تقرأ غداً

على صحيفة السوداني

هكذا تحدث ثوار الريموت كنترول: يا شعب حتى آخر قطرة دم لديك
_________________________________________________________________________________________
في يوم 17 ابريل 1916 م أبلغ السيد جيمس كونوللي السكرتير العام لإتحاد عمال النقل والعمال العموميين الإيرلندي مجموعة المتطوعين القليلة التي كانت معه، والتي كانت النواة للجيش المدني الإيرلندي (الذي سيعرف لاحقاً باسم الجيش الجمهوري الإيرلندي) بمصيرهم المحتوم قائلاً " إننا ذاهبون لنُذبَح"! كانت المجموعة المناضلة الصغيرة العدد، والتي خلدت أسماء أفرادها في ذاكرة الشعب الإيرلندي، تستعد للدخول في أول مواجهة، بأنحاء العاصمة دبلن، مع ما كان يعرف باسم الإمبريالية البريطانية. لم يشأ كونوللي ورفاقه من القادة الكبار حرق آخرين من الشباب أو الطلاب، ولكنهم اختاروا وضع النموذج الأسمى وتقديم أنفسهم قرباناً للثورة القادمة.
حين قال كونوللي عبارته المشار إليها والتي صارت مثلاً في كتاب الثورة العالمي، سأله زميله وليام أوبراين " هل هناك أدنى فرصة للنجاح؟" فما كان من كونوللي إلا أن ردّ بحسم " لا، البتة".
كان الثائر العظيم صادقاً فبعد حوالي ثلاثة أسابيع كان هو الأخير الذي أعدم بواسطة السلطات عقاباً له على مشاركته في الإنتفاضة. في 12 مايو 1916 / كان كونوللي مصاباً بجراح كثيرة ومرهقاً لدرجة أنه لم يقو على الوقوف أو الجلوس، فتم توثيقه على كرسي وهو شبه جثة، ثم أطلق فريق الإعدام النار على الوجه والصدر منه.
لم يهتم أحد بمعرفة اسماء القتلة لكننا ما زلنا نذكر هؤلاء الثوار، ونتعلم منهم أن الضحية يمكن أن ينتصر إذا كانت له إرادة كونوللي ورفاقه وعزمهم.

هذه القصة تصلح للجميع لكنها بشكل خاص تصلح لتأمل حفنة من الأشخاص ، يقيمون في أوروبا وأمريكا ويظنون إذ هم يوثقون حبائل حواسيبهم بلوحات المفاتيح، أن لوحات المفاتيح هذه هي مفاتيح للتحكم عن بعد في مواطنين قاموا باختيارهم كوقود لثورتهم في الخرطوم. لن تتم الإشارة على الإطلاق لأسماء هؤلاء المناضلين الإفتراضيين لأنهم ببساطة لا أسماء لهم ولأنهم أرادوا إخفاء أجسادهم في منازل ذات تدفئة جيدة، وإرسال كلماتهم لتحترق في الخرطوم نضالاً من أجل إسقاط النظام الحاكم، لذا سيكون الحديث هنا عن بعض كلماتهم فقط.

والله لي زمن ما قريت لي صحفيي الغفله المالين صحف الخرطوم













والله لو كونوللي عارف انو حيستغلو تاريخو

عشان يعطلو الثورات ويحبطو الثوار

ما كان خلي وراهو تاريخ يتكتب




..............

سلام يا عاطف ،

Quote: والله لي زمن ما قريت لي صحفيي الغفله المالين صحف الخرطوم

محمد عثمان إبراهيم ما صحفي غفله و لا ما ممكن يكون صحفي غفله ، و ما عشان واقف في موقف مخالف لموقفك يبقي طوالي صحفي غفله !!!


-----------
يا محمد عثماننا الذي نحب ، مالي أراك علي الضفه الأخري هذه المره ؟!!
حا أستناك لحدي ما تخلص مقالك و عندي معاك نقاش طويل و عريض في هذا الموضوع .

Quote: محمد عثمان إبراهيم ما صحفي غفله و لا ما ممكن يكون صحفي غفله ، و ما عشان واقف في موقف مخالف لموقفك يبقي طوالي صحفي غفله !!!

لا فض فوك يا أمين . .
لولاه، والبطل ، وفتحي الضو، وسيف الدولة حمدنالله عبدالقادر، وآخرون يحصون علي أصابع اليد، لفارقنا الصحافة السودانية فراق غير وامق . .
تختلف معهم أحيانا ولكن لا تملك إلا أن تسلم ب:
جمال وبداعة الأسلوب
غزارة السند المعرفي والتاريخي الذي بين في كتاباتهم
المقدرة علي التحليل وربط الوقائع والأحداث

يا عاطف عبدون سلام
محمد عثماننا هذا هو من خيرة الذين يكتبون اليوم في الصحف السودانية. نعم نختلف معه في ما كتبه ليقرأ غداً، ولكن هذا الإختلاف لا يجعل منه كاتب غفلة كما وصفته مجاناً، أقرأ له غير هذا الكتاب الذي بين أيدينا وأحكم عليه..
___
محمد عثماننا الذي باستراليا البعيدة، مالك يا صاحب وكيف تحكم؟ أنت ببلاد أبعّد من أوروبا وأمريكا، وتكتب ليقرأك نفس القاريء الذي يكتبون له مناضلي الكيبورد بأمريكا وأوروبا. كتبت أنت من استراليا البعيدة عن الفساد والمفسدين، وكتب ويكتب غيرك عن ذات النظام الفاسد ويحثون الناس على الثورة عليه، فما الذي يجعلك تختلف عنهم؟ هل لنا أن نقول لك بالمثل أن أحمل قلمك يا محمد وأكتب من داخل السودان؟ هذا الخطاب تعودناه من أنصار النظام، فنربأ بك منه يا محمد، فكن محمد عثماننا ولا تكن محمد عثمانهم..

Quote: والله لي زمن ما قريت لي صحفيي الغفله المالين صحف الخرطوم

ما اسهل اطلاق الألقاب المجانية بهذا المنبر

كما أشار من سبقوني: محمد عثمان ليس بصحافي غفلة، وحتى لو اختلفنا معه لا يمكننا أن ننكر أنه من أفضل كتاب الأعمدة الحاليين أسلوباً ومهنية
أغلب الظن أن محمد عثمان كتب مقاله هذا تحت تأثير الملاسنات الإسفيرية الأخيرة

الأخ محمد عثمان إبراهيم

Quote: هذه القصة تصلح للجميع لكنها بشكل خاص تصلح لتأمل حفنة من الأشخاص ، يقيمون في أوروبا وأمريكا ويظنون إذ هم يوثقون حبائل حواسيبهم بلوحات المفاتيح، أن لوحات المفاتيح هذه هي مفاتيح للتحكم عن بعد في مواطنين قاموا باختيارهم كوقود لثورتهم في الخرطوم. لن تتم الإشارة على الإطلاق لأسماء هؤلاء المناضلين الإفتراضيين لأنهم ببساطة لا أسماء لهم ولأنهم أرادوا إخفاء أجسادهم في منازل ذات تدفئة جيدة، وإرسال كلماتهم لتحترق في الخرطوم نضالاً من أجل إسقاط النظام الحاكم، لذا سيكون الحديث هنا عن بعض كلماتهم فقط.

هذا ما ظللنا نؤكد عليه أن يعطوا الريادة للتخطيط والتجهيز والتدبير والنضال لمن هم في الوطن وأن لا يملوا عليهم منهاج ثورتهم إن هم عرفوا ساعة الثورة ولحظتها

بل البعض تجرأ وجعل من مناضلي الكيبوردات في مقام "أشرف" نعم هكذا "أشرف" ممن هم في الوطن يخوضون المعركة في الميدان

معارضو الكيبوردات وكما قيل أنّ لبعضهم تاريخ نضالي يرون أنفسهم أحق بالنضال وعلى أهل الداخل السماع لتنظيراتهم وتدبيرهم لأمور ومجريات المحكمة حتى الشعارات تصاغ وتسوّق كيبوردياً

وقد بلغ الإستخفاف بعقول وإرادة وفكر وحكمة من بالداخل مبلغاً ححتى صار معارضوالكيبوردات هم الناطقين الرسميين بمجرى العمليات في الداخل وكم عدد من اعتقل وكم عدد من استشهد ساحبين البساط من تحت من هم أدرى وأعلم بمثل هذه المعطيات

تحياتي كمال

يا عاطف عابدون .. بإمكانك ان تقول لمحمد عثمان ابراهيم انك تخالفه الرأى ولاتتفق مع تحليله وان المعارضة الخارجية لا تدير الجماهير فى الداخل بالريموت كونترول وتطرح حججك كما يطرح هو حججه لو ان عندك القدرة على ذلك. أما المسارعة الى اساليب البلطجة والابتزاز والتصينيفات المطلقة وادعاء البطولات والعنتريات عن طريق الاساءة للآخرين وقيادة المظاهرات الاسفيرية لتجريس من تختلفون معهم فقد انتهى زمنه. محمد عثماننا كما يسمونه فى سودانفورال كاتب له قدرات فذة وملكات فريدة شئت ام لم تشأ لم يكتب الله لك ولا عشر معشارها فأعرف حدك والزمه. وهناك آلاف مؤلفة فى السودان تنتظر مقاله فى صحيفة السودانى كل خميس بفارغ الصبر. ولعلمك أدروبنا محمد عثمان ابراهيم هو كاتب المقال الشهير قبل اسبوعين الذى هز جهاز الامن وهز الخرطوم كلها بعد اعتقال محررى صحيفة صوت برؤوت فى بورتسودان نقلهم لمعتقلات الامن فى الخرطوم، وهو الكاتب الوحيد الذى تحدى السلطة وطالب بالافراج عنهم. فبالله ما تفرض نفسك وصى على قضية السودان والسودانيين. السودان ده ما حق ابوك. السودان حقنا كلنا. ليس هناك قانون فى هذا المنبر يقول ان جميع من يكتبون يجب ان يؤيدوا كل ما تقوله وتفعله انت او جماعة معينة من الناس والا تعرضوا للبطش المعنوى الذى اراك تريد ان ترفع سيفه. الناس احرار يتخذون لانفسهم من المواقف ما يشاؤون فاتركوا الافتراء والوصاية وادعاءات النضال الاجوف ...

قال صحفى الغفلة قال .. وانت صحفى شنو؟ عمارك شنو فى الدنيا غير الادعاء والاساءة والابتزاز والبلطجة ..

محمدعثمان ابراهيم..
نجم الصحافة السودانية الشاب..

الف تحية يا اخى العزيز

احنافى الانتظار..

Quote: والله لي زمن ما قريت لي صحفيي الغفله المالين صحف الخرطوم والله لو كونوللي عارف انو حيستغلو تاريخو عشان يعطلو الثورات ويحبطو الثوار ما كان خلي وراهو تاريخ يتكتب

جزى الله الشدائد وعاطف كل خير فقد صار واضحاً الآن –على الأقل في هذا المنبر- من يقف معي ومن يخاصمني دون خصومة.
يا عاطف كلُ ميّسر لما خلق والحاجات الما بتعرفها أحسن ما تتكلم فيها.. نصيحة مخلصة مني.
الإخوان الذين طوقوني بعباراتهم المشجعة
أنا فخور بكم وممتن لكم جميعاً، وأرجو أن أكون عند حسن الظن بي. سأتفق معكم كثيراً إن شاء الله وسأختلف معكم، لكنني سأكون على الدوام مخلصاً لضميري ومجتهداً للحصول على أكبر قدر من المعلومات خدمة للحقيقة ومن صحافة محترمة ونزيهة.
مع مودتي

الإخوان الكرام اعذروني على الرد في مداخلة واحدة مفرقة حتى أتفادى شحن البوست بالمداخلات الكثيرة.

Quote: يا محمد عثماننا الذي نحب ، مالي أراك علي الضفه الأخري هذه المره ؟!! حا أستناك لحدي ما تخلص مقالك و عندي معاك نقاش طويل و عريض في هذا الموضوع .

يا أمين يشهد الله نفس الخاطرة خطرت علي حين قرأت كتاباتك الأخيرة. لا يمكن للمرء تجاهل رأي توافق عليه أنت إذ لا بد أن له حيثيات ومصداقية. سيسرني الحوار معك طبعاً.
بالمناسبة في كل مرة أقتنع أن الحكومة الحالية أكثر ديمقراطية من المعارضة الحالية لأن الحكومة الحالية تحتمل نقدي الشديد لها واللاذع. في كثير من الأحيان ودعني أقول في أغلبها يكتب إلى نفر كثير من أنصارها مؤيدين لبعض ما أكتب آملين أن يكون في حديثي ما يقود إلى الصلاح.
المعارضة دكتاتورية بشعة، ودعني أقول لك لماذا؟ إذا لم تكتب مؤيداً لها إتهمتك بتجاهل قضايا الساعة وتجاهل الشعب وإذا كتبت عنها بما تراه هاجمتك بعنف وضراروة. لكن من نعم الله أن المعارضة الإلكترونية الحالية عاجزة وتدق عنقها كل يوم عشرات المرات.. لا علينا

Quote: جمال وبداعة الأسلوب غزارة السند المعرفي والتاريخي الذي بين في كتاباتهم المقدرة علي التحليل وربط الوقائع والأحداث

يا عزان شكراً لحسن ظنك يا أخي. آمل أن أستحق المقام الذي منحتني إياه.

Quote: محمد عثماننا الذي باستراليا البعيدة، مالك يا صاحب وكيف تحكم؟ أنت ببلاد أبعّد من أوروبا وأمريكا، وتكتب ليقرأك نفس القاريء الذي يكتبون له مناضلي الكيبورد بأمريكا وأوروبا. كتبت أنت من استراليا البعيدة عن الفساد والمفسدين، وكتب ويكتب غيرك عن ذات النظام الفاسد ويحثون الناس على الثورة عليه، فما الذي يجعلك تختلف عنهم؟ هل لنا أن نقول لك بالمثل أن أحمل قلمك يا محمد وأكتب من داخل السودان؟ هذا الخطاب تعودناه من أنصار النظام، فنربأ بك منه يا محمد، فكن محمد عثماننا ولا تكن محمد عثمانهم..

يا ياسر طيفورنا العريس
الفيضانات والأعاصير هنا في المهجر والمعارضة الإلكترونية في العالم الإفتراضي.. طيب نقبّل وين؟ كلامك صحيح أنا أكتب من مكان إقامتي هنا للقاريء في السودان لكني اساهم معه في عملية التفكير من أجل حياة أفضل ووطن أكثر صلاحاً، لكنني لا أريد احتكار خياراته. ربما يكون كثيرين قد لاحظوا إنني أتفادي دائماً وضع التوصيات ضمن مقالاتي ولا (أشخت) على الأرض للناس وأقول لهم ينبغي ان تفعلوا كذا وكذا. طوال بضع سنوات من الكتابة كنت دائماً وسأظل إلى جانب الضعفاء والفقراء والمقهورين ضد المستهبلين والعاجزين. مقالي هذا هو امتداد للدفاع عن الضعفاء ضد من يريدون حرقهم ليستمتعوا هم بإنتصار ماسخ هنا على شبكة الإنترنت. مع مودتي يا شقيق.

Quote: أغلب الظن أن محمد عثمان كتب مقاله هذا تحت تأثير الملاسنات الإسفيرية الأخيرة

يا اشرف الحلبي سلامات وشكراً على حسن ظنك. الحقيقة لم أكتب تحت تأثير الملاسنات الإسفيرية وأحاول دائماً تفاديها لأنها غير مفيدة. مقالي هذا حديث أسأل الله ان يثيبني عليه حقناً لدماء الأبرياء الذين يريد البعض حرقهم ثم حمل قميصهم على أسنة الرماح في التظاهرات.
سأعود لاحقاً

Quote: يا عاطف عبدون سلام محمد عثماننا هذا هو من خيرة الذين يكتبون اليوم في الصحف السودانية. نعم نختلف معه في ما كتبه ليقرأ غداً، ولكن هذا الإختلاف لا يجعل منه كاتب غفلة كما وصفته مجاناً، أقرأ له غير هذا الكتاب الذي بين أيدينا وأحكم عليه.. ___ محمد عثماننا الذي باستراليا البعيدة، مالك يا صاحب وكيف تحكم؟ أنت ببلاد أبعّد من أوروبا وأمريكا، وتكتب ليقرأك نفس القاريء الذي يكتبون له مناضلي الكيبورد بأمريكا وأوروبا. كتبت أنت من استراليا البعيدة عن الفساد والمفسدين، وكتب ويكتب غيرك عن ذات النظام الفاسد ويحثون الناس على الثورة عليه، فما الذي يجعلك تختلف عنهم؟ هل لنا أن نقول لك بالمثل أن أحمل قلمك يا محمد وأكتب من داخل السودان؟ هذا الخطاب تعودناه من أنصار النظام، فنربأ بك منه يا محمد، فكن محمد عثماننا ولا تكن محمد عثمانهم..

لا فض فوك يا حبيب





----------

اكمل يا محمد عثماننا و ان لمنتظرون مع الخال و حسن اولئك رفيقا و صاحب
يبدو انو اختلط عليك الحابل بالنابل
و الحكاية جايطة شديد عندك !!
و ما عارف منو البحرك منو ؟ و منو البقود منو !؟


اكمل و نحن في انتظارك

Quote: لن تتم الإشارة على الإطلاق لأسماء هؤلاء المناضلين الإفتراضيين لأنهم ببساطة لا أسماء لهم ولأنهم أرادوا إخفاء أجسادهم في منازل ذات تدفئة جيدة، وإرسال كلماتهم لتحترق في الخرطوم نضالاً من أجل إسقاط النظام الحاكم،

الاخ محمد عثمان
تحياتي


انا اختلف معك في عدم التكرم بذكر هؤلاء المناضلين الذين كره تفاهتهم الشاعر المبدع هاشم صديق وما كان لكما ان تفعلا ذلك لان قيادتهم لجموع الشعب الثار ستكون في ((زمن لسة )) فلا يعني هوانهم علي الشارع ا نهم غير مهمين او غير فاعلين حيث ان تراكم نضالهم الافتراضي سينمو في عالمهم المماثل وسيحقق الانفجار والتغيير يوم ان يكون ذلك ممكنا عندما ينتقل البشر الي مجتمعاتهم وبلدانهم الاسفيرية مع تطور حركة العلوم



مجرد اختلاف لايفسد ودا لحقيقة اعجابي بملكات الكتابة لديك في كل حالات التوافق والاختلاف

Quote: . سأتفق معكم كثيراً إن شاء الله وسأختلف معكم، لكنني سأكون على الدوام مخلصاً لضميري ومجتهداً للحصول على أكبر قدر من المعلومات خدمة للحقيقة ومن صحافة محترمة ونزيهة.

دا كلام عظيم يامحمد عثمان
شكرا في انتظار كتاباتك دوما

ياسر ووامين وباقي الشباب

ما حصل قريت ليهو غير السخف الكاتبو دا

وما شفت ليهو موفق غير الموقف الرمادي دا

عليه جا كلامي دا

المقال طويل والنص الكامل له موجود على الرابط أدناه:
ثوار الريموت كنترول

يا محمد عثمانهم

عارفك مشخت لي و عامل لي :

التجاهل
التجاهل
التجاهل

لكن ياخ و الله الجابني اني ما قدرت اقرأ المقال و ظاهر لي كدا :

Quote: … أبلغ السيد جيمس كونوللي السكرتير العام لإتحاد عمال النقل والعمال العموميين الإيرلندي مجموعة المتطوعين القليلة الت

فدحين المشكلة دي عندي انا بس و لّ كلو كدا ؟

لا يوجد أسوأ من الكيزان إلا المكنات المدورنها باسم ضميري صاحي وأهو أنا بدي الكوز الكف ومعارضنه عشرين كف وبنجح مؤتمرات النظام وبنزل في فنادق النظام وبملس للنظام هو النظام الفاسد دا ممكن يعمل أحسن من كدا

يا جماعة إنتو الجماعة ديل:
- شباب لأجل التغيير
- الشرارة
- قرفنا

-وباقى الناس الحرضوا للقيام بمظاهرات بمختلف إنتماءاتهمم

هل كلهم مناضلي كيبورد ضاربين الترطيبة في أمريكا وأوربا أم أنهم شباب من داخل السودان.
ديل شباب من داخل الوطن أحسوا بالظلم ودعوا للتظاهر السلمي وساندتهم بقية شرائح الشعب السوداني إذا كانوا من المرطبين في دول المهجر ام من المسحوقين داخل السودان.

أخشى أن تدّعون ان انتفاضة مصر حرض عليها أحمد زويل من أمريكا.

Quote: يرون أنفسهم أحق بالنضال وعلى أهل الداخل السماع لتنظيراتهم وتدبيرهم لأمور ومجريات المحكمة حتى الشعارات تصاغ وتسوّق كيبوردياً وقد بلغ الإستخفاف بعقول وإرادة وفكر وحكمة من بالداخل مبلغاً ححتى صار معارضوالكيبوردات هم الناطقين الرسميين بمجرى العمليات في الداخل وكم عدد من اعتقل وكم عدد من استشهد ساحبين البساط من تحت من هم أدرى وأعلم بمثل هذه المعطيات

شكراً يا فرانكلي على المؤازرة. لا يمكن ان يكون الإنسان أنانياً وبشعاً أكثر من هذا. يدفعون بالناس نحو المواجهة ثم يحرمونهم حتى من الحق في صياغة الهتاف.. لا حول ولا قوة إلا بالله. هل الحصول على كمبيوتر وعضوية في سودانيز أونلاين أو حساب في الفيسبوك يمنح كل هذه السلطة؟

Quote: فأعرف حدك والزمه

يا عبدالمحسن هو الغريبة لم يقرأ لمقال لأن المقال نفسه لم ينشر بعد. أنا كنت منتظر نشره في الخرطوم أولاً.
الحاجة التانية أنا قعد أقرأ ليه وبعرف إنه زول متواضع القدرات ومسكين لقى كمبيوتر قدامو، لكن ما قايلو لدرجة إنه ما بيفرز الموقف الواضح من الموقف الرمادي.
الموقف بتاعي دة واضح ضد مناضلي الريموت كنترول.
أسوأ ما فيه إنه أسوأ من علي عجب ما بيفهم وما مهذب وما قاعد في الواطة. لن يمتثل لنصيحتك الغالية هذه وسيدق عنقه في هذا البوست أكثر فأكثر.

محمد عوض
انا ممتن لك يا عزيزي

Quote: الاخ محمد عثمان تحياتي انا اختلف معك في عدم التكرم بذكر هؤلاء المناضلين الذين كره تفاهتهم الشاعر المبدع هاشم صديق وما كان لكما ان تفعلا ذلك لان قيادتهم لجموع الشعب الثار ستكون في ((زمن لسة )) فلا يعني هوانهم علي الشارع ا نهم غير مهمين او غير فاعلين حيث ان تراكم نضالهم الافتراضي سينمو في عالمهم المماثل وسيحقق الانفجار والتغيير يوم ان يكون ذلك ممكنا عندما ينتقل البشر الي مجتمعاتهم وبلدانهم الاسفيرية مع تطور حركة العلوم مجرد اختلاف لايفسد ودا لحقيقة اعجابي بملكات الكتابة لديك في كل حالات التوافق والاختلاف

يا عمر صديق شكراً لك يا عزيزي على الإختلاف. أنا لم أذكر الأسماء مش لأنهم ما مهمين ولكن لأنني لا أريد أن أخلط العوالم. ناس العالم الواقعي يبقون في مكانهم وناس العالم الإفتراضي غير الراغبين في عالم الواقع يبقون في مكانهم حتى تتحقق نبوءتك وينتقل العالم كله للعيش في الفيسبوك :)
على العموم أثبت مؤيدو الحكومة إنهم اكثر ديمقراطية من مؤيدي المعارضة وأنا ممتن لأنك لم تجعلني عميلاً للمعارضة من خلال كتاباتي الناقدة للحكومة، لكن المعارضة هشة وناعمة الجلد ولا تحتمل.
مودتي لك وتقديري

دوما
أشعر بفخر شديد أن تكوني من قرائي.. أنا سعيد بذلك
مع اكيد تقديري واحترامي

عبدالصمد
إنت جايي لوحدك ولا معاك حد تاني؟

Quote: يا عبدالمحسن هو الغريبة لم يقرأ لمقال لأن المقال نفسه لم ينشر بعد. أنا كنت منتظر نشره في الخرطوم أولاً. الحاجة التانية أنا قعد أقرأ ليه وبعرف إنه زول متواضع القدرات ومسكين لقى كمبيوتر قدامو، لكن ما قايلو لدرجة إنه ما بيفرز الموقف الواضح من الموقف الرمادي. الموقف بتاعي دة واضح ضد مناضلي الريموت كنترول. أسوأ ما فيه إنه أسوأ من علي عجب ما بيفهم وما مهذب وما قاعد في الواطة. لن يمتثل لنصيحتك الغالية هذه وسيدق عنقه في هذا البوست أكثر فأكثر

درس عصر للمدعو عاطف عابدون

اتوقع الا يستفيد منه
كعادته

أنا فى اٍنتظار انا أقراء لمحمد عثمان مقاله الجديد، الكودنق حق المقال مع ظابط راجعوا يا محمد. لكن ملاحظة عجولة تخبرنا ان الاخ محمد عثمان لا يتحرى الحقيقة، و يكتب عن وعى ليصرف الانظار عن حقيقة المشهد السياسى القائم الان، فهو يولى جل اٍهتماهه و نقده لمناصرى الثورة المقيمين فى الخارج و يتهمهم فى ذمتهم الثورية و جديتهم، حسناً هذا جميل، لنسلّم بذلك -انياً لمصلحة النقاش على ان نعود لهذه النقطة مرة أخرى- فليسقط مناضلى الكيبورد المختبئين فى المنافى. لكن، ماذا عن الشيب و الشباب الذى خرجوا فى مواجهة الالة الارهابية داخل الخرطوم؟ هل خرجوا من الاساس اٍٍستجابة لدعوات مناضلى الضل البارد او قرروا ذلك عن اٍردة حره و اختيار واعى؟.

ماذا عن الذين تكدست بهم مراكز الشرطة و مبانى الامن السياسى داخل الخرطوم حتى اليوم؟ ماذا عن رفاقك الصحفيين الذى جُرّوا من رقابهم الى المعتقل لانهم خرجوا من صحفهم لتغطية حدث المسيرة السلمية او المظاهرة المناهضة للتجويع و الافقار؟. لماذا ينتفض محمد عثمان هذه الانتفاضة الجبّارة ضد الاشباح طالما هى أشباح، لماذا لم توجه الاٍنتفاضه لمن يمسكون بمقاليد الامور و يصنعون الموت و ينتجون أسبابه، صنّاع الجوع و الافقار ان اٍعترضت على ذلك يتولونك بالتعذيب و الغاز المسيل للدموع او حتى الرصاص. بكل اسف اقول محمد عثمان يرواغ و يبيعكم الترماج و لم ينل رضاه لا مناضلى المنافى و الايفاع الذين خرجوا بالصدور العارية لمواجهة الموت،و هالك أقراء معى سخريه المُره من شباب حركة قرفنا من قبل:

Quote: ىسيؤسس الرفيق أبوذر مع رفيقه المفكر الراحل الخاتم عدلان- له الرحمة والمغفرة- حركة حق ثم سينشق مرة أخرى عن الحركة الجديدة مؤسساً حركة أخرى ثم سيترك النشاط السياسي الحزبي العلني وسيتفرغ للكتابة الصحفية في صحف عديدة ثم سيترك الكتابة ذاتها (ربما مؤقتاً)،وسنراه في آخر نشاط له وهو يجلس تحت خرقة قماش برتقالية ومنصة أعدت على عجل لمؤتمر صحفي مقام على شرف تعميد صبي يافع في الثامنة عشرة من عمره، كمناضل جديد!

الصبى اليافع المذكور هو احد شباب قرفنا و شاهدناه عدة مرات يتحدث لجماهير الشعب السودانى من داخل الاسواق فى وسط زحام الفقراء فى السوق الشعبى ام درمان و ميدان جاكسون ميدان أخرى رافعاً عقيره بالهتاف الحر ضد المؤتمر و الوطنى و داعياً الى اٍٍسقاطه. تعرّض للاستدراج و الاعتقال فى أحد المراكز التابعة للامن الطلابى جوار مسجد الجامعة، مكان يدعى الوجبة المدرسية سابقاً و هو معروف للطلاب كاحد الاقبة التى تستخدم للتعذيب. تعرض ابن الــ 18 ربيع الى التعذيب و محاولات الارهاب و التخويف و حينما خرج يخبر عما جرى كان هذا هو نصيبه من لسان الصحفى الباحث عن الحقيقة.


سوف تكون لى عودات الى هذا البوست، اٍخلاصاً لضميرى موقف من قضايا الوطن.

سلام يا محمد عثمان.

ابشر بالشهرة يا صحفي الغفلة .. فقد جاءتك الشهرة بغفلةٍ تجرجر اذيال عارها مثك ومثل ابا رغالة..
فلو ان قص اثر مدعيّ النزاهة والحيادية لم يشهرك .. فستشتهر اليوم يا قصاص اتر ملوسي بانك ماسح اثار جيوش أبرهة السوداني لتجد موقعك..

.. اتمني لك مستقبل صحفي مشرق[ /B]

حيدر الزين يا زول يا زين

ليه كل العنف دا يا صديق !؟
ما هكذا تؤخذ ابل الحوار و التفاعل

اديها صنّة خلي ( سوط ) الفنان يصلنا ياخ !

خلينا باللول نقرأ ( المقال ) و إن لقيناهو ( حسن ) استحسناه لا نبغي جزاءاً و لا شكوراً.
و ان كمان فيهو رخوة يا نا السالين سياطنا و السنتنا ... المافي شنو ؟
مش دا التفاعل البقولوا عليهو المسغفين ديل !؟

دا سايبر سبيس ... في وجه عملتو التاني فيهو خاصية التفاعل دي ...
تفاعل بالطريقة الصاح
شغلة عقارب تلدغ و تهرب دي ما معانا ... تقول رأي ؟
تركز و تدافع عنو ...
ما بتقدر تدافع عنو ... ما تصدع بينا ساي بالله !؟
تحسبوا لعب يا ناس محمد عثماننا و لّ كيف ؟
صدقتوا فريتكم النجرتوها براااااكم في مناضلي الكيبورد و كتاب السايبر و لّ شنو !؟

ان لم تكن مستعد لتموت ليبقى
فلا معنى لما ستقول !! *
شفت كيف ؟

يا ريت يا محمد عثماننا تساعدنا نقرأ ما كتبت





----------------

* الاستاذ / عالم عباس - صاحبي ( توجد صورة ) ساكن فيها ... ( وش مبتسم نواجزه بائنة بينونة كبرى ) - السطور الاخيرة في دفتر الحلاج الثاني

هناك اراء شخصيه كثيره تتكون عندى فى مروري السريع على المنبر .. واتركها حيث تكونت وامضى لقناعتى التامه بعدم صلاحية الانطباع الشخصى للتعميم والنشر المحدود الذى نمارسه جميعا هنا..

ما دعانى للتعليق هنا موضوعان ..

الاول يتعلق بدهشتى الشديده من آراء أصدقاء أعتز بهم جدا فى هذا المكان .. أمين وياسر ..
والدهشه فعل جوهره المفارقه .. وادهشتنى مفارقة أمين وياسر لما ادعوه بالحصافه والقدره على التمييز الدقيق للاشياء ..الاتنين ديل صعب يغشهم كلام .. فلأتحسس أضانى !!
والتالت "حمور""دونما مناسبه" و "حيدر الزين" و "آخرون"


يا أمين وياسر .. الفكره ولا اللغه .. ايهما الاثقل فى ميزان الصحافه ؟!
يعنى اى زول كتااااب يبقى صحفى ولا شنو ؟!
والله لما سأل عندذاك محسن خالد فى اجعص محمد حسنين هيكل ذاتو ..
لا لا لا .. الموضوع مختلف شويه يا اصدقاء ..
فإن شئتم نبتدر فيه حوارا جميلا, فليكن

* لا اقدح ابدا فى قدرات محمد عثمان الصحافيه .. وأنما بمناسبة الحديث عن تلك المقدره ومن مدخل عمومى ليس الا ..

الموضوع التانى ..
هو سؤال حرقنى جدا نحو محمد عثمان ..

Quote: لكني اساهم معه في عملية التفكير

حتام تطول عملية التفكير المستمر فى شبحية المعارضه "عن بعد" بسودانيزاونلاين وبعض المواقع ..
اللا تعتقد انك بذلك وقعت فى ذات الضيق الجغرافى للاسفير الوطنى !..
تعرف .. آخر حاجه ممكن تصل ليها من عملية التفكير المستمر ده ..
انو محمد حيدر المشرف ده " كمثال صارخ " لكائن اسفيري .. هو كائن غير مثمر وطنيا
وخلاص ..
اقاصى عملية التفكير المستمر دى أن تعدد الاسماء .. كان تردد
محمد حيدر , وهشام هبانى , ومصطفى محمود , وتراجى , و .. هؤلاء غير مثمرين وطنيا
وهكذا .. ويمكن أن تضيف ليهم "حيدر الزين" صبيحة يومك التالى !!
وهكذا ..عاطف عبدون .. وهكذا
بالتأكيد "صلف الكائن اللغوى فى غربته" لن يتوقف عن انتاج جميل آخر, واعادة انتاج اجمل, لعمليات التفكير المستمر فى جوهر شبحية معارضة الكيبورد .. ليكاد عزيزنا " عمر صديق" ان يموت من الفرح الداخلى العظيم ..

تحياتى ومودتى للجميع ..

Quote: في يوم 17 ابريل 1916 م أبلغ السيد جيمس كونوللي السكرتير العام لإتحاد عمال النقل والعمال العموميين الإيرلندي مجموعة المتطوعين القليلة التي كانت معه، والتي كانت النواة للجيش المدني الإيرلندي (الذي سيعرف لاحقاً باسم الجيش الجمهوري الإيرلندي) بمصيرهم المحتوم قائلاً " إننا ذاهبون لنُذبَح"! كانت المجموعة المناضلة الصغيرة العدد، والتي خلدت أسماء أفرادها في ذاكرة الشعب الإيرلندي، تستعد للدخول في أول مواجهة، بأنحاء العاصمة دبلن، مع ما كان يعرف باسم الإمبريالية البريطانية. لم يشأ كونوللي ورفاقه من القادة الكبار حرق آخرين من الشباب أو الطلاب، ولكنهم اختاروا وضع النموذج الأسمى وتقديم أنفسهم قرباناً للثورة القادمة.حين قال كونوللي عبارته المشار إليها والتي صارت مثلاً في كتاب الثورة العالمي، سأله زميله وليام أوبراين " هل هناك أدنى فرصة للنجاح؟" فما كان من كونوللي إلا أن ردّ بحسم " لا، البتة".كان الثائر العظيم صادقاً فبعد حوالي ثلاثة أسابيع كان هو الأخير الذي أعدم بواسطة السلطات عقاباً له على مشاركته في الإنتفاضة. في 12 مايو 1916 / كان كونوللي مصاباً بجراح كثيرة ومرهقاً لدرجة أنه لم يقو على الوقوف أو الجلوس، فتم توثيقه على كرسي وهو شبه جثة، ثم أطلق فريق الإعدام النار على الوجه والصدر منه.لم يهتم أحد بمعرفة اسماء القتلة لكننا ما زلنا نذكر هؤلاء الثوار، ونتعلم منهم أن الضحية يمكن أن ينتصر إذا كانت له إرادة كونوللي ورفاقه وعزمهم.***هذه القصة تصلح للجميع لكنها بشكل خاص تصلح لتأمل حفنة من الأشخاص ، يقيمون في أوروبا وأمريكا ويظنون إذ هم يوثقون حبائل حواسيبهم بلوحات المفاتيح، أن لوحات المفاتيح هذه هي مفاتيح للتحكم عن بعد في مواطنين قاموا باختيارهم كوقود لثورتهم في الخرطوم. لن تتم الإشارة على الإطلاق لأسماء هؤلاء المناضلين الإفتراضيين لأنهم ببساطة لا أسماء لهم ولأنهم أرادوا إخفاء أجسادهم في منازل ذات تدفئة جيدة، وإرسال كلماتهم لتحترق في الخرطوم نضالاً من أجل إسقاط النظام الحاكم، لذا سيكون الحديث هنا عن بعض كلماتهم فقط. ***لا بأس، دعونا نتفق أن هذه الحكومة ليست ابدية وليست خالدة، وأنها ستتغير طال الزمن أم قصر بوسائل معروفة وسهلة وواضحة ليس من بينها التظاهر في المنتديات الإلكترونية وموقع الفيسبوك للتواصل الإجتماعي. هذه الحكومة يمكن بسهولة إزاحتها بأي واحدة من ثلاث وسائل ، وهي بالمناسبة وسائل معروفة بالنسبة لجميع الأطراف : الشعب ، الحكومة، والمعارضات المتشظية:1- التغيير حرباً، وهو تغيير باهظ التكلفة ويحتاج إلى تضافر الكثير من العوامل على المستوى الدولي والإقليمي والمحلي، وهذه العوامل كلها متضافرة الآن ضد مثل هذا النوع من التغيير.2- التغيير عن طريق صندوق الإنتخابات، وهو تغيير غير محتمل أيضاً في ظل الوضع الراهن بسبب عدم قناعة الحكومة وحزبها الحاكم بهذه الوسيلة أصلاً، وبسبب عجز القوى السياسية المعارضة عن الإلتزام ب/ أو فرض هذا السبيل كوسيلة مثلى ووحيدة للتغيير.3- التغيير عن طرق الإنتفاضة الشعبية، وهذا أمر كبير الإحتمال لكنه غير مرجح الآن لحاجته إلى نضج العديد من الظروف الموضوعية التي يمكن أن تجعل منه أمراً حتمياً. الحقيقة أن الكثير من العوامل الدولية والإقليمية والمحلية تقف ضد أي نوع من التغيير في نظام الحكم الحالي في السودان. هذه العبارة لا تعني موقفاً لصالح النظام أو ضده لكنها قراءة فقط لواقع الحال بعين موضوعية. الولايات المتحدة كلاعب دولي أساسي لا ترغب على الإطلاق في حدوث تغيير أساسي في بنية النظام، وفيما هي ترفض التعاطي بشكل مباشر مع رئيس الجمهورية فهي تتعامل معه بشكل غير مباشر، وتدرك أن الكلمة الأولى للرئيس وإن اتسعت دوائر صنع القرار داخل الجماعة الحاكمة. لعل الزيارة الأخيرة لوزير الخارجية السيد/ علي كرتي ولقائه بوزيرة الخارجية هيلاري كلنتون وأركان الإدارة في واشنطن وحسن استقبال الرجل يعطي مؤشراً على أن يد واشنطن في يد الخرطوم في الوقت الحاضر على الأقل. السبب في ذلك لا يحتاج إلى كثير اجتهاد فواشنطن ترغب في إكمال عملية استقلال جنوب السودان وبناء دولته الجديدة دون معوقات كبيرة من الشمال. ولنجاح هذه العملية تحتاج واشنطن إلى نظام قوي و(غير ديمقراطي) وراغب في التحالف معها، ولا يمكن للإدارة الأمريكية أن تجد نظاماً بهذه الصفات أفضل من النظام الحالي. الأنظمة الديمقراطية بطيئة وتحرص على الإستئناس برأي أكبر عدد من أصحاب المصلحة (Stakeholders) وهذا غير مناسب في مثل هذه الظروف المتسارعة.الظروف الإقليمية وبالتحديد الظروف الداخلية في إثنين من أكبر الدول صاحبة التأثير العربي على المسألة السودانية غير مواتية، فمصر والسعودية مشغولتان بقضاياهما الداخلية العاجلة، إضافة إلى احتمالات حدوث تغيير في توازن القوى في لبنان واليمن باتجاه تحول المزيد من أوراق اللعبة صوب إيران. أما ليبيا فلا يمكن التنبؤ بمواقفها كالعادة!الظروف المحلية غير مهيأة للتغيير فالقوى السياسية الحقيقة رغم عجزها وضعفها، منخرطة في مفاوضات سرية وعلنية مع الحكومة بغرض الحصول على نصيب من ميراث الحركة الشعبية في أجهزة الحكم والدولة، وهذا يكشف عنه بوضوح تردد حزب الأمة في تحديد موقف من نظام الخرطوم في مرحلة ما بعد الإستفتاء، واختفاء الحزب الإتحادي الديمقراطي من على كل شاشات الرصد. القوى السياسية الأخرى مثل الحزب الشيوعي والتيارات الإقليمية خائرة وتعاني من ضعف القيادات، وقلة الخيارات، وعجز المبادرات. ***ثورة إيران لم تخرج من الفيسبوك وتويتر لكنها استغلتهما وثورة تونس كذلك، أما ثورة مصر فهذه حكاية طويلة وهي محصلة لتراكم جهد بطيء ظل يعتمل ويتفاعل لما يزيد عن العقد الآن منذ أن خرجت صحيفة (العربي) الناصرية بأول إنتقاد مباشر للرئيس مبارك حتى صار توجيه السهام نحوه ونحو عائلته خبزاً يومياً للمواطن والصحافة والسينما !الثورات لا يتم انتاجها بالتقليد ومسايرة الموضة.والثورات لا يتم انتاجها وتعبئتها من أمريكا وأوروبا، ثم ارسالها لتنفجر في الخرطوم. قبل أقل من عام تناول كاتب هذا المقال ظاهرة المواطنين السودانيين الإفتراضيين ومحاولاتهم (المضحكة) لتحويل الواقع كله إلى افتراض (راجع مقالة {عوالم إفتراضية : أشباح الإنترنت ضد شخوص الواقع} على موقع الكاتب على الإنترنت). في تلك المقال حاولتُ تقديم مرافعة موضوعية ضد ما يحاول مناضلو العالم الإفتراضي فعله من حصر النضال والحق في تغيير الحكومات بيد الفئة التي تتعامل بالكمبيوترات والتي لديها اشتراكات في خدمة الإنترنت. لست راغباً في العودة إلى ذلك المقال، لكنني أعتقد أن هذا المقال يحاول أيضاً إضاءة جانب آخر من عتمة النضال الإفتراضي.***احتوى النضال المعلب الذي شاء العالم السوداني الإفتراضي المساهمة به هذه المرة على تحركات تثير السخرية والضحك، ويمكن ان نخفف على القاريء ثقل حمولة هذا المقال بالإشارة إلى بعض القضايا التي طرحها بعض المناضلين الإفتراضيين للمناقشة. تكشف نوعية القضايا حجم الوصاية والعجرفة التي يتعامل بها سكان الفضاء الإفتراضي (صناع الثورة) مع سكان الوطن الحقيقيين (الوقود المفترض للثورة)!فتح أحدهم موضوعاً للمناقشة (بوستاً) من أجل المساهمة في تأليف الهتافات والشعارات. عجيب! حتى الهتافات ستذهب للوقود الخرطومي جاهزة ومعبأة؟نشر آخر موضوعاً بعنوان (ما تتضارى أمرق برة) يحرض فيه الشباب على التجلي وعدم الإختباء، لكن العجيب في الأمر أن الشخص المعني وبعض حلفائه يقيمون في الخارج ولم يكلف أحد منهم نفسه بتوجيه النداء إلى شخصه ألا (ييتضارى) وما أسهل التضاري وراء الحدود!تحدث واحد آخر في موضوع منفصل عن فعالية غسل الوجه بالبيبسي لمقاومة أثر القنابل المسيلة للدموع!واحد أسرف في حياته الإفتراضية فاقترح على المتظاهرين مواجهة سيارات الشرطة وتعطيلها باستخدام المعيقات المعروفة باسم (Spike Strips) التي يستخدمها الجيش الأمريكي والبريطاني في العراق لإعاقة دخول السيارات المفخخة إلى وجهاتها. أورد الكاتب مجموعة من الصور، لكن أحداً من مجاذيب الكون الإفتراضي لم يسأله عن كيفية حصول المتظاهرين في الخرطوم على هذه المعدات، وكيف سيمكن إرسالها من مخازن العتاد الغربي إلى الخرطوم وكوستي وباسندة مثلاً؟واحد آخر طالب بعض الزعماء السياسيين بحرق أتفسهم على طريقة الشهيد التونسي الراحل محمد بوعزيزي. لم يقم أحد بتقديم نفس الطلب إلى المناضل الإفتراضي لأن المناضلون الإفتراضيون لا يطلب منهم شيء، هم فقط الذين يطلبون من الآخرين وهذا حقهم الحصري.***بدأ المناضلون الإفتراضيون منذ وقت مبكر في الترتيب للفوز بسبق صحفي وما إن جاءهم خبر مختلق (أو ربما قاموا هم باختلاقه) حتى سارعوا إلى فتح (البوستات) المتباهية بصلة كاتبيها الوثيقة بأرض الأحداث في الخرطوم والمتصنعة الحزن على الشهيد الغالي. البعض بدأ رثاءه نثراً، والبعض الآخر من ذوي العارضة صاغوا كلماتهم شعراً، وآخرون من دونهم عدوا خبباً إلى حواسيبهم لتصميم ملصقات تحمل صورة الشهيد وتشد العزم من أجل التضحية بالمزيد من الشهداء من (وقود الثورة الرخيص) المتوفر في شوارع العاصمة!هذه الشائعة تكشف عجزاً جوهرياً في مشروعية تظاهرات وتصورات مناضلي الريموت كنترول ففيما هم يملأون الفضاء زعيقاً بأن النظام سيء (وهذا أمر يجد موافقة الكثيرين) فإنهم يضمرون أن سوء النظام الحالي لا يكفي للدعوة إلى إسقاطه، لذا فقد اخترعوا حكاية مقتل الطالب الشهيد ليجعلوا منها سبباً للتظاهر ضده أو حقن التظاهرات الهزيلة عبره ب(طاقة) إضافية. إذا كان النظام سيئاً، ما الحاجة إلى اختراع الشهداء؟قادة التظاهرات المتخفين من وراء حجاب يفتقرون إلى المعرفة والمبادرة والقدرة على الخلق، لأنهم يرغبون في تكرار تجربة أكتوبر. رحم الله القرشي، هم يبحثون الآن عن قرشي آخر.***الحقيقة أن الكثير من المهاجرين السودانيين في الغرب، يعيشون على حافة الحياة الإجتماعية والسياسية والإقتصادية في أوطانهم الجديدة، بسبب الجهل بلغات تلك البلاد وعدم التعرف بشكل كافٍ على ثقافاتها ونواميسها الإجتماعية، وبسبب الإلتزامات المالية الكبيرة الواقعة على أبناء الجيل الأول المضطرين للعمل في وظائف لا تدر دخولاً كافية، مما يجعلهم عرضة للعمل لساعات طويلة خصماً على رفاههم الشخصي وتحصيلهم الأكاديمي. وبالرغم من أن هذا أمر معتاد ومحمود أيضاً بالنسبة لمهاجري الجيل الأول، إلا أن البحث عن هدف أمر جبل عليه الإنسان من أجل الإبقاء توازنه النفسي وسلامة روحه. يتأمل المهاجر، العاجز عن التأقلم مع مجتمعه الجديد، حوله فيجد أن وجوده الفيزيائي كمهاجر لا يتسق مع وجوده الروحي كمواطن في البلد الذي عاش فيه ويعرفه. الجسد منه يعيش في مكان والروح في مكان آخر ومن أجل إكساب الحياة بعض المعنى، يتورط المهاجر في قضايا لم يتأهل لها بحكم تجاربه السابقة وينشط في الفضاء السياسي. وبحكم عدم تأهيله فإنه يتورط في تجارب خاسرة مثل تجربة تظاهرة 30 يناير الماضية. كم من مناضلي العالم الإفتراضي كانوا يهتمون بالسياسة قبل هجرتهم؟ قلة قليلة أما الغالبية فلم تكن تعنى بالنشاط أو الحياة العامة ربما.لست بحاجة لإيراد أمثلة لفشل تجربة التواؤم مع المجتمعات الجديدة التي تشكل السبب الأساسي في وفرة الرصيد العاطل في مخازن الحركات السياسية. ما معنى تكوين أحزاب سياسية سودانية في المهاجر؟ قبل أيام قرأت خبراً عن رفض حزب الأمة- فرع واشنطن، حضور لقاء دعت إليه السفارة السودانية هناك. سألت نفسي ما قيمة هذا الرفض في الوقت الذي يلبي فيه رئيس الحزب الإمام الصادق المهدي دعوات الحزب الحاكم ويجلس بأريحية وصفاء إلى قادته.***لو كانت جماعة النضال الإلكتروني جادة في العمل من أجل الدفع بإسقاط النظام لجاء قادتها إلى الخرطوم كما عاد محمد البرادعي إلى القاهرة لينضم إلى تظاهرات ميدان التحرير في قلب القاهرة. لو قرر واحد منهم العودة لكان ذلك منه موقفاً شريفاً متسقاً، لكن أن يبقى الجميع في الخارج معبئين الفضاء بالزعيق "يا أيها الشعب السوداني الغرير، نحن نريد أن نتظاهر حتى تسقط آخر نقطة فيك منك" فهذا كثير.

