الترابي علي الجزيرة الأن

الدكتور حسن الترابي ضيفاً علي برنامج في العمق علي قناة الجزيرة الأن

سلام يا محمد.. والله غلبني اسكت وانتظر لغاية هاية البرنامج..
ياخي الى اين يقودنا الترابي بهذه الفكرة الهدامة..عقد المواطنة.. او المواطنة عقد
لماذا لا تكون الدولة جاذبة بدلا من ان تكون طاردة وينظر المواطن الى ان الذي بينه وبين الدولة هو عقد مواطنة ما نفع معاه، على طول ينفض غبار الجلسة عن ثيابه ثم يقول باي باي للدولة..
يعني معقول غالب د. الترابي الاقرار بانه اخطأ كمنظر حينما بدأ في تطبيق الشريعة بتلك الكيفية ابتداء من قوانين سبتمبر 1983 ثم في 1989 ، وكذلك عزيز عليه الاعتراف بانه اخطأ كتنظيم حينما عرض حق تقرير المصير على الحركة عام 1992.. وما المانع ان تطالب دارفور والشرق والشمال بحق تقرير المصير أسوة بالجنوب؟
الى اين ح يوصل البلد شعار المواطنة عقد والكلام الفارغ البقول فيهو ده؟ هسع الترابي بيختلف عن تلميذه البشير بشنو؟ التاني كان ادوهو منطقة قدر توتي يحكمها ما عنده مانع.. وده راي الترابي.. بس الترابي نفسه وبالطريقة دي كان لقى منطقة قدر سنكات ولا همشكوريب وحكمها بطريقته ما عنده مانع..
ياخي نحن بقينا مفتحين وامس ليس كاليوم.. والعالم مفتوح وكل المعلومات متوفرة..
بصراحة صدمت فيه وكنت متوقعة يتحدث بطريقة مغايرة للمؤتمر الوطني في هذا الشأن..
يعني هسع الناس تستبدل المؤتمر الوطني بالمؤتمر الشعبي؟ عملوا شنو يعني؟
بعدين كل الخازوق الواقع فيهو السودان ده .. من عجنه وخبزه؟ اليس هو؟
---------
صدقا .. يا حليل الجنوب..!!

مرحباً يا حليمة
ومشكورة علي التعليق

أحسب أن حديثه الذي أثارك كان فقط مقدمة حاول أن يبسط فيها نظرته ورؤيته لمبدأ تقرير المصير كمبدأ عطفاً علي من يشاهد القناة من عرب ومسلمون ينظرون للأمر بين كفر وإيمان

لكن واقعنا يقطع القلب!