Post: #1 Title: عوضيه ست السمك في MBC fm Author: طارق ميرغني Date: 01-23-2011, 09:50 AM
تفاجأت امس وانا اقود سيارتي في شوارع الرياض
بلقاء مطول مع عوضيه ست السمك
Post: #2 Title: Re: عوضيه ست السمك في MBC fm Author: طارق ميرغني Date: 01-23-2011, 09:56 AM Parent: #1
تعجبت لان اللقاء اذيع هنا في ام بي سي المسموعة علي ما اعتقد
فقط في دول الخليج
Post: #3 Title: Re: عوضيه ست السمك في MBC fm Author: طارق ميرغني Date: 01-23-2011, 09:58 AM Parent: #2
لم اتفاجأ فقط باللقاء
ولكني اعجبت بسيرتها العطره التي تناولتها المذيعه
Post: #4 Title: Re: عوضيه ست السمك في MBC fm Author: الامين موسى البشاري Date: 01-23-2011, 10:04 AM Parent: #3
Quote: ولكني اعجبت بسيرتها العطره التي تناولتها المذيعه
اكيد المذيعة ضــربت ســمك عند عــوضية أكيد نجاحها يا طارق لم يأتي من فراغ عوضية مثال للمرأة المكافحة التي تاكل من عرق جبينها ومثال لســـيدة الأعمال الناجحة .. ..
__ طارق ... ســـلام يا زول
Post: #5 Title: Re: عوضيه ست السمك في MBC fm Author: عبد اللطيف بكري أحمد Date: 01-23-2011, 10:06 AM Parent: #3
الحبيب سلام،،
سيرة فعلاً تستحق الإحتفاء،،
=
مافي (ماما) قراصة ؟؟
الجمعة الجاية قالوا الحلقة : صينية (حسونة) !!
Post: #6 Title: Re: عوضيه ست السمك في MBC fm Author: طارق ميرغني Date: 01-23-2011, 10:08 AM Parent: #5
بالفعل اخي الامين
كون سعتها تسافر قبلها خارج حدود مش امدرمان
حدود السودان
هذا بالطبع انجاذ بالضراع
Post: #7 Title: Re: عوضيه ست السمك في MBC fm Author: محمد عبد الماجد الصايم Date: 01-23-2011, 10:15 AM Parent: #6
الغريبة أنا أمس برضو كنت سايق سيارتي في شوارع الرياض! لكن الحوار دا ما قابلني كلو كلو!! يكون من شنو يا ربي؟
Post: #8 Title: Re: عوضيه ست السمك في MBC fm Author: احمد محمد احمد عتيق Date: 01-23-2011, 10:18 AM Parent: #7
الاستاذ طارق كيفك ...انشاء الله بخير ...
وبرضو كان معاها لقاء في تلفزيون الام بي سي ..برنامج في اسبوع ..
يوم الخميس افتكر ..
Post: #9 Title: Re: عوضيه ست السمك في MBC fm Author: طارق ميرغني Date: 01-23-2011, 10:34 AM Parent: #8
مافي (ماما) قراصة ؟؟
الجمعة الجاية قالوا الحلقة : صينية (حسونة) !!
اخي عبد اللطيف بكري
قالوا الجمعة الجايه وتحت تحت كده الحلقه عنوانها مامان والقرصان
Post: #10 Title: Re: عوضيه ست السمك في MBC fm Author: طارق ميرغني Date: 01-23-2011, 10:37 AM Parent: #9
الغريبة أنا أمس برضو كنت سايق سيارتي في شوارع الرياض! لكن الحوار دا ما قابلني كلو كلو!! يكون من شنو يا ربي؟
يا ود الصايم
لو رجعت خلف كان سمعتو
وبالناسبهاهديك الصحن التحت ده
ياخي حاول طلع لينا اللقاء ده من ارشيف MBC
Post: #11 Title: Re: عوضيه ست السمك في MBC fm Author: طارق ميرغني Date: 01-23-2011, 10:42 AM Parent: #10
اخي احمد عتيق
كيفك واحوالك ؟
من هنا نناشد ود الصايم ان يبحبت لينا في ارشيف الام بي سي
عن هذين اللقائين ويتكرم بانزالهما
Post: #12 Title: Re: عوضيه ست السمك في MBC fm Author: محمد عبد الماجد الصايم Date: 01-23-2011, 10:47 AM Parent: #11
والله يا عمكـ جارية المحاولات للحصول على التسجيل!
Post: #13 Title: Re: عوضيه ست السمك في MBC fm Author: طارق ميرغني Date: 01-23-2011, 10:49 AM Parent: #12
والصحن دا يا ود الصايم هديه لتمبس
كبير سمكنجية حي المورده
ومشكوره الاخت احلام وهبي علي الصحنين
Post: #14 Title: Re: عوضيه ست السمك في MBC fm Author: طارق ميرغني Date: 01-23-2011, 10:55 AM Parent: #13
لاول مره في هذا اللقاء اعرف انها معاقه
وناضلت نضال شرس لتصل الي هذه المرحلة كاشهر بائع سمك
في سوق المورده وبالتالي في امدرمان وبالتالي في السودان
Post: #15 Title: Re: عوضيه ست السمك في MBC fm Author: يوسف السماني يوسف Date: 01-23-2011, 11:13 AM Parent: #14
العزيز طارق ميرغني تحياتي
Quote: لاول مره في هذا اللقاء اعرف انها معاقه
وناضلت نضال شرس لتصل الي هذه المرحلة كاشهر بائع سمك
شاهدت لها لقاء عبر احدي القنوات الفضائية قبل فترة ولا اتذكر اسم القناة وهي تحكي قصة نضالها منذ بدايتها الي ان اصبحت من اشهر النساء اللاتي تحدين المصاعب والزمن وقهرن المستحيل . الاعاقة لم تقعدها بل جعلتها اقوي من الاصحاء ولعل لقصتها جانب انساني اخر لم يذكر هو ان عوضية تنفق علي كثير من الاسر الفقيرة والطلاب والمحتاجين .
Post: #16 Title: Re: عوضيه ست السمك في MBC fm Author: tmbis Date: 01-23-2011, 11:58 AM Parent: #13
Quote: والصحن دا يا ود الصايم هديه لتمبس كبير سمكنجية حي المورده
.. شكرا يا هندسـة .. على الهامور . والكنعد .. الطشاش في بلد العمي شـوف .. تقولي هدية وتجيب لي كنعد خالي شوك ؟ .. إنت يا باشمهندس بتستهين بي مقدراتنا في قزقزة السمك .. إنت قايلني حيدر الزين بتاع الجمبري واللا ود الصايم زول بتاع قراريص ..؟ ياخ نحن في الموردة بنشوف الهيكل العظمي الشوكي بتاع السمكة بنعرفه مولوده سنة كم وعمرة كم سنـة .. وعامت وغطست كم مرة ولفت ودورت عكس التيار كم دورة وكم لفـه حتين دخلت الصاج .. تاني لما تجو تهدو لينا سمك .. اهدونا من بلطي وقرقور وعجل ودبس ولي فوق .. نحن ناس بتاعين قزقزة وبناكل بعد الفارات ناس ود الصايم وعمك وهبـة والعوض المسلمي وبقية منسوبي سودانيزاونلاين بعدما ينفضو يدهم من الصحن التحية من هنـا لي عوضية وقدرت تحجز ليها موقع مميز جدا وسط حارة الصيادين بي شغله الجيد .. ويدها المبسوطة لفعل الخير .. ربنا يوسع ليها في رزقها .. واقترح من هذا المنبر .. إنو يتم إدراج (عوضية) ضمن قائمة الاسهم العالمية .. البورصة .. في نيكاي او داوجونز .. إلخ تحت مسمى .. (اسماك عوضية) .. تعرف يا باشمهندس .. لي يومين بالتمام والكمال مشتهي لي حلة بتاعت (روسين قراقير) تحت القيفه بتاعت مسجد النيلين .. معمولة بي موية البحــر .. تحبس بعديها بي سجارة اي كان لونهــا أو ماركتها أو مزروعـة ووين زاتو .. السجارة بعد حلة القراقير بتمسك مسكة شديدة خلاص .. اي كانت السجارة .. ح اجيك راجع يا هندسة .. بس ارمي الفي يدي دا .. لانو نداء النيل دا هيج اشجاني جدا ..
Post: #17 Title: Re: عوضيه ست السمك في MBC fm Author: خالد المحرب Date: 01-23-2011, 12:12 PM Parent: #16
Quote: مافي (ماما) قراصة ؟؟
الجمعة الجاية قالوا الحلقة : صينية (حسونة) !!
عبد اللطيف بكرى ات عمنا حسونا ماعندو غير الصينيه بتاعتو دى والله كرهنا بيها قول ليه غير المنقا دى شويه شنو شا بكنا صينية سمك فى كل جلسه ...... طروقى ات اعمل لينا صينية عكاوى بى البشميل واعزم الشباب يوم الخميس عزابه حالتكم تحنن انا ابرا منكم
Post: #18 Title: Re: عوضيه ست السمك في MBC fm Author: طارق ميرغني Date: 01-23-2011, 12:21 PM Parent: #17
بالفعل اخي يوسف السماني
المذيعة تطرقت الي الجانب الانساني ومساعدة الفقراء والمساكين الذي تقوم به عوضيه
وقامت بعمل لقاء مع احد العاملين معها وهو شاب خريج جامعي عاطل عن العمل جاءها في محلها
فعرضت عليه العمل معها وبالفعل الان هو مساعد للحاجه عوضيه
ربنا يوفقها
Post: #19 Title: Re: عوضيه ست السمك في MBC fm Author: طارق ميرغني Date: 01-23-2011, 12:37 PM Parent: #18
انت عارف يا تمبس قبل كده كنا بناكل سمك في بحري وجانا واحد
مدعي انو سمكنجي واداها نظره الي الصينيه وقال :
انتو ما بتعرفوا تاكلوا سمك ...!!!
نط واحد من اصحابنا بتاعين المزاج قال ليهو:
والله نحن السمكه دي بناكل فيها حته هي ذاتا ما عارفاها فيها ..
تقول لي قال.........
