ترحيب واجب بالجسورة الشامخة مناهل إبراهيم في سودانيزأونلاين

رغم أن الجسورة مناهل إبراهيم إنضمت لعضوية سودانيزأونلاين
في أغسطس 2009، إلاّ أن ترحيباً بمقام هذه القادمة الجديدة
لم يجد طريقه للمنبر العام، فرأيت أن أستأذنكم
في الترحيب بها بيننا أختاً، إبنة، مناضلة، وصديقة غالية
وهي تركب الصعب وزملائها وميلاتها الكرام في مواقفهم الصلبة
ضد القمع، القهر، والظلم.
فأدعوكم أن ترحبوا معي بالمناضلة الجسورة مناهل إبراهيم
بيننا زميلة منبر فاعلة بكل عنفوان شبابها، حيوتها،
وشجاعتها التي لا تخطئها عين.
أدعو الأصدقاء والصديقات من أهل الخبرة الإلكترونية،
دعم البوست بإنزال فيديوهات مناهل إبراهيم الجسورة
للتعريف أكثر بها وبنضالها في قلب شوارع الخرطوم،
والعاصمة المثلثة وسط الفقراء والمسحوقين
من أبناء شعب وطني الجريح.
مرحباً بمناهل في بيتها سوادانيزأونلاين وبين أهلها وعشيرتها.

http://www.youtube.com/watch?v=eqEcnkblXfI&feature=player_embedded

التحية لهذه الكنداكة مناهل ومرحبا بها في سودانيز .
شكرا يادكتورة .
والتحية لكما

1000 سلام ..
بت إبراهيم.. أنحني أمام هذا الشموخ في زمن الإنحطاط..
وعيك و إحساسك الوطني يشيران نحو غدً أفضل. لصمودك وشجاعتك تحنى الجباه..
أحيي من خلالك نضال المرأة السودانية، وكل من قال في وجه الظلم لاء.

.يشهد الله أن هذه المناهل أبكتني.. شاهدت المقطع على اليوتيوب منذ مدة طويلة. هي من الشجاعة بحيث يخشاها الخوف بذاته، وذلك لإيمانها بأنها على حق. وما ضاع حق وراءه مُطــالب.. مثلك يصنع الأمـــل، دمتي ودام نضال المرأة الســودانية.

مرحب حبابك ألف يا مناهل ... شرفتينا
شكرا استاذة سعادة تاج السر.

الف تحية لاختنا مناهل ابراهيم.

شكراً وتقديراً الأستاذ الفاضل أحمد محمد بشير
لنيل شرف أول المرحبين بالجسورة مناهل إبراهيم.
وألف شكر على إنزال الفيديو الشامخ
الذي رفع رأسنا عالياً بهذه القادمة الجديدة.
لك التقدير العالي وفائق الإحترام أخي الكريم.

مرحبتين بالجسوره مناهل ابراهيم ..

دي مش الدعا عليها ود الباوقه بالحديد الاوكراني ؟

حقا انها جديره بالاحترام ...

شكرا سعاد ..

سلام يادكتورة
والله انا ازداد طولا كلما احنيت راسى لهذه الجسورة
بنية معجونه بطين النضال..
حزوز ملح عرق الكفاح على جيدها اشرف من اى كرفتة..
تعطى بشرف مقاتلى الصف الاول..
تعرفها شوارع السودان المغبرة..
بينها وبين حراسات الخرطوم وشائج..
وبين مكاتب الامن صلة وقرابة...
يرتجف منها رجال الامن..
فى مظاهرة لا لقمع النساء الاخيرة شوهدت وهى فى كومر البوليس
تبصق على وجه واحد من جراذن الامن..
اى شجاعه واى قلب تمتلكه هذه الكنداكة؟؟
تتقاصر كل كلمات الترحيب دونها..
حروفنا هنا مهما حسناها بخضاب التهذيب ووشيناها بقلائد الاحترام
لا تعدو ان تكون اكثر من تعويض صفيق لغياب ايدينا..
فى هذا الزمان القمىء لنضعها على ايديها من اجل ازاحة الظلم..
بعضنا يرتجف خلف شاشات الكمبيوتر ولا يستطيع ان يقول بغم للظلم..
ومناهل تلاقى سلاح الخونه وهى تبتسم..
دكتورة سعاد الف مرحب بمناهل.. فى ساحة اخرى من ساحات النضال
ومادام حواء السودانية انجبت مناهل فلا خوف على هذه الامة..
وشكرا لك وانت تنبهينا على الواجب،،،

Quote: سلام يادكتورة والله انا ازداد طولا كلما احنيت راسى لهذه الجسورة بنية معجونه بطين النضال.. حزوز ملح عرق الكفاح على جيدها اشرف من اى كرفتة.. تعطى بشرف مقاتلى الصف الاول.. تعرفها شوارع السودان المغبرة.. بينها وبين حراسات الخرطوم وشائج.. وبين مكاتب الامن صلة وقرابة... يرتجف منها رجال الامن.. فى مظاهرة لا لقمع النساء الاخيرة شوهدت وهى فى كومر البوليس تبصق على وجه واحد من جراذن الامن.. اى شجاعه واى قلب تمتلكه هذه الكنداكة؟؟ تتقياصر كل كلمات الترحيب دونها.. حروفنا هنا مهما حسناها بخضاب التهذيب ووشيناها بقلائد الاحترام لا تعدو ان تكون اكثر من تعويض صفيق لغياب ايدينا.. فى هذا الزمان القمىء لنضعها على ايديها من اجل ازاحة الظلم.. بعضنا يرتجف خلف شاشات الكمبيوتر ولا يستطيع ان يقول بغم للظلم.. ومناهل تلاقى سلاح الخونه وهى تبتسم.. دكتورة سعاد الف مرحب بمناهل.. فى ساحة اخرى من ساحات النضال ومادام حواء السودانية انجبت مناهل فلا خوف على هذه الامة.. وشكرا لك وانت تنبهينا على الواجب،،،

---
يا سلام الأستاذ الفاضل صديق الموج
وهذا الشرف العظيم والكلمات الرائعة الرفيعة،
ياها المحرية فيك فلك الشكر والتقدير
وأنت تحمل هم الوطن عميقاً نحو سودان العزّة والكرامة
وتتصدر مناهل الشامخة الصفوف وهي تنازل الظالم
الباطش القمعي في قلب الخرطوم دونما وجلٍ أو خوف.
لها ولك التقدير وفائق الإحترام.

Quote: سلام يادكتورة والله انا ازداد طولا كلما احنيت راسى لهذه الجسورة بنية معجونه بطين النضال.. حزوز ملح عرق الكفاح على جيدها اشرف من اى كرفتة.. تعطى بشرف مقاتلى الصف الاول.. تعرفها شوارع السودان المغبرة.. بينها وبين حراسات الخرطوم وشائج.. وبين مكاتب الامن صلة وقرابة... يرتجف منها رجال الامن.. فى مظاهرة لا لقمع النساء الاخيرة شوهدت وهى فى كومر البوليس تبصق على وجه واحد من جراذن الامن.. اى شجاعه واى قلب تمتلكه هذه الكنداكة؟؟ تتقاصر كل كلمات الترحيب دونها.. حروفنا هنا مهما حسناها بخضاب التهذيب ووشيناها بقلائد الاحترام لا تعدو ان تكون اكثر من تعويض صفيق لغياب ايدينا.. فى هذا الزمان القمىء لنضعها على ايديها من اجل ازاحة الظلم.. بعضنا يرتجف خلف شاشات الكمبيوتر ولا يستطيع ان يقول بغم للظلم.. ومناهل تلاقى سلاح الخونه وهى تبتسم.. دكتورة سعاد الف مرحب بمناهل.. فى ساحة اخرى من ساحات النضال ومادام حواء السودانية انجبت مناهل فلا خوف على هذه الامة.. وشكرا لك وانت تنبهينا على الواجب،،،

ما خليتو لينا حاجة نقولها ..

ولكن يكفي انها بنت ولا كل البنات ..

ربنا يحفظها ...

العزيزة دكتورة سعاد
لك التحايا

كنت قد قررت أن أفترع بوستا مشابها عندما علمت أنها مناهل (الكادر الخطابي لحركة قرفنا)
تلك الفتاة الصنديدة التي أحببناها في تلك الأيام التي نقلتها لنا الزميلة نجلاء سيدأحمد
هذه الفتاة تستحق أن نقف لها جميعا ...... اجلالا وتقديرا لصمودها وقوتها
فشكرا لك يا أيتها الرائعة د. سعاد أن أتحتِ لنا هذه الفرصة لكي نقول لهذه (المناهل)
هنيئا لك.... فلقد كتبتِ اسمك بأحرف من نور ....... والي الأمام.

الأفاضل عبدالمنعم وعاطف،

يا سلام على شرف انضمامكم لأوائل المرحبين
بالشامخة مناهل إبراهيم،
ويا لتوارد الخواطر الجميل النبيل.
لكما الشكر والتقدير على الكلمات الرائعة،
شكراً لإثراء البوست ومرحباً بمناهل
في سودانيزأونلاين.
لكما فائق التقدير والإحترام.

شكراً وتقديراً الفاضل أسامة خليفة
للإنضمام لقائمة الشرف،
لك فائق التقدير والإحترام
على رائع ترحيبك بمناهل الجسورة.

د. سعاد؛
مناهل بت السرور وزينة البنات.. ألف ألف حبابا..

القيام والتجلة لبتنا

الفجر القادم من الشعب

تقديراً عظيماً الأفاضل محمد حسين ومحمد عبدالرحمن
وشكراً جزيلاً وأهلاً بكما في قائمة شرف الترحيب بمناهل الشامخة.
شكراً عظيماً محمد على إنزال الفيديو الهام الثائر،
لكما فائق التقدير والإحترام لرائع ترحيبكما.






















_______________________

ألف مرحبا بهذه الجسورة ..اضافة مميزة لهذا الموقع .

الافاضل عثمان رغيم ونيازي مصطفى،
شكراً وتقديراً، بكما تكبر قائمة شرف الترحيب بالشامخة مناهل.
لكما فائق التقدير والإحترام.

Quote: العزيزة دكتورة سعاد لك التحايا كنت قد قررت أن أفترع بوستا مشابها عندما علمت أنها مناهل (الكادر الخطابي لحركة قرفنا) تلك الفتاة الصنديدة التي أحببناها في تلك الأيام التي نقلتها لنا الزميلة نجلاء سيدأحمد هذه الفتاة تستحق أن نقف لها جميعا ...... اجلالا وتقديرا لصمودها وقوتها فشكرا لك يا أيتها الرائعة د. سعاد أن أتحتِ لنا هذه الفرصة لكي نقول لهذه (المناهل) هنيئا لك.... فلقد كتبتِ اسمك بأحرف من نور ....... والي الأمام.

