بـاشنكـاح !!

السيمفونيه التاسعه ,,

ما بعرف ليه بحب السيمفوينه دي بالذات ,
لكن الشي الوحيد البعرفو , اني بتحسسني انو الزول دا كتبها في ضهاري تنقاسي تحت شجره مسكيت ,
خصوصا البدايه .. تا را را را را را .. ررا ررا .. دي ..
الحته دي بحس انها لحن شايقي مليون الميه , ناقصو طمبور ونقاره , وبنيه حلوه ترقص في الداره ,

ياربي الزول دا بيكون ادرك وهو (أصم) انها ستفعل بنا فعل السحر كدا دا ؟
اعجابي الشديد بي السيمفونيه دي , ركز جواي اعتقاد انو ما ألفها زول..! يعني جات منزله انزال كدا ,
أول في زول لقاها واقعه في الشارع , أو في حفره , أو حملها طائر اللقلق في (لفه) المولود واهداها الى عمنا دا , وجا قشر بيها فينا ..

أقرب من الاحتمالات الفوق دي كولها .. انو بيتهوفن زاتوو يكون شايقي (^_^)
http://www.youtube.com/watch?v=680_vkvchpI

90% من السعوديات غير راضيات عن (أنوفهن) !





دراسه حديثه اشارت الى ان 90% من السعوديات غير راضيات عن أنوفهن ,
وأنهن على استعداد تام لأجراء عمليات تجميل مهما كانت تكلفتها لتغيير شكل الانف !

يعني على قوله حبوبتي , كل زول ما عاجبو العندو ,
بالرغم من ان أنوف السعودييات تمثل الشكل المثالي لانف الجزيره العربيه (عمود النخـره)
والذي كان حلم أسطوره البوب (مايكل جاكسون) والذي دفع آلافا مؤلفه (هو بررضو) عشان يقوم أنفه الافطس !
امي طووالي بتقول : اللي عندو قرش محيرو , يشتري حمام ويطيرو !

غلوتيـت (النخره) أو (الانف) أو ان شئت (الخشم) شكلها عامله زي (دخلت نمله وأخذت (نخره) وخرجت) !!

Quote: 90% من السعوديات غير راضيات عن (أنوفهن) !

مى تو ياإنتِ, بس مايجونى يقولوا لى إستلاب ويحزنون , ولابقدر على نِقة مضروبة زى دى


بلاهى لو سمعتى اى حل سريع وساهل ومافيو مشرط , ادينى آلو وكدا.

______

سلامات يا دكتورة...

في عيد فالنتين






شي عجييب جدا , تفاوت انواع الهدايا التي تصدرت قوائم الدول هذا العام ,
فـ بالرغم من الازمه الاقتصاديه المزعومه , وونزح بلدان كثيره تحت خط الفقر ,
الا ان أنواع الهدايا لا علاقه لها مطلقا بالوضع الأقتصادي للسكان ,,

في الهند مثلا , تصدرت المجوهـرات (آآي المجوهرات) قائمه الهدايا , كأثر هديه أقبل عليها العاشقون !
وفي اليابان , تواضع العاشقون هناك , رغم الاوضاع الاقتصاديه الجيده , لتكون الشوكلاته هي الهديه المفضله !
في مدينه فيرونـا , لجأت الجهات السياحيه الى فكره مبتكره , وهي فتح منزل جولييت للسياح ,
والسماح لهم بكتابه رساله غراميه لها ووضعها في صندوق مخصص لذلك !

طبعا الرساله بعد ما ينتهي الفالنتين بتلحق (الرقدوا) , لكن الفكره حلوه !

Quote: دراسه حديثه اشارت الى ان 90% من السعوديات غير راضيات عن أنوفهن , وأنهن على استعداد تام لأجراء عمليات تجميل مهما كانت تكلفتها لتغيير شكل الانف !

يعني إصلحوها و إغطوها تاني ...؟؟؟؟

تنقاسى ما فيها مسكيت

يعني شنو ؟

يعني قطر قام!!

