يخـرخـروون !!

Post: #1
Title: يخـرخـروون !!
Author: دينا خالد
Date: 01-23-2011, 07:00 AM

26 يناير أ
و 26 يناير ب
و26 يناير ج
و26 يناير د
وهلمجراااااا ,,,

أأأأأأأأأأأأأأأأأأأأ
التصريح من القصر
انو الاجواء ايجابية !
ما شايفين البرد دا ,,

Post: #2
Title: Re: يخـرخـروون !!
Author: كمال سالم
Date: 01-23-2011, 07:02 AM
Parent: #1

يخرخرون ويخرخرون ويمكن يخونون ذاتو !!

الصادق ده يادينا مافى طريقه يحجروا عليه ؟

Post: #3
Title: Re: يخـرخـروون !!
Author: Balla Musa
Date: 01-23-2011, 07:07 AM
Parent: #2

26 يناير السنة دى طلع أربعاء وعقاب شهر, خلوها 26 يناير الجايى!

Post: #4
Title: Re: يخـرخـروون !!
Author: Amira Elsheikh
Date: 01-23-2011, 07:24 AM
Parent: #3

.الخرخرة هينة
.
.
.
.
.
.
دى اسمها تقنعون ...............

__________________
سلام يادينا

Post: #5
Title: Re: يخـرخـروون !!
Author: معروف حمدين
Date: 01-23-2011, 07:39 AM
Parent: #4

بعد الخرخره
لن يكتب لنا أن نري سقوطاً للخرطوم
ولكن ,,,,
سقوطاً للأقنعة يا دينا !!!!

Post: #6
Title: Re: يخـرخـروون !!
Author: دينا خالد
Date: 01-23-2011, 07:43 AM
Parent: #4

اميرة وكمال وبلة يا بلااااااا
ازيكم فى هذا الصباح الغائم الجميل ..

قال الصـحاف فى ذات ضيقة

(( هدد المعارضة بشل حريتها وحركتها إذا لم تكف عن محاولات بث الفتنة التي قال إنها لا تملك الجرأة ولا العدد لإشعالها. وقال نافع خلال مشاركته الأقباط بأعياد المسيح في مدينة شندي أمس، إنه يرسل رسالة خاصة للبعض الذين يودون أن يقتاتوا على الفتن، والذين يحلمون أن يبلغوا مراميهم التي أشار إلى أن أهل السودان حرموهم من الوصول إليها عبر الإنتخابات، وتابع: إنها فئة لا تملك غير أن تصك الآذان بالعويل والصراخ حول الوضع المتأزم وضرورة ذهاب الحكومة وإجماع الأمر على ذهابها. وأضاف : نقول لهم إنكم تبنون أحلامكم على وهم ان يشتجر أهل السودان، وأن يتحاربوا وأن تعم الفتنة التي لا تملكون الجرأة ولا تملكون العدد لإشعالها، وأكد بأن أهل السودان السمحاء سيبطلون هذه الأحلام ))

Post: #7
Title: Re: يخـرخـروون !!
Author: Hussein Mallasi
Date: 01-23-2011, 07:44 AM
Parent: #4

برجاء عدم السخرية من خطوة السيد الصادق الراشدة.

Post: #8
Title: Re: يخـرخـروون !!
Author: دينا خالد
Date: 01-23-2011, 07:47 AM
Parent: #4

وتابع الصحـاف زهوا

((وتابع :: نقول لهم إن السلام أفضل وإن الحوار أفضل والعمل على سطح الأرض افضل من تحتها، ونقول لهم إن أردتم غير ذلك فلن تحصدوا إلا الهشيم والحسرة ولن تحصدوا الا ان تفقدوا ما انتم متمتعون به الآن من الحرية والحركة والاحترام بين الناس، وأكد أن السماحة والحلم في التعامل لا تعني الإستهانة والخوف، وأشار الى انها تعني الشجاعة والثقة بالنفس، وأضاف: ان كنتم لا تعلمون فتذكروا قول المتنبي: «إذا رأيت أنياب الليث بارزة فلا تحسبن أن الليث يبتسم». وأكد مضي الحكومة في تحقيق الاستقرار )) الاستقرار رار رار رار راااار

Post: #10
Title: Re: يخـرخـروون !!
Author: Abdlaziz Eisa
Date: 01-23-2011, 07:54 AM
Parent: #8

Quote: الذين يودون أن يقتاتوا على الفتن، والذين يحلمون أن يبلغوا مراميهم التي أشار إلى أن أهل السودان حرموهم من الوصول إليها عبر الإنتخابات، وتابع: إنها فئة لا تملك غير أن تصك الآذان بالعويل والصراخ حول الوضع المتأزم وضرورة ذهاب الحكومة وإجماع الأمر على ذهابها. وأضاف : نقول لهم إنكم تبنون أحلامكم على وهم ان يشتجر أهل السودان، وأن يتحاربوا وأن تعم الفتنة التي لا تملكون الجرأة ولا تملكون العدد لإشعالها،

العزيزة/ دينا

سلام

ناقص الصحاف أن يقول: وقذف في قلوبهم الرعب......

(( اللقاء ده ممكن يكون في اطار... تسلمون))

تحياتي

Post: #9
Title: Re: يخـرخـروون !!
Author: دينا خالد
Date: 01-23-2011, 07:53 AM
Parent: #4

30th, April 2010, 10:40 am

قال إنها لن تكون ائتلافية ولا حزبية

الخرطوم: الراي العام

(( وقال إن الحكومة المقبلة ستكون حكومة برنامج، وأشار الى أن التفويض المطلق في تكوينها لرئيس الجمهورية، وأضاف: المؤتمر الوطني سيقدم كل ما يمكن في إطار التشاور مع البشير لتكوين حكومة تنفذ برنامج الرئيس، وتابع: لن تكون حكومة «حصص ومحاصصة»، ولن يكون بها أي شخص يخالف البرنامج، وأضاف: سيراعي ذلك بما يحقق الهدف بإشراك أو عدم إشراك آخرين، وأكد: لن تكون حكومة «مناقرة وخلافات» بل حكومة متجانسة ذات برنامج. وأكد استمرار التعاون بين الأحزاب المتحالفة في الحكومة السابقة، وقال: نحن لا نربطه عضوياً بالمشاركة التنفيذية، وأشار إلى أن الحكومة المقبلة عموماً لن تكون ائتلافية بالمعنى التقليدي ولن تكون حزبية بل ستشارك فيها شخصيات مؤمنة بالبرنامج المطروح وتناول القضايا القومية في السياسة الخارجية، وقال: يمكن للوزير أن يكون من خارج البرلمان ))

Post: #17
Title: Re: يخـرخـروون !!
Author: يوسف السماني يوسف
Date: 01-23-2011, 08:20 AM
Parent: #9

Quote: بل حكومة متجانسة ذات برنامج. وأكد استمرار التعاون بين الأحزاب المتحالفة في الحكومة السابقة، وقال: نحن لا نربطه عضوياً بالمشاركة التنفيذية، وأشار إلى أن الحكومة المقبلة عموماً لن تكون ائتلافية بالمعنى التقليدي ولن تكون حزبية بل ستشارك فيها شخصيات مؤمنة بالبرنامج المطروح

دينا صباحك خير
البلع بيحصل ماتستعجلي اصبري حتي يستبين الخيط وتشرق الشمس لتكشف المستور تحت اغطية الصحاف وغيره

Post: #11
Title: Re: يخـرخـروون !!
Author: دينا خالد
Date: 01-23-2011, 08:01 AM
Parent: #4

وهاجم الصـحاف تو ((هاجم القوى السياسية المعارضة، واتهمها بالسعي لخلق فتنة في الشمال تحت دعاوى عدم شرعية الحكومة، واصفاً مساعيها بالفاشلة والباطلة، فيما عززت الشرطة قواتها على مداخل ومخارج الخرطوم تحسباً لأية انفلاتات أمنية.بينما أكد والي الخرطوم ان الامن في ولايته «خط احمر لن نسمح بتجاوزه».وحمَّل .. خلال مخاطبته اجتماع مجلس شورى الوطني بالجزيرة في دورة الانعقاد الثانية أمس، الأحزاب والحكومات المتعاقبة على حكم البلاد مسؤولية انفصال الجنوب، مشيراً إلى أنها عمَّقت الفجوة بين أبناء الشمال والجنوب، مؤكداً أن الوطني بذل جهوداً مضنية لإقناع الجنوبيين بأهمية الوحدة. وقال إن من يزعم أن الوطني هو سبب الانفصال مثل «من يبحث عن شيء في خشم بقرة»، ووعد المعارضة برد الصاع صاعين حال المساس بأمن واستقرار الشعب، وأكد أن حزبه مع الحريات، لكنه ليس مع الفوضى.وأفاد: «الذين يظنون أنهم حققوا انتصاراً معنوياً بهذا الكلام واهمون»، وحذّر: «مافي لعب بالحريات ومافي فوضى والبادئ أظلم». وأضاف أن الأحزاب سبقت الوطني في القبول بتقرير مصير الجنوب، مشيراً إلى أنها كادت أن تعتمد العلمانية في الشمال إبَّان مباحثات أسمرا في 1995م. وكشف عن تقارير لمنظمات دولية كانت تتحدث في الانتخابات الماضية عن تحالف قوى المعارضة باعتباره خطوة لإسقاط النظام. وذكر أن القضية مازالت بين معسكرين «الحركة الشعبية واليسار» ومعسكر آخر يعتبر أن الإنقاذ سلبت منه الحكم، مؤكداً أن الإنقاذ ماضية في طريقها رغم العقبات.

