Post: #1
Title: سودانيين امريكا....عاوزين تحضروا النيل الازرق?
Author: smart_ana2001
Date: 01-05-2011, 08:20 PM
رمضان بقى ليه ٦ شهور (كل سنة وانتو طيبين). و بديت الايام دى افكر فى موضوع النيل الازرق ....تانى
ضربت تلفون لشركة http://www.reachmediatv.com
و قلت ليهم انا سودانية و عاوزه احضر قناة النيل الازرق. ممكن تضيفوها.? الزوله فى التلفون قالت لى خلينى اكلم مديرى.
طيب...اظن لو ضرب ليهم اكتر من زول ممكن يهتموا بالموضوع
تلفونهم ( علي حسب الطلب) *
وشكرا (مقدما) على الاهتمام
__________________________________
*شلت النمرة لان التلفونات كترت جدا علي الجماعة
ح نستني كم يوم و نرجع نضرب تاني
شكراً جزيلا علي الدعم.
|
Post: #2
Title: Re: سودانيين امريكا....عاوزين تحضروا النيل الازرق?
Author: motaz
Date: 01-05-2011, 08:25 PM
Parent: #1
يا smart
أمريكا دي فيها النت راااااااااااقد
بس ادخلو هنا واستمتعوا بالنيل الأزرق
http://bnile.tv/bnile.html
|
Post: #3
Title: Re: سودانيين امريكا....عاوزين تحضروا النيل الازرق?
Author: يسرى معتصم
Date: 01-05-2011, 08:34 PM
Parent: #2
| Quote: رمضان بقى ليه ٦ شهور |
دى المشكلة
يعنى فى عز الصيف
أخير نصوم فى السودان
|
Post: #4
Title: Re: سودانيين امريكا....عاوزين تحضروا النيل الازرق?
Author: smart_ana2001
Date: 01-05-2011, 08:40 PM
Parent: #2
سلامات motaz
كلامك صحيح. لكن فرق التوقيت بيخلينا مستحيل نقعد نص النهار نتفرج على اغانى و اغانى وكده (اكل العيش و خدمة البيت و الاطفال). و الشئ التانى هو ان الموقع مرات كتيرة بيكون ما شغال.
لما تكون القناة فى التلفزيون ممكن اسجل (فى الرسيفر) كل البرامج العاوزاها و ارجع المساء احضرها بمزاج و امشي الدعايات كمان و احضر فى شاشة كبيرة و كولتى عالية
______________________________________
الفوق ده هو ده ردى الرسمى
اول رد فكرت فيه كان رد زول مغيوظ من مداخلتك. كنت ح اقول ليك:
شكرا جزيلا على الفكرة الجهنمية.
ما تزعل I am just kidding
|
Post: #5
Title: Re: سودانيين امريكا....عاوزين تحضروا النيل الازرق?
Author: smart_ana2001
Date: 01-05-2011, 08:44 PM
Parent: #4
سلاماات يسرى معتصم
و اليوم ح يكون طويييييل. انا برضو بفكر فى كده
اها المهم....ح تضرب تلفون لرتش مديا? please please please
|
Post: #6
Title: Re: سودانيين امريكا....عاوزين تحضروا النيل الازرق?
Author: smart_ana2001
Date: 01-05-2011, 08:56 PM
Parent: #5
ما عاوزيين نيل ازرق ?
دانية....سارة على....دينق...راوية....و كل بورداب امريكا
اضربوا بس خدمة لاختكم اللى ما عندها موضوع
|
Post: #7
Title: Re: سودانيين امريكا....عاوزين تحضروا النيل الازرق?
Author: mohmed khalail
Date: 01-05-2011, 09:01 PM
Parent: #6
| Quote: اضربوا بس خدمة لاختكم اللى ما عندها موضوع |
قرقرقرقرقر
في عمولة؟؟؟؟
|
Post: #9
Title: Re: سودانيين امريكا....عاوزين تحضروا النيل الازرق?
Author: smart_ana2001
Date: 01-05-2011, 09:10 PM
Parent: #7
mohmed khalail
عمولة ?? الا يدفعوها ليك ناس ART هم المستفيدين من الموضوع
على العموم ما فى مشكلة....معاك من جنيه ل الف!!*
++++++++++++++++++++++++++
*بالقديم طبعا
|
Post: #8
Title: Re: سودانيين امريكا....عاوزين تحضروا النيل الازرق?
Author: Rawia
Date: 01-05-2011, 09:10 PM
Parent: #6
سمارتي حبابك
أنا بقت عندي كرشة نفس من لطعة ناس الون إيت هندريد ديل
لو بتضمني لي يردو طوالي بتصل حالاً
______________
كمان قاموا ليهم في موضة جديدة
كلو توماتيكي
مافي زول يتكلم معاك
|
Post: #10
Title: Re: سودانيين امريكا....عاوزين تحضروا النيل الازرق?