يا تمبس نحن زمان وكت شغالين في الحكومه كنا بنركب اللاندروفر
كويسه اللاندروفر دي ؟
ونمشي ابوروف ناكل سمك قرقور ونفرشوا في جريده علي الشاطيء
عند واحد اسمو بله الراجل ده لسه شغال ولا خلا الشغله دي ..؟؟
Post: #20 Title: Re: عوضيه ست السمك في MBC fm Author: داليا الكباشى Date: 01-23-2011, 12:42 PM Parent: #18
عمـو طـارق ازيكـ ,,
لي كم يوم مشتهيه السمك بشده , لكن وحياتك كل ما يشتد بي الشوق اليه , واتذكر اني حا امشي انقي سمك (جثث) من اي من اسواق الرياض (البارده), او انني ساتنقل بين (البندات) و (الكارفورهات) لانتقي (سمكات) (ميته) اناولها للمصري لينظفها ويعطينيها في كيس ويلحق بيه (باركوود) ,, أحجم عن الفكره كوولها .. وانتقل الى التفكير بـ (ملاح ويكه) كاااارب اصنعه بي مزاااج في مطبخي المتواضع ,مشكلا سيمفونيه جذابه مع (قراريص) حااااره يتصاعد بوخها في هذا الشتاء القارس ..
يوم الليله داا, كان نفسي في سمك , لكني قررت بسرعه طرد الفكره (الجثثيه) من رأسي , واستبدال الغداء بـ (مسقعـه) مسبكه في الفرن (^_^)
بجي راجعه لي بوستيك دا تاااني ,, واحتمال اخليهو يحصل بوست العده داكـ .. خاصه وانو البورد يمر بمنعطف خطـيير (^_^)
Post: #21 Title: Re: عوضيه ست السمك في MBC fm Author: طارق ميرغني Date: 01-23-2011, 12:58 PM Parent: #20
Quote: طروقى ات اعمل لينا صينية عكاوى بى البشميل
يا شيخ المحرب
اجازة عيد الفطر الفات قضينا اجازه ممتعه مع صديقي البروفسير معاويه شداد بالدمام
وهو ما سمكنجي زي تمبس وداليا لكنه لحمنجي درجه اولي
بس ما قلت ليهو فوزيه دي بتكرب كوارع درجه اولي
تاني يوم من الصباح جاني قال لي ارح سوق اللحمه
مشينا مش جبنا كوارع بس
جبنا كوارع وعكو وكبدة ابل
واصر يتعملوا كلهم في يوم واحد
وتعال شوف عينيك ما تشوف الا النور
يضرب ويشخر
والحاله عندو سكري
ما عارف لو عندو نزله كان عمل شنو؟؟؟
Post: #22 Title: Re: عوضيه ست السمك في MBC fm Author: طارق ميرغني Date: 01-23-2011, 01:04 PM Parent: #21
اووو الدكتوره داليا
حمد الله علي السلامه ومبروكه العمره والعمره بالضمه والفتحه
بالفعل ناس بندا عندهم سمك الفيليه المبرد ما بديل لكنو ما بطال
تمبس: عرض ولمرة واحدة: عندي بحيرة بلطي أهلها قالو وزعوها: تدفع فيها كم؟؟
Post: #46 Title: Re: عوضيه ست السمك في MBC fm Author: طارق ميرغني Date: 01-27-2011, 02:47 PM Parent: #11
بحمد الله تم اليوم اللقاء مع الحاجه عوضية
وحدث لقاء مطول معها في معية نسيبي دكتور عماد شريف واخي محمد ميرغني
وتم التقاط العديد من الصور
بس زمن لتحميض الافلام
تحياتي
Post: #112 Title: Re: عوضيه ست السمك في MBC fm Author: الطيب شيقوق Date: 03-07-2011, 09:15 PM Parent: #11
Quote: اكيد المذيعة ضــربت ســمك عند عــوضية أكيد نجاحها يا طارق لم يأتي من فراغ عوضية مثال للمرأة المكافحة التي تاكل من عرق جبينها ومثال لســـيدة الأعمال الناجحة
Post: #25 Title: Re: عوضيه ست السمك في MBC fm Author: رانيه محمد الشيخ Date: 01-23-2011, 02:50 PM Parent: #7
ود الصايم انت طوالى ما جادى كده :)))))))))))))))))))))) ضحكتنى الله يديك العافيه
لكن عوضيه فعلا مثال للمراه المكافحه الناجحه بشرف
Post: #26 Title: Re: عوضيه ست السمك في MBC fm Author: طارق ميرغني Date: 01-23-2011, 05:32 PM Parent: #25
يا اخوانا وين صاحبنا القال بفتش المولد ويجي
ود الصايم ... عمل نايم...!!!
Post: #27 Title: Re: عوضيه ست السمك في MBC fm Author: Kamal Karrar Date: 01-23-2011, 07:38 PM Parent: #26
والله يا طارق مع سيرة النجاح دي..
ضيعنا مستقبلنا ساااااااكت...
يا أخي لما كنا بنقعد جنب القيف.. ما أظن عوضية ولدوها...
جات أكتشفت الإكتشاف المذهل ده .. وتقول لي برضو
الأميرية والبوكسنج والجامعة...
أقول ليك ضيعت مستقبلك اسبوتنج ساي يا طارق...
Post: #28 Title: Re: عوضيه ست السمك في MBC fm Author: حبيب نورة Date: 01-23-2011, 10:52 PM Parent: #27
أجدع تحية للسماكية
أحيي عوضية سمك ياخ
Post: #29 Title: Re: عوضيه ست السمك في MBC fm Author: محمد المرتضى حامد Date: 01-23-2011, 11:26 PM Parent: #28
Quote: قالوا الجمعة الجايه وتحت تحت كده الحلقه عنوانها مامان والقرصان
غايتو دي يا طارق موّهت فيها يمين وجدعتها شمال في التمانيات وخَلَّيت حارس المرمي يتعشى نجيله.. التحايا العطره لمامان القرصان الكاريبيان ، منذ النعام آدم مختفي ، قل له بان وليك الأمان.. أما تمبس فقد قدم عرضا يضاهي أعمال شوقي بدري في حكاوي أمدرمان ، والله يا طارق أولاد أمدرمان ديل البلطي كان بيغني لسنارتم ، ديل أبَّهاتم كانوا بيركبوا الترماج عكس وبينزلوا عكس، تعجبني يا تمبس ما تخلي أولاد بحري يسكسكوا جنب السُكي بهناك ويتشفتنوا ورا الطابيه..
إنت يا طارق مسؤول من الخير ، ضلافين وعِكو وضلعه وكبدة جمل ، دا معاويه شداد ول عنترة بن جاغوار؟
Post: #30 Title: Re: عوضيه ست السمك في MBC fm Author: طارق ميرغني Date: 01-23-2011, 11:38 PM Parent: #29
والله يا اخوي كمال لمن كنا بنقعد علي القيف لو تذكر
علي بيتش بري الناس ما كانت عارفا نحن بنعمل في شنو..
تتذكر؟
Post: #31 Title: Re: عوضيه ست السمك في MBC fm Author: عمر موسي منجي Date: 01-24-2011, 00:20 AM Parent: #30
الاخ طارق سلامات بعد اذنك
Quote: الغريبة أنا أمس برضو كنت سايق سيارتي في شوارع الرياض! لكن الحوار دا ما قابلني كلو كلو!! يكون من شنو يا ربي؟
عربيتك " هكره" و ما فيها راديو و بس تحياتي ود الصايم
Post: #32 Title: Re: عوضيه ست السمك في MBC fm Author: طارق ميرغني Date: 01-24-2011, 10:10 AM Parent: #31
شكرا اختنا رانيه واخي حبيب نوره علي المرور
Post: #33 Title: Re: عوضيه ست السمك في MBC fm Author: كمال ادريس Date: 01-24-2011, 10:52 AM Parent: #32
Quote: السيدة عوضية.. أشهر بائعة سمك في الخرطوم حكاية نجاح سودانية
الخرطوم: سهام صالح قادتها رؤية في منامها لتصبح أشهر بائعة سمك ليس في العاصمة السودانية الخرطوم فحسب، بل في عموم السودان. إنها السيدة عوضية، المولودة في الخرطوم، والتي تعود أصولها إلى جبال النوبة. هذه السيدة النشيطة لم تمنعها إعاقتها الجسدية ولا أنوثتها من شق طريقها بنجاح من أجل الحصول على ما يسد حاجة أولادها من مأكل ومشرب وما إليها من ضروريات الحياة اليومية الصعبة ومتطلباتها. ولقد ركبت الصعاب لكي تساعد زوجها سائق العربة «الكارو» على زيادة دخل الأسرة، فبدأت ببيع «اللقيمات» بجانب صديقتها بائعة الشاي، وقد اتخذتا من صفاف الموردة في أم درمان مكانا للبيع لكن المحليات - أو السلطات المحلية - يومذاك كانت لهما بالمرصاد. تقول عوضية، التي هي اليوم صاحبة أشهر محل لبيع السمك في السودان، إن اليأس بلغ بها مداه بعد ملاحقة المحليات نشاطها البسيط في بيع «اللقيمات»، فتوضأت وصلت لترى البحر والسمك والصيادين في منامها.. وكان هذا الحلم فاتحة خير عليها وعلى أولادها وأقاربها. فبعدها قررت أن تعمل في تحضير الإفطار للصيادين في البحر - أي نهر النيل - من خلال تتبيل السمك وتحميره في صاج صغير كانت تحمله معها لعمل «اللقيمات» في السابق. ونالت عوضية شهرة بين الصيادين «الذين شجعوني على الاستمرار، إلى أن قررت استئجار دكان صغير لم أكن أملك قيمة إيجاره، لكن دعم الصيادين لي ساعدني كثيرا». وتروي عوضية قصتها: «كنت آخذ منهم السمك في الصباح، وبنهاية اليوم أسدد ما علي من التزامات حتى كبر المحل وتوج رحلة كفاحي على امتداد 17 سنة. واليوم تبلغ مساحته 1500 متر مربع، وهو مجهز بكل ما يلزم، ثم إنه يحمل ماركة مسجلة باسمي هي (أسماك عوضية)..». وتضيف: «إن ما يميز محلي الآن أنك تجد جميع فئات السودانيين متحلقين حول وجبة سمك ويأكلون بشهية وتلذذ نادرين برغم كل ضغوط الحياة.. ولا تفارق البسمة وجوهم وهم يستمتعون بأكل أسماك النيل الطازجة». عوضية تؤكد أن سر نجاحها ليس الخلطات أو «التتبيلة»، كما يقال، بل هي «بركة من عند الله وحرصي على الإشراف بنفسي على كل صغيرة وكبيرة.. بدءا من اختيار نوع السمك ومنه إلى طريقة تتبيل السمك وقليه.. وصولا إلى التحكم الكامل في مستوى الجودة والنظافة والاهتمام المباشر والشديد بالبيئة لحساسية رائحة السمك. ولذلك رفضت فتح أي فرع لمحلي هذا لأنني أدرك سلفا عجزي عن إدارته بالكفاءة العالية نفسها». غير أن عوضية تسعد بالقول إن زبائنها يقدمون اقتراحات كثيرة، وهي دائما ترحب بها وتأخذها في الاعتبار، وهو ما ساعدها جدا على تطوير المحل، وأسهم في ذيوع شهرته «من دون الحاجة إلى الاستعانة بالدعاية والإعلانات لجذب الزبائن». أما عن الأسماك المفضلة عند زبائن محلها، فقالت عوضية: «إن السودانيين