ليه يا محمد عثمان تستغرب العمل السياسي فيما يتعلق بالوطن الأم في حالة
السودانيين و تتجاهل النماذج "المزمنة" زي الكوبيين في امريكا و الاكراد
في المانيا و غيرها من دول اوروبا و الصينيين في كل مكان و الايرانيين
في امريكا و العراقيين في منافيهم المتعددة الخ.
هذه ليست ظاهرة سودانية كما حاولت أن تصورها. اتفق معك في أن شعار لا صوت
يعلو فوق صوت المعركة الذي يرفعه البعض في الاسافير السودانية يسبب الضيق
احيانا إلا أن الأمر لا يتعدى ذلك .
بعدين في اشارتك لعدم رغبة امريكا في حدوث تغيير في السودان للاسباب التي
ذكرتها، الا ترى فيما يحدث الآن في مصر و غيرها أن رغبة امريكا هي آخر شيء
تلفت له الجماهير هناك.

الزول دا مهما لف ودور ..فى النهاية كاتب سلطان
وصاحب مصلحة وحاضر على حساب الشعب
مايسمى بمؤتمر الكيزان الاعلاميين بالخارج ...وهذا يكفى ويفسر كل شى

أخونا و حبيبنا محمد حيدر ، سلام يا صديقي و لعلك و من معك بخير

Quote: يا أمين وياسر .. الفكره ولا اللغه .. ايهما الاثقل فى ميزان الصحافه ؟! يعنى اى زول كتااااب يبقى صحفى ولا شنو ؟!

محمد عثمان إبراهيم - فيما أري - من أحسن من يكتب المقالات الصحفيه - إن لم يكن أحسنهم علي الأطلاق - و ذلك لوضوح رؤيته و سلامة عبارته و مقدرتو علي توصيل ما يريد ايصاله للقارئ و الأهم من كل ذلك إنو بكتب بضمير أنقي من مياة الفراديس !
من حق عاطف يقول رايو في محمد عثمان كصحفي (حتي لو كان بالحده دي و بالوصف الظالم ده ) بنفس القدر اللي من حقي و حق ياسر و حق كل من إنتقد عاطف في كلامو عن محمد عثمان إنو نقول لو كانو صحفيينا بنصف قدرات محمد عثمان لكانت صحافتنا بخير .
اختلف تماما مع ما كتبه محمد عثمان في مقاله أعلاه - و سابين لماذا في مداخله أخري - و ده شي طبيعي ، لكن هذا الأختلاف لم و لن يغير وجهة نظري في محمد عثمان و كتباتو و لا ينبغي ، إذن المساله يا محمد حيدر ما مسالة لغة محمد عثمان ولا جمال كتاباتو فقط : المساله مسالة جملة ما يكتب : فكره و لغه و رؤيه و طرح !! يبقي مخطئي من يظن أن محمد عثمان يقف في الضفة الأخري لمجرد خلافنا معه في مقال !!
يمكنك الأطلاع علي كل مقالات محمد عثمان في الويب سايت بتاعو و ستجد ما يسرك ..
محمد عثمان إبراهيم
لك كل الود و الأحترام يا راجل يا محترم

يا أخوانا ما تخلوا سفالة بعض من أدعياء المعارضة في هذا المنبر تخفى عنكم فسالة بعض من يتصدون لهم بتخذيل الجميع بالاقلام ذات السنة الناعمة فمواقفهم نابعة من ردود أفعال شخصية وليست إلا إنتصارات لذواتهم ولا تدعوا أى من الفريقين ينسينا حقارة هذا النظام ونبل الأخوات والأخوان الذين خرجوا لمواجهة النظام المتعفن في الخرطوم فهم ليسوا في حاجة لمن يحرضهم أو يقودهم فان لم تستطيعوا أن تساندوهم فكفوا عنهم شرور أنفسكم فشباب ولنأخذ كمثال الاخوات مناهل ونجلاء تفتكر نساء زى ديل يسدوا عين الشمس ويدفقوا راجين من منو تحريض ولا توجيه ولا تقييم فليخض الفريقان معاركهم بعيدا عنهم

والله فعلا سودانيزأونلاين دي عالم جميل... محمد عثمان إبراهيم لا يحتاج دفاعي و دفاع من دافعوا عنه من قبلي لكنها قولة حق في حق محمد الصحفي و محمد الإنسان و محمد المهموم حقيقة بقضايا بلده. محمد الصحفي يكتب بمهنية تندر جدا في صحافتنا و المتابع لكتابته يلاحظ ذلك في اهتمامه بالتوثيق و اتقان مقالاته و ذكر مصادره لكل معلومة يوردها. شخصيا أستمتع جدا و أنا أقرأ لمحمد عثمان و أحترم جدا صدقه مع نفسه و قرائه. أما محمد الإنسان فيعرفه الكثيرون هنا من سلوكه و أدبه الرفيع و تعامله الراقي مع زملائه في المنبر. أما محمد المهوم بقضايا وطنه فلا يستطيع أحد أن يزايد عليه و لا أريد أن أسهب هنا لكن محمدا عندما اقتنع أن تغيير هذا النظام يقتضي أن يهجر أهله و دياره و يحمل روحه على راحته لم يتردد و فعل... لذلك يصبح من باب الهزل و الكوميديا الحزينة أن يكون هنا موقع محاكمة و مزايدة ممن لم يزاحموه في مضمار النضال الحقيقي.
ما كنت أود الدخول في الدفاع عن ما كتبه محمد لأن القضية في تقديري أنه من حقه أن يكون له رأيه المخالف في أي قضية و معظم من يكتبون معنا هنا ليس من حق أحدهم أن يجعل من نفسه و آرائه معيارا لقياس وطنية الناس و مواقفهم. فقط أريد أن أقول إن ما كتبه محمد ليس فيه أي تعرض بصورة سلبية لما فعله من هم على الأرض هناك في السودان و أن محاولة تصويره و كأنه ضد الانتفاضة فيها ما فيها من عدم الأمانة. أما من يكتبون عن ثورة السودان في الأسافير فيؤسفني أن اقول إن الكتوف متلاحقة و ليس لأحد فضل على أحد.

الزول دا فى النهاية كاتب سلطان وصاحب مصلحة وحاضر على حساب الشعب مايسمى بمؤتمر الكيزان الاعلاميين بالخارج ...وهذا يكفى ويفسر كل شى

يا عبقرى زمانك ويا مناضل المناضلين حضور مؤتمر الاعلاميين ( يكفى ويفسر كل شئ) بالنسبة لمحمد عثمان ابراهيم فقط، ام ( يكفى ويفسر كل شئ) بالنسبة لكل الذين حضروا على قدم المساواة؟ يعنى مثلا هل حضور مؤتمر الاعلاميين يجعل من سالم احمد سالم، مسيح المعارضة الاسفيرية المنتظر، كما اطلق عليه أمين محمد سليمان، برضو انتهازى وكاتب سلطان الخ الخ الخ؟

واضح ان الامر لا يتعلق بحضور مؤتمر الاعلاميين. الامر مختلف. يعنى الزول اذا قبض الفلوس وتذاكر الطيارات وقرّش سيارته فى سفارة النظام فى البلد التى هو فيها، ثم مشى بالزفة حضر المؤتمر فى الخرطوم وملا كرشو من مطايب الانقاذ واتصور مليون صورة وهو مبتسم والفرحة ما سايعاه لجلوسه مع قادة الحكومة ورموزها فى طاولة واحدة. ولكن بعد كل هذا جاكم تانى يوم قالب ماية وتمانين درجة وكتب ليكم فى سودانيزاونلاين عدد واحد مقال ملتهب التهاب شديد وشتم ليكم الانقاذ الملا كرشو من خيراتها قبل اسبوع واحد طوالى بقدرة قادر يتحول الى مسيحكم المنتظر. أما اذا كتب حضر محمد عثمان ابراهيم نفس المؤتمر ولكنه رفض ان ينساق وراء اغراء الحصول على تصفيق مناضلين الاسافير وكتب مقالات تعبر عن فكره ورأيه الحقيقى ووجدتم انها لا تفق مع رغباتكم ففى هذه الحالة يتحول حضوره لنفس المؤتمر بقدرة قادر الى عار ويستحق ان يوصف بأنه انتهازى وعميل وتصرفوا ليهو رتبة فى الامن ..

بالله شوف التهريج والعبط ... فى هبالة فى الدنيا اكتر من كدة؟

الزول دا صحفي غفلة فعلاً كما وصفه عاطف عبدون يا قيقراوي ودكتور امين محمد سليمان..
وقصاص اتر شهرة ما لقي البيمسح اترو للآن ..

المهم انا يوم الجمعة دي ما قاعد اجي لحوار ولا لقراءة ... بتشمشم ريحة بارود في البورد دا عشان افتح صدر كي بوردي للمعارك
واعمل فيها فارس خلف الشاشة واسوق حاجاتي على النمط دا...
لكن للضمان كدة بحتل ليكم في البوست دا يوم السبت




ولا نامت اعين المناضلين من خلف الشاشات او كما قال

صباح الخير يا امه:

كيف تحرف القضايا؟
وقفت تشيماماندا أديتشى أمام جمع غفير من الجمهور على مسرح تيد تحدّثهم عن ما اسمته: خطورة النظرة الاحادية للاخر. تشيمامندا كتابة روائية، نيجيرية شابة، نالت قدر من الصيت و الجوائز عن بعض أعمالها، و هى كذلك متحدثه لبقة و ذات حضور يحوز الانتباه، كشف حديثها ذاك اليوم عن سعة فى الاطلاع لافته، عكستها وفرة و تنوّع الامثلة التى ذكرتها، طوّفت بمستمعيها عن صورة أفريقيا فى الادب الغربى منذ العام 1561 و حتى اليوم. أجمل ما لفتنى فى حديثها ما اوردته عن الفلسطينى مريد البرغوثى حينما نقلت عنه قوله: اذا اردت ان تسلب قضية جوهرها فابداء حديثك عنها من النقطة الثانية فى تأريخها. و ضربت مثال، ابداء حديثك عن فشل الدولة الافريقية و لا تبداء من حقيقة نشوء هذه الدول فى كنف الحقبة الاستعمارية و انها تشكلت وفق مصالحه، فى كل مرة تحصل على قصة مختلفة تمام الاختلاف. مقال محمد عثمان ايضاً نموذج لاجهاض القضايا و تسليبها باستخدام نفس الاسلوب. ابداء معركتك ضد مناضلى الكبيبورد و تجاهل مبادرة شباب الداخل من دعوا للمظاهرة، تحدث بعنف عن انانية سودانى الخارج و تجاهل بسالة شباب الداخل الذين تكدست بهم المعتقلات حتى اليوم. تحدث و اسرف فى الامانى عن فشل السودانيين فى الخارج فى الاندماج فى مجتمعاتهم الجديدة، و تجاهل من يوزعون الفقر و الموت باسم الله فى الطرقات.

لنا عودات.

عزيزي أمين ..
تحياتى وكيفك وكيف كيفك آ زول ..

فلنتبعد تماما عما كتبه الاخ العزيز عاطف عبدون, فأنا لم ولن أتبناه, ولم أنخرط حتى فى عملية تفكير مستمر فيه..

ولنبتعد كذلك عن أى موقف يدعو للنيل من الاخ محمد عثمان لاختلاف رأيه .. هو حقه تماما ويقبل الصواب ..
وإن كانت هنا نقطه محوريه غابت عن فطنتك المعهوده يا عزيزي ..

وهى ان رأى محمد عثمان المبذول هنا فيه من وجهة نظري الشخصيه الكثير من التشفى والنيل من الاخر المختلف معه وبعبارات قاسيه .. وان كان محور حديثنا هو التشفى فى الاخر المختلف فى الرأى , لامكننى الاستمرار فى الحديث ولكن ذا لم يكن مدخلى ..
الشاهد فى الموضوع هو رفض هذه الممارسه والمساواة فى هذا الرفض حتى لا يقال اننا قوم إن تشفى الزول الكتاااب من الآخر المختلف عنه فينا تركناه واقمنا الحدود على الفقراء الى اللغه المبهرجه..

مدخلى لمسته انت فى الآتى

Quote: فكره و لغه و رؤيه و طرح

الرؤيه العامه فى هذا الموضوع بالتحديد, وأفهمها كالآتى " اتهام سودانيين الشتات بممارسة حقوقهم فى التعبير عن رؤاهم واشواقهم الوطنيه بوسائط لم تكن موجوده سابقا" هى الرؤيه التى اود نقاشها حقا .. وفى بالى انها رؤيه قاصره جدا ومحمله بالاتهامات المتولده عنها ذاتيا ويتم طرحها بلغه مؤذيه جدا.. ومحمد عثمان أحد الذين يتبنونها ويروجون لها ومن موقعه كصحفى, مما يعلق فى رقبته الكثير من تبعات مهنة "نشر الوعى بين الناس"

اواصل

والله يا دكتور محمد المشرف انتا زول اتيت لحوار تماماً
انتا بتاع حوار
لكن محمد - عثمانهم - هذا لم يأتي لحوار ولا دكتور امين سليمان
من ناحيتي انا برضو ما اتيت لحوار

ياعمك القصة وااضحة وبعد الراي العام وسوداني سنجد مقولاته قد تزينت بها صحيفة الرائد

وما بعيد صحيفة قوات الشعب المسلحة بعد حين

-----------------

عزيزي حيدر الزين ..
اريتك طيب وتمام التمام ..

Quote: الراي العام وسوداني سنجد مقولاته قد تزينت بها صحيفة الرائد

ستنتفح اوداج "الرائد" حبورا بهذا المقال "الجميل".. وده جزء مهم جدا من النقاش, فمآلات الرؤيه والطرح متصله تماما بجوهرهما.. ويرتبط ذلك ب "الصحافه" ودورها فى نشر الوعى بالقضايا, وتأثيرها على مستوى الشارع ..

على الاقل عندى انى ككائن اسفيري متوحد مع لوحة مفاتيحى فى غرفه جيده التهويه مطله على الخليج العربي, لم أكن مسؤولا عن اكبر مأساة إنسانيه يعيشها العالم.. وأعنى دارفور .. لتنتاشنى الصحافه "النزيهه" كى يمتلك الشارع وعيا بخطورتى على المآل الوطنى ..

مودتى الشديده

صديقي اللدود محمد
سلامات
اذا احسنا الظن بمقالك هذا فاننا نقول ان موقفك قد زاد انحدارا في مستنقع صديقك مصطفى البطل الآسن
فبدلا من (تهبيشاتك) السابقة داعما ومناصرا لخطه في استفزاز وتهزئ خصوم الانقاذ وتكسير الرموز
اراك قد ذهبت بعيدا لتتبوأ الصدارة في محفل البطل الاثيم .
والله يا محمد طعنني مقالك هذا في مكان معزتك عندي ..
لماذا قلب الحقائق وتشويهها وتسفيه المعارضين للانقاذ ؟
ان - معارضي الكيبور- كما يحلو لك ولصديقك ان تطلقوا عليهم حققوا نجاحات كبيرة (بنقرة) كيبورداتهم
ولك ان تعلم انه بعد هجمة امن الدولة على كتاب المدونات ونشطاء الفيسبوك في مصر عام 2008
اخذ كتاب الانترنت من المصريين الذين يعيشون خارج مصر زمام المبادرة وانطلقوا يعبئون الشارع المصري بـ (كيبورداتهم)
مستخدمين نفس العبارات التي تسخر منها انت في مقالك الذي تروج له عمدا ودون حياء وام صحف الاهرام والاخبار كانت تسخر
منهم بتعليقات جارحة ومسيئة ورسومات ساخرة ومستهزئة بهم وبما يقومون به بحذلقة تاريخية وحرفنة في الكتابة تماما كما فعلت انت ..
وان دعوة 25 يناير لمظاهرات الشوارع التي تراها الآن في مصر واخافت العالم كله خرجت من كيبوردات من خارج
مصر .. فانظر اين الاهرام واين الاخبار واين امن الدولة واين مبارك ..
يا صديقي كان من الاوفق ان تكتب عن المعجزة الجديدة التي تجعل الكيبورد يهزم الدبابة والامثلة امامك ..
غايتو ما عارف اقول ليك شنو
الله معاك

الإخوة الكرام
بعد التحية الطيبة
يا أخواننا معذرة على الغياب المؤقت لعدة اسباب أحدها هو الشغل والتاني إنقطاع سودانيز أونلاين والثالث هو قلة الزاد بعد المقال المطوّل دة. الحقيقة بعد كتابتي للمقال وجدت أن هناك القليل جداً الذي يمكن أن اضيفه هنا ليس بسبب أنني قلت كل شيء ولكن لأن هذه هي حدود معرفتي. لا أستطيع أن ادعي بأنني أعرف أكثر مما قلت في هذا الأمر ولا أستطيع أن أدعي أن أفكاري التي نقلتها هي أفكار نهائية. ما كتبته ليس للإتباع ولكنه لإثارة الأسئلة فقط. بما أنني قلت كل ما لديّ -على الأقل في الوقت الحاضر- فسيصعب على تقديم رد على كل تساؤل أو نقطة يثيرها أحد الزملاء. هذا حوار يسهم فيه كل منا بما لديه.
أريد فقط أن اشير إلى نقطة الأخ د. سيف في الإقتباس التالي:

Quote: ليه يا محمد عثمان تستغرب العمل السياسي فيما يتعلق بالوطن الأم في حالة السودانيين و تتجاهل النماذج "المزمنة" زي الكوبيين في امريكا و الاكراد في المانيا و غيرها من دول اوروبا و الصينيين في كل مكان و الايرانيين في امريكا و العراقيين في منافيهم المتعددة الخ.

الحقيقة هذه غابت عني ولو خطر هذا الأمر ببالي لتأملت فيه وقرأت عنه، لكني سأحاول التأمل في تجربة هؤلاء الناس لاحقاً إذا تيسرت لي السبل. الملاحظة الوحيدة التي استطيع أن أقدمها وهي تصب في صالح الطرح الذي أثرته، هي أن التجارب المشار إليها في النضال من على البعد سواء كان نضال الكوبيين في امريكا أو الأكراد في المانيا إلخ.. نضال فاشل لم يثمر حتى الآن. إذا كان جماعة النضال من على البعد ترغب في تكرار تلك التجارب الفاشلة فهمي حرة، ولكننا لن نتخلى عن حقنا في التعليق على ممارساتها.
لا أحب الدفاع عن ذاتي، لكني أحب الدفاع عن كتابتي لذلك سأتجاهل التلميحات الشخصية، وشكراً للإخوان الكرام الذين يميطون بعض أذى البعض عن طريقي.
لمصلحة حيدر الزين مرة وحيدة:
أنا لست صحفياً الان. أنا كاتب فقط اللآن لكني مارست الصحافة وتدربت عليها في مؤسسات محترمة ورفيعة، وقد أعمل في الصحافة في المستقبل لكنني لا ارغب في ذلك لسبب وحيد هو إنها مهنة مرهقة.
إذا كانت تعليمك أو معارفك لا تسمح لك بالتفريق بين الصحافي والكاتب والمعلق إلخ فربنا يستر طريقك.. شوف الحاجات البتعرفها.
بالنسبة لحكاية الشهرة أهو إنت نموذج للكائن الإفتراضي الذي يعتقد أن الأرض تتكوّر فقط حول سودانيز أونلاين. أنا أكتب منذ سنوات في صحف محترمة في السودان توزع بعشرات الآلاف وقراء الصحف الورقية يسعون إلى الصحيفة ويدفعون من اجل قراءتها.
العالم أوسع خارج سودانيز أونلاين. شفت الفرق؟
مع تحياتي الطيبة لكم جميعاً

محمد عثمان وزواره الكرام
اندى التحايا
ما نعيشه اليوم من ثورة اتصالات حقيقية
هو الذي جعل هناك ثمة تماهٍ بين الفضاء الاسفيري السايبري
والمحيط الذي نعيش فيه فيزيائياً
ولو ان جيمس كونللي الذي قاد حفنة من الايرلنديين
او عبد القادر ود حبوبة الذي قاد حفنة من الحلاويين
وجدا ما نتنعم به من هذه الثورة الاتصالية، لو وجدا شيئاً ذلك فمن المؤكد
ان مصائرهما كانت لتختلف - على الاقل نظريا- عما لقياه من اعدام
إذ ان هذه "الثورة" كانت سترفد ثوريتهما- ان شئت قل انتفاضيتهما- بمزيد من الاعوان والمؤيدين
والمؤمنين بالقضية..
والأمر نفسه ينطبق عليك وعلى "مناضلي الكيبورد"- هذا المصطلح التهكمي القمئ، لأن ما تقوم به انت
وهؤلاء الاخوة هو مجرد رسائل، قد تجد الاستجابة او قد لا تجد، إذ يتوقف ذلك على استعداد المستقبل
ومدى تفاعله مع الرسالة سلباً ام ايجاباً
فأنت وهم جميعكم تحاولون توظيف هذه المنجزات الاتصالية لتوصيل رسائلكم، يختلف المضمون ولكن الوسيلة واحدة
وقد تكون انت اكثر حظاً منهم إذ تجد منافذ أخرى في صحافة الخرطوم والمدونات - لكن الذين تنتقدهم - لم يبعثوا برسائلهم بغير هذه
النافذة - سودانيز اولاين - لأن استشهاداتك التي استندت عليها كانت في بوستات بهذا الموقع
ثمة ظلم آخر ، كبير وخطير، نالته منك جموع شعب اصطلى بنيران المظالم الانقاذية نيف وعشرون عاما حسوماً، حينما حولتهم الى "مجرد آيقونات" تستجيب للاشارات التي تبعثها اجهزة التحكم (الريموت كنترولية).."وينزلون الى الشوارع حتى تراق منهم آخر قطرة دم، مثلما يريد "الثوار الريموت كنتروليون"..!! هل هذا يجوز بحق البشر على جهة التجريد..؟
هؤلاء المناضلون الافتراضيون- يا محمد - اثبتوا صدقية التوقعات - زماااااان، زمن كان نصف العالم الشمالي يتحكم في المعلومات الواردة الى نصف العالم الجنوبي - بان الثورة الاتصالية ستكون "وفد المقدمة" للثورات التي ستُعيد تخطيط العيش على هذا الكون من جديد
وليس العصف بأنطمة مستبعدة بالية وحسب..
لك وللجميع المحبة
التعديل لإضافة كلمة

تعليقات على اجزاء من المقال:

Quote: الحقيقة أن الكثير من المهاجرين السودانيين في الغرب، يعيشون على حافة الحياة الإجتماعية والسياسية والإقتصادية في أوطانهم الجديدة، بسبب الجهل بلغات تلك البلاد وعدم التعرف بشكل كافٍ على ثقافاتها ونواميسها الإجتماعية، وبسبب الإلتزامات المالية الكبيرة الواقعة على أبناء الجيل الأول المضطرين للعمل في وظائف لا تدر دخولاً كافية، مما يجعلهم عرضة للعمل لساعات طويلة خصماً على رفاههم الشخصي وتحصيلهم الأكاديمي. وبالرغم من أن هذا أمر معتاد ومحمود أيضاً بالنسبة لمهاجري الجيل الأول، إلا أن البحث عن هدف أمر جبل عليه الإنسان من أجل الإبقاء توازنه النفسي وسلامة روحه. يتأمل المهاجر، العاجز عن التأقلم مع مجتمعه الجديد، حوله فيجد أن وجوده الفيزيائي كمهاجر لا يتسق مع وجوده الروحي كمواطن في البلد الذي عاش فيه ويعرفه. الجسد منه يعيش في مكان والروح في مكان آخر ومن أجل إكساب الحياة بعض المعنى، يتورط المهاجر في قضايا لم يتأهل لها بحكم تجاربه السابقة وينشط في الفضاء السياسي. وبحكم عدم تأهيله فإنه يتورط في تجارب خاسرة مثل تجربة تظاهرة 30 يناير الماضية. كم من مناضلي العالم الإفتراضي كانوا يهتمون بالسياسة قبل هجرتهم؟ قلة قليلة أما الغالبية فلم تكن تعنى بالنشاط أو الحياة العامة ربما.لست بحاجة لإيراد أمثلة لفشل تجربة التواؤم مع المجتمعات الجديدة التي تشكل السبب الأساسي في وفرة الرصيد العاطل في مخازن الحركات السياسية.

الكلام أعلاه محيّر و عجيب يشهد الله، و انت تقراء عزيزى المتابع فى مفتتح هذه الفقرة من المقال قوله " الحقيقة ان كثير من السودانيين..." ثم يواصل. ظل محمد عثمان يردد هذا الحديث أكثر من مرة بلا هدى ولا كتاب منير ولا يتردد فى ان يسميه الحقيقة! من أين لك هذا يا مان؟. مثل هذه الفرضيات و الخلاصات التى ساقها لا يمكن يصل اليها شخص أثناء تناوله لكوب قهوته الصباحى. هذه نتائج كبيرة و دقيقة شديد و لا يمكن الجزم بها و اٍطلاقها كتفسيرات للظواهر السياسية فى المجتمعات الا بعد اٍجراءات مسح اٍحصائى حقيقى. كم عدد السودانيين فى الخارج عزيزى محمد عثمان؟ كم منهم يحمل مؤهلات أكاديمية جامعية او فوقها؟ كم منهم يعمل فى وظيفة متلائمة مع مؤهلاته الاكاديمية؟ ما هو معدل الدخل فى المتوسط؟ ما هى درجة الرضا عن الوضع المالى و الاقتصادى بين الناس (معدل الرضا يكمن قياسه بالمناسبة).

من ثم يأتى السؤال الكبير ما مقدار معامل الارتباط الاحصائى الـ correlation بين الرضا المادى و الانغماس فى السياسية او الانشغال بحال السياسة السودانية. ماذا عن الاسباب الاخرى -الثقافية مثلاً- مدى اٍرتباط المرء بثقافته الام و اٍستعداده النفسى للاندماج فى المجتمع الجديد (خاصة اذا علمنا ان المجتعات الجديده فى الغالب مجتمعات ديمقراطية و العمل العام فيها لا يتطلب التضحية بالنفس، يعنى اسهل من السياسية السودانية لمن يرغب). لكن أخونا محمد يقفز فى فوق كل هذا العلم الذى تبنى عليه مراكز للبحوث و الدراسات الاجتماعية و يوظّف فيه خبراء فى علم الاحصاء و الدراسات الاجتماعية و علم النفس. يقفز فوق كل هذا و يفتل ما يحب، من منازلهم سااااكت، و يزيد متهماً السودانيين بالعجز عن اكتساب لغات المهجر ياخى حتى الببغاوات بامكانها ان تتعلم اللغات فما الذى يعجز الانسان بالله عليك؟.

السلام عليكم و رحمة الله و بركاته
حمدلله على السلام آناس

اما بعد

Quote: يا فدوى .. شوف عيني يوم 24 يناير في جريدة الاخبار المصرية كركتير لمتظاهرين حناكيش واحد بيقول للتاني و لما نخلص الثورة نعمل ساين اوت. عايني الضيق الدخلو فيو هسه. حتى هيكل العظيم قال ظلمنا شباب الفيس بوك و لم نعطهم قدرهم. لا تستهيني بشباب يعيش الحرية في عالم افتراضي .. لأنه سينمو بلا قيود و يخرج لصنع عالم واقعي حر ايضا. الاستاذ / حمور زيادة

القبض على محرض المواطنين على التظاهر عبر الفيس بوك




--------

يا محمد عثمانهم
ياخ لو عاوزني ما اجي هنا تاني قول عديل !؟

كرمشت مشاعري ياخ لي
التجاهل
التجاهل
التجاهل

من أصعب الأشياء السودانية هي أن تجد نفسك تكتب عن من تعرف، وتضطر أن تجامل، أو تكتب حقيقة ما يعتمل في نفسك تجاه الآخرين. بالنسبة لساكن استراليا محمد عثمان فهو صديقي وتعرفت عليه أثناء العمل المسلح في أرتريا، على الرغم من أن ذكر هذه المعلومة يمكن أن يُقرأ بطريقة خاطئة (بمعنى أنه عندما عارض حمل كلاشينكوف وليس كيبورد). ولكني لا أذكر هذه الحقيقةللدفاع عن محمد عثمان، فأنا أعترض على توقيت ما كتبه، وعلى النبرة (التعميمية) التى كتب بها ما كتب، وأعتقد أن مقاله كان سيكون مفهوماً ومقبولاً حتى عند أصحاب العقلية التصنيفية، لو أنه تكلم عن شروط الثورة وعدم إكتمالها الآن في السودان، وعلى الأقل هذا ما فهمته (وطبعاً معرفتى الشخصية به ساهمت في هذا الفهم الإيجابي).

حسناً سأتفق مع محمد عثمان أن شروط الثورة لم تتكتمل بعد في السودان، لأسباب ناقشناها منذ كنا في الجامعات (وهي الواطؤات بكل أنوعها والتى تتم بين القوي السياسية والإجتماعية في السودان وهذا النظام القائم)، وهذا النوع من التواطؤات هو ما يفسر عدم خروج الأحزاب في المسيرة الأخيرة. وحديث التواطؤات يطول.

نأتي للمعارضة الإسفيرية وما يمكن أن تقدمه، هنا أتفق مع محمد عثمان أن البعض ممن يكتبون بإسم المعارضة يفتقدون للموضوعية (أخص بالذكر العزيزين هباني ومصطفي محمود كمثال هنا)، وهناك أيضاً من يكتب ويناقش ويساهم في تحليل الوضع وطرح الآراء التى من شأنها أن تساهم في وضع برامج واضحة للثورة السودانية، وما أختلف فيه مع محمد عثمان هو أن الإسفير مجرد أداة وبالتالي ما يتم ممارسته هنا أو هناك لا فرق كبير بين ذلك، فالموجودون في الداخل أيضاً لهم هبانيهم ومصطفى محمودهم وعندهم حاج وراقهم وفتحى ضوهم. والثورة السودانية تحتاج للكثير من التفاكير الجادة والبعد عن الذهنية التصنيفية (مع أو ضد)، هذا إذا أردناأن نثور فعلاً.


محمد عثمان:

لما ذا لا ترد على قيقراوي؟ أطمع في إجابة (لستَ مُلزماً بها)

...


قوش: يطالب بشعارات جديدة ضد الفساد .. والى الخرطوم : ق ...ام يحتاج لمراجعة !!!













... المهم ....

يا الصادق سماعين
ياخى ما تتحسس، البساط أحمدى و أدخل شمال أعصر على الادروب. انا عارف ناس كتار انا من ضمنهم خاشين فى ارتباك بسبب الصلات الاخوية الجميلة مع محمد عثمان … لكن ادخل اعصر نرده الى جادة طريق الحق يا مان. ياخى حصلت انو محمد عثمان يكتب رأى يتوافق فيه مع ناس فرانكلى؟ يشهد الله قد هانت الزلابيا او يرضيك ذاك يا راجل؟. بعدين ياخى اٍتوسط لى انا عند محمد عثمان خليهو يرد على ياخى .

الصادق حبيبنا

Quote: حسناً سأتفق مع محمد عثمان أن شروط الثورة لم تتكتمل بعد في السودان،

تصدق انا ذاتي متفق معاكم ؟
لكن انقر شنو ؟

انا ادعم الشباب ( قادة الحركة ) الحقيقيين، و لنفس السبب دا ! قول لي كيف ؟
ياخ ما دا التفكير الداخل الصندوق المنهي عنو ذااااتو، و قاعدين نردد في نفس الكلام دا لينا كمين و عشرين شنة ؟
وصلنا وين ؟

الشباب ديل بفكروا اوت اوف ذا بوكس
انا سلمتهم قيادي ... ح امش وراهم دون تردد ... و زي ما يكون !؟
خلونا نجرب مرة ... ح نخسر شنو بعد خسرنا عمرنا كلو في ترديد كلام عاجز من جنس داك

ديل الامل الواثق في بكرة
هم صناعو ...
و صدقني يا الصادق ..
بكرة ح يبنوا مدائن ضو ما بعكر صفو الجو صفارة حرب
او كما قال شاعر الشعب





-------

يديك العافية يا صديق
ما قصرت شايفك اتوسطت لي
ما تعصر عليهو ياخ ! . . . يا زول الرد انا بسوي بيهو شنو
بجيب ثورة ؟
كان ما بجيبا عفيتو منو تب

وسط الجوطه دي كلها انا داير اوضح شئ مهم جدا

انا ما عندي اي شئ شخصي معاك ما محمد عثمان

وتعليقي كان مبني علي قرايتي (المتواضعه) ل (مابين سطور المقال)

ما اكتر

ما قصدت اعاديك وما عندي نيه ولا مصلحه في كدا







................
ما ملاحظين الناس الفرحانين بي المقال
ديل (بلا مؤاخذه)
ناس منو؟

والله البوست ده فيهو كترة موضوعية ووقار ورزانة واحترام للآخر لامن عقدنى عديل كدة وشكّيت انو دى ما سودانيزاونلاين. فكرت حسادة كدة امشى اجيب ليكم (الدكتور) مصطفى محمود يفقع مرارتكم!!!

يعنى مثلا شوفوا زى الكلام الكتبو العوض ده:

(ما كنت أود الدخول في الدفاع عن ما كتبه محمد عثمان ابراهيم لأن القضية في تقديري أنه من حقه أن يكون له رأيه المخالف في أي قضية و معظم من يكتبون معنا هنا ليس من حق أحدهم أن يجعل من نفسه و آرائه معيارا لقياس وطنية الناس و مواقفهم. فقط أريد أن أقول إن ما كتبه محمد ليس فيه أي تعرض بصورة سلبية لما فعله من هم على الأرض هناك في السودان و أن محاولة تصويره و كأنه ضد الانتفاضة فيها ما فيها من عدم الأمانة. أما من يكتبون عن ثورة السودان في الأسافير فيؤسفني أن اقول إن الكتوف متلاحقة و ليس لأحد فضل على أحد)

يا سيد العوض تعرف لو الكيبورديين اقتنعوا بما تقول وكل واحد عرف حدوده وعرف ان الآخرين لهم حقوق مثلهم تماما وانه لا يجب بالضرورة على كل من يكتب ان يلتزم بأن يكون نسخة كربونية من الآخرين لانصلح حالنا من زمان. البعض هنا لا يريد ان يقرأ او يسمع غير صدى ما يعتقده هو ويقوله هو شخصيا.

أنا كقارئ ومتابع لكتابات محمد عثمان وغيره من الكتاب اجد اننى استمتع واستفيد من المقالات التى اختلف معهم فيها اكثر من استفادتى من المقالات التى اتفق معهم فيها. هو اساسا اذا وجدت ان الكاتب بيقول فى نفس افكارك ويرددها ويكررها كل اسبوع حتستفيد منو شنو؟ يعنى نوع الكتاب البجوا كل اسبوع يقولوا ليك الانقاذ ال######ة والكيزان اللصوص وعمر البشير الدكتاتورى والجماهير الخالدة والشعب العظيم الخ الخ الخ.. النوع ده الناس بتستفيد منو شنو بالضبط؟ انا ما قادر افهم دى.. انا شخصيا عارف انو الكيزان لصوص وان الانقاذ ضيعت السودان وان عمر البشير سرق الحكم بليل وان الشعب السودانى شعب عظيم .. ده كلو عارفو وما محتاج ابدا لواحد يقد لى راسى كل يوم بى جنس الكلام ده.. وهذا هو السبب البقول بيهو انو مقالات محمد عثمان ابراهيم متفردة فى اغلبها وفيها افكار جديدة لنج كل مرة ونعم من حقو يختلف مع تصورات الثورجية العايزين يحركوا الناس جوه السودان بالريموت كنترول ومع مظاهر التهريج الصاحبت احداث 30 يناير الفضيحة .. ومع كل حاجة هو عنده فيها راى مخالف..







-------------------

يا عاطف -- مش مهم لو كانت قراءتك متواضعة ام غير متواضعة. المشكلة انك لم تعلق على المقال وانما علقت على (شخص) كاتب المقال.. ووصفته بأنه صحفى غفلة .. مع انك ذكرت انك لا تعرفه ولم تسمع به او تقرأ له من قبل. المطلوب لرفع مستوى الحوار فى هذا المنبر ان يكون التعليق على متن المكتوب لا على شخص الكاتب .. خاصة اذا كنت لا تعرفه ولا تعرف انه حمل السلاح من قبل وحارب ضد الانقاذ من معسكرات الحركة الشعبية ومنظمات شرق السودان .. يعنى مزايدة مع امثال محمد عثمان ابراهيم لا تنفع خاصة اذا كان المزايدة جاية من ناس كل حصيلتهم من النضال الكركبة على الكيبورد


-------------------

اعلن تضامنى مع قيقراوى الذى طبق عليه محمد عثمان ابراهيم شعار التجاهل التجاهل التجاهل بدون أسباب واضحة.

فوق حتى الرد على قيقراوي.

بعض الانتقادات ممن هم مثلنا لايمنعون رزقا ولايجلبون صيتا ولا تزاكرا ولا يحزنون،


يا على عجب الشهير بعلى جيم. تذاكر تكتب بال( ذ) وليس ( ز ). ياخى ضرستنا. لكين والله ذكرتنى واحدة من مداخلاتك فى سودانفوراول زمان لما قيل لك ان الفقرة الاولى فى مقررات مؤتمر جوبا تقول (دعوة الانقاذ للدخول فى حوار شامل مع كل القوى السياسية وقطاعات المجتمع المدنى) فما الفرق بين مؤتمر الحوار الاعلامى ومؤتمر جوبا طالما ان احزاب المعارضة نفسها طالبت قطاعات المجتمع المدنى بالدخول فى حوار مع الانقاذ؟ ردك متذكرو؟ عليك الله امشى جيبو. يا اخوانا المفكر الخطير كتب ان الفرق بين مؤتمر جوبا ودعوته للحوار مع الانقاذ، ومؤتمر الحوار الاعلامى الذى جاءه الصحفيون من الخارج هو ان مؤتمر جوبا يتحمل فيه المدعووين تكاليف (التزاكر) على حسابهم، بينما فى مؤتمر الاعلاميين (التزاكر ) كانت على حساب الحكومة!!!!! انت بالجد يا على جيم مشكلتك شنو مع التذاكر؟!!

