Post: #1
Title: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتفاهم؟
Author: صديق الموج
Date: 02-14-2011, 03:31 PM
هذه القصيده اثارت لغط كثير بين من يعتبرها تعالج مشكله من مشاكل
السودان المتشعبه والكثيره ومنهم من يراها غير ذلك.
المهم انقسم الناس قسمين بين من هو شاعرها؟
هل هو الشاعر المعروف حميد؟ام هى لشقيقه ابراهيم الحسن سالم
نتمنى ان يرد الله غربته ويشفيه.
وهم الاثنين من شعراء الشاقيه المعروفين ومن نورى وفى نورى من الجريف
ارجوا ان نجد اجابه شافيه منكم وبعدها نعود للقصيده،،،،
والبت
مهذَّبة
جامعية ..
_وسط بنات_
متعلمة
قاعدة وتأمل في البعيد
شايفاله نجمة مضلِّمة
هِن بالعيون يتغامزن
دايري العبِدْ
وساعةْ تتوه بهِن
الظنون
وآشرِّي !
صِح ..
دايره العبد ؟!.؟
يا الله ..؟
عاجبه ..؟
شان عديل قامة
وسنونو مفلَّجة !!؟
يا الله ؟؟
عاجبه ..؟
شان عيونو
السودا خلقة
حدود جبينو مدحرجة ؟؟!؟
يا ليلى ورِّينا السبب
يا ليلى واريهو العجب ؟!
نسن الخصال
الفيهو خلقة مأصلة
نسن العلم
نسن اللباقة
الفي حديثو مكمَّلة
نِسن إنُّو إنسان
بالصفات السمحة
روحو مشبِّعه
حالي الطعم
ممسوح فهم
نفسو الأبية مرفِّعة
نسَن النِسن ..
وإتحدثن ...
وإتونسن ..
وإتوسوست
هسَّع هُو عاد
بي غادي
يا الله الصبر
شايفاهو أبوي
ناداها
أمِّي مشتلو
يا سابل الستر ؟
وسمعت بعيد
زغريدة
من قلباً تعِس
بدل الفرح
كانت بكي
أنا ووب علي
ووبين بنيتي إنجننت
وين إتَّكي
والناس ملو الحيشان طَرِش
ينطقشوا في البيبان طَقِش
.. يا ..
بت ..
طلعتي بلا أدب
يا ..
بت
خلاص
قيدك وجَب
كيفن ؟؟
بتآخديهو العبِد
يجبِد عران روحك
جبِدْ ؟؟
وشقِّيش تقبِّل ؟؟
ما لِقت ..! .... ؟
والدنيا كلَّها ضلَّمت
دُم .. دمدمت ..
وفي الساعة شوّْ ..
نــزلــت مــطـر ..
وكل زول قعد في بيتو
مستنِّي الخبر
هام بالعريس الدقَّه
أجراس الخطر
وخالف حياة الناس
وبي ذاتن كفر !؟
وشقِّيش تقبِّل ؟؟
ما لِقَت !!؟
والدنيا كلَّها ضلَّمت
قمرية فوق بيضتين يتام
وسط الضلام إتكومت
فوقن رمت
قوقت سلام
إترنمت
يا داندريس
إنطمَّنِي
أحمد خميس
آخر السني
جاييك عريس
إتحنني
فارس يميس
مو منحني
لهفو العريبي
الدندني
الشمَّ ريحة
السنسني
بالقرمصيص
إتلوني
أبقيلو ميس
إتكوني
سوي الرقيص
وإتفنني
فاض الحديث
كير الغُني
يا داندريس
لا عند هِني .؟..؟
... ...
والرادي غنَّى
الرادي غنَّى
جِنِس غُني
طنبورو كان
قدر الفني
جات غنوة
همّها شالتو
وعادت حديثه القالتو
مسحت دميعه الكبَّتو
وعصرت قليبه الحبَّتو
شان حبَّتو
أهداها ليها من القلب
والهفة الزول البحب
"ما جيت براي .. يا ست هواي
أنا ساقني حبِّي الماب يهد
أنا جابني ليك حكم الهوى
المافيهو حرَّة ولا عَبِد
حارس نجوم الليل براي
راجيها بتأمل وأعد
كان فيها نجمة تحدثِّك
عن حبِّي والشوق البجِد
عن حبّي أقول :-
أنا ياهو حب ؟!؟
ليل المحنّة يجيب برِد
عايان وصحّاي منشرح
هدّاي وهادي ومجتهد
الحب كفاح وأمل كبير
دنيانا ليهو محال تحد
لا فيهو تاجر لا غفير
لا فيهو حرَّة ولا عبِد
حافض هواكي أنا من زمن
صابر بفتِّش وكلِّي جد
لكين معا ألمي وشقاي
يا ست هواي أنا مستعد
لو طاوعك قلبك وراي
فارقتي دربي عشان عبِد
خلِّيني فتِّشي لي سواي
أنا أصلي عند الناس عبِد "
ومسحت دميعا الكبَّتو
وعصرت قليبه الحبَّتو
شان حبتو
... ...
وفجأة الضمير صحا وإنتبه
بالفرحة زغرد وإنتشى
والكون رقص في الساعة ديك
كان بس جريدي منقرشة
اليابس يباس
ما فيهو ناس
حتَّة كسيري مكنكشة
الأصبح جديد
في ذاتو عيد
عيد فرحة
بي طفلاً مشى
... ,,, ...
فتران أبوها
من النضِم
حفيان وماشي
بلا هدم
مهموم يبنبِن
في الطريق
صِحْ حالو مشيول
بالفريق
"راجل بنيتو
مدلِّعة
شيطاني غالبو
يطوِّعه"
في قول أبوها ..
بودِّرك ..؟؟؟
والأم دموعه
مكضَّبة !
