الوجه الآخر "الشاعري" للأستاذ الدكتور / محمود شعراني؛ سودان جديد .. ما من جديد

<font face="Simplified Arabic" size="4" color=blue>سودان جديد ..... ما من جديد... !!! د. محمود شعراني


الليل سواده كحل عيونك يا وطن ..
غوّر عليك جرح الزمن ..
خلي الجراح تنزف حزن ....
وانا عمري في زمن المحن ..
بهديه ليك من غير تمن ..
يمكن يضمد ليك جراح
او يبقي لي ألمك سكن ..
وأنا من زمن بشكو الضياع ..
والغربة في جوة الوطن ...
شفت العيون الطفلة تذبل من حزن ..
واللوعة في عيون الجياع محفورة في الخد والوجن
وما كنت في يوم بشتكي ..
ولا عشت في ليلك شجن ..
ما انت زي لمعة شعاع في ظلمة الليل والمحن ..

*******

زمن الضياع انت الدليل وما عندي في ريدك بديل ..
يكفيني من حبك قليل ..
ما انت بتعز الذليل..
ما انت في حزنك نبيل ..
ما انت في غضبك جميل ..
وما عندي غير ريدك سبيل ..
يا ايها الوطن القبيل قم وانتفض واكسر قيود المستحيل ...
لملم شعث ناسك بليل ..
وافلق صباح ليلا" حزينا مستطيل..
تسمو الشعوب بي وحدتك في سافلن واعالي نيل
حتعود وترجع بي جديد ( مش من جديد ) !
... زي القبيل !!!
.. ردد معاي نمشي ونجي ..
للواحد السودان ..
.. ولي الديان ..
ولي عزة خليل ..........
سوداننا واحدا ما بموت ولا يوم بفوت ..
الا اذا شاب الغراب ودا مستحيل ..
.. ودا مستحيل ..!

******
اولادك الغر ما نسوك..
ساعة الرجا وساعة عناك ..
ما كانوا هم عبداللطيف .. عبدالفضيل..
.. عبدالحفيظ .. و احمد فداك ..
ديل بي دماهم غسلوا الجرح ..
اللي نازف في حشاك ..
مين زيهم بحفظ ودادك ..
ويحمل الالام معاك ؟؟؟؟
مين بصبغ النيل بي دماه ..
عشان يشيل سيرة غناك ..؟
.. ما انت في كل العزاز الزانو بعيونهم ثراك ..
حقك علي لو جار زمن ..
او مرة محبوبك جفاك ....
الضيعوك ما عاشوا ريد ..
ولا شافوا في الاحلام رؤاك ..
والودروك ما بهمهم كان عشت او صابك هلاك..
ما زلت احام بيك واحد في المنام وقتين اراك ..
واسجع مع القمري الحزين..
. . لو مرة غني علي رباك..
واشفق عليك لو جار زمن ..
او مرة اتعكر صفاك ..
بغسل جراحك بي دماي ..
لو ضعت او سالت دماك .....
واتمني لو كنت الشفا او كنت ليك خاتم مناك ...

يناير 2011
</font>

يا ايها الوطن القبيل
قم وانتفض
واكسر قيود المستحيل ...
لملم شعث ناسك بليل ..
وافلق صباح ليلا" حزينا مستطيل..
تسمو الشعوب بي وحدتك في سافلن واعالي نيل
حتعود وترجع بي جديد ( مش من جديد ) ! ...
زي القبيل !!! ..
ردد معاي نمشي ونجي ..
للواحد السودان .. ..
ولي الديان ..
ولي عزة خليل ..........
سوداننا واحدا ما بموت
ولا يوم بفوت ..
الا اذا شاب الغراب
ودا مستحيل .. ..
ودا مستحيل ..!

تسلم يا أستاذ يا رائع ...

ما انت في كل العزاز الزانو بعيونهم ثراك ..
حقك علي لو جار زمن ..
او مرة محبوبك جفاك ....
الضيعوك ما عاشوا ريد ..
ولا شافوا في الاحلام رؤاك ..
والودروك ما بهمهم كان عشت او صابك هلاك..
ما زلت احلم بيك واحد في المنام وقتين اراك ..
واسجع مع القمري الحزين.. . .
لو مرة غني علي رباك..
واشفق عليك لو جار زمن ..
او مرة اتعكر صفاك ..
بغسل جراحك بي دماي ..
لو ضعت او سالت دماك .....
واتمني لو كنت الشفا ...
او كنت ليك خاتم مناك ...

تحية....جميل ان تتحفنا بباقات من اشعار رجل جميل ...مولانا محمود عبد الوهاب الشعراني...رجل القضاء الجالس سابقا...الواقف حاليا ...المعطون بحب المعاني...المتامل الفطن...الشاعر الرقيق....المهموم بقضايا الوطن وغمار الناس....

عرفته بواسطة صديقنا مولانا جعفر صالح في زمن وضئ....وامتد خيط الصلات قبل ان ينفض السامر ويتفرق الناس في ارض الله الواسعة... ولا اعلم اين هم الان...