))

ـــــــــــــــــــ
نواصل الهم
دينا الصايغ .

Post: #13
Title: Re: يخـرخـروون !!
Author: أمير عثمان
Date: 01-23-2011, 08:07 AM
Parent: #11

كل ما من شأنه لم الشمل و الدفع للأمام لا بأس به فى ظل الأزمة الحالية ...

وتحياتى ...

Post: #15
Title: Re: يخـرخـروون !!
Author: عمر عبد الله فضل المولى
Date: 01-23-2011, 08:14 AM
Parent: #11

الاخت دينا سلام

رئيس حزب الامة القومي وضع شروط وحدد لها مدة معينة اذا لم يتم الاستجابة لها سوف يتخذ ااحد خيارين حددهم بوقت معلوم وقبل انتهاء الفترة اتصل المارشال البشير وطلب لقاء رئيس الحزب ووعد بدراسة الشروط المقدمة والرد عليها بعد دراستها....

خاص حريات : التقى مساء اليوم بالخرطوم وفد من حزب الأمة القومي برئاسة الإمام الصادق المهدي بوفد من المؤتمر الوطني الحاكم برئاسة السيد عمر البشير بدعوة من الأخير، حيث قدم حزب الأمة ورقة حوت الأجندة الوطنية العاجلة ووعد المؤتمر الوطني بدراستها والرد في لقاء لاحق. وجاء في بيان من مكتب رئيس حزب الأمة أن اللقاء تناول “الموقف الخطير الذي تمر به البلاد”، وأن حزب الأمة القومي قدم في اللقاء “مشروع الأجندة الوطنية التي تستوجب الاتفاق على كافة قضايا البلاد المصيرية، ثم تكوين آلية قومية لا يستثنى منها أحد لتنفيذها” وأكد الحزب “أن مناخ التوافق القومي الذي لا يستثني أحدا يوجب كفالة الحريات وإطلاق سراح المعتقلين السياسيين خاصة الدكتور حسن الترابي ورفاقه، أو إجراء المساءلة القضائية العادلة”.
وفي اتصال هاتفي لـ(حريات) بالأستاذة سارة نقد الله رئيسة المكتب السياسي لحزب الأمة القومي قالت إن وفد حزب الأمة شمل إضافة للرئيس ولها الأستاذ علي قيلوب رئيس الهيئة المركزية، وبروفسور الشيخ محجوب رئيس هيئة الضبط والرقابة والسيد صديق محمد إسماعيل النور الأمين العام للحزب، في حين ضم وفد المؤتمر الوطني رئيسه عمر البشير ونائبه د. نافع علي نافع والبروفسور إبراهيم أحمد عمر ود. مصطفى عثمان إسماعيل.
وعما إذا كان اللقاء وصل لاتفاق معين أو أي تكوين ثنائي بين الأمة والمؤتمر نفت الأستاذة سارة ذلك وقالت: “لقد طالب وفد المؤتمر الوطني تكوين آلية ثنائية بيننا ولكننا أجلنا الحديث عن أية تكوينات إلا بعد الاطلاع على رأيهم في الأجندة المطروحة”.
وحول ما ورد في البيان من حديث عن الحريات والمعتقلين قالت سارة موضحة: هذا كلام أساسي بالنسبة لنا وقد ذكر رئيس الحزب الكلام بشكل واضح جدا، لقد احتجوا بالحديث عن معلومات أدلى بها أسرى العدل والمساواة إبراهيم ألماظ تحديدا، ومن هنا جاء حديثنا عن ضرورة التعامل مع أي تهم عبر المحكمة العادلة، وأضافت: “الاعتقال بالشكل الحالي مرفوض”.
ولدى سؤال (حريات) حول ما إذا كان لهذه الخطوة أثر على موقف الحزب وتعبئته الجماهيرية المعلنة قالت على الفور: أبدا، بل على العكس من ذلك فإن خططنا وتعبئتنا ليوم 26 يناير كما هي، وسوف يعقد رئيس الحزب اجتماعا يوم الاثنين مع قيادات القوى الوطنية لإطلاعهم على هذا التحرك وللاتفاق حول الخطوة القادمة، وأضافت: “نحن باقون على موقفنا واستجابتنا لدعوة المؤتمر الوطني تاتي في إطار شرحنا للمطالب الوطنية التي طالبناهم بها وأعطيناهم مهلة للتفكير فيها”.
يذكر ان رئيس حزب الأمة كان قدم في نهارية المصيرالوطني بتاريخ 25/12/2010م أجندة معينة للحل الوطني تتمثل في تكوين حكومة قومية لعقد اتفاق توأمة مع الجنوب وحل دارفور وإشاعة الحريات وحقوق الإنسان والتعامل العقلاني مع ملف المحكمة الجنائية الدولية، وأمهل الإمام الصادق المؤتمر الوطني حتى يوم 26/1 وهو تاريخ تحرير الخرطوم بيدي قوت المهدية- للاستجابة لهذه الشروط وقال في حالة عدم الاستجابة فإن حزب الأمة سوف يبحث خياراته أما هو فسيبقى لديه خيارين إما اعتزال السياسة أو الانضمام لمعسكر مواجهة النظام.

Quote: وعد عمر البشير رئيس المؤتمر الوطني والحزب الحاكم القوي المعارضه بلحس الكوع في القضارف ووعد بعدم الاستجابه لاي دعوي مبنية علي حل الحكومه الحالية وقيام حكومة قومية تشارك فيها القوي الوطنيه او اي دعوه مدغمسه تقوم علي الدعوه بالاعتراف بالتعدد الاثني والثقافي والديني في السودان بالاشاره الي دعوة الحبيب الامام الصادق المهدي التي رهن سقفها الزمني ب 26 ياناير للاستجابه للمطالب والاجنده الوطنية التي اجمعت عليها قوي الاجماع الوطني واقرتها للدفع بالضغط علي النظام للاستجابه لها وكان ذالك شارة الي خطاب الامام الصادق المهدي باعتزاله عن السياسة في حالة عدم الاستجابة الي مطالبه في الاجندة الوطنية التي يدعوا لها او أن يقبل المؤتمر الوطني بالخريطة الآتية:
· حل أداة الحكم الحالية وتكوين حكومة قومية جامعة. حكومة مهمتها:
‌أ. إدارة الشأن الوطني والدعوة لمؤتمر قومي دستوري لكتابة دستور البلاد الدائم.
‌ب. إبرام معاهدة توأمة مع دولة الجنوب فورا.
‌ج. الاستجابة لمطالب أهل دارفور المشروعة وتعميم ذلك على الأقاليم الأخرى.
‌د. توفير الحريات العامة
‌ه. التصدي للمسألة الاقتصادية.
‌و. التعامل الواقعي مع المحكمة الجنائية الدولية.
إذا قبل المؤتمر الوطني هذه الخريطة يمكننا الخوض في التفاصيل والتوقيتات.
.ونجد ان النظام بعد ان راي جموع الانصار وحزب الامه الهادرة تهتف لاتنازل بل نزال نحن معاك نساء ورجال في الجزيرة ابا بولاية النيل الابيض وبدأ العد التنازلي وتقاطرت حشود الولايات جماعات وفردانا تنتظر لحظة الخلاص مسانده لامام الانصار وزعيم حزب الامه من التنازل عن السياسة بل دعم كل خيارات الاطاحه ان لم يستجيب النظام للمطالب التي عبر عنها الصادق المهدي بان حزب الامه لن يتنازل عنها ( دت ) فاذا بالنظام يتحسس الحراك العالي الذي انتجه حزب الامه وقوي الاجماع الوطني في جميع الولايات وقدرته علي تحريك الساكن وحشد طاقت الجميع إضطر ان يلحس كوعوا ويبلع كل كلامه الذي انتشر من نفي لكل مامن شانه يدعوا الي حكومه قومية او تفاوض في هذا الشأن نجد ان اتصالات الحكومه جمعات وفردانا واتصلات رسمية وغير رسمية لاثناء حزب الامه من تاريخه المزمع والمقطوع كنهاية للعرض السلمي لتاريخ التفاوض حول البنود اعلاه او الاستقاله لقيادته او الاطاحه التي رجحتها كل جماعات حزب الامه وايدتها كل الفرعيات داخل وخارج السودان من قطاع المهجر والقطاعات الاخري كخيار في حالة عدم استجابة النظام للتفاوض حولها فأذا بالنظام يرسل رسله ويدعوا الصادق المهدي للتفاوض في اجندته الوطنية التي اعتبرها البشير لحسة كوع فلحس المؤتمر الوطني كوعه وكل نفيه للتفاوض في مدني وفي القضارف حقا إن ارادة الجماهير هي الغالبه مذيدا من الضغط حتي تتحقق كل المطالب دون تسويف وصدق من قال ( إن المؤتمر الوطني اشبه باليمونه كان ماعصرتوا مابيديك ) فالتحية لحزب الامه وقيادته العصر الذي جعلهم يلحسون كوعهم .

