Post: #1
Title: من هم هؤلاء الناس الذين تحدث عنهم البشير في الدامر؟
Author: سيف النصر محي الدين محمد أحمد
Date: 01-25-2011, 12:18 PM
في معرض تبريره لقرار رفع الدعم "الجزئي" عن الوقود و السكر
قال عمر البشير اليوم أن القرار ليس موجها للفقراء بل هو لمصلحتهم
حيث أن الاموال التي كانت تذهب للدعم ستوجه لخدمة الفقراء ، و قال:
"الدعم مستفيدين منو الناس البشربوا الحاجة الباردة عشرة و عشرين
مرة في اليوم و بياكلوا التحلية بعد كل وجبة".
فمن هم هؤلاء؟
|
Post: #2
Title: Re: من هم هؤلاء الناس الذين تحدث عنهم البشير في الدامر؟
Author: سيف النصر محي الدين محمد أحمد
Date: 01-25-2011, 12:26 PM
Parent: #1
لو في ناس زي ديل فعلا، ممكن يعملوا ازمة سكر عالمية.
|
Post: #4
Title: Re: من هم هؤلاء الناس الذين تحدث عنهم البشير في الدامر؟
Author: سيف النصر محي الدين محمد أحمد
Date: 01-25-2011, 12:30 PM
Parent: #2
طيب السكر عرفناهو.
علاقة البنزين بالحاجة الباردة و التحلية شنو؟
|
Post: #19
Title: Re: من هم هؤلاء الناس الذين تحدث عنهم البشير في الدامر؟
Author: عاطف عبدون
Date: 01-25-2011, 05:30 PM
Parent: #4
Quote:
طيب السكر عرفناهو.
علاقة البنزين بالحاجة الباردة و التحلية شنو؟ |
دي دايرا ليها درس عصر يا سيف
بحلو
ودور يا عربيه علي شارع عبيد ختم
|
Post: #3
Title: Re: من هم هؤلاء الناس الذين تحدث عنهم البشير في الدامر؟
Author: محمد المرتضى حامد
Date: 01-25-2011, 12:29 PM
Parent: #1
ومن أين جاءوا؟
_
سلامات د. سيف.
|
Post: #5
Title: Re: من هم هؤلاء الناس الذين تحدث عنهم البشير في الدامر؟
Author: مهيرة
Date: 01-25-2011, 12:50 PM
Parent: #3
| Quote: علاقة البنزين بالحاجة الباردة و التحلية شنو؟ |
كيف ياسيف النصر اخوى؟!!
الحاجة الباردة والتحليات دى ما بنقلوها بالعربات والعربات دايرة بنزين!!!!!
عارف القرار الجاى لريسنا التحفة دة حيكون:
قرار جمهورى رقم...
ممنوع بيع الحاجات الباردة والحلوة فى الدكاكين والمشتهيها يمشى يشربها فى المصانع مباشرة!!!!!
تحياتى
|
Post: #6
Title: Re: من هم هؤلاء الناس الذين تحدث عنهم البشير في الدامر؟
Author: Al-Shaygi
Date: 01-25-2011, 12:50 PM
Parent: #1
Quote:
في معرض تبريره لقرار رفع الدعم "الجزئي" عن الوقود و السكر
قال عمر البشير اليوم أن القرار ليس موجها للفقراء بل هو لمصلحتهم
حيث أن الاموال التي كانت تذهب للدعم ستوجه لخدمة الفقراء ، و قال:
"الدعم مستفيدين منو الناس البشربوا الحاجة الباردة عشرة و عشرين
مرة في اليوم و بياكلوا التحلية بعد كل وجبة".
فمن هم هؤلاء؟
|
هو أولهم، فقبل ليلة 30 الشؤومة، ليلة خرج من بيت والده بكوبر وركب عربته الكركعوبة المفوتة طارة كلتش حسب قوله شخصياً لأحمد منصور بالجزيرة....