يفضلون كل أنواع أسماك النيل.. وهي تصلنا طازجة يوميا إلى المحل». إنصاف محمد علي، وهي من مدينة ربك (300 كلم) عن الخرطوم، قالت لـ«الشرق الأوسط» عندما التقتها في المحل: «حضرت إلى المحل خصيصا لأنه مشهور بطعم السمك المميز جدا، واليوم دعوت أختي وابني لوجبة سمك يبقى طعمها حتى نعود إلى مدينتنا». وأضافت إنصاف أنها «معجبة بالسيدة عوضية، صاحبة المحل، لأنها سيدة ناجحة ومحسنة، معروف عنها أنها ترسل وجبات كل يوم خميس أو جمعة لأطفال السجينات في سجن أم درمان للنساء، وهذا ما زاد من أعداد قاصدي محل أسماك عوضية. فهم يعرفون إن جزءا مما يدفعونه سيساهم في تغذية أطفال السجون، بل إنها تتخير أن يكون هذا السمك خاليا من العظم ليكون وجبة سهلة الهضم على الأطفال». وعلق صلاح الطيب، أحد زبائن المحل، قائلا: «إن الازدحام في المحل يدل على مدى تميز طعم السمك هنا، بالإضافة إلى أن كمية السمك الموجودة في الوجبة كبيرة والسعر مناسب وينافس كل المحلات المشابهة.. وما يزيد من تميز المحل شوربة السمك التي تشتهر السيدة عوضية بصنعها بشكل فريد، والتعامل الراقي من قبل صاحبة المحل المعروف عنها أنها شخصية عصامية بدأت من الصفر، وها هي اليوم تدير محلا يدر عليها آلاف الجنيهات يوميا، ويقال إن دخلها اليومي يقدر بـ10 آلاف جنيه». ومن جهة ثانية، أكد عبد القادر علي، وهو تاجر، أن «من يأكل من أسماك عوضية لا بد أن يعود مرة أخرى، وهذه ثاني زيارة لي إلى المحل. أحيانا تتصور أنك في أول أيام العيد نظرا لكثافة أعداد الناس والحركة النشطة وهمهمات الزبائن وضحكاتهم، وسط رائحة السمك المقلي وهي تعبق المكان. ثمة حميمية وألفة.. ثم إن الأسعار مغرية». ويتمنى عبد القادر لو يوجد عدد أكبر من مستوى هذا المحل من حيث الجودة، «فالسودانيون فعلا محرومون من الاستمتاع بأكل السمك اللذيذ الشهي بالرغم من وجود النيلين في السودان. والجميل لدى أسماك عوضية أنها تعطيك خدمات إضافية خارج طلب السمك مثل زيادة في طلب السلطات أو العصائر أو الشوربة». طارق جحا، أيضا من زبائن المحل، وفي حوارنا معه، قال: «السيدة عوضية سيدة أعمال ناجحة لأنها استطاعت أن تجذب محبي السمك بطرق مختلفة من خلال التنظيم المتقن لملحقات أكل السمك.. مثل التوابل الحارة والسلطات. فهي تبيع أكثر من 1500 طلب سلطة في اليوم، كما علمت، ويتفرد المحل بالبساطة في الديكور وحسن التنظيم في الوقت نفسه». وأردف: «على الرغم من دخول أسماء معروفة في الوطن العربي للعمل في هذا المجال في السودان اليوم، تظل أسماك عوضية تتميز بنكهة مميزة».
Post: #34 Title: Re: عوضيه ست السمك في MBC fm Author: طارق ميرغني Date: 01-24-2011, 11:06 AM Parent: #33
اخي المستشار محمد المرتضي
الجمعه الماضيه اثر دعوة غداء من الشوايقه اتغدينا مع الاخ مامان قراصه متميزه بس يقول ليك ابطحا
وعينيك ما تشوف النور من نارو يا حبيب تمبس صديقي مديني تابعيه علي امدرمان بجانب ان اهلنا من كبار ناس امدرمان ناس يوسف الفكي واخوانه عطيه وغيرهم وناس الضرير عرفتهم اها ماخد التابعية ولا لا. والله يا ود المرتضي معاويه دا لحمنجي لدرجه ما تتصورا وبعدين يلتهم ما لا يقل عن ثلاثه كيلو لحمه في اليوم
Post: #35 Title: Re: عوضيه ست السمك في MBC fm Author: طارق ميرغني Date: 01-24-2011, 11:19 AM Parent: #34
يا عمر موسي
صاحبك ود الصايم ما عارفين نقول عنو شنو...
فكو وطار
ولا كب الزوغه
مما وعدنا يجيب التسجيل لي هسع ما شفناه تاني
يا ربي بيفتش في تسجيل ميلاد عوضيه..؟؟
Post: #36 Title: Re: عوضيه ست السمك في MBC fm Author: محمد عبد الماجد الصايم Date: 01-24-2011, 12:53 PM Parent: #31
Quote: عربيتك " هكره" و ما فيها راديو
غايتو يا عمر منجي بالغت! أنا لو عربيتي هكرة طارق دا بكون ماشي بكرعيهو!!
Post: #37 Title: Re: عوضيه ست السمك في MBC fm Author: محمد عبد الماجد الصايم Date: 01-24-2011, 01:19 PM Parent: #36
رانية يا حبيبة يا سودانية نعمل شنو ياخ .. إنتي قايلة الدُنيا دي فيها شنو! بعدين البورض دا زاتو غير الخستكة ما بتنفع معاو!!
Post: #38 Title: Re: عوضيه ست السمك في MBC fm Author: طارق ميرغني Date: 01-24-2011, 01:24 PM Parent: #37
Quote: أنا لو عربيتي هكرة طارق دا بكون ماشي بكرعيهو!!
ما اصلو وفي واحد يا ود الصايم بيمشي بي ايديهو ؟؟؟؟
خلينا من ده وين التسجيل الاذاعي والتلفزيوني؟؟؟
Post: #39 Title: Re: عوضيه ست السمك في MBC fm Author: Abuobeida Ali Abdullah Date: 01-24-2011, 01:24 PM Parent: #36
Quote: أحجم عن الفكره كوولها .. وانتقل الى التفكير بـ (ملاح ويكه) كاااارب اصنعه بي مزاااج في مطبخي المتواضع ,مشكلا سيمفونيه جذابه مع ( قراريص) حااااره يتصاعد بوخها في هذا الشتاء القارس ..
أنا :
Quote: باص لود الصايم جوة خط ستة
Post: #42 Title: Re: عوضيه ست السمك في MBC fm Author: طارق ميرغني Date: 01-24-2011, 05:42 PM Parent: #41
اخي كمال ادريس
مشكور علي المعلومة الثره عن عوضيه
ربنا فتح عليها لمساعدتها الفقراء والمساكين
اتمني ان ازورها في الايام القادمه ان شاء الله
Post: #43 Title: Re: عوضيه ست السمك في MBC fm Author: 7abib_alkul Date: 01-24-2011, 06:21 PM Parent: #42
العزيز طارق عوضية صارت رمز من رموز امدرمان لها نكهة فى الطعم و المكان نسأل الله ازيدها صحة ومال اما عن سؤالك عن بلة بتاع ابروف ايضا كان يسير فى اتجاه عوضية من حيث الشهرة ولكن باغته احدهم و قيل انه مجنون بطعنة سكين فى حى الموردة امام منزله وتوفى الى رحمة مولاه واستمر ابناءه فى المحل ولكن ليس كوالدهم فى تجويد الصنعة مع أحترامى
Post: #44 Title: Re: عوضيه ست السمك في MBC fm Author: طارق ميرغني Date: 01-24-2011, 07:25 PM Parent: #43
البوست ده مفتوح من شواية الموردة ولا شارع الوشم
اخي ابو عبيده
عرفت كيف ؟
تصور لمن سمعت اللقاء انا كنت في اشارة الوشم تقاطع الملك فهد
وبعدين زي ما قال كمال وينك وبحري وطراوتا
اخي سنجاوي
باذن الله انا متوجه الي الخرطوم حاحاول في ظل تعنت ود الصايم
ان اعمل معها لقاء سيذاع قبل ما ود الصايم يلقي التسجيل
حبيب الكل
ربنا يرحم العم بله
كان بالفعل سمك خطير والكلام ده كان في 1979 م تصور
Post: #45 Title: Re: عوضيه ست السمك في MBC fm Author: طارق ميرغني Date: 01-26-2011, 06:39 PM Parent: #44
الف تحيه للجميع
من بحري الطراوه احييكم اجمعين
ومنتظر تسجيل ود الصايم لحدت الان
غدا باذن الله مواعيدي للذهاب فطورا الي عوضيه ست السمك
وساوافيكم بالمفيد
Post: #47 Title: Re: عوضيه ست السمك في MBC fm Author: طارق ميرغني Date: 02-06-2011, 08:30 AM Parent: #45
وبدأت الزياره
Post: #48 Title: Re: عوضيه ست السمك في MBC fm Author: طارق ميرغني Date: 02-06-2011, 08:39 AM Parent: #47
الحاجه عوضيهاستقبلتنا بابتسامة عريضة
Post: #49 Title: Re: عوضيه ست السمك في MBC fm Author: طارق ميرغني Date: 02-06-2011, 08:44 AM Parent: #48
الحاجه عوضيه لدي استقبالنا في مدخل المحل المشهور
اخبرتها بانني كتبت موضوع عنها في سودانيزاونلاين
قالت ان عدة جهات اجرت معها لقاءات صحفية واذاعية
Post: #50 Title: Re: عوضيه ست السمك في MBC fm Author: طارق ميرغني Date: 02-06-2011, 08:48 AM Parent: #49
هنا طلبت مني نقل تحاياها الي
جميع اعضاء سودانيزاونلاين ومتصفحي الموقع
Post: #51 Title: Re: عوضيه ست السمك في MBC fm Author: tmbis Date: 02-06-2011, 08:53 AM Parent: #50
قلت ليها بي موضوع الكناكيج واللا طلعتني بي قد القفـة ..؟
Post: #52 Title: Re: عوضيه ست السمك في MBC fm Author: طارق ميرغني Date: 02-06-2011, 08:53 AM Parent: #50
الاخ علي ابن اخت ونسيب الحاجه عوضيه وزراعها الايمن
Post: #53 Title: Re: عوضيه ست السمك في MBC fm Author: طارق ميرغني Date: 02-06-2011, 09:05 AM Parent: #52
يظهؤ معنا في الصورة شقيقي محمد ميرغني
والكاميرا لاخي ونسيبي دكتور عماد شريف
Post: #54 Title: Re: عوضيه ست السمك في MBC fm Author: طارق ميرغني Date: 02-06-2011, 09:14 AM Parent: #53
طشت سمك يظهر في الخلفية
بوادر الهجوم
Post: #55 Title: Re: عوضيه ست السمك في MBC fm Author: طارق ميرغني Date: 02-06-2011, 09:20 AM Parent: #54
ضربة البداية مهداه الي العروسين تمبس وداليا
Post: #56 Title: Re: عوضيه ست السمك في MBC fm Author: عبدالكريم أحمد الامين Date: 02-06-2011, 09:22 AM Parent: #53
** إبن خالى. ** ســـلام وتحياتى لكل الأُسره... ## عوضيه دى لو عملت ليه فرع فى بحرى وبعد شويه فرع فى الخرطوم ,, حتبقى زى كنتاكى ,, أدعو ان يُبسط الله لها فى رزقها وماتقدمه من إحسان للمُحتاجين ## (ودام الود بيننا)