---
تقديراً عظيماً الأستاذ الفاضل عاطف مكاوي على رائع الكلام ونبيل الأفكار،
ويا له من توارد خواطر يليق بمقام الشامخة مناهل إبراهيم.
لك فائق التقدير والإحترام أخي العزيز،
والشكر مجدداً على جهودك التي لا تخطئها عين وحملك هم الوطن عميقاً.
صادق المودة والتحية نحو سودان العزة والكرامة والديمقراطية الحقيقية.

هذه فتاه ... حَرةً ... جرئيةً...قويةً...ابيةً..... مصادمةً
يسلم فمك .. تسلم ايدك ... تسلم البطن الجابتك
لك يا إبنتي جرأة ً تأخذ بمجامع القلوب
لك الله يا إبنتي
فوالله ان لكِ ...لعوزة في بلد يعيش ضياعا وإانصياعا

الف .. حباب
والجابك ...يابت الارباب
يجيب العقاب ...
من باقي الشباب

Quote: هذه فتاه ... حَرةً ... جرئيةً...قويةً...ابيةً..... مصادمةً يسلم فمك .. تسلم ايدك ... تسلم البطن الجابتك لك يا إبنتي جرأة ً تأخذ بمجامع القلوب لك الله يا إبنتي فوالله ان لكِ ...لعوزة في بلد يعيش ضياعا وإانصياعا الف .. حباب والجابك ...يابت الارباب يجيب العقاب ... من باقي الشباب

---
الشكر والتقدير والشرف العظيم الفاضل محمد مصطفى مجذوب
على كلمات الترحيب الرائعة بالشامخة مناهل،
لك التقدير وفائق الإحترام.

الاخت مناهل تستحق اكثر من التحيه ....
يكفى انها عرت من يحكم باسم الدين
وعرتنا نحن ايضا ونحن نهتف من بعيد .. وهى وسط النار دون وجل او خوف
هى كما وصفت نفسها بالف رجل منهم بل اكثر بكثير
التحيه ليها وهى تعيد فينا الامل ببكره احسن من كده
كما اثلجت صدورنا ولاء صلاح الدين من قبل تانى مناهل تاكد لينا انو الدنيا لسه بخير
ولمن لا يرى ذلك نقول
الليل والنهار واحد على العميان

Quote: الاخت مناهل تستحق اكثر من التحيه .... يكفى انها عرت من يحكم باسم الدين وعرتنا نحن ايضا ونحن نهتف من بعيد .. وهى وسط النار دون وجل او خوف هى كما وصفت نفسها بالف رجل منهم بل اكثر بكثير التحيه ليها وهى تعيد فينا الامل ببكره احسن من كده كما اثلجت صدورنا ولاء صلاح الدين من قبل تانى مناهل تاكد لينا انو الدنيا لسه بخير ولمن لا يرى ذلك نقول الليل والنهار واحد على العميان

---
ألف وشكر وتقدير الفاضل يوسف الولي
على شرف المرور والترحيب بالجسورة مناهل بهذه الكلمات الرائعة.
لك التقدير وفائق الإحترام.

الأخت الفاضلة والدكتورة " الحقانية " أى المناصرة للحق
دكتورة سعاد ..

وكم هو مريح وجميل الوقوف مع الحق دائماً ..

وكم أسعدنى أيضاً انفرادك بهذا البوست والذى أرى فيه الساحة مزدانة بالمصابيح الملونة
والمناضد الممدودة وما عليها من أكواب الليمون البارد والكركدى الأحمر .. وإن لم تخنى
عيناى .. أجد بعضاً من بقايا أكواب الأبرى الأبيض ..
ثم المقاعد والجالسين عليها من أصحاب الوجوة البشوشة وهم يرددون كلمات الترحاب
الجميلة لأختنا مناهل ..

فأنا هنا أمد يدى مصافحا ومرحباً بالأخت الجسورة مناهل ابراهيم فى منزلنا والذى هو منزلها
وفى ساحتنا والتى هى ساحتها وبين أهلها وأصدقائها .. لنقول لها حبابك عشرة ..
لأننا نؤازر كل من يقول كلمة حق ..

فهيا يا مناهل انهلى من كئوس الحب لتغدقى علينا وعلى كل مَن تنقصه هذه الفضيلة .. حتى
يتعلم ويصبح إنساناً محباً ودوداً .. ناصراً للضعيف والمسكين .. واقفاً مع الحق مهما كلفه
ذلك من عناء وتعب ..

مرة أخرى شكراً لك دكتورة سعاد ..
ومرة أخرى .. أهلاً بك أستاذه مناهل ..

الرب معكما ومع الجميع ..
والى لقاء آخر باذن الله ..
أخوكم وعمكم العجوز
ارنست

Quote: الأخت الفاضلة والدكتورة " الحقانية " أى المناصرة للحق دكتورة سعاد .. وكم هو مريح وجميل الوقوف مع الحق دائماً .. وكم أسعدنى أيضاً انفرادك بهذا البوست والذى أرى فيه الساحة مزدانة بالمصابيح الملونة والمناضد الممدودة وما عليها من أكواب الليمون البارد والكركدى الأحمر .. وإن لم تخنى عيناى .. أجد بعضاً من بقايا أكواب الأبرى الأبيض .. ثم المقاعد والجالسين عليها من أصحاب الوجوة البشوشة وهم يرددون كلمات الترحاب الجميلة لأختنا مناهل .. فأنا هنا أمد يدى مصافحا ومرحباً بالأخت الجسورة مناهل ابراهيم فى منزلنا والذى هو منزلها وفى ساحتنا والتى هى ساحتها وبين أهلها وأصدقائها .. لنقول لها حبابك عشرة .. لأننا نؤازر كل من يقول كلمة حق .. فهيا يا مناهل انهلى من كئوس الحب لتغدقى علينا وعلى كل مَن تنقصه هذه الفضيلة .. حتى يتعلم ويصبح إنساناً محباً ودوداً .. ناصراً للضعيف والمسكين .. واقفاً مع الحق مهما كلفه ذلك من عناء وتعب .. مرة أخرى شكراً لك دكتورة سعاد .. ومرة أخرى .. أهلاً بك أستاذه مناهل .. الرب معكما ومع الجميع .. والى لقاء آخر باذن الله .. أخوكم وعمكم العجوز ارنست

---
الأستاذ الفاضل آرنست،
يا سلام على هذه الديباجة الرائعة وشرف الترحيب بالشامخة مناهل إبراهيم
لك الشكر والتقدير على المرور الكريم وهذه الكلمات الرائعة
التي تمس شغاف القلب عميقاً الأستاذ الكريم آرنست.
صادق المودة لك والأسرة الكريمة نحو سودان العزّة والكرامة والديمقراطية،
وكل عام والأسرة بخير ثانية بمناسبة أعياد الميلاد المجيدة.
لك التقدير وفائق الإحترام.
































________________________

Quote: .يشهد الله أن هذه المناهل أبكتني.. شاهدت المقطع على اليوتيوب منذ مدة طويلة. هي من الشجاعة بحيث يخشاها الخوف بذاته، وذلك لإيمانها بأنها على حق. وما ضاع حق وراءه مُطــالب.. مثلك يصنع الأمـــل، دمتي ودام نضال المرأة الســودانية.

---
الأستاذ الفاضل محمد حسين
لك التقدير فقد عبّرت عن أحساس يسري فينا جميعنا
وكل حادبٍ على سلامة ومصلحة السودان الجريح.
هذه الشامخة الجسورة مناهل إبراهيم
يحمل لها المستقبل الكثير المثير
في رياح تغييرٍ نحو سودان الكرامة،
سودان العزّة وثورة نساءٍ وشبابٍ كاسحة ضد القمع والقهر.
تحياتي لاهتمامك الفائق المقدّر.

مرحب مرحب بالمناضلة مناهل ابراهيم

مرحب مرحب بالمناضلة مناهل ابراهيم

الأخت الفاضلة إكرام الصادق،
لكِ الشكر والتقدير على شرف المرور والترحيب الجميل
بالجسورة الشامخة مناهل إبراهيم.
صادق المودة.

هل مناهل دي ياها النبزت ود الباوقة ولا واحدة تانية إذا يا ها الرحيب ما في ليهو داعي لانها تجاوزت خطوط حمراء كثيرة لا علاقة لها بالسياسة.

العزيزة د سعاد



سلام


ألف ألف مرحبا بالمناضلة الجسورة الأخت/ مناهل ابراهيم


التحية والتجلة لها..



لك الشكر

Quote:

شكراً أخي الأستاذ الفاضل عزيز،
على جهودك المضنية نحو سودان العزة والكرامة،
شرف مرورك الكريم دائماً تزدان وتكبر به قائمة شرف الترحيب
بالجسورة مناهل إبراهيم. لك الشكر والتقدير
على رفع الفيدوهات والصور الشامخة الرائعة،
ولك منا فائق التقدير والإحترام والأسرة الكريمة.

مناهل ابراهيم المناضله الجسورة

ترافقنا كثيرا فى المظاهرات والمسيرات

ياهلا بيك

شكرا يادكتورة

الأستاذ شوقي،
هذا بوست ترحيب بالجسورة مناهل إبراهيم
أرجو أن يكون لديك قدر من احترام الرأي الآخر
فصوتك نشاز في هذا البوست أرجو أن تكون قد انتبهت لذلك،
لم يسألك أحد أن ترحب بمناهل ولا أخالها في حاجة لترحيبك،
وكما قال لك كل الاصدقاء، أرجو بث رأيك في البوست الخاص بذاك النقاش
وليس في بوست ترحيب يرفض تماماً أي نوع من العنف وقهر النساء
كما هو واضحٌ في خطابك.
مرة أخرى، هذا بوست ترحيب فقط بالشامخة مناهل إبراهيم
فأجو وقف هذا العنف ضد النساء.

ابشرى بالخير يا مناهل يابتى
ومرحب بيك ثائرة وشامخة وفارسة وجسورة

ياظالما فى الغيب او حتى بيناتنا
لو لسه ماولدوك احذر وليداتنا

شكرا يادكتورة .

تحية اجلال وتقدير لمناهل ...
الى الامام علامة مميزة لوطن قادم

Quote: تحية اجلال وتقدير لمناهل ... الى الامام علامة مميزة لوطن قادم

---
فائق الشكر والتقدير الأستاذ الفاضل الفحل عبداللطيف
على شرف المرور والترحيب الكريم بالجسورة مناهل إبراهيم.
وتحية إجلالٍ لك أيضاً أخي الكريم.

نرحب بالاخت مناهل ابراهيم و حبابها عشرة

و الشكر لك الدكتورة سعاد .

د. سعاد تحياتى ..
دى بت سودانيه صاح .. وكما نشتهى للبنات ان يكن
تسائلت بالامس هل مناهل ابراهيم هى ذات فتاة حركة قرفنا التى شاهدناها فى اليوتيوب
والآن جاءنا الخبر اليقين ..
هذه فتاة لا تتسول الالقاب المنبريه ..
ولا يجوز بحقها الا الاعتزاز ..
ولا اتكلم عن التقدير ..
اتكلم تحديدا عن الاعتزاز ..
للجميع أن يعتز بهذه الفتاة ..
وباختلاف توجهاتهم وانتماءاتهم السياسيه ..
وكم أحب أن أري مستقبل وطنى مرهون بها وبمثيلاتها ..

شكرا يا بروف

دكتورة سعاد بت تاج السر اختي
مسكاقمي
نرحب بيها وبس
الكنداكة مناهل نفرش ليها الورود
ونمهد الطريق ونزين الجنبات
أنها مفخرة من مفاخر وطني
أنها زينة نساء وطني
يا بت اخوي يا مناهل بت ابراهيم
أي ارض يقلنا واي سماء يظلنا
أن لم نرحب بك يا كنداكة
أنت في المقل وفي القلوب من جوا
يا نوارة بلدنا
لا تيأسي
واصلي
نضالك
لا بد من صنعاء وان طال السفر
وان غداً لناظره قريب
وغداً ستشرق شمس الحرية

وكان مهرتنا حرة ورابحة وكنانية

Quote: هل مناهل دي ياها النبزت ود الباوقة ولا واحدة تانية إذا يا ها الرحيب ما في ليهو داعي لانها تجاوزت خطوط حمراء كثيرة لا علاقة لها بالسياسة.

ياشوقي

سلامات

أراك في غير مكان تحاول التقليل من قدر مناهل مستندا على قراءاتك ومنطلقاتك في التقييم وهذا امر يكفله الرأي الحر ، وبغير ان تنتقد مناهل وتعتبرها فتاة لاتستحق الترحيب بينما يراها آخرون شابة خلوقة تعمل على تغيير واقع بما أوتيت من إمكانات وشجاعة بقدر ألهم الناس فتمنوها إبنة


نكون متطابقين بغير منطق والناس مجبولين على الإختلاف ياشوقي
في مأكلهم ومشربهم وإنتمائهم السياسي ...مختلفين في مشاربهم الفنية وأنواع سجائرهم ، والأمكنة التي يرتادونها

ولايخرج من ذلك إحترامهم للناس أو عدم إحترامهم

ولكن ياشوقي للبوستات إيقاع كما ذكرت في مكان آخر

هذا بوست للترحيب ...

ولا أعني بذلك أنك لاتستطيع قول رأيك فيه

ولكنك تبدو كمن يحمل غطاء حلة صدئ ويضربه آناء عزف موسيقي منسجم

كما إذا سلمنا برأيك وقلنا ان مناهل تجاوزت خطوطها مع ود الباوقة ماالذي يمنع الترحيب بها على تجاوزاتها ؟ إفتراض ساي يعني
_________________
المهم

على قول تبارك
يبدو اننا على طرفي نقيض

ومادام ذلك كذلك
فأسمح لي ألا أمتثل لتوجيهك القائل بأن لاداعي للترحيب بها

وأقول

مرحبا بالمقدامة ...زينة الفتيات ..شجاعتها ظاهرة وإنحيازها لحقوق الناس ناصع وبليغ


ثم أحيي د. سعاد أن جعلت ذلك ممكناً

كما لا أنسى أن أحييك أنت أيضا

فإختلاف الآراء لايفسد للنقاش قضية

سلام وتحيه للعزيزة مناهل النوبيه الاصيله

او مناهل (غابات) كما يحلو للجميع مناداتها

مناهل الجميله الاصيله الصامدة المصادمه

زميله المحن والشدائد التى لاتخشى قول الحق

لها التحيه ومرحبا بهاا ينما حلت

شكرا استاذة سعاد ولك التحيه والتجله انت ايضا

يا صاحبه المواقف المشرفه...وشكرا لكل المتداخلين

الأخ عمر لك تحياتي


ياشوقي

سلامات

Quote: أراك في غير مكان تحاول التقليل من قدر مناهل مستندا على قراءاتك ومنطلقاتك في التقييم وهذا امر يكفله الرأي الحر

،

الشابة مناهل هي من قللة من شأنها وليس ان.

Quote: مرحبا بالمقدامة ...زينة الفتيات ..شجاعتها ظاهرة وإنحيازها لحقوق الناس ناصع وبليغ

الأخ عمر ما هي الإنجازات الهامامة والخارقة التي قامت بها هذه الفتاة عشان نطبل ليها قدر ده والله انا ما شايف اي حاجة غير شتمها لود الباوقة والمظاهرة الأخيرة التي تم القبض عليها وكم ركن نقاش كده خلاص عايزين تعملوها لينا مهيرة بت عبود . انا احترم وجهة نظركم جميعا لكن لا احترم نضال هذه الفتاة.

Quote: ولكنك تبدو كمن يحمل غطاء حلة صدئ ويضربه آناء عزف موسيقي منسجم

دي وجهة نظرك وأنا احترمها وانا شايفكم عاملين هيلمانة لزولة متوترة لا تستحق هذا (وجهة نظر)







ا

Quote: Quote: مرحبا بالمقدامة ...زينة الفتيات ..شجاعتها ظاهرة وإنحيازها لحقوق الناس ناصع وبليغ الأخ عمر ما هي الإنجازات الهامامة والخارقة التي قامت بها هذه الفتاة عشان نطبل ليها قدر ده والله انا ما شايف اي حاجة غير شتمها لود الباوقة والمظاهرة الأخيرة التي تم القبض عليها وكم ركن نقاش كده خلاص عايزين تعملوها لينا مهيرة بت عبود . انا احترم وجهة نظركم جميعا لكن لا احترم نضال هذه الفتاة.

شوقي

سلامات
سألتني وسأُجيب مادام الأمر أمر حوار وأظن انه لذلك السبب جعل لنا بكري هذا الموقع

طبعا ياشوقي أنا أدعي أنني ممن يقولون كلاما لا مبالغات فيه
ومادمت قد إقتبست كلامي ثم علقت عليه

فيكون من حقي عليك أن أشرح لا أن انمق الكلمات ثم أمضي متحللا من تبعات ماترمي إليه
___________
أنا عندما ذكرت انها مِقدامه فذلك لأن الإقدام تحلل من الخوف وتقدم الصفوف وعدم التقاعس
تعرف ياشوقي هذه الفتاة إقدامها ليس جديد ، وليس في كم ركن نقاش وخلاص بل هو امر قديم كنت شاهدا عليه في الجامعة وحتى أيامنا هذا

هل يجعلك تراجع موقفك غن قلت لك أني تحرجت من الجامعة في العام 2002؟

طيب وزينة الفتيات ؟

الشئ الزين هو الحسن الجميل

وجميل في إعتقادي أن تخرج الفتاة تصدح بحقوق أهلها ...والفتيات الزينات كثيرات ولكنها في موقف نقاشناهذا تكون زينتهن
وده كلامن براهن ياشوقي راجع البوست ده وبتاع الدسته


أما كون شجاعتها ظاهرة

فماهي الشجاعة الظاهرة إن لم تكن في وسط السوق

هناك ياشوقي لو وقفت وقلت ...مساوييك ...مساوييك قد تتعرض للضرب والإهانة والإعتقال

أسأل الباعة المتجولين

فكيف لو قلت

عوالييق ...عوالييق وكنت تقصد القائمين على النظام

لاسلاح ولايحزنون ...خشمك ده بس ...في نص السوق ...قدام الناس
وما إساءات والسلام تحليل ومتابعة على قول ود الباوقة

هي الشجاعة دي كيف ياشوقي ...نحن مافي السويد ...عشان نتكلم عن حرية التعبير وإنت سيد العارفين

أما كونو إنحيازها لحقوق الناس ناصع وبليغ

الناصع الظاهر ، والبليغ الما فيهو لكلكة ...ده حسب تعريفي

فراجع الفيديوهات المرفقة

ومافي تطبيل ياشوقي وحاة الله

إقتناع عديل بإنو البت دي قلبها حار

والبينا عامر يازميل

مابتاعت الشيوعيين ديك زمالة منبر ساي

مرحب حبابك ألف الجسورة الشامخة مناهل إبراهيم
مرحب بيك بين المتحاورين فى أروقة سودانيزأونلاين

شكرا استاذة سعادة تاج السر

كتبت الكنداكة مناهل إبراهيم الجاية من نص الوجع:

Quote: احترم كل الجندريات ولكنى فى نظرتى لقضايا الجندر لا احس بالدونيه ولذا انا من عشره امثاله .. ليس مقارنه ولكن نديه تفوقه بدسته انا احترم الاختلاف البيولوجى واعتز بانوثتى ونوعى الاجتماعى بل اباهى به واساوى منه عشره باشباه الرجال . حقيقه انا زوله بسيطه جدا جدا ولكنى لم اغتصب النساء ولم اسرق اموال الشعب ولم امارس الديكتاتوريه ولم اقتل الابرياء ولم احول الحرب الاهليه الى حرب دينيه ولم اتاجر باسم الدين ولم اغتنى القصور من دماء المسحوقين ولم اطبل للسدنه ولم ابيع المبادئى بحفنة قروش ولم اتاجر فى السلاح والعمله ولم اعذب فى بيوت الاشباح ولم اصدر اموالى للبنوك والشعب جعان من امس وليس خالى الطيب مصطفى من يفسدفى وحدة السودان بتاجيج العنصريه ولم احرق القرى فى دارفور ولم اقتل الابرياء فى كجبار والشرق وشهداء رمضان وابو العاص ومحمد عبد السلام والنعمان وبشير وسليم والتايه وكل شهداء الحركه الطلابيه وعلى فضل وكل شهداء الشعب السودانى من اجل السلام والديمقراطيه والحريه ولم احرق القرى فى دارفور ولم ادعم الجنجويد ولم ازيد الاسعار البنزين والسكر والكبريت والشاى والزيت و. و. وولم احرم الطلاب بسبب الرسوم الدراسيه ولم اؤجر عربات النفايات للدوله ولم استغل النفوذ ولم اسحق الجماهير فلذا من اراد ان ينتمى لهؤلاء حتى ولو كان عمره ستين عام فليتحمل. من ينتمى لهؤلاء ليس لى الشرف ان اكون ابنته ومن يكن ضد هؤلاء فايدى فى ايدو ابا ورفيقا. انا لن انصب مناضله ببوست فى وسودانيز اون لاين انا انصب مناضله منذ ان قلت لا فى وجهكم وكل من وقف ضدكم فى هذا الزمن الجهجاه هو محترم ومناضل شفتو كيف!

