Post: #1 Title: إحتقانات و إتهامات بالجملة !! إذن انت في سودانيزاونلاين Author: خدر Date: 02-14-2011, 10:58 AM Parent: #0
اعتقد يا رفاق سودانيزاونلاين انو الوكت حان اننا نتكلم و نجد حل لأطنان الإحتقانات البتهدر مننا جهد و وكت و اعصاب دون ثمار مفيدة. الوكت حان لاننا سواء بقينا في عصمة المؤتمر الوطني لسنين قادمات او عتق الله رقاب اولادنا و بناتنا من سيوفهم يجب و وفق قانون التطور الطبيعي ان نقدم نموذج جديد يوافق احلام الاجيال الجديدة و طرائق حياتهم التي بالضرورة لا تنفصل عما يدور حولنا في العالم من اساليب راقية في التعامل الانساني , الضابط لدعوتي هذه هي كرامة الإنسان و كيفية حفظها في الإختلاف او الاتفاق . بقول الكلام ده وانا ما بحلم بي منبر خالي من المشاكل يرعي فيه الوغد دكين و المُسالمة مريوم بت الحسين جنبا لجنب , لكني ادعوا لإعلان مبادئ يكفل لبت الحسين التجول بآمان تام في عرصات المنبر و من الجانب الاخر يضيق هامش حرية دكين لاقصي درجات إحترام كرامة الأخر رجل كان او امرأة. المنبر الان ملئ بإكليشيهات تهم جاهزة لكل من يختلف معك, تبدأ من تربيتك مرورا بإسرتك و إنتهاء بأخلاقك و تاريخك. تُدفع في سبيل ذلك فواتير إتصالات هاتفية خيالية و من اجل ماذا ؟
___ إستخدامي لاسماء الزملاء مريم و دكين فقط للتوضيح بحكم انهم اصدقائي و ما بيني و بينهم يسمح بذلك.
Post: #2 Title: Re: إحتقانات و إتهامات بالجملة !! إذن انت في سودانيزاونلاين Author: خدر Date: 02-14-2011, 10:58 AM Parent: #1
أستيب (1) اسباب الشتائم متمركزة حول الخلاف السياسي كسبب رئيس و تضخم الانا عند كثيرين تبعا لدور المنبر الاعلامي البحول مواطن سوداني معروف في نطاقو الضيق { الاسرة - العمل - الاصدقاء } لاسم معروف علي نطاق كبير و منتشر. المواطن ده ما حايقبل بأي حال من الاحوال مجرد محاولة تصويبو {مثلا} في حوار فكري او خلاف سياسي بإقناعو برأي مغاير صحيحا كان ام غير صحيح. أستيب (2) تبعا لاعلاه يبدأ العضو {معارض او موالي للمؤتمر الوطني} في شحذ همتو في إتهام المختلف معاهو مرورا بشتمو و إنتهاء بإستدعاء مليشياته من الموالين له او لتنظيمو لردع الذي تجراء علي زميلهم. أستيب (3) خرجنا من كل ما سبق بكمية إتهامات و دمغات لعضوية لاذنب لها سوي الإختلاف مع عضوية اخري و حصيلتنا كانت: - شُتمت الكثير من {الزميلات} هنا في عرضهن و اسرهن لان لهن مواقف و آراء متماسكة. - صُنف كثير من {الزملاء و الزميلات} بالامنجية و التجسس علي زملائهم بسودانيزاونلاين. - شتم الكثيرين {رجال و نساء} في اعراضهم و اسرهم بسبب الخلاف في الافكار. - تم تخوين و شيل حال كثيرين {رجال و نساء} في ذممهم المالية.
Post: #3 Title: Re: إحتقانات و إتهامات بالجملة !! إذن انت في سودانيزاونلاين Author: خدر Date: 02-14-2011, 11:01 AM Parent: #2
لائحة بكري ابوبكر لن تضبط حركة السير في سودانيزاونلاين , نحن نحتاج لاعلان مبادئ .. إتفاق أخلاقي غير مضبوط بمجلس حكماء, كل العضوية ستكون مجلس حكماء إذا إتفقنا علي ذلك الضابط الاخلاقي الذي ننشد من اجل منبر خالي من الإحتقان و مفتوح علي تبادل التجارب و الخبرات و الخلافات التي تعني بإحترام الاخر و مراعاة الحساسية الانسانية الطبيعية في التعامل مع الاخر.
دعوة للنقاش و تشخيص حالة المنبر بإضافة آراء لقولي اعلاه يا رفاق
____ البوست للنقاش و تبادل الافكار لذا صاحب البوست ليس معني بالرد علي الجميع قدرما معني بضبط البوست في مسارو في حالة خروجو عنو.
Post: #5 Title: Re: إحتقانات و إتهامات بالجملة !! إذن انت في سودانيزاونلاين Author: الخير محمد عوض Date: 02-14-2011, 11:09 AM Parent: #3
اعرف بعض الاقلام المفيدة هجرت هذا المنبر بسبب الاسفاف وتدني لغة الحوار والسباب الذي لا يستثني العضو ولا اهله الاقربين. عن نفسي قمت بعمل روشيتة يبدو ان مفعولها للان يسري بصورة جيدة وهي الابتعاد والناي بنفسي عن قراءة بعض الاقلام التي اصبح شبه المستحيل ان تخلو بوستاتهم من كيل السباب والاذى.
Post: #7 Title: Re: إحتقانات و إتهامات بالجملة !! إذن انت في سودانيزاونلاين Author: tmbis Date: 02-14-2011, 11:23 AM Parent: #3
Quote: نحن نحتاج لاعلان مبادئ .. إتفاق أخلاقي غير مضبوط بمجلس حكماء, كل العضوية ستكون مجلس حكماء إذا إتفقنا علي ذلك الضابط الاخلاقي الذي ننشد من اجل منبر خالي من الإحتقان و مفتوح علي تبادل التجارب و الخبرات و الخلافات التي تعني بإحترام الاخر ومراعاة الحساسية الانسانية الطبيعية في التعامل مع الاخر.
اخشى ان دعوتك الكريمة هذه: اشبه بدعوة الذين ينادون بضم الجتوب إلى الشمال بعد الانفصال .. في ناس هنـا قاعدين في المنبر دا .. عشان المنبر دا يكون احتقان .. وكراهية .. وشتيمة بعدين يا خـدر القزازة كان اتكسرت ما بتتصلح .. والناس كلها بتنادي بي ترك سياسة عفى الله عما سلف .. وقس على ذلك .. انا شخصيا القدامك دا .. وبي كل صراحة ومن الآخـر كدا .. الشي السمح اللقيتو من البورد دا كتير جدا .. بالمقابل الاحتملتو من ناس وهم هنا وكرور .. ولي فترات كتيرة جدا .. لا يتم معالجته بمجرد فكرة او دراسة جدوى تطرح في البورد ..
Post: #12 Title: Re: إحتقانات و إتهامات بالجملة !! إذن انت في سودانيزاونلاين Author: خدر Date: 02-14-2011, 11:39 AM Parent: #7
يا شرس دعوتي هي زي ما كل الناس بقروها , ما عندي فيها أجندة سرية ولا احلام. دعوتي دي يا تامبا ضرورة عدييل كده , ضرورة اننا نكون ناس محترمين و دي ما اظن بتغلبنا. انا ما عاوز اصلح القزازرة يا فنان بعد ما اتكسرت , انا عاوز احافظ علي باقي القزاز انو ما يتكسر و الملم الإتكسر ده و اختو جنب الحيطة عشان ما يجرح زول , البلمو جنب الحيطة ده بكون عزلتو مع إحترامي الكامل لي حقو (كقزازة سابقة) انو ما ارميهو في الزبالة , لكن أجنب الناس أذيتو. انت القدامي ده و بصراحة اكتر من صراحتك دي , لو شاركت معانا في الحوار ده حا تفيد ناس كتار بتجربتك في المنبر متهم او مشارك في التهاتر.
Post: #4 Title: Re: إحتقانات و إتهامات بالجملة !! إذن انت في سودانيزاونلاين Author: محمد عبد الماجد الصايم Date: 02-14-2011, 11:04 AM Parent: #2
يسلم كيبورضكـ يا خدر .. وإن شاء الله كلامكـ يلاقي صدى!!
_
Quote: التجول بآمان تام في عرصات المنبر
يطرشنا من سمعنا بالحتة دي في المنبر دا!!
Post: #6 Title: Re: إحتقانات و إتهامات بالجملة !! إذن انت في سودانيزاونلاين Author: وليد محمد المبارك Date: 02-14-2011, 11:17 AM Parent: #4
حبابك
Post: #8 Title: Re: إحتقانات و إتهامات بالجملة !! إذن انت في سودانيزاونلاين Author: خدر Date: 02-14-2011, 11:28 AM Parent: #6
الخير سلامات انا برضو متبع طريقتك دي من زمن بعيد حتي انها جابت لي اللوم من الناس بأني ما بتابع البحصل في المنبر ( علي قلة مشاركاتي ) لكنها فعلا طريقة ناجعة في تقديري . و فيها فعلا حل , عزل الاقلام المُسيئة بعدم التداخل معاها حل متحضر و مشروع.
ود الصائم و وليد شنو يا معلمين شبكتوني طال عمرك و ابشر البوست ده خلوهو تحت رعايتكم بس يا ود الصايم خلي وليد يسمع اكتر من ينط للناس في حلقهم
Post: #10 Title: Re: إحتقانات و إتهامات بالجملة !! إذن انت في سودانيزاونلاين Author: وليد محمد المبارك Date: 02-14-2011, 11:32 AM Parent: #8
Quote: وليد يسمع اكتر من ينط للناس في حلقهم
حاااااااااااااضر يا خدر
انا مستمع بس في البوست ده
Post: #9 Title: Re: إحتقانات و إتهامات بالجملة !! إذن انت في سودانيزاونلاين Author: tmbis Date: 02-14-2011, 11:32 AM Parent: #6
مشكلة المنابر الالكترونية .. انك ممكن تكتب اي حاجة .. وممكن تكتب لي اي زول اي حاجة .. واي زول يكتب ليك اي حاجة .. لكن بالمقابل: صنعنا اسماء وابطال هنا .. بمجرد ان كان لها الشرف في الرد على ترهاتها .. يعني مثلا يجيك واحد عادي جدا ممكن يكون منفصم .. ويكتب ليك كلام بالليل يمسحو النهار .. وينكرو .. الواحد تلقاهو في الواقع .. اضينة ساااي .. يجيك داخل البورد دا .. ومفترض انو بيعرف اي حاجة وبتكلم في اي حاجة .. ومن حق الناس تنصت ليهو .. دي بتذكرني زمان .. في الحلة في نوعية كدا كانو بيحموها تطلع الشارع بعد الساعة خمسة .. اها بعدما الواحد يكبر بي حميانو دا .. عايز يجي يعوض فيك فترة الحراسة الجبرية الكانت بتطبق فيهو عايز يخلصه منك بي اثر رجعي التقول إنت (الحبستو) .. (الاحبس) من كدا .. يجيك واحد .. يا واحده كانو (محبوسين) معاهو .. يشبكوك .. يا فلان الفرتكاني أو يا فرتكانية الفلانية .. نشكركم على هذا البوسطي .. إلخ من الاكلشيهات القلتها فوق دي .. النجيضة .. الناس الكانو محبوسين من زمن (ووين يا تتي) ؟؟ .. هم اس البلاء في البوردي دا .. وسيد وطن من ليس له وطن دا .. بيحب الاكشــن .. مأكشنه طواااالي كدا .. كلما نقول ليهو الاكشن دا ما بينفع لي قدام .. دي بي طينة .. ودي بي عجينة ..
Post: #13 Title: Re: إحتقانات و إتهامات بالجملة !! إذن انت في سودانيزاونلاين Author: خدر Date: 02-14-2011, 11:44 AM Parent: #9
Quote: صنعنا اسماء وابطال هنا .. بمجرد ان كان لها الشرف في الرد على ترهاتها .. يعني مثلا يجيك واحد عادي جدا ممكن يكون منفصم .. ويكتب ليك كلام بالليل يمسحو النهار .. وينكرو .. الواحد تلقاهو في الواقع .. اضينة ساااي .. يجيك داخل البورد دا .. ومفترض انو بيعرف اي حاجة وبتكلم في اي حاجة .. ومن حق الناس تنصت ليهو .. دي بتذكرني زمان .. في الحلة في نوعية كدا كانو بيحموها تطلع الشارع بعد الساعة خمسة .. اها بعدما الواحد يكبر بي حميانو دا .. عايز يجي يعوض فيك فترة الحراسة الجبرية الكانت بتطبق فيهو عايز يخلصه منك بي اثر رجعي التقول إنت (الحبستو) .. (الاحبس) من كدا .. يجيك واحد .. يا واحده كانو (محبوسين) معاهو .. يشبكوك .. يا فلان الفرتكاني أو يا فرتكانية الفلانية .. نشكركم على هذا البوسطي .. إلخ من الاكلشيهات القلتها فوق دي .. النجيضة .. الناس الكانو محبوسين من زمن (ووين يا تتي) ؟؟ .. هم اس البلاء في البوردي دا .. وسيد وطن من ليس له وطن دا .. بيحب الاكشــن .. مأكشنه طواااالي كدا .. كلما نقول ليهو الاكشن دا ما بينفع لي قدام .. دي بي طينة .. ودي بي عجينة ..
يا شرس .. الحلاوي جابها ليك من الاخر .. يا احد عواجيز المنبر
Quote: تنقية أجواء المنبر وتغيير لغة الحوار دا شيء مطلوب يومياً ...عواجيز المنبر أي الأقدمون يجب أن يكونوا حضوراً دائماً ويقدموا نموذجا جيدا ...ما أكثر المعروض في المنبر وما أقل السمين منه ..الكل محتاج لوقفة مع ذاته ليقرر ماذا سيضيف للأخرين .
Post: #11 Title: Re: إحتقانات و إتهامات بالجملة !! إذن انت في سودانيزاونلاين Author: عبدالرحمن الحلاوي Date: 02-14-2011, 11:37 AM Parent: #6
الخلاف حول شأن عام لما يتحول لشخصنة هنا المشكلة مش في الخلاف ، المشكلة في فهم الأشخاص . تنقية أجواء المنبر وتغيير لغة الحوار دا شيء مطلوب يومياً ...عواجيز المنبر أي الأقدمون يجب أن يكونوا حضوراً دائماً ويقدموا نموذجا جيدا ...ما أكثر المعروض في المنبر وما أقل السمين منه ..الكل محتاج لوقفة مع ذاته ليقرر ماذا سيضيف للأخرين . تحيات
Post: #14 Title: Re: إحتقانات و إتهامات بالجملة !! إذن انت في سودانيزاونلاين Author: خدر Date: 02-14-2011, 11:47 AM Parent: #11
شكرا يا حلاوي لتقعيد الفكرة في الواطــــة , مجلس الحكما هو كل عضوية المنبر و ضرورة وجود القدماء بتحل مشاكل كتيرة بإستعراض خلافات سابقة و عرض نتائجها الغير مفيدة و تبعا لذلك طرح حلول جديدة, التذكير بفشلنا السابق بساعد في تجنب الاخطاء الجديدة . و عزل المشاركات الفاسدة بواسطة قدامي المحاربين او الجدد ضابط جيد في ظني .
Post: #15 Title: Re: إحتقانات و إتهامات بالجملة !! إذن انت في سودانيزاونلاين Author: فاروق عثمان Date: 02-14-2011, 11:55 AM Parent: #11
الاخ خدر شكرا علي ابتدار هذا الخيط المهم جدا لكيفية ادارة نقاشاتنا بموضوعيه وبعيدا عن الاساءه والتجريح من خلال متابعتي لهذا المنبر لفتره طويله قبل انضمامي لاحظت تدني مستوي الحوار وانحداره من نقاش الافكار والرؤي الي نقاش الاشخاص في السنين الاخيره مما حدا بكثير من الاقلام المفكره والجاده بالابتعاد ,وفي تقديري ان هذا الشئ مرده الي طبيعتنا وتجذر الانا بشكل كثيف,فللاسف المحاور او المناقش يفترض انه الصواب المطلق وعلي الاخرين عدم التعرض بالنقد لما يكتب او يتناول,وعندما يأتي شخص يناقش الاخر بموضوعيه انتقاديه تجد الاخر قد شكل موقف نفسي تجاه هذا الناقد يتحول هذا الموقف بمرور الوقت الي مناوشات ومن ثم ترصد ومن بعد محاولة تصفية هذا الشئ بالاغتيال المعنوي من خلال حشد توصيفات ونعوت وعبارات قد يدخل فيها ماهو اسري فيتحول الصراع الي عداء مستحكم وازلي تفشل بعده كل محاولات الاصلاح,وهذا الشئ ولد ما يعرف بالشلليات وهم عباره عن اشخاص عانو من هذا التجني,واتفقو علي شئ واحد هو فكرة الانتقام من القروب الاخر علي الرغم من عدم انتمائهم الي منهج تفكير او ايدلوجيه واحده فتحول المنبر كله الي شكل من اشكال الحرب الشخصيه البعيده كل البعد عن صراع الرؤي والافكار المفضي الي فائده للاعضاء او القراء المتابعين من الخارج.
Post: #45 Title: Re: إحتقانات و إتهامات بالجملة !! إذن انت في سودانيزاونلاين Author: محمد الكامل عبد الحليم Date: 02-14-2011, 01:45 PM Parent: #15
Quote: يا شرس .. الحلاوي جابها ليك من الاخر .. يا احد عواجيز المنبر
.. يا خدر .. كونو انو الواحد قدر يحافظ على العجوزية دي لحدت الآن .. زتحمل الكتير جدا من الاذية دا في حد زاتو انجاز في طريق المحافظة على ديمومة المنبر .. إلا انو الدعوات من الناس القدام غير كافية .. لافتراض بعض الاقلام المتسلقة سريعا وبسرعة الصاروووخ .. افتراض ان كتابتهم في شان محدد .. تتيح لهم خاصية الربط والحل والافتاء .. طبعا انا ضد الدعوة دي مع احترامي ليها .. ضد دعوة الوصايا .. وتقديس الاسماء .. لكن على اقل تقدير بعض الاقلام التي لها وزن محدد ولها امكانية التغيير لواقع افضل .. يجب ان تعود بقوة .. ربما الواقع فرض بعض المعطيات .. وغير من خارطة الموقع .. واصبحت الصبغة الاساسية للموقع سياسية .. راجع كل اسماء العضوية .. من فترة زمنية ليست محددة .. كلها اقلام تتبع لجهات معينة .. تنظيمات سياسية ، حركات مسلحة ، تم تحريك الموقع إلى جهة محددة شاء البعض ام لم يرتضوا ذلك .. اصبح الشكل العام .. الكتابة في السياسة بكل ما فيها من قذارة .. ظن البعض ان هذا المكان خلق من أجل السياسة .. اصبح كل من يكتب هنا لابد وأن يمتطي الموجه الجديدة .. وهي اسرع طريق للشهرة هنا .. ومعظم الناس دي بتحب الاضواء ، الاقم المتواضعة والكبيرة جدا في طرحها تمت مهاجمتها هنا بشكل سافر جدا فقط لاختلاف وجهة النظر .. تم تقسيم السودان هنا قبل أن يتقسم في الواقع .. وما زالت المحاولات جارية في الفرز .. باللون والعرق والمنطقة .. الجماعة العندهم حرقص .. الواحد بلاي يشم ليك ريحة الكتابة البتمتعو من سلقط ملقط .. ويجيك جاري شايل العدة بتاعتو .. عايز يدوس على الاخدر واليابس .. ما بيعرف اي حاجة .. ولا عايز يسمع كلام اي زول .. مسالة الانصات للحس الداخلي بما يحترم رأي الآخـر حال الاختلاف انعدمت .. وهذه الخاصية فقد معاها الموقع مصداقيته .. روح الحوار المعافى .. وبالتالي هاجرت الاقلام التي تحترم نفسها في المقام الأول .. واصبح ما نراه يوميا من غثاء .. يطفح في السطح بالرغم من المحاولات الفاشلة لتجمميل الوجه القبيح جدا لبعض النفوس ..
Post: #16 Title: Re: إحتقانات و إتهامات بالجملة !! إذن انت في سودانيزاونلاين Author: عبداللطيف محجوب Date: 02-14-2011, 11:57 AM Parent: #1
Post: #18 Title: Re: إحتقانات و إتهامات بالجملة !! إذن انت في سودانيزاونلاين Author: يوسف السماني يوسف Date: 02-14-2011, 12:17 PM Parent: #16
الاخ خدر تحياتي
Quote: تبعا لاعلاه يبدأ العضو {معارض او موالي للمؤتمر الوطني} في شحذ همتو في إتهام المختلف معاهو مرورا بشتمو و إنتهاء بإستدعاء مليشياته من الموالين له او لتنظيمو لردع الذي تجراء علي زميلهم
.
الخلافات السياسية هي مصدر الخلاف الحقيقي لان من لايملك فكر يدافع عنه او راي سيحمل يراع التهكم والسخرية والبذاءة ثم ياتي دور المناصرين والمساندين في اشعال فتيل التوتر بين المتخاصمين سياسيا لتصفية حساباتهم الشخصية . ما يهم هو ترسيخ ادب الحوار لمن يريد الحوار من المؤتمر الوطني او المعارصة والوطن وقضاياه ليست حكرا لاحد .
البحصل من وجه ما جميل 90% منه بساهم فه الصراع السياسي وبشكل سمج وبطريقة غير كريمة في حق البشر الهنا ديل. الصراع السياسي نفسه يا مولانا اقطابه ما بتفهم تكنيك سياسة..شغالين شغل عواطف..دي ما سياسة...ما اظن تقول علي عثمان سياسي وناس حزبه الهنا يتقال عليهم سياسيين ونفس المثل ده ممكن تطبقه علي الاحزاب...دي ما سياسة..ده اسمو كوراك وقلة معرفة وعدم إحترام للجهة الانت بتنتمي ليها وقاعد تعارض ولا تجاهد من أجلها. ما ممكن واحد يجي يكتب ليه بوست والناس تخش ليه بنفس المكنة من 8 سنة ياخ.تكرار ممل للحاجات لامن الواحد افتكر نفسه حمار سقا باقي العشرة 10% زي ما ذكر ليك تمبس فوق مع مرور الزمن بقت في حساسيات شخصية.
