طرائف الأخطاء المطبعية والاملائية بسودانيز أون لاين ...

ولا أستثني نفسي ...

2002 - 2011 م

والدعوة عامة ...

في احدى المداخلات كتبت تراجي:

أبناء العشب الواحد

تقصد أبناء الشعب الواحد ...

قول واحد

وردني اتصال من زميل منبها الى ان هنالك
خطأ في العنوان .. كلمة ( بسودانيز ) ذاكرا
أن الصحيح ( في سودانيز ) ...

أفتونا يا أحفاد الخليل بن احمد وتلامذة سيبويه ... أفادكم الله

الأخ منتصر
سلام
أكبر خطأ هو أسمى
الكثيرون يخاطبونى بالمؤنث يسرا
حتى أسم الوالد يكتب مصطفى
---------------------

مرحبتين يسري ( كده صاح ) ؟

والله يايسري ما عارف أقول ليك شنو ؟
بعض الأسماء تشكل حرجا لأصحابها .. غايتو
استحمل ده قدرك كده .. ولا أضبح خروف وغير اسمك
في ناس عملو كده رغم التبعات الباهظة من تغيير
مستندات واقناع الآخرين بالاسم الجديد ..

اما حكاية أبوك ده خطأ مطبعي ناتج عن السرعة وعدم التركيز

أنا جدي اسمو ( زكي ) ونادرا ما يكتبوهو صاح .. تخيل بيكتبوهو
( الزاكي ) ما عارف الألف واللام دي جابوها من وين .. يا زول ولا يهمك في النهاية مجرد أسامي ...

Quote: مرحبتين يسري ( كده صاح ) ؟

في الأول كانت المشكلة كانت في الألف
هسع جوبكتها بحرف ( الياء ) وبرضو مصر إنو كدا صاح

..

صلاح شكوكو
يا مراحب


في الأول كانت المشكلة كانت في الألف
هسع جوبكتها بحرف ( الياء ) وبرضو مصر إنو كدا صاح


شكوكو هسي إنت مدبل ( كانت ) دي فوق كم ؟
ياريت تورينا الصاح لفائدة الجميع ....

سعيد بالتعرف عليك من خلال هذا البوست

Quote: يا مراحب شكوكو هسي إنت مدبل ( كانت ) دي فوق كم ؟ ياريت تورينا الصاح لفائدة الجميع .... سعيد بالتعرف عليك من خلال هذا البوست

شكرا جميلا أخي منتصر
وسعيد حقيقة أن أتعرف اليك ..
ومحمدة منك أن العنوان كان حول الأخطاء المطبعية
أي الهنات التي تأتي ربما للعجلة أو السجال .

( يسرى ) اسم مؤنث ينتهى باللأف لكن الفنانة ( يسرى) صاغت حروفه حيث استبدلت الألف المعتادة (ا) بالألف المقصورة (ى) حتى لا يحدث التباس مع اسم ( يسري ) الذي ينتهي بحرف ( الياء ) ، خاصة وأن إسم ( يسري ) بالياء إسم شائع بين الرجال في مصر فخشيت الفنانة ( يسرا ) من أن يختلط الأمر ويستشكل على الناس رغم أن غيرها كثيرات كنّ يحملن هذا الإسم ، لكنها لأنها مشهورة والناس قد أصبحوا يقتدوا بالفنانات بعد أن أصاب العلماء الوهن ، لذا حاولت ( يسرى )أن تغير حتى اللغة العربية الرصينة لمجرد ظنها أن خلطا سيحدث وكأن الناس ساذجون مثلها ولا يميزون بين الألف والياء ..

لذا فإن الصواب هو ( يسرى ) أما الألف الموجودة في الآية الكريمة : فهي مقتضيات النحو ( وذكر بعض أهل اللغة أن (العسر) معرّف بأل ، و ( يسراً) منكر ، وأن العرب إذا أعادت ذكر المعرفة كانت عين الأولى ، وإذا أعادت النكرة فكانت الثانية غير الأولى ، لذا فإن الألف الموجودة في كلمة ( يسرا) الأولى هي مقتضى التنوين وليست أصلا .. وهي نفسها يمكن تحريك نهايتها لتكون ألف مقصورة ( فَسَنُيَسِّرُه لليُسْرَى ).
والله أعلم

شكري وتقديري لك أخي منتصر

ولكم الود


..

صلاح شكوكو


شكرا كتير على المعلومة الدسمة
وإشتمالها على كل شاردة وواردة



ولك مني أضعاف
ما تكنه من تقدير

منتصر .... عجمي فالعب به يا رجل

محمد مصطفى مجذوب

منتصر .... عجمي فالعب به يا رجل

نان هو لعب ...

(1)-
الأخ الحـبيـب الحـبوب
منتصرمحمد زكى،
كل سـنة وانت طيب.