** كسره:- بالله ماتنسى البارسيل بتاع تمبس ...
Post: #57 Title: Re: عوضيه ست السمك في MBC fm Author: طارق ميرغني Date: 02-06-2011, 09:32 AM Parent: #56
لقطه عامه للمحل ويظهر في طرف الصورة الاسفل
اخي د. عماد شريف
Post: #58 Title: Re: عوضيه ست السمك في MBC fm Author: tmbis Date: 02-06-2011, 09:41 AM Parent: #57
Quote: ضربة البداية مهداه الي العروسين تمبس وداليا
غايتو الله يسامحك .. ..
عليك الله يا ابو فؤاد . دي ما سادية حسع البيعمل فيها طارق دي .. ؟
Post: #60 Title: Re: عوضيه ست السمك في MBC fm Author: طارق ميرغني Date: 02-06-2011, 09:51 AM Parent: #57
يا تمبس كنكيج قالوا ماكو
وبدا الميلم
ابن اخي امين عادل ميرغني شخصي واخي محمد
Post: #59 Title: Re: عوضيه ست السمك في MBC fm Author: إسماعيل حميم Date: 02-06-2011, 09:43 AM Parent: #53
طارق وضيوفه سلامات أشبعكم الله سمكاً بلطياً كان أم هامور !
والسيدة عوضية اوسع الله لها في رزقها بقدر جهدها وأكثر
Quote: اما عن سؤالك عن بلة بتاع ابروف ايضا كان يسير فى اتجاه عوضية من حيث الشهرة ولكن باغته احدهم و قيل انه مجنون بطعنة سكين فى حى الموردة امام منزله وتوفى الى رحمة مولاه واستمر ابناءه فى المحل ولكن ليس كوالدهم فى تجويد الصنعة مع أحترامى
حبيب الكل قلت لي كان يسير في إتجاه عوضية !!!!!
يأخ عمنا بلة - عليه ألف رحمه ونور - مما قمت لقيته شغال سمك في ابوروف( أطيب سمك أكلته حتى الأن) ما تقول لي قمت متين . . سمح شهرته تكاد تفوق السبكي وشعيب في الموردة معظم تجار سوق أم درمان فطورهم من بلة ما تركب طراحة ابوروف صباحاً وإلا رائحة السمك تفوح منها
رحمه الله كان رجلاً طيباً دوماً مبتسم محبوباً من الكل شيوخاً وشباب ونساء من اهل الحي وزبائنه لا تخرج من محله إلا وأنت راضي
إسماعيل حميم
Post: #61 Title: Re: عوضيه ست السمك في MBC fm Author: tmbis Date: 02-06-2011, 10:00 AM Parent: #59
Quote: شهرته تكاد تفوق السبكي وشعيب في الموردة
يا حميم .. ياخ السبكي دا في مصـر هناك .. يا هداك الله .. سكي .. سكي .. إنت ما سمعت نصرة زمان كانت بتقول .. السمك دا .. ااايا .. عند سكي دا .. اااي .. إلخ ..؟
Post: #62 Title: Re: عوضيه ست السمك في MBC fm Author: إسماعيل حميم Date: 02-06-2011, 10:12 AM Parent: #61
تمبس يا حبيب السكي السكي السكي عشان ما تزعل – إنت ما عارف إني من جيل مصر في الدراسة
بس عليك الله كلام نصرة دا تموا لي حتى كان بالمسنجر . . سمح أنا راجيك
كل الود إسماعيل حميم
.
Post: #64 Title: Re: عوضيه ست السمك في MBC fm Author: طارق ميرغني Date: 02-06-2011, 10:19 AM Parent: #62
احي اسماعيل حميم
بله رحمه الله كان يبيع بالمقاس مش بالوزن ولا خلافه
يعني يعاين ليك ويعمل اسكاننق ويحدد كم تدفع
لكن لا انسي كان يقلي القراقير بطؤيقه وطعم لا ينسي
Post: #85 Title: Re: عوضيه ست السمك في MBC fm Author: mohamed hussein Date: 02-08-2011, 00:14 AM Parent: #64
Quote: احي اسماعيل حميم
بله رحمه الله كان يبيع بالمقاس مش بالوزن ولا خلافه
يعني يعاين ليك ويعمل اسكاننق ويحدد كم تدفع
لكن لا انسي كان يقلي القراقير بطؤيقه وطعم لا ينسي
لا سلام على طعام..ههههه ياخي ضحكتني لامن شرقت.. بس غلبتنا بالجد في وصفك لي بله الله يرحمه ويحسن إليه. بس قصة الإسكاننق دي معروفة في أبوروف برضو عند عمنا الجان الله يرحمو ويحسن إليه.. تطلب أجمل فول في الدنيا وتحبس بالبزيانوس على أنغام أم كلثوم وعمرك ما تنسا أجمل طعم لي أجمل فول في الذي مضى. عمك الجان كان بيقول كم نفروبس، بعد داك هو بيقوم بالباقي والحساب بعد الأكل. أها الواحد لمن يسألو حسابك كم يقوم يطنطن ليك بي كلام زي ٣ امم و٤ اممم وخمسة .. يبقى الحساب خمسة جنيه - من القديييم القبل الدينارـ ونتمها غلاط وشكل وحتماً حتنتهي بضحكة مجلجلة لجميع الحضور.. رحم الله الذين مضوا من ذلك الزمن الجميل.
وربنا يكتب سلامة الرجعة
Post: #63 Title: Re: عوضيه ست السمك في MBC fm Author: عبدالكريم أحمد الامين Date: 02-06-2011, 10:14 AM Parent: #61
Quote: عليك الله يا ابو فؤاد . دي ما سادية حسع البيعمل فيها طارق دي .. ؟
** تمبس .. **ســلام .. ## مايفعله إبن خالى يُسمى فى القانون :- الإستفزاز الشديد المُباشر وخاصةً أنه يُمارسه فى مضاربكم .. ** لو منك أشوف أقرب طياره مُغادره للخرطوم لوضع الأمور فى نصابها ,, بس مشكلتكم فى السعوديه حكاية خروج وعودة هى المُعقده الأمور.. (تحياتى للمدام مع طيب المقام) (ابو محمد فؤاد)
Post: #65 Title: Re: عوضيه ست السمك في MBC fm Author: طارق ميرغني Date: 02-06-2011, 10:23 AM Parent: #63
ابن عمتي عبد الكريم
يا خي انت من زمن تمبس بتاع بلطي ومزز
ياخي دا بقي بتاع مجمد سااااااااااااااكت
واسال الدكتوره قربت تحرد السمك
Post: #66 Title: Re: عوضيه ست السمك في MBC fm Author: طارق ميرغني Date: 02-06-2011, 10:31 AM Parent: #65
بعد الاستقبال الحافل من الحاجه عوضيه عينت لنا مباشره
لتلبية الطلبات
في الصوره د, عماد شريف وتظهر المباشره
Post: #67 Title: Re: عوضيه ست السمك في MBC fm Author: محمد عبد الماجد الصايم Date: 02-06-2011, 11:10 AM Parent: #66
طارق يا عمكـ .. جاتني حاجة بالإيميل ما تخلص! تمبس مرشوش فيها رشّ السليقة!
Quote: (تمبس) ده عامل فيها (كييف) سمك.. ويقول ليك قرقور محمر.
يا أخي في زول يأكل (قرقور) محمر.. ويجلي سمك (الدبس) الأحلى سمك، ولا (الكأس) الزيو في السمك ما فيش.. يعدان من أطعم أنواع السمك.. بس شوكهم كتير خلاس وما يأكلهم إلا معلم.. وأسأل حواتي، ولا تسأل (كييف).
ولا (الباتكويا) ولا (الكدن)، وديل ما أظن سمع بيهم أصلاً. ___________________________
والله صاحبنا تمبس طالع بيكم الجو طلعة، وأتاريهو (قادي) سمك، لأنكم لاقيكم (فارات).
احترامي للجميع.
Post: #68 Title: Re: عوضيه ست السمك في MBC fm Author: Kamal Karrar Date: 02-06-2011, 12:16 PM Parent: #67
شوف ياطارق...
أنا عارفك راجل أشعبي الهوى...
قرطّاع ..لوّاك... سرباع...
أنا دخلت هنا أقول للأخ العزيز
عادل ميرغني سلامات يا صديقي...
وربنا يخلي ليك ولدك.. الما عندو عم ده...
التعديل عشان أقول للأخ/ محمد ميرغني سلام..
