اصابة مواطن بجروح خطيرة اثر تعرضه لحريق

اصابة مواطن بجروح خطيرة اثر تعرضه لحريق

الخرطوم:(smc)




أصيب المواطن الأمين موسى الأمين بجروح خطيرة اثر تعرضه لحريق في جسده بالمنطقة الصناعية ام درمان، وهرعت السلطات المختصة وقامت باسعافه الى مستشفى ام درمان.
وتعود تفاصيل الحادث بحسب أقوال إبن خالته سامي سعد دراج الذي كان متواجداً لحظة وقوع الحادث لـ(smc) ان بن خالته يدمن شراب الخمر وهو في حالة سكر دائم ويفتعل المشاكل، مشيراً أنه قابل المصاب ظهر اليوم وهو في حالة سكر وقام بافتعال مشاكل مع العاملين بالمنطقة الصناعية فقمنا بتهدئته وبعد ذلك خلد للنوم ليستيقظ عقب صلاة الجمعة مباشرة وهو لا يزال في حالة سكر.
ويقول سامي إن المذكور كان يحمل في يده قارورة كريستال اندلقت على جسده في الوقت الذي كان يهم باشعال الزناد الذي بحوزته الا ان حالة السكر اسهمت هى الاخرى في عدم تمكنه من السيطرة على الحريق الذي شب في جسده.

Quote: وتعود تفاصيل الحادث بحسب أقوال إبن خالته سامي سعد دراج الذي كان متواجداً لحظة وقوع الحادث لـ(smc) ان بن خالته يدمن شراب الخمر وهو في حالة سكر دائم ويفتعل المشاكل، مشيراً أنه قابل المصاب ظهر اليوم وهو في حالة سكر وقام بافتعال مشاكل مع العاملين بالمنطقة الصناعية فقمنا بتهدئته وبعد ذلك خلد للنوم ليستيقظ عقب صلاة الجمعة مباشرة وهو لا يزال في حالة سكر. ويقول سامي إن المذكور كان يحمل في يده قارورة كريستال اندلقت على جسده في الوقت الذي كان يهم باشعال الزناد الذي بحوزته الا ان حالة السكر اسهمت هى الاخرى في عدم تمكنه من السيطرة على الحريق الذي شب في جسده.

Quote: Quote: قابل المصاب ظهر اليوم وهو في حالة سكر وقام بافتعال مشاكل مع العاملين بالمنطقة الصناعية فقمنا بتهدئته وبعد ذلك خلد للنوم ليستيقظ عقب صلاة الجمعة مباشرة وهو لا يزال في حالة سكر.

المقابلة؟
الشكلة؟
النوم؟
الصحيان؟
باقى السكرة؟


الضهر ده فى السودان بقى من كم الى كم

كمال نوع العرقى شنو عيش ولا بلح

انباء عن ( بو عزيز سوداني )

Quote: نوع العرقى شنو عيش ولا بلح

ياخ انت قديم خالص

العرقى بقى من العنب

ابن خالتو طلعو سكران دا طوالي

ذكرني بي عصام دهب

لمن طلع قريبو مجنون

أتمني عاجل الشفاء لهذا المسكين
وطالما مصدر الخبر (مايسمي وكالة "سونا") فلن نصدق هذه الرواية أبدا.

ربنا يكتب سلامتو

فى سكرانين اعقل من واعين!
فى حاجة اسمها حد السكر تمكن الشخص من قيادة سيارته دون فرض غرامة ويكون اكثر تركيزا من شخص يتحدث مع اخر عبر الهاتف!
اول مرة نشوف سونا تجيب اخبار السكارى!
والله لو سكران بكون اوعى وافضل من ناس المؤتمر الوطنى
جنى

Quote: وهرعت السلطات المختصة وقامت باسعافه الى مستشفى ام درمان.

ايه الحنية دي؟ دا سكران ولا وزير دولة البتهرع ليهو السلطات، وتسعفو كمان!. عليكم الله يا ناس smc خبر زي دا قبال ما تفكوهو كدا في الهواء اتأكدوا إنو الناس تكون طلعت القنابير في الأول.

حتي بو عزيز السوداني طلعو سكير وعربيد وبتاع عرقي اصلي بقوووم مع اول بقة نااار..

وتفرج يا سلام يا متفرج

Quote: حتي بو عزيز السوداني طلعو سكير وعربيد وبتاع عرقي اصلي بقوووم مع اول بقة نااار..

