Post: #1
Title: مبدع مبدع .. يا بشير !!
Author: عزالدين صغيرون
Date: 02-16-2011, 03:52 AM
Parent: #0
في واحدة من اشرقاته الأخيرة قال البشير مخاطبا جماهير شعبه المصلوبة جوعا تحت الشمس
بأن الزيادات الأخيرة في أسعار السلع الاستهلاكية ما مقصود بيها الفقراء الجعانين ..
لكن مقصود بيها الناس (البيحلو) بعد الوجبات !!.
يا لها من بشرى ..
الله يطمئنك يا ريس ..
أنحنا (لسوء ظننا ) كنا مفتكرين انه هؤلاء الجوعى هم أكثر من سيتأثر بالزيادات التي طالت الخبز والمواصلات ..
وبعد خطابك هذا يا ريس نرقد قفا
شكرا ..شكرا ..
يا من انتقمت لجوعنا بحرمان الشبعانين .. من (تحلية) ما بعد الوجبات
|
Post: #2
Title: Re: مبدع مبدع .. يا بشير !!
Author: ضياء الدين ميرغني
Date: 02-16-2011, 04:11 AM
Parent: #1
هههههههههههههههههههههههههههه
عليك الله ديك العدة دا يقولوا فيهو شنو؟
|
Post: #3
Title: Re: مبدع مبدع .. يا بشير !!
Author: Hani Arabi Mohamed
Date: 02-16-2011, 04:23 AM
Parent: #1
التحية للأخ القائد وهو يستلهم قول الشاعر رحمه الله:
لا توجد منطقة وسطى ما بين الجنّة والنار
وينقله إلى أرض الواقع: لا للطبقة الوسطى التي تحلّي بعد الوجبات.
الله أكبر (القديمة) ..... ولله الحمد
|
Post: #4
Title: Re: مبدع مبدع .. يا بشير !!
Author: عزالدين صغيرون
Date: 02-16-2011, 05:25 AM
Parent: #3
انت ما عرفت يا ضياء النكتة وين !!
تصور واحد لقى فقراء شعبه التعبانين.. بياكلوا (فقط) ثلاث وجبات بدون ما (يحلو) ..
يعني باسطة مافي ..جلي يفتح الله ..فواكه no ..ولا البيبسي ذاتها متيسرة ..
يقوم يعمل انقلاب على النظام الحاكم المساكين ديل ..
تسأله الانقلاب في شنو ؟ وعشان شنو؟
أكيد سؤالك غبي لو سألتو ، لأنه الاجابة واضحة ..:
عايز المساكين المحرومين من (التحلية) ديل (يحلو ) برضو.. زي باقي خلق الله البتحلي .
مش هي دي الاجابة الطبيعية والبديهية والمنطقية ؟؟؟
لقد خاب ظنك يا ضياء أيها الغافل..
الريس عمل انقلاب لأنه زعلان من الجماعة (البحلو) بعد الوجبات
لكن ما زعلان لأنه الباقين محرومين من (التحلية) !!!.
عشان كده قرر أن يحرم (البحلو) ..
وبي كده يتساوى الشعب السوداني كله في (عدم التحلية)
فليتعالى هتافنا عاليا :
مبدع مبدع ..يا بشير!!
فقد نشر العدل بين السودانيين .. وساوى بينهم في الحرمان من (التحلية)
وبطريقة فيها ابداع وعبقرية غير مسبوقة في التجارب السياسية في العالم كله
ويغني مطرب الحي :
( في انجاز يا اخوانا أعظم من كده ؟!)
أيها الرجفون في المدينة :
( و في عدل بالله أعدل من كده ؟؟!!)
|
Post: #5
Title: Re: مبدع مبدع .. يا بشير !!
Author: عزالدين صغيرون
Date: 02-16-2011, 05:37 AM
Parent: #4
وهو يا اخوي ديك العدة بسألوا ؟؟!!
