Post: #1
Title: منبر ابيي عمودية سودانيزاونلاين
Author: خدر
Date: 01-10-2011, 04:09 PM
شنو قلبتوها شمال و جنوب
ابيي دي عيبوها لي ؟ 
|
Post: #2
Title: Re: منبر ابيي عمودية سودانيزاونلاين
Author: Ali Sirelkhatim
Date: 01-10-2011, 04:20 PM
Parent: #1
منبر ابيى الاصلاح والتجديد{وجه ضاحك}
خدر كيفنّك ابوى؟
|
Post: #3
Title: Re: منبر ابيي عمودية سودانيزاونلاين
Author: محمد إبراهيم علي
Date: 01-10-2011, 05:43 PM
Parent: #2
تعرف يا مولانا الواحد محتار
ناس الجنوب ما بيقبلو بينا باعتبار اننا شماليين
اما عني فاشعر ان دولة الشمال الجديدة لا تمثلني
اها الدبارة كيف
اؤيد منبر ابيي للحالات المتل حالتي او فلنسميه منبر الاعراف
(وبينهما حجاب وعلى الأعراف رجال يعرفون كلا بسيماهم)
|
Post: #4
Title: Re: منبر ابيي عمودية سودانيزاونلاين
Author: خدر
Date: 01-10-2011, 06:36 PM
Parent: #3
علي و محمد .. سلامات يا فنانيين و كل إنفصال و انتو طيبين
المنبر حقنا ده لذيذ جدا و فيها كيمة من الطرافة غير معقولة, بكري ابوبكر بفكرتو لانشاء منبر جنوب السودان من زاوية صاحب بيزنس او كارير بطور في شغلو و بعمل في اسواق جديدة فكره مفهومة و مهضومة كمان , المدهش بالنسبة لي انو نحن بنناقش في بكري في قريشاتو بعضنا برشح في قيادات المنبر الجديد و بعضنا بعاين بعين عواطفو للموضوع كلو ورافض المنبر الجديد و بعضنا موافق علي الفكرة من منظور سياسي و بعضنا يسعي حثيثا لنيل عضوية المنبر الجديد و كلو مع ابصلعة منقة و اي شي و مبروك عليهو فكرة ذكية و حكيمة و لن تاثر علي منبر الشمال . الاسئلة المهمة
هل ستقبل عضوية منبر الجنوب الجديدة بعضوية الشمال ؟ هل سيكون هناك حوار اصلا ام عداوات و ثارات و مكاواة ؟ وان حدث و كان هنالك حوار عقلاني ماهي اجندة الحوار ؟
لذلك اتت دعوتي للاستمرار في ابيي دي (سودانيزاونلاين الحالي ) عملا بحكمة المسيرية حقنا لدماء الباندويث 
|
|