Post: #1 Title: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-12-2011, 01:07 AM
هو مستخدم للكبورت وليس مناضل كيبورت اطلق دعوته بعد ان طقطقت اصابعه الكي بورت ثم سبقها الى ارض مصر لم يطلقها .. وينتظر ليشاهد نتائجها من خلال شاشة مقاسها 18.5 بوصة
وائل مناضل حقيقي .. ناضل على ارض الواقع، فاعتقل ... لذلك اثمرت دعوته للثورة
وكذلك البوعزيزي
ارسل رسالته الى امه عبر الفيس بوك ثم لم يحرق مداخلته بعدها اسفيريا بل احرق نفسه في العالم الفيزيائي وجسده كان الشرار الاولى للثورة في تونس ومن بعدها مصر
وائل والبوعزيزي مناضلين فيزائيين واقعيين احدهم مات والثاني اعتقل
Post: #2 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: SAMIR IBRAHIM Date: 02-12-2011, 01:09 AM Parent: #1
الاخ وليد
تحياتي
ده الفرق بين المناضلين والمناتلين ....
Post: #3 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-12-2011, 01:12 AM Parent: #2
مرحب سامر
بل هو الفرق بين الثائر والمحرض
والفرق كبير
Post: #4 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: Tragie Mustafa Date: 02-12-2011, 01:48 AM Parent: #3
وليد.....فلاحتك فينا مش؟؟!!
البحرضهو عادة قصر اوغير واعين اتعتقد ايا من المعتقلين الآن بسجون الانقاذ كان يحتاج تحريضنا؟؟؟ كم يا ترى من مناضلي الداخل هذا قرارهم ووعيهم ونضالهم؟؟؟ لماذا تعتبر دعمنا لهم تحريضا ؟؟؟
الا تعرف حملات دعم علاج فلان وعلان تمزق دواخنا قدر ايه ونحن نرى شعبنا يتسول حقه في العلاج؟؟؟ ونفكر في الملاين التي لا تعرف طريق منابر الحوار لتجد حق العلاج؟؟؟
لماذا تصرون على تصوير صدق التفاعل بانه تحريض؟؟!! هل الوفاء للاوطان وللشعب صار تحريضا؟؟!!
اذن سنواصل التحريض!
Post: #6 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-12-2011, 01:54 AM Parent: #4
Quote: اذن سنواصل التحريض!
اذن ابشرك بانك لن تري ثورة الا في هذا المنبر ان اكتفيت انت والبقية بالتحريض
Post: #5 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-12-2011, 01:49 AM Parent: #3
ياخ عليكم الله تعالوا
Post: #7 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-12-2011, 01:57 AM Parent: #5
Quote: الا تعرف حملات دعم علاج فلان وعلان تمزق دواخنا قدر ايه ونحن نرى شعبنا يتسول حقه في العلاج؟؟؟ ونفكر في الملاين التي لا تعرف طريق منابر الحوار لتجد حق العلاج؟؟؟
حنك .. حنك
وحنك بيش كمان
Post: #8 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: احمد محمد بشير Date: 02-12-2011, 02:09 AM Parent: #7
قبل ما تمشي في البوست ده كتير. في نقطه مهمه.
إنت بي عضمة كيبوردك ده قولت الحكومة ظالماكم. واغلب الأعضاء في المنبر ده عارفيين إنو الإنقاذ ماكلة حق الناس.
طيب يا وليد هنا في البورد ده في كم عضو كتب الحق ونزل علي أرض الواقع وتم حبسه والآن هما في المعتقل. فك الله أسرهم.... ديل رايك فيهم شنو؟؟ هل شاركت وطالبت لفك اسرهم؟
الناس البره السودان انا بشوف إنهم معاهم حق وهم سبب أساسي لكشف جرائم الإنقاذ..... وانت عارف كويس يا وليد إنو الجرايد مراقبة وممنوعة تكتب الحقيقة.
و الله بوستك ده انا ما عارفك داير من وراهو شنو, طالما في ظلم فحقو الناس ما تسكت وتقف مكتوفة الايدي.
مع الود.
Post: #9 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: esam gabralla Date: 02-12-2011, 02:21 AM Parent: #8
تعرف المشكله مش كيبورد و لا غيرو, المصيبة انو الواحد أو الواحدة الامكانية المتاحه ليهو محل هو متواجد و حسب ظروفو بيوظفا كيف و لى شنو!!!! ده مش في العمل العام وبس انما في كل مجالات الحياة
و بعد ده كلو: قوم لف و معاك الكيبوردات و الكمبيوترات زاتا ... نقاشات وهم و ناس وهم و ملانه أوهام خلونا نستمتع بانو في بشر قدرو يعملو ده ونتأملو شويه ... يا قدرنا اتعلمنا حاجه و لا كمان فلتتلحس الامه السودانية الفضلت ... كيفك و كيف العيال
Post: #10 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: Elbagir Osman Date: 02-12-2011, 02:29 AM Parent: #9
وهل تفتح هذا الورد في ضواحي باريس؟
) أبو عبيدة أبكر 2) احسان عبد العزيز 3) احمد التيجاني (يتعرض لتعذيب) . 4) أحمد بابكر محمد 5) أحمد سر الختم 6) أحمد صالح 7) أحمد علي 8 أحمد فؤاد 9) احمد محمد عثمان 10) أحمد محمود 11) آدم محمد إسماعيل 12) أسامه أمين عبيد 13) أشرف عز الدين 14) امنه السيد 15) امنه عثمان 16) امير منير ابو شامة 17) أمين … 18) انس عبد الرحمن 19) أنور… 20) باسل…. 21) بشير حسن 22) بهاء الدين محجوب 23) تاج الدين احمد 24) ثروت سوار الذهب 25) ثريا حبيب 26) جبريل…. 27) حاتم أزهري 28) حسام محمد زين 29) حسان عبد الرحمن الزاكي 30) حسن (بنطون) 31) حمزة بلول الامير 32) خالد توفيق 33) خالد محمد المعتصم 34) خيري نصر 35) د. احمد فؤاد 36) د. اشرف عزالدين 37) د. النجومي اسامة عبدالرحمن النور 38) د. حسام مالك 39) دينا ….. 40) راشد ابو الحسن (يتعرض لتعذيب) . 41) راشد احمد 42) راشد عبد الوهاب 43) رحمة محمد عثمان 44) رشان اوشي 45) رواء/ روان صلاح عبد الكريم 46) رؤى احمد عثمان 47) سارة تاج السر 48) سامر حسن 49) سامر صلاح الدين 50) سعدية عيسى (منع عنها الأدوية). 51) سليمان وداعة 52) سماح بشرى 53) سماح كشة 54) سماح محمد ادم 55) شيراز النذير 56) صديق عبد الجبار 57) صلاح مبارك الفاضل 58) صهيب الكارب 59) صهيب عباس (يتعرض لتعذيب يهدد حياته). 60) ضحى النذير 61) عادل إبراهيم كرار 62) عالم شريف 63) عامر…. 64) عبد الرحمن محمد حسن 65) عبد العزيز كبالي 66) عبد الله عيدروس 67) عبدالله… 68) عبد الله مكي (يتعرض لتعذيب). 69) عبدالرازق… 70) عبدالرحمن احمد الحسن 71) عبدالعظيم محمد أحمد عثمان (يعاني من أمراض مزمنة ويتعرض للتعذيب). 72) عبير احمد بابكر 73) عبير محمد 74) عفراء… 75) علي النعيم 76) علي حاج الامين 77) علي حمدان 78) علي محمد خالد 79) عمر احمد حامد 80) عمر حسن 81) عمر عبد الباقي 82) عمر محجوب 83) عيسى بشير 84) الفاتح… 85) فاروق اسامة 86) فاطمة (السنة الرابعة بكلية الصحة جامعة الخرطوم). 87) فاطمة غزالي 88) الفتح الصديق (مجنونه) 89) فتح العليم الهادي 90) فخرى خليفة 91) كمال محمد عثمان (يتعرض لتعذيب) . 92) لويس ايويل ورابيك (يتعرض لتعذيب يهدد حياته). 93) ماهر حسين الفيل 94) مجاهد عبد المتعال 95) محجوب تاج السر 96) محسن عبد القادر 97) محمد احمد 98) محمد إسماعيل حامد 99) محمد الامير 100) محمد الحيدر 101) محمد السر 102) محمد السنجك 103) محمد الصادق 104) محمد الهندي 105) محمد رحمة 106) محمد صديق 107) محمد صلاح عبد الرحمن 108) محمد عادل 109) محمد عبد الرحمن (يتعرض لتعذيب). 110) محمد عبدالله الخطيب 111) محمد عثمان كجراي 112) محمد علي 113) محمد عماد 114) محمد عوض 115) محمد كمال ابرهيم احمد 116) محمد مرزوق 117) محمد وديع 118) محمود علي العمدة 119) محمود كمال ابرهيم احمد 120) مختار بدر السنوسي 121) مروة التجانى 122) مروة الريح 123) مزمل علي 124) مصطفي عبد الرحمن 125) مصطفي محمد علي 126) مصعب زين العابدين 127) مصعب مايرنو 128) معتزمحمد 129) معتصم زكريا 130) منتصر زين العابدين 131) منى السبكي 132) منى…. 133) مهند الدرديري (يتعرض لتعذيب) 134) نازك كبلو 135) نجم الدين… 136) نزار الفاضل 137) نصر الدين يوسف 138) نفيسة النور حجر 139) نهي النقر 140) وضاحة قرشي 141) وليد الهدية 142) يوسف مبارك الفاضل
143) 28 طالب وطالبة لم ترد اسمائهم بعد، تم إعتقالهم بمدينة سنار
الباقر موسى
Post: #12 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: Elmosley Date: 02-12-2011, 02:47 AM Parent: #10
Quote: وهل تفتح هذا الورد في ضواحي باريس؟
) أبو عبيدة أبكر 2) احسان عبد العزيز 3) احمد التيجاني (يتعرض لتعذيب) . 4) أحمد بابكر محمد 5) أحمد سر الختم 6) أحمد صالح 7) أحمد علي 8 أحمد فؤاد 9) احمد محمد عثمان 10) أحمد محمود 11) آدم محمد إسماعيل 12) أسامه أمين عبيد 13) أشرف عز الدين 14) امنه السيد 15) امنه عثمان 16) امير منير ابو شامة 17) أمين … 18) انس عبد الرحمن 19) أنور… 20) باسل…. 21) بشير حسن 22) بهاء الدين محجوب 23) تاج الدين احمد 24) ثروت سوار الذهب 25) ثريا حبيب 26) جبريل…. 27) حاتم أزهري 28) حسام محمد زين 29) حسان عبد الرحمن الزاكي 30) حسن (بنطون) 31) حمزة بلول الامير 32) خالد توفيق 33) خالد محمد المعتصم 34) خيري نصر 35) د. احمد فؤاد 36) د. اشرف عزالدين 37) د. النجومي اسامة عبدالرحمن النور 38) د. حسام مالك 39) دينا ….. 40) راشد ابو الحسن (يتعرض لتعذيب) . 41) راشد احمد 42) راشد عبد الوهاب 43) رحمة محمد عثمان 44) رشان اوشي 45) رواء/ روان صلاح عبد الكريم 46) رؤى احمد عثمان 47) سارة تاج السر 48) سامر حسن 49) سامر صلاح الدين 50) سعدية عيسى (منع عنها الأدوية). 51) سليمان وداعة 52) سماح بشرى 53) سماح كشة 54) سماح محمد ادم 55) شيراز النذير 56) صديق عبد الجبار 57) صلاح مبارك الفاضل 58) صهيب الكارب 59) صهيب عباس (يتعرض لتعذيب يهدد حياته). 60) ضحى النذير 61) عادل إبراهيم كرار 62) عالم شريف 63) عامر…. 64) عبد الرحمن محمد حسن 65) عبد العزيز كبالي 66) عبد الله عيدروس 67) عبدالله… 68) عبد الله مكي (يتعرض لتعذيب). 