ديك العدة خاتي القول ..المبدع ..الملهم
( ما عارف ليه كل العسكر البنقلبوا على الشرعية بكونوا عباقرة وملهمين كده؟؟)
وسأكشف لك عبقرية آخر الانقلابين هذا بعد شوية
|
Post: #6
Title: Re: مبدع مبدع .. يا بشير !!
Author: عزالدين صغيرون
Date: 02-16-2011, 05:55 AM
Parent: #3
طبقة وسطى شنو يا هاني؟؟
مش الطبقة العاملة ..بل من هم دونها من الطبقات كانوا بحلو بالموز ..(لأنه كان تحلية الفقراء المعدمين زمان)
بعدين هي وين هذه الطبقة الوسطى الآن ؟!
لو لقيت ليها عنوان عليك الله رسلو لي .. وما حتلقى ..لأنها راحت /ضاعت
وفي رواية أخرى اختطفت ، أو أغتيلت كما يروج البعض ، وفي رواية رابعة بتقول انها مسجونة
وااحدين بقولوا مسجونة في بيوت الأشباح sorry .. أقصد في بيوت القهر و الافقار
(بس ما متأكد أي الروايات هي الصحيحة)
بس في ناس أظنهم مسكونين بجن التفاؤل قاعدين يقولوا للناس ..
انه الطبقة دي زي العفريت وطائر الفينق ..مرات زي البعاتي بتقوم من القبر ومن تحت الرماد
بيقصدوا عندها قيامة قبل القيامة ..
ولما تقوم قيامتها ..بتقوم معاها قيامة الدنيا (بيقصدوا الوطن بالدنيا !!)
تفتكر الكلام دا صحي ..ولا هضربه وخرافات ؟؟!!
|
Post: #7
Title: Re: مبدع مبدع .. يا بشير !!
Author: احمد ضحية
Date: 02-16-2011, 05:59 AM
Parent: #1
عز الدين صغيرون إزيك
كيفك
أنا ماري عشان أسلم عليك بعد أن فشل (الفيس بوك) أن ...................
عموما تحياتي
|
Post: #8
Title: Re: مبدع مبدع .. يا بشير !!
Author: احمد ضحية
Date: 02-16-2011, 05:59 AM
Parent: #1
عز الدين صغيرون إزيك
كيفك
أنا ماري عشان أسلم عليك بعد أن فشل (الفيس بوك) أن ...................
عموما تحياتي
|
Post: #9
Title: Re: مبدع مبدع .. يا بشير !!
Author: عزالدين صغيرون
Date: 02-16-2011, 12:40 PM
Parent: #8
طبعا هناك أكثر من زاوية ممكن تنظر منها لعبقرية الرئيس الفلتة
ممكن تختار الزاوية دي :
البشير لم يعجبه حال المساكين الذين لا (يحلون ) بعد الوجبات .. فقام بصب جام غضبه على الذين (يحلون)!!.
فرفع الأسعار كلها (جت عليها) عشان (أولاد الأيه ) ما يحلو..
تعرف ما الذي حدث ؟؟
ما حدث أنه المساكين نقصت وجباتهم وجبتين نتيجة لارتفاع الأسعار ..
أما من كانوا يحلون فقد راحت عليهم التحلية
(خلينا نسمي الأخيرين بالطبقة الوسطى)
حسنا طالما هذه هي الاستراتيجية الوحيدة المعشعشة في رأس الريس اذن فان خطوته التالية ستكون كالآتي :
سيسأل نفسه : لماذا يأكل ( أولاد الأيه) ثلاثة وجبات بينما المساكين لا يأكلون سوى وجبة واحدة ؟
وهنا يأتي قراره العبقري برفع أسعار السلع كلها تاني حتى يتساوى الجميع في أكل وجبة واحدة ..
لكن هذه الساقية العبثية لن تكف عن الدوران ..لماذا ؟
لأن الجماعة أولاد الأيه بياكلوا وجبة واحدة .. بينما المساكين (الزمان كانوا أهله) محرومين من كل وجبة
اذن فليجوع الجميع ..سيكون هو شعار المرحلة !!
