Post: #1
Title: شيوعيون كبار فى الحكومة الجديدة
Author: محمد حامد جمعه
Date: 02-05-2011, 11:32 AM
اها خمو وصرو
|
Post: #2
Title: Re: شيوعيون كبار فى الحكومة الجديدة
Author: الصادق سلفاب
Date: 02-05-2011, 11:37 AM
Parent: #1
كبار قدر شنو؟
وبعدين كبار دي بتتقاس كيف بالكيلو ولا بالطن المتري؟
افيدونا افادكم الله
|
Post: #3
Title: Re: شيوعيون كبار فى الحكومة الجديدة
Author: بخاري عثمان الامين
Date: 02-05-2011, 12:03 PM
Parent: #2
جنابو
كبار يعني أعضاء من اللجنة المركزية ؟
أم
كبار في السن ؟
عموما الايام جاية ولكل مقام مقال ...
جعفر نميري بعد فشل حركة يوليو التصحيحية يحكي
انه قال : الشيوعيين قالوا انا برجوازي صغير ، وهسه بقول
لهم أنا برجوازي ايوه بس ما صغير برجوازي كبير ...
|
Post: #4
Title: Re: شيوعيون كبار فى الحكومة الجديدة
Author: محمد حامد جمعه
Date: 02-05-2011, 12:06 PM
Parent: #3
| Quote: أعضاء من اللجنة المركزية |
ومالها المركزية بتاعة الشيوعى ولا ناس المباحث ، عيبا لى
|
Post: #5
Title: Re: شيوعيون كبار فى الحكومة الجديدة
Author: Mustafa Mahmoud
Date: 02-05-2011, 12:08 PM
Parent: #4
يجب زجر و مقاطعة هؤلاء الامنجية و ازيال الكيزان اقل ما نفعله هنا لنصرة الانتفاضة
يجب زجر و مقاطعة هؤلاء الامنجية و ازيال الكيزان اقل ما نفعله هنا لنصرة الانتفاضة
يجب زجر و مقاطعة هؤلاء الامنجية و ازيال الكيزان اقل ما نفعله هنا لنصرة الانتفاضة
يجب زجر و مقاطعة هؤلاء الامنجية و ازيال الكيزان اقل ما نفعله هنا لنصرة الانتفاضة
|
Post: #6
Title: Re: شيوعيون كبار فى الحكومة الجديدة
Author: Deng
Date: 02-05-2011, 12:13 PM
Parent: #4
محمد حامد جمعة.
أوع الخبر ده برضو يكون من جاكاتك.
|
Post: #7
Title: Re: شيوعيون كبار فى الحكومة الجديدة
Author: بدر الدين اسحاق احمد
Date: 02-05-2011, 12:29 PM
Parent: #6
| Quote: شيوعيون كبار فى الحكومة الجديدة |
الشيوعيين لسـأن حالهم الحبيب الصادق براهــو ..
الشيوعيين فى المنبر دا ربنـا يسلمهم من الجلطــات
والذبحات ..
وبالعدم ( بتكون توفرت شروط قيام الحزب الجديد )
|
Post: #8
Title: Re: شيوعيون كبار فى الحكومة الجديدة
Author: سيف النصر محي الدين محمد أحمد
Date: 02-05-2011, 02:06 PM
Parent: #7
خدر و عصام جبرالله فيهم؟
|
Post: #9
Title: Re: شيوعيون كبار فى الحكومة الجديدة
Author: BAKTASH
Date: 02-05-2011, 02:09 PM
Parent: #8
خدر و عصام جبرالله فيهم؟
لا أعتقد ذلك !! الراجح وجود أبوساندرا بحكم عامل السن ..
|
Post: #10
Title: Re: شيوعيون كبار فى الحكومة الجديدة
Author: Kostawi
Date: 02-05-2011, 02:10 PM
Parent: #9
مبروك
و بالمرة أدوا الترابي وزارة الشباب و الرياضة
و مولانا وزارة البلح
و نقد وزارة العمال
و بعد داك نوعدكم ب 20 سنة أخرى
أيه رأيك في العرض دا?
|
Post: #11
Title: Re: شيوعيون كبار فى الحكومة الجديدة
Author: سيف النصر محي الدين محمد أحمد
Date: 02-05-2011, 02:12 PM
Parent: #8
و الشباب المعتقلين ، مافيهم واحد اتذكرو بمنصب ؟
|
Post: #12
Title: Re: شيوعيون كبار فى الحكومة الجديدة
Author: يوسف السماني يوسف
Date: 02-05-2011, 02:32 PM
Parent: #8
الاخ محمد حامد
سلام
هل تختزل قضايا السودان في تعيين اشخاص في حكومتكم ابهذة العقلية تديرون الشعب السوداني .
