاغ كلماتها الشاعر عبد العال السيد... ولحنها مجاهد سيمت (الملحن وعازف البيز بفرقة طه ومؤسس فرقة سودانيل)...

كان الحضور بهيجا.. وكان الإندهاش يسود المسرح من ما يفعله هذا الفتى (الشقي)...





أجيك تاني؟؟ ولا كيف؟؟

هايل زين
إسمكـ سمح عديل كده طه سليمان شنو ياخ

يا سمح يا زين :
ياخ كلامك واسمك حلوين يا قول نوبي ..
اجمل ما في السهرة كانت أغنية لو ما بكيتك سنة ..
ياريت لو زول يجيبا لينا هنا شريطة إنها تكون تسجيل حفل أمبارح ..ياخ الجمهور اتفاعل معاها بي طريقة جداً مدهشة ..
وحبابك ياخ ..

فيصل يا نوبي:
غايتو شكلك خجلت سااااي وعايز تحافظ على الصحوبية البيناتنا فقمت ضحيت بي هايل زين ..:)
قولا لي عديييل ياخ بقبلا ..:)
ياخ انت زول متسق

Quote: يا سمح يا زين : ياخ كلامك واسمك حلوين يا قول نوبي .. اجمل ما في السهرة كانت أغنية لو ما بكيتك سنة .. ياريت لو زول يجيبا لينا هنا شريطة إنها تكون تسجيل حفل أمبارح ..ياخ الجمهور اتفاعل معاها بي طريقة جداً مدهشة .. وحبابك ياخ ..

ياخي تسلم إنت .. ويسلم فيصل نوبي زاتو ... :)

ممكن نجيب ليك الغنية من ما تسجيل أمبارح؟؟ :-)


لكن كعربون صداقة... إتفضل دي:




طه سليمان - سائلين عليك... كل العباد...

عمر الفاروق ... وينك؟؟ وليه الناس نامت كده؟ مش كنا ماشين كويس؟


غايتو للضمان كده هاك إستلم دي:


طــه سليمان - سائلين عليك (من سهرة أماسي أم در)



طــه سليمان - سائلين عليك


وبمشي وبجيك تاني...

طه سليمان... شاب أثبت فعلا أنه الأفضل... الأنشط.. والأجرأ...

كلام هايل يا هايل و في محلو

أنصفت الرجل يا عمر ، يسلم كنكوجك و تسلم أذنك الموسيقية

هو الآن في الطريق الصحيح

تحياتي لكم

Quote: طه سليمان... شاب أثبت فعلا أنه الأفضل... الأنشط.. والأجرأ... كلام هايل يا هايل و في محلو أنصفت الرجل يا عمر ، يسلم كنكوجك و تسلم أذنك الموسيقية هو الآن في الطريق الصحيح تحياتي لكم

عمنا أبو جهينة...

أول حاجة تسلم...

طه سليمان لديه مخزون أعتقد أنه ممتاز من الأغاني الجميلة والرزينة... ولكن يأتي نقد الناس لأغانيه التي يأتي مجملها في (العدادات)... وكما قال طه في لقاء صحفي: مسرح الفنان هو بيت العرس... لذلك أعتقد أنه يحاول أن يدخل هذه الأغاني الجيدة بين ما ينتقده الناس...


تحياتي...

ومتين وصلة شروق؟
والله يا فاروغ ما حضرت الحلقة.. لكن من كلامك يبدو إنو السهرة كانت جميلة..
طه (ما بطال) و(الحوت) يظل هو ملك الشباب لو حافظ على اللياقة والفورمة..
ما سمعنا رأيك يا حضرة (الناغد) في أحمد الصادق وحسين وشكر الله؟؟

الفاروق ازيك

البنات ديل لابسات بنطالين وما لابسات طرح، ناس الامن وين.... ؟ حلاتهن غايتو... لكن الشريعة دي يا في يا مافي... ادونا آخركم بالله!

كبر

يا ابو جهينة :
ليك مني في عيد زواجك ال50 اجيب ليك طه سليمان :)
ال50 دي نا قاصد بيها العدد فاهمني مش ؟ :)
طه من زمان في طريقو الصحيح بس مكشلتنا بنقيس بي اغاني الحفلات ونتناسى ما يقدم الفنان من تجارب حقيقية في اوقات الجد ..
املك تسجيلات لحفلات وجلسات لي كبار الفنانين والله لمن مخجلة لكن ده براهو وده براهو مش؟
طه ود حلو وماشي كويس ويبدو انو ح يوصل..
تسلم ويسلم كنوجك

أيمن يا دياب:

Quote: ومتين وصلة شروق؟

ش إيه ؟؟؟
إنت قاصد قناة الشروق صاح؟
يعني سؤالك إنو الحلقة دي حيجيبوها في قناة الشروق بتين مش؟
أااال الكلاكلة أاااال :)
الحوت ده يا أيمن بصمة براااها وهو من أعظم الفنانين وعن نفسي بحشرو ليك مع زمرة مدارس وتاريخ الفن السوداني يعني الكاشف وردي عثمان حسين توووشك حووتة ده معاهم لأنو قدم مدرسة جديدة لي جيل جديد ..محمود ده انا ما بحب اقحمو لما اكون بتكلم عن الفنانين الشباب ديل لأنو الزول ده ما تبعهم ولا مفروض يتقارن بيهم ..محمود وضع بصمة غنائية في خارطة الفن السوداني صوتا واداء وكلمة ..
محمود عمل العليهو واسة بيمر بي مرحلة ان شاء الله يتخطاها وإن لم يتخطاها فهو عمل العليهو وبقا رقم وترك البصمة ..
بالنسبة لي اولاد الصادق فنصيييحة حسين الصادق ود حلو وصوتو بيضرب في الحزين تماام التماام وبحتو طبيعية ما زي احمد الصادق اللي بقا كل همو يبححح ويبرم الشعر ويجلجلو يا قول احمد حلمي ..
حسين الصادق مشروع فنان ..احمد الصادق اوت اوف بوينت

مريومة بت الحسين:

Quote: البنات ديل لابسات بنطالين وما لابسات طرح، ناس الامن وين....

طلعاً نحن عندنا في السودان وهمة شديييدة كده بنفكها ونصدقها..
أي بت تظهر في فيديو كليب سوداني ولابسة بنطلون يقولوا ليك حبشية ..
وانا أسة متأكد مجموعة طه دي ح يقولوا فيها البنات حبشيات ..
البنات زي الورد ..البداية طبعا لسة فيها خلل وطريقة رقصهم ما ظبطت لسة والكوجين حاصل بس البياض بيجيبو ..حبة حبة ..

تخريمة :
أديها صنة ليالي امدر الجاية بيجيوك بي الأردية

يا سلااام يا كبر فيديو كليب جميل جداً والله ..

إلى المطرب / طه سليمان .. مع التحية !!