في المثالين الفوق ديل في ناس بفتكروا انو الكتابة في المنابر ذاتها نوع من العبقرية ولا ما تعرف شنو ولا مخلوعين ولا الفكرة شنو ما معروف. ناس السياسة أي فصيل عايز يوصل فكرته يخت الكورة واطة..والا بعتبر انهم بضيعوا في زمنهم وزمنا وبجوطوا امورهم وامورنا ساي
_ الواحد لدرجة ممكن يلقي عزا وما تجيه الرغبة يعزي من كترة ما قرا كلام صادم يعكر مزاجك..عموما غايتو ما سجلنا في المنبر ده كمفكرين ولا سياسين ولا اي تصنيف...لكن كمان ناس السياسة والاختلافات الشخصية لو شايفين انو بضاعتهم هي الاصلح نسمع منهم وممكن نسلم الباسويرد ذاتو لو اقنعونا انو ديك البضاعة الكويسة
انت لو حريص جدا علي المدينة الفاضلة ما كان تصبر علي سوداان فور ال , سودانيز اون لاين لا تنصت لمثل هذه الدعوات الفطيرة , سودانيز اون لاين تتكيف والظروف دون وصاية من احد , دي سودانيز اون لاين كدا العاجبه يحتمل الوضع حبابو والما عاجبه في المنابر متسع . الشيوعين ديل يشبكوك , الاخلاق والقيم والوازع والمبادئي وكرامة ناس عشة , وهم اول من يضرب عرض القيم والاخلاق والمبادئي وسماية ناس عشة سودانيز اون لاين منبر لاي محتقن ليفرج عن نفسه ارفعوا اياديكم ووصاياتكم عن سودانيز اون لاين ايها الشيوعين , ودعوه يمر بمخاضه , دعوه فهو يتخلق
Quote: انت لو حريص جدا علي المدينة الفاضلة ما كان تصبر علي سوداان فور ال , سودانيز اون لاين لا تنصت لمثل هذه الدعوات الفطيرة , سودانيز اون لاين تتكيف والظروف دون وصاية من احد , دي سودانيز اون لاين كدا العاجبه يحتمل الوضع حبابو والما عاجبه في المنابر متسع . الشيوعين ديل يشبكوك , الاخلاق والقيم والوازع والمبادئي وكرامة ناس عشة , وهم اول من يضرب عرض القيم والاخلاق والمبادئي وسماية ناس عشة سودانيز اون لاين منبر لاي محتقن ليفرج عن نفسه ارفعوا اياديكم ووصاياتكم عن سودانيز اون لاين ايها الشيوعين , ودعوه يمر بمخاضه , دعوه فهو يتخلق
يا تيسير .. لا و كمان ما يفوتك , شوفي الإنجعاصة و استسهال الوصول لنتائج و التقريرية دي كيف
Quote: سودانيز اون لاين لا تنصت لمثل هذه الدعوات الفطيرة , سودانيز اون لاين تتكيف والظروف دون وصاية من احد , سودانيز اون لاين منبر لاي محتقن ليفرج عن نفسه ودعوه يمر بمخاضه , دعوه فهو يتخلق
محجوب اعفي لي ما شفت بوستك والله إلا اسه و خلينا نواصل هنا و هناك
يا شرس انا علي الاطلاق لا انادي بوصاية شخص او مجموعة علي اخري , انا بتكلم عن الرأئ الجمعي يا تمبس, الرائ الجمعي في تبادل التجارب و قطع شك لمن نقول تجارب بكون ضروري انو يكون في ناس عندها تجارب فعلا و ديل قدامي الاعضاء القصدتهم و الزميل الحلاوي . الاقدمية دي ما بتديهم حق انهم يفرضوا رأيهم علي الاخرين لكن بتديهم حكمة انهم ينهوا الخلافات العالقة بحيادية من خلال تجارب سابقة عاشوها في المنبر.
Post: #29 Title: Re: إحتقانات و إتهامات بالجملة !! إذن انت في سودانيزاونلاين Author: محمد الكامل عبد الحليم Date: 02-14-2011, 12:47 PM Parent: #21
تحية....معلوم سلفا كامر طبيعي اختلاف الاراء بين الناس....المطلوب كما هو معلوماستمرار الحوار الي ما يفيد ...خلال الحوار يبدو من اللازم والمفيد الناي به عما يشين او يسئ او يشخصن الامر بما يفضي الي الاحتقان...اختلاف الراي السياسي وارد حتما لكن حالة الاستقطاب الحادة الماثلة تجعل الامر يبدو في سياق مع او ضد...يمكن ان يكون الامر كذلك لكن ضد ليست معناها العداوة بشكلها او طعمها او مذاقها المر...
يفترض اننا نسعي جميعا للتنوير كموقف حضاري...يفترض ان نجني ثمار وجودنا في منبر واحد لاثراء العلاقات الانسانية...واكتساب معارف جديدة وعلاقان انسانية جديدة.
الاختلاف امر طبيعي لكن الاهم كيفية ادارة الاختلاف وهذا ياتي من الخبرة او التعلم او المثابرة والصبر والمصابرة ايضا...
سعينا يجب ان يفضي الي خلق مناخ حواري...مجتمعنا ليس مجتمعا حواريا لكننا نكتسب ذلك من التفاعل مع البيئات الاخري والاستفادة من التجارب الانسانية والرقي الانساني..
الاهم ان نصبر علي بعضنا البعض...يحدث الاختلاف ولكن المعالجةيجب ان تكون باسلوب حضاري ليس الا.
مديرو المنبر عليهم دور هام في تفادي الغث والطالح وذي الغرض غير الاخلاقي
لكم وافر الاحترام(وانا صادق وجادي في كلامي يا جماعة)
Quote: اصبح الشكل العام .. الكتابة في السياسة بكل ما فيها من قذارة .. ظن البعض ان هذا المكان خلق من أجل السياسة ..
مره يا خدر , ذات (برريه) سياسيه , دورت في المنبر دا , وكالعاده , البيعرف وما البيعرف ادلى بدلوه في الموضوع دا , أنا مثلا (وكم زول وزوله في المنبر دا) بنفتكر انو الفعل السياسي في المنبر بقى مشوه, والموضوع الكان مدور في الوكت داك بالذات , كان موضوع ممكن نوصفوا بي انو (ما ظريف ولا لائق اجتماعيا) وأنا شخصيا (حيائي الاجتماعي) منعني من اني ادلي بي دلوي وكدا ,,
المهم يااخوي , واحد كدا من الناس الفي البورطي دا , و(حاسين بي روحهم وكدا), فتح بوصط , وقال : (الى الناس الساكتين من الموضوع دا في المنبر: موقفكم شنو من الموضوع الفلاني الفرتكاني..؟؟) تفتح البوصطي جوه , تلقاهو مخلي الناس البتناقش في الموضوع دا كلللو , وكاتب : انتو يعني ساكتين ليه ؟؟ دا موضوع ينسكت عنو ؟؟ يعني كيف ما بتكتبوا في السياسه ؟؟ كييف يعني الموضوع دا ما أثار حساسيتكم ؟ جاتو زميله عزيزه قالت ليهو : ياخ انا بستحي اكتب في الكلام دا شبكها ليك , انتي سلبيه وانتي ما بتفهمي وانتي ما عارف شنو وانتي شكلك زاتوو كدا كوزه وعميله , ولو ما خجل كان يحملها مسؤليه المشكله زااتها !!!
كلام الخير صاحبي الفوق دا عجبني شديد , لانو بيعبر عني تماما :)
لو بوستيك دا قاعد لحدي المساء أو بكره الصباح , بجيك تاني :)
يوسف السماني ده برضو ممكن ينضبط بالرد عليهو و بأدب , او اللجوء للخيار الاخير و هو مقاطعتو و عدم الرد عليهو حتي في بوستاتك نفسها مع توضيح موقفك انو بترفض طريقتو في التخاطب او الاختلاف معاك عشان كده بتمتنع عن الرد عليهو .
عزيز عيسي شكرا يا فنان
شهاب والله انت الراقي ياخي و انا عاجبني جدا منهجك و ادبك في سودانيزاونلاين
Post: #30 Title: Re: إحتقانات و إتهامات بالجملة !! إذن انت في سودانيزاونلاين Author: محمد البشرى الخضر Date: 02-14-2011, 12:51 PM Parent: #24
يا خدر انا عندي حل - اي نعم هو اشتر شوية زي حلول عمك سبيل لكن بمشي الحال أكبر و اسخف حاجة لما الخلاف يصل للامور الشخصية و زي ما قلت التلفونات و القطيعة تدور و يجوك متبرعين باخبار و سيرة و عورات الناس عشان تدعم بيها موقفك و تذل بيها خصمك اهااااا عشان كدا حلي (السبيلي) المقترح هو الغاء جميع الحسابات الحالية و فتح الباب للتسجيل باسماء جديدة ومستعارة نيك نيمز بس ليس بها دلالات على شخصية الكاتب مع حذف جميع المعلومات الشخصية من البروفايل و عدم الاشارة للشخصية الحقيقية في البوستات بالتالي ما في زول عارف ه بتكلم مع منو فحيكتفي بالرد على المكتوب ولن يتجاوزه لشخصه ولو حصل ما حيمس شخصيته الحقيقية و بالتالي اهله واسرته و اعراضه اي نعم هو حل اشتر لكن ممكن يمشي الحال
______________________
بجدية ... كلامك يا خدر عن عدم المساس بالشخوص و الاعراض يجب ان لا يقتصر على العضوية فقط بل غير الأعضاء هم الأولى بالحماية على الأقل لعدم قدرتهم على الرد أو الشكوى حكاية شخصية عامة يحل نقدها هي كلمة حق اريد بها باطل و صارت مبررا لكثير من الإنتهاكات غير المقبولة تتم تحت سقف حرية التعبير في سودانيزاونلاين
قبل كدا قلنا الكتابه من أجل الكتابه , لا لصنـع (أبطال من ورق) !
Post: #35 Title: Re: إحتقانات و إتهامات بالجملة !! إذن انت في سودانيزاونلاين Author: د.نجاة محمود Date: 02-14-2011, 01:08 PM Parent: #30
سلامات يا خدر
الحوار البناء يضيف الى الانسان ويطور الاطروحات ودي من اهم الحاجات
في البورد في كمية من قلة الادب في نقاش عادي جدا ممكن زول يجي يكتب كلام ما عنده اي معنى وكذب
النساء هنا كثيرا ما يضررن من ذلك وفي بنات بقن ما بجن ذاتو..ز
هبش السمعة والتلمحيات البطالة بتحسم اي نقاش لصالح الرجل لانه المرأة حتتوارى طوالي
انا شخصيا في هذا الممنبر تعرضت لكثير من الذم والقدح والاكاذيب فقط لان لدي وجهة نظر مختلفة البعض هنا اشاع اني كوزة وعمل لي موضوع وصدق الناس وبدأ صيد الساحرات..
قلة الادب ما بتقيف الا بوقفة جماعية من كل الناس .. موش الانتقائية البتعامل بيها الناس مع المنبر دا.
وعلى تجربتي انا الشخصية هنا
ارى ان المنتمين الى الحزب الشيوعي او اليسارين هم اكثر الناس فحشا ومطاردة للنساء وبذاءة ولا يفوتك ما كتب للابنة ميادة اكثر من مرة تلميحات فارغة لاسكاتها.. زلكن انا سعيدة انه ميادة قوية وصمدت ليهم. وانا مستمرة في هذا المكان الذي صار بغبضا الى نفسي فقط من اجل المبدا حتى لا يظن هؤلاء انهم ممكن يطاردوا النساء ويطردوهن من مكان عام.
دا السبب المخليني اكتب هنا. فقط لو اي حزب ضبط عضويته كما يفعلالاخوة الجمهورين كان المنبر تحول الى جنة..
بجيك راجعة في وقت مخي رائق اكتب بصور مرتبة اكثر دا حجري الان في البركة الساكنة.
Post: #36 Title: Re: إحتقانات و إتهامات بالجملة !! إذن انت في سودانيزاونلاين Author: محمد عبد الماجد الصايم Date: 02-14-2011, 01:16 PM Parent: #35
تعرفي يا بيان .. أنا حكيت مداخلتكـ دي لواحد في التلفون قبل ما أقراها!!
Post: #37 Title: Re: إحتقانات و إتهامات بالجملة !! إذن انت في سودانيزاونلاين Author: يوسف السماني يوسف Date: 02-14-2011, 01:17 PM Parent: #30
Quote: يوسف السماني ده برضو ممكن ينضبط بالرد عليهو و بأدب , او اللجوء للخيار الاخير و هو مقاطعتو و عدم الرد عليهو حتي في بوستاتك نفسها مع توضيح موقفك انو بترفض طريقتو في التخاطب او الاختلاف معاك عشان كده بتمتنع عن الرد عليهو
.
خدر اتفق معك في عدم شخصنة الكتابة كدفوعات عن الفعل السياسي , ولكن حينما تكتب عن شخص يتولي امر عام في الحكومة فمن حقك تكتبت ماتراه مناسبا لانك تتحدث عن الشخصية الاعتبارية لصاحب المنصب التي اصبحت ملك عام عيوبها ومحاسنها تحت مجهر النقد ولكن المدافعين عن هذة الشخوص في النظام يعتبرون ملامستك لهذا الرموز هو اعتداء عليهم وهذا الفهم من الصعب التخلص منه في حورارات المنبر .
وعلي المستوي الشخصي احترم كل من يدخل في بوستاتي وان حاول الخروج عن العام اتجاهله .
يا ود البشري ,, سلامات يا باشمهندس انا برضو بتفق معاك والله (دهإذا ابصلعة إتصلح معانا و هيهات ) لكن كمان حتي لو ده حصل باقيلك ود الصايك ما حا يفت الشباب كلهم من اسلوب كتابتهم ؟
لسه بكتب ليك في الرد ده لقيتو إندرع لي نجاة في رقبتها
ود البشرى...إقتراحك دسيس لكن صعب هل الناس دي بتلتزم بسرية الأسماء؟؟عادي واحد بكون قاعد مع صحبه حيقول ليه انا اسمي مصطفي النقر وصاحبه داك يكلم صحبه التالت والمسنجرات والتلفونات. إضافة لذلك في ناس بالجد مهنتهم كتابة وبحتاجوا يكتبوا بأسماؤهم الحقيقية...والمسئولية القانونية نفسها في حالة الاسم المستعار ..يعني يادوب الناس حتنبذ بعض وتنكر انها فلان الفلاني
Quote: عرف بعض الاقلام المفيدة هجرت هذا المنبر بسبب الاسفاف وتدني لغة الحوار والسباب الذي لا يستثني العضو ولا اهله الاقربين. عن نفسي قمت بعمل روشيتة يبدو ان مفعولها للان يسري بصورة جيدة وهي الابتعاد والناي بنفسي عن قراءة بعض الاقلام التي اصبح شبه المستحيل ان تخلو بوستاتهم من كيل السباب والاذى.
اتفق معك تماما واتمنى الدعوة الفى البوست ده تلاقى صدلى وقبول وتسمح بنقاش جدى وهادف
Post: #42 Title: Re: إحتقانات و إتهامات بالجملة !! إذن انت في سودانيزاونلاين Author: د.نجاة محمود Date: 02-14-2011, 01:41 PM Parent: #40
Quote: تعرفي يا بيان .. أنا حكيت مداخلتكـ دي لواحد في التلفون قبل ما أقراها!!
"وشوش خدرة"
اها يا الوداعية عندي حاجة حارياها بتجيني متين؟
Post: #44 Title: Re: إحتقانات و إتهامات بالجملة !! إذن انت في سودانيزاونلاين Author: محمد عبد الماجد الصايم Date: 02-14-2011, 01:45 PM Parent: #42
ههههههههههههههههههههههه لا دا ما مجالنا ياخ!! نحن خبرا في التكرار الما داير يعلّم الشطار ديل!!
Quote: اها يا الوداعية عندي حاجة حارياها بتجيني متين؟
لعب قانوني و نضيف
Post: #43 Title: Re: إحتقانات و إتهامات بالجملة !! إذن انت في سودانيزاونلاين Author: محمد البشرى الخضر Date: 02-14-2011, 01:44 PM Parent: #40
يا مولانا و أمر قلنا حل على طريقة حلول سبيل فما تجتهدو في تفنيدو وكدا
يوسف السماني قلت
Quote: ولكن حينما تكتب عن شخص يتولي امر عام في الحكومة فمن حقك تكتبت ماتراه مناسبا لانك تتحدث عن الشخصية الاعتبارية لصاحب المنصب التي اصبحت ملك عام عيوبها ومحاسنها تحت مجهر النقد ولكن المدافعين عن هذة الشخوص في النظام يعتبرون ملامستك لهذا الرموز هو اعتداء عليهم وهذا الفهم من الصعب التخلص منه في حورارات المنبر .
اها شفت ما تراه مناسبا دي مطااااااااطة وواسعة وليها مليون وجه مفهوم النقد يفرق كتير بين واحد والتاني هنا يبدأ من نقد القرارات و المواقف و يصل للرسم عاريا و الحديث عن زوجته و نسبه وكله تحت مظلة شخصية عامة و حرية التعبير
Post: #47 Title: Re: إحتقانات و إتهامات بالجملة !! إذن انت في سودانيزاونلاين Author: سيف النصر محي الدين محمد أحمد Date: 02-14-2011, 02:09 PM Parent: #43
Quote: فقط لو اي حزب ضبط عضويته كما يفعلالاخوة الجمهورين كان المنبر تحول الى جنة..
طيب يا بيان لو الاحزاب ضبطت عضويتها الناس الما عندهم احزاب=الاغلبية البضبطهم منو؟
تعرف يا خدر المسألة كلها بيد بكري إن أراد. إساءة أفراد آخرين لأنهم أقرباء الكاتب والكاتبة لابد أن يكون من الخطوط الحمراء ذات العقوبة الصارمة. والناس يا ليتها تنزع الغل والكراهية من نفسها مهما كان شكل الخلاف. أنا كواحد مساهم بقدر ما في تدني الحوار هنا، ولكن يعلم الله حتى الذين إختلف معهم بتكرار، لا أحمل لهم كراهية ولا غل..
Post: #48 Title: Re: إحتقانات و إتهامات بالجملة !! إذن انت في سودانيزاونلاين Author: يوسف السماني يوسف Date: 02-14-2011, 02:17 PM Parent: #43
محمد البشري تحياتي
Quote: اها شفت ما تراه مناسبا دي مطااااااااطة وواسعة وليها مليون وجه مفهوم النقد يفرق كتير بين واحد والتاني هنا
منابع وعي الانسان ومشارب فكرة تحدد منهجه للحوار ولكن حتي لا تذهب بك الظنون يجب احترام خصوصيات الشخصية العامة المتعلقة باسرتها واهلها وجنسها وتوجية النقد للافعال التي تصدر منها في الشأن العام .
Post: #50 Title: Re: إحتقانات و إتهامات بالجملة !! إذن انت في سودانيزاونلاين Author: محمد حيدر المشرف Date: 02-14-2011, 03:09 PM Parent: #48
ربنا يديم المحبه بين البورداب .. وان تعسرت .. اى اصبحت عسيره ... فالاحترام
Quote: تعرفي يا بيان .. أنا حكيت مداخلتكـ دي لواحد في التلفون قبل ما أقراها!!
Post: #52 Title: Re: إحتقانات و إتهامات بالجملة !! إذن انت في سودانيزاونلاين Author: أمين محمد سليمان Date: 02-14-2011, 03:56 PM Parent: #50
أثق في حكمتك يا خدر و في سلامة نيتك لكن المشكله فينا في عضمتنا : الخلل في شخصياتنا كامه لا تعرف أدب الأختلاف و تجنح لشخصنة القضايا لا و لن تحل ببوست و لا بمليون بوست . نحن دايرين تربيه من أول و جديد !!!
Post: #51 Title: Re: إحتقانات و إتهامات بالجملة !! إذن انت في سودانيزاونلاين Author: حمد عبد الغفار عمر Date: 02-14-2011, 03:36 PM Parent: #48
إجراء أولي:
تفعيل مادة في اللائحة عقوبتها الفصل النهائي
لكل من يحمل إساءة سابقة في بوست جديد (الكبشرة)
عشان الناس شوية شوية تنسى ما علق بالنفوس
--------- غايتو دكتورة نجاة دي لو عفصت أبنص شوية
المكتبات دي كلها بتلقاهامكبشرة في بوستيك دا
(كمية مهولة من الوشوش الخدرة)
Post: #53 Title: Re: إحتقانات و إتهامات بالجملة !! إذن انت في سودانيزاونلاين Author: adam alamar Date: 02-14-2011, 03:58 PM Parent: #51
الاخ خدر
Quote: اعتقد يا رفاق سودانيزاونلاين انو الوكت حان اننا نتكلم و نجد حل لأطنان الإحتقانات البتهدر مننا جهد و وكت و اعصاب دون ثمار مفيدة. الوكت حان لاننا سواء بقينا في عصمة المؤتمر الوطني لسنين قادمات او عتق الله رقاب اولادنا و بناتنا من سيوفهم يجب و وفق قانون التطور الطبيعي ان نقدم نموذج جديد يوافق احلام الاجيال الجديدة و طرائق حياتهم التي بالضرورة لا تنفصل عما يدور حولنا في العالم من اساليب راقية في التعامل الانساني , الضابط لدعوتي هذه هي كرامة الإنسان و كيفية حفظها في الإختلاف او الاتفاق . بقول الكلام ده وانا ما بحلم بي منبر خالي من المشاكل يرعي فيه الوغد دكين و المُسالمة مريوم بت الحسين جنبا لجنب , لكني ادعوا لإعلان مبادئ يكفل لبت الحسين التجول بآمان تام في عرصات المنبر و من الجانب الاخر يضيق هامش حرية دكين لاقصي درجات إحترام كرامة الأخر رجل كان او امرأة. المنبر الان ملئ بإكليشيهات تهم جاهزة لكل من يختلف معك, تبدأ من تربيتك مرورا بإسرتك و إنتهاء بأخلاقك و تاريخك. تُدفع في سبيل ذلك فواتير إتصالات هاتفية خيالية و من اجل ماذا ؟
ياخي كلام زي العسل
ولكن شئنا ام ابينا لدي كل منا قضية تشغله و تجعله اسيرا لديها ... و يحاول ان يسوقها بطرقته الخاصة ليقنع بها القراء ..... انا شخصيا اجد نفسي غصبا عني اتتبع كل ما يتعلق بابيي .... و احاول ان اعرض عدالة قضيتنا .... و لكن اتعرض لهجوم عنيف يصل لدرجة الاساءة و السباب احيانا كثيرة مع العلم اني اترفع عن الرد في كثير من الاحيان بنفس الاسلوب .... و لكن هنا الاحترام لمن يستعمل اي لغة بعيدة عن الاحترام .... لذا تجد كثير من الاعضاء دلفوا لذلك النفق ... غصبا عنهم ... ليردوا الظلم عن انفسهم ..... انما الامم الاخلاق فإن هم ذهبت اخلاقهم ذهبوا نسأل الله ان يصلح الحال
Quote: تعرف يا خدر المسألة كلها بيد بكري إن أراد. إساءة أفراد آخرين لأنهم أقرباء الكاتب والكاتبة لابد أن يكون من الخطوط الحمراء ذات العقوبة الصارمة. والناس يا ليتها تنزع الغل والكراهية من نفسها مهما كان شكل الخلاف. أنا كواحد مساهم بقدر ما في تدني الحوار هنا، ولكن يعلم الله حتى الذين إختلف معهم بتكرار، لا أحمل لهم كراهية ولا غل..
100% يا فنان
Post: #55 Title: Re: إحتقانات و إتهامات بالجملة !! إذن انت في سودانيزاونلاين Author: بدر الدين احمد موسى Date: 02-14-2011, 10:05 PM Parent: #54
خدر
يا فنان
لا
الحل ليس في يد بكري!
يا خدر اغلب المساهمين في المنبر دا فوق الثلاتين من اعمارهم يعني ما عايزين الفا يادبهم
الحل في نظري اننا نتفق جميعا او الاغلبية في اتخاذ موقف موحد ممن يتخطي خطوط حمراء لا يسمح بتخطيها في الشارع السوداني مثلا
1- في السودان-على الاقل لاخر مرة كنت هناك قبل خمسة عشر سنة- اذا تعدى اي انسان لكبير في السن بالشتم تجد ان اقرب شاب يتناوله ويديه الواطة طبعا في في الاسفير مافي وقع واطة لكن مفروض كلنا نقاطع الشخص الي ان يرعوي
2- في الشارع السوداني اي واحد يسئ لبنت-برضو لغاية ما خرجت من هناك- يتم التصدي له في التو واللحظة اقترح مقاطعة من يفعلون ذلك. هنا لا اقصد ان لا نختلف في الراي مع الاخوات والزميلات, فذلك يقويهن, لكن الاساءة الشخصية وما يمس ما لا يسمح بالمساس به في المجتمع السوداني, يجب ان نقف ضده بحسم جميعا.
3- في السودان اي بنت تتعرض للناس بلا سبب منطقي بالسب والشتائم توقف عند حدها. ايضا اقترح المقاطعة الي ان ترجع المتعدية للعقل.