ولن يعدم هذا الشعار العبقري لحل مشكلة الجوع ممن يصفقون له ويهتفون :
سير سير ..يا بشير
للمحرقه سير ..يا بشير11
|
Post: #10
Title: Re: مبدع مبدع .. يا بشير !!
Author: عزالدين صغيرون
Date: 02-16-2011, 02:29 PM
Parent: #8
العزيز أحمد ضحية
تحياتي
متابعك بشدة في " الحوار المتمدن" و"منبر واشنطون" ، وفي "الفيس بوك"
وقد سجلت أمس القريب دا في "أوراق ثقافية"
دعنا نتواصل فأجندة الحوار ممتلئة بالعناوين
لك التحية
|
Post: #11
Title: Re: مبدع مبدع .. يا بشير !!
Author: عزالدين صغيرون
Date: 02-16-2011, 04:31 PM
يعني باختصار كده
البشير وصحبه الكرام واسلامويونا البررة لم يكن برنامجهم رفع المستوى المعيشي للجوعى وانما تجويع الشبعانين
طبعا باستثناء أهل الولاء الذين أتخموا وتورموا شبعا
هؤلاء بالطبع خارج المعادلة
|
Post: #12
Title: Re: مبدع مبدع .. يا بشير !!
Author: عزالدين صغيرون
Date: 02-16-2011, 06:30 PM
Parent: #11
فووووق
|
Post: #13
Title: Re: مبدع مبدع .. يا بشير !!
Author: دينا خالد
Date: 02-16-2011, 07:08 PM
Parent: #12
Quote: في واحدة من اشرقاته الأخيرة قال البشير مخاطبا جماهير شعبه المصلوبة جوعا تحت الشمس
بأن الزيادات الأخيرة في أسعار السلع الاستهلاكية ما مقصود بيها الفقراء الجعانين ..
لكن مقصود بيها الناس (البيحلو) بعد الوجبات !!. |
فهمت ... فهمت .. الان فهمت .. فهمت الان !!
ــــــــــــــــــ
فعلا يا صغيرون دى قمة الابداع ..
وبرضو ما غلبوا ربهم ..
|
Post: #14
Title: Re: مبدع مبدع .. يا بشير !!
Author: عزالدين صغيرون
Date: 02-16-2011, 08:09 PM
Parent: #13
فعلا الريس بيتمتع بعبقرية فذة
والجماعة أصحاب المشروع الحقيقيين تاركنه ينثر درره زي الحجارة عى رؤوس العباد..وهم شغلين (لهف)..
مساكين عاشوا في جوع ومسغبة وما صدقوا لقوا مائدة السودان تحت يدهم ..
صحيح هم أولاد أبالسة ..لكن كما قلت ما بيغلبوا ربهم .
ما ربنا سبحانه وتعالى قال ( ومكروا ، والله خير الماكرين )
يعني مكر الله خير يبطل المكر السيئ ..مكر الأشرار ..
والذي في النهاية سيحيق بأهله ..
أما ما نراه الآن من مهزلة فيدخل في باب "مكر التاريخ" الذي تحدث عنه هيجل
فخلي في بطنك بطيخة صيفي يا دينا
|
Post: #15
Title: Re: مبدع مبدع .. يا بشير !!
Author: عزالدين صغيرون
Date: 02-16-2011, 09:55 PM
Parent: #14
وبعدين يا أخوانا واخواتنا مع الجايين من ذنوبنا وآثامن ديل ؟؟!!!
|
Post: #16
Title: Re: مبدع مبدع .. يا بشير !!
Author: عزالدين صغيرون
Date: 02-17-2011, 11:29 AM
Parent: #15
فوق
فووووووق
فوووووووووووووووووووق
|
Post: #17
Title: Re: مبدع مبدع .. يا بشير !!
Author: عزالدين صغيرون
Date: 02-17-2011, 01:58 PM
Parent: #16
فووووووووووووووووق
فوووووووووووووووووووووووووووووق
|
|