شكراً جنابو على الموضوع السابق ..واللي ما كان لينا حظ متابعتو معاك قبل الأرشفة ..شاهدت الحلقة بتاعت النيل الأزرق وتقريبا كانت مع عوض أحمودي

Quote: بالأمس استمعنا لك و أنت مستضاف فى قناة النيل الأزرق – برنامج بالعود .. حقيقة ادهشنى أدائك و أنت تغنى على أنغام العود فقط .. أنا لست من المتخصصين في الموسيقى أو الأصوات .. لكنني امتلك أذن موسيقية اعتادت على سماع كل ما هو جميل من غنائنا السوداني الأصيل ولعشرات السنين .. وبذلك أصبحت تميز بين ما هو غناء راقي و هادف .. و ما هو غث !! ادهشنى أدائك فى بعض الاغانى التى أديتها فى هذه الحلقة .. فاستمعت له بإصغاء كامل فقد شدني جمال الصوت و صفائه متزامنا مع حسن الاداء .. فقد أعدت إلى شيء من التميز الذي عرف به فنانا الكبير الراحل المقيم / هاشم ميرغنى .. اعذرني آخى طه سليمان .. فانا لست من المتابعين لإنتاج أبنائنا المطربين الجدد إلا فيما ندر فانا اكتفى بسؤال أبنائى عن كل وجه جديد يطل على علينا من الشاشات البلورية .. و كثيرا ما تعجبت من كلمات الاغانى التى يرددونها لافتقارها للكلمة الرصينة ذات المعنى الجاذب للاستماع .. لذلك أثناء غنائك علمت بانك نفس المطرب الذى يغنى " قنبلة " .. و .. " التلاتة بنات الشالن عقلى لمن باص الروصيرص فات " لان هاتان الأغنيتان انطبعتا في اذنى .. ربما لعملى العسكرى السابق .. فانا أكاد اعرف كل أنواع القنابل و رأيت الكثير منها كيف أثرت فى الأجسام التى أصابتها تلك القنابل .. اما " الروصيرص ".. و " بصها " لاننى عندما تخرجت من الكلية الحربية نقلت اولا الى " اللواء 14 الدمازين " .. المهم كنت استعجب من مستوى الشعر الغنائي و ما صار إليه حاله بعد أن انحدر التشبيه بالمحبوبة او الجمال من القمر و الغزال الى القنبلة .. و كيف تحولت الرحلة من الطيارة الى البص .. الشاهد .. أنا على قناعة تامة بان جيل اليوم يختلف عن الأجيال السابقة فى كل شيء حتى فى الإذن الموسيقية .. و لكن يظل الشعر هو الشعر .. و يظل الغناء هو الغناء .. و المطرب هو المطرب .. وستظل قوة تأثيرهم و بقائهم هى هى .. لذلك أرى اذا كنت تسعى إلى تخليد اسمك في سجل الخالدين من مطربينا فأسعى إلى الغناء الهادف الكلمة وامزجه بصوتك القوى الجميل و ستصل إلى ما تصبو إليه .. ولا أقول أوقف اغانى الشباب .. عشان العداد .. بل يمكن أن تكون أكثر رصانة فى كلماتها !! تقديرى

هدية أخرى لكل المتواجدين هنا .... بالأخص الخال يوسف .. وسيد البوست...


طه سليمان - أمدر يا حبيبة

ود الفاروق تحياتى

Quote: طه قدم وجه مغاير تماماً لما ظل يتناوله الإعلام عن هذا الفنان وللحقيقة طه أحرج الفنانين الكبار من المشاركين في هذه الليالي وسحب البساط من الجميع (بأستثناء محمود عبد العزيز طبعاً )..

اولا نحى اجتهاد طه سليمان
لكن حكاية احرج الفنانين الكبار دى يعنى شنو والاحراج الاحرجوا ليهم ده
شكلوا كيف؟ .. يعنى عشان اكتظ المسرح بالجمهور يكون ده احراج للكبار ولا
يكون غناء طه احلى واجمل من الفنانين الكبار !!!!
ياخى غنى صلاح مصطفى والمسرح كان ممتلى وغنى ابن البادية فانفجر المسرح
طربا وامتلاء وشجنا وكلو شى .. يعنى مافى احراج لفنان كبير ولاشى وانا كنت
متابع لليالى المتحف القومى وهناك حيث المساحة ضعف مساحة المسرح 20 مرة
كان الجمهور حضورا بشكل خيالى فى امسيات زيدان ومحمد الامين وحمد الريح
فلماذا نحاول ان نصنع من طه اسطورة لمجرد ان الجمهور كان حضورا انيقا وكمان
نخليه يحرج الفنانين الكبار ياخى ده ابدا مامقياس يا ود اخوى فالفنانين الكبار
لهم مكانة ستظل كما هى ولن يستطيع احد احراجهم حتى لو جلسوا فى منازلهم بدون عمل
بساط شنو البسحبوا طه؟!! ... خلينا نديه حقو بدون مزايدات....
لك الود

برافو طه مكعب ....

الاخ عمر ...لم اكن على متابعة للفنان طه ...ربما من ايام الاصايل ...وال البيت ...

قررت في ذلك اليوم ان اذهب الى المسرح ارضاء لبنت اختي التي تعشقه حد الموت ...ورافقتها
تفاجات فعلا حد الدهشة للجمهور المحتشد خارج ساحة المسرح ...كل الاماكن مليئة حتى الشارع استنكرت هذا الجمهور
ورددت في خاطري (تردي الفن السوداني وصل لهذا ..طه بتاع عوض دكام ...وايه وايه كدا )..تبصرت في وجوه الحضور الذي بدا متضايقا من عدم امكانية الدخول ...جلست انا بحوش المسرحيين ...
واستغليت معارفي لجلوس بنت اختي بالداخل ...وانا جالسة جوار ست الشاي اذ بالود طه زاتو في كامل زينته يسلم هاشا باشا على مجموعه شعرت انه طيب ومتواضعا ...سلم بطريقة جميله على كل المجموعات التي كانت تحتضنه فردا فردا ...شعرت بمحبة الناس وان هذا الفتى تربع على عرش قلوبهم كانو في فئة عمرية اقل من الخمسة والثلاثين ...
سلمت عليه لان شاعرا مقدرا كنت اجالسه عرفني به ...قلت له لا اعرف عنك الكثير فطلب مني ان ادخل لاسمع الجديد والجميل ..وحدثني انه يريد ان يسمع الكثير من الناس السمحين وانه بصدد تجويد اعماله وله الكثير من الجديد والتعاون مع الكثيرين ...
يا عمر الفاروق زولك دا صراحه من خلال هذا الجمهور اثبت بمالايدعى مجال للشك انه حجزا مقعدا وثيرا في قلوب الاجيال القادمة والحاضرة ....الجمهور الكبير دا وجد ضالته فيه ...وليس لنا غير القول وفقك الله يا طه فقد
اتى اليك والدك بعرش سليمان ...فحشدك الريح والجن والنمل .....وربما لم نرى الكثير

اهم ما يميز طه ...التواضع

كسره :صوت لوم لناس ام در وين دعوة البت شروق ...واللا تكون بحراوية (من بحري )...ننتظر على احر من الجمر

العزيز عمر الفاروق

الفنان طه سليمان .. لديه امكانيات للتربع على عرش الغناء قريبا .. بس ننصحه كما اعتدنا نصح لاعبى الكرة :

أياك و الغرور .. و دقق ف اختيارك للحن و الكلمات التى تتناسب مع اداءك المميز !!

ايه رأيك يا عمر .. مش عمك ما زالت أذنيه نظيفة ؟؟

مودتى

Quote: هدية أخرى لكل المتواجدين هنا .... بالأخص الخال يوسف .. وسيد البوست...