4- عندنا هنا في امريكا عرف للوقوف في وجه الفتوات وصعاليق الشوارع(bullies). في البورد هناك عدد ممن مكنهم الاسفير ان يتعاملوا كفتوات, وارجو ان نتفق جميعا في مقاطعة الفتوة حتى يرجع للصواب.
يا خدر في فرق بين الخلاف السياسي او الفكري او الثقافي, وقلة الادب والصعلقة والاساءات الشخصية او الجماعية. لو اتفق الجميع على مقاطعة المعتدي, صدقني ما حنحتاج لبكري يبقي علينا الفا, لاننا اساسا مفروض نكون الان بنربي في اولادنا, ومفروض نعرف اساليب مقاومة الاساءات باسلوب يليق باعمارنا.
الحوار الحضاري.... والتعامل الحضاري .... إحترام الرأي الآخر....
يبدو لي نحن (السودانيون) على بعد قرن من هذه المعاني السامية
تحياتي
تخريمة: تمبس ازيك
Post: #57 Title: Re: إحتقانات و إتهامات بالجملة !! إذن انت في سودانيزاونلاين Author: د.نجاة محمود Date: 02-15-2011, 02:12 AM Parent: #56
Quote: غايتو دكتورة نجاة دي لو عفصت أبنص شوية
المكتبات دي كلها بتلقاهامكبشرة في بوستيك دا
تقول شنو عاد يا ود امي بعد ان تمت شيطنتي وتحويلي الى كوزة اي زول مرتو تشاكلو يجي يشاكلني اي زول يكون ما خارج معاه اعادة التوطين ولقى نفسو في جحيم جديد يجي يشاكلني اي زول يقع من العجلة اثناء توزيع الجرائد اي حاجة ضيقة تعب بتفشى فيني امال ايه البشير ما بكتب بالبا سورد دا الزول حاسي بقى معلاق خيبات الرجال. السودانين يا "البي" عليهم
صغيرهم وكبيرهم ... الايام دي مقربة انضم للمؤتمر الوطني كيتا في الشيوعين ديل
مليون وش اخدر
Post: #58 Title: Re: إحتقانات و إتهامات بالجملة !! إذن انت في سودانيزاونلاين Author: عمر عشاري Date: 02-15-2011, 02:33 AM Parent: #57
يا أساسي
سلامات
البوست ده جزء من المخاض البتتكلم عنو ده ...عشان المولود مايطلع مشوه ولا كيف ؟
Post: #59 Title: Re: إحتقانات و إتهامات بالجملة !! إذن انت في سودانيزاونلاين Author: Balla Musa Date: 02-15-2011, 05:03 AM Parent: #58
المخاض والتخلق لايحصل المخاض إلا عندما يكتمل التخلق..
التخلق فى أحيان كثيرة بيحصل طبيعى ومعافى حتى مرحلة المخاض..
تجى مرحلة المخاض وتكون القابلة مستعجلة والدكتور مستعجل عشان يحصل حفلة إزاحة النظام ورقصة الحرية..
يقوم وبدون مايراجع معطيات الأم والجنين يحاول يتدخل ليختصر مرحلة المخاض..
يقوم يشفط الجنين فيمزق رحم الأم ويهشم جمجمة الجنين..
وعشان يوقف النزيف يحمل الأم لغرفة العمليات ويضطر لإزالة الرحم لوقف النزيف..
وتكون النتيجة كالآتى:
الطفل المتخلق والمكتكل مات.. والأم إن لم تمت أزيل رحمها فتصبح عقيمة.. والدكتور والقابلة لم يستطيعوا حضور حفلة إزاحة النظام ولا مشاهدة رقصة الحرية..
Post: #60 Title: Re: إحتقانات و إتهامات بالجملة !! إذن انت في سودانيزاونلاين Author: سارة علي Date: 02-15-2011, 05:28 AM Parent: #59
يا خدر الطبيعة جبل .. ما بتتحول
وطبيعة البورداب دي ما بحولا الا قوانين بكري
وطبعا بكري قوانينو بتتطبق على حسب مزاجو ,,,
وبالتالي....
انسى
ـــــــــــــــــــ على فكرة ما كل الخلافات خلافات شيوعيين وكيزان وهلمجرا ..
Post: #61 Title: Re: إحتقانات و إتهامات بالجملة !! إذن انت في سودانيزاونلاين Author: مريم بنت الحسين Date: 02-15-2011, 06:15 AM Parent: #60
غايته يا خدر خليتني احن على روحي شديد خلاص... ظهرت لي مسكينه شديد والله... غايته اشاعات مغرضه بشكل...
بصورة اكتر جدّية... الكلام ساهل، لكن التنفيذ صعبً.. اذا الاخوان من بطن ام واحده بختلفوا، فكيف بي ناس في النهاية جمعهم كيبورد وشوية اسلاك... القوانين بتعمل الحد الادني، لكن ثغراتها كتيره..
Post: #74 Title: Re: إحتقانات و إتهامات بالجملة !! إذن انت في سودانيزاونلاين Author: قيقراوي Date: 02-15-2011, 09:25 AM Parent: #61
سلام يا بت الحسين
Quote: غايته يا خدر خليتني احن على روحي شديد خلاص... ظهرت لي مسكينه شديد والله... غايته اشاعات مغرضه بشكل...
تعرف انا برضو وقفت في مقدمات خدر دي كتير و قلت في عقل بالي ما يا هو واحدة من اتنين :-
- يا اما انها صحيحة و يبقى الواحد يلحق نفسو ساي* - يا اما كمان تكون ما صحيحة، و يبقى كل البوست قايم ساي! و سيدو بتكلم ساي
[ تلخيص اللحظة ] دا منبر حوار ... ما نادي ( منسجم العضوية )!! بكل الاحوال و أي ( فكرة ) تطرح ح تكون لـ ( الحقيقة ) فيها عدة جوانب ... و بتختلف - اختلاف مقدار و ونوع - بعرض زاوية الشوف و طول المسافة منها ... واحد ح يجيها من يمينا .. و التاني عن شمالا ( و ديل الاشولنجية يا تامبا ) و طوبى للبصيب موقع الكبد منها. لكن هل بضمن المرة الجاية برضويصيب كبد الحقيقة و ما يجلي!؟
و البوست نفسو بثبت في الفرضية دي ... و اثبات الثابت نوع من تضييع الزمن ساي ... او كما قال الشفت
اتحاوروا ... اتشاكلوا بورداب ... لكن ظلوا اخوان ( اوع الكيزان ... عرفتوا !!؟ ) حققوا شرط وجوب ( فكرة ) البورد ذاتو كبارنا بقولوا " اذا اتفق المتحاورين، انتهت الونسة " اتونسوا ساي ياخ! ... لكن ما في زول يفرض على زول اي حاجة و في الآخر .. كلنا متورطين
-----------
في بوست لاختنا ميادة انا قلت لنفس بت الحسين دي " الرووووووووب عديل " و ما كان مجاز!! و الله كتبتها كدا عديل ... و ود القاضي على ذلك من الشاهدين. يبقى الما مساكين كيف في البورد دا !؟
Post: #62 Title: Re: إحتقانات و إتهامات بالجملة !! إذن انت في سودانيزاونلاين Author: اساسي Date: 02-15-2011, 06:38 AM Parent: #60
الواحد يعمل ليك فيها نص نبي وربع رسول في الاخلاق والقيم والمثل , يفتح بوست لازالة الاحتقان ومطايبة نفوس الناس ووضع حد ادني للقيم والمثل والخلق الانساني من اجل احترام كرامة الانسان , في اول ملف اول ملف شنو ياخ في ركن نقاشه زاتو اول واحد قال كلام ما عجبو قال ليهو كـلـب السرة !! يعني ياسر ابوتفة ذات نفسه لما فتح البوست خلا مقاسات الطواقي مفتوحة للعايز يجرب , اما انت وعصام جبر الله بدون ان يرمش لكم جفن وصفتوني بالكـلـب حينما عقبتم علي مداخلتي بعنوان بوست ياسر وهو امر مقيت جدا ان تصف اخاك الانسان بالكـلـب , هذا اذا كنتم ترون ايها اليساريون ان المختلف معكم هو انسان اصلا وهو ما لا يبدو ظاهرا من خلال طريقتكم وتعاليكم بل وقلة ادبكم علي الاخرين ووصفهم بالكـلاب!!
لكن الغريب شنو !! ما هو انت والزيك داك عصام جبر الله قبل كدا ( دهاقنة) اليسار ناس نجاة وحسن طلعوكم من قلعة اليسار زي ( الجريوات ) فعصام انطرد شر طردة وانت بقت ليك سودان فور ال حنضل وحردتها وجيتنا هنا تبكي وتجعر وتقول الما قدرت تقوله في قلعة اليسار لاهل اليسار الجدجد , عشان كدا لما اقول ليك في سودانيز اون لاين متسع , بكون شايف مصلحتك والزيك حينما تنصت سودانيزاون لاين لكل الكلام الفاضي والجعير في حالتك انت وعصام وحتي قلة ادبكم علي الاخرين ووصفهم بالكـلاب كما هو ماثل امامنا في هذا البوست ولا يجد هذا استهجانا من احدا في البوست الذي فتح لاعلاء قيمة انسانية الانسان
Post: #63 Title: Re: إحتقانات و إتهامات بالجملة !! إذن انت في سودانيزاونلاين Author: Gaafar Ismail Date: 02-15-2011, 06:40 AM Parent: #60
الحبيب خدر دا بوست في الصميم ويجب أن يبقى عاليا
تحياتي ووافر احترامي
Post: #64 Title: Re: إحتقانات و إتهامات بالجملة !! إذن انت في سودانيزاونلاين Author: خدر Date: 02-15-2011, 07:05 AM Parent: #63
Quote: الواحد يعمل ليك فيها نص نبي وربع رسول في الاخلاق والقيم والمثل , يفتح بوست لازالة الاحتقان ومطايبة نفوس الناس ووضع حد ادني للقيم والمثل والخلق الانساني من اجل احترام كرامة الانسان , في اول ملف اول ملف شنو ياخ في ركن نقاشه زاتو اول واحد قال كلام ما عجبو قال ليهو كـلـب السرة !! يعني ياسر ابوتفة ذات نفسه لما فتح البوست خلا مقاسات الطواقي مفتوحة للعايز يجرب , اما انت وعصام جبر الله بدون ان يرمش لكم جفن وصفتوني بالكـلـب حينما عقبتم علي مداخلتي بعنوان بوست ياسر وهو امر مقيت جدا ان تصف اخاك الانسان بالكـلـب , هذا اذا كنتم ترون ايها اليساريون ان المختلف معكم هو انسان اصلا وهو ما لا يبدو ظاهرا من خلال طريقتكم وتعاليكم بل وقلة ادبكم علي الاخرين ووصفهم بالكـلاب!!
لكن الغريب شنو !! ما هو انت والزيك داك عصام جبر الله قبل كدا ( دهاقنة) اليسار ناس نجاة وحسن طلعوكم من قلعة اليسار زي ( الجريوات ) فعصام انطرد شر طردة وانت بقت ليك سودان فور ال حنضل وحردتها وجيتنا هنا تبكي وتجعر وتقول الما قدرت تقوله في قلعة اليسار لاهل اليسار الجدجد , عشان كدا لما اقول ليك في سودانيز اون لاين متسع , بكون شايف مصلحتك والزيك حينما تنصت سودانيزاون لاين لكل الكلام الفاضي والجعير في حالتك انت وعصام وحتي قلة ادبكم علي الاخرين ووصفهم بالكـلاب كما هو ماثل امامنا في هذا البوست ولا يجد هذا استهجانا من احدا في البوست الذي فتح لاعلاء قيمة انسانية الانسان
اساسي صباح الخير انت زعلان اسه رغم انو ماعندك سبب بخليك تزعل , اسه انا مشغول شوية لكن برجع ليك بي روااااااقة عشان اعلمك ( من التعليم) اني ما بقول كلام ساي و بنكرو في نفس البوست ولا البوست البعدو و عشان اعلمك برضو أدب الإختلاف و عشان اعلمك تالت انك ما تتذاكي علي القراء و تتباكي و توزع الإتهامات ساي . ده كلو يا اساسي حا اعلمك ليهو من اول و جديد و بالادب و كامل الإحترام للإختلاف البيني و بينك الانت شايفو و انا يعميني لي هسة ما شايف اي خلاف غير شوية غيرة بتاعت اولاد حلة و معاها شوية كليمات علي شاكلة كردوك و بكيتو و غلبوكم خمسة صفر. و اعترف ليك بالمناسبة , قبل فترة و من بوستات كتيرة قريتها ليك انتبهت لي اني روجت لمعلومة خطاء في المنبر عنك لمن كنت بقول للناس انو المنبر نحج انو يحول اساسي من مجرد دباب لمواطن طبيعي , لكن حسب ما اري و اقرأ لك كل يوم عقلية الدباب قاااعدة جواك و بادية للعيان في احكامك القطعية علي الاخرين و حتي في شتمك لي و لي صاحبك عصام جبرالله الاحرجك امام الجامع معاهو. اقعد عافية
Post: #65 Title: Re: إحتقانات و إتهامات بالجملة !! إذن انت في سودانيزاونلاين Author: خدر Date: 02-15-2011, 07:17 AM Parent: #64
سارة فعلا الخلافات يا سارة كتيرة و مختلفة و ما محصورة في السياسة بس .
و يا مريوم كلامك الي حد ما سليم لكن كل ما نكتب اكتر في موضوع تبادل الإحترام ده حا نقرب الزمن و المسافة الممكن نتعامل فيها مع بعض بشكل متحضر , ولا شنو ؟
شكرا يا شيخ جعفر شكرا كتير
Post: #66 Title: Re: إحتقانات و إتهامات بالجملة !! إذن انت في سودانيزاونلاين Author: وليد محمد المبارك Date: 02-15-2011, 07:20 AM Parent: #64
Post: #67 Title: Re: إحتقانات و إتهامات بالجملة !! إذن انت في سودانيزاونلاين Author: tmbis Date: 02-15-2011, 07:55 AM Parent: #66
Quote: وهو امر مقيت جدا ان تصف اخاك الانسان بالكـلـب , هذا اذا كنتم ترون ايها اليساريون ان المختلف معكم هو انسان اصلا
في اشولنجيين هنا دا عميقين شوية يا اساسي .. يعني عادي جـدا الواحد يجي يقوليك .. يا قــرد ، ودا في حد زاتو بقوليك ما شتيمة .. دي عماقة زيادة عن اللزوم .. بمعنى انو الانسان حسب النظرية اياها .. اصلو ككـــو .. فإنت شنو خليك عميق .. بعدين في نوعية كدا بتقوليك .. يا عــــب عديل كدا .. لكن ما بتقوله ليك في جوه عينك بتقوله ليك بالكرباوي كدا يا يشهلو بيها زولا تاني .. في شكل زوادة نظرية العــب دي العمق فيها انك لازم تكون عــب
كدي يا جماعة عليكم الله شوفو لينا نظرية العــب دي + نظرية الحــزب .. يعني بي صورة أوضح : مزيدا من الشفافية .. وقتل الحقيقة بحثا
Post: #69 Title: Re: إحتقانات و إتهامات بالجملة !! إذن انت في سودانيزاونلاين Author: محمد عبد الماجد الصايم Date: 02-15-2011, 07:57 AM Parent: #67
بتتكشّم مالكـ يا شفت؟
Post: #71 Title: Re: إحتقانات و إتهامات بالجملة !! إذن انت في سودانيزاونلاين Author: وليد محمد المبارك Date: 02-15-2011, 08:13 AM Parent: #69
Quote: بتتكشّم مالكـ يا شفت؟
خدر طمبجها يا ود الصايم
فتح البوست وهو اول زول عمل عكس الدعوه الموجهة منو ؟
اشارتو لي اساي كانت ضد الدعوه حقتو
وهسع مداخلتو الاخيره دي .. تكريس واضح للاحتقان
Post: #68 Title: Re: إحتقانات و إتهامات بالجملة !! إذن انت في سودانيزاونلاين Author: محمد علي شقدي Date: 02-15-2011, 07:57 AM Parent: #66
اخونا خدر الزعل اساسي لصق بوست الــ 00000 علي مداخلتو زي ما قاليك الجميل عشاري طرح التوافق الجميل الصعب محتاج صبر كثيف ارجو تجاوز الامر الشخصي في بوست الدعوة لتجاوز الامور الشخصية
Post: #70 Title: Re: إحتقانات و إتهامات بالجملة !! إذن انت في سودانيزاونلاين Author: اساسي Date: 02-15-2011, 08:03 AM Parent: #66
Quote: اساسي صباح الخير انت زعلان اسه رغم انو ماعندك سبب بخليك تزعل , اسه انا مشغول شوية لكن برجع ليك بي روااااااقة عشان اعلمك ( من التعليم) اني ما بقول كلام ساي و بنكرو في نفس البوست ولا البوست البعدو و عشان اعلمك برضو أدب الإختلاف و عشان اعلمك تالت انك ما تتذاكي علي القراء و تتباكي و توزع الإتهامات ساي . ده كلو يا اساسي حا اعلمك ليهو من اول و جديد و بالادب و كامل الإحترام للإختلاف البيني و بينك الانت شايفو و انا يعميني لي هسة ما شايف اي خلاف غير شوية غيرة بتاعت اولاد حلة و معاها شوية كليمات علي شاكلة كردوك و بكيتو و غلبوكم خمسة صفر. و اعترف ليك بالمناسبة , قبل فترة و من بوستات كتيرة قريتها ليك انتبهت لي اني روجت لمعلومة خطاء في المنبر عنك لمن كنت بقول للناس انو المنبر نحج انو يحول اساسي من مجرد دباب لمواطن طبيعي , لكن حسب ما اري و اقرأ لك كل يوم عقلية الدباب قاااعدة جواك و بادية للعيان في احكامك القطعية علي الاخرين و حتي في شتمك لي و لي صاحبك عصام جبرالله الاحرجك امام الجامع معاهو. اقعد عافية
لاحظ ايها القاري الكريم لنبرة التعالي والفوقية الضاربة باطنابها وافتراض امتلاك الاخ اليساري للحقائق المطلقة الامر الذي يجعله يفترض في نفسه معلما للاخرين مالكا لكل الحقائق واصلا لكل النهايات المطلقة وكان دواخلي كشفت امامه لينتقي منها ما يشاء ويرسخ فيه ما يشاء , يرغي ويزبد من الامس في ذات البوست عن الاتهامات المجانية واغتيال الشخصيات المختلفة ويعود وينسى نفسه ويتضح ذلك جليا في انه تراجع عن الطريقة التي كان يراني بها لاني اختلفت معه الان ويعود وبنفس ما كان ينهى عنه قبل لحظات ليوزع التهم واغتيال الشخصية حينما خلص فجأة الي اني مواطن غير طبيعي واني مجرد دباب يحتاج الي معاليه ليعود ويربيني من جديد ويعلمني !!! بالله عليكم كيف هو التناقض ولحس الكوع ان لم يكن هذا , انا اثبت لك يا ايها اليساري في هذا البوست انك وخلاف ما روجت له في مداخلتك اعلاه انك بتقول كلام ساي وبتنكرو في ذات اللحظة , والا ما دخل كوني دباب او حتي انتهازي بالحوار الماثل امامنا !! وكيف افترضت في نفسك انك اعلم مني واني جاهل الي الدرجة التي تحوجني التعلم منك والتحوقل حولك مستمدا ادبي وتهذيبي؟
Post: #72 Title: Re: إحتقانات و إتهامات بالجملة !! إذن انت في سودانيزاونلاين Author: تيسير عووضة Date: 02-15-2011, 08:23 AM Parent: #70
في ناس أحياناً في البورد بيكونوا عدوانيين جداً جداً ولمن يترد عليهم بنفس العدوانية تزيد أو تنقص يزعلوا يقربوا يطرشقوا
كدي وروني ديل الطريقة المثلى للتعامل معاهم بتكون كيف؟
Post: #73 Title: Re: إحتقانات و إتهامات بالجملة !! إذن انت في سودانيزاونلاين Author: محمد الكامل عبد الحليم Date: 02-15-2011, 09:24 AM Parent: #72
تحية....عطفا علي ما جاء من الاستاذ خضر ومداخات المتداخلين المهم في تقديري محاولات ادارة الاختلاف...الاختلاف امر طبيعي بين الناس ولكن عندما يجتمع الناس في اطار منبر واحد يجب اولا احتكامهم لقانون المنبر ...ان لم يحدث ذلك الاحتكام الي نقاط الالتقاء...ان لم تكن هناك نقاط التقاء نبحث عن المفترض..المفترض هو الاخلاق والقيم العليا...ان لم نرعوي لها تبحث عن قيمنا السودانية المتميزة في التسامح والعفو...وننظر كيف يعالج الاخرون اختلافاتهم...
البعض يبحث عن التنفيس عن احتقان ما..واذا افترضنا ذلك نجد العذر ونبدا في تدوير شريط ما ذكرت اعلاه من محاولات...ان لم تفلح نكون امام خيار واحد لا غيره..ان تتركه في حال سبيله ...(تختاهو بالبلدي) ويمكن بعد ذاك تدعو له بالصلاح...
ثقافتنا السودانية مليئة بالخير وعندما نتحدث عن ذلك نجد من يري اننا نتحذلق في القول ونسبح في تهويمات الخيال...(طيب مالو لو بدانا نحلم) لعل ذلك اجدي من السب واللعن والهمز واللمز...اليس كذلك؟
يجب ان نسنفيد من الروابط الاسفيرية في تميتين ما بيننا من صلات افتراضية والعلو بها الي دنياوات افتراضية عسي او لعل..
لك وللجميع احترامي ياتيسير ( كلامي ده عام ولا اقصد شخصا بعينه طبعا)
Post: #75 Title: Re: إحتقانات و إتهامات بالجملة !! إذن انت في سودانيزاونلاين Author: خدر Date: 02-15-2011, 09:26 AM Parent: #72
شقدي سلامات هل انا قلت لي اساسي انت كـــلب السرة ؟ انا ختيت لنك لبوست ياسر طيفور و لاساسي مطلق الحق في قرايتو في سياقو او الولولة زي البسوي فيها اسه دي من نوع حقر بي اليسار و انا مستهدف (التقول اليسار ده فاضي و ما عندو شغلة غير اساسي) مافي شخصي يا صاحب و مافي شتايم و منابذة , البوست ده انا قلت اننا نختلف لكن بطريقة نحترم فيها بعض راجع كلامي تاني و ما تقلق , و اشكر معاي اساسي انو قدم لينا نموذج جيد لموضوع البوست.
يا وليد من حقي انبه (تُقرأ اعلم ) اساسي و افرش ليهو متاع طالما بتعامل معاهو بي لغة محترمة. انا بكون طمبجتها يا وليد لمن اوصفو بي قلة الادب , ولا شنو ؟
____ اساسي اعفي لي , إتأخرت عليك , لحدي ما اجيك تابع معاي البي بي سي العربية الان 8:20 GMT , فيها لاعبين كبار ( علي الحاج -ابراهيم احمد عمر- معاوية يسن) لانو الحلقة دي مهمة و عندها علاقة بي لنك بوست كـــلب السرة
Post: #76 Title: Re: إحتقانات و إتهامات بالجملة !! إذن انت في سودانيزاونلاين Author: وليد محمد المبارك Date: 02-15-2011, 09:42 AM Parent: #75
Quote: يا وليد من حقي انبه (تُقرأ اعلم ) اساسي و افرش ليهو متاع طالما بتعامل معاهو بي لغة محترمة. انا بكون طمبجتها يا وليد لمن اوصفو بي قلة الادب , ولا شنو ؟
غلطان اساسي مافي اتنين تلاته لا انت ولا عصام قليلين ادب
لكن انت يا خدر فتحت بوست لازالة احتقال ، ده بعني انك مفروض تكون احرص الناس على كده ، واكتر زول يكون نفسك بارد في البوست ده ، باعتبار انك قبل ما تفتح البوست ده درست المنبر وقريتو تمام وعرفت المشكلة ثم فتحت البوست
اشارتك للنك بتاع (كــلب السره) المسمى ( قنيــط ) في معرض ردك على اساسي ، غير مقبولة منك خصوصا في البوست ده تحديدا
اساسي انفعل وانا بفتكر انفاعلو مبرر ماخدين في اعتبارنا (كــلب , قنيــط) ، ورغم انو انفعالو مبرر ومفهوم لكنة غير مقبول ، مفروض صدر اساسي يكون اوسع خصوصا مع ناس متلكم انت وعصام ،
انت يا خدر صاحب البوست ده البدعو لسعة الصدر ومراجعة المواقف وسع صدرك !!! انت عارف الناس حا تجيك شايله حمولا في البوست ده قبل ما تبداه .. الجرسة لزوما شنو
Post: #77 Title: Re: إحتقانات و إتهامات بالجملة !! إذن انت في سودانيزاونلاين Author: محمد الكامل عبد الحليم Date: 02-15-2011, 10:35 AM Parent: #72
تحية....عطفا علي ما جاء من الاستاذ خضر ومداخلات المتداخلين المهم في تقديري محاولات ادارة الاختلاف...الاختلاف امر طبيعي بين الناس ولكن عندما يجتمع الناس في اطار منبر واحد يجب اولا احتكامهم لقانون المنبر ...ان لم يحدث ذلك يتم الاحتكام الي نقاط الالتقاء...ان لم تكن هناك نقاط التقاء نبحث عن المفترض..المفترض هو الاخلاق والقيم العليا...ان لم نرعوي لها تبحث عن قيمنا السودانية المتميزة في التسامح والعفو...وننظر كيف يعالج الاخرون اختلافاتهم...
البعض يبحث عن التنفيس عن احتقان ما..واذا افترضنا ذلك نجد له العذر ونبدا في تدوير شريط ما ذكرت اعلاه من محاولات...ان لم تفلح نكون امام خيار واحد لا غيره..ان تتركه في حال سبيله ...(تختاهو بالبلدي) ويمكن بعد ذاك تدعو له بالصلاح...
ثقافتنا السودانية مليئة بالخير وعندما نتحدث عن ذلك نجد من يري اننا نتحذلق في القول ونسبح في تهويمات الخيال...(طيب مالو لو بدانا نحلم) لعل ذلك اجدي من السب واللعن والهمز واللمز...اليس كذلك؟
يجب ان نسنفيد من الروابط الاسفيرية في تمين ما بيننا من صلات افتراضية والعلو بها الي دنياوات افتراضية عسي او لعل..
لك وللجميع احترامي ياتيسير ( كلامي ده عام ولا اقصد شخصا بعينه طبعا)
Post: #78 Title: Re: إحتقانات و إتهامات بالجملة !! إذن انت في سودانيزاونلاين Author: خدر Date: 02-15-2011, 10:59 AM Parent: #77
الله يكملك بي عقلك يا استاذ محمد الكامل , فعلا نحن محتاجين نظرد اليأس الإكتسبناهو في منابر الحوار ده و نتفائل و نحلم زي ما قلت و لينا في الاخر شرف المحاولة كأنضف الحلول ال######انة. عجبتني جملة من حقنا نحلم رغم تهويمها لكنها فعلا حق مشروع.
يامعلم .. انت نسيت في غمرة إنفعالك و زعلك و رغبتك في شتمي انك تنتبه لانك ركبت طاقية بوست ياسر طيفور علي روحك براك. و بحماقة نادرة لم تري في بوست ياسر طيفور سوي كلمة كـــلب !! انا ما قلت انت كـــلب يا صاحب , انا ختيت ليك اللنك البيتطابق فيهو سلوكك هنا و في بوستات كثيرة جدا مع ما جاءنا به ياسر
Quote: يا عزيزي كـلب السُرة قد يكون لك رأياً في الطريقة التي يعارض بها فلان أوعلان، وقد تعبر عن إمتعاضك من طريقته، مرة، مرتين، أو كل ما تطلب الأمر، وكل هذا مفهوم، ولكن أن يكون كل همك هو معارضة هؤلاء المعارضين، وبالكاد أن يتذكر لك الناس موقفاً معارضاً للنظام ذاته، لهو أمر محيِّر. لو كنت معارضاً حقيقياً لهذا النظام، أعمل لكنسه وتجاوّز معارضة فلان او علان، وأضع هذا الجهد لإزالة النظام، وإن كنت ترى بأن الجهد الذي تبذله لمعارضة فلان وعلان من المعارضين أفيّد من أن توجهه نحو النظام، فأنت يا عزيزي المتعارض أضلّ من كـلب السرة.
و بوستاتك في الدورة دي كلها بتثبت الكلام ده و ده القلت ليك قبيل فوق اني مراقبو و مستغرب فيك , و تأكيدا لكلامي ده , انا دخلت ليك في بوستك المعنون بـ مظاهرات الاحد 30 يناير حاكو حاكو و عملت كوت لموضوع البوست و طلعت , و المضحك جدا انو انا خدر ده البتشتم فيني اسه انت رديت لي و قلت بالحرف الواحد خدر اتوقع عقلانيتك و وطنيتك و دعمك للوطن فما يحدث ان يطلب الان ليس في مصلحة الوطن. شن جد علي المخدة يا المبروك ؟ عقلانيتي و وطنيتي العاجبينك ديل مالك ما شفتهم هنا في البوست ده ؟ و ليه فجأة انا إتحولت من عاقل و وطني لقليل ادب ؟ لانو طاقية كـــلب السرة بقت مقاسك ؟ كــلب السرة يا اساسي ما جسم فزكلي لحيوان يا احمق, كـــلب السرة بيشير لي سلوك فرد في الثقافة السودانية و للاسف السلوك ده بنطبق عليك لانك مستبسل في تقبيح كل ما يتعارض مع موقفك و مستميت في إهدار طاقتك في نقد المعارضين بسودانيزاونلاين و التهكم عليهم افرادا و سياسات .
برجع ليك لي موضوع فوراوول و اربطوا ليك مع موضوع التعالي بتاع اليسار عشان اكشف ليك و للقراء انو معلوماتك ذاتها غير صحيحة و انك مدفوع بحسادة كـــلب السرة كيف .
تم الاية يا حاسد { إلا من امر بصدقة أو معروف أو إصلاح بين الناس و من يفعل ذلك إبتغاء مرضاة الله فسوف نؤتيه أجرا عظيما}
وانا سعيت بين الناس ببوستي ده لإصلاح الحال واظنك تعلم جيدا اني لا احتاج الي دافع الشهرة او ان يقول الناس اني خير, انا سعيت لذلك رغبة حقيقة مني للطرق علي ناقوس نبذ الخلافات. حا اعتبر إستشهادك بالاية الكريمة رغبة منك في التوقف عن فرش المتاع فأنا عن نفسي لا رغبة لي في الخلاف كما واتمني ان يكون شأنك من الامر كشأن امنا سؤدة زوج رسول الله التي نزلت فيها الاية الكريمة ساعة تبرعها بليلتها مع النبي الكريم لعائشة ام المؤمنين حين تقدمت بها السن خشية ان يطلقها الرسول (صلعم) و فعلت ذلك عن رضاء كامل.
^ بالنسبة للموالين لما يسمى بالمؤتمر الوطني .. المسألة - وفي منتهى الوضوح - ليست اختلاف سياسي ، هي (معركة) بين طرفين .. قاتل ، مشارك في القتل ومبارك له ومعين عليه ، ويأخذ أجرا على ذلك أو لا ، وبين مواطنين ضحايا لهذا النظام العائب الأحمق ، يقتطعون مما ليس عندهم أصلا ، ليلتمسوا فضاءا للصراخ أو مواطئ لأقدام التخلص والخلاص .. لقد كان خطأ ربما يندرج في خانة الخطيئة سماحنا بوجود هؤلاء المجرمين بيننا ، لقد فسد الجو بمجرد وجودهم ، وساعدوا على إفساد ما تبقى منه بمكر ليلهم ونهارهم ، مستعينين بغفلاتنا وغرائزنا الضحلة ^ ولا تضخم ذات ولا يحزنون ، تستطيع أن تبلع الإهانات التي أوجهها إلى شخصك الكريم بيني وبينك بمجرد اعتذاري لك بيني وبينك ، ولكن الإهانات التي أوجهها لك على مرأى ومسمع من العالم ، في هذا البساط الاسفيري المفتوح على كل الناس ، تظل هي المتضخمة وليس (ذاتك) المفترى عليها ، وتظل الإهانات التي وجهت - ظلما - إلى أي عضو بهذا المنبر على قدم المساواة مع الشأن العام في تقديري .. لأنه لم يكن بينك وبين أي من الموجودين هنا أي نزاع سوى هذا الشأن عام ، والذي باسمه نالك ما نالك يا فتى ، وواهم من يظن أن الإهانة والإساءة تنتهي بمرور الوقت أو بالتقادم أو بالصمت عنها ، المسألة ليست هي في قيمة فلان بقدر ما هي في قيمة الإنسان كإنسان وفي احترام التداول السلمي للأسئلة والهموم والحريات والنقد الموضوعي وخيارات واحتمالات الخروج مما نحن فيه كوطن وشعب وجيل ^ لا أظن أنني ، عن نفسي ، قد توجهت بإساءة لأحد في مسارات ودهاليز خاصة() ، بحق أو بدونه ، كل ما قلته هنا (عن ناس بعينهم) قلته جهرا . اظل متحملا كل مسئولياته ما حييت . ولم أحشد أحدا ضد أحد ، ولم أنّم أو أبهت أو إلخ ذلك ما تلمح إلى أنه قد حدث
دم رائعا يا صديق
Post: #85 Title: Re: إحتقانات و إتهامات بالجملة !! إذن انت في سودانيزاونلاين Author: عمر عشاري Date: 02-15-2011, 02:34 PM Parent: #83
ياجماعه في طريقه ندكها ...ونوزعها من جديد ؟
أنا قادر أفهم تماماً أسباب غضب أساسي ، مع إنو هو ساق خدر سواقه للتعليق الجاط الموضوع المهم ده ، يعني كلام وليد عين العقل إنو تعليق خدر هنا فيهو عدم حصافه مابتشبه أجواء البوست
طيب كيف أساسي ساق خدر سواقه ؟
في أول مداخله لأساسي كان عنيف جدا في رايو ، يعني زي الكلام ده حقو الناس تكون فيهو محضر خير
ده طبعا مابعفي خدر ، إنو يتنازل عن الأهداف العليا للبوست ده في سبيل إنو يشكم أساسي ومع إني على ثقه إنو خدر ماقال أساسي ك ل ب إنما قصد روح البوست بتاع ياسر طيفور عن معارضة المعارضه
___________________
ياخدر إنتقادك لأساسي إذا خلصه القارئ من النوايا السالبه إنتقاد مشروع ولكن في غير هذا المكان ...إنت هنا مفروض بس تكون حماااامه
يعني كان لازم تنتقد هسه يعني
يا أساسي عندي عمتي كده كنت بايت عندهم وهي عارفاني عندي مشكله مع عصيدة الدخن وشكلها ماعندها عشاء غيرها ختتا لي في كوريه
وقالت لي ( الله يرضى عليك اليله أُكل الدخن ده والله بفيدك )
فهسه يا أساسي البوست ده مفيد ومحتاجين ليهو ...الله يرضى عليك خليهو يمشي لأهدافو النبيله
وإلا ياخدر فعليك فتح البوست بإسم طارق أبو عبيده ( من أول وجديد ) إن كان أساسي لايعلم أنكما شخص واحد
Post: #86 Title: Re: إحتقانات و إتهامات بالجملة !! إذن انت في سودانيزاونلاين Author: وليد محمد المبارك Date: 02-15-2011, 03:08 PM Parent: #85
والله يا عمر عشاري امبيري معاك ماشي على الـ 120
شكلي حا ابقى صاحبك والله
____________
Quote: تم الاية يا حاسد { إلا من امر بصدقة أو معروف أو إصلاح بين الناس و من يفعل ذلك إبتغاء مرضاة الله فسوف نؤتيه أجرا عظيما}
وانا سعيت بين الناس ببوستي ده لإصلاح الحال واظنك تعلم جيدا اني لا احتاج الي دافع الشهرة او ان يقول الناس اني خير, انا سعيت لذلك رغبة حقيقة مني للطرق علي ناقوس نبذ الخلافات. حا اعتبر إستشهادك بالاية الكريمة رغبة منك في التوقف عن فرش المتاع فأنا عن نفسي لا رغبة لي في الخلاف كما واتمني ان يكون شأنك من الامر كشأن امنا سؤدة زوج رسول الله التي نزلت فيها الاية الكريمة ساعة تبرعها بليلتها مع النبي الكريم لعائشة ام المؤمنين حين تقدمت بها السن خشية ان يطلقها الرسول (صلعم) و فعلت ذلك عن رضاء كامل.
لك ان تعلم عزيزو القاري ( الواو واو الجماعة راجعة لي بشاشا ) انه الشخص الوحيد الحريف في البوست دا ( بعدي طبعا ) هو اخونا عمر عشاري , ولا يفوت عليك عزيزو القاري ( الواو واو التأنيث راجعة لي مولانا ) انه اساسي يدردق وبكل سهولة و تيسير دستة من الزي خدر . ولا يفوت علي فطنتك ايها القاري الكريم ان حيثيات ما حدث اعلاه تردنا الي رحاب قوله تعالى أتأمرون الناس بالبر وتنسون أنفسكم
Quote: فيما يخص ما يدور مع اساسي فبقوول ليك عيب عليك تسيب بوستك عشان برنامج ميت زي دا شفت اساسي دا ومن خلفه قلة بتعاملوا مع الاختلاف بعقلية ( ود قلبا ) الشفت الشرامي البحددا مع الناس وبقطعا مع اي زول ستة... صفر فببقى النقاش العقلاني مع نوعية زي دي مشكلة كبيرة لانو حيجرنا لي الحتة بتاعت المثل بتاع الخواجة بتاع الخنزير وبتلقى روحك في حتة يا اما انت تتعامل معاهم بي نفس الميكانزم حقم خصوصا انو الهتيفة والمشجعين وناس ( وري .. واقطعا معاه .. وادي في حنانو ) بدفعوك دفع لي الحتة دي ودي خسارة فادحة طبعا باعتبارك انسان بتحترم روحك فيا اما تتواصل في نهجك ودا ببقى نفخ في قربة منفوخة ويتواصل ما يسمي بي الطين في طينو والعجمي في رطينو فعلىك الله سيبك من الفارغة وواصل ما انقطع
اساسي اعلاه رسالة من متابع, وجدت فيها {شرح حال} فإكتفيت من الغنيمة بالاياب
سلام للجميع دعونى اعترف انى مدخلى لهذا البوست هو من واقع كان كترت الهموم ادمدم نوم اها بما ان قرار النوم ما بيدى ولكن الدمدمة اصبحت ابرع فيها وقررت ان امارسها هنا فى بوست خدر المهبب ده (ده شكر لكن واقع الدمدمه يقول اصلو ما تشوف حاجة كويسه بس كده) دمدمتى هنا تتناقض مع الفقرة اعلاه تماما (لانو برضو واقع الدمدمه بقول خليك متناقض)
الذ ناس فى البوست ده وكل ما يدخلو بخلونى ارفع البطانيه واتكشم
ود الصايم عمر عشارى ود المبارك
كلامهم لذيذ وعضم (ودى برضو فى فقه الدمدمه اسمها جمع المتناقضين و السرح بهم) اااااااااه
Post: #93 Title: Re: إحتقانات و إتهامات بالجملة !! إذن انت في سودانيزاونلاين Author: عمر عشاري Date: 02-15-2011, 07:07 PM Parent: #92
Quote: والله يا عمر عشار امبيري معاك ماشي على الـ 120
شكلي حا ابقى صاحبك والله
ياوليد والله القلوب عند بعضيها ...
نفسي من زمااان تقولي حنبقى أصحاب ...عشان داير أرشك ومالاقي فرصه
عندك آراء كده بتطلع صليبي وفي نفس الوكت لله في لله كده بثق في نيتك ياوليد
Quote: اهااااا عشان كدا حلي (السبيلي) المقترح هو الغاء جميع الحسابات الحالية و فتح الباب للتسجيل باسماء جديدة ومستعارة نيك نيمز بس ليس بها دلالات على شخصية الكاتب مع حذف جميع المعلومات الشخصية من البروفايل و عدم الاشارة للشخصية الحقيقية في البوستات بالتالي ما في زول عارف ه بتكلم مع منو فحيكتفي بالرد على المكتوب ولن يتجاوزه لشخصه ولو حصل ما حيمس شخصيته الحقيقية و بالتالي اهله واسرته و اعراضه اي نعم هو حل اشتر لكن ممكن يمشي الحال
سلامات يا خدر...وشكرا على البوست. انا حقيقى مع راى محمد البشرى. كل زول يلم اهله عليه. و حقيقى انا السبب الوحيد المخلينى داسه روحى حتى الان هى انى خايفه على اهلى من الشتائم فى المنابر. ما تتخيل انا اتشتمت قدر شنو فى البورد ده , من "يا بليده" لحدى "يا قليلة الادب". لكن (الحمد لله) ما حصل رديت لزول شتيمة(و ما ح ارد شيمة). لكن ده ما بيمنع انى حقوده و بفتش فرصة فى اى زول طول لسانه فينى عشان انتقم ....بس بالبارد و من غير شتيمة. قبل حوالى شهرين او تلاته واحد هنا شتمنى و شبع شتايم. قريتها بالليل. بعد ما بديت اكتب فى رد.... قلت لروحى :يا زولة امشي نومى و الصباح رباح. الصباح لقيت بكرى حزف البوست. حقيقى قلت الحمد لله انى ما كتبت و انا زعلانه. و دى وصيتى ليكم ....ما تردوا و انتو زعلانيين. ________________________________________________ قبل حوالى ٥ سنوات نزل الاستاذ الموصلى بوست ذى بوستك ده و كان بمناسبة عيد الام. ناس كتار وقعوا فى البوست انهم ما يفجروا فى الخصومة. و اظن بعد اسبوع واحد كل الجماعة رجعوا لحالهم القديم.
Post: #95 Title: Re: إحتقانات و إتهامات بالجملة !! إذن انت في سودانيزاونلاين Author: عمر عشاري Date: 02-15-2011, 10:49 PM Parent: #94
Quote: الذ ناس فى البوست ده وكل ما يدخلو بخلونى ارفع البطانيه واتكشم
ود الصايم عمر عشارى ود المبارك
كلامهم لذيذ وعضم (ودى برضو فى فقه الدمدمه اسمها جمع المتناقضين و السرح بهم) اااااااااه
سهام الغاليه
سلامات
ياخ كتر خيرك على الكلام اللطيف ده
لكن جد ياسهام ...كلام خدر ده مامُهم عليك الله ، والله المنبر ده ممكن يقوم بأدوار إيجابيه جدا
وطبعا ياجماعه إقتراح ود البشرى ده جميل لكن عندو إشكالاتو التانيه
لو في طريقه الناس دي كلها تفقد الذاكره ...يومين كده
وترجع ليهم بيضاء من غير سوء
Post: #96 Title: Re: إحتقانات و إتهامات بالجملة !! إذن انت في سودانيزاونلاين Author: اساسي Date: 02-16-2011, 08:15 AM Parent: #95
Quote: فيما يخص ما يدور مع اساسي فبقوول ليك عيب عليك تسيب بوستك عشان برنامج ميت زي دا شفت اساسي دا ومن خلفه قلة بتعاملوا مع الاختلاف بعقلية ( ود قلبا ) الشفت الشرامي البحددا مع الناس وبقطعا مع اي زول ستة... صفر فببقى النقاش العقلاني مع نوعية زي دي مشكلة كبيرة لانو حيجرنا لي الحتة بتاعت المثل بتاع الخواجة بتاع الخنزير وبتلقى روحك في حتة يا اما انت تتعامل معاهم بي نفس الميكانزم حقم خصوصا انو الهتيفة والمشجعين وناس ( وري .. واقطعا معاه .. وادي في حنانو ) بدفعوك دفع لي الحتة دي ودي خسارة فادحة طبعا باعتبارك انسان بتحترم روحك فيا اما تتواصل في نهجك ودا ببقى نفخ في قربة منفوخة ويتواصل ما يسمي بي الطين في طينو والعجمي في رطينو فعلىك الله سيبك من الفارغة وواصل ما انقطع
قول لي ابلة نظيرة صاحب الحديث اعلاه , لولا ما يكتبه اساسي واولاد قلبا علي شاكلته , لاكتفيتم انت وخدر دا بالونسة في الماسنجر وبعض الايملات , فتطابق ارائكما لا يوجب نقاش وحوار , والا ماذا يريد خدر من هذا البوست سوى تربية واعادة تأهيل وصياغة اولاد قلبا الشفاتة !! لانه في اعتقادي ومن خلال ما كتبته يا متابع خدر والبوست انك لست بحاجة خدر لتربيتك وايضا خدر ما دام ابتدر البوست للتربية فهو كذلك كامل التأهيل , اذن يبقي اولاد قلبا الشفاتة الذين يتم استهدافهم بهذا البوست لتربيتهم , لذا الامتناع عن الحديث معهم يجرد البوست من اهدافه وعندها تربية واعادة تاهيل المتربي والمؤهل مثل خدر وظله ( متابع البوست) تصبح اهدار للوقت فيما لا طائل منه !! ولا شنو يا متابع
Post: #97 Title: Re: إحتقانات و إتهامات بالجملة !! إذن انت في سودانيزاونلاين Author: محمد يوسف الزين Date: 02-16-2011, 08:53 AM Parent: #96
صحي الشخصنة والشتيمة ..كعبـة ومطميط الكلام في الردود عشان مربعات بكري وكعـب ..تتصدم في الناس عندما تعجب بثقافتهم، وعظيم كلامهم، ثم تراهم ذات لحظة في سوق "وريني" و"أوريك"! صحي الشمس تتقن الوهج ومد الظلال! صحي شديد بس ولكن.. الكعب جد جد..البقطعو ارزاق الناس وبشردوهم زي ما حصل في الخبر الجابوهو بالايميل دا! كعبة الخسة..القالو ما عندنا! كضابين جنس كضب!
Post: #98 Title: Re: إحتقانات و إتهامات بالجملة !! إذن انت في سودانيزاونلاين Author: tmbis Date: 02-16-2011, 09:02 AM Parent: #96
Quote: اساسي اعلاه رسالة من متابع, وجدت فيها {شرح حال} فإكتفيت من الغنيمة بالاياب ___ و نثنق بيرسونال طبعا يا فنان
والله يا خدر ابوعبيدة .. انا لو في مكانك .. ايميل زي دا ما بجيبو هنا دا .. ياخ انت راجل فنان .. بتغني في سلالمك .. لكن بيسمعك اي زول في سلمو الخاص بيهو مش كدا ..؟ ايميلك بتاع الزول المتابع دا عامل زي قنبلة الدخـان .. غايتو انا كود قلبـا .. وشفت واي حاجة زي ما جا في رسالة متابعك دا .. ما قاعد اجيب لي كلام زول من الايميل .. لانو بخاف الدخول في الحتات الضيقة دي .. يعني حسع ممكن بي ايميل متابعك دا .. تكون عملته احتقان .. لي كوجاك .. وابو الجرنقص .. وعمي خـا .. والبعاتي .. في دار الرياضة امدرمان .. احتمال كمال افرو زاتو يكون احتقن حسع دي .. ياخ هم يقولو ليك حنينة يا امدرمان جمعتي الناس وكل الناس .. يجي عزيزك القارئ دا .. يرسل ليك (حقن احتقان) عليك الله رسائل البحــر دي ما تجيبه هنا .. ركز في الدولاب ستة ضلفه القالو ليك ود الصايم دا ..
