Post: #1
Title: من هم الـ(...) في المنبر !!
Author: محمد عمر جبريل
Date: 01-03-2011, 06:14 PM
أي زول جا داخل هنا لتفسير ما بين القوسين بما لا أريد .. ولكن فقط لشئ في نفسه
بقول ليهو ارعوي .. أي كان اسمك !!
|
Post: #2
Title: Re: من هم الـ(...) في المنبر !!
Author: محمد عمر جبريل
Date: 01-03-2011, 06:19 PM
Parent: #1
من هم (مدفوعي الأجر) في المنبر
وما معنى مدفوعي الأجر ..
الشاهد في الأمر أن عبارة مدفوع/ة الأجر تستخدم كثيرا هنا ..
ولا أدري ما هو المقصود بهذه العبارة .. ومن الذي يدفع وعلى ماذا يدفع ؟؟ وماهو مقابل هذا الدفع ..
هل هو دفع شهري
أم دفع بالمقاولة
أم دفع رباعي ..
لي فترة طويلة جدا .. أبحث عن استخدام لهذه العبارة .. وشخص تتسق كلماته مع المعنى المقصود لـِ مدفوع الأجر ..
وحقيقة لم أجد أو لا أعرف من هم مدفوعي الأجر ..
هل هم سدنة النظام أم المعارضين له .!
|
Post: #4
Title: Re: من هم الـ(...) في المنبر !!
Author: محمد عمر جبريل
Date: 01-03-2011, 06:23 PM
Parent: #2
و .. آكشولي كده .. كلنا أو معظمنا بمشي بستلم مرتب آخر الشهر
فيبقى عبارة مدفوعي الأجر دي .. لا تحمل أي درجة من العمق
|
Post: #5
Title: Re: من هم الـ(...) في المنبر !!
Author: محمد عمر جبريل
Date: 01-03-2011, 06:26 PM
Parent: #4
من هم (المحايدين ) في المنبر ..
استغرب جدا لأحدهم يدعي الحياد ويضع صورة عمر البشير في البروفايل ..
أو كان يضعها في وقت من الأوقات .
وكذلك كل من لا يجد في نفسه حرجا للتكالب والتكأكأ على المعارضة السودانية ثم .. ثم يدعي الحياد
هل هم معارضي المعارضة ؟!
أم أنهم أقل جرأة من المجاهرة بانتمائهم السياسي بصراحة !
|
Post: #13
Title: Re: من هم الـ(...) في المنبر !!
Author: محمد عمر جبريل
Date: 01-03-2011, 06:56 PM
Parent: #5
من هم (الأشباح ) في المنبر ..
وعلى أي الأسس يتم تصنيف أحدهم كشبح ..!!
فــ .. فلان الذي يعرفه عدد من الناس هو بالتأكيد شبح للذين لا يعرفونه ،،
صاحب الكلمة نفسها هو أيضا شـــبح .. وشبح كبير جدا لغالبية أعضاء المنبر ..
لا يخرج من هذا المأزق إلا بكري أبوبكر فقط ..
وفي رواية أخرى الدوكـ أمين محمد سليمان .
|
Post: #6
Title: Re: من هم الـ(...) في المنبر !!
Author: محمد عمر جبريل
Date: 01-03-2011, 06:26 PM
Parent: #4
مكرر
|
Post: #3
Title: Re: من هم الـ(...) في المنبر !!
Author: احمد التجانى احمد
Date: 01-03-2011, 06:20 PM
Parent: #1
ده شنو هسة !!!
|
Post: #7
Title: Re: من هم الـ(...) في المنبر !!
Author: أبو عبيدة البصاص
Date: 01-03-2011, 06:27 PM
Parent: #3
.
.
.
اللهم اجعله خيرا
|
Post: #8
Title: Re: من هم الـ(...) في المنبر !!
Author: ياسر بيناوي
Date: 01-03-2011, 06:30 PM
Parent: #7
اللهم لا نسألك رد القضاء
|
Post: #9
Title: Re: من هم الـ(...) في المنبر !!
Author: MOHAMMED ELSHEIKH
Date: 01-03-2011, 06:30 PM
Parent: #7
من هم "البدون" في المنبر
اتمنى أن لا أكون منهم
انهم قوم بلا لون ولا طعم ولارائحة
|
Post: #10
Title: Re: من هم الـ(...) في المنبر !!
Author: محمد عمر جبريل
Date: 01-03-2011, 06:30 PM
Parent: #7
يا بصاص ...
ياخ أنا أحمد التجاني دا ما بعرفو .. ولا حصل قريت اسمو دا قبل كدا في البورد ..