(2)-
***- في حواره مع حسن الجزولي كشف محمد وردي أنه رفض ، ابتداءً ، المشاركة في فعاليات (الخرطوم عاصمة للثقافة العربيَّة للعام 2005م) ، كونه تشكك في الأمر برمَّته ، رغم أن الوزير حاول إقناعه بأن المهرجان مقام في إطار الجامعة العربيَّة ، والسودان عضو فيها ، وهي التي ستتولى الصَّرف! وعقب وردي على ذلك بقوله: "ياخي الدولة في الجامعة العربيَّة ، لكن .. أنا شخصياً لست عربياً"! ومضي قائلاًً: "أعلنت أنني لست مؤمناً بذلك .. حضرت اجتماعاً واحداً وابتعدت"! ثمَّ دلف إلى أخطر جانب في حديثه ، بقوله: "في الافتتاح شاركت بدون اقتناع ، غنَّيت جزءاً من نشيد (يقظة شعب) ، لكنني أضفت كلاماً نظمته ارتجالاً بالرطانة قلت فيه: هذا موضوع مفروض علينا ، وأنا لساني ليس عربياً ، لكنهم عرَّبوني رغماً عني"! وأردف: "كلُّ النوبيين كانوا مبسوطين جدَّاً".
(الميدان ، 28/8/07).

المصـدر:
الأسـتاذ كمـال الجزولـي ورزنامة الأسبوع: الفنان الكبيرم...نا شخصيآ لست عربيآ".
الموقع:
(سـودانيز اون لاين)- مدخل أرشيف الربع الثالث للعام 2007م:الأسـتاذ كمـال الجزولـي ورزنامة الأسبوع:
15-09-2007,
بكري الصايغ.


(3)-
***- لو لقيتو اخطاء لغوية في مقالاتي اعذروني فانا من قبيلة وردي ،واللغة العربية مـش من "اندينا"!!

العزيز
بكري الصايغ

كل سنة وأنت بألف خير


***- لو لقيتو اخطاء لغوية في مقالاتي اعذروني فانا من قبيلة وردي ،واللغة العربية مـش من "اندينا"!!

بالعكس خلو معظم مقالاتك من الأخطاء دليل على أن من ينتمون الى قبيلة وردي بامكانهم التفوق
في اللغة العربية ان أرادوا ذلك بل بعضهم يعتبر مرجع فيها لكنهم يعتزون بلغتهم ويفضلونها
على ما عداها من اللغات الأخرى ..... سعدت جدا بمرورك

Quote: جعباط

شكرا ذو اليد على المرور
ياريت تشوف لينا نماذج من بيت الكلاوي ...

عوافي
توسا تان تلداها


نحن بلدو بنتوس

سلام أيّها الشاعر

طرائف الأخطاء المطبعية والاملائية بسودانيز أون لاين

منتصرمحمد زكى

ولا أستثني نفسي منهم

والله صحي

وكذلك نفسي أنا


سيكون هذا البوست في ميزان حسناتك

إن شاء الله
وإن طلبت منا المساهمة
من دون زعل سنساهم

ولكن الأفضل ألا تذكر أسماء

لأن كل الناس ما بتقبل

- تصحح لي اسمك زكى إلى زكي

والاملائية إلى الإملائية

ياخي دي طرافة ساي

ما تزعل

وبالنسبة للاسم

هل هو ذكي بالذال

أم بالزاي

طبعاً بالذال يكون من الذكاء

والزاي من الرائحة الزكية

أيهما الأفضل؟

عشان تعمل لينا سماية لي جدك


لك عظيم ودي واحترامي

ورجاء ما تزعل مني

وإلى الأمام يا همام

Quote: أنا قرّبت أقتنع خلاص بقصّة الكتابة بتاعة الكلمة دي بالشّكل دا ( بتاعت )

سلامات يامنتصر ,,
انت يا لؤى مش الزول العملت البوست بتاع المذيع الخلاك تحضر الكورة الأبوخ ديك ,, كان ده إنت نزله فى البوست مناسب لموضوع البوست ,,

***- واحد يكتب اسمو كده ( Mohammed )،
***- يقوم واحد تاني يكتب اسـمو ( Mohamed )...ويوفر علي نفسه مشقة عناء كتابة M.

***- واحدة تكتب اسمها ( عازة )،
***- نلقي واحدة تانية تكتب ( عـزة )،

***-هل الكلمة الصح ( صايغ ) ولا ( صائغ )?!! ...لوووول!!!

***- والكلمة الصاح بالانجليزي: Mahmod ولا Mahmmod?!!

***- والكلمة الصاح بالانجليزي Osman ولا Othman?!!

***- في صورة للمتعافي ب(البورد) واسأل:
هل هو ياكل جـدادة... دجاجة... ام فرخة?!!

***- بالمناسبة هذه اخذتها من المنبر العام!!!

Quote: والكلمة الصاح بالانجليزي Osman ولا Othman?!!

sure
Othman

Quote: طرائف الأخطاء المطبعية والاملائية بسودانيز أون لاين ...

شكراً يا منتصر على البوست المفيد ولذيذ..

واحد من أهم الأخطاء شيوعاً..هو "خطأ مطبعي"..

والخطأ المطبعي مرتبط بالمطبعة وليس الطباعة..

يعني مثلاً المطابع عندها كميات كبيرة من كتب المناهج الدراسية والكتب الأخرى كالروايات والقصص وغيرها..