ملحوظة: متابع بشاشا القارئ دا يا خدر مالو محتقن كدا من اولاد قلبـا .. ؟ اولاد قلبا دايما يسعون لواقع افضل في شتى المجالات الثقافية والاجتماعية والفنية .. والرياضية .. إلخ الواحد يجيب .. (العواجة) بتاعت البوست براهوو .. ويقوليك ما (تعوجو رقبت ) البوست
Post: #101 Title: Re: إحتقانات و إتهامات بالجملة !! إذن انت في سودانيزاونلاين Author: خدر Date: 02-16-2011, 10:11 AM Parent: #98
سمارت انا سلامات و شكرا انك ما رديتي في البوست الزعلك لمن بكري حذفو تاني يوم , لانو كان وليد المبارك قنص ليك و قبضك بالثابتة زي ما عمل معاي في البوست ده يا ستنا المنابر طبيعتها تفاعلية و تفاعلية دي بتستوجب وجود عضوية مختلفة السقوف الفكرية و متعددة في مكوناتها الثقافية و الثقافية دي جواها قضايا لو إنتبهنا ليها حا ننتج صراعات حقيقية و مفيدة بدلا عن صراعات التميز و السياسة , حا ننتج صراعات صحية و تلاقح مفيد يخص تباين الثقافات دي وفق الشروط المعلومة لعدم تمييز لثقافة علي اخري . التلاقح ده حاصل الان رغم وجود الإحتقان الاشرت ليهو في بداية البوست و دليلي لانسياب التلاقح ده رغم انف الإحتقان ظهور معالجات علي شاكلة -التعديل لاضافة حرف - و ده شكل معالجة رغم حمولة الاحتقان العالية فيهو لكنو برضو حل جيد بوضح رغبة الكثيرين في حوار خالي من الغرض و النوايا السيئة و يحمل جواهو بذرة تحايل إيجابية تحمل نبض تواصل داخلها و رغبة في عدم الولوغ في صحن الإحتقانان .انا شايف سو فار انو لحدي اسه نحن في سودانيزاونلاين ماشين كويس جدا و الصراعات القديمة افرزت قوانيين شغال بيها المنبر الان بإيقاع جيد , ارتفع معدل المشاركة في المواضيع الجيدة - إنتهج كثيرين منهج اكتب او اقرأ و اذهب - قاطعوا بوستات افراد إشتهروا بإثارة المحن بلا داع , لكن ده كان علي حساب الجو الحميم العام المفترض انو يتخلق داخل سودانيزاونلاين كمجموعة تفاعلية بشكل واضح و ده الخلي كلمة شلليات تطفو علي السطح قبل سنوات. في تقديري يا ستنا كلما طرقنا علي الموضوع من آن لاخر ستتكشف لنا عورات جديدة نجح بعضنا في إخفائها بمهارة و ستندثر إحتقانات قديمة و هكذا سيدور دولاب التطور الطبيعي لحدي ما يسوقنا لي مناطق آمنة بناء علي قاعدة التجريب المعروفة , فقط الشرط الرئيس لحدوث التفاعل ده هو استمرار الدعوة لنبذ الاحتقان و الاختلاف الغير صحي , يجب المناداة بإستمرار بإحترام و إعلاء قيمة الانسان و حفظ كرامتو في منابر الحوار لان تجاهل الشرط ده بساعد علي سيادة ثقافة النشاز. بالمناسبة يا إسمارت , حتي ثقافة النشاز دي عندها عمرها الافتراضي بحكم تقدم السن و بتنتهي و يتحول اصحابها الي كائنات كاملة الاهلية , زي ما بقولوا كبارنا, البفقد حظو من المعرفة في شبابو بتمسك بي حجر حكمة التجارب في كبرو
دمتي رايقة يا ستنا
Post: #99 Title: Re: إحتقانات و إتهامات بالجملة !! إذن انت في سودانيزاونلاين Author: وليد محمد المبارك Date: 02-16-2011, 09:31 AM Parent: #93
يا عمر عشاري رش رشك
ساكت انت خلاص اخد صلاحيات كاملة عندي
وبقيت مع فاضلابي ودكين ومحسن خالد في سرج واحد
معلمين كبار
Post: #100 Title: Re: إحتقانات و إتهامات بالجملة !! إذن انت في سودانيزاونلاين Author: محمد عبد الماجد الصايم Date: 02-16-2011, 09:53 AM Parent: #99
Quote: ود الصايم عمر عشارى ود المبارك
أرفض تماما حشر عمر عشاري وسط العنقالة ديل!!
Post: #102 Title: Re: إحتقانات و إتهامات بالجملة !! إذن انت في سودانيزاونلاين Author: خدر Date: 02-16-2011, 10:34 AM Parent: #100
سلامات يا عشاري فكرة ود البشري مبنية علي حسن القصد و الحرص علي سلامة كثيرين حتي من انفسهم احيانا و دي دعوة جميلة لكنها صعبة التحقيق و ضد قانون التطور زاتو , نحن لو ما غلطنا و فضل غلطنا ده قاعد قدام وشنا ما حا نتعلم منو , لو إتمسح ما حا نشوفوا و بالتالي حا نكررو و بكده بنبقي بننتج في روحنا من جديد بنفس الإخطاء و ده اظنو البسموهو السكون او الكمون والله اعلم.اديك مثال لقيتو قبل شوية في بوستات المنبر عشان تشوف حجم الاحتقان و عدم تقدير الامور بشكل جيد ممكن يسوقنا لي وين كتب هشام ادم زميل البورد:
Quote: كان من المقرر أن أسافر مع والديّ إلى السودان يوم 12 / 11/ 2010 وتقدمت قبل هذا التاريخ للحصول على تأشيرة خروج وعودة، وبالفعل حصلت عليها دون أي مشاكل، وقبل هذا الموعد بأسبوعين أي يوم الثلاثاء بتاريخ: 28 / 10 / 2010 تلقيت اتصالاً هاتفياً من شخص (احتفظ باسمه) قال إنه من إدارة الوافدين بالمنطقة الشرقية، أبلغني أنه يتوجب عليّ التوجه لإدارة الوافدين للتأكد من شخصية صديق ادعى بأنه يعرفني وهو قيد الاعتقال وينتظر الترحيل، اعتبرت أن الأمر مجرد مزحة من أحدهم ولم ألتفت إلى هذا الاتصال ولم آخذه على محمل الجد، ولكن اتصل بي نفس الشخص مرة أخرى يوم الأربعاء 10/11/2010 وجدد دعوته لي بضرورة زيارة إدارة الوافدين، وأخبرني أنه بإمكانه إحضاري بالقوة، وأنه لا يريد استخدمات هذه القوة معي، وهذه المرة أخبرني أن الأمر متعلق بشكوى رفعتها جهة ما وقال إن فحوى هذه الشكوى مطالبة مالية وأن الأمر أخطر مما أتوقعه، وعندها أخبرته أنني أنوي السفر إلى السودان في زيارة لمدة أسبوع فقط وأن عليه الانتظار لحين عودتي، ولكنه أكد لي ضرورة الحضور حتى لو تطلب الأمر إلغاء الرحلة والإجازة، وعندها فقط عرفت أن الأمر ليس كما يزعم هذا الرجل وإلا لما كان أن يكذب منذ البداية، وبمعاونة من بعض المعارف الذين استطاعوا من خلال رقم إقامتي أن يعرفوا أن اسمي محظور من السفر وأنه قد تم رفع الخدمات عني: تجديد الإقامة - نقل الكفالة ... إلخ، وبالفعل توجهت يوم السبت بتاريخ: 13 نوفمبر 2010 إلى إدارة الرحيل حيث تم إلقاء القبض عليّ وأوعز المقدّم بالتحفظ على جواز سفري وإيداعي سجن الترحيل استعداداً لترحيلي في أول رحلة متوجهة إلى الخرطوم خلال 72 ساعة، وبعد محاولات تمكنت من إقناعهم بأن يزيدوا المهلة حتى أتمكن من أخذ مستحقاتي المالية من الشركة وإنهاء بعض الالتزامات، وشفعي لي أنني كنت على وشك السفر فعلاً وعندها أروني نسخة من خطاب وزارة الداخلية القاضي بضرورة ترحيلي عن البلاد والتأكد من عدم عودتي مرة أخرى بعد إنهاء ما لي وما عليّ. خرجت من إدارة الترحيل وتوجهت إلى مقر الشركة والتي بدأت في إجراءات إنهاء خدمتي على الفور ولكن مدير الشركة أوقف الإجراءات المتعلقة بمستحقاتي المالية بدعوى أنني كافر وأنه لا توجد حقوق لكافر وهدد أنه بإمكاني التوجه إلى أي جهة لرفع شكوى بهذا الشأن، وكأنه كان يعلم أنني لن أتمكن من الحصول على حقوقي إن أنا فعلت ذلك والحقيقة أنني إذا اشتكيت ذلك إلى مكتب العمل فإنه من الوارد أن أسترد حقوقي فعلاً ولكن كان لذلك تبعات كنت أخشى منها وهو تصعيد الأمر إلى جهات مثل هيئة الأمر بالمعروف والنهي عن المنكر
بعد إنهاء بعض الالتزامات سافرت الرياض يوم 13 ديسمبر 2010 متوجهاً إلى القاهرة لعمل لجوء سياسي خوفاً من التهديدات التي وجهها إليّ البعض عبر منبر سودانيزأولاين
حتي حضور هشام ادم و إثبات او نفي ما ورد علي لسانو , تظل قضية الاحتقانات في وسائط الإتصال غير مضبوطة الابعاد و قد تصل حتي درجة التكفير و قطع الرزق .
Post: #103 Title: Re: إحتقانات و إتهامات بالجملة !! إذن انت في سودانيزاونلاين Author: قيقراوي Date: 02-16-2011, 11:02 AM Parent: #102
Quote: ملحوظة: متابع بشاشا القارئ دا يا خدر مالو محتقن كدا من اولاد قلبـا .. ؟ اولاد قلبا دايما يسعون لواقع افضل في شتى المجالات الثقافية والاجتماعية والفنية .. والرياضية .. إلخ الواحد يجيب .. (العواجة) بتاعت البوست براهوو .. ويقوليك ما (تعوجو رقبت ) البوست
بوست بناقش شأن داخلي شن دخّل القاضي!؟ يا البرة .. شبال - بي صلعتي دي برضو - للينقطنا بسكاتو لا لتمييز ضد اولاد قلبا طالما هم فصيل ( تسعة و يسعون ) ... و بتمتعوا بنفس الحق!
ياخدوري ياخ انت زول حريف ... مالك دايرني اقول كما قال محمد حامد جمعة ( خدوري امبسبول )!!؟
كوجنتها كوجين شديدن جدن مسلك ظابط معاك وحدك لا شريك لك و لا ينفع للتعميم، خاصة لو علمت يا هداك الل- بالمناسبة ليه ما جاوبت على سؤال وليد التعسفي!؟ - فلتعلم ان " دكين " بالنسبة لي كحامل المسك. و لم اجد منه الا كتابة طاعمة، و نكهتها مميزة ( و المكان دا مكان للكتابة اعتقد )
بعدين ياخ بدل قومتك السداري دي و جايبا لينا مقفلة و دايرنا نبصم وراك، ما كان تشاركنا في تحليل الظاهرة - ما العرض - المرض اتسلف باللول، انت ما قالوا شويعي!؟ من القال انو كل اسباب الاحتقان بس هي النبزي !!؟ يا للهول!؟ اها انا النبز اصلو ما بعمل لي احتقان كلو كلو .. لكن الاسـتوساخ بعتبرو حقارة عديل!! .. النكلمك ضحى و التجاهل التجاهل التجاهل ياهو البحقن الدم في الروح و الجتة و بخلينا نقّلبا ذاتو
يا وغد عندي هنا مشاركة ليها لا اقول ليك يوم و لّ يومين؟ و ما سألت فيها!؟
بوست غير موفق
---------
اسمع ممكن اهدي لحن المساء دا بالنهار ؟ ممكن نسمع يا ضلنا بصوت الفنان طارق ابو عبيدة !؟
Post: #104 Title: Re: إحتقانات و إتهامات بالجملة !! إذن انت في سودانيزاونلاين Author: خدر Date: 02-16-2011, 11:21 AM Parent: #103
قيقا سلامات الصلعة عرفناها, النظارات كيف ؟ نظرك كم يا صاحب ؟
Post: #105 Title: Re: إحتقانات و إتهامات بالجملة !! إذن انت في سودانيزاونلاين Author: محمد عبد الماجد الصايم Date: 02-16-2011, 11:34 AM Parent: #104
Quote: مالك دايرني اقول كما قال محمد حامد جمعة ( خدوري امبسبول )!!
Quote: اها انا النبز اصلو ما بعمل لي احتقان كلو كلو .. لكن الاسـتوساخ بعتبرو حقارة عديل!! .. النكلمك ضحى و التجاهل التجاهل التجاهل ياهو البحقن الدم في الروح و الجتة و بخلينا نقّلبا ذاتو
.. والله انا لو في محل خدر ابوعبيدة .. بعد مداخلة (المحتقـن عشرة قيقا ) الفوقانية دي .. والله اكتب ليهو تلاتة ردود مع بعض .. وذلك حتى يتم استئصال الاحتقان تماما .. او مزيدا من الاستوساخ ..
أرجو عدم استوساخ قيقراوي .. مرة أخرى لانو حنني والله بي مداخلتو الفوقانية دي
Post: #108 Title: Re: إحتقانات و إتهامات بالجملة !! إذن انت في سودانيزاونلاين Author: عمر عشاري Date: 02-16-2011, 12:10 PM Parent: #105
Quote: ان " دكين " بالنسبة لي كحامل المسك. و لم اجد منه الا كتابة طاعمة، و نكهتها مميزة ( و المكان دا مكان للكتابة اعتقد )
ياقيقراوي
سلامات ياصديقي
ممتن أنا لصادق الموده التي صارت تجمع بيننا
قلت أقول ليك الكلام ده وأشكرك
عارف ياقيقراوي
دكين ده فعلاً كتاب جدا، وزول مضياف وحنين ، لكن بتاع مشاكل ولسانو متبري منو
وعندي معاهو ذكريات كتيره ...وأنا كنت برلومو في الجامعة لمن كان في رابعه قانون كنت انا في السنه الأولى أو التانيه
وعشان اوريك المزيج الغريب بتاع محنة الزول ده وإهتمامو وفي نفس الوكت لسانو المسيخ وإستعدادو للمشاكل أحكي ليك القصه دي كنت نازل معاهو في البيت في الدوحه كم يوم كده
زول مهتم وسوداني أصيل يوم من الأيام كان عندي مواعيد مع واحده زميلتنا كده
نزلني ليها في قهوه كده وقلت ليهو خلاص أمشي هي بتجيبني بعربيتها المهم
الزول ده ضرب لقاني راجي التاكسي ماخلى لزميلتنا دي جنبه ترقد عليها ...كييف الزوله دي تخليني أركب تاكسي
وردمها ليك إنها زوله مستهبله ، وماعندها ذوق ، وعرج علي سألني إني بعرف الأشكال دي من وين ؟ وإنو تاني ما أقول ليهو أنا ماشي أقابل الزوله دي ...المهم عملها قصه وزعل بالجد وهسه لو لاقاها حيكون نسى كلامو ده
حرقو قدر ده؟ ود الحله الشفت و وناس و ملحلح؟ طلع ###### السره و فنجاط كمان نقضي المشاغل و نشوف المهم في الأول و لو فضل زمن نجي نجادع الهجاص السمانى ... شايفو قلبا هظار و دردقه ... ------------------------------------ هذا التعليق لا صلة له ببوست و دعوات مولاناكم المدعو خدر
Post: #110 Title: Re: إحتقانات و إتهامات بالجملة !! إذن انت في سودانيزاونلاين Author: عمر عشاري Date: 02-16-2011, 12:32 PM Parent: #109
Quote: هذا التعليق لا صلة له ببوست و دعوات مولاناكم المدعو خدر
ياعصام ياجبر الله ياصديقي
كيف ماعندو صله ؟؟ بكده تكون دقيت آخر مسمار في نعش هذا البوست الذي تكسرت فيه النصال على النصال
قوموا إلى نبذكم يرحمكم الله
Post: #111 Title: Re: إحتقانات و إتهامات بالجملة !! إذن انت في سودانيزاونلاين Author: وليد محمد المبارك Date: 02-16-2011, 12:33 PM Parent: #109
الله يطمنك يا سهام ويغتي عليك دنيا واخره
ياخ انا لي قريب سنة حاسي بي اني زول سمج جدا في المنبر ده
طمنتيني غايتو
Post: #112 Title: Re: إحتقانات و إتهامات بالجملة !! إذن انت في سودانيزاونلاين Author: وليد محمد المبارك Date: 02-16-2011, 12:36 PM Parent: #107
و الله انا كنت عاوز اخش اسأل ( مولانا )* دا هكذا :
انت شويعتك دي كفر ساي يا مولانا و لّ كيف ؟
لقيتك اسبغت عليه حُلة الايمان تب، و بتسال العكس ؟ غايتو باقي ليهو يحسن اسلامه و نزوجو الملكة فكتوريا عديل ... المافي شنو!؟
انا غايتو ما شايف أي داعي - اليومين ديل، حيث لا صوت يعلو فوق صوت " الثورة" - للكلام عن الاحتقان الاستقطاب الشديد دا مطلوب جداً و فرز الكيمان ذاتو .. اها الثورة دي ننجزا ليكم كيف و انتو شغالين لينا شكبزورات!؟ ... ما تنفسوها خلو الناس تحتقن لما تطق ذاتو ... المافي يشنو؟ وكت اصلو المنبر عندو قوانين تطورو الخاصة، حارق رزك و حارق لينا المراحل مالك!؟ تعرف كدا انت شاغل نفسك بالنفخ في شوال خيش ساي !؟ ما سمعت ( الغنية ) : [ هآمرة أخرى سنصعد فوق هذا الاختناق الى عناق البندقية .. ان الرصاصة موعدي للاحتفاء بوجه ماريل الحبيبة او بخاطر ما اكون .. السلام عليك ياوطني الصلاة عليك يا طيب الاسماء يا كفني ويا سخط الجموع ]
-------
القدال او ود بادي ما عارف - الشريط واحد ياخ!؟ - قال : " الفرق بين مولانا و موّلانا، فرق مقدار يقاس بطول السبحة او بعرض المصلاية "
بمناسبة " مبارك " و الثورة المصرية " لوثتي اليومين ديل " : قليك البابا بعد خروجو من لقاء مع مبارك، شال الشهادة كاملة، الجماعة قالو ليه اسلمت؟ قال ليهم : كدا انا كفرت!! " امكن مولانا كفر بالشيوعية يا شفت !؟
الاحتقان شنو يا قيقا ؟ راجع البوست كلو تاني النبي فيك, في كم صاحب انا ما رديت عليهم ماك انت براك , بعدين عدم الرد ما دايما إستوساخ يا فنان - ممكن اكون متفق معاك - ممكن اكون شايف انو دي مشاركة جيدة لاثراء الحوار . - قس علي ذلك انتو نحن ليه بنفترض في مفترع البوست الإلمام بكل الاجابات ؟
انت سميت البوست غير موفق , انا ختيت الخمسة في الاتنين و قبلت منك , زي ما قبلت صامتا برضو شُكر ود الصايم و المفكر امين و وليد مبارك و رفاق اخرين. و كدي النسعلك , انت وكت عندك رأي قدر الضربة في تحليل الظاهرة و بالنظر لي انو بوستي ما موفق , ما تفتح انت بوست موفق لتحليل الظاهرة ؟ مقبقبني مالك يا قيقا ؟
____ اضبط يا وليد و عشاري دي تالت حالة إحتقان في البوست ده
Quote: انتو نحن ليه بنفترض في مفترع البوست الإلمام بكل الاجابات ؟
دي مكنتك؟
ما تتواضع ساي ... انت عاااارف يا خدوري
ما بتقنعي ... امبسبول!؟ ... او كما قال
-------
انا شايف انو الاحتقان مفيد للثورة ... على قول عادل امام " الفول مفيد للجبنة "... لكن انا ما داير افرضي راي و الله ... دي مشاركة و غز عود ليس إلا اهو مشاهد معاكم ساي في قدح ( الآخرتا ضوط كوم دي )... و [ الزلابية للجميع ] زي ما قال حبيب ألبي حسن موسى
Post: #117 Title: Re: إحتقانات و إتهامات بالجملة !! إذن انت في سودانيزاونلاين Author: Kabar Date: 02-17-2011, 05:20 AM Parent: #116
Quote: بعدين ياخ عشااااري ....عُشار ده منو ؟
هذا ما كتبه الصديق عمر عشاري معاتبا للصديق وليد محمد المبارك..و دي محنة اللغة العربية..حاجات صغيرة ممكن تقلب الموازين كلها..و ان كانت الفكرة ان نتعلم من بعضنا البعض فهنا منفعة للمتابعين و المتابعات..!
العـُشار في ثقافة المجتمعات الرعوية في بعض اقاليم السودان مفهوم شين عدييل و ما ممكن تسمي بيهو زول..و هو يعني الفعل الجنسي في الحيوان..و بسببه يتم التناسل و اعادة انتاج سلالة الحيوان..
العشاري في الثقافة السودانية تحمل قيمة ايجابية..و البعض يصف بها التمساح الكبير..و البعض يصف بها الجمل النضيف..و بعضهم يقول بشاري نسبة للبشاريين في شرق السودان..
وقع ليكم الفرق؟..
و بعد.. تسع سنين في هذا المنتدى..و كلما ادخله اسأل نفسي: ماذا ارجو..و ماذا يرجو مني من يقرأ ما اكتب؟..
ما يتخيل لي جينا عشنا نتعلم الكلام و نعلم الناس كيف تتعلم.. لأنو السودانيين و السودانيات معظمهم براييين و بيعرفوا كيف يتكلموا.. لكن هناك حاجات ممكن الناس تتعلمها من بعضها البعض عن طريق المثاقفة هنا..مثلا طيلة عمري قاعد اكل التمر..و يوم واحد ما فكرت أنو التمر ده حاجة ممكن تكون ثقافية..و ليها قيمتها عند الإنسان البيزرع التمر..ناهيك عن انواع التمر الكتيرة..و العجب لم تكتشف انو التمر الكنت قاعد تاكلو هو مجرد .. garbage لكن في المنتدى ده اتعلمنا انو التمر حاجة ثقافية و علاقة الإنسان بشجرة التمر علاقة متميزة..!
فهل كلنا نضع نصب اعيننا ماذا نريد من المنتدى و ماذا يريد منا المنتدى؟.. اخونا بكري ابوبكر عمل حاجة جميلة و لم تتكرر في تأريخ الحضارة السودانية..و لكن هل ننظر للمنتدى بهذه القيمة؟..و اذا كان المنتدى منجز سمح شديد.. ليه ما تكون مسئوليتنا هي المحافظة على السماحة دي و زيادتها و تطويرها ان امكن..؟..
الإختلاف و معظمه في المسائل السياسية..و لكنه لم يكن اختلاف خلاق..و انما دوما يجنح غصبا عنه و عن اهله ليكون مجرد تناطح لا يفيد ولا يستفيد..الناس كلها بتقول ليك نختلف باحترام..و الإختلاف باحترام لا يعني فقط ان تسمع كلام الأخر و تجي تقول كلامك..و لكن يجب ان تراعي فيه الآخر كقيمة انسانية ايجابية..!
تبعت في هذا المنتدى فكرة جيدة و اظنها ناجحة..الزول البيحاول يستفزك..و يجيب اخرك العاطفي..قول ليهو حبابك و كتير خيرك يا صديق/ة على المرور..و قطع شك لو تجرأ على الدخول مرة اخرى سيكون دخوله مختلف.. أو ربما صرف النظر عن التداخل معك..!