69) عبدالرازق… 70) عبدالرحمن احمد الحسن 71) عبدالعظيم محمد أحمد عثمان (يعاني من أمراض مزمنة ويتعرض للتعذيب). 72) عبير احمد بابكر 73) عبير محمد 74) عفراء… 75) علي النعيم 76) علي حاج الامين 77) علي حمدان 78) علي محمد خالد 79) عمر احمد حامد 80) عمر حسن 81) عمر عبد الباقي 82) عمر محجوب 83) عيسى بشير 84) الفاتح… 85) فاروق اسامة 86) فاطمة (السنة الرابعة بكلية الصحة جامعة الخرطوم). 87) فاطمة غزالي 88) الفتح الصديق (مجنونه) 89) فتح العليم الهادي 90) فخرى خليفة 91) كمال محمد عثمان (يتعرض لتعذيب) . 92) لويس ايويل ورابيك (يتعرض لتعذيب يهدد حياته). 93) ماهر حسين الفيل 94) مجاهد عبد المتعال 95) محجوب تاج السر 96) محسن عبد القادر 97) محمد احمد 98) محمد إسماعيل حامد 99) محمد الامير 100) محمد الحيدر 101) محمد السر 102) محمد السنجك 103) محمد الصادق 104) محمد الهندي 105) محمد رحمة 106) محمد صديق 107) محمد صلاح عبد الرحمن 108) محمد عادل 109) محمد عبد الرحمن (يتعرض لتعذيب). 110) محمد عبدالله الخطيب 111) محمد عثمان كجراي 112) محمد علي 113) محمد عماد 114) محمد عوض 115) محمد كمال ابرهيم احمد 116) محمد مرزوق 117) محمد وديع 118) محمود علي العمدة 119) محمود كمال ابرهيم احمد 120) مختار بدر السنوسي 121) مروة التجانى 122) مروة الريح 123) مزمل علي 124) مصطفي عبد الرحمن 125) مصطفي محمد علي 126) مصعب زين العابدين 127) مصعب مايرنو 128) معتزمحمد 129) معتصم زكريا 130) منتصر زين العابدين 131) منى السبكي 132) منى…. 133) مهند الدرديري (يتعرض لتعذيب) 134) نازك كبلو 135) نجم الدين… 136) نزار الفاضل 137) نصر الدين يوسف 138) نفيسة النور حجر 139) نهي النقر 140) وضاحة قرشي 141) وليد الهدية 142) يوسف مبارك الفاضل
143) 28 طالب وطالبة لم ترد اسمائهم بعد، تم إعتقالهم بمدينة سنار الباقر موسى
مع اني بمتابعتي لوليد عارفو مابنزل بوست الا لما يكون مسلح لكن لستة الباقر دي ماعندك فيها كلام ودي لسته انا متآكد بان معظمها لهم انشطة في الانترنت خصوصا الفيس بوك ================= ملاحظة بعدين ياوليد انتو مشكلتكم شنو مع الناس البره ماهو ثورة مصر لقت مساندة كبيرة طيلة ايامها في الانترنت والاعلام الاميركي والغربي والعربي من المصريين المقيمين بتلك الاماكن وكان ليها كبير الاثر الواحد ياعزيزي بعمل البقدرو عليهو الله ولو بكلمة وفي النهاية لك التحية
Post: #21 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-12-2011, 07:35 AM Parent: #12
مرحب استاذ الموصلي تحياتي
Quote: بان معظمها لهم انشطة في الانترنت خصوصا الفيس بوك
صحيح وهم يستخدمون التقنية كسند في نضالهم لا يجعلونها فقط الساحة الوحيده لنضالهم وكانهم يريدون تحرير سودانيز اون لاين
مشكلتنا مع الناس البره افعالهم حتى الان لا تتطابق واقوالهم وكتاباتهم
يا ما تطابق كتاباتهم اقوالهم فنحيهم ونشهد لهم بالنضال وننحي لهم او يقدموا العندهم وما يستطيعون وينقطونا بسكاتهم ويبطلوا فتح البوستات التي تندر باهل الداخل والتخوين والكوزنة وادعا بطولات فارغة اساسها المنبر ده فقط
العنده شي ونظام الانقاذ ده ما عاجبو ان الاوان انه يجي يقول ده على الارض هنا.. ولا ينقطنا بسكاتو .. ونشوف نحن برانا مشكلتنا مع الانقاذ دي بنحلها كيف وبتين
هذا مع الموده التي تعلمها يا استاذنا
Post: #20 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-12-2011, 07:23 AM Parent: #10
بل هذا ورد تفتح في الخرطوم
لكنه لا يكفي وحده لازاحة النظام
ولن تكفي اللستة التي اوردتها فقط .. كي تعيد الحرية لهم
ربنا يفك اسرهم فهولا من تطابقة افعالهم واقوالهم
ثايرين حقيقين ...
Post: #11 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: بدر الدين الأمير Date: 02-12-2011, 02:42 AM Parent: #9
Quote: هو مستخدم للكبورت وليس مناضل كيبورت اطلق دعوته بعد ان طقطقت اصابعه الكي بورت ثم سبقها الى ارض مصر لم يطلقها .. وينتظر ليشاهد نتائجها من خلال شاشة مقاسها 18.5 بوصة
وائل مناضل حقيقي .. ناضل على ارض الواقع، فاعتقل ... لذلك اثمرت دعوته للثورة
الاخ وليد لك التقدير هل اعلاه معلومات تعلمها عن من هو وائل وعن نضاله عبر الكيبورد او عبر الشارع ام انك تحلل معلومات موجودة عبر الاسافير بواسطة الكيبورد ؟
Post: #13 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: Deng Date: 02-12-2011, 03:27 AM Parent: #11
كده خلينا من لستة الباقر دي يمكن تكون ما سامع بهم.
رأيك شنو في مواقف البطل عضوا البورد محمد عادل المعتقل حاليا ويتعرض الى تعذيب؟
هل هي صدفة أنك لم تشير له أم أنها عقليتك الكيزانية الخربة التي تمنعك من أن تفكر بعقل مفتوح ونية سليمة؟
مهما تحاول أن تتخفى بهذا البورد ولكن قلمك هو الذي دائما يفضحك ويفضح مواقفك الكيزانية.
تحية الى الاخ محمد عادل والى جميع المعتقلين بسجون هذا النظام المجرم.
Post: #14 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: Tragie Mustafa Date: 02-12-2011, 03:40 AM Parent: #13
وليد يا اخوي انت كان مشتاق لينا ما تشوف لك طريقه ثانيه تعبر بيها!!
Quote: ياخ عليكم الله تعالوا
يا وليد خليني اسالك سؤال تعداد شعب مصر يبلغ 80 مليون الكانوا في ميدان التحرير في احسن الفروض كانوا 2 مليون!! طلعه النسبه و التناسب دي عشان تعرف اي انتفاضه ما محتاجه الا نحن نجيء حتى تقوم!!
بعدين نحن هنا ما كلنا واحد في ناس فعلا محترفين سياسيه وان كانت للاسف في السودان تمارس كهوايه (اي لابد من عمل يطعمك عيشا) وفي ناس مجرد بورداب...اها شكلك ذالي حتى البورداب في مساندتهم ما كل الناس مستعده قدر ده.
ثانيا: الناس دي اغلبها شالين اسرتين وثلاثه في السودان خليك من حكاية حنك(بيش دي)!! اها انت شكلك قاصدني....رسل حق التذاكر...وقبال كم يوم كده لمحت لي بوست قاعد يجمع لينا قروش بالله لو وقع في عينك لمني فيه....انا غايتو لو جبتوا لي حق التذاكر بجي اصلا حق الاكل ما بحتاجه لانه حتنزولني مع ناس محمد عادل اكيد!!ةهناك الاكل ملح مش كده(هههههه)ده طبعا قدر الاكل البيدهوا للمعتقلين ان كان يسمى اكل من اساسه!
Post: #30 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-12-2011, 02:27 PM Parent: #14
تراجي حبابك وانت رايقه
عارفة يا تراجي يوم المظاهرات المفروض تقام في بحري ميدان عقرب انا زعلت زعل شديد خلاص
مشينا المظاهرات ( مع اني معترض عليها قبل ما تقوم باعتبار التوقيت والتنظيم ) وقلنا ما نشق الصف لقينا على قول امي ... دار الكلاب خلا
الجو كان ملغم شديد ما نزلت من العربية وبقيت لافي امشي لحدي سعد قشره وارجع يو تيرن امشي لحدي مستشفى بحري من الساعة اربعة الا عشرة لحدي الساعةاربعة وخمسة وعشرين دقيقة
المهم بعد الاتصال ببعض زملاء المنبر الكانو برضو في المكان وتاكدت انو الموضوع ما حا يقوم مشيت على امدرمان
وهناك كانت زفة المولد
امدرمان عن بكرة ابيها كنت في شارع الوادي وعندي صور هنا ممكن ارفعها ليك
زعلت بصورة ما عادية وكيف انو الفرق بين جو الثورة الفي المنبر والجو في العالم الحقيقي كبير جدا
يا تراجي صدقيني الفرقة كبيره لدرجة وكانو المنبر ده ما بتكلم عن السودان
الموضوع ده عاوز شغل يالناس تنكرب ليه
ولا تبطلوا
ده الفهم يا تراجي والمحرش ما بكاتل
Post: #15 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: Mohamed Yassin Khalifa Date: 02-12-2011, 04:24 AM Parent: #13
تعرف يا وليد إنو كل الطغاة يرتعدون من السلاح الذري المعروف بالكيبورد! وده لانو ما عندهم ليهو حلل.. ولا بيقدروا يحاربوهو غير بضرب وقمع عدد بسيط من مستخدميه كأجراء تخويفي وتحذيري فقط... لسببين:
الأول: لأنه سلاح فتاك وسهل الاستعمال والثاني: لأنه صعب عليهم حصر مستعمليه وتعقبهم
وبنفس القدر، تجد في الدول الديموقراطية أنهم يستخدمون نفس السلاح ده وبرضو لسببين مختلفين تماماً:
الأول: لأنه رخيص ومتوفر وبضغطة إنتر واحدة ممكن توصل رسالتك لبلايين البشر بسهولة ويسر والثاني: لأنهم لو ما إستخدموهو فأكيد معارضيهم حا يسبقوهم بالوصول لأكبر عدد من الناخبين
وده يا سيدي المهم...
*هل تعرف إنو تونس كانت من آخر الدول الدخلها الأنترنت.. رغم إنها كانت الأولى في الأستفادة منه لإحداث التغيير؟ **وهل تعرف إننا أنشأنا موقع للحزب الأتحادي قبل موقع حزب العمال البريطاني، رغم إنهم أستفادوا منه أكتر مننا؟
على الرغم من المحاولات المستميتة للطغاة لمنع وحظر وتتبع الانترنت، إلا أنهم فشلوا لأنو أصبح حيوي ومتطور وطبعاً سمعتا إنو المجرم المطارد البشير قال إنه وصل الكهرباء لقرية في كردفان بس عشان شبابها يدخل النت ويردوا على ناس الفيسبوك الجننوهو وقللوا منامه، وحركوا العالم كله ضده... وقول ليهو يا راجل؟
وأكيد أهم حاجة ممكن تعملها بالنت إنك تحرض الناس وتوجهم وتنورهم.. ودي ما بتنفع مع الدكتاتوريات عشان كده الحكومة لجأت للتخريب الإسفيري بكل وسائله ولغاية إستخدامهم للأفلام والصور الإباحية وده كله بيتم عبر ما يعرف بالجهاد الأسفيري والخصصو ليهو ميزانيات ضخمة وأشتروا ليهو أجهزة ومرتزقة
بس هم ما عارفين إنو الخراب ساهل، وممكن واحد شاب صغير يدمر ليهم كل شبكاتهم أو يتجسس عليها وصدقني ده حا يحصل عليهم لو إستمروا في غيهم وجهادهم ده...