وصورتك مختلفة من صورتك لما تغني في التلفزيون
ويقول ليك ده الفنان محمد ميرغني..
أخوك ده عمل ليك إنسلاخ في الشخصية..ولا شنو؟؟
تحياتي لكل الأخوة والأخوات... والسلام موصول
لأخي العزيز/د. علي قرم
أها يا طارق كيف الحاجة بت ختمي...
أعوذ بالله من البُطينية والباطنية
Post: #69 Title: Re: عوضيه ست السمك في MBC fm Author: طارق عبد اللطيف نقد Date: 02-06-2011, 02:45 PM Parent: #68
طارق مرغني لكن ما جننتنا جن ونحن مقيلين في المكتب رايك شنو يوم الخميس الجاي بلطي مشوي لمن تقول بس انت واسعد الريفي
وما تيسر من الاصدقاء والشامبيون
Post: #70 Title: Re: عوضيه ست السمك في MBC fm Author: احمد محمد احمد عتيق Date: 02-06-2011, 02:56 PM Parent: #69
Post: #71 Title: Re: عوضيه ست السمك في MBC fm Author: طارق ميرغني Date: 02-06-2011, 03:26 PM Parent: #70
يا ود الصايم
ياخي صاحبك دا الظاهر عليهو راجل حاقد ساي
تمبس دا حسب علمي يمر عبر شوك الدباس والكاس زي الماري بي بيتنا جيت صدفه او جيتنا
بعدين هو من كبار سمكنجية المورده يعني التوب
لاحظ المورداب اسياد السمك فكونو يكون من كبار سمكنجية المورده
هذا يعني انه متمرس اكتر من مازدا مع الفريق القومي
خبره من زمن عمك بله والسكي ومن شاكلهم
تقول لي ما سمع بي البتكويا والنوق ...
Post: #72 Title: Re: عوضيه ست السمك في MBC fm Author: طارق ميرغني Date: 02-06-2011, 03:36 PM Parent: #71
محمد ميرغني ربنا يديه العافيه يمزمز وهو مغمض العينين
دليل الاستصطلان الحقيقي
Post: #73 Title: Re: عوضيه ست السمك في MBC fm Author: طارق ميرغني Date: 02-06-2011, 05:00 PM Parent: #72
اخي كمال كرار
العيال كبرت يا اخي والكتوف اتلاحقت
الحاجه بت ختمي ربنا يديها العافيه بالف خير
كذلك جميع الاخوه
علي قرم كنت معاهم في الحلفايا الخميس الماضي وعشرة وست
Post: #74 Title: Re: عوضيه ست السمك في MBC fm Author: الطيب شيقوق Date: 02-06-2011, 06:11 PM Parent: #73
النقادي
كييييييييفك
بتكتب من السودان ولا المملكة؟
Post: #75 Title: Re: عوضيه ست السمك في MBC fm Author: Kamal Karrar Date: 02-06-2011, 07:22 PM Parent: #74
ود شيقوق...
وأنت الصادق النقادي بيغزل أقصد بيكتب
من مشروع قندتو...
طارق مرة ثانية تحياتي لكل القرماب وعلى
رأسهم بابكر وكل فريق الثريا هههههههههههه
Post: #76 Title: Re: عوضيه ست السمك في MBC fm Author: طارق ميرغني Date: 02-06-2011, 11:58 PM Parent: #75
يا ود شيقوق
من بحري يا عزيزي
Post: #77 Title: Re: عوضيه ست السمك في MBC fm Author: tmbis Date: 02-07-2011, 07:05 AM Parent: #76
Quote: طارق يا عمكـ .. جاتني حاجة بالإيميل ما تخلص! تمبس مرشوش فيها رشّ السليقة!
Quote: (تمبس) ده عامل فيها (كييف) سمك.. ويقول ليك قرقور محمر. يا أخي في زول يأكل (قرقور) محمر.. ويجلي سمك (الدبس) الأحلى سمك، ولا (الكأس) الزيو في السمك ما فيش.. يعدان من أطعم أنواع السمك.. بس شوكهم كتير خلاس وما يأكلهم إلا معلم.. وأسأل حواتي، ولا تسأل (كييف).ولا (الباتكويا) ولا (الكدن)، وديل ما أظن سمع بيهم أصلاً. ___________________________ والله صاحبنا تمبس طالع بيكم الجو طلعة، وأتاريهو (قادي) سمك، لأنكم لاقيكم (فارات).احترامي للجميع.
..
غايتو يا معلم بتتعلق ذنب الزول دا ساكت كدا .. خليني اخلص الواجبات القدامي دي والتي تتمثل في .. كباية شــب شاي سادة جردل قهوة سودانية مسيخـة .. جــك .. قهوة عربية .. عشان الواحد يفتح شوية .. ونجي نشوف برنامج زولك دا .. لكن للضمان كدا ح اتعامل ليك معاهو زي .. طلحـة طنظير مع محمد بشر(ي) الخضر أو أي كان اسمه يعني مش ح ارشو ليك رش السليقة .. دا ح يترشه بي نظام اشوف في شخصك احلامي .. مبدئيا كدا اعمل ليهو رد سريع لي ايميلو دا .. وقوليهو رسالتك وصلت وسيتم الرد عليك بعد قليل .. أرجو تجهيز ورقـة وقلم .. وما تفطر وما تشرب اي حاجة .. تعال علي الريق .. لانو البلع في حالة البطن تكون مليانة .. بيعمل زهــول ..
Post: #78 Title: Re: عوضيه ست السمك في MBC fm Author: tmbis Date: 02-07-2011, 11:25 AM Parent: #77
Quote: (تمبس) ده عامل فيها (كييف) سمك.. ويقول ليك قرقور محمر. يا أخي في زول يأكل (قرقور) محمر.. ويجلي سمك (الدبس) الأحلى سمك، ولا (الكأس) الزيو في السمك ما فيش
اها يا ود الصايم زولك دا انا جيتو .. أول حاجة .. يتضح من طريقة كتابتو واعجابو بي (صنف) معين انو من بحـر أبيض غالبا .. وناس بحر ابيض غالبا وزي نوعية صاحبك دا بيكون عامل زي (استيف) راسم ليهو صورة بتاعت قرقور .. وكبروس .. في الأوضة ويعاين ليها .. المهم .. أول حاجة يا سيدي انا ما طالع بي زول الجو هنا .. ولا انا كييف سمك .. انا زول صياد .. وحريف صيد وحريف سمك ومولود جوه الموية عدييل كدا.. ولما امشي البحر علشان عايز لي نوعية محددة من السمك بكون عارفه بتتلقي ووين .. علشان ما اضيع زمني ولا زمن السمك معاي .. لو عايز.. (صير) .. عارف بلقاهو ووين وبشرك ليهو كييف .. لو عايز.. .. (بررد) .. بعرف اشرك ليهو ووين واقبضو بعد كم دقيقة من رمي الرماي أو الصريمة أو الشبكة .. إلخ . لو عايز.. (كــدن) عارف ياتو حجم ممكن اللقاهو ووين واشرك ليهو بي ياتو نوع من (الشبك) .. لو عايز.. (عجـل) بعرف اشرك ليهو ووين وكيف ومتين .. وبي ياتو نوع من (الشبك) لو عايز.. (خشم بنات) بعرف اللقاهو ووين .. والساعة كم زاتوو .. لو عايز.. ( قرموط ) بعرف اشرك ليهو بي شنو واللقاهو ووين وبي الحجم العايزو .. لو عايز.. (تامبيرة) بعرف احدد مكانه ويين والبيئة الممكن تكون عايشه فوقه .. لو عايز.. (بياض) بعرف الحجم المناسب .. والزمن المناسب لي توالدو .. وبلقى الحجم المناسب لي ووين لو عايز.. (كبرووس) بعرف الزمن المناسب الممكن ياكل فوقو الطعم حقي وامسك منو اكبر كمية لو عايز.. (شلبي) عارف الزمن الممكن يطلع فوقو السطح ويكون قريب لي بكميات كبيرة .. لو عايز.. (بلطي) وبي مختلف المقاسات والاحجام والاعمار .. بمشي ليهو في خشم بابو .. بي (طراحتي) أو بي سنارتي لو كنت بنشد المتعة .. لو عايز.. ( بني ) عارفه انها في المناطق بتاعتنا دي بتكون نادرة .. لكن ماف مشكلة يمكن حظي يضرب لو عايز .. (سـاويه) بعرف انو دي لو علقت معاي واحده كل تلاتة شهور .. اكون محظوظ .. لو عايز .. (قلباي) دا إلا انتظر حظي يضرب واللقاهو بيفرفر في البـر .. أما لو عايز توريني في العام الفين وحداشر ميلادية اكل الدبس .. والكاس .. فأنا اشك شكك شديد جدا أنك تكون عارف في كم شوكة في الدبسة في المنطقة المن الضنب لحدت شوكة الضهــر .. يا زول نحن عادنها عديل كدا .. اي حاجة عندنا بي نظام .. ما زيك كدا بناكل ساي شايف الرصة الفوق دي كلها .. قاعدين نجيبه حية وبتفرفر قدامنا ما قاعدين نشتريها من السوق .. في نوعية كدا .. بنقبضه بي الشبك .. وفي نوعية بالرماي .. وفي نوعية بالسنارة العادية .. وفي نوعية بالطراحة .. وفي نوعية بي (ام كوبوك) . وفي نووعية بي الصريمة .. وفي نوعية من شدة ما هي قوية .. بتغطس معاها جوه الشمية .. وتعوم معاها عكس التيار وتعافره جووه .. وتجي مارق بيها .. شفت كيف .. يعني احتمال تقنعه ما وارد .. قلع راسوو عديل كدا (الكلام دا ما حصريا علي انا دا .. لالا دا بينطبق على كل ناس الموردة الليهم علاقة بالبحر وطيدة جدا وليهم علاقة بالسمك من ناحية معرفة اكل .. وخبرة في صيدو) .. بعدين تعال هنا .. القاليك منو انا قلت القرقور قاعد اكلو محمر ..؟ إنت بتحمر سااي من راسك ..؟ اقرا كلامي الكاتبو دا كلو شفتني قلت قاعد اكل قراقير محمرة ..؟ ياخ انا كل الطلبتو .. عايز قراقير نفسي في حلة بتاعت (روسين قراقير) .. بتاعت دميرة .. لانو عارف طعمه عامل كيف .. ملحوظـة: الرصة الفوقانية دي الله اعلم في حاجات فيها بتعرفه .. منطقتكم ديك منطقة قشريات .. غايتو زول بحر ابيض سااي انت .. ح اجيك راجع بالنسبة لي (الدبس) .. و ( الكاس) و (الكدن) شان اثبت ليك مما لا يدع مجالا للشك إنك من حتات في النيل الابيض .. يا اكلته السمك دا وإنت كبير ..