شطح الخيال ...
قِدّامه جات
صورةْ حبيبه
مـشقلبة
"؟؟..
تاخدي العبد
شعراً مقرمد بالقمل
حفّان ينقط
في ال###### ؟؟
تاخدي العبد ؟؟
لا واطة عندو
ولا أرض ؟؟
بتقعدي عاد
تحت اللبخ ؟؟
تاخدي العبد ؟؟؟!
وين عز أبوك ..؟..؟!
من بكرة تبقي
مجهجة ؟.؟
تاخدي العبد ؟؟
عاد واضحك ناس البلد
فينا الحديثن
ما إنتهى ؟؟!!
تاخ
دي
العبد ..... ؟؟؟
وما عرفوا أبوها
ولا أمّها
إنو إتمزج في دمها
حبُّو الفرض ..
تاني الحديث مابيهمها
مابيهمها
مابيهمها
ماإنعمَّق الإيمان
خلاص
في الدنيا ما همّاها
ناس !!
إنّو المصير لي حبَّها
ولابدَّ تحفض حبَّها
شان حبَّها
وشان حِبّها ؟؟"
... ... ...
ولاحت هناكَ
رهاب رهاب ..
وسط الضباب ..
صورة الحبيب
الإقترب
فوق الضمير
لوح الضمير
منقوشة صورتو
من الضهب
وشافت سهام
بت عمّها
الإنزوجت
بي سمّها
وكفرت بأبوها
وأمّها
القاعدين هناك
يتأسفوا ..
تعليم بنات آخر الزمن
نكَّد حياتنا
وبشتنا
وشال حالنا
بين ناس البلد
عدّمنا حتى إسم الجنا
... ... ...
والدارة ماجت
بالقصص
حفلة عرس
ضحكات
وبيناتن حصص
"؟ ؟! ؟! ؟
بت شان عبد
ساواله شقِّين
في السما
بت شان عبد ؟؟
كفرت بأبوها
العلّمه
وقدرت تخش المحكمة
بت شان عبد
قطعت صلة
وقبلت في شانو
الجلجلة
بت شان عبد
حرقت
طياب مستقبله
بت شان
عبـِ ....
وصوت الضمير
يهتف يقول
راجل ...
صفاتو ..
مكمَّلة .
سكت المغني
يغني ناي
ما جيت
براي يا ست هواي .....
|
Post: #2
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: lana mahdi
Date: 02-14-2011, 03:51 PM
Parent: #1
الحبيب صديق
أنا إتحشرتا باعتبار أن الشوايقة عيال خالتي(:
البوست دة فيهو النجيضة
ياجماعة بفتش لي في قصيدة لحميد.. "البت مهذبة جامعية"
|
Post: #3
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: صديق الموج
Date: 02-14-2011, 04:11 PM
Parent: #2
Quote: الحبيب صديق
أنا إتحشرتا باعتبار أن الشوايقة عيال خالتي(:
البوست دة فيهو النجيضة |
لنا الحبيبه ......سلام
ربنا يفك اسر اخونا محمد عادل وبقية شرفاء السودان..
كتر خيرك على اللنك ومادام عيال خالتك تعتبرى عندك معاهم لحمه برضو
شكرا جميلا،،،،
|
Post: #4
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: Abdlaziz Eisa
Date: 02-14-2011, 04:17 PM
Parent: #2
ود الموج
سلام
قراية اولية قبل اهل الشان يجو
..
النظرة الفطيرة دي احلي قبل الخرمشة..
تحياتي
|
Post: #5
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: عبدالمجيد الكونت
Date: 02-14-2011, 04:29 PM
Parent: #4
انت يا بروف ما حسبتني مع الناس ديل ليه
يعني الا اشلخ ليك وشي ده
______________________
حميد ده لو باريت قصايده بتجن رسمي
|
Post: #6
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: طارق جبريل
Date: 02-14-2011, 04:46 PM
Parent: #5
حميد بنسبة 99٪
انتهي من وجع كمبال واجيك
|
Post: #7
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: ساميه حامد
Date: 02-14-2011, 04:53 PM
Parent: #6
ود الموج انا ما عاجباك ولا على قول الكونت الا نتشلخ
القصيدة على ما اظن للشاعر ابراهيم الحسن سالم و ما اظنها لحميد
بس ماني متأكدة
|
Post: #8
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: osman righeem
Date: 02-14-2011, 04:57 PM
Parent: #7
يا بروف
قوم لف
مطير عيونك كده زي عمر سليمان و هو يقول تخلي حسني عن رئاسة الجمهورية
وسابني ...... في اللفه
مشتاقون وليس بنا لوعة
|
Post: #9
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: SHIBKA
Date: 02-14-2011, 06:01 PM
Parent: #8
رغم اني ما محسوبة في العنوان لكن انا مع طارق جبريل ود جيرانا
|
Post: #10
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد حيدر المشرف
Date: 02-14-2011, 06:28 PM
Parent: #9
|
Post: #11
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: صديق الموج
Date: 02-14-2011, 07:14 PM
Parent: #10
Quote: ود الموج
سلام
قراية اولية قبل اهل الشان يجو
..
النظرة الفطيرة دي احلي قبل الخرمشة..
تحياتي |
ود عيسى ياو د القبائل .........تعظيم سلام
مرورك يعطر البوست
خلى الاوغاد المذكورة اسماؤهم بعاليه يجو يجاوبونى،،،
|
Post: #12
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: صديق الموج
Date: 02-14-2011, 09:57 PM
Parent: #11
Quote: انت يا بروف ما حسبتني مع الناس ديل ليه
يعني الا اشلخ ليك وشي ده
______________________
حميد ده لو باريت قصايده بتجن رسمي |
عبد المجيد العزيز ...........سلامات
ياخى انت قبل ديل كلهم..