دكتورة سعاد إزيك
وشكرآ لك لإحتفائك وترحيبك بمناهل المارقة من نص الوجع !

تسلمي كتير

الأخ عمر

اشكرك كثيرا على هذا الحوار الراقي والهادئ وطبعا ده غريب على سودانيز او ن لاين ، لكن اختلف معك كثيرا بخصوص هذه الفتاة

.. بالحيل يا سعاد
قومي يا ثريا .. كلمي محاسن ( غنا قديم لحسن عطية نظمه حسين عثمان منصور )

مرحبا" بمناهل .. و نحمد الله ان جموع الفقراء و الكادحين قد رحبوا بها قبلنا في عمق الشارع
العريض وهي تعبر الخطوط الحمراء الوهمية للجندر و السياسة .. لتنازل الطغيان في عقر داره

سر مناهل : إنو ربنا شال من قلبها النطفة السوداء .. نطفة ال ( لولولة )
جمال مناهل إنها متوترة في الحق
و بساطة مناهل : إنها جعلت زينتا و تاج راسا، الإنحياز الصريح للكادحين و مناهضة عصابة الخرطوم

عشاري صباح الخير ..
تعرف يا صديقى المساله عندى شديدة الوضوح ..
وهى محصوره فى المدخل نحو الموضوع ..
كلا بحسب خلفياته ..
فى هذا الوضوع مثلا ..
سقطت من الجماعه فرمالات " مناضل اسفيري " و " مناتله " وغيرها
جاتم "بت" بى تاريخها الواضح والعديل والمثبت ..
بت تسد عين الشمس ..
وبتقالع فى حقها عنوة واقتدار .. وعلى عينك يا ظالم
وفى الاسواق .. والشوارع .. والسجون .. والجامعات
وما انكسرت ..
وصوتها طالع ما مخنوق او متضاري
زوله صاح وميه ميه ..
تقول للاعور اعور فى عينو ..
ثم انها التزمت جانب الحق الواضح ..
ضد الظلم واللصوصيه الممارسه ..
ضد القتل والتعذيب والتشريد والاعتقال ..
ضد الانتهاك الانسانى ومصادرة الحريات ..

ذاكرة هذا المكان المختلطه بالكثير من الغثاثات يا عزيزي ..
لا تحتمل هذا الوضوح ..
لا مداوره .. لا مجال للاتهام المسبق .. لا مفارقات افتراضيه .. لا افتراض على الاطلاق ..
حقيقه كامله موجوده قدام الناس .. وسترهقهم طويلا
ستجعلهم يتحسسون بطحاتهم .. وينقنقون
" البت دى .. الطلعها من البيت شنو, قلة ادب .. "



تحياتى ..ِ

مناهل إسم تجسد معناه اللغوى نهجاً و تعبيراً
فهى جمعٌ للمنهل فى كل شىءِ ....

نعتز بها كونها من بنات بلدى قبل أن نرحب وهى صاحبة دار و مقام




-----
سلام و تحية د. سعاد










ش

Quote: عوالييق ...عوالييق وكنت تقصد القائمين على النظام

انا شايف نحن بنضيع في زمن ساكت وهذه الشابة اخذت اكثر من ما تستحق واي واحدة رداحة ممكن تعمل العمل الرهيب القامت بيهو ده !!!!!!!!

مثلها يفتح كوة امل عريضة في هذا الجيل
افرح كثيرا كلما رايت شابا اوشابه ينتمون لهذا الجيل (المراد تجدينه)وقد تفتق وعياً
مرحباً بها ولمثلها تنحني الهامات...

سعاد !
كان تكتبى نكاية فى ود الباوقة ترحيب واجب بـ...بقية عنوانك !
الزولة دى ليها قريب سنتين هنا !
والفيديو بتاعا ليهو نفس المدة وقديتونا بيهو قد !
هسى الجد شنو عشان ترحبوا بيها تانى من جديد ؟؟
دى ياها زاتا عينك فى الفيل وتطعن فى ضلو !!
والله حكايتكم حكاية !
العندو حاجة مع ود الباوقة يكتب ليهو عديل زى ما كتبت الجسورة بتاعتكم دى !
وأظنها برضو بأكثر من دستة رجال جوا إدسوا وراها ومدوا أصابعم لود الباوقة !!

يعنى هسع يا صلاح الناس رحبت بى مناهل عشان عندهم حاجه ضد ودالباوقه وما قادرين يقولوها ليهو !!
الكلام ده هسع مترابط ومنطقى ؟!
ود الباوقه !!!
اين المشكله فى توجيه الكلام له !..
انا رأيي الشخصى ان مواقف مناهل لا مجال لمقارنتها مع مواقف ودالباوقه
ان كان له موقف اصلا .. لا عشره من امثال مواقفه ولا آلاف من مثلها ولا يحزنون ..
لم اقرا له موقفا ابدا لتوجيه الكلام اليه
بالتاكيد اعنى مواقف غير " والله لو وضعوا الدنيا ومن فيها بيمينى وعمر البشير فى يساري .. لاخترت عمر البشير "
او نحو ذلك ونحوها.. وهييعياته وصقرياته تانى فى شنو ؟!..
ونقول ليهو شنو ؟!
مره واحده زعلت منو لانو شايل اسم منطقه عزيزه عندى .. فقلت ليهو: اخجل .. لا اكثر ولا اقل

وبعدين اصلا الموضوع لا يستحق تعنيف منك لى ناس تداخلو فى بوست ترحيب ومرحبين ..
اغلب الناس وانا منهم لم نربط اسم اختنا مناهل بتلك الفتاة الجسوره جدا التى شاهدناها فى الفيديوهات .. بت سودانيه صاح .. الواحد يفتخر ويعتز بيها, ولم نعرف انها زميله لنا فى المنبر ..
وده تاريخها وكسبها الذى بيديها .. وهو تاريخ مشرف جدا ويحق لها ان تعرف به ..
ويحق لنا ان نعتز ونفتخر بوجودها هنا ..
المشكله شنو ؟!

تحياتى

سلامات يا شوقي

ليس المحك في انو اي زول ممكن يعمل العملتو مناهل فمناهل ما ركبت ليها جناحين و طارت مثلاً
المحك انو مناهل هي البتعمل كدا و يحجم الكثيرون و ذلك هو الفرق
بالنسبة لكلامك عن انو مناهل تجاوزت حدود كتيرة ما عندها علاقة بالسياسة هنا اسمح لي اقول ليك دقيقة
اصلاً الكيزان اتجاوزو الحدود دي زمان ، و عملو و نهبو و قتلو و شردو و ايـــــــــك
دا كلو بيخش في اطار السياسة يعني ،،
طيب و اساءة ود الباوقة
السخرية و التحقير دي بتخش في اطار شنو
و الا تكون مساواتك لجرم رد الفعل بجرم الفعل

مناهل ما كانت لتتعرض لود الباوقة لولا ان تعرض هو لها
هي ما لقتو في السوق و شتمتو بدون سبب ، ود الباوقة بعد ما جاب سيرتها اصلاً كان يركز و يتوقع انو حيكون في رد فعل
لكن لو كان متخيل انو هي مفروض تسكت و تتطاطي راسها
لاي سبب ( كونها بت مثلاً )
فدا القياس الغلط المن الاول


الاساءة بيجيبها الزول لي روحو لمن يبدأ يسئي للاخرين

اما مناهل
فهي لا تحتاج لشهادة عن الذي تصنعه
فيكفيها انها ترى الطريق كله واضحاً امامه و تسير فيه غير هيابة

Quote: اما مناهل فهي لا تحتاج لشهادة عن الذي تصنعه فيكفيها انها ترى الطريق كله واضحاً امامه و تسير فيه غير هيابة

الاخ امجد لك تحياتي واحترم وجهة نظرك ما تقوم به المناضلة الكبيرة مناهل معناها البلد فيهامساحة كبيرة للحرية واي زول ممكن يقول وجهة نظروا الا تتفق معي في ذلك؟

الف الف مرحب بالاستاذه المناضله مناهل

مشكوره يا دكتوره الترحيب المتاخر

مرحب بالجندرية الجسورة اخت مهيرة

حلت أهلاً
ونزلت سهلاً


مرحباً بها قديماً
والآن
وغدا



تحياتي

Quote: أحيي من خلالك نضال المرأة السودانية، وكل من قال في وجه الظلم لاء.

شكراً يادكتور

السلامو عليكم ورحمة الله و بركاته

يا اخوانا بعد اذنكم ياخ
و يا ابو دية كان داير تحسبني في زمرة الرجال الجايين يتضاروا في ( ضل ) مناهل احسبني تب فلي الشرف. مع التاكيد اني ما عارف الحاصل مع ود الباوقة * ذاتو شنو ؟
ما بعرف ود الباوقة و الله و لكن بعرف مناهل ... دي بت موية نار ... بت دوغرييية ... بت زي الورد

اما قبل ...
الاذن كان للرد على اخونا شوقي لو قبل هو وامجد اني ارد على الكلام دا :
و نبدأ بسنة الاسلام ... و سلام يخصك تماماً يا شوقي
اما بعد ...