هايل

فعلا هايل .. ام در و طه .. سمع و طرب و شوف !!

مساء جميل بحق

مودتى لك

الصديق كبر سلامات

لحظة من فضلك،
ماهي الغاية من وضع شريط الإغتصاب في هذا البوست؟
لو فعل ذلك أي من أدعياء النضال والجهلة لما أعرت الموضوع أدنى إهتمام، ولكن أن تضعه أنت يا كبر، فهذا والله لا يُقبل منك، أنت شخصياً.. أتمنى أن تسحبه من هذا البوست، وأتمنى ان تكون وضعته نتيجة لخطأ ما..
___
يا عمر طه شنو كمان البرافو عليهو، ؟ بجيك راجع يا صاحب..

عمر الفاروق ( اسمك حلو مازي فيصل نوبي )

طبعا انا بباري اضانك البتكتشف الاصوات المنافسة ....

الزول بسمع ليهو هجيح بس ما سمعت ليهو حاجات جادة كتيرة وليك على اسمعوا ...





ـــــــــــــــــــــــــــــــــــ
* عارف ياكبر ماف حاجة بتضايق الزول في سودانيز دي غير حركة بوست بيتكلم عن قضية محددة يجي زول يلصق ليك حاجة ما عندها علاقة بالموضوع ...أو صورة يحبرك على رؤتها وانت تكون شفتها في البوست الاصلي المتعلق بها .. ياجماعة الحاجة دي سالبة وما فيها ذرة من الحس الانساني ولا الذكاء الاجتماعي لكسب الدعم .. بل نساهم كثيراً في كسب الاعداء ..... متى نتعلم ان نتيح للآخر مساحة حرية يتحرك فيها كيفما شاء دون استفزاز أو تعدي ...

أن تأتي منك انت بالذات تفقدني الامل في وجود عقلاء ... وانسان متحضر يحافظ على مساحات الاخر ...لأن البورد دا لكل الموضوعات ولمل الناس ...
ياخ الكلام دا احبطني شديد ...

* يا شباب 25 يناير بحبكم شديد لانكم تعكسون سلوك امة متحضرة ..

آسفة يا عمر عارفة انك رديت ببرود عشان ما تخرب البوست بتاعك لكن في خاجات بتفور الدم والظاهرة دي ازدادت فقد كان يمارسها عدد محدود من الناس الما عندهم زوق لكن ان تصبح ظاهرة عامة ومن العقلاء هذه كارثة ..

يا مريم اتغظتا شددددددديد منك لاني قعدتا بي مزااج عشان اخرب البوست دة بقصة البنطلون لقيتك سبقتيني ههههههه
كمان دي فيها زيادة على البنطلون... نكيش شعر ...ووين كمان ؟في المسرح القومي !!!!
من هنا ما متحركة يا عمر الا ينجلدن البنات ديل هههههههه
أو .....


اعرف كم قزازة بيبسي أتكبت في الشعر دة خلتو اتكنش ويتنكش كدة

عملتا بعد كم ساعة ريفرش للصفحة فتكررت المداخلة ....

مدثر يا قرجاج ..
تحيات..
مداخلتك على العين والراس يا حبوب لكن كلامك ما صاح بإفتراض ممكن نختلف في تعريف الفنان الكبير ..وده حاجة نسبية طبعاً ..وبعدين الحضور الجماهيري معيار وحالياً طه أثبت إنو عندو حضور جماهيري من جميع المستويات ..زمان النقاد الكبار والاستعلائيين عندهم فهم إنو الفنان الشاب الفلاني جمهوره من بتاعين الركشات وده جمهوره من بتاعين الاورنيش و و و وعليه كانوا ما مقتنعين بي الكم وكأنه بتاع الركشة ده ما بيعرف يسمع ..طه حضوره في حفل المسرح كان من جميع الفئات وانا متأكد تماماً جمهور طه أكبر بكتيير من جمهور حمد الريح (لو إفترضنا حمد من الفنانين الكبار) وبرضو اكبر بكتيير من جمهور اللمين عبد الغفار ومجذوب أونسة مجتمعين وده بافتراض إنو ديل من الفنانين الكبار..
إحراج الفنانين الكبار مش في الحضور بس يا مدثر لالالا الأحراج التاني الانا كمان بقصدو إنو الفنانين عملوا زي لعيبة الكورة زمان لما يجي لاعب جديد للكشف..بيلعبوا ليهو لاباص في ضهرو ولا مقصر عشان يشطبوهو الموسم الجاي..الفنانين إبتدعوا نظرية المؤامرة بتاعت حقوق الملكية وده الخلاني أقول برااافو لطه لأنو طه تغنى بي أغانيه والجمهور حفظها عن ظهر قلب وبات من النااادر جداً طه يمشي حفل زواج ولا مسرح ويغني غنا ما حقو (اغنية اتنين ممكن) الفنانين البتقول عليهم كبار ديل سلعتهم بارت وبدأ تاريخهم ينتهي والجيل الجاي ما حيعرف انياتهم لأنهم حكموا عليها بالاعدام والجيل الجاي ح يردد لو ما بكيتك سنة وح يردد بسأل عليك وح يردد عوض دكام وهو مبسوووط ..
محاربة الشباب كانت من الكبار بي حنك إنو ديل ركبو العربات بي غنانا ..أها خلوا ليكم غناكم أركبو بيهو انتو عربات وهو بقوا أسة يغنو غناهم وبدل العربات بنوا عمارات ..
شوفت الإحراج ده كيف؟

نعمات حمود :
الحلو ما يكملش :)

Quote: كسره :صوت لوم لناس ام در وين دعوة البت شروق ...واللا تكون بحراوية (من بحري )...ننتظر على احر من الجمر

الجمر اليقوم اليجمر كنكوجك قولي امين ..
أسة عليك الله جمر ست الشاي القعدتي جمبها تسمعي طه ده ما اخير من جمرك المنتظراهو لي شروق ؟؟
طه وغيره من الفنانين الشباب اتحرروا خلاص من سجن الملكية الفكرية وما تغني غناي و و و..
التواضع الحالي شي طبيعي لي فنان بيتعامل بي لغة وفهم أولاد جيلو وطه شكلو ود حلة زول بيلعب الكورة وبيقعد في النيمة ..
نعمات ياخ حبااابك بس لو ما قصة شية الجمر دي..