Author: smart_ana2001
Date: 01-05-2011, 09:17 PM
Parent: #8
راوية صحبتى الذيذة.....مشتاقين يا اخى. عارفاك ما بتقصرى و ح تحنى على.
بيردوا سريع. اول ما تضربى ح تجيك رسالة. اختارى الرقم بتاع الmarketing اظنه ٣ .ح ترد عليك واحد امريكية بنت قبائل (من غير اكسنت) . تكلمى معاها.
شكرا ....شكرا ....شكرا ....شكرا ....شكرا
|
Post: #13
Title: Re: سودانيين امريكا....عاوزين تحضروا النيل الازرق?
Author: سارة علي
Date: 01-05-2011, 10:40 PM
Parent: #10
أوعدك يا سمارت اتصل بعد ساعة ونص عشان افضى ليهم...
وليك علي اسك ليك اي سوداني معاي في الشغل يقعد يتصل قداااااامي.....
برجع اقول ليك قالوا شنو ....
|
Post: #11
Title: Re: سودانيين امريكا....عاوزين تحضروا النيل الازرق?
Author: Adil Osman
Date: 01-05-2011, 10:29 PM
Parent: #1
تحدثت الآن مع موظف مصري في الشركة اسمه ياسر فهمي. قال انهم يتفاوضون للتعاقد مع فضائيات سودانية للبث على الديش نيتورك، ولا يعلم متى سينتهي التفاوض وماذا تكون محصلته النهائية.
|
Post: #12
Title: Re: سودانيين امريكا....عاوزين تحضروا النيل الازرق?
Author: عبدالعزيز الفاضلابى
Date: 01-05-2011, 10:40 PM
Parent: #11
سمارت سلام
بضرب عشان خاترك
بس اهم شئ قولى لى :
النيل الأزرق دى ميزتا شنو? والشئ التانى فيها كورة ولا مافيها>
غايتو انا الدش كووولو ناوى اكنسلو كيتا فى الجزيرة الرياضية
وداير امش ناس تلفزة اظن عندهن النيل الازرق مانى متوكد.
|
Post: #14
Title: Re: سودانيين امريكا....عاوزين تحضروا النيل الازرق?
Author: smart_ana2001
Date: 01-05-2011, 10:57 PM
Parent: #12
سرورة....ربنى يا خليك لى (ايوه....على راى المصرين : "ح اخدك و اشحت بيك")
شكرا ....شكرا ....شكرا ....شكرا ....شكرا
Adil Osman و الله عاجزة عن الشكر....
شكرا ....شكرا ....شكرا ....شكرا ....شكرا
ربنا يقدرنى على رد المعروف
عبدالعزيز الفاضلابى
النيل الازرق ما اظن فيها كورة
لكن فيها برامج منوعات كميات. و اهم حاجه فى رمضان فيها (حسن الذكر) برنامج اغانى واغانى
و كتر خيرك لو ح تضرب عشان خاطرى. الله يجبر بخاطرك.
شكرا ....شكرا ....شكرا ....شكرا ....شكرا
|
Post: #15
Title: Re: سودانيين امريكا....عاوزين تحضروا النيل الازرق?
Author: smart_ana2001
Date: 01-05-2011, 10:58 PM
Parent: #14
عادل عثمان...ما يقوموا كمان يدبسونا بالفضائية السودانية
الله يستر
|
Post: #16
Title: Re: سودانيين امريكا....عاوزين تحضروا النيل الازرق?
Author: Rawia
Date: 01-05-2011, 11:17 PM
Parent: #15
سمارتي إتصلت
غايتو إحنا عملنا اللي علينا
لكن مافي أمل والله أعلم
_________
ما تلاتة
أربعة الماركتين
بعدين الزولة لبنانية تقولي لي من غير أكسنت
|
Post: #18
Title: Re: سودانيين امريكا....عاوزين تحضروا النيل الازرق?
Author: smart_ana2001
Date: 01-05-2011, 11:33 PM
Parent: #16
شكرا يا راوية ....تسلمى
ليه ما فى امل?????
شكرا يا راوية......عاجزين عن الشكر
راوية ,الزولة دى كمان طلع اسمها ياسر فهمي .على حسب كلام اخونا عادل عثمان
_______________________________________________________
شكلهم عندهم كم زول بيرد على الرقم ده. منهم الامريكية و اللبنانية و ياسر فهمى
|
Post: #17
Title: Re: سودانيين امريكا....عاوزين تحضروا النيل الازرق?
Author: عبدالعزيز الفاضلابى
Date: 01-05-2011, 11:30 PM
Parent: #15
تسلمى ياسمارت
تعرفى طلبك ده ذكرنى حكاية تنسب وقائعها الى مدينة بربر.
