الارتباط العاطفى.....

دوما تبدأ العلاقه بين الطرفين بطريقه سحريه وكأنها من نسج الاحلام
نرى الحياه بطريقه مختلفه وتدور الايام على ايقاعات مبهجه
نشعر بالخطى تحلق فى السماء
تصبح الساعات ثوانى ويمسى النهار ليل


أجمل مرحله يمر بها العشاق هى مرحلة البدايه
حين نولد بأيدى بعض
ونشهق لنستنشق انفاس الهوا
التى تخترقنا بسرعة البرق
لتروى شرايين جفت من طول الغياب






يتبع

فى حاجات تتحس وما تتقلش

تذوب فى هذه الفتره كل اركان الحياه
يسبح فيها الطرفين بكل عمق فى بحور الاخر
نشعر بطفولتنا فنسعد بابسط الامور
نحبى بحثا فى بعضنا عن الهويه
تختلط علينا الاشياء
لا نعرف ما الذى اصبح بحوزتنا
ونندهش مما اصبح فى حوزتهم
فقد انتقل مافى جوفى له ومافى جوفه لى

يا بت هووى .... اسمو "ارطباط" ... ما ارتباط ...



أمانة ما وقع راجل .....



تهانينا القلبية ليكى وليهو ...





... المهم ....

الغاليه تبارك
الله يهنيك يا روعه

لكن هو وقوع من الارض للسماء
انشقاق دواء من داء


لكن واصلى معاى هذه المراحل مرحله مرحله

فمن منا لم يسلك هذا الدرب
وكم منا وصل لنهايته
وكم وكم تاه فى منتصفه
وكم وكم وكم عاد ادراجه

المهم

ههههههههههه

تبارك رااااااااجل

دحين ألحقي عدلي قبال يجيك راجع

لكن عبد اللطيف كووت الشغلانه و (طمبجه)


المهم

Quote: الغاليه تبارك الله يهنيك يا روعه لكن هو وقوع من الارض للسماء انشقاق دواء من داء لكن واصلى معاى هذه المراحل مرحله مرحله فمن منا لم يسلك هذا الدرب وكم منا وصل لنهايته وكم وكم تاه فى منتصفه وكم وكم وكم عاد ادراجه

لووووووووولز يا تبارك قدر ما ضربت لي الصادق الدغيل ما رد
الشمار كتلني
اللهم شماتة عدييييييييييل عشان شوبارك دة
والله دي مبالغة مهمة خالس خالس
والله صحي
تماضر وينها يا اخواني ؟؟؟

متاوقة

ود بابكر ابو حوة كيفنك
مو طبارك ده بطمبجها ليه انا دي كيتاااااا فيه

وبلم ليه الشمات كتااااااااار يحمد سيدو


الاخت رانية سلام ,, عليك الله لاقتك بت اسمها تبارك ؟
ولا خمنتي ساي ,؟ غايتو كان خمنتي ساي
تبقى عوجة تب
المهم
تبارك شوف ليك مخارجة الليلة

Quote: الغاليه تبارك الله يهنيك يا روعه لكن هو وقوع من الارض للسماء انشقاق دواء من داء لكن واصلى معاى هذه المراحل مرحله مرحله فمن منا لم يسلك هذا الدرب وكم منا وصل لنهايته وكم وكم تاه فى منتصفه وكم وكم وكم عاد ادراجه

كااااااااااااكــ

ـــ
غلطة زي دي ممكن تكون عادية لو إتعملت مع زول عادي ..
يارانية تبارك دا يعتبر من منظري هذا المنبر .. ومعلم بتاع حوار ..
عدم معرفتك ليهو دي إساس المشكلة ( لو أعتبرناها مشكلة )..
ولا شنو ياشباب !

يا جماعة هوي شنو الحكاية

غلطة بسيطة اي زول ممكن يقع فيها جيتو خوفتو البت كده وطيرتو ليها الكلام الفي راسها

خلوها تنداح شوية
وبعدين ممكن تكلموها براحة كده مش تخلعوها وتخلوها تشرد

رانية تعالي ياخي

تبارك دا حسب ظني راجل حبوب و بمشيها ليك

سلامات رانيه
وتحية ليكم كللكم يا شباب..
تبارك اسم مشترك..يمكن ان يطلق على الجنسين بشكل عادى..
اخونا تبارك زمان كان عندو صورة سمحة كده..
ماعارف طفشت وين؟

رانيا
سلااام
تبارك شيخ الدين جبريل
غالى وليست (غالية) كويس
يظل القصد مفهوم مع الاخذ فى الاعتبار
كتابه الرد فى ازمنة الطشاش . اقصد طشاش الشوف وتداخل الاحرف
والياء الاعرج جنب التاء المربوطة ....
ولا كــــيف






قاسم المهداوى

اخى تبارك
اسفه للخطىء الغير مقصود
ولتأخير اعتذارى لانى ياداب شوفته البوست حسى

Quote: ولتأخير اعتذارى لانى ياداب شوفته البوست حسى

يادااااب ولا الضحك كان شارطك

بينى وبينك هو زااااتو يستاهل ..