Quote: الاخ امجد لك تحياتي واحترم وجهة نظرك ما تقوم به المناضلة الكبيرة مناهل معناها البلد فيهامساحة كبيرة للحرية واي زول ممكن يقول وجهة نظروا الا تتفق معي في ذلك؟

ابداً ... و قطعاً لا !!؟

Quote: ليس المحك في انو اي زول ممكن يعمل العملتو مناهل فمناهل ما ركبت ليها جناحين و طارت مثلاً المحك انو مناهل هي البتعمل كدا و يحجم الكثيرون و ذلك هو الفرق

انت كلام د. امجد دا قريتو كيف !؟
التمييز و التمييز في ( الاقدام / الاحجام )
و العرب زمان قالو الجود يفقر و الاقدام قتالو
و لّ شنو ؟


---------------

* اذا كان المقصود الدائر هنا انثي ولادسته رجال ذيك ياود الباوقه فبالجد ما لقيت زمن للمتابعة اللصيقة ...
عموماً العنوان لو ختا الجزء دا [ ذيك ياود الباوقه ] ما فيهو ايتها عوجة !
الجزء دا [ انثي ولادسته رجال ] جزء من نص لشاعر الشعب محجوب شريف ... بسم عشرة مقاطع للحياة ... ملحن و مغننو كمان

لو صاح اعز من النساوين الرجال ؟
انثى ولا دستة رجال
تمشي وما بتتاطي
ما بين بير وشاطي
ليلها مع الطواقي
ونهارها مع السواقي

بس يا مناهل لو ملاحظة انو [ انثى ولا دستة رجال ] هي جواب شرط، و تحقق الشرط برفع من قدر ( الرجال ) ما بحط منهم و لا ينبغي ابداً
في تقديري انك اخطأت هنا ... و انت زولة ثورية ... صححي !؟ ... ما تتيحي ثغرات زي دي
اتمنى ما اكون ظلمت او أظلمت رؤياي هنا
حاجة فيها ود الباوقة دي ( الظلام مضمووووووووووون )

سلامات يا شوقي تاني

Quote: المناضلة الكبيرة مناهل معناها البلد فيهامساحة كبيرة للحرية واي زول ممكن يقول

و لأنة اي زول ممكن يقول لكن ما اي زول قاعد يقول
فذلك يريك حجم مساحة الحرية الحقيقية يا شوقي
و يريك عظمة الذي تفعله مناهل و اخواتها

مناهل تعلم جيداً و هي تخرج للساحات ايام الانتخابات و قبلها و تخاطب الناس بحقوقهم و قضاياهم انها تخاطر بنفسها في دولة يملك فيها اصغر فرد فيها صلاحيات فوق القانون
مساحت الحرية هذه تحدها جرائم جهاز الامن من الاعتقال و التعذيب و الاغتصاب و الاغتيال المباشر و هذه ليست فرضيات نظرية بل جرائم ماثلة لجهاز الامن و سلطة الانقاذ الوطني شهدها جيل مناهل
و ظل يناضل لما هو حق له
مساحات الحرية التي تتكلم عنها يا شوقي اضيق من ان تتحتمل حراك هولاء الشباب
و هم لا يألون فوق ذلك ان يهدوا حدودها و ينتزعوا مساحات جديدة هي من حقوقهم و ليست عطية بشير او نافع
و من الضيم بمكان في خضم ذلك كله
أن يأتي ود الباوقة ليسخر منهم ، ثم يثور على الرد

الجزاء من جنس العمل يا شوقي

مناهل تستحق الإحتفاء والتمجيد فقد شاهدتُ لها مواقف على (اليوتيوب) يتزلزل فيها
معظم الرجال ويرتجفون، فما بالك بشابة في دولة بوليسية إرهابية. شامخة كنخيل
أجدادها رماة الحدق وصلبة المواقف.

مرحبا ببنت الأكرمين سليلة الكنداكات في سوح النضال ومقارعة القهر
والخوف وأنحني لها وأحييها تحية خالصة ممزوجة بالإعجاب لمواقفها
المشرفة المشرقة...

شكرا دكتورة سعاد تاج السر على هذه الإضاءة الجميلة.

العزيز شوقي ........... سلام
ظل ودالباوقة واخرين يسخرون من نضال الشعب السوداني لمصلحة قوي الهوس الديني التي تتحكم الان في بلادنا . كرس الاخ ودالباوقة( كيبوردة) للسخرية وابتذال مساهمات الاخرين ومن ضمنهم الباسلة مناهل ابراهيم الشهيرة بمناهل غابات .
هذه المناهل ضربت دفاعات ود الباوقة الرئيسية بسخريتة من كل معارض للنظام بانه معارض كيبوردي , قاصدا ان أي راي يكتب لاقيمة له لان صاحبة يجلس خلف جهاز كمبيوتر في غرفة مكيفة ولاخطر عليه . مانقوله نحن هنا في البورد ويسخر منه ودالباوقة قالتة مناهل في الاسواق ومواقف المواصلات وهي تخاطب جماهير الشعب السوداني مدافعة عن القضايا التي تهم هذه الجماهير .
مناهل ظاهرة ياشوقي فهي تعبر عن جيل ولد وترعرع في ظل هذا النظام الذي استحدث وزارة لصياغة الشعب السوداني وفق تصوراتة المريضة , لذلك هي رمز من رموز فشل هذا المشروع فقد قاومتة هي وبنات وابناء جيلها بكل بسالة ممكنة .
ان الجسارة التي تتعامل بها مناهل مع ممثلي النظام من اجهزة امنية وقوات نظامية منحازة للحزب الذي يحكم والابواق التي تحاول تسويق هذا المشروع البالي الذي يمثلة النظام , هي جسارة تستحق اعجاب من رحب بها وانا منهم , لذلك تقليلك من شان هذه المناضلة لم يعجبني ياصديق .
التحية لمناهل ولجيلها الذي قال لا في قلب الخرطوم

الأخ العزيز والصديق بهاء لك اطيب التحايا ولأسرتك

Quote: العزيز شوقي ........... سلام ظل ودالباوقة واخرين يسخرون من نضال الشعب السوداني لمصلحة قوي الهوس الديني التي تتحكم الان في بلادنا . كرس الاخ ودالباوقة( كيبوردة) للسخرية وابتذال مساهمات الاخرين ومن ضمنهم الباسلة مناهل ابراهيم الشهيرة بمناهل غابات .

انا والله ما عندي اي اعتراض على نضال هذه الفتاة وده من حقها وواجب علينا نساندها في نضالها هذا وأن نحترم شجاعتهاا ووقفتها الصلبة تجاه قضيتها ، لكن أن تأتي بشئ دخيل على مجتمعنا والله لا ولن لتكن مكان إحترام حتى تعتذر عن هذا القرف هي لم تشتم ود الباوقة بل شتمت قيم الفتاة السودانية لذا كان إختلافي معها

شكرا با بهاء على مرورك

Quote: ياشوقي سلامات أراك في غير مكان تحاول التقليل من قدر مناهل مستندا على قراءاتك ومنطلقاتك في التقييم وهذا امر يكفله الرأي الحر ، وبغير ان تنتقد مناهل وتعتبرها فتاة لاتستحق الترحيب بينما يراها آخرون شابة خلوقة تعمل على تغيير واقع بما أوتيت من إمكانات وشجاعة بقدر ألهم الناس فتمنوها إبنة نكون متطابقين بغير منطق والناس مجبولين على الإختلاف ياشوقي في مأكلهم ومشربهم وإنتمائهم السياسي ...مختلفين في مشاربهم الفنية وأنواع سجائرهم ، والأمكنة التي يرتادونها ولايخرج من ذلك إحترامهم للناس أو عدم إحترامهم ولكن ياشوقي للبوستات إيقاع كما ذكرت في مكان آخر هذا بوست للترحيب ... ولا أعني بذلك أنك لاتستطيع قول رأيك فيه ولكنك تبدو كمن يحمل غطاء حلة صدئ ويضربه آناء عزف موسيقي منسجم كما إذا سلمنا برأيك وقلنا ان مناهل تجاوزت خطوطها مع ود الباوقة ماالذي يمنع الترحيب بها على تجاوزاتها ؟ إفتراض ساي يعني _________________ المهم على قول تبارك يبدو اننا على طرفي نقيض ومادام ذلك كذلك فأسمح لي ألا أمتثل لتوجيهك القائل بأن لاداعي للترحيب بها وأقول مرحبا بالمقدامة ...زينة الفتيات ..شجاعتها ظاهرة وإنحيازها لحقوق الناس ناصع وبليغ

---
لك الشكر والتقدير يا أستاذ عمر عشاري، لا فض فوك.
تزدان وتكبر قائمة شرف الترحيب بالجسورة مناهل
برائع كلماتك ومواقفك الشجاعة المشرّفة.
لك التقدير وفائق الإحترام.

مناهل، لها في القلوب منازل

ألف مرحب بالرائعة (مناهل)...


نحن فخورون بك ..
ربنا يحفظك ويحميك

آمين

.........
شكراً دكتورة

Quote: كان تكتب نكاية فى ود الباوقة ترحيب واجب بـ...بقية عنوانك ! الزولة دى ليها قريب سنتين هنا ! والفيديو بتاعا ليهو نفس المدة وقديتونا بيهو قد ! هسى الجد شنو عشان ترحبوا بيها تانى من جديد ؟؟ دى ياها زاتا عينك فى الفيل وتطعن فى ضلو !! والله حكايتكم حكاية ! العندو حاجة مع ود الباوقة يكتب ليهو عديل زى ما كتبت الجسورة بتاعتكم دى ! وأظنها برضو بأكثر من دستة رجال جوا إدسوا وراها ومدوا أصابعم لود الباوقة !!

Quote: مرحباً بمناهل في بيتها سوادانيزأونلاين وبين أهلها وعشيرتها.

التحية والقومة للمناضلة الجسورة الشامخة مناهل إبراهيم، وأقترح أن نضعها
على بروفايلاتنا.

تحياتي يا أستاذة سعاد

غطى الجبال الليل
لكن هدير السيل
لكن صهيل الخيل
نار الغضب والجوع
تحت الجبل مسموع
يضووا عز الليل
عصفورة من أخر بلاد
في رحلة لي أخر بلاد
تعرف مواعيد الحصاد
وكل دورات الفصول
وأنضر ايام الحقول
وتعادي أسراب الجراد
وتنادي لوكركب زناد
صياد على العش والولاد
أنسانة ابسط ما يقال
لو صاح
اعز من النساوين الرجال
أنثى ولا دستة رجال
تمشي وما بتطأطي
ما بين بير وشاطي
تطلع عالي واطي
نهارها مع السواقي
وليلها مع الطواقي
وعمرها للجهال
( محجوب شريف )


ترحيب بالفاضلة مناهل إبراهيم ، إضافة قيمه للمنبر

لك الشكر أيتها الدكتورة العظيمة ولمناهل مليون تحية

لها التحية والتجلّة والتقدير

صحيح قولها أنثى ولأ دستة رجال

فليحفظها الله ويقويها على مقاومة الباطل

الف مرحب بالاخت مناهل ابراهيم

التحيه والتجله لمناهل والخزى والعار لكل من حاول أن يقلل من شأنها ,,,

شكرا يا دكتورة
لك ولها الاحترام والتقدير
ودمتم للوطن الحبيب

للزميلة مناهل إبراهيـم

تحيـة وتقدير وإعزاز ليس له حدود,



أحمد الشايقي

المرا كن بقت راس ما بكسرا الفاس
فاس المنتفعين وفاس الانتهازيين وفاس الحكومة
واصلي يا بتي يا مناهل وانت تدافعين عن الاطفال في الشوارع وعن الغلابة
وعن العاطين ..
ان المبادي لا تتجزا في العقول الناضجة رغم صغر سنك . اذا كانت النفوس كبارا
تعبت في مرادها الاجسام .
اكيد كان الترحيب حيكون اضعاف لو كنتي مذيعة في قناة تلفزيونية ما عندها
موضوع وراسها فاضي من اي احساس بالاخرين .
نرحب بيك الان وباثر رجعي وباعتبار ما كان وما سيكون


تحياتي د,سعاد وشكرا

يا سلام على هذا الكرنفال الرائع الجميل
شكراً جزيلاً وتقديراً عظيماً لكل الشرفاء الذين مروا منها
بكم تكبر وتزدان قائمة شرف الترحيب بالجسورة مناهل،
شكراً على هذه الكلمات الرائعة الترحيبية النبيلة المقدّرة.
حتى أعود من غمرة وزحمة يوم التدريس الأول في الجامعة اليوم،
وددت أن أتقدم لكم جميعاً بالشكر والتقدير،
وحتى تأتي الشامخة مناهل لتحييكم وتشكركم بنفسها،
لكم هذه الباقة من الورود إمتناناً مع فائق التقدير والإحترام.

