Post: #1
Title: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 09:50 AM
عوجات كهي..!!
والجموع القابضة علي جمرة تاييد ا(حكومة بني كوز المتهتكة) احسبها (تريد) رقيص الرئيس...!!
ويا سبحان الله..او كما قال شيخي ابو ضفيرة ذات يوم يوم قديم..!!!
الرئيس في مفهوم الدولة ومهما كانت هي عليه ان يدير شوون البلاد والعباد ويراعي كل المواطنين بمستوي اهتمام واحد
وينشر التنمية والتطوير في نواحي الدولة..!!
ولكن في سودان اليوم وبوجود (زمرة) من الطبالة والطنبارة ومكسري الثلوج للدكتاتوريات يبدو جليا ان بني كوز ومن لف لفهم عاجبهم (العجب والرقيص الرئاسي في رجب) وبعدها فلتحرق روما...
وسنعود.....!!
|
Post: #2
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 09:53 AM
Parent: #1
الرقيص في في فقه الدولة الاسلامية التي تتذرع بها الانقاذ جورا وبهتانا قرات فيما قرات افادات لواحد من عتاة العمل الفتووي في سماء الانقاذ حينما جدع له هذا الامر كسؤال في التمنيات... وكان المضحك المبكي هو كسره لملف طوووووووويل من هذه الجزئية واتي بكلام اقل ما يوصف به بانه خارم بارم ودخول حمدي ثم خروج خوجلابي...!!!!
|
Post: #3
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 09:57 AM
Parent: #2
قال: بن علي وحسني مبارك شالوهم وفضل البشير في السكة
قال الاخر: يا زول كل شي الا البشير ده
قال: لييييييييييييه...؟؟
قال الاخر: لانو رقااااااااااااااااااااص
|
Post: #4
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 10:04 AM
Parent: #3
مطبلاتية النظام (في المدن والفيافي) اصبح التفاخر والبوبار فيما بين مدنهم
حول الحركية و جودة الرقص في رقصات البشير...!!! فقد تسمع مطبلا من نواحي القضارف يفاخر اخر من نواحي الدمازين
بان البشير عندما زارهم رقص بمزاااااج وانفعال قاصد
|
Post: #5
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 10:10 AM
Parent: #4
قيل في الاخبار بان البشير بكي وانتحب وسال من عينه الدمع الثخين
عندما (علم) ولاحظ عزيزي القاري لعلم دي... علم بان هنالك فساد مفسدين في جوقة انقاذ التي ساق كورتها عشرين سنة ونيف
وعندما وصل بها الي (خطة ستة) اكتشف بان الفتية الذين امنو بربهم يضربون هذا الشعب كرباويا وبكل عين قوية وسن ملوية..!!
عشرين سنة رقيص وكرو كرو في راسنا وفي النهاية تبكي يا ريس...عاد ده كلام يا الدود النتر...!!!
فعشان كده ياريس انسي الفساد والمفسدين وارقص رقيص سااااااااكت
فالكوز يريد ترقيص الرئيس
|
Post: #6
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 10:19 AM
Parent: #5
الريس في رقصه وارقاصه خطف الاضواء حتي من الراقصين التاريخين في الفيافي والمدن
مثل الجبرة (عليه الرحمة) في نواحي الدويم وزنقلة وزنقوما في نواحي الحلة جديدة مدني
وحسن بريك في نواحي ما وراء سنجة...!!
وتحولت جلسات الجبنات النسائية في الكراكير للحديث عن (رقصة البشير) امس في نيالا
او اول امس في الكاملين او رقصتو في القضارف .. كددددددي يا اتي...!!!
فهمش الكارزمين الذين يمتعون الجماهير في الحفلات الدكاكنية وتموج التهميش الانقاذي وانتشر في مناحي عدة
هبش الراقصين من الفقراء والفقيرات
وسنتابع
|
Post: #7
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبد الناصر الخطيب
Date: 02-20-2011, 10:22 AM
Parent: #5
كيكي التفكيكي
سلام يا هندسة
ماظن الطبال مهما إجتهد يقدر يزين ولا يجمل وأقع الناس البعيشوهوا
بصورة يومية ولا مهما كانت درجة التطبيل وبراعتوا تنسي الناس واقعهم المؤلم
ليرقص الرئيس وليجتهد المطبلين ما شاؤ , لابد من مزبلة التاريخ وإن طال السفر
----------------------------------------
وهل يصّلح الطبال ما افسد الدهر
|
Post: #8
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالأله زمراوي
Date: 02-20-2011, 10:26 AM
Parent: #7
Quote: رقص الرئيس عمر البشير
لقد ذكر فضيلة الدكتور عبد الحي يوسف بأن الرقص حرام علي أصوات الموسيقي؛ فما حكم أن يرقص السيد الرئيس عمر البشير علي الملأ في المناسبات العامة ويهز بعصاه؟ مجرد سؤال والله من وراء القصد
الحمد لله رب العالمين، والصلاة والسلام على أشرف المرسلين، وعلى آله وصحبه أجمعين، وبعد.