إنت مالك !!
ما بتعرفني ؟؟
ياخ أديني فرقة بس أكمل الكلام العايز أقولو ياخ ..
بعدين لو ما لقيتو خير جليهو
|
Post: #11
Title: Re: من هم الـ(...) في المنبر !!
Author: أبو عبيدة البصاص
Date: 01-03-2011, 06:35 PM
Parent: #10
يابا حقك علينا سوق سواقتك
انا عارف البجي منك انتا سمح
واللهم اجلعه خير منهم
|
Post: #12
Title: Re: من هم الـ(...) في المنبر !!
Author: محمد عمر جبريل
Date: 01-03-2011, 06:46 PM
Parent: #3
والله يا أحمد انا بذات نفسي ما عارف أقوليك دا شنو هسي
مش ياخ من باب أولى تصبر لحدي ما تشوف أنا عايز أقول شنو ؟؟
يعد داك تعال قول لي
_________________
أنا قاصد أرد عليك بعد كم مداخلة .. عشان أوريك ضحالتك واستعجالك في الرد
|
Post: #14
Title: Re: من هم الـ(...) في المنبر !!
Author: محمد عمر جبريل
Date: 01-03-2011, 07:25 PM
Parent: #12
ربـــمــا يكون هذا البوست دليل على عدم توفيقي في هذه الحياة بين فينة وأخرى
وأنا أعتذر للجميع على هذا الإخفاق ..
ربما فكرتي أو طرحي أو عنواني لم يكن بمثابة ما أود أن اقوله
...
تحياتي للجميع
والعفو و العافية
|
Post: #15
Title: Re: من هم الـ(...) في المنبر !!
Author: Yassir Tayfour
Date: 01-03-2011, 07:37 PM
Parent: #12
يا محمّد سلامات
لو القوسين فاضيات، كنت قلت ليك أضف ود البشرى وحمودي، لكن بعد الإطلاع على البوست لقيتك بتفتش لي ناس تانين..
|
Post: #16
Title: Re: من هم الـ(...) في المنبر !!
Author: جعفر محي الدين
Date: 01-03-2011, 07:47 PM
Parent: #15
محمد عمر جبريل
مساء الخيرات والبركات
التصنيفات في هذا المنبر كثيرة وعلى قفا من يشيل
ولا تعتمد على معايير ... فقد تصنف في يوم واحد في خانتين متضادتين تماما
ورغم ذلك تبقى حقيقة أن كل هذه الأصناف موجودة فعلا في البورد
قد تختلف درجاتها ... وقد يتفق الناس ويختلفون حول انطباقها على شخص ما
لك التحية والتجلة
|
Post: #17
Title: Re: من هم الـ(...) في المنبر !!
Author: محمد البشرى الخضر
Date: 01-03-2011, 07:47 PM
Parent: #15
يا ابوحميد شنو الحساسية الزايدة القايمة عليكم يا بورداب الخرطوم وحركات حردي البوستات
ياخي كمّل كلامك ووصّل الفكرة
غايتو كان قضيت غرضك من البوست ادينا خاطرك وخلينا نستعدل البوست واحسب ليك الـ ( ) الجد
أبتفة نمرة واحد وهبة اتنين ود الصايم تلاتة تنظير اربعة تمبس خمسة مورتا ستة ابو السيد سبعة اساسي تمانية حسبو تسعة حمور عشرة
ولسة ...
|
Post: #18
Title: Re: من هم الـ(...) في المنبر !!
Author: omer osman
Date: 01-03-2011, 08:28 PM
Parent: #17
| Quote: يا ابوحميد شنو الحساسية الزايدة القايمة عليكم يا بورداب الخرطوم وحركات حردي البوستات |
| Quote: غايتو كان قضيت غرضك من البوست ادينا خاطرك وخلينا نستعدل البوست واحسب ليك الـ ( ) الجد |
يا ودالبشري ........... ماتنسي ودالبشري احسبو نمرة واحد مميز 
|
Post: #57
Title: Re: من هم الـ(...) في المنبر !!
Author: محمد عمر جبريل
Date: 01-04-2011, 06:39 PM
Parent: #17
سلام ود البشرى ..
أبدا قضري ما انغرض في البوست دا ولا حاجة ..
بس يبدو عدم التوفيق في العنوان .. وبعض المخاشنات هنا وهناك أفسدت الروح الرياضية للبوست
أبدا ما حردان . . ولو التهكم كان على طرح الفكرة وللا عنوان البوست .. كان جليت الموضوع
لكن يبدو إنو في ناس مغبونة من أخوك شديد ودايرا ليها chـــانص عشان تجي طايرا لي في حلقي ..
