Post: #1
Title: ورونا بيت العزاء ..!!
Author: Tabaldina
Date: 02-02-2011, 09:56 AM
..
.
( ثورة 30 يناير ) ..
التى انطلقت من الفيس بوك قيل ان اول ضحاياها هو الشهيد الطالب
محمد عبدالرحمن .. بجامعة امدرمان الاهلية
واقيمت سرادق العزاء هنا وفى الفيس بوك وكل المنابر المجاورة
تأثرنا وانفعلنا ولعنا ( سنسفين ) الحكومة التى تقتل الطلاب
وبدأنا نسال اين بيت العزاء ؟؟
من هو محمد عبدالرحمن ؟؟
من اين البقاع والقبائل ؟؟
ولكن ...
يبدو انها مجرد شائعة والا اخبرونا بمكان العزاء
وصور اسرة وعائلة الشهيد .. لنقوم بالواجب
لكن يبدو انها شائعات معارضة هزيلة تحاول استغلال الطلاب
وثوار الوسائط اللاكترونية .. وتحاول لتتاجر بقضايهم .. وخلخل النظام
-----------
فى الصعيد الاخر نجد ثورة 25 يناير بمصر
ما زالت تلفظ احزابها الضعيفة وتؤكد انها ليست
من يمثلها ..
سبحان الله صرنا تبع بدلا من ثوار وقادة
ودوام الحال من المحال ..
|
Post: #2
Title: Re: ورونا بيت العزاء ..!!
Author: عمر صديق
Date: 02-02-2011, 10:35 AM
Parent: #1
تبلدينا تحياتي
امش فتش امبدة والثورات
لو مالقيتو تعال راجع
واعمل حسابك ماتشيل الفتحة في صيوان سماية او عرس
|
Post: #3
Title: Re: ورونا بيت العزاء ..!!
Author: معاوية الأرباب
Date: 02-02-2011, 11:13 AM
Parent: #2
بيت العزاء في شارع الحرية , السجانة مربع 89 . بعد مقابر ضباط رمضان , جوار منزل الشهيد علي فضل .
من يعزي من !!!؟؟
|
Post: #4
Title: Re: ورونا بيت العزاء ..!!
Author: rummana
Date: 02-02-2011, 11:55 AM
Parent: #1
Quote:
لكن يبدو انها شائعات معارضة هزيلة تحاول استغلال الطلاب
وثوار الوسائط اللاكترونية .. وتحاول لتتاجر بقضايهم .. وخلخل النظام
|
حتى أنت يا تبلدينا؟ .. طيب تعال نقول المعارضة بت لذين والله يلعنها ويلعن اللي خلفوها كمان
أنت وين موقعك من الاعراب؟
وطارح شنو بالضبط؟
على اعتبار اني مش مواكبة وكدة
ـــــ
على فكرة أنا قريت برضو انه الامن طلع اشاعة وفاة طالب
|
Post: #5
Title: Re: ورونا بيت العزاء ..!!
Author: مزمل خيرى
Date: 02-02-2011, 02:16 PM
Parent: #4
ياصالح
بيت البكا مامشينا نحن حدنا كان الدافنة فى مقابر سوق ليبيا..
البركة فيكم ياشباب .. واحسن الله عزاء الجميع ..
كتلوهو فى عز شبابو .. الله يرحموا
ويجعل مثواة الجنة ..
|
Post: #6
Title: Re: ورونا بيت العزاء ..!!
Author: Tabaldina
Date: 02-03-2011, 09:41 AM
Parent: #4
..
.
| Quote: على اعتبار اني مش مواكبة وكدة |
اولا لازم توكبي الاحداث وتتابعى الوسائط الالكترونية
لانه تسارع الاحداث فى السودان والعالم العربي _ كما تعلمين _
ما بدينا زمن نشرح ليك ..
لكن اهو فاضيين خلينا نلشكر شوية
فيما يتعلق بالموقع الاعرابي
فما مهم موقعى انا من الاعراب .. المهم موقع السودان
عموما ..
للعلم بالشئ انا ضد المعارضة تماما ومع الشعب .._ عندما نقرر نحن الشعب ان نقول كلمتنا_
ولست مع طبقة معينة عبر وسيط معين لاجندة معلومه ..
وان خيرت بينهما اى بين المعارضة المتمثلة فيمن اراهم فى الساحة
بكافة طوائفهم وبين الوضع الحالى بكل ما يحوى من صحيفة سوداء
فأننى اختار هذا الوضع ..
لا اؤمن بطوائفكم ولا بامام ولا ختمى ولا نقدى ولا حتى قرفنا .. فكلهم قرف !!
الموقع الثانى .. بما انك غير مواكبة
ارى نفسي سودانى ووطنى . قومى
كما اعرف اننى انفصالى وعنصرى ..
وهذا التوقيت للمظاهرة لا يتفق مع قناعاتى وعقلانيتى ..
لانه لا يتفق مع امن السودان ..
فالبلد فى مرحلة تحتاج ان تكون متماسكة حتى ولو باسواء الخيارات
البلد فى انفصال لم يستقر تماما .. ونتيجة استفتاء تعلن فى نفس اليوم
ومليشات مسلحة من الحركة والجنوبيين ما زالت فى شمال السودان عموما - والعاصمة عى وجه الخصوص -
وترقب لوثبة من حركات التحرر فى دارفور ..
عدم استقرار فى جبال النوبة والنيل الازرق
قتال متفرق بين المسيرية والدينكا ..
