Post: #1 Title: الشعب يريد بقــاء الرئيس !! Author: عمران حسن صالح Date: 02-11-2011, 09:19 PM Parent: #0
هُتـــــاف الغد فترقبوووووووووووووووه
_____ وراجعين
Post: #2 Title: Re: الشعب يريد بقــاء الرئيس !! Author: عمران حسن صالح Date: 02-11-2011, 09:29 PM Parent: #1
تذكرت أغنية سمعتها لنجوى كريم " قمة صوت اللبنانيين واللبنانيات " اسمها حرامي إسم الأغنية كده ، " حراااااااااااامي " ! وتزكرت المشي جنب الحيطة يعني شنو ؟؟ وبيكون كيف ؟ ومعناتو شنو !! ضحكت حد الهبل وتلفزيون جمهورية المليون تايه وقارئ الأخبار يبدأ نـشرة اليوم السودانية : ( أنهي المصريين احتجاجاتهم بالحصول على ما أرادو ) خبر وش النشرة !! قبل مشروع مياه المعيلق ! أو إنشاء مستشفى جديد بالباوقة أو خطة تنمية الخرطوم شرق . !! لا بلاهي !!!!!!!!!!!!! الموضوع عاااااااادي " استلموهمو " ، بعد ما كانوا ماشين جنب الحيط !! حسي بقى رأس النظام المصري ؟؟ ______
Post: #3 Title: Re: الشعب يريد بقــاء الرئيس !! Author: تبارك شيخ الدين جبريل Date: 02-11-2011, 09:37 PM Parent: #2
عمران ...
قال "خليلنا" اسماعيل ... طيّب الله ثراه ...
"بسحروك الناس ... عشان ما بشبهوك" ...
ياخى براحة على الإيقاع السودانى المرخرخ دا ..... (والمرخرخ: من الألفاظ التى يحرص الشهيد عثمان بشير ابو عاقلة على استخدامها)
... المهم ....
Post: #4 Title: Re: الشعب يريد بقــاء الرئيس !! Author: عمران حسن صالح Date: 02-11-2011, 09:42 PM Parent: #2
أها غنية نجوى كرم دي بتقول بتعملها وبتخبيها حراااااااااااااااامى انا شو كان بدى منك بأمور الحب محنك انا حبيتك مع انك حرامى حبيتك وملكنى هواك يا حرامى وبعيونى ملاك ___ يسقط يسقط حسني مبارك هُتاف لأول مره أسمعه اليوم من داخل بلدي ردده تلفزيون الوطن التايه فاستغربت لمن يسمع الأخبار مثلي وهو على رأس نظام فعل أفاعيل لم يقترب مباركـ من نص (الميس ) إليها كيف سيبتسم فرحاً بزوال نظام برغبة الجماهير لإنها حياة حكومة ظلم وقهر وسرقات !! وتخطر له الفكرة الجهنمية ، الهتاف الجديد الشعب يريد بقاء الرئيس الشعب يريد بقاء الرئيس على وزن الرد الرد السد السد وضربة إستباقية لكل المشهد عمومــاً حقوق الهتاف الجديد محفوظة لأخونا علاء الدين علاء الدين سبقكم يا ( المسئول الحاضر الأخبار )
Post: #5 Title: Re: الشعب يريد بقــاء الرئيس !! Author: عمران حسن صالح Date: 02-11-2011, 09:53 PM Parent: #4
تباركـ
______ يا حرامي وبعيوني ملاك أها يا زول الناس ديل حرامية وانت بتغني ليهم زي غنى نجوى كرم ده !! حرامي وبتحبو " خلونا من باقي الكلام والفكرة حقته " معقوله ؟؟ المهم يا قول تباركـ قوة الكرامة وفكرة ان العدالة يمكن أن تتحقق باللاعنف خلوها في بالكم . قوة جعلت العدالة تميل إلى جانب الشعب المفترض أصلاً خدمته بواسطتها وكان الهُتاف للحرامي : حسني برَة مصر حُرَة !! علماً بأن إسرائيل أو مسئول إسرائيلي قال أنه لا يصدق أن نظام مبارك انتهى بهذه الطريقة !! وناس تردد في الشوارع مصري فاقت _________________________ الشعب أقوى وأبقى وذلك هو منطق الثورات متى صح العزم
Post: #6 Title: Re: الشعب يريد بقــاء الرئيس !! Author: عمران حسن صالح Date: 02-11-2011, 09:56 PM Parent: #5
حرااااااااااااااااااااامي
Post: #7 Title: Re: الشعب يريد بقــاء الرئيس !! Author: تبارك شيخ الدين جبريل Date: 02-11-2011, 10:02 PM Parent: #5
Quote: قوة الكرامة وفكرة ان العدالة يمكن أن تتحقق باللاعنف خلوها في بالكم .