أها يقوموا ناس المطبعة يجلطوا ليك تجليطات كدا من النوع أبو كديس.. يخلوا المعلمين مثلاً بتوجيه

من إدارة المناهج ودار النشر التربوي وغيرها يصححوا من أول السنة ما يعرف بالخطأ المطبعي..

لكن بقى تعال شوف استخدام الناس لمصطلح الخطأ المطبعي..

تخيل في ناس بيقولوا ليك فلان الفلاني كان بتكلم .. لاحظ يتكلم دي.. أها قام عمل خطأ مطبعي

خرب ليك الكلام مرة واحدة..

والله صحي..

الخطأ الإملائي والهجائي إن جازت التسمية هو التعبير الصحيح..



بالنسبة للأخ يسري..

هسي كدي عاين إنت في روحك دي ملخبط كم مرة في الياء والألف المقصورة..



تصور ممكن تلقى لافتة قدر الكتلة في قارعة الطريقة مكتوب عليها من دون أي خجل:

الملتقي الثقافى السودانى المصرى

فى الفترة من كدا إلى كدا..بأرض المعارض ببرى..


فشنو؟؟

فتأمل !!!!

وعُذراً منتصر


أبدا لؤي أخد راحتك البوست بوستيك
بالعكس سعيد جدا بمشاركتك الفعالة .. واصل ياحبيب

بسم الله الرحمن الرحيم
السلام عليكم ورحمة الله وبركاته
المتعافى دا باقى لي بياكل فى بيتزا
و اللة اعلم

***- تلقي واحد يكتب كلمة (مسؤول) بالشكل ده...
***- يقوم التاني يكتبها مسئول!!
***- شـؤون ولاشـئون?،

***- واحد غلط في اسم (جمهورية السودان) فكتبها ( جـمهورية السيـطان )!!!

الأخ الـحـبيـب الـحـبـوب،
جمال الباقر،
تحياتي ومودتي،

sure
Othman
وألف شكر علي المعلومة.

you most welcome dear

مرحبتين محمد ميرغني

عوافي
توسا تان تلداها


نحن بلدو بنتوس

ياريت تترجم لينا ( توسا تان و بنتوس )
هذا اذا ادعينا معرفة ما تبقى من الجملة ...

Quote: في احدى المداخلات كتبت تراجي:

دخلت عشان أقول ليك ... أبعد من تراجي ومحمد عادل ..... عشان نفسك ما يقوم ...

لقيتك عملت بيها الإفتتاحية.

إضافة لكلام الأخ لؤي ...

الخلط بين ــة و ــت
وبين ـــة و ـــه

.
.
.
اسواء الكتاب

اسواء الكتاب


شكرا أبو الريش

ده شغل زعل ساكت .. التحية للفنان احمد العربي

لؤي

أنا قرّبت أقتنع خلاص بقصّة الكتابة بتاعة الكلمة دي بالشّكل دا ( بتاعت )


يعجبني أسلوبك الذكي في الكتابة
يبدو أن مزجنا العامية بالفصحى
تدخلنا في متاهة ( النحو والصرف )
فنقع في فخ اللغة المشوهة والمحرفة ....

رغم أن الغالبية تلجأ الى اللغة الدارجة تفاديا للمساءلة اللغوية .... والله أعلم

تحياتي أخ منتصر موضوعك مهم و ياريت الناس يأخدوا الموضوع بجدية
شوية لانه الاخطاء بقت مكررة من غير ما الناس تأخد بالها بعدين المنبر دا
بقي مقروء لعدد كبير من الرواد منهم غير الاعضاء و منهم جنسيات أخري من
غير السودانيين لازم كمان نحترمهم شوية


من بين كل الاخطاء الإملائية و النحوية ماااافي شئ بفقع مرارتي قدر
كتابة إسم الجلالة بالتاء المربوطة من غير أي إكتراث ! معقولة بس
يا جماعة !! ( يعني شاهده قبل نشره دي بكري عملها لي شنو ؟ ما لجنس دا )

Quote: دخلت عشان أقول ليك ... أبعد من تراجي ومحمد عادل ..... عشان نفسك ما يقوم ...

أثني


سلامي لكل المتداخلين و سنة سعيدة علي الكل

استاذ منتصر
كيفنك؟
الراجل قال لي مرتو داير لي مرا لجناء.
قالت لو: توسا تان تلداها
وانت قلت داير اخطاء مطبعية قلنا: كوسا كان تلقاها
ونحن برضو بنكوس
واتمنى ان يظل هذا البوست دوما عاليا لأن الحكاية ماشة طوالي
وبالتالي المنبر محتاج حصة إملاء طوالي
لك الشكر

انا الملك في الاخطاء

عبدالفتاح أبوشيمة .. لك التحايا


سيكون هذا البوست في ميزان حسناتك

ان شاء الله يا عبدالفتاح
اسم جدي بالزين .. وما بيناتنا زعل يا حبيب ....

حبابك عبدالعزيز الفاضلابي


انت يا لؤى مش الزول العملت البوست بتاع المذيع الخلاك تحضر الكورة الأبوخ ديك ,, كان ده إنت نزله فى البوست مناسب لموضوع البوست ,,

ياريت يا لؤي وتكون مشكور ....