هسه على طريقة محمد موسى الشروق مرت من هنا
ناخد حميد دى اجابه الى ان يصل اولاد عمك باجاباتهم،،،
|
Post: #13
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: ساميه حامد
Date: 02-14-2011, 11:02 PM
Parent: #12
يا صديق الموج انا جاية اقول ليك اني متاكدة من الاجابة مية المية
القصيدة ما لحميد للشاعر ابراهيم الحسن سالم اخو حميد
|
Post: #14
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: ديامي
Date: 02-14-2011, 11:23 PM
Parent: #13
ود الموج سلام
القصيدة ليست لحميد
الصور ، الأخيلة ، الأسلوب ، طريقة تناول الموضوع
كلها تقول ذلك
|
Post: #15
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: صديق الموج
Date: 02-15-2011, 02:18 AM
Parent: #14
Quote: حميد بنسبة 99٪
انتهي من وجع كمبال واجيك |
طارق جبريل.....سلام
جبر الله كسركم ياحبيب
تغمد الله الفقيد بواسع رحمته..
منتظرنك الشى دى انا مغرود فيها بلحيل،،،
|
Post: #16
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: صديق الموج
Date: 02-15-2011, 09:54 AM
Parent: #15
Quote: ود الموج انا ما عاجباك ولا على قول الكونت الا نتشلخ
القصيدة على ما اظن للشاعر ابراهيم الحسن سالم و ما اظنها لحميد
بس ماني متأكدة |
سامية حامد ...سلام
والله يا بت القبائل من شدة ما عا########ا وتاج راسنا
مفروض تكونى قبال الناس ديل كلهم...
ياخى كتر خيرك على المعلومه.
بنحتاج ليك فى مستقبل البوست عشان مافى مفردات
وكلام مغتغت كده فى القصيدة بدورلو مترجم...
سلمت،،،
|
Post: #17
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: صديق الموج
Date: 02-15-2011, 03:24 PM
Parent: #16
Quote: يا بروف
قوم لف
مطير عيونك كده زي عمر سليمان و هو يقول تخلي حسني عن رئاسة الجمهورية
وسابني ...... في اللفه
مشتاقون وليس بنا لوعة. |
شيخ السناجك والارابيب .......سلام
ليك وحشة بالجد لكن عرفت القاك وين تانى هههههههه،،،
|
Post: #18
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: عمران حسن صالح
Date: 02-15-2011, 03:44 PM
Parent: #17
غريبة !!
رغم إني شايقي حوشابي ونصي جريفاوي برضو من نوري
لكن القصيدة ما عجبتني !
ما عارف ليه ؟؟
شكلي ما بتذوق شِعر الشايقية ده كويس !!
يمكن ترباية كسلا " والضِهيب " بعد داكـ في الخرتوم يا ربي ؟؟ 
|
Post: #19
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: صديق الموج
Date: 02-15-2011, 04:08 PM
Parent: #18
Quote: غريبة !!
رغم إني شايقي حوشابي ونصي جريفاوي برضو من نوري
لكن القصيدة ما عجبتني !
ما عارف ليه ؟؟
شكلي ما بتذوق شِعر الشايقية ده كويس !!
يمكن ترباية كسلا " والضِهيب " بعد داكـ في الخرتوم يا ربي |
عمران نسيبنا .......سلام
كسلا يا رعديييد يا ناكر الجميل...
فى زول بسمع زهورى اليانعه برجع تانى يسمع القراصه والجدول..
ياخى على شوية انت تنافس اولاد البنا
لانو قررنا نديك قرين كارد امدرمانى
باقى ليك سنه لى حسن السير والسلوك وتبقى مريخابى بس..
انا احب محمد عمران زاتووو،،،،
|
Post: #20
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: الشيخ سيد أحمد
Date: 02-15-2011, 04:35 PM
Parent: #19
الاخ صديق الموج
الاسلوب يشبه الى حد بعيد "طارق حاج نور"
تحياتي
|
Post: #21
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: صديق الموج
Date: 02-15-2011, 09:18 PM
Parent: #20
| Quote: رغم اني ما محسوبة في العنوان لكن انا مع طارق جبريل ود جيرانا |
شبكه يا شقيقه....سلام
تم اعتمادك مع الالمان ديل بس ماتنقطعى من البوست ده،،،
|
Post: #22
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبد الماجد الصايم
Date: 02-16-2011, 08:29 AM
Parent: #21
|
Post: #23
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبد الماجد الصايم
Date: 02-16-2011, 08:57 AM
Parent: #22
والناس الطيبة الفوق دي ذنبها شنو؟
|
Post: #24
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: Shaker Hamid
Date: 02-16-2011, 09:20 AM
Parent: #23
الاخ صديق الموج رغم اننى لست من الناطيقين بها
ولكن بحكم الجوار مع الشايقية
القصيدة لحميد
طبعا هم اول ناس بنلقاهم عندما نتجه جنوبا ونكون جايين
الهرتـــــــوم
تحياتى لكل الاحباب بالرياض
انا الان متواجد فى مدنى وقبل قليل كنت مع الريئس عبد المنعم عبد العال
فى بنك الجزيرة الاردنى فرع مدنى
دمت بعافية
|
Post: #25
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: ابو جهينة
Date: 02-16-2011, 09:26 AM
Parent: #23
يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتفاهم
***
أبا حيدر سلام
إكتملت أركان الإجابة حول الجزء الأول من الموضوع : ( لمن هذه القصيدة )
يتبقى الجزء الثاني و هو : ( نتفاهم )
المفاهمة حتكون في أوزان القصيدة ، أم المغزى من قصة القصيدة و تداعياتها التي تصب في إتجاهين : جهة فهم البنية و جهة عنصرية أهلها و التي هي شائعة في كل بدن السودان ؟
منتظرين
دمتم
|
Post: #26
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبد الماجد الصايم
Date: 02-16-2011, 10:00 AM
Parent: #25
Quote: إكتملت أركان الإجابة حول الجزء الأول من الموضوع : ( لمن هذه القصيدة )
يتبقى الجزء الثاني و هو : ( نتفاهم ) |
|
Post: #27
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبد الماجد الصايم
Date: 02-16-2011, 11:00 AM
Parent: #26
يكتب المناضـل بوستا يُدين العنصرية .. فيحتشد البورض من خلفه!
