اتحاد العمال يعزي زيادة المحروقات والسلع إلى الأزمة العالمية والظروف الاقتصادية

اتحاد العمال يعزي زيادة المحروقات والسلع إلى الأزمة العالمية والظروف الاقتصادية
الخرطوم (smc)
عزا الاتحاد العام لنقابات عمال السودان الزيادات التي طرأت على المواد الاستهلاكية والمحروقات إلى الظروف السياسية والاقتصادية التي تمر بها البلاد بالإضافة إلى الأزمة العالمية الاقتصادية.
وقال الأستاذ أحمد عيدروس رئيس اتحاد العمال في تصريح لـ(smc) إن الأزمة العالمية الاقتصادية لها أثر كبير في زيادة أسعار السلع الاستهلاكية والبترولية بجانب الظروف السياسية والاقتصادية القاهرة التي تمر بها البلاد، مبيناً أن القرار القاضي بهذه الزيادة تم تدارسه قبل فترة طويلة ولكن تأخر لأسباب متعددة متعلقة بالوضع السياسي الراهن ودعا المواطنين إلى التعايش مع هذه الظروف إلى حين إنفراج وحل الأزمات المشار إليها.

والله اتحاد العمال بتاعك دا يا غريبة ذكرني واحدة قريبتنا دقت بتها قامت حبوبة البت قالت ليها تعالي.. كر علي.. أمك دقتك؟ البت الصغيرة طوالي نطت قالت ليها آي دقتني أصلهن الأمات بدقوا بناتن إنت مالك و مالها. فما كان من الحبوبة إلا أن قالت ليها خليها تدقك إن شاء الله يدق لحمك.
هسع لو كان اتحاد العمال دا فعلا بمثل العمال كان نقول ليه خليهم يغلوها إن شاء الله لمن يقتلوكم بالجوع. لكن العزاء الوحيد أن هذا الاتحاد ما هو إلا ذراع من أذرع النظام و لا يمثل من يدعي التحدث باسمهم.

ياغريبة

ياخي اسع نحن نصدق منو كلام الخبراء القالوا بعد الانفصال السودان ح يوفر اربعة مليار ولا نصدق كلام العمال

ياخي الازمة المالية دي ليها سنتين معقولة يادوب وصلتنا

البوست الاولاني يفند البوست التاني ياخي كان تنتظرو الكم يوم ديل والاربعة مليار دي تدعموا بيها السلع عشان المواطن يقول والله الانفصال نزل لينا الاسعار لكن للاسف شكلها ح تكون ميتة وخراب ديار


تحياتي

زاتوووو