هل مشاكل السودان تتمثل في ايجاد وظائف لقيادات الاحزاب .؟
الجنوب ينفصل تفرحون .
حرب دافور دائرة منها تكنزون الذهب والفضة وبها تتاجرون .
العنصرية والقبلية تسري في جسد الوطن وانتم الفاعلون .
واطفال المايقوما في العربية وفضائيات العالم عن ابائهم يبحثون.
الفساد بزكم الانوف واطفال الشرق يموتوت .
بتعيين قادة الافراح انتم فرحون .
لكن يامحمد ماذا يكون ردك اذا وقفت بين يدي ربك وسالك لماذا باسم الاسلام تقتلوا وتعذبوا وتسرقوا فماذا يكون ردك حينها لاينقعك عمر اوعلي .
|
Post: #13
Title: Re: شيوعيون كبار فى الحكومة الجديدة
Author: Kostawi
Date: 02-05-2011, 02:34 PM
Parent: #12
غير الصادق ما بنصادق
أبلع إذا
|
Post: #14
Title: Re: شيوعيون كبار فى الحكومة الجديدة
Author: عزام حسن فرح
Date: 02-05-2011, 02:51 PM
Parent: #12
إنتو مُسْتغْرِبين ولا شنو؟! كُل الأحزاب مُشاركة بِشكل أو آخر في حكومة "الإنقاذ" كُلها بلا إسْتِثناء.. والصادِق المهدي -بِالذات- لو هسِع ما مُشارِك، كان مُتَوالي مع الإنقاذ، وحيشارِك لو السِعر بس مُناسِب، زي ما عمل في بورسودان 1977م خلا ناس المُعارضة في لندن وجا صالح نميري ودخل الإتِحاد الإشْتِراكي، وده العملو محمد عُثمان الميرغني.
كتبت فيما سبق:
Quote: بِتأييد مُحمد عُثمان الميرغني لِقوانين سبتمبِر التي جاء بِها الأمام المُلهم نميري [... أبرق السَيِد أحمد الميرغني، عضو المكتب السياسي لِلإتِحاد الإشتِراكي السوداني لِنميري يقول: كلفني السَيِد مُحمد عُثمان الميرغني بِمُناسبة إصدار سيادتِكُم لِلقوانين الإسلامِية، والتي وضعت الشريعة السمحاء مَوضِع التنفيذ الفِعلي في بلدِنا الحبيب، أن أنقُل لِسِيادتِكُم التأييد الكامِل والمُطلق لِكُل هذِهِ الخطوات الإسلامِية العظيمة والتي هي بِكُل المقاييس مِن الإنجازات العظيمة ...](1) لا تُذم الديمُقراطِية [بِتأييد الصادِق المهدي في خُطبة عيد الأضحى في سبتمبِر 1983م](2) لا تُذم الديمُقراطِية بِوصف التُرابي لِنِميري بِأنهُ [مُجدِد المائة] الذين قال الحديث عنهُم (سيقوم على رأس كُل مائة عام مَن يُجدِد لِلأُمة دينُها)(3)
كذلِك الديمُقراطِية لا تَذم بِإنتِكاس مؤيِديها ، مِثل تسليم عبدالله خليل مقاليد السُلطة الديمُقراطِية إلى الجَيش (الفريق إبراهيم عبود 1957م) وكانت حِجة عبدالله خليل [أن البلد لَيس مُستعِداً بعد لِتجرُبة الديمُقراطِية] كذلِك الديمُقراطِية لا تَذم بِإنتِكاس مؤيِديها ، كإشتِراك التُرابي مع البشير بِإنقِلاب عام (1989م) على الديمُقراطِية |
دائِرة الخُذلان الإحنا عايشين فوقا والكانت مِن قبل إسْتِقلال السودان، وسوو ها الخُذلان البِيوتات الكبيرة (المهدي/الميرغني/الهندي) مع حركة اللِواء الأبَيض مُرورًا بِعبود ونميري والبشير، ما غريبة على الصادِق المهدي ومحمد عثُمان الميرغني إنهُم يِخْذِلو الشعب، والبِتخلِع، غشيم. والراجي خير منهُم غشيم، والما شايِف غيرُمْ غشيم.