ياخى انا اشتغلت مترجم فى عدد لا يحصى من قضايا لجوء الأقباط فى أمريكا ... لا يبهرنى أكثر من "اللاعنف" الذى امتاز به الشعب المصرى فى نضاله ضد الديكتاتور "مبارك" ...
فقد دقّ هذا "البلطجى" أسافين الفتنة بين الأقباط والمسلمين ...
ولكن "نأبه - أى "نقبه" - طلع على شونة" ... كما تقول الحكمة الشعبية المصرية ...
عمران .... شكيت قوة نظرك على الله ...
.... المهم ...
Post: #8 Title: Re: الشعب يريد بقــاء الرئيس !! Author: عمران حسن صالح Date: 02-11-2011, 10:15 PM Parent: #7
يا تباركـ دائماً صورة الرجع آخر اليوم ونفسو قايم ورا الرِزِق ( التوَر نفسو ) حاضرة شوية الفول ما تهضمت وصحى بيي صوت الولد وأمو وشالو جري أقرب مستشفى ومات وجارو " طريد الحي " سابقاً مسئول المحلية حالياً ساكن في عمارتو الجديدة ويزداد العدد ويزداد الغبن أها يا تباركـ ده لامن يقرر يطلع بيكون فاتح صدرو لأي نهاية ما هماهو بس يشوف ليهو حته يقعد فيها كيةً للسلطان ويتلمو مية وميتين وألف وألفين ويقولو لا ويهتفوا صامدين صامدين وللبيوت ما راجعين ده مش ياهو سيناريو من انتصروا اليوم ؟
Post: #9 Title: Re: الشعب يريد بقــاء الرئيس !! Author: تبارك شيخ الدين جبريل Date: 02-11-2011, 10:31 PM Parent: #8
Quote: أها يا تباركـ ده لامن يقرر يطلع بيكون فاتح صدرو لأي نهاية ما هماهو
شوف عينى يا عمران - شكراً لمسجلة الفيديو - فتح الصدر لكل ما هو آتٍ ... بما فى ذلك الرصاص ...
رجالٌ ... واجهوا الموت - كأنهم "محمد عادل" - لا يهابون فى الحقّ ... قدر قدّره المولى ....
(أفرجوا - يا من دونه - عن المناضل "محمد عادل")
... المهم ....