كم حاجة باردة كان بيشربها في الشهر،،، وكم بيشرب يومياً الآن؟؟؟
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #7
Title: Re: من هم هؤلاء الناس الذين تحدث عنهم البشير في الدامر؟
Author: elnawrani margan
Date: 01-25-2011, 01:09 PM
Parent: #6
والله ماعرفت اضحك ولا ابكى من كلام الريس
يااخونا الزول ده مافى زول عاقل من الجيش الجرار الحايم وراه ده يعقله
|
Post: #9
Title: Re: من هم هؤلاء الناس الذين تحدث عنهم البشير في الدامر؟
Author: abuguta
Date: 01-25-2011, 01:18 PM
Parent: #7
| Quote: يااخونا الزول ده مافى زول عاقل من الجيش الجرار الحايم وراه ده يعقله |
يعقلوه كيف...يعنى يقلبها عليه
انت شفت الجيش ...جنرالات والوية ,,,كل طولهم واحجامهم 3 اقدم و3 بوصات
ديل تربيزها ما يقلبوها,,,,كدى شوف ليك اقرب صورة لعلاء الدين المجننكم دا
ورفقاهه فى الامن,, يدلو سبيطة التمر من النخلة
الاحجام الكبيرة كلها فى الامن,,,والاحجام الصغيرة فى الجيش
عشان كدا لا ترجوها من دياشى,,,,ولا حزب يحرض الشعب,,,
لو ما طلعت الامهات والاطفال ,,والبنات,,صدقونى مافى تغير
|
Post: #10
Title: Re: من هم هؤلاء الناس الذين تحدث عنهم البشير في الدامر؟
Author: خضر حسين خليل
Date: 01-25-2011, 01:19 PM
Parent: #7
| Quote: علاقة البنزين بالحاجة الباردة و التحلية شنو؟ |
يا أبو السيوف
البنزين من مشتقات الأرض
والحاجة الباردة من مشتقات الأنهار
والغازات من ثاني أكسيد المنجنيق
والإنسان في البلد دي كائن هلامي لا يري بالعين المجردة
|
Post: #8
Title: Re: من هم هؤلاء الناس الذين تحدث عنهم البشير في الدامر؟
Author: سفيان بشير نابرى
Date: 01-25-2011, 01:14 PM
Parent: #6
سلام يا اخونا وحبيبنا سيف
غايتو رد لي سؤالك ما عندي
لكن يووووم ما يقال عنه الاستقلال انا طالع من ام درمان
وماشي علي الخرطوم في الموردة وعلي الطريق محل عوضية
للاسماك لقيت ليك اكبر لافتة قماش مكتوب عليها وبالبونط
العريييييييض :-
عوضية للاسماك تهني الشعب السوداني باعياد الاستقلال .
شفته كيف يا شاب!!!!
عوضية للاسماك تهنينا .
يا السيد عمر حسن احمد المبشير ياخ الناس ما قادره تاكل
عيش ناشف تقول لي ببسي وتحليه!!!!.
رايك شنو يا سيد عمر نمشي سوى بعض قرييييييب هنا وجوه
العاصمة ولا في الاطراف ولا في الاقاليم السميتها ولايات !!.
ــــــــــــــــــــــــــــــــــــــــــــــــــــــــ
مع كامل احترامي للسيدة عوضية ولعملها الشريف
لكن غلبني استحمل الكلام ده .
التعديل لاضافة حرف الضاض في أسم عوضية.
|
Post: #11
Title: Re: من هم هؤلاء الناس الذين تحدث عنهم البشير في الدامر؟
Author: سيف النصر محي الدين محمد أحمد
Date: 01-25-2011, 01:47 PM
Parent: #8
سلامات يا مولانا
غايتو السؤال ده بقى زي الكورة كلو شوية زول يشوتو في جهة.
|
Post: #12
Title: Re: من هم هؤلاء الناس الذين تحدث عنهم البشير في الدامر؟
Author: صديق الموج
Date: 01-25-2011, 01:57 PM
Parent: #11
| Quote: من هم هؤلاء الناس الذين تحدث عنهم البشير في الدامر؟ |
يادكتور كيفك
انت متلقى حجج ساكت ياخى الزول ده بتكلم عن الناس
ماجاب سيرتنا ولا حاجتين..
غايتو ماعارف اقول ليك شنو؟؟
الرئيس بتكلم عن الناس النااااااااااااس انت ما بتفهم واللا شنو؟
|
Post: #13
Title: Re: من هم هؤلاء الناس الذين تحدث عنهم البشير في الدامر؟
Author: HAIDER ALZAIN
Date: 01-25-2011, 02:05 PM
Parent: #11
عليك الله عمر البشير دا لو ماريح ليهو نضمي سااي .. دا كلام يقولوا في الدامر وبربر ..
ناس بربر ديل مطاعم السمك الاشتهرو بيها هسسع قلبت فاصوليا
والدامر دي من قفل مصنع الليموناضة - ابو قزازة خضدرا - بتاع السكة حديد تاني يسمهم ي البارد
تمشي كلية التجارة الدامر تعزم جكسوية بارد ما تلقي الا كركدي مبلول وعملو منه زي خمستاشر برميل بلاستيك ازرق.. ولسع راجياهو خمستاشر برميل تاني
ـــــــ
يا ود البشير عليك الله جنس نضميك دا امشي قولو في الاحفاد ناس بربر والدامر الفيهم مكفيهم
......
تحياتي دكتور سيف النصر.. وراجي قضيتك بتاعت حقوق الانسان هههههه
|
Post: #14
Title: Re: من هم هؤلاء الناس الذين تحدث عنهم البشير في الدامر؟
Author: سيف النصر محي الدين محمد أحمد
Date: 01-25-2011, 02:06 PM
Parent: #11
| Quote: الحاجة الباردة والتحليات دى ما بنقلوها بالعربات والعربات دايرة بنزين!!!!! |
تحياتي يا دكتورة
تبريرك ده رغم انو قصدك منو السخرية لكن ما تستغربي إذا سمعتيهو
من مسؤول كتبرير رسمي. هسه عليك الله ممكن تصدقي انو رفع الدعم
عن السكر و البنزين لا يتضرر منه الفقراء بل المتضررين هم فقط
الاغنياء بتاعين التحلية تلاتة مرات ديل؟؟
اذا اي كلام مهما بدا غريبا يمكن أن يستخدم من قبل الجماعة كتبرير
لسياسة ما.