،،،،،
عموما لسة متوقع بعض من هم أكثر حماضة لدخول هذا البوست
|
Post: #35
Title: Re: من هم الـ(...) في المنبر !!
Author: محمد عمر جبريل
Date: 01-04-2011, 09:58 AM
Parent: #15
ياسر ..
والله أنا لو عارف الأقواس دي بتجيب جنس الشايفو دا كان جليتها .
___________
صورتك الجديدة لو الكيرزل ماشي سريع
بتجيني ود القاضي الخالق الناطق
|
Post: #19
Title: Re: من هم الـ(...) في المنبر !!
Author: HAIDER ALZAIN
Date: 01-03-2011, 08:36 PM
Parent: #1
Quote: أي زول جا داخل هنا لتفسير ما بين القوسين بما لا أريد .. ولكن فقط لشئ في نفسه
بقول ليهو ارعوي .. أي كان اسمك !! |
عموماً لن ارعوي كما أرعوي حمودي ...
لكني احسب نفسي - ولا فخر مما بين ( القوسين )
ــــــ
وللضمان كدة طيفور برضو بين قوسين كبيرين ولا عزة 
|
Post: #20
Title: Re: من هم الـ(...) في المنبر !!
Author: بكري عباس علي
Date: 01-03-2011, 09:59 PM
Parent: #19
محمد جبريل
ازيك يا خي
اولا الفكرة وصلت والموضوع جدير بالبحث لانه فعلا المنبر ده ملان ناس من كل الاصناف والانواع
تانيا ياخي خليك زول صنديد وما تشتغل كتير بمكسري المجاديف ديل
واصل وبطل حردان
|
Post: #21
Title: Re: من هم الـ(...) في المنبر !!
Author: محمد عبد الماجد الصايم
Date: 01-03-2011, 10:08 PM
Parent: #20
أسرع حالة بلع في 2011!!
|
Post: #22
Title: Re: من هم الـ(...) في المنبر !!
Author: محمد الامين محمد
Date: 01-03-2011, 10:11 PM
Parent: #21
في ناس ######
و######## و#####
|
Post: #23
Title: Re: من هم الـ(...) في المنبر !!
Author: محمد عبد الماجد الصايم
Date: 01-04-2011, 07:25 AM
Parent: #22
UP
|
Post: #24
Title: Re: من هم الـ(...) في المنبر !!
Author: HAIDER ALZAIN
Date: 01-04-2011, 07:31 AM
Parent: #23
ايواااا ...
معقولة تزعل يا عمكـ وتحرد البوست من مداخلة والا اتنين
بالغت لو كدة حا تتعب مع الــ ( ) شديد ..!!
ــــــــ
تعال يا زول هو فيصل الرشيد ما حرد البورد انتا البيحردك شنو؟
|
Post: #30
Title: Re: من هم الـ(...) في المنبر !!
Author: محمد عمر جبريل
Date: 01-04-2011, 09:40 AM
Parent: #24
يا عريسنا ..
ياخ يمين بالله ما زعلت من شكل الردود
لكن الزول يقول كلامو أول شي ..
بالله بس فتحت البوست يجوك ناس من فصيلة (هبّ ودبّ)
ولا عندهم غرض بالبوست وللا بتكلم عن شنو ..
طوالي رب بب روووو
نظام بس راجيين فيك فرقة يا معلم ..
غايتو ..
الله في يا مان
|
Post: #25
Title: Re: من هم الـ(...) في المنبر !!
Author: السيد المسلمي
Date: 01-04-2011, 07:37 AM
Parent: #23
والله يا محمد عمر عنوانكـ جميل وممتع ..
لكن نفسكـ قام سريع .. من أول لفة
ــ
التحية لرواد الـ ( .. ) ودالبشري وحمودي ..
أو كما ذكر أحدهم قبلاً () .
|
Post: #28
Title: Re: من هم الـ(...) في المنبر !!
Author: محمد عمر جبريل
Date: 01-04-2011, 09:35 AM
Parent: #25
Quote: والله يا محمد عمر عنوانكـ جميل وممتع ..
لكن نفسكـ قام سريع .. من أول لفة |
يا حاج .. يا حاااااج
نفسي قام شنو هو في زول أدانا فرقة نتنفس وللا نقح ساكت ياخ
|
Post: #26
Title: Re: من هم الـ(...) في المنبر !!
Author: طلحة عبدالله
Date: 01-04-2011, 07:39 AM
Parent: #23
البوست أحسبه موفق جدا ولذيذ والله حتى ولو دخله أمثال
المدعو جرجير الملقب بود البشري وودو كماين الشهير بودو كماين
وأصحاب القوسين وما بينهما .