فلا أرى لسؤالك وجهاً ـ أيها السائل ـ إذ ليس من العلم أن يقول المفتي: هذا حرام. فتقول له: فما حكم فلان الذي يتعاطاه؟ إذ المعلوم أن المفتي قد برئت ساحته إذا قال: هذا حلال وهذا حرام، وليس مطلوباً منه إسقاط الحكم على الأشخاص؛ إذ كان من هدي رسول الله صلى الله عليه وسلم أنه يقول: {ما بال أقوام يفعلون كذا وكذا} دون أن ينص على شخص بعينه؛ رغم علمه بأن الفاعل هو فلان، وإني أعيد لك في هذا المقام ما ذكرته من قبل في شأن الرقص للرجال فانتبه؛ أقول: إن الرقص من رذائل الأعمال التي يقبح بالرجل العاقل الوقوع فيها أو التظاهر بها، وهو من الخصال التي لا تليق إلا بالنساء، أما الرجل فواجب عليه التنزه عنها والترفع عن الوقوع فيها. وقد اتفقت كلمة العلماء على ذلك، ففي تفسير قوله تعالى في سورة الإسراء ( ولا تمش في الأرض مرحا) قال القرطبي رحمه الله تعالى: استدل العلماء بهذه الآية على ذم الرقص وتعاطيه.أ.هـ واستدل بالآية نفسها الإمام أبو الوفاء بن عقيل رحمه الله فقال: قد نص القرآن على النهي عن الرقص فقال (ولا تمش في الأرض مرحا) وذم المختال، والراقص أشد، والمرح: الفرح. أَوَلَسْنَا قسنا النبيذ على الخمر لاتفاقهما في الطرب والسكر فما بالنا لا نقيس القضيب وتلحين الشعر معه على الطنبور والطبل لاجتماعهما؟ فما أقبح ذا لحية سيما إذا كان ذا شيبة يرقص ويصفق على توقيع الألحان والقضبان خصوصاً إذا كانت أصوات نسوان وولدان، وهل يحسن لمن بين يديه الموت والسؤال والحشر والصراط، ثم مآله إلى إحدى الدارين يَشْمُسُ بالرقص شموس البهائم، ويصفق تصفيق النسوة؟.وقال أيضاً: والله ما رقص قط عاقل، ولا تعرض للطرب فاضل، ولا صغى إلى تلحين الشعر إلا بطر، أليس بيننا القرآن؟أ.هـ ونقل ابن حجر الهيتمي في الزواجر عن العز بن عبد السلام رحمه الله تعالى قوله: الرقص بدعة ولا يتعاطاه إلا ناقص العقل فلا يصلح إلا للنساء أ.هـ وقال ابن الحاج المالكي رحمه الله في كتاب المدخل: أما الدف والرقص بالرِّجل وكشف الرأس وتخريق الثياب فلا يخفى على ذي لب أنه لعب ######ف ونبذ للمروءة والوقار ولما كان عليه الأنبياء والصالحون.أ.هـ بل ذهب بعضهم إلى ردِّ شهادة من يتعاطى الرقص، قال أبو الفرج بن الجوزي رحمه الله: وقد قال القفال من أصحابنا: لا تقبل شهادة المغني والرقاص.أ.هـ
|
المصدر
http://www.meshkat.net/index.php/mes...102542/content
|
Post: #9
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 10:29 AM
Parent: #7
| Quote: وهل يصّلح الطبال ما افسد الدهر |
وقيل ايضا يا عبد الناصر
يموت الطبال ورئيسه يرقص
وتحياتي يا عبدالناصر..!!
وهذا الرقص الرئاسي الذي امتد عشرون وسنة ونيف يضخ سؤال اساسي
هل سيرضي المطبلون برئيس اخر في ظل الانقاذ لا يجيد الرقيس...!!
اعتقد جازما بان وجود البشير علي راس هولا القوم طيلة هذه المدة هي عدم وجود (اخر) له مقدرات راقصة
لاني بصراحة عمر البشير ده غير رقيصو الاشتر ده شايفو ماعندو حاجة بتعريفة
-------------
كلو يا صديقي الي زوال وستكون حتما رقصته الاخيرة في زنازين لاهاي
|
Post: #12
Title: Re: الكوز يريد رقيص الرئيس.....الكوز يريد رقيص الرئيس....!!!
Author: أمير فتحي
Date: 02-20-2011, 10:39 AM
Parent: #5
غايتو أنا شفتا البشير بيعرض ...لكين رقص وين ياعبدو ؟
نفسي أشوفو بيرقص ...كووول مي هوين هي دانص بليز
|
Post: #10
Title: Re: الكوز يريد رقيص الرئيس.....الكوز يريد رقيص الرئيس....!!!
Author: أيوب خليل
Date: 02-20-2011, 10:30 AM
Parent: #3
إنجازات الإنقاذ بقيادة فخامة الرئيس عمر حسن احمد البشير جعلت السودان على قمة هرم استهداف استعماري جديد فهذه الإنجازات عبرت عن طموح الشعب السوداني وزيادة ...