التحية لكل من ساهم ويساهم في التغيير بالنت ولا في أرض الميدان!
Post: #16 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: الصادق يحيى عبدالله Date: 02-12-2011, 04:38 AM Parent: #15
Quote: الاخ وليد
تحياتي
ده الفرق بين المناضلين والمناتلين ....
وليد لم يقل شيئا يؤهل الكاتب المقتبس كلامه اعلاه للوصول الى هذه النتيجة Mr. Samir please read Copi, I. M.(2008).Introduction to logic. Prentice Hall
Post: #17 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: الصادق يحيى عبدالله Date: 02-12-2011, 04:42 AM Parent: #16
فوق ذلك، فان عمل وليد بوزارة تعني بانتاج البحث العلمي لم يردعه من اصدار مقولات تحتاج لمجهودات اكبر من مجرد "نقرة كيبورد" للحكم على الاخرين بالجهل و الكذب! يجب على وليد الاتفاق مع الاخرين على المستوى الاصطلاحي لاحكامه قبل اطلاقها.
Post: #32 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-12-2011, 02:58 PM Parent: #17
Quote: يجب على وليد الاتفاق مع الاخرين على المستوى الاصطلاحي لاحكامه قبل اطلاقها.
ساحاول ذلك مستقبلا
مشكور
Post: #31 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-12-2011, 02:53 PM Parent: #15
مرحب محمد يسن
انا متخصص في IT وعندي شهادتين جامعيتين في الداهية الاسمو كمبيوتر ده واحده IT والتانية CS
ومشيت في حاتي العملية في اتجاه النترنت تحديدا تطوير وبناء صفحات الوب
يعني عارف الانترنت وعارف مدى فايدتها وتاثيرها وما اليه
يا صديقي ابدا انا ما معترض على استخدام الانترنت وما ممكن طبعا لانو شغلانتي الباكل منها عيش هي انترنت
انا بقول انو الانترنت لوحدها لن تصنع ثورة في السودان ولا حتى في اي مكان الفيصل يكون للثورة على الارض
الان لاسباب كثيرة تقنية واجتماعية الانترنت لن تساهم في صنع الثورة في السودان كالتي حدثت في مصر وتونس لوحدها
لاذم يكون في شغل على الارض موازي ليها وشغل كتير جدا
هذا هو المقصود
Post: #23 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-12-2011, 07:51 AM Parent: #13
يا دينق
بكل اسف هذا شان داخلي لا انوي مناقستك فيه
اكسب زمنك وامشي حاول تعمل حاجة مفيده لدولتك الوليده وبطل الدوران في فلك الجلابة
اتحرر ياخ اتحرر وحصل اخوانك
Post: #22 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-12-2011, 07:48 AM Parent: #11
مرحب بدر الدين
طالما انك نزلت من برجك العاجي وتفضلت وتداخلت معنا خليني اقول رائي فيك اولا لاني ما بحب يكون عندي رائي في زول وما يعرفوا
انت زول متقندف في نظري وانا عندي مشكلة اعتقد انها نفسية مع المتقندفين
نجي للموضوع
المعلومات التي املكها عن وائل هي المعلومات المملكة للجميع هو الادمن بتاع حملة التغير في الفيس بوك ومن الاساسين في نشرها والترويج لها
وانه حين قرب موعد الثورة ركب الطيارة ومشى القاهرة
وكمان اتمسك من قبل النظام لفترة امتدت لاسبوع تقريبا
انت عندك معلومات تانية خلاف كده؟ ملكنا لينا يا سيادتك لو تكرمت
Post: #19 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-12-2011, 07:18 AM Parent: #9
Quote: تعرف المشكله مش كيبورد و لا غيرو, المصيبة انو الواحد أو الواحدة الامكانية المتاحه ليهو محل هو متواجد و حسب ظروفو بيوظفا كيف و لى شنو!!!! ده مش في العمل العام وبس انما في كل مجالات الحياة
معقولة يا عصام ؟؟؟؟!!!!!!!!
والله محنتني عديل كده
اذا انت بتقول كده معناتا بوستيني حقوا اطالب بي حذفوا
Quote: و بعد ده كلو: قوم لف و معاك الكيبوردات و الكمبيوترات زاتا ... نقاشات وهم و ناس وهم و ملانه أوهام خلونا نستمتع بانو في بشر قدرو يعملو ده ونتأملو شويه ... يا قدرنا اتعلمنا حاجه و لا كمان فلتتلحس الامه السودانية الفضلت ...
والله حاجة تغيظ يا عصام هل تصدق انو اخر مظاهرات تمت الدعوه ليها من المنبر حضرنا ولم نجد المظاهرات !!!؟؟؟
اتخيل معاي ماشي المظاهرات ومعاي ناس سايقهم للمظاهرات .. ومليتهم ليك نقة وحا نسوي وحا نسوي اجي القا لا في مظاهرات ولا يحزنون
ما بلوم في القائمين بالامر لكن الني للنار وده كلام بموت الثورة ما بحيها
البقول في كلام وعنده اماني لاذم يبقى قدرها ويضحي عشانها ..او ما يملانا نقه وكاكات
اخبارك انت والمعاك كلههم
Post: #18 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-12-2011, 07:09 AM Parent: #8
مرحب احمد محمد بشير
Quote: إنت بي عضمة كيبوردك ده قولت الحكومة ظالماكم. واغلب الأعضاء في المنبر ده عارفيين إنو الإنقاذ ماكلة حق الناس.
هسع تاني بقولها الانقاذ حكومة ظالمة
Quote: طيب يا وليد هنا في البورد ده في كم عضو كتب الحق ونزل علي أرض الواقع وتم حبسه والآن هما في المعتقل. فك الله أسرهم.... ديل رايك فيهم شنو؟؟ هل شاركت وطالبت لفك اسرهم؟
ديل ثوار يا احمد ثوار .. ما فيهم كلام تطابق اقوالهم افعالهم هذا البوست لا يعنيهم لهم التحية والتجلى
بالنسبة لشاركت وطالبت لفك اسرهم .. كان قاصد في المنبر ده لا كان قاصد في المظاهرات معاهم حاولت وسكيت وما اتوفقت
Quote: الناس البره السودان انا بشوف إنهم معاهم حق وهم سبب أساسي لكشف جرائم الإنقاذ..... وانت عارف كويس يا وليد إنو الجرايد مراقبة وممنوعة تكتب الحقيقة.
انتو عاوزين تعمل كتاب عن الانقاذ ولا عاوزين تمرقوها ؟
جرائم الانقاذ معروفة وموثقة .. زيادة التوثيق لزوموا شنو ؟ الاوان اوان فعل
وكفاية نقه فاضية
Quote: و الله بوستك ده انا ما عارفك داير من وراهو شنو, طالما في ظلم فحقو الناس ما تسكت وتقف مكتوفة الايدي.
داير الناس ما تقيف مكتوفة الايدي وما تكتفي بطقطقة كيبورتاتها ثم تذهب لتنوم وكانها فعلت ما عليها طقطقة الكيبورت لن تزيل الانقاذ
اتمنى انك تكون فهمت مقصدي
هذا مع الود
Post: #24 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: دينا خالد Date: 02-12-2011, 09:22 AM Parent: #18
وليد يا وليد يا دوخرى الحوبه صباح الانعتاق والعالم يتنفس رياح الحرية الهابه من ارض الفراعنة والتاريخ ,, وذى ما كتبوا ناس الاحداث اليوم مااا اغنى عنه ..... وما كسب الحكومات تتخلخل وتنهار من مركزها ما من ابعد وميدان التحرير نموذجا ...
اولا وكما قال احد المتداخلين اعلاه دعنا نتفق على المصطلحات اولا ..
ثم ننتقل الى كلامك ادناه
Quote: بل هو الفرق بين الثائر والمحرض
والفرق كبير
الفاعل والمحرض كلاهما قام بفعل اكتملت به حلقات الحدث اى حدث فى الدنيا يقوم ويقع بمجموعة افعال وهى سلسلةالادوارالتى حدثك عنها عصام جبرالله فى القانون اذا وقعت جريمة قتل فالفاعل والمحرض بل وحتى المتستر كلهم شركاء فى الجريمة نعم تختلف عظم المسئولية والعقوبة فى كل وذلك حسب دور الفعل الذى قام به الفاعل فى وقوع الحدث واحيانا لولا دور المحرض لما كان الفعل ما شفت دور هشام طلعت والذى حكم عليه بالاعدام وهو خارج مسرح الجريمة تماما لا ارتكب ولا عمل ولا كان هناك لكن دوره كان لا يقل اذا ما بفوت دور منفذ الجريمة ضابط الامن !! حرض ووفر المعينات .. تانى شنو شفت كيف ادوار المحرضين فى القانون تكاد تتفوق على ادوار الفاعلين الاساسيين ؟؟؟ الثورات لما تلقى محرضين وداعمين ومساندين الباقى دا ساااااهل عشان كدا اقوى اجهزة المخابرات فى الدنيا وعتاة المحللين اطلقوا عليها ثورة الفيس بووك ..
بجيك بى رواقة هسه برفدونى ..
ـــــــــــــــــ بالمناسبة يا ولى شنو اخبار هشام طلعت فى الهيصه دى ؟ تلقى زمانو فى اوربا ... ثورات قوم عند قوم مهارب ...
Post: #26 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: omer osman Date: 02-12-2011, 09:47 AM Parent: #24
Quote: فى القانون اذا وقعت جريمة قتل فالفاعل والمحرض بل وحتى المتستر كلهم شركاء فى الجريمة
ده كلام صاح ........ يادينا
Quote: نعم تختلف عظم المسئولية والعقوبة فى كل وذلك حسب دور الفعل الذى قام به الفاعل فى وقوع الحدث
ده فيهو نظر ........... مافي اى اختلاف في المسئولية الجنائية
ويتحملوا كلهم العواقب والعقوبة بنفس الدرجة وده مايسميهو القانون
السوداني الاشتراك الجنائي او الاتفاق الجنائي ............ يعني بالعربي
كده كلهم في الهواء سوا وحبل المشنقة راجيهم ...........
اما اذا رجعنا لاصل المضوع قبل كم يوم في احدي القنوات عملوا
مقابلة مع احد ثوار 25 يناير سالوهو عن الوضع الميداني في ميدان
التحرير قال ليهم انا مافي ميدان التحرير انا قاعد مصاقر الفيس بوك بس
ودي مهمتي يعني مناضل كيبورد حتى النهاية لكن بلاشك يظل دوره لايقل
اهمية عن دور الزول البفلق او بهتف في ميدان التحرير .............