مرحب بالزميلة مناهل.

شكرا دكتورة سعاد.

وافر تقديري وإحترامي

Quote: أنسانة ابسط ما يقال لو صاح اعز من النساوين الرجال أنثى ولا دستة رجال تمشي وما بتطأطي ما بين بير وشاطي تطلع عالي واطي نهارها مع السواقي وليلها مع الطواقي وعمرها للجهال

التحية لك مناهل ايتها الشامخة,وانت من قلب الشارع تتكلمين بلسان المسحوقين من شعبي
والتحية للمراة السودانية المناضلة في كل مكان.

شكرا د:سعاد.

الأفاضل
الأستاذ عبدالعزيز عيسى
الأستاذة مريم عزالدين
الأستاذ عمر إدريس
الأستاذ الطيب رحمة قريمان
الأستاذ محمد حيدر المشرف
الأستاذ الجليل حمزاوي

شكراً وتقديراً على إسهاماتكم وكلماتكم الرائعة،
تكبر بكم وبمروركم الكريم قائمة شرف الترحيب بمناهل إبراهيم
هذه الجسورة التي أخجلت هذا التخاذل غير المبرر
والفشل في الإطاحة بنظام الظلم والقمع والقهر.
لكم الشكر والتقدير وفائق الإحترام نحو سودان العزة والكرامة.

شكرا د/سعاد وشكرا لكل من مروا علي هذا البوست . هذا واجب وطني لاننا جئنا من رحم الشعب السوداني وايدي في ايدكم نغني لتنعم هذه البلد التي فجرت الثورات بانتفاضه تطيح بهؤلاء وعين الامل بتشوف فجر الخلاص قدام .

الف مرحب

بالجسورة

مناهل

بالتأكيد ستكون

اضافة لحقيقة لنضال

وصوت قوي عبر هذا الاسفير

والتحية لحركة قرفنا.

كل الشعب السوداني قرفان

لكنهم اكثر جسارة

التحية لهم


د.محمد تيراب
_______________
الحق يعلوا ولا يُعلى عليه

حبابها والله يا دكتورة سعاد وحبابك انتي الما بجي من تالاك الا كل السمح والزين
الاخت مناهل مواقفك تشرف والله
سيري وعين الله ترعاك

مليون سلام ومرحب بت ابراهيم الجايه من نص الوجع و لقدام من اجل فقراء بلادى

عافى منك تب بت ابوى ابراهيم

ألف مرحبا بهذه الجسورة ..اضافة مميزة لهذا الموقع .

تحية واجلال للباسلة مناهل , عاش نضال المرأة السودانية من اجل الغاء القوانين المذلة والمهينة للنساء ... تقدمي يا فتاة الوطن ..

مرحب بالمناضلة مناهل إبراهيم

وشكرا جزيلا يا دكتورة ..

الله يحفظك يا مناهل و يكتر من امثالك
ما قمتي به يعجز بل يخاف الكثيرين من ذوي الشوارب من القيام به
حديثك وسط السوق اعاد الينا الأمل واكد لنا ان رحم الوطن المعطاء لا يعقر ابداً

Quote: انا شايف نحن بنضيع في زمن ساكت وهذه الشابة اخذت اكثر من ما تستحق واي واحدة رداحة ممكن تعمل العمل الرهيب القامت بيهو ده !!!!!!!!

ليه كده يا شوقي ياخوي
اللغة دي و الله ما بتشبهك وما عهدت بك الإستخفاف
و الإستهزاء بالناس و بي مقدراتهم .. كان ممكن توصل
وجهة نظرك بدون الإستهزاء و الغمز الوارد في مداخلتك اعلاه

Quote: ليه كده يا شوقي ياخوي اللغة دي و الله ما بتشبهك وما عهدت بك الإستخفاف و الإستهزاء بالناس و بي مقدراتهم .. كان ممكن توصل وجهة نظرك بدون الإستهزاء و الغمز الوارد في مداخلتك اعلاه

الأخ والصديق الصاوي لك تحياتي وإحترامي

وجهة نظرك يا صاوي حتما وقطعا ستكون مكان إحترامي لمعرفتي العميقة بك وأسرتك الممتدة لهم جميعا تحياتي ،
كويس إنك تداخلت معي في الموضوع ده حتى تفهم وجهة نظري أنا احترم جدا نضال هذه الفتاة وبفتكر أي شخص عندوا الحرية يقاتل من أجل قضيته وبشتى الطرق ، شرط أن لا يتجاوز قيمنا وأخلاقنا السمحة ود الباوقة قال ليها عندك جرعة نضال زائدة صدقني كان عندها فرصة يكون عندها رد كان كلنا إحترمناه تخيل لو كان قالت انا ليست لدي جرعة نضال زائدة بل عندي قضية أناضل من أجلها لذا خيل لك أن عندي جرعة نضال زائدة وكان احتفظت بصورتها الجميلة في أذهاننا لكن بردها العجيب هذا أنا في نظري أن هذه الفتاة جوفاء.
كنا نحضر ندوات فاطمة أحمد إبراهيم في منزل جدك وداعة الله الحسن وبتنسيق كامل وداعة الله يطراه بكل الخير وأنا كنت اسمع فاطة أحمد إبراهيم كيف كانت توجه بنات إتحاد الشباب بأن لا يلبسن اللبس الشاذ وأن لا يخرجن بره النص ده الشئ الكنت بعرفوا ، هذه المناهل لم تسب ود الباوقة فقط بل سبت قيمنا وأخلاقنا لذا كانت ردة فعلي هذه.

سلام وتحيه لصديقتى مناهل النوبيه الاصيله

ومرحبا بهاا ينما حلت

شكرا دكتورة سعاد ولك التحيه

وياجبل مايهذك ريح

Quote: سلام وتحيه لصديقتى مناهل النوبيه الاصيله ومرحبا بهاا ينما حلت شكرا دكتورة سعاد ولك التحيه وياجبل مايهذك ريح

---
أسمحوا لي أصدقائي الأعزاء أن أحي الجسورة نجلاء سيداحمد
هذه الكنداكة التي أذهلت النظام بنضالها وجسارتها في قلب الخرطوم،
وقد شاهدنا توثيقها الرائع لخروقات، قمع، عنف، وظلم النظام.
شكراً نجلاء يا أيتها الشامخة على المرور الكريم ورائع كلماتك،
بكِ تزدان قائمة الشرف وبكِ يرتفع الشرف مرافق أعلى فأنتِ
من صميم هذا الشرف وقد ارتفعت هاماتنا بنضالكن يا أجمل النساء
ويا أجسر النساء وأعظم النساء.
أرجو أن تتحفونا بتلك الصور النادرة التوثيقية من الزنزانة
يا نجلاء فهي تاج فوق رؤوسنا جميعاً في مسيرة
نضال المرأة السودانية الشامخة.
لكِ تقديري وفائق إحترامي يا كنداكة السودان الديمقراطي الجديد.

Quote: انا شايف نحن بنضيع في زمن ساكت وهذه الشابة اخذت اكثر من ما تستحق واي واحدة رداحة ممكن تعمل العمل الرهيب القامت بيهو ده !!!!!!!

الاخ شوقي

ياخ مناهل قالت انا زوله بسيطه جدا جدا ولم تطلب اكثر مما تستحق ولكنها نالت اقل مما تستحق . ياخي ما تحسم الموضوع وتدعوا لمناظرة او حوار مع مناهل

حتى تثبت للناس ديل انها عادية جدا وعاماين ليها ضجة في الفاضي.


تحياتي لك وللجسورة بت ملوك النيل مناهل ابراهيم

مرحب حبابك ألف الجسورة الشامخة مناهل إبراهيم
مرحب بيك بيننا في هذا المنبر

شكرا يا دكتورة سعادة تاج السر

الأساتذة والأستاذات الأفاضل:

أحمد محمد عتيق
عمر عشاري
لدن جعفر
يحيى إبن عوف
هدير الزين
أحمد طراوة

لكم الشكر والتقدير على كريم ورائع القول،
بكم تزدان وتكبر قائمة شرف الترحيب بالجسورة منال إبراهيم.
لكم تقديري وفائق إحترامي نحو سودانٍ خالٍ من القمع،
خالٍ من العنف، وقد اندثر القهر والإرهاب.

ولكم جميعاً الأصدقاء والصديقات الأعزء شكراً وتقديراً واحتراماً حتى نعود.

مرحبا بالمناضلة مناهل

Quote: مرحبا بالمقدامة ...زينة الفتيات ..شجاعتها ظاهرة وإنحيازها لحقوق الناس ناصع وبليغ

اهلا اهلا اهلا يابت من دهب

الأساتذة الأفاضل:

شكري سليمان ماطوس
الأمين محمد علي
أمجد
طارق ميرغني
خضر عبدالغفور

لكم الشكر والتقدير على كريم ورائع القول،
بكم تزدان وتكبر قائمة شرف الترحيب بالجسورة منال إبراهيم.
لكم تقديري وفائق إحترامي نحو سودانٍ خالٍ من القمع،
خالٍ من العنف، وقد اندثر القهر والإرهاب.

ولكم جميعاً الأصدقاء والصديقات الأعزء شكراً وتقديراً واحتراماً حتى نعود.

تسلم البطن الجابتها

بنت بلدي يابنت النيل اصلك سوداني..

الف اهلا بالجسورة مناهل ..