|
Post: #15
Title: Re: من هم هؤلاء الناس الذين تحدث عنهم البشير في الدامر؟
Author: سيف النصر محي الدين محمد أحمد
Date: 01-25-2011, 04:41 PM
Parent: #14
| Quote: كم حاجة باردة كان بيشربها في الشهر،،، وكم بيشرب يومياً الآن؟؟؟ |
سلامات يا الشايقي
هو البشير براهو؟
الكيزان كلهم بصمة خشمهم حالهم اتغير من حال إلى حال و عرفوا
درب الحاجات الباردة و الساخنة و التحليات بكل انواعها المنظورة
و غير المنظورة، غايتو عمر ده حقو يوزن كلامو قبال ما يفكو في الهوا.
|
Post: #16
Title: Re: من هم هؤلاء الناس الذين تحدث عنهم البشير في الدامر؟
Author: جمال المنصوري
Date: 01-25-2011, 04:53 PM
Parent: #15
دكتور سيف
كيف حالك واحوالك..
| Quote: من هم هؤلاء الناس الذين تحدث عنهم البشير في الدامر؟ |
ياجوج وماجوج
| Quote: من اين جاء هؤلاء؟. |
من كل حدب وصوب
مودتي
|
Post: #17
Title: Re: من هم هؤلاء الناس الذين تحدث عنهم البشير في الدامر؟
Author: سيف النصر محي الدين محمد أحمد
Date: 01-25-2011, 05:15 PM
Parent: #16
| Quote: يااخونا الزول ده مافى زول عاقل من الجيش الجرار الحايم وراه ده يعقله |
سلام يا نوراني
واضح انو المسائل كلها بتم بطريقة "الهبتلي"، عموما الرئيس بيجي
حافظ ارقام و اسماء مشاريع و بيكون مذاكرها كويس لكن ما عدا
ذلك فكلو خبط عشواء.
|
Post: #18
Title: Re: من هم هؤلاء الناس الذين تحدث عنهم البشير في الدامر؟
Author: إدريس البدري
Date: 01-25-2011, 05:22 PM
Parent: #16
Quote: "الدعم مستفيدين منو الناس البشربوا الحاجة الباردة عشرة و عشرين
مرة في اليوم و بياكلوا التحلية بعد كل وجبة". |
هي اصلا فاكة من زمان
لكن المرة دي عدم المروة وفكت صااااااااااااح
|
Post: #20
Title: Re: من هم هؤلاء الناس الذين تحدث عنهم البشير في الدامر؟
Author: سيف النصر محي الدين محمد أحمد
Date: 01-26-2011, 07:43 AM
Parent: #18
| Quote: لو ما طلعت الامهات والاطفال ,,والبنات,,صدقونى مافى تغير |
فليخرج الجميع اذن.
تحياتي يا ابوقوتة.
|
Post: #21
Title: Re: من هم هؤلاء الناس الذين تحدث عنهم البشير في الدامر؟
Author: سيف النصر محي الدين محمد أحمد
Date: 01-26-2011, 08:00 AM
Parent: #20
| Quote: والإنسان في البلد دي كائن هلامي لا يري بالعين المجردة |
يا خضر حسين
اياك و الاحباط يا صديقي.
الانسان قادر على الفعل، و هو صانع التاريخ رغم أنف الفلاسفة
و المفكرين و الطغاة. و التقدم يا صديقي حقيقة تاريخية لا
جدال فيها. إذن التغيير قادم و هو حتما سيكون تغييرا نحو الأفضل.
|
Post: #22
Title: Re: من هم هؤلاء الناس الذين تحدث عنهم البشير في الدامر؟
Author: ibrahim alnimma
Date: 01-26-2011, 08:58 AM
Parent: #21
Quote: "الدعم مستفيدين منو الناس البشربوا الحاجة الباردة عشرة و عشرين
مرة في اليوم و بياكلوا التحلية بعد كل وجبة".
فمن هم هؤلاء؟ |
هيههههههههههههه...............ازيك يادكتور :::::
ياخي لو صح كلام البشير دة بكونو الناس المستهدفهم البشير ماعارفين، لانهم صفقو للقرار ده جنس تصفيق وجنس تكبير يازووووووووول كأنه اكتشفته عبقرية ما كانوا يحلمون بان المؤتمر الوطني يمكن ان يضم في عضويته اناس بهذا القدر من العبقرية والذكاء............
وكأن القرار لم يسبقهم له نميري .......ولا بن علي
الناس دي يبدو انهم ماعارفين انه الرئيس بيستهدفهم بهذا القرار .......نطالبهم بالاحتجاج علي هذه الخطوة التي تستهدفهم ......وكامل تضامنا معهم ونقول لهم ماضاع حق وراءه مطالب فهموا الي الاحتجاج يااهل البرلمان المنتخب .
|
|