ياجماعة خليكم من ده الجيوش العدييييييييييييل كده عندها مناضلين كيبورد
ناس شغلتهم التشويش الالكتروني وناس بث الاشاعات والشمارات وناس سلاح
اشارة وناس سلاح طبي وزول شغلتو يعمل شاي للضباط كلهم جنود في المعركة
زي بتاع المشاه الشايل بندقيتو وبفك في الجبخانة .............. في مذكرات تشرشل
قام بزيارة لاحد المؤاني لقاهم بشحنوا في معدات للجيش من بينها كراسي عيادة
اسنان ............... قال ليهم بدل دي ووزنها التقيل ده ما تشحنوا ذخيرة .... الضابط
المسؤل قال ليهو الجنرال بتاعك الفي الجبهة هناك لو جاهو وجع ضرس وما لقي
الكرسي وزول يعالجوا كل ذخيرتك واسلحتك دي بتقع في يد العدو ............
Post: #35 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-12-2011, 03:37 PM Parent: #26
جنابو ازيك
سلاح الاشارة وبقية الاسلحة تظل اسلحة مسانده الفيصل في الحروب يا كمندان للمشاة
وانا اقصد الرحوب خارج نطاق السلاح النووي لانو السلاح النووي لا يكسب معركة بل يخسر الجميع عند استخدامه
المهم سلاح المشاة هو الفيصل في كسب الحروب بالعدم لا تنفع الا نظرية الارض المحروقة
او هدم المعبد باستخدام نووي
Post: #33 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-12-2011, 03:18 PM Parent: #24
دندون صديقيتي
الناس مفروض تخطط وتبطل الشغلانة بتاعت السبهلليلة دي
في احصائية كانت في 2010 عن استخدام الانتنت في بعض الدول العربية بتقول تونس 34% من إجمالي السكان. مصر حوالي 21.2% من إجمالي السكان. اعتقد انو ده من الاسباب الخلت تونس تقدمت زمانيا على مصر في الثورة
السودان يشكلون حوالي 10% من إجمالي السكان. ولانو السودان مختل دمغرافيا ومتركز كله في الخرطوم والانترنت كذلك يعني حا يكون 8% على الاقل في الخرطوم وده بسهل ارصد والمتابعة والاجهاض وحصل يا دينا في المظاهرتين الفاتن
بالنسبة للثائر والمحرض طالما انو العقوبة ما واحد ده دليل على انو الفعل ما واحد ولا متساوي
مستنيك
Post: #25 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: خالد ماسا Date: 02-12-2011, 09:24 AM Parent: #18
طــق خااااص
الوريف وليد محمد المبارك
دمت كما اتمناك ...وبعد
- ابتداء اعذرني ان لم احسن الكتابة .. فلقد اعتزلت القراءة لوقت طويل ...
من الطبيعي جدا انو اي زول بيعيش في فضاء معين بيحاول يتعرف علي هذا الفضاء ويتفاعل معاهو ..والتفاعل ده
بيكون من خلال اضافتة او أخذه من موجودات هذا الفضاء ..
اها انحنا هنا قاعدين في فضاء اسمو سودانيز اونلاين .. من الحاجات القاعد اركز معاها جدا ما يرد من مصطلحات من خلال النقاشات التي تدور ..
" مناضلي الكيبورد" .. انا اعلم تماما السياق الذي ذكر فيه هذا المصطلح .. وبالاساس هو خرج لاهداف " قصدها" او لم يقصدها الكاتب او صاحب المصطلح
المهم المصطلح استخدم بالاساس للتقليل من اسهام اشخاص معينين والقدح في ما يقومون به ...
وده بيرجعني لي كلام زمان ..ايام التجمع الوطني الديموقراطي ..وقت جاتنا وثائق اسمرا للقضايا المصيرية .. جرينا طوالي لي صفحة الوسائل اها لقينا فيها
شنو ؟؟
- لقينا فيها كلام عن الانتفاضة المحمية ومعززة بالسلاح - لقينا كمان كلام عن الحل السياسي الشامل ..
طبعا علي حس روح الشباب الوقت داك زي قسمنا النضال ذاتو لي مراتب .. درجة اولي انك تنضم للفصيل المناضل " مجد"
او الفصيل المناضل " فتح " او الفصيل المناضل " جوارح"
بعد داك بيجو ناس النضال المدني .." الانتفاضة " الخ ..
وما كنا عارفين انو " امهاتنا " في البيوت هما القاعدات في خط النار وقت نمرق نخليهن علي احر من الجمر وهن عارفات امكن ما نرجع
وما كنا قايلين انو الانتفاضة دي فيها " تشكيل عسكري وتكتيك ميدان " زي ما بيحصل في الاراضي المحررة
وانو السلطة كان بالغت بتضربنا بمبان .. مش بيربطو دوشكا علي بوابة الجامعه ... اها من ديك تصنيفاتنا القلتها ليك ديك جاطت علي
والعقل بيقول ياوليد اهم شي انو الواحد ما يبخس الناس حاجاتهم .. وانو اي شي ما بيتم قياسو قصاد شي تاني
عشان نجي نقول ده افضل من ده .. وده بيعمل وده ما بيعمل
" التاريخ تغيرة اشياء نراها صغيرة .. وهي في الاصل صنعت التاريخ "
العباره اعلاه قالا لي في حوار بسيط دكتور تاريخ في جامعة الخرطوم وحكي لي قصص "عجيبة"
اهمها قصة العجوز مع ثورة الباستيل .. إشارة منها فقط صنعت تاريخ الثورة الفرنسية
وبما انك بتتكلم عن ناس الخارج يا وليد ..انا متاكد انك ما النوع البتغيب عن الحاجات وما الناس البيفتكرو انو قعاد برا ده
هو قطعه من الجنه .. المنافي دي عمرها ما بتعوض الزول لحظة واحدة يقضيها الزول وسط اهلو وناسو .. واكيد في ظروف قاهره
جعلت من هذه اللحظة مستحيلة او غير ممكنة .. وطبعا انقاذ الجن دي ابدعت في خلق الظروف القاهره ..
إضافة لي انو ليس من العيب انو الزول يكون خارج الوطن ..لانو عاوز يطور نفسو ويطور معارفو وده ما معانتو انو بقي خارج نطاق
الاسهام في قضايا وطنو .. وما تم تسميتة بالتحريض ..هو بالتاكيد افضل وارقي مرتبة اذا اعتمدنا اسلوب المقابله ذاك وقارناه بما يقوم به البعض
هنا في الداخل من تخذيل وتخوين ..
إذ ان الاولي بالنقد والتجريح ان كان لابد من مقارنة هو من يقوم بالتخذيل والتخوين .. وبالتالي يا عزيزي القصة ليست مرتبطة بالوجود في الداخل او الخارج
ولا مرتبطة بي انك بتسوي " قدر شنو " كتير ولا شوية .. بتشيل سلاح ولا قلم .. بتعمل Sign in ولا تطلع مظاهرة .. القصة ومافيها انك انت
وين للحق ؟؟؟ والحق منك وين ؟؟؟
وابطال اسطورة اسبرطة ال300 لمن منعوا الناس كلهم يطلعوا معاهم للحرب ..كانت الحكمة في ان " حدثوا عنا الاجيال "
ودي مهمه هم شافوها افضل من الخروج والموت في الميدان .. لانو الناس لو ماتت كلها منو البيعرف الحصل شنو ..لانو الاجيال بتحتاج لالهام صنعو دم الشهداء
والمناضل في الاصل هو شخص مقبل علي الحياة ..علي عكس ما يتصور الكثيرين .. وليس الرغبة في الموت او الاعتقال .. دي كلها اشياء
تفرض علي المناضل ولا يختارها ..لان المناضل آمن بالنضال لاجل حياة افضل
اظني طولتا الكلام .. ولخبتا كتير ..
تعرف يا وليد انا بفتكر انو ما يبعثر الافكار الجميلة بيننا والنقاش ..هو عدم وجود بيئة صحية للحوار .. الناس ديل عدمو البلد الهوا النقي
ــــــــــ
ما فتشناك كتير .. فتشنا مرة :)
Post: #27 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: طارق الكوتش Date: 02-12-2011, 10:54 AM Parent: #25
فى عهد الرسول ( ص )
كان الكل بجاهد حسب مقدراته و خبرته
اذا كان تصنيع سلاح او علاج او مراقبة الظهر كما حدث ذلك فى غزوة احد او حفر الخنادق او دفن الآبار او التعبئة العامه او التنظيم او حراسة العقاب
.......
تعرف يا وليد قناة الجزيره و كجهاز اعلامى كان لها دور كبير جدا فى تغيير نظام مبارك ...
>>>
واعتقد الاخ جنابو عمر والاخ دينا خالد ذكروا فى هذا الجانب نقاط فى غاية الاهميه >
Quote: اما اذا رجعنا لاصل المضوع قبل كم يوم في احدي القنوات عملوا
مقابلة مع احد ثوار 25 يناير سالوهو عن الوضع الميداني في ميدان
التحرير قال ليهم انا مافي ميدان التحرير انا قاعد مصاقر الفيس بوك بس
ودي مهمتي يعني مناضل كيبورد حتى النهاية لكن بلاشك يظل دوره لايقل
اهمية عن دور الزول البفلق او بهتف في ميدان التحرير .............
ياجماعة خليكم من ده الجيوش العدييييييييييييل كده عندها مناضلين كيبورد
ناس شغلتهم التشويش الالكتروني وناس بث الاشاعات والشمارات وناس سلاح
اشارة وناس سلاح طبي وزول شغلتو يعمل شاي للضباط كلهم جنود في المعركة
زي بتاع المشاه الشايل بندقيتو وبفك في الجبخانة .............. في مذكرات تشرشل
قام بزيارة لاحد المؤاني لقاهم بشحنوا في معدات للجيش من بينها كراسي عيادة
اسنان ............... قال ليهم بدل دي ووزنها التقيل ده ما تشحنوا ذخيرة .... الضابط
المسؤل قال ليهو الجنرال بتاعك الفي الجبهة هناك لو جاهو وجع ضرس وما لقي
الكرسي وزول يعالجوا كل ذخيرتك واسلحتك دي بتقع في يد العدو ............
>>>> تعرف يا وليد من مشاكل السودان الرئيسية النطيط من حته لحته و التنظير فى اى موضوع اذا كان يعلم فيه اولا يعلم ، مع عدم تجويد للموضوع الذى يعلمه ويملك فيه الخبره >>> ترك الخبز لخبازه >>>
بمعنى اى زول مقتنع بالتغيير لا ينتظر توزيع دور له من جهة ما ، بل يتحرك الى الدور الذى يمكن ان يجيد فيه >>> حيث التغيير هنا ليس من اجل كسب شخصى او تلميع او كسب سياسى رخيص >>> فالتغيير من اجل السودان ومن اجل ابنائنا و بناتنا ومن اجل الحياة الكريمه و الآمنه لهم ...................
..........
شوق كميات
Post: #28 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: Amin Mahmoud Zorba Date: 02-12-2011, 11:08 AM Parent: #27
لكل دوره ولكل فكرته ولكل قناعته ولكل موقفه واذا كان هذا الموقف عبر الكيبورد او عبر حضوره ولكن في النهاية ثمة موقف محدد مما يحدث ووضوح حال القضية
Post: #43 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-12-2011, 06:07 PM Parent: #28
مرحب امين
كلامك هذا يجيب ان يتفهمه الجميع
وان لا يتشدق بعض المهاجرين او غيرهم ويتطالون على اهل الداخل
من يشتاق تغير يجب ان يعمل له
لا ان ينتظر ثورة بالوكالة
العاوز الناس تمرق شارع يجي يمرق معاهم ان لم يفعل فلا يتطاول على الذين لم يخرجوا
ولا كيف
Post: #29 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: Elawad Eltayeb Date: 02-12-2011, 11:26 AM Parent: #27
Quote: هو مستخدم للكبورت وليس مناضل كيبورت اطلق دعوته بعد ان طقطقت اصابعه الكي بورت ثم سبقها الى ارض مصر لم يطلقها .. وينتظر ليشاهد نتائجها من خلال شاشة مقاسها 18.5 بوصة
وائل مناضل حقيقي .. ناضل على ارض الواقع، فاعتقل ... لذلك اثمرت دعوته للثورة
وكذلك البوعزيزي
ارسل رسالته الى امه عبر الفيس بوك ثم لم يحرق مداخلته بعدها اسفيريا بل احرق نفسه في العالم الفيزيائي وجسده كان الشرار الاولى للثورة في تونس ومن بعدها مصر
وائل والبوعزيزي مناضلين فيزائيين واقعيين احدهم مات والثاني اعتقل
الأخ وليد، تحية طيبة
انا تم اعتقالي مرتين من قبل نظام الإنقاذ صحيح أن خير الكلام ما صدقه العمل، لكن لن أنتظر من النظام أن يعتقل كل واحد هنا أو في الفيسبوك حتى نمنحة صك حق الكتابة وحرية التعبير فلسنا حراساً على نوايا الآخرين، والحرية لنا ولسوانا لكن يكفينا منهم كلماتهم ومواقفهم الواضحة، ولا يكلف الله نفساً إلاّ وسعها ولن أشكك في أحد طالما أن كلماته تعبر عن موقفه من النظام بكل جلاء ووضوح مع العلم أن نظام الأمن يتابع كل صغيرة وكبيرة في هذا البورد وكثير من المعتقلين كانت الأدلة الوحيدة ضدهم هي كلماتهم هنا فدعنا نعطي الكلمات حقها من التقدير وتأكد أن أكثر ما يساعد المعتقلين في معتقلاتهم هي صيحاتنا هنا من أجلهم وأن جزءاً كبيرة من إدارة المعركة وتوحيد الآراء وزيادة الثقة وتبادلها وصلابة الموقف يأتي عبر الإتصالات وأهمها هي الكتابة
Post: #34 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: Elbagir Osman Date: 02-12-2011, 03:27 PM Parent: #29
وليد
إنت قلت مشيت المظاهرة
يعني عاوز إنت تمشي المظاهرة
ونحن نسكت ما نؤيدك
ما قدرت أفهم موقفك
زول يمشي المظاهرة
ويدين ويسخر من تأييد المظاهرة
ويرميه بالجهل والكذب؟؟؟؟؟؟
أنا على يقين أن كل ذهب لمكان المظاهرة للمشاركة
يرحب بدعمها
الباقر
Post: #36 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-12-2011, 03:54 PM Parent: #34
استاذن الجماعة الوق ارد على الباقر لانو يظهر في سوء طرح مني ادى لسو فهم من اغلبكم
افهمك موقفي يالباقر بالتاكيد ما معترض على تاييد الظاهرة
اعتراضي على الاكتفاء بالتاييد الاسفيري فقط لانو الموضوع بشكله الحالي عبارة عن عرض وشو فقط .. لم يرقي لمستوى تحرك حقيقي لفعل شي ملموس
انا بطالب اي زول شايف انو الانقاذ مفروض تنزاح ياخد اجازة ويجي يدعم من الداخل بالانترنت وبالتواجد الحقيقي في مكان الحدث وعلى الشارع
ان شاء الله تكون كده فهمتني
Post: #38 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: محمد صلاح الدين عنقرا Date: 02-12-2011, 04:20 PM Parent: #36
الاخ - وليد كيف الحال وكيف الاولاد وباقى الاهل فى الثورة" الحريقة"
مشتاقييييييييين طبعا أكوام
Quote: مشينا المظاهرات ( مع اني معترض عليها قبل ما تقوم باعتبار التوقيت والتنظيم ) وقلنا ما نشق الصف لقينا على قول امي ... دار الكلاب خلا
الحاصل شنو" اهلنا فى امدرمان بطلو مظاهرات
Post: #52 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-13-2011, 07:34 AM Parent: #38
كيف يا عنقرا والشوق بالكراتين اخبارك ياخ
الثورة والحريقة بخير
اهلنا ما بطلوا مظاهرات لكنهم ينظرون الموقف .. مشوشين شوية لكن لو الامور حا تمشي على حالها
اكيد حا يمرقوا
وناس الثورة لو مرقوا الحكومة سقت كما سقطت سابقتها بعد خروج الثورات
Post: #61 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: محمد صلاح الدين عنقرا Date: 02-13-2011, 11:40 AM Parent: #52
Quote: كيف يا عنقرا والشوق بالكراتين اخبارك ياخ
الثورة والحريقة بخير
اخوى وليد والله فعلا الشوق بالكراتين
والكلام بينا ما بينتهى هنا لكن اتمنى التواصل عنوانى عند " محمد باولو" تلقاهو
Post: #63 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-13-2011, 11:57 AM Parent: #61
Quote: اخوى وليد والله فعلا الشوق بالكراتين
والكلام بينا ما بينتهى هنا لكن اتمنى التواصل عنوانى عند " محمد باولو" تلقاهو
محمد الليبي ؟!
لا اله الا الله محمد رسول الله
كيف يا زول اخبارك واخبار الاهل
هاهاهاهاهاهاهاها والله ما عرفتك في الاول
Post: #70 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: محمد صلاح الدين عنقرا Date: 02-13-2011, 03:36 PM Parent: #63
Quote: محمد الليبي ؟!
هههههههههههههههههههههه
دا اسم الحريقة وشارع النص ! هنا محمد السودانى
ليك وحشا والله اتخيل انا فى الاول برضو ماعرفتك
قلت اعمل محاولة المهم اخبار الاهل والاولاد
Post: #71 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-14-2011, 08:36 AM Parent: #70
والله يا محمد ليك وحشة شنو يا زول مطول مننا
الاولاد والاهل بخير لعل اهل طيبين
والله كتر خير الانترنت المتنا فيك
Post: #37 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: BAKTASH Date: 02-12-2011, 04:01 PM Parent: #34
سلام وليد يا اخي كل انسان يعمل لازالة هذا الاذى حسب ظروفه وموقعه فللداخل شروطه كما للخارج وما ممكن تقول (الناس لو عايزة تغيير تجي جوة) الكلام دا مش تعجيزي ومحبط !! شوف ابناء مصر استعانوا بخبرات (الاجانب) في مكافحة الظلم !! ايه رايك في التجربة دي!!؟ لك الود..
Post: #39 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: mohamed hussein Date: 02-12-2011, 05:00 PM Parent: #37
يا وليد شكراً جزيلاً على هذا الخيط، البحث عن ادوات جديدة لبث روح الثورة في الشارع لايزال قائماُ، وايرادك لنسبة مستخدمين النت في السودان دليل واضح بأن العودة لكتابات الحائط وطباعة البيانات لابد من زجها في معادلة التغيير على الرغم من حجم المجازفة في خرطوم الانقاذ البوليسية. ملاحظة أخري هي أن معظم المتضررين من نظام الإنقاذ من أبناء السودان في الداخل ليس للانترنت موقع في خريطة متطلباتهم اليومية، ولا حتى الرفاهية منها.. وهم مغيبون تماماً عن الواقع. أما شارع القصر وشارع المعونة في بحري.. هذه دعوة تغيير في كل جزء من السودان وليست رحلة ترفيهية.. لا بأس من أن يشارك كل من أبناء هذا الوطن في التعبير عن رأيه بكل السبل المتاحة. سواء بالفيس أو بغيره، أقلاه أن نضال النت يفضح خطاب البسير الاخير من أن ٩٠ في المائة من ابناء السودان هم مؤتمر وطني.. هذا هو حجم نضالات الانترنت، وأن تضيء شمعة خيرٌ من أن تلعن الظلام.. شكراً مرة أخري على هذا البوست الهادف من أجل التغير..
Post: #56 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-13-2011, 10:02 AM Parent: #39
مرحب محمد حسين
الفلم الجابو اخونا بوكتاش فوق باكد كلامك ده كل الادوات الشباب المصري ده استخدمها حتى اللصيق على الحايط وفي المترو وما اليه
الاكثر بؤسا من احصائية مستهدمي الانترنت هي احصائية مرتادي الفيس بوك
مستخدمي الفيسبوك في مصر 4,077,520 يعني نسبة 5.1% من اجمالي السكان
مستخدمي الفيسبوك في تونس 1,671,840 يعني نسبة 15.8% من اجمالي السكان
والاحصائيات دي كانت في 31 اغسطس 2010
موقف السودان شنو ؟ الاحصائية بتقول : Facebook users, data not available.
Post: #54 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-13-2011, 09:20 AM Parent: #37
مرحب بكتاش
Quote: شوف ابناء مصر استعانوا بخبرات (الاجانب) في مكافحة الظلم !! ايه رايك في التجربة دي!!؟
ياخ ده شغل يسر البال ياخ
وباكد في كلامي البقول فيه
ده شغل منظم على استخدم فيه كل الامكانيات والانترنت والفيس بوك كانت اداة من الادوات وفي اللحظة الحاسمة الشباب ديل كانو في الشارع مع الناس لحدي ما ثبتوا المظاهرات رجعوا لمنصة القيادة
ده شغل 100%
اها نحن بالنسبة لي ديل سنة اولى وقدامنا حاجتين عشان نعمل ثورة
1) الناس تصبر وتخطط وتنسق وتعمل شغل زي ده وطبعا ده محتاج وكت ودعم مادي كبير 2) الناس المنظمة البره دي العاملة ثورة في اون لاين هنا تجي وتنقلها للواقع
لو قلنا الخيار الاول وده البايده انا .. اتمنى من اهلنا البره ما يستعجلوا الثورة لانه اي خلل في اي مكان بفشلها .. يصبروا ويبطلوا التريقة القايمين فيها اليومين ديل .. وهي ما حاكو حاكو زي ما قال اساسي يعني عشان المصريين قلبوا النظام في 17 يوم لاذم نحن نقلبوا زيهم
الواضح من الفلم ده انو الـ 17 يوم دي كان قدامها في شغل 170 يوم
لو ما عجبهم الحال وما عندهم طاقة لصبر
يجوا يحركوها ونحن حا نمشي خلفهم
Post: #51 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-13-2011, 07:28 AM Parent: #29
العوض سلامات واخبارك لعلك طيب ؟
كلامك كلام طيب نتمنى ان يعمل به الجميع الجميع بدون فرز وان لا يفرض بعضهم وصايا على الاخرين ويتعالون عليهم
Post: #41 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-12-2011, 05:15 PM Parent: #27
يا كوتش ازيك ياخ
والله الشوق بالكراتين
تحياتي للمعاك هناك كلهم
__________
كلامك الفوق ده مأمنين عليه نختوا قاعد تسرى على الجميع الجميع يا كوتش
Quote: تعرف يا وليد قناة الجزيره و كجهاز اعلامى كان لها دور كبير جدا فى تغيير نظام مبارك ...
دور كبير وبس في نظري دورها كان اكبر من دور الفيس بوك لانو الفيس بوك مهما كان فهو لطبقة معينة عددها في مصر 17 مليون الجزيرة هي من عرفت بقيت الشعب المصري بالثورة وبما يحدث فيها بقيت الـ 64 مليون
Quote: فالتغيير من اجل السودان ومن اجل ابنائنا و بناتنا ومن اجل الحياة الكريمه و الآمنه لهم
كلام سليم اتمنى ان يفهم الاوصياء على النضال ذلك من يظنون انهم اوليا دم جميع الشهداء ولا لاحد غيرهم الحق في ذلك
اتمنى ان يفهموا ذلك حتى لا نضطر الى مجاراتهم في هذا الملعب المخجل
مودتي يا صديقي
Post: #40 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-12-2011, 05:03 PM Parent: #25
ماسا يا صديقي اسعدني خروجك من اعتكافك الاختياري
فانت رجل يكتب ويفعل
ابدا ليك من وراء
مقصر والله معاك .. لكن الفترة الفاتت كان سفر .. والان درشة مع اليونسكو في مشروع كاد ان ينتهي اتوقع تلفون مني الاسبوع ده _________
Quote: والعقل بيقول ياوليد اهم شي انو الواحد ما يبخس الناس حاجاتهم .. وانو اي شي ما بيتم قياسو قصاد شي تاني
عليك نور لذا يا صديقي ادعوك للابحار في المنبر اسبوعين وراء وستفهم دواعي هذا
Quote: وبما انك بتتكلم عن ناس الخارج يا وليد ..انا متاكد انك ما النوع البتغيب عن الحاجات وما الناس البيفتكرو انو قعاد برا ده
هو قطعه من الجنه .. المنافي دي عمرها ما بتعوض الزول لحظة واحدة يقضيها الزول وسط اهلو وناسو .. واكيد في ظروف قاهره
جعلت من هذه اللحظة مستحيلة او غير ممكنة .. وطبعا انقاذ الجن دي ابدعت في خلق الظروف القاهره ..
إضافة لي انو ليس من العيب انو الزول يكون خارج الوطن ..لانو عاوز يطور نفسو ويطور معارفو وده ما معانتو انو بقي خارج نطاق
الاسهام في قضايا وطنو .
كلامك سليم لكن العيب وكت يتشدق المغترب او المتغرب او المهاجر .. ويتطاول على اهل الداخل .. ويصفهم باوصاف اقلها الخنوع
انت تعلم يا خالد تماما ان البقاء في هذا الوطن في ظل هذا الحكم هو من درجات الجهاد والنضال
نحن اهل الداخل نتابع تطاول كثير من اهل الخارج في هذا المنبر علينا .. وكانهم هم ادو ما عليهم وزياده
من يريد التحريض اسفيريا هذا شانه ومن يريد ان يجاهد في ميدان الواقع فخير وبركة
كل يفعل ما يريد ولا يبخس الاخرين افعالهم
حتى الذين لا يستطيعون الفعل هذا لا يعني انهم منحازون او متفقون مع النظام
حاولنا ان نفهم المتشدقين انها لا تحسب هكذا
وطالما انهم لا يفهمون نتحاسب ونشوف منو البدي للبلد دي اكتر من التاني
لينا 7 سنوات بنقول في الكلام ده وما بنسمع الا كلام جهلة من عينة .. يا امنجي يا كوز يا ماسك العصاية من النص
حتى الزول المرق في التظاهرة الاخيره وجا حكى الحاصل بكل حيادية وصدق .. حتى يتعظوا ويتلافوا الاخطاء مستقبلا
ما رحموه وكيلوا ليه .. كانهم هم من كان في تلك المظاهرة
وصاية وقندفة وفوقية .. كانما النضال ده كاتبنوا ليهم مهنة في جوازاتهم
سبحان الله
عموما يا صديقي في الامر الحاصل نتاقش كفاحا يا صديقي فالونسة معاك لها طعم ورائحة مودتي
Post: #42 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: الصادق اسماعيل Date: 02-12-2011, 06:05 PM Parent: #40
وليد
أعتقد أني فهمت ماذا تقصد، لكن أعتقد أن العنوان (تعميمي) وهو ما قاد لهذا اللبس. فالحقيقة أن وائل غنيم هو مناضل كيبوردي وهو نفسه قد ذكر هذه الحقيقة في لقاءه مع منى الشاذلي، ولكن أعتقد أنك تعنى أن تتكامل الأشياء كلها ويكون التنسيق وتوزيع الأدوار متكاملاً، وهنا سيكون هناك شخص مهمته هي الجلوس خلف الكمبيوتر والتحريض، وتوصيل المعلومة، وسيكون هناك من هو دوره الخروج للشارع، ومن دوره أن يعمل في جهاز الأمن (أمنجي عديل كدة) أو غواصة، وكل هذا العمل المتكامل يقود للثورة، هناك من يقوم بدور هو مؤهل له، المبيوتر مثلاً.
أعتقد أن الخلط نتج عن إستعمال المصطلح نفسه وهو ما يعرف( بالتشويش الدلالي)، ويعنى إفراغ الكلمة من معناها الحقيقي وإلباسها معنى آخر لتحقيق غرض ما، مثلاً ربط الشيوعية بالكفر والإلحاد، ربط النادي الإجتماعية (بالصعلكة والفراغ) وغيرها من أنواع الربط. وهنا تم ربط النضال بالكيبورد بأنه أناس لا يقدمون ولا يؤخرون، وهم أناس (فارغون) ولا يعرفون عن الواقع شيئاً، لذلك أصبح مصطلح (مناضل كيبوردي) محمل بهذه الإشارات السلبية، ولذلك عندما يتم إستعماله تكون ردة الفعل غالباً (دفاعية)، لكن خلاصة الموضوع أن الثورة لكي تكتمل تحتاج لجهد الجميع وتوزيع الأدوار، كل حسب قدرته وتخصصه، المهم هو الصدق في العمل والتجرد والمبدئية وبعدها إستعمل ما شئت من الأدوات إبتداءاً بالكيبورد وإنتهاءاً بالخروج إلى الشارع.
Post: #45 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-12-2011, 06:48 PM Parent: #42
ده ياهو كلامنا قلناه قبل سنة بالتمام والكمال من الان
وقتها تضاحك اوصياء النضال
Post: #77 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: Omer Mustafa Date: 02-14-2011, 11:54 AM Parent: #45
Quote:
# مع إحترامنا لي قناعاتك الشخصية في إن الإنتخابات خضتها عن قناعة وكنت تأمل بالتغيير... كدي سؤال ليه ما فزت ياتري؟؟؟!!! !!!ولا ديل ما خلوك؟؟؟
## سؤال صغير تاني...ديل الكشفهم منو ياتري؟؟؟!!! ###ما تبقي متناقض العولمة و الإنفتاح خلو التوأجد في مكان الأحداث ما مهم لكن الإيمان بالقضية هو الأهم... #### طيب من أوقد الثورة في مصر غير مناضلي الكيبورد ولو تفحصت المقطع لوجدت إن الشباب قالوا كان يجيهم دعم ورسائل من جميع بقاع الدنيا وهي كانت وقود الثورة...
#### إضافة اخيره عندما أغلقت مكاتب الجزيرة وكان الأعلام المصري يهيمن علي كل شئ ويحاول أن يقمع الثورة كيف كان تجاوب الجماهير و التصوير الشخصي من الكميرات الخاصة والموبايلات فأوقدوا لهيب الثورة ...
أخيراً تتضافر الجهود حتي تكتمل عملية التغيير المنشودة وكل يدلي بدلوه وفي النهاية الغاية وأحدة هي خلق واقع افضل دون إقصاء للآخر... فحقيقة التكنولجيا صارت متاحة وقمع الحريات أمور عفاء عنها الدهر وصارت وسيلة الضعفاء ومصيرهم مزبلة التاريخ وأخيراً تظل الشعوب وسيزهب الطغاة لمزبلة التاريخ... مودتي،،،
Post: #78 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-15-2011, 08:06 AM Parent: #77
عمر مصطفى اشكر لك احترامك لقناعاتي
مع انو ده شي طبيعي ، لكن في الزمن ده يظهر انو الطبيعيات تحتاج الى شكر لقلة من يعترف بها
Quote: كدي سؤال ليه ما فزت ياتري؟؟؟!!!
لاسباب كتيره منها انو الدائرة الكنت نازل فيها ، فيها عدد من معسكرات الجيش الكلية الحربية المدرعات امدرمان المطبعة العسكري كرري ومعسكر خالد بن الوليد ( قبر ال###### )
وديل كانو منطقة مقفولة للمؤتمر بالاوامر العسكرية
وده نوع من انواع عدم النزاهة ما بنعتبرو تزوير بصورة مباشرة لكنه نوع من انواع عدم النزاهة في الانتخابات
Quote: سؤال صغير تاني...ديل الكشفهم منو ياتري؟؟؟!!!
كشفوهم المراقبين الشرفاء الكانوا متابعين الانتخابات دي بعيون يقظة لا انسحبوا ولا حردوا فقط عشان يوثقوا للانتخابات دي
انا عندي مشرف على مركز كشف تزوير وصل لحدي ما صدق لينا رئيس المفوضية بفتح بلاغ في ممثل المؤتمر الوطني وهو في ظني السبب الاساسي في اعادة الانتخاب في الدائرة حقتنا
ده نص الطلب بتاع الاعادة
Quote: بسم الله الرحمن الرحيم
السيد / موسى محجوب حمد النيل رئيس اللجنة العليا للانتخابات – ولاية الخرطوم السلام عليكم ورحمة الله وبركاته ،،،
الموضوع : طلب اعادة الاقتراع في الدائرة الجغرافية (12) قومية الثورة الشرقية
نرجوا كريم تفضلكم النظرفي امر اعادة الاقتراع في الدائرة الجغرافية (12) قومية الثورة الشرقية وذلك لوجود أخطاء فنية وإدارية جسيمة وواضحة توثر على نتيجة التصويت في الدائرة :
1) الخطأ في الاسم حيث كتب وليد (حمد) المبارك احمد عبد الكريم والصحيح هو وليد (محمد) المبارك احمد عبد الكريم مما ضلل بعض المرشحين الموالين – مرفق عدد اربعة شكاوي تخص الامر من مراكز مختلفة وصورة الاسم الصحيح وهو مكتوب في موقع المفوضية على المسار التالي http://nec.org.sd/new/tr/9.pdf 2) تبديل بطاقة الاقتراع التي تخص الدائرة الجغرافية رقم (12) المجلس الوطني الثورة الشرقية في المركز رقم (11) الثورة الحارة الثامنة مع اخرى تخص الدائرة رقم (13) الثورة الغربية في اليوم الاول للاقتراع . 3) مرشح حزب ( تم حزف اسم الحزب واسم المرشح ) هو صاحب خلوه في نفس الحارة التي يسكن .. وفيها مجموعة من طلاب العلم ، قام هولاء الطلاب بالتصويت بعد استخراج شهادات سكن من اللجنة الشعبية ، مسئول اللجنة الشعبية يعتمد سكنهم في الحارة وفق خطاب صادر من الخلوة التي يشرف عليها المرشح نفسه ؟! – مرفق شكوى رسمية تخص الامر قدمت في المركز رقم ( تم حزف رقم المركز ) الثورة الشرقية
للاسباب عاليه ارجو تكرمكم باعادة الافتراع في الدائرة الجغرافية (12) قومية الثورة الشرقية ، بغض النظر عن نتيجتها حتى ان كنت الفائز في الدائرة .
مع خالص الشكر ،،، وليد محمد المبارك احمد عبد الكريم مرشح مستقل الدائرة الجغرافية (12) قومية الثورة الشرقية صورة الى : 1. مركز كارتر للمراقبة 2. منظمة المنتدى المدني القومي مرفقات : 1. عدد (5) صور لشكاوى رسمية 2. خطاب الترشيح 3. صورة من موقع المفوضية توضح قائمة اسماء المرشحين للدائرة (12) قومية
Quote: ما تبقي متناقض العولمة و الإنفتاح خلو التوأجد في مكان الأحداث ما مهم لكن الإيمان بالقضية هو الأهم... طيب من أوقد الثورة في مصر غير مناضلي الكيبورد ولو تفحصت المقطع لوجدت إن الشباب قالوا كان يجيهم دعم ورسائل من جميع بقاع الدنيا وهي كانت وقود الثورة...