و التجاوز عن العنف اللفظي لا يعني أن ما تم وصفك به هو حقيقتك..ولا يعني عدم ردك أنك جبنت و خفت و انكسرت.. بالعكس يجب دوما أن تضع ذكاء القراء و القارئات نصب عينك.. لأنو ديل هم الحكم..و كتير جدا في المنبر ده لمن يشتمك زول/ة و تتغاضى عن ذلك.. بتجي ناس كتيرة و بتقول النصيحة..و ان تكسب كم نفر في صفك افضل بكثير أن تحرق اعصابك في معركة لا تجدي ولا تفيد..و قد تكون خصما على رصيدك..!
ناس الأحزاب السياسية و الناس المنظمة فيها بيقع عليهم لوم كبير..يعني لو كل كادر في حزب.. اتذكر انو تفاعلو في المنتدى هو عملية تفاعل جماهيرية..public engagement و انو دورو هنا تعليمي و ارشادى و استغلال منفذ جماهيري لتبليغ رسالته السياسية.. يتخيل لي ح يحدث فرق كبير..لأنو لمن السياسي يرجع و يكون انسان عادي متلنا نحن الغبش ديل و يقوم يفلت في الكلام.. تاني يوم بيكون الكلام ده محسوب على منظومتو السياسية كلها..و بيكون احرج حزبو و احرج ناسو المعانا في المنبر قبل أن يحرج الخصم المفترض..!
بنقول كده لأنو ناس التنظيمات السياسية تلقوا تدريبات شاقة و بناء شخصية لم يتوفر للأخرين و الأخريات..و عليهم ان يتخلوا عن عقلية اركان النقاش التي كانت تدور في الجامعات..و عليهم أن يفهموا اكثر ان من واجب المواطن عليهم أن يستفيد من تجربتهم في التدريب.. !
الدخول في الأعراض و الشخصنة ينم عن عقلية منهزمة تماما..و يجب ان تحارب هذه الخصلة..!
اختلف مع عمر البشير الف احمر..و لو لقيت فيهو فرقة ح اقطع راسو عدييل.. لكن لا احتاج ان اسبه بانه انسان لا ينجب..!..و حتى لو قلتها ماهو الإنتصار السياسي الذي يمكن أن اكسبه من ذلك؟ امغصو و احش مصارينو بالمغصة مثلا؟..و افرض حصل.. مش ح يحرد و يزعل و باكر يسوي كبة سياسية تخليني في نفس المربع الأول؟..
الكلام الإتقال في حق الأخت ميادة كمال من قبل..اهو الليلة ناس الأمن بيقولوهو لبنات تانيات.. يعني الحكاية جابت ليها رد فعل مساو في المقدار و مضاد في الإتجاه..و كلنا (حكومة و معارضة) انهزمنا سياسيا و اخلاقيا و اشهرنا افلاسنا على الملأ..!
من جانبي: اي زول/ة داير/ة يتعلم كيف يسرح بالبقر بنشرح ليهو..و في المقابل يعلمنا كيف ندخل السنما و نستمتع بفن الأوبرا.. مش الحكاية في جوهرها البسيط تبادل معارف..ولا المعارف الإ تكون في الكتب؟
و كل واحد/ة يردد وراي: بكري ابوبكر عمل حاجة سمحة..و من مسئوليتي ان احافظ على سماحتها ان الم استطع زيادة تلك السماحة و الجمال..! دمتم جميعا..
كبر
Post: #118 Title: Re: إحتقانات و إتهامات بالجملة !! إذن انت في سودانيزاونلاين Author: وليد محمد المبارك Date: 02-17-2011, 07:34 AM Parent: #117
كبر يا صديقي
Quote: الكلام الإتقال في حق الأخت ميادة كمال من قبل..اهو الليلة ناس الأمن بيقولوهو لبنات تانيات.. يعني الحكاية جابت ليها رد فعل مساو في المقدار و مضاد في الإتجاه..و كلنا (حكومة و معارضة) انهزمنا سياسيا و اخلاقيا و اشهرنا افلاسنا على الملأ..!
لا فض فوك لا فض فوك
اجابة سؤال الطيب صالح واضحة كانت يا صديقي كبر لكن الناس مطنشاها
قال : من اين اتى هؤلا ؟
الاجابة : من عندنا
الشخصية السودانية تحتاج مراجة شاملة كاملة
Post: #119 Title: Re: إحتقانات و إتهامات بالجملة !! إذن انت في سودانيزاونلاين Author: ايمن مستور Date: 02-17-2011, 08:58 AM Parent: #1
شكرا العزيز خدر على الاقل الاقلام المفيدة الطفشت من هنا تقدر ترجع والناس تقدر تستفيد وتفيد. والاحترام يكون اساس الحوار
الف تحية..
Post: #120 Title: Re: إحتقانات و إتهامات بالجملة !! إذن انت في سودانيزاونلاين Author: احمد التجانى احمد Date: 02-17-2011, 10:34 AM Parent: #119
Quote: إضافة لذلك في ناس بالجد مهنتهم كتابة وبحتاجوا يكتبوا بأسماؤهم الحقيقية
GamarBoBa ازيك يارجل يا فنان ياخ اسمك الحقيقى منو وصورة البروفايل العجيبة دى بتودينا وين فى ظل غياب اسمك الحقيقى
ماشايفك اليومين دى فى البورد عسى المانع خير
Post: #122 Title: Re: إحتقانات و إتهامات بالجملة !! إذن انت في سودانيزاونلاين Author: عبدالكريم الامين احمد Date: 02-17-2011, 11:02 AM Parent: #120
Quote: و بعد.. تسع سنين في هذا المنتدى..و كلما ادخله اسأل نفسي: ماذا ارجو..و ماذا يرجو مني من يقرأ ما اكتب؟..
ما يتخيل لي جينا عشنا نتعلم الكلام و نعلم الناس كيف تتعلم.. لأنو السودانيين و السودانيات معظمهم براييين و بيعرفوا كيف يتكلموا.. لكن هناك حاجات ممكن الناس تتعلمها من بعضها البعض عن طريق المثاقفة هنا..مثلا طيلة عمري قاعد اكل التمر..و يوم واحد ما فكرت أنو التمر ده حاجة ممكن تكون ثقافية..و ليها قيمتها عند الإنسان البيزرع التمر..ناهيك عن انواع التمر الكتيرة..و العجب لم تكتشف انو التمر الكنت قاعد تاكلو هو مجرد .. garbage لكن في المنتدى ده اتعلمنا انو التمر حاجة ثقافية و علاقة الإنسان بشجرة التمر علاقة متميزة..!
فهل كلنا نضع نصب اعيننا ماذا نريد من المنتدى و ماذا يريد منا المنتدى؟.. اخونا بكري ابوبكر عمل حاجة جميلة و لم تتكرر في تأريخ الحضارة السودانية..و لكن هل ننظر للمنتدى بهذه القيمة؟..و اذا كان المنتدى منجز سمح شديد.. ليه ما تكون مسئوليتنا هي المحافظة على السماحة دي و زيادتها و تطويرها ان امكن..؟..
الإختلاف و معظمه في المسائل السياسية..و لكنه لم يكن اختلاف خلاق..و انما دوما يجنح غصبا عنه و عن اهله ليكون مجرد تناطح لا يفيد ولا يستفيد..الناس كلها بتقول ليك نختلف باحترام..و الإختلاف باحترام لا يعني فقط ان تسمع كلام الأخر و تجي تقول كلامك..و لكن يجب ان تراعي فيه الآخر كقيمة انسانية ايجابية..!
تبعت في هذا المنتدى فكرة جيدة و اظنها ناجحة..الزول البيحاول يستفزك..و يجيب اخرك العاطفي..قول ليهو حبابك و كتير خيرك يا صديق/ة على المرور..و قطع شك لو تجرأ على الدخول مرة اخرى سيكون دخوله مختلف.. أو ربما صرف النظر عن التداخل معك..!
و التجاوز عن العنف اللفظي لا يعني أن ما تم وصفك به هو حقيقتك..ولا يعني عدم ردك أنك جبنت و خفت و انكسرت.. بالعكس يجب دوما أن تضع ذكاء القراء و القارئات نصب عينك.. لأنو ديل هم الحكم..و كتير جدا في المنبر ده لمن يشتمك زول/ة و تتغاضى عن ذلك.. بتجي ناس كتيرة و بتقول النصيحة..و ان تكسب كم نفر في صفك افضل بكثير أن تحرق اعصابك في معركة لا تجدي ولا تفيد..و قد تكون خصما على رصيدك..!
ناس الأحزاب السياسية و الناس المنظمة فيها بيقع عليهم لوم كبير..يعني لو كل كادر في حزب.. اتذكر انو تفاعلو في المنتدى هو عملية تفاعل جماهيرية..public engagement و انو دورو هنا تعليمي و ارشادى و استغلال منفذ جماهيري لتبليغ رسالته السياسية.. يتخيل لي ح يحدث فرق كبير..لأنو لمن السياسي يرجع و يكون انسان عادي متلنا نحن الغبش ديل و يقوم يفلت في الكلام.. تاني يوم بيكون الكلام ده محسوب على منظومتو السياسية كلها..و بيكون احرج حزبو و احرج ناسو المعانا في المنبر قبل أن يحرج الخصم المفترض..!
بنقول كده لأنو ناس التنظيمات السياسية تلقوا تدريبات شاقة و بناء شخصية لم يتوفر للأخرين و الأخريات..و عليهم ان يتخلوا عن عقلية اركان النقاش التي كانت تدور في الجامعات..و عليهم أن يفهموا اكثر ان من واجب المواطن عليهم أن يستفيد من تجربتهم في التدريب.. !
الدخول في الأعراض و الشخصنة ينم عن عقلية منهزمة تماما..و يجب ان تحارب هذه الخصلة..!
اختلف مع عمر البشير الف احمر..و لو لقيت فيهو فرقة ح اقطع راسو عدييل.. لكن لا احتاج ان اسبه بانه انسان لا ينجب..!..و حتى لو قلتها ماهو الإنتصار السياسي الذي يمكن أن اكسبه من ذلك؟ امغصو و احش مصارينو بالمغصة مثلا؟..و افرض حصل.. مش ح يحرد و يزعل و باكر يسوي كبة سياسية تخليني في نفس المربع الأول؟..
الكلام الإتقال في حق الأخت ميادة كمال من قبل..اهو الليلة ناس الأمن بيقولوهو لبنات تانيات.. يعني الحكاية جابت ليها رد فعل مساو في المقدار و مضاد في الإتجاه..و كلنا (حكومة و معارضة) انهزمنا سياسيا و اخلاقيا و اشهرنا افلاسنا على الملأ..!
من جانبي: اي زول/ة داير/ة يتعلم كيف يسرح بالبقر بنشرح ليهو..و في المقابل يعلمنا كيف ندخل السنما و نستمتع بفن الأوبرا.. مش الحكاية في جوهرها البسيط تبادل معارف..ولا المعارف الإ تكون في الكتب؟
و كل واحد/ة يردد وراي: بكري ابوبكر عمل حاجة سمحة..و من مسئوليتي ان احافظ على سماحتها ان الم استطع زيادة تلك السماحة و الجمال..! دمتم جميعا..
كبر
والله يا كبر جننتني جن ووقفتني زمبارة من الاتفاق الشديد المفاجي في كل حرف قلتو ولقيت مافي حاجة اقدر اضيفها للبوست ده غير (اعتل ) مداخلتك دي واعمل ليها
ومع تحياتي لصاحب البوست والجمع النحرير
Post: #124 Title: Re: إحتقانات و إتهامات بالجملة !! إذن انت في سودانيزاونلاين Author: GamarBoBa Date: 02-17-2011, 11:10 AM Parent: #120
أحمد يا هندسة...قاعدين والله بالله ولدك ده قول ليه هاردلك امس المدفعجية دقونا في استاد الامارات دق شديد
بالنسبة لصورة بروفايل ده اسمه مفتاح الحياة موجود في معابدنا القديمة في الشمال كتير...طبعا انتو ناس بندر ساي حدكم الثورات اسمي الحقيقي خليه لانو شين..بوريك ليه زات يوم..بالمناسبة شفت صورك في احتفال تمبس وداليا ماشاء الله عندك صلعة مطمئنة .. مطمئنة شنو تفتح سفارة عديل..الواحد مما صلع لما يشوف واحد زيه كدة بفرح ما عارف ليه
تحياتي يا حبوب
_ خدر معليش بوستك كان برة الاطار بتاع العنوان..فرجعناه ليك الموضوع انا واحمد ده
Post: #121 Title: Re: إحتقانات و إتهامات بالجملة !! إذن انت في سودانيزاونلاين Author: عمر عشاري Date: 02-17-2011, 10:52 AM Parent: #119
Quote: الكلام الإتقال في حق الأخت ميادة كمال من قبل..اهو الليلة ناس الأمن بيقولوهو لبنات تانيات.. يعني الحكاية جابت ليها رد فعل مساو في المقدار و مضاد في الإتجاه..و كلنا (حكومة و معارضة) انهزمنا سياسيا و اخلاقيا و اشهرنا افلاسنا على الملأ..!
العزيز كبر
أينما كان دخولك إستفاد الناس شيئا ما
مايكون ود المبارك ده بضرب تحت الحزام
أوافقك ان الكلام الشين ماعندو معنى ولايخدم العمل المعارض في شئ ، عارف ياكبر لو مر بي موقف تعاطف واحد مع البشير من قبل لكان ذلك متعلقا بموضوع عدم الإنجاب هذا ...هذا حديث رخيص وأول مايكشف فهو يكشف عن خواء قائله وطفولته السياسيه إن كان يعتبر هذا نقدا مثلا
قرات بعض الإهانات التي وجهت لمياده كمال هنا وأنا أدين ذلك بشكل واضح ولا أقبله بل وأحزنتني عبارة قيلت لها من قبل
كما أتفق مع وليد مرة أخرى رغما عن ( حركات العُشار ) بتاعتو دي في قوله أن الشخصيه السودانية تحتاج لمراجعه
أنا مع هذا القول قلبا وقالبا
وليس في الكلام الخارج عن الأدب فحسب بل في عدم الحساسيه الشديد الذي نتصف به تجاه بعضنا البعض
إسقاطات اللون في الحوار والعبارات العنصرية
تناول إعاقات الناس في النكات
الدونيه التي نتعامل بهاتجاه المرأة
والكثير الكثير من العبارات القبيحه التي يجب أن نخلص منها الحوار والإختلاف ، وفي اللغة متسع ياكبر ياصديقي
يمكنك أن تكون موجعا من دون ان تفقد الأدب بل هذا طريقك لحشد المؤيدين لما ذهبت إليه
___________________
هذا ما إتفقنا عليه ياكبر
طيب نأتي لما نختلف عليه
عبارة مساو له في المقدار دي ...التي أوردتها في سياق مقارنتك بين تصرفات ناس الأمن مع أخواتنا السودانيات ...وتصرفات بعض الناس هنا مع مياده كمال
أنا عندي فيها تحفظ كبير
ذلك وبرغم التشابه النوعي للغة فإن الوضع يختلف ياكبر
لغة بعض منسوبي المنبر تجاه مياده لغة قبيحه ولكنها في فضاء إسفيري كبير ، لمياده الحق أن ترد عليها وتوبخ قائلها ، وفي كثير من الأحيان ينضم لها في عملية التوبيخ تلك مُعارضين لتوجهاتها يدفعون عنها الأذى ويكونون آراء سالبه في قائل الإساءات ، هذا غير دفوعات زملائها في التنظيم الذين لايترددون في الرد بفاحش القول نزولا على قاعدة السن بالسن وهناك القانون موجود ...والقضايا الإلكترونيه أصبحت واقعا ، فيمكن لمياده ان ترد ويُرد عنها وترفع القضايا،
تعال معي ياكبر
لأقبية الأمن
وتخيل معي فتاة سودانيه تواجه فاحش القول وقبيحه ولا يعدم الأمر في بعض الأحيان تحرش وإعتداءات جنسيه ...أصابع تعبث بأجساد شريفات خرجن ليقلن رأيهن إستنادا على دستور من المفترض فيه أن ينص على حرية التعبير والتظاهر السلمي
كل هذا يتم تحت غطاء الترهيب والحماية التي يجدها منسوبي الأمن من قبل مؤسسات يبدو أنها تجيز مثل ذلك النوع من التعامل مع المعارضين
اللغة هناك ياكبر دلالاتها أكبر
اللغة هناك أعنف وأقوى
ولها مابعدها
إن ردت الفتاة الإساءة فكلنا يعلم مايمكن ان يجره ذلك عليها
وحيدات هناك في المكاتب المجهوله لا أحد يدافع عنهنَ معرضات لمخاطر الإغتصاب والإعتداءات الجسديه والضرب والتعذيب ، محرومات من حقوقهن في رفع القضايا ، مواجهات بمشاكل الوصمة الإجتماعية متى ماخرجن يحدثن عما جرى أو طالبن بحقوقهن ، موعدودات بالتعقب والمُراقبه ، وتدبيرالمكايد والإبتزاز
لا ياكبر وألف لا
ليس مساوٍ له في المقدار
ليس مساوٍ له في المقدار
ليس مساوٍ له في المقدار
مودتي وإحترامي ، وإدراكي لنبل مقاصدك
Post: #123 Title: Re: إحتقانات و إتهامات بالجملة !! إذن انت في سودانيزاونلاين Author: قيقراوي Date: 02-17-2011, 11:03 AM Parent: #121
عمر عشاري انت رجل جدير بالاحترام
-------
عليك الله اعفي لي الاحراج البسببو ليك بهناك ما لقيت طريقة ما احرجك و الله انحناءة تليق ( ما عندي قبعة نرفعا ياخ!؟ ) و وليد الشفت دا ما تمشيها ليهو كلو كلو ... زول غياظ بس
Post: #125 Title: Re: إحتقانات و إتهامات بالجملة !! إذن انت في سودانيزاونلاين Author: وليد محمد المبارك Date: 02-17-2011, 12:50 PM Parent: #123
Quote: و وليد الشفت دا ما تمشيها ليهو كلو كلو ... زول غياظ بس
يا قيقا عمر دشاري ده وصل عندي مرتبة الاوليا في المنبر وحصل ناس
محسن وفاضلابي ودكين
يعني ما بسالو
لكن انت البحلك مني شنو ؟ والله ارش رش
Post: #126 Title: Re: إحتقانات و إتهامات بالجملة !! إذن انت في سودانيزاونلاين Author: عمر عشاري Date: 02-17-2011, 01:47 PM Parent: #125
Post: #128 Title: Re: إحتقانات و إتهامات بالجملة !! إذن انت في سودانيزاونلاين Author: محمد البشرى الخضر Date: 02-17-2011, 02:57 PM Parent: #127
قيقرا يا خوي مالك اليومين ديل؟
Quote: انا غايتو ما شايف أي داعي - اليومين ديل، حيث لا صوت يعلو فوق صوت " الثورة" - للكلام عن الاحتقان الاستقطاب الشديد دا مطلوب جداً و فرز الكيمان ذاتو .. اها الثورة دي ننجزا ليكم كيف و انتو شغالين لينا شكبزورات!؟ ... ما تنفسوها خلو الناس تحتقن لما تطق ذاتو ... المافي يشنو؟ وكت اصلو المنبر عندو قوانين تطورو الخاصة، حارق رزك و حارق لينا المراحل مالك!؟ تعرف كدا انت شاغل نفسك بالنفخ في شوال خيش ساي !؟
كلامك عجيب مرة لا صوت يعلو فوق صوت الثورة!!! أجي يا ولدي ؟ دا مش حنك عبد الناصر و حافظ الأسد و البشير هيم سيلف البتحججوا بيه لقمع الاصوات الما عاجباهم ثم بأمانة كدة وينها الثورة دي العايز تقمع ليها دعوات لإصلاح الحال أو على الأقل توفير اعراض و سمعة الناس بعدين الإحتقان المقصود هنا دا لا يمكن يكون شي ايجابي او يقود لشي ايجابي تلفونات ومسجنرات تتبع وتخوض في عورات الناس بالحق و بالباطل تتناقلها وتباصيها و توفرها للأصدقاء كأسلحة للإبتزاز و قهر وضلة الخصوم - الهم زملاء في الأول و في الآخر عايزو يجيب ليك ثورة كيف يا قيقرا خلاف عادي ممكن يكون حول ما إذا كان بشة في موقف سارق لما جاب القون التاني في المريخ ام لا ممكن يجيب ابوك وامك واهل بيتك تاريخك و افعل ليك واترك ليك دا عايز الإحتقان الناتج عنو يفرز ليك كيمان الشرفاء من التانين كيف وانت مقدم على ثورتك العظيمة !!! يا قيقرا اليومين ديل نهااااائي ما عاجبني شنو يا حبة ؟ مالك؟
يا ود البشري الله يريحك دنيا و آخرة , انا برضو استغربت كلام صاحبنا ابصلعة قيقا لكن وكت لقيتو مقبقبني سكت و قلت في سري عشاري اصلو ما خاتي , تعمل بوست لإزالة الاحتقان يجوك يردموك عشان يحولوك لي محتقن لا ايدك ولا كراعك و زي ماقلت قبيل ده ما عندي ليهو تفسير غير فلسفة كــلب السرة. المدهش كان بالنسبة لي انو قيقا بدل يدعم المسعي ده شابكني الثورة و حسن موسي حبيب البو و يشيل و يقبقب فيني !! تصدق انو مافي شي ادهشني قدر موقف قيقا في البوست ده كلو ؟ قبقبو لي ينوبك ثواب يا باشمهندس.
يارفاق .. عندنا قضيتين طازة عاوزين فيها الرأي و المشورة - قضية طرد و قطع عيش هشام ادم - موقف محمد فرح و ميادة كمال الاخير و ردود الافعال في المنبر لاحقا
شن الشورة يا رفاقة؟
Post: #130 Title: Re: إحتقانات و إتهامات بالجملة !! إذن انت في سودانيزاونلاين Author: محمد عبد الماجد الصايم Date: 02-17-2011, 04:49 PM Parent: #129
ممكن أسأل سؤال يا مولانا؟
شكرا:
ليه لما (موالي) يعمل عملة البورض يقوم وما يقعد! ولما (معارض) يطبّق نفس النظرية .. الناس تعمل غمرانة؟
امازحك طبعا يا ود الصايم يا صاحب لكن قبل ما الاخرين يجاوبوا ليك , انت رأيك شنو ؟ و هل كلامك صحيح اصلا و لو صحيح , تفتكر ليه ؟ البوست ما عشان زول واحد يجاوب علي الاسئلة , مفروض كلنا نقول
اسمع منك
Post: #147 Title: Re: إحتقانات و إتهامات بالجملة !! إذن انت في سودانيزاونلاين Author: محمد عبد الماجد الصايم Date: 02-17-2011, 05:22 PM Parent: #133
أيوااااا .. يعني ختيت الكورة في ملعبي؟!