هناك أخطاء ناتجة عن سرعة الكتابة..
وهناك أخطاء ناطقة عن الجهل بالنحو..
وهناك أخطاء (مختلف حولها) حتى بين علماء اللغة..
وهناك أخطاء (مقصودة)..

العزيز
أيمن دياب


وهناك أخطاء (مقصودة)..

والله دي حيرتني عديل
يعني يكون فطحل ويقصد تبديل المعنى ؟

لا أخشى على هذا البوست من شئ
الا مرور الفطاحلة من هنا ....

Quote: سكنني حزن كخنجر قرس في الصدر

محمد أبوالعزائم .. لك التحايا

دخلت عشان أقول ليك ... أبعد من تراجي ومحمد عادل ..... عشان نفسك ما يقوم ...

لقيتك عملت بيها الإفتتاحية.


تراجي دي زولة ذكية ومتفهمة بتعرف تميز
بس انتو ما قادرين تفهموها .. ( نقدم السبت كان نلقى الأحد ) ....

هنالك أخطاء ناتجة عن عدم
اجادة التعامل مع الكيبورد
وليس جهلا باللغة ........

شكرا بكري الصائغ على العودة
واثراء البوست ... ( ان شاء الله أكون كتبتها صاح )

منتصر وضيوفه الكرآم.
ســـلآم.
من الأخطاء التي لا تُغتفر ابداً.
كتابة إن شاء الله.
هكذا: إنشاء الله ( ده اكبر خطأ )
وكذلك كتابة الله هكذا:
اللة.
انا بفتكر دي غلطات ليس لها ما يبررها،
ويفترض ايّ شخص يراجع نفسو في
كتابة الله، وإن شاء الله...

عبدالفتاح أبو شيمة


تصحح لي اسمك زكى إلى زكي

والاملائية إلى الإملائية

الأولى لا ذنب لي فيها ويسأل عنها بكري
اما الثانية ياريت توريني ألقى الهمزة
التحت وين لفائدة الجميع .. وينوبك ثواب ...

محمود مصطفى محمود .. حياك الله



الخطأ الإملائي والهجائي إن جازت التسمية هو التعبير الصحيح..

شكرا على الاضافة والاجتهاد المقدر
سعيد بمرورك وياريت تواصل ......

معتصم سلام

دعوة لثورة تجديدية فى قواعد العربية

المطالب

دمج القاف و الغين
دمج السين و الثاء و الصاد
دمج ملح للزاى و الذال
و الاهم معروف الدنيا كلها تعيط للمساواة بين المرا و الرجل
لماذا العربية تضع الحدود بينهما .. ندين و نشجب
تسقط يسقط نون النسوة


الحروف المزدوجة دى عزبتنا خالس خالث

مع تحياتى

احمد حامد

عن عجم المنبر

جمال الباقر
خالص التحايا

شكرا كتير على الزيارة والمشاركة الفاعلة ...

سلامات .. هبة الماحي


بقي مقروء لعدد كبير من الرواد منهم غير الاعضاء و منهم جنسيات أخري من
غير السودانيين لازم كمان نحترمهم شوية


كلام موزون ومنطقي جدا .. شكرا هبة

محمد ميرغني عبد الحميد

الراجل قال لي مرتو داير لي مرا لجناء.
قالت لو: توسا تان تلداها
وانت قلت داير اخطاء مطبعية قلنا: كوسا كان تلقاها
ونحن برضو بنكوس
واتمنى ان يظل هذا البوست دوما عاليا لأن الحكاية ماشة طوالي
وبالتالي المنبر محتاج حصة إملاء طوالي


شكرا محمد على الترجمة .. تسلم

شيء وليس شئ


شكرا لؤي على التصحيح
تاريك طلعت من الفطاحلة ...

Quote: تصحح لي اسمك زكى إلى زكي والاملائية إلى الإملائية الأولى لا ذنب لي فيها ويسأل عنها بكري اما الثانية ياريت توريني ألقى الهمزة التحت وين لفائدة الجميع .. وينوبك ثواب ...

أشكر لك

أيها الشاعر

أولاً بالنسبة لي ذكي أو زكي

قصدي نهايتها ياء وليست ألفاً مقصورة


أما الهمزة المكسورة

فاضغط على الشيفت مع الغين

حرف الغين وأنت ضاغط على الشيفت

s h i f t+ غ=إ

لك التحية والود

Quote: ولا أستثني نفسي ...

شكراً الأخ منتصر على هذا البوست الهام..
من الأخطاء الشائعة جداً:
إطلاق صراح بدلاً عن إطلاق سراح
ينثق بدلاً عن ينسق
إذدواج بدلاً عن إزدواج
كنز بدلاً عن كنس
لغوياً أيهما أصح بكري الصايغ أم بكري الصائغ ؟

دمتم جميعاً بالف خير..

أماني العجب
تحياتي


كنز بدلاً عن كنس
والله يا أماني دي ما أدونا ليها
أول مرة أسمع بي كنس دي ....