تزاكر يقطعوها ليك فى راسك يا على جيم. بالله ده فهم واحد عامل نفسه منظر وعايز يقود المعارضة ويقيم كتابات الكتاب؟ ياخى اول حاجةامشى طور لغتك العربية واعرف الفرق بين تزاكر وتذاكر وبعدين تعال قدم لينا محاضراتك الهبلة دى ..






----------------------------------
يا محمد عثمان ابراهيم

والله وقعت فى شر اعمالك وظهر انك حرامى بتسرق عباراتك من العلامة على عجب الشهير بعلى جيم. شوف الراجل جاب ليك الدليل المادى على ان عبارة (دق عنقه) استخدمها هو قبل ثلاثة سنوات فى سودانفوراول. وكونك كتبت دق عنقه فى مقالك يعنى انك متأثر به او حرامى عديل. عليك الله من الآن فصاعدا اعمل حسابك. وليكن فى علمك مداخلات على عجب فى سودانفورال دى ثروة قومية أقراها كويس وحاذر ان تنقل منها عبارة زى (دق عنقه).

Quote: الصادق سماعين ياخى ما تتحسس، البساط أحمدى و أدخل شمال أعصر على الادروب. انا عارف ناس كتار انا من ضمنهم خاشين فى ارتباك بسبب الصلات الاخوية الجميلة مع محمد عثمان … لكن ادخل اعصر نرده الى جادة طريق الحق يا مان. ياخى حصلت انو محمد عثمان يكتب رأى يتوافق فيه مع ناس فرانكلى؟ يشهد الله قد هانت الزلابيا او يرضيك ذاك يا راجل؟. بعدين ياخى اٍتوسط لى انا عند محمد عثمان خليهو يرد على ياخى .

ابو بكر الذي وين كدة ماعارف

الموضوع ما فيه اي تحسس وصدقني هذا الادروب من اكثر الذين يتقبلون النقد الموضوعي فلا خوف عليه، وأنا ما داخل في إرتباك، أنا خوفي أن يفهم ما كتبتبه ضمن (علاقتي الشخصية بمحمد عثمان).

وبعدين توافق الآراء مع شخص لا يعنى أنك تنظر للموضوع من نفس وجهة نظره، ألم يأتك خبر إتفاق صاحب الإنتباهة مع 98% من الشعب السودانى في جنوب السودان وهما على طرفي نقيض.

أنا أدعم هؤلاء الشباب في كل شئ وبأي شئ، وأيضاً أرى الكثير من (الضجيج الثوري) الذي لا بيودي ولا بجيب، وأري أيضاً كثيراً من الآراء الثورية والديمقراطية في هذا المكان والتى تحتاج لنقاش جاد للخروج بهذا الوطن من (أزمته) واستعادة الديمقراطيةن ومؤقتاً أحتاج أن أتجنب الدخول مع هؤلاء الثورجية والذين يحملون أختامهم الجاهزة لدمغي بها إذا تناولت كتاباتهم بعدم الرضا، وقد ذكرت إثنين منهم بالإسم في كتابتي (هباني ومصطفى)، وهذا ليس قدحاً في نضالهم أو مثابرتهم لهزيمة نظام الإنقاذ لا، ولكن القضايا التى يجب أن تُناقش والأسئلة أكثر من مجرد أن (تحوم المنبر بكراع ###### وان حامل لعبارة مستهلكة).

يقلقني يا ابو بكر أيضاً عدم الفرز والذي يضع المعارضة كلها في سلة واحدة(سينتهى بنا الحال لضرورة ان يكون خليل الدباب والترابي أُس المشاكل) جزءاً لا يتجزأ من المعارضةز أنا أعتقد أن المعارضة ليست جسماً واحداً، وأنا شعار لا معارضة لمعارض (يضر ضررراً بليغاً بالمعارضة)، أن أؤمن بفرز الكيمان حتى ونحن في المعارضة، وقد كلفنتنا الحلول الوسط وعبارة (الحفاظ على وحدة التجمع) إتفاق القاهرة الهزيل وجزء كبير مما آل إليه حالنا اليوم.

على هذا الضوء أقرأ ما كتبه محمد عثمان، وما يزعجني ليس أنت وآخرون هنا أعرف مدى موضوعيتهم، ما يزعجني هو العقلية التصنيفية والتى هي دائماً على استعداد لنسف الآخر إذا لم تتفق معه، نعم هذا المنبر يجمع الكل وفيه من عندهم اجندة ومن حقنا أيضاً أن نقف ضدهم وتفنيد اقولهم بكل موضوعية ببساطة لأن موقف (هلا مريخ) لن يحل أي مشكلة.

حذف للتكرار.

بوستيكم اتفتل فتلة العدو ...












... المهم ....

يا بكري
انقذ البوست، قيقراوي راجي الرد.
الرد الرد السد السد.

عزيزنا محمد عثمان ، سلام يا صديقي و لعلك و من معك بخير
تاخرت في الرد لان الرجل الأبيض ياخد منا بيمينه ما اعطانا بشماله فلازم أكون مدور في الطاحونه دي لحدي انصاص الليالي فعذرا ...
جيت متاخر و لقيت الصادق كتب الداير اقولو كتابة من اطلع علي مافي قلبي حتي توجست منه خيفة و لكن لا باس من كتابة ما كنت أود كتابته :
في ظني ، ليست للثوره الشعبيه أي ظروف موضوعيه سوي الظلم ، الأحساس بالظلم بيولد براكين الغضب التي لا يعرف أحد متي و أين تحدث ، و الظلم في السودان دوله ,
عشان كده لمن تقول :

Quote: والثورات لا يتم انتاجها وتعبئتها من أمريكا وأوروبا، ثم ارسالها لتنفجر في الخرطوم

و لمن تقول

Quote: دعونا نتفق أن هذه الحكومة ليست ابدية وليست خالدة، وأنها ستتغير طال الزمن أم قصر بوسائل معروفة وسهلة وواضحة ليس من بينها التظاهر في المنتديات الإلكترونية وموقع الفيسبوك للتواصل الإجتماعي.

بتبقي قولة حق قد يفهم منها باطلا : المحرك الأساسي للناس هو الظلم ، بعداك الناس تتنظم في الفيس بوك ولا في منازل تحت الأرض لا يهم ، المهم جدية الناس و صدقها و اخلاصها فيما تعمل .
حتي في تجارب الثورات البدي تنظيم الناس فيها في الاسافير ( تونس و مصر ) : المساله أخدت وقت طويل جدا لحدي ما بقت عمل محسوس و انتهت بتغيير حقيقي علي أرض الواقع ، و هذا راي نتفق و نختلف فيه لكنه ليس ماخذي علي المقال :
ماخذي علي المقال التعميم و التوقيت و لا شئ سواهم !!
أنت قد ساويت من ناضل بحق فعذب و حبس و ضيقو عليه المليون ميل بمن بدا النضال حينما اقتني كيبورد عربي !!
ساويت الناس الحاربت الانقاذ بالكلاشنكوفات و جات تحث من إتفق معها براي للخروج في الشوارع ضد الأنقاذ ، بمن كان سلاحهم تصنيف من (يختلف معهم في الراي) بالعماله للحكومه و دمغهم بالفيهم و الما فيهم و من ثم إضافة بعض الألفاظ البذيئه لزوم تاكيد النضال و الظروف الاستثنائيه !!
في ناس في الاسافير يا محمد عثمان - و أنا أحسبهم الغلبه الغالبه - ناضلو بحق ، ما خرجو من السودان رغبة لكم أخرجو منه رهبة : دخلو السجون و المعتقلات و حوربو في رزقهم و رزق عيالهم فكيف يمكن وصفهم ب (المناضلون الإفتراضيون) ؟!!
التعميم صور المقال كانه ازدراء بالمعارضين شريفهم و وض ي ع هم و التوقيت بدا و كانه (مد لسان ) للقله التي خرجت للتظاهر يوم 30 يناير الماضي و للمناضلين الحقيقيين الذين أخرجو من ديارهم بغير حق فما بقي لهم غير نضال الكلمه .
.
لو كتب هذا المقال شخص أخر فلربما احتفينا به - ففيه كتير من الحقائق - لكنا حسبناه عليك حيث يقول الأثر (حسنات الأبرار ، سيئات المقربين ) .
لك الود صادقا يا عزيزي و دم بخير .



---------
و قيقراوي ده أصلك ما ترد عليه : مكتبه ما عندو !!!

Quote: تصدق انا ذاتي متفق معاكم ؟ لكن انقر شنو ؟ انا ادعم الشباب ( قادة الحركة ) الحقيقيين، و لنفس السبب دا ! قول لي كيف ؟ ياخ ما دا التفكير الداخل الصندوق المنهي عنو ذااااتو، و قاعدين نردد في نفس الكلام دا لينا كمين و عشرين شنة ؟ وصلنا وين ؟ الشباب ديل بفكروا اوت اوف ذا بوكس انا سلمتهم قيادي ... ح امش وراهم دون تردد ... و زي ما يكون !؟ خلونا نجرب مرة ... ح نخسر شنو بعد خسرنا عمرنا كلو في ترديد كلام عاجز من جنس داك ديل الامل الواثق في بكرة هم صناعو ... و صدقني يا الصادق .. بكرة ح يبنوا مدائن ضو ما بعكر صفو الجو صفارة حرب او كما قال شاعر الشعب

قيقا يا قيقا (عندك علاقة بالكمبيو تر قريبكم ولا حاجة)

المهم يا زول

يا خي الشباب ديل هم زاتم العليهم الرك، عشان كدة ما بنقصر معاهم تب، وأي شئ دايرنو نحن معاهم فيهو. وأنا الغريب قريت مقال محمد عثمان في الإطار بتاع دعهم وتحفيز الآخرين لعمل أكثر جدوي. المهم (ما بتاعت تبارك الكيبوردي) يا ريت لو اتناقشنا في (المتفق عليه) من شروط ثورتنا.

والله ما طلبنا لكم الرد إلا حباً فيكم، وقد رأيناكم تطلبون الرد فظننا ألا بأس من (بعض دفرةٍ) ربما يحن قلب الذي بأستراليا.

- قراية بانتظام و اهتمام شديد, مش بسبب محمد عثمانهم و بس, بل و بسبب قصة "مناضلين الكيبورد" ال كلما فلان او علان من الكتاب المحترمين تم نقده هنا أو هناك قام جرى رافعا في وش مخالفيه و فاكر روحو بنبذ فيهم و يا كتاب امكم مسكينة, توجد كتابة جيدة أو رديئة و تختلف المعايير و التفسيرات. التعبير نفسه لا يخلو من تحيز لأن من اطلقوه لم يستخدموه ضد كل من يمارس الكتابه, بل ضد مجموعة معينه في قطر معين لها مواقف من نظام محدد في السودان, لأن حماس و النهضه و الاسلاميين المحظورين و المطاردين في بلدانهم يجلسون خلف كمبيوتر ما و يجاهدون بكمبيوترهم ضد هذه الانظمة.
اسئلة و ملاحظات بالكوم طرحت هنا من قبل ابوبكر و المشرف و قيقا و أمين على سبيل المثال لا الحصر ارى ان محمد عثمان و من يردد في الالقاب دى ساااكت كده مطالب بالاجابه عليها او أقلو التفكير فيها بجدية ان كان هدفه ازالة اى لبس أو تفسيرات خاطئة لكتابته و ربما مواقفه.
- يا على صلح مداخلتك دى لانها خربت البوست , بيكون في علامة اقتباس داخل اقتباس مجليه حاول صلحا.
- اخونا عبدالمحسن : غايتو الشباب ديل معظم الاحيان بيناقشو بالطريقة الجاده و مسئوله دى, حقو تدعم اشادتك بي طريقتهم بان تواصل في نفس الاتجاه, على عجب ما موضوع البوست و تم حشر اسمه لا ايدو لا كراعو و هو وضح برضو بي جديه موقفه و ممكن نتفق او نختلف مع تقديره ده ....
منتظرين الباقي .... و نشوف

من افضل ما قيل عن الأمر :

Quote: يا أخوانا ما تخلوا سفالة بعض من أدعياء المعارضة في هذا المنبر تخفى عنكم فسالة بعض من يتصدون لهم بتخذيل الجميع بالاقلام ذات السنة الناعمة فمواقفهم نابعة من ردود أفعال شخصية وليست إلا إنتصارات لذواتهم ولا تدعوا أى من الفريقين ينسينا حقارة هذا النظام ونبل الأخوات والأخوان الذين خرجوا لمواجهة النظام المتعفن في الخرطوم فهم ليسوا في حاجة لمن يحرضهم أو يقودهم فان لم تستطيعوا أن تساندوهم فكفوا عنهم شرور أنفسكم فشباب ولنأخذ كمثال الاخوات مناهل ونجلاء تفتكر نساء زى ديل يسدوا عين الشمس ويدفقوا راجين من منو تحريض ولا توجيه ولا تقييم فليخض الفريقان معاركهم بعيدا عنهم

مختصر المقاله في شأن السفاله و الفسالة

الإخوة أصحاب المداخلات القيمة والزوار والقراء
معذرة للغياب بسبب فرق التوقيت والكدح والعطلة.
ساعود لهذا البوست لاحقاً فهناك مداخلات أضاءت جوانب أخرى لم يتطرق لها المقال.
يا حبايبنا الصادق وسيف
يا جماعة والله قيقراوي دة أنا عايز ارد عليه لكني ما قعد أفهم كلامه..
يا قيقراوي السؤال شنو مرة تانية لو سمحت؟
كما وعدت سأعود لمداخلاتكم جميعاً
مع مودتي وتحياتي
محمد

السلامو عليكم تاني

اولن نحب نشكر كلو من تضامن مع جنابنا في محنتنا هنا
و اخص بالشكر حبيبنا عبد المحسن و المذكورين ادناه

Quote: يا حبايبنا الصادق وسيف يا جماعة والله قيقراوي دة أنا عايز ارد عليه لكني ما قعد أفهم كلامه..

اما بعد

سبحان الله و سبحانه ...
شوفوا براكم عشان ما تقولوا كضاب

Quote: الاستاذ قيقراوى السلام عليكم ينسبون الى الروائى الكولومبى غارثيا ماركيز قوله إنه لا يعرف ان يتعامل مع الاطفال الصغار جدآ ومع الكــلاب. فسألوه لماذا، فقال إنه لا يعرف أن يتعامل مع (كائنات لا تحسن الكلام). واضح من كلام ماركيز ان إحسان الكلام والتعبير مهارة يتفاوت البشر فى تحصيلها. ومافى معرفة بتحصل أو اتصال ناجح أو تفاهم إلا إذا كان الكلام واضح ومفهوم وإلا سيصبح مثل كلام الطير فى الباقير، أو قيبيريش gibberish كما يقول الفرنجة. أنا ما ماركيز ولكننى لم افهم كلامك. فأعد كتابتك بطريقة واضحة ومفهومة فهذا أدعى للحوار المثمر. حبيبنا عادل عثماننا

شكلي كدا ح ادعو اتحاد "الاطفال الصغار جدن جدن و الكـــــلاب العرب و الما عرب ذاتو " لانعقاد سريع لبحث المسألة مع المدعو " ماركيز " دا و من تمركز في جلبابو ...

عقدتوني من قاشريز دا رسسسسسسسسسمي .. و انا اصلي متعقد منو !
يكون من شنو دا يا ربي !؟
يكون عشان ما قريت ليهو - و الله جد - انتو ناس اخوان ياخ، و ما بين الاخوان مدسة. كان قريت ليهو بكلمكم و الله. للامانة يوم لقيت عند واحد صاحبي كتاب ليهو، تقريباً اسمو " ليس لدى الجنرال من يخاطبه" او نحو ذلك. جنرال و لّ اقول ليكم كولونيل و لّ نيلة دي ما عارف !؟
المهم يا سيد الامانتي ليك، وقعت ليك فيهو فرم- اخوكم كان عزابي وكتها- شديت حلة العدس، ومسكة واااااااحدة، الحلة تجقلب و اخوكم يقلب في الصفحات. النصيحة كتااااااااب للدين. بس " مقرف " - و دا رأيي الرسمي، السياسي و موقفي الفكري منو ذاتو- آآآي مقرف، الحلة استوت.. و الكتاب لسة باقي فيهو صفيحات، قلت اكمل و اقوم الى عدسي ترحمني عزوبيتي و يتوب علي رب منها. المهم - ما حقت "طبارك "- خلص الكتاب و اريتو لو ما خلّصتو قبل العشاء ... انقروا آخر كلمة فيهو شنو !؟ [ خراء ] ... آي و الله !! ... مرتو سألتو ماذا سنأكل؟ قال ليها [ خراء ] !!
قبلت على حلتي، يا للهول !! ... لقيتا مسكت !!
اتعشيت " مروحة " يوماداك، زي ما كنا بنقول ايام الداخلية


يا حبيبنا و محمد عثماننا
شوت ساي ياخ ... البساط احمدي و الله
و قديمن قيل : " الليل و النهار واحد على العميان ... و اللوم و الشكر واحد عند " فتح الرحمن " "
انقر كان قاصدين منو ؟
انا دا ذااااااااااتو ياخ !؟
شوت الشايفو ... انا ما عندي اي سؤال !



---------

يا زول انا اتنازلت عن الرد ...
بس مكافأتي عاوزا انو اصلو ما ترد على بكري علوم دا كلو كلو

طيب تيسير عووضة كيف ... بتفهم كلاما ؟

Quote: أنا ما محيراني الإنقاذ محيرني السايبين (قتل) الإنقاذ وماسكين في (كضب) المعارضة كمن قالوا له زوجتك تخونك مع دكتور فلان جاركم قال ليهم هو زاتو ما دكتور فاكيها في روحو ساكت !!

Re: حاشا لله .. الإنقاذ لا تقتل الطلاب .. الإنقاذ لا تعذّب المواطنين!

شكرا يا عصآم جبر الله على النصيحة. عداك العيب. كلامك ما فيهو عوجة تب. لكين اقول ليك حاجة .. انا التجربة اكدت لى ان الطريق الوحيد لردع الادعياء والبلطجية الذين يمارسون الابتزاز فى هذا المنبر هو استخدام نفس الاساليب التى يستخدمونها هم انفسهم فى ارهاب الآخرين. كثير من البلطجية من ادعياء النضال يستغلون سماحة الآخرين وجنوحهم للسلم فيطلعون فى الكفر. وانا بقيت كل ما اشوف واحد من ديل بيركبنى ستين جن.

Quote: الحكومة يمكن بسهولة إزاحتها بأي واحدة من ثلاث وسائل ، وهي بالمناسبة وسائل معروفة بالنسبة لجميع الأطراف : الشعب ، الحكومة، والمعارضات المتشظية: 1- التغيير حرباً، وهو تغيير باهظ التكلفة ويحتاج إلى تضافر الكثير من العوامل على المستوى الدولي والإقليمي والمحلي، وهذه العوامل كلها متضافرة الآن ضد مثل هذا النوع من التغيير. 2- التغيير عن طريق صندوق الإنتخابات، وهو تغيير غير محتمل أيضاً في ظل الوضع الراهن بسبب عدم قناعة الحكومة وحزبها الحاكم بهذه الوسيلة أصلاً، وبسبب عجز القوى السياسية المعارضة عن الإلتزام ب/ أو فرض هذا السبيل كوسيلة مثلى ووحيدة للتغيير. 3- التغيير عن طرق الإنتفاضة الشعبية، وهذا أمر كبير الإحتمال لكنه غير مرجح الآن

وكأنك يا محمد عثمان تقول لنا، نحن مناضلي الكيبورد، أن كل الطرق للتغيير مغلقة، وأن أتركوا النظام في حاله لأن تغييره هو السهل الممتنع.

ثم ماذا؟

نحن يا صديقي نريد أن نجعل من الأمر (غير المرجح) أمراً ممكناً، بكل الوسائل المتاحة لنا،
ولا يكلف الله نفساً إلاّ وسعها.

الاخ عبد المنعم سليمان

أنا اتابع مقالات محمد عثمان ابراهيم مثلما اتابع مقالات مصطفى البطل الذى وصفته بأنه صديقه. ولم افهم ان كنت تعنى صديقه فى هدم المعارضة ام صديقه فى الحياة. ما يهمنى فى مداخلتك نقطة واحدة لعلها جوهر المداخلة نفسها وكنت قد تعرضت لها فى بوست آخر قبل حوالى الاسبوعين وتدور حول المحتوى الحقيقى لمقالات البطل (فى البوست الآخر) ومقالات محمد عثمان ابراهيم فى هذا البوست.
هناك كلام كثير يدور كلما جاء ذكر المقالات هذه عن الانترنت وتأثيره وفعاليته فى عالم اليوم، ويعقب الكلام دائما تقديم محاضرات طويلة للبطل ومحمد عثمان ابراهيم، ومن يلفون لفهما فى مثل هذه المواقف، عن ان الانترنت مهم جدا وفعال ثم تجرى مقارنات بين الانترنت والصحف الورقية وكيف ان الانترنت تجاوزها ثم يتم ايراد امثلة من دول كثيرة حرك فيها الانترنت الشباب والمجتمعات الخ الخ الخ. بل ان كاتب من المجيدين وهو سيف الدولة حمدنا الله كتب مقالا كاملا قبل فترة قليلة يرد فيه على مقال البطل الاخير وقد اورد فى الرد مقارنات بين الصحافة الورقية داخل السودان وانتشار الانترنت على افتراض ان البطل يؤمن بأن الصحافة الورقية اهم من الانترنت وهو امر لا وجود له فى مقال البطل المردود عليه. والواضح ان حمدنا الله كان متأثرا بما يقرأ فى سودانيزاونلاين اكثر من كتابات البطل الحقيقية.

المهم هو ان الافتراض الثابت هنا هو ان الذين يستخدمون عبارة "مناضلى الكيبورد" مثل محمد عثمان ابراهيم ومصطفى البطل لا يعرفون قيمة الانترنت واثره ولا يعترفون به وهنا مربط الفرس.

أنا رأيى بصفتي قارئ منتظم لكليهما ومتابع للمنابر عموما ان عبار ة مناضلى الكيبورد تنصرف الى حفنة من الناس يتصفون فى نظر مستخدمى العبارة بالجهل او الادعاء او غيره ويستخدمون الانترنت لاثارة وترويج قضايا مفتعلة وينتحلون صفة المناضلين وعموما هم اناس يضرون اكثر مما ينفعون. انا شخصيا لا اتبنى هذا الفهم، ولكننى قلت فى البوست الآخر ان هناك فرق كبير بين ما يعنيه البطل وغيره فى هذه الحالة باستخدامهم لهذه العبارة وبين ما اراه امامى من كتابات كثيرة تتهم البطل ومحمد عثمان ابراهيم وغيرهم بأنهم لا يعرفون قيمة الانترنت ولا يفهمونه ثم يشرعون فى ايراد الامثلة الكثيرة عن نتائج الانترنت وثورة الملعومات فى الدنيا العريضة الخ الخ

الذي يجعلنى واثقا من فهمى هذا هو اننى قرأت فى عدد كبير من مقالات البطل اشارات قوية لدور ثورة المعلومات والانترنت. بل ان للبطل مقال كامل طويل قرأته قبل حوالى ثلاثة اعوام يتحدث فيه بالتفصيل عن الانترنت وانه يمثل الحاضر الجديد والمستقبل القادم وانه سيحمل مفاجآت لنا فى السودان وغير ذلك. والعجيب انه فى ذلك المقال يتحدث بايجابية شديدة عن سودانيزاونلاين حيث دعا المشاركين فى المنابر الانجليزية فى ذلك الزمن للدخول الى المنابر العربية و المساهمة فى قيادتها وتطويعها فى اتجاه ايجابى. حاولت ان اجد ذلك المقال فى منبر الجالية السودانية الامريكية ولكننى لم استطع تذكر عنوان المقال وارجو ممن يتذكر العنوان استخراج ذلك المقال وعرضه علينا فى هذه المناقشة.

الاخ عبد المنعم

شكرا لانك اتحت لى محاورتك. وكل ما اردته هو تسليط بعض الضوء من زاويتى حول ما ظننت انه خلط شديد حول مفهوم عبارة "مناضلى الكيبورد" . وارجو الا اكون قد تجاوزت.

مع احترامى لك ولجميع المشاركين

استاذ انور
تحياتي واحترامي
ساعود اليك لاحقا ..

__
قيقراوي
غايتو الله يجازي محمد عثمان
ما خلى لينا حته نقبل عليها
ان وافقته تقودك موافقتك لحبل الانقاذ
وان خالفته فانت اما من الكلاب او الاطفال
للضمان كدا من هسع انا من الاطفال

___

لمحبة في قلبي لمحمد تفوق محبة بكري له
ارجو من محمد الاتصال بي ع الاسكايب
Abdul.s.ali
الايميل :
[email protected]
يمكن تهتدي على طريقنا وننال الثواب هههههههه

منعم يا منعم

Quote: قيقراوي غايتو الله يجازي محمد عثمان ما خلى لينا حته نقبل عليها ان وافقته تقودك موافقتك لحبل الانقاذ وان خالفته فانت اما من الكلاب او الاطفال للضمان كدا من هسع انا من الاطفال

لووووووووول

الاقتباس بتاع الاطفال السغار سغار و الكــلاب دا ما كلام محمد عثماننا
لا ياخ !؟
دا عادل عثماننا ياخ !؟
لذا لزم التنويه
للامانة محمد عثماننا ما شفت عليهو جنس الكلامات دي





--------------
بختك لقيت ليك كاتوقوري يليق... انا غايتو عندي 3 اطفال مايسلف ... يبقى الكاتوقوري التاني محمدني تب
لكن دايمن خليك ايجابي و انظر للنصف المليان من الكوب ...
حتى لو كان مليان كلام فارغ برضو

Quote: الاستاذ قيقراوى

مع ( الاستاذ ) دي لا يضر ( بل ) كلو كلو

اييييييييييه !!
الحوار الديمقراطي و ( الحوار الديمقراطي - الديمقراطي ) مأزوم ... مأزوم
و للاسف كلنا متورطين
برضو تقولوا لي ثورة !؟

زي ما قال حميد :
هاكم دي !!

يا أخ
Abdelmuhsin Said
الإنسان مواقف ومبدأ ..
استنادا على مواقف الكاتب محمد عثمان ابراهيم منها المشاركة فى مؤتمر الكيزان على حساب الشعب
وكتاباته منها المكتوب أعلاه هو فى تقديرى ومن وجهة نظرى شخص إنتهازى وموالى لحكومة
القتلة اللصوص .
شكرا

البوست ده ممكن يصلحوهو كيف ؟!..
كلمو بكرى ..


....
قيقراوى انت الايام دى يا عزابى .. يا عرست !!

سلام يا شباب

Quote: هناك اراء شخصيه كثيره تتكون عندى فى مروري السريع على المنبر .. واتركها حيث تكونت وامضى لقناعتى التامه بعدم صلاحية الانطباع الشخصى للتعميم والنشر المحدود الذى نمارسه جميعا هنا.

المشرف سلام
انت عارف انا محمد عثمان و الله ما بعرف عنوا اي حاجه..لا خير لا شر
لكن في مرة من المراريت الزول ده كتب ليهوا حاجه في
فوراول...بعد شويه جا صاحب التصاوير (حسن موسي)
و حدر ليهو حدرة ذات مغزي... و الله العظيم الزول ده
انكسر لحدي ما خجلت ليهو...رد علي حسن موسي بما معناهو
يا شيخ حسن لو الكلام دا ما بنفع معاك ممكن نمسحوا
في الاسافير دي شفنا بتاعين يا مبدع و يا وريف و يا ظريف
من كساري الثلج...لكن و الله كانت اول مره اشوف زول مواقفو حسب الطلب
اها الزول دا انا من اليوم داك اخت عنو انطباع سيء
إحساس انو يميل محل ما الريح تهب


بعدين حاجة تانيه يا جماعه ... الصوره الخاتيها الزول ده في البرفايل
ما ياها بتاعت كريمر الزول الكوميدي الفي يوم من الايام
فقد اعصابو علي خشبة المسرح عندما قاطعه احد السود
فاخذ يصيح

Throw his a s s out! He's a nigger! He's a nigger! He's a nigger! Look! A nigger!

فرد عليه رجل اسود بانه لا داعي لذلك
That was uncalled for

فماذا كان رد الكوميدي الظريف

S h u t up! Fifty years ago, we would have had you upside down with a f_u_c king fork up your a s s!

دي ترجموها براكم

الإخوان أبوبكر والصادق وأنور وأمين وعبدالمحسن وعبدالمنعم
أسمحوا لنا بأن ننقل الحوار إلى بوست الأخ امين محمد سليمان الجديد.
يا اخواننا لو في زول فهم مداخلة قيقراوي بتاعت ماركيز وحلة العدس ومش عارف إيه خلي يشرح لينا ويورينا كيف يمكن توطينها في سياق النقاش الحاصل دة.
ناصر جامع
لو سكت لظن البعض أنك غبي فلا تتحدث حتى لا تؤكد لهم ذلك.
مع تحياتي

Quote: ناصر جامع  لو سكت لظن البعض أنك غبي فلا تتحدث حتى لا تؤكد لهم ذلك.  مع تحيات

الاستاذ الصحفي الكبير محمد عثمان
الكلام ده و الله ما بصح....ابدا و الله
اذا كنت انت صاحب اليراع تفحمني بلغة البلطجيه و الرعاع فماذا
يفعل عامل نظافه زي حلاتي مع اصحاب الفخامه من امثالكم خدام صاحبة الجلاله السلطه الرابعه؟؟؟
مش قلتا ليك لغة غبي و عوير و اهبل دي ما بتصح من صحفي
زي حلاتكم عندو حوارييين و مريدين و كمان يمكن معجبين في الفيس بوك
يا حبيب انا قلتا لا بعرف ليك لا خير لا شر...لا بعرفك حكومه
لا معارضه و لا بين بين...لكن اتكلمت عن اول انطباع لي عن فخامتكم .... و كان انطباع سلبي ... لموقف انبطاحي لم اشهد مثله في الاسافير
بعدين يا صاحب القلم الكبير....جملتك دي مخوزقه خوزيق كبير خلاس و من عدة اوجه... من حيث المبني و المعني كمان (شوف لما عمال النظافه عايزين يتطاولو علي المثقفاتيه الكبار)
من حيث المبني انت عايز تقول يا ناصر جامع من الافضل لك ان تصمت و تنطم...فيحسب الناس ان في القبه فكي
فلا تتحدث فتفضح للناس جهلك و غبائك... يعني من باب آن لابى حنيفه ان يمدد كراعه
لكن تعال شوف جملتك مكوجنه كيف

Quote: لو سكت لظن البعض أنك غبي

دي كان مفروض يا صحفي يا كبير تكون كلاتي
لو سكت لظن البعض أنك ذكى
و عجز البيت بتاع قصيدتك دي

Quote: فلا تتحدث حتى لا تؤكد لهم ذلك

مفروض يكون
فلا تتحدث حتى لا تؤكد لهم انك غبي
يبقي الجملة كلها علي بعض حتكون
لو سكت لظن البعض أنك ذكى فلا تتحدث حتى لا تؤكد لهم انك غبي
أو
لو سكت لظن البعض أنك ذكى فلا تتحدث و تفضح جهلك و غبائك
و بما انك زول كتابه و جهبيز لغة ... فانا متأكد انو صياغتك كان حتكون أجمل من حقتي دي
هذا من حيث المبني
اما من حيث المعني...شنو يعني تعاير زول بي غباؤا؟؟
ياخي انت لو ربنا أكرمك و أداك نعمة العقل النافذ الذكي
ليه بدل ما تشكر ربك عسي ان يديم عليك نعمته تتبطر يا صاحب اليراع علي الناس الذين لم يكرمهم الله نعمة الذكاء؟؟
انت ذكائك ده اختو من رب العالمين قوة و غلابآ...و لا هو اتكرم ليك بيهو هبة من كريم و هابا؟؟
يا زول هوي قول بسم الله...و أشكر ربك, لكن بطل خرمجتك و جود كتابتك حاكم ده اكل عيشك

ناصر صباح الخير ..
وكيف الحال والاحوال ..

انا أعول كثيرا على الانطباع الاول .. عندى وهمة إنى ود صالحين مكشوف عنهم الحجاب ..
الا أن الموضوع مختلف قليلا فى الحيز الذى نحن فيه..
بحيث لا يكون الانطباع الاول صحيحا .. ولا الثانى .. اوالثالث .. أو حتى الاخير ..
وكان الانسان الاسفيرى أكثر جدلا يا عزيزي ..

Quote: الإخوان أبوبكر والصادق وأنور وأمين وعبدالمحسن وعبدالمنعم أسمحوا لنا بأن ننقل الحوار إلى بوست الأخ امين محمد سليمان الجديد.

كويس, بس اوع اى زول يجيب سيرتى بهناك

عموما ..
هى مجرد آراء مختلفه حول موضوع ..
لا تستحق هذه الانفعال الانسانى العنيف ..

والله أجمل حاجة في بوست المتثوقف المستصحف دا هو دمغه لقيقا بالغباء ..
بل واصراره على ذلك وتكراره القول حتي لقد ظننت انه صادقٌ فيما قال..

وامين سليمان ومحمد المشرف يشيلو ويطبل ليهو .. يشيلو ويطبل ليهو .. حتي لقد ظننتهم فردة كورس ..!

والمستثقف الاممي محمد ( عثمانهم) يوزع في صكوك فهمه مرة بمبدأ اتاحة افرصة الاخيرة ومرة بمبدا الفهم قسمة ونصيب ..

وقيقراوي يشيل ويحاول يثبت انه ما غبي ودليلو انه بيعرف يطبخ عدس ..!!
عدس يا قيقا!! عدس في المطر دا ؟؟!

غايتو احمد المرضي يوم بيكتل ليهو زول ...

مقالة فطيرة... أكاد أجزم أن صاحبها يتحدث بمنطق أهل الإنقاذ
ولا أعتقد أنها تستحق هذا الـ preview أو دعاية مجانية لها

السلام عليكم يا شباب
و سلام كبير اوي لكاتبنا الضخم محمد عثماننا
انتهت المداخلة بالنسبة ليك يا محمد عثمانهم ...

Quote: يا اخواننا لو في زول فهم مداخلة قيقراوي بتاعت ماركيز وحلة العدس ومش عارف إيه خلي يشرح لينا ويورينا كيف يمكن توطينها في سياق النقاش الحاصل دة.

يلا يا شباب في شرح لغة الطير في الباقير دي عشان تترجموها للغة ماركيزية يفهم بيها كاتبكم الكبير نقول بعد العياذ بالله من الشيطان الرجيم و الثناء على خير خلق الله اجمعين .. بسم الله الرحمن الرحيم " رب اشرح لي صدري و يسر لي أمري و احلل عقدة من لساني يفقهوا قولي "

يا عزيزي الصادق اسماعيل قلت :

Quote: يا ريت لو اتناقشنا في (المتفق عليه) من شروط ثورتنا.

و اللي هو :

Quote: حسناً سأتفق مع محمد عثمان أن شروط الثورة لم تتكتمل بعد في السودان،

وفق :

Quote: تصدق انا ذاتي متفق معاكم ؟ لكن انقر شنو ؟ انا ادعم الشباب ( قادة الحركة ) الحقيقيين، و لنفس السبب دا ! قول لي كيف ؟ ياخ ما دا التفكير الداخل الصندوق المنهي عنو ذااااتو، و قاعدين نردد في نفس الكلام دا لينا كمين و عشرين شنة ؟ وصلنا وين ؟

بالعربي :
يعني لو انتظرنا لحدي شروط الثورة دي ما تنضج، و نحن مشغولين بماركيزكمدا ياهو مصيرا مصير حلتي بتاعة العدس ... شفت كيف ؟

المسالة بسييييييطة جدن جدن بقدر بساطتي انا الزول الساي دا ...

رياضياً :

انشغال بماركيز + حلة في النار منتظرنها ( تنضج ) = تاكل هواء

وقع يا اخوانا و لّ نعيدو ؟




--------

يا صادق يا حبيب و الله كنت جاي اناقش اقتباسك دا مع كلامي القلتو عن التفكير اوت اوف ذا بوكس و جادي ...
لكن براك شايف الروح العدائية لمحمد عثمانكم مش ؟

بالمرة كدا يا شباب واحد يترجم ليو المداخلتين ديل عشان يغير الصورة الساكنة بروفايلو دي :

Re: الشهيد محمد عبدالرحمن الحقيقي (صورة)

Re: الشهيد محمد عبدالرحمن الحقيقي (صورة)

ما ممكن ياخ تقول لي جادي و غازي ليك صورة زي دي !!؟؟
و الله الا يكون وراء المسألة حاجة سغافية غميسة و او مفهوم فلسفي عمييييييغ !!!

Quote: يا صادق يا حبيب و الله كنت جاي اناقش اقتباسك دا مع كلامي القلتو عن التفكير اوت اوف ذا بوكس و جادي ... لكن براك شايف الروح العدائية لمحمد عثمانكم مش ؟

قيقا

طيب واصل جديتك لأنو دا الموضوع المهم الآن، وحقيقة بتمنى أسمع رأيك.

وعلى العموم أنا ما بعيد من رأيك، ولمن أقول الثورة السودانية بالطبع أنا ما قاصد تغيير السلطة، ولكن قاصد تغيير المفاهيم التي بُنِيَت عليها الدولة السودانية منذ الإستقلال وحتى الآن، بمعنى البرنامج العملي الذي يستوعب إحتياجات السودانيين ويحقق لهم أحلامهم المشروعة لينالو حقوقهم ويؤدوا واجباتهم في ظل دستور يمثلهم وسلطة تعمل لهم لأن شرعيتها تستمد منهم. وهو الأمر الذي فشلت فيه المشاريع الحاكمة منذ الإستقلال وحتى الآن.


بالنسبة للشباب الذين يتظاهرون الآن وتظاهروا بالأمس وسيتظاهرون غداً، بالطبع أعهم وأدعم حقهم في هذا التظاهر والذي هو حق طبيعي وأعمل كل ما في وسعي للتضامن معهم.

عاد دا كلام دا ؟

Quote: Quote: الإخوان أبوبكر والصادق وأنور وأمين وعبدالمحسن وعبدالمنعم أسمحوا لنا بأن ننقل الحوار إلى بوست الأخ امين محمد سليمان الجديد. كويس, بس اوع اى زول يجيب سيرتى بهناك

فسالة السواد و الرماد !!! [ زي ما بتقول امي بت السيمت ]

دا غير فسالة ( المقال ) اصلاً الهرب من تحمل تبعاتا ...
عاد نبقى على كدا ؟

الممارسة دي عبثية ما اكتر !
متمني اعرف الهللولة الاتعملت و الدعاية كان لشنو بالضبط ؟
المطلوب مننا شنو هنا ؟
الجنازة حامية و الميت " كــلب " ... مقال عادي جداً اراء انطباعية فطيرة ، انصاف حقائق، لا منهج استقصاء حقائق واضح .... اللخ .. اللخ
اي زول ممكن يكتب زيو ... الرؤيا الجديدة وين فيهو ؟ ... وين الافكار ؟
لمجرد انو عندك تاريخ نضالي عاوز تصادر العمل السياسي و تحتكروا ليك ؟
دي فسالة شنو دي !!؟ ... ما كفاك السغافة الاحتكرتها ليكم براكم ؟
توسيع قاعدة المشاركة السياسية شرط حاسم في نجاح الثورة الشعبية يا باشا...
مالكم كيف تحكمون ... بتضيق واسعة مالك ؟
و يعني شنو اننا اتعلمنا السياسة كبار ؟ ... المطلوب شنو اصلاً ؟
الثورة دي بتعملا براك ؟
خلاس اعملا يا تنقا ... و نحن ديل بنقعد في الرصيف نشجعك ... ممكن ؟
نكورك ليك :
اووو تنقا ... تنقا تنقا تنقا ...اووو ... و هكذا
لمن نفتر او تنتصر ثورتك المزعومة ايهما حل قبل قيام الساعة !!
يا باشا امش اقرأ كتاب عمر عشاري دا مسيرة القصر ...شاهد عيان و اتسغف عن ( الرصيف ) برواز ( الشارع )
شوف كيف الناس بتعمل لتضيق الشقة بينهم عشان تكتمل لوحة الثورة العظيمة
تتكلموا ساي بس !!؟؟




----------

د. مشرف يا صديقي العزيز
ياخ وكت طردنا جدادة البيت تعال نحتل البوست دا
بجيك اجاوب على سؤالك
و بالمرة اعقب على مداخلاتك الثرة الما حظيت بحظها من صاحب الدار

Quote: والله لي زمن ما قريت لي صحفيي الغفله المالين صحف الخرطوم

Quote: لا يوجد أسوأ من الكيزان إلا المكنات المدورنها باسم ضميري صاحي وأهو أنا بدي الكوز الكف ومعارضنه عشرين كف وبنجح مؤتمرات النظام وبنزل في فنادق النظام وبملس للنظام هو النظام الفاسد دا ممكن يعمل أحسن من كدا

Quote: ابشر بالشهرة يا صحفي الغفلة .. فقد جاءتك الشهرة بغفلةٍ تجرجر اذيال عارها مثك ومثل ابا رغالة.. فلو ان قص اثر مدعيّ النزاهة والحيادية لم يشهرك .. فستشتهر اليوم يا قصاص اتر ملوسي بانك ماسح اثار جيوش أبرهة السوداني لتجد موقعك..

Quote: الزول دا مهما لف ودور ..فى النهاية كاتب سلطان وصاحب مصلحة وحاضر على حساب الشعب مايسمى بمؤتمر الكيزان الاعلاميين بالخارج ...وهذا يكفى ويفسر كل شى

Quote: ...بعد شويه جا صاحب التصاوير (حسن موسي) و حدر ليهو حدرة ذات مغزي... و الله العظيم الزول ده انكسر لحدي ما خجلت ليهو..

عينات مجانيه من ردود بعض الأخوان علي مقال محمد عثمان الموجود أعلي البوست !!
يا اخوانا ما كان في طريقه الناس ترد علي المقال و تخلي التصنيفات و الأساءات الشخصيه دي ؟!

Quote: عينات مجانيه من ردود بعض الأخوان علي مقال محمد عثمان الموجود أعلي البوست !! يا اخوانا ما كان في طريقه الناس ترد علي المقال و تخلي التصنيفات و الأساءات الشخصيه دي ؟!

يا امين مش كدة وبس.. أنا دة كلو ما عندي مانع أقراهو بس ما في زول يطالبني ب(رد) كمان. أرد عليه أقول ليه شنو؟
عندي تصور كدة يا أمين إننا ينبغي أن نتنازل عن الحق في الحصول على رد من صاحب البوست.. يعني لمصلحة الحوار يمكن لكل شخص ان يبدي رأيه دون أن يلزم صاحب البوست بالتعليق على كل الآراء لسبب بسيط هو إن كاتب البوست لا يعرف كل شيء.
أعتقد أن المشاركة في المناقضة تمنح كل منا الحق في قول رأيه أو المساهمة بما يعرف دون الحاجة إلى الحصول على تأييد أو رفض من صاحب البوست. ولا رأيك شنو؟
مع مودتي

سلام عليكو
حسع بوست معتز قريش دهنداء عاجل الى جميع أمنجية الإنقاذ ومطبليه .. رجـــاءً
لو كب فيهو جالون بتاع (كوند ليزا) وجاب فيهو سيرة (ماما قرقوري) وباصر ليهو سيرة ثوري ثورين من ثوار اروبا في عصورها القديمة
حيكون فرقو شنو من المقال موضع النقاش اعلاه..
ما ياها الفكرة نفس الفكرة والفلسفة نفس الفلسفة والخطاب نفس الخطاب
بس المشكلة في زول بديهو ليك ومعاهو شوية فلهمة وزول تاني بديك ليهو بطريقة عيييييك عااااك كما في امر معتز قريش اعلاه..
-------

وعموما سنتابع

Quote: حسع بوست معتز قريش دهنداء عاجل الى جميع أمنجية الإنقاذ ومطبليه .. رجـــاءً لو كب فيهو جالون بتاع (كوند ليزا) وجاب فيهو سيرة (ماما قرقوري) وباصر ليهو سيرة ثوري ثورين من ثوار اروبا في عصورها القديمة حيكون فرقو شنو من المقال موضع النقاش اعلاه.. ما ياها الفكرة نفس الفكرة والفلسفة نفس الفلسفة والخطاب نفس الخطاب بس المشكلة في زول بديهو ليك ومعاهو شوية فلهمة وزول تاني بديك ليهو بطريقة عيييييك عااااك كما في امر معتز قريش اعلاه..