هي نجمة
أطلت في سماء الحرية




لن يزيدها الظلام

إلاّ تألقاً

الاستاذة الأفاضل:

بلة محمد الفضل
مصطفى محمود
عاطف رميتي
قيقراوي

لكم الشكر والتقدير على المرور الكريم ورائع الكلمات.
تكبر بمؤازرتكم وتزدان قائمة شرف الترحيب بمناهل إبراهيم
وهذه الجسارة في منازلة القمع والقهر في قلب الخرطوم
وسط الكادحين، الجائعين، الفقراء، والمسحوقين.
هكذا النضال المُشرِّف، رغم محاولات البعض اليائسة
التي لا تأبه لها هذه الشامخة مناهل رعاها الله.
لكم الشكر والتقدير وفائق الإحترام نحو سودان العزة والكرامة.

مرحبا بمناهل في سودانيزأونلاين وربنا يغتي عليها ويحفظا ويزيدا.


شكرا د. سعاد على تعريفنا بمناهل .

مرحبا مناهل إبراهيم وكفى

ترحيب واجب بالجسورة الشامخة مناهل إبراهيم

ترحيب واجب بالجسورة الشامخة مناهل إبراهيم

ترحيب واجب بالجسورة الشامخة مناهل إبراهيم

ترحيب واجب بالجسورة الشامخة مناهل إبراهيم

هي التي قابلت الاعتقال بالزهور

مناهل تستحق الإحتفاء والتمجيد فقد شاهدتُ لها مواقف على (اليوتيوب) يتزلزل فيها
معظم الرجال ويرتجفون، فما بالك بشابة في دولة بوليسية إرهابية. شامخة كنخيل
أجدادها رماة الحدق وصلبة المواقف.

مرحبا ببنت الأكرمين سليلة الكنداكات في سوح النضال ومقارعة القهر
والخوف وأنحني لها وأحييها تحية خالصة ممزوجة بالإعجاب لمواقفها
المشرفة المشرقة...

شكرا دكتورة سعاد تاج السر على هذه الإضاءة الجميلة.
---
بل الشكر، كل الشكر والتقدير لكَ شاعرنا الفذ الفاضل الأستاذ عبدالإله زمراوي
على شرف المرور وعلى كلماتك الرائعة البديعة العظيمة
للشامخة الجسورة مناهل إبراهيم، هذه الكلمات الأنيقة بها تزدان
وتسمو قائمة شرف الترحيب بمناهل النضال، مناهل الجسارة،
مناهل ثورة النساء الباذخة الشامخة.
فلك منا التقدير وفائق الإحترام.

الاخ شوقي

ياخ مناهل قالت انا زوله بسيطه جدا جدا ولم تطلب اكثر مما تستحق ولكنها نالت اقل مما تستحق . ياخي ما تحسم الموضوع وتدعوا لمناظرة او حوار مع مناهل

حتى تثبت للناس ديل انها عادية جدا وعاماين ليها ضجة في الفاضي.


تحياتي لك وللجسورة بت ملوك النيل مناهل ابراهيم

شكراً الصديقة الدكتورة سعاد على هذه
اللفته العظيمة ..
لقد سبقني الكثيرون بكلماتهم الرائعة..
لا أجد كلمات تعطي الأبنة مناهل حقها ..
بنتنا جميعاً ..
بنت الشعب الصامد..
بنت من ذهب ..
لها ولك حبي وتقديري ..

والله فعلا جسورة وشامخة
يا ألف مرحب بيها
إضافة قيمة للمنبر

الف مرحب بالجسورة مناهل

إنها ثورة النساء، فمرحباً بهذه الجسارة.
مسـاجينـك، مسـاجينـك

مسـاجينـك
مـساجـينك، مساجينـك
نـغـرّد فـي زنانينـك
عـصـافيـراً مـجـرّحـه بي سـكاكـينك
نغنّي ونـحـن فـي أسْـرك
وتـرجـف وانـت فـي قـصـرك
سـماواتـك دخـاخـيـنك
مساجـينك، مساجـينك

بـرغمك نـحـن مـازلـنا
بنكبـر بي زلازلـنا
بعنشـق فـي سـلاسـلنا بنسـخـر من زنازيـنك
مساجـينك، مساجـيك

حـكايات الـهـوي الأول بنحـكـيـها
بـدايات الـغُنا الـطـوّل ... بـنغـنيـهـا
حقيقـة وليـس نتأوّل حـتهـرب من عـناويــنـك
حـتـخـجـل مـن عـناوينـك
مساجـينك، مساجـينك

بالسـودان مواقفـنا
وللسـودان عـواطـفنا
....ولـمـا تـهــب عـواصـفنا
مـاحيلة قـوانيـنـك
مساجينـك، مساجينك
مـحجــوب شــريف

الاساتذة الأفاضل:

بهاء بكري
عادل عثمان
نصرالدين عثمان
البشير دفع الله
د. محمد حسن

شكراً وتقديراً على إسهاماتكم وكلماتكم الرائعة،
تكبر بكم وبمروركم الكريم قائمة شرف الترحيب بمناهل إبراهيم
هذه الجسورة التي أخجلت هذا التخاذل غير المبرر
والفشل في الإطاحة بنظام الظلم والقمع والقهر.
شكراً عادل ايضاً على إيراد الفيديوهات الرائعة.
لكم جميعاً الشكر والتقدير وفائق الإحترام نحو سودان العزة والكرامة،
حتى أعود للرسائل الأخرى المقدّرة،
لكم تحياتي.

مرحب بالجسورة مناهل ابراهيم
لك التحية دكتورة سعاد

في حبك يهون كل شئ يا وطن...

Quote: دكتورة سعاد بت تاج السر اختي مسكاقمي نرحب بيها وبس الكنداكة مناهل نفرش ليها الورود ونمهد الطريق ونزين الجنبات أنها مفخرة من مفاخر وطني أنها زينة نساء وطني يا بت اخوي يا مناهل بت ابراهيم أي ارض يقلنا واي سماء يظلنا أن لم نرحب بك يا كنداكة أنت في المقل وفي القلوب من جوا يا نوارة بلدنا لا تيأسي واصلي نضالك لا بد من صنعاء وان طال السفر وان غداً لناظره قريب وغداً ستشرق شمس الحرية وكان مهرتنا حرة ورابحة وكنانية

---

الأستاذ الجليل حمزاوي،
مسكاقمي.
لك الشكر والتقدير على هذه الكلمات الرائعة العظيمة
شرف مرورك الكريم به تزدان وتسمو قائمة شرف الترحيب بمناهل.
حتى تعود مناهل وترد على هذه الرسائل الرائعة بنفسها،
لك فائق التقدير والإحترام والأسرة الكريمة،
ودمتم دائماً مؤازراً لنضال المرأة السودانية
ضد القهر، القمع، العنف والظلم.

شكراً لكم جيمعاً أيها الأعزاء الشرفاء
على شرف المرور لحين عودة.

يا مراحب بمناهل ابراهيم
يا مراحب بتيّار الوعي
وشيل الهم العام..

التحية لها ولزميلاتها المقاتلات
وهن يناضلن من اجل وطن خيّر ديموقراطي

وطن بالفيهو نتساوى
نحلم.. نقرا
نتداوى

مساكن
كهربا ومويه..
تحتنا الظلمه تتهاوى
نختّ الفجرِ طاقيّة

وتطلع شمس مقهورة
بخط الشعب ممهورة
تخلي الدنيا مبهورة
إرادة
وحدة
شعبيّة

سلام اخت سعاد
وشكرا لتنبيهنا لترحيب واجب

في زمن اضحت هموم كثير من الشابات لا تتعدّى الكريمات والأصباغ،
تأتي مناهل وزميلاتها شايلات الهم الكبير، هّم الوطن.

____
شفت مناهل في مقطع قبل فترة
وشعرت بان حواء السودانية بخير رغم الواقع المحبط
سمعت صوت أمّة كاملة في صوتها..
ومعاناة جيل -بل أجيال- في سردها..

مناهل ومن معها جنود عزّل،
لكن قادرين على هّد عرش الإنقاذ بأظافرهم واسنانهم..

يا الف مرحب يا مناهل
لم الاحظ من قبل انه مناهل اليوتيوب و قرفنا، هي مناهل سودانيز

حبابك عشرة يا زولة يا جدعة.






ــــــــــ
الاخ الكريم شوقي، كان درت النصيحة من واحدة متابعة نقاش موضوع ود الباوقة و مناهل، كنت ارجو ان يستمر نقاشك في ما تظنة غلط من مناهل في البوست الاصلي بتاعها، لانه في تقديري ده ما مقام نقاش غلطها، وحتي و ان وافق الكل علي رايك ان ما قالته لود الباوقة غلط، برضه يستحسن ان يستمر النقاش في البوست المعني، عشان الامور ما تتلخبط و يصل الكلام مبتور و الما متابع بهناك ما يعرف الحاصل شنو.
و بعدين يا شوقي ياخ اسي كان اخوك (ما اختك) غلط في البيت علي اخوكم او عليك و جوكم ضيوف يرحبو بيه بتقول ليهم ما تسلمو عليه ما يستاهل عشان هو غلط علي اخوي؟ ولا ختيتو صينية الغداء بتقول ليه ما تتغدي؟ انت غلطان؟ مش احسن نخلي لكل مكان مقالة؟ :)

الرجاء موصول لكل من له راي في موضوع ود الباوقة و مناهل.

الكنداكات الأستاذات الشامخات:
مها عبدالله
أسماء الجنيد
حواء سليمان
نجوان
رحاب خليفة

الأساتذة الأفاضل:
النذير حجازي
العميد محمد أحمد الريح
عمر عبدالله فضل المولى
كمال سالم

قائمة شرف الترحيب بالجسورة مناهل تزدان وتزدهر وتسمو بكم وبكن جميعاً.
لكم الشكر والتقدير على المرور الكريم والمشاركات الرائعة الأنيقة.
يا سلام على هذه الشامخة مناهل إبراهيم التي جمعتنا جميعاً
كما ذكرات العزيزة نجوان، وحتى تأتي مناهل للتحدث معكم،
تحكي لنا عن نضالها الزاخر وهي الخطيبة المحنّكة الرائعة،
كما شاهدناها في تلك الفيديوهات التي ارتفعت بها قاماتنا جميعاً،
حتى ذلك الحين، لكم مني فائق التقدير والإحترام.

والشكر والتقدير موصولان لجميع الشرفاء الذين مروا من هنا،
وحتى عودة لكم جميعاً، لكم هذه النبتة بزرقة النيل الندية.

Quote: شكراً الصديقة الدكتورة سعاد على هذه اللفته العظيمة .. لقد سبقني الكثيرون بكلماتهم الرائعة.. لا أجد كلمات تعطي الأبنة مناهل حقها .. بنتنا جميعاً .. بنت الشعب الصامد.. بنت من ذهب .. لها ولك حبي وتقديري ..