لغوياً أيهما أصح بكري الصايغ أم بكري الصائغ ؟

غايتو في النطق ( الصايغ ) وفي الكتابة ( الصائغ )

دي ما اجابة نهائية مجرد اجتهاد لحين وصول الفطاحلة ...

سلامات
احمد حامد صالح


معتصم سلام
أها قول واحد


المطالب
دمج القاف و الغين
دمج السين و الثاء و الصاد
دمج ملح للزاى و الذال
و الاهم معروف الدنيا كلها تعيط للمساواة بين المرا و الرجل
لماذا العربية تضع الحدود بينهما .. ندين و نشجب
تسقط يسقط نون النسوة


تحول الى مجمع اللغة العربية في كل من دمشق والخرطوم لينظر فيها .....

Quote: معتصم سلام أها قول واحد

ليك حق يا منتصر
لك العتبى حتى ترضى
اها المرة دى عشرة على عشرة


المطالب

Quote: تحول الى مجمع اللغة العربية في كل من دمشق والخرطوم لينظر فيها .....

يا منتصر مطالبنا لا تحتمل المماطلة و اللجان ، ذلك يعنى تلجينهاو هذا ما لا نسمح به

ندعو امين عام الحوش لحامية الرطانة بالمنبر من غلاة الضاديين

و الا سنطالب بحق تقرير المصير

www.sudaneseonline.rattana.com

احمد حامد

عن حركة تحرير الرطانة بسودانيز اون لاين

------------------------------------------------------

لؤى

لك الود و التحية

الزاى و الذال بحق مشكلة

بعد تلاتين سنة اكتشفت انى اقرأ

فى سورة الواقعة

على سرر موطونة بدلا عن على سرر موضونة

احمد حامد صالح



الزاى و الذال بحق مشكلة


تصدق أنا لحدي قبل شوية
كنت بقول ( زين ) بدل ( زاي )
مشكلة والله لا عربي لا انجليزي .. مخير الله



عليك الله سجلني في القروب بتاعكم
علي الأقل الرطانة ما فيها غلطات كتيرة ....

معاوية المدير


من الأخطاء التي لا تُغتفر ابداً.
كتابة إن شاء الله.
هكذا: إنشاء الله ( ده اكبر خطأ )
وكذلك كتابة الله هكذا:
اللة.

للأسف يا معاوية هذه من الأخطاء الشائعة
رغم كثرة التنويه برضو مصرين ......

سلامات
معاوية محمد

Quote: سكنني حزن كخنجر قرس في الصدر


دي والله ما عرفت أختها في ياتو خانة ...

انا الملك في الاخطاء

محمد الأمين حبابك

ده تواضع منك ساي في ناس هنا
لو قرو كلامك ده حا ينبسطو شديد ...

سلام يا منتصر
مرة واحد اظنو محمد الأمين دا زاتو غلط في عنوان بوست عايز يكتب الحزب الشيوعي
وقوم انسى الحاء - و العنوان طبعا ما بتعدل , بالله البورد دا قام وقعد
اظنو بكري جاه مليون إيميل و تلفون لغاية ما حذفو
والذ شي كل واحد يجي داخل يستنكر العنوان و يطالب بحذف البوست ناسيا انو بقوم برفع البوست عمليا بمداخلته المستنكرة

ملاحظة ود المدير في محلها عن الخطأ في اسم الجلالة
عصام الزين بارينا بفرمالة " الله يمهل ولا يهمل" و اليفقع المرارة إنو كاتب الله بالهمزة

تاني في ناس بتحاول تكتب "ولاّ" بكتبوها " والله" تخيل الجملة بتطلع غريبة كيف؟

وبالنسبة لقولة "إعتذار" خلاص بالتكرار اتعوّدنا عليها إنها "إعتزار" لدرجة لو زول كتبها بالذال تقرب تصلحو

انا من الذين يكتبون خطاء للاتي
اكتب من الجوال والحروف صغيرة وخاصة المتشابهة ف ق ع غ ر ز د ذ
اكتب مستعجلاً ومنفعلاً
مشكة النظر
مرة عندي بوست فيهو حزب الترابي ......... الخ
اتحذف حرف الحاء وصارت العبارة ناقصة ومحرجة جدا
والبوست يترفع وانا ما عارف اخش وين من الاحراج

حباب ود البشرى


مرة واحد اظنو محمد الأمين دا زاتو غلط في عنوان بوست عايز يكتب الحزب الشيوعي
وقوم انسى الحاء

أتاريهو شابكنا أنا الملك في الأخطاء
لكن مسألة امكانية تعديل العنوان دي
مهمة شديد نتمنى يلتفت ليها سيد الحوش
ويوليها اهتمامه .......

تعديل العنوان مسالة مهمة
بعدين انا ماعندي علاقة باللغة بالعربية الا في البورد دة

محمد الأمين

مرة عندي بوست فيهو حزب الترابي ......... الخ
اتحذف حرف الحاء وصارت العبارة ناقصة ومحرجة جدا
والبوست يترفع وانا ما عارف اخش وين من الاحراج

يا ساتر
والله لو محلك أستجير بالفيس بوك الى أجل غير مسمى ...