والله ياكيكي مسحت بود القريش الواطة - رغم انه يستاهل يبقى اسطبة في ورشة المرمة - لكن ما بالطريقة دي

على الاقل ود قريش ظلامي وااضح وما ناكرها وبيقولها عديل .. الكلام في المستثقف صاحب المواقف الرمادية دا .. وذو التاريخ النضالي الباهر كما قال الصادق اسماعيلنا ..،،
بيستخدم لغة الكيزان والضبابيين ثم ياتي ليقول احكم ضميري ..

خلاص يا ابو موسى الاشعري حكمناهو ضميرك


ـــــــــ

Quote: عندي تصور كدة يا أمين إننا ينبغي أن نتنازل عن الحق في الحصول على رد من صاحب البوست.. يعني لمصلحة الحوار يمكن لكل شخص ان يبدي رأيه دون أن يلزم صاحب البوست بالتعليق على كل الآراء لسبب بسيط هو إن كاتب البوست لا يعرف كل شيء. أعتقد أن المشاركة في المناقضة تمنح كل منا الحق في قول رأيه أو المساهمة بما يعرف دون الحاجة إلى الحصول على تأييد أو رفض من صاحب البوست. ولا رأيك شنو؟

أمين عليك الله قبل ما تقول رايك، اشرح لاخوك عشان افهم بس
و الله جاد جداً جدن ... حتى آدم همسلف

و الله ما واحدة بواحدة. بالجد ما فهمت حاجة من الجزء المقتبس دا كلو كلو خصوصاً البلحمر دي ! هل المقصود ( المناقشة ) ؟ ( الضاد مباشرة فوق الشين في الكيبورد )


و سؤال جاد ليك يا محمد عثمان
و المرة دي طمعان في رد صراحة، ما بكضب عليك :

البوست دا لي شنو طيب ؟
فكرتو ... هدفو ... منهجيتو ... اللخ اللخ
الرسالة شنو ؟

Quote: عينات مجانيه من ردود بعض الأخوان علي مقال محمد عثمان الموجود أعلي البوست !! يا اخوانا ما كان في طريقه الناس ترد علي المقال و تخلي التصنيفات و الأساءات الشخصيه دي ؟!

مافي طريقة والله ... غايتو انا قدر ما حاولت اباصر ما لقيت احسن مماكان ..!!

أمين يا خال

Quote: عينات مجانيه من ردود بعض الأخوان علي مقال محمد عثمان الموجود أعلي البوست !! يا اخوانا ما كان في طريقه الناس ترد علي المقال و تخلي التصنيفات و الأساءات الشخصيه دي ؟!

محاولة بائسة لتفتيش مخرج لصاحبك !!

طيب الما أساءوا ليهو عمل ليهم شنو ؟
الاساءات ما بقروش و لا حاجة بتشكروا بيها و الكلام دا تقولوا لزولك اول حاجة
( يقتلني نصف الدفء و نصف الموقف )

و بالله بأمانتك المعهودة يا أمييييييين :

رايك شنو في خم الكورة و الهروب من الميدان دا !؟

لعب عيال هو ؟




----------

يا محمد عثمانهم بطل مطاعنة - و الله لن تستطيع معي صبرا - جيب لي مداخلة واحدة طالبتك فيها نا دا بـ ( رد) ؟
كان غلبك قول قيلني ؟ ... بقيلك

Quote: عينات مجانيه من ردود بعض الأخوان علي مقال محمد عثمان الموجود أعلي البوست !! يا اخوانا ما كان في طريقه الناس ترد علي المقال و تخلي التصنيفات و الأساءات الشخصيه دي ؟!

والله يا أمين عندك حاجات كدة بتفهمها براك
يعني هو محمد عثمانك دة قاعد يحترم زول؟ ولا قاعد يرد بعيداً عن التصنيفات والإساءات ؟

بتذكر مرة كاتب ليه موضوع عن عنصرية البورداب لما كانوا بيتكلموا عن أدروب الخجاج - لو لم أكن مخطئاً - فجاء واحد قال ليه رأي موضوعي بيحتاج لي رد فما كان من محمد عثمانك إلا أن قال ليه (ما تتعقد .. أنا ما مثقف) وبس !! ولا رد علي كلامه ولا اشتغل بيه
وعاين فوق في مقالك دة البتدعو الناس تتكلم فيه بعيد عن الشخصنة

Quote: أسوأ ما فيه إنه أسوأ من علي عجب

هسة علي عجب وينو في المقال دة؟
زول بيسئ حتى للناس المافيشين !!
دة غير صكوك الغباء البيوزع فيها بالجملة

وجاي تقول للناس دي ما طريقة رد !!!!!!!!

ادروب
بمقالك هذا طعنت فيمن كتبو وحرضو هنا وهم في الداخل والبعض من زملائنا تم القبض عليهم والبعض لا زال مقبوض عليهم ولا اجزم ان لدي احصائية دقيقة ولكن غالب من بداؤوا التحريض هم بداخل السودان وهم كائنات حقيقية وليس هلام اسفيري
المفرح في هذه الهبة ان على راسها النساء الشق الضعيف المستضعف بسبب هذه العورة المسماة الانقاذ والتي عجزت كل استار الغش والدناءة عن تغطيتها
مزن ومريم وملاذ ونجلاء ومناهل وغيرهن ممن اعتذر لهن عن عدم تذكري لاسماءهن
كلهن موجودات داخل الوطن يعانين من الظلم والقهر
فمن الظلم ان نجير نضالهن لصالح النيل من خصوم في الاسافير
بعض اعضاء المنبر تم القبض عليهم واعتقالهم لم يكتفو ببوستاتهم هنا بل وذهبو للشارع وقالو كلمتهم
ما دور المثقف ان لم يكن زرقاء اليمامة لقومه يرى ابعد مما يرون ويشتغل بالفرض ويترك النافلة (ما نفعله نحن الخارج هو نافلة لا اكثر فلا تشغل بالك بنا)
الفرض هو حتمية التغيير الذي سيتم من داخل السودان وليس من خارجه
سيتم عن هؤلاء الشباب الذين غمطتهم حقهم ومنحته للمتنفلين امثالنا في خارج السودان
زمان في بداية التسعينات كانت في مكتبة اسمها دار الوعي في المقرن قفلوها الجماعة ديل اول ما جو صاحبها ما هان عليهو الامر كان ملبد بعض الكتب في مكان اخر وكنا بنجي نشتريها منو ونحن نتلبد زي الحرامية
في ناس كان ما عندها استعداد تعمل كدة اصلو او تجازف عشان تجيب الكتاب لكن كانو بعد نجيب الكتاب يجو يستلفو مننا عشان يقروهو
انقر كنا بنقول ليهم ابينا امشو جيبو براكم لا كنا بنديهم عشان القراية من اكتر من واحد بتفتح نقاش والنقاش بيولد وعي
البورد دا ما بقلب حكومة لكن يمكن ان يخلق وعي والوعي هو البغطس حجر الكيزان ديل
كلمتك فينا نحن البرة قلتها يبقى طالبنك كلمتك في الجوة ديل ومساهمتك في تسريع شروط الثورة

يا احمد

Quote: والله يا أمين عندك حاجات كدة بتفهمها براك يعني هو محمد عثمانك دة قاعد يحترم زول؟ ولا قاعد يرد بعيداً عن التصنيفات والإساءات ؟

صاحبك قابض ليهو ( بو )*

شوف احتكار ( الحقيقة ) و إعادة التوزيع المجاني

Quote: يا أمين يشهد الله نفس الخاطرة خطرت علي حين قرأت كتاباتك الأخيرة. لا يمكن للمرء تجاهل رأي توافق عليه أنت إذ لا بد أن له حيثيات ومصداقية. سيسرني الحوار معك طبعاً.

يا للهول !!
و كأنما لم يسمع " اعرف الحق تعرف اهله " !!

Quote: دا كلام عظيم يامحمد عثمان

غايتو الخال أمين و الخالة دوما ديل يوم بنلقاهم بعملوا ليهم في طقوس غريبة. و لما نسألم دا شنو يا شباب** ح يقولوا ليك : أنه الدين الجديد !! ( هههههههههه الوشوش ما شغالة معاي )
بجيبوا لينا كفوة غايتو بطريقتم دي !؟
كائنات لا تحتمل خفتها بس


-----------
* راجع الكوشرثيا لمعنى ( بو ) يا محمد عثمانهم كان غلبتك
** الشباب في ميدان التحرير و ميدان جاكسون

سلام وتحية للجميع,,

مع كامل احترامنا للكاتب وللشهادات التى اتت بحقه من من نثق الا انني اجد ان هذا المقال
في احسن حالات الظن غير متماسك ينبش في الظل بينما الحائط واضح للعيان يدور في حلقات الهامش
ويتناسى لب الموضوع – وحقيقة انا غير مؤمن باجترار كتابات الكاتب الاخرى وموضعيتها للحكم على
اي من مواضيعه المطروحة لان الموضوعية ليست صك يمنح مرة واحدة وللابد للاشخاص بل هي ممارسة مستمرة
قد يحيد عنها من من يتصفون بها لقصور في الرؤى في بعض المواضيع او لتحول قناعات او لاسباب اخرى وفي نفس
المقام ليس من المنطقي الحكم على الكاتب وتجريمه لمجرد الاختلاف معه في موضوع ما بل يجب مناقشته
والنظر لمدى تمسلكه بالموضوعية وهذا ما فعله الكثيرون هنا وهم في انتظار الكاتب للتعقيب ..

من ثغرات المقال الكبرى والاولي هي اعتماده بشكل كبير على حادثة تاريخية معينة بنى عليها مدخله
للموضوع واستخدمها بشكل انتقائي كميزان احادي لتدعيم فكرة المقال - بعيدا عن تباعد الظروف التاريخية
واختلاف الامكنة والثقافات وظهور ادوات مجابهة جديدة للانظمة الشمولية كانت غير متوفرة في ذاك الوقت
نجد ان ايراد هذه الحادثة الاستدلالية تسهّل هدم كل فكرة المقال باستخدام حوادث اقرب تارخيا وهذا ما فعله كثير
من المتداخلين اعلاه..سوف اطرح للكاتب بعض الاسئلة يمكن ان تساعده وتساعدنا على تغيير الميزان الاحادي
المستخدم في مقاله وهي اسئلة بسيطة مبدئية لا تحتاج لعناء للجابة عليها:-

1- هلى النظام في السودان فاقد الشرعية ويجب مناهضته؟
2- هل مناهضة الانظمة الشمولية تكون فقط بالسلاح او النزول للشارع؟
3- ماهو الضرر الذي سببه "مناضلي الكيبرود" لاعاقة مجابهة هذا النظام؟
4- هل الكتابة في المنديات وابداء الاراء هو عمل غير اخلاقي؟
5- هل هذا العمل الغير اخلاقي ينطبق فقط على مناهضي النظام ام معاوينة ايضا؟
6- هل وجود اي انسان في اي مكان يحتم عليه ابداء رايه بشكل يختلف عن قناعاته لانه غير موجود في موقع الحدث؟
7- هل ساهم "مناضلي الكيبورد" في فضح هذا النظام عالميا ام لا(فيدو الفتاه التى جلدت – الجنائية.. الخ)؟؟

8- هل ترى ان الكتّاب "الاسفيريون" يعطون بعدا اخر للذين يناهضونه من موقع الحدث بالمساعدة الاعلامية ام انهم عبئا عليهم؟؟
9- اخلاقيا من له الحق في ان يحدد نفعية او ضرر "مناضلي الكيبورد" ؟
10-هل صدرت شكوى من المناهضين في السودان من "مناضلين الكيبورد" او حتى الاعتراض عليهم؟؟
11- هل ترحيب المتظاهرون بالدعم الذي يجدونه من مناضلي الكيبورد هو لانهم مغيبون ام لانهم في حوجة لهذا الدعم؟
12- هل معرفة المتظاهرون بالداخل ان هناك الاف" مناضلي الكيبورد" بالخارخ يحبطهم ام يمثل دعما معنويا لهم؟
13- ما هو المغزى من مهاجمة "مناضلي الكيبورد" ؟
14- هل هو لتحفيزهم لترك مهاجرهم التى دفعهم النظام لها والالتحاق بالذين بالداخل؟
15- هل نشرهم لقضايا الفساد وفضح النظام وممارساته ضد المتظاهرين هو عمل لا قيمة له؟
16- هل وجود كل المعارضون لاي نظام بالداخل وتحت عيونه وسيطرته يصب في صالح النظام ام المعارضون له؟؟

السؤال التالي هو اضافة من امين الامين في بوسته المحذوف..

17- هل (ضعف)* المعارضة سببا كافيا للدفاع او الانضمام للانقاذ؟؟


_____________

*امين استخدم كلمة قوية استبدلتها بضعف..

Quote: وحقيقة انا غير مؤمن باجترار كتابات الكاتب الاخرى وموضعيتها للحكم على اي من مواضيعه المطروحة لان الموضوعية ليست صك يمنح مرة واحدة وللابد للاشخاص بل هي ممارسة مستمرة قد يحيد عنها من من يتصفون بها لقصور في الرؤى في بعض المواضيع او لتحول قناعات او لاسباب اخرى

Like شدييد

سلام يا حلوين
يا اخوانا أنا طلبت من الناس ترد علي المقال و تخلينا من كاتبو و تصنيفو في أي خانه من خانات موالاة الأنقاذ لانو النقاش عن المقال و ليس عن كاتب المقال ، و في تقديري ده طلب موضوعي لانو الجاي يتكلم عن محمد عثمان في عضمو اليجيب مقالاتو كلها و مواقفو كلها و من ثم يحكم ، و قبل ما يعمل كده اليشوف هو نفسو عمل شنو في ساحات النضال الجاي باسمها يدمغ محمد عثمان بموالاة الحكومه لمجرد أن كتب مقال - من مئات المقالات - تماهي مع راي الحكومه و مواليها !!
أرجعو لمداخلات حسين محي الدين و كريم و محمد يس كمثال ؛ سلقو المقاله بالسن حداد لكنهم ما دمغو كاتبها بالتصنفات السطحيه التي إمتلئت بها مداخلات البعض .
أنا أول من رد علي المقال و بينت اختلافي معه و جيت تاني جبت أسبابي مفصله ، فلماذا لا نتحاور حول المقال و نترك تصنيف صاحبها .

يا أمين
أقرأ لمحمد عثمان بشراهة وموعود كقارئ (سيار) بمقاله بتاع بكرة
أحدهم وربما عبدالمحسن رمي (بإحسان) عظيم صفحة الرجل
في فيافي السايبر ومنذ الأمس وأنا مواصل هناك
قرأت له الكثير وأعجبني خطابه في كثير خطب مدلهمات
حتي إنني لم أجد وسط كل هذه العواصف (المصرية منها بثوراتها وميادين تحريرها
والسودانيه منها بأحلام مناضليها ) ما يشغلني أو بالأحري من يشغلني
عن متابعة ما يخطه هذا الأدروب ؟
محمد عثمان أو هذا الأدروب جدير بالقراءة المتمهلة


ـــــــــ
ثم : إزيك يا أمين يا أمين
* يا أمين يا أمين
باقي نشيد في الحلق ينشده شيوعي وديمقراطي السودان تمجيداً لسيرة رجل باتع يدعي قاسم أمين
ربما يأتي زمان آخر سمح ويستاهل أن يحكي عنه
.

إنه من الدكتور أمين محمد سليمان المفكر المعروف إلي خضر حسين خليل عظيم الشيوعيين ، السلام عليكم و رحمة الله و بركاته

Quote: يا أمين أقرأ لمحمد عثمان بشراهة وموعود كقارئ (سيار) بمقاله بتاع بكرة أحدهم وربما عبدالمحسن رمي (بإحسان) عظيم صفحة الرجل في فيافي السايبر ومنذ الأمس وأنا مواصل هناك قرأت له الكثير وأعجبني خطابه في كثير خطب مدلهمات حتي إنني لم أجد وسط كل هذه العواصف (المصرية منها بثوراتها وميادين تحريرها والسودانيه منها بأحلام مناضليها ) ما يشغلني أو بالأحري من يشغلني عن متابعة ما يخطه هذا الأدروب ؟ محمد عثمان أو هذا الأدروب جدير بالقراءة المتمهلة ـــــــــ ثم : إزيك يا أمين يا أمين * يا أمين يا أمين باقي نشيد في الحلق ينشده شيوعي وديمقراطي السودان تمجيداً لسيرة رجل باتع يدعي قاسم أمين ربما يأتي زمان آخر سمح ويستاهل أن يحكي عنه .

ياخي والله بح صوتي بما تقول ،
و الغرض ما إنو الناس تري محمد عثمان مثلما نري : الغرض إنو الناس تكون موضوعيه في نقدها - كان لمحمد عثمان كان لغيرو - ، فترنا من استسهال دمغ الناس بالعماله للحكومه و استرخاص تجريمها لمجرد الأختلاف في راي أو في مقال ...
و قلنا العايز يحكم علي زول اليجيب مواقف الزول متكامله عشان يحكم ، و ما ينسي يورينا هو عمل شنو قبل ما يزايد علي مواقف الناس !!






--------
إحتمال كبير أجي السودان بعد إسبوعين ، لو إتسهلت بجيك في الدكان إن شاء الله ....

Quote: والله يا أمين عندك حاجات كدة بتفهمها براك يعني هو محمد عثمانك دة قاعد يحترم زول؟ ولا قاعد يرد بعيداً عن التصنيفات والإساءات ؟ بتذكر مرة كاتب ليه موضوع عن عنصرية البورداب لما كانوا بيتكلموا عن أدروب الخجاج - لو لم أكن مخطئاً - فجاء واحد قال ليه رأي موضوعي بيحتاج لي رد فما كان من محمد عثمانك إلا أن قال ليه (ما تتعقد .. أنا ما مثقف) وبس !! ولا رد علي كلامه ولا اشتغل بيه وعاين فوق في مقالك دة البتدعو الناس تتكلم فيه بعيد عن الشخصنة Quote: أسوأ ما فيه إنه أسوأ من علي عجب هسة علي عجب وينو في المقال دة؟ زول بيسئ حتى للناس المافيشين !! دة غير صكوك الغباء البيوزع فيها بالجملة وجاي تقول للناس دي ما طريقة رد !!!!!!!!

أحمد محمد عمر
الإحترام محفوظ للجميع. أنا حريص على عدم الغلظة في الردود وأتفادى في كثير من الأحيان الرد على من يحاولون الإساءة لي.
غفر الله لنا جميعاً

Quote: ادروب بمقالك هذا طعنت فيمن كتبو وحرضو هنا وهم في الداخل والبعض من زملائنا تم القبض عليهم والبعض لا زال مقبوض عليهم ولا اجزم ان لدي احصائية دقيقة ولكن غالب من بداؤوا التحريض هم بداخل السودان وهم كائنات حقيقية وليس هلام اسفيري المفرح في هذه الهبة ان على راسها النساء الشق الضعيف المستضعف بسبب هذه العورة المسماة الانقاذ والتي عجزت كل استار الغش والدناءة عن تغطيتها مزن ومريم وملاذ ونجلاء ومناهل وغيرهن ممن اعتذر لهن عن عدم تذكري لاسماءهن كلهن موجودات داخل الوطن يعانين من الظلم والقهر فمن الظلم ان نجير نضالهن لصالح النيل من خصوم في الاسافير بعض اعضاء المنبر تم القبض عليهم واعتقالهم لم يكتفو ببوستاتهم هنا بل وذهبو للشارع وقالو كلمتهم ما دور المثقف ان لم يكن زرقاء اليمامة لقومه يرى ابعد مما يرون ويشتغل بالفرض ويترك النافلة (ما نفعله نحن الخارج هو نافلة لا اكثر فلا تشغل بالك بنا) الفرض هو حتمية التغيير الذي سيتم من داخل السودان وليس من خارجه سيتم عن هؤلاء الشباب الذين غمطتهم حقهم ومنحته للمتنفلين امثالنا في خارج السودان زمان في بداية التسعينات كانت في مكتبة اسمها دار الوعي في المقرن قفلوها الجماعة ديل اول ما جو صاحبها ما هان عليهو الامر كان ملبد بعض الكتب في مكان اخر وكنا بنجي نشتريها منو ونحن نتلبد زي الحرامية في ناس كان ما عندها استعداد تعمل كدة اصلو او تجازف عشان تجيب الكتاب لكن كانو بعد نجيب الكتاب يجو يستلفو مننا عشان يقروهو انقر كنا بنقول ليهم ابينا امشو جيبو براكم لا كنا بنديهم عشان القراية من اكتر من واحد بتفتح نقاش والنقاش بيولد وعي البورد دا ما بقلب حكومة لكن يمكن ان يخلق وعي والوعي هو البغطس حجر الكيزان ديل كلمتك فينا نحن البرة قلتها يبقى طالبنك كلمتك في الجوة ديل ومساهمتك في تسريع شروط الثورة

محمد ابراهيم علي
يا صديقي كلامك عظيم جداً وأنا أوافق على الحجج التي فيها كلها واحدة تلو أخرى. الشباب الذين خرجوا في السودان قدموا تضحية كبيرة واختاروا مواجهة الحكومة الحقيقية بشرطتها، وأجهزة أمنها، لذلك من العار أن يتبنى قيادتهم أحد المغتربين، أو المهاجرين ويحدد لهم الشوارع التي يمشون بها، ويطلب منهم عناوين دور حزب المؤتمر الوطني، وينصحهم بحمل زجاجات الكوكاكولا لمواجهة آثار القنابل المسيلة للدموع.بالمناسبة ماذا يفعل المتظاهرون إذا أطلقت السلطات النار عليهم كما حدث في بورتسودان وكجبار إلخ..؟ . أحدهم إقترح هتافات محددة ! يا للهول حتى الهتاف تم احتكاره لصالح مناضلي الإنترنت؟ لم يتبق لمتظاهري الخرطوم سوى تقديم أجسادهم.
مقالتي ليست ضد الحق في التظاهر، وليس ضد ممارسة التظاهر، وليست ضد مقاومة الحكومة . مقالتي ضد من يخبئون أنفسهم وأبناءهم ثم يدعون لحريق الآخرين. هؤلاء أكثر بشاعة وينبغي أن نتصدى لهم جميعاً
مع مودتي

Quote: 1-هلى النظام في السودان فاقد الشرعية ويجب مناهضته؟ 2- هل مناهضة الانظمة الشمولية تكون فقط بالسلاح او النزول للشارع؟ 3- ماهو الضرر الذي سببه "مناضلي الكيبرود" لاعاقة مجابهة هذا النظام؟ 4- هل الكتابة في المنديات وابداء الاراء هو عمل غير اخلاقي؟ 5- هل هذا العمل الغير اخلاقي ينطبق فقط على مناهضي النظام ام معاوينة ايضا؟ 6- هل وجود اي انسان في اي مكان يحتم عليه ابداء رايه بشكل يختلف عن قناعاته لانه غير موجود في موقع الحدث؟ 7- هل ساهم "مناضلي الكيبورد" في فضح هذا النظام عالميا ام لا(فيدو الفتاه التى جلدت – الجنائية.. الخ)؟؟ 8- هل ترى ان الكتّاب "الاسفيريون" يعطون بعدا اخر للذين يناهضونه من موقع الحدث بالمساعدة الاعلامية ام انهم عبئا عليهم؟؟ 9- اخلاقيا من له الحق في ان يحدد نفعية او ضرر "مناضلي الكيبورد" ؟ 10-هل صدرت شكوى من المناهضين في السودان من "مناضلين الكيبورد" او حتى الاعتراض عليهم؟؟ 11- هل ترحيب المتظاهرون بالدعم الذي يجدونه من مناضلي الكيبورد هو لانهم مغيبون ام لانهم في حوجة لهذا الدعم؟ 12- هل معرفة المتظاهرون بالداخل ان هناك الاف" مناضلي الكيبورد" بالخارخ يحبطهم ام يمثل دعما معنويا لهم؟ 13- ما هو المغزى من مهاجمة "مناضلي الكيبورد" ؟ 14- هل هو لتحفيزهم لترك مهاجرهم التى دفعهم النظام لها والالتحاق بالذين بالداخل؟ 15- هل نشرهم لقضايا الفساد وفضح النظام وممارساته ضد المتظاهرين هو عمل لا قيمة له؟ 16- هل وجود كل المعارضون لاي نظام بالداخل وتحت عيونه وسيطرته يصب في صالح النظام ام المعارضون له؟؟ السؤال التالي هو اضافة من امين الامين في بوسته المحذوف.. 17- هل (ضعف)* المعارضة سببا كافيا للدفاع او الانضمام للانقاذ؟؟

حسين نوباتيا
شكراً جزيلاً على مداخلتك. لا أملك إلا ان أحتفي بها لكن ليس بوسعي الإجابة على 17 سؤالاً لسببين بسيطين هما إنني لا املك الوقت الكافي لذلك وثانياً لأنني لا اعرف –بكل بساطة- الأجوبة.
إذا كان هناك ثمة تعليق فهو على قصة كونوللي التي قدمتها في بداية المقال وقد قصدت بها أن اشير إلى نموذج رفيع لرجل كان قيادياً نقابياً وثورياً نقياً آثر التضحية بنفسه أولاً حتى يخط الطريق لمن هم وراءه. مناضلو الريموت كنترول المشار إليهم ليسوا في معرفة كونوللي ولا في درجته القيادية العالية بل هم من غمار الناس (وهذه ليست إساءة بطبيعة الحال) ومع هذا فهم منشغلون بتقديم القرابين من مواطني الخرطوم. ترى لماذا؟ السبب واضح مهما حاولنا المداراة: هؤلاء يشعرون أن حياتهم أقيم من حياة الآخرين وشخص يتملكه هذا الشعور جدير بالنقد والمساءلة.
مع التحية

Quote: أقرأ لمحمد عثمان بشراهة وموعود كقارئ (سيار) بمقاله بتاع بكرة أحدهم وربما عبدالمحسن رمي (بإحسان) عظيم صفحة الرجل في فيافي السايبر ومنذ الأمس وأنا مواصل هناك قرأت له الكثير وأعجبني خطابه في كثير خطب مدلهمات حتي إنني لم أجد وسط كل هذه العواصف (المصرية منها بثوراتها وميادين تحريرها والسودانيه منها بأحلام مناضليها ) ما يشغلني أو بالأحري من يشغلني عن متابعة ما يخطه هذا الأدروب ؟ محمد عثمان أو هذا الأدروب جدير بالقراءة المتمهلة

خضر حسين خليل
شكراً على كلماتك الطيبة. أتطلع لأن أكون في المقام الذي وضعتني فيه.
مع تقديري

كتب قيقراوي

Quote: يا محمد عثمانهم بطل مطاعنة - و الله لن تستطيع معي صبرا - جيب لي مداخلة واحدة طالبتك فيها نا دا بـ ( رد) ؟ كان غلبك قول قيلني ؟ ... بقيلك

والرد من مداخلته التي سبقتها

Quote: و سؤال جاد ليك يا محمد عثمان و المرة دي طمعان في رد صراحة، ما بكضب عليك :

هكذا هو جدل الحياة ....مصالح متعارضة تتصارع

منها ما ينحاز للناس ومنها ما ينحاز للسلطة علي مر الأيام

لكل أدواته وأسلحته و أقلامه المقاومة أوالمعاونة

وفي فضاء الثقافة تنعكس المعركة بقدر عنفها علي الأرض

ليتماهي نصها الثقافي في نصها الإجتماعي

أويتحاربان

حتي في فضاء البورد

كون أنه

أصبح يسترعي بعض الإنتباه

ساحة أخري تنفتح وإن ليس علي مصراعيها بل علي إهانة الكاتب للوح كتابته

كون الكتابة المحرضة جبن يمشي علي قدمين

إذ في تقسيم الأعمال حشروا الفكرة في صندوق الجبنة

رغم أنهم قديماً قالوا أن الكلمة أمضي سلاح

فكيف تغتال الكلمة الكلمة

فإن كانت الكلمةمصالح فالكتابة ضدها أيضاً من المصالح

ومصالح لمصالح تفرق


إنزعوا الأقنعة

فإنها تغبش الوجوه

Quote: من العار أن يتبنى قيادتهم أحد المغتربين، أو المهاجرين

والله يا شقيق عار عليك أن تكتب مثل هذا القول!

كل من كتب موجهاً أو ناصحاً أو معبئاً كتب بحكم خبرته والتي أراد توصيلها لهذا الجيل المنتفض
فكثيرون منهم لا يعرف طعم البنبان ولم يخبر صوت الرصاص ولا أساليب الصمود والإقدام

هؤلاء ليسو بمهاجرين وبطبيعة الحال ليسو بمعتربين
بل هم مهجرين قسرياً ومغربين بحكم القوي الطاغية

أعتقد أن تحتاج للنظر لنفسك في أقرب مرآة، ولربما إكتشفت شيئاً خُفيّ عنك!

إن مقالك الرمادي أعلاه يذكرني بمقولة عظيمنا الراحل بابكر كرار الذي كان
يرفض الرمادية لوناً وموقفاً وفعلاً... رحمة الله عليه وعلى الوطن

محمد عثمان

طبعا انا بلغت باعجابي عن كتاباتك في السابق

والكتابة في الصحافة تختلف كثيرا عن الكتابة على عواهنها في المنابر الالكترونية

في الصحافة مثلا هنالك اناس كثيرون لن يجدوا فرصة لينشروا سبابابهم الذي يفرزونه هنا دون مكابدة
لاسباب تتعلق بالمسئولية والكفاءة الفكرية وال CODE OF CONDUCT لكن هنا تفعل ما تشاء دون ان تستحي
لذلك الشاتمون اكثر،،كتاب صحافيون جادون كثيرون انسحبوا من المنابر ليحفظوا كرامة اقلامهم

ابواب المنابر واسعة لذلك يرتفع فيها صوت بعض بلطجية الكتابة وينخفض فيها الصوت الموضوعي صحيح اقلام كثيرة تستحق التقدير
لكن العصبةالتي توزع صكوك النضال صوتها عال وبت فتلة وحرافيش يلوحون بالعصا لمن عصا
اكثر الناس صولة وجولة في هذا المنبر هم الاقلية التي تعرف كيف تلهب الظهر بسياط الاساءة والتصنيف واحتكار بطولة المعارضة من بعد

تكتب مقال بكل الاسانيد والقرائن وتحمله وهنا على وهن حتى المخاض فيمر عليك احدهم ليبصق على وجهك
ويشطب اسمك من قائمة الثوار باربع كلمات نابيات

محمدعثمان هل يمكن ان تنشر مرة اخرى مقالك الذي كتبته في جريدة الصحافة قبل اكثر من عام ونصف عن ياسر عرمان (انت اليوم غيرك )

إن مقالك الرمادي أعلاه يذكرني بمقولة عظيمنا الراحل بابكر كرار الذي كان يرفض الرمادية لوناً وموقفاً وفعلاً... رحمة الله عليه وعلى الوطن

والله يا محمد ياسين خليفة تلقاك عظيمك الراحل بابكر كرار ده لا حضرتو ولا شفتو ولا قريت ليهو سطر واحد ولا عارف قصتو شنو ولا كان بدافع عن شنو ..

كدى خلينا من ده، وتعال نسألك: يعنى شنو المقال ذكرني بمقولة فلان الذى كان يرفض الرمادية؟ ده كلام شنو ده؟ هل الراحل بابكر كرار كان عنده مقوله اسمها رفض الرمادية؟ كده عليك الله اكتب لينا المقولة دى كاملة وورينا مصدرك ليها عشان نتنور ونستفيد وكدة. مش لازم تكون بتعرفها؟ أمال اتذكرتها كيف؟

يا محمد ياسين خليفة مش قلنا ليك قبل كده ارحمنا من الادعاءات والوهم والثقافة المصطنعة ونضال البلطجة؟

يا أمين و خدر
شوفوا الافك المبين في اجلى تمظهراته ....
يأحسن الظروف يكون جهل بالاسافير ... و دي مصيبة هنا لانها ببساطة هي " موضوع " نقد كاتبكم العظيم !!

Quote: كتب قيقراوي Quote: يا محمد عثمانهم بطل مطاعنة - و الله لن تستطيع معي صبرا - جيب لي مداخلة واحدة طالبتك فيها نا دا بـ ( رد) ؟ كان غلبك قول قيلني ؟ ... بقيلك والرد من مداخلته التي سبقتها Quote: و سؤال جاد ليك يا محمد عثمان و المرة دي طمعان في رد صراحة، ما بكضب عليك :

حيرتونا رسمي و الله

راجع التواريخ يا ( شاب ) ...

Re: تقرأ غداً
06-02-2011, 10:57 ص

Quote: يا محمد عثمانهم بطل مطاعنة - و الله لن تستطيع معي صبرا - جيب لي مداخلة واحدة طالبتك فيها نا دا بـ ( رد) ؟ كان غلبك قول قيلني ؟ ... بقيلك

بعدين يا محمد عثمانهم خليك امين في النقل! الوش الاخدر دا جزء من الكلام - لغة الجسد مهمة ياخ لينا نحن المناضلين السايبر ديل ؟ - عاوز تقتبس مني تجيبو كلو او خلو .. شفت كيف ؟

Re: تقرأ غداً

06-02-2011, 02:58 م

Quote: و سؤال جاد ليك يا محمد عثمان و المرة دي طمعان في رد صراحة، ما بكضب عليك :

انا ارجح التانية .. انك جاهل بالانترنت ... و هنا بتحليل تاريخ سريع كدا، بنلقى البشرية في مشوار التثوير الطويل اتعاملت معاهو بطريقتين ( العبادة ) او ( المعاداة ) ساي كدا بس!! ... و مازالت شكلها كدا برضو.
اها خليك من اللف و الدوران دا كلو ...
ح ترد على الاسئلة متين ؟
و ما تقول لي ما عندك زمن و الحجج الميتة دي ... ببساطة ح نردها ليك طيب مصدع بينا مالك !؟
اركز و ناقش يا حبيب، ذلك ادعى لإجلاء الحقيقة و انفع للناس ...




-------

تبس - من نوع التبش المفيد ( CD البدوي ) - عن اسفيرنا دا ( بنو بكر ابو بكر )، ايو ! انت قايلوا شنو؟ ما قبائل و مضارب ؤ كدا، بنو حسن بن موسى ( حبيب ألبي ) ديلاك عربان اشتهروا بالفروسية و المجالادة، و كانت العرب تخشاهم و تعمل حسابهم...
نحن هنا حساسين شديد تجاه اي حاجة تمس اسفيريتنا ( بجيك اكلمك لو ما سخرت من بساطتي؟ ياخ البساطة و قلة السغافة عيب هي ؟
عشان كدا لسان حالهم و لسان شاعرهم تلقاهو بقول ليك :
بأي مشيئة يا محمد عثماننا تطيع بنا الوشاة و تزدرينا ؟
هل حدثت في بنو بكري ابي بكر بنقصٍن في خطوبي الاولينا ؟

التبس :
انت ما ملزم بانو ( تجامل ) اي زول دخل ( دارك ) - الاسفيرية - لكن بتوقع تكون عندك القدرة في ( الرد ) انو تطوع المداخلات الشتراء لتخدم ( موضوع ) الـ ( بوستن ) - على قولك ... إن وجد ؟

اها قلت لي الموضوع شنو هو هنا ؟
شكرات ساي ؟

يا قيقراوي
ازيك ياخ

ماعارف أقول ليك شنو بالضبط ؟ أنا الفلم ده دخلتو ومرقت منو بعدما قلت رأي بكل وضوح
فيما يطرحه الأخ محمدعثمان إبراهيم في الكثير من مقالاته . وهو في خواتيمه مجرد رأي
شخصي لا أكثر ولا أقل .
فدحين يا قيقا أنا وأمين (حيرناك) في شنو ؟ خلي أمين أنا خضر ده حيرتك في شنو بالضبط ؟

برضو الموضوع بتاع التبش والتبس والسي دي برضو ما فهمت هل هي تابعات لينا
أم تابعات لأخونا محمدعثمان ؟


فتك بعافيه وفي انتظارك

خدر يا خدر

انا محيرني الشباب ديلاك
لكن برضو - ما بغش عليك - استغربت مداخلتك ( ودا برضو خاشي في حدود الرأي الشخصي مش؟ )

معليش طول لي بالك ...

كتب امين

Quote: سلام يا حلوين يا اخوانا أنا طلبت من الناس ترد علي المقال و تخلينا من كاتبو و تصنيفو في أي خانه من خانات موالاة الأنقاذ لانو النقاش عن المقال و ليس عن كاتب المقال ، و في تقديري ده طلب موضوعي لانو الجاي يتكلم عن محمد عثمان في عضمو اليجيب مقالاتو كلها و مواقفو كلها و من ثم يحكم ، و قبل ما يعمل كده اليشوف هو نفسو عمل شنو في ساحات النضال الجاي باسمها يدمغ محمد عثمان بموالاة الحكومه لمجرد أن كتب مقال - من مئات المقالات - تماهي مع راي الحكومه و مواليها !! أرجعو لمداخلات حسين محي الدين و كريم و محمد يس كمثال ؛ سلقو المقاله بالسن حداد لكنهم ما دمغو كاتبها بالتصنفات السطحيه التي إمتلئت بها مداخلات البعض . أنا أول من رد علي المقال و بينت اختلافي معه و جيت تاني جبت أسبابي مفصله ، فلماذا لا نتحاور حول المقال و نترك تصنيف صاحبها .

كلام محير و لّ ما محير ؟
المقال هو ( موضوعو ) شنو ؟
ما ( ناس ) ؟ ... و ( الما ناس ) ديل هم منو ؟
طيب آسفين يا أمين ياخ و شكرن يا محمد عثمانهم - نحن ما مافشين ذاتو!! - شكراااااااان على إلغاءنا
شكرن كتيرن
يا امين خليك أمين!!
على عجب كان مقال

فلهمتو العملا معاي دي مقال برضو ؟
مالكم كيف تحكمون
نخلي ليكم المكان دا ولّ كيف ؟
سوم سانين - و ما كان عارف هو في نقطتو الكم ذاتو من شدة الغضب - كدي اتكرم و اشرح لي التحت دا ( بلغة البسطاء و قليل السغافة باللاهي ) :

Quote: Quote: ...بعد شويه جا صاحب التصاوير (حسن موسي) و حدر ليهو حدرة ذات مغزي... و الله العظيم الزول ده انكسر لحدي ما خجلت ليهو.. عينات مجانيه من ردود بعض الأخوان علي مقال محمد عثمان الموجود أعلي البوست !! يا اخوانا ما كان في طريقه الناس ترد علي المقال و تخلي التصنيفات و الأساءات الشخصيه دي ؟!

انتو - هنالك في العوالم الماركيزية الرفيعة - فهمكم شنو للـ ( إساءة ) ... ممكن تتكرم تبين لينا الاساءة في القصة الاخيرة دي !؟
و بالمرة رأيك الشخصي في " مايكل ريتشاردز " او " كوزمو كريمر " في " ساينفيلد " - و الظاهر على بروفايل كاتبكم - و كل الاوردو صاحب الاقتباس عنو، هل دي " حقائق " و لّ كان مجرد اساءة ساكت بس ؟
احب اضيف انو " اعتذر " عن الكلام دا ... و انشق المجتمع هناك طولياً بين قابل " القس جسي جاكسون " نموذجاً و غير قابل للاعتذار بتاتاً البتة ... و مابينهما، ممكن تراجع المداخلة بتاعتي في البوست التاني.

وضحت فكرتي يا خدركا ؟

القصة انو ما تقهرونا بانو هذا الادروب و لّ ذاك المجنون كتاااااب ... نحن في كتابو هنا دا !
صك " كتاااب " و موضوعي و عيك عاك دا ما استاندينغ فور قووود كدا بس ! ... او كما قال نوباتيا

كتابو الهنا دا بييييييييض لمن غلط ذاتو !

اتمنى تكون وصلت الفكرة صاح
و في الاخر لا يصح الا الصحيح
نحن قومون اذا اختلفنا بنطيع الصاح و لا شئ غير الصاح ... و لّ شنو ؟
خلونا نبني الديموقراطية صاااااااح

طيب يا قيقراوي
والذي لا اله الاهو سئيلي الله يا رجل كان فهمتك عايز تقول شنو بالضبط ؟
انتو ليه بتلولوو الكلام قدر ده ؟
أنا يا قيقا حيرتك في شنو ده سؤالي ؟
وهل مجرد إعجابي بما يكتبه محمد عثمان ابراهيم يحيلني ضمنيا لأصحاب المداخلات
(البتحيركم) ولا الفهم شنو بالضبط ؟
ثم ياخي
انت بتقول لي في مجمل ردك علي تساؤلي كتب أمين ـ طيب أنا مالي ومال أمين ياخ
ممكن توريني أنا البرنامج ده كلو علاقتي بيهو شنو مثلاً ؟
يا قيقا أنا لسع فيني باقي تايفويد فرجاءاً ياخ
قدر قدرتك وريني مداخلتي الفاتت ديك
المستغرب فيهو شنو ؟


ـــــــــــــــــ
منتظرك

يا زول ما حيرتني و لا حاجة

ان زول بلولو ساي
انسى يا مان









---------

ما تشوف شر يا حبيب
كفارة و أجر

المقصود ( انا ) طبعاً في المداخلة الفاتت

محسن... أتمنى إنك تلتزم حدود الأدب عندما تطرح سؤال؟
بصراحة أنا قلة الأدب بتاعتك دي أمررها ليك لانك ساقط قول ليس إلا

عشان كده بطل دربي ده وألزم حدودك؟

ســلام يا شباب..و تحية لصديقنا محمد عثمان..

و بعد..

يا محمد يا اخوي بتدور النصيحة ولا الجنبها؟

جوهر مقالك.. اقول لك..

It is not about to think how to get out of the box, but it is about to realize that there is no box

العبارة ملطوشة من فيلم لقريبنا .. Cuba Gooding Jr.
و اسم الفيلم.. Fighting Temptations
و الباقي يتمو ليك ول ابا تبارك شيخ الدين..