Post: #79 Title: Re: عوضيه ست السمك في MBC fm Author: tmbis Date: 02-07-2011, 12:46 PM Parent: #78
Quote: والله صاحبنا تمبس طالع بيكم الجو طلعة، وأتاريهو (قادي) سمك، لأنكم لاقيكم (فارات).احترامي للجميع.
طبعا يا معلم .. انا قاعد ارد علي الزول دا .. بي فهم انو الكلام جاييني منك .. لانو لي فترة طويلة جدا وقفته ارد على النوعية الزي الزول دا .. والنوعية البترسل ليك في الايميل بتاعك .. لا ايدك لا كراعك .. زي الماسورة اياهو الكان بيرسل في اليوم مية رسالة .. المهم .. نرجع لي سمك الزول دا .. ونرد ليهو عملا في الله ..
Quote: (تمبس) ده عامل فيها (كييف) سمك.. ويقول ليك قرقور محمر. يا أخي في زول يأكل (قرقور) محمر.. ويجلي سمك (الدبس) الأحلى سمك، ولا (الكأس) الزيو في السمك ما فيش
الافتراض التاني البفترضو في الزول دا .. أنو بيعرف ليهو زول عندو علاقة بالسمك وبيسمع ساكت .. بالاسامي دي .. وجاي يحشش ويقشر بيها هنـا .. بالنسبة لي الدبس : سمك الدبس .. أو الدبسة من الاسماك الطاعمة جدا .. وبتعيش في المنطقة الحجرية أو الحجرية الرملية .. بتكتر في موسم الشتاء وبتتوالد بصورة كبيرة جدا .. هي من فصيلة القشريات .. ومن ذوات الفم الصغير المعكوف .. مهما كبر حجمها .. يصعب صيده بالسنارة .. بينما يسهل صيدها عن طريق الشبك نسبة لوجود تلاتة اشواك اتنين عند الحنك وواحدة عند الضهر .. الاحجام الصغيرة من الدبسة .. التي في حجم الصير .. لا تصلح مطلقا للاكل .. نسبة لاحتوائيها على كميات كبيرة جدا من الشوك الذي يكون في شكل الحرف (y) .. اما لو كبر الحجم في حدود كيلو او اتنين كيلو فيمكن ان توكل بعد ان تحمر بشكل اقرب منه إلى المقرمش .. حيث يسهل استخراج الشوك منه نسبة لكبر حجم الشوكة .. ندرة هذه النوعية في الصيد .. لا تشجع اصحاب المحلات التجارية على عرضها للزبائن .. ولا تتوفر بكميات كبيرة .. مثلها مثل البلطي والصير إلى آخـره من الاسماك المعروفة .. تستخدم هذه النوعية عادة في الفسيخ .. أو السمك المملح ، ويعرفها السماكه جيدا حيث يتم تمليحها بكميات من الملح بعد أن يتم افراغ احشائها وغسلها .. عملية التمليح تحلل كمية اللحم الموجود وعند طباختها تسهل عملية فرز الشوك وتصفيته كما في الفسيخ .. ويمكن ان تدوب كمية الشوك .. بالتحريك المستمر كما في التركين والملوحـة ,, الدبس يشاركه في الشكل .. أو الفصيلة: الكــدن بالوانه المختلفة الابيض المائل إلى الحمره .. والاسود (البنــي) .. ويختلف عنه بعدم وجود اشواك كثيرة .. بالنسبة لي (الكــاس ): الكاس من فصيلة القشريات ايضا .. يشبه في الشكل (الصير) إلا ان له اسنان حاده وبارزه من الفك الاعلى والاسفل .. يتواجد بكثرة في منطقة النيل الأبيض .. ومن فصيلة القشريات ايضا .. من الصعب جدا هذه النوعية من الاسماك لاحتوائيها على كمية من الاشواك تشبه نفس الاشواك التي في سمك الدبس .. اكل هذه النوعية من سمك الكاس .. يعتبر ضياع للوقت .. بالنسبة للمحلات التجارية .. ومن الصعب ايضا التعامل معه كسمك تجاري يباع في المحلات .. من اجل الزبائن .. حيث لا يمكن اكله إلا بالحجم الكبير بعد تقطيعه في شكل شرائح صغيرة وقليه بالزيت حتى القرمشة .. وبعدها الاكل بحذر .. يعد من أفضل انواع الاسماك .. التي تستخدم في الفسيخ ... لكثرة لحمه .. وطعومته .. كم يشبه في شكله .. سمك الساردين الذي يتم تعليبه .. الكاس : يشاركه في الفصيلة : سمك (الصير) بنفس انسيابية الشكل ويمتاز الكاس عن الصير .. بكبر الحجم ونوعية الشوك .. وتشكيلة الفم سمك (الحمييل) نفس الشكل والقشريات .. إلا ان الحميل غالبا صغير الحجم .. ونادر الوجود الفرق بين النوعين: يعيش الدبس في الاعماق .. أو في المنطقة الوسطية .. نسبة لمقدرته العالية على مقاومة الاسماك الكبيرة .. يعيش في منطقة النيل الأبيض بكيمات كبيرة إلا انه يقل عنها في النيل الأزرق بالرغم من تواجده .. ويتغذى على فتافيت الصخور ورواسب النيل فمه لا يساعده على عملية صيد الاسماك الصغيرة يعيش الكاس غالبا في المنطقة فوق للسطح ومنطقة السطح .. يكثر في منطقة النيل الأبيض .. ويندر وجوده في منطقة النيل الأزرق او باليكاد ينعدم .. يتغذى على الاسماك الصغيرة .. وعلى ما يطفو في السطح من عوالق .. يتم اصطياد النوعين اعلاه عن طريق .. الشباك بعد نصبها على المداخل التي يتوالد فيها .. او عن طريق (كــره) من منطقة وسط النيل إلى البر .. .. غايتو يا سيد الايميل .. اهو استفيد .. الواحد لو قعد للحاجات دي وعمل ليهو بحث في السمك .. والله كان اخد جائزة نوبــل للاسماك .. تجو إنتو تلقوهـا ساااهلة زي شراب الموية الزرقا.. ويقوليك انا كييف سمك ..
Post: #80 Title: Re: عوضيه ست السمك في MBC fm Author: إدريس محمد إبراهيم Date: 02-07-2011, 01:31 PM Parent: #79
باشمهندس طارق ...
تحياتي مع خالص الأماني بقضاء إجازة ولا أسعد ....
Quote: : والله صاحبنا تمبس طالع بيكم الجو طلعة، وأتاريهو (قادي) سمك، لأنكم لاقيكم (فارات).احترامي للجميع.
طبعا يا معلم .. انا قاعد ارد علي الزول دا .. بي فهم انو الكلام جاييني منك .. لانو لي فترة طويلة جدا وقفته ارد على النوعية الزي الزول دا .. والنوعية البترسل ليك في الايميل بتاعك .. لا ايدك لا كراعك .. زي الماسورة اياهو الكان بيرسل في اليوم مية رسالة .. المهم .. نرجع لي سمك الزول دا .. ونرد ليهو عملا في الله .. Quote: (تمبس) ده عامل فيها (كييف) سمك.. ويقول ليك قرقور محمر. يا أخي في زول يأكل (قرقور) محمر.. ويجلي سمك (الدبس) الأحلى سمك، ولا (الكأس) الزيو في السمك ما فيش
الافتراض التاني البفترضو في الزول دا .. أنو بيعرف ليهو زول عندو علاقة بالسمك وبيسمع ساكت .. بالاسامي دي .. وجاي يحشش ويقشر بيها هنـا .. بالنسبة لي الدبس : سمك الدبس .. أو الدبسة من الاسماك الطاعمة جدا .. وبتعيش في المنطقة الحجرية أو الحجرية الرملية .. بتكتر في موسم الشتاء وبتتوالد بصورة كبيرة جدا .. هي من فصيلة القشريات .. ومن ذوات الفم الصغير المعكوف .. مهما كبر حجمها .. يصعب صيده بالسنارة .. بينما يسهل صيدها عن طريق الشبك نسبة لوجود تلاتة اشواك اتنين عند الحنك وواحدة عند الضهر .. الاحجام الصغيرة من الدبسة .. التي في حجم الصير .. لا تصلح مطلقا للاكل .. نسبة لاحتوائيها على كميات كبيرة جدا من الشوك الذي يكون في شكل الحرف (y) .. اما لو كبر الحجم في حدود كيلو او اتنين كيلو فيمكن ان توكل بعد ان تحمر بشكل اقرب منه إلى المقرمش .. حيث يسهل استخراج الشوك منه نسبة لكبر حجم الشوكة .. ندرة هذه النوعية في الصيد .. لا تشجع اصحاب المحلات التجارية على عرضها للزبائن .. ولا تتوفر بكميات كبيرة .. مثلها مثل البلطي والصير إلى آخـره من الاسماك المعروفة .. تستخدم هذه النوعية عادة في الفسيخ .. أو السمك المملح ، ويعرفها السماكه جيدا حيث يتم تمليحها بكميات من الملح بعد أن يتم افراغ احشائها وغسلها .. عملية التمليح تحلل كمية اللحم الموجود وعند طباختها تسهل عملية فرز الشوك وتصفيته كما في الفسيخ .. ويمكن ان تدوب كمية الشوك .. بالتحريك المستمر كما في التركين والملوحـة ,, الدبس يشاركه في الشكل .. أو الفصيلة: الكــدن بالوانه المختلفة الابيض المائل إلى الحمره .. والاسود (البنــي) .. ويختلف عنه بعدم وجود اشواك كثيرة .. بالنسبة لي (الكــاس ): الكاس من فصيلة القشريات ايضا .. يشبه في الشكل (الصير) إلا ان له اسنان حاده وبارزه من الفك الاعلى والاسفل .. يتواجد بكثرة في منطقة النيل الأبيض .. ومن فصيلة القشريات ايضا .. من الصعب جدا هذه النوعية من الاسماك لاحتوائيها على كمية من الاشواك تشبه نفس الاشواك التي في سمك الدبس .. اكل هذه النوعية من سمك الكاس .. يعتبر ضياع للوقت .. بالنسبة للمحلات التجارية .. ومن الصعب ايضا التعامل معه كسمك تجاري يباع في المحلات .. من اجل الزبائن .. حيث لا يمكن اكله إلا بالحجم الكبير بعد تقطيعه في شكل شرائح صغيرة وقليه بالزيت حتى القرمشة .. وبعدها الاكل بحذر .. يعد من أفضل انواع الاسماك .. التي تستخدم في الفسيخ ... لكثرة لحمه .. وطعومته .. كم يشبه في شكله .. سمك الساردين الذي يتم تعليبه .. الكاس : يشاركه في الفصيلة : سمك (الصير) بنفس انسيابية الشكل ويمتاز الكاس عن الصير .. بكبر الحجم ونوعية الشوك .. وتشكيلة الفم سمك (الحمييل) نفس الشكل والقشريات .. إلا ان الحميل غالبا صغير الحجم .. ونادر الوجود الفرق بين النوعين: يعيش الدبس في الاعماق .. أو في المنطقة الوسطية .. نسبة لمقدرته العالية على مقاومة الاسماك الكبيرة .. يعيش في منطقة النيل الأبيض بكيمات كبيرة إلا انه يقل عنها في النيل الأزرق بالرغم من تواجده .. ويتغذى على فتافيت الصخور ورواسب النيل فمه لا يساعده على عملية صيد الاسماك الصغيرة يعيش الكاس غالبا في المنطقة فوق للسطح ومنطقة السطح .. يكثر في منطقة النيل الأبيض .. ويندر وجوده في منطقة النيل الأزرق او باليكاد ينعدم .. يتغذى على الاسماك الصغيرة .. وعلى ما يطفو في السطح من عوالق .. يتم اصطياد النوعين اعلاه عن طريق .. الشباك بعد نصبها على المداخل التي يتوالد فيها .. او عن طريق (كــره) من منطقة وسط النيل إلى البر .. .. غايتو يا سيد الايميل .. اهو استفيد .. الواحد لو قعد للحاجات دي وعمل ليهو بحث في السمك .. والله كان اخد جائزة نوبــل للاسماك .. تجو إنتو تلقوهـا ساااهلة زي شراب الموية الزرقا.. ويقوليك انا كييف سمك ..