_
Quote: امازحك طبعا يا ود الصايم يا صاحب
Post: #143 Title: Re: إحتقانات و إتهامات بالجملة !! إذن انت في سودانيزاونلاين Author: عمر عشاري Date: 02-17-2011, 05:13 PM Parent: #131
Quote: ليه لما (موالي) يعمل عملة البورض يقوم وما يقعد! ولما (معارض) يطبّق نفس النظرية .. الناس تعمل غمرانة؟
ود الصايم ياصديقي
عندي ليك سؤال زي دا كده
ليه لما ( المعارضين )يطلعو مسيره سلميه الأمن يقوم ويقعد ولما ( الموالين ) يعملوا مسيره سلميه برضو ...الأمن بعمل غمران ؟
Post: #144 Title: Re: إحتقانات و إتهامات بالجملة !! إذن انت في سودانيزاونلاين Author: محمد عبد الماجد الصايم Date: 02-17-2011, 05:18 PM Parent: #143
عشاري يا عمكـ ليه لما (المعارض) (يتوفق) الناس بتتونس معاهو! ولما (الموالي) يشاركـ في البوست ساي .. يقيموا عليهو الحد؟
كدي في الاول جاوب علي السؤال المستهبل الجيت شايلو و فرحان ده
Post: #146 Title: Re: إحتقانات و إتهامات بالجملة !! إذن انت في سودانيزاونلاين Author: عمر عشاري Date: 02-17-2011, 05:21 PM Parent: #142
تيسير عووضه وود الصايم
ماتفتلوا البوست عليكم الله
ود الصايم
رد على
قبال المسيره السلميه الجايه
Post: #148 Title: Re: إحتقانات و إتهامات بالجملة !! إذن انت في سودانيزاونلاين Author: محمد عبد الماجد الصايم Date: 02-17-2011, 05:25 PM Parent: #146
والله يا عشاري يا عمكـ .. ما عندي إجابة للموضوع دا!! لكن كمان خلينا نقول إنو سؤالي عن حاجة حاصلة جوه البورض وكل الزملاء عندهم باسووردات ممكن يردوا ويشاركوا ونطلع بنجيضة! لكن كمان تسألني عن الأمن ليه ياخ! ليه ياخ! أحسن حاجة نعمل ليهم باسوورد وهم يردوا براهم!!
هسي بكري عمل يوزر باسم (حركة قرفنا)! تفتكر لو عمل يوزر باسم (الأمن الاقتصادي) ح يحصل شنو؟
Post: #151 Title: Re: إحتقانات و إتهامات بالجملة !! إذن انت في سودانيزاونلاين Author: عمر عشاري Date: 02-17-2011, 05:30 PM Parent: #148
Quote: لكن كمان تسألني عن الأمن ليه ياخ! ليه ياخ! أحسن حاجة نعمل ليهم باسوورد وهم يردوا براهم!!
Post: #154 Title: Re: إحتقانات و إتهامات بالجملة !! إذن انت في سودانيزاونلاين Author: محمد عبد الماجد الصايم Date: 02-17-2011, 05:41 PM Parent: #149
شوكرا يا عمكـ على المايكـ!
يا عمكـ البورض دا المقياس عندو ما مزبوط! أي والله ناس بتدي نفسها الحق في قول أي حاجة تحت مظلة (المعارضة) ولما الناس تقول الكلام دا ما صاح يكون الرد إنو دا (تصرف فردي)! نفس الحاجة لما تحصل من الجانب التاني يكون طوالي الحكومة عملت والحكومة سوت! ليه ما يكون التصرف دا تصرف فردي برضو وكل زول معلّق من باسووردو؟
مثلا العنوان بتاع علي عجب بتاع اغتصاب الفتيات دا! أنا شخصيا لما دخلت عليهو دمّي فاير عديل ومنتظر المعلومات منو ومتأكد تماما إني لو ما كنت أول واحد دخلوا فأنا من أول خمس أشخاص قروا البوست!! اتوقعت إنو يكون فيهو حوادث اغتصاب فعلية وإفادات وشهادات .. لقيت الكلام كلو عن محاولات وفي النهاية جاي من مصدر بالنسبة لي بختو في مرتبة واحدة مع الـ smc! الناس بكل بساطة اتغاضت عن الكذبة الرئيسية الموجودة في البوست وأكلتا في حنانا عشان خاطر المعارض!! أخونا في الله المعارض القدام الناس هنا سأل واحدة (إنتي مطهرة ولّ غلفا) ما ياهو قاعد وحايم مع الناس جوه البورض لا في زول طالب برحيلو ولا الناس اشتغلت بالموضوع كتير! برضو تصرف فردي .. مش كـدا؟ معارض تالت فاتح بوست حدادي مدادي يدين ويشجب العنصرية والناس تصفق وتهلل وتدين وتشجب وتستنكر! لما الحقيقة طلعت وإنو البوست كلو ملفق الناس عملت غمرانة .. والأكتر من كـدا لما (المعارض) دا ما لقى طريقة يمرق بيها من الزنقة بتاعت (الما موالي) أول حاجة عملها فتح بوست مليان عنصرية .. حفرة بتاعت عنصرية وساق المساكين وراهو .. ولا من شاف ولا من دري! ياهو خلاس أجندة ومرّت في سبيل معارضو للنظام!!
شفت كمية الأخبار البتتملي في البورض دا لمن يكون في أي حاجة في السودان؟ أها أنا أقطع ليكـ الشكـ إنو كمية مقدرة منها بتكون أخبار كاذبة وملفقة وأي حاجة .. وبرضو بتمر عشان الاسم يمين الخبر (معارض)!!
مفروض الناس زي ما بتدي أي واحد الحق إنو يكضّب ولّ يمرر حاجاتو بما إنو (معارض) يكون الحق دا مكفول لأي واحد تاني غيرو كان (موالي) كان (عنقالي ساي)! يا كمان الناس تقيف في حتة واحدة: ندين عنصرية .. أوكي .. يبقى أي عنصري ياخد على راسو! ما تكون القصة مجوبقة ساي ونعصر على دا ونعاين لي دا ونقول إن شاء الله يطلعو #### ذاتو!!
_ ولا يفوت عليكم بالطبع إدانتي الكاملة لاعتقال أي بني آدم في سبيل يقول رأيو وما يندرج تحت هذا الاعتقال من أي تصرفات أو عبارات أو أشياء لا تمت لأي إنسانية بصلة!
_ المايكـ دا الظاهر بطاريتو كملت
Post: #155 Title: Re: إحتقانات و إتهامات بالجملة !! إذن انت في سودانيزاونلاين Author: محمد البشرى الخضر Date: 02-17-2011, 05:45 PM Parent: #154
Quote: المايكـ دا الظاهر بطاريتو كملت
هههههههههه البطارية ولا انت الفقدت سوائل ؟ يا معلم شنو الكلام الكتير دا بقيت مثقف خلي بالك
شكرا يا عمك علي المساهمة الجيدة , اهو العصر بجيب منك نتائج كويسة و المره الجاية قبل ما تسألني اقرأ كلامي في اول البوست كويس عشان ما تجي تسألني في الصفحة التانية ,لانك كنت حا تنتبه اننا انا و انت متفقين في إتهام الجميع حكومة و معارضة بالإحتقان (مع اني شايفك عاصر علي المعارضة في كلامك رغم إدانتك الاخيرة للاعتقال, عزومة المراكبية ديك ) انا كتبت في صدر البوست
Quote: أستيب (2) تبعا لاعلاه يبدأ العضو {معارض او موالي للمؤتمر الوطني} في شحذ همتو في إتهام المختلف معاهو مرورا بشتمو و إنتهاء بإستدعاء مليشياته من الموالين له او لتنظيمو لردع الذي تجراء علي زميلهم.
الغريبة يا عمك انت بعد كلامي ده طوالي اشدت بي كيبوردي (بدون مؤاخذة ) , و جيت اسه سألتني تاني.
Post: #150 Title: Re: إحتقانات و إتهامات بالجملة !! إذن انت في سودانيزاونلاين Author: محمد البشرى الخضر Date: 02-17-2011, 05:29 PM Parent: #142
Quote: يارفاق .. عندنا قضيتين طازة عاوزين فيها الرأي و المشورة - قضية طرد و قطع عيش هشام ادم - موقف محمد فرح و ميادة كمال الاخير و ردود الافعال في المنبر لاحقا
شن الشورة يا رفاقة؟
بسم الله نبدا بحادثة هشام آدم عندنا مشكلة كبيرة في البورد يا خدر , أي موضوع لازم يمر عبر فلتر معارضة /موالاة الحكومة و تصانيف مستنير / ظلامي علماني / وهابي مرورا بهلالابي / مريخابي و انتهاء بـ جلابي / غرابي ردود الأفعال تتكيف على حسب نتيجة الفلترة و تقييم ردود افعال الآخرين وقراءة مواقفهم تتم أيضا عبر هذا الفلتر موضوع هشام قد وقد لا يكون له علاقة بسودانيز اون لاين أو النت عموما قد وقد لا يكون له علاقة بالحاده ما كتبه هشام قبل شوية انه لا يعلم بالضبط السبب ووضع احتمالات واضاف ان زملاء من البورد من السعودية لديهم فكرة لكنهم فضلوا أن لا يكتبوا في الموضوع حتى يغادر هشام السعودية و هو الآن بانتظارهم حتى يكتبوا الحتة الأخيرة دي غريبة شوية وما وقعت لي خالص لكن هذا ما فهمته من مداخلته في بوست عزام المهم قبل ما تتضح الرؤية تماما سارع البعض للفتوى و تلييس ما تيسر للحكومة و الأمن و البورداب السلفيين .... إلخ ومن الجانب الآخر سارع البعض لتبيان ان هشام معتاد على الكذب و ان القصة مليئة بالثقوب و بينوا اجراءات المملكة في الترحيل و الحالات المشابهة
نفس حالة الفلترة و الإستقطاب بدت تظهر في كيس محمد فرح و تعليقه السخيف غير الإنساني
___________________
بالمناسبة حكاية صلعة قيقراوي دي من متين؟ قريب دا ما كان تبع القروب
يا باشمهندس انا اذا فهمت كلمة الفلترة الانت استخدمتها دي صاح - بمعني مساهات المشاركين في البوستات - يبقي واجب علينا شكر الفلترة لانو يا معلم تباين مشارب و مناهل العضوية هو اصل فكرة المنابر و تبادل المعارف البتم فيهو , مثلا, البجي عاوز يقول البت دي تستاهل لانها طلعت في مظاهرة بلقي آخر/اخري بثمنوا دور البت دي و بنبهوا لي بطولتها و ممارستها لحقها في التغيير, ده بخليهو في المدي القريب يراجع موقفو و في البعيد يغير موقفو خالص و يرفع قبعتو للبت الطلعت في مظاهرة.
Post: #160 Title: Re: إحتقانات و إتهامات بالجملة !! إذن انت في سودانيزاونلاين Author: محمد البشرى الخضر Date: 02-17-2011, 06:55 PM Parent: #159
الفلنرة قصدت بيها زي ما تقول كدة الفحص يعني موقفي و قرايتي لمواقف الآخرين تختلف حسب نتيجة الفحص لأطراف الموقف وهل هم معي / قريبين مني ومن توجهي عندك موقف هشام مثلا وفكرة ان هناك من تسبب في قطع رزقه من اعضاء المنبر لخلافات بديهي ان الفكرة مستنكرة جملة وتفصيلا لكن بقراءة ردود الفعل المع و الضد و مقارنة نفس ردود الفعل في حالة تانية قريبة - دعوات لتبليغ السلطات الأمريكية عن حاصلين على لجوء و يوالون الحكومة و السفارة في نفس الوقت على سبيل المثال ممكن تضح الفكرة اكتر عموما دا جانب يتعلق برد الفعل على الحادثتين الجبتهم كدي ابدا كلامك عنهم في عضمهم
النموذجين القدمتهم في تقديري ظروفهم معقدة و محتاجين لي فلترة شديدة جدا حولهم من العارفين بتفاصيل ما حدث من البلاد المعنية. التشابة الرئيسي في النموذجين ديل هو حساسية الدين و حساسية موقف المهاجر و خلينا نسميها بي اسمها الحقيقي - المنفي - عشان دوافع رد الفعل و التقييم تستصحب معاها الحالة بتفاصيلها كاملة. الضابط للحالتين ديل موجود داخل تفاصيلهم, مثلا - هل كان هشام يدعوا و يبشر بالدين المسيحي و يسخر من الدين الاسلامي ام كان يدعوا فقط للمسيحي ام كان ملحدا صامتا ام ..الخ ؟ - منسوب الوطني او السفارة في منافي السودانيين هل يقوم بدور مباشر في اذية المنفيين او المهاجرين داخل مهاجرهم ام يمارس دورو في الدفاع عن الوطني دون التعرض للاخرين ام تحايل علي قوانين الدولة المعنية و حصل علي امتيازاتها و انقلب علي عقبيه و صار يؤذي الناس ام تحايل و لم يؤذ احد ..الخ ؟ بين كل فخاخ الاسئلة العنيفة دي في مواقف فردية تُقرأ في سياقاتها ,مثلا حيرني جدا موقف غبدالقادر سبيل في مداخلتو في بوست دعم هشام, تخيل اني يا ود البشري لحدي الان لم استطيع تكوين موقف واضح ضد سبيل او معاهو . من ناحية انا شايفو مسلم ملتزم يخاف الله و ينوي المساعدة و يمن علي من سأل الناس إلحافا, الموقف ده في ظاهرو يبدو مقيت جدا انك تمن علي احدهم طلب منك و هو في موقف ضعف لكن في باطنو و بالرجوع الي تعاليم الاسلام دي واحدة من الخيارات المُتاحة الممكن تتبعها كمسلم صالح لتزكير المرتد بعظمة دينك الذي يهاجم. من الناحية الاخري اري في ذلك الموقف قُبح ما بعده قبح و محاولة لإزلال الاخر و التنكيل و محاولة الحط من كرامتة بعرض المساعدة و بمبلغ محترم يسيل له اللعاب .. !! شفت المقلب ؟ السياق مهم يا فنان في كلا الاحوال عشان كده مافي إكليشيهات جاهزة نحكم بيها لتوصيف حال بعينو , الفلترة الاشرت ليها انت مهمة جدا لفهم ما يحدث و من ثم تبني موقف . رأيك شنو بالمناسبة في موقف سبيل ؟
Post: #165 Title: Re: إحتقانات و إتهامات بالجملة !! إذن انت في سودانيزاونلاين Author: بدر الدين اسحاق احمد Date: 02-17-2011, 10:46 PM Parent: #160
قايتو الله يولي من يصلح .. والفتـه ما تاكلوهـا حاررررررررررررررره
______ بدر الدين فى حالة موافقة وتوافق مع البوست
Post: #166 Title: Re: إحتقانات و إتهامات بالجملة !! إذن انت في سودانيزاونلاين Author: عمر عشاري Date: 02-17-2011, 11:37 PM Parent: #165
ياود الصايم
أخوك يادووب جيت راجع من العشاء مع الأصحاب لقيتك راشي ثقافه جد
بتصدقني
لو قلت ليك إني شايف توقيف محمد فرح دا بسبب ما أورده من عبارات شينه بحق ، كان من المفترض أن تسبقه حالات سحب للعضويه في مواقف أخرى من معارضين لغتهم لاتختلف كثيرا عما جاء به
والكلام دا قلتو في العشاء وماعجب الناس
قلت أجي أقولوا هنا برضو
وحلايب مصريه كمان ... على قول النكته _____________________________
ولكن عليك أن تعلم ياصديقي
وجهة نظري الأقرب ...في الحته دي أخوك عندو وجهتي نظر
أقربهما
إني شايف قصة التوقيف دي مامهمه
أي زول يقول كلام قبيح الناس تناقشوا وتدرشوا لمن ينصلح حالوا
يعني إنت حتوقفوا من المنبر ولا حتعدموا أصلوا
مازول شايل لسانوا ده وحايم لو جوه المنبر ولا براهو
طيب مانجعل من حسنات هذا المكان دفع القبح ومعالجته
______________
مايعجزني حقا بوستات الإساءات المتبادله هذه التداخل فيها مغامره غير مأمونة العواقب
Post: #167 Title: Re: إحتقانات و إتهامات بالجملة !! إذن انت في سودانيزاونلاين Author: احمد التجانى احمد Date: 02-18-2011, 01:02 AM Parent: #166
Quote: بالله ولدك ده قول ليه هاردلك امس المدفعجية دقونا في استاد الامارات دق شديد
قمر بوبا ان شاء الله دايما طيب وسالم الزول دة كان بيحضر الكورة معاى , خلاها 1 لبرشلونة ونام , الصباح عرف النتيجة وقعد اليوم كله يطنطن ومستغرب انه كيف برشلونة يتهزم من الارسنال من دور ال 16 فى دورى الابطال اما حكاية اسمك شين دى يعنى ح يكون البلولة ولا الاخيدر ولا الخزين ولا الضارع لو مافى ديل قوله ساى , ولا اقول ليك بنضبح ليك سماية تانى يازول , الصلعة دى بالنسبة لى صدقة جارية يازول انا بطمن فى الناس من اولى جامعة
يا خدر اعفى لى ياخ ما عندى حاجة اقولها فى موضوع بوستك دة الا بخش اسلم ساى عليكم وعلى الحلوين
ود الصايم مداخلتك الطويلة دى كان بتقعدك ربعين ياخ مالك بقيت مبزر كدة
Post: #168 Title: Re: إحتقانات و إتهامات بالجملة !! إذن انت في سودانيزاونلاين Author: عمر عشاري Date: 02-18-2011, 10:58 AM Parent: #167
Quote: شوكرا يا عمكـ على المايكـ!
يا عمكـ البورض دا المقياس عندو ما مزبوط! أي والله ناس بتدي نفسها الحق في قول أي حاجة تحت مظلة (المعارضة) ولما الناس تقول الكلام دا ما صاح يكون الرد إنو دا (تصرف فردي)! نفس الحاجة لما تحصل من الجانب التاني يكون طوالي الحكومة عملت والحكومة سوت! ليه ما يكون التصرف دا تصرف فردي برضو وكل زول معلّق من باسووردو؟
مثلا العنوان بتاع علي عجب بتاع اغتصاب الفتيات دا! أنا شخصيا لما دخلت عليهو دمّي فاير عديل ومنتظر المعلومات منو ومتأكد تماما إني لو ما كنت أول واحد دخلوا فأنا من أول خمس أشخاص قروا البوست!! اتوقعت إنو يكون فيهو حوادث اغتصاب فعلية وإفادات وشهادات .. لقيت الكلام كلو عن محاولات وفي النهاية جاي من مصدر بالنسبة لي بختو في مرتبة واحدة مع الـ smc! الناس بكل بساطة اتغاضت عن الكذبة الرئيسية الموجودة في البوست وأكلتا في حنانا عشان خاطر المعارض!! أخونا في الله المعارض القدام الناس هنا سأل واحدة (إنتي مطهرة ولّ غلفا) ما ياهو قاعد وحايم مع الناس جوه البورض لا في زول طالب برحيلو ولا الناس اشتغلت بالموضوع كتير! برضو تصرف فردي .. مش كـدا؟ معارض تالت فاتح بوست حدادي مدادي يدين ويشجب العنصرية والناس تصفق وتهلل وتدين وتشجب وتستنكر! لما الحقيقة طلعت وإنو البوست كلو ملفق الناس عملت غمرانة .. والأكتر من كـدا لما (المعارض) دا ما لقى طريقة يمرق بيها من الزنقة بتاعت (الما موالي) أول حاجة عملها فتح بوست مليان عنصرية .. حفرة بتاعت عنصرية وساق المساكين وراهو .. ولا من شاف ولا من دري! ياهو خلاس أجندة ومرّت في سبيل معارضو للنظام!!
شفت كمية الأخبار البتتملي في البورض دا لمن يكون في أي حاجة في السودان؟ أها أنا أقطع ليكـ الشكـ إنو كمية مقدرة منها بتكون أخبار كاذبة وملفقة وأي حاجة .. وبرضو بتمر عشان الاسم يمين الخبر (معارض)!!
مفروض الناس زي ما بتدي أي واحد الحق إنو يكضّب ولّ يمرر حاجاتو بما إنو (معارض) يكون الحق دا مكفول لأي واحد تاني غيرو كان (موالي) كان (عنقالي ساي)! يا كمان الناس تقيف في حتة واحدة: ندين عنصرية .. أوكي .. يبقى أي عنصري ياخد على راسو! ما تكون القصة مجوبقة ساي ونعصر على دا ونعاين لي دا ونقول إن شاء الله يطلعو #### ذاتو!!
_ ولا يفوت عليكم بالطبع إدانتي الكاملة لاعتقال أي بني آدم في سبيل يقول رأيو وما يندرج تحت هذا الاعتقال من أي تصرفات أو عبارات أو أشياء لا تمت لأي إنسانية بصلة!
_ المايكـ دا الظاهر بطاريتو كملت
ود الصايم
جمعه مباركه ، طبعا اليله برنامجكم ملان في بلدكم المافيها موضوع دي البك ، وصلاة الجمعه عليك الله يامحمد
حبوب فك الإمساك دي رسل لينا منهم حبتين لملاسي
ياخ ده وصل مرحلة يكتب عنوان البوست بس ، ويسكت
Post: #169 Title: Re: إحتقانات و إتهامات بالجملة !! إذن انت في سودانيزاونلاين Author: محمد عبد الماجد الصايم Date: 02-18-2011, 11:48 AM Parent: #168
Post: #170 Title: Re: إحتقانات و إتهامات بالجملة !! إذن انت في سودانيزاونلاين Author: احمد التجانى احمد Date: 02-18-2011, 12:17 PM Parent: #169
Quote: جمعه مباركه ، طبعا اليله برنامجكم ملان في بلدكم المافيها موضوع دي البك ، وصلاة الجمعه عليك الله يامحمد
عمر عشارى جمعة مباركة بلدنا دى رائك فيها دة عن تجربة ولا انطباع ساى الغريبة ناس البلد دى عندهم قناعة تامة انه السودانيين شعب مسكين حياتهم مهدرة فى لا شى لم ينالوا حظا من نعيم الدنيا وطبعا لكل شعب رؤيته للايف استايل التى تناسبه
Post: #171 Title: Re: إحتقانات و إتهامات بالجملة !! إذن انت في سودانيزاونلاين Author: عمر عشاري Date: 02-18-2011, 01:27 PM Parent: #170
Quote: بلدنا دى رائك فيها دة عن تجربة ولا انطباع ساى
أبو حميد
سلامات
والله إنطباع ساااي
رسلوا لينا زياره ...عشان نقيف على الأوضاع على الأرض
يا اخوانا قبل ما تحتاروا ( و نتلب من نظركم ساي ) ساي حاولوا افهموني ياخ!؟ يا دو البشرى انت هناك ظالمٌ لي ... و اعتقد هنا برضو ... كدي برا احتقان كدي وريني انا قلت شنو حرفياً هناك؟ ... و هاك الحليفة دي و الله العظيم ثلاثاً انا ما ركزت في الصورة و لما قريت اعتراضاتكم و شفتها مسحت مداخلتي و اعتذرت .. صدق او لا ! ... و في الحالتين ما بلومك!
اما بعد
في خصوص البوست دا - و سي سي لخدوري - انا طلبت غنية بعينها ... تفتكر عبس!؟ لا و الله كدي اقنع لي خدر دا يعنيها لي باللول عشان اروق اعصابي و ارجع اعجبك تاني ... المافي شنو؟
يا شباب مدخلي - حلوة مش؟ ... اعترف سريع انها ( عجبتك!؟ - الابروتش بتاعي قايم على انو ( معالجة ) خدوري للقضية هنا فوقي و قشري جداًً ... و بتعامل مع عرض واحد لمرض عضااال ( مازال يحتاج لدراسة عميقة لاستكشاف كل او قول جل ( اكوكازيون عشانكم بس انتو ناس اخوان برضو .. المافي شنو!؟ ) جوانبو المهمة و دراسة العلاقات و تشابكاتها! ... شفت كيف؟ باقي لي من جنس معالجات النميري كما في إبليس فى حضرة الرئيس !!!