جاييكم الرقيص الجد جد بس شدو الأحزمة
|
Post: #11
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 10:37 AM
Parent: #10
| Quote: لقد ذكر فضيلة الدكتور عبد الحي يوسف بأن الرقص حرام علي أصوات الموسيقي؛ |
هلا يا زمراوي
وايوووه ياهو ده الانا قاصدو زاااااتو
فضيلي مولانا (عبد الحي يوسف) او اي كان اسمه
احرف جزار في نواحي (حي مايو) في اطراف الخرطوم لن يستطيع ان يطلع من كلامه اعلاه فتوي شرعية
الراجل متعني بالدهشة وطلعات علماء السلاطين الجوووية
وتحياتي
|
Post: #13
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 10:42 AM
Parent: #11
Quote: جاييكم الرقيص الجد جد بس شدو الأحزمة
|
هلا يا ايوب
رقيص اكثر من كده ياهو بشيركم ده خاتي (شاكيرا) كنببببببب
وسنتوجه الراقص العالمي الاول بدون منافس...!!
-------------------------------------------
وبعدين يا ايوب بدل تتوعدني بمزيد من الرقيص
امشي قشقش دموع الريس التي سالت كالمطر في احدي المساجد في نواحي الخرطوم
|
Post: #15
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 10:49 AM
Parent: #13
Quote: غايتو أنا شفتا البشير بيعرض ...لكين رقص وين ياعبدو ؟
نفسي أشوفو بيرقص ...كووول مي هوين هي دانص بليز |
هلا ياامير
يعني تقصد اني مفروض اكتب عنواني علي شاكلة
(الكوز يريد تعرررريض الرئيس)...!!
انا اعتقد بان اي (هزهزة) علي ايقاع لحني..واي حركة او بركة حتي لو كانت (ملي متر) من احداثيات تواجدك في حالة كون هناك موسيقي او ايقاع فهو (رقيص)
وبالمناسبة البشير ومن فترة طويلة هو راقصي المفضل كونه يمنحنا الدهشة والتامل والفرجة لنوع جديد من الرقيص احسبه يسمي
(الرقيص علي جثث الموتي والفقراء والجوعي)
وتحياتي
|
Post: #14
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبد الناصر الخطيب
Date: 02-20-2011, 10:43 AM
Parent: #10
تابعته دي ياكيكي
تطبيله على السريع كلها فن وإبداع
Quote: إنجازات الإنقاذ بقيادة فخامة الرئيس عمر حسن احمد البشير جعلت السودان على قمة هرم استهداف استعماري جديد فهذه الإنجازات عبرت عن طموح الشعب السوداني وزيادة ... جاييكم الرقيص الجد جد بس شدو الأحزمة
|
شعب يستاهل الشنق حققوا لى طموحوا وزيادة وبعد ده بقل في أدبوا
صاحب المداخلة
بامتياز عوز يقنعنا أنو طموحات الشعب أتحققت وزعل الناس ده قلت أدب منهم ساي
وزيادة في الخير بهددهم جيكم الرقيص الجد جد
الجد جد الاختشو ماتو
------------------------------------
وهل يصّلح الطبال ما أفسد الدهر
|
Post: #16
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 10:56 AM
Parent: #14
Quote: بامتياز عوز يقنعنا أنو طموحات الشعب أتحققت وزعل الناس ده قلت أدب منهم ساي
وزيادة في الخير بهددهم جيكم الرقيص الجد جد
الجد جد الاختشو ماتو
|
هلا يا عبدالناصر
واخونا الطبال ايوب (اعلاه) حالة غريبة وعجيبة من التطبيل الراقص
الشي لا تفرزو تنويم مغناطسي
ولا تفرزو (عنكبة ) وقوة راس وحقاااااارات لهذا الشعب الفضل
وكان عندهم سودان (سري) يتواجد في الارض السودانية شايفنو الناس ديل ونحن من اثر العمالة للامبريالية والصهيونية العالمية
والاستكبار الدولي ما حصل لينا شرف شفوتو..
غايتو الله يكون في عووون المطبلين فرياح الهبباي الجاية دي ما عارفها حتعمل معاهم شنوووووو..؟؟؟
|
Post: #17
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 11:06 AM
Parent: #16
حاولت جاهدا في التامل في التاريخ الرئاسي الراقص لعمر البشير ولانو المدة طالت (عشرين سنة ونيف)
وقلت يا ربي البشير ده من اول يوم جانا كان برقص
ولا حصلت تحولات (جيوهاشمية) في فترة زمنية انقاذية محددة وبعدها صار الريس راقصا نحريرا..
نحتاج لدفرة توثيقية تفيدنا عن اول لقاء قرر فيه البشير الرقيص بعد مخاطبة الشعب الفضل..!!
|
Post: #18
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبد الناصر الخطيب
Date: 02-20-2011, 11:12 AM
Parent: #16
Quote: هلا يا عبدالناصر
واخونا الطبال ايوب (اعلاه) حالة غريبة وعجيبة من التطبيل الراقص
الشي لا تفرزو تنويم مغناطسي
ولا تفرزو (عنكبة ) وقوة راس وحقاااااارات لهذا الشعب الفضل
وكان عندهم سودان (سري) يتواجد في الارض السودانية شايفنو الناس ديل ونحن من اثر العمالة للامبريالية والصهيونية العالمية
والاستكبار الدولي ما حصل لينا شرف شفوتو..
