حاجة التومة ... بين جهالة الرئيس.... وزيادة الضغط ...والسكري

إتكت حاجة التومة وختت فنجان القهوة وقالت متحسرة ( عليكم الله شوفوا مصايب الزمن ومحنوا ) (حسع ده كلام بقولوا عاقل ولا زولا كبير) (ياولدي ده كلاما مابقولوا إلا وحيدا صعيليق و لاعوير).
قلت ليها ياحاجة التومة بالهداواة منو قال شنو?
قال لي منوغير القشير ده (حاجة التومه من إعتقلوا السيد محمد عثمان لعدة شهور في سجن كوبر أنعمت علي رئيسنا المفدى إسم القشير وإتعودنا علي تعليقاتها مثل القشير قام القشير نام القشير رقص القشيرغلا علينا السوق ودعوتها اليومية الله يطيرك مننا يالقشير ولا مناداتها اليومية لبتها زينب تعالي أقفلي التلفزيون القشير ده عمل لينا وجع وش ورفع لي الضغط ).
قلت ليها الرئيس مالوا قال شنوا.
قامت منفعلة وقالت لي(أولا بالتبادي قدامي ما تقول لي رئيس ده هي الرئاسة جابها بالفهم والراي ولا ورثوها ليهو ناس الشرف والنسب مافيهوا كلام............. ما جاء بالليل شايل لي بندقية زيو وزي أي رباطي ولاحرامي).
( ماعلينا)( أمبارح دي بلا خجلة يقول نحن كان ماعاقلين كنا مرقنا ناسنا دقوا الناس وإضربوهم عشان مرقوا مظاهرة ) ( عليك الله مش ياهوا دا ذاتوا الغبا وعدم الفهم .... )
(هو مسك البلد وماعارف البيحرش الناس للشكل مفروض يمشي السجن..........وهو مسك البلد وماعارف إنوا البغلط بيحاسبوا بالقانون مش بالشكل ).
( وهو مسك البلد وماعارف إنوا بقى مسئول من الناس كلهم مافي تاني كلام ناسي وناسهم والله مغستني كلمتوا شديد بلا خجلة يقول ناسي كتار )( وياولدي نقول.... نحن المكجننوا ديل شوية............. أها يسمع لينا مكجننو ليه ولا يقول كنا حندقهم ).
(ياولدي جدك حاج الخير لمن بقي العمدة والناس كلها عارفنوا ختمي ودختمية طوالي مشى لي بيت حاج الزين وزي ماعارفهم بتهم بيت أنصار وصلي معاهم المغرب وقال ليهم حرم البيرشكم بالموية أرشو ا بالدم وحرم جروفي ما ينزرعن لمن تزرعوا إنتوا وبهايمي ما يردن كما وردن بهايمكم إنتواوحرم ماتضيع ليكم حاجة وحقكم تاخدوا حتي لو من ولدي الختم ده......بس كلوا بالقانون والنظام)
( لكن ياولدي صحي الفهم قسمة ونصيب)
(والقشير ده شكلوا ما قسموا ليهو منوا التكتح بس إنشاءالله ربنا يستر كبرنا وبطيروا مننا بسرعة قبل السكري والضغط ما يضيعونا)

Quote: وأكد البشير، أن قواعد المؤتمر الوطني بالشمال تمثل 90% من المواطنين، وقال «إن لم نكن حكومة مسؤولة لأمرنا قواعدنا بأن تخرج للتصدي للمتظاهرين الذين لا يتعدون الـ10% من الشعب» وزاد «حينها لقالت المعارضة (يأيها النمل أدخلوا مساكنكم لا يحطمنكم سليمان وجنوده وهم لا يشعرون)».

Quote: ( لكن ياولدي صحي الفهم قسمة ونصيب)

Quote: إنشاءالله ربنا يستر كبرنا وبطيروا مننا بسرعة قبل السكري والضغط ما يضيعونا)

Quote: ( عليك الله مش ياهوا دا ذاتوا الغبا وعدم الفهم .... )

Quote: أمبارح دي بلا خجلة يقول نحن كان ماعاقلين كنا مرقنا ناسنا دقوا الناس وإضربوهم عشان مرقوا مظاهرة ) ( عليك الله مش ياهوا دا ذاتوا الغبا وعدم الفهم .... )

أصابت أمرأة وأخطاء القشير
يحفظ لكم حاجة التومة يا دكتور مجدي ويمتعها بالصحة والعافية.
لو كان وعي كبارنا مثل وعيها لما انفرد الاسلامويين وحكمونا.


تقديري

العزيز الفاضل
حاجة التومة ياها نبض الشارع ووعينا الأصيل الماقدرت ماكينة الإنقا١ الإعلامية تشويههوا أو إستلابوا
لك الود

Quote: (أولا بالتبادي قدامي ما تقول لي رئيس ده هي الرئاسة جابها بالفهم والراي ولا ورثوها ليهو ناس الشرف والنسب مافيهوا كلام............. ما جاء بالليل شايل لي بندقية زيو وزي أي رباطي ولاحرامي).

Quote: ( عليكم الله شوفوا مصايب الزمن ومحنوا ) (حسع ده كلام بقولوا عاقل ولا زولا كبير) (ياولدي ده كلاما مابقولوا إلا وحيدا صعيليق و لاعوير).

ليك التحايا يا حبيبنا مجدى

والله الزمن دا كلام الحبوبات زى نملة

العم محجوب شريف .. لهب ثورية

العزيز كروم
شكرا علي مرورك الوضئ
مع العمر ما عارف الحاصل معاي شنو الذاكرة كركبت ولا الغهم بقى تقيل شوية ونملة عزيزنا محجوب شريف ماوقعت لي
لك الود

Quote: ( وهو مسك البلد وماعارف إنوا بقى مسئول من الناس كلهم مافي تاني كلام ناسي وناسهم والله مغستني كلمتوا شديد بلا خجلة يقول ناسي كتار )(

Quote: (هو مسك البلد وماعارف البيحرش الناس للشكل مفروض يمشي السجن..........وهو مسك البلد وماعارف إنوا البغلط بيحاسبوا بالقانون مش بالشكل ).

Quote: ( لكن ياولدي صحي الفهم قسمة ونصيب)