Post: #1 Title: الغوص في نقش الحروف .. أبقى منجم Author: خالد علي محجوب المنسي Date: 01-02-2011, 06:48 PM
التحية طيبة أهل الإنجمامة وأصدقائهم التحية لكل قابض على الجمر والزاوية تنفرج لكي تعوج لا لتستقيم العوج والإستقامة بيد الله لكن لكل سبب مسبب ومسببات ولنأخذ بالأسباب
ربنا يهون ويجعل الأمور سليمة في غمرة هذه اللحظات الصعبة لابد أن نضرب الهم بالمرح وقالوا زمان كان كترت عليك الهموم إدمدم ونوم نوم كيف والجفن فارق والرمش صبح مفروق ننوم كيف والسهاد بقى هجسة في ظهيرنا وصباحنا ومسائنا الأمل مقعود عليك الواحد الأحدالذي لا ينام ولا نشك في توكلنا علية الوكيل الواحد الأحد الصمد
ومـــا بقول لي الناس إنّي قادر بس بقــــول لي الخالق شئـــون
ولحين ميسرة
Post: #2 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-02-2011, 07:03 PM Parent: #1
أخترتَّ من دون العيون يا غالية عينيك أعشقََّّ وأخترتَّ شوفتك كل يوم لوحتى شوفتك أسرقَّ
لكني ما لاقي الفرح لا في البعاد لا اللقاء ما طينة هواك أنا أصلي عاد خلقوني من طين الشقَّا
أنا مديت كتير حبل الصبر لآمن فقدت أنا أولو ومن غير صبر بقدر أساي ياغالية شانك بحملّو
وبس لو سمحتي ومرة بس داير قليبك أسألو حافظ معزتو زي زمان ولا الحصل كان بدلو
والله يانور العيون ما أصعب سفر سفر الأمل تلقاك تعاين في الهدف وماداري أنت متين تصل كل الدروب جربتها سافرت فيها عشان أصل وفي كل مرة ألف وأعود من تاني لي نفس المحل
كدي سيبي العواطف ديك بعيد وأنسي ريدك وقولي لي ايه الفرق لو زول زرع أمالو في أخصب ودّي وتاني روح لي البعيد واختارلّو يا محبوبة صي حا يحصد الأول أكيد والتاني زي حالتي العلي
الخيار صعب والبين أمر ويامولاي بشكيلك شقاي وغلبي الشكوة لغير الله مزلة
Post: #4 Title: Re: الغوص في نقش الحروف .. أبقى منجم Author: خالد المحرب Date: 01-02-2011, 07:09 PM Parent: #2
شيخ خالد علك طيب يا الحبيب مالك الليله متكرعن على قول اللمين ودخير قال قدر ما اتكرعنت فى توبى غلبنى النوم دا كلام العاقب ود عبد القادر ود موسى شاعر البطانه المعروف ------------------------------------------------------- نديك شوية نم واسفاى كان الموت يجى يعجلى وقبال المنزه فيه اكمل غلى يا شهور الظلام الغبتى ابيتى تهلى اشوف الفرو بنسف فى السحاب الكلى ------------------ الله غالب
Post: #3 Title: Re: الغوص في نقش الحