تقرير ....... للبشير

عشان بعدين ما يشبكا
الناس التحتي خدعوني
وانت كنت مغشوش

والمكنات العاضة ديك

اها ياخوي النكلمك من هسة
اول حاجة الاسعار كل يوم ماشة في زيادة
وجماعتك شغالين في خلق الله ( قدوقدو ) جلد شديد
والناس العاطلين بقوا اكتر من الناس القوا شغل
وحتي الناس الشغالين مرتباتم بقت ما مكفية
وعندك الاف الاسرة مشردة بسبب الفصل التعسفي
وعندك الاف ماتو في دارفور بسبب الحرب
وعندك الاف الطلاب ماقادرين يدفعوا رسوم الدراسة
وبحرموهم من دخول الامتحانات
والمزارعين والرعاة حالتم تحنن قلب الظالم

واييييييييييييييييك
ان بقيت ماك عارف اعرف

نواصل

Quote: اول حاجة الاسعار كل يوم ماشة في زيادة

ياخ انت و خضر حسين كرهتونا البورد

دائما نقتكم فى تفاصيل ثانوية ليس ذات
اهمية
مثلا الاسعار زدات الرغيف السكر الزيت البصل
الموصلات الفول

ما ممكن الدغمسة الكتيرة دى يعنى الحكومة تتقطع
ولا كيف؟
ضرورى تاكلوا ..الصائم مش فيهو اجر

انا لله من هكذا شعب
مفروض الحكومة تبيع الشعب ده وتشترى
شعب جديد من اوربا او امريكا شعب متحضر
قليل الطلبات يستحمل الجوع ويقدس الصيام

الضرائب باهظة ومافي خدمات مقابلة ليها
وكذلك العوائد والجبايات
والزكاة
القروش دي كلها ومعاها قروش البترول
بتمشي وين نحن ماعارفين

مافي علاج مجاني
مافي تعليم مجاني

والمستشفيات حالا يغني عن السؤال
وكذلك المدارس


الناس حياتا مبشتنة

دا كلو لازم تكون عارفو
وما خفي اعظم
عشان بعدين ماتجي تقول كماقال شاه ايران زمان
او بن علي حاليا

حبيبنا معاوية
سلامات

Quote: ياخ انت و خضر حسين كرهتونا البورد دائما نقتكم فى تفاصيل ثانوية ليس ذات اهمية مثلا الاسعار زدات الرغيف السكر الزيت البصل الموصلات الفول ما ممكن الدغمسة الكتيرة دى يعنى الحكومة تتقطع ولا كيف؟ ضرورى تاكلوا ..الصائم مش فيهو اجر

والله ما تستبعد انو الناس ديل يقولوا لينا
تاكلو رغيف ذاتو لي شنو ...؟
اكلوا باسطة


خالص الود