ــــــــــــــــ
ما بَين القَوسان المعقوفان مِن المصدر: (1)+(2)+(3) صفحة 355 – 357 [السودان أهوال الحرب-وطموحات السلام-قِصة بلدَين] الدكتور/ منصور خالِد
|
Post: #15
Title: Re: شيوعيون كبار فى الحكومة الجديدة
Author: esam gabralla
Date: 02-05-2011, 02:59 PM
Parent: #14
| Quote: خدر و عصام جبرالله فيهم؟ |
يا سيف النصر قمنا على النجيهة و الحساده؟ خلوها تنجض ما تكجوها علينا من البدايه, يا م.ح.ج كدى حددو كبير دى يعنى شنو, كان كبر عمر مبروكه على خدر , كان كبر كيبورد ياها حقتى و كمان بجيب ليكم البنات اخواتى معاى ... و عندى كم زول تانى .... بس اعصروا كويس يا م.ح.ج.
في كم زول كده لو دخلتوهم معاكم عدييييل يكون احسن من لعب الورقتين ده ...
بالمناسبة يا محج باعتبارك حريف و مقامك اعلا شويه ياخى كلم ولدكم الحرامى ود اسحق ده يظبط شغلو كويس و لما يقبضوهو بالثابته يكون حريف زيك و يعمل حركات اعتذارات و جاكات زى بتاعتك ديك ... كويس؟
|
Post: #16
Title: Re: شيوعيون كبار فى الحكومة الجديدة
Author: دينا خالد
Date: 02-05-2011, 03:20 PM
Parent: #15
طيب ياخ ما تمرقوا (الصغار) ديل
من الاعتقال والتعذيب !!
قالوا عشان خاطر عين تكرم الف عين
ناهيك عن انها عيون كباااار ..
الماشى كلو قشة ما تعتر لييه
ويا قول المغنى افرزوا لينا ديل من ديلا ..
انت قايل المشاركة دى الا بالوزارات ؟
هناك مشاركو انكأ وافدح وهى المشاركة بالصمت
والاكتفاء بالمعاينه بالعين ..
وعدم القدره على (رد الفعل) المساوىء للفعل فى القوة
والمضاد له فى الاتجاه ..
و(الحكومة الجديدة) القديمة ..
لن تسمن ولن تغنى من جوع ..
حتى لو شارك حزب الشيطان ..
ــــــــــــــــــ
انت يا محمد قايل المشكلة
عند الشيوعيين فى الكبار ؟؟
ابددددددددا المشكلة والسم القدر غداكم
فى السغاااار ديل ..
|
Post: #17
Title: Re: شيوعيون كبار فى الحكومة الجديدة
Author: esam gabralla
Date: 02-05-2011, 03:35 PM
Parent: #16
يا سلام يا دينا ... كلميهو تانى , هم عارفين بالمناسبه عشان كده بيعتقلو في السغار و عاملين ببوظو في اعصابهم بالكبار ...
يا محج : حبوبتى الحرم كانت بتقول كبير الله و سيدى الحسن
و قيل: كبير الجمل .. أو الجبل
و اقول ليك : مافي كبير ... و تشوف
ويوم السغار ديل يكونو في موقع القرار و الفعل ابقو انكربو ... و ما بعيد
------------------------------
دينا اتمنى تكونى حشرتينا زورآ و بهتانآ في زمرة السغار
|
Post: #18
Title: Re: شيوعيون كبار فى الحكومة الجديدة
Author: على محمد على بشير
Date: 02-05-2011, 03:43 PM
Parent: #17
| Quote: ياخى كلم ولدكم الحرامى ود اسحق ده يظبط شغلو كويس و لما يقبضوهو بالثابته يكون حريف زيك و يعمل حركات اعتذارات و جاكات زى بتاعتك ديك ... كويس؟ |
ود جبر الله دا لعبو بقى كلو فاولات ..
طوالى بقى يجى ناطى جوز
كدى روق خلينا نفهم الكنته شنو يا عصام !! ؟
المايك معاك يا ود جمعه
|
Post: #19
Title: Re: شيوعيون كبار فى الحكومة الجديدة
Author: د.نجاة محمود
Date: 02-05-2011, 04:59 PM
Parent: #18
غياتو لو عينو هنادي الفضل
انا من دربي دا لمفوضية اللاجئين
نشوف لينا لجوء ونشوف الجواز وكدا..