-----------------
محمد انت الظاهر عليك
عايز تغطس حجر البوست ده

شكراً يا منتصر على البوست الهام و اللطيف في نفس الوقت

Quote: الأخ منتصر سلام أكبر خطأ هو أسمى الكثيرون يخاطبونى بالمؤنث يسرا حتى أسم الوالد يكتب مصطفى

Quote: أنا جدي اسمو ( زكي ) ونادرا ما يكتبوهو صاح

وانا ايضاً اعاني من نفس المشكلة وكثيراً ما يكتب اسمي الصاوى او الساوى او الساوي وكلها غلط

Quote: في احدى المداخلات كتبت تراجي: أبناء العشب الواحد تقصد أبناء الشعب الواحد ...

منو القال ليك، احتمال تكون فعلاً قاصدة أبناء العشب الواحد خاصة انه البلد داخلة على استفتاء وكده

Quote: جعباط

يا ذو اليد كلمتك دي و الوردت في بوستك الشهير داك ما غلطة إملائية ابداً ..
لكن يخيل لي انك كنت ملخبط شوية بين "الأباط" و "الجـ ..ات"

وانا ايضاً اعاني من نفس المشكلة وكثيراً ما يكتب اسمي الصاوى او الساوى او الساوي وكلها غلط

والله حيرتني يا دكتور يعني أنا هسع أكتب منو ؟

بالنسبة للصديق ذو اليد
أظنه وليس كل الظن اثم
كتب ( جعباط ) بنفس طريقة
نطقه لها .............

شكرا على الزيارة
تحياتي الخالصة

اللة.
انشاء الله.
اعتزار.

اللة.
انشاء الله.
اعتزار.


العزيز بكري الصايغ
نعم هذه أكثر الأخطاء
شيوعا في هذا المنبر
عسى ولعل يتم تجاوزها بكثرة التنبيه والتكرار الممل

البعض لا تهمه سلامة اللغة بقدر ما يهمه ايصال المعلومة ....

تحياتي

لحد الان بعمل كوبي وبيست لاسم المستخدم لاني ما عارف بكري كاتبه كيف!
اي مرة احاول اكتبه مباشرة تاتيني رسالة ان المستخدم غير معروف

اشك ان بكري ابوبكر كاتب بدل موسى بالالف اللينة موسي بالياء, والله اعلم

حاولت مرة ارسل مسنجر للاخ عاطف مكاوي, فجاتني رسالة ان المستخدم غير معروف! وبعد تفكير قلت بس احاول اكتب مكاوى بالالف اللينة وفعلا

بكري كاتب مكاوى بدل مكاوي


انا عندي مشكلة اصلي ما قادر احلها بين هزيمة وهذيمة!

بدرالدين احمد موسى

حاولت مرة ارسل مسنجر للاخ عاطف مكاوي, فجاتني رسالة ان المستخدم غير معروف! وبعد تفكير قلت بس احاول اكتب مكاوى بالالف اللينة وفعلا


شكرا بدرالدين
هذه نقطة هامة جدا يعاني منها الكثيرون
وأنا أحدهم وكلو بسبب الأخطاء الإ ملائية



-----------
الألف اللينة دي شنو؟

منتصر زكي,

تحياتي

الالف اللينة دي, زي ما في نهاية موسى بدل تكتب موسا تكتب باستعمال (ى) وزمان كنا بنسميها الالف اللينة!
ظاهر في تباين اجيال هنا!ههههههه

الاخ منتصر سلام من الله عليك
اول ايام في هذا المنبر اكتسبت درسا لن انساه ابدا نسيت
الان اسم البوست وكان عبارة عن محاوله لانتقاد الاستاذ
ياسر عرمان عندما رفض عقوبة الجلد من داخل البرلمان السوداني
كان حظي في ذلك اليوم تعيس ولا احتاج لكثير من الشرح ووقعت
في اكثر من 30 غلطه املائيه وعينك ما تشوف الا القمر

ايضا كان لي بوست ادبي اخطاءت في العنوان ولكن قبل من الامر بعد الاعتذار
البوست هو بكي نفخر... حواء السودان بكي نفخر... حواء السودان
لتكرار

الرشيد ابراهيم

كيفك

بكي نفخر

مفروض تكتب " بك نفخر" والكسرة في نهاية بك تعوض عن الياء!
--
شفت ليك عكلتة?!

الرشيد ابراهيم احمد
التحيات النواضر


في اكثر من 30 غلطه املائيه وعينك ما تشوف الا القمر


يازول ما كتيرة ما تخاف أنا بعرف عضو هنا
بيرتكب 300 غلطة دون أن يطرف له جفن ولو
كتب كلمة صاح بيمسحها على أساس أنها غلط .....

بدرالدين احمد موسى

ظاهر في تباين اجيال هنا!ههههههه


والله يابدر في تباين مدارس وبيئات
ما عارف دي حاجة سلبية ولا ايجابية
ولا نحنا ما عرفنا نستثمرها ......