ويكتب المناضل نفسه بوستا .. ينضح بالعنصرية .. فيصفّق له البورضاب!!
ويقيني أن كلّ من وقع في فخّ هذا البوست
لم يقرأ ما خلف السطور .. أو هكذا أعتقد!!
_
غايتو جنس غايتو!!
|
Post: #28
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبدالرحمن محمد
Date: 02-16-2011, 11:02 AM
Parent: #26
Quote: هذه القصيده اثارت لغط كثير بين من يعتبرها تعالج مشكله من مشاكل
السودان المتشعبه والكثيره ومنهم من يراها غير ذلك.
المهم انقسم الناس قسمين بين من هو شاعرها؟
هل هو الشاعر المعروف حميد؟ام هى لشقيقه ابراهيم الحسن سالم
نتمنى ان يرد الله غربته ويشفيه.
وهم الاثنين من شعراء الشاقيه المعروفين ومن نورى وفى نورى من الجريف
ارجوا ان نجد اجابه شافيه منكم وبعدها نعود للقصيده،،،،
|
صديق ازيك؛
ياخ اسمي مقنطر في عنوان البوست الحيثياتو الفي الكوت الفوق دا مطرطشاني علي الطرطشه
الأصلا صايداني..
والله ماني فارز المقصود بالضبط شنو:
موضوع القصيدة ولا الشاعر؟
وشنو حكاية: من نوري وفي نوري من الجريف؟
وقبل دا كلو: بنتفاهم الفي العنوان نفرا شنو؟
ومنن المشمولين في (بنتفاهم)؟ إنت ونحن الفي العنوان؟
والله افهم الفوق دا، انداحلك لامن أحيرك واحير المنبر دا كلو..
كوني بعرف حميد اكتر من جوع بطني من سنة 75..
وكوني اعرف شعر الشوايقه من زمن ودعبدالعزيز الليل كريمي.. مروراً بي خالي حسن الدابي ونهاية بي محمد احمد الحبيب
وسيد احمد عبدالحميد وشقوره وودسفله..
وكون إنو ناس جريف نوري والسقاي كووووولهن أهلي لحم ودم..
دحين إن داير البوست دا يَعَمَرْ النعرف الحاصل شنو..
تسلم البروفيسرشب تبعك
|
Post: #29
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبد الماجد الصايم
Date: 02-16-2011, 11:35 AM
Parent: #28
|
Post: #30
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: Mohamed E. Seliaman
Date: 02-16-2011, 11:40 AM
Parent: #29
.
|
Post: #32
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: ساميه حامد
Date: 02-16-2011, 11:51 AM
Parent: #30
Quote: ويقيني أن كلّ من وقع في فخّ هذا البوست
لم يقرأ ما خلف السطور .. أو هكذا أعتقد!! |
والله إعتقد يا ود الصايم إعتقدد!!
انا عن نفسي دخلت بي حسن نية بس شفت كلمة شاقية جيت جارية جري
شكللكم كده عاوزين تورطونا انت ولا ود الموج
اللهم أكفينا شر ود الصايم وود الموج
ـــــــــــــــــــــــــــــــــ
ود الموج ألحق بوستيك المخرب ود الصايم إحتلاهو
|
Post: #31
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: عبدالرحمن الحلاوي
Date: 02-16-2011, 11:50 AM
Parent: #26
صديق الموج
التحيو لك وزملاء البورد ..النص من حيث الموضوع واتجاهاته تعبر عن قيم اجتماعية راسخة في أذهان العامة والخاصة ...كفاءة النسب وهي من الامور المرتبطة بحرية الفرد في التصرف بمشاعره وهي أمور ملك خاص لا يمكن إدراج نص تشريعي ملزم ..لكن يمكن محاربة السلوك الظاهر للعيان بأية رمزية تشير للعنصرية ..
تحياتي لكم وأسرتكم ومن بطرفكم
|
Post: #33
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبد الماجد الصايم
Date: 02-16-2011, 12:05 PM
Parent: #31
والله يا سامية إنتي من الناس الأنا متأكد منهم!
لكن كمان نوعية الناس التقول ليهم هنا في حفرة
ويجهو خاشين فيها ديل تقول عليهم شنو؟
|
Post: #34
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: يوسف السماني يوسف
Date: 02-16-2011, 12:13 PM
Parent: #31
الاخ صديق الموج
تحياتي
Quote: وقدرت تخش المحكمة
بت شان عبد
قطعت صلة
وقبلت في شانو
الجلجلة
بت شان عبد
حرقت
طياب مستقبله
بت شان
عبـِ .. |
..
