Post: #1
Title: شيل الصبر آبويزز!!
Author: عبد المنعم ابراهيم الحاج
Date: 01-20-2011, 10:45 PM
وإتعاصى حرفك
مامرقم إبتداء..
تتهجى جيهتك
من صعيد
أو سافل الغنية المضت ..
ويصبح مرقّط
مرفعين قلقك قصادك
والسياج ..
نقّيت حصاك رابع نهار التمرة
فلعت البحر..
طقيت سكاليب الهياج
في النيل ..
نادمت قوز الريح
جبدت أحلامك المشبوكة
في الوتد الكبير..
عارن حمير الشوق مغارب
وحسرتك برمنتي
مقطوع الحبال ..
أركز تعال
باطن حصارك والجسد
خليهو يرعاهو النكد
شيطان نعاج الفكرة سارح
في غنم إبليس
يسد إضنينو من صرخة وطن
راقد ممردغ في التراب
نصين وناب...
وشن القدرة ليك آبوي
تشيل لك هم جبل
فوق لي مواصة الزيت حراب ..
كدّب حنينك بالملود
الفوق بلادك بالصبر..
أغبش ،
كو صبح إحساسي
زي ثمرة دليب ،
وهزمنا في الوطن الكبير ،
والدولة حبة سمسمة
بينات لهاة الريق
على مجرى اللسان ..
الدولة صارت
في خبر كان
المكان..
عفواً على الإزعاج
الدولة والكرباج
بقن سيان على ولدي الصغير
إنت الكبير
لكن حنصغر في عيون
أجيال عقب..
يومنا النقيف في فد شبر
في الرصة حارسين
الرغيف..
ولسع نقيف!!!
سكين صراع السلطة
مسلول للقطع ..
أنا من خلاف
و إنت الكتاف آبوي
وكيف قدّرك
شَن قدرتك
ومطعونة شمسك باللِبار
ومخدّرة ..
شييل الصبر سخرية في القدر
البكضب صوت
جماهير الغضب.
أمرك عجب..
ونار القصب تتهجى
حالنا من النجيهة
وراء الغضب!!!
وعين السخط خايفين عليها
نَسبِّلا
فوق الأمل..
ناسجنو من كل الخيوت
وحارسينو
في بطن البيوت...
خشم الشوارع فاضية من ريحة بشر
غير المساسق فيها
بالبلطة وهراوات الكجر..
شيل لك مع صبرك حجر..
خبّت كبود الدولة بالإصرار
عناد
شِن قدرتك في دا
الحجر..
وأكجر قفاك على الجموع ..
العنقريب وبنات نعش ،
وحال العِصي المرفوعة
في نجمة تريا سبوع سبوع!!!؟
جليها من ها خضوع
ميزان دويلتك ما رجح ..
وكتين تكون
مفزوعة هداية الجدي..
والقوس منشن رمحو للقطب الجنوب
نزوع نزوع ..
ثور الخديعة وكم حمل منحور
فداء الحرية
في البرج الشمال..
طلوع طلوع
أبدا طلوع ..
والعقرب القلقان يلف كل الشوارع في الزمن.
لا حكمة ليك والدنيا
جوع...
|
Post: #2
Title: Re: شيل الصبر آبوي!!
Author: عبد المنعم ابراهيم الحاج
Date: 01-20-2011, 10:50 PM
Parent: #1
العنوان ..
شيل الصبر آبوي!!
الي خطاب حسن أحمد في وجعة البلد الكبير.
|
Post: #3
Title: Re: شيل الصبر آبوي!!
Author: اسماء الجنيد
Date: 01-20-2011, 10:57 PM
Parent: #2
Quote:
وإتعاصى حرفك
مامرقم إبتداء..
تتهجى جيهتك
من صعيد
أو سافل الغنية المضت ..
ويصبح مرقّط
مرفعين قلقك قصادك
والسياج ..
نقّيت حصاك رابع نهار التمرة
فلعت البحر..