مافي تناقض والعمل الاسفيري جز من العمل العام .. لكنه لي كل العمل العام والكلام بضرورة استخدام التكنولوجيا معترفين بيه بدليل استخدامنا ليه في الحملة الانتخابية ( في احزاب كبيرة ما كان عندها مواقع لحملتها )
لكن ما ركنا ليه واعتبرناه كل العمل ) النقطة الحاسمة تظل للعمل على الارض .. والعمل الاسفيري ما هو الا سند فقط
والكلام ده قالو الشاب المصري البتكلم عنو الفلم الجبتو وبتلقى كلامو في مداخلة تحت
Post: #57 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-13-2011, 10:20 AM Parent: #42
مرحب الصادق
Quote: لكن خلاصة الموضوع أن الثورة لكي تكتمل تحتاج لجهد الجميع وتوزيع الأدوار، كل حسب قدرته وتخصصه، المهم هو الصدق في العمل والتجرد والمبدئية وبعدها إستعمل ما شئت من الأدوات إبتداءاً بالكيبورد وإنتهاءاً بالخروج إلى الشارع.
ده كلام ممتاز
Post: #44 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: Frankly Date: 02-12-2011, 06:28 PM Parent: #1
أتفق معك أخي وليد هذا ما كتبته في بوست سابق
Quote: مناضلي الكيبوردات هم من يجلسون خلف الحواسيب ويؤججون مشاعر الأخرين بينما هم سلبي العمل وبعيدين عن موقع الحدث وواقعه
أمّا من يستخدمون الكيبورد كاستخدام الورقة والقلم والحبر لطباعة المناشير والمطبوعات قديماً وهم في ساحات النضال الواقعي حاضرون فهو لا يدخل في مصطلح مناضلي الكيبوردات
لأنّ هؤلاء الناشطون يتبعون نشراتهم ومنشوراتهم سواء كانت إلكترونية أم مطبوعة أفعالاً ويخوضون غمار ما دعوا له بأنفسهم ويتحملون من المشقة والعنت والجهد والمسؤولية وعاقبة أمرهم مثل الذين لبوا النداء
يعتقلون ويضروبون ويجرحون ووتحرق حلوقهم وعيونهم دخان الغازات المسيلة للدموع وقد يموت فيهم من يموت
فهل يستون هم ومناضلي الكيبوردات الذين يحرّشون ولا يقاتلون وهم أبعد ما يكونوا عن موقع الحدث ولا به يتأثرون
يوجّهون الصدور العارية لجهالة رجال الأمن والشرطة وهم وأبنائهم وأهلهم في سكناتهم ومنافيهم ومهاجرهم أمنين
هذا هو النضال الكيبوردي الغير أخلاقي
أمّا استخدام الوسائل الحديثة للحشد والتعبئة واتباع ذلك عملاً شخصياً في أرض الواقع وميدان المعارك فهو أخلاقي جداً ويكفله الدستور
ويجب على الشرطة حماية المتظاهرين كما تحمي المواطنين وأموالهم من الشغب
وكلمة أخيرة أحب أن أسجلها هنا
أدين إدانة بكل ما تحمل الكلمة من معنى ضرب الشباب العزّل ويجب محاكمة كل من تسوّل له نفسه ضرب مواطن أعزل
ونسأل الله المغفرة والرضوان لأخينا الشهيد بإذن الله محمد عبد الرحمن وأن يسكنه أوسع الجنان
فحرية التعبير مكفولة بحكم القانون وحرية التظاهر كذلك
ونرجو أن يلتزم الجميع بعد استخدام أي وسيلة عنيفة أو حمل أي نوع من الأسلحة أو الحجارة
لأنّ التظاهرة السلمية يجب أن تكون سلمية وهكذا تكسب تعاطف الشعوب
تحية وتقدير
كمال
الشهيد طبعاً في الأخر طلع كذبة من كذبات مناضلي الكيبورد
تحياتي
كمال
Post: #46 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: عمر صديق Date: 02-12-2011, 06:51 PM Parent: #44
الاخ وليد تحياتي
اصدق مثال للمناضل الكيبوردي الجاهل والكاذب هو
المدعو مصطفي محمود
Post: #47 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: Mohamed Yassin Khalifa Date: 02-12-2011, 07:27 PM Parent: #46
وليد شاهد معي هذا الفلم وتأكد أن لدينا مثل هؤلاء الشباب منتشرين في كل المدن والقرى... وتراهم صناع للتغيير المنشود
Post: #49 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: طارق الكوتش Date: 02-12-2011, 08:16 PM Parent: #47
Quote: ده ياهو كلامنا قلناه قبل سنة بالتمام والكمال من الان
وقتها تضاحك اوصياء النضال
الشباب هم الركائز الاساسية لاى نهوض فى مجتمع ما ويمثلون المستقبل الحقيقى لاى دوله فقط عليهم بــ الصبر و العلم
يا وليد الآن ومن خلال الوسائط الحديثه بتتكون خلايا شبابيه قويه بتتناقش و بتختلف و بتتفق فى تلك الوسائط ... بل بتم التصويت بكل شفافية احقاقا للتجسيد الديمقراطى الذى هو بلا شك غائب تماما فى كل الاحزاب التقليديه >>> احزاب نعم احزاب شبابية حديثه و ديمقراطية بمعنى الكلمه > لا تحتاج الى دار حزبى او رئيس حزب > فقط يجتمعون و يقررون من خلال هذه الوسائط ثم ينفذون بمنتهى الدقه و الجمال ، وعند التنفيذ هنالك دور لكل شخص حسب امكانياته او ظروفه الصحيه >>>> هذا الجمال ازاح الكراسى من بين اعتى الديكتاتوريات ، و القادم احلى ..
Post: #68 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-13-2011, 12:40 PM Parent: #49
يا كوتش يعني حاجة كده زي السمبوزيوم
سمبوزيوم : مجموعة من الفلاسفة القدما كانو يتناقشون المواضيع واعينهم معصوبة ولا يسمح لهم باستخدام التاثير الصوتي ( تعليه واخفاض ) عند طرح المواضح ، حتى يسود المنطق والمنطق فقط بدون اي تاثري صوتي او عبر الصورة والحركات
Post: #66 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-13-2011, 12:11 PM Parent: #47
محمد يس
والله شباب زي الورد يشرح القلب
عندنا زيهم بس عاوزين ليدرز
ينظموهم ويرتبوهم
ويدربوهم
زي ما حصل للشباب ديل
Post: #48 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: دينا خالد Date: 02-12-2011, 08:00 PM Parent: #46
Quote: في احصائية كانت في 2010 عن استخدام الانتنت في بعض الدول العربية بتقول تونس 34% من إجمالي السكان. مصر حوالي 21.2% من إجمالي السكان. اعتقد انو ده من الاسباب الخلت تونس تقدمت زمانيا على مصر في الثورة
شفت يا وليد انت ذاااااتك متفق معانا انو الانترنت كان له الدور الكبير والاساسى فى تلك الثورات بدليل انك عزيت تقدم الثورة فى تونس لتفوقها على البقية فى التواصل عبر النت ..
قريت كل كلامك انت ما مختلف معانا فى اى شىء بس جارى للمشاكل .. وادارة حوار مخالف .. غصبا عنك انت متفق مع الكلام دا بعدين كلام جنابو حول الاتفاق الجنائى دا ما تديهو البحر كلامو اصح من بتاعى فعلا شكرا جنابو .. عشان ما تجى تقول لينا الملكية ديل ما بعرفوا يحيوا ..
ـــــــــــــــــ ياخ غريشن دا ######## تفاهه .. ال حرة ونزيهه ال ..
Post: #50 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: بدر الدين الأمير Date: 02-12-2011, 11:43 PM Parent: #48
Quote: مرحب بدر الدين
طالما انك نزلت من برجك العاجي وتفضلت وتداخلت معنا خليني اقول رائي فيك اولا لاني ما بحب يكون عندي رائي في زول وما يعرفوا
انت زول متقندف في نظري وانا عندي مشكلة اعتقد انها نفسية مع المتقندفين
Post: #53 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: Deng Date: 02-13-2011, 08:38 AM Parent: #50
Quote: بكل اسف هذا شان داخلي لا انوي مناقستك فيه
اكسب زمنك وامشي حاول تعمل حاجة مفيده لدولتك الوليده وبطل الدوران في فلك الجلابة
اتحرر ياخ اتحرر وحصل اخوانك
هذا رد عاجز ولا يصدر إلا من شخص يفتقد الى الحجة والمنطق معا.
أنت مواقفك تدعم هذا النظام المجرم. وهذا ليس بجديد عليك.
Post: #55 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-13-2011, 09:33 AM Parent: #53
انت لي هسع قاعد هنا ؟
يا زول قلنا ليك اكسب زمنك ده ما موضوع بخصك
ادعم النظام المجرم .. ادعم مزارعي امغد .... ده ما بخصك خليك فيما يخصك
اما العاجز فهو من يدور في فلك من كان يقول عنهم انهم متعنصرين عليه بس نظرية ال###### بدور خانقو
اتحرر ياخ اتحرر وامشي اعمل حاجة مفيده لي بلدك
Post: #58 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: Deng Date: 02-13-2011, 10:26 AM Parent: #55
هههههههه
ياهو مجهودنا جاب نتيجة كويسة.
خليناك على الاقل تعلق صورة البطل محمد عادل.
Post: #59 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-13-2011, 10:35 AM Parent: #58
Post: #72 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-14-2011, 08:40 AM Parent: #50
بدر الدين يا ( قندفة )
Quote: ياسيدى لا اعرف من قبل وائل غنيم ولكن التقيته هنا في الدوحة ولمدة يومين مع مدونين اخرين ...
تمام
Post: #69 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-13-2011, 12:47 PM Parent: #48
يا دينا
الله بقيتي لي صنجه ..
كدي ارجعي اقري البوست ده تاني
Post: #65 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-13-2011, 12:06 PM Parent: #46
مرحب الاخ عمر صديق
مصطفى محمود وهشام هباني
وتراجي زاتها
مفروض الحكومة في السودان تصرف ليهم مرتبات لشتارتهم وتشتيتهم للكورة واضرارهم بسمعة المعارضة احيانا
Post: #60 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-13-2011, 11:21 AM Parent: #44
فرانكلي يا صديقي نحن طوالي في خط واحد
Post: #62 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: الفاتح شلبي Date: 02-13-2011, 11:52 AM Parent: #60
Quote: طيب يا وليد هنا في البورد ده في كم عضو كتب الحق ونزل علي أرض الواقع وتم حبسه والآن هما في المعتقل. فك الله أسرهم.... ديل رايك فيهم شنو؟؟ هل شاركت وطالبت لفك اسرهم؟
سؤال واااحد يا وليد
ما دام إنك واثق من ان ناس برهـ ديل ما هم مناضلين ... الخوف من شنو ؟
Post: #64 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-13-2011, 12:01 PM Parent: #62
الفاتح شلبي
الاجابة على سوالك الاتي :
لو الاجابة ما اقنعتك ممكن تقول :
مزاج مني قلة شغلة عدم موضوع
اي واحده من الاجابات الفوق دي اضيفها للابتسامه الخدرا واعتبراها اجابة على سوالك
Post: #67 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-13-2011, 12:18 PM Parent: #64
Post: #73 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: shammashi Date: 02-14-2011, 09:05 AM Parent: #67
وليد إنت مرات فعلا بتكون مركب مكنة الدكتورة ديك وتجي تتلقى الحجج. إنت والدكتورة بتحاولو تنتقدوا المعارضة بكل السبل ليس حباً في تقويم أخطائها ولكن حبا في الكيزان وفي نفس الوقت تحاولوا أن تبعدوا عنكم شبهة الكوزنة وبحرص شديد ليس كراهية في الكيزان ولكن كراهية في ان توسمون بأنكم Pro كيزان.