عشان القى حماية من حكومتي لو جيت اشوف امي..
|
Post: #21
Title: Re: شيوعيون كبار فى الحكومة الجديدة
Author: محمد حامد جمعه
Date: 02-05-2011, 06:24 PM
Parent: #20
الزملاء الرفاق ، كعادتهم يكابرون ( قبل سنوات حينما قلت هنا فى بوست - عاجل - ان الفريق قوش زار نقد فى مخبئه كذبونا حتى اتينا بعدها بنصف ساعة بالصورة قطع اخضر )
هسة تانى بقول لكم ( يلا اسمعو وصفقوا او لا تصفقوا كلكم ) فى قيادات مسئولة وذات صيت ووزن خاشة الحكومة ( بموافقة الحزب او بعدمه دى تانى بتبقى متل حكاية علم الحزب بتحرك هاشم العطا )
|
Post: #34
Title: Re: شيوعيون كبار فى الحكومة الجديدة
Author: محمد الكامل عبد الحليم
Date: 02-06-2011, 04:53 AM
Parent: #21
تحية....هل تقصد ان القوي السياسية جري الحوار معها علي حكومة القاعدة العريضة ومن ثم تمخض عن ذلك اختيار من ذكرت؟
وماهو برنامج القاعدة العريضة والقضايا محل الاتفاق؟
ام ان هناك شخوص منتقاة مسبقا للدخول في عالم الاستوزار.
ام ان الدعوة الي القاعدة العريضة جري الاستعاضة عنها بشخوص اولهم من ذكرت
ام ان الامر لا يعدو غير التخمين في سبيل الوقوف علي مواقف الاحزاب الاخري
اسئلة بريئة...
|
Post: #22
Title: Re: شيوعيون كبار فى الحكومة الجديدة
Author: محمد حامد جمعه
Date: 02-05-2011, 06:25 PM
Parent: #20
حذف للتكرار ...عفوا
|
Post: #23
Title: Re: شيوعيون كبار فى الحكومة الجديدة
Author: حمد عبد الغفار عمر
Date: 02-05-2011, 06:38 PM
Parent: #22
الاخ محمد حامد
سلام
أها بتعدلوا الدستور الإسلامي دا وتلغوا الشريعةالاسلامية
ولا بتعملوا كيف مع وزراء الشيوعيين الكفار ديل؟
شغلانيتكم بقت جايطة خلاص
|
Post: #24
Title: Re: شيوعيون كبار فى الحكومة الجديدة
Author: jini
Date: 02-05-2011, 06:44 PM
Parent: #23
| Quote: شيوعيون كبار فى الحكومة الجديدة |
كشحتوا الدين!
عفيت منك يا البوعزيزى!
اكل العيش مر!
جنى
|
Post: #25
Title: Re: شيوعيون كبار فى الحكومة الجديدة
Author: محمد حامد جمعه
Date: 02-05-2011, 06:45 PM
Parent: #23
Quote: أها بتعدلوا الدستور الإسلامي دا وتلغوا الشريعةالاسلامية
|
الوطنى يسع الجميع ، وما بنلغى الشريعة
|
Post: #26
Title: Re: شيوعيون كبار فى الحكومة الجديدة
Author: BAKTASH
Date: 02-05-2011, 06:57 PM
Parent: #25
| Quote: الوطنى يسع الجميع ، وما بنلغى الشريعة |
ولِمَ ضاَق بشيخكم !!
ـــــــــ
كضَـــــــــــــــــــــــــــــابـاً جـــنس كـضب ..
|
Post: #27
Title: Re: شيوعيون كبار فى الحكومة الجديدة
Author: على ميرغني
Date: 02-05-2011, 07:01 PM
Parent: #25
الاخ محمد حامد وضيوفه الكرام .. تحيات كوم
| Quote: فى قيادات مسئولة وذات صيت ووزن خاشة الحكومة |
سؤال عاجل.. اجابتو بتهمنا نحن السودانيين الماعندنا حزب الا السودان والاسلام ديل...
أأهتدوا هم ولا انسختو انتو
|
Post: #28
Title: Re: شيوعيون كبار فى الحكومة الجديدة
Author: Nasr
Date: 02-05-2011, 07:58 PM
Parent: #27
الزنقة وصلتكم محطة تدخلو الشيوعين فى الحكومة????
وكمان بعد إعلانكم تطبيق الشريعة ... تانى !!
وبعد تعذيبهم .... تانى !!
دى زنقة ###### فى مايرنو
|
Post: #29
Title: Re: شيوعيون كبار فى الحكومة الجديدة
Author: دينا خالد
Date: 02-05-2011, 08:09 PM
Parent: #27
على مرغنى ما تحكها شديييد كدا !
لوووووووب خليها
( اهتديتو انتو ولا اتسختوا هم !)