طيفورنا ياسر..
ياخ ما تضحك فيني لكن انت صحي إتورطت وعرست ؟:)
ياخ طيب شاورنا ..ما تستعجل وتتخذ قرارات زي دي براك ..
فتشت تلفوناتك عشان ابارك لكن شكلو علاقاتك هنا حبة :)
بالمناسبة إنت جادي في قصة تلوم الزول ده في قصة الفيديو كليب ده ؟
بالعكس انا فهمت إنو زول مرهف وحساس وذو خيال بعيد لأني فتحت البوست بخصوص أغنية لو ما بكيتك سنة اللي غناها طه ففهمت إنو الزول ده وتماشياً مع فكرة البوست جاب المقطع ده عشان يبكي الناس سنة ..ما تظلموا ساي يا ياسر الزول ده اختيارو موفق جداً ومتماشي مع البوست وخيالو خصب ..
صحي (كبر).. كبر خاااالص

قلبنا :
ياخ إسمي ده حالتي ما كتبتو كامل :)
الود طه هجااج ورااايق ..لو هجج بهيهجج ولو رااق بيروووق ..
خليني شوية كده بديك ليهو كم حاجة رايقة بي تحت تحت ..
بالنسبة لي قصة الفيديو بتاع كبر ده فياخ الراجل بيحرج فيني الناس في شنو وانت في شنو ..البلد شغالة إغتصاب وانت بتتكلم عن طه ؟؟
البت بتبكي من ناس الأمن وانت بتتكلم عن الغنا !!!؟؟؟
الغريبة لو مثلاً مثلاً في زول فاتح ليهو بوست بيتكلم عن روعة مصطفى سيد احمد وكيف أنه فنان ثوري وأنه فنان الشيوعيين ما أظن يقوم عمنا كبر ده يجي يلصق ليهو الفيديو ده ..بل بالعكس ممكن يجيب ليهو صورة ليهو شخصية التقطها مع مصطفى سيد احمد ويقعد يحكي ليهو عن روعة تلك الايام التي التقى فيها مصطفى في شتاء موسكو القارس ولا هو القارص ما بعرفو ليك ..

الأغنية التي رددها الحضور مع طه ..إن ما بكيتك سنة ..
للأسف ما اتحصلت على التسجيل من الحفل وياريت لو زول لقاهو يلحقنا بيهو ..
يا قلب اسمعي دي دي حاجة بسيييتة ...
بس اعملي حسابك ما تكوني من الجماعة الببكو الناس سنة ؟:)





تخريمة :
غايتو عندي صاحبي كده كان سمع الاغنية دي امانة مااا جاتو في جرح وممكن عااادي يستخدمها لتنفيذ أجندته الخفية ..
وجاتك جاااتك ..جااااتك :)

سارة الضارة :)

Quote: كمان دي فيها زيادة على البنطلون... نكيش شعر ...ووين كمان ؟في المسرح القومي !!!!

وده كان سبب كافي جداً إني أتمعن في الوجوه أفتشك وسط الناس ديل .. :)

تخريمة :
انتي من زمن الجلد يا سارة ؟الأيام دي الموضة إغتصاب

ياعمر

سائليين عليك براها زى عشرة برافوهات

عارفة يا ندى :
الغنية بتاعت سائلين عليك دي كل ما اسمعا بدمع ..
فيها حنيية ما طبيعية ..

عمر الفاروق

يا سنير إزيك أسف جداً علدم قدرتى على ولوج البوست .. من البداية
لعدم فعالية الباصورد حقى لثلاثة أيام ...
لكن "هايل زين" ... ما قصّر معاكــ

ما يهمنى ان أكتبه لخصته بعض المداخلات
إعجابى بصوت طه سليمان ..
كونه .. رائد فى بعض الأشياء على مستوى الغناء ...
فيحفظ له "قيامه" بأول فيديو كليب مصور ... وأول حفل استعراضى ...




...
...

Quote: برافو طه مكعب .... الاخ عمر ...لم اكن على متابعة للفنان طه ...ربما من ايام الاصايل ...وال البيت ... قررت في ذلك اليوم ان اذهب الى المسرح ارضاء لبنت اختي التي تعشقه حد الموت ...ورافقتها تفاجات فعلا حد الدهشة للجمهور المحتشد خارج ساحة المسرح ...كل الاماكن مليئة حتى الشارع استنكرت هذا الجمهور ورددت في خاطري (تردي الفن السوداني وصل لهذا ..طه بتاع عوض دكام ...وايه وايه كدا )..تبصرت في وجوه الحضور الذي بدا متضايقا من عدم امكانية الدخول ...جلست انا بحوش المسرحيين ... واستغليت معارفي لجلوس بنت اختي بالداخل ...وانا جالسة جوار ست الشاي اذ بالود طه زاتو في كامل زينته يسلم هاشا باشا على مجموعه شعرت انه طيب ومتواضعا ...سلم بطريقة جميله على كل المجموعات التي كانت تحتضنه فردا فردا ...شعرت بمحبة الناس وان هذا الفتى تربع على عرش قلوبهم كانو في فئة عمرية اقل من الخمسة والثلاثين ... سلمت عليه لان شاعرا مقدرا كنت اجالسه عرفني به ...قلت له لا اعرف عنك الكثير فطلب مني ان ادخل لاسمع الجديد والجميل ..وحدثني انه يريد ان يسمع الكثير من الناس السمحين وانه بصدد تجويد اعماله وله الكثير من الجديد والتعاون مع الكثيرين ... يا عمر الفاروق زولك دا صراحه من خلال هذا الجمهور اثبت بمالايدعى مجال للشك انه حجزا مقعدا وثيرا في قلوب الاجيال القادمة والحاضرة ....الجمهور الكبير دا وجد ضالته فيه ...وليس لنا غير القول وفقك الله يا طه فقد اتى اليك والدك بعرش سليمان ...فحشدك الريح والجن والنمل .....وربما لم نرى الكثير اهم ما يميز طه ...التواضع كسره :صوت لوم لناس ام در وين دعوة البت شروق ...واللا تكون بحراوية (من بحري )...ننتظر على احر من الجمر

الأستاذة نعمات...

أول حاجة أحييك جدا على كلامك ..

كلامك كللللو زي الورد .. وكلام صحيح تماما...

أنا بس داير أحكي منظر مر بي قبل كده..

راكب معاي واحد صاحبي في العربية.. وصاحبي ممن لا يستمعون لغير وردي (لدرجة إنو مسمي بناتو همسة شوق .. ونور العين)
المهم, ونحن ماشين وأنا مشغل طه وهو ما قال ولا كلمة... بس بيسمع.. لمن جات أغنية طه الجميلة جدا البقول فيها:

كل مرة أقولها ليك.. يا قلبي توب من الوفا...
ما واضحة بالعربي الفصيح.. ما حقك الهنا والصفا...
أحححي علي قلبي الجريح...

وهي من كلمات الشاعر الجميل محمد حسن القاسم (محمد ديكور)..

ثم تلتها أغنية نعم.. طيب واللي بتقول:

نعم.. طيب.. خلاص... حاضر..
بحاول في داخلي أشوف..
إذا لقيت ليك مكان شاغر...

وهي من ألحان الأستاذ الماحي سليمان...

فقام صاحبي ده سألني.. ودار بيننا الحوار التالي:

هو: ده منو البغني ده؟
أنا: ده طه سليمان.

هو: ياخ الود ده مااااا رهيب ياخ...
أنا: إنت أول مرة تسمعوا؟؟

هو: آى والله أول مرة... وأول مرة أشوف لي فنان شاب بالإمكانيات دي..

ثم أردف: وكمان الزول ده بطلع بصوتو أعلى أوكتاف وهو مرتاح.. يا سلاااام ياخ..


وواصلنا السمع...

بعد ما نزل قال لي: علييييييييييك الله جيب لي أي غنية غناها الود ده.. عشان بعد ده أنا آلهة فني بقوا إتنين :-)
ولو لمت بيهو الظروف .. قول ليهو في واحد قال ليك: إنت صاح...


-- إنتهى --

تعقيبا على كلامك يا نعمات..
طه سليمان من الناس البحمد عليهم حكاية تواضعهم دي... أنا شفتو في كم مرة بقيف وبسلم على الكبير والصغير .. وبكل بشاشة.. ودي (من نظرتي البسيطة) من مكونات الفنان الناجح...