لكن ما تقولي لقيتك معلم كبير يا تامبا ... ياخي قعدت زول بحر أبيض في علبو ... وطلعتو (قادي) أي حاجه ... إنا لله ...ويكيبيديا السمك بس ... ما شاء الله عيني بارده ...
مع خالص التحايا والأشواق ؛؛؛؛
Post: #81 Title: Re: عوضيه ست السمك في MBC fm Author: طارق عبد اللطيف نقد Date: 02-07-2011, 01:36 PM Parent: #80
*
Post: #82 Title: Re: عوضيه ست السمك في MBC fm Author: داليا الكباشى Date: 02-07-2011, 01:51 PM Parent: #81
يا اخوانا لو في زول فيكم قرا مداخلات زميل البورض دي , يجي يدني الموجـز .. ما بقدر اقرا النضمي دا كلو
انتو بتقروهو جادين ؟؟
Post: #83 Title: Re: عوضيه ست السمك في MBC fm Author: عبدالكريم أحمد الامين Date: 02-07-2011, 03:19 PM Parent: #82
Quote: يا اخوانا لو في زول فيكم قرا مداخلات زميل البورض دي , يجي يدني الموجـز .. ما بقدر اقرا النضمي دا كلو
** الدكتوره بت الكباشى /حرم زميل البورض.. ** مساءكما خير.. ## موجز شنو وإنتى أســرار البحار والخواجه المصاحب البحر وسيدو معاك فى البيت ... بتبالغى !!!
Quote: انتو بتقروهو جادين ؟؟
## غايتو كمية المعلومات القريناها الليله هنا ,, إلا تكون عند د. حساس محمد حساس (ودالريح) (قرايه مع الحِفظ وحفظ حقوق الملكيه لصاحبها).. (ودام الود بين الجميع) (ابومحمد فؤاد)
Post: #84 Title: Re: عوضيه ست السمك في MBC fm Author: إسماعيل حميم Date: 02-07-2011, 11:00 PM Parent: #83
تمبس يا حبيب
أنا من أولاد بيت المال بنعرف البحر والسمك والشّريك ليهو
لكن محاضرتك الفوق دي أدهشتني عدييييل كدا
بس بيني وبينك الزول لمن يكون - جاهل بالأمر – ما عنده طريقة غير يقبل المعلومة المرتّبة حتى كان منجورة في نفس لحظة الكتابة
غايتو كان كدي . . كان كدي نحترم السرد عاليه مع التهنئة الحاره
كل الود إسماعيل حميم
Post: #86 Title: Re: عوضيه ست السمك في MBC fm Author: طارق ميرغني Date: 02-08-2011, 11:36 AM Parent: #84
اخي تمبس
بكل صراحه حديثك عن عالم الاسماك حديث العارف والخبير المجرب
سلاسه وترتيب دون أي تنظير
بعدين زميلة البورد دي بالله اديها المحاضرات الزي دي بالسيسي
Post: #87 Title: Re: عوضيه ست السمك في MBC fm Author: طارق ميرغني Date: 02-10-2011, 01:49 PM Parent: #86
Quote: انتو بتقروهو جادين ؟؟
اكيد يا دكتوره
Post: #88 Title: Re: عوضيه ست السمك في MBC fm Author: طارق ميرغني Date: 02-11-2011, 09:33 AM Parent: #87
باذن الله في طؤيقنا بعد قليل
للاستسماك بجبل الاولياء
وساوافيكم بصوره كاملة
قبل ما اعود لاختتم صور الحاجه عوضيه
Post: #89 Title: Re: عوضيه ست السمك في MBC fm Author: Salah Abdulla Date: 02-11-2011, 01:22 PM Parent: #88
مكرر.
قال مكرر قال!!
Post: #90 Title: Re: عوضيه ست السمك في MBC fm Author: طارق ميرغني Date: 03-01-2011, 05:59 AM Parent: #89
اخي صلاح عبد الله
مشتاقون والله
وصلت الرياض
وعشان ما تقول لي مكرر عايز اختم...
ممكن ؟
هذا هو حال الدنيا
Post: #91 Title: Re: عوضيه ست السمك في MBC fm Author: طارق ميرغني Date: 03-01-2011, 09:38 AM Parent: #90
سبحان مغير الاحوال من حال الي حال
Post: #92 Title: Re: عوضيه ست السمك في MBC fm Author: tmbis Date: 03-01-2011, 09:57 AM Parent: #91
حمد الله الف علي السلامة يا هندسـة ... بإستثناء صحن الشطة .. والسلطـة .. صينيتك دي عندي فيها راي كبير .. .. والله يا باشمهندس انا يادوبك ببدأ الأكل من محلات ما وقفتو دا .. الفكفكـة يا هندسة .. الفكفكة .. دي أهم مرحلة
كيكيــي يقوليك قاعدين نفكفك الحاجات ، زي ناس كيكي ديل بتخليهم يبدو ليك في الصينينة .. ويقوليك والله الليلة اكلنا سمك .. ياخ في منطقة كدا يا با شمنهدس .. بي الجوانب .. بتشبه (سـن البرق) في الخروف دي أعظم منطقة مقفولة ممكن الواحد يتحرك فيها بي سهولة .. زمان كنا بنمشي لي عمك (شعيب) قبال ناس عوضية ديل وبقية الشباب الفاتحين محلات دي .. كان وقتها شعيب وسكي بس .. بتمشي لي شعيب .. وتجهز بي نفسك كمية بتاعت روسين قراقير فقط .. للحلة .. وتكبسه شطة حمــره وتشيل ليك كم قطعة كدا من سـن البرق البلطية دي وتحمره شديد جدا .. وهناك عندك صحن الشطة والبصل .. والليمون ..
غايتو الله يسامحك يا هندسة هيجته اشجانا ..
Post: #93 Title: Re: عوضيه ست السمك في MBC fm Author: طارق ميرغني Date: 03-01-2011, 10:15 AM Parent: #92
الله يسلمك يا تمبس
بس المره الجايه انشاء الله نمشي سوا
عشان زي ما قلت ليك اوريك حته في السمكه بناكلا
هي زاتا ما عارفاها فيها !!!!!!!!!!!!!
لاكين الحته دي عجبتني شديد
بي الجوانب .. بتشبه (سـن البرق) في الخروف دي أعظم منطقة مقفولة ممكن الواحد يتحرك فيها بي سهولة
فيها نوع من مهارة السواقه
Post: #94 Title: Re: عوضيه ست السمك في MBC fm Author: طارق ميرغني Date: 03-01-2011, 04:15 PM Parent: #93
آخر مراحل الاستسماك ....................
القرطعه!!!!!!!!!!!!!!!!!!!!!!!!!!!!!!!!
Post: #95 Title: Re: عوضيه ست السمك في MBC fm Author: لؤى Date: 03-01-2011, 05:08 PM Parent: #1
Post: #96 Title: Re: عوضيه ست السمك في MBC fm Author: طارق ميرغني Date: 03-02-2011, 06:40 AM Parent: #95
الف تحيه لك اخي لؤي والف تحيه للمدام ووردي الاصغر
الهادي الجبل بالفعل كان مختلف
رغم انه فاتني حضور الفنان ابوبكر سيد احمد في نفس الحفل
اها السمك كيف ؟؟؟؟؟؟؟؟؟؟؟؟؟
Post: #97 Title: Re: عوضيه ست السمك في MBC fm Author: tmbis Date: 03-02-2011, 07:37 AM Parent: #96
يا سلالالالام ياخ .. كدي دقيقة يا هندسة خلي السمك دي بي جمبه خلينا نشوف باقي المقبلات دي .. شكرا يا لؤي .. الهادي دا عجيب جدا ياخ .. دي السواقة بالمعنى الصاح يا باشمهندس .. ياخ شوف الزول دا سايق اللحن دا كيف .. وسايق الاوركسترا كيف .. وسايق الفابريتو دا كيف ..؟ طبعا أنا لو حضرته حفلة زي دي .. بي احساس زي دا .. المسرح دا كان لحدت الآن تلقوني قاعد فوقو .. النوعية البتمشي بعد يلمو الكراسي ويجو تاني يوم الصباح تاني ..