يا ود الصايم
تهرش يا سمين

أبو الحسين كتب:

Quote: يعني إصلحوها و إغطوها تاني ...؟؟؟؟

ــــــــــــــــ
غايتو الليلة الجو جو فولة كاربة

غايتو وا ضح جدا انو السيفونية دى عاملا زول اطرش

اسا السيك سيك سيك والازعاج دا ياهو القادانا بيه وكاتبه فوقو حصة العربى دى كلها

هديه الفالنتين .. صرصـار !





عرضت حديقه حيوانات برونكس في امريكا , على موقعها في الانترنت ,
امكانيه الحصول على (صرصـأر) باسم صديقك أو صديقتك , مقابل 10 دولارات تتبرع بها للحديقه ,
تحصل بموجبها على شهاده باسم الصرصار الذي تمتلكه باسم من تحب , وذلك من جمله الصراصير الـ 85 الفا التي تمتلكها الحديقه !
(ناس حقانيين وغانونيين مليونيين الميه .. عشان ما يتلخبت عليك الأختساس وكدا )

الجدير بالذكر في الموضوع دا , ان الحديقه بتروج للصرصار, انو (موش أي صرصار يعني)
دا صرصار من مدغشـقر ! ابن أصول وكدا (صرصار راكب طياره وكدا) , بيتميز انو صوتو اكثر قوه (حايتشغلو في الاوبرا يعني قال صوتو قال!)

احلى شي في الموضوع انو الحديقه كاتبه في الموقع ( إن الورود تذبل والشوكولا تذوب أما الصراصير فإلى الأبد) يا عيييني !!

رزق الهبل على المجانيين جد جد !

القبـله القاتلـه !




ذكرت صحيفه الدايلي تلغراف البريطانيه أن المراهقه (جيما بنجامين) والبالغه
من العمر 18 عاما , لقت حتفها بعد دقائق من قبلتها الأولى ,
وتبين أن السبب هو متلازمه الموت الفجائي Sudden death syndrom

وقالت والده جيما , ان ابنتها كانت تتمتع بصحه جيده جدا ,
وكانت لاعبه هوكي وسباحه ماهره ,,

لله في خلقه شؤؤن !

Quote: لقت حتفها بعد دقائق من قبلتها الأولى ,

د. داليا،

هناك أغنية تقول

Love me like it's the first time

وهناك أخرى تقول

Kiss me like it's the last time


So every time you hold me
Hold me like this is the last time
Every time you kiss me
Kiss me like you'll never see me again
Every time you touch me
Touch me like this is the last time
Promise that you'll love me
Love me like you'll never see me again

الله قادر

إنتي لسة شوفتي حاجة !!! أديها شهرين تلاتة كان ما لقيناك بتفلقي في دوار الإحساء..

غايتو يا عمر ما خيّبت إحساسي نهائي

داليا سلام

يعني على قوله حبوبتي , كل زول ما عاجبو العندو ,
بالرغم من ان أنوف السعودييات تمثل الشكل المثالي لانف الجزيره العربيه (عمود النخـره)
والذي كان حلم أسطوره البوب (مايكل جاكسون) والذي دفع آلافا مؤلفه (هو بررضو) عشان يقوم أنفه الافطس !
امي طووالي بتقول : اللي عندو قرش محيرو , يشتري حمام ويطيرو !


النخرين أمرها هين
شفت الشلاليف بعد عمليات التجميل ؟ بالله الواحدة زي ال ضربوها شبشب في تلاليشا
ودة كلو عشان يقلدوا أنجلينا بت جولي




غلوتيـت (النخره) أو (الانف) أو ان شئت (الخشم) شكلها عامله زي (دخلت نمله وأخذت (نخره) وخرجت) !!

سوداني إتشاكل مع سعودي ، قام السعودي أداه ضربة بالعقال ، السوداني قال ليهو : إتكلم بي خشمك ما تمد إيدك

سعودي قال مستغربا : إنتو في السودان بتتكلموا بخشومكم ؟

فبهت السائل و المسئول
أها ممكن تعديل المثل بتاعك أعلاه : دخلت نملة و سكنت نخرة و لم تخرج

Quote: ( إن الورود تذبل والشوكولا تذوب أما الصراصير فإلى الأبد)

يعني ناس البيف باف ديل إحولو مصانعهم دي لي مصانع طحنية و لا كيف ..؟؟؟


يعني شيرين في مسرحية المتزوجون كانت على حق..؟؟؟

Longest kiss in history: 46-hour Thai smooch

A determined Thai couple locked lips for 46 hours, 24 minutes and nine seconds to celebrate Valentine's Day in this southern beach resort town, emerging victorious after a "kissathon" organizers claim marked the longest recorded smooch in history.

Fourteen couples kicked off the contest at 6 a.m. Sunday. By Monday afternoon, half had already beaten the record and were still puckering up on the white-marble corridor of an oceanside shopping mall in Pattaya. Passing tourists gawked, smiled and snapped pictures with glowing mobile phones behind a red rope.

"We didn't think we would find anybody that could break the record," said Somporn Naksuetrong, the manager of Pattaya's Louis Tussaud's Waxworks museum, which organized the competition. That seven couples apparently did, he said, "is amazing."

The winner was announced before dawn Tuesday: a Bangkok couple, Ekkachai and Laksana Tiranarat. They won a diamond ring worth 50,000 Thai Baht (US$1,606), and a 100,000 Baht ($3,213 dollar) cash prize.

According to the rules, the lovebirds' lips could not part at any time. Any drinks could only be consumed through straws while continuing the kiss, and the couples had to remain embraced during bathroom breaks possible every three hours — accompanied by contest monitors.

The harshest rule: no sitting or sleeping. One woman participating with her boyfriend fainted just half an hour after it began Sunday.

يا النبى نوح

نوبي دا عندو أب عديلات؟
مالو مداخلاتو كلها معدّلة؟

I L i k e :)

ladysmith black mambazo





فرقه من جنوب افريقيا , قمه في الروعه , الصوت البشري زي ما قال الكتاب ,
بيغنوا بي اصواتهم فقط , بدون استخدام اي آله موسيقيه ,,
واجمل شي في الموضوع انك ما بتفقد الموسيقي في اثناء الاداء , لكن بيشدك البرفورمانس الراقي , والاحساس ياخ !

اجمل ما قرأت عن الممبانسو, انها اتأسست من 1950 ,لانو المؤسس جوزيف شابالالا , كانت بتجيهو رؤيا واحلام متكرره لمده ته شهورانو بيأسس فرقه
وفعلا , قام بتأسيس الفرقه دي , لكن مشاركاتها كانت مقتصره على حفلات الزفاف والمناسبات الاجتماعيه ,
حتى اصدر اول البوم لهم سنه 1964 Amabutho ,,
على اثره سمعهم الاسطوره (بول سايمون) وغنوا معاهو , ودا حقق ليهم الانتشار , لحدي ما اخدوا غرامي اوورد :)

Absolutely BRILLIANT شكرا عبداللطيف البكري :)
http://www.youtube.com/watch?v=bq_zSSOCEZA

الراجـل دا .. أنا بحبو ..!!




بابا دا ألذ زول في الدنيا ,,
رجل مبادىء وعلم زي كدا أصصو ما شفنا :)
أعتقد ان امثاله انقرض منذ زمن ,, كان يدهشني دوما بمعرفته الواسعه ,
وأنا طفله .. أسأله (وكنتا شافعه سأأأأله ياخ) ,, يا بابا دا شنو ؟؟ يا بابا ماهي عاصمه (لندن)؟؟ يا بابا .. يا بابا ..
كان دوما يجيبني بلا ضيق ,, أجابه شافيه ووافيه مرفق بها ابتسامه جميله .. زي البسمه الفي الصوره دي :)
كان عندي اعتقاد راسخ (وما زال) , أنو (بابا بيعرف أي شي في العالم )