إتكل على الله وواصل يا عمر جبريل ولا يهمك و...و.. إلخ .
لتأكيد أن (ود البشري ) مقصودة .. 
|
Post: #27
Title: Re: من هم الـ(...) في المنبر !!
Author: محمد عمر جبريل
Date: 01-04-2011, 09:31 AM
Parent: #26
طلحة سلامات ...
والله البوست كان ماشي في شكل ونسة + هظار
في مصطلحات عجيبة بتلقاها طايرة في كتابات المنبر المشتتة دي
البوست ما كان تريقة او استهتار على مستخدمي العبارات دي بقدر ما هو دعوة لتفكيكها
ومعرفة هل يتم استخدامها بصورة صحيحة من الناس ديل ..!!
|
Post: #29
Title: Re: من هم الـ(...) في المنبر !!
Author: محمد عبد الماجد الصايم
Date: 01-04-2011, 09:40 AM
Parent: #27
الناس ياتم؟ أو يكونوا الـ ( )!!
|
Post: #31
Title: Re: من هم الـ(...) في المنبر !!
Author: محمد عبد الماجد الصايم
Date: 01-04-2011, 09:45 AM
Parent: #29
بعدين دا بوست ولّ إيسكريم ماسكو لينا من تِحِت!!!
|
Post: #33
Title: Re: من هم الـ(...) في المنبر !!
Author: محمد عمر جبريل
Date: 01-04-2011, 09:52 AM
Parent: #31
| Quote: بعدين دا بوست ولّ إيسكريم ماسكو لينا من تِحِت!!! |
هههههههههههه
ههههههههههههههههههههه
قوية والله ..
ياخ اضحك الله أيامك
________
اسمع .. إنت متصور بي بدلتك دي في السودان ؟؟؟!!!
|
Post: #32
Title: Re: من هم الـ(...) في المنبر !!
Author: محمد عمر جبريل
Date: 01-04-2011, 09:47 AM
Parent: #20
Quote: اولا الفكرة وصلت والموضوع جدير بالبحث لانه فعلا المنبر ده ملان ناس من كل الاصناف والانواع
تانيا ياخي خليك زول صنديد وما تشتغل كتير بمكسري المجاديف ديل |
بكري يا صاحب ..
والله ويشهد الله .. لا فكرتي وصلت ولا قلت الكلام العايز أقولو
عندي عشرمية عبارة الناس بتستعملها من غير ما تفكر فيها
عبارات قطعية واخرى استدراكية و و و .. في وصف الزملاء لبعضهم
لكن بس تقول شنو ..
الله يجازي اللي كان السبب
|
Post: #34
Title: Re: من هم الـ(...) في المنبر !!
Author: العوض المسلمي
Date: 01-04-2011, 09:57 AM
Parent: #32
ود جبريل يا صاحب سلام
اثبت يا عمك فما بين القوسين مصطلح معروف في المنبر زيه وزي كثير من المصطاحات فلا تغضب ..
|
Post: #36
Title: Re: من هم الـ(...) في المنبر !!
Author: Faisal Elrasheed
Date: 01-04-2011, 10:01 AM
Parent: #34
| Quote: تعال يا زول هو فيصل الرشيد ما حرد البورد انتا البيحردك شنو؟ |
الابن العزيز المناضل حيدر الزين ..
وماذا فعل فيصل الرشيد حتي (يحرد) المنبر ..
للضمان كده يا حيدر ..تبا لك
|
Post: #37
Title: Re: من هم الـ(...) في المنبر !!
Author: محمد عمر جبريل
Date: 01-04-2011, 10:05 AM
Parent: #34
Quote: ود جبريل يا صاحب سلام
اثبت يا عمك فما بين القوسين مصطلح معروف في المنبر زيه وزي كثير من المصطاحات فلا تغضب .. |
حباب الشيخ ومرحبتين ..
ياخ أيمان مغلظة .. عندي لستة بتاعت مسميات منبرية
المفروض أختها بين القوسين ديل
على شاكلة من هم الــ(مدفوعي الأجر) في المنبر
من هم الــ(الأشباح) في المنبر
من هم الـــ(الظلاميين) في المنبر
وإنت ماشي ..
بوست في شكل هظار عن المسميات العجيبة دي
والعتب على البرلمة
|
Post: #38
Title: Re: من هم الـ(...) في المنبر !!