بتاريخ 23 يناير, 2011 03:29 ص، جاء من Alhadi Abdulla :

وعد عمر البشير رئيس المؤتمر الوطني والحزب الحاكم القوي المعارضه بلحس الكوع في القضارف ووعد بعدم الاستجابه لاي دعوي مبنية علي حل الحكومه الحالية وقيام حكومة قومية تشارك فيها القوي الوطنيه او اي دعوه مدغمسه تقوم علي الدعوه بالاعتراف بالتعدد الاثني والثقافي والديني في السودان بالاشاره الي دعوة الحبيب الامام الصادق المهدي التي رهن سقفها الزمني ب 26 ياناير للاستجابه للمطالب والاجنده الوطنية التي اجمعت عليها قوي الاجماع الوطني واقرتها للدفع بالضغط علي النظام للاستجابه لها وكان ذالك شارة الي خطاب الامام الصادق المهدي باعتزاله عن السياسة في حالة عدم الاستجابة الي مطالبه في الاجندة الوطنية التي يدعوا لها او أن يقبل المؤتمر الوطني بالخريطة الآتية:
· حل أداة الحكم الحالية وتكوين حكومة قومية جامعة. حكومة مهمتها:
‌أ. إدارة الشأن الوطني والدعوة لمؤتمر قومي دستوري لكتابة دستور البلاد الدائم.
‌ب. إبرام معاهدة توأمة مع دولة الجنوب فورا.
‌ج. الاستجابة لمطالب أهل دارفور المشروعة وتعميم ذلك على الأقاليم الأخرى.
‌د. توفير الحريات العامة
‌ه. التصدي للمسألة الاقتصادية.
‌و. التعامل الواقعي مع المحكمة الجنائية الدولية.
إذا قبل المؤتمر الوطني هذه الخريطة يمكننا الخوض في التفاصيل والتوقيتات.
.ونجد ان النظام بعد ان راي جموع الانصار وحزب الامه الهادرة تهتف لاتنازل بل نزال نحن معاك نساء ورجال في الجزيرة ابا بولاية النيل الابيض وبدأ العد التنازلي وتقاطرت حشود الولايات جماعات وفردانا تنتظر لحظة الخلاص مسانده لامام الانصار وزعيم حزب الامه من التنازل عن السياسة بل دعم كل خيارات الاطاحه ان لم يستجيب النظام للمطالب التي عبر عنها الصادق المهدي بان حزب الامه لن يتنازل عنها ( دت ) فاذا بالنظام يتحسس الحراك العالي الذي انتجه حزب الامه وقوي الاجماع الوطني في جميع الولايات وقدرته علي تحريك الساكن وحشد طاقت الجميع إضطر ان يلحس كوعوا ويبلع كل كلامه الذي انتشر من نفي لكل مامن شانه يدعوا الي حكومه قومية او تفاوض في هذا الشأن نجد ان اتصالات الحكومه جمعات وفردانا واتصلات رسمية وغير رسمية لاثناء حزب الامه من تاريخه المزمع والمقطوع كنهاية للعرض السلمي لتاريخ التفاوض حول البنود اعلاه او الاستقاله لقيادته او الاطاحه التي رجحتها كل جماعات حزب الامه وايدتها كل الفرعيات داخل وخارج السودان من قطاع المهجر والقطاعات الاخري كخيار في حالة عدم استجابة النظام للتفاوض حولها فأذا بالنظام يرسل رسله ويدعوا الصادق المهدي للتفاوض في اجندته الوطنية التي اعتبرها البشير لحسة كوع فلحس المؤتمر الوطني كوعه وكل نفيه للتفاوض في مدني وفي القضارف حقا إن ارادة الجماهير هي الغالبه مذيدا من الضغط حتي تتحقق كل المطالب دون تسويف وصدق من قال ( إن المؤتمر الوطني اشبه باليمونه كان ماعصرتوا مابيديك ) فالتحية لحزب الامه وقيادته العصر الذي جعلهم يلحسون كوعهم .

Post: #12
Title: Re: يخـرخـروون !!
Author: دينا خالد
Date: 01-23-2011, 08:05 AM
Parent: #4

الصحاف فى الهواء الطلق بشندى
يحاكى اقوال اسماعيل باشا
((وأكد عدم خشيته لكيد المتآمرين، وقال نحن لهم بالمرصاد ولن يزيدنا المكر إلا صلابة ولن تزيدنا الفتن إلا قوة. وأكد إن العالم يعيش توترات ومشاكل تخلقها قوى الشر. وقال إن الناس يظنون أن إشتعال المشاكل بين الطوائف الدينية يمكن أن يكون بوابة للتدخل وأكد أن هذا باب لا يمكن الدخول منه، وزاد نحن أقرب لبعضنا من دون الآخرين جميعاً.
))

Post: #14
Title: Re: يخـرخـروون !!
Author: Amira Elsheikh
Date: 01-23-2011, 08:11 AM
Parent: #12

Quote: وهاجم الصـحاف تو ((هاجم القوى السياسية المعارضة، واتهمها بالسعي لخلق فتنة في الشمال تحت دعاوى عدم شرعية الحكومة، واصفاً مساعيها بالفاشلة والباطلة، فيما عززت الشرطة قواتها على مداخل ومخارج الخرطوم تحسباً لأية انفلاتات أمنية.بينما أكد والي الخرطوم ان الامن في ولايته «خط احمر لن نسمح بتجاوزه».وحمَّل .. خلال مخاطبته اجتماع مجلس شورى الوطني بالجزيرة في دورة الانعقاد الثانية أمس، الأحزاب والحكومات المتعاقبة على حكم البلاد مسؤولية انفصال الجنوب، مشيراً إلى أنها عمَّقت الفجوة بين أبناء الشمال والجنوب، مؤكداً أن الوطني بذل جهوداً مضنية لإقناع الجنوبيين بأهمية الوحدة. وقال إن من يزعم أن الوطني هو سبب الانفصال مثل «من يبحث عن شيء في خشم بقرة»، ووعد المعارضة برد الصاع صاعين حال المساس بأمن واستقرار الشعب، وأكد أن حزبه مع الحريات، لكنه ليس مع الفوضى.وأفاد: «الذين يظنون أنهم حققوا انتصاراً معنوياً بهذا الكلام واهمون»، وحذّر: «مافي لعب بالحريات ومافي فوضى والبادئ أظلم». وأضاف أن الأحزاب سبقت الوطني في القبول بتقرير مصير الجنوب، مشيراً إلى أنها كادت أن تعتمد العلمانية في الشمال إبَّان مباحثات أسمرا في 1995م. وكشف عن تقارير لمنظمات دولية كانت تتحدث في الانتخابات الماضية عن تحالف قوى المعارضة باعتباره خطوة لإسقاط النظام. وذكر أن القضية مازالت بين معسكرين «الحركة الشعبية واليسار» ومعسكر آخر يعتبر أن الإنقاذ سلبت منه الحكم، مؤكداً أن الإنقاذ ماضية في طريقها رغم العقبات.

فى ذمتك الكلام دا جد اتقال؟

Post: #20
Title: Re: يخـرخـروون !!
Author: محمد المرتضى حامد
Date: 01-23-2011, 08:36 AM
Parent: #14

وقال إن من يزعم أن الوطني هو سبب الانفصال مثل «من يبحث عن شيء في خشم بقرة»

إن كان الوالي قال هذا الكلام فعليكم ألا تستهينوا به باعتباره حديث رجل اختصاصي،

رغم أني لا أرى علاقة بين المثل الفارغ المضمون والمحتوى وبين الواقعة لكن مثل هذه اللغة أصبحت ما يميزهم عن غيرهم.

خشم بقره!!

_

قبل يومين خاطب نافع بعض منسوبي المؤتمر الوطني واصفا المعارضه ب (الدهنسه)..
وطلب من أهل المعارضه أن يقعدوا ( في الضُل)..

Post: #16
Title: Re: يخـرخـروون !!
Author: دينا خالد
Date: 01-23-2011, 08:16 AM
Parent: #4

ماذا قال ممثل الاقباط ؟؟

(( وانتقد ممثل الأقباط الأنبا إيليا أحداث الاسكندرية وما يحدث للأقباط في دول أخرى، ووصفه بأنه أمر لا يمت للإنسانية بصلة، وامتدح معاملة السودانيين للمسيحيين. ))

حريييف يا انبا
واحنا مالنا

انتقد الاسكندرية ذى ما انت عايز
لوووووووووب
فصحاف الاسكندرية لا يسمعك ...

ــــــــــــــ
ح احكى ليكم قصة الصحفيين المشهورة تانى
التقيا ايام الحرب الباردة بين روسيا وامريكا
الاميريكى بفشر على الروسى قال لى انا استطيع ان اعتلى
اعلى منبر فى امريكا واشتم الرئيس الامريكى ..
الروسى رد عليهو بسرعه وانا كذلك استطيع ان اعتلى اعلى منبر
فى روسيا واشتم الرئيس ... الامريكى

Post: #18
Title: Re: يخـرخـروون !!
Author: العوض المسلمي
Date: 01-23-2011, 08:26 AM
Parent: #16

الصادق المهدي قيادة واعية لحزب كهل ...
لعله راي بعين البصيرة كيفية صيرورة الامور ...

_____________
يادينا ..
زول يسالني من صيرورة يعني شنو مافي ..!!

Post: #19
Title: Re: يخـرخـروون !!
Author: احمد التجانى احمد
Date: 01-23-2011, 08:27 AM
Parent: #16

Quote: لوووووووووب

دينا خالد
what would we do without you

Post: #21
Title: Re: يخـرخـروون !!
Author: ندى عثمان حسن
Date: 01-23-2011, 08:44 AM
Parent: #19

Quote: وزاد نحن أقرب لبعضنا من دون الآخرين جميعاً.