اما االردحي من شاكلة المهاجرين الطاير ليهم و المعقدين من انفسهم..فهذه جانبك فيها التوفيق يا صديقي..و الأغرب يا محمد انت تقول عن تعريف هويتك انك كاتب..و الكاتب ، نحن الزلنطحية ديل بنفهم انو مبتكر..و نهاية مقالك يا صديقي مستلفة ( لا نقول سرقة بالباب العديل عشان انت كاتب و كده و بشهادة صاحبنا الذي نحب دكتور امين)..و سمعنا بيها في الأسافير دي لحد الطراش.. من فرية اكلي الوليفر.. لغاية فاقدي الهوية و المسخ..و نفس التون الحايم في كلامك خصوصا في النهاية بتاع ما تقعدوا تحرشوا العيال الصغار و تقعدوا تضربوا الراحة و الضللة.. نفس الكلام حايم هنا منذ سنين..و تونه علا قليلا في الأيام القليلة الماضية..و لو مكضبني امرق من خيطك ده مربوع واحد..و حتلاقي متيلو.. من شاكلة ( تعالي نتكلم كلام ام لأم..الخ)..فيا صديقي انت مركب مكنة ما بتقسم..مش حرصا منا على ثورة اهل السودان .. ديل يا خوي وكت المعياد يحين .. لا دايرين ناس اسافير ولا دايرين كيبورد ..و الدليل اهو قدامك لو بتقرا تأريخ السودان كويس.. اكتوبر حدثت و مافي كيبورد ولا اسفافير ولا مناضليين ضاربين الضل..و الشهيد بابكر عبد الحفيظ يافع و استشهد بصورة اكبر تأثيرا من القرشي اليافع الأخر..و الشعب لازال يذكرهم ..و هم جزء من ذاكرتنا..و بنفس القدر ابريل حدثت ..و لم يكن هناك دعم من اهالي الأسافير و ناس الكيبوردات..و الناس البتتكلم عن ضرورة الثورة في المنبر ده مستوعبين التأريخ ده زي جوع بطونهم.. يبقى مالك على ناس الأسافير يا صديقي؟..

نقطة مهمة يا صديقي.. و قلتها من قبل لصديقتي بيان ( و سبقتك في كتابة نفس المعني الذي يمثل الثيمة الرئيسية في مقالك) .. زمان ناس الجبهة الأســلامية كانوا بيجوا الجامعات و بسوقوا عيال الناس و بيودوهم الجنوب..و لمن تسألهم ليه ما قاعدين تمشوا؟.. يقولوا ليك قاعدين يسوا زاد المجاهد..!!
و الجيش السوداني عندو فرع عديييل.. فيهو ناس بتصرف مواهي من دم الشعب و اسمو فرع التوجيه المعنوي..!!
يبقى يا اخوي اشمعنا ناس الأسافير؟..ياخي خليهم ان شاء الله يسوا زاد المجاهد..و لا يشتغلوا توجيه معنوي.. فيها مشكلة يعني؟!

الناس البتقول عليهم وهم و ما عندهم شخصيات و لن تذكر منهم الإ الكلمة.. فاقول اين النبي الكريم محمد صلي الله عليه و سلم؟ هل لازال باقيا يمشى في الأسواق بيننا؟.. الم تبقى منه الكلمة فقط و التي غيرت وجه التأريخ؟.. بل أين النبي عيسى (كلمة الله) و اين النبي موسى ؟.. الم تبقى منهم الإ رسوم الكلمات التي تحيا بين الناس؟..فلماذا الحجر على اهل الأسافير و تحقير كلمتهم و التبشيع بها هكذا؟..

و نفس الناس الوهم دي .. كتبت هنا في الأسافير..و صدى كلامها تحول الى واقع يمشى بين الناس؟.. فما كتبه صديقنا الصحفي عبد القادر في صحيفة برؤوت ( فك الله اسره) .. سبقه ناس الأسافير الغبش ديل..و كتبوا عن ضرورة استقلال كل اقليم بعد استقلال الجنوب .. لأن البقاء في دولة العنصرية و الإستعلاء العرقي و المذلة و الهوان .. لن تنفع فتيلا؟..فهل باقي ليك ديل ناس مسخ و ما عندهم وجود مؤثر..ولا هم ناس عارفين البيهم و العليهم و عارفين قدرات الياتهم و يسعون لإستغلال المتاح من امكانيات لتوصيل رسالة بعينها؟..

اليوم يا محمد.. جماعات الخضر.. مارقة للريبة و التلاف في العالم ده..و كلما القطط السمان في العالم من شاكلة مجموعة العشرين و التمانية..و غيرها من التسميات..حاولت تعمل ليها مؤتمر.. جماعتنا ديل بتلاقطوا من اطراف العالم..وهم افراد فقراء و شفتهم بعيني..و ما عندهم غير تكنولوجيا التواصل من انترنت و تلفونات موبايل و عوالم اسافير مخملية (كية في امين)..البيحضر منهم بيحضر..و الما بيقدر بيحضر برضو عندو دورو الواجب عليهو ..و ليهم اثرهم الذي تعرفه القطط السمان متل جوع بطنها..و لمن تغلب معاهم حيلة و تعجز امام ذكاء تواصلهم الخلاق الفعال بتمرق بالخطب القيافة و تطلعهم شيوعييين اولاد حــرام ( رغم انف اخونا عاطف عابدون).. جماعة الخضر بتعلب لعبها البيهز دقاهنة العالم و عتاة الإقتصاد..و مافي زول بيحنبك مثل الحبنكة البتسوي فيها في السهلة دي من شاكلة ليه تسوقوا اليفع للموت و تقعدوا تضربوا الراحة في الغرف البعيدة..و ذاك يا صديقي هو ما قال به ابو علم السيوسيولوجيا اميل دوركايم في مبدأه العظيم المسمى مبدأ تقسيم العمل..فهل غابت عنك هذه الحقيقة البسيطة؟..

الليلة يا محمد انا اقف في موقف ضد الحكومة و غير راضي عن المعارضة التقليدية..و لكن عزائي الوحيد.. أن ثورة الشباب الحريص ، و صديقتي بيان ، عليهم ديل..ستكون ثورة محمية بالوعي و ادوات التواصل..و لن يستطيع أحد سرقتها كما سرقت الثورات السابقات في السودان..لأنو الأسافير البتردح فيها دي خلقت خصلة اسمها خصلة الرأي العام الفعال بايجابية..و الفكرة دي بتشكل اداة رقابة شعبية و ضمانة لعدم سرقة الثورة كما يحلم البعض..!

قبل الخروج.. صديقي الصادق سماعين.. كتر خير اخونا محمد شال البندقية ضد نظام الطاغوت..و لكن الجنرال ( الذي لم يعد احد يكاتبه و يكالمه كما قال صديقي الجميل بكري الجاك) ذات نفسو كان شايل بندقية..و هسع هو وين؟ ( صديقي العوض ارجوك تجاهل هذه الجزئية)..!


نحن جينا ديار الغربة يا محمد باسباب القهر..و جيناها كبار بسنوننا الثقافية و الوجودية..و فهمنا المجتمعات الجينا ليها..و ما اثرت فينا تب..و لكن الواجب بحيتم علينا أن نأخذ بايدى اهالينا هناك..و ننورهم عن كل حاجة ما قادرين يصلوا ليها بسبب الظروف القاهرة و ان دار محور سؤالهم عنا نقول لهم نحن بخير و لا ينقصنا شيئا الإ عد مشاهدتكم الغالية ( المؤتمرجية عليكم الله ما تضحكوأ)..و لو مكضبني.. اخوي العوض القدامك ده.. قاعد في دار الغربة..و اتأهل و فاق اهل المجتمع القاعد فيهو..و فهم ثقافتهم..و لسع بيعافر بأن يضاهي اهل السودان الشمس في خدرها..و هم قطع شك يستاهلون ذلك..فهل في ذلك عيب؟!..و هل يحق لنا القول الجازم بان صديقي العوض هذا مجرد شبح اسفيري ولا يحق ليهو ان يقول بغم في القضايا العامة في السودان حتى لو كانت اضعف الأيمان..و هو التشجيع بالكلمة عبر الأسافير؟

و دمت..

كبر

( لا كاتب ولا صحفي.. زول ساكت مصاقر الأسافير من سنة حفروا البحر ، و يؤمن قطعا أن لها اثرها في تكوين رأي عام فعال للغاية..)

*********

مكرر

يديك العافية يا استاذنا كبر
رجعتني بعد ما مرقت [ مرقة ليست كمرقة قيقراوي ] من هنا **

Quote: قبل الخروج.. صديقي الصادق سماعين.. كتر خير اخونا محمد شال البندقية ضد نظام الطاغوت..و لكن الجنرال ( الذي لم يعد احد يكاتبه و يكالمه كما قال صديقي الجميل بكري الجاك) ذات نفسو كان شايل بندقية..و هسع هو وين؟

ايواااا .. تلك !!

الكلمة الصاح هي ( يكاتبه ) ما ( يخاطبه ) زي ما ذكرتها انا فوق
لانو كان كلو يوم بمشي صندوق البريد .... و عييييييك ما يلقى في زول طاريهو !!

ياخ وين صديقك و صديقنا الجميل بكري الجاك دا؟ ... يلموا فيهو كيف ؟





---------

** غصباً عن عين هكوري الرسل لي مسنجر داك ...
ما سمع بي ( لا ترسل لقيقراوي ماسنجر، لا تخلي قيقراوي يرسل ليك )
العندو راي يسوي هنا دا في ي ي محلو ... ترسل لي تاني بنشرو ليك طوالي

كتب الاخ..عبد الملك يوسف الملك

Quote: ابواب المنابر واسعة لذلك يرتفع فيها صوت بعض بلطجية الكتابة وينخفض فيها الصوت الموضوعي صحيح اقلام كثيرة تستحق التقدير لكن العصبةالتي توزع صكوك النضال صوتها عال وبت فتلة وحرافيش يلوحون بالعصا لمن عصا اكثر الناس صولة وجولة في هذا المنبر هم الاقلية التي تعرف كيف تلهب الظهر بسياط الاساءة والتصنيف واحتكار بطولة المعارضة من بعد

كلام فى محلو..يا عبدالملك..
ومرة تانية بنقول انو محمد عثمان ابراهيم اختلف البعض او اتفق معه..رقم لا يمكن تجاوزه..فى عالم الصحافة السودانية اليوم....لا اعتقد انه يحتاج..لمداهنة الحكومة او رضا المعارضة..هو..اسم يفرض نفسه على الساحة بشكل مستقل وقوى..لم اعرف الرجل الا عبر كتاباته فى الرأى العام..سابقا والسودانى حاليا..وليس لدى علاقة..مباشرة معه..الى اليوم..عموما..ومن هنا اتمنى من محمدعثمان ان يلزم الصبر الجميل..ويتجاوز ببساطة التسديدات الطائشة التى ذهبت بعيدا عن محتوى المقال..

Quote: لا ترسل لقيقراوي ماسنجر، لا تخلي قيقراوي يرسل ليك )

غايتو يا قيقراوي انت طلعت لا من الاطفال الصغار لا من الكلاب
ههههههههههههههههه
____
خلينا نحاور محمد عثمانا الله يخليك

سلام يا قيقا الذي هو بلا مكتبه

Quote: كلام محير و لّ ما محير ؟ المقال هو ( موضوعو ) شنو ؟ ما ( ناس ) ؟ ... و ( الما ناس ) ديل هم منو ؟

ما عارف الصعب في كلامي كان شنو ، لكن الموضوع بالنسبه لي هنا كالاتي : محمد عثمان نزل مقال : كميه كبيره من الناس تركت المقال و شتمت محمد عثمان ، كل الأنا قلتو إنو يا حلوين ناقشو المقال و خلونا من تصنيف صاحب المقال ، و لو في زول مصر إنو يصنف صاحب المقال اليجيب مجمل مشاركاتو و مواقفو العامه و بعداك يطلع كاتب المقال إن شاء الله عميل في الموساد !!

Quote: على عجب كان مقال فلهمتو العملا معاي دي مقال برضو ؟

يا أستاذ فتحي ياخي أنا لا شان لي بمشاكل محمد عثمان مع علي عجب و بفلهمتو عليك و باقي كركباتو الأسفيريه : أنا كلامي موجه للناس الشتمت محمد عثمان و اتهمتو بموالاة الحكومه لمجرد اختلافهم معاه في مقال .

Quote: انتو - هنالك في العوالم الماركيزية الرفيعة - فهمكم شنو للـ ( إساءة ) ... ممكن تتكرم تبين لينا الاساءة في القصة الاخيرة دي !؟

قبل ما أبين ليك : أنا جبت خمسه اقتباسات لاساءت طالت محمد عثمان بدون مناقشة المقال أصلا ، كويس انك اتفقت معاي علي الأربعه الما سالت عنهم انهم اساءت شخصيه ردا علي المقال .
بالنسبه للكلام الفوق ده : فياخي شنو الغرض من ذكر إنو زماااان و في منتدي مختلف فلان من الناس (حمر) لمحمد عثمان و محمد عثمان جر واطي إن لم يكن بغرض الأساءه لمحمد عثمان ؟ و الكلام ده علاقتو شنو بما كتب محمد عثمان .
يا قيقراوي ياخي أنا هنا ما بدافع عن محمد عثمان في شخصو ، أنا بدافع عن حق الناس في الأتفاق و الأختلاف بدون اساءت و بدون تصنيف و إنو ممكن نختلف في راي بدون تجريم : ياخي هسي أنا و إنت مختلفين في راي حول هذا البوست هل يجوز بناء علي هذا الأختلاف إنو أنا أجرمك انك مدفوع لتخريب بوستات محمد عثمان مثلا ؟!!

Quote: بدأ المناضلون الإفتراضيون منذ وقت مبكر في الترتيب للفوز بسبق صحفي وما إن جاءهم خبر مختلق(أو ربما قاموا هم باختلاقه) حتى سارعوا إلى فتح (البوستات) المتباهية بصلة كاتبيها الوثيقة بأرض الأحداث في الخرطوم والمتصنعة الحزن على الشهيد الغالي. البعض بدأ رثاءه نثراً، والبعض الآخر من ذوي العارضة صاغوا كلماتهم شعراً، وآخرون من دونهم عدوا خبباً إلى حواسيبهم لتصميم ملصقات تحمل صورة الشهيد وتشد العزم من أجل التضحية بالمزيد من الشهداء من (وقود الثورة الرخيص) المتوفر في شوارع العاصمة!هذه الشائعة تكشف عجزاً جوهرياً في مشروعية تظاهرات وتصورات مناضلي الريموت كنترول ففيما هم يملأون الفضاء زعيقاً بأن النظام سيء (وهذا أمر يجد موافقة الكثيرين) فإنهم يضمرون أن سوء النظام الحالي لا يكفي للدعوة إلى إسقاطه، لذا فقد اخترعوا حكاية مقتل الطالب الشهيد ليجعلوا منها سبباً للتظاهر ضده أو حقن التظاهرات الهزيلة عبره ب(طاقة) إضافية. إذا كان النظام سيئاً، ما الحاجة إلى اختراع الشهداء؟قادة التظاهرات المتخفين من وراء حجاب يفتقرون إلى المعرفة والمبادرة والقدرة على الخلق، لأنهم يرغبون في تكرار تجربة أكتوبر. رحم الله القرشي، هم يبحثون الآن عن قرشي آخر.

يبداء محمد عثمان هذه الفقرة المتعلّقة بموضوع الشهيد بخيارين او اٍحتمالين، اما ان الخبر مختلق (من جهه أخرى لم يحددها كما توحى العبارة) او ان مناضلى الكيبورد أخترعوه بانفسهم. لكن عندما يواصل فى بقية التحليل يُسقط، دون اى حيثيات الاحتمال الاول (خبر مختلق من جهة لم يحددها) يواصل تحليله على مناضلى الكيبورد هم المتخلقين. لماذا يختلق منضالى الكيبورد؟ الاجابة حاضرة لدى محمد عثمان لانهم يضمرون ان سوء النظام الحالى ليس كافى للدعوة لاسقاطه و انهم يخترعون الشهداء. هذه الفقرة تكشف عن مدى تحامل محمد عثمان على المعارضة باسرها. الكبيبوردية و غير غيرها. لانه بنفسه يزعم ان الخبر ربما كان مختلق من جهة أخرى لكن عندما يواصل فى تحليله يتجاهل هذه الفرضية تماماً و يُبقى على الفرضية التى تدين مناضلى الكيبورد بالظن ساكت. يا محمد عثمان هؤلاء من تسميهم مناضلى الكيبورد لو كانوا بهذه السوء و الانحدار الاخلاقى لما كانوا مشتتن بالمنافى البارده فى غربة قاسية حتى هذا اليوم. فى غالبيتهم أهل قدرات و خبرات سياسية و اٍحترافية فى مجالات أخرى كان بامكان اى منهم ان يبيع نفسهم لحزب السارقين و يكسب دهب من المال الحرام السائب.. بالمناسبة الحكومة فقيرة، و تحتاج منضالى كيبورد على درجة من الذكاء و القدرة على الكتابة، اذا كانت الحكومة تستيعن بامثال ود الباوقة و ميادة و المكاشفى الخضر و تعين أمثال فكى اٍسحق الذى لا يقوى على صاغية شوية عبارات عن مشاكل الشباب تعيّنه مدير مركز تدريب القادة فهى بكل تأكيد تحتاج المؤهلين من مناضلى الكيبورد.


ما الغريب اصلا فى توقّع الناس لمقتل طالب اثناء مثل هذه الاحداث؟. هل الامر جديد؟ ام لم تتولى الجبهة الاسلامية منذ بواكير عهدها الاول الطلاب بالقتل و الرصاص؟. كل هذا حدث و حتى الان يحدث و الصحافة التى تسمى نفسها باحثه عن الحقيقة لا تسأل عنه. حتى اليوم تصمت الصحافة بكل اساطينها على مجرّد السؤال عن نتائج التحقيقات فى مقتل الطالب محمد موسى بحر الدين، كل الصحافة بغضها و بغضها و غضيتها لا يوجد فيها من يقوى على سؤال الحكومة و مراكز القوى فيها عن من قتل محمد موسى، الذى اختطف فى وضح النهار و فى بطن العاصمه القومية و تعرّض للموت و التعذيب البشع. صحافة محمد عثمان و رفاقه متواطئه مع النظام فى الغالب لكنها تستأسد على المعارضة بكل فجور و قوة عين.

بصراحة أنا قلة الأدب بتاعتك دي أمررها ليك لانك ساقط قول


تمررها لى لأنى ساقط قول ام لأنك عاجز عن ايراد المقولة.. لأن بابكر كرار ليست له مقولة مثل التى نسبتها اليه أساسا.. وانك انما اخترعتها من راسك لتعطى القارئ الانطباع انك زول مثقف خطير ودارس لتراث بابكر كرار!!!!!

ما زالت نصيحتى قائمة بأن تتخلى عن منهج تسويق نفسك كمثقف ومناضل بالكذب ..

انت أساسا عندك مشكلة misrepresentation

عارف misrepresentation يعنى شنو يا مترجم؟ يعنى عندك عقدة نقص وبتحاول تقدم نفسك على غير حقيقتها. زى محاولتك ايهام القارئ المستمرة فى البوستات بأنك رجل قانون ضليع وشغال محامى فى المحاكم الامريكية وترديدك بمناسبة او بدون مناسبة انك تعرف القانون الامريكى جيدا ونظام المحاكم الامريكية تماما لان هذا مجالك.. بينما فى الواقع كل علاقتك بالقانون والمحاكم انك بتشتغل انتربرتر.. يعنى بتمشى تترجم للنسوان السودانيات والرجال السودانيين الما بعرفوا انجليزى فى المستشفيات والمحاكم وتاخد الفيها النصيب ..

عشان كده انا نصحتك انك تبطل الدجل وال misrepresentaton البتعمل فوقو ده وما تسوق نفسك كمثقف جبار عن طريق ايراد اسماء الشخصيات الثقافية والسياسية الكبيرة والايحاء بأنك قريب منها ومن فكرها بينما انت لا تعرفها ولا تعرف كوعك من بوعك ..

وانا لا زالت اسألك: وينها مقولة بابكر كرار التى تزعم انك تذكرتها.. جيبها لينا ..

يقول محمد عثمان فى رده على محمد اٍبراهيم

Quote: يا صديقي كلامك عظيم جداً وأنا أوافق على الحجج التي فيها كلها واحدة تلو أخرى. الشباب الذين خرجوا في السودان قدموا تضحية كبيرة واختاروا مواجهة الحكومة الحقيقية بشرطتها، وأجهزة أمنها، لذلك من العار أن يتبنى قيادتهم أحد المغتربين، أو المهاجرين ويحدد لهم الشوارع التي يمشون بها، ويطلب منهم عناوين دور حزب المؤتمر الوطني، وينصحهم بحمل زجاجات الكوكاكولا لمواجهة آثار القنابل المسيلة للدموع.بالمناسبة ماذا يفعل المتظاهرون إذا أطلقت السلطات النار عليهم كما حدث في بورتسودان وكجبار إلخ..؟ . أحدهم إقترح هتافات محددة ! يا للهول حتى الهتاف تم احتكاره لصالح مناضلي الإنترنت؟ لم يتبق لمتظاهري الخرطوم سوى تقديم أجسادهم.

-محمد عثمان يعترف بأن الشباب الذين خرجوا قدموا تضحية كبيرة. و ماذا كان نصيب هذه التضحية الكبيرة من حضرتكم أخى الكريم؟ فقط توليتها بالتخذيل، و تركت كل هذه البسالة و شبطت فى كتاب الاسافير، لماذا يا ترى؟ بدل عن كتاب الاسافير و هم مجرد اشباح غير مؤثرين فى الواقع حسب زعمكم اليس الاولى بمناصرة أهل البسالة و الشجعان؟ اليس من الاولى بالضغط على الحكومة لحماية حرية التعبير و كفل حق التظاهر السلمى؟ اليس هذا افيد للمجتمع السودانى من الانشغال بكتاب الاسافير. اليس من الظلم ان تتم دغمسه هذه البسالة وسط الزعيق ضد اشباح الاسافير؟.

-من الذى قال ان كتاب الاسافير المغتربين هم قيادة هؤلاء الشباب البواسل؟ و ما هى القيادة المقصودة؟. هؤلاء الشباب هم قيادة انفسهم لم يتبرع احد و لم يزعم احد بانه قيادتهم او انه يملى عليهم شئ لماذا كل هذا التخليط يا ربى و اى مصلحة يخدم؟ اول من انزل بوست اٍعلان المظاهرة هم شباب الداخل و لم يتعدى دور اهل الخارج الا التشجيع و المناصرة فقط.

-عناوين دور المؤتمر الوطنى طلبها على ما اذكر الاستاذ و الناشط الحقوقى محمد القاضى. و الاستاذ محمد القاضى محل اٍحترام كبير و هو مناضل حقيقى، و من الذين قادوا العمل الحقوقى فى السودان تحت ظلال السيوف و الارهاب الذى فى عنفوانه و دفع ثمن باهظ عن هذا النشاط. و عندما طلب بمعرفة عناوين دور المؤتمر الوطنى لانها صارت تستخدم لتجيش المليشيات و اللاعتقال و التعذيب. طلب المعلومات فى الغالب لتمليكها للنظمات الحقوقية و هذا واجب نبيل يجب ان يقدّر له، و فيه حماية لاهل الداخل. لولا الضغوط الخارجية لفتكت الجبهة الاسلامية بجميع اهل السودان.

-الكولا و ما ادراك ما الكولا: معلومة مفيدة، بالمناسبة ممنا لا يذكر انه خرج فى مظاهرات طلابية و كيف انه تأذى من الغاز المسيل للدموع، اها تجارب مناضلى العالم فى تونس و غيرها قالوا اتعلموا منها انو الكولا تلغى أثر الغاز المسيل للدموع، غالباً بسبب التفاعلات الكيميائية بين الكربونات التى تحتويها الكولا و الغازات التى تكوّن هذه السم المعادى للشعوب و للفقراء فما الغريب ان تناول مثل هذه المعلومه للناس؟. و الله عجبت جداً للصحفى الذى يسأل الناس و ماذا اٍذا اطلقت الحكومة الرصاص؟ ياخى واجبك انت ان تقول للحكومة لا تطلقى الرصاص، احفظى حق الناس فى التظاهر السلمى. بدل عن هذا يسال كانما الحكومة عندها الحق فى اٍطلاق الرصاص على الناس. الحكومة مجرمة نعلم هذا لكن واجب الاعلام الحر هو الضغط عليها الا تطلق الرصاص ليس التعامل معه الامر كان معطى نهائى.

هل صدفة، ان كل حركات الاحتاج ضد نظام الانقاذ فى الفترة الماضية لم تنل رضى اخانا محمد عثمان؟ سوف اعود ارصد مواقف بدقه من بعض الجماعة التى نهضت فى وجه الانقاذ.

يا محمد عثمانهم وعثماننا
بدل ان تلعن الظلام (قيقراوي) رد على حجج ابوبكر صالح
لانني اراها حجج قوية وتستحق النقاش حولها
وشخصيا ارى ان هذا البوست بدون الرد على ما يورده ابوبكر صالح من حجج قوية فانه يصبح مثل بوستات مونساتية المنبر المعروفين
فبالله يا محمد رد على بكري دا حتى ترجع البوست لمساره الصحيح

يا محمد عثمانهم وعثمانا
بالله خليك من ناس قيقراوي وكلامهم ال ما مفهوم دا
رد على حجج ابوبكر صالح دا

صديقنا كبر (الكندي)

كيفك يا حبيب

Quote: قبل الخروج.. صديقي الصادق سماعين.. كتر خير اخونا محمد شال البندقية ضد نظام الطاغوت..و لكن الجنرال ( الذي لم يعد احد يكاتبه و يكالمه كما قال صديقي الجميل بكري الجاك) ذات نفسو كان شايل بندقية..و هسع هو وين؟ ( صديقي العوض ارجوك تجاهل هذه الجزئية)..!

كدي قبل الرد نشوف أنا كتبت شنو؟

Quote: صديقي وتعرفت عليه أثناء العمل المسلح في أرتريا، على الرغم من أن ذكر هذه المعلومة يمكن أن يُقرأ بطريقة خاطئة (بمعنى أنه عندما عارض حمل كلاشينكوف وليس كيبورد). ولكني لا أذكر هذه الحقيقةللدفاع عن محمد عثمان، فأنا أعترض على توقيت ما كتبه، وعلى النبرة (التعميمية) التى كتب بها ما كتب، وأعتقد أن مقاله كان سيكون مفهوماً ومقبولاً حتى عند أصحاب العقلية التصنيفية، لو أنه تكلم عن شروط الثورة وعدم إكتمالها الآن في السودان، وعلى الأقل هذا ما فهمته (وطبعاً معرفتى الشخصية به ساهمت في هذا الفهم الإيجابي).

أنا كنت خائف منذ البداية من القراءة الخاطئة، وهي أنى أذكر هذه المعلومة لأقوا أن (محمد عثمان) مناضل (جد جد) وليس مناضل كيبورد. لكن لا بأس من التوضيح مرة أخري، محمد عثمان ليس (ملاكاً) ويمكن أن يكون (وطني جداً) ويمكن أن يكون (إنتهازي وأمنجي)، ورأينا في السودان كيف يتحول المناضلون إلى (أرزقية) والعكس بالعكس.


إنتقدت مقال محمد عثمان في (توقيته) و(تعميمه)، والسبب واضح جداً أنه ركّز على (الإنتهازيين) حسب فهمي، وهذا موضوع لن ينكره إلا مكابر، فالإنتهازيين موجدين في كل مكان (حتى في معارضتنا) دي. والتوقيت كان مهم بالنسبة لي، فالتظاهرة التى خرجت في الخرطوم دعا لها شباب من الداخل ويجب أن يكون التركيز على حق هؤلاء في التظاهر والتعبير عن مطالبهم، وفضح الحكومة التى لا تعترف بهذا الحق وتستعمل ضده القمع بكل أنواعه. وبالنسبة لي أن محمد عثمان إختار التوقيت الخاطئ تماماً، فإذا كان هذا المقال في وقت آخر وتكلم عن (بعض وأكرر بعض) الإنتهازيين الذين يملأون الدنيا ضجيجاً وذكرهم بالإسم وحللّ موقفهم، لكنت تفهمت ما يرمى إليه.

أيضاً تكلمت عن العقلية التصنيفية والتى تتعامل هنا (بالتكتل)، وأنت تعرف ذلك جيداً، وأذكرك هنا (معركة كوستاوي ضد كانتونا)، ومعارك الكثير من منتسبي الأحزاب ضد الظهور أو الجلوس مع منسبي الحكومة في نفس الوقت الذي لم نسمع منهم (تخوين أو إتهام بالعمالة) لرؤساء أحزابهم عندما يجلسون مع النظام. الحزب الشيوعي مثلاً يدعو نافع لحضور مؤتمره، البشير يلتقي مع ممثلي الأحزاب عقب دخول العدل والمساواة للخرطوم، أمثلة كثيرة لذلك.


هنا في هذا المنبر يتعامل الكثير من الناس مع المعارضة أنها جسم واحد وهي ليست كذلك، نعم الحكومة هي جسم واحد إسمه المؤتمر الوطني، لكن المعارضة عندها أجسام مختلفة قلباً وقالباً، ولكل رؤيته، لذلك يحق لديجانقو أن يفرز ويطالب بذلك بشدة. أنا كمعارض لا أتفق في رؤية وأساليب بل وحتى أفكار الكثير من المعارضين، لكن إذا تكلمت بوضوح عن ممارسات بعض أجسام وأشخاص المعارضة سأسلق بألسنة حداد وربما أصنف من أنصار الحكومة، وهذا ما حدث في هذا البوست، وهذا هو مأخذي الأول والأخير، أما مقال محمد عثمان فهو أمام الناس يمكنهم أن ينتقدوه ويحللوه ثم يعطوننا أسباب موضوعية ومنطقية لتصنيفاتهم التى يضعون كاتب المقال ضمنها.

قيقا احححي انا منك وعضت علي سبابتها
you took my comment out of context

Quote: سأتفق معكم كثيراً إن شاء الله وسأختلف معكم، لكنني سأكون على الدوام مخلصاً لضميري ومجتهداً للحصول على أكبر قدر من المعلومات خدمة للحقيقة ومن صحافة محترمة ونزيهة.

يا ولدي يا قيقراوي دا الكلام الذي قالت عليه خالتك دومه انه عظيم
ولم يكن تعليقا علي المقال الذي لم اكن قد اطلعت عليه حينها .
اها بس وريني المحيرك شنو في كلامي دا والله ما فهمت ؟؟
مع اني بفهمك كويس وبحب طريقه كتابتك
لانها بتخليني وكانني في قيم بتاع شطرنج مع لاعب ماهر .


اتمني ان يتمكن محمد عثمان من الرد علي بعض التساؤلات الموضوعيه التي طرحت من بعض الاعضاء .
وهي بالتاكيد من باب المفاكره البناءه طالما الهدف هو ترقيه العمل الثوري للوصول به الي الغايات المنشوده .

يا عبدالمحسن ملاح إنت فعلاً ما عندك موضوع وما عاوز تحترم نفسك ولا عمرك!

وشوف يا سيدي أنا ممكن أنزل معاك لمستواك الساقط ده وأعديهو بهناك
وممكن أسب ليك في حنانك وأباريك في كل حتة تَرِك فيها وأتفهك كدا عدييل
كويس؟ وبصراحة أنا عارفك عاطل عن العمل وهمك الوحيد هو الدفاع
عن نظام القمع والقتل الإنتا بتدهنس ليهو كل يوم ده...

بس أنا فعلا ما فاضي ليك، عشان في نسوان دايرين ليهم مترجم يترجم
ليهم قضيتم في المحكمة المرفوعة ضد نظامك الأغتصبم، إغتصب أحشائهم
وأهان كرامتهم الأنسانية. وطبعاً إنت ممكن تنبذ ليك واحد مترجم
لنسوان مغتصبات وتهلل للإغتصبم وتطبل ليهو ذي ما عاوز!
وصدقني مافي فرق بين المغتصب بذكره والمغتصب بلسانه البذئ والمطبل متلك.

بعدين منو القال ليك أن مسخفاتي ومناتل، يازول عيد فهمك عني ده وغيرو؟
أنا (وأعوز بالله من هذة الكلمة) زول لي عشرين سنة مشرد في بلاد العالم ده
عشان رفضت الظلم والطغيان وحكم اللاوطني الحطم البلد ومزق كيانها ونسيجها

وبخصوص عقدة النقص دي، فإنتا عندك حق فيها، وتفتكر علاجها يكون شنو؟
طبعاً الناقصني كتير والحمد لله بنتمه كان فضل في العمر بقية
أها إنتا وصلت لأرزل العمر ولا لسه؟ وكان وصلتا، هل تميت الناقصة؟

شكلك زعلان مني شديد، رغم إنك ما بتعرفني غير كتابتي البسيطة دي وبروفايلي الفقير
أنا يا زول ماني كاتب ولا كَتَاب، أنا زي ما إنتا قلتا مترجم نسوان فقط ليس إلا
وأحمد ربي إني باكل عيش من مساعدة النسوان المغتصبات ديل في المحاكم والمستشفيات

تعرف أنا مرة إشتغلتا في قضية واحدة من الفئة (U) طالبت بأجهاض جنين في أحشائها
زرعه فيها واحد إغتصبها تحت تهديد السلاح ورماها... وهي لا بتعرفه ولا شافته تاني!
والإجهاض هنا في بلد الحريات دي ممنوع في معظم الولايات وعشان كده طلبت من المحكمة تساعدها

وبعدين ممكن تتصل باي زول هنا في أمريكا وممكن يقول ليك محمد يسين خليفة ده زول بسيط
والغنماية بتلحس في مؤخرته بعد ما تاكل عيشه وما بقول ليها "تك" ولا بهش ولا بنش
وكل البعملو إنه مرات بكتب ليهو شوية كلام في كــلاب الجبهة وأزيالهم وتنابلتهم

كمان حتى الكتابة البسيطة من وكت للتاني في قانون بلاد الحرية والعدل النحنا عايشين
فيها كمان عاوزيننا ما نكتبها... مالك؟ خايف من إنتقال عدوى الحرية ليك؟
إنتا ممكن تتحصن منها بأن تتجاهل قراءة قصي ولصيقي ده حسب فهمي البسيط وتتفاداهو
وكمان ممكن تقراها وتفهما وتعتبرها مضيعة لوقتك

تعرف القانون في البلد دي مهنة ليها مكانتا ولازم تقراها بعد الجامعة
والحمد لله أنا قريت منها شوية قدر قدرتي وإشتغلتا بيها في سوق الله أكبر
في المحاكم والمستشفيات وساهمت في نصرة المظلوم وردع الظالم وعلاج المريض ودعم المحتاج.
وده شرف أعلنته هنا أكتر من مرة عشان تعرف أنو البلد دي حقوق الناس فيها محفوظة
وكان داير شهادة الخبرة بتاعتي ممكن أرسلها ليك بالإيميل... وعلى فكرة دي مهنة
متعبة ومن صنف "رزق اليوم باليوم" يعني كان ما إشتغلتا يبقى قروش "ماكو"!
بس الواحد فيها بياكل قدر حاجتو.. وعمره ما بيحلم يكون بيها مليونير ولا ود ملاح!

والله كلامك في حقي ده صدمني منك، لأنو كنت بعتقد إنك مسخف حقيقي ومن النوع
البيفضل يشتري ليهو جريدة بدل ما ياكل أولادو بالجنيه الفضل عندو
بس خزلتني فيك وفي الجرايد الماعلمتك الأدب والاخلاق ########ت عمرك وحنانك
وكان حزت في نفسي محاولاتك المستمرة لإغتيال الشخصيات ومحاولة الطلوع
على جثث ضحاياك... إنت يا زول ما ليك؟ وأقول ليك كان غيرك أشطر

وبالمرة أرجوك تقيف معاي حدك الكلام بالعربي بس وتخلي اللغات لأهلها العجم
وشيل معاك كلمة misrepresentation الجبتها دي لأنو ما عندها هنا موقع
من الإعراب الأنجليزي، وبقت ذي كلمة "فجأة" بتاعة النكتة المعروفة ديك !
وبصراحة أرجوك ما تضحك الناس بنكتة بايخة في زمن ردئ بكلام الطير.

أما موضوع عمنا وأستاذنا العظيم بابكر كرار النور - رحمة الله تنزل عليه -
فده ما مكانه معاك...
وأنا وجهتا كلامي لأخونا محمد عثمان ده لقصد عمرك ما حا تعرفو ولا تفهمو
بعد عمرك الضيعتو في قراية جرايد الكيزان وتقديسك لكتابهم ومطبليهم

بس يسعدني إني أقول ليك أنا عندي في دنيا السياسة دي آلهة، أولهم خالي الشريف حسين الهندي
وتالتهم عمي بابكر كرار وآخرهم عمي علي محمود حسنين... عارف ليه؟

ده لأنهم أنزه خلق الله وأشرفهم خلقاً وموقفاً.. ويجمعهم رفض المواقف الرمادية
وهم حددوا مواقفهم ضد الدكتاتوريات بكل صراحة وصلابة ولم يهادنوا ولم يركعوا
وطبعاً أنا تعلمت منهم، ومنهم مباشرة القليل من كثيرهم الثر والاغر.

الكرار بابكر ده رفض ضبابية الكيزان وأسس ليهو حزب إشتراكي إسلامي لونه واضح
وأنا ممكن أختلف مع فكره بس أقدس شفافيته ونهجه الديموقراطي وبعد نظره
وهو عرف أسلوب الكيزان الضلالي وحبهم لذاتهم مراءاتهم للحكام تجارتهم بالدين
لأنو ما عندهم دين ولا ضمير ولا أخلاق ولا لون ولا طعم!

وعلى فكرة أنا شايقي وأعمامي دناقلة وخيلاني محس ومغاربة وفارساب وأشراف
وأقسم لك بالله العلي العظيم الكلام ده حقيقي وقصدي منه إنك تعرف أني هجين
لا يد لي فيه ولا كراع غير إني وجدت نفسي منذ الصغر متحكر في مجالس لهؤلاء الآلهة
وبسمع لكلامهم وبتعلم منهم شنو معاني الوطنية ونكران الذات.

يعني يا ودملاح أنا لمن بجيب كلام بجيبو من خشم سيدو ولا بذكر ليك مصدرو طوالي
وممكن ترجع لأرشيفك من الجرايد المالية جرابك وتقرأ كويس للعظيم بابكر كرار
وتشوف كان لقيت ليهو موقف رمادي واحد كان ما سمعتا برفضه للرمادية!

وحسب بروفايلك أنتا زول عمرك 64 سنة وبالمعاش وما عندك شغلة ولا مشغلة بعد ما
قضيت عمرك في "سك العملة" وأظنك إكتشفتا إنو سودانيزأونلاين دي ممكن برضو
"تسك" بيها شوية "عملة" وأهو زيادة الخير خيرين.. بس أرجوك "سكها" بعيد عني
لأنو أنا بصراحة مُفَلس ومُفْلس، اللهم إلا كان كانت مباراتي حاتجيب ليك شوية "عملة"
ولو ده قصدك فأرجوك تواصل في سعيك وليك علي ما أسعلك ولا أطالبك بحقاً لي عندك!
طالما القضية أكل عيش... وذي ما أنا باكل عيشي من ترجمة كلام النسوان يبقى المانع
شنو إنك تاكل عيش من "مـساسكة" الرجال وسقوط القول والفعل البذئ؟

أما لو الموضوع كان مجرد "سك" فارغ فأرجوك تكلمني عشان أرتفع لمستوى عمرك المديد
وأرتقي لساقط كلامك وأتعامل معاك بأسلوب أولاد بري المابعرفو الحقارة ولا تفاهة اللئام

وشوف يا زول أنا جني وجن كــلاب اللاوطني ديل، لأنهم ما عندهم دين عشان نسبه ليهم
ولا أخلاق عشان نعريهم... فأن كنت واحد منهم أرجوك كلمني عشان أصنفك ككـلب منهم
وأفارق دربك وأدعو ليك المولى عز وجل أن يخسف بك الأرض ويحطم شأنك ويزلك في كل عزيز لديك

يا زول أنا جيت هنا عاتبت الشقيق محمد عثمان ده في مقال كتبه وهو عارف أنو الناس الجوهو
هنا ديل متابعين لكتابته وحتى ظروفه السياسية وتاريخه... وعشان كده إستهجنوا مقاله
وكونك تقيف تدافع عنه (إنتا بالذات) دي فيها "إنني" وكمان تستخدم للمساحة دي عشان تمرر
أجندة موجهة لشخصي الضعيف لغرض في نفسك.. فده مرض شفاك الله منه

فلا تحتار، وعليك أن تختار...


*****

مكرر

مكرر

محمد عثمان وضيوفه الكرام

السلام عليكم ها قد أتت فرصة لأخبرك فيها بأنني أقرأ مقالاتك واجدها في كثير من الأوقات مفيده وفيها معلومات ، المقالات أصبحت خالية من المعلومات يامحمد

ولا اعتقد أن الكاتب يستطيع أن يُرضي المتابعين له من القراء من منطلق إعجاب بصورة دائمة

لا بد من إختلاف الاراء هُنا وهُناك ، والبشر مجبولين على الإختلاف وكل واحد منهم إبن تراكمات كثيرة ومعارف متنوعه وإختبرته الحياة إختبارات لاتشبه بحال من الأحوال الإختبارات التي تعرض لها آخرين

ولكن بعض المواقف مُوجعة يامحمد ، وتحتاج لوقفه ...ويظل هذا في إطار العصف الذهني والنقاش الموضوعي والإختلاف الذي وإن أوجع لا فكاك من القبول به

لا أستطيع لحالة كونك كاتبي المفضل مثلاً أن أقول فجأة وأنت تكتب كلاما يعبر عنك وعن قناعاتك ...لأ يامحمد لأ ياخ بالغت وأغضب مثلا ...لن أغضب يامحمد ولكني قد أحزن

وأقول لنفسي لماذا شغل محمد هذه المساحة المقروءة بمثل هذا الحديث ومانحتاجه فيه أكبر وأهم وأكثر عداله ، ثم لا أبرح أن أرجع عن هذه التصورات بإعتبارها تشير لنوع من المُصادرة ، والمُصادرة في إعتقادي لأتكون فقط بإستخدام القوة والإرهاب الفكري

عدم الإنصاف أيضاً مُصادره يامُحمد

ولذلك فانا أنصفك وأقول أن من حقك أن تكتب ...لتقول بماترى وفي أي توقيت ، ومن حقنا أن نقول بعدم موضوعية هذا الرأي

انا من جانبي يامحمد أبغض التعميم ، وأعرف أن السودانيين في الخارج فيهم الصادق وفيهم الكاذب ، تماما كالسودانيين في الداخل

وأن عبارة مناضلي الكيبورد هذه أضرت كثيرا بالعمل المعارض وانتقصت من حقوق الناس المشروعة أن يدلوا بدلوهم ويعبروا عن آرائهم ويُساهموا حتى في الدعوة للتظاهر السلمي من منافيهم البعيده ...التي خرجوا إليها لأسباب متعدده وكانوا في غلبة من أمرهم في كثير من الأحيان

كما أعلم يامُحمد أن كثيرون منهم يحبون هذا الوطن ومستعدين للتضحية من أجله بالكثير
وقلت في مكان آخر أنهم يحاربون من مواقعهم هذا النظام البغيض على الأقل بالإسهامات المُقدرة في إعالة العاطلين ، وعلاج المرضى ، وتعليم اليافعين في ظل نظام أفقر قطاعات الصحة والتعليم من أجل دعم الأنظمة الأمنية والقوات النظامية التي لايستطيع العيش إلا تحت مظلتها وحمايتها

يقومون على إعالة أسر ممتده تركها النظام بسياساته الفطيره تحت خط الفقر
يظلون يلهثون النهار كله من أجل حفنة دولارات تكاد لاتكفي إلتزاماتهم الموزعة بين منافيهم الموجودين فيها ووطنهم الموجود فيهم

وأعلم أن لبعض الناس أفكاره سهله وبائرة موجودين أيضا بالخارج ولاينبغي تعميم حالتهم على الكثير من أخوتنا في الوطن الذين تفرقت بهم المنافي ...

