فشل ما بعده فشل

انفصل الجنوب ببساطة


نخب سياسية فاشلة يقودها المؤتمر الوطني والحركة الشعبية ويتبعهم التكنوقراط وأحزاب المعارضة


جميعكم فاشلون

كل العالم يتجه للتوحد الان إلا نحن


كل الأشياء تجعلنا نتوحد ولكن لفشلنا ننفصل

شعب لا يستحق إلا الوفاء والإحترام وتمشي بأخلاقه الأمم

تسرق سلطته وموارده نخب فاشلة أقل ما توصف به انها انتهازية

ما الذي يفصلنا
الدين
وَقُلِ الْحَقُّ مِن رَّبِّكُمْ فَمَن شَاء فَلْيُؤْمِن وَمَن شَاء فَلْيَكْفُرْ

الهوية
جميعنا سودانيون

حضارتنا
كوش تجمعنا

النظام الإقصائي
21 عام لم لم نمت لنترك لأولادنا نظام حكم يسعهم جميعا



الذي فصلنا هو الفشل ورغباتنا الأنية وانتهازيتنا

وداعا استيلا
وداعا دينق
ودااعا شول

كلمتين فقط في وداعكم

فشلنا ولكني احبكم

شكرا دكتور جون قرنق

أنت الوحيد الذي كان بمقدوره وقف هذا الفشل ولكنهم قتلوك

من موقع مفوضية الاستفتاء الموقرة

Quote: اشادت الولايات المتحدة الأمريكية بمفوضية إستفتاء جنوب السودان وأبدى المبعوث الأمريكي الخاص أسكوت غريشن سعادته بالإنجاز التاريخي والتنظيم الجيد الذي قامت به المفوضية لإجراء إستفتاء تقرير مصير جنوب السودان ونجاحها في الوقت المحدد في إجراء إستفتاء حر ونزيه . جاء ذلك لدى لقاء بروفيسور محمد إبراهيم خليل رئيس المفوضية بالمبعوث الامريكي غريشن . وقال غريشن أنا سعيد بهذا الإنجاز وجئت لأهنئ البروفيسور خليل و اعضاء المفوضية نيابة عن الولايات المتحدة الأمريكية بهذا الإنجاز التاريخي ، وأعرب عن أمله في ان تستمر العلاقات بين الشمال والجنوب في حالة اختيار الجنوبيين خيار الإنفصال.

***أمريكيا روسيا قد دنا عذابها علي ان لاقيتها ضرابها***

***الطاغية الأمريكان ليكم تسلحنا بي قول الله وقول الرسول ليكم تدربنا***


الكلام ده كل اتبلع وسلموهم الجنوب
الدور عليكم يا ناس دارفور
وهي لله هي لله

يا كونت يعني مافي اشراقة نجاح واحدة وسط طوفان الفشل دا؟!!
99 في المية من تمانية مليون آوت أوف أربعين مليون يعني قول حوالي خُمس الشعب للمرة الأولى في تاريخهم يختاروا بحرية وارادة كاملة
ويتحقق خيارهم , دا ما نجاح

شئ محزن والله يا كونت

لكن نقول " يابلدي كان قسموك إنقسمي بي مهله
مادام زمام أمـــــرك في قبضة الجهلــــه

Quote: شئ محزن والله يا كونت لكن نقول " يابلدي كان قسموك إنقسمي بي مهله مادام زمام أمـــــرك في قبضة الجهلــــه

الحبيب محمد صلاح تحياتي
كنت اظن ان أغلب السودانيين مخدرون باعلام الاسلامين ولن يفيقوا الا بصدمة كبيرة وهاي هي ام الصدمات وأكبر دلالات الفشل تهبط علينا ولكن لا بواكي على جنوبنا العزيز
ارجوا الا نكون قد متنا

Quote: يا كونت يعني مافي اشراقة نجاح واحدة وسط طوفان الفشل دا؟!! 99 في المية من تمانية مليون آوت أوف أربعين مليون يعني قول حوالي خُمس الشعب للمرة الأولى في تاريخهم يختاروا بحرية وارادة كاملة ويتحقق خيارهم , دا ما نجاح

ود البشرى كيفنك ياخوي
شفت ال 99% دي ياها الفشل زااااااااته بي زاته وما فيها أين نجاح
ياخ القرروا في الصناديق لي فصل الجنوب كلهم اربعة مليون وديل 10%من السودانيين شفت كيف يعني العشر يقسم والتسعة أعشار التانية تقبل بالقسمة
نحن شعب طيب بالجد ومن أفضل الشعوب ودي حقيقة لكن نخبنا كلها انتهازية ومجرمة
الاربعة مليون ديل ما اتقسموا عشان ال36 التانيين ما كويسين معاهم أبدا ديل اتقسموا عشان الحركة الشعبية ما رضيانة من المؤتمر الوطني وعشان المعارضة ما قدرت تغير المؤتمر الوطني وعشان الببقى وزير بياكل حق الخفير
احسبها صح
شوف قيادات المؤتمر الوطني كم
وقيادات الحركة الشعبية كم
والانتهازيين المبارينهم كم
وقيادات المعارضة كلها كم
وحتى النخب الممكن يكون عندها تأثير كم

كلهم ما بحصلوا مليون
ديل ياهم القسموا البلد
ديل ياهم الفاشلين يا ود البشرى