وبكرة تشوف يا كيكي، ناس قدوقدو حيقيموا عليه الحد، تمانين جلدة، عظة وعبرة، فاكرين الشعب دا عبيط وريالتو سايلة، بينما هم العبط زاتو ما شي على كرعين؛ قال أيه سكران، والسلطات هرعت، ركز معاي على (هرعت) دي بالله ... هرع، يهرع، هرعاً، فهو هارع، وهروع.

Quote: ركز معاي على (هرعت) دي بالله ... هرع، يهرع، هرعاً، فهو هارع، وهروع.

هلا يا ود شاموق
وتحياتي
واكثر حاجة محيرة فعلا في الموضوع ده هو حكاية هرعت السلطات... هرع لسكرجي
والسلطات دي لو كانت بتهرع للسكرجية البواجهو مشاكل لوجستية زي الحالة القدامنا دي
كان مافي بتلقي سلطات في البلد دي تقوم بواجبات اخري... من اثر الهرع المتواصل والدائم...

-------
انا المحيرني في الموضوع ده برضو (العرقي) البقوم مع بقة الزناد ده
بو عزيزي ده لم فيهو وووووين..؟؟
ياخ ده عرقي كان بتعملو مرة وااااااااحدة في السودان ده وماتت في ضربة الكرمك
عموما هي محن انقاذية ومحاولة تمييع وتغبيش وعي
والبت الجلدوها طلعوها اييييه كده ماعارف
وبوعزيزي ده طلعو بتاع عرقي وفي العروقات اختاروا ليهو عرقي ابن لذينة كده ونادر وغالي زااتو
وزول بالمواصفات البقولو عليها دي حرررررررم كاس مساحةمن العرقي الاصلي ده ما يلم فيهو

Quote: كريستال

كمال ما فى صورة للمعروضات
بعدين الزول المحرق ومنتهى. عرفو
طاشم كيف ...شموه ولا كيف


الزول اكان مات ست العرقى
النضيف غنت تب
قطع شك ناس قدو قدو بيكون
همهم يعرفوا الطلمبة دى وين

وكيكى شايفو حاكى المسالة
واضح همو معرفة المطار


والله اعلم

كيكى نوع العرقى ده الكاس
بكون زى (الكرفتة) ثابت
وراكز.. انتاج وطنى صافى

Quote: ويقول سامي إن المذكور كان يحمل في يده قارورة كريستال اندلقت على جسده في الوقت الذي كان يهم باشعال الزناد الذي بحوزته الا ان حالة السكر اسهمت هى الاخرى في عدم تمكنه من السيطرة على الحريق الذي شب في جسده

ده حنك ماااا سنين

طيب يا جماعة خلونا نقول اهو بو عزيزي المنتظر ظهر في السودان...طيب منتظرين شنو؟؟
ابو عزيزي وظهر
وبعدين؟؟؟؟

الخرطوم: هادية - كشه


قال مصدر مطلع بوزارة الداخلية لـ «الرأي العام» أمس، أن أحد الشباب أشعل النار في جسده بمنطقة أم درمان دون إبداء أي أسباب أو تفسير لما أقدم عليه، واستبعد المصدر أن يكون الأمر تقليداً للذي يحدث في الدول العربية هذه الأيام من إحتجاجات على غلاء الأسعار، وأوضح أن الشاب تم إنقاذه وأدخل العناية المكثفة بمستشفى أم درمان أمس، وقال إن الحالة تعتبر شروعاً في الإنتحار، وأضاف: إذا خرج الشاب من المستشفى معافىً فإنه سيعاقب وفقاً للقانون تحت مواد الشروع في الإنتحار. وأوردت (أس. أم. سي) أمس، أن المواطن الأمين موسى الأمين أصيب بجروح خطرة، إثر تعرضه لحريق في جسده بالمنطقة الصناعية أم درمان، وهرعت السلطات المختصة وقامت بإسعافه إلى مستشفى أم درمان. واوضحت ان تفاصيل الحادث حسب أقوال إبن خالته سامي سعد دراج الذي كان موجوداً لحظة وقوع الحادث، تعود إلى أن موسى كان يفتعل المشاكل. وأشار إلى أنه قابل المدعو ظهر أمس وهو في حالة سُكر وقام بافتعال مشاكل مع العاملين بالمنطقة الصناعية وبعد ذلك خلد للنوم ليستيقظ عقب صلاة الجمعة مباشرةً وهو ما زال في نفس الحالة. وقال سامي إن المذكور كان يحمل في يده قارورة كريستال اندلقت على جسده في الوقت الذي كان يهم بإشعال الزناد الذي بحوزته، إلا أن حالة السكر أسهمت هي الأخرى في عدم تمكنه من السيطرة على الحريق الذي شب في جسده.