طبعا بتكون كنت سارح مع الساكس يا هندسة .. لكن كمان ادينا حقنا في بتاع الترامبول دا .. شوف الزول دا بقول في جمل مفيدة كيف ..؟ النحاس دا حاجة عجيبة ياخ .. .. ياخ صباح يبدا بالهادي حامد .. دا الصباح الباهي لونك زاتوووو .. شكرا يالؤي ياخ ..
Post: #98 Title: Re: عوضيه ست السمك في MBC fm Author: طارق ميرغني Date: 03-02-2011, 10:09 AM Parent: #97
اخي تمبس
الهادي الجبل فنان بمعني الكلمة وصاحب مدرسة نهل منها من يملؤون الساحة الان بدءا بمحمود عبد العزيز فنان الشباب الاول حاليا لكن كان لاغترابه الطويل بليبيا ان قطع التواصل مع جماهيره زمنا
اما الان فهو اكثر من احب الاستماع اليه من الفنانين والاستمتاع بادائه الرائع ولكن للاسف شان الكثير من المبدعين لم يجد حتي الان التقدير المناسب والذي يليق بفنان وملحن مجيد في قامته وبجواري في هذا الحفل يجلس صديقي الفنان المهندس اسامه عبد الرحيم فرحان عازف اكورديون وقد كان زميل بفرقة بحري الحكوميه في اوج ازدهارها
Post: #99 Title: Re: عوضيه ست السمك في MBC fm Author: طارق ميرغني Date: 03-02-2011, 10:37 PM Parent: #98
اما اخي تمبس في رحلة الاستسسماك التي عنيت ان اسبر اغوارها وحدهاوحدودها
دلفت الي جبل الاولياء بدعوة كريمة من اخي عصام عبد الوهاب زوج ابنة اختي
ساحكي لك عن المكان
Post: #100 Title: Re: عوضيه ست السمك في MBC fm Author: طارق ميرغني Date: 03-02-2011, 10:48 PM Parent: #99
هنا في استراحة الحاجه هدي بجبل الاولياء
خدمات تقدم غايه في الروعة
هنا في معية اخي عصام عبد الوهاب
Post: #101 Title: Re: عوضيه ست السمك في MBC fm Author: طارق ميرغني Date: 03-03-2011, 08:19 AM Parent: #100
رحلة جبل الاولياء الحاجه هدي امراة من اقصي شمال السودان وربما المجاور لمصر
امراة شديدة الباس اختارت موقع استراتيجي علي ضفاف النيل الابيض قرب خزان جبل الاولياء مكانها عباره عن منتجع او شبه ذلك لا هو مطعم يقدم الطعام ولا فندق يسهل المقام
انما اتخذت اسلوبا تجاريا قل وجوده
فهي تقدم خدمات
أي خدمة تطلبها تجدها
Post: #102 Title: Re: عوضيه ست السمك في MBC fm Author: طارق ميرغني Date: 03-03-2011, 08:25 AM Parent: #101
اذا اردت المقيل فتقدم لك الحاجه هدي مكانا به سرير او اكثر وبساط واربعة كراسي جلوس وطاولة سفره بها ثمانية كراسي وتسهيلات اخري مثل حفاظات الماء والطعام والثلج واكواب الشاي والقهوة والجككه والصحانه وباختصار كل عدة المطبخ وكل بثمنه
اما من ناحية الاكل فالخزان علي بعد خطوات يمكنها شراء أي انواع السمك لك وباي كميات واحجام تختار وتقوم ايضا بطبخه بالقلي او الشوي وكل انواع البهارات متوفره.
اذا اردت اللحم موجود واذا اتيت به يمكنها طبخه لك باي طريقة تفضل حتي اذا جلبت معك بطيخ او أي انواع من الفواكه تحتفظ لك به في ثلاجات مخصصة لذلك
Post: #103 Title: Re: عوضيه ست السمك في MBC fm Author: طارق ميرغني Date: 03-03-2011, 08:52 AM Parent: #102
لاحظت ايضا وجود عزابه يلعبون الورق ....
" ما تجوا ناطين تقولوا لي سيك ولا اسنا فيك"
ياتون فقط بجلاليبهم وتقدم لهم كل الخدمات من الشاي الي الوجبات والماء البارد وخلافه
Post: #104 Title: Re: عوضيه ست السمك في MBC fm Author: طارق ميرغني Date: 03-03-2011, 04:19 PM Parent: #103
اما اخر رحلات الاستكشاف السمكية فكانت في قلب الخرطوم
حيث حي المطار والمطاعم الراقيه
مطعم امواج
هنا يا تمبس يقدم طبق السمك مسحوب عمود الشوك ومسحوب الراس
ومقطع بصورة فنيه بحيث يحتفظ بشكل السمكه كاملا
قطعة السمك الواحده بخمس وعشرين الف جنيه بالقديم
يعني عشرة دولارات تقريبا
Post: #105 Title: Re: عوضيه ست السمك في MBC fm Author: طارق ميرغني Date: 03-04-2011, 11:21 AM Parent: #104
هذا هو شكل صحن امواج
السمك مسحوب العمود الفقري والرأس
Post: #106 Title: Re: عوضيه ست السمك في MBC fm Author: طارق ميرغني Date: 03-04-2011, 11:40 PM Parent: #105
Post: #107 Title: Re: عوضيه ست السمك في MBC fm Author: طارق ميرغني Date: 03-05-2011, 06:58 AM Parent: #106
.
Post: #110 Title: Re: عوضيه ست السمك في MBC fm Author: لؤى Date: 03-07-2011, 07:48 PM Parent: #98
Quote: الهادي الجبل فنان بمعني الكلمة وصاحب مدرسة نهل منها من يملؤون الساحة الان بدءا بمحمود عبد العزيز فنان الشباب الاول حاليا لكن كان لاغترابه الطويل بليبيا ان قطع التواصل مع جماهيره زمنا
اما الان فهو اكثر من احب الاستماع اليه من الفنانين والاستمتاع بادائه الرائع ولكن للاسف شان الكثير من المبدعين لم يجد حتي الان التقدير المناسب والذي يليق بفنان وملحن مجيد في قامته
صدقت والله يا طارق
تـحاياي
Post: #109 Title: Re: عوضيه ست السمك في MBC fm Author: لؤى Date: 03-07-2011, 07:47 PM Parent: #97
Quote: يا سلالالالام ياخ .. كدي دقيقة يا هندسة خلي السمك دي بي جمبه خلينا نشوف باقي المقبلات دي .. شكرا يا لؤي .. الهادي دا عجيب جدا ياخ .. دي السواقة بالمعنى الصاح يا باشمهندس .. ياخ شوف الزول دا سايق اللحن دا كيف .. وسايق الاوركسترا كيف .. وسايق الفابريتو دا كيف ..؟ طبعا أنا لو حضرته حفلة زي دي .. بي احساس زي دا .. المسرح دا كان لحدت الآن تلقوني قاعد فوقو .. النوعية البتمشي بعد يلمو الكراسي ويجو تاني يوم الصباح تاني ..
طبعا بتكون كنت سارح مع الساكس يا هندسة .. لكن كمان ادينا حقنا في بتاع الترامبول دا .. شوف الزول دا بقول في جمل مفيدة كيف ..؟ النحاس دا حاجة عجيبة ياخ .. .. ياخ صباح يبدا بالهادي حامد .. دا الصباح الباهي لونك زاتوووو .. شكرا يالؤي ياخ ..
يا تامبا سلامات
يا سلام ياخـي والله العظيـم يا تامبا الهادي دا رغـم إنّـها من نـهاية التّمانينات لكن لا زالت أصابعـي تـحن بعدين ياخـي إنت راجل فنّان وكدا فـما تساعدنا وتـعمل حاجة فـي الـموضوع بتاع عوضيّة دي
مودّتـي
Post: #108 Title: Re: عوضيه ست السمك في MBC fm Author: لؤى Date: 03-07-2011, 07:37 PM Parent: #96
Quote: الف تحيه لك اخي لؤي والف تحيه للمدام ووردي الاصغر
الهادي الجبل بالفعل كان مختلف
رغم انه فاتني حضور الفنان ابوبكر سيد احمد في نفس الحفل
اها السمك كيف ؟؟؟؟؟؟؟؟؟؟؟؟؟
أبو الطُّرق سلامات
والله الـهادي دا دائـماً مـختلف ومتألّق والـسّـمك دا تسأل منّه تامبا دا
قول لكلاص الويكيند دا بتاعنا فـي الرّياض كان الله هوّن
مـحبّتـي
Post: #111 Title: Re: عوضيه ست السمك في MBC fm Author: mamkouna Date: 03-07-2011, 09:02 PM Parent: #108
التحية و الاشواق لك يا استاذ طارق و لكل زوار بوستك العامر بالسمك و الطحينة و السلطات :)
عوضية في لقاء على قناة MBC ..............
......................
Post: #113 Title: Re: عوضيه ست السمك في MBC fm Author: عبدالكريم أحمد الامين Date: 03-07-2011, 09:27 PM Parent: #111
** إبن خالى.. ** مساءك خير.. ## ماعارف عندى إحساس انو إجازتك دى بتمويل من المتحف البحرى أو بتمويل من تمبس ,, وذلك نتيجةً للتركيز الشديد على الأسماك ,, ونسيت التخصص بتاعك (الفسيخ + الكوارع + سلطة الدكوه).. (ودام الود بيننا)
Post: #114 Title: Re: عوضيه ست السمك في MBC fm Author: طارق ميرغني Date: 03-29-2011, 08:49 AM Parent: #113
نسبة لمروري بمرحلة انعدام الوزن بعد انتهاء الاجازة
فاتني متابعة البوست ولكن لن يفوتني بالتاكيد شكر الاخت العزيزة
ممكونة للفيديو الذي لم يستطع اخي ود الصايم الحصول عليه حتي تاريخه
وشكري ايضا لصديقي لؤي ابو وردي ولابن عمتي عبد الكريم ابو محمد فؤاد
وصديقي تمبس
Post: #115 Title: Re: عوضيه ست السمك في MBC fm Author: صلاح هاشم السعيد Date: 03-29-2011, 10:12 AM Parent: #114
Quote: ماعارف عندى إحساس انو إجازتك دى بتمويل من المتحف البحرى أو بتمويل من تمبس ,, وذلك نتيجةً للتركيز الشديد على الأسماك ,, ونسيت التخصص بتاعك (الفسيخ + الكوارع + سلطة الدكوه).. (ودام الود بيننا)
.. 