يبالغون

Post: #23
Title: Re: يخـرخـروون !!
Author: احمد التجانى احمد
Date: 01-23-2011, 08:46 AM
Parent: #19

Quote: وانتقد ممثل الأقباط

دة هانى رمزى ؟
واحنا مالنا

________________________________________________

اكتفى بالمداخلتين اعلاه
باقى اليومين دى كل من تسول له نفسه باكثر من مداخلة فى بوست (سيدة) زميلة
طوااااالى يتهم بالملاحقة

Post: #22
Title: Re: يخـرخـروون !!
Author: دينا خالد
Date: 01-23-2011, 08:45 AM
Parent: #16

معروف حمدين
هو ذاتو بدل يسموا فتح الخرطوم
يقولوا سقوط الخرطوم !!

عزيز عيسى
وهو دا وصلوهم وين ؟؟
خليهم يعيدوا الكرى
اذا فى باقى ثمن ما ادفع ح يدففع ...

Post: #26
Title: Re: يخـرخـروون !!
Author: Amira Elsheikh
Date: 01-23-2011, 08:53 AM
Parent: #22

Quote: اكتفى بالمداخلتين اعلاه
باقى اليومين دى كل من تسول له نفسه باكثر من مداخلة فى بوست (سيدة) زميلة
طوااااالى يتهم بالملاحقة

لوووووول ياباشمهندس.... دى ما ادونا ليها ...

__________________________________
بالله رجع لينا صورة الولد للبروفايل شان نصبح بيها ..

Post: #24
Title: Re: يخـرخـروون !!
Author: دينا خالد
Date: 01-23-2011, 08:49 AM
Parent: #16

يايوسف السمانى
ناس الامة قالوا قدمنا الاجندة الوطنية ..
ناس الحكومة ردوا عليهم
ينظر ويفاذ !!

ـــــــــــــــــــ
كأنو لاول مرة بقدموها !..
حقو يكلمونا بالتقديم الاخير ..

Post: #25
Title: Re: يخـرخـروون !!
Author: دينا خالد
Date: 01-23-2011, 08:51 AM
Parent: #16

يايوسف السمانى
ناس الامة قالوا قدمنا الاجندة الوطنية ..
ناس الحكومة ردوا عليهم
ينظر ويفاذ !!

ـــــــــــــــــــ
كأنو لاول مرة بقدموها !..
حقو يكلمونا بالتقديم الاخير ..

Post: #27
Title: Re: يخـرخـروون !!
Author: دينا خالد
Date: 01-23-2011, 09:04 AM
Parent: #16

العزيز عمر فضل المولى

Quote: خاص حريات : التقى مساء اليوم بالخرطوم وفد من حزب الأمة القومي
برئاسة الإمام الصادق المهدي بوفد من المؤتمر الوطني الحاكم
برئاسة السيد عمر البشير بدعوة من الأخير،

يا عمر لو قصدك اللقاء تم بحزب مع حزب اخر مفروض كان يكون
فى النادى الكاثوليكى مقر المؤتمر الوطنى ..
اللقاء تم فى القصر الجمهورى معناها كان مع رئيس الجمهورية

ــــــــــــــــــ
برضو لو حزب مع حزب ينادى لييه ؟؟
الداير التانى بمشى لى مش؟؟ ما دار حزب الامة
دى ظاااهرة من زمن البشير بيجى يتفسح فى الخرطوم ..

Post: #28
Title: Re: يخـرخـروون !!
Author: دينا خالد
Date: 01-23-2011, 09:07 AM
Parent: #16

اميرة الشيخ !
والله صحى ...
الليلة لووووب

Post: #29
Title: Re: يخـرخـروون !!
Author: داليا حافظ
Date: 01-23-2011, 09:44 AM
Parent: #28

Quote: برضو لو حزب مع حزب ينادى لييه ؟؟
الداير التانى بمشى لى مش؟؟ ما دار حزب الامة
دى ظاااهرة من زمن البشير بيجى يتفسح فى الخرطوم ..

ده إسمها يدردقون ..

أو يتكبكبون ..

والمشكلة كلها ..في حركةيظهرون ..

Post: #30
Title: Re: يخـرخـروون !!
Author: Asim Fageary
Date: 01-23-2011, 09:47 AM
Parent: #28

No Antenna without Dina

______________________________________________________________________________________
Antenna = Projection

Post: #32
Title: Re: يخـرخـروون !!
Author: Abdlaziz Eisa
Date: 01-23-2011, 10:43 AM
Parent: #30

لا لا لن نحيـــــــــــــــــد...

نهديها تذكرة!!!!!!!!!

Post: #31
Title: Re: يخـرخـروون !!
Author: عبدالفتاح أبوشيمة
Date: 01-23-2011, 10:04 AM
Parent: #28

لا لا
بل يهتدون
هو إنتو مون
عشان مصطلحاتنا تغيّرون
هو حتى المون
يخدمون
في قصة الجذر
والمدّون
فكيف تحكمون؟
هل هم منافقون؟
أم هم طيّبون
من محتد مأمون
أين حججكم التي بها تقارعون
-
ست البوست الكريمة
والله عجبني عنوانك
وجيت كتبت الخارم بارم
دا
فرجاء لا تزعلون
ولا حتى تتساءلون
سمحون؟
لك كل الاحترام

Post: #33
Title: Re: يخـرخـروون !!
Author: يوسف السماني يوسف
Date: 01-23-2011, 10:54 AM
Parent: #31

Quote: ناس الامة قالوا قدمنا الاجندة الوطنية ..
ناس الحكومة ردوا عليهم
ينظر ويفاذ

دينا خالد الاجندة ان كانت اجندة وطنية كان من المفترض ات تطرح للقوي السياسية (قوي الاجماع الوطني ) لمناقشتها والموافقة عليها قبل الدخول في مفاوضات ثنائية .
المؤتمر الوطني يجزئ قضايا الوطن اولا بالاتفاقات الثنائية والترضيات .

Post: #34
Title: Re: يخـرخـروون !!
Author: GamarBoBa
Date: 01-23-2011, 11:14 AM
Parent: #33

Quote: اكتفى بالمداخلتين اعلاه
باقى اليومين دى كل من تسول له نفسه باكثر من مداخلة فى بوست (سيدة) زميلة
طوااااالى يتهم بالملاحقة

Post: #35
Title: Re: يخـرخـروون !!
Author: محمد عبد الماجد الصايم
Date: 01-23-2011, 11:29 AM
Parent: #34

نحن ليوم 26 منتظرون!!

Post: #36
Title: Re: يخـرخـروون !!
Author: Zoal Wahid
Date: 01-23-2011, 11:38 AM
Parent: #34

بوست مريح بشكل

تحياتي

Post: #37
Title: Re: يخـرخـروون !!
Author: احمد التجانى احمد
Date: 01-23-2011, 01:18 PM
Parent: #36

Quote: بالله رجع لينا صورة الولد للبروفايل شان نصبح بيها ..

الاخت / اميرة الشيخ
غالية والطلب رخيص

الاخ العزيز / GamarBoBa

نقشتها طبعا

غايتو تهمتى بالملاحقة حاصلة حاصلة
بسبب اميرة الشيخ وقمر بوبا

Post: #38
Title: Re: يخـرخـروون !!
Author: Amira Elsheikh
Date: 01-23-2011, 01:50 PM
Parent: #37

Quote: نقشتها طبعا

غايتو تهمتى بالملاحقة حاصلة حاصلة
بسبب اميرة الشيخ وقمر بوبا

يلاحق ويرميها فى اميرة وقمر بوبا المساكين

Post: #39
Title: Re: يخـرخـروون !!
Author: الصادق الزين
Date: 01-23-2011, 02:23 PM
Parent: #38

Quote: what would we do without you

لماذا تطنشون؟

Post: #40
Title: Re: يخـرخـروون !!
Author: احمد التجانى احمد
Date: 01-23-2011, 02:26 PM
Parent: #38

'طلباتك اوامر يا بت الشيخ

Post: #41
Title: Re: يخـرخـروون !!
Author: احمد التجانى احمد
Date: 01-23-2011, 02:34 PM
Parent: #40

Quote: لماذا تطنشون؟

الصادق الزين
اعمل نائمون

Post: #42
Title: Re: يخـرخـروون !!
Author: مهيرة
Date: 01-23-2011, 02:36 PM
Parent: #40

Quote: برضو لو حزب مع حزب ينادى لييه ؟؟
الداير التانى بمشى لى مش؟؟ ما دار حزب الامة
دى ظاااهرة من زمن البشير بيجى يتفسح فى الخرطوم ..

ياخ ماتحكيها شدييييييييييد يادينا!!!!!!!!!

تحياتى

Post: #43
Title: Re: يخـرخـروون !!
Author: محمد على طه الملك
Date: 01-23-2011, 02:47 PM
Parent: #42

Quote: برجاء عدم السخرية من خطوة السيد الصادق الراشدة.

كدا ما ينفع ..
كلم عمها ..
..

..

..

..

الأنصاري ما الشيوعي.

Post: #44
Title: Re: يخـرخـروون !!
Author: دينا خالد
Date: 01-23-2011, 02:58 PM
Parent: #38

احمد اليجانى سيدة فى عينك ..
انا بت ياخ بنيييه صغيروونه
عارفاك بتحرف فى البوست
خايف تتسخت لكن دا ما سيدى البسخت داك ..
دا حنين ياخ

ــــــــــــــــــ
الملاحقة هينة كعب التحرش ..
فى واحده بحكيها ليك فى الخاص
رسلها لى اميرة بالله ..

Post: #45
Title: Re: يخـرخـروون !!
Author: دينا خالد
Date: 01-23-2011, 03:09 PM
Parent: #38

امير عثمان
عفوا لم ارى مداخلتك
الله يولى من يصلح يا سيدى

عاصم فقيرى
قلت لى الانتينا طاشة ؟

يا احمد التجانى انشالله ما تعدمونى

Post: #47
Title: Re: يخـرخـروون !!
Author: GamarBoBa
Date: 01-23-2011, 04:17 PM
Parent: #45

صدق يا أحمد التيجاني سعيد لعودة بروفايل ولدك بشعار برشلونة..يا ريالابي

_
غايتو تحديدا لو زدت كلمة الموضوع ممكن يتطور..وأبقي أنا ملاحقك زاتو..خليك من باقي الصفات البقت تستحدث من مافي..من نوع تلاحقون الي التطورات الجديدة الشايفها دي
تسلم يا هندسة

Post: #46
Title: Re: يخـرخـروون !!
Author: دينا خالد
Date: 01-23-2011, 03:48 PM
Parent: #38

Quote: برجاء عدم السخرية من خطوة السيد الصادق الراشدة.

فقط نتأمل يا حسين ..
خطوتين ورا والتالته قدام ..
الانت راضى عنه دا الليلة بموووووت
حد يصحححححححى الانصار !

ـــــــــــــــــ
والنهر يطفح بالضحايا بالدماء القانية
دى ما اطنك عندك فيها كلام !!

Post: #50
Title: Re: يخـرخـروون !!
Author: دينا خالد
Date: 01-23-2011, 05:46 PM
Parent: #46

Quote:

Quote: برجاء عدم السخرية من خطوة السيد الصادق الراشدة.

كدا ما ينفع ..
كلم عمها ..
الأنصاري ما الشيوعي.

لوووووووب يا طه الملك
قلبك اسوووووواد
الغريبة عمى ضد القرار دا
اكتر من الشيوعين ذاتهم ..

ـــــــــــــــ
ديك خيلانى ما تلخبت ..
احفظ كويس ... مين عارف !

Post: #51
Title: Re: يخـرخـروون !!
Author: دينا خالد
Date: 01-23-2011, 05:53 PM
Parent: #46

قمر بوبا !!
انت ما كنت صاحبى ياخ
سمعت ولا جابو ليك
ولا اكون كمان (لاحقت) عزيز لديكم ؟

ود الصايم ..
منتظرين اييييه
ما تاوموا تروحو ..
شعب لا يمل الانتظار ابدا ..

زول واحد ؟؟
لقيتك بتاع مشاكل بشششكل .
ياخى راحتك تعب ...

Post: #54
Title: Re: يخـرخـروون !!
Author: دينا خالد
Date: 01-23-2011, 06:01 PM
Parent: #46

Quote: يخرخرون ويخرخرون ويمكن يخونون ذاتو !!
الصادق ده يادينا مافى طريقه يحجروا عليه ؟

كمال سالم
ما تكركر فينا روحك دى ياخ
ضد الحجر على الحريات
لكن لما المتحدث يكون فالت حقو
السامع يكون عاقل ..
القصة فى الجماهييييير يا كيمو
اها نجيب ليهم محجر من وين ؟؟
الا تفضوا لينا الدوحة دى
لى 2012 .. فى 2022 تفرج ...

ــــــــــــــ
حد يصححححى محمد عبد رحمن ..

Post: #48
Title: Re: يخـرخـروون !!
Author: دينا خالد
Date: 01-23-2011, 04:46 PM
Parent: #38

التحية للكريمة مريم الصادق

سليلة الاكرمين ........

ومواعين الحكومة تسع للجميع ) ودالباوقة

لووووووووووب يا ود الباوقة
خلاس انتهيتو و غسلتو المواعين ؟؟
هسه انا فرحت قلت احسسسن حاجة فى القصة دى
انو لما ديل يمشوا بى هناك ناس ود الباوقة
ح يجونا بى جاى .. لانو جنهم وجنهم !!

ــــــــــــــــــــ
تقوموا تطلعوا مسمكرين بى هناك سمكييير ؟
سمح السمح يا خوى ..
والماعندو اكرمين يشوف لى اكرمين ..
وهععععععع يا قولك

Post: #49
Title: Re: يخـرخـروون !!
Author: دينا خالد
Date: 01-23-2011, 05:20 PM
Parent: #48

الرد اعلاه كتبته فى بوست اخر
وبالخطا لزق هنا .. لى خير لى خير
يا ود الباوقة خلى هنا برضو

Post: #52
Title: Re: يخـرخـروون !!
Author: قيقراوي
Date: 01-23-2011, 05:57 PM
Parent: #49

دينا ياخ سؤال ... ممكن ؟

مسئول من الخير ؟ ... الخير بس واخدة بال حضرتك ؟ .. الشر برة و بعيد ...

Quote: وأضاف: ان كنتم لا تعلمون فتذكروا قول المتنبي: «إذا رأيت أنياب الليث بارزة فلا تحسبن أن الليث يبتسم»

انت " الصحاف " الناقلة منو روايتك دي ... هو " علي هبلّو " همسلف و لّ شنو ؟

ذكرني العوارة بتاعة المتوسطة بس
مخير الله !!
و الله " معليش يا سودان " ... زي ما قالت

Post: #53
Title: Re: يخـرخـروون !!
Author: صبري طه
Date: 01-23-2011, 05:59 PM
Parent: #49

ود الصايم كتب:

Quote: نحن ليوم 26 منتظرون!!

يا عمّك سمعت تحت تحت كدة تمّ إلغاء يوم 26 من شهر يناير ...

يعني من يوم 25 حينطّوا طوالي ليوم 27

وذلك منعاً للإحراج وكدة

ــــــــــــــــ
المشكلة إنو حينقص يوم من عمرنا

Post: #55
Title: Re: يخـرخـروون !!
Author: احمد التجانى احمد
Date: 01-23-2011, 06:13 PM
Parent: #53

Quote: صدق يا أحمد التيجاني سعيد لعودة بروفايل ولدك بشعار برشلونة..يا ريالابي

قمر بوبا يا حبيب كان تأشر بس وطلباتك اوامر
رغم كجينتى لقرشلونة

Post: #57
Title: Re: يخـرخـروون !!
Author: احمد التجانى احمد
Date: 01-23-2011, 06:21 PM
Parent: #55

Quote: احمد اليجانى سيدة فى عينك ..
انا بت ياخ بنيييه صغيروونه

الحسنة مابتنفع فيكم , قدر ما نقول نوطن ثقافة الاتيكيت والارستقراطية
فى البورد بترجعونا تانى للغة البنية السكرية , و حلاوة لبن
وبعدين هسة كشف الحال فى سيدى دة , عمايل بت صغيرونة

Post: #56
Title: Re: يخـرخـروون !!
Author: دينا خالد
Date: 01-23-2011, 06:21 PM
Parent: #49

يا احمد الفى الصورة دى اميرة ؟
ياخ دى متواضعة بشكل وبتداخل معانا كمان ..
وين الاجندة الوطنية يا اميرة ؟
مرق يا احمد باقى الصور مرق
اقطع السنتهم بسيف من حديد ..

الصادق الزين
الشمار دا يوم بقتتتتلك !

مهيرة
عجبتك دى ؟
لكن ناس يبررون ديل نعمل معاهم شنو ؟

Post: #58
Title: Re: يخـرخـروون !!
Author: على ميرغني
Date: 01-23-2011, 06:25 PM
Parent: #56

الاخت دينا وضيوفها.. تحيات كوم
لمن قلنا ورونا البديل منو قبل ازالة حكم البشير.. قالوا دا سؤال غبي... ا
ها خموا وصروا مع تتبدلون دا

Post: #59
Title: Re: يخـرخـروون !!
Author: دينا خالد
Date: 01-23-2011, 06:26 PM
Parent: #49

Quote: الاجندة ان كانت اجندة وطنية كان من المفترض ات تطرح للقوي السياسية
(قوي الاجماع الوطني ) لمناقشتها والموافقة عليها قبل الدخول في مفاوضات ثنائية .
المؤتمر الوطني يجزئ قضايا الوطن اولا بالاتفاقات الثنائية والترضيات

يوسف السمانى انت جبت النجيييييضة ..

عبد الفتاح ابو شيمة
لووووووب قووووية دى
شعر من بيت الكلاوى
ولكن منو يسمعون !![/center]

Post: #60
Title: Re: يخـرخـروون !!
Author: دينا خالد
Date: 01-23-2011, 06:40 PM
Parent: #59

Quote: الصادق المهدي قيادة واعية لحزب كهل ...
لعله راي بعين البصيرة كيفية صيرورة الامور ...
_____________
يادينا ..
زول يسالني من صيرورة يعني شنو مافي ..!!