أحلى حاجه انو اي زول فينا في البيت , لمن يبقى عمرو سنتين , عندو (طقم) معين كدا بيحفظو ليهو :
البت الشاطره ما بتلعب بي الولاعه , ولا المقص , ولا الموس , ولا السكين , ولا الكبريته
لمن تقطع الشارع تعاين بي اليمين , وباليسار , وباليمين تاني (اليمين مرتين) لوووول
تسمع كلام ماما وبابا وأي زول كبيير ,
(واحد اتنين حسن وحسين , تلاته اربعه داليا الجدعه) هيييييييييه !!
حفظني أغاني (عثمان حسين ) و(أحمد المصطفى) قبل ما أخش المدرسه ,
وكان عندي (لدغه) وأنا بغني (القلووب ملتاحااااا.. وانت يا قلبييي ما لقيتلك لااااااحاااا)
ووراني كيف أتخيل أشكال الغيووم في السما ,, حصان .. قلب .. عجله ..
ووراني أنو الناس كوولهم زي بعض .. والزول الاحسن من الناس هو البيحترم كل الناس ..
شكـرا يا بابا .. شكـرا يا عبدالمنعم الكباشي .. أنا بحبك شديد

أنا لو واصلتا أكتر من كدا بتهابل .. عشان كدا كفايه ..

عرفت كل شى فى البوست ده حتى طعامة عمو عبد المنعم عرفتها

الما عرفتو....باشنكاح؟؟؟؟؟ ويا ويلى لو كانت حاجه معروفه وما بعرفها

(صديقى سعودى قلت ليه بتعرف العتود..؟؟ قال لى هو قال بعرفنى؟؟؟)
تحياتى د/ داليا

في تطوّر بدرجة تهوّر

سلام يا د. داليا بنت عبدالمنعم الكباشى

لك و لأسرتكم كل التجلة و التقدير و الإحترام ...


كل بنت بأباها معجبة:مثل فيه عمومية فايضة

أبهاتنا(رحم من رحل و أطال عمر من بقى) من طينة واحدة

عايشوااا فى الظرف الجميل و تربواا على الأصول السمحة الطيبة

تلقيهم (وافق شنّ طبق) على العموم


ربنا يحفظ ليكم (عبد المنعم الكباشى) و ربنا يجعلنا أن نسير كما سارواا




صفحة جديدة
---------------------------


باشنكاح !!!!

هو والد شهريار، تاجر غنى، تزوج زوجته الثانية من الهند

إن شاء الله يكون المجوهرات (اااااااى المجوهرات) كانت هديته ليك فى فلنتاينك، زى ناس الهند زمان ....





تحية لتمبس و و لبابا و الجميع

شكراً


ش

بت بلدي
تحياتي ليك ولي تمبس
بوست عبارة عن واحة وااااااارفة
واصلي ..!

الله يريح مخك يابت اخوي ...

خرجتينا من البحرين واليمن وليبيا ومباراة السودان وانجولا التي ترفع توتر اعصابنا كلما اقترب
موعدها .. وكذلك من انتخابات الهلال التي تزيدنا توترا كلما تأجلت لليوم التالي ...

هذا بوست مريح وودت لو ان المنبر كله اتجه اليه لتهدأ النفوس وتبرد النيران المشتعلة في ارجائه
في معارك اشد ضراما من حرب البسوس ..

اما باشنكاح فيكفيه اثرا انه خلّف ابنا مثل شهريار الذي شغل النساء والرجال في كل الازمان ..

عودي بهذه الغمائم الندية دائما ورطبي جفاف البورد . ولك تحياتي

عمر علي حسن

هنا كانت البداية لهم،،
وهنا كان بدايتي معهم،،

كان الفرح بادياً عليهم لإعتلاء المسرح مع بول سايمون، وكأنهم يقولون :
إننا قادمون ،، جوزيف شابلالا الآن يواجه بأن رحيله يعني موت الفكرة،
ولكن يدهشهم بأداء أبنائه الأربعة الذين أنضمو إلى الفرقة كإمتداد
مستقبلي آت!!
==
شكرا لبنتنا داليا أن تضمنتا في هذا المحفل الجميل، ورجاءاً ممكن توثق
لنا فقرة شهدت فيها مصرع محمد النصري على يدي (سيلين ديون)!!
=