أما كلام أخوي ناجي ده..

فطه سليمان.. هو أول من تجرأ... ودفع قروش كتييييييييرة من جيبو.. عشان يسافر ويعمل فيديو كليب بمواصفات عالمية... ويدفع قروش تااااااني من جيبو.. عشان يتعرض الكليب ده في القنوات العربية الكبيرة أمثال قناة مزيكا...

وتااااااااااني إتجرأ.. ودفع... وعمل فيديو كليب تااااااني وبرضو بنفس المواصفات.. وأحسن كمان.. وبرضو إتعرض في القنوات العربية العندها نسبة كبيرة من المشاهدة...


فحقة يا أخوانا ما نهضم الراجل حقو..

حمد الريح (وهو من كبار كبار الفنانين)... كان حضورا في المؤتمر الصحفي الإتعمل بعد تصوير الفيديو كليب التاني.. وكان من أوائل المشجعين لطه..\

كمال ترباس (وهو أيضا فنان كبير جدا) صرح مرة في الصحف قائلا: لن أتعامل مع د. كوباني.. مالم يتعامل مع طه سليمان..


والدلائل كثيرة...


في النهاية .. يا عمر الفاروق...

أهديك أغنية بكيتك سنة... بالعود (مع الأستاذ عوض احمودي) من برنامج بالعود:

Quote: الفنانين البتقول عليهم كبار ديل سلعتهم بارت وبدأ تاريخهم ينتهي والجيل الجاي ما حيعرف انياتهم لأنهم حكموا عليها بالاعدام والجيل الجاي ح يردد لو ما بكيتك سنة وح يردد بسأل عليك وح يردد عوض دكام وهو مبسوووط .. محاربة الشباب كانت من الكبار بي حنك إنو ديل ركبو العربات بي غنانا ..أها خلوا ليكم غناكم أركبو بيهو انتو عربات وهو بقوا أسة يغنو غناهم وبدل العربات بنوا عمارات .. شوفت الإحراج ده كيف؟ ..

ودالفاروق تحياتى ليك
اسمح لى اقول ليك انت والله بتحلم وعايش فى وهم الفنانين الشباب واعمالهم الجديده ،
انت جاى الليله بضربة على الكيبورد بتاعك تنهى جيل العمالقة والرواد وجاى تنهى
تاريخ ابراهيم عوض وعثمان حسين وكابلى وابن البادية والكاشف ومحمد الامين وعثمان
الشفيع وزيدان وابو عركى وغيرهم المئات الذين عاشت اغياتهم لاكثر من 70 سنة جاى
الليلة تقول لى ديل خلاص انتهوا ، الذى ينتهى يا ابو الشباب لايمكنه ان يعيش كل
هذه السنوات وهو فى القمة والذين رحلوا لاتزال اغنياتهم فى القمة الناس لا تزال
تردد اغانى الكاشف التى لحنها فى اربعنيات القرن المنصرم
وستظل عايشه الى ان يرث الله الارض وماعليها ليس الكاشف وحده انما اغانى
كل الرواد التى ساعدت طه وامثاله فى ان يتعرف عليهم الجمهور ،،
عليك الله ياود الفاروق خلينا نتكلم بالمنطق لانو المسألة ماانتقام او تشفى المسالة تاريخ
محفور فى ذاكرة هذا الشعب بان الفنانين الكبار لهم دورهم وجمهورهم المقدر وخلينا نفرز الكيمان
ونضع كل زول فى المكان البيستحقو..
بعدين ده قانون الملكية الفكرية هو الذى طالب كل مغنى ان يغنى غناه وده حق مشروع لكل
صاحب مجهود ان ياخذ حقه لانو هو التعب وهو العمل ويجى زول تانى يركب بيهو الهمر اها وين
المشروعية فى كده ورغم ده مازال جسر التواصل بين الاجيال الذى تحاول ان تهدمه ممتد حتى
اللحظة العملاق السنى الضوى يأخذ بيد الشباب وهو من جيل الكبار العملاق الشفيع خضر يلحن
للشباب وهو الذى اهتزت له افئدة الاجيال القديمة، كمال ترباس اى زول بيغنى غناه ولايعترض
وغيره الكثيرين من الكبار قبلى كده سمعت عن وردى اعترض على زول ولارفع فى زول قضيه عشان
تغنى باغنياته ، اسأل معتز صباحى وابوبكر سيد احمد واسرار بابكر عن ماذا قال لهم وردى
راية التواصل بين الاجيال فى الغناء مرفوعه منذ القديم حينما استطاع وردى ان يظهر عن طريق اغنيات ابراهيم عوض وهو حتى اللحظه لم يتنكر لهذا ،جاى انت عشان تغيظ الفنانين الكبار وتقول ليهم طه عمل اغنيات والله شى عجيب ،ياخ مايعمل ده بيسعد الفنانين الكبار لان من غير المعقول ان يحسد وردى ومحمد الامين او زيدان طه سليمان لان الفوارق لا تجعلهم ينتبهون حتى الى مغنى اسمه طه سليمان
الرواد بعضا منهم ظهر عن طريق الحقيبة ولحن محمد الامين للشباب وقدم وردى ل عثمان مصطفى
الشاب فى ذلك الزمن واعطاه والله مشتاقين لحنا شجياوالامثلة لاتحصى ...
سيظل الكبار هم كبار وصدقنى فى فنانين واغنيات يندثرون بعد سنوات .. والمحك الحقيقى هل يستطيع
طه سليمان ان يظل فى هذه القمة الوهمية التى تريد ان تصنعها له واذا فعل فكم سيبقى من الزمن ؟
مع تمنياتى القلبية ان تستطيع اغنيات طه ان تعيش لمدة خمس سنوات بس وعندها ممكن اضرب ليه تعظيم سلام
محبتى