عارف يا عصام اوول تعليق جا فى خاطرى
من العنوان انو ادخل البوست اسال
كبااااار قدر شنو كده يعنى ؟
قدر عصام جبرالله ولا اصغر شوية ؟
اها لما دخلت لقيتك سبقتنى ,,,
طلعتوا عندكم شجر كوبار واخر سوغار.؟
ــــــــــــــــــ
يعنى الكبار ديل لما يموتو ما يضوقوا ليهم
حكومة ؟؟ احذروا تكتيكات الشيوعين ، منها والقبر !
|
Post: #30
Title: Re: شيوعيون كبار فى الحكومة الجديدة
Author: محمد أبوالعزائم أبوالريش
Date: 02-05-2011, 08:47 PM
Parent: #29
والشيوعيين ديل ..... حيدوا الحكومة شرعية؟ واللا الفهم شنو؟
|
Post: #31
Title: Re: شيوعيون كبار فى الحكومة الجديدة
Author: الخير محمد عوض
Date: 02-05-2011, 09:56 PM
Parent: #30
سلام يا جمعة
غايتو انا مقتنع بحقيقة واحدة انو الكبار ديل سوى كانوا شيوعيين وللا منتميين
لاي اي تنظييم هم اساسا مؤتمر وطني واحسن عديل ينعصروا عليكم عشان كيمان الناس
تتفرز. صمتهم الطويل هو ما جعلهم مؤتمر وطني في نظري. اوهكذا اظن.
شبه البجع للبجع او كما قال مولانا كوستاوي
|
Post: #32
Title: Re: شيوعيون كبار فى الحكومة الجديدة
Author: Tragie Mustafa
Date: 02-05-2011, 11:46 PM
Parent: #31
Quote:
سلام يا جمعة
غايتو انا مقتنع بحقيقة واحدة انو الكبار ديل سوى كانوا شيوعيين وللا منتميين
لاي اي تنظييم هم اساسا مؤتمر وطني واحسن عديل ينعصروا عليكم عشان كيمان الناس
تتفرز. صمتهم الطويل هو ما جعلهم مؤتمر وطني في نظري. اوهكذا اظن.
شبه البجع للبجع او كما قال مولانا كوستاوي |
|
Post: #33
Title: Re: شيوعيون كبار فى الحكومة الجديدة
Author: ايمان بدر الدين
Date: 02-06-2011, 00:28 AM
Parent: #32
Quote: و نقد وزارة العمال
|
يعنى يا كستاوى بعد نضال نقد التحت الارض بالسنوات داك كلة يعرضوا علية وزارة العمال بس !!!
|
Post: #35
Title: Re: شيوعيون كبار فى الحكومة الجديدة
Author: Nasr
Date: 02-08-2011, 01:28 AM
Parent: #33
up
|
Post: #36
Title: Re: شيوعيون كبار فى الحكومة الجديدة
Author: محمد أحمد الريح
Date: 02-08-2011, 04:01 AM
Parent: #35
((قتل الخرّاصون))
صدق الله العظيم
|
Post: #37
Title: Re: شيوعيون كبار فى الحكومة الجديدة
Author: بدر الدين اسحاق احمد
Date: 02-08-2011, 05:18 AM
Parent: #36
| Quote: بعد نضال نقد التحت الارض بالسنوات داك كلة يعرضوا علية وزارة العمال بس !!! |
كدا ورينــي عيب الوزارة دا شنو !!!
ما اكبر وزارة واى حزب شيوعـى حقيقى لا يتمنى الا هذه الوزارة
|
Post: #38
Title: Re: شيوعيون كبار فى الحكومة الجديدة
Author: أمير فتحي
Date: 02-08-2011, 06:51 AM
Parent: #37
دخول الشيوعيين دواوين الحكومه حتماً سيؤدي الى إزالة التغبيش الذي إعترى الوعي داخل تلك الدواوين
...
وبعدين المشكله شنو يعني يدخلوا الكبار (كوزراء) والصغار مدراء مكاتب ووزراء مستقبل...
ياأيها الشيوعيين في هذا المنبر ...أدخلو عليهم الباب ربما (تصلحووون) بدلاً عن (تفلعون) وفي كل الحالات تكونو في الحاله (تجربون)
|
Post: #39
Title: Re: شيوعيون كبار فى الحكومة الجديدة
Author: حماد الطاهر عبدالله
Date: 02-08-2011, 08:47 AM
Parent: #38
الأخ/ محمد
تحياتي
| Quote: شيوعيون كبار فى الحكومة الجديدة |
السؤال المهم:
هل إهتدى الشيوعيون وآمنوا بالله ربا وبالإسلام ديناو بمحمد ( صلى الله عليه وسلم) نبيا رسولا أم
إرتدالمؤتمر الوطني عن ذلك؟؟؟؟؟
والسؤال الآخر
الشيوعيون والحكومة الجديدة والزخم دا كلوا وعلاقته بموضوع دارفور ؟ حل ووحدة، أم حرب وإنفصال؟؟؟
|
|