اما ما يخص الثورة فما تقراهو بتجريد خارج سياقاتو يا حبيب بما فيها سياقو النفسي عاوز احكي ليك و لخدر قصتين لو سمحتوا لي ... حكى لي صديق - بوردابي كسلان - انو مرة من مرارير خلاف محتقن و مناوشات مستمرة مع ود حلتم، قرروا يصلوا لحد نهائي و اتطالعوا وراء ( دبة الجبهة )* و فعلوا ... تعرف فعلاً وصلوا لحد نهائي، و رجعوا اصحاب بعد ما كل واحد استنزف ( الطاقة ) السلبية الجواه.. اطرف ما في الامر انو المعركة دي دامت اليوم بحاله و كان بتخللها بريكات يتفق عليها الطرفان ... اتضاربو لمّن فتروا ذاتو!!. القصة التانية ( على ا###### ) و دي حصلت هنا في الدعوسية دي ... كنا في مدينة عسكرية و اتنين ساقوا خلافهم لنقطة اللاعودة حيث لم يجلعوا رقراق لمصلح و او ناصح! ... واحد قال للتاني : ( يا حلبي ) و التاني بادلوا انعدام الاحساس و رداها باسوا منها : ( يا عب ) !! ... برضو اتطالعوا لكن المرة دي الى ( الوادي الاخضر ) و هو مجرى سيل ... و من مغالاتهم في الاحتقان قرروا - و اتفقوا حيث كل الخلاف - على نقطة قمة في الاحتقان انهم يمشوا بعربية واحدة عشان يرجع واحد منهم بس!! ... شفت ليك جنس احتقان؟ ... لكن رجعوا الاتنين بعد ما كل واحد فرغ ( الطاقة السلبية ) الجواه و استعاد انسانيته .. انت كنت بتدك حصة الفيزياء يا عمك و لّ شنو؟ ... ما وروكم انو ( الطاقة ) لا تفنى و لا تستحدث من العدم؟ اها في اطار القانون دا نحن بنسعى لتحويلها من الشر للخير ... لكن القانون شنو البحكم عملية** ( التغيير ) دي؟؟؟
مدخل مشاتر ما قلنا حاجة ... بدل ما تحتاروا ساي ... كدي شوفوا ليهو اي فرصة او حظ انو يكون ( وجيه ) .. او مقبول ساي ان شاء الله؟
ساعود لاحتقاني مع ولي
---
* مكان برة كوستي اصطلح على التعارف عليه كمنصة اثبات الرجالة ** ركز لي في عملية دي بالله
Quote: يا قيقا عمر دشاري ده وصل عندي مرتبة الاوليا في المنبر وحصل ناس
محسن وفاضلابي ودكين
يعني ما بسالو
لكن انت البحلك مني شنو ؟ والله ارش رش
رايك شنو طيب نعمل بوست بمناسبة - دا بعد الشكرو التحية اللائقين لعزيزنا عمر عشار و دينا خالد - انو خلونا نتفق على حب!؟ ما بتحصل طوالي مع آراءك المشاترة القاعد توزعا ساكت كدا بس دي ... انا شايف نحتفل بالمناسبة دي ... اها قلت خير :
عمر ( دشاري ) .. ( ولد ولا بت )* احب ميتينك
غزل صريح في عمر عشاري و آخرون .. تعلمونهم او لا تعلمونهم ... الله يعلمهم ... المافي شنو!؟
اها تجي و لّ نجي!؟ ما في مطار ابو ظبي ياخ!؟ .. لا لا ياخ! هنا دا في ي ي ي بوردي من لا بُردة لهوو دا!
يا شباب تفتكروا انو ممكن ( الحب ) يكون هو شليل، و هو الغائب الفي الركائب في سؤالي الاثير ( المافي شنو!؟ ) و هل بتفتكروا - تاني ... معليش كترت عليكم الافتكارات - هل بتفتكروا انو ممكن يكون هو الحل !؟ و ح تصلوا ليهو كيف فوق ( الاحتقان ) دا ... بقفزة بالزانة و دفن جراح عميقة ببودرة و مساحيق تجميل " زيف " ... بعد دا كلو تجوا تستغربوا لما حلولكم الفوقية الفطيرة من جنس القوانين و المواثيق و العهود الزيف دي تصل لخاتمتها المعروفة سلفاً !؟ براكم دايرين تحتاروا بس !؟
التشريعات ما حل لمشكلة متجذرة ابداً
بعدين عوجة رقبة الحل الفوقي دا يا خدوري الما قادر تشوفا انك لاعب ... مايل لطرف بكل الاحوال، ما ممكن تكون محايد و لا يبنغي لك ابداً ... للنابه/ـة تيسير عووضة تعليق مبدع جداً - واخد بال سعادتك يا ابو حتحوت!؟** - حول موقف اساسي المتناقض في بوست المعيار، انو تحول بقدرة قادر من لاعب ( خصم ) الى معلق!؟ ... شات كورة، فاعجبته- طبيعي كل زول بعجبو الصارو- فنفض فنيلته و جرى مسك المايك بقى يعلق، و يشكر براااهو!؟ عاد دا كلام دا!؟
يا خدر كدي اقنعني انا دا قبل اولاد قلبا انك محايد ... و محايد ليه ذاتو!؟
----
* دي طبعاً في احالة الحلات المستعصية من جنس تيسير عووضة ودينا خالد (فغط) المنتظرة فيها قرار من ( الفيفا ) ... انتو الفيفا دي رئيسا ( حسني مبارك ) و لّ شنو !؟ سلت روحنا عديل ** عليك الله ما تجي تقبقبني في دي برضو ... التعليق مبدع مبدع لمّن بغادي ذاتو!!
Post: #173 Title: Re: إحتقانات و إتهامات بالجملة !! إذن انت في سودانيزاونلاين Author: احمد التجانى احمد Date: 02-18-2011, 04:40 PM Parent: #171
Quote: عشان نقيف على الأوضاع على الأرض
حبابك والله يا عشارى لنا عظيم الشرف تعرف انا من تاريخ قدومى للبلد دى 1995 , قلت بس اقيف على الاوضاع تتخيل للان انا واقف والاوضاع بدت لنا واستعصمت بالبعد عنا عن تجربة وبكل تجرد اقول ليك الناس ديل سابقننا فى عدة مجالات واهمها الاكاديمى والثقافى , عدد المبتعثين الان يفوق المئة الف فى ارقى الجامعات الامريكية والكندية والاوربية وكمان لديهم جامعة ضخمة جدا تعنى بالبحث العلمى , وحركة النشر الادبى بالتاكيد هى الاضخم فى محيطنا وكذلك الصحافة والرياضة لا مجال لمقارنتهم مع ما لدينا اما المجال الترفيهى فلن تتخيل قدر النعمة المتاحة لهؤلاء الناس , من رياضة الغوص والبولينغ والغولف والتنس والراليات بالاضافة الى انواع الرياضة الشعبية , انصحك بزيارتنا منها تؤدى الفريضة ومنها تغير فكرتك عنها لكن بس نوع التجدع البتلقاه فى الدوحة هنا ما اااافى
Post: #174 Title: Re: إحتقانات و إتهامات بالجملة !! إذن انت في سودانيزاونلاين Author: محمد عبد الماجد الصايم Date: 02-18-2011, 04:45 PM Parent: #173
ياخ كان تقيف ما عارف!! هنا يا معلم الأوضاع ترقد معاها بس!!
Post: #176 Title: Re: إحتقانات و إتهامات بالجملة !! إذن انت في سودانيزاونلاين Author: عمر عشاري Date: 02-18-2011, 10:27 PM Parent: #174
Quote: الشعبية , انصحك بزيارتنا منها تؤدى الفريضة ومنها تغير فكرتك عنها لكن بس نوع التجدع البتلقاه فى الدوحة هنا ما اااافى
يا أحمد ياخ معاك حاج عشاري ...مرتين جينا بلدكم دي للفريضه لكن بس مكه والمدينه
الرياض ماشفناها
الخبر والشرقيه محل الجديع يطرشنا
يازول مما ندخل ...نلف البشاكير دي لحدي مانطلع
وحتى الإيرانيات في الكعبه لم يجدوا منا إلا غض البصر والحمد لله
لكن يا أحمد مداخلتك بتاعت الدوحه دي ريحتني في حناني ...الله ياخ
عارف ياصديقي
بخصوص ترتيبات النهضه البعملو فيها الناس ديل فيما يخص العلوم والتدريب فانا لاحظتها
لكن يا أحمد ياخ لحدي هسه بت واحده تسوق عربيه مافي ...دي كتيره منكم
______________
قيقراوي
الله أنا في غاية السعاده بصداقتنا ومحبتنا دي وبتقديرك لأخوك ده
لكن ياقيقا مامستفيد هنا ياخ من كلامك الجميل ده
تعال لي في الفيس بوك ياخ حيث لا إحتقان وكل الناس أحبه
Post: #177 Title: Re: إحتقانات و إتهامات بالجملة !! إذن انت في سودانيزاونلاين Author: الرشيد ابراهيم احمد Date: 02-18-2011, 11:55 PM Parent: #176
خدر الرجل النقي لك الاحترام في مطلع التسعينيات كان محافظ سنار هو عبدالحليم اسماعيل المتعافي اتبرع ببناء مسجد في قرية شمال شرق سنار اسمها ود المحرب كبير القرية دي وشيخ القريه ودليل الناس هو جدي الصديق ود شرف اكتمل المسجد و تقرر افتتاحه في يوم جمعه مشمسه يصعب فيها حتي التحاور صيف صيف غلايه بس نحر اهل القريه جمل لااكرام المحافظ ورفاقه وكان بالفعل الجمع غفير وعظيم كان جدي يقف عند باب المضيفه بطبعه الحازم وطبع اهل البلد اجمعين ومقصدهم اثناء الاكل مستحيل يكون واحد منهم جالس بياكل الجميع واقفين لتفقد الضيف ونواقص الاكل كان كل ضيف بياكل شويه وبقوم لما يتب قائم يعني خلص اكل جدي بلحقو يازول صلي علي النبي تاكل استمر الامر مع كل الضيف وعندما توقف المتعافي عن الاكل جدي حلف عليهو طلاق ياكل المهم المتعافي جبر بخاطر جدي واكل شويه ومشي يغسل اياديهو ومن بعد جائت ساعة شرب الشاي ودي لحظة الانس طبعا قبل توزيع الشاي كان جدي بيكرر في عبارات الترحاب بالضيف وهنا قاطعه المتعافي وقال ليهو يا شيخ العرب كل زول خلص اكل انت كنت بتحلفو بالنبي ياكل اما انا فكنت الوحيد الحلفته عليهو طلاق السر شنو ؟؟ رجل كان خفيف دم وصاحب نكته وسريع البديه قال ليهو يا سيد المحافظ ما تعفيني من الاجابه اصر المتعافي يعرف الاجابه اقول ليك يا سيد المحافظ انا البريدو بحلف عليهو بالطلاق والما بريدو بحلفو بالنبي وعارفو ما بعز النبي والنبي بيغطس حجرو هذا الطرح دليل انسانيه عميقه يا خدر لك تقديري
Post: #178 Title: Re: إحتقانات و إتهامات بالجملة !! إذن انت في سودانيزاونلاين Author: أمين محمد سليمان Date: 02-19-2011, 06:30 AM Parent: #177
سلام يا حلوين ... زي ما قلت في الأول : إصلاح حال المنبر بيبدا بإصلاح حالنا في عضمتنا و دي قصه دايره تربيه من أول و جديد . المشاكل محصوره في اننا - و أكاد لا استثني أحدا - ما عندنا أدب الأختلاف : ما بنقدر نستوعب إنو في زول عندو راي مخالف لما نري و لو استوعبنا ما بننتقد الراي : بننتقد صاحبو و من ثم تبدا شخصنة القضايا و تتبعها الشتائم و النعوت و تستمر لبوستات تانيه و ربما لارباع تانيه و نقعد مدورين في الدائره الخبيثه دي حتي يتسمم المنبر و أجواء المنبر . الشئ التاني ، معظمنا ما مبدئيين في ارائنا : ارائنا مبنيه بصوره كبيره علي اتفاق أو اختلاف موقفنا السياسي أو علاقتنا الاجتماعيه بصاحب الموضوع و طبعا مثلي لا يسال عن أمثله !! الديمقراطيه و الراي الأخر مثلهم مثل الغول و العنقاء في هذا المكان ، و لو الناس جاده في أن تسود هذه القيم حقو يركزو علي غرسها في ابنائهم و بناتهم لانو كل اجيالنا المتعاقبه لم تعرف هذه القيم معرفه حقيقيه ...
Post: #179 Title: Re: إحتقانات و إتهامات بالجملة !! إذن انت في سودانيزاونلاين Author: وليد محمد المبارك Date: 02-19-2011, 06:44 AM Parent: #178
يا قيقا خير
Post: #180 Title: Re: إحتقانات و إتهامات بالجملة !! إذن انت في سودانيزاونلاين Author: احمد التجانى احمد Date: 02-19-2011, 07:52 AM Parent: #179
Quote: سلام يا حلوين ... زي ما قلت في الأول : إصلاح حال المنبر بيبدا بإصلاح حالنا في عضمتنا و دي قصه دايره تربيه من أول و جديد . المشاكل محصوره في اننا - و أكاد لا استثني أحدا - ما عندنا أدب الأختلاف : ما بنقدر نستوعب إنو في زول عندو راي مخالف لما نري و لو استوعبنا ما بننتقد الراي : بننتقد صاحبو و من ثم تبدا شخصنة القضايا و تتبعها الشتائم و النعوت و تستمر لبوستات تانيه و ربما لارباع تانيه و نقعد مدورين في الدائره الخبيثه دي حتي يتسمم المنبر و أجواء المنبر . الشئ التاني ، معظمنا ما مبدئيين في ارائنا : ارائنا مبنيه بصوره كبيره علي اتفاق أو اختلاف موقفنا السياسي أو علاقتنا الاجتماعيه بصاحب الموضوع و طبعا مثلي لا يسال عن أمثله !! الديمقراطيه و الراي الأخر مثلهم مثل الغول و العنقاء في هذا المكان ، و لو الناس جاده في أن تسود هذه القيم حقو يركزو علي غرسها في ابنائهم و بناتهم لانو كل اجيالنا المتعاقبه لم تعرف هذه القيم معرفه حقيقيه ...
يا نوتة شنو ياخ الكلام الكبار دة والالتزام الحرفى بموضوع البوست والجدية فى الطرح هسة شوف قيقا دة , اكان راجل اقرا مداخلاته فى نهايتها تكون نسيت انت داخل ياتو منبر خليك من موضوع البوست ... والمافى شنو؟ الحقيقة الموضوع قتل بحثا من قبل وتناولته بوستات عدة لم تفلح فى حتى تباطؤ وتيرة المشاحنات والاحتقانات ودة كله بالنسبة لى بيرجع للاستقطاب واختلال المعايير
Post: #181 Title: Re: إحتقانات و إتهامات بالجملة !! إذن انت في سودانيزاونلاين Author: أمين محمد سليمان Date: 02-19-2011, 08:30 AM Parent: #180
Quote: يا نوتة شنو ياخ الكلام الكبار دة والالتزام الحرفى بموضوع البوست والجدية فى الطرح هسة شوف قيقا دة , اكان راجل اقرا مداخلاته فى نهايتها تكون نسيت انت داخل ياتو منبر خليك من موضوع البوست ... والمافى شنو؟
يا تيجا ياخي إنت قايلني ياسر طيفور ؟! أنا زول مفكر ، لازم اكتب كلام كبار كبار ... بعدين ياخي أستاذ فتحي ده خلوه يكتب الدايرو : مكتبه ما عندو نلم ليه كتابتو دي ، ما تبقو عليه انتو و الزمن و بكري !
---------- ياخي عندي ليك سؤال بصفتك صديق شخصي للمحتقن الحالي و الدباب السابق أساسي : الزول ده بجيب حبوب الصراحه دي من وين ؟ !!
Post: #183 Title: Re: إحتقانات و إتهامات بالجملة !! إذن انت في سودانيزاونلاين Author: احمد التجانى احمد Date: 02-19-2011, 10:42 AM Parent: #181
Quote: ياخي عندي ليك سؤال بصفتك صديق شخصي للمحتقن الحالي و الدباب السابق أساسي : الزول ده بجيب حبوب الصراحه دي من وين ؟ !!
والله يا دكتور امين كل البقدر اقوله ليك عن الدباب ما قاله الفذ ادريس جماع
هينٌ تستخفه بسمة الطفل قويٌ يصارعُ الاجيالا حاسر الرأس عند كل جمال مستشف من كل شيء جماله
* انا حالتى اليومين دى قايل نفسى ماسكه شوية
Post: #184 Title: Re: إحتقانات و إتهامات بالجملة !! إذن انت في سودانيزاونلاين Author: احمد التجانى احمد Date: 02-19-2011, 10:54 AM Parent: #183
Quote: و الله حيرتمونا نحن نبدع ساي و تجو تقولوا نفسسسسسسسس كلامنا و تعملوا فيها غمرانين!!؟
الابداع فى ياقيقا لكن الحرفنة فى ال Paraphrase اخوك حريف يا قيقا
عليك الله تعال شوف هببت شنو فى مداخلتك التحت دى وصلحها , غير ممكن الرد بعدها كتبتها تكون بالشولة , يسار X يسار غطست حجر البوست وسيده ماف وبصفتك شعوعى انت اولى الناس بحراسته
Post: #182 Title: Re: إحتقانات و إتهامات بالجملة !! إذن انت في سودانيزاونلاين Author: قيقراوي Date: 02-19-2011, 08:54 AM Parent: #180
يا هندسة
Quote: الحقيقة الموضوع قتل بحثا من قبل وتناولته بوستات عدة لم تفلح فى حتى تباطؤ وتيرة المشاحنات والاحتقانات ودة كله بالنسبة لى بيرجع للاستقطاب واختلال المعايير
و الله حيرتمونا نحن نبدع ساي و تجو تقولوا نفسسسسسسسس كلامنا و تعملوا فيها غمرانين!!؟
ياخ صراحة انا ذاتو غلطان سم غلطان البكتب معاكم هنا؟ وكت دا ( تشخيصك ) لما نكتب هنا ... طيب الروشتة الصاح مفروض تكون : يحول للكتابة بسودان الجميع حيث حسن موسى و حسن اولئك رفيقاً
كرهتونا ( الهندسة ) ذاتو!!
الحال من بعضو يا حبيب شايفك انت و قمر بوبا عاملينها كورة ساي!! .. انصرافية جد!! بعدين بطل الشمار ياخ!؟ انا بوريك اسمو منو
---------
اما حبيبنا امين نوتة العاوز يربينا من اول وجديد بعد كبرنا دا، فزول ( مشهور ) انو بقرا باضانو ياخ بالمناسبة دي يشرفني .. بل و يسعدني انو اقول لود البشرى ياخ ما تلخبت الكيمان و يضمني مع امين في مجموعة واحدة - اتحاد اصحاب الصلع العرب و المستعربين و الما عرب ذاتو - الصلعة في لكن الفرق في ( الحرفنة ) ... اخوك حريف بس
Post: #185 Title: Re: إحتقانات و إتهامات بالجملة !! إذن انت في سودانيزاونلاين Author: قيقراوي Date: 02-19-2011, 11:34 AM Parent: #182
شكرن يا هندسة على المثال السمح دا :
Quote: كتبتها تكون بالشولة , يسار X يسار غطست حجر البوست وسيده ماف وبصفتك شعوعىانت اولى الناس بحراسته
اها يا خدوري!؟ شوف ( المهندس ) احمد نبزني و لا زعلتا !؟ اوع تقول لي الشويعية ما نبز!؟ ... قيل اشانة سمعة بالدرب العديل!؟
اها يا اخونا نسمح ليكم تنبزوا ساي، ما بنحتقن ... إلا ما تسيئوا ... اتفقنا؟
---------
ابو حميد براحة براحة علينا ... نحن ناس ( ثورة ) تعليم عالي ؤ كدا فضلة خير ( النظام ) العاوز كنس دا ... اتكلم معانا عربي ياخ!؟ بعدين بطلوا القولبة، شنو طوالي كرفستني جوة ( صندوق ) اليسار دا!؟ انا في الجافلين ... جفلت إذ اجفلت يوم ذات الخجة و اوت اوف ذا بوكس ... بقيت مع الطيور الما بتعرف ليها خرطة ... ود قلابا بس ... إلا بمكنة ( ماركسية ) ... دا حزبي الجديد
اذا قدرت تقرأ مداخلتي دي يا ( هندسة ) ... قل لنفسك بطل اشاعات مغرضة من شويعية و الى حرف البوست ( فنياً ) و ( كلام × كلام ) ... مرور بي يسار × يسار
Post: #186 Title: Re: إحتقانات و إتهامات بالجملة !! إذن انت في سودانيزاونلاين Author: وليد محمد المبارك Date: 02-19-2011, 11:56 AM Parent: #185
يا فنان مافي اضافات
1) هشام 2) محمد فرح
اها وتاني
Post: #187 Title: Re: إحتقانات و إتهامات بالجملة !! إذن انت في سودانيزاونلاين Author: قيقراوي Date: 02-19-2011, 01:27 PM
ما قلنا ليكم النظرة بتحكما زاوية الشوف :
Quote: اها وتاني
لكن يا ولي ياخ اديها صنّة ياخ !؟ الفنان عندو خط واضح و هو ممن عرف عنهم ( walk the line* ) و اهو فوق قدم ( أعتذار ) فيما تخطاه من خطه و اكد التزامه بيهو تماماً ..
فتعال نحترم ليهو البادرة الانسانية الراقية دي .. رغم تحفظنا ( إن وجد) ... و لّ شنو ؟
------------
دا فلم امس القريبة دي حضرتو لقيتوني كيف!؟ ما حراس يا هندسة؟ ... حامد بريمة بس
Post: #188 Title: Re: إحتقانات و إتهامات بالجملة !! إذن انت في سودانيزاونلاين Author: وليد محمد المبارك Date: 02-19-2011, 01:58 PM Parent: #187
يا قيقا والله انا ما عارف الناس حاسبنك مع المستنيرين ليه
و ما يفوتك يا سيد قيقا انو البسوي فيهو ود الصايم في الصفحة الاولي الان في ظاهرو () لطيفة و في باطنو تشجيع لرفع درجة الإحتقان في سودانيزاونلاين. التقول الصفحة الاولي ناقصة ؟
Quote: ما يفوتك يا سيد قيقا انو البسوي فيهو ود الصايم في الصفحة الاولي الان في ظاهرو () لطيفة و في باطنو تشجيع لرفع درجة الإحتقان في سودانيزاونلاين. التقول الصفحة الاولي ناقصة ؟
ما تعصر على حبيب ألب ود البشرى دا ياخ الزول دا قلبو ابيض و الفي ( بالو )* في خشم كيبورديهو طوالي بشوت ساي و محل ما تجي تجي
غايتو نسمع رأي ود البشرى و و الله و من ثم هو ادرى
-------
انت صحي البرلوم علاء الدين صالح كان قاصد شنو بي الفي بال ود الصايم هناك!؟ ورينا الفي بالك قول لينا الحقيقة .. قول قول قوووووول تريرا رررا
اي نعم هو ما أتى لحوار و لا حاجة كلو كلو ... لكن ما عندو ( اجندات ) برضو ... لا سرية لا معلنة عشان كدا قلنا و لاحاجة كلو كلو دي جاي ساي!!
زول ساي ( دا مدح ما ذم يا عمك .. او قول تاكيد المدح بما يشبه الذم إذا بتريد )
بعدين عمك دا هو رئيس اسي؟
------
بمناسبة القراية دي : قليك واحد مصري ببستف في ولدو : دا سعد باشا لما كان أدك كان بطلع الاول على دفعتو! ... الود بقطامة شديدة : و لما بأأ أدك كان باشا و رئيس وزراء حتة واحدة!
علاء كان بيشير لبوست ذي اليد داك!
Post: #196 Title: Re: إحتقانات و إتهامات بالجملة !! إذن انت في سودانيزاونلاين Author: محمد عبد الماجد الصايم Date: 02-21-2011, 03:50 PM Parent: #195
ولا يخفى على عزيزهم القارئ أن ( ) خدر في التلاتة مداخلات الفوق والفي ظاهرها اللطافة وإنما تسعى لزيادة الاحتقان في البوست دا بالذات وفي البوستات المجاورة وما وراء البحار زاتو!!
