Post: #1
Title: الكويتي فؤاد الهاشم يتمسخر على الشعب السودانى
Author: هجو الأقرع
Date: 02-08-2011, 08:51 PM
Parent: #0
.. آخر نكته.. من السودان:
.. الرئيس عمر البشير خرج الى الشعب قائلا لهم.. «داير عليكم الله، اذا ما تبغوني رئيس، سيبوني امشي، انا بزاتي ما ناقص مشاكل»! ردوا عليه قائلين.. «بنبغاك يا ريس، احنا زاتنا ما فينا حيل.. للمظاهرات»!!
سبحان الله حتى بغاث الطير اصبح يتطاول على الشعب السوداني ، هذا التعيش يكتب فى الوطن الكويتة ، عموده اليومى اسمه علامة تعجب .
|
Post: #2
Title: Re: الكويتي فؤاد الهاشم يتمسخر على الشعب السودانى
Author: احمد محمد بشير
Date: 02-08-2011, 08:59 PM
Parent: #1
معليش يا هجو مداخلة محرج شوية.
الكويتيين وكل العربشن ديل معروفيين إنهم بتمسخروا علي السودانيين, ودي ما حاجة جديدة
لذلك العملو فؤاد هاشم ده ما مستبعد.
لكن ..لكن.
البتعملوا عائلة البشير في السودان و السودانيين دة برضو ما مسخرة؟
يوم 13 البشير ماشي يتمسخر في منطقة كجبار "الشمالية" ليبشر بالسد.. وفي نفس الوقت ما حاسبو المجرمين القتلو شهداء كجبار بالرصاص ولا قدمو التعازي لاسر الشهداء حتي الآن!!!!!!!
اليوم سمعنا إنهم متمسخرين وضابحين تيران بمناسبة انفصال البلد.
مع الود.
|
Post: #3
Title: Re: الكويتي فؤاد الهاشم يتمسخر على الشعب السودانى
Author: هجو الأقرع
Date: 02-08-2011, 09:05 PM
Parent: #2
شيخنااحمد يا خوى و الله اخد راحتك بالكامل ، اها اخوك يبصم على كلامك الفوق ده بالعشرة ، خاصة اطلاق الرصاص على اهلنا بكجبار ، جريمة لا تغتفر.
|
Post: #4
Title: Re: الكويتي فؤاد الهاشم يتمسخر على الشعب السودانى
Author: omer osman
Date: 02-08-2011, 09:36 PM
Parent: #3
سلام ياهجو .....
الزول ده (فؤاد الهاشم) قول ليهو السودانيين ديل زاتم هم الجيش السوداني
الجاء حمي الكويت سنة 1961م ايام المشكلة الاولي بينه وبين العراق
وظل الجيش السوداني في الكويت لغاية 1963م مع بقية القوات العربية
المشاركة من السعودية والاردن والجمهورية العربية المتحدة (مصر وسوريا)
وبرضو نشكر للكويت كتير من المساعدات القدمته للسودان لكن نحن قدمنا السبت
|
Post: #5
Title: Re: الكويتي فؤاد الهاشم يتمسخر على الشعب السودانى
Author: نورالدين صلاح الدين
Date: 02-08-2011, 11:41 PM
Parent: #4
حسي زي الخبر دا ...
ما يخلي الدنيا كلها تسخر فينا
وما يخلينا نحن زاتنا نسأل ربنا يخفف علينا مصيبتنا
| Quote: قطع الرئيس عمر البشير بأن أغلبية حزبه المؤتمر الوطني بلغت 90% من شعب الشمال، مبينا ان مسؤولية الحزب الحاكم قضت بكبح قواعده حتى لا تخرج للتصدي للمتظاهرين الذين يمثلون 10% فقط من السودانيين |
|
Post: #6
Title: Re: الكويتي فؤاد الهاشم يتمسخر على الشعب السودانى
Author: مازن فيصل هلال
Date: 02-09-2011, 05:18 AM
Parent: #5
[
-يا زول انت ما زول مستوي!
-كيف يعني ما مستوي!؟
-في وااحد زول سوداني ولدوله ولد ابيض- قال للدكتور هذا رجعه -لساته ما استوي
تتخيلو الحوار دا دار في مسجد!
الواحد ب..ضو ورم و الله
_____________________
manubia
|
Post: #7
Title: Re: الكويتي فؤاد الهاشم يتمسخر على الشعب السودانى
Author: حبيب نورة
Date: 02-09-2011, 05:36 AM
Parent: #6
أنا شايف إنو زي ت ع ا ر ي ص العربسات ديل
ما نشتغل بيها كتير
لكن ممكن نكتر ليهم في الطعمية الجد جد
|
Post: #8
Title: Re: الكويتي فؤاد الهاشم يتمسخر على الشعب السودانى
Author: Bashasha
Date: 02-09-2011, 05:47 AM
Parent: #7
| Quote: سبحان الله حتى بغاث الطير اصبح يتطاول على الشعب السوداني |
يا سبحانك!
اسيادكم، الابدتو عشان عيونم قرابة ال3,000,000 مليون روح برئية، بل شلعتو البلد، فقط عشان تكسبو رضا مستعبديكم الاعراب، اليوم فجأة بقو بغاث طير؟
كلامك ده كده قولو للبضبحو في التيران، كرامة انهم يادوبم اضحو عرب، ذنوجة، ال العباس!
بي هناك، تفترو علي خلق الله عاملين عرب، او بي جاي تشتكو من سخرية اسيادكم، من امخاخ الاخوال؟
ماهذا؟
|
Post: #9
Title: Re: الكويتي فؤاد الهاشم يتمسخر على الشعب السودانى
Author: تيسير عووضة
Date: 02-09-2011, 07:34 AM
Parent: #8
| Quote: الرئيس عمر البشير خرج الى الشعب قائلا لهم.. «داير عليكم الله، اذا ما تبغوني رئيس، سيبوني امشي، انا بزاتي ما ناقص مشاكل»! ردوا عليه قائلين.. «بنبغاك يا ريس، احنا زاتنا ما فينا حيل.. للمظاهرات»!! |
النكتة دي ما فيها أي شيء بيزعل
بالعكس فيها قدر كبير من الطرافة والسخرية التي في مكانها
وأرجح أن تكون قد حكيت لصاحب المقال بواسطة زول سوداني
نعم البشير ما ناقص مشاكل داخل السودان وخارج السودان ويوم القيامة زاتو واليرجا الراجيهو
ونعم الشعب السوداني بقى ما فيهو حيل بعدما البشير وحكومتو جوّعوا الشعب وهدوا حيلو بالحروب والضرائب والأتاوات ..
|
Post: #10
Title: Re: الكويتي فؤاد الهاشم يتمسخر على الشعب السودانى
Author: النذير حجازي
Date: 02-09-2011, 07:47 AM
Parent: #9
| Quote: النكتة دي ما فيها أي شيء بيزعل |
سلام يا تيسير
اللي بزعل هو أنه يقصد الشعب السوداني كسول
لذا لا يحب المظاهرات.
تحياتي
|
Post: #11
Title: Re: الكويتي فؤاد الهاشم يتمسخر على الشعب السودانى
Author: أمير فتحي
Date: 02-09-2011, 08:04 AM
Parent: #9
| Quote: ونعم الشعب السوداني بقى ما فيهو حيل بعدما البشير وحكومتو جوّعوا الشعب وهدوا حيلو بالحروب والضرائب والأتاوات .. |
طبعا ياأخت تيسير العباره مقصود بيها كسل السودانيين ...وهي صفه يجزم بها كل الخلايجه وإن لم يصرحو بها مجاملة ...ولكن في أول ملف وشبكه ممكن يفكوها ليك عادي وسمعناها منهم كتير ...والسبب هو حالنا البائس وخيراتنا الطبيعيه الوافره ....
وستظل صورتنا هذه في مخيلتهم مالم نثبت لهم العكس ويجدو بلادنا تساويهم أو تفوقهم ...بنقدر ولا لا ؟
|
Post: #12
Title: Re: الكويتي فؤاد الهاشم يتمسخر على الشعب السودانى
Author: تيسير عووضة
Date: 02-09-2011, 08:21 AM
الأخوان النذير وأمير
سلامات ..
بصراحة ما فهمتها كدا
إنو قصدهم كسل السودانيين
بقول الكلام دا لأنو حسب معرفتي بالشعب الكويتي وإستعلائو وسلاطة لسانو
إلا إنو السودانيين عندهم وضعية خاصة في سوق العمل الكويتي رغم ما يشاع عنهم من كسل
كتير جداً كان بيقابلني إعلانات وظائف كبيرة أو عادية في الجرايد الكويتية
بيكون واحد من شروط التقديم أن يكون المتقدم من الجنسية الكويتية أو السودانية فقط
لا حظوا الكلام دا بعد حرب الخليج والجفوة اللي حصلت بينهم وبين السودان والسودانيين ..
|
|