سلامات

سيد البوست

و ضيوفه


الصاح نورة و لّا نوره و لّا نورا ؟؟؟؟

مرحبتين
سلمى تاور

الصاح نورة و لّا نوره و لّا نورا ؟؟؟؟


والله ده سؤال صعب لكن نحاول طالما الفطاحلة رفضوا
يمروا من هنا .. شكلهم خايفين من الدقسة عشان كده
الحمد لله الواحد ما طارح نفسو عبدالله الطيب ولا فراج الطيب ....


نقوم نستبعد الآخرها ألف ( نورا )
تبقى ( نورة - نوره ) والاتنين تقريبا صاح
والراجح ( نوره ) .... والله أعلم





--------------
أطالب بحضور صديقي لؤي
للدعم والمساندة ....











التعديل للتعديل

يعني نكتبا كيف في شهادة الميلاد و الاوراق الرسمية ؟؟؟؟


ما دايرين نحيير البت ،، نحدد ليها موقف إسمها من هسي (^_^)

هلا
لؤي


شنو تفكني في مجمع اللغة العربية ده براي وتشتت
مش في مدير ونائب مدير وسكرتارية وهلمو جرا ...

أنا غايتو ( منسق )


وليس كما شاع
بس .. نحنا في الأسماء بالذات مع شاع دي




والكلام دا علـى مسؤوليّة صاحب البوست

ما عندك مشكلة دي ضريبة العمل الطوعي

Quote: سـلمى مساء الـخـير

مساء الورد

Quote: ( نكتبها ) ما ( نكتبا )

سمح (^_^)

Quote: طبعاً يا سـلـمى حكاية الأسـماء دي تُكتب كما يُـختار لـها

ما هو _ يُختار لها _ دي هي المشكلة (*_*)

Quote: أمّا إن كان السُّؤال عن الصّحيح لغويّاً هناك يـختلف الأمر وتبقـى نورة وليس كما شاع والكلام دا علـى مسؤوليّة صاحب البوست

إنت كمان ما تسلبطا _ اقصد تُسلبطها _ في صاحب البوست
صاحب البوست دة قبيــــــــــــــــل مرق زمتو
أقصد ذمتهُ (^_^)

و قال نورا

الصاح نورة و لّا نوره و لّا نورا ؟؟؟؟


سألت أستاذ لغة عربية جنبنا
الصاح ياتا ؟

قال لي: كلهن صاح دي ما أسماء ساي
وبعديها طوالي قال لي: تصدق نحنا لي هسع
ما صرفنا مرتب شهر نوفمبر وديسمبر .. فشككت في اجابته ....

يعني نكتبا كيف في شهادة الميلاد و الاوراق الرسمية ؟؟؟؟


سلمى

أكتبيها ( نورا ) علي مسؤوليتي ....

Quote: أكتبيها ( نورا ) علي مسؤوليتي

قلت كدة ؟!!!


سمح (^_^)

نماذج عشوائية


ولكنهم لم يحركوا ساكنة .

اشكر الشيد ادم عيسي .

كي يجد ما ينفق فيه المال الذي أصبح عبئ عليه .

الملاحظات التى ظلت تتردد على زاكرتى .

الجهات الامنية رفضت التصديق بغياب الندوة .

قلت لي مهتمة بالانضابط اللغوي ومشرحة عزام بنفس فاتحة ؟؟؟

إلى مواطني السودان الشرفاء لأمثلية الوحدة .

عشرين عاما يا سقطي الشعب السوداني .

الكلمة في أي مكان كالرصاصة كما يقولون لو طلعت من الصعب رجوعه .

لا اسئ لا شى ما دام هذا الشئ يفرح الأحباب .

سلام يااخى
انا مشكلتى فى اسمى
اى موضوع اكتبه يجينى الرد.....
سلام يايسرى.....ومشتاقين يايسرى...الخ.....
مره كتبت نعى جا رد ليسرى فى الخاص من عضو (البركه فيكم يايسرى)
ياجماعه انا ياااااااسر توم يسرى
انا توم وهو جيرى هههههههه

ياسر معتصم
أخو يسري

مره كتبت نعى جا رد ليسرى فى الخاص من عضو (البركه فيكم يايسرى)


في دي بالذات مافي مشكلة الحالة واحدة ...

هسي نحنا مشكلة يسري زاتو ما لقينا ليها حل نهائي
غايتو ما عندك حل غير تنسق مع يسري لحين ميسرة ...




-------------
ما عندكم ألقاب أو كنية؟

لؤي

عندي صاحبـي ( حـمدي الـموجـي )

ده أخو محمد الموجي ولا إسم على إسم ؟



الله ؟ هوّ أنا اللـي مصري ولاّ أنتَ ؟

ديل ما رباطاب شمال أفريقيا ما بتصاقعو في الكلام





--------------------
لؤي
فتلت البوست بالكلمة المطيتة دي

خلاص بنعدّلـها ليك


أيوا كده ياخ
يعدلها عليك دنيا وآخرة قول آمين ...