مثل محمود يجب ان تضاء من اجله الشموع...لكن مواقفه الصادقة تضئ ايضا...

لك ولهم الاحترام

الشكر ليك أستاذ محمد الكامل على حضورك الرائع ..

وحقيقة الأستاذ محمود شعراني رجل يستحق هذه الكلمات الجميلة التي تفضلت بها ، ولحسن حظي فلقد تعرفت به قريباً عن قرب كنت أسمع عنه فقط ، ولكنني عندما تعرفت به وجلست معه ، تأكد لي بأنني تشرفت بمعرفة رجل ليس بالهين في كل النواحي ...

تحية عطرة لك ، وكل الود

لقد شرفني جداً الأستاذ محمود شعراني وخصني بقصيدة جميلة جداً قيلت في التسعينات وقبل توقيع إتفاقية السلام بين الحركة الشعبية والمؤتمر الوطني ، وكما علمت أن الأستاذ الفنان محمد وردي قد قام بتلحينها حينها وإذيعت من خلال إذاعة الحركة الشعبية في ذاك الوقت والتي كانت تبث من الأراضي الإثيوبية ، وكان الذي أدار الحوار مع الفنان وردي هو الأستاذ ياسر عرمان.
ولقد تليقيت هذه الرسالة عبر البريد الإلكتروني مع القصيدة ، ومعها ترجمتها بالإنجليزية بواسطة الدكتور إدريس البنا :

Quote: الاخ صديق تحياتي هذه هي الاغنية الوطنية التي غناها محمد وردي من اذاعة الحركة الشعبية قبل اتفاقيات السلام وقد اجري معه ياسر عرمان وقتها مقابلة بشانها وقد القاها وردي شعرا ثم غناها وما زلت احتفظ باشريط الا ان التسجيل مشوش بعض الشىء بسبب التسجيل من الاذاعة وياليت ناس الحركة يمدوننا بنسخة لان هذه الاغنية هي الان شعار للمركز السوداني لدراسات حقوق الانسان . لا مانع من نشرها بسودانيز اونلاين .. شعراني

* الدكتور الأستاذ محمود شعراني هو رئيس المركز السوداني لدراسات حقوق الإنسان المقارنة.
http://www.sudanhumanrights.com/

قصيدة : نسيج وحدك
شعر الدكتور: محمود شعراني/ لحن واداء الفنان محمد وردي
الترجمة الانجليزية : د. ادريس البنا
نسيج وحدك بلد طيب ..
مثال افريقي عرباني ..
وجيعك يا بلد شعبك ..
محلي وما هو براني ..
طريق شهداه نمشيه ..
ونعطره بالدم القاني ..
نسامح نحن في قدرة ..
ونناصر نحن للعاني..
عشان شمس الظلم تغرب
ويطلع لينا نور تاني
سلام ..حرية زي الفل
يشمها كل سوداني ..
ونحلم نحن بي سودان ..
يلم القاصي والداني ..
تعدد فيه حرية..
وتوجه كلو انساني ..

. *******

بنحلم ما بسلبية ..
نغني بكل حرية ..
تقول رايك ...
واقول رايّ ..
وندافع عن دا جمعية..
ولا ظالم يقود عسكر ..
و لا طغمة جهادية ..
تذل شعبا سمح شامخ ..
سليم القلب والنية..
ولكن لا والفين لا ..
لعسكر او حرامية ..
وفينا الخوفة ما بتخيل ..
ونحن عروبة زنجية ...
قلوبنا حديد..
عيوننا سواد
وما كذبة ومرائية ..
وزي ما قلنا في الغنيات ..
حنبنيها اشتراكية..
مثال ما شافتو الدنيا ..
لأنو معاها حرية ..
ولا ظالم يعود تاني

A unique Sudan
A Sudanese national song written by Dr> Mahmoud Shaarani
Translated by :Dr> Idris Elbana

THOU ART UNIQUE
ARAB EXAMPLE PAN AFRIQUE

YOUR CONCERN IT IS SO KNOWN
THE PEOPLE WHO BECAME YOUR OWN

DEFENDERS KNOWN TO GOOD FIGHTERS
HAVING NOT BEEN OUTSIDERS

AMARTYR,S ROAD
WE WALK IT HAVING SOAKED
OF BLOOD HIGHLY,
WITH ALL STRENGTH,
AND EVERY POWER WE FORGIVE,
TO AID TO BEREAVE,

TILL UNJUST SUN HIDE SIGHT,
TO GIVE WAY FOR NEW LIGHT,
FREE TO PLEASE;
FREEDOM THAT RESEMBLES ROSES..
AT GOOD PEACE SO ENJOYED ALL AT EASE,

BY EVERY BODY AND ALL SUDANESE,
DREAMING OF THE ONE SUDAN,
THE HOME OF OURS, AND THAT FOR MAN, DEMOCRATIC AS TO LOVE RIGHTS,
FREE HUMANE WITH OUTLOOK ABOVE HEIGHTS

##############

WE DREAM WELL POSITIVE
TO FOLLOW A NON-NEGATIVE,

AT LIBERTY WE SING :

YOU SAY YOUR VIEW, I SAY MINE
TO DEFEND OUR CAUSE..
THE UNJUST NOT TO USE..SOLDIERS,
WHO HAVE BEEN WELL DECIEVED,
AND HAD LEVIED TO JIHAD !!
TO HARM OR HURT OUR NATION,
THE GOOD HEARTED..LOVING SO GREAT,
WHO WOULD :SAY:
NO..A THOUSAND NO !
DOUBLED OR MORE TO SOLDIERS KNOWN:
THE THEIVES OF COUPS,
NEVER WE OR SEEN SCARED,
ARAB AFRIQUE,
BLACK EYED
OF HEARTS OF STEEL,
WE DON,T EVER CHEATAND AS SAID..
SONGS TO BEST DECORUM..
WE BUILD OUR HOME
INTO BEST SOCIALISM:
AN EXAMPLE NEVER BEEN SEEN,
BY THIS WORLD OF ABSOLUTE FREE LIBERTY..
THE UNJUST NOT TO CHEAT SOLDIERS,
WHO THEN HAD LEVIED TO JIHAD !!

بنحلم ما بسلبية ..
نغني بكل حرية ..
تقول رايك ...
واقول رايّ ..
وندافع عن دا جمعية..
ولا ظالم يقود عسكر ..
و لا طغمة جهادية ..
تذل شعبا سمح شامخ ..
سليم القلب والنية..
ولكن لا والفين لا ..
لعسكر او حرامية ..
وفينا الخوفة ما بتخيل ..
ونحن عروبة زنجية ...

نسيج وحدك بلد طيب ..
مثال افريقي عرباني ..
وجيعك يا بلد شعبك ..
محلي وما هو براني ..
طريق شهداه نمشيه ..
ونعطره بالدم القاني ..
نسامح نحن في قدرة ..
ونناصر نحن للعاني..
عشان شمس الظلم تغرب
ويطلع لينا نور تاني
سلام ..حرية زي الفل
يشمها كل سوداني ..
ونحلم نحن بي سودان ..
يلم القاصي والداني ..
تعدد فيه حرية..
وتوجه كلو انساني ..

Quote: كشف حساب د. محمود شعراني عشان ما نسمع الأخبار ونتنور... بتقطعوا مننا التيار ... وإنتو منورين والعين .... دياركم باقة بالأنوار .... قطعتوا الموية رويانين ... ونحنه حلقنا ولع نار ... ختفتوا اللقمة من أطفالنا ليل ونهار... خزنتو من الضرائب مال... وشلتو زكاتنا للتجار... مساكين الله ما شبعو... تشيلوا الصدقة للفجار؟ ومسئولين بيأكلوا الدنيا باسم الدين... ولما نثور يقولوا علينا ناس كفار!! قرارنا تقولوا حررتو... وليكم ما استقل قرار... سياساتكم مع الغربي ومثالكم (حسنى) ولى وطار نهب شعبو وأراد حربو وفارق سنة الأحرار قرارنا تقولوا حررتو وليكم ما استقل قرار وقلتو أكلنا من أيدنا... وزرعكم ما بغيظ كفار... شريتو دقيق طلع بايظ... ملان بالسوس والحجار... لبستو حرير طلع صيني... ومصنع خارج الأسوار... صرافاتكم مرابية وكتلتو اثنين عشان دولار لبستو الدين طلع ميني... وكشف لي عورة الأفكار... وانتو نصيركم الملا البشتم في صحابه كبار... وأريت كان حضره ناصر الدين على الكرار... وكان داواه بي رأيه وبالبتار... منو البشتم زى الفاروق وذى النورين وأبو الصديق أبو الأبرار... منو اليكذب ويقول مسلم وعايز يبقي للسودان... مدرس دين وملا من الملالي كبار!!؟ ونحن كمان وحاة الله وكان ما العنجهية حرام... نقول الدين دا سوداني وما بنجيبه مستورد... زى الركشة أو الكيماوي والدفار..!! نقول النكتة حزنانين... ونضحك من بلايا كتار... ونرقص زى صقر جديان مجرح جوه في الاغوار ... * ** *** *** **** أهلنا بقولوا ساعة الجد: حسابنا ولد.. وعند الله الحساب اثنين : حساب أنثي بيعقبه ولد حساب الدنيا كله نكد... ويوم الآخرة باب الرحمة قد ينسد... تفكر بس رهيفة الشعب مقدودة ... وتخينتك إنت ما بتنقد..!! حساب الدنيا عادنه وفارزنه... وحساب الآخرة ما بنعد... الله يقول محال اظلم... وإنتو طغيتو فتو الحد... ناس ماتت شبع والله... وناس أرماقها مابتنسد... الله مقدم اللقمة على عبادته... وما فيش غيره رازق حد... وإنتو تأخروا اللقمة... تشغلبوا في الكلام الجد!! ولما نثور نقول جعنا... تقولوا علينا كفار جد... وقال أبو ذر: تشيل سيفك إذا جعت... لأن الجوع أخو الكافر وهو المرتد!! يناير 2011م