ايا كان كاتب هذا القصيدة فدلالتها هي مخرجات الطيب مصطفي ودعاة العنصرية الذين ساهموا في تدمير بناء الوحدة الوطنية وقسموا السودان علي اساس عرقي مقيت وليس المواطنة , لذا اكره شعر مثل هذا القصيدة ولا اعتقد ان هنالك فرق بينها وبين ماكتبه اسحق احمد فضل الله في الانتباهة ونقله محمد حامد جمعة مستاءاً.
| Quote: الشمالي السوداني (العربي المسلم) ينجب طفلين أو ثلاثة.. بينما الزنجي الجنوبي ينجب عشرة أو عشرين .. والأرقام تقول إنه وفي ربع قرن فإن العنصر الزنجي من الجنوب ودارفور يغطي على العنصر العربي المسلم. والسودان يتحول إلى دولة غير عربية وغير مسلمة.. الخطة هذه يفسدها الانفصال |
هذا حال كتاب السودان اليوم ياصديق مورثات مجتمعية متجزرة في نفوس النخب رغم تجاوز المجتمع لها .
قصيدة مثل هذه كان يمكن تناولهاومحاكمتها بعنوان مختلف وشكل مختلف لمحاربة العنصرية والاستعلاء بكل اشكاله .
|
Post: #35
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: طارق جبريل
Date: 02-16-2011, 12:23 PM
Parent: #34
Quote: ويقيني أن كلّ من وقع في فخّ هذا البوست
لم يقرأ ما خلف السطور .. أو هكذا أعتقد!! |
غايتو نحن بنجي خاشين نيتنا بيضة ساكت يا حبيب والله يعلم ما في القلوب
|
Post: #37
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبد الماجد الصايم
Date: 02-16-2011, 12:30 PM
Parent: #35
تعرف يا طارق .. البوست كان مقدور عليهو!
لكن الناس الطيبة الخشّت الطين لا إيدا لا كراعا ديل!!
غايتو!
|
Post: #36
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبد الماجد الصايم
Date: 02-16-2011, 12:25 PM
Parent: #34
يوسف السماني يا عمكـ!
القصيدة خليها .. البوست دا رايكـ فيهو شنو؟
|
Post: #38
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: يوسف السماني يوسف
Date: 02-16-2011, 12:57 PM
Parent: #36
| Quote: القصيدة خليها .. البوست دا رايكـ فيهو شنو؟ |
ودالصايم وضحت اني ضد فكرة البوست ووارفضه تماما.
واطلب من الاخ صديق الموج ان يسحب هذا البوست .
|
Post: #39
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبد الماجد الصايم
Date: 02-16-2011, 01:03 PM
Parent: #38
شكرا جزيلا يا يوسف
_
يمكنكـ الانصراف
|
Post: #40
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: صديق الموج
Date: 02-16-2011, 01:19 PM
Parent: #39
Quote: يكتب المناضـل بوستا يُدين العنصرية .. فيحتشد البورض من خلفه!
ويكتب المناضل نفسه بوستا .. ينضح بالعنصرية .. فيصفّق له البورضاب!! |
ود الصايم ......سلام
انت بقيت تقرا وتدوس ساكت والا شنو؟
البوستين يحاربو العنصريه يا شفيف
لو انت قريت وفهمت كويس..
انت تاريك بترفع فى البوست وعندك راى؟
ود الصايم دحين اظبط شيشتك وصلح حجر كارب
واقرا القصيده جيدا وشوف هل هذه القصيده
تدعو لعنصريه ام تحاربها..
اصلحك الله.....
ملحوظك:
ياجماعه القصيده مكتوبه بالشايقى وود الصايم دنقلاوى
يحتاج الى بعض الترجمات محمد عبد الرحمن وساميه ما يخوفكم
الزول ده ساكت..
وانا جايكم للقصيده بس عندى حرب لا غادى فى نفس الموضوع بس اهم
ود الصايم ما تعقد الناس يعقد راسك،،،
|
Post: #41
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبد الماجد الصايم
Date: 02-16-2011, 01:34 PM
Parent: #40
غايتو بتبالغ يا موج!!
إنت قايل عاضيني جمل؟
|
Post: #42
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: صلاح أبودية
Date: 02-16-2011, 01:43 PM
Parent: #41
ود الموج
القصيدة دى كان قالها شايقى ولّ كان قالها جنابو ول طارق جبريل ول المطرطش ول حميد
كلو واحد فحكاية القال القصيدة دى خلها مافارقة كتير وتعال داخل توش فى الموضوع !!
|
Post: #43
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبدالرحمن محمد
Date: 02-16-2011, 01:44 PM
Parent: #40
Quote: ياجماعه القصيده مكتوبه بالشايقى وود الصايم دنقلاوى
يحتاج الى بعض الترجمات محمد عبد الرحمن وساميه ما يخوفكم
الزول ده ساكت..
وانا جايكم للقصيده بس عندى حرب لا غادى فى نفس الموضوع بس اهم
ود الصايم ما تعقد الناس يعقد راسك،،،
|
هوووووووووي يا صديق؛
محمد عبدالرحمن ماهو الزول البخوفو ولا يعقدو راجل متلو..
والقتو انا فوق علاقتو شنو بي ودالصايم؟
حربك اللاغادي تمها وتعال بسراعك..
فشان عندي نضم كتير بي خسوس شعر حميد ونوري..
وفي نوري الجريف.. وحا اعرج علي السقاي..
البواشيب والرحوماب والكوارير والحواجنير والتركاب وعييييييك..