العوض مسلمى
عفيناك من صيرورة دى خليها مرة تانية
لكن عين البصيرة دى ؟ ام حمد ولا واحدة تانية ؟؟

داليا حافظ
Quote: ده إسمها يدردقون ..

أو يتكبكبون ..

والمشكلة كلها ..في حركةيظهرون

اها والعواقب ياداليا ؟
الا يدركون ؟
لنا مهدى وخالد عويس
بالطريقة دى ,,,
سيمرقون !!
وبقية القواعد
سيتجهجهون !
سجمون سجمون ..

Post: #61
Title: Re: يخـرخـروون !!
Author: دينا خالد
Date: 01-23-2011, 06:51 PM
Parent: #59

قيقراوى يا عزيز
اها نجى للسؤال
السؤال وجيه
وانت عارف العواره ما بشحدوها ..
قيقا يا راقى شكرا .

صبرى يااا صبرى
المشكلة يا صبرى اليوم دا بالذاااات
ما بتبلعلهم ..
جات من اليوم الواحد يا صبرى ..
ندفع العمر كلو
ويرجعون ..
انا لله بقا .

Post: #62
Title: Re: يخـرخـروون !!
Author: دينا خالد
Date: 01-23-2011, 09:35 PM
Parent: #59

Quote: لمن قلنا ورونا البديل منو
قبل ازالة حكم البشير.. قالوا دا سؤال غبي... ا
ها خموا وصروا مع تتبدلون دا

على مرغنى !
البديل مهم والله .. لكن منو القال
انو البديل دا لازم يتوجد قبل التغيير ؟؟
ياخ البديل دا ممكن يتولد من رحم الثورة ذاتها
ممكن يتزامن وتصنعوا الثورة
ممكن يطهر شامخا عقبها ..
ممكن تنتجه التعبئة وقساوة المرحلة
المهم اننا ما نربط وجوده بوقت نقطعوا من شبطنا ..

ــــــــــــــ
البديل ،، ما يبقا فرمالة
خليه يبقى الدافع ..

Post: #63
Title: Re: يخـرخـروون !!
Author: دينا خالد
Date: 01-23-2011, 09:42 PM
Parent: #59

التضى ..
بالاخدر
لسان حال المعارضة بقول ليه ::
هو نحن لاقيين ال ضل ؟؟
ولو فى ضل نقعد فيه كان
الرايح لينا شنو ؟
ماااا اديتونا الهجير والحر والشمس !

ــــــــــــــــ
غايتو يا التضى حاكيها معاه كيف ؟
شفت المثل بتاع
الخيل يجقلبن والشررا فى القندول ؟
والله ذيوووووو مافى اى علاقة
كان ممكن من تخصصوا ذاتتو يجيب واحد يلفق ..

Post: #64
Title: Re: يخـرخـروون !!
Author: عمر محمد ابراهيم
Date: 01-23-2011, 09:44 PM
Parent: #63

شكرا الاستاذة دينا خالد
وكذلك ينبرشون :
(تهتدون ) و(تفلحون ) و(تضربون ) ...(تنبرشون ).. فتحكمون يالصادق المهدي

Post: #66
Title: Re: يخـرخـروون !!
Author: محمد أبوالعزائم أبوالريش
Date: 01-23-2011, 10:04 PM
Parent: #64

Quote: وهاجم الصـحاف تو

دينا ياخ ما تلخبطي لينا راسنا ....

ده الصحاف تو والاّ أبوساق تو؟

Post: #65
Title: Re: يخـرخـروون !!
Author: دينا خالد
Date: 01-23-2011, 09:56 PM
Parent: #59

الحبيبة ندى عثمان
يا عسل ..
Quote: تبالغون

بل

تشذون ..
عارفه يا ندى مجرد طرح الفكرة
مس بى شحذ الهمم وحالة التاهب والترقب
القصوى التى كانت تتملك الناس
وهسه الناس خلو اى حاجة وانصرفوا الى هذا
الحديث
يشارك ما يشارك
يعنى يقصدون
او لا يقصدون
مجرد طرح الفكرة ساهم فى تنفيس المنفوخ
وقسم الناس وشتتها واحدث الشقاق
اها اكتر من كدا هم ذاااتهم ما عايزين ..

ـــــــــــــــ
خبروا تدويرنا ..
وخبرنا انقاذهم وبث الروح فيهم كل ما ماتوا ..
يجيدون ..

Post: #67
Title: Re: يخـرخـروون !!
Author: حسن حماد محمد
Date: 01-23-2011, 10:06 PM
Parent: #1

الأخت دينا سلامات

ينتابنى احساس بأن الامام الصادق اصبح قواصة

Quote: .الخرخرة هينة
.
.
.
.
.
.
دى اسمها تقنعون ...............

الأخت أميرة وينك مالك غيابك طول

وله كنت لابده ليك بى حاجة

على العموم مرحب بيك

Post: #68
Title: Re: يخـرخـروون !!
Author: baha eassa
Date: 01-23-2011, 10:19 PM
Parent: #67

Quote: انشالله ما تعدمونى

اااااااااااااامين .. ..

Post: #69
Title: Re: يخـرخـروون !!
Author: دينا خالد
Date: 01-23-2011, 10:23 PM
Parent: #67

حسن حماد
جايى متاخر
وعااادى بترحب بالناس كمان ..
سلامات ازيك ياخ
قصة الغواصة دى ما فهمناها ..

عمر ابراهيم
سلامات ياقول حماد مرحب بيك ..

ــــــــــــــــ
ما تتعقد وتتزعل دا هزار ..
سمح ؟ لووووب .

Post: #70
Title: Re: يخـرخـروون !!
Author: حسن حماد محمد
Date: 01-23-2011, 11:03 PM
Parent: #1

الأخت دينا سلامات

Quote: حسن حماد
جايى متاخر
وعااادى بترحب بالناس كمان ..
سلامات ازيك ياخ
قصة الغواصة دى ما فهمناها ..

متأخر دى ما فهمتها

حكاية الامام قواصة أقصد بيها الآتى

كلما اشتد الخناق على الانقاذ مثل ما هو الحال الآن

وبعد انفصال الجنوب وارتفاع الاسعار

وعدوى المظاهرات بعد سقوط الطاقية التونسى

وبعد الحراك للشارع السودانى الذى بدأ يظهر هنا وهناك

وبدل أن يستثمر حزب الأمة كل هذه الطروف وغيرها ويعمل على حشد الجماهير

للخروج للشارع والعمل على ازالة هذا النظام المترنح

يخرج علينا الأمام بأن هناك أمل فى التعامل مع الانقاذ

لا أدرى ماذا يمكن أن تقدمه الانقاذ للشعب السودانى ولم تقدمه خلال 21 سنة

وبعدين السيد الامام جرب الدخول فى اتفاقيات مع النظام وأكتوى بنيرانه عدة مرات

فما جدوى هذه المساعى الآن _ لا أستطيع تفسير ذلك - الا أن يكون الامام اما عاجز أمام

قوة هذا النظام أو مستفيد من وجوده بصورة أو بأخرى

الكلام الباقى لا تعليق

Post: #71
Title: Re: يخـرخـروون !!
Author: Amira Elsheikh
Date: 01-24-2011, 08:25 AM
Parent: #70

Quote: اريتها مسكنتى بعد الحال

ياباشمهندس نحن قلنا نزل صورة الولد ..الوِلد ..شنو تعمل ليناحركات ( تستغلون)و(تحرجون ) فى الظرف الحرج دا?
ياخ الصورة التانية دى لو ما سحبتها نحن حنعمل

تزوغون

او تحردون من البوست دا ..

لحدى اسى نحن تتظاهرون بس,,,

Post: #72
Title: Re: يخـرخـروون !!
Author: Amira Elsheikh
Date: 01-24-2011, 08:27 AM
Parent: #71

الاخ حسن حماد ..

شكرا على السؤال والترحيب والله نحن عندناعملية (تأجزون) من البورد بين كل فترة والتانية ..

تسلم ومرحب بيك كتير

Post: #73
Title: Re: يخـرخـروون !!
Author: Asim Fageary
Date: 01-24-2011, 08:41 AM
Parent: #72

Quote: الأخت دينا سلامات

Quote: حسن حماد
جايى متاخر
وعااادى بترحب بالناس كمان ..
سلامات ازيك ياخ
قصة الغواصة دى ما فهمناها ..

متأخر دى ما فهمتها

حكاية الامام قواصة أقصد بيها الآتى

يا دينا يا مصحح لغوي ينصر دين دينك (بالحلفاوي)

Post: #74
Title: Re: يخـرخـروون !!
Author: Mohammed Tirab
Date: 01-24-2011, 08:57 AM
Parent: #73

الاخت دينا خالد

تحياتي

السيد الصادق

قال 26 يناير

بس ما قال سنة كم؟!!!

مالكم كيف ..........تحكمون

د.محمد تيراب
_______________
الحق يعلوا ولا يُعلى عليه

Post: #75
Title: Re: يخـرخـروون !!
Author: نيازي مصطفى
Date: 01-24-2011, 09:04 AM
Parent: #74

ناس المديده ..اطلعوا الشارع واسقطوا النظام بدلا عن اللهلهة هنا ..

Post: #79
Title: Re: يخـرخـروون !!
Author: Waly Eldin Elfakey
Date: 01-24-2011, 09:25 AM
Parent: #74

العزيزة دينا سلامات

Quote: حد يصحححححححى الانصار

الانصار صاحيين........... حد يصحي القيادات...................