ــــــــــــــ
البلد دى الواحد ما يقدر ينداح فيها بى راحتو

واصلى يا زولة ..

والله يا شاذلى لمن فتحت الموضوع ولقيت انى عكيت الدنيا شهقت لمن امى اتخلعت وقالت لى فى شنووووووووو
ما عرفت زاتو اشرح ليها العملته

موضوع شنو الاكمله
انا انتهيت قبال ابدى زاطووووووووووووووووووو

:(((((((

Quote: ولقيت انى عكيت الدنيا

لالالالالالالا من ناحية انتى انتهيتى منو دى ما مختلفين فيها..

صاحبنا قالو لقوه غمران

ـــــــــــــ
عجبنى ليو

كر عليه بدل تطمنى وجعت لى قلبى
اسوى شنو حسىىىىىىىىىىىىىىىى


كان يوم مهبب يوم فكرت اتكلم فى الارتباط
:(((((((((((((((

Quote: كان يوم مهبب يوم فكرت اتكلم فى الارتباط

انتى زاتك بتبالغى ..

ارتباط شنو فى الايامات دى .. الناس كلها بتتكلم عن فك الارتباط

ــــــــ

غايتو البوست ده اعملى منو رايحة لمن الواطة تصن شوية وبعد داك نسولف عن الارتباط

قولت كده

ثمح

اخى قاسم
هو ما طشاش الحروف
دا طشاش الفهم بقى عندى معليش

اخى محمد عوض
لكن اسم نادر انا لصراحه ما حصل سمعته

اخى بكرى

تسلم على الرد المطمئن

اخى السيد المسلمى
انا قولت ليهم يدونى كتالوج من جيت ومافى زول عبرنى
كان عرفنا الخطوط العريضه

تانى قبال ارد على زول كان ما مشيت قريت بروفايل ما حرد
دى تانى دقسه الاولى كانت بريمه

اختى اسماء
لصراحه اول مره اسمعه فى حياتى

فلاسف خمنت

وعلى قول ما عارفه منو
نشنت يا فالح
:((((((

فاروق نبهتنى بعد فوات الاوان خساره

قطعت علينا درب التصليح
:((((((

Quote: قطعت علينا درب التصليح

هونى عليك يا سيدتى ..

اصلن مافى شىء اتخرب عشان تصلحيهو ..

الامر لا يعدو المزاح ..

ــــــــــ
كونى بالف خير ..

قصدت يا فرده عبد اللطيف لانه طوالى شالها اقتباس وبقيت ثابته

Quote: قصدت يا فرده عبد اللطيف لانه طوالى شالها اقتباس وبقيت ثابته

اها عدلتها ولومك علي ما أبقى سبب فك الارتباط

وزي ماقال ليك اخوي شاذلي، بقينا نبحث عن لحظات بريئة ولطيفة في هذا الركام


تبارك اخونا وحبيبنا اكييد ورحه رياضية

المشكلة ما حكاية الخطأ في الاسم،، المشكلة عدم معرفة سيد الاسم

ياخ دا وكتين يبتسم
الدنيا ياناس تنقسم


عدلناها ، ويلا شوفي طريقة للعزيزة سوما دي برضو تخارجك


بس على شرط تواصلي الموضوع الاساسي

سلام

يا سلام عليك يا ذوق

لكن اخى تبارك شكله حرد الموضوع شديد



وبرغم الوحى زاتو طفش منى ونسيت الكنت عايزه اقوله
لكن بحاول استرجعه

:))))))))))

Quote: أجمل مرحله يمر بها العشاق هى مرحلة البدايه حين نولد بأيدى بعض ونشهق لنستنشق انفاس الهوا التى تخترقنا بسرعة البرق لتروى شرايين جفت من طول الغياب

رانيه أزيك ....

أنا ما عارف لكن الحته الفوق دي عجبتني شديد ... أرجو أن تحاولي إعادة الإلهام والمشي في هذا الطريق الجميل ... الارتباط العاطفي ..

ومنتظرين يا زوله يا رووووووعه ....

مع خالص التحايا والود ؛؛؛

لدى كلا منا تعبير خاص لهذه المرحله
تظل تحتل احلى الفترات
نتذكر فيها ادق اللفتات
ننسى فيها اقسى الدمعات
نمسح بها اعتى الهفوات



دوما تبدأ بقوه جباره نحتار من اين جاءت
والى اين تأخذنا
ثم تحاول امواجها الهائجه الإستكانه
ومنها يبدأ دور الانسان وتأثيره
فهو فيما سبق كان بلا اراده
اختطفته هذه الفتره من نفسه
ليعود فى محاوله لاحتلالها مره اخرى
ومنا من ينجح فى تطويرها وتقويتها
ومنا من يسارع فى الهروب منها