فراقك مر ... رحيلك مر ... يشق الرأس

أنا الببكيك ... وبكاي انا ماهو زي النّاس
دموعي الدم تصب جوايا في الإحساس
فراقك يا أعز صديق
ملاني ألم , يا الواقف ركيزة وساس
فراقك يا أبو جعفر فجيعة توقف الأنفاس
فراقك مر ... رحيلك مر ... يشق الرأس
حزين من بعدك البركل يا حلو الحَكِي وونّاس
يا زولاً جميل ود ناس
يا الشايل هموم النّاس
يا بحراً متسِّب ذوق ماعرفنا لو نحنا مقاس
أريت أكان نساك الموت وما إتجرعت منو الكاس
كان راجين بقايا حكيك لكين رحت بدري خلاس

(( كلمات صديقك عبد العظيم الطاهر))

دعواتنا بالرحمة والمغفرة للراحل خالد الحاج
إنا لله وإنا إليه راجعون

اللهم أرحمه واغفر له
لكم الصبر وحسن العزاء

وراك ما شفت كيف الحال
وكيف دمع العيون هطّال
وحاتك ما هجع لي بال
وفي خشمي السمح بطَّال
وآآآه يا زينة الصادقين
وآآآه يا شعلة الطيبين
يا دنَّاً ملوهو حنين

إنا لله وإنا إليه راجعون
تقبله الله قبولا حسنا
خالص التعازي يا بلقيس

وآآآآه ياعبد العظيم الطاهر

كتب الخال :
الملكي...
الله يجازي محنك يا مصيبة

سألتك بالله ده منو..

وكتب مخاطبا عبد العظيم الطاهر :
تعرف يا عظمة الملكة ليها فضل في عرفتنا.. أي والله
جابت ليها موضوع لو تذكر في سودانيات نقلتو من منتدي تاني والموضوع كاتبو إنت..
أها رسلت ليها قلت ليها يا الملكة تاني وشيك ما داير أشوفو هنا كان ما جبتي الزول ده معاك
وما قصرت والله بقت لينا سبب معرفة ..

وكتبت :
يشهد الله ياخال انتم أروع من عرفت

ولمن أقول ياخال فتأكد انو دا إحساس قبل مايكون مجرد نداء

ووالله مشتاقة شوق عجيب للدار دي ولي ناس البعاتي ود الطاهر ( هههه)

___________

ياوجعتك ياخال
ويا اصحاب الخال
ياود الطاهر .. ياعكود .. ياحمييييد
ويانافعابي
ووين قرض ياناس
وياناصر يوسف
ويالطيب بشير
وياعالم عباس
وياحنينة وياندي ويابت النيل
ويادير
وياساااارة
وياقوت القلوب
ويا ويا ويا

وياجماعة ود عثمان مشى وين

(يا زولاً جميل ود ناس
يا الشايل هموم النّاس
يا بحراً متسِّب ذوق ماعرفنا لو نحنا مقاس)

إنا لله وإنا اليه راجعون ،،،



لى عليك عتب يا ملكة ..

يا الله يا بلقيس
ما لهذا الحزن يطبق علينا

يادرييييمز

فقدت تلفونك ياأحلام مع جميع التلفونات لذلك انا عاجزة عن التواصل

ياريت تلفوني يكون معاك

والحردلو -البركل :

مواقفك والخُلُقْ سامي
مكانتك في القلوب عالي
علي أخوان صفاك غالي
وفي بنيان صداقة صح
ركن والله كنت الساس
مكانك ما بْيَسِدُّوا الناس
أصيل في الحارة يوت نلقاك قوي وصامد
شهامة عز بطون شايق
محبة ناس وطن خالد ..
مودة ناس بلد واحد
فراقك ضمة مُو هين
تراهو على الوجوه باين
نَوَدِّع ونحن ما قادرين
تَعَبِّر عن لسان الحال دموع العين
لسان الحال بيتمنى الرجوع لي سَالِف الأيام
بعد حال الشتات والبين
لسان الحال بيتمنى الصحاب في الغربة مِتْلَمِّين
لسان الحال بيتمنى لك الحال السمح والزين
لسان الحال بيتمنى لك العز والمكانة الفوق
لسان الحال بيتمنى لك الخير والرزق مدلوق
لسان الحال دموع العين
يقول لك في وداعة الواهب المنان
وداعاً يا أخو الأخوان …
وداعاً يا أخو الأخوان

.

وجع أول:
جفن عيون أحباب للووبة جافوا النوم
قتلو السهر خمدان وجه الفراق مهجوم
في دار الكلام سكت القليب مكتوم
اتفن وجع جراح في الجوف ومابي القوم
يا سيد الديار الحر يا ود شيوخ القوم
أبكن بنات العم الخال مفارق اليوم
حملك تقيل يا خال الله يقدر المكلوم
أخوانك وراك أسياد ويبرو اللوم
يبكيك البلد حراق لي يوم قيامتو تقوم

وجع آخر:
لست ممن يؤمنون بالغياب
والموت غياب ..
أو حياة أخرى نتمناها حين يسافر إليها حبيب
مدرسة تعلمنا أدب الشوق ومعاني الوفاء
يا صديقي اعتب على خداعك لنا
فقد وعدتنا يوما بالبقاء
علت جدران الغربة
فصارت أسوأ حبس للروح
حبس للعيون .. فالدموع وضوء الروح
حبس للصوت ..
فالصراخ يجعلك تسمع
ويجعلنا نعلن إغترابك
أقالد بيك منو ؟

وجع لي بكرة:
لكل أصدقائي وأحباب الخال في سودانيات والبركل وبكل المواقع وعلى الارض ومن في السماء أعزيكم في سفر الخال إلى دار نلحقه فيها يوما وإلى ذلك الحين نستودعه الله ليكن رحيما عليه موسعا لداره هو الرحيم لا إله إلا هو ولا حول لا قوة إلا بالله.