عمر الفاروق شوقتنا لسماع حفل طه ياريت لو زول يحصلنا بفيديو للحفل

مدثر قرجاج:
تحياتي..
وكدي أرفع رجلك من البنزين شوية عشان العربية دي ما تفحط بينا..
عوست الابري بي الحلو مر يا حبيب..انا لا بي كبسة زر لا بي كيبورد جاي اهدم عمل جيل من العمالقة ولااا بقدر ولا قولت كده خصوووصا وتحديييدا في اللستة اللي إنت ذكرتها دي ..الغريبة انت اخترت اكتر فنانين انا بحبهم وبعزهم لو اضفت ليهم ابوداؤوود والخالدي ومحمود عبد العزيز طبعاً..
إنت أسة قلت غنا الكبار ديل حيظل الى ان تقوم الساعة وسيتوارثه جيل بعد جيل مش ده كلامك؟؟؟
طيب كيف ح يتواصل ويتنقل الغنا ده للاجيال الجاية وانت منعتهم من ترديدو تحت غطاء ركبتو الهمر بي غنانا!!
اها ح يتنقل بي الكاسيت؟؟ بعد عشرة سنوات صدقني اختراع اسمو المسجل ح يقيف ..زي ما وقف جهاز تشغيل الاسطوانات القديمة ..
ما تفتكر غنا كرومة سرور حبيناهو وسمعناهو وبقا محفوظ لأنو سمعناهو منهم ..لالالا يا حبيب والاسطوانات حقتهم دي اسة غير عند عوض بابكر ما اظن عند زول ..حبيناهو وسمعناهو لأنو جا غناهو وردي وود اللمين وابوداؤوود ..فلاح وكرومة وسرور ما قالوا لي الناس ما تغنو غنانا عشان ما اديتونا قروش ..
نعم ديل غنو غنا الحقيبة ومنها عملوا حقهم الخاص فكمان صدقني الشباب ديل ح يعملوا حقهم وبي مساعدة حق الكبار..
طه اغنياته خلاص اتعدت الخمسة سنوات لأنو انا مشيت اعراس وحفلات لقيت فنانين شباب بيغنوا اغاني طه ..وحفلة المسرح أكدت الجمهور حافظ اغانيه عن ظهر قلب اها تاني شنو ؟؟
الفنانين الشباب ما طه بس مش في فنانين تانيين..الفنان الظاهرة ده حاجة عالمية فنانين كتااار بيضربوا السوق لفترة وبيختفوا وده كل العالم كده في فنان بيخلد إسمه بي أغنية واحدة وتاني ما بنسمع بيهو وفي فنان بيظل فنان الجماهير وان كان ما عندو جديد او غناه هابط و و و ..
طه الان بيغني ليهو كم سنة ؟؟
اكتر من 10 سنوات بيغني صاح؟ يبقا أهو زول بيغني ليهو 10 سنة وجمهورو في زيادة تاني النجاح كيفنهو؟؟
وردي لمن أدا عثمان مصطفى والله مشتاقين وردي كمان كان شاب ما كان وردي العجوز ده مش؟
وردي لمن لحن لي ابارهيم عوض كان وردي الصغيير مش؟؟
بعدين ياخ الشباب زااتهم ما دايرين مساعدة الكبار بي مفهومك ده ..يعني ما تلزم الشاب عشان يبقا فنان كبير يقوم يمشي لي ود اللمين يلحن ليهو !! الحان ود اللمين ما بتنفع مع الجيل ده ..بيشوفوها عاضة وضاربة.. ده فهم جيل ومن حقو يحس بي زمنو فما تجبرو انو الحان ناس هيثم عباس هابطة والحان ود اللمين هي اللي في التوب..
ما تجبر الشاب انو عشان يبقا فنان كبير فلازم يكتب ليهو اغانيهو فضل الله محمد فالجيل الحالي شايف في ديكور الشاعر المثالي والمعبر عن جيلهم ..
المصنفات غرضه كان تحطيم اسطورة الشباب والثراء الحرام وسرقة عرق الجبين حسب فهم حمد الريح والاستاذ محمد ميرغني والدكتور عبد القادر سالم ..
أهو خلو ليكم غناكم وبقوا يغنو اغانيهم فخلوهم وما تهاجموهم هابط نازل ركيك و و و ..
كللل الفنانين الشباب حالياً في بيوت الاعراس سابو اغاني الكبار وكل فنان شاب حالياً يستطيع اكمال عرس كامل والحضور مستمتع ومتجاوب دون الاستعانة بي فنان كبير..الهمرات متواصلة والعدادات ضاربة والفنان الشاب اسبوعه فل الفل اوفر نايت صبحية عرس حنة كلللو تمام التماام وكللو بي حقهم ..
اها تاني شنو ؟

ناجي يا صاحب...
الجميل في طه حتى تقليعاته تكون منطقية وغير نشاز ومتوافقة مع متطلبات العصر..
والأجمل إنو طه انيق جداً وبيلبس الكاجوال كما ينبقي :)

طه غناي جدا
وحا يخت اسمو وبصمتو في خارطة الغنا السوداني

بصورة اعمق من كتير من الفنانين البقولوا عليهم كبار ديل

Quote: طه غناي جدا وحا يخت اسمو وبصمتو في خارطة الغنا السوداني بصورة اعمق من كتير من الفنانين البقولوا عليهم كبار ديل

الشفت ....

أول حاجة مشتاقين شوق شديد خلاص...

رايك شنو أجيب ليك هنا كم غنية من الما مسموع لطه... عشان طه ما بس عوض دكام (إذا كانت موضوع إنتقاد كأغنيةهابطة) ولا قنبلة.. ولا أغنية لا حول الله....


رايك شنو؟؟

انت هايل ولدنا !!؟

اخبارك ياخ

طه غناي

جيب غنا خلينا نستمتع

ياخ اقول ليك ( دايرك براك في كلمتين ) دي غنيه مفصل للزمن ده تفصيل

وما فيها اي نضمي
كلمات ولحن وتوزيع واداء



جيب يا حبه

Quote: انت هايل ولدنا !!؟ اخبارك ياخ طه غناي جيب غنا خلينا نستمتع ياخ اقول ليك ( دايرك براك في كلمتين ) دي غنيه مفصل للزمن ده تفصيل وما فيها اي نضمي كلمات ولحن وتوزيع واداء جيب يا حبه

تصور أنا هايل ولدكم؟؟ هاهاهاها

ياخ أنا كويس .. إنت المافيش...


لحدي ما أجيب ليك دايرك براك في كلمتين



هاك الغنية دي.. يا شفت.. ويا عمر الفاروق, ويا أبو جهينة, ويا يوسف الخال, ويا نعمات... والباقين..

الغنية دي أنا سمعتها عند أربعة فنانين (فقط) من بين الناس دي كللللها...

من نادية البنا, ومن محمد مجذوب, ومن العميري, ومن طه سليمان :)


وبرضو من برنامج بالعود:


أغنية ظبي السلم

هااايل يا هايل:
عارف انا بسمع الود طه ده من ايام ال البيت وتابعت تجربته وشجاعته من الخروج من جلباب الغناء الجماعي ووقتها ال البيت كانوا فاكنها في روحهم (ناس معاذ واولاد النيل )..شوف أسة معاذ وين وطه وين !!!
لو غنا الكبار براهو بيعمل فنان كان معاذ بقا زي جدو ابن البادية الزول الغناااي..
معاذ كان صوته اجمل من طه وقتها في ال البيت بس شوف طه طوور روحو كيف ووصل وين ..
انا ما حا انكر إنو طه زودها شوية في قصة الهابط دي وفي فترة قرر إنو يثبت روحو إنو مروج الهابط الأول في السودان وبدا يفكر في كل ظهور لازم يفاجئ المستمع بي جدعة هابطة وده انا بعزيهو لي كورجة الجماعة البيحومو معاهو .. بس طه التفت لي روحو سريع وبدا يحصل نفسو والسبب في تقديري حدة النقد اللي واجهها والمحاربة اللي اتحاربها ..

وابشرك يا وليد الود طه قالوا حرييف في الكورة ..
الود ده فيهو فكرة اولاد قلبا ..

يا ود البلال:
أهو هايل الهايل ما قصر ومتع زوار البوست بي تسجيلات لطيفة للود طه..

Quote: أهو هايل الهايل ما قصر ومتع زوار البوست بي تسجيلات لطيفة للود طه..

وما حقيف إنشاء الله طالما في كلام بنستفيد منو كلنا ... وبستفيد منو طه نفسه...

هدية اليوم.. حاجة بسيطة كده...