العزيز منتصر
تحية طيبة
موضوع جميل وفَكِه
لكن الأخطاء هنا كثيرة جداً ومعظمها يتجاوز حد الخطأ غير المقصود ويكشف
عن جهل واضح بالإملاء وأصول الكتابة .
..
قبل ست سنوات أثار الأستاذ محسن خالد هذه القضية في الرابط أدناه
إصلاح الكتابة في المنبر
..
لك وللجميع الود والتحية والاحترام

العزيز
طه إبراهيم عبدالله

قبل ست سنوات أثار الأستاذ محسن خالد هذه القضية


يبدو أننا في حوجة لإثارتها 6 مرات في السنة
فالطرق عليها بصورة أوسع سيأتي بنتيجة أقلاها
التأني والتركيز في الكتابة وتجنب الوقوع في
أخطاء لا تغتفر تجلب لصاحبها السخرية اللاذعة ....



عميق احترامي

إصلاح الكتابة في المنبر


عنوان جميل ومختصر ...

يا اخوانا افتونا في أمر "يتسنّى" أو " يتثنّى" ياتها الصاح فوقن
أنا بقول يتسنّى الصحيحة لكن شايف دكاترة و معلّمين كبار بكتبوها بالثاء

يتسنى هي الصحيحة بلا شك و هي فعل جامد غير مشتق.

هنالك فوضى كاملة في الهمزات. الأغلبية لا يعرفون الفرق بين همزتي الوصل و القطع. وهناك خلط رهيب بين الياء و الألف المقصورة، وبين الزاي و الذال، وبين الهاء و التاء المربوطة، فضلا عن أخطاء الإعراب البسيطة التي يقع فيها الكثيرون، هناك مشكلات خاصة بالكتابة على الكيبورد لا تظهر أثناء الكتابة باليد. مثلا، لا يجوز أن تضع مسافة واو العطف، إنما يجب أن تلصقها بالكلمة التي بعدها، وذلك حتى لا يكون هناك سطر منته بواو عطف دون شيئ بعدها. يجب أيضا عدم وضع مسافة قبل الفاصلة و النقطة و علامتي الإستفهام و التعجب، وإنما تأتي المسافة بعدها وليس قبلها. هناك أخطاء تحدث نتيجة للكتابة بسرعة فينعكس ترتيب حرفين أو ينضغط الزر الخاص بحرف مجاور للحرف المطلوب، وهي مشكلة شائعة، يجب أن يتم تقسيم الجمل الطويلة بالفواصل و النقاط، وتقسيم الكلام إلى فقرات حتى لا يصبح الكلام مثل كتل صماء ملقاة بعضها فوق بعض. وهذا ما لا يهتم به الكثيرون.

محمدالبشرى
لك التحية


يا اخوانا افتونا في أمر "يتسنّى" أو " يتثنّى" ياتها الصاح فوقن


شكرا على طرحك لهذا السؤال
فأنا أيضا تهمني الإجابة ....

أستاذ
أسعدالعباسي
أطيب التحايا


شكرا على إنضمامك إلينا
فأنت أحد الفطاحلة الذين عنيتهم ....

(بوست ) دكتورة داليا وتمبس حضوركم سوف يبهج ويفرح بودراب جدة ... نحن في انتظاركم ...

المشكله حتى الواحد لما يرجع ويكتشف الغلط في العنوان لم يجد طريقة للتعديل ...

منتصر ... كل عام وانتم بخير

وأنت بألف خير
وليدعبداللطيف


المشكله حتى الواحد لما يرجع ويكتشف الغلط في العنوان لم يجد طريقة للتعديل ...


نعم هذه مشكلة تواجه معظم الأعضاء
وحلها بيد سيد الحوش ......

صباحك فل وياسمين لؤي

Quote: وبـخصوص يتثنّـى ويتسنّـى تجد الإجابة وردت قديـماً هنا :-

طيب وبخصوص نورا ولّا نورة ولّا نوره ؟؟؟؟

انا ماراجياك (^_^)

الموضوع غاية في الاهمية بالمناسبة

سلمى

طيب وبخصوص نورا ولّا نورة ولّا نوره ؟؟؟؟


صدقيني كتابتها هكذا ( نورا ) أظرف وشكلها سياحي
وسيبك من لغويا بتاعت لؤي بس حا تكون غير قابلة
للتعديل فيما بعد .. إتوكلي علي الله وأكتبيها ( نورا ) ...

نرجوا خطأ يرد كثيرا والصحيح نرجو

نرجوا خطأ يرد كثيرا والصحيح نرجو


شكرا ديامي
فعلا كثيرا ما تكتب (نرجوا)
سوى كان الحديث بالدارجي أو الفصحى

فائق تقديري

دا بعد كُلّ فشفاشـي الـهنا :-


يا لؤي ياخ ما تصعبا خالص
الكلمة ( بتاعة- بتاعت ) دارجية يعني حقتنا نكتبها بالجمبتين
عليك الله حصل سمعتها من شيخنا الزمخشري ولا الفراهيدي
دي صناعة سودانية بحتة .. عمل على نشرها ودالصائم ورهطه ...

الله يدّيك العافية بس

يديك العافية لؤي


المواضيع الجافة التي تخلو من روح الفكاهة والمرونة
تكون عسيرة الهضم ومنفرة أيا كانت أهميتها .......