عارف يامحمد

قبل عام أو نحوه

كنت قادماً من الدوحة

وفي المطار قدم إلى رجل في الخمسين من عمره

ظل مترددا وهو يرمقني الأمر الذي أثار ريبتي

حتى قدم شاب من المقيمين بالدوحة ...يعرفني وبعد ان تسالمنا
إستدعاه هذا الشيخ وبعد ان تحدث إليه قليلا

أتاني ليخبرني أنه يأمل أن أحمل كرتونه كبيرة محملة بنوع محدد من الأوراق وأن أقوم بتسليمها لشاب في مطار الخرطوم من مجموعة قرفنا

فعلت ذلك بطيب خاطر وبقناعات كبيره في حق هذا الشباب اليافع في التعبير عن رأيه وسعدت بهذه العلاقة بين السودانيين على مختلف أمكنتهم وأعمارهم في التنسيق من أجل مواقف تعبر عن تصورهم لوطنهم الذي ينشدون

ولك من التحايا والإحترام الكثير

شكرا يا محمد فقد لخصت الموضوع كله في الجملتين ديل:

Quote: مقالتي ليست ضد الحق في التظاهر، وليس ضد ممارسة التظاهر، وليست ضد مقاومة الحكومة . مقالتي ضد من يخبئون أنفسهم وأبناءهم ثم يدعون لحريق الآخرين. هؤلاء أكثر بشاعة وينبغي أن نتصدى لهم جميعاً.

و هذا ما حاولت أن أقوله للإخوة المستعجلين:

Quote: ما كنت أود الدخول في الدفاع عن ما كتبه محمد لأن القضية في تقديري أنه من حقه أن يكون له رأيه المخالف في أي قضية و معظم من يكتبون معنا هنا ليس من حق أحدهم أن يجعل من نفسه و آرائه معيارا لقياس وطنية الناس و مواقفهم. فقط أريد أن أقول إن ما كتبه محمد ليس فيه أي تعرض بصورة سلبية لما فعله من هم على الأرض هناك في السودان و أن محاولة تصويره و كأنه ضد الانتفاضة فيها ما فيها من عدم الأمانة. أما من يكتبون عن ثورة السودان في الأسافير فيؤسفني أن اقول إن الكتوف متلاحقة و ليس لأحد فضل على أحد.

حتى الآن أعتبر أن محاولة تصوير كلام محمد و كأنه ضد حق التظاهر ولا ضد الشباب المتظاهرين فيه قراءة مستعجلة إذا أحسنا النية.

يا عزيزى العوض ياخى ما تدقس و تفحّص الكلام جيدا

Quote: مقالتي ليست ضد الحق في التظاهر، وليس ضد ممارسة التظاهر، وليست ضد مقاومة الحكومة . مقالتي ضد من يخبئون أنفسهم وأبناءهم ثم يدعون لحريق الآخرين. هؤلاء أكثر بشاعة وينبغي أن نتصدى لهم جميعاً.

هذا الكلام الذى ينثره صديقنا و صديقكم محمد عثمان كلام خارم بارم و وهو يستخدمه لذر الرماد فى العيون. ياخى الناس القاعدين بره ديل ليسوا هم الضلع الاساسى فى موضوع المظاهرات. الضلع و المحرّك الاساسى هم أهل الداخل هم من بادروا و هم من خرجوا.ما فعله محمد عثمان هو البشاعه عينها بالمناسبة، كونه حرف النقاش و التناول الاعلامى من القضية الاساسية و هى خروج الشباب الباسل داخل الخرطوم الى نقاش حول الكتاب الاسفيريين و هذه هى مصلحة النظام الاصلية التى خدمها محمد عثمان بمقاله. بدل تناول المظاهره و جحيم الغلاء و الاعتقالات و حرية التعبير المهدره فى الداخل انشغل الاعلام بالسودانيين المغتربين، كييييف الله يقدركم و تناصروا المظاهرات و انتم فى الخارج. المؤسف فى الموضوع ان المقال تسعى جهد بالزور تصوير الامر على ان المغتربين المرطبين فى الخارجين يسعون الى دفع الناس الى المحرقة و هم جلوس فى الخارج، هل تعتقد ان الشباب الذين خرجوا فى الشوراع و ذهبوا للمعتقلات بلهاء تحركهم دعايات المغتربين؟

ياخى السودانى الموجود فى الخارج و الذى لازال يحرص على تتبع شأن السودان و يستقطع من وقته المشاركة بالاعلام عما يحدث لناس الداخل مفروض يقدر له الناس هذا. لان فى امكانه تناسى السودان وتناسى ما يحدث فيه و بالبحث عن مخرج له و لاسرته لا يهمه لو فتكت الجبهة الاسلامية بما تبقى من أهل السودان. و السودانى الذى يؤاخذه محمد عثمان بقلة و شح الدخل و عدم القدرة على الاندماج فى المجتمعات الجديده بامكانه يفرّغ نفسه و عقله و زمنه لمزيد من ساعات العمل و تحصيل المال و الحلول الفردية الذاتيه. بالاندماج فى المجتمعات الجديده افضل نفسياً لانه يخلّصك من العبء النفسى من الانتماء لهذه الدولة الفاشلة. مجتمعات ديمقراطية و ظريفة تنشط فى العمل العام فيها 0ان رغبت- دون خوف، و دون ان تضطر الى ضرب احد او تخشى من ان يضربك احد.

الصديق محمد عثمان ابراهيم

أعتقد وصف الذين يمارسون تضامنهم ومواقفهم من جملة قضايا الوطن لا يمكن التهكم عليهم بوصفهم " مناضلو كيبورد " أو " الريموت كنترول" .. هذا الوصف يمكن أن يكون
مقبولا من أذناب السلطة ومنتفعيها وأمنجيتهم التي تخوض تخذيل الهمم وفي هذا تفعل دورها المنوط بها وهو من صميم عملها، ولكن أن يأتي هذا منك تحديدا كرفيق سلاح سابقا
ومناضل يرتكز بشكل أساسي على الكلمة ودورها " كرسالة ذات مضامين وموجهة لشرائح الشعب ليستقي منها ما يفيد وليورد موردها للنفع . حاولت أن أشارك الصادق سماعيل
نظرته لأجد مايخرجك من الحرج الذي إعتمل داخلي " التعميم " و" التوقيت" فوجدته أغدق عليك بكرم حاتمي حين أرجع للمقال تارة وأرجع لردودك كرة أخرى فجد العزاء في
مداخلة ياسر طيفور في بداية البوست والتي لو تمعنت جوهرها لوجدت حصيلة هذا المقال داخل إطار هذه الصفة " مناضل كيبورد" يجلدك أنت أولا ثم بعد ذلك لسان السوط يلاحق
الآخرين . ولعلك تذكر حينما كان الوقت لا نسمع فيه غير صوت الرصاص " الإنتفاضة المسلحة " وذات الخطب الإعلامية للنظام وقتها تعلو " لغاليغها" بمعارضة الفنادق والبارات
والكندشة . في ذات الوقت الذي كان يحقق فيه المقاتل الصادق إسماعيل على بصلة سرقت من مخزن الميز حينما كان قائدا لمعسكر التدريب . وعظمة تلك البصلة في ذلك الظرف
أعظم من أي وجبة شهية في أضخم المطاعم العالمية ، لأنها كانت تطعم كتيبة لإضافتها مع حفنة من العدس والماء. هل إختبرت إحساسك لحظتها ياصديقي لو أسمعك شخص
تحسبه يؤازرك بالتهكم عليك " بمعارضة الفنادق " وأنت لا تجد الخبز الذي تطحنه الفنادك؟ . ثم أين المشكلة ؟ هل هي في الأشخاص أم فيما يكتبه الأشخاص ؟ وما علاقة
ذلك بالوسائل ؟ حتى تسند مقالك على هذه الوسيلة تحديدا " الكيبورد الإلكتروني " وماهو الفرق ؟ بين الرونيو والكمبيوتر؟ هذه أسئلة لا تحتاج الي إجابة بمقدار التبصر فيها.
لأن الإعلام هو الوسيلة التي توفر تلاقح الأفكار وهذه الأفكار ليست حكرا على ضوابط محددة غير المنطق المنساب داخلها. فلا إنترنيت ولا صحافة ورقية ولا إتصال جماهيري
هم المشكلة. المشكلة في حقيقة طرح الأفكار ومنطقيتها.
لك التحية

نقلت المداخله لمكانها الصحيح ..

يا ادروب ...الى صديقي محمد عثمان ابراهيم الذي علم

الوصايا العشر في هذا المنبر

* اوع تعمل فيها جادوتطرح قضايا فكرية انها تاخذ وقتا اطول ودربا اعسر

* ياادروب كلامك الحلو ده يحتاج الى منقة رايقة الناس هنا يشربون العكارة

* ياادروب اوع تكتب المتشابهات في هذا المنبر فقط اشتم الحكومة ترتاح وتشبع من التقرسيظ

*يا ادروب كبر شلتك وكبر راسك وانكر هويتك ولولو الكلام ستجد حسن الاصغاء والاستماع

* ياادروب ناضل شوية لن يكلفك شيئا اغمز والمز والمز حتى تكتب عند الله لامزا

الأخ العزيز أبو بكر
ما عارف ليه عندي إحساس كدا إنكم مرات بتردو على كلام ما قاله محمد. يعني مثلا حكاية إنه الناس البرا ديل هم الضلع الأساسي في الموضوع دي أصلا ما أوردها محمد في مقاله. بعدين اتهام محمد بإنه حرف النقاش و التناول الإعلامي دي برضه ما سليمة محمد اتناول وجه معين للمشهد ليه أهمية في تقديره. بالنسبة للسودانيين المهتمين بشأن وطنهم دي فعلا حاجة مقدرة لكن كمان الناس ممكن تكون ليها وجهة نظر برضه يا أبو بكر ياخي. يعني والله بصراحة نحن كمهاجرين عايشين في ظروف معينة المفروض نتعامل مع الناس الجوة دي بشي من حساسية... أنا شخصيا بفرح فرح ما ممكن تتصوره لأي تحرك من شبابنا ديل ضد النظام لكن ما ممكن أتجرأ و أجي هنا أدعوهم و أتهم سودانيي الداخل بالجبن و الاستسلام كما يفعل بعض الناس هنا. أخجل جدا من أنني سعيت لأن أوفر لأولادي أحسن تعليم و أرقى عناية صحية موجودة و أدعو الآخرين لأن يدفعوا بأولادهم للشارع. ما عارف أشرح الكلام دا كيف... أتمنى لو في غمضة عين أتلفت و ألقى زي الحشود الفي ميدان التحرير دي محتلة أبو جنزير و البشير ما عارف يمشي وين لكن مستحيل تجيني الجرأة و أقول للناس ما لكم مستسلمين ما تمرقوا. و محمد عثمان كان دقيق جدا فهو يتكلم عن (حفنة من الأشخاص ، يقيمون في أوروبا وأمريكا ويظنون إذ هم يوثقون حبائل حواسيبهم بلوحات المفاتيح، أن لوحات المفاتيح هذه هي مفاتيح للتحكم عن بعد في مواطنين قاموا باختيارهم كوقود لثورتهم في الخرطوم.). و دي يا أبو بكر حقيقة في ناس هنا والله معارضتها في تقديري مجرد تنفيس لأشياء هم بعانوا منها... يعني واحد لا يعرف أن يعارض بدون استخدام فاحش القول و الإشارات الجنسية أنا تحليلي إنه الزول دا أصلا بحب الكلام في الجنس لكن لقى موضوع المعارضة دا أحسن تغطية لرغبته دي. واحد يكتب ليك البشير ابن ال###### دا مش سبب كافي لإفراغ كلمة معارضة من محتواها؟
الأمثلة الأشار ليها محمد في مقاله في مجملها بتعكس صورة محزنة جدا و محتاجة الناس يناقشوها.

Quote: ما عارف ليه عندي إحساس كدا إنكم مرات بتردو على كلام ما قاله محمد

السلام عليكم العوض يا جميل

Quote: (حفنة من الأشخاص ، يقيمون في أوروبا وأمريكا ويظنون إذ هم يوثقون حبائل حواسيبهم بلوحات المفاتيح، أن لوحات المفاتيح هذه هي مفاتيح للتحكم عن بعد في مواطنين قاموا باختيارهم كوقود لثورتهم في الخرطوم.).

العوض اخوي الظاهر انو الكلام دا قاعدين نقراهو بطرق مختلفة ...
منو الاختار منو ؟

هل حقيقي انو في وجود لناس زي ديل ؟
عشان ما يبقى كلام ساي ... ادونا مثال واااحد بس !!؟

انا مع قراية بكوري في انو محمد عثمان اخطا في القراية لو دي " مقدمتو " البنى عليها !!؟
و بديهي انو ما بني على باطل فهو باطل طبعاً

نسمع ردك على النقطة دي
او لو تكرم محمد عثمانكم لفك الارتباط دا

Quote: هل حقيقي انو في وجود لناس زي ديل ؟ عشان ما يبقى كلام ساي ... ادونا مثال واااحد بس !!؟

قيقا (بايت وين؟)

المقال أشار لنموذج (الشخص الذي تكلم عن الببسي كولا لمنع تأثير البمبان، والآخر الذي تكلم عن تعطيل عربات الأمن، وأيضاً الذي طال بأن يحرق رؤساء الأحزاب أنفسم) بل وذكر بوست بإسمه (ما تتضاري أمرق برة).

وهذه الأمثلة التى ضربها محمد عثمان، ليس بالضرورة أني أتفق معه، فأنا لدي أمثلتي وضربتها في حينها (كقولك ضرب مثلاً وليس ضرباً حقيقياً لذا لزم إرفاق هذه المذكرة التفسيرية بين القوسين هذين).


المثل بيقول
الماعندو مكتبة للماعندو مكتبة رحمة. وكل ذلك خوفاً عليك من (الحالة الكلونولية الإنت فيها)

إلى محمد عثمان .. في مسألة نضال الكيبورديين الذين غادروا السودان من أجل السياحة في جزر ألباهاما


خالد الحاج الحسن - لكي لا ننسى!

وإلى الواقفين في المنطقة الرمادية الذين يقولون لا تشخصنوا الموضوع وخليكم في المقال

أرفع هذا البوست رغم أن الأولوية للعزاء في الفقد الكبير خالد الحاج

لكن، العزاء في أن هذا ما كان يريد منا فضحه (وفضحهم)

يا معاوية الز بير

احترم جلال الموت ..

احترم جلال الموت ..
..
ثم

احترم جلال الموت ..

الرجل رحمه الله لاقى ربه قبل سويعات وربما لم يتم دفن جثمانه بعد، وانت تريد ان تستغل اسمه لتصفية حسابات وخلافات سياسية؟!

مقال محمد عثمان ابراهيم امامك. المرحوم لم يقرأه. انت الذى قرأته. رد عليه انت.

وترحم على الراحل او اتركه فى شأنه وهو فى مواجهة ربه .. بدلا من ان تلقى باسمه فى حمم الخلافات السياسية.

لا حول ولا قوة الا بالله ..

يا قيقراوي

Quote: شوف احتكار ( الحقيقة ) و إعادة التوزيع المجاني

عهدي بي أمين زول حقاني لكن في البوست دة ما أتى لحق ولا حاجة

لما زول يذكر موقف حصل زمان (الحدرة) يبقى إساءة وبتحتاج إدانة من أمين
ولما محمد عثمانه يسئ علي عجب الما حصل وجوده في البوست قبلها يبقى شأن خاص

Quote: لا شان لي بمشاكل محمد عثمان مع علي عجب

اللهم ارحم خالد الحاج

يا ابو حميد شكلك كدا زول ساي زيي و جاي ...
( دا انطباع ساي، و ما ( إساءة ) .. بس لانك فهمت كلامي تبقى ما ماركيزي و لا متمركز في جلبابو ؤ كدا

Quote: عهدي بي أمين زول حقاني لكن في البوست دة ما أتى لحق ولا حاجة لما زول يذكر موقف حصل زمان (الحدرة) يبقى إساءة وبتحتاج إدانة من أمين ولما محمد عثمانه يسئ علي عجب الما حصل وجوده في البوست قبلها يبقى شأن خاص Quote: لا شان لي بمشاكل محمد عثمان مع علي عجب

اولن : ياخ خليني اشكرك حتى تستغيث انك قلت العاوز اقولو لاميننا الذي نحب و نثق في حكمه و حكمته بل و نشارك محمد عثمانه عديل في جزء من دي [ لا يمكن للمرء تجاهل رأي توافق عليه أنت إذ لا بد أن له حيثيات ومصداقية.] ... بس ما على اطلاقو كدا بس طلقيت ... اصلوا شنو هو !!؟
سوم سانين : شوف ليك جنس [ عينات مجانيه ] من الكلام الساااااااي ...

Quote: ما عارف الصعب في كلامي كان شنو

Quote: يا أستاذ فتحي ياخي أنا لا شان لي بمشاكل محمد عثمان مع علي عجب و بفلهمتو عليك و باقي كركباتو الأسفيريه : أنا كلامي موجه للناس الشتمت محمد عثمان و اتهمتو بموالاة الحكومه لمجرد اختلافهم معاه في مقال .

Quote: يا قيقراوي ياخي أنا هنا ما بدافع عن محمد عثمان في شخصو ، أنا بدافع عن حق الناس في الأتفاق و الأختلاف بدون اساءت و بدون تصنيف و إنو ممكن نختلف في راي بدون تجريم : ياخي هسي أنا و إنت مختلفين في راي حول هذا البوست هل يجوز بناء علي هذا الأختلاف إنو أنا أجرمك انك مدفوع لتخريب بوستات محمد عثمان مثلا ؟!!

اولن : و الله منظرك بايخ و انت بتردد انك ما قاعد تدافع عن محمد عثمانك دي!!! دا كلام مخاتل و فاتك بالابانة رسمي ي ي ي !!! ... هو الدفاع دا كيفنو !!؟؟

سوم سانين : من وين ليك انو الناس [ الشتمت محمد عثمان ] دي برضوما يكون محمد عثمانك دا عامل معاها كركبات اسفيرية قبل دا، و انها في نفس الكاتوقوري الزحمتنا فيهو انا و على عجب مشترك داك اتسلف !!؟؟
و لّ صدقت عطيتو و مشاركة محمد عثمانك احتكار ( الحقيقة ) و قسمتا النص بالنص بينكم ؟
يا للهول!! عديل كدا يا خال !!؟

سوم سانين ( مشترك ) : نشكر جناب سعادتكم على الـ ( بو ) [ أستاذ فتحي ] ... بس المرة الجاية كتر المحلبية شوية ياخ ! ... انت مشتريها بقروش !؟

انت عارف انو غفر لك ما تقدم و ما تأخر من ذنبك ... و للبتحبهم ذاتو نغفر كمان ... المافي شنو !؟
و انت عارف انو مما يسعدني انك تتعلم الشفتنة حتى لو في راسي انا اليتيم دا ... بعد [ أستاذ فتحي ] ... نفيد سعادتكم بانه لا مانع لدينا من

Quote: ياخي هسي أنا و إنت مختلفين في راي حول هذا البوست هل يجوز بناء علي هذا الأختلاف إنو أنا أجرمك انك مدفوع لتخريب بوستات محمد عثمان مثلا ؟!!

اسي ما قلتها عديل ... الباقي شنو !؟ *
تعرف في قصة بايخة جدن جدن - يا محمد ما عندها اي علاقة بسياق المناقشة هنا ما تتعب نفسك لتوطينها - لكن ح احكيها ليك : قليك كان في ملك ظالمجدن جدن. شاكم ليك الشعب و هارشم ليك. اها بعيد عنك ربنا ابتلاهو بي ( كوكة ). و مانع الحديث في الموضوع دا نوهائين. و مواطن شفت كدا - ما افضلو عليك - قالا ليو في وشو عدييييييييل. انقر كيف ؟
جاو قال ليو يا سعادتك، تعرف انت لما تموت ناس الغرب يبكوكا ... و ناس الشرق يبكوكا ... و يقعدوا اليوم كلو يبكوكا .. يبكوكا .. و يا اب كوكة .. و يا اب كوكة
جرم ساي .. بس مدفوع دي غلبني ابلعا ...
انا سيد نفسي ... ما دون ذلك لا يضيوني و لا يضرني بشئ ... و لا يدخل ذمتي ذاتو !!
انت قايل الثورة هي شنو يا امين ؟
يا ريت تطرح ( تصورك ) للثورة - في سياق المناقشة فاهم اوع تخرم جاي جاي - و خلينا نعمل ( عصف ذهني ) ... المافي شنو !؟ ( احي ي ي ... احمدك يا ربي ان جعلت هذا ممكناص .. لي زمن متمني اللحظة دي تجي و استخدم ( عصف ذهني ) دي في جملة مفيدة، اكون غازي عودي فيها )


شكرااااااان ابو حميد
شكرن كتيرن ياخ لاتاحة الفرصة دي



-----------

* بدون وشوش

ما اجل فقد الخال ( خالد الحاج )
و كفى بالموت واعظأ

Quote: قيقا (بايت وين؟)

كان بتضمن لي محمد عثمانكم ما يسخر من بساطتي و قلة عتادي السغافي، بكلمك * ...

Quote: المقال أشار لنموذج (الشخص الذي تكلم عن الببسي كولا لمنع تأثير البمبان، والآخر الذي تكلم عن تعطيل عربات الأمن، وأيضاً الذي طال بأن يحرق رؤساء الأحزاب أنفسم) بل وذكر بوست بإسمه (ما تتضاري أمرق برة). وهذه الأمثلة التى ضربها محمد عثمان، ليس بالضرورة أني أتفق معه، فأنا لدي أمثلتي وضربتها في حينها (كقولك ضرب مثلاً وليس ضرباً حقيقياً لذا لزم إرفاق هذه المذكرة التفسيرية بين القوسين هذين).

يا الصادق يا حبيب
الفي المقال - اللايص - دا قريتو صدق ...
قريتو ديسليون مرة ... لدرجة عملت منو نسخة " هارد كوبي " عديل ... و ليتنى وفرت جهدي دا لما هو انفع ...
لكن ...
المقال ما متماسك يا الصادق اخوي، و فاتك بالإبانة ...
محمد عثمان بتكلم عن ( قيادة ) بالدرب العديل ... و انت و هو ادرى بما هو معنى ( قيادة )
انا في بداية البوست دا - من عنوان المقال بس + ما رشح عن الـ"بوستن" دا ( تقرأ المقال ) في بوستو التاني، و البشائر العظيمة السبقتو - قلت ليهو بالحرف الواحد :

Quote: اكمل يا محمد عثماننا و ان لمنتظرون مع الخال و حسن اولئك رفيقا و صاحب يبدو انو اختلط عليك الحابل بالنابل و الحكاية جايطة شديد عندك !! و ما عارف منو البحرك منو ؟ و منو البقود منو !؟ اكمل و نحن في انتظارك

Re: تقرأ غداً و دي كان المداخلة رقم 14 في الـ"بوستن" دا إت سلف ... لم كنت قد اتيت لحوار ... لكن تبين ان محمد عثمانكم دا ما اتى لحوار و لا حاجة ... داير شكرات مجانية ساي بس !!

و لسة مصرّ ... بل و ملحّ ... انو الشغلة جايطة عند محمد عثماننا

بجيك راجع لسؤالك الاول ...
و الله انا جيت لحوار لكن محمد عثمانكم باستفزازاتو توّر علي النفسيات ...
ولمّن المؤشر وصل لما دون الخط اللحمر ... و دي مرحلة فيها خطر شديد علي و على الناس في محيطي
كلموهو قولوا ليو الشفتنة ما بقروش و لا بتشكروا بيها ذاتو ... فكلك عورات و للناس ألسنو ( تقرأ كيبورد ) كيتن عليهو ...



--------
قيقا ...
بايت ... بايت
" سليب وذ هيم " ... hangover
الصادق بطل ياخ !؟





دا صباح حزين جداً يا الصادق ...
و الله فقدت القدرة على الضحك رسمي لما شفت الخبر !!

اللهم ارحم الخال ( خالد الحاج) اللهم ثبته بالقول الثابت و العمل
اللهم الهم آله و ذويه و اصدقائه و محبيه الصبر و حسن العزاء

ما اشد الاسى
و ما أجلّ الفقد

انا لله و انا اليه راجعون

كامل اعتذاري للأخ والصديق خضر حسين عن المداخلة السابقة باعلاه

مزحي كان خشن شوية

مع المعزة الموجبة التي يعلمها هو وكل الخوة .. ودا اعتذار صريح اني غلطان يا خضر فامسحها في وش امين نوتة بالله ولو ما كان جنبك فامسحها بوش مرتضي

،ــــــــــ
مسحتها يا رطاني .. عربي في عينك!!

سلامي للجميع

اتمنى صادقا ألايكون محمد عثمان قد غادر ديوانه لمكان آخر تاركا الضيوف

الموضوع الذي ناقشه محمد عثمان في مقاله مهم جدا ولا بد أن يصل فيه الناس لنوع من تقريب وجهات النظر

يعني حوار ونقاش لايغير المفاهيم ...أو يثبتها بحجج إضافيه

لامعنى له

Quote: اتمنى صادقا ألايكون محمد عثمان قد غادر ديوانه لمكان آخر تاركا الضيوف الموضوع الذي ناقشه محمد عثمان في مقاله مهم جدا ولا بد أن يصل فيه الناس لنوع من تقريب وجهات النظر يعني حوار ونقاش لايغير المفاهيم ...أو يثبتها بحجج إضافيه لامعنى له

الأخ عمر عشاري
أنا ما زلت موجوداً وأمامي مداخلات جميع الإخوة وسأرد عليها. مداخلتك السابقة في مكان عالٍ من هذا البوست وأعتقد أنها تقول شيئاً مفيداً ومن الصعب تركها دون تعليق. فقط المنبر حزين مثلي على فقد الأستاذ خالد الحاج. سعدت بلقائه ورأيت فيه لطفاً وتبسطاً وأريحية وتبادلت معه عدداً من الرسائل فكان كما عهدته. اللهم ارحمه واغفر له واسكنه جنتك مع الصديقين والشهداء.
سأعود لهذا البوست
مع مودتي

يا عبد المحسن سيد

انت ملاحظ إنك ما عندك أي إسهام في موضوع البوست

وإنو كل مداخلاتك مخصصة للدفاع عن صاحب البوست وزجر منتقديه؟

بما في ذلك مداخلتي التي ذكّرتك بجرائم الإنقاذ التي لا تنسى أصلا

أما عن جلال الموت، فأنا لا أكن أي إجلال للموت

إجلالي للحياة التي تجعل للدنيا معنى وليس الموت

إجلالي للحضور وليس للغياب، للموجب العملاني وليس للسالب العواطلي

إجلالي لحياة الرجل الذي عذّبه وشرّده نظام الإنقاذ، فأسس لنضال الكيبورد الذي يغيظك

فماذا أنت قائل ؟

أخانا المعانا أحمد عمر ، سلام يا صاحب و إن شاء الله تكون بخير ياخي

Quote: عهدي بي أمين زول حقاني لكن في البوست دة ما أتى لحق ولا حاجة لما زول يذكر موقف حصل زمان (الحدرة) يبقى إساءة وبتحتاج إدانة من أمين ولما محمد عثمانه يسئ علي عجب الما حصل وجوده في البوست قبلها يبقى شأن خاص

خليني اوريك ال mind set حقي الخلاني أقول كلامي ده :
سيرة علي عجب جات لكركبات اسفيريه باديه بينو و بين محمد عثمان من زمن و ده الأنا قلت ليك ما عندي بيه شغله و لا عارف اصل خلافهم شنو و سببو شنو ...
لكن لمن يكون تعليق زول علي مقال مكتوب إنو كاتب المقال قبل كده حدرو ليه في بورد تاني و جر واطي حسب ما فهم هو من الكلام، فده العندي عليه إعتراض كمبدا و ده الكنت بتكلم عنو و جبت اربعه اقتباسات - غير بتاع الحدير ده - و كلها كانت شتيمه و اساءات لمحمد عثمان و ليس ردا علي مقالو و ده كان إعتراضي وو ده الكنت بتكلم عنو.
ده فهمي للموضوع و ليس دفاعا عن محمد عثمان في عضمو لانك لو قريت مقالاتو أو تتبعت مداخلاتو بتعرف إنو المان ده ما محتاج زول يدافع ليهو ، ثم و انو أنا مختلف معاه في مقالو تماما و قلت رايي مجملا و مفصلا في هذا البوست ، كلامي بعد داك عشان مبدا الكلام نفسو ، عشان ما لو كتبت راي مخالف لزول يجوني ناس حمبره و غنامه - و ما أكثرهم في منبرنا الجائر هذا - يقولو لي إنت في عضمتك كيت و كيت بدل ما يناقشو كلامي !
هذا كل ما الأمر يا صديقي لكن كمان قد يكون الأمر عشان أنا معصور علي محمد عثمان و أراه من خيرة الناس علما و ثقافة و أدبا في هذا المكان و ساءني أن يساء إليه ممن لا يعرفون قدره ، لكن هذا الأمر لم يكن حاضرا عند كتابة ما كتبت : لم يوجد غير المبدا كدافع : أو هكذا ظننت !!
شكرا يا أحمد و أرقد عافيه ...........

أخونا الذي أبانا (أستاذ فتحي )* سلام يا صديقي

Quote: اولن : و الله منظرك بايخ و انت بتردد انك ما قاعد تدافع عن محمد عثمانك دي!!! دا كلام مخاتل و فاتك بالابانة رسمي ي ي ي !!! ... هو الدفاع دا كيفنو !!؟؟

ياخي لو كنت أعلم عيبا في الدفاع عن محمد عثمان لانكرت اني ادافع عنه :
ما عارف العيب شنو ولا المشكله شنو في الدفاع عن محمد عثمان عشان (أخاتل ) و (أفتك ) بالابانه ؟!! و ما عارف وين الغلط في إنو أدافع عن محمد عثمان عشان أنكرو ؟
و التكرار يا أستاذ فتحي لانو الناس ما بتثق و ما بتصدق إلا من يوافقها : يعني لو أنا اتفقت معاك في رايك بتصدقني من أول كلمه ، لكن لاختلاف أراءنا لازم أردد ليك الكلام مية مره عشان تصدقني !!!
تبقي الحقيقه - علي الأقل بالنسبه لي - إنو أنا لا أدافع عن محمد عثمان في شخصه انما أدافع عن مبدا .

Quote: اسي ما قلتها عديل ... الباقي شنو !؟ *

شفت الكلام الساي حار كيف ؟!!
ياخي سئيلي الله يوم لا ينفع مال و لا بنون و لا إنت و لا محمد عثمان إنو فهمك ده ما طقش مخي ساي : فكيف لو أنا جيت و قلتو كحقيقه مثبته مثلما فعل من أساء لمحمد عثمان في عضمو و طلعو صحفه غفله و صحفي سلطان و باقي النعوت الجبتها في الاقتباسات لمجرد كتابتو لمقال لم يتفقو علي ما جاء فيه !!!
يا اخوانا حقو نكون موضوعيين عشان نتفاكر و نتناقش بدون قرايه خاطئه لبعضنا و بدون تجريم و تجريح لمجرد إختلاف في وجهة نظر ، و لو في زول عايز يجرم زول اليمشي يجيب مواقفو و أراءو كلها و يبسطها للناس دليلا علي حكمه ، لكن أن يتهم شخص في وطنيتو و في أخلاقو لمجرد خلاف في راي فهذا ما لا يجوز و لا يستقيم عقلا و منطقا !!
الحاجه المحيراني إنو أنا أول من إنتقد مقالة محمد عثمان و بينت السبب ، و قلت لكل الحق في نقد المقال باي درجه من درجات الشده فقط لا نزايد و لا نجرم لمجرد إختلاف وجهات النظر .






---------
* إن شاء الله تكون متذكر أنا قاعد أقول ليك أستاذ فتحي من بتين و لييه !
---------
والله بكري عندو مليون حق ما يعمل ليك مكتبه !! ( وش مبلول ) !

العزيز د. امين سلام
عليك الله في زمتك زولك ده هسي اساء لي و لا انا الأسإت ليهو؟
غايتو يا دكتور الفيك إتعرفت ..مسكين أنا الماعندي شله في الاسافير دي
واقف براي زي حربه مغروزه في عتمور

Quote: مثلما فعل من أساء لمحمد عثمان في عضمو و طلعو صحفه غفله و صحفي سلطان و باقي النعوت الجبتها في الاقتباسات لمجرد كتابتو لمقال لم يتفقو علي ما جاء فيه !!!

والله يا دكتور انا لحدي اللحظه دي ما قريت مقال الصحفي الكبير عشان اختلف او إتفق معاهو في شئ
و لا عندي نيه اقراهو .. و ما عرفت فحواه إلا من كلام اخونا كبر...فيا زول إستغفر ربك لما تقول لمجرد إختلافهم مع ما كتب
يا امين انا اتخير ما اقرأ
إنت ما سمعت بي عمك حمدين زمراوي القال عنو دكتور محمد بادي انو كان يتخير من الحرام أجوده
اها بعض الكتابات في المنبر ده قرايتها تعتبر من باب تعاطي الحرام
يا دكتور انا بينطبق علي كلام دكتور مصطفي محمود بتاع لم يأتوا لحوار داك هاهاها
البوست ده دخلتو شلاقه مني ساي ولفتت إنتباهي بل إندهاشي صورة البروفايل بتاعت الكاتب الكبير
فيا إما الكاتب الكبير يجهل عنصرية صاحب الصوره او ادروب يحسب نفسه من سكسونيا العليا و لله في خلقه شؤون

الاخ معاوية الزبير

فعلا أنا ما عندى اسهام فى الحوار الدائر فى البوست ده كما تفضلت. وده سببو اننى من الجماعة الذين وصفهم الدكتور مصطفى محمود، رضى الله عنه، بأنهم ( لم يأتوا لحوار .. ).

أما عن جلال الموت، فأنا لا أكن أي إجلال للموت

ولد دا ... والله بهرتنى عديل كده! كان عارفك مثقف وفيلسوف قدر ده ما كنت جيت بى جنبك أبداً!

أمين وقلمو السنين ..
تحياتى يا صديق ..

بخصوص توجيهاتكم بالتركيز على المقال ..
وجدت الآتى ..

المقال يحتوى على 1627 كلمه ..

الفكره الرئيسيه مختصره جدا .. وتحتوى على 469 كلمه
تناولت آليات تغيير الحكومه وهى ثلاثه .. وقد تمت تسميتها "حرب" و"انتخابات"و"انتفاضه"
ثم موقف واشنطون والسعوديه ومصر ..
هذه هى الفكره الرئيسيه فى المقال ..
والامر أشبه بأن الفكره الرئيسيه هنا تخدم ما ادرجه الكاتب تحت عنوان بين السطور قال فيه

Quote: ويمكن ان نخفف على القاريء ثقل حمولة هذا المقال بالإشارة إلى بعض القضايا التي طرحها بعض المناضلين الإفتراضيين للمناقشة

بخصوص مقدمه "جيمس كونوللى"
فهى تخدم وبصوره مباشره لا لبس فيها الفكره الفرعيه التى اريد بها تخفيف اثقال حمولة المقال.. والتى يبدو اننى لم استطيع استيعاب وزنها الحقيقي ..
وقلت "بصوره مباشره" .. وذلك ليس اجتهادا منى , فقد كفانا كاتب المقال الظنون إذ كان ختام مقدمه "جيمس كونوللى" الآتى

Quote: هذه القصة تصلح للجميع لكنها بشكل خاص تصلح لتأمل حفنة من الأشخاص ، يقيمون في أوروبا وأمريكا ويظنون إذ هم يوثقون حبائل حواسيبهم بلوحات المفاتيح، أن لوحات المفاتيح هذه هي مفاتيح للتحكم عن بعد في مواطنين قاموا باختيارهم كوقود لثورتهم في الخرطوم

إذن محاولة الالتفاف واضحه جدا

Quote: ويمكن ان نخفف على القاريء ثقل حمولة هذا المقال بالإشارة إلى بعض القضايا التي طرحها بعض المناضلين الإفتراضيين للمناقشة

اذ ليس هناك - فى تقديري - حموله ثقيله حواها المقال قد تدعو الكاتب لمحاولة الترفق بالقارئ تخفيفا عن اثقال الحموله بكتابة 1157 كلمه رفيقه.. كلها تدور عن احوال لطيفه واخري مأساويه لاوضاع سودانيي الشتات .. ولا اعلم كيف تكون تلك المآسي تخفيفا للقارئ من آثار "حموله" هى اصلا مافيشه ..

وذلك التفاف كبير جدا..

فى تقديري يا أمين أن المقال وجهته الاساسيه "الإساءه" للناس الهنا بسودانيزاونلاين تحديدا..
فالتناول الجاد للظاهره المعنيه لا يكون مسطحا كذلك ..
ناهيك عن تناول ابعاد اجتماعيه مفسره للظاهره بهذه الخفه..
ناهيك عن "التغليف" و "الالتفاف"