غايتو الله يكون في عووون المطبلين فرياح الهبباي الجاية دي ما عارفها حتعمل معاهم شنوووووو..؟؟؟ |
كيكي نحنه عملاء للامبرالية العالمية والصهيونية
ناس ما عندنا أي موضوع قاعدين بره السودان وضاربين الكندشة
وامريكا ودول الاستكبار بترسل لينا الدولارات والدجاج الكنتكي بـ DHL
بالجد ما عندنا غير كيبورتاتنا المزعلة الرئيس الصالح محقق طموح الشعب
ومخلية الجماعة يجتهدو يجاهدو فينا بي كيبورتاتهم شوية
مداخلة زي الفوق دي في بوستك المغرض ده تدخل صاحبه الجنه
----------
لو جينا للجد الزول الما بحس بتعب غيرو مشكلة بتخصوا أنو بلا ضمير
وماظن الحاصل للناس خافي على أى سوداني الهم يكون ما لى صلة بالسودان
الناس تعبت وأبسط مقومات الحياة الكريمه أنعدمت في البلد الممكن الفاسدين والمتنفذين فيهوا
دي اخر حاجة ممكن يفكروا فيها ,
فصعب الناس تتكلم عن طموح للشعب أتحقق ياريت في الاول يتحقق لي أبسط مقومات الحياة والمعاش
ناهيك عن الطموح يا هندسة في بلدنا نظام فاسد حيمش لنهايتو , أبسط الايمان لو الناس بعيدة
ما تحاول تجمل قبح النظام الحته بتبقي بالجد شينة عاملة زي تلقي الناس في النار تزيدهم حطب
أخونا ده عارف الحاصل للناس وبرضوا بزيد فيهم حطب
____________________________________________
وهل يًصلح الطبال ما افسد الدهر
|
Post: #20
Title: Re: الكوز يريد رقيص الرئيس.....الكوز يريد رقيص الرئيس....!!!
Author: ود الباوقة
Date: 02-20-2011, 11:29 AM
Parent: #18
هييييييييييييييع
صوقر يا البشير
اليوم يومك
كع
|
Post: #21
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 11:29 AM
Parent: #18
Quote: أخونا ده عارف الحاصل للناس وبرضوا بزيد فيهم حطب
|
ده الامر البحير تماما في حالة الاخوة والاخوات المطبلين والمطبلات ديل..!!
تلقي الواحد فيهم عينو طالعة (وحق تمباكو) في تلتلة وفي اول (قومة) تلقاهو قايم صوف وهاتف (سير سير يا البشير)
اعتقد يا عبدالناصر الامر في جوهره مربوط تماما وكما قلت انت بالوعي الانساني والاحساس بالاخر
ومربوط في جزئية منه بالوعي بحقوق الانسان في وطنه
بجانب تنامي الوعي الانتهازي واقتصاد السبهلل وممكن ان تضيف جانب السادية كجزئية نفسية في هولا القوم الذين يدفرون قطار الظلم والقتل
ويدافعون عنه بكل حماس...
وكان الله في عون وطن تكاثر فيه المطبلين والمطبلات..!!
|
Post: #41
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عثمان جلال الدين
Date: 02-20-2011, 02:47 PM
Parent: #21
شكراً يامرجف .. فقد هذبت وحللت المطبلين والمطبلات والراقص وخليتهم في السهله..
يا دوت كوم ... المطبلين مابين من قبض قبيضه ويحمد في سيده ومتعشم في القبض ..
سلاااام يا وريف
|
Post: #19
Title: Re: الكوز يريد رقيص الرئيس.....الكوز يريد رقيص الرئيس....!!!
Author: أمير فتحي
Date: 02-20-2011, 11:25 AM
Parent: #16
هلا ياكيكي الذي أتكيف لكتاباته
ولكنني اليوم أتهمه بالاستلاب الفكري والثقافي والعروبي وهلمجرا ...قلي كيف ؟
أهلنا البعرفو الخوجيل والصقريه وعرضات الباديه التراثيه ...أرى مابين رموش عينيهم إعجابا وأيما إعجاب وقومة نفس ...بما يفعله البشير ...وهم يصححون له هذا الإبداع
نجي للحته بتاعة الإستلاب دي ...أول ناس خرجو علينا بتسمية هذا الابداع بما سميت هم المصاريا ومن لف لفهم وهم يرون عرضتنا (رقيصا) و(هز وسط ) ...
شفتا مدى الاستلاب الذي أنتا واقع فيه ...كمان المصاريا ...معقوله أيها الكاتب النحرير
|
Post: #22
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 11:33 AM
Parent: #19
Quote: هييييييييييييييع
صوقر يا البشير
اليوم يومك
|
هلا يا باوقة
وحبابك ايها المطبل الاسفيري الاعظم
وفعلا الايام دي ايام البشير فالهبباي ضارب نواحي (بنغازي)
وجمعة جمعتين كده سيكون في (مقرن النيلين)... ويا سبحان الله
|
Post: #27
Title: Re: الكوز يريد رقيص الرئيس.....الكوز يريد رقيص الرئيس....!!!