قتلك ديل لحمي ودمي..
|
Post: #44
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: نورالدين الفحل
Date: 02-16-2011, 02:12 PM
Parent: #43
غايتو ياموج الفيك اتعرفت
اها انا من لف لفهم ذاتووو
ياخى بطل استنباطات الجماعة.
|
Post: #45
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: صديق الموج
Date: 02-16-2011, 02:22 PM
Parent: #43
Quote: ود الموج
القصيدة دى كان قالها شايقى ولّ كان قالها جنابو ول طارق جبريل ول المطرطش ول حميد
كلو واحد فحكاية القال القصيدة دى خلها مافارقة كتير وتعال داخل توش فى الموضوع !! |
صلاح الدين سلام
اول شى النعرف الشاعر لانو معظم الشاقيه الانا التقيت بيهم مختلفين في شاعرها
حتى الذين تداخلو هنا بما فيهم مرجعنا ود خالتك مصر انها لحميد
وبعدين نجى لمحاكمة القصيده ..بس ماتفوتنا ضرورى مداخلتك الشحمانه
فى الموضوع شكرا للمرور،،،،
|
Post: #46
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: abdulhalim altilib
Date: 02-16-2011, 03:04 PM
Parent: #45
| Quote: فشان عندي نضم كتير بي خسوس شعر حميد ونوري.. |
وبناءاً على ما ذكره أعلاه أخونا ود عبدالرحمن .. يمكنك يا ود الموج
الاستعانة بالمحمدين (محمد عبدالرحمن و محمد عبدالجليل) في سبر أغوار
تلك القصيدة وغربلتها على مقياس حميد ، باعتبارهما خبيران في شعره ،
وإفادتك إن كانت من بنات أفكاره أو أولاد جيرانه من بقية الشايقية .
أحمد الشايقي وحسن الشايقي يمتنعان ؟!!
مودتي ،
( ليمو )
|
Post: #47
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: صديق الموج
Date: 02-16-2011, 03:17 PM
Parent: #46
Quote: وبناءاً على ما ذكره أعلاه أخونا ود عبدالرحمن .. يمكنك يا ود الموج
الاستعانة بالمحمدين (محمد عبدالرحمن و محمد عبدالجليل) في سبر أغوار
تلك القصيدة وغربلتها على مقياس حميد ، باعتبارهما خبيران في شعره ،
وإفادتك إن كانت من بنات أفكاره أو أولاد جيرانه من بقية الشايقية .
أحمد الشايقي وحسن الشايقي يمتنعان ؟!!
مودتي ،
( ليمو ) |
ليمو شكرا للمرور وانت زاتك ماك هين قطعا جيتك سوف تثرى البوست
ود عبد الجليل اعرف مقدراته تماما لكننى استثنيته من العنوان
لان العنوان خاص بالاخوة الالمان ديل ولكن قطعا ننتظر منه افاده
ماكنة فى مستقبل البوست..
وبعدين ما احمد وحسن براهم ابعد لى ود الصايم الفقر ده داير يطير
على الزبائن..هسع الواحد ما يخرب ليه شيشته العاجباهـ دى!!!!
غايتو جنس غايتو......
|
Post: #48
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد حيدر المشرف
Date: 02-16-2011, 04:20 PM
Parent: #47
|
Post: #49
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: عبدالمجيد الكونت
Date: 02-16-2011, 04:27 PM
Parent: #48
|
Post: #50
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: خالد عبد الله محمود
Date: 02-16-2011, 04:43 PM
Parent: #49
شكراً يا ود الصايم ياخ و الله كنت ماشي توش على الحفرة
صديق الموج يا زعيم : ياخ ما عهدناكـ فاجراً في الخصومة و لمن تفجر زاتو ما بتصل المرحلة دي ؟
رجاء من صديق أعرض عن هذا و أستغفر لذنبكـ .. بس بحق الملح و الملاح ساكت كده ناهيكـ عن أي حاجة تانية
ناقش القصيدة و اسبر أغواراها لكن بحق زمالتنا دي لا تصل لمرحلة ( نتفاهم) هذه
|
Post: #51
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبد الماجد الصايم
Date: 02-16-2011, 05:59 PM
Parent: #50
لا شكر على واجب يا خالد ياخ!
المشكلة في الناس الشايفة الحفرة .. وسامعانا
بنكوركـ هنا في حفرة .. وبرضو كفكفو بناطلينم!
|
Post: #52
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبد الماجد الصايم
Date: 02-16-2011, 06:01 PM
Parent: #51
معقولة يا د. المشرف!!
تحسّس مسدسكـ يا رجل!!
|
Post: #53
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: طارق جبريل
Date: 02-16-2011, 06:02 PM
Parent: #51
Quote: غايتو ..
البباري الشوايقه جنابو "لحين حضوره" والمطرطش وطارق جبريل تانى غلطان |
جاتنا في صمة خشمنا
لا ايدنا لا كراعنا
|
Post: #54
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: Elawad
Date: 02-16-2011, 06:17 PM
Parent: #53
والله يا ود الصايم أنا زي أخوي ود المشرف دا... داقس بمزاج و ما فاهم الحاصل شنو.
|
Post: #55
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: Kostawi
Date: 02-16-2011, 06:29 PM
Parent: #54
إبراهيم حسن سالم
|
Post: #56
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبدالرحمن محمد
Date: 02-16-2011, 07:13 PM
Parent: #55
| Quote: البباري الشوايقه جنابو "لحين حضوره" والمطرطش وطارق جبريل تانى غلطان |
أماني اكان جا "داقس" معاك ودالصايم "الآخر" كان [ المطرطش]
انسد فيكم دقيستكم ليهو في بوست "الأراضي" داك
و"ضرب حجرين بي عصفور واحد"!!
تاني تجي المولد يا مشرف؟
قال عمدة بندر قال! !