تحياتى
مرفق طيه تدرج لونى للمقال .. لعنايتكم

Quote: في يوم 17 ابريل 1916 م أبلغ السيد جيمس كونوللي السكرتير العام لإتحاد عمال النقل والعمال العموميين الإيرلندي مجموعة المتطوعين القليلة التي كانت معه، والتي كانت النواة للجيش المدني الإيرلندي (الذي سيعرف لاحقاً باسم الجيش الجمهوري الإيرلندي) بمصيرهم المحتوم قائلاً " إننا ذاهبون لنُذبَح"! كانت المجموعة المناضلة الصغيرة العدد، والتي خلدت أسماء أفرادها في ذاكرة الشعب الإيرلندي، تستعد للدخول في أول مواجهة، بأنحاء العاصمة دبلن، مع ما كان يعرف باسم الإمبريالية البريطانية. لم يشأ كونوللي ورفاقه من القادة الكبار حرق آخرين من الشباب أو الطلاب، ولكنهم اختاروا وضع النموذج الأسمى وتقديم أنفسهم قرباناً للثورة القادمة.حين قال كونوللي عبارته المشار إليها والتي صارت مثلاً في كتاب الثورة العالمي، سأله زميله وليام أوبراين " هل هناك أدنى فرصة للنجاح؟" فما كان من كونوللي إلا أن ردّ بحسم " لا، البتة".كان الثائر العظيم صادقاً فبعد حوالي ثلاثة أسابيع كان هو الأخير الذي أعدم بواسطة السلطات عقاباً له على مشاركته في الإنتفاضة. في 12 مايو 1916 / كان كونوللي مصاباً بجراح كثيرة ومرهقاً لدرجة أنه لم يقو على الوقوف أو الجلوس، فتم توثيقه على كرسي وهو شبه جثة، ثم أطلق فريق الإعدام النار على الوجه والصدر منه.لم يهتم أحد بمعرفة اسماء القتلة لكننا ما زلنا نذكر هؤلاء الثوار، ونتعلم منهم أن الضحية يمكن أن ينتصر إذا كانت له إرادة كونوللي ورفاقه وعزمهم.***هذه القصة تصلح للجميع لكنها بشكل خاص تصلح لتأمل حفنة من الأشخاص ، يقيمون في أوروبا وأمريكا ويظنون إذ هم يوثقون حبائل حواسيبهم بلوحات المفاتيح، أن لوحات المفاتيح هذه هي مفاتيح للتحكم عن بعد في مواطنين قاموا باختيارهم كوقود لثورتهم في الخرطوم. لن تتم الإشارة على الإطلاق لأسماء هؤلاء المناضلين الإفتراضيين لأنهم ببساطة لا أسماء لهم ولأنهم أرادوا إخفاء أجسادهم في منازل ذات تدفئة جيدة، وإرسال كلماتهم لتحترق في الخرطوم نضالاً من أجل إسقاط النظام الحاكم، لذا سيكون الحديث هنا عن بعض كلماتهم فقط. ***لا بأس، دعونا نتفق أن هذه الحكومة ليست ابدية وليست خالدة، وأنها ستتغير طال الزمن أم قصر بوسائل معروفة وسهلة وواضحة ليس من بينها التظاهر في المنتديات الإلكترونية وموقع الفيسبوك للتواصل الإجتماعي. هذه الحكومة يمكن بسهولة إزاحتها بأي واحدة من ثلاث وسائل ، وهي بالمناسبة وسائل معروفة بالنسبة لجميع الأطراف : الشعب ، الحكومة، والمعارضات المتشظية:1- التغيير حرباً، وهو تغيير باهظ التكلفة ويحتاج إلى تضافر الكثير من العوامل على المستوى الدولي والإقليمي والمحلي، وهذه العوامل كلها متضافرة الآن ضد مثل هذا النوع من التغيير.2- التغيير عن طريق صندوق الإنتخابات، وهو تغيير غير محتمل أيضاً في ظل الوضع الراهن بسبب عدم قناعة الحكومة وحزبها الحاكم بهذه الوسيلة أصلاً، وبسبب عجز القوى السياسية المعارضة عن الإلتزام ب/ أو فرض هذا السبيل كوسيلة مثلى ووحيدة للتغيير.3- التغيير عن طرق الإنتفاضة الشعبية، وهذا أمر كبير الإحتمال لكنه غير مرجح الآن لحاجته إلى نضج العديد من الظروف الموضوعية التي يمكن أن تجعل منه أمراً حتمياً. الحقيقة أن الكثير من العوامل الدولية والإقليمية والمحلية تقف ضد أي نوع من التغيير في نظام الحكم الحالي في السودان. هذه العبارة لا تعني موقفاً لصالح النظام أو ضده لكنها قراءة فقط لواقع الحال بعين موضوعية. الولايات المتحدة كلاعب دولي أساسي لا ترغب على الإطلاق في حدوث تغيير أساسي في بنية النظام، وفيما هي ترفض التعاطي بشكل مباشر مع رئيس الجمهورية فهي تتعامل معه بشكل غير مباشر، وتدرك أن الكلمة الأولى للرئيس وإن اتسعت دوائر صنع القرار داخل الجماعة الحاكمة. لعل الزيارة الأخيرة لوزير الخارجية السيد/ علي كرتي ولقائه بوزيرة الخارجية هيلاري كلنتون وأركان الإدارة في واشنطن وحسن استقبال الرجل يعطي مؤشراً على أن يد واشنطن في يد الخرطوم في الوقت الحاضر على الأقل. السبب في ذلك لا يحتاج إلى كثير اجتهاد فواشنطن ترغب في إكمال عملية استقلال جنوب السودان وبناء دولته الجديدة دون معوقات كبيرة من الشمال. ولنجاح هذه العملية تحتاج واشنطن إلى نظام قوي و(غير ديمقراطي) وراغب في التحالف معها، ولا يمكن للإدارة الأمريكية أن تجد نظاماً بهذه الصفات أفضل من النظام الحالي. الأنظمة الديمقراطية بطيئة وتحرص على الإستئناس برأي أكبر عدد من أصحاب المصلحة (Stakeholders) وهذا غير مناسب في مثل هذه الظروف المتسارعة.الظروف الإقليمية وبالتحديد الظروف الداخلية في إثنين من أكبر الدول صاحبة التأثير العربي على المسألة السودانية غير مواتية، فمصر والسعودية مشغولتان بقضاياهما الداخلية العاجلة، إضافة إلى احتمالات حدوث تغيير في توازن القوى في لبنان واليمن باتجاه تحول المزيد من أوراق اللعبة صوب إيران. أما ليبيا فلا يمكن التنبؤ بمواقفها كالعادة!الظروف المحلية غير مهيأة للتغيير فالقوى السياسية الحقيقة رغم عجزها وضعفها، منخرطة في مفاوضات سرية وعلنية مع الحكومة بغرض الحصول على نصيب من ميراث الحركة الشعبية في أجهزة الحكم والدولة، وهذا يكشف عنه بوضوح تردد حزب الأمة في تحديد موقف من نظام الخرطوم في مرحلة ما بعد الإستفتاء، واختفاء الحزب الإتحادي الديمقراطي من على كل شاشات الرصد. القوى السياسية الأخرى مثل الحزب الشيوعي والتيارات الإقليمية خائرة وتعاني من ضعف القيادات، وقلة الخيارات، وعجز المبادرات. ***ثورة إيران لم تخرج من الفيسبوك وتويتر لكنها استغلتهما وثورة تونس كذلك، أما ثورة مصر فهذه حكاية طويلة وهي محصلة لتراكم جهد بطيء ظل يعتمل ويتفاعل لما يزيد عن العقد الآن منذ أن خرجت صحيفة (العربي) الناصرية بأول إنتقاد مباشر للرئيس مبارك حتى صار توجيه السهام نحوه ونحو عائلته خبزاً يومياً للمواطن والصحافة والسينما !الثورات لا يتم انتاجها بالتقليد ومسايرة الموضة.والثورات لا يتم انتاجها وتعبئتها من أمريكا وأوروبا، ثم ارسالها لتنفجر في الخرطوم. قبل أقل من عام تناول كاتب هذا المقال ظاهرة المواطنين السودانيين الإفتراضيين ومحاولاتهم (المضحكة) لتحويل الواقع كله إلى افتراض (راجع مقالة {عوالم إفتراضية : أشباح الإنترنت ضد شخوص الواقع} على موقع الكاتب على الإنترنت). في تلك المقال حاولتُ تقديم مرافعة موضوعية ضد ما يحاول مناضلو العالم الإفتراضي فعله من حصر النضال والحق في تغيير الحكومات بيد الفئة التي تتعامل بالكمبيوترات والتي لديها اشتراكات في خدمة الإنترنت. لست راغباً في العودة إلى ذلك المقال، لكنني أعتقد أن هذا المقال يحاول أيضاً إضاءة جانب آخر من عتمة النضال الإفتراضي.***احتوى النضال المعلب الذي شاء العالم السوداني الإفتراضي المساهمة به هذه المرة على تحركات تثير السخرية والضحك، ويمكن ان نخفف على القاريء ثقل حمولة هذا المقال بالإشارة إلى بعض القضايا التي طرحها بعض المناضلين الإفتراضيين للمناقشة. تكشف نوعية القضايا حجم الوصاية والعجرفة التي يتعامل بها سكان الفضاء الإفتراضي (صناع الثورة) مع سكان الوطن الحقيقيين (الوقود المفترض للثورة)!فتح أحدهم موضوعاً للمناقشة (بوستاً) من أجل المساهمة في تأليف الهتافات والشعارات. عجيب! حتى الهتافات ستذهب للوقود الخرطومي جاهزة ومعبأة؟نشر آخر موضوعاً بعنوان (ما تتضارى أمرق برة) يحرض فيه الشباب على التجلي وعدم الإختباء، لكن العجيب في الأمر أن الشخص المعني وبعض حلفائه يقيمون في الخارج ولم يكلف أحد منهم نفسه بتوجيه النداء إلى شخصه ألا (ييتضارى) وما أسهل التضاري وراء الحدود!تحدث واحد آخر في موضوع منفصل عن فعالية غسل الوجه بالبيبسي لمقاومة أثر القنابل المسيلة للدموع!واحد أسرف في حياته الإفتراضية فاقترح على المتظاهرين مواجهة سيارات الشرطة وتعطيلها باستخدام المعيقات المعروفة باسم (Spike Strips) التي يستخدمها الجيش الأمريكي والبريطاني في العراق لإعاقة دخول السيارات المفخخة إلى وجهاتها. أورد الكاتب مجموعة من الصور، لكن أحداً من مجاذيب الكون الإفتراضي لم يسأله عن كيفية حصول المتظاهرين في الخرطوم على هذه المعدات، وكيف سيمكن إرسالها من مخازن العتاد الغربي إلى الخرطوم وكوستي وباسندة مثلاً؟واحد آخر طالب بعض الزعماء السياسيين بحرق أتفسهم على طريقة الشهيد التونسي الراحل محمد بوعزيزي. لم يقم أحد بتقديم نفس الطلب إلى المناضل الإفتراضي لأن المناضلون الإفتراضيون لا يطلب منهم شيء، هم فقط الذين يطلبون من الآخرين وهذا حقهم الحصري.***بدأ المناضلون الإفتراضيون منذ وقت مبكر في الترتيب للفوز بسبق صحفي وما إن جاءهم خبر مختلق (أو ربما قاموا هم باختلاقه) حتى سارعوا إلى فتح (البوستات) المتباهية بصلة كاتبيها الوثيقة بأرض الأحداث في الخرطوم والمتصنعة الحزن على الشهيد الغالي. البعض بدأ رثاءه نثراً، والبعض الآخر من ذوي العارضة صاغوا كلماتهم شعراً، وآخرون من دونهم عدوا خبباً إلى حواسيبهم لتصميم ملصقات تحمل صورة الشهيد وتشد العزم من أجل التضحية بالمزيد من الشهداء من (وقود الثورة الرخيص) المتوفر في شوارع العاصمة!هذه الشائعة تكشف عجزاً جوهرياً في مشروعية تظاهرات وتصورات مناضلي الريموت كنترول ففيما هم يملأون الفضاء زعيقاً بأن النظام سيء (وهذا أمر يجد موافقة الكثيرين) فإنهم يضمرون أن سوء النظام الحالي لا يكفي للدعوة إلى إسقاطه، لذا فقد اخترعوا حكاية مقتل الطالب الشهيد ليجعلوا منها سبباً للتظاهر ضده أو حقن التظاهرات الهزيلة عبره ب(طاقة) إضافية. إذا كان النظام سيئاً، ما الحاجة إلى اختراع الشهداء؟قادة التظاهرات المتخفين من وراء حجاب يفتقرون إلى المعرفة والمبادرة والقدرة على الخلق، لأنهم يرغبون في تكرار تجربة أكتوبر. رحم الله القرشي، هم يبحثون الآن عن قرشي آخر.***الحقيقة أن الكثير من المهاجرين السودانيين في الغرب، يعيشون على حافة الحياة الإجتماعية والسياسية والإقتصادية في أوطانهم الجديدة، بسبب الجهل بلغات تلك البلاد وعدم التعرف بشكل كافٍ على ثقافاتها ونواميسها الإجتماعية، وبسبب الإلتزامات المالية الكبيرة الواقعة على أبناء الجيل الأول المضطرين للعمل في وظائف لا تدر دخولاً كافية، مما يجعلهم عرضة للعمل لساعات طويلة خصماً على رفاههم الشخصي وتحصيلهم الأكاديمي. وبالرغم من أن هذا أمر معتاد ومحمود أيضاً بالنسبة لمهاجري الجيل الأول، إلا أن البحث عن هدف أمر جبل عليه الإنسان من أجل الإبقاء توازنه النفسي وسلامة روحه. يتأمل المهاجر، العاجز عن التأقلم مع مجتمعه الجديد، حوله فيجد أن وجوده الفيزيائي كمهاجر لا يتسق مع وجوده الروحي كمواطن في البلد الذي عاش فيه ويعرفه. الجسد منه يعيش في مكان والروح في مكان آخر ومن أجل إكساب الحياة بعض المعنى، يتورط المهاجر في قضايا لم يتأهل لها بحكم تجاربه السابقة وينشط في الفضاء السياسي. وبحكم عدم تأهيله فإنه يتورط في تجارب خاسرة مثل تجربة تظاهرة 30 يناير الماضية. كم من مناضلي العالم الإفتراضي كانوا يهتمون بالسياسة قبل هجرتهم؟ قلة قليلة أما الغالبية فلم تكن تعنى بالنشاط أو الحياة العامة ربما.لست بحاجة لإيراد أمثلة لفشل تجربة التواؤم مع المجتمعات الجديدة التي تشكل السبب الأساسي في وفرة الرصيد العاطل في مخازن الحركات السياسية. ما معنى تكوين أحزاب سياسية سودانية في المهاجر؟ قبل أيام قرأت خبراً عن رفض حزب الأمة- فرع واشنطن، حضور لقاء دعت إليه السفارة السودانية هناك. سألت نفسي ما قيمة هذا الرفض في الوقت الذي يلبي فيه رئيس الحزب الإمام الصادق المهدي دعوات الحزب الحاكم ويجلس بأريحية وصفاء إلى قادته.***لو كانت جماعة النضال الإلكتروني جادة في العمل من أجل الدفع بإسقاط النظام لجاء قادتها إلى الخرطوم كما عاد محمد البرادعي إلى القاهرة لينضم إلى تظاهرات ميدان التحرير في قلب القاهرة. لو قرر واحد منهم العودة لكان ذلك منه موقفاً شريفاً متسقاً، لكن أن يبقى الجميع في الخارج معبئين الفضاء بالزعيق "يا أيها الشعب السوداني الغرير، نحن نريد أن نتظاهر حتى تسقط آخر نقطة فيك منك" فهذا كثير.

امين الما أمين*

Quote: شفت الكلام الساي حار كيف ؟!!

ما قلنا ليك بطل القراية البي الاضنين دي ( وش ما قادر يضحك )
ياخ قلنا ليك لا مانع لدينا ... تاني شنو !؟
يا امين يا حبيب كلامك دا كلام سااي :

Quote: يا اخوانا حقو نكون موضوعيين عشان نتفاكر و نتناقش بدون قرايه خاطئه لبعضنا و بدون تجريم و تجريح لمجرد إختلاف في وجهة نظر ، و لو في زول عايز يجرم زول اليمشي يجيب مواقفو و أراءو كلها و يبسطها للناس دليلا علي حكمه ، لكن أن يتهم شخص في وطنيتو و في أخلاقو لمجرد خلاف في راي فهذا ما لا يجوز و لا يستقيم عقلا و منطقا !!

انت دا اسي اسهامك وينو في النقاش هنا ؟ ... مالك و مال الناس ياخ وكت ما متابع الكركبات الاسفيرية!؟
و شنو كل مرة ماعطنا بـ :

Quote: الحاجه المحيراني إنو أنا أول من إنتقد مقالة محمد عثمان و بينت السبب ، و قلت لكل الحق في نقد المقال باي درجه من درجات الشده فقط لا نزايد و لا نجرم لمجرد إختلاف وجهات النظر .

اها المعنى شنو ... خلاس بعد انتو ( اصحاب المكتبات، الكتاب، ماركيز ... اللخ اللخ ) تقولوا رايكم خلاس جبرنا ؟ ... بيوت خلاس !؟
و لا عزاء للسابلة و ابناء السبيل و مناضلي الكيبورد و الاطفال السغار و والكـــــلاب !؟
ما من حقنا ننقد بالطريقة البنعرفا برانا ياخ !؟
اسفين و الله ... جئنا نشكو من قلة العتاد السغافي و الفلسفي
و لم نجدكم !!
كنا قايلين الشغلة للجميع ...
نكرر الاسف ... و شكرن على الغاءنا و القاءنا في بحر التغييب العمد
و الله حيرتني يا امين ... اوعك تقول لي ما حيرتني؟ ... و الله العظيم ثلاثاً حيرتني ... ياخ رجالة هي !!؟ .. مش حيرتي انا دا... حيرتني و الله !!

مقال السجم !!!
خليني طيب اقتبس ليك من حبيبنا المشرف عسى ان تفقهوا قولي المن جنس لغة الاطفال الصغار و الكـلاب ... عسى و لعل؟ ...

Quote: فهى تخدم وبصوره مباشره لا لبس فيها الفكره الفرعيه التى اريد بها تخفيف اثقال حمولة المقال.. والتى يبدو اننى لم استطيع استيعاب وزنها الحقيقي ..

ياخ انا سألت عن تصورك للثورة ما عبث و لا بداعي الاحراج يا أمين ( ما شرط لما اناقش موضوع اكون مجضمو كلو كلو ! ... مافي وجود لـ ( الرجل الممتاز ) ... فقد تم " مصرع الرجل الممتاز " بإمتيااااز برصاصة د.بولا السديدة.. و من زماااان !!

قصدت يا اميننا الذي نحب - و الله اصلو ما اباك كان ضبحتني هنا دا كرررررررر ! جبت الكلام دا من وين ؟ - قصدت يا حبيب ألبي انو فهمنا لـ " الثورة " دي إتسلف ما واحد ... شفت كيف ؟

يا امين انت عارف اني متهم في ديني لا ايدي لا كراعي، لمجرد اني شايف انو صحيح " الديالكتيك هو محتوى الحركة الباطني ( الداخلي ) ". بناءاً عليه يا امين المدرسة دي مدرسة " صراع " ...
الطريق الوحيد لاجلاء " الحقيقة " - في نظري الماركسي - هو الديالكتيك دا ... تصادم الاراء دي هو قانون تقدمها ...
ديالكتيك كهنوتي يا مشرف
يبقى من وين جبت انو ( حرقني ) اتهامي باني " بصارع " في اطار هوية واحدة ( " كائن اسفيري ديمقراطي" بالمناسبة هنا يا محمد عثمانهم )
دي تهمة لا انكرها و شرف اسلبط فيهو عدييييييييييييل !

يا امين انا فهمي للثورة انها " فرض التغيير

و ختيت ليك خط تحت فرض دي لانها مهمة ... الفرض دا بكل الاحوال ح يكون عنيف يا امين
كدا ح تدخلنا في نقاش فلسفي عميغ - و صراحة انا خايف على البسطاء و قليلي السغافة الهنا ديل - فخلينا ( نخفف ثقل الحمولات الفلسفية) دي على القارئ العزيز على ألب بشاشا - اعانه الله علينا انا و محمد عثمانك بخوفنا عليهو من الملل الما حس بيهو اصلاً - خلينا نخفف عليهو بنكتة بااااااايخااااااء و بعدين نرجع نناقش ... " ثورة الياسمين " ... ثورتي
" قليك في شافعة كدا ابوه حاميهو يشرب " الجبنة "، وفق مقولة او تقرير صنم كدا بس " يا ولد، ما تشرب الجبنة! .. الجبنة بترميك!". اها يوم كدا الاب غفل، و رجبية لقت فرصتا. و كف نف ضاير ليهو فنجان فنجانين. بعد شوية كدا بقى ليك " أمين" جاتو، موجة امانة " ثورية " كدا، و دخل ليك الديوان- ابوه معاهو ناس، حب يعلن انتصار الثورة، يابا ما قلت الجبنة بتمريني؟ .. يابا ما قلت الجبنة بتمريني؟ .. يابا ما قلت الجبنة بتمريني؟ ... كررها حتى الضيوف قالوا ليته سكت. و لم
ابوهو نهروا ليك : يا ولدي انت قايل الرمية دي كيفناها !؟ "
دحين انت الثورة دي قايلا كيفنها ؟
و محمد عثمان ما لقيت ليك خيرات اكثر بؤس من السطرتها في مقالك دا عليك الله تحبطنا بيها ؟
اقترح انك و محمد عثمانك دا تقوموا تلفوا .. و تلفوا .. و بعد تفتروا ... امشوا اشربوا جبنة وارخو اعصابكم ...
الثورة إنطلقت شعارات ( بس صراحة لسة ما حصلت الوف و هدا عشااري قاااااعد ) ... ثورة يقودها الشباب، هي ثورة منتصرة لا بد.


-------
* القصود امين هنا ما امين البعرفو ان دا ...
يا اميني الذي احب .. ربنا يخليك لينا يا خال ... كدي قولوا آمين عليكم الله

استاذ فتحي متذكر مناسبتا كويس، راجي واحد شليق يسأل، كمان ما يجينا محمد عثمانكم يطلب مني اوطنا ليو في سياق النقاش الهارب منو دا !؟

عندي ليك خبرين. واحد كعب و التاني كويس ...

ح ابدا بالكعب ...
شايفك ماشي كويس في درب انك تبقى " كاتب " ضخم ...
عندك مكتبة، بترد على الاسئلة بانتقائية ،قدراتك ماشة تتصلح في الباس الحق ثوب الباطل و العكس ... اللخ اللخ .. باقي ليك شهادة شهادتين زور و تصل ..

الخبر الكويس :
انو لما تصل هناك و تتوطن كويس ... ح تكتشف السر ...
و ح تلقى القبة ما تحتا فكي


اللهم ارحم حبيبنا خالد الحاج

الأعزاء أمين محمد سليمان وعبدالمحسن سعيد
أنا آسف جداً لما تتعرضان له في بوستي هذا. أنا ممتن لأنني متفق معكما في كثير من الآراء والإتفاق مع أي منكما مجلبة للثقة، وممتن لأنني مختلف معكما في بعض الأمور والإختلاف معكما مجلبة للمعرفة والدرس. شكراً لوجودكما هنا.
سأعود للرد على الكثير من المداخلات المفيدة فمعذرة يا أمين والعوض الطيب وابوبكر صالح والصادق اسماعيل ومنتصر والعوض وعبدالمنعم سليمان وعادل فضل المولى وعصام جبر الله وانور أبوالقاسم وعبدالملك يوسف الملك وكبر وعمر عشاري ومحمد حيدر المشرف وعبدالمنعم ابراهيم الحاج.
ذكر الأسماء هنا للتحية والترحيب والشكر على المساهمات المقدرة.
مع مودتي

وكت اصلنا مافشين عشان قلنا راينا !؟

طيب نخت المقال دا مافي زول حيشوفو

Quote: ميدان التحرير (جمال أنعم ) 9/2/2011 - الصحوة نت -خاص لم يعد مجرد ميدان دائري لاستيعاب الحركة، لم يعد مجرد ساحات مفتوحة للبيع والشراء، مصر الآن في الميدان تشتري بدمائها الوطن تستعيد حياتها في ميدان التحرير، لم يعد مجرد ساحة للعبور مختنقة بالزحام المتعب والذاهل، هو الآن بلد يضج وشعب يهتف بالحرية، بسقوط الاستبداد برحيل الفساد، هو الآن مركز التغيير، منطلق الثورة، هو الآن ميدان شعب مجيد، أشرق من قلب المرارات، من "ميدان التحرير فاتحة عهد جديد ولادة صاخبة لتاريخ فارق في حياة أمتنا العربية قاطبة، كلنا في ميدان التحرير بالقاهرة، كلنا هناك نمسي على لهب ونصحو على غضب، " وجع القهر كبيرا كمصر، هدار كنيلها العظيم، تنسكب فيه كل أشواق الحياة. ميدان التحرير فاتحة عهد جديد ولادة صاخبة لتاريخ فارق في حياة أمتنا العربية قاطبة، كلنا في ميدان التحرير بالقاهرة، كلنا هناك نمسي على لهب ونصحو على غضب، أي طاقة تنبعث من هناك، أي روح، أي انبعاث؟ تسقط التصنيفات، يسقط الفرز، لا أحد سوى مصر، لا أحد سوى الشعب المصري، ملامح واحدة، هتاف واحد، يسقط يسقط حسني مبارك، الشعب يريد إسقاط النظام. من قال أن كراهية النظام هي ما يوحد المصريين ويجمعهم في الميادين العامة، يوحدهم الحب، حب الوطن حب التغيير، حب الحرية الشغف، المكبوت للحياة، لهذا نراهم بهذا البهاء بهذا الاحتشاد المتناغم بهذا الإيقاع المؤثر، بهذه الصلابة وهذا التماسك، ما هو أكيد أننا نعيش حماسة ثورية تفوق الطاقة. الحياة تبدأ من ميدان التحرير.. أعراس الحرية، مصر الجديدة تتشكل ملامحها في ميدان التحرير، بدا أن لهذا الميدان المهيب أسراره وسحره، قوته التي لم يفصح عنها طيلة عقود، بدا أن له دورا يجاوز مهمة الشكل الدائري على الأرض إلى مهام نضالية جليلة تدور فيها الدائرة على الحاكم ونظامه الدميم. ميدان التحرير يستوعب الآن حركة سير مصر باتجاه المستقبل، ينظم خروجها للحياة، يوجهها صوب الطرق الأكثر أمنا وانفتاحا وحرية، في ميدان التحرير يعلن الشعب انتهاء حقبة سوداء من تاريخ مصر.. يعلن عن رفضه استمرار عبور الاستبداد فوق كرامة مصر، يعلن عن رفضه البقاء مدفوعا إلى الخلف، في موقع المتفرج على مواكب الحكم الفاحشة وهي تخترق قلبه ليل نهار لينهار وهي تسرح وتمرح فوق جثته المثخنة، تجيء وتروح بمظاهر الأبهة والفخامة وبالعربات الفارهة، بالصلف والغرور، بكل ما اختطف منه وسلب. استعاد ميدان التحرير مهمته الثورية بعد أزمنة من الركود والجمود، ظل خلالها شاهدا على صيرورة فاجعة للآمال والأحلام، شاهدا على توقف الزمن بسبب النظام الكابح والمعيق لكل عمليات التغيير والمجهض لكل التحولات. "من هذا الميدان يتعرى النظام يتجرد من كل سطوته، يسقط السلاح، تنهار الأسوار، تتداعى الواجهات المخيفة. يسقط الأوهام والخرافات تسقط، الزعامة المزعومة " ميدان التحرير ساحة البداية بؤرة اجتماع الروح روح الفرسان.. الميدان والتحرير ركيزتا الثورة، ساحة مازالت مشتعلة في الذاكرة مازالت مفتوحة ومشرعة لم تطمس ملامحها حركة الزمن الغليظ، مازالت جاهزة لاحتضان الثورات واستعادة الدور على المستوى الوعي والوجدان، في ميدان التحرير اليوم ليتحرر الشعب من السجن. يسجن سجانه، يحاكم حاكمه. ميدان التحرير الساحة العزلاء البريئة المسيجه بقلوب طاهرة نقية شجاعة لا تملك غير توقها النبيل للوجود الكريم. من هذا الميدان يتعرى النظام يتجرد من كل سطوته، يسقط السلاح، تنهار الأسوار، تتداعى الواجهات المخيفة. يسقط الأوهام والخرافات تسقط، الزعامة المزعومة. تتحدث القوة الحقة عن نفسها، من أين تأتي هذه القوة؟ من عدالة القضية من عدالة المطلب من نبل الغضب من صدق المقصد، من جيشان المشاعر، من اتقاد العواطف، من الرفيف والندى، من الجو المشحون بالحب والأمنيات، من أغاني الثورة، من التحام الإرادات. من هذه الجموع المتآلفة والمتمازجة، من هذا الإقدام المدهش. يامصر هو ذا قلبك الكبير يخفق من ميدان التحرير. "فرض ميدان التحرير بمصر هاجسه المقلق فسارعت حكومتنا قبيل تظاهرة المشترك يوم الخميس المنصرم بالبسط على ميدان التحرير، نصبت خياماً كبيرة كأدلة وضع يد، يصعب دحضها ونظمت ذات الخميس مظاهرة باذخة تفوح منها رائحة اللحم في مواجهة تظاهرة المشترك، بزعم تأييد ما أسموه مبادرة رئيس الجمهورية التي أعلن عنها في اليوم السابق.. ما جعل المشترك ينقل مكان فعاليته إلى أمام الجامعة الجديدة. حركة صبيانية واضحة تستدعي بغباء قلقه ميدان التحرير وترد بفعل أكثر غباوة. " هو الآن البوصلة يحدد اتجاه الريح، يحدد الخطابات، يميز المواقف، هو الآن سيد كل الميادين .. الوطن كله ميدان التحرير. فرض ميدان التحرير بمصر هاجسه المقلق فسارعت حكومتنا قبيل تظاهرة المشترك يوم الخميس المنصرم بالبسط على ميدان التحرير، نصبت خياماً كبيرة كأدلة وضع يد، يصعب دحضها ونظمت ذات الخميس مظاهرة باذخة تفوح منها رائحة اللحم في مواجهة تظاهرة المشترك، بزعم تأييد ما أسموه مبادرة رئيس الجمهورية التي أعلن عنها في اليوم السابق.. ما جعل المشترك ينقل مكان فعاليته إلى أمام الجامعة الجديدة. حركة صبيانية واضحة تستدعي بغباء قلقه ميدان التحرير وترد بفعل أكثر غباوة. مشاركون تحدثوا عن رجوعهم ببطانيات وفرش ومبالغ بسيطة، لقاء المشاركة ولا أدري لماذا الفراش والبطانية بالذات. أهي دعوة لإطالة الرقود .. لملازمة الفراش وإدامة تهميش الوعي وتغطية التخلف. هناك فرق بين خروج حر وخروج ممول ومدفوع بين مشاركة طواعية وقسرية، بين خروج من أجل الوطن وخروج من أجل الحاكم. من تظاهرة تهتف للخبز وأخرى متخمة يقودها المتكرشون. ما نخشاه ضمن هذا النزق المؤرق بما يجري في مصر أن يسارع البعض لاقتراح تغيير اسم ميدان التحرير إلى اسم يباعد بيننا وبينه، اسم لا يذكر بالشرارة ولا يذكي نزعات التحرر. بالأمس كان هناك خبر عن رفع استحداثات تلك التظاهرة الحكومية استجابة لمبادرة الأخ الرئيس، بما يوحي أن القوم كانوا قد خططوا لاحتلال يطول لساحة ميدان التحرير بصنعاء، متناسين أنه أصغر من أن يسع احتشاداتنا المقبلة، فكل الساحات ضيقة إذا اتسع الحلم وامتد الغضب كل الوطن ساحة حرية، ميدان خلاص. ليس بوسعكم أن تبسطوا قبضتكم على الفجر البازغ من كل الجهات.

قيقا يا صديقى ..

وللحق أنى لم أرى أو أحس بأى حمولات ثقيله للمقال بخصوص الظروف الموضوعيه للثوره .. المقال موجه لنقد ما كان يجري بسودانييزاونلاين ما قبل 30 يناير ويمتد الى ما وراء ذلك تاريخيا .. ويجب قراءته هكذا .. فى تقديري هذا هو المحتوى الحقيقي للمقال.. ونختلف حوله وفيه .. ظروف الكتابه وصواب التحليل.

تحياتى يا عزيزي ..

up

مظاهرات من ناس الداخل ... ماذا كان نصيبها؟ أنظر الرابط

http://www.dabaiwa.com/2010/05/blog-post_843.html

المشرف يا صديقي الجميل

Quote: قيقا يا صديقى .. وللحق أنى لم أرى أو أحس بأى حمولات ثقيله للمقال بخصوص الظروف الموضوعيه للثوره .. المقال موجه لنقد ما كان يجري بسودانييزاونلاين ما قبل 30 يناير ويمتد الى ما وراء ذلك تاريخيا .. ويجب قراءته هكذا .. فى تقديري هذا هو المحتوى الحقيقي للمقال.. ونختلف حوله وفيه .. ظروف الكتابه وصواب التحليل. تحياتى يا عزيزي ..

موافقك على كل القلتو في البوست دا ابتداءاً من مقاربة ( اللغة-الفكرة ) و لي عند غياب أي حمولة من العيار الثقيل و لذ من وزن الريشة ذاتو
لا استطيع موافقتك اكتر مما انا موافقك هنا ...

بناءاً عليه و لمصلحة النقاش هنا فقد قررنا نحن الموقعين ادناه قرار خطير جداً .. جدن :

اعلن انسحابي من البوست نهائياً
و افوضك في كل راي تضيفني معاك ... المافي شنو !؟






-------

مشرف يا شفت عرفت كيف ؟
دا بخصوص سؤالك التعسفي داك بتاع ( اما / أو )

اما ... اما ... اما يا صديق
لكن هانت حدها السبت الجاي دا ...
و دا سبب ذاتو عشان الزول يقطع وشو منكم كلو كلو ..
فيا شباب العندو معاي حساب عندو من هنا لي يوم السبت افصح ابن ...
نعتذر و نمسح كمان ... المافي شنو !؟

انا ما محمد عثمانكم : لا يميل فؤادي للاذى .. حبو الاذية من طباعي العقربي
( شفتوا البساطة كيف ... سغافة المتوسط ما زدناها ذاتو


نتلاقى في زمن جاي .. و زمن لسه
تكون الاغاني فيهو ممكنة ... و الحلم ممكن
من غير ما تلقى زول يسفهو ليك و يتف عليو
الله في ...




التعديل : نسينا التوقيع ياخ !
قيقا راوي .. كاتب اسفيري .. مناضل كيبوردي .. فكي ديغيتال ( يجيب الرايحة، و يروح الفي ) .. عالم رياضيات سياسية عاليا و دقيقة .. باك لفت ..
نصلح سراير حديد ...
سبعة صنائع و البخت ضائع!!
بعد دا برا مكتبة


التعديل التاني قلنا نرفع و نكمل الصنائع، لسبعة بما فيها الاخيرة دي
بالله الناس العلاقتم كويسة بي بكري، اتضامنوا معانا في محنتنا دي برضو ... اخوكم يتيم !!
لا ثورة و لا مكتبة كمان !؟
يا للظلم !!

Quote: اعلن انسحابي من البوست نهائياً

ههههههههههه
وبالأحمر كمان


_______

للتوثيق

يا جماعة خلاص كان ما اتفقتوا على مقال محمد عثمان ابراهيم هاكم ده مقال مصطفى البطل. البطل ده صاحب محمد عثمان الروح بالروح. يعنى الحالة واحدة ..

http://sudaneseonline.com/index.php?option=com_content&view=a...4-08-34-48&Itemid=55

قيقراوى يا صاحب ..

بخصوص المكتبه ..
الواحد ممكن يقدم وين بالتحديد ؟!!



..
خلاص زهجت من العالم التحتانى بتاعكم ده

أمين محمد سليمان .. سلامات

ما أراه يا أخي أنك تريد توجيه النقاش للكلام المكتوب والبعد عن الإساءة للأشخاص
وهو مفهوم أتفق معك فيه تماماً
ولكن خلافي معك في مراوغتك المستمرة وزوغانك من إدانة سلوك محمد عثمان
وأراك لا تألو جهداً في حشد المنطق غير المقبول لتبرير فعلتك .. فعبارتك (لا شان لي بمشاكل محمد عثمان مع علي عجب) لا تصلح تبريراً لتجاوزك عن الإساءة المجانية المبذولة فيها طالما صنعت لنفسك شأناً مع إساءات الأعضاء لمحمد عثمان .. ومقولتك

Quote: سيرة علي عجب جات لكركبات اسفيريه باديه بينو و بين محمد عثمان من زمن و ده الأنا قلت ليك ما عندي بيه شغله

فيها من أعاجيب المنطق ما فيها ! فكأنك تقول أن الكركبات الإسفيرية السابقة تبرر الإساءة !!!!
فهل سألت أصحاب الإساءات التي أوردتها عن حدوث كركبات اسفيرية سابقة مع محمد عثمان؟! وما يدريك لعلهم كركبوا !
بمنطقك هذا لا يجوز إطلاقاً إدانة أي إساءة إلا بعد توزيع استبيان نسأل فيه المسيئين عن تاريخ كركباتهم الإسفيرية مع المساء إليه
يا حبيب لدينا في هذا البوست محمد عثمان ومخالفي محمد عثمان .. وإمساكك بمسطرة الأخلاق ومقايستها بسلوك المخالفين فقط متجاوزاً محمد عثمان لا يكون تطبيقاً للأخلاق بل هي المحاباة في أجلى صورها

Quote: لكن لمن يكون تعليق زول علي مقال مكتوب إنو كاتب المقال قبل كده حدرو ليه في بورد تاني و جر واطي حسب ما فهم هو من الكلام، فده العندي عليه إعتراض كمبدا

ولمن يكون رد زول على زول تاني بي إساءة زول تالت مافيش ودمغه بالغباء وقلة الأدب ما عندك عليه اعتراض؟؟؟!!!!!!

هذا فيما يخص الإساءات المجانية والتي أسهم فيها محمد عثمان إسهاماً كبيراً بالإساءة إلى الغائب علي عجب .. وسآتيك في المداخلة القادمة للإساءات غير المجانية

يا أمين هل تؤمن بأحقية الإنسان في الإساءة رداً على إساءة؟
هل الفعل يبرر رد الفعل ؟
وهل رادّ الإساءة بإساءة يستحق الدفاع عنه وإدانة الإساءة (الأصل) مع تجاهل الإساءة (رد الفعل) ؟
أدناه نماذج من إساءات محمد عثمان في الرد على مسيئيه

قال في حق عاطف عبدون

Quote: أسوأ ما فيه إنه أسوأ من علي عجب ما بيفهم وما مهذب وما قاعد في الواطة.

وهنا أشير للإساءة غير المجانية لعاطف وليس الإساءة المجانية لعلي عجب والتي تناولتها سابقاً
وقال

Quote: لمصلحة حيدر الزين مرة وحيدة: إذا كانت تعليمك أو معارفك لا تسمح لك بالتفريق بين الصحافي والكاتب والمعلق إلخ فربنا يستر طريقك.. شوف الحاجات البتعرفها.

Quote: ناصر جامع لو سكت لظن البعض أنك غبي فلا تتحدث حتى لا تؤكد لهم ذلك.

الإساءة عندي مفهوم منفصل سواء كانت مجانية أم رداً .. وأرى أن رادّ الإساءة بإساءة قد (خلص حقو زندية) .. وأن التدخل يكون بنصح (الجميع) بالبعد عن المهاترة وليس بتقريع المسئ الأول فقط متجاهلين ما أصابه من تبادل الإساءات
فهل ترى غير ذلك ؟

أخونا الواقف براو زي حربه مغروزه في عتمور : ناصر جامع ، سلام يا عزيزي و لعلك طيب .

Quote: والله يا دكتور انا لحدي اللحظه دي ما قريت مقال الصحفي الكبير عشان اختلف او إتفق معاهو في شئ و لا عندي نيه اقراهو .. و ما عرفت فحواه إلا من كلام اخونا كبر...فيا زول إستغفر ربك لما تقول لمجرد إختلافهم مع ما كتب

Quote: البوست ده دخلتو شلاقه مني ساي ولفتت إنتباهي بل إندهاشي صورة البروفايل بتاعت الكاتب الكبير

والله يا ناصر و ما تزعل مني ياخي : ده العذر الاقبح من الذنب ذات نفسو ،
الأخوان اللي ردهم علي مقالة محمد عثمان كانت شتيمتو هو في عضمو : مختلف معاهم لكن قادر أفهم إنو زعلهم من راي محمد عثمان خلاهم يسئيو ليه ، لكن ما فاهم إنت مشكلتك شنو إذا كان إنت المقال من الأساس ما قريتو !!
يعني إنت جيت ماري بالبوست ده شفت صورة البروفايل و طوالي خشيت بانو الزول ده قبل كده حسن موسي حدر ليه بهناك ؟!!
يعني إنت تفتح ليك بوست بيناقش أي قضيه بدون ما اقرا كلامك ذاتو أجي داخل بانو ده الزول الجا في بوست محمد عثمان و قال إنو حسن موسي حدر ليه بهناك ؟!!

Quote: يعني إنت جيت ماري بالبوست ده شفت صورة البروفايل و طوالي خشيت

أيوة يا أمين عشان أنا كنت معلق صورة البروفايل برة البوست، ولا كيف؟

أحمد عمر ، سلام تاني

Quote: ما أراه يا أخي أنك تريد توجيه النقاش للكلام المكتوب والبعد عن الإساءة للأشخاص وهو مفهوم أتفق معك فيه تماماً ولكن خلافي معك في مراوغتك المستمرة وزوغانك من إدانة سلوك محمد عثمان وأراك لا تألو جهداً في حشد المنطق غير المقبول لتبرير فعلتك .. فعبارتك (لا شان لي بمشاكل محمد عثمان مع علي عجب) لا تصلح تبريراً لتجاوزك عن الإساءة المجانية المبذولة فيها طالما صنعت لنفسك شأناً مع إساءات الأعضاء لمحمد عثمان

ياخي أنا (صنعت لنفسي شأناً مع إساءات الأعضاء لمحمد عثمان) لانو ده الموضوع الكنت بتكلم عنو و لانو ده موضوع البوست !!
أنا ما تدخلت لمنع الأساءات مطلقا لانو ما عارف اسبابها و ملابساتها ، و مش ما أدنت سلوك محمد عثمان بس : ما أدنت سلوك أي من وجه اساءه لاي أحد خارج نطاق السبب ده : يعني مثلا محمد يس و محسن مدورين في بعض لاسباب أخري ما بدت في البوست ده و ما عندها علاقه بالبوست ده ، ما أدنت أي واحد منهم لانو أنا ما عارف مشكلتهم أصلها شنو و لا سببها شنو أنا تدخلت لمنع الأساءه لمن يقول راي و يساء له برايه : يعني كلامي إنو أسئيو للراي - إذا جاز التعبير - بدون ما تسئيو لقائله : إختلفو مع راي محمد عثمان زي ما عمل محمد حيدر و عبدالكريم و محمد يس لكن ما تقولو إنو محمد عثمان صحفي غفله و سلطان و باقي النعوت دي : و ممكن تغير أي أسم من الأسماء الوارده و تبدلها و النتيجه حا تكون هي نفسها لانو أنا ما قضيتي محمد عثمان في شخصو ، قضيتي المبدا !!و لو عايز تشخصن القضايا يبقي حقو تعرف إنو أستاذ فتحي الشهير بقيقراوي ده أكتر زول صحبي في الناس ده كلها و عندي معاهو علاقه حقيقه و إتصالات ممتده ، و علاقتي معاهو أعمق من علاقتي مع محمد عثمان بما لا يقاس عشان كده الكلام بتاع ( مراوغتي المستمرة وزوغاني من إدانة سلوك محمد عثمان ) كلام لا يقف علي ساقين !!

Quote: Quote: سيرة علي عجب جات لكركبات اسفيريه باديه بينو و بين محمد عثمان من زمن و ده الأنا قلت ليك ما عندي بيه شغله فيها من أعاجيب المنطق ما فيها ! فكأنك تقول أن الكركبات الإسفيرية السابقة تبرر الإساءة !!!! فهل سألت أصحاب الإساءات التي أوردتها عن حدوث كركبات اسفيرية سابقة مع محمد عثمان؟! وما يدريك لعلهم كركبوا ! بمنطقك هذا لا يجوز إطلاقاً إدانة أي إساءة إلا بعد توزيع استبيان نسأل فيه المسيئين عن تاريخ كركباتهم الإسفيرية مع المساء إليه يا حبيب لدينا في هذا البوست محمد عثمان ومخالفي محمد عثمان .. وإمساكك بمسطرة الأخلاق ومقايستها بسلوك المخالفين فقط متجاوزاً محمد عثمان لا يكون تطبيقاً للأخلاق بل هي المحاباة في أجلى صورها

كيف ياخي كاني أقول (أن الكركبات الإسفيرية السابقة تبرر الإساءة ) ؟!!

أنا كلامي كان واضح إنو أنا ما تدخلت في اساءات أي شخص لاخر (سوي من محمد عثمان أو من غيره ) لانو أنا ما عارف اسبابها و منطلقاتها : و أنا ما طارح نفسي مصلح إجتماعي هنا كل ما ألاقي لي نفرين متشاكلين أجي خاشي بخطبه عصماء ما لانو أنا بحب الناس تسئ لبعض لكن لانو فتح باب الادانات في مواضيع أنا ما عارف خلفياتها بجيب لي أنا ذاتي الأساءه و أنا في غني عنها !! و سبب تداخلي في الموضوع ده تحديدا إنو البوست اتفتح بمقال و أول مداخله كانت شتيمه في كاتب المقال من زول جاء بعداك قال إنو ما قرا لكاتب المقال ذاتو قبل كده : قرا المقال ده بس : إختلف مع الراي الفيهو و طوالي لصق لمحمد عثمان إنو صحفي غفله : ده الأنا اعترضت عليهو و قلت عشان أحكم علي شخص في عضمو مفروض اقرا و أعرف مجمل أراءو و مواقفو قبل ما أحكم !!
ياخي أنا أول من اعترض علي مقال محمد عثمان في أول مداخله و جيت تاني بينت سبب إعتراضي بالتفصيل لكن لانو أنا بقرا تقريبا كل مقالاتو و بوستاتو أعلم يقينا إنو إنو كل النعوت و الأساءات اللي إتوجهت ليهو دي ما صحيحه .

Quote: الإساءة عندي مفهوم منفصل سواء كانت مجانية أم رداً .. وأرى أن رادّ الإساءة بإساءة قد (خلص حقو زندية) .. وأن التدخل يكون بنصح (الجميع) بالبعد عن المهاترة وليس بتقريع المسئ الأول فقط متجاهلين ما أصابه من تبادل الإساءات فهل ترى غير ذلك ؟

ياخي كلامك ده كلو جميل و غبار عليه ، لكن أنا ما تكلمت مع الناس في الاساءه مطلقا : كلامك معاي كلو كان بيكون صاح لو أنا ذكرت اساءات الناس - مطلقا - و ما ذكرت اساءة محمد عثمان للناس ، لكن هذا لم يحدث :
و لو عايز رايي في موضوع الأساءات ده مطلقا ، فانا ما شايف أصلا إنو في سبب زول يسئ لزول : الناس البتكتب هنا دي كلها ناس عاقله و واعيه و مفروض تكون ناضجه و فاهمه إنو مافي أسهل من الأساءه و ما أظن في زول محتاج يسمع الكلام ده مني أو من غيري ، لكن موضوع تقبل الراي الأخر ده هو الصعب و هو المحتاج تذكره و الأهم من كده إنو هو ما حدث في هذا البوست عشان كده أنا اتكلمت عنو تحديدا و ليس عن موضوع الأساءات عموما .





----------
بالجبنه كده يا أحمد يا أخوي : الكلام الأنا قلتو ده راي ، لك أن تختلف معاهو تماما لكن عليك الله ما تخش في قلبي و تطلعني مراوغ و محابي و عندي أجنده شخصيه في الموضوع .
وتقبل فائق الأحترام و التقدير

Quote: قيقراوى يا صاحب .. بخصوص المكتبه .. الواحد ممكن يقدم وين بالتحديد ؟!!

يا محمد حيدر ياخي بالله اسئل ليك زول عندو مكتبه ، قيقراوي صحبك ده قاعد ساي !

Quote: أيوة يا أمين عشان أنا كنت معلق صورة البروفايل برة البوست، ولا كيف؟

بالله لو سمحت يا محمد عثمان ما توجه لي أي كلام تاني لانو ده معناتو إنو نحن أصحاب و أنا بحابي ليك و الكلام ده كلو :
تاني التجاهل محمدك حتي تنقشع هذه الأزمه ، و قد يستمر التجاهل حتي بعد الانقشاع زياده في الأحتياط !!!

up



ـــــــــــ
دكتور امين سليمان يصاحب من طرف ووقت يعصروهو يعمل ليك فيها ( امينحتوب)...

خم وصر يا خال عامل صعتك دي الزي ضمير وهبة

أرجو استيعابى كأجمل ما يكون ..
بعيدا عن احتقان هو هين, أكاد لا أراه ..
هل قرأتم رسالة عالم عباس .. تلك التى لم تصل لخالد الحاج .. او لعلها بلغت مستقرها الجميل ..

ورد فيها .. وردت فيها

Quote: الآن وأنت تغيب، ويغيب لبعض الوقت وجهك الحبيب، في كالحات أيام الحداد الوطني هذا، نعاهدك بأننا سنتذكرك قريباً حين يهل علينا طلائع النضال من بين جحافل هذا الشعب الأبي، مبشرين بالانعتاق وبالحرية، الثوار الذين يخرجون من رحم التقانة المدهشة من الفيس بوك وسودانيز اونلاين وسودان فور اول وسودان راي والراكوبة الطلائع التي ستطيح بالمومياءات والديناصورات وكناسات التخلف والقهر والاستبداد، يومها، ستبتسم في قبرك وتقول، كما تردد دلئماً، (هلا ابتكرت لنا كدابك حين بأس اليأس معجزة، تطهرنا بها وبها تطهر أرضنا من رجسها حتى تصالحنا السماء وتزدهي الأرض الموات)

هو صهد من الحزن المنقى .. بيد أنه لا يقبل الهزيمه
عالم عباس .. وروح خالد
هى سودانيات ..