و انا بسال حد يصحي الشعب كلو................ ننتظر لمتين عشان يصحي

هذا مع كامل ودي و تحياتي ولا اري في هذا البوست الا محاولة جادة للصحصة

و اقترح عليك اسم بوست اخر بعنوان ....... تصحصحون

Post: #76
Title: Re: يخـرخـروون !!
Author: احمد التجانى احمد
Date: 01-24-2011, 09:05 AM
Parent: #73

Quote: ياخ الصورة التانية دى لو ما سحبتها نحن حنعمل

تزوغون

اللازم تم عمله
عشان ما تمشى وتخلى دينا براها فى البوست الزى صيوان العقد دا

Post: #77
Title: Re: يخـرخـروون !!
Author: Asim Fageary
Date: 01-24-2011, 09:10 AM
Parent: #76

أحمد التجاني
سلام مربع

Quote: اللازم تم عمله
عشان ما تمشى وتخلى دينا براها فى البوست الزى صيوان العقد دا

صيوان عقد ليه دينا وأمير الشيخ كل واحدة بعشرة نسوان يبقى البوست فيهو 20 من النساء إذاً ليس بصيوان عقد

وهو المطلوب إثباته

مع تحياتي

عاصم فقيري

Post: #78
Title: Re: يخـرخـروون !!
Author: عبدالكريم الامين احمد
Date: 01-24-2011, 09:16 AM
Parent: #77

سنتابع

Post: #80
Title: Re: يخـرخـروون !!
Author: قيقراوي
Date: 01-24-2011, 09:36 AM
Parent: #76

Quote: قيقراوى يا عزيز
اسحب العبارة بتاعة المرض دى لانها
بتمس شريحة عزيزة علينا من المصابين
بلا يد لهم بهذا المرض
عارفه حساسيتك عالية ولا تقصد الاساءة
لاحد ولكن خوفا من ان تمس اى شخص يمر
من هنا من الاعضاء او القراء ..
فهمتنى مش .؟

لا ما فهمتك كلو كلو
لكن برضو سحبتا ... انت ست الكورة هنا. كمان تشيلي كورتك و تحمينا نلعب معاك
النسألك ( دبل ) ...
حساسية دي ما مرض برضو !؟
لووووووووووب

يا دندنة ياخ هو ( طفل ) لكن !؟
لو كان ذلك كذلك، فاتلومت انا دا كلو كلو ...
و ندمان و سافي التراب عدييييييييييل .. و كمان ترسلوا تراب - من النوع الكويس - الحداكم داك اسفوا ليكم برضو ... المافي شنو !؟

سحبنا ...
و اعتذاري لكل من ساءته العبارة

شكراااااااان يا عزيزة
ما عدمناك و لا شلت يداك ( مع اني ما عارف الحاصل شنو عموماً، لكن شكرك على وجه الخصوص للنباهة و التنبيه )

----------

اسمعي ياخ وكت جينا هنا تاني ... ممكن اشارك ؟

ياخ الصحاف 2 ما عندو أي علاقة بالصحاف سيد اللسم ...
داك خطير جداً و متمكن من شغلتو مية مية ...
تذكري لمن كان الامريكان بستولوا على " مطار صدام الدولي " كان بظهر الصحاف - سيد اللسم - و يمارس " التصحيف " بالطريقة الصاااااااااح
يجي يقول للصحفيين - الجد جد - انو جيشم مسيطر على الاوضاع و هولاء ( العلوج ) و اوك ارو روك العرب جووووووووك !
غايتو اكتر تمظهرات الظاهرة الصحافية كان وصلت قمتا النهائية في ( انو تعاملهم مع الستيويشن ح يكون [ Non conventional ] ] ... الصحاف - سيد اللسم - كان متمكن من شغلة التصحيف دي يا دينا ... كان بسوق اذهان المتلقي - المتابع ساي و المتلقي حجج - كان بسوقهم جهة ( الاسلحة الغير تقليدية من كيميائ و اللذي منو )
انقري النن كونفنشنال آكشن طلع شنو ؟
رشوا موية صابون في ارضية المطار
عاوزين طيارات الامريكان تتزلق في كل مكان ... مش برضو " بدعة " !؟

يجي صحاف السودان في العقد الثاني من الالفية الثالثة و يقول لي متنبئ !؟
هو ذاتو المتنبي اهلو - ما شغالين بكلامو - و عارفينو " متنبئ " ساي ... شنو التلصق في العربان دا ؟
زماااااااااااان في المدرسة اكتر زول هراااااااط هو البستخدم بيت " اسنان الليث " دا !؟
نشوفا وين ذاتو " اسنان الليث " نحن عايشين في ادغال اصلو !!؟ ... ماوكلي

Post: #81
Title: Re: يخـرخـروون !!
Author: Amira Elsheikh
Date: 01-24-2011, 09:49 AM
Parent: #80

Quote: باقى اليومين دى كل من تسول له نفسه باكثر من مداخلة فى بوست (سيدة) زميلة
طوااااالى يتهم بالملاحقة

Quote: غايتو تهمتى بالملاحقة حاصلة حاصلة بسبب اميرة الشيخ وقمر بوبا

شايفة مداخلاتك فاتت العشرة ودا من غير الصور..

وبعدين شنو حكاية تخلى دينا براها دى ؟؟؟

) تخافون ؟)

Post: #82
Title: Re: يخـرخـروون !!
Author: Amira Elsheikh
Date: 01-24-2011, 09:57 AM
Parent: #81

Quote: صيوان عقد ليه دينا وأمير الشيخ كل واحدة بعشرة نسوان يبقى البوست فيهو 20 من النساء إذاً ليس بصيوان عقد

الليلة ووووووووووب .شن قولك ياباشمهنس...اخونا عصام ختاها ليك برااااااااااحة ::::::)

اصصصصصلو ما انتبهت لحكاية انو نحن الاتنين بس (((السيدات))) لكن حركات المهندسيدن كلما يهدوكم منها( تابو) تتهدو

Post: #83
Title: Re: يخـرخـروون !!
Author: rummana
Date: 01-24-2011, 10:04 AM
Parent: #81

الأخت دينا سلامات
في إطار منطقة مفاجأة حزب الأمة(من منطق) توصلت للآتي:
الناس مش عايزة إراقة دماء ولا هتافات أو رفع أصوات ولا مظاهرات وإزعاج
عايزين تغيير رقيق يتميز بالحنية الشديدة والهدوء وعدم لخبطة السكون الجميل وإفساد روتين الحياة اليومية
رغم كده مأملين في منقذ
بالله لو حملوك مسؤلية زي دي.. كيف ممكن تتصرفي؟
الصادق المهدي كما اعتاد ..يواصل محاولاته التوفيقية السلمية لارضاء الغالبية، رغم أنه متهم بأنه أول من رفع السلاح في وجه الدولة
وزي ما قالت أخت في واحد من البوستات (الشاكي في الصادق المهدي يطلع الشارع)
أنا غايتو شاكة لكن بينا وبين يوم 26 يوم واحد
يعني الناس صبرت سنوات .. بقت على يومين!
وها أنا ينتظرون

Post: #84
Title: Re: يخـرخـروون !!
Author: GamarBoBa
Date: 01-24-2011, 12:06 PM
Parent: #83

Quote: قمر بوبا !!
انت ما كنت صاحبى ياخ
سمعت ولا جابو ليك
ولا اكون كمان (لاحقت) عزيز لديكم ؟

بالعكس يا دينا انا قايل انتي الزعلانة ولا حاجة..لانو مرقنا لينا غزوة صغيرة قبل فترة..فقلت ياخ اسلم عليك تقولي لي مالك ومالي..والزول ينكسف اسفيريا كدة بعد العمر ده فقلت للضمان أدوّر مع احمد التيجاني
كان علي الملاحقة لاحقي..انا ما عندي ناس بخاف عليهم..وخوتي لسستك عارفها.
تحياتي

Post: #85
Title: Re: يخـرخـروون !!
Author: هيثم التوم
Date: 01-24-2011, 01:16 PM
Parent: #84

دينا كيفك ...

يخرخرون ( ناس ) المؤتمر الوطنى

ويهرعون الى المعارضة

ليخرخروا ويقرقروا وحدتها

============================

سيخرخرون دما و يخرون للاذقان ( سجدا ) ...

تحياتي بلا حدود ...

Post: #86
Title: Re: يخـرخـروون !!
Author: دينا خالد
Date: 01-24-2011, 04:14 PM
Parent: #85

اميرة الشيخ واحمد التجانى !!
شنو العقلية الذكورية دى ؟
ونسوان ورجال وعاملين جوطة ..
الحقيقة عشان ما اجمعكم يا احمد
لانو اميرة لاعبة دفاع بس ما عندها ذنب
وجا فقيرى حددنا بى عشرة رجال بس
الدسته دى غلبتك يا عاصم ؟ سمح!

محمد ابو العزايم ياخ ابو ساق
مرق مرة واحدة واخيرة ..
لكن واك واك اليومييية دى !!

الانيق بهاء عيسى
ازيك ووالله مشتاقين !
الراس كيف ؟ حرق تش؟

Post: #87
Title: Re: يخـرخـروون !!
Author: احمد التجانى احمد
Date: 01-24-2011, 08:43 PM
Parent: #86

Quote: وجا فقيرى حددنا بى عشرة رجال بس
الدسته دى غلبتك يا عاصم ؟ سمح!