تزعزع فى جبهة الشرق .. الخ
هل تعتقدين اننى فى ظل هذه الظروف سوف يكون موقعى مع خلخلة استقرار الوطن وامنه
والارض التى اعيش فيه واعرف احداثياته وخباياها الداخلية اكثر مما تعلمون وتشيعون ..!!؟
بلا شك الاجابة لا ..
بكل ما تحمل الحكومة من سوء وفساد ..
ولكن يظل امن واستقرار الوطن فوق الجميع .. وفوق كل الاحتمالات
ورغم هذا السوء السياسى والاقتصادى والاجتماعى ولكن لم يمر على السودان حكومة
كانت حاسمة فى القضايا المصيرية حتى وان اختلفت الاراء فى وجهة الحسم هل صحيحة او خطا
اما فيما يتعلق بالصرح الذى يسمى المعارضة
ويسكنه رموز من الماضى والطائفية العقيمة .. فاننى اقول
انهم لم يمثلوننى ولا يمثلون الشعب .. بل هم مجموعة اتباع تقودهم مصالحهم
لا مصلحة الوطن .. فشلوا فى جمع شتاتهم وكلمتهم ولم يجدوا الا شباب الفيس بوك
ليستغلوهم فى مأربهم ..
ومن هم شباب الفيس بوك ..؟؟
طبقة من اثرياء البلد .. انها ليست ثورة الغبش او الجياع .. ليست
ثورة العطاله والمحتاجين ..
انها مظاهرة الفراغ والتسلية ليس الا .. وهل تظنيين ان الانترنت هنا قد عم القرى والحضر ..!!
فكم من الشباب الفقير الجائع .. العاطل يمتلك كمبيوتر ولاب توب ؟؟
وكم منه يحمل كونكشن _ والكنكشن ليس فى متناول الجميع _ ؟؟
وكم من الفقراء والجياع يعرف الفيس بوك وتويتر ؟؟
كم من الذين ذكروا ان سيشاركون فى السودان .. ؟؟
الطبيعة السودانية والثقافة الالكترونية لم تصل ما وصلت اليه مصر
لتقاد ثورة من النت ؟؟
ختاما انا طارح حكومة قومية ديمقراطية يلعب الغبش والجياع والشباب دورا فيها
لا عبر الاحزاب الطائفية ,..وادجندتها واتباعها
ولكن ليس على حساب استقرار الوطن وامنه ..
وتركه لقمة سائغة للجنوبيين وحركات التحرر والمؤمرات
--------
معقولة الامن يطلع وفاة طالب فى الاحداث دى .. دا امن ساذج
او ساذج من يصدق ذلك .. كفيديو ضرب الفتاة ..
هل تصدقى او لا تصدقى ان بعض اجهزة الامن قبضت
على بعض المتظاهرين وبعد مارساتهم الامنية المعروفة تم سؤالهم ..
كم سعر رطل السكر ؟؟
كم سعر الخبز ؟؟
كم سعر رطل الزيت ؟؟
ولم يعرف احد من المتظاهرين الاجابة الصحيحة ..
|
Post: #7
Title: Re: ورونا بيت العزاء ..!!
Author: عمر صديق
Date: 02-03-2011, 10:26 AM
Parent: #6
Quote: والشهيد الكتروني
والدفن ارضا بطاح
حاجة ما منظور مثيلها
وتجنن الناس النصاح
قصة فيها من الغرابة
وطيف نضالاتا رهيفة
زي خيالات الطفولة
وخجلة ماخجلة نصاح
|
محاولاتي الشعرية من وحي الثورة
|
Post: #8
Title: Re: ورونا بيت العزاء ..!!
Author: بدر الدين اسحاق احمد
Date: 02-03-2011, 10:56 AM
Parent: #7
انك لم تأتى للفاتحــة ..
لكنك اتيت لاجندات اخرى
|
Post: #9
Title: Re: ورونا بيت العزاء ..!!
Author: معاوية الأرباب
Date: 02-03-2011, 11:49 AM
Parent: #8
Quote: كم سعر رطل السكر ؟؟
كم سعر الخبز ؟؟
كم سعر رطل الزيت ؟؟
ولم يعرف احد من المتظاهرين الاجابة الصحيحة .. |
وكيف يعرفوا أسعار هذه الأشياء وقد توقفوا عن (تعاطيها) منذ مدة طويلة ؟
|
Post: #10
Title: Re: ورونا بيت العزاء ..!!
Author: معاوية الأرباب
Date: 02-03-2011, 12:18 PM
Parent: #8
Quote: كم سعر رطل السكر ؟؟
كم سعر الخبز ؟؟
كم سعر رطل الزيت ؟؟
ولم يعرف احد من المتظاهرين الاجابة الصحيحة .. |
وكيف يعرفوا أسعار هذه الأشياء وقد توقفوا عن (تعاطيها) منذ مدة طويلة ؟
|
Post: #11
Title: Re: ورونا بيت العزاء ..!!
Author: ناذر محمد الخليفة
Date: 02-03-2011, 12:50 PM
Parent: #10
!!!
| Quote: وكيف يعرفوا أسعار هذه الأشياء وقد توقفوا عن (تعاطيها) منذ مدة طويلة ؟ |
شايقي بخيل وجلدة فتح ليهو فرن جاهو شحاد الشحاد قال للشايقي والله لي تلاتة يوم ما ضقت طعم العيش !! الشايقي نهرو وقال ليهو : يا هو طعمو زاااتو ما إتغير زح كدي ولا كدي !!!
|
Post: #12
Title: Re: ورونا بيت العزاء ..!!
Author: السيد المسلمي
Date: 02-03-2011, 02:06 PM
Parent: #11
لكشرتها زي اللكشرة ياعمكـ 
|
|