Post: #74 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-14-2011, 09:45 AM Parent: #73
يا شماسي
ده رايك الشخصي .. نحترمه لكن انا ما مسئول منو
وما معناتا هو صاح
بالمناسبة في رائي الشخصي انا شايف الدكتورة افضل منك بمراحل وده رائي الشخصي وانا مسئول منو وبرضو يمكن يكون ما صاح
المهم انا والدكتورة سنظل نكتب ارائنا هنا في المعارضة وفي غيرها كان الكلام ده عجبكم او ما عجبكم
زي ما ما انتو بتكتبوا رايكم فينا يعجبنا او لم
Post: #75 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-14-2011, 10:00 AM Parent: #74
Post: #76 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-14-2011, 10:35 AM Parent: #75
أحمد ماهر
يرفض أحمد ماهر أن تسبغ عليه صفة البطل. إنه «مواطن مصري يؤمن بقدرة الشباب على الخروج بالوطن من أزمته والوصول به لمستقبل ديموقراطى يتجاوز حالة انسداد الآفاق السياسية والاقتصادية والاجتماعية التي يقف عندها». هو لم يأت من خلفية سياسية على الرغم من ولعه بالسياسة واهتمامه بها، وهذا الاهتمام بالذات هو الذي دفعه وما يزال إلى معارضة سياسات «الحزب الوطني» الحاكم وإلى فضح فساده وجرائمه. يخبر مؤسس «حركة 6 أبريل» الشبابية ومنسقها العام في حديث لـ«السفير» تجربته مع الحركة التي انطلقت في نيسان العام 2008، تضامناً مع إضرابات العمال في منطقة المحلة الكبرى. هذه الحركة التي تحجز لنفسها اليوم موقعاً لا يستهان به في قيادة الثورة المصرية. ماهر، المولود في العام 1980، تخرّج من كلية الهندسة في جامعة القاهرة في العام 2004، ويعمل حالياً في مكتب استشاري في مجال الهندسة. تجربته النضاليّة الأولى بدأت، بعد سنة من تخرّجه، مع حركة «شباب من أجل التغيير» التي شارك معها في العديد من التظاهرات المطلبيّة. وفي إحدى هذه التظاهرات التي كانت تنظمها الحركة أمام معسكر للأمن المركزي، تعرّض أحمد للاعتقال للمرّة الأولى. لم تكن فترة اعتقاله طويلة، إلا أنها تركت أثراً بالغاً عليه وكانت بمثابة جرعة من الإصرار على متابعة «مشوار التغيير» كما يسمّيه. في بداية العام 2006، كان ماهر ما يزال ملتحقاً بصفوف الحركة، عندما تعرّض مرة أخرى للاعتقال خلال تظاهرة أمام مبنى القضاة. ودامت فترة اعتقاله هذه المرّة شهراً كاملا. في العام ذاته، قرّر أن يترك حركة «الشباب من أجل التغيير» ليصبح مستقلاً عن كل الحركات السياسية «بعد أن فقد الأمل فيها جميعاً، وليس وراءه أحد، ولا يدعمه أحد لا بشكل مادي ولا معنوي» على حد قوله. بدأت فكرة تأسيس «حركة 6 أبريل» لدى أحمد فور تلقيه رسالة دعوة للمشاركة في إضراب «6 أبريل» المعروف مع عمّال المحلّة، فقام على الفور بإرسال الدعوة إلى جميع أصدقائه، ليبدأ لاحقاً بالتحضير لإضراب عام من خلال طرح الفكرة على «الفيسبوك» للنقاش، ثم إضافة صور عديدة لتظاهرات وإضرابات سابقة. بعد سلسلة من النقاشات باتت الحركة ناشطة جداً، وسرعان ما نمت لتضمّ أكثر من 70 ألف منتسب. وقد عرف أحمد بدوره الجوهري في استقطاب العدد الأكبر من المنضمّين إلى الحركة من خلال إرساله يومياً لعدد ضخم من الرسائل، الأمر الذي دفع إدارة «فيسبوك» إلى إيقاف حسابه لفترة ظناً منها أنه «سبامر». تلخّص دوره في بداية التأسيس في حذف العبارات غير اللائقة والشتائم عن موقع الحركة في مواجهة المحاولات الحثيثة التي قام بها بعض أعضاء مجموعة نجل الرئيس المصري جمال مبارك و«الحزب الوطني» الحاكم الذين «حاولوا أن يدخلوا إلى موقع الحركة ويضعوا صوراً مخلّة لتشويه التجربة وتشتيت الناس». وبعد أن حاولت مجموعة مبارك الاشتباك مع الأعضاء وإشاعة حالة من الإحباط، قرّر أحمد تمديد دوام عمل الأعضاء في موقع الحركة ليصبح 24 ساعة بنظام الورديات حتى لا يستغل أحد فرصة غيابهم للترويج لأفكار مغرضة. في وقت لاحق، نقل أحمد دوره في الحركة من العمل «التدويني» البحت، إلى العمل «الميداني»، وتجسّد هذا الانتقال على محورين أساسيين «التحرك في الشارع ومحاولة نشر أفكار الحركة لدى الناس من جهة والتنسيق مع الأحزاب والقوى السياسية المعارضة من جهة أخرى». لا يرحّب مؤسس «حركة 6 أبريل» بأن تسمى الحركة حزباً «فما فعلناه وصلنا إليه بقناعة أن الأحزاب المصرية ماتت وصعدت روحها إلى بارئها، وما تبقى منها تفرّغ لعقد الصفقات الحقيرة مع الحكومة من أجل مكاسب أحقر، أما الصحيح فهو أننا استطعنا أن نثبت أن هناك في مصر شباباً لا يزال قادراً على العمل والدعوة إلى التغيير وتقديم حلول حقيقية للمشاكل التي تعتصرنا وبشدة». وتلخصت أهداف الحركة عند تأسيسها بأربعة مطالب أساسية: بناء رأي عام مؤيد للتغيير السلمي الديموقراطي، وبناء قوى شبابية فاعلة تسهم في تحقيق التغيير المنشود، وتحويل الشباب من شباب سلبي غير مهتم بقضايا بلده لشباب إيجابي يشارك في المعركة من أجل التحوّل نحو الديموقراطيّة. «لم ترق هذه المطالب، التي بدا أننا قد نجحنا نسبيّاً في تعبئة الشباب من أجلها، لنظام مبارك فضغطوا علينا بسلسلة من حملات الاعتقالات والتعذيب والطرد من أشغالنا، إلا أننا صمدنا» يقول أحمد. وتجلّى صمود «حركة 6 أبريل» وشبابها في أحسن صوره في «ثورة 25 يناير». يتحدّث أحمد عن ذلك اليوم «لم أكن أعلم في صبيحة يوم 25 يناير أنه سيكون يوماً مفصلياً في حياتي وحياة الشعب المصري. كنا قد استعدينا انا والشباب ليوم حافل من المواجهة مع عناصر الأمن في التظاهرة التي دُعينا لها، كما كل عام، لمناسبة عيد الشرطة». ويضيف «بعد الثورة في تونس والإطاحة بالرئيس المخلوع زين العابدين بن علي، أصبحنا قادرين على تسويق فكرة التغيير في مصر. ووجدنا أن شباباً لم يكونوا مهتمين بالسياسة باتوا يتابعون ما يجري ويشحذون الهمة من أجل التغيير». وعن رؤيته للمخرج الحالي للثورة، لا سيّما بعد اتهامها بأنها بدأت بالذبول، يجيب أحمد، بحماسة تميّزه أثناء الكلام، بأن «هناك خطوات تصعيدية باتت جاهزة، ونعمل على التحضير لها، كما ان هناك خطوات قيد الدرس. إلا ان المؤكد أن الثورة ودماء الشهداء لن يذهبا سدى، كذلك لن نسمح بحدّنا (حصرنا) في ميدان التحرير وتشويه ثورتنا بزجّها في إطار اعتصام مطلبي معيشي فقط». أما عن شكل الحكم المطروح كما يراه، فيقول «علينا في البداية التخلص من النظام الحالي بالكامل وعدم الدخول في لعبة المساومات. المطروح الآن هو فكرة تأسيس مجلس رئاسي قد يضمّ عسكريين، بالإضافة إلى الأدوات السياسية كافة. أي تأسيس ما يشبه الجمهورية البرلمانيّة». وفي معرض كلامه عما يُشاع من تخوّف يثيره وصول جماعة الإخوان المسلمين إلى الحكم، يرد أحمد «لا يجوز أن ننسب الفضل في الثورة إلى الإخوان المسلمين. كما لا يجوز الانتقاص من حجم دورهم. هم موجودون على الساحة، ووجودهم شيء طبيعي. أنا لا أرفضه». هذا ويدعم احمد فكرة حصولهم على مقاعد في البرلمان، أما في حال استلم «الإخوان» الحكم فهو يكون مع محاكاة نموذج الدولة التركية حيث «يستلم إسلاميون الحكم في ظل وجود دستور يمنعهم من تحويل الدولة إلى جمهورية إسلاميّة». وحول ما أشيع عن دعمه لوصول محمد البرادعي إلى الحكم فيعلّق أحمد «صحيح أنه (البرادعي) رمز من رموز التغيير وهو أحد الرموز المطروحة التي تثير حماسة الشباب، إلا أن الموضوع بات أكبر منا ومن البرادعي نفسه. إنها مصر تولد من جديد والأيام المقبلة ستكون الحَكَم».
Post: #79 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: الفاتح شلبي Date: 02-15-2011, 11:52 AM Parent: #76
الاخ المناضل الكيبوردي وليد
سؤالي كان بمعني مم الخوف إذن ؟
وإجايتك بتقول
Quote: مزاج مني قلة شغلة عدم موضوع
بالرغم من إني رطاني لكنها ليست إجابة (إنت سرقت آيقونة الضحكة من وين؟)
--------
حاشا من يقول لك ما عندك موضوع ... إنت عندك موضوع ودسم كمان
Post: #80 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: وليد محمد المبارك Date: 02-15-2011, 01:20 PM Parent: #79
العلامة الفاتح شلبي
يا برفيسور انت بتقرا الافكار ولا فكي ولا بتحس ولا بتضرب ودع؟
سوالك ده
Quote: سؤالي كان بمعني مم الخوف إذن ؟
سالتو على ياتو اساس ؟
بما انك عرفتني خايف يا بروف وكمان عرفتني خايف من شنو
طيب ما تجاوب السوال انت ؟!
نحن بنعرف اكتر منكم يا بروف فيما يخصنا
يعني معقول اغالطك واقول لا ما خايف
اكون غلطان وابن ستين لذينا لو غالطت لي زول بروف زيك كده في امر بخصني
____________________________ عليك الله قوم لف شوف لك حته فرتق فيها عقدك بعيد مني انا ما ناقصك انت واحساسك الامني العالي واستنتاجاتك الفطيره كفاية على في البوست ده بدر الدين
Post: #81 Title: Re: من يظن ان وائل غنيم والبوعزيزي مناضلين كيبورتيين فهو جاهل .. ومن يقول بذلك فهو كاذب Author: Sabri Elshareef Date: 02-18-2011, 05:10 AM Parent: #80