[ المطرطش]
|
Post: #57
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: Elawad
Date: 02-16-2011, 07:23 PM
Parent: #56
Quote: نسن الخصال
الفيهو خلقة مأصلة
نسن العلم
نسن اللباقة
الفي حديثو مكمَّلة
نِسن إنُّو إنسان
بالصفات السمحة
روحو مشبِّعه
حالي الطعم
ممسوح فهم
نفسو الأبية مرفِّعة |
عارف يا ود الموج دي المشكلة... لما الناس تنسى كل الصفات الجميلة في الإنسان و تعاين ليه من منظور عنصري و تفتكر إنه ممكن تقيمه من أصوله... مع إنه الزول دا ممكن يكون فخور جدا بالأصول دي و ما سائل فيهم و هم أوهامهم بتصور ليهم إنه دا مطعن فيه. يعني هسع شوف زي الزول دا أخلاق و علم و صفات سمحة و نفس أبية... دا أكيد بكون زول شجاع و الواحد ممكن يأتمنه على بته... في نفس الوقت بتلقى واحدين فاكرين نفسهم أولاد قبائل زي ما بقولوا و الواحد ما يتورع من طعن خصومه من الخلف و لا يجرؤ على المواجهة و بعد دا يفتكروا نفسهم أحسن من الناس... زي ديل الواحد ما يأمنهم على غنماية مش على عرضه..
الكلام الممكن يتقال كتير و احتمال الواحد يرجع.
|
Post: #58
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: عمران حسن صالح
Date: 02-16-2011, 07:34 PM
Parent: #57
| Quote: فيصفّق له البورضاب!! |
ده لو مريت مرور بس على الأسماء ولم تقرأ المكتوب يا صديقي .
|
Post: #59
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: صديق الموج
Date: 02-16-2011, 07:41 PM
Parent: #57
Quote: شكراً يا ود الصايم ياخ و الله كنت ماشي توش على الحفرة
صديق الموج يا زعيم : ياخ ما عهدناكـ فاجراً في الخصومة و لمن تفجر زاتو ما بتصل المرحلة دي ؟
رجاء من صديق أعرض عن هذا و أستغفر لذنبكـ .. بس بحق الملح و الملاح ساكت كده ناهيكـ عن أي حاجة تانية
ناقش القصيدة و اسبر أغواراها لكن بحق زمالتنا دي لا تصل لمرحلة ( نتفاهم) هذه |
خالد ...سلام
خلى اللولوة دى انت بتتكلم عن شى انا كتبته هنا واللا عن شى جوه سريرتك
وداير تحاسبنى عليه؟؟.
انا مافاهم انت بتقصد شنو ،بلا تفجر بلا تكفر معاك
انا كتبت كلام واضح عندك اعتراض على اى كلمه كتبتها انا هنا واضحه قولها
ماعندك خلى الفلسفه.ونتفاهم دى لو عارف ليها اى معنى غير معناها
المعروف ورينا ليه؟
|
Post: #60
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: صلاح عباس فقير
Date: 02-17-2011, 04:25 AM
Parent: #59
!!!!
|
Post: #61
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: خالد عبد الله محمود
Date: 02-17-2011, 06:08 AM
Parent: #59
كدي هدي نفسكـ شوية يا صديق ..
ياخ والله أتمني أني أكون فهمت غلط و حأقدم ليكـ إعتذار كارب إن كان الأمر كذلكـ
* التعديل لإضافة الدال في ( هدي)
|
Post: #62
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبد الماجد الصايم
Date: 02-17-2011, 03:55 PM
Parent: #61
UP
|
Post: #63
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبد الماجد الصايم
Date: 02-17-2011, 04:25 PM
Parent: #62
بكري ذاتو بقى يبالغ!
يشيل ويمسح قبل ما نلحق نشوف!!
|
Post: #64
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبد الماجد الصايم
Date: 02-18-2011, 05:13 PM
Parent: #63
يستحق أن يكون في الأعلى!!
|
Post: #65
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبد الماجد الصايم
Date: 02-19-2011, 11:03 AM
Parent: #64
لمزيد من القراءات!!
|
Post: #66
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبد الماجد الصايم
Date: 02-19-2011, 04:23 PM
Parent: #65
|
Post: #67
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: أحمد الصديق
Date: 02-19-2011, 08:30 PM
Parent: #66
ود الصايم بتجيك Flight ؟؟
قالوا شاقية ماأشقياء؟؟
أنتا داير آخر إيدك وألا شنو ؟؟
|
Post: #68
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبد الماجد الصايم
Date: 02-20-2011, 08:23 AM
Parent: #67
| Quote: ود الصايم بتجيك Flight ؟؟ |
|
Post: #69
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبد الماجد الصايم
Date: 02-21-2011, 07:54 AM
Parent: #68
|
Post: #70
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: HAIDER ALZAIN
Date: 02-21-2011, 08:15 AM
Parent: #69
أتاريي كدى ..!!
الواحد من فارقو التوفيــق بقي فهمو تقيل 
|
Post: #72
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: اساسي
Date: 02-21-2011, 08:43 AM
Parent: #69
عادة لا ادخل البوستات الموجه لاشخاص , لفت نظري وجود اسم ود الصايم دائما معلقا علي هذا البوست , ولاني اعرف ان وجود ود الصايم في مكان لابد ان يكون هناك غنائم , وتوكلت علي الله ودخلت البوست الموجه لاشخاص , وقرأت البوست والقصيدة وصدمت لم اصدم من القصيدة بقدر ما صدمت فيك يا ود الموج , بحكم اشياء كثيرة انت تعلمها وتجهلها ايضا كنت تعرف قدرك عندي واحترامي لك بل حتي حبي لك , الا لن استطيع القول ابدا ان ود الموج عندي قبل هذا البوست هو نفسه بعد قرائتي لهذا البوست , النفس امارة بالسؤ يا ود الموج ولكن تركها بدون لجام لابد ان يوردك المهالك , اتمني منك سحب هذا البوست والندم بينك وبين ذاتك علي افتراعه اصلا وارجو رجاء خاص عدم محاولتك الرد علي مداخلتي هذه والتحايل بالكلمات والاشارات , لاني سالختلف عندها كثيرا وساكون مباشرا بشكل قد يدهشك جدا وعنيفا لحظتها بما قد يحيرني انا نفسي
اتمني ان تسحب هذا البوست
|
Post: #73
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: HAIDER ALZAIN
Date: 02-21-2011, 08:55 AM
Parent: #72
| Quote: الا لن استطيع القول ابدا ان ود الموج عندي قبل هذا البوست هو نفسه بعد قرائتي لهذا البوست , النفس امارة بالسؤ يا ود الموج ولكن تركها بدون لجام لابد ان يوردك المهالك , اتمني منك سحب هذا البوست والندم بينك وبين ذاتك علي افتراعه اصلا |
|
Post: #74
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبد الماجد الصايم
Date: 02-21-2011, 01:22 PM
Parent: #73
|
Post: #75
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبد الماجد الصايم
Date: 02-23-2011, 09:04 AM
Parent: #74
للذين لا يرون البورض إلا بمعايير النضال!!