Post: #11 Title: Re: الشعب يريد بقــاء الرئيس !! Author: عمران حسن صالح Date: 02-12-2011, 06:09 AM Parent: #10
متى سيبدأ الهتاااااااااااف الجديد ؟
Post: #12 Title: Re: الشعب يريد بقــاء الرئيس !! Author: عمران حسن صالح Date: 02-12-2011, 08:09 AM Parent: #11
نرجع لنشرة أخبار التاسعة مواعيد عشاء أهل السودان " القديم على الأقل فقد تركو أمر العشاء الآن " صار الأمر تلقائياً أن تكون النشرة في تلكـ اللحظات موزَعة في معظم البيوت حتى المسئولين اعتادوا على أمرها علهم يلاحظون مدى التغيرات على شكلهم الخارجي أو كيف كان يبدو وربطة عنقه الجديدة عله يختلس النظرات إلى ست البيت لترى هذا الجهبذ وهو يتمخطر وسط الهتافات يبشر بميلاد دولة العدل والكرامة نشرة تهتف بزوال حكم ديكتاتور وكأن الأمر لا يعني سلطان السودان كأن " الدكترة " غادي وبعيد وحوالينا ما علينا وكل شواهد الأمر والتاريخ ونشرات أخبار العالم الآخر تقول غير ذلكـ الأدهى حكاية المشي جنب الحيطة فالأمر بدأ واستمر وكل الدنيا شاشاتها حول ماسبيرو وميدان شهداء القاهرة إلا سلطان السودان الشمالي والأغرب مخابرات إسرائيل وهي تصرح بعدم التصديق لما يحدث مما يعني أن محلليهم ومخابراتهم واسطول جواسيسهم لم يستطيعوا تبيان الحقيقة التي صارت واقعاً بعد أن هتف الملايين بـ ( لا ) الملكـ لله والدوام لله فلا تغتروا بهتاف اليوم ، فالشباب سيصحوا مهما طال أمر تغييبه ومن سيهتف اليوم بـ ( الشعب يريد بقاء الرئيس ) أجندته بها المصالح وباقي غبائن وليس قناعات بدينكم الذي تدعون فالدين يقول بأن الملكـ لله يهبه لمن يشاء وينزعة ممن يشاء وأدوات النزع صارت ميداناً واسعاً وصدوراً كرهت الحياة على طريقتكم
Post: #13 Title: Re: الشعب يريد بقــاء الرئيس !! Author: عمران حسن صالح Date: 02-12-2011, 02:38 PM Parent: #12
Post: #14 Title: Re: الشعب يريد بقــاء الرئيس !! Author: معتصم دفع الله Date: 02-12-2011, 04:29 PM Parent: #13
Quote: متى سيبدأ الهتاااااااااااف الجديد ؟
عمران يا صاحبي ..
حين نبطل سماع نشرة أخبار التاسعة ونبطل نسمع (كضب ) الرئيس على الجماهير الغلبانة .. حين نبطل قراية الجرائد والونسة في بيت البكاء .. لمن نقعد في الواطـــة دي وما نتكلم عن الفكرة ونستنبط الماضي ونستدرج الحاضر ونأول ونقوّل وعييييك .. نخلي التحليل والتنظير في الفارغة والمليانة .. حينها يا صاحبي تصحو بيوت الطين .. والمساكين الغلابة في الريف .. ويطلع (شفع) المدارس ويهتفوا لا للظم لا للطغيان .. الناس هناك يا عمران عايزه البطرد منها الخوف .. عايزه البقول ليها أنا أموت فداك .. بعد ما البلد بقت كلها عسكر وحرامية .. تعاين يمين تلقى البطاقة مكتوب عليها (جهاز الأمن) .. تتلفت شمال تقرأ البطاقة (مؤتمر وطني) مع قوة عين شديدة .. وبرضو بقول معاك كل أول وليهو نهاية .. ودولة الظلم عمرها ما تعمرّ أو تستمر .. ولك الله يا وطن ..
Post: #15 Title: Re: الشعب يريد بقــاء الرئيس !! Author: تبارك شيخ الدين جبريل Date: 02-13-2011, 00:31 AM Parent: #14
Quote: متى سيبدأ الهتاااااااااااف الجديد ؟
حين نشفى ... من "الهتافية" القديمة ...
... المهم ....
Post: #16 Title: Re: الشعب يريد بقــاء الرئيس !! Author: عمران حسن صالح Date: 02-13-2011, 09:35 AM Parent: #14
Quote: حينها يا صاحبي تصحو بيوت الطين ..
ناس بيوت الطين قالو لينا بقو ناس سلطان رغم انو أهلي كوووووولهم بيوت طين ما سمعت بواحد منهم ردد السد السد ياخي البصات عندنا بقت تشيل كتير خلاص !!
Post: #17 Title: Re: الشعب يريد بقــاء الرئيس !! Author: شهاب الفاتح عثمان Date: 02-13-2011, 09:42 AM Parent: #16