قال ليك مفاجاة 2011 الحكومة ح تلغى العمل بنظام الرطل والدستة والاوزان المتخلفة دى
وكيتا كدة للجنوبيين بعد ما يتخارجو , تشترى ربطة عنكوليب يدوك معاها صندوق جاتوه مجان

التحية لعاصم فقيرى ودينا خالد صاحبة البوست واميرة الشيخ وكل الاعضاء
وانا خلاص متخارج من البوست دة , اميرة بقت ماسكة تحسب لى المداخلات
انا قلت ما دام الملاحقة بقت بقت باقعد فى البوست القط ليكم الكور من الاوت
لكن سيدى ما بقول فيه كلمة الدنيا ما معروفة
بكرة تشوفون

Post: #88
Title: Re: يخـرخـروون !!
Author: دينا خالد
Date: 01-25-2011, 07:42 AM
Parent: #87

قال 26 يناير

بس ما قال سنة كم؟!!!

حلوووووة يا محمد تيراب
هم ديل بتمسكو ؟

محمد عبد الرحمن
عارفنك زعلان والله
تعال فرق معانا بى جاى وبكرة
الله يكضب الشينة

يوم 26 مجرد عرض لقوى الانصار
ذى عرض الدفاع الشعبى العملو المؤتمر الوطنى

Post: #89
Title: Re: يخـرخـروون !!
Author: دينا خالد
Date: 01-25-2011, 07:50 AM
Parent: #87

نيازى مصطفى
و المديدة دى انتو دايرنها باااردة !!
ولا بعد تسقط بتزحوا بعيد ؟
الاتحاديين قالوا مولانا قال ليهم
ابونا موصينا ما ندخل يدينا فى الفتة الحارة ..
لووووووب

والى الدين الفكى
يا سلام عليك وعلى فهمك
فعلا دى صحصحة وخايفين عليكم و

ــــــــــــــ
منكم ..

Post: #90
Title: Re: يخـرخـروون !!
Author: محمد يوسف الزين
Date: 01-25-2011, 08:06 AM
Parent: #89

ون داي ريماين حتى..يبلعــون

Post: #92
Title: Re: يخـرخـروون !!
Author: Waly Eldin Elfakey
Date: 01-25-2011, 08:22 AM
Parent: #89

العزيزة دينا

صباح الخير
Quote: يا سلام عليك وعلى فهمك
فعلا دى صحصحة وخايفين عليكم و

ــــــــــــــ
منكم ..

تخافي علينا و علي الشعب الهنا دي كويسة و مقبولة و كتر خيرك

لكن تخافي مننا دي ما اظن.......... ما تنسي و انا بذكرك
جماهير الانصار و حزب الامة عملوا شنو بعد اتفاق جيبوتي و اطروحات المشاركة في الحكم
جماهير الانصار عملت شنو لما كترت الاصوات البتنادي بمشاركة حزب الامة في المهزلة المسماة بالانتخابات في ابريل الماضي
جماهير الانصار و اعية و تعرف ماذا تفعل و متي تفعله
و الامثلة كثيرة
مع كامل ودي

Post: #91
Title: Re: يخـرخـروون !!
Author: دينا خالد
Date: 01-25-2011, 08:16 AM
Parent: #87

عبد الكريم
او كيكى الاصلى
مواقفك مشرفة كعاتك دائما
وخوفك وكواريكك مشروعه
امكن يصحوا كم نريد ونشتهى ..

قيقراوى يا نقة
( ياخ الصحاف 2 ما عندو أي علاقة بالصحاف سيد اللسم ...
داك خطير جداً و متمكن من شغلتو مية مية ...
تذكري لمن كان الامريكان بستولوا على " مطار صدام الدولي "
كان بظهر الصحاف - سيد اللسم - و يمارس " التصحيف " بالطريقة الصاااااااااح
يجي يقول للصحفيين - الجد جد -)
والله صدقتا داك منجججض شغلتو
انت فاااهم مش تعمل لى فيها ما فاهم
شكرا لتفهمك .. انا مشيت مسحت طلبى اجى القاك مكوتو !!

Post: #93
Title: Re: يخـرخـروون !!
Author: تبارك شيخ الدين جبريل
Date: 01-25-2011, 08:31 AM
Parent: #91

نحن عرفنا الصادق المهدى من اجندتو الوطنية انو هو داير شنو ...

كدى قولى لينا انتى يا دينا ...

انتى دايرة شنو؟ لو من الحكومة لو من المعارضة لو من الشعب لو من اللوج ..

... المهم ....

Post: #94
Title: Re: يخـرخـروون !!
Author: قيقراوي
Date: 01-25-2011, 08:33 AM
Parent: #91

Quote:
انت فاااهم مش تعمل لى فيها ما فاهم
شكرا لتفهمك .. انا مشيت مسحت طلبى اجى القاك مكوتو !!

طيب انت الما فهمتيني !
انا طلبت منك تمسحي حاجة ؟!

تاني شكرن
وياخ انت لا تفوتي لا تموتي كلو كلو *
و لا تفوتي حاجة ذاتو !

--------------

بس ما تدخلونا فلم ( كيف نعيش برا " كابرس " !؟ ) دا ، انت وأميرة و ( المهندس ) الغير احمد التجاني لابدين بيهو ... و شايف برضو الجماهير مطالباك بالرد .. و الرد بالسد

بالمناسبة برضو ...
امير بت الشيخ طلعت واصلة يا قدعان ! ...
طلعت اميرة جد جد

Post: #95
Title: Re: يخـرخـروون !!
Author: دينا خالد
Date: 01-25-2011, 08:33 AM
Parent: #87

اميرة
لى هددتى احمد ؟ حلوة الصورة والله ..
بعد ما الظروف دى تعدى تقدرى تختيها
فى البروفايل عشان ود العمدة دا ما يستلمنا
الليلة لوووب

يا رمانة
كل امالك واحلامك مشروعة
لكننا فى بلد تقتل فيها الامال ..
والاحلام تتحول
الى كوابيس ..
كلنا شاكين
بتوقع انو يوم 26 يكون مجرد عرض مدنى
ودا جديد !

Post: #96
Title: Re: يخـرخـروون !!
Author: دينا خالد
Date: 01-25-2011, 08:40 AM
Parent: #87

قمر بوبا بطل الحركات
كما كنت ...

ممكن تشارك فى الموضوع دا ؟

والقول ما قال هيثم التوم
(( ويهرعون الى المعارضة

ليخرخروا ويقرقروا وحدتها))
وطبعا يا هيثم هى ما ناقصة
على الهبشة ..

Post: #97
Title: Re: يخـرخـروون !!
Author: Asim Fageary
Date: 01-25-2011, 09:00 AM
Parent: #96

Quote: التحية لعاصم فقيرى ودينا خالد صاحبة البوست واميرة الشيخ وكل الاعضاء
وانا خلاص متخارج من البوست دة , اميرة بقت ماسكة تحسب لى المداخلات
انا قلت ما دام الملاحقة بقت بقت باقعد فى البوست القط ليكم الكور من الاوت
لكن سيدى ما بقول فيه كلمة الدنيا ما معروفة
بكرة تشوفون

يا أحمد التجاني

سلام

والله قلت أمشيها لكن حرقتني وأصريت ما أفوتها

_________________________________________

يا دينا تاني بوستاتك مش حندخلها خااااااااااالص

Post: #98
Title: Re: يخـرخـروون !!
Author: عبدالله احيمر
Date: 01-25-2011, 04:06 PM
Parent: #97

Quote: فما جدوى هذه المساعى الآن _ لا أستطيع تفسير ذلك - الا أن يكون الامام اما

عاجز أمام

قوة هذا النظام أو مستفيد من وجوده بصورة أو بأخرى

دينا لو تسـمحون
أطلب من حسـن حماد أن أقراها بكسـر الهمزة
أصـلو الجملة ذكرتني ( عاجز إمام ) , اخـو عادل إمام

Quote: سنتابع

يا كيكي

قـل ( متابعــــون )

الم تلحـظ لغـة القــوم .

فـلا تدقســون

Post: #99
Title: Re: يخـرخـروون !!
Author: دينا خالد
Date: 01-27-2011, 10:55 AM
Parent: #98

up
تتابعون

كانو قبل يوم 26 يناير
ثلاث خيارات
التفاوض
الاطاحة
او الاعتزال

ــــــــــــــــــ
سقط احد الخيارات شهيدا ..

Post: #100
Title: Re: يخـرخـروون !!
Author: دينا خالد
Date: 02-02-2011, 02:44 PM
Parent: #99

يا احمد التجانى مشتاقين ياخ !!

لووووووووووب ارحل ياخ ..

Post: #101
Title: Re: يخـرخـروون !!
Author: عبدالله احيمر
Date: 02-02-2011, 03:34 PM
Parent: #100

ومات الثاني بالســكتة القلبيـة

و بقـــى خيار واحـد

Post: #102
Title: Re: يخـرخـروون !!
Author: دينا خالد
Date: 02-05-2011, 07:40 AM
Parent: #101

فهل منكم من يعرف ذلك الخيار المتبقى
الذى تحدث عنه اخونا عبد الله الاحيمر ؟
ما عايزين نرجم بالغيب
ولا عايزين نتكلم بالتنجيم ..

بس العارف يقول لينا ...