Author: اساسي
Date: 01-04-2011, 10:38 AM
Parent: #37
| Quote: أنا قاصد أرد عليك بعد كم مداخلة .. عشان أوريك ضحالتك واستعجالك في الرد |
تستاهل يا احمد التجاني شابكني الزول دا كويس عليك الله ما تسفهو لحدي ما ورطتني معاهو في سلام اليوم داك في واحد من بوستاته
اها خم وصُر
ياهو زولك الكويس
|
Post: #42
Title: Re: من هم الـ(...) في المنبر !!
Author: محمد عمر جبريل
Date: 01-04-2011, 12:42 PM
Parent: #38
| Quote: لحدي ما ورطتني معاهو في سلام اليوم داك في واحد من بوستاته |
عـــــــــادي جدا ياخ .. عادي جدا
هسي أمشي شوف سلمت علي وين وامسح سلامك ..
ولو ما لقيت البوست .. ما مشكلة برضو يوم القيامة ممكن تشيل أجر السلام الاتورطت بيهو دا ..
وتديهو لأي زول من الناس الكتار القاعد تسفهم ديل ..
أحتمال برضو اليوم داك يكونو طالبينك حسنات
مش إنت معلم بتاع تسفيه ؟!!
|
Post: #43
Title: Re: من هم الـ(...) في المنبر !!
Author: محمد عمر جبريل
Date: 01-04-2011, 12:48 PM
Parent: #42
معلم التسفيه ده الزول البجو بنادوهو الناس .. يا معلم عليك الله تعال سفه لينا الزول دا ..
ومرات بجو ناس تانين بطلبو منو التوقف من تسفيه نفس الزول المعني ،
بعدين ياخ أنا اخدت واديت معاك في بوست واحد بس وهسي قاعد هناك في خور بكري
ما أظن كان فيهو تسفيه وحركات المعلمين الكبار دي ..
|
Post: #39
Title: Re: من هم الـ(...) في المنبر !!
Author: ياسر بيناوي
Date: 01-04-2011, 10:39 AM
Parent: #37
| Quote: للضمان كده يا حيدر ..تبا لك |
اديلو ايوة كدة يافيصل
حيدر خلي بالك من الــــــ ( ) في المنبر دا
|
Post: #40
Title: Re: من هم الـ(...) في المنبر !!
Author: احمد التجانى احمد
Date: 01-04-2011, 10:43 AM
Parent: #37
Quote: من هم الـ(...) في المنبر !!
|
اعلاه عنوانك
Quote: أي زول جا داخل هنا لتفسير ما بين القوسين بما لا أريد .. ولكن فقط لشئ في نفسه
بقول ليهو ارعوي .. أي كان اسمك !!
|
وهذه مداخلتك الاولى التى من المفروض تشرح فيها فكرة البوست وخصوصا اذا كان العنوان مبهم
ولكن كما ترى لا تحوى سوى تهديدا لكل من اخطا بالدخول لك فى هذا البوست
وانت تتفق معى بانه لا يوجد زمن معين متعارف عليه للرد او المشاركة فى البوستات ما لم يحدد صاحب
البوست صراحة بعد اى عدد من مداخلاته الاستهلالية للبوست يمكن للاعضاء التداخل والرد
وحيث انك لم تحدد ذلك ولم تلقى بفكرتك اجمالا فى المداخلة الاولى لذلك جاء تساؤلى لك
ده شنو هسة ؟؟؟
فجاء ردك لى
| Quote: أنا قاصد أرد عليك بعد كم مداخلة .. عشان أوريك ضحالتك واستعجالك في الرد |
واعتقد انه لا يحق لك اتهامى بالتسرع
اما وصفى بالضحالة فهذا ربما ناتج عن قلة ادبك
|
Post: #41
Title: Re: من هم الـ(...) في المنبر !!
Author: محمد عمر جبريل
Date: 01-04-2011, 12:33 PM
Parent: #40
..
إنت الشفقة العليك شنو .. هسي مشاركتك الأولى دي ما دليل على كده ؟!
ياخ أنا كتبت أول مشاركة في البوست .. لسه التانية ما نزلت جيت طاير مستنكر ..
اصبر ياخ .. أعمل ريفريش عشان تلقى المشاركة التانية .. إحتمال تعرف هسي دا شنو 
|
Post: #44
Title: Re: من هم الـ(...) في المنبر !!
Author: Amira Elsheikh
Date: 01-04-2011, 12:59 PM
Parent: #41
سلام يا صاحب البوست محمد عمر وسلام خاص جدا للباشمهندس احمد التجانى ...