Quote: Quote: والله لي زمن ما قريت لي صحفيي الغفله المالين صحف الخرطوم Quote: لا يوجد أسوأ من الكيزان إلا المكنات المدورنها باسم ضميري صاحي وأهو أنا بدي الكوز الكف ومعارضنه عشرين كف وبنجح مؤتمرات النظام وبنزل في فنادق النظام وبملس للنظام هو النظام الفاسد دا ممكن يعمل أحسن من كدا Quote: ابشر بالشهرة يا صحفي الغفلة .. فقد جاءتك الشهرة بغفلةٍ تجرجر اذيال عارها مثك ومثل ابا رغالة.. فلو ان قص اثر مدعيّ النزاهة والحيادية لم يشهرك .. فستشتهر اليوم يا قصاص اتر ملوسي بانك ماسح اثار جيوش أبرهة السوداني لتجد موقعك.. Quote: الزول دا مهما لف ودور ..فى النهاية كاتب سلطان وصاحب مصلحة وحاضر على حساب الشعب مايسمى بمؤتمر الكيزان الاعلاميين بالخارج ...وهذا يكفى ويفسر كل شى Quote: ...بعد شويه جا صاحب التصاوير (حسن موسي) و حدر ليهو حدرة ذات مغزي... و الله العظيم الزول ده انكسر لحدي ما خجلت ليهو.. عينات مجانيه من ردود بعض الأخوان علي مقال محمد عثمان الموجود أعلي البوست !! يا اخوانا ما كان في طريقه الناس ترد علي المقال و تخلي التصنيفات و الأساءات الشخصيه دي ؟!

انت بتهظر مش ؟؟؟؟

Quote: أنا ما تدخلت لمنع الأساءات مطلقا لانو ما عارف اسبابها و ملابساتها ، و مش ما أدنت سلوك محمد عثمان بس : ما أدنت سلوك أي من وجه اساءه لاي أحد خارج نطاق السبب ده

لوجادي قول لي...

انتا بالجد ما جادي يا امين

يا أمين سلامات
أولاً نشكر لك تحملنا ولك العتبى إن أغلظنا عليك القول

يا أمين لما أمسك كلامك دة

Quote: لكن أنا ما تكلمت مع الناس في الاساءه مطلقا

وأخته قدام عبارتك دي

Quote: يا اخوانا ما كان في طريقه الناس ترد علي المقال و تخلي التصنيفات و الأساءات الشخصيه دي ؟!

بلقاهو ما لافق لي سبب واحد بس .. إنه قيقراوي لما قال ليك (علي عجب مقال !) إنت قلت لا شأن لك بما يحدث بين علي ومحمد

عموماً أنا حاسي بي إني حأكرر نفسي لأنه قلت كل العندي وأعتقد إنك سقت كل دفوعاتك .. يبقى الحكم نخليه لي قرايات تانية

سعدت بالاختلاف معك الآن مثلما سعدت بالاتفاق معك في أوقات كثيرة ربما لم أصرح بها
ومصدر سعادتي بالخلاف هي ثقتي من احترامك للمحاور وتجنبك لمزالق حظوظ النفس

لك فائق احترامي وأبقى طيب

Quote: وكأنك يا محمد عثمان تقول لنا، نحن مناضلي الكيبورد، أن كل الطرق للتغيير مغلقة، وأن أتركوا النظام في حاله لأن تغييره هو السهل الممتنع. ثم ماذا؟ نحن يا صديقي نريد أن نجعل من الأمر (غير المرجح) أمراً ممكناً، بكل الوسائل المتاحة لنا، ولا يكلف الله نفساً إلاّ وسعها.

العوض الطيب
لا أقصد ذلك البتة ولكني أقصد أن تغيير الحكومات عمل جدي يتطلب الإستعداد والعزيمة. أما إرسال الهتافات من الخارج ونصائح البيبسي كولا فليست سوى خدع لن تثمر. تغيير النظام عبر الإنتفاضة الشعبية أو التظاهرات السلمية غير مرجح بالنسبة لي لعدة أسباب لا علاقة بها بقوة النظام أو شرعيته ولكنها مرتبطة بعدم قدرة المعارضة وعدم استعدادها لمثل هذا العمل.
مع تحياتي

Quote: أنا رأيى بصفتي قارئ منتظم لكليهما ومتابع للمنابر عموما ان عبار ة مناضلى الكيبورد تنصرف الى حفنة من الناس يتصفون فى نظر مستخدمى العبارة بالجهل او الادعاء او غيره ويستخدمون الانترنت لاثارة وترويج قضايا مفتعلة وينتحلون صفة المناضلين وعموما هم اناس يضرون اكثر مما ينفعون. انا شخصيا لا اتبنى هذا الفهم، ولكننى قلت فى البوست الآخر ان هناك فرق كبير بين ما يعنيه البطل وغيره فى هذه الحالة باستخدامهم لهذه العبارة وبين ما اراه امامى من كتابات كثيرة تتهم البطل ومحمد عثمان ابراهيم وغيرهم بأنهم لا يعرفون قيمة الانترنت ولا يفهمونه ثم يشرعون فى ايراد الامثلة الكثيرة عن نتائج الانترنت وثورة الملعومات فى الدنيا العريضة الخ الخ

أنور أبوالقاسم الهادي
شكراً لك يا عزيزي على التوضيح. قبل فترة كتبت مقالاً عن (اشباح العالم الإفتراضي ضد شخوص الواقع). تلقيت ردوداً كثيرة تشرح لي قيمة الإنترنت وأهميته. لم أشأ أن أقل لهم إن حياتي في الوقت الحاضر مرتبطة بشكل كبير بالإنترنت فبواسطته أتلقى راتبي، وأدفع مصروفاتي، وأدفع تذاكر سفري، وأحجز غرفي في الفنادق، وعن طريقه أتواصل مع الأهل والأصدقاء والأهم من ذلك كله عملي نفسه وأكل عيشي مرتبط بالإنترنت. مداخلتك هذه فرصة للقول بأن الإنترنت يخدم حياتنا لكنه ليس بديلاً عنها. لو بقى متظاهرو مصر في غرف الدردشة والفيسبوك لما كانت هناك ثورة في ميدان التحرير. من يكتب في الإنترنت مناضلاً يحتاج أيضاً أن ينزل إلى الشارع وهذا ما لا يرغب فيه ثوار الريموت كنترول.
مع تقديري

Quote: لمحبة في قلبي لمحمد تفوق محبة بكري له ارجو من محمد الاتصال بي ع الاسكايب Abdul.s.ali الايميل : [email protected] يمكن تهتدي على طريقنا وننال الثواب هههههههه

يا عبد المنعم سليمان يا صديقنا في حريات
انا سعيد بك لأنك لا تخلط بين المحبة والموقف. ليت الكثيرين يتمثلون نهجك هذا.
أرسلت لك رسالة على الإيميل.
مع المودة

سبب تداخلي في الموضوع ده تحديدا إنو البوست اتفتح بمقال و أول مداخله كانت شتيمه في كاتب المقال من زول جاء بعداك قال إنو ما قرا لكاتب المقال ذاتو قبل كده : قرا المقال ده بس

لا ياأمين. هذا الكلام غير دقيق. الرجل المناضل هذا لم يكن قد ( قرأ المقال ده بس ) عندما شتم محمد عثمان ابراهيم شتيمة شخصية وقال انه انتهازى وصحفى غفلة. الحاصل انه لم يكن قد حتى قد قرأ المقال ولا شافو بعينو عندما شرع فى الشتائم. وذلك لسبب بسيط وهو ان المقال نفسه لم يكن قد نشر ولم يكن قد انزل فى البوست. محمد عثمان كان كتب تحت عنوان تقرأ غدا فقرة واحدة تقريبا هى مقدمة المقال الذى لم تكن السودانى قد نشرته بعد وبعد نشره تانى يوم محمد عثمان نزّل رابط المقال الكامل. شفت كيف؟ يعنى المناضل ده مش لم يقرأ المقالات السابقة بس، بل ولم يقرأ المقال موضوع الشتيمة نفسه حين شتم.. ولذا وجب التنويه!

يا شبية ارجو ان يبقى هذا البوست حيّا يرزق، لازال لدينا ما نتحاور فيه مع محمد عثماننا و المشاركين و القراء.

لكي يبقى هذا البوست حيا كما طلب الزميل أبو بكر (وإن كان لأسباب أخرى)

وبعيدا عن تسلسل البوست (احتراما للمتداخلين)

أود أن أتداخل بالآتي:


كتب عبد المحسن في رد على مداخلة لي

"ولد دا ... والله بهرتنى عديل كده! كان عارفك مثقف وفيلسوف قدر ده ما كنت جيت بى جنبك أبداً! "

وذلك عندما كتبت أقول إنني أجلّ الحياة أكثر من إجلالي للموت

استغربت من شيخ ستيني مثله (حسب ما كتب في بروفايله) ومن شلعوها الخوالدة

كيف تسلل تعبير "ولد دا" إلى وعي شيخ ستيني من شلعوها الخوالدة !

فعرفت لماذا آل السودان إلى ما آل إليه، وتمنيت أن يمضي سودان الإنقاذ إلى آخره

يتفتت ويتفتت حتى يندثر ليخرج من أنقاضه سودان جديد

أستاذ محمد عثمان:

استبعدتنا من هذا البوست. حسنا، قبلنا، ولكن ...

أرجوك تخيّر مناصريك

وكما اخترت يا محمد، فأنت لست مجبرا على الرد على أمثالنا

Quote: استغربت من شيخ ستيني مثله (حسب ما كتب في بروفايله) ومن شلعوها الخوالدة كيف تسلل تعبير "ولد دا" إلى وعي شيخ ستيني من شلعوها الخوالدة !

ولا تنسي الطريقة الغريبة في أنشطته البوردية كأني به شخص أخر

عبد الصمد

إيه رأيك تقوم تفتح بوست بعنوان: من يكتب باسم عبد المحسن ود ملاح؟

يا عبد المحسن

رد علي أنا وليس على عبد الصمد

أنا أحترم عمرك

وأراعي شعور أحفادك

أسألك:

ما معنى

ولد دا ؟

أها ..!!

أنا أحترم عمرك

كان بتحترمنى وتحترم عمرى بالجد من هنا وطالع نادينى " عم عبد المحسن " ..

بعد داك انا بجاوب على اسئلتك يا ولدى!

يا عم عبد المحسن

Quote: العوض الطيب لا أقصد ذلك البتة ولكني أقصد أن تغيير الحكومات عمل جدي يتطلب الإستعداد والعزيمة. أما إرسال الهتافات من الخارج ونصائح البيبسي كولا فليست سوى خدع لن تثمر. تغيير النظام عبر الإنتفاضة الشعبية أو التظاهرات السلمية غير مرجح بالنسبة لي لعدة أسباب لا علاقة بها بقوة النظام أو شرعيته ولكنها مرتبطة بعدم قدرة المعارضة وعدم استعدادها لمثل هذا العمل. مع تحياتي

شكراً لك على الرد
لكن ألا تتفق معي أن نضالات الكيبورد هي وسيلة تغيير فعالة في ظل الأنظمة القمعية التي تكوش على السلطة الرابعة وتوجهها لخدمة أجندتها وتوأد كل شئ حتى مجرد الأمل في التغيير
وأن أسمى رسالة لنا هي بث الأمل في النفوس
ولعل ثورة الشباب في مصر القريبة أثبتت أن الأنظمة المبنية على المظالم مهما تقوت بالأمن والشرطة والعسس تنهار أمام المد الجماهيري السلمي الذي تراكم ولكن ما كان له أن يثمر لولا مناضلي الكيبورد.

السلام عليكم

حتى الان أعتقد اننى فرغت من تعليقاتي حول مقال محمد عثماننا موضوع البوست و يمكننى ان الخصها فى الاتى:
المبادرة الاساسية للخروج للشارع جاءت من شباب الداخل و استخدموا الانترنت للاعلام عنها و الحشد لها. لم يتعدى دور أهل الخارج الا المناصرة و التأييد. لم يزعم أحد انه يمثل قيادة لهؤلاء الشباب ولا يملى عليهم شئ أى كان. من الظلم تصوير الامر بأن الشباب خرجوا بسبب دعاية السودانيين فى الخارج، هذا و ظلم و تبخيس لهذا النضال الباسل، و قديماً قيل المحرّش ما بكاتل، فالخروج فى عسف هذه السلطة المجرمه لابد ان دوافعه اقوى من دعاية يطلقها المغتربين. مما يعجب له قول محمد عثمان بأن الثورات لا تنتج بمسايرة الموضة، و هو يعنى التقارب الزمانى بين الثورة فى تونس و مصر، مثل هذا الكلام لا يقال لشباب السودان، هذا شباب يرتكز على ارث من الثورات و هبات التغيير الشعبية قبل ان يعرفها اهل تونس و مصر، طبعاً الكثيرين يتحدثون عن عدم ملائمة الظرف او غيره، ربما قال احدهم العبارة الاثيرة لدى السياسيين و هى: عدم حرق المراحل، هذه عبارة ظللت اسمعها لزمن طويل و لو سألت ماهى المراحل هذه، كم عددها و كم انجزنا منها سو فار لما تبرع احد باجابة. كيف سوف ننجز مراحل الثورة و نشّيد بنيانها اذا لم نتحرك و نضع مدماك فى جدارها كل يوم؟!. ما يحدث الان من غليان فى وسط الشباب هو تجاوز صريح لناس عدم حرق المراحل هؤلاء، سوف يجلسون على الرصيف فى اٍنتظار عدم حرق المراحل الى ان تفاجئهم الاحداث و يجرفهم الطوفان.

أخطر ما فى مقال محمد عثمان او موقفه العام هو عدم التمييز و اٍدراج الجميع فى سلة واحدة كانهم مسؤلون عن تصرفات بعضهم البعض، فى حين انه يعلم تمام العلم ان من يكتب هنا اى كلمة لا يشاور فيها جاره فى المنبر، و بالتالى ليس من العدالة التعامل مع كتاب هذا الاسفير على انهم كتلة واحدة كالبيان المرصوص، تتحمل اوزار و طلاشات بعضها البعض، بل المؤسف هو تحميل كل هذا لثورة الشباب فى الداخل بعد ان صورها على غير وجه حق انها تأتى اٍستجابة لناس الخارج. سوف أعرض لمواقف محمد عثمان فى مقالات أخرى و من حركات اٍحتجاج أخرى تمت قيادتها من داخل الخرطوم لم يكن حظها عنده بافضل من حال هذه، كانت جميع مواقفه سلبية و بل معادية لمواقف البواسل الذى يخرجون فى مواجهة العسعس، مقالة حول حركة قرقنا و كذلك مقاله ضد مسيرة الاثنين التى دعى لها تحالف جوبا فى ديسمبر 2009.

لكم تمنيت يامحمد عثمان أن تولي هذا الخيط الذي إجترحته بعض عنايه

هذا موضوع يجب أن نصل فيه لصيغة مناسبه ، وأنا دائما ما أرى كتاباتك وأفكارك جديرة بالحوار ، ذلك انني أختلف مع بعض الأصدقاء هنا في
جعل الحوار شئ للعداء أقرب ولا اعفيك بالطبع يامحمد

ولكن لتعلم ان من قراء بوستك هذا ...نفر من الناس اتوا لحوار

أبو بكر ياصديقي

أنا أمضي أبعد منك لأقول أنني لا أجد غضاضة أن يدعو السودانيين الموجودين بالخارج لمسيرة لم يدعو لها أحد المقيمين بالداخل ، فالعالم أصبح قرية صغيرة ...والتنادي لرفض ظلم ما أمر مشروع ...ولعلى أرى أن خير من مقيم بالخارج لايعنيه من شأن الوطن شئ ، مقيم آخر يتفاعل مع قضايا الوطن وينادي الناس للخروج والتظاهر السلمي فإن قرأنا هذا النداء ووجدنا أسبابه مقنعه خرجنا وإلا فلا ...والناس ما بلغوا من العمر فوق سن المراهقه ...والحماس الفطير فلايجب ان نخشى عليهم الإنسياق وراء النداءات القادمة من خارج أرض الوطن
أتفق معك أن تحذير محمد عثمان وغيره من الناس من هذه النداءات ...أمر غير مفهوم

وأنا يامحمد في هذا المجال تحديدا ...قد تعجبني طرفة تيسير عووضه القائله
أن الرجل أخبروه ان زوجته تخونه مع جاره الدكتور

ليقول ( هو ذاتو مادكتور ولا حاجه )

فإن خرجت مسيرة تندد بظلم واقع وتدعو لإصلاح الحال ضد نظام لايمثل تطلعاتنا كشعب او كمجموعة من الناس حتى

يظل القول بأن الداعي لهذه المسيرة ( ذااتو ماقاعد هنا ) إنشغال عن المُهم بما دونه بكثير

يا عم عبد المحسن

لا كان كده خلاص. عدّاك العيب ..

أها السؤال كان شنو يا ولدى؟ باقى عمك كبير فى السن وبينسى كتير ..

عموما يا معاوية ما فى عوجة تب. تعال لى بالماسنجر، بوريك انا منو وعمرى كم بالضبط واصلح ليك المعلومات كلها.

يا عمي عبد المحسن

أنا عارف البوست دا موضوعو مختلف، والبسوي فيهو دا عيب

والناس حا تتضايق من الانصرافية بتاعتي دي

لكني مصر أن لها علاقة في نهاية تحليل ما، بموضوع البوست

انت كاتب في البروفايل بتاعك انك مولود في شلعوها الخوالدة سنة 1948

وقريت في حجر الطير وحجر العسل

فكيف تسلل إلى وعيك هذا التعبير

(ولد دا) ؟

وهو تعبير نشأ في ظل نظام الإنقاذ ويستخدمه من نشأوا في ظل هذا النظام

لقد وعدت بأنك ستجاوب على سؤالي لو قلت ليك يا عمي. وأنا قلتها ليك

خلاص جاوب.

Quote: وأنا يامحمد في هذا المجال تحديدا ...قد تعجبني طرفة تيسير عووضه القائله أن الرجل أخبروه ان زوجته تخونه مع جاره الدكتور ليقول ( هو ذاتو مادكتور ولا حاجه )

يا عمر عشاري شكراً على إهتمامك بالبوست ، والحقيقة ان موضوعه يهمني جداً وسأعود إليه حالما أنتهي من مشغوليات طارئة تحرمني من التوفر في المنبر هذه الأيام.
بالنسبة لل(طرفة) المشار إليها فأنا أختلف معك وأرى أنها غير لائقة.
مع تحياتي وتقديري

وهو تعبير نشأ في ظل نظام الإنقاذ ويستخدمه من نشأوا في ظل هذا النظام

ما هو الحقيقة يا معاوية يا ولدى انا واحد من الذين (أنشأوا) هذا النظام! انت مستخف بى عمك ليه؟ قايلو زول هين ولا شنو؟

بس، خلاص انتهينا

ودعناك الله

Quote: يا عمر عشاري شكراً على إهتمامك بالبوست ، والحقيقة ان موضوعه يهمني جداً وسأعود إليه حالما أنتهي من مشغوليات طارئة تحرمني من التوفر في المنبر هذه الأيام. بالنسبة لل(طرفة) المشار إليها فأنا أختلف معك وأرى أنها غير لائقة. مع تحياتي وتقديري

بل انا يامحمد شاكر لك فتح هذا الموضوع المهم ...والذي يجب أن نتناقش فيه بجديه وصولا لفهم مشترك حول الدور الذي يمكن ان يلعبه السوداني المقيم بالخارج فيما يتعلق بالقضايا الوطنيه ...

بخصوص الطُرفه يامحمد ... قولك بانها غير لائقه ...أراه موقفا متطرفاً

ذلك أن المفارقه فيها تقوم على إنشغال الزوج بقضية إنصرافيه وهو مواجه بقضية مصيريه وهي خيانة زوجته له

عجبت من قولك أنها غير لائقه ، في منبر للحوار الموجودين فيه في سن تسمح لهم بالمرور على طرفة كهذه بغير حرج ...وليس فيها مايشين

وكلنا نعلم أن ثمة خيانة زوجيه هنا أو هناك

قد تكون يامحمد غير لائقه إذا تم ذكرها في مدرسة مثلا ...ولكن هنا في هذا المكان ؟؟؟

حاول قراءتها في غير السياق الذي جاءت فيه يامحمد ...قد تضحكك حتى

أخشى ما أخشاه يامحمد ان يكون غضبك من دلالاتها ...حولك لمنغلق متعصب في معرض الحكم على طرفة ...قد يستشهد بها محمد عثمان الكاتب المستنير في موضع آخر ...

ولا شك أن حرصنا على محمد عثمان الأخير أكبر

ولك ودي وإحترامي

للنقاش ...

Quote: في الصحافة مثلا هنالك اناس كثيرون لن يجدوا فرصة لينشروا سبابابهم الذي يفرزونه هنا دون مكابدة لاسباب تتعلق بالمسئولية والكفاءة الفكرية وال CODE OF CONDUCT لكن هنا تفعل ما تشاء دون ان تستحي لذلك الشاتمون اكثر،،كتاب صحافيون جادون كثيرون انسحبوا من المنابر ليحفظوا كرامة اقلامهم ابواب المنابر واسعة لذلك يرتفع فيها صوت بعض بلطجية الكتابة وينخفض فيها الصوت الموضوعي صحيح اقلام كثيرة تستحق التقدير لكن العصبةالتي توزع صكوك النضال صوتها عال وبت فتلة وحرافيش يلوحون بالعصا لمن عصا اكثر الناس صولة وجولة في هذا المنبر هم الاقلية التي تعرف كيف تلهب الظهر بسياط الاساءة والتصنيف واحتكار بطولة المعارضة من بعد ____________ محمدعثمان هل يمكن ان تنشر مرة اخرى مقالك الذي كتبته في جريدة الصحافة قبل اكثر من عام ونصف عن ياسر عرمان (انت اليوم غيرك )

عبدالملك يوسف الملك
شكراً يا اخي على التوافق في الرأي وعلى كلماتك الطيبة. تعلمت ألا آبه للأصوات العالية وإن أفرطت في الزعيق. أتفق معك في أن شروط الكتابة في الإنترنت ميسرة جداً ولا تحتاج سوى إلى كمبيوتر وملحقاته وهذا يجعل الحوار عسيراً في مثل هذا البوست. في الصحف يقتصر الحوار على من تتوفر لديهم الشروط الدنيا للكتابة وهذا ما يجعل الحوار أكثر يسراً. أعتقد إن الأقلية التي ترفع صوتها لترهب الآخرين هي أقلية تضر بمشروع التغيير والتقدم في السودان وتجعل الناس بين خيارين لا ثالث لهما وهذا ما يجعل مهمة الدفع بالبلاد للأمام شائكة ومستعصية. أعتقد أن هذه الفئة من المناضلين الإفتراضيين بدأت تفقد سطوتها وهذا أمر مهم وجيد.
بالنسبة لمقال (أنت منذ الآن غيرك)، هل تصدق أن القضية الأساسية فيه وهي حكاية محاولة إغتيال ياسر عرمان (المزعومة) تلك لم تعلن أي نتائج للتحقيقات فيها سواء من قبل الشرطة (الحكومة) أو أجهزة الحركة. يبدو أن جميع الأطراف تواطأت على تجاهلها وهي تعول على ضعف ذاكرة الجميع. المقال موجود على مدونتي.
مع تحياتي ومودتي

Quote: جيناها كبار بسنوننا الثقافية و الوجودية

Quote: اما االردحي من شاكلة المهاجرين الطاير ليهم و المعقدين من انفسهم..فهذه جانبك فيها التوفيق يا صديقي..و الأغرب يا محمد انت تقول عن تعريف هويتك انك كاتب..و الكاتب ، نحن الزلنطحية ديل بنفهم انو مبتكر..و نهاية مقالك يا صديقي مستلفة ( لا نقول سرقة بالباب العديل عشان انت كاتب و كده و بشهادة صاحبنا الذي نحب دكتور امين)..و سمعنا بيها في الأسافير دي لحد الطراش.. من فرية اكلي الوليفر.. لغاية فاقدي الهوية و المسخ..و نفس التون الحايم في كلامك خصوصا في النهاية بتاع ما تقعدوا تحرشوا العيال الصغار و تقعدوا تضربوا الراحة و الضللة..

الأخ كبر
حاولت أن أصدقك حين قلت إنك جئت إلى الغربة بسنونك الثقافية ولم أفهم معنى (السنون الوجودية). لكن الإقتباس أعلاه يجعل الحوار متعذراً بيننا، على الأقل في الوقت الراهن.
شكراً لك وتقبل تحياتي واحترامي

Quote: ومن هنا اتمنى من محمدعثمان ان يلزم الصبر الجميل..ويتجاوز ببساطة التسديدات الطائشة التى ذهبت بعيدا عن محتوى المقال..

محمد عوض
لا عليك يا عزيزي فهذا جزء من لعبة المشاركة في النشاط العام
مع تقديري ومودتي

Quote: يا عبدالمحسن ملاح إنت فعلاً ما عندك موضوع وما عاوز تحترم نفسك ولا عمرك! وشوف يا سيدي أنا ممكن أنزل معاك لمستواك الساقط ده وأعديهو بهناك وممكن أسب ليك في حنانك وأباريك في كل حتة تَرِك فيها وأتفهك كدا عدييل كويس؟ وبصراحة أنا عارفك عاطل عن العمل وهمك الوحيد هو الدفاع عن نظام القمع والقتل الإنتا بتدهنس ليهو كل يوم ده... بس أنا فعلا ما فاضي ليك، عشان في نسوان دايرين ليهم مترجم يترجم ليهم قضيتم في المحكمة المرفوعة ضد نظامك الأغتصبم، إغتصب أحشائهم وأهان كرامتهم الأنسانية. وطبعاً إنت ممكن تنبذ ليك واحد مترجم لنسوان مغتصبات وتهلل للإغتصبم وتطبل ليهو ذي ما عاوز! وصدقني مافي فرق بين المغتصب بذكره والمغتصب بلسانه البذئ والمطبل متلك. بعدين منو القال ليك أن مسخفاتي ومناتل، يازول عيد فهمك عني ده وغيرو؟ أنا (وأعوز بالله من هذة الكلمة) زول لي عشرين سنة مشرد في بلاد العالم ده عشان رفضت الظلم والطغيان وحكم اللاوطني الحطم البلد ومزق كيانها ونسيجها وبخصوص عقدة النقص دي، فإنتا عندك حق فيها، وتفتكر علاجها يكون شنو؟ طبعاً الناقصني كتير والحمد لله بنتمه كان فضل في العمر بقية أها إنتا وصلت لأرزل العمر ولا لسه؟ وكان وصلتا، هل تميت الناقصة؟ شكلك زعلان مني شديد، رغم إنك ما بتعرفني غير كتابتي البسيطة دي وبروفايلي الفقير أنا يا زول ماني كاتب ولا كَتَاب، أنا زي ما إنتا قلتا مترجم نسوان فقط ليس إلا وأحمد ربي إني باكل عيش من مساعدة النسوان المغتصبات ديل في المحاكم والمستشفيات تعرف أنا مرة إشتغلتا في قضية واحدة من الفئة (U) طالبت بأجهاض جنين في أحشائها زرعه فيها واحد إغتصبها تحت تهديد السلاح ورماها... وهي لا بتعرفه ولا شافته تاني! والإجهاض هنا في بلد الحريات دي ممنوع في معظم الولايات وعشان كده طلبت من المحكمة تساعدها وبعدين ممكن تتصل باي زول هنا في أمريكا وممكن يقول ليك محمد يسين خليفة ده زول بسيط والغنماية بتلحس في مؤخرته بعد ما تاكل عيشه وما بقول ليها "تك" ولا بهش ولا بنش وكل البعملو إنه مرات بكتب ليهو شوية كلام في كــلاب الجبهة وأزيالهم وتنابلتهم كمان حتى الكتابة البسيطة من وكت للتاني في قانون بلاد الحرية والعدل النحنا عايشين فيها كمان عاوزيننا ما نكتبها... مالك؟ خايف من إنتقال عدوى الحرية ليك؟ إنتا ممكن تتحصن منها بأن تتجاهل قراءة قصي ولصيقي ده حسب فهمي البسيط وتتفاداهو وكمان ممكن تقراها وتفهما وتعتبرها مضيعة لوقتك تعرف القانون في البلد دي مهنة ليها مكانتا ولازم تقراها بعد الجامعة والحمد لله أنا قريت منها شوية قدر قدرتي وإشتغلتا بيها في سوق الله أكبر في المحاكم والمستشفيات وساهمت في نصرة المظلوم وردع الظالم وعلاج المريض ودعم المحتاج. وده شرف أعلنته هنا أكتر من مرة عشان تعرف أنو البلد دي حقوق الناس فيها محفوظة وكان داير شهادة الخبرة بتاعتي ممكن أرسلها ليك بالإيميل... وعلى فكرة دي مهنة متعبة ومن صنف "رزق اليوم باليوم" يعني كان ما إشتغلتا يبقى قروش "ماكو"! بس الواحد فيها بياكل قدر حاجتو.. وعمره ما بيحلم يكون بيها مليونير ولا ود ملاح! والله كلامك في حقي ده صدمني منك، لأنو كنت بعتقد إنك مسخف حقيقي ومن النوع البيفضل يشتري ليهو جريدة بدل ما ياكل أولادو بالجنيه الفضل عندو بس خزلتني فيك وفي الجرايد الماعلمتك الأدب والاخلاق ########ت عمرك وحنانك وكان حزت في نفسي محاولاتك المستمرة لإغتيال الشخصيات ومحاولة الطلوع على جثث ضحاياك... إنت يا زول ما ليك؟ وأقول ليك كان غيرك أشطر وبالمرة أرجوك تقيف معاي حدك الكلام بالعربي بس وتخلي اللغات لأهلها العجم وشيل معاك كلمة misrepresentation الجبتها دي لأنو ما عندها هنا موقع من الإعراب الأنجليزي، وبقت ذي كلمة "فجأة" بتاعة النكتة المعروفة ديك ! وبصراحة أرجوك ما تضحك الناس بنكتة بايخة في زمن ردئ بكلام الطير. أما موضوع عمنا وأستاذنا العظيم بابكر كرار النور - رحمة الله تنزل عليه - فده ما مكانه معاك... وأنا وجهتا كلامي لأخونا محمد عثمان ده لقصد عمرك ما حا تعرفو ولا تفهمو بعد عمرك الضيعتو في قراية جرايد الكيزان وتقديسك لكتابهم ومطبليهم بس يسعدني إني أقول ليك أنا عندي في دنيا السياسة دي آلهة، أولهم خالي الشريف حسين الهندي وتالتهم عمي بابكر كرار وآخرهم عمي علي محمود حسنين... عارف ليه؟ ده لأنهم أنزه خلق الله وأشرفهم خلقاً وموقفاً.. ويجمعهم رفض المواقف الرمادية وهم حددوا مواقفهم ضد الدكتاتوريات بكل صراحة وصلابة ولم يهادنوا ولم يركعوا وطبعاً أنا تعلمت منهم، ومنهم مباشرة القليل من كثيرهم الثر والاغر. الكرار بابكر ده رفض ضبابية الكيزان وأسس ليهو حزب إشتراكي إسلامي لونه واضح وأنا ممكن أختلف مع فكره بس أقدس شفافيته ونهجه الديموقراطي وبعد نظره وهو عرف أسلوب الكيزان الضلالي وحبهم لذاتهم مراءاتهم للحكام تجارتهم بالدين لأنو ما عندهم دين ولا ضمير ولا أخلاق ولا لون ولا طعم! وعلى فكرة أنا شايقي وأعمامي دناقلة وخيلاني محس ومغاربة وفارساب وأشراف وأقسم لك بالله العلي العظيم الكلام ده حقيقي وقصدي منه إنك تعرف أني هجين لا يد لي فيه ولا كراع غير إني وجدت نفسي منذ الصغر متحكر في مجالس لهؤلاء الآلهة وبسمع لكلامهم وبتعلم منهم شنو معاني الوطنية ونكران الذات. يعني يا ودملاح أنا لمن بجيب كلام بجيبو من خشم سيدو ولا بذكر ليك مصدرو طوالي وممكن ترجع لأرشيفك من الجرايد المالية جرابك وتقرأ كويس للعظيم بابكر كرار وتشوف كان لقيت ليهو موقف رمادي واحد كان ما سمعتا برفضه للرمادية! وحسب بروفايلك أنتا زول عمرك 64 سنة وبالمعاش وما عندك شغلة ولا مشغلة بعد ما قضيت عمرك في "سك العملة" وأظنك إكتشفتا إنو سودانيزأونلاين دي ممكن برضو "تسك" بيها شوية "عملة" وأهو زيادة الخير خيرين.. بس أرجوك "سكها" بعيد عني لأنو أنا بصراحة مُفَلس ومُفْلس، اللهم إلا كان كانت مباراتي حاتجيب ليك شوية "عملة" ولو ده قصدك فأرجوك تواصل في سعيك وليك علي ما أسعلك ولا أطالبك بحقاً لي عندك! طالما القضية أكل عيش... وذي ما أنا باكل عيشي من ترجمة كلام النسوان يبقى المانع شنو إنك تاكل عيش من "مـساسكة" الرجال وسقوط القول والفعل البذئ؟ أما لو الموضوع كان مجرد "سك" فارغ فأرجوك تكلمني عشان أرتفع لمستوى عمرك المديد وأرتقي لساقط كلامك وأتعامل معاك بأسلوب أولاد بري المابعرفو الحقارة ولا تفاهة اللئام وشوف يا زول أنا جني وجن كــلاب اللاوطني ديل، لأنهم ما عندهم دين عشان نسبه ليهم ولا أخلاق عشان نعريهم... فأن كنت واحد منهم أرجوك كلمني عشان أصنفك ككـلب منهم وأفارق دربك وأدعو ليك المولى عز وجل أن يخسف بك الأرض ويحطم شأنك ويزلك في كل عزيز لديك يا زول أنا جيت هنا عاتبت الشقيق محمد عثمان ده في مقال كتبه وهو عارف أنو الناس الجوهو هنا ديل متابعين لكتابته وحتى ظروفه السياسية وتاريخه... وعشان كده إستهجنوا مقاله وكونك تقيف تدافع عنه (إنتا بالذات) دي فيها "إنني" وكمان تستخدم للمساحة دي عشان تمرر أجندة موجهة لشخصي الضعيف لغرض في نفسك.. فده مرض شفاك الله منه فلا تحتار، وعليك أن تختار...

يا عبدالمحسن
عليك الله محمد ياسين دة عشان خاطري خليهو خلاص
مع تحياتي وتقديري

Quote: شكراً يا اخي على التوافق في الرأي وعلى كلماتك الطيبة. تعلمت ألا آبه للأصوات العالية وإن أفرطت في الزعيق. أتفق معك في أن شروط الكتابة في الإنترنت ميسرة جداً ولا تحتاج سوى إلى كمبيوتر وملحقاته وهذا يجعل الحوار عسيراً في مثل هذا البوست. في الصحف يقتصر الحوار على من تتوفر لديهم الشروط الدنيا للكتابة وهذا ما يجعل الحوار أكثر يسراً. أعتقد إن الأقلية التي ترفع صوتها لترهب الآخرين هي أقلية تضر بمشروع التغيير والتقدم في السودان وتجعل الناس بين خيارين لا ثالث لهما وهذا ما يجعل مهمة الدفع بالبلاد للأمام شائكة ومستعصية. أعتقد أن هذه الفئة من المناضلين الإفتراضيين بدأت تفقد سطوتها وهذا أمر مهم وجيد. بالنسبة لمقال (أنت منذ الآن غيرك)، هل تصدق أن القضية الأساسية فيه وهي حكاية محاولة إغتيال ياسر عرمان (المزعومة) تلك لم تعلن أي نتائج للتحقيقات فيها سواء من قبل الشرطة (الحكومة) أو أجهزة الحركة. يبدو أن جميع الأطراف تواطأت على تجاهلها وهي تعول على ضعف ذاكرة الجميع. المقال موجود على مدونتي. مع تحياتي ومودتي

أخ محمد عثمان

ماسر هذا التضخم الزائد في الأنا
أم تراها تجليات منسربة لسوبر إيقو يستطعم من عشب ثناء الكيزان وبعض الطيبين
بعض الطيبين من أعداء الفاشية الذين تتعسر عليهم الرؤيا في ضبابية المواقف.
تقول أنك تعلمت ألا تأبه للأصوات العالية الزاعقة
تبريرك لعدم الرد علي أسئلة وإتهامات تنبض بالحيوية والقوة
باللجؤ إلي حكم قيمي آيدلوجي يغرز قلمك في موقعه من المشهد الصراعي بين نقيضين
هنيئاً وقوفكم في الطرف المهاجم لمن تدعوهم بالزعيقة
فالنظام أيضاً يدعوهم بالزعيقة
ووزيرة شئونه الإجتماعية تماهت معكم أيضاً ودمغتهم بأيقونة مقالك -المناضلون الكيبورداب -
ليس ذلك بالطبع عذر أو تبرير ذكي أخ محمد عثمان لتجاوز المتين من الأسئلة والمداخلات
إنما ظني
أنه في ظل هذه الظروف السياسية العصيبة والإصطفافات الحاسمة تستنكف يا سيدي عن تعيين القبلة
وتكتفي بلعن مناضلي الكيبورد ونعت المتداخلين بقوة المعاني وليس بالصراخ
بالأصوات الزعيقة المثيرة للجلبة
وبالتالي فسعادتكم كبار كتاب الصحف المسيارة لا وقت عندكم للر علي زعيق
أما إن كنت غير زعيقاً
ودوًداً مادحاً مدّيحاً
حتي وإن كنت من ثلة الطغمة الحاكمة فلك الوقت والود كله
والحال من بعضه
إن أي خطاب يا سعادتك يحجب نقيضه
وأي موقف يقوم علي نقيضه الحاضر فيه في غيابه عنه
وقولك عن الزعيقة يحجب أنك الغير زعيق
وإن سميت الشرفاء من خريجي بيوت الأشباح ورفاق محمد عادل وثروت سوار الذهب وشادية عبدالمنعم بمناضلي الكيبورد أو محرضي الأبرياء علي الموت...
فكل عين تري من زاوية إنصارها
قل ما شئت ففيه تحجب ما تشاء
يا سيدي تتجلي الأنا المنتفخة بسوبر الإيقو عندما ترمي من تداخل معك بأنهم لولا بركة الكتابة المشاع علي الأسافير لما تداخلوا مع من هو في مقامكم..
كيف لا وانتم تفتح لك صدور الصحف وقلوب مؤسساتها
حيث الكتابة بشروط ولا يكتب إلا من تتوفر له وفيه
وفي هذه صدقت
ليس لأنكم ضمن قليلون يكتبون في سيار الصحف من بين القوم السايبيري
بل لأن هذه الشروط العلة هي نفسها التي منعت مثقفين عضويين من كسرالصيام عن موائد اللئام..
فهنيّاً لكم بالكتابة وألواحها.
ما يجعل الحوار عسيراً هنا ليس عالي مقام مقال وواطي مقام كماتصور
لكن رياح منعطف سياسي ثوري تظلل سحبه أفق المستقبل ويستدعي المزيد من التمايز والوضوح ونزع الأقنعة والكف عن مسك العصا من نصفها
ولا بعض من يكتبون في الصحف البي شروط للكتابة الإعتراف بتماهي كتاباتهم وأفراح النظام
وتماهي امصالحهم.... علي الأقل المفاهيمية... مع مصالح النظام...
إننا نعيش ظروفاً لا يمكن للكاتب أن يقف فيها موقف المتفرج وهو يشهد عمليات الإنتقام الموثقة التي أعملتها الإنقاذ في السودانيين المختلفين معها سياسياً
إبتداءً بتشريد الأسر والمحاربة في الرزق مروراً بالإعتقالات والتخويف والتصدي للمسيرات السلمية بالبنبان والرصاص والتعذيب
دعك من أن يجرد الكاتب قلمه للنيل ليس من البشير ونظامه أنما من عرمان (بالحق طبعاً)
ثم من يتم دمغهم علي صدي إسفاف الكيزان بمناضلي الكيبورد ...
وما أدراك ما مناضلي الكيبورد ...
هم عند محمد عثمان كل من يغرر بالأبرياء ويختار السلامة..
وهم عند محمد عثمان ليسوا من يقف بأدواته النضالية( الكيبورد وغيره مما لاتعلمون ) في معركة دك عروش الظلام
كأنك لا تعلم يا محمد عثمان أن لهؤلاء الكتاب البوردابيون من التاريخ النضالي الذي لا يقل نصابه عن الإنحناء تقديراً لهم
نعم فكثيرون فيهم خريجوا سجون النظام وبيوت أشباحه
هم من مهروا كتاباتهم بشروط التغيير وأحلام الحرية ودفعوا لأجل ذلك ما دفعوا
بعضهم لا زال ينوء بعاهات جسدية او نفسية مستديمة
وآخرون لا يزالون محبوسون
ولا أعلم كيف يعاملونهم في المعتقلات فهل تعلم ؟ أم لا تتفاءل خيراً مثلي .
هل يجوز أن تكتب في مناضلي الكيبورد ولا تدبج المقالات لأجل إطلاق المعتقلين من رفاق البورد وفضح أساليب التعذيب
إن القلم سلاح وأحياناً أمضي من الرصاص
وإن الكتابة عمل ثقافي وأي عمل ثقافي بالضرورة عمل سياسي مهما تفنن خالقه في تجريد موقفه من أي صلة بالسياسة ومصالحها ...
وهل يقف الكاتب موقف الحياد بين نظام سياسي إنقلابي فاسد متوسل بالسماء لشرعنة طغيانه علي الأرض وقوة إجتماعية منهكة بفعل النظام نفسه لكنها متوثبة وطامحة للتغيير وإلي مستقبل أفضل حر ديمقراطي ..
هذه القوة الكيبوردية يا محمد عثمان ليسوا من أنسال الجبناء
ولقد تأذوا قبل مقالكم من قمع النظام لكن ما يحمد لهم أنهم لم يتخلوا أبداً عن مقارعة النظام
وباءت محاولات النظام في إستقطاب بعض أقلامهم أو شراء زممهم بالفشل
حالهم مثل حال هاشم صديق يعانون شظف العيش لكنهم لم ينكسروا أبداً
ولم يوجهوا سهامهم إلي كتف الثوار المنهوك بل ما أن تستضيفهم مطايا النظام حتي يوسعوه ضرباً بالأقلام..
لكن لم ولن يعدم النظام في بعض الأحيان من مالوا ليتكئوا علي ظله وطفقوا يقدمون الزرائع بكلام صريح أو مغتغت كي يجملوا وجه النظام....
تجميل وجه النظام أوتقبيح وجوه معارضيه ...
ووقفوا يفتون في عضد قوي التغيير فوصفوهم بالأنبياء الكذابين ومرتزقة الغرب ومناضلي الصالونات أوالكيبوردات .
هما ساحتان يا أفندية الصحف السيارة
ساحة الأحرار والحرية وساحة النظام الواحد الغدار ...
أدوات العمل عنهما تمتد من مداخلة في بوست إلي المقال الصحفي أوالإعتقال الغادر..
من يملك القلم لا بد أن يسخره إما في إماطة الأذي عن النظام أو ضخ الماء في صنبور الثورة
تلك التي تسعي لإقتلاع النظام من جذوره ...
نعم يا سيدي هما خياران أما النظام أو قوي الثورة علي النظام
هما تياران تيار المقهورين وله كتابه ومتظاهريه وتيار السلطان وله أقلامه وسجانيه
فقّدر لقلمك قبل الخط موطئه
فقط إعلموا
أن الثورة هي القمع والسجن والموت ....أما النظام فهو النعيم الخلب ....
بس التاريخ هو الفيصل
والبقاء حتماً لقوي الآمل ببكرة أفضل