|
Post: #76
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: ادريس خليفة علم الهدي
Date: 02-23-2011, 09:17 AM
Parent: #75
| Quote: للذين لا يرون البورض إلا بمعايير النضال!! |
ود الصايم كان عندك نجيضة الحقنا بيها .. علاقة البوست بمعايير النضال شنو ؟؟؟
زول اورد قصيدة وبيسأل من الشاعر فيها شنو ؟؟؟
|
Post: #77
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبد الماجد الصايم
Date: 02-23-2011, 09:22 AM
Parent: #76
يا وزيرنا .. الحكاية عراريق!
لو لقيت مقاسكـ أوكي .. ما لقيت أعمل رايح!!
|
Post: #78
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: ادريس خليفة علم الهدي
Date: 02-23-2011, 09:26 AM
Parent: #77
Quote: ا وزيرنا .. الحكاية عراريق!
لو لقيت مقاسكـ أوكي .. ما لقيت أعمل رايح!! |
عراريق بسراويل ولا من غير
|
Post: #79
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: العوض المسلمي
Date: 02-23-2011, 09:40 AM
Parent: #78
سلامي للجميع
فتح العم صديق هذا البوست وجاء الشايقية الاعمي شايل المكسر ليجاوب عن كاتب هذه الكلمات ..ولا ادري كيف فات عليهم جميعا
نشر هذه الكلمات التي تدعو للعنصرية وتقيس الناس بمقياس عبد وحر !!!
والاغرب من ذلك ان يكتب العم صديق عضو الحركة الشعبية لتحرير السودان بوست ملئ بالعنصرية ولا يشجب ولا يستنكر ذلك ...
وزي ما قال طارق جبريل ندخل بحسن نية لحدي ما نشوف صديق ماذا يريد بهذا البوست .. رغم اني ارفض اي تلميح او قصد لاي شخص كان ..
|
Post: #80
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: ادريس خليفة علم الهدي
Date: 02-23-2011, 11:35 AM
Parent: #79
Quote: سلامي للجميع
فتح العم صديق هذا البوست وجاء الشايقية الاعمي شايل المكسر ليجاوب عن كاتب هذه الكلمات ..ولا ادري كيف فات عليهم جميعا
نشر هذه الكلمات التي تدعو للعنصرية وتقيس الناس بمقياس عبد وحر !!!
والاغرب من ذلك ان يكتب العم صديق عضو الحركة الشعبية لتحرير السودان بوست ملئ بالعنصرية ولا يشجب ولا يستنكر ذلك ...
وزي ما قال طارق جبريل ندخل بحسن نية لحدي ما نشوف صديق ماذا يريد بهذا البوست .. رغم اني ارفض اي تلميح او قصد لاي شخص كان .. |
كان انت فهمتها بالفهم دا دي مشكلتك ...
شخصيا انا فهمت انها مناهضة للعنصرية
|
Post: #81
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: العوض المسلمي
Date: 02-23-2011, 11:43 AM
Parent: #80
Quote: كان انت فهمتها بالفهم دا دي مشكلتك ...
شخصيا انا فهمت انها مناهضة للعنصرية |
مشكلتي انا قادر علي حلها ..
تحياتي ..
|
Post: #82
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: ادريس خليفة علم الهدي
Date: 02-23-2011, 11:49 AM
Parent: #81
| Quote: مشكلتي انا قادر علي حلها . |
ذلك الفضل من الله
تحياتي
|
Post: #83
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: ادريس خليفة علم الهدي
Date: 02-23-2011, 12:04 PM
Parent: #82
(*)
|
Post: #84
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: ادريس خليفة علم الهدي
Date: 02-28-2011, 12:38 PM
Parent: #83
.
|
Post: #85
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبد الماجد الصايم
Date: 03-07-2011, 09:41 AM
Parent: #84
|
Post: #86
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبدالرحمن محمد
Date: 03-07-2011, 09:54 AM
Parent: #85
Quote: وجاء الشايقية الاعمي شايل المكسر ليجاوب عن كاتب هذه الكلمات ..ولا ادري كيف فات عليهم جميعا
نشر هذه الكلمات التي تدعو للعنصرية وتقيس الناس بمقياس عبد وحر !!! |
شيخ العوض؛
أكان مو ود الصايم تومك الفي الصوره ما كت شف مداخلتك [ الظلمتني] فيها دي..
وماني شارح.. وزي ما قعيقولوا (حمدو في بطنو)!
_
[ساهبي]؛
نكت البوست ده من وين؟
|
Post: #87
Title: Re: يا شاقية المنبر جنابو وطارق جبريل والسنجك والمطرطش ومن لف لفهم لمن هذه القصيده بعدها بنتف
Author: محمد عبد الماجد الصايم
Date: 03-07-2011, 04:31 PM
Parent: #86
والله يا مطرطش رفعناهو بالتنسيق مع عمكـ قاسم المهداوي!
أصلوا شايف الناس صارفة عربي تقيل مع المهداي والموج بخصوص العنصرية!!
|
|