طقيت سكاليب الهياج
في النيل ..
نادمت قوز الريح
جبدت أحلامك المشبوكة
في الوتد الكبير..
عارن حمير الشوق مغارب
وحسرتك برمنتي
مقطوع الحبال ..
أركز تعال
باطن حصارك والجسد
خليهو يرعاهو النكد
شيطان نعاج الفكرة سارح
في غنم إبليس
يسد إضنينو من صرخة وطن
راقد ممردغ في التراب
نصين وناب...
وشن القدرة ليك آبوي
تشيل لك هم جبل
فوق لي مواصة الزيت حراب ..
كدّب حنينك بالملود
الفوق بلادك بالصبر..
كو صبح إحساسي
زي ثمرة دليب ،
وهزمنا في الوطن الكبير ،
والدولة حبة سمسمة
بينات لهاة الريق
على مجرى اللسان ..
الدولة صارت
في خبر كان
المكان..
عفواً على الإزعاج
الدولة والكرباج
بقن سيان على ولدي الصغير
إنت الكبير
لكن حنصغر في عيون
أجيال عقب..
يومنا النقيف في فد شبر
في الرصة حارسين
الرغيف..
ولسع نقيف!!!
سكين صراع السلطة
مسلول للقطع ..
أنا من خلاف
و إنت الكتاف آبوي
وكيف قدّرك
شَن قدرتك
ومطعونة شمسك باللِبار
ومخدّرة ..
شييل الصبر سخرية في القدر
البكضب صوت
جماهير الغضب.
أمرك عجب..
ونار القصب تتهجى
حالنا من النجيهة
وراء الغضب!!!
وعين السخط خايفين عليها
نَسبِّلا
فوق الأمل..
ناسجنو من كل الخيوت
وحارسينو
في بطن البيوت...
خشم الشوارع فاضية من ريحة بشر
غير المساسق فيها
بالبلطة وهراوات الكجر..
شيل لك مع صبرك حجر..
خبّت كبود الدولة بالإصرار
عناد
شِن قدرتك في دا
الحجر..
وأكجر قفاك على الجموع ..
العنقريب وبنات نعش ،
وحال العِصي المرفوعة
في نجمة تريا سبوع سبوع!!!؟
جليها من ها خضوع
ميزان دويلتك ما رجح ..
وكتين تكون
مفزوعة هداية الجدي..
والقوس منشن رمحو للقطب الجنوب
نزوع نزوع ..
ثور الخديعة وكم حمل منحور
فداء الحرية
في البرج الشمال..
طلوع طلوع
أبدا طلوع ..
والعقرب القلقان يلف كل الشوارع في الزمن.
لا حكمة ليك والدنيا
جوع...
|
عبد المنعم سلام يا يابا
الشوق حنين يعلم الله
التحية ليك وللاخ خطاب
|
Post: #4
Title: Re: شيل الصبر آبوي!!
Author: عبد المنعم ابراهيم الحاج
Date: 01-20-2011, 11:22 PM
Parent: #3
Quote: عبد المنعم سلام يا يابا
الشوق حنين يعلم الله
التحية ليك وللاخ خطاب |
العزيزة سومة الشاعرة المجيدة ..
لك التحية وللمبدع المصدوم من
الواقع .. أبوي خطّاب حسيت بيهو
في حالة تشظي مع الوطن
يلتق رهانو على البلد
على نيل ممجد
من زمن ..
تسقط روافدو مع إنزلاق الخرطة
مايفضل سوى الشوق والحنين ..
لك التحية وكل والود.
|
Post: #5
Title: Re: شيل الصبر آبوي!!
Author: Ashraf el-Halabi
Date: 01-21-2011, 08:56 AM
Parent: #4
|
Post: #6
Title: Re: شيل الصبر آبوي!!
Author: معاوية عبيد الصائم
Date: 01-21-2011, 06:58 PM
Parent: #5
Quote: شييل الصبر سخرية في القدر
البكضب صوت
جماهير الغضب.