Author: ود الباوقة
Date: 02-20-2011, 11:58 AM
Parent: #23
كع
ككع
|
Post: #24
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 11:44 AM
Parent: #22
Quote: أهلنا البعرفو الخوجيل والصقريه وعرضات الباديه التراثيه ...أرى مابين رموش عينيهم إعجابا وأيما إعجاب وقومة نفس ...بما يفعله البشير ...وهم يصححون له هذا الإبداع
|
هلا يا امير
وشكرا اولا علي كلامك الطيب ..
وثانيا ياخي ان اليومين دي شاحد الله وشيخي شكر الله يحصل لي استلاب (مصري) وباشبزغي كمان( جوووه عيون بشاشا)
ولو لقيت لي استلاب تونسي واخر ليبي ويمني مطرف كده ..برضو زيادة خير ونعمة استلابية ما بطالة مع اخوك..!!
وياخي حكاية انو اهلك بس البتكيفو من رقيص البشير دي زاااتها فيها نقة وفيها جهوية راقصة بغيضة يجسدها عمر البشير ده..
لانو زولكم ده طالما هو رئيس السودان او كما يدعي
فخليهو يرقص مردوم
ويرقص في السابق رقيص دينكا
وهو وجوقته الرئاسية يقدمو لينا فاصل من (كورال الفور)... هلمجرا جرا من رقصات كل اهل السودان..!!
فحتي في الرقيص ظالمين البشرية السودانية المترعة بالتنوع الرقيصي يا امير
ده كلام شنووو ده ايها الامير
وتحياتي
|
Post: #25
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 11:50 AM
Parent: #24
| Quote: شمهروش. يبلغكم تحياته ويحذركم من الجري وراء الفارغة والمقدودة .... |
شمهروش ده يا ود الباوقة ما تدعكو بمهام كثيرة زي ده..
خلوهو لقدام بنفعكم وممكن يشوش ليكم قناة الجزيرة
|
Post: #26
Title: Re: الكوز يريد رقيص الرئيس.....الكوز يريد رقيص الرئيس....!!!
Author: خضر عبدالغفور
Date: 02-20-2011, 11:54 AM
Parent: #24
سلام كيكي
|
Post: #29
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 11:59 AM
Parent: #26
هلا يا خضر
وتشكر علي صورة راقصي المفضل
|
Post: #28
Title: Re: الكوز يريد رقيص الرئيس.....الكوز يريد رقيص الرئيس....!!!
Author: خالد أحمد شطة
Date: 02-20-2011, 11:59 AM
Parent: #24
الاخ عبدالكريم
سلام يارجل
في الغره عام 2001 وصلنا الرقاصة مع جمع من الارزقية بمدينة أبوقبة فحل الديوم
للأفتتاح ماء حوض بارا لتقزية شبكة مياه ابوقبة واسناء الهرج والمرج من الارزقية
قام فكاهة ابوقبة الاستاذ / عبدالله الحيوان وهتف بأعلا صوطه ياناس رقصو لينا زولكم دا خلونا نمشي أهلنا
والله ماتمي رقصتوا الموية رجعة بارا ليومنا هذا ماجات بس نهب فلوس أهلنا الغبش بشركة المتعافي المقاول الرئيسي للمشروع...
الرقيص عندهم عادي الاوباش ؟؟؟؟؟
لك الود
شــــــطة
|
Post: #30
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 12:03 PM
Parent: #28
Quote: قام فكاهة ابوقبة الاستاذ / عبدالله الحيوان وهتف بأعلا صوطه ياناس رقصو لينا زولكم دا خلونا نمشي أهلنا
والله ماتمي رقصتوا الموية رجعة بارا ليومنا هذا ماجات بس نهب فلوس أهلنا الغبش بشركة المتعافي المقاول الرئيسي للمشروع...
|
هلا يا شطة
واصلا البشير ده زمان كان بجي اللقاء الجماهيري ده بعمل حاجتين
1- بحلف بالطلاق
2- وبرقص
وحسع بقي يجي اللقاء وبعمل ايضا حاجتين
1-يتوعد اهالي الفيس بوك
2- وبرقص
ثم يذهب ويخلي الجماهير للمرقود والقمل وللخشم الملح الملح
وتحياتي
|
Post: #31
Title: Re: الكوز يريد رقيص الرئيس.....الكوز يريد رقيص الرئيس....!!!
Author: ASHRAF ABUELHASSAN
Date: 02-20-2011, 12:20 PM
Parent: #30
الفاضل عبد الكريم
تحية وإجلال
المأساة الحقيقية انو في ناس مغيبين تماماً
الواحد يجي شايل ليهو كلام ايمكن ما فاهموا ذاتو هو شنو ؟؟؟!!