الفراق التم حول..
كلمات وألحان الشاعر: محمد حسن القسم (محمد ديكور)

<EMBED SRC=http://www.sudanvoice.net/v2/Taha-AlforagAltamma7oaln3oodn.mp3 AUTOSTART=0 LOOP=FALSE WIDTH=145 HEIGHT=55 ALIGN=CENTER><BR></EMBED>

Quote: هااايل يا هايل: عارف انا بسمع الود طه ده من ايام ال البيت وتابعت تجربته وشجاعته من الخروج من جلباب الغناء الجماعي ووقتها ال البيت كانوا فاكنها في روحهم (ناس معاذ واولاد النيل )..شوف أسة معاذ وين وطه وين !!! لو غنا الكبار براهو بيعمل فنان كان معاذ بقا زي جدو ابن البادية الزول الغناااي.. معاذ كان صوته اجمل من طه وقتها في ال البيت بس شوف طه طوور روحو كيف ووصل وين .. انا ما حا انكر إنو طه زودها شوية في قصة الهابط دي وفي فترة قرر إنو يثبت روحو إنو مروج الهابط الأول في السودان وبدا يفكر في كل ظهور لازم يفاجئ المستمع بي جدعة هابطة وده انا بعزيهو لي كورجة الجماعة البيحومو معاهو .. بس طه التفت لي روحو سريع وبدا يحصل نفسو والسبب في تقديري حدة النقد اللي واجهها والمحاربة اللي اتحاربها ..

عمر الفاروق.. الراجل الجميل..

أول حاجة شكرا ليك إنت على متبعتك لموضوعك الجميل ده وردك المتواصل...

أنا بتفق معاك في كلامك بتاع إنو طه طور نفسو بطريقة سريعة, جيدة, وفريدة... طه أنا بفتكر إنو قدر يحجز لنفسو مقعد في الأسامي الكتيييرة الحايمة... والكرسي بتاعو ده حتى لو هو مافيش.. مافي زول تاني حيقعد فيهو... وحيكون مكتوب عليهو (Reserved)...


رايك شنو نجيب الناس دي كلللللللها هنا... ونقعد نتكلم؟؟

الاخ هايل ...وعمر الفاروق ...
بالتاكيد ...تلك السهرة من طه كان لها اثر كبير في الساحة السودانية في اليوم التاني لساعة بثها

كانت حديث اروقة الصحافة ...كنت في زيارة لبعض الصحف كانوا يتحدثون عن طه وجمهور طه التي ضاقت به الارض ولم يجد مراسليهم ليلتها مكان وكتبت لهم عن كثير من التفاصيل ...
سمعت طه كل السهرة على النيل الازرق ..فعلا كان يستحق الكثير من الناس

صوته تطريبي جدا ..
واعماله جديدة بالنسبة لي ومحفوظة للجمهور المتواجد بالمسرح ليلتها
كان منظما في الفرقة ..واللبس والاتوكيت والتناغم بدا واضحا بينه وبين الموسيقين ...
كان مهذبا وخلوقا في وقفته ولبسته وتعابيره ...بالنسبة لي ...
ولا يفوتني :
وانا اجالس ليلتها بعض المسرحين والشعراء بدار المسرحين دار حوار بعد ان سلمنا وغادر الاستاذ طه الى المسرح
حدثني احد الشعراء الكبار عندي بكل جمال عن طه وامكانياته وان تعاملا بينهما وللحق اقول هذه الشهادة من هذا الرجل اعتبرها نهائية بالنسبة لي لثقتي واعجابي به ..واختياره لمن يتعامل معهم ...
وليس من مانع ان يكون طه ضمن زمرة الكبار والمبدعين فهو يمتلك الصوت الطروب وان اجتهد من جيبه للفديو كليب
او تسجيل فهذا وعي كبير يدل على فكره المستنير فالزمن يتطلب ان نسعى للاعلام وان كان على حسابنا
ولي تجارب كثيرة مع كبار الفنانين غير السودانيين يوما كنت اعمل بمديا دبي بشركة انتاج اعلامي
كانوا يدفعوا جميعهم من كل البلاد للشركة لانتاج اعمالهم ويدفعوا للاعلام ليكتب لهم عنها ويروج ...فهذا شي طبيعي
وقد قابلت الكثيرين من السودانيين قاموا بذلك وساعدتهم في الكثير ولا اريد ذكرهم هنا ولكنه شي طبيعي
يزيد من تقديرينا للمطرب طه وله منا كل الامنيات بمزيد من التقدم بالتجويد والجديد والمحافظة وتقبل النقد
ولشروق كل الحب ....

يا هايل :
أوول حاجة خلينا نتفق في موضوع الكرسي ده إنو محمود عبد العزيز ما تبع كرسيك ده ..إتفقنا؟
تمام..إتفقنا ..
خلينا من البوست ده نرعى طه وافكار طه ونبدا في تأسيس خط جديد لي طه فبعد أن إعتلى طه درجات السلم عتبة عتبة عليه الان ألا ينظر للوراء إلا من باب التجويد ومن باب تناسي فكرة من أجل الوصول للشباب لابد من الهابط..
طه وصل خلاص ي هايل..
انا ما ح اقول لي طه وقف الغنا الخفيف وغنا الاعراس نووو..غنا الاعراس والهجيج ده كلنا محتاجين ليهو وما بينفع لو طه جانا وقدم لينا في عرس اغاني جادة وحقت إستماع..

عندي ملاحظة بسيطة في اغنية سائلين عليك وأغنية لو ما بكيتك سنة ..حاسي إنو فكرة اللحن واحدة وممكن تركيب اي واحدة عشان تتغنى محل التانية ..كدي جرب غني أغنية سائلين عليك بي لحن لو ما بكيتك سنة ..حتلاقي الشبه وااضح وباين ..ده ما بيمنع إنو الأغنيتين من أجمل ما تغنى بيهو طه بس عايز أنبهو ما يبدا يلوك فكرة اللحن الواحد لمجرد وجود قبول عند المستمع..

Quote: يا هايل : أوول حاجة خلينا نتفق في موضوع الكرسي ده إنو محمود عبد العزيز ما تبع كرسيك ده ..إتفقنا؟ تمام..إتفقنا .. خلينا من البوست ده نرعى طه وافكار طه ونبدا في تأسيس خط جديد لي طه فبعد أن إعتلى طه درجات السلم عتبة عتبة عليه الان ألا ينظر للوراء إلا من باب التجويد ومن باب تناسي فكرة من أجل الوصول للشباب لابد من الهابط.. طه وصل خلاص ي هايل.. انا ما ح اقول لي طه وقف الغنا الخفيف وغنا الاعراس نووو..غنا الاعراس والهجيج ده كلنا محتاجين ليهو وما بينفع لو طه جانا وقدم لينا في عرس اغاني جادة وحقت إستماع.. عندي ملاحظة بسيطة في اغنية سائلين عليك وأغنية لو ما بكيتك سنة ..حاسي إنو فكرة اللحن واحدة وممكن تركيب اي واحدة عشان تتغنى محل التانية ..كدي جرب غني أغنية سائلين عليك بي لحن لو ما بكيتك سنة ..حتلاقي الشبه وااضح وباين ..ده ما بيمنع إنو الأغنيتين من أجمل ما تغنى بيهو طه بس عايز أنبهو ما يبدا يلوك فكرة اللحن الواحد لمجرد وجود قبول عند المستمع..

العزيز عمر...

خلينا أجكي ليك ده:

قبل كده في لقاء في قناة النيل الأزرق مع طه... فبتذكر إنو المذيع سألو قال ليهو: إنت يا طه شايفك بتغني أغاني محمود عبد العزيز (طه تغنى لمحمود بأغنية عمري, وواحدة ولا إتنين تاني) المهم: قال ليهو.. إنت داير توصل للناس شنو بالظبط؟؟ إنو إنت داير توري الناس إنو إنت بتغني أحسن من محمود؟؟؟ ولا بتغني أغانيهو أحسن منو ولا الفهم شنو؟؟؟

عاين معاي للرد:

طه في ثواني قال ليهو: أنا ما بغني غنا محمود عبد العزيز ليس لهذا ولا لذاك. أنا بغني لمحمود لحبي لمحمود.. وداير أقول للناس إنو أنا معجب جدا بمحمود لدرجة إني حابي أغني غناهو كمان....

إذا يا عمر: طه نفسو... متفق معانا :-) ولا شنو؟؟ :)

والله دي فكرة طيبة جدا بتاعت رعاية أفكار طه من هذا البوست.. ويا ريت الناس كلها تشارك عشان على الأقل نطلع من طه بي فنان يرضي جميع.. واكرر جميع الأذواق.... وإيدي على إيدك...

نجي لي سائلين عليك.. وبكيتك سنة..

أهتم جدا بالحقوق الأدبية والفنية للشاعر والملحن وإنو نحن لازم نعرفهم عشان نديهم حقهم...
على حد علمي.. سائلين عليك من ألحان مجاهد سيمت عازف الباص جيتار بفرقة طه.. وملحن العديد من أغاني طه بدأً من أغنية عايز اعيش (الفيديو كليب الأول).. وأغنية بكيتك سنة هي من ألحان كاتبها نفسه وهو أمجد حمزة..

المركب العام قد يكون واحد.. وده يمكن لقافية القصيدتين المتقاربة.. والذي يسهل تركيب كلا اللحنين فيهما.... (نظرية زول ما بعرف موسيقى) :)


يلا ورح...

Quote: خلينا من البوست ده نرعى طه وافكار طه ونبدا في تأسيس خط جديد لي طه فبعد أن إعتلى طه درجات السلم عتبة عتبة عليه الان ألا ينظر للوراء إلا من باب التجويد ومن باب تناسي فكرة من أجل الوصول للشباب لابد من الهابط..

علي... وينك يا صديق؟ مش بينا إتفاق؟

Quote: الاخ هايل ...وعمر الفاروق ... بالتاكيد ...تلك السهرة من طه كان لها اثر كبير في الساحة السودانية في اليوم التاني لساعة بثها كانت حديث اروقة الصحافة ...كنت في زيارة لبعض الصحف كانوا يتحدثون عن طه وجمهور طه التي ضاقت به الارض ولم يجد مراسليهم ليلتها مكان وكتبت لهم عن كثير من التفاصيل ... سمعت طه كل السهرة على النيل الازرق ..فعلا كان يستحق الكثير من الناس صوته تطريبي جدا .. واعماله جديدة بالنسبة لي ومحفوظة للجمهور المتواجد بالمسرح ليلتها كان منظما في الفرقة ..واللبس والاتوكيت والتناغم بدا واضحا بينه وبين الموسيقين ... كان مهذبا وخلوقا في وقفته ولبسته وتعابيره ...بالنسبة لي ... ولا يفوتني : وانا اجالس ليلتها بعض المسرحين والشعراء بدار المسرحين دار حوار بعد ان سلمنا وغادر الاستاذ طه الى المسرح حدثني احد الشعراء الكبار عندي بكل جمال عن طه وامكانياته وان تعاملا بينهما وللحق اقول هذه الشهادة من هذا الرجل اعتبرها نهائية بالنسبة لي لثقتي واعجابي به ..واختياره لمن يتعامل معهم ... وليس من مانع ان يكون طه ضمن زمرة الكبار والمبدعين فهو يمتلك الصوت الطروب وان اجتهد من جيبه للفديو كليب او تسجيل فهذا وعي كبير يدل على فكره المستنير فالزمن يتطلب ان نسعى للاعلام وان كان على حسابنا ولي تجارب كثيرة مع كبار الفنانين غير السودانيين يوما كنت اعمل بمديا دبي بشركة انتاج اعلامي كانوا يدفعوا جميعهم من كل البلاد للشركة لانتاج اعمالهم ويدفعوا للاعلام ليكتب لهم عنها ويروج ...فهذا شي طبيعي وقد قابلت الكثيرين من السودانيين قاموا بذلك وساعدتهم في الكثير ولا اريد ذكرهم هنا ولكنه شي طبيعي يزيد من تقديرينا للمطرب طه وله منا كل الامنيات بمزيد من التقدم بالتجويد والجديد والمحافظة وتقبل النقد ولشروق كل الحب ....

الأستاذة نعمات..

تشكراتي على مشاركاتك الجميلة والبناءة في هذه التجربة... تجربة طه سليمان...

كلامك كلو جميل.. وأنا واحد من الناس البتسمع طه من سنين طويلة... وعارف الإنتقادات التي وجهت له كلها... وبشوفو بعديها بعمل شنو.. فبلقاهو أول حاجة بيستمع لأي إنتقاد مهما كان.. وما برد,, إلا بأعماله. وليس بلسانه.. ودي حاجة مفروض الناس كلها تعمل بيها.... لأنو في النهاية,, الرد بالفعل.. وليس بالكلام...

طه نفسو.. لمن مشى ودفع وعمل تجربتين للفيديو كليب... لم يكن يرجى ريعا ماديا.. بقدر ما كان يريد أن ينتشر بأغنيتنا السودانية السمحة على المستوى العربي.. وينافي (على حد قوله في مؤتمر صحفي .. والصحف)..

لهذا الإجتهاد اتابع أخباره... وأسمعه بشغف.

شاطر - كالعادة - يا كبر.

ميين علي ده يا هايل..:)
أي نعم كلهم صحابة واسماء ثلاثية وبتبدا بحرف ال (ع) بس مش للدرجااا دي يعني :)
أسة يجيك خدر ويقول ليك لا تكتبو في بوستات الفن عشان الحاجات تبقى كويسة ..
فخلينا يا مان لحدي ما جريدة الدار دي تلقا ليها خبر جديد والموجة تتحول بعد داك نجي نشوف اخونا طه ده حنكو شي ..
ولا شنو ؟
سمـــــــــك ..
تخريمة :
ياخ إسمك ده بيذكرني بي مسلسلات الأطفال الكرتونية ..كان في واحدة صوتا لذيييذ إسمها إيمان هايل :)

لا حولاااا... :)

عمر.. عمر... وعمر زاتو اها كيف ليك؟ :)
خلينا نلملم الأفكار هنا...

إيمان هايل دي... بتي (بإعتبار حاجات كده) :)

عمر كيفنك ياخي
ما عارف.. طه دة من ((قنبلة)) ديك مخي اباهو
حضرت السهرة دي وحاولت اتجرد من ((قنبلة وأخواتها)) ما قدرت
بس مقتنع انه هو زول مجتهد