أمرك عجب..
ونار القصب تتهجى
حالنا من النجيهة
وراء الغضب!!!
|
الفكرة من رحم التعب يطلع وطن
فى ذمة الخلق البيشلو النيل تقاوى
يمشوا كايسن الزمن
ازييك يا صديقى اريتك طيب
رغم الرغم وانف الرغم
|
Post: #7
Title: Re: شيل الصبر آبوي!!
Author: Imad Khalifa
Date: 01-21-2011, 07:21 PM
Parent: #6
Quote: عارن حمير الشوق مغارب
وحسرتك برمنتي
مقطوع الحبال ..
أركز تعال
باطن حصارك والجسد
خليهو يرعاهو النكد
شيطان نعاج الفكرة سارح
في غنم إبليس
يسد إضنينو من صرخة وطن
راقد ممردغ في التراب
نصين وناب...
|
|
Post: #8
Title: Re: شيل الصبر آبوي!!
Author: عبد المنعم ابراهيم الحاج
Date: 01-30-2011, 11:51 PM
Parent: #7
Quote: شيل لك مع صبرك حجر..
خبّت كبود الدولة بالإصرار
عناد
شِن قدرتك في دا
الحجر..
وأكجر قفاك على الجموع ..
العنقريب وبنات نعش ،
وحال العِصي المرفوعة
في نجمة تريا سبوع سبوع!!!؟
جليها من هالة خضوع
ميزان دويلتك ما رجح ..
وكتين تكون
مفزوعة هداية الجدي..
والقوس منشن رمحو للقطب الجنوب
نزوع نزوع ..
ثور الخديعة وكم حمل منحور
فداء الحرية
في البرج الشمال..
طلوع طلوع
أبدا طلوع ..
والعقرب القلقان يلف كل الشوارع في الزمن.
لا حكمة ليك والدنيا
جوع... |
التحية للشرفاء والمجد للجماهير
شكرا معاوية
شكرا أشرف
شكرا عماد
|
Post: #9
Title: Re: شيل الصبر آبوي!!
Author: عبد المنعم ابراهيم الحاج
Date: 01-31-2011, 04:04 AM
Parent: #8
Quote: شييل الصبر سخرية في القدر
البكضب صوت
جماهير الغضب.
أمرك عجب..
ونار القصب تتهجى
حالنا من النجيهة
وراء الغضب!!!
وعين السخط خايفين عليها
نَسبِّلا
فوق الأمل..
ناسجنو من كل الخيوت
وحارسينو
في بطن البيوت...
خشم الشوارع فاضية من ريحة بشر
غير المساسق فيها
بالبلطة وهراوات الكجر..
شيل لك مع صبرك حجر.. |
بكرة الشوارع تتملي
وتفيض طناجر الخير
على كل الربوع ..
مافيش رجوع
عين الشمس حارسانا
في بيت الشفق ..
حمرا
ومجيهه للطلوع
طلوع طلوع
أبدا طلوع ..
فضفض معاها خضم
سطوع ..
ياليل امش
شوف لك لحد ..
دمّس مسايرك
للأبد ..
هيل لك تراب في حال
وشيك ..
ما ليك قدرة على
الجموع ..
طلوع طلوع
أبدا طلوع ..
|
Post: #10
Title: Re: شيل الصبر آبوي!!
Author: عبد المنعم ابراهيم الحاج
Date: 02-14-2011, 10:45 PM
Parent: #9
ياليل
أخيرلك تمشي
بي أدبك
بلاش في الفارغة
تنكت في العفاريت
التخان
راس مال وجودك
عتمة ،
شبحين من ظلال..
وين إرتكازك
يوم يبان
وش الشمش!!؟
مابنفعك غل
الأيادي وطم
خشومنا من الهوا
"هنبوتي " حالك مهما
طال
ياهو ليل ..
مابتمنع النخلة الشموخ
ما بتلوي إيد الموية
في كل الظروف ..
|
|