ده غير التهديد والوعيد والدبابين وما ادراك ما الدبابين
قال اسود الغابة قال ؟؟؟؟ والآخر شابكنا كع ككع
وياناصر
سلام يا صاحبي وسلم كيبورتك يا عميل للامبرالية العالمية والصهيونية
ويامرطب
Quote: لو جينا للجد الزول الما بحس بتعب غيرو مشكلة بتخصوا أنو بلا ضمير
وماظن الحاصل للناس خافي على أى سوداني الهم يكون ما لى صلة بالسودان
الناس تعبت وأبسط مقومات الحياة الكريمه أنعدمت في البلد الممكن الفاسدين والمتنفذين فيهوا
دي اخر حاجة ممكن يفكروا فيها ,
فصعب الناس تتكلم عن طموح للشعب أتحقق ياريت في الاول يتحقق لي أبسط مقومات الحياة والمعاش
ناهيك عن الطموح يا هندسة في بلدنا نظام فاسد حيمش لنهايتو , أبسط الايمان لو الناس بعيدة
ما تحاول تجمل قبح النظام الحته بتبقي بالجد شينة عاملة زي تلقي الناس في النار تزيدهم حطب
أخونا ده عارف الحاصل للناس وبرضوا بزيد فيهم حطب |
|
Post: #32
Title: Re: الكوز يريد رقيص الرئيس.....الكوز يريد رقيص الرئيس....!!!
Author: خالد أحمد شطة
Date: 02-20-2011, 12:25 PM
Parent: #30
Quote: وحسع بقي يجي اللقاء وبعمل ايضا حاجتين
1-يتوعد اهالي الفيس بوك
2- وبرقص
|
ياحبيب الفس بوك طير بني علي
والدكتاتور حسني البارك
واليوم هذا عرش الطاقية غذافي
ومززل أركان نظام الانغاذ
والله مهما توعد سوف يهرب من السودان
بس أوكامبو سالي سيفو وأخيراً بحاول يقايط بأبيي
في مفاوضات سرية
احسن يكتر من الرقيس قبال تطير طيارتم الأرزقية
لك الود
شـــــطة
|
Post: #34
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 01:21 PM
Parent: #32
Quote: المأساة الحقيقية انو في ناس مغيبين تماماً
الواحد يجي شايل ليهو كلام ايمكن ما فاهموا ذاتو هو شنو ؟؟؟!!
ده غير التهديد والوعيد والدبابين وما ادراك ما الدبابين
قال اسود الغابة قال ؟؟؟؟ والآخر شابكنا كع ككع |
هلا يا اشرف وتحياتي وتقديري..
نعم تغييب وتنويم اسطوري واوعية لا تسمع الا صوتها وصوت النظام الذي يستمد وجوده
من سطوة وتجذر هذا التسطيح والتنويم في عقول المطبلين ديل..
وعشان كده ما بكون عندهم شي كثير عشان يضفيهو للدفاع عن النظام غير
العييييك عااااك والغوغائية الاسطورية دي
|
Post: #33
Title: Re: الكوز يريد رقيص الرئيس.....الكوز يريد رقيص الرئيس....!!!
Author: Nazar Yousif
Date: 02-20-2011, 01:19 PM
Parent: #10
ياهندسة أسمح لى اسال
ايوب خليل عن الدبابين ..
هل الدبابين قدموا حياتهم من أجل
الرقيص عن أنغام فصل الجنوب "أرض الجهاد" ؟
Quote: إنجازات الإنقاذ بقيادة فخامة الرئيس عمر
حسن احمد البشير جعلت السودان على قمة هرم استهداف
استعماري جديد فهذه الإنجازات عبرت عن طموح الشعب
السوداني وزيادة ...
جاييكم الرقيص الجد جد بس شدو الأحزمة
|
|
Post: #35
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 01:26 PM
Parent: #33
Quote: بس أوكامبو سالي سيفو وأخيراً بحاول يقايط بأبيي
في مفاوضات سرية
|
هلا يا احمد
ديل مستعدين يسمسروا بالوطن كلو من اجل مصالحهم ومن اجل كرسيهم ده
وابيي خلاااص انتهو من السمسرة فيها في امر نيفاشا واراهم الان فارشناها في سوق اوكمابو
ولكن اوكامبو والجنائية ده رقيص ماعندهم ليهو رقبة
فلاهاي هي النقطة الاخيرة ومهما طال الرقيص
|
Post: #36
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 01:31 PM
Parent: #35
Quote: هل الدبابين قدموا حياتهم من أجل
الرقيص عن أنغام فصل الجنوب "أرض الجهاد" ؟ |
هلا يا نزار
وسؤال وجيه ومنطقي ونتمني ان يجاوب الاخ الدباب ايوب
ويدينا لكشر عن فقه الرقيص عند الدباب ما بعد الانفصال
وتحياتي
|
Post: #37
Title: Re: الكوز يريد رقيص الرئيس.....الكوز يريد رقيص الرئيس....!!!
Author: احمد الامين احمد
Date: 02-20-2011, 01:33 PM
Parent: #35
| Quote: وتشكر علي صورة راقصي المفضل |
انا متخيل كنت راقصك المفضل الزول بتاع امبارح لمن كنا راجعين من محل العشا
|
Post: #38
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 01:36 PM
Parent: #37
| Quote: انا متخيل كنت راقصك المفضل الزول بتاع امبارح لمن كنا راجعين من محل العشا |
الزول داك يا احمد انا ماشفتو لسسع وهو برقص
ورغم الافادات من شهود عيان(وانت اولهم) بانه رقاااااص شديد الا حتي رويتي له عيانا بيانا
سيكون البشير هو البرنجي بتاعي
|
Post: #39
Title: Re: الكوز يريد رقيص الرئيس.....الكوز يريد رقيص الرئيس....!!!
Author: مها عبد الله
Date: 02-20-2011, 01:59 PM
Parent: #38
سلامي وتحياتي كيكي لك وللأسرة الكريمة
سعادة المشير الراقص فضح شعبه في كل بقاع العالم برقيصه هذا ، عندما أشاهد هذا المعتوه وهو يتراقص وينقز أشعر بالإشمئزاز وأول كلمه أتفوه بها ( الله يفضحك ذي ما فضحتنا ) بالجد يا كيكي الراجل دا مسخره بمعني الكلمة .
نوعية ود الباوقه وأيوب الخاتي صورة الدبابين أسود الغابه ديل ( المطبالاتيه البتشيلهم الهاشمية ) هتافات سير سير يا بشير عرفنا وصلته وين !! هسه ح يشبكوه ليك أرقص ... أرقص يا رئيس إحنا وراك ونموت فطيس ( فطيس دي للدبابين بتاعين أيوب ) الفرحان بيهم وخاتي صورتهم 
|
Post: #40
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 02:08 PM
Parent: #39
| Quote: أرقص يا رئيس إحنا وراك ونموت فطيس ( فطيس |
هلا يا مها وحياك الغمام والله..
والبشير فعلا فضحنا في القبل الاربعة
وضحك علينا الشعوب والامم
ولكن انا المحيرني ومطلع زيتي (المطبلاتية ) ديل تلقي الواحد فيهم عندو
مخيخ ايسر وعندو برضو مخيخ ايمن...!!!
العاجبوووووو شنو بعد ده في المسخرات الرئاسية دي...!!!
فافرنقعو ايها الطبالين من حول هذا الرجل فان الرقيص لا يدوووووم
وتحياتي يا مها
|
Post: #42
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 04:47 PM
Parent: #40
Quote: شكراً يامرجف .. فقد هذبت وحللت المطبلين والمطبلات والراقص وخليتهم في السهله..
يا دوت كوم ... المطبلين مابين من قبض قبيضه ويحمد في سيده ومتعشم في القبض ..
سلاااام يا وريف |
هلا يا ابو عفان
واشواقي
وهي سياحة وريفة في ظلال بني (طبل) وسيرة الرئيس الراقص الذين تمكنو من البلاد والعباد
ويا سبحان الله او كما قال شيخك وشيخي ابو ضفيرة حياه الغمام
|
Post: #43
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبد الناصر الخطيب
Date: 02-20-2011, 05:14 PM
Parent: #42
كيكي أسمح لى أخص أبو الحسن صاحبي بتعليق
مساء الخير ,,,
كلامي الفوق ده عشان نجيب من الأخر أى زول فتح خشمو برؤيا مخالفة الراقص الاعظم وناسوا
لازم يكون عميل أمبريالي صهيوني شرير عوز ينال من مكتسبات الشعب السوداني محّقق الطموح
يأخي كانو في سوداني وشعب سوداني تاني غير سودانا الواحد البنعرفوا ده الناسوا تعبوا
في أبسط مقومات حياتهم ومعاشهم ناهيك عن تحقيق أدني طموحهم , فيا تطبل يا تسكت يكمان تبقي عميل
طيب سكتنا سنين حصل شنو , حتى أبسط العشم في صلاح الحال بقي سراب بلد حاكمه القتله واللصوص
بقي الناس فيها حامدين ربهم بس انهم أحياء لا علاج زي الناس ولا تعليم زي الناس ولا بصيص أمل حتي
ده وأقع الحال يجيك طبال ناطي يقول ليك كل شي تمام
تمام كيف ما تسأل ولو كمان شائف غير كده تبقي عميل
وكمان لو كنت بره السودان يقولوا ليك كان ترجع وتقول كلامك ده هناك ...
زي الخلوا للناس فرصة أساسا يكونوا هناك .......
والبحيّرك بالجد الطبال زاتوا تلاقاهو بره السودان
ياخي لو السودان ده جنت الله في الارض المطلعك منو شنو !!!!!
طبعا تحية خاصة لود الباوقة _ طبالى المفضل _
أى مداخله ليهوا تم تيك توم تيك أبداع ما عادي هييييييييع
وقريبا حنقراء ليهو ككاتب متخصص في الفن أو يمكن لما الحال يتغير يطبل للعهد الجديد
______________________________________________
وهل يصًلح الطبال ما أفسد الدهر
|
Post: #44
Title: Re: الكوز يريد رقيص الرئيس.....الكوز يريد رقيص الرئيس....!!!
Author: ASHRAF ABUELHASSAN
Date: 02-20-2011, 05:59 PM
Parent: #43
ناصـــر
سلام يا صاحبي
Quote: ده وأقع الحال يجيك طبال ناطي يقول ليك كل شي تمام
تمام كيف ما تسأل ولو كمان شائف غير كده تبقي عميل
وكمان لو كنت بره السودان يقولوا ليك كان ترجع وتقول كلامك ده هناك ...