يقال ان تاجرا حط الرحال بمدينة بربر وفتح دكان فى السوق
تجار المدينة رأوا فيه منافسا فحبوا يعملوا فيهو مغرز
صاروا لفترة يرسلو له كل صباح الصبية والفتيات :
امى قالت ليك ادينا حلبة حصا,,
امى قالت ليك ادينا كحل
التاجر لايبيع تلك الأصناف ,, لكن من كثرة الطلب عليها اعتقد ان لها سوقا رائجة فى المدينة فاخرج كل رأسماله واشترى به حلبة حصا وكحل .. وجا ء
صنقر الإسبوع بحاله زوووول جاء طلب حلبة ولا كحل مافى ,, قام باع الدكان بالخسارة واتخارج من المدينة .
اها يا اختى انتى من بربر ولا شنو ?
|
Post: #19
Title: Re: سودانيين امريكا....عاوزين تحضروا النيل الازرق?
Author: smart_ana2001
Date: 01-05-2011, 11:40 PM
Parent: #17
عبدالعزيز الفاضلابى...
ضحكت لما كنت ح اموت من الضحك....جيرانى بيسالونى الان بضحك ليه ما عرفت اقول شنو. يديك العافية.
ناس ديش نتورك ح يحصل ليهم ذى سيد الدكان. مليون تلفون وفى النهاية اشتراك واحد!!!!
شكلى ح افتح بوست احنس الناس يشتروا حلبة وكحل ....قصدى يشتركوا
|
Post: #20
Title: Re: سودانيين امريكا....عاوزين تحضروا النيل الازرق?
Author: smart_ana2001
Date: 01-06-2011, 00:13 AM
Parent: #19
Please!1
|
Post: #21
Title: Re: سودانيين امريكا....عاوزين تحضروا النيل الازرق?
Author: سارة علي
Date: 01-06-2011, 01:11 AM
Parent: #20
سمارت ..
اتصلت
قالت لي الليلة في عدد من الاتصالات بخصوص الموضوع دة ..
قربتا اقول ليها دي حملة منظمة بقيادة اسمارت هههههههههه
المهم قالت بتكلم المدير بخصوص الموضوع دة وشالت رقم تلفوني واسمي ...
طلعتا اذكي منك ههها قلت ليها صديق لي قال لي انكم بتقدموا خدمة البث لقناة النيل الازرق واني فرحت واتصلت علي طول
وقلتا ليها كيف ما تكون عندكم النيل الازرق القناة دي رقم واحد وهي قناة سودانية
قالت لي عارفة عارفة انها سودانية هههههههههه
_________________
نصيحتي ليك نخفف البنزين شوية ..عشان ما نعملا ظاهرة ...
يعني تلاتة اتصالات في اليوم مناسبة ..
وممكن نعمل schedule للاتصال في البوست دة ...
|
Post: #22
Title: Re: سودانيين امريكا....عاوزين تحضروا النيل الازرق?
Author: smart_ana2001
Date: 01-06-2011, 01:42 AM
Parent: #21
شكرا يا سارة....
كلامك صحيح 100%
و الله انا الان اتحسست من الموضوع.
اها يا جماعة نعمل بكلام سارة
تلفون واحد كفاية فى اليوم
اها منو ح يضرب بكره يوم 6 Jan
|
Post: #23
Title: Re: سودانيين امريكا....عاوزين تحضروا النيل الازرق?
Author: Hadia Mohamed
Date: 01-06-2011, 02:23 AM
Parent: #22
غريبة ان يكون ما فى النيل الازرق فى امريكا نحن ناس كندا العايشين فى الصقيع
عندنا النيل الازرق والشروق لينا سنة كاملة ,
دى شركة كويسة شديد
وعندها 50 قناة عربية وبدون دش
رسيفر بس عبارة عن كمبيوتر صغير بيتوصل فى الروتر
من ناحية والتلفذيون من الناحية التانية
فيها الشروق والنيل الازرق
[email protected]
الشهر 29 دولار امريكى لا غير
الجودة عالية جدا
اتصل اديهم رقم الفيزا وبترسل الرسيفر بالميل
https://www.igocolo.com/default.aspx
-----------------------------
|
Post: #24
Title: Re: سودانيين امريكا....عاوزين تحضروا النيل الازرق?
Author: Deng
Date: 01-06-2011, 07:48 AM
Parent: #23
يا سمارت.
أنت مالك ومال المشاكل؟
زي ما بقول المثل. التركي ولا المتورك. نصيحتي لك أن تبقي مع الفضائية السودانية أو حاولي قناة الشروق. لأن القنوات دي قنوات كيزانية مية المية. وحلو القول في خشم سيدو. لكن بيني وبينك كده قناة الشروق دي يمكن تقيف بعد أن تتوقف أموال البترول اللي كانت سايبة ساكت.
بعدين أنتوا يا جماعة قناة النيل الازرق دي مش بتاعت ناس ال MBC السعودية؟
|
|