اشهد لكم الاتنين بالموضوعية والمنطق والحجة واتمنى ان لا تنجرفا ورا المهاترات
لا احمد التجانى ضحل ولا محمد عمر قليل ادب
اتمنى انا ان لا نشهد ميلاد عدواة جديدة تضاف الى رصيد العداوات الموجودة المنبر ,,
انتما اكبر من ذلك او كما اظن
مع كامل احترامى ..
|
Post: #53
Title: Re: من هم الـ(...) في المنبر !!
Author: محمد عمر جبريل
Date: 01-04-2011, 05:51 PM
Parent: #44
سلامات يا أميرة ..
وحمدالله على سلامتك ياخ
لست في هذا المكان لكسب المزيد من العداوات
ولا ابحث عن منغصات أخرى في حياتي .. ودنيتنا دي ملينا لي رقبتها
اسباب تدبرس بالزول .. ولكن أن تأتي المشاكل .. هكذا ..
فمن باب أولى الحرص على فهمها وايجاد العلاج الناجع لها !!
عموما تقبلي فائق احترامي وتقديري لك ولكل من هم بطرفك
|
Post: #45
Title: Re: من هم الـ(...) في المنبر !!
Author: الامين موسى البشاري
Date: 01-04-2011, 01:03 PM
Parent: #41
ســـلام وتحايا يا صاحب
متابعين لما بين القوسين ركّـــز عليها شديد
والله صحي
|
Post: #46
Title: Re: من هم الـ(...) في المنبر !!
Author: اساسي
Date: 01-04-2011, 01:18 PM
Parent: #45
ما تتضايق يا محمد عمر وتقعد ترد علي سطير واحد بكمين مداخلة , كوني سفهتك فدا ظهر في عدم الرد علي مداخلاتك التالية للبوست الاشرت ليهو واعتبرتك قيمة مجهولة لا ترى بالعين المجردة , لولا العزيز احمد التجاني استنكر عدم ردي ليك وتسفيه حديثك وعدم اعتباره والاعتداد به او الرد عليه وعشان خاطر احمد دا سالمتك في واحد من بوستاتك اكراما للرجل المحترم دا , فقصة تسفيه هنا لا يقصد منها سوى عدم اعتبارك وتجاهلك الذي كنت امارسه حول مداخلاتك المعني بها انا وهو حق اصيل املكه في عدم الرد علي من اشاء وتسفيه حديثه وعدم اعتباره . يعني ما تتضايق من حقوق الناس
بعدين مراقة انه الناس تصبر لحدي ما تقول كلامك وتوضح بوستك دي اصبحت للحظة اكثر من مكشوفة , عادي ياخ قول والله ما عندي موضوع وحابي اتونس لكن ما تكابر وتطلب من العالم الصبر علي ما لا تملكه , غايتو انحت صنقورك الاستخدمته طيرة يومئذ كان تلقي ليك مراقة احسن من دي
|
Post: #47
Title: Re: من هم الـ(...) في المنبر !!
Author: محمد عمر جبريل
Date: 01-04-2011, 02:21 PM
Parent: #46
يا معلم .. بالله عدم الرد اسمو تسفيه !!
يعني هسي لو فطيت مداخلتك دي أكون رديت ليك السفهَه بالسفهَه ..
وللا ياتو بوست عندك أصلا إنت قاعد ترد فيهو على الناس كلها ؟؟!!
ما طوالي ردودك انتقائية وبتعزل في شلتك ومعارفك وتاخد وتدي معاهم .. ياخ في بوست حقك فيهو 18 مداخلة .. اتنين بس كاتبهم إنت .. هسي الناس يقولو عليك شنو .. برضو كنت مسفهم .. أنا هين يا مــــعلم ..
بعدين برضو من حقي أجي أكتب ليك في بوست إنت تعلقو هنا في منبر بكري .. وللا شنو .. شايف كلامي خارم بارم جليهو ياخ .. حصل حنستك قلت ليك المسألة دي مؤلمة بالنسبة لي .. الموضوع بكتبو بالطريقة العايزها أنا وفي الوقت البشوفو مناسب يعني احتمال أواصل في البوست ده واحتمال افتح بوست تاني بنفس الاسم ونفس الأقواس ..ساااي حركات مني
بالله الكلام بالاحمر فكر فيهو كويس ... يا معلم
|
Post: #48
Title: Re: من هم الـ(...) في المنبر !!
Author: محمد عمر جبريل
Date: 01-04-2011, 02:30 PM
Parent: #47
Quote:
عادي ياخ قول والله ما عندي موضوع وحابي اتونس لكن ما تكابر وتطلب من العالم الصبر علي ما لا تملكه
|
هل إنت بتعلم بالغيب
وللا عندك اسانسير طلعك السماء وقريت اللوح المحفوظ
ليه الدخول في نوايا الناس والتمحيص في قلوبهم بل والإفتاء في ذلك ...