زي الخلوا للناس فرصة أساسا يكونوا هناك .......
والبحيّرك بالجد الطبال زاتوا تلاقاهو بره السودان
ياخي لو السودان ده جنت الله في الارض المطلعك منو شنو !!!!! |
تعرف يا صاحبي طوال فترة وجودي في السودان
خلال الثلاثة سنوات الفاتو ديل كنت ارى العجب والعجاب
ومهما قلت ليك او حاولت اوصف ليك ما بقدر
الزول البقول ليك انو في رفاهية للشعب
وانو الشعب عايش ومرتاح والخبز متوفر والمواصلات متوفرة
ده زول ما تعرف توصفوا بشنو وقدر ما تحاول
انك تناقشوا بشي من المنطق والعقل والواقع تلقاهو
حافظ الكلمات إياها ... لما تتعقد من نفسك
والمواقف كتير المرت بي هناك وليتني استطيع
ترجمتها بكلمات لترى بنفسك ....
اقول حاجة في يوم كنت في بيت بكأ واتفتح
موضوع نقاش عن الحال بالبلد
قام واحد على طوال يردد
الحكومة وفرت العيش
الحكومة وفرت البنزين
الحكومة وفرت السكر
الحكومة ........
وانتو ما كانتوا بتقيفوا من صلاة الصباح للعيش
وببيتوا في صف البنزين
ووووووووو
ملاني فقر بالجد
اها يا صـــاحبي
زول بالعقلية ده تناقشوا كيف
|
Post: #45
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبد الناصر الخطيب
Date: 02-20-2011, 06:18 PM
Parent: #44
أبو الحسن
تحية وإعزاز
Quote: تعرف يا صاحبي طوال فترة وجودي في السودان
خلال الثلاثة سنوات الفاتو ديل كنت ارى العجب والعجاب
ومهما قلت ليك او حاولت اوصف ليك ما بقدر
الزول البقول ليك انو في رفاهية للشعب
وانو الشعب عايش ومرتاح والخبز متوفر والمواصلات متوفرة
ده زول ما تعرف توصفوا بشنو وقدر ما تحاول
انك تناقشوا بشي من المنطق والعقل والواقع تلقاهو
حافظ الكلمات إياها ... لما تتعقد من نفسك |
ماظن حتناقشوا في حاجة تفسيرة البسيط انو زول في وضع محقق لي البتمناه
بغض النظر عن الوضع العام شنو ولا حال الناس شنو ... الواحد من ديل صعب شديد
يفكر في الحال العام للناس ولا يرضي حتى يعترف بتعبهم ومعناتهم ووضعهم السي
وطبعا دي حته في منتهي الجبن والانانية ... أنا ومن بعدي الطوفان
في الاخر نحنه بجد قدام وضع الكلمة الاعلى فيهو للمصلحة
الحال البغني عن السؤال قبل مده
أشتغل معانا شابين من الجزيرة _ مزارعين سابقين _
في الونسة بتكلموا عن جزيرة مختلفة عن البنعرفه وعن دمار المشروع البقي أطلال وعن ... وعن
لما تعائن للحال ده بالجد بتتألم على البلد الاتفرض على ناسه الفقر والتشرد في بلاد الله
حتصدق حال الناس ولا حتصدق الكلام
بالجد الله يكون في عون بلدنا في مأزقه الصعب
والمشكلة بعد ده كلو أنو الناس تتكلم ولا تناقش واقعه بزعل الناس ديل
وبخليهم يوصفوا الناس البره انهم ناس مرطبين ماعندهم شغله مجرد عملاء
ناسين أنو الناس دي طلعه الواقع المؤلم الاتفرض عليها في بلده وبحثهم
عن مجرد فرصة لحياة كريمة ماكانت متاحه ليهم وسط الفساد والمحسوبية الحاصلة في البلد
ياخي الحال بغني عن السوال وكل العوزنوا من المطبلاتية بالجد ما في داعي يزيدو الناس في نارهم حطب
ليك التحية وصادق التقدير
--------------------------------
وهل يصًلح الطبال ما أفسد الدهر
|
Post: #46
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-20-2011, 06:57 PM
Parent: #45
هلا يااشرف وحبابك يا عبد الناصر
وواصلو السفر والتحليق في فضح (الوعي المطبل) والواقع السوداني الكارثي في الزمن الكيزاني الردئي
في عهد الرئيس الراقص علي جثث القتلي من الشعب
وكل الود والتقدير
|
Post: #47
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-21-2011, 06:07 AM
Parent: #45
| Quote: الكوز يريد رقيص الرئيس.....الكوز يريد رقيص الرئيس....!!! |
|
Post: #48
Title: Re: الكوز يريد رقيص الرئيس.....الكوز يريد رقيص الرئيس....!!!
Author: عبدالكريم الامين احمد
Date: 02-23-2011, 07:25 AM
Parent: #47
| Quote: أرقص يا رئيس إحنا وراك ونموت فطيس |
|
|