---
كنداكتنا الشامخة الرائعة الأستاذة أماني،
كلمات الشكر تعجز دائماً أمام جهودك المضنية
نحو سودان العزة، الشموخ، والكرامة.
لكِ الشكر والتقدير يا صديقتي الغالية على المرور الكريم
واللوحة الرائعة النادرة من سيارة معتقل النساء،
قائمة شرف الترحيب بالجسورة مناهل تسمو وتكبر بكِ،
فلكِ مني دائماً الحب وفائق التقدير والإحترام
ولأسرتك الكريمة.

الأساتذة الأفاضل:

أحمد العربي
مولانا أحمد الشايقي
أحمد خليل
الفاتح ميرغني

لكم التقدير والشكر على المرور الكريم
وبكم تزدان وتكبر قائمة شرف الترحيب بالجسورة مناهل
إضافة نوعية لمنبر سودانيزأونلاين
ضد القهر، الظلم، العنف، والقمع
فمرحباً بها.
فائق التقدير والإحترام.

Quote: ادفقي بلدك فداك .. اتوهطي وري البنيات العزيز محمية بعرق الترابلة ونغمتك انغام ربباتك تشيل معزوفة الليل والرفيق ما تصغري تكبر اماني السنبلة هيا اكبري تصغر معاني القنبلة ما ترجعي الصد للمدائن والقرى شيلي الشحوب والاصفرار ادي البويتات مظرا ادفقي في كل شارع وكل بيت في روابينا المحنة في ضمائرنا السهول ادفقي في كل حتة وكل زول وابقي شان تحي الحصول

Quote: شكرا د/سعاد وشكرا لكل من مروا علي هذا البوست. هذا واجب وطني لاننا جئنا من رحم الشعب السوداني وايدي في ايدكم نغني لتنعم هذه البلد التي فجرت الثورات بانتفاضه تطيح بهؤلاء وعين الامل بتشوف فجر الخلاص قدام. مناهل إبراهيم

بل الشكر، كل الشكر لكِ يا أيتها الجسورة والشامخة بيننا
وأنتِ ترتادين وتركبين الصعب وزميلاتك وزملائك الشوامخ
تنازلون هذه الطغمة العسكرية الدكتاتورية في قلب الخرطوم
في قلب العاصمة المثلثة غير آبهين ببطش الجلاد.
نعم، يا أيتها الثائرة ضد القمع، العنف، القهر، والظلم،
نعم، معاً (سنغني لتنعم هذه البلد التي فجّرت الثورات
بانتفاضة تطيح بهؤلاء وعين الأمل بتشوف فجر الخلاص قدام)،
كما تفضّلتِ. لك التقدير وفائق الإحترام.





























_________________________

الدكتورة سعاد .......... سلام
شكرا علي نشرك لبوست الترحيب بالمناضلة مناهل
لقد تم اعتقال الطالب تاج السر جعفر اليوم ظهرا اليوم

Quote: اعتقل جهاز الامن نهار اليوم الطالب تاج السر جعفر عضو حركة القوي الجديدة الديمقراطية (حق ) اثناء توزيعة منشورات تخص حركة قرفنا بالمحطة الاوسطي ببحري , ولم يستطع زملائة حتي الان تحديد مكان اعتقالة . سبق للاجهزة الامنية ان اعتقلت تاج السر من قبل عدة مرات وتعرض للتعذيب مرات عديدة , لذلك اعتقد ان حياتة مهددة تهديدا حقيقيا. لقد ناضل تاج السر ضد نظام الهوس نضالا شرسا بجامعة الخرطوم وخارجها عبر التحامة بالجماهير اثناء المخاطبات التي كان يتحدث فيها في الاسواق ومواقف المواصلات . ايضا قد سبق تكفير تاج السر من قبل جماعات الهوس , لذلك حياتة مسؤولية كل مناضل من اجل الحرية . _________________________

شكراً الأستاذ الفاضل بهاء بكري،
نرجو أن يتم إطلاق سراح الطالب تاج السر جعفر
وأن تعمل جمعيات حقوق الإنسان لحماية المواطن السوداني الأعزل
من قمع السلطة في ظل عدم توفر أبسط الحريات
بما في ذلك حرية التعبير عن الرأي.
_________________________________________________________

الأساتذة الأفاضل:
محمد المرتضى
أحمد الأمين أحمد
مرتضى عبدالجليل
معاوية عبيد الصائم
محمد تيراب
حسن نوباتيا
بكتاش
د. أحمد أمين
الصاوي
محمد الشيخ أرباب
دينق
الطيب شيقوق
عبدالمجيد الكونت
عماد شمت
العوض الطيب
أبوالقاسم حسن
نصر
الشريف
أيمن التوم حسن -- شكراً على الصورة الرائعة
عزيز عيسى ومصطفى محمود ولكم جميعاً مجدداً على المرور ثانية،
الصور الرائعة والفيديوهات

لكم جميعاً الشكر والتقدير على المرور الكريم
وبكم تزدان، تكبر، وتزدهر قائمة شرف الترحيب بمناهل إبراهيم
نحو سودان العزة، الكرامة، والديمقراطية الحقيقية
ضد القمع، العنف، القهر والظلم.

فائق التقدير والإحترام لكم ولجميع الشرفاء الذين مروا من هنا
مرحبين بمناهل، ومعذرة إن كان إسماً قد سقط سهواً فالتقدير العميق
لكم جميعاً فرداً فرداً دونما فرز مع تحياتي وصادق مودتي.
وشكراً وتقديراً مجدداً لكل الاصدقاء والصديقات
الذين أسهموا بإيراد الفيديوهات والصور الرائعة،
لكم التقدير العميق لاستقطاع أجزاء من أوقاتكم الغالية
في الإسهام بإنجاح هذا البوست والترحيب اللائق
بالجسورة مناهل إبراهيم.





















__________________________

Quote: الاخ الكريم شوقي، كان درت النصيحة من واحدة متابعة نقاش موضوع ود الباوقة و مناهل، كنت ارجو ان يستمر نقاشك في ما تظنة غلط من مناهل في البوست الاصلي بتاعها، لانه في تقديري ده ما مقام نقاش غلطها، وحتي و ان وافق الكل علي رايك ان ما قالته لود الباوقة غلط، برضه يستحسن ان يستمر النقاش في البوست المعني، عشان الامور ما تتلخبط و يصل الكلام مبتور و الما متابع بهناك ما يعرف الحاصل شنو. و بعدين يا شوقي ياخ اسي كان اخوك (ما اختك) غلط في البيت علي اخوكم او عليك و جوكم ضيوف يرحبو بيه بتقول ليهم ما تسلمو عليه ما يستاهل عشان هو غلط علي اخوي؟ ولا ختيتو صينية الغداء بتقول ليه ما تتغدي؟ انت غلطان؟ مش احسن نخلي لكل مكان مقالة؟ :)

الاخت العزيزة رحاب لك تحياتي واحترامي

اتفق معك في النقطة الاولي اما النقطة الثانية مع الاحترام الكامل لدكتور سعاد في الترحيب بمن تشاء بس الزولة دي عضو من 2009 الترحيب عشان هل لأنها سبت ود الباوقة ولا شنو يعني من وجهة نظري الترحيب كان في الوقت الخطأ وكانما تحفيز لها لتشتم من تشتم لذا لا ولن ارحب بها ارحب بكل من تحترم نفسها وتحترم الناس وذي ما قلت سابقا اختي او بتي لو تطاولت على شخص اكبر منها بقطع اصبعة الكتبت بيهوا ده ، طبعا انا زول متخلف ودقة قديم لكن اهو اقبلونا كده.

يا شوقي،
إنت لا متخلف لا دقة قديمة !
إنت شديد و لضيض .. و عارف بتعمل في شنو و بتكتب ليه

.. انا شخصيا حأظل متابع لاني عاوز اعرف سر زعلك من مناهل
هل هو زي زعل (عطا و حسب الله) .. ام هو فقط زعل اخو البنات و مقنع الكاشفات !
مع إنو ناس بامسيكة و طه الضرير و بقية اخوان آمنة ما ظنيتم يقبلوا فكرة إنو مناهل الصادقة الشريفة تمشي الخور
اهي برضو متابعة .. و وجهة نظر .. ما تفهمني غلط !
واصل يا شوقي دواسك مع مناهل، إنا لك متابعون ..

سلام يا شوقي و شكرا لكريم ردك
و مع اني كنت احب ان افعل ما رجوت انا من المتداخلين و هو ترك البوست للترحيب بمناهل، لكن حاوضح وجهة نظري، عسي ان تساهم في قفل باب نقاش ليس في محلة في وجهة نظري، و طبعا لك مطلق الحرية في ما تفعل

Quote: اما النقطة الثانية مع الاحترام الكامل لدكتور سعاد في الترحيب بمن تشاء بس الزولة دي عضو من 2009 الترحيب عشان هل لأنها سبت ود الباوقة ولا شنو يعني من وجهة نظري الترحيب كان في الوقت الخطأ وكانما تحفيز لها لتشتم من تشتم شوقي

الاحترام التام للاخت سعاد في خيارها لفتح البوست اكيد داخل فيه اختيارها لتوقيت البوست، ولا شنو يا شوقي؟ و بالمثل لك الحرية ان تعبر عن امتعاضك عن توقيت فتح البوست، لكن لو كنت مكانك لاكتفيت بالنقطة دي، و اكيد حا تلاقي من يشاركك رايك ده و قبلك كتب الاخ صلاح علي ما اعتقد عنها، و يستحسن الابتعاد عن الحكم علي نواياها من خلال شاهد واحد و هو توقيت البوست، و استعمالك لكلمة "كانما" بيوضح انك ما متاكد من نوايا الاخت سعاد لفتح البوست في التوقيت ده

سؤال ليه الترحيب الان بالاخت مناهل، سؤال وجيه اكيد يدور في اذهان الكثيرين، و من حقك ان تطرحة علي الاخت سعاد و من حقها تجاوبك او ما تجاوبك
لكن لا يضير عدم سؤاله في البوست ده

باختصار لا اري داعي ان يصل تحفظك علي التوقيت حد الشك انه مفتوح عشان هي سبت ود الباوقة او تحفيز ليها لتشتم من تشتم.
احد الاحتمالات انه الاخت سعاد حبت تعرفنا بمن هي مناهل في نص الجوطة دي كلها عشان حكمنا يكون علي ضوء شخصي شوية، و بصراحة انا قدرت اتعرف علي بعض ملامحها من خلال الفيديوهات دي.

الاعتذار للاخت سعاد و لك علي الاطالة و ما طالباك رد







ــــــــــــ
كانت هناك نكتة ما مضحكة، شلتها في التعديل