ياخ لعنة الله تغشاني ليوم الدين لو ماكان عندي موضوع مجهزو في فايل بتاع ويرد ..
ولو كان بالجد عندي موضوع ومجهزو ما ها أقول الله يلعنك .. بس بقول ليك الله يهديك ويسامحك
واعتبر دي آخر كلام بيني وبينك .. عشان من تفهم إني بسفه فيك وللا حاجة .. أنا ما بتاع حركات زي دي
في النهاية ليك عندي كل الاحترام .. كشخص أكبر مني عمرا فقط لا غير
|
Post: #49
Title: Re: من هم الـ(...) في المنبر !!
Author: حاتم كاهن
Date: 01-04-2011, 02:31 PM
Parent: #47
يا محمد
الشايفو غايتو - ومرات الشوف إثم - إنو على اللستة العندك الجيت داير تملا بيها التلات نقاط ..
بوستيك ده حتطلع منو بي كمين وكمين لستة زياده ..
--
مستني تلفونك بتاع اليوم داك لسه ياخ
|
Post: #50
Title: Re: من هم الـ(...) في المنبر !!
Author: أبو عبيدة البصاص
Date: 01-04-2011, 04:36 PM
Parent: #49
.
.
.
ود جبريل ياخي سلامات
قلت لي هب ودب اذن هو هب وانا دب طيب خير وزين
قلت لي لسه فكرتك مانزلتها والناس كتلتم الشفقه طيب ماتعمل اشارة مرور حركه في شكل ورده
مش اخير انه ضباغ البورد اتلمو عليك ؟؟
حتقعد تتحلف ليهم كل مره بانك كنت ناوي ...وكان عشم الغبش ينزل مطر يروي الارض ويحي التراب
يابا البلد دي انت قديم فيها واظنك عارف انهم مابتعاملوا بالنيات - تتخيل - يعني تخش غلط بخمك بتاع هايس زي ود التجاني ده
فياخي ممكن تكنتك متجمع ولا ترمي اشاره شمال عشان الناس تخليك تخش الشارع مرتاح وتقول في الضميرك وتخلي ليهم باقي الكلام
ود جبريل بالجد رغم اني الاخ (دب) من خاربي مسارات البوستات ومتلفي مقاصد الضماير بالجد بقول ليك انا متضامن معاك في محنتك
في بوستك السمح ونيتك الطيبه ... والله يجازي اللي كان السبب
مع تحيات الاخ (دب)
|
Post: #51
Title: آل لوح محفوظ آل!!!
Author: Balla Musa
Date: 01-04-2011, 05:22 PM
Parent: #50
| Quote: وللا عندك اسانسير طلعك السماء وقريت اللوح المحفوظ |
|
Post: #54
Title: Re: آل لوح محفوظ آل!!!
Author: محمد عمر جبريل
Date: 01-04-2011, 05:57 PM
Parent: #51
Balla Musa
والله خايف ما أرد ليك يقوم اساسي يفهم إني بسفّه فيك
|
Post: #52
Title: Re: من هم الـ(...) في المنبر !!
Author: محمد عمر جبريل
Date: 01-04-2011, 05:39 PM
Parent: #50
هلا يا بصاص .. سلامات ومرحب بيك مرة تانية في الخرابة دي ..
ياخ إشارة أكتر من الوش المدردق جنب عنوان البوست !!
تلميح اكتر من المداخلة الأولى وكان ظاهر علي إنو الموضوع كلو نقد هزلي ..!!
..
طيب إنت بي خبرتك الكبيرة دي وتاريخك في المنبر ده .. ما حصل شفت عنوان لي بوست جادي جدا جدا
حتى ما فيهو وش ضاحك ولا أي حاجة وتعمل عليهو كليك .. تلقى فيهو نقطة !!
ومرات تلقى سطرين من النقاط ..
وين المشكلة ..؟ في أي استاندرد لطريقة فتح البوستات هنا ؟؟
..
عموما (ومن غير حليفة) أنا ما قاصدك انت بي من هب ودب .. دي
.
.
.
ولو فهمتها ليك إنت .. فآسف والله وغلطان وحقك علينا
|
Post: #55
Title: Re: من هم الـ(...) في المنبر !!
Author: محمد عمر جبريل
Date: 01-04-2011, 06:03 PM
Parent: #49
يا حاتم راجع الخاص ..
أو بالعدم كده أضرب لي .. أنا فقدت أرقامي كلها
|
Post: #56
Title: Re: من هم الـ(...) في المنبر !!
Author: محمد عمر جبريل
Date: 01-04-2011, 06:13 PM
Parent: #45
أوووو .. أمينوف
ياخ والله ما بين القوسين ذاتا طارت ..
لكن أهو الدنيا دي ما مدرسة .. كلو يوم الزول بتعلم فيها درس جديد!!
____________
هسي يجيك زول من الناس ال() جد جد يقول لي أها .. درس الليلة اتعلمت منو شنو
|
Post: #58
Title: Re: من هم الـ(...) في المنبر !!
Author: احمد التجانى احمد
Date: 01-04-2011, 08:23 PM
Parent: #56
Quote: لكن الزول يقول كلامو أول شي ..
بالله بس فتحت البوست يجوك ناس من فصيلة (هبّ ودبّ)
ولا عندهم غرض بالبوست وللا بتكلم عن شنو ..
طوالي رب بب روووو
نظام بس راجيين فيك فرقة يا معلم ..
غايتو ..
الله في يا مان
|
| Quote: الله يجازي اللي كان السبب |
| Quote: عموما (ومن غير حليفة) أنا ما قاصدك انت بي من هب ودب .. دي |
محمد عمر جبريل
اصرارك على الكلام القبيح وادعاءك للبراءة هو ما جعلنى اتداخل مرة اخرى وكذلك عدم تفهمك لشرح الاسباب التى اجبرتنى ان اكتب لك الكلمتين المشئومتين فى المداخلة السابقة ولكنك مازلت ترسل دعواتك علينا لرب العالمين ليجازينا واطلقت علينا من عندك الالقاب مرة هب ومرة دب
| Quote: اسباب تدبرس بالزول .. ولكن أن تأتي المشاكل .. هكذا .. |
مشاكل شنو يا زول قول بسم الله ... كلمتين ما زدتهم , ما فى داعى تفتعل بيهم معركة من غير معترك
Quote: بعدين برضو من حقي أجي أكتب ليك في بوست إنت تعلقو هنا في منبر بكري .. وللا شنو .. شايف كلامي خارم بارم جليهو ياخ .. حصل
حنستك قلت ليك المسألة دي مؤلمة بالنسبة لي .. الموضوع بكتبو بالطريقة العايزها أنا وفي الوقت البشوفو مناسب |
دة الكلام الانت كاتبو ل اساسى
ليه بتدى نفسك الحق دة وتمنعنى منه وتقوم الدنيا
اخيرا
حقو احترامك للناس الكبار دة تدينا منه شوية
والسلام ختام
|
Post: #59
Title: Re: من هم الـ(...) في المنبر !!
Author: احمد التجانى احمد
Date: 01-04-2011, 09:34 PM
Parent: #58
Quote: سلام يا صاحب البوست محمد عمر وسلام خاص جدا للباشمهندس احمد التجانى ...
اشهد لكم الاتنين بالموضوعية والمنطق والحجة واتمنى ان لا تنجرفا ورا المهاترات
لا احمد التجانى ضحل ولا محمد عمر قليل ادب
اتمنى انا ان لا نشهد ميلاد عدواة جديدة تضاف الى رصيد العداوات الموجودة المنبر ,,
انتما اكبر من ذلك او كما اظن
|
تحياتى يا اميرة الشيخ
واشكرك على حسن الظن
واوعدك انه من بعد المداخلة الجاية دى
محمد عمر دة لا خير لا شر ما بجمعنى بيه
|
Post: #60
Title: Re: من هم الـ(...) في المنبر !!
Author: احمد التجانى احمد
Date: 01-04-2011, 09:42 PM
Parent: #59
مداخلة اخيرة
تصدق بعد ما رجعت وبديت اقرا بوستك دة من اوله لقيت كلامك صاح
والضحالة مغرقانى من راسى لكرعى وذلك بسبب انى خسرت لى كلمتين
فى بوست مهبب زى دة وما اوقعنى فيه الا حظى العاثر وتشابه عنوانه
مع عنوان بوست ودشيقوق ( من هم اولاد البندر فى المنبر)
لكن شتان ما بين الثرى والثريا
والسلام ختام
|
Post: #61
Title: Re: من هم الـ(...) في المنبر !!
Author: mohmed khalail
Date: 01-04-2011, 10:40 PM
Parent: #60
سيد البيت اب حميد
ياخ والله ما رضيناها ليك ..
شايفو بقى ليك بمبي..
كامل تضامني يا حبيب..
وللضمان كده عشان ما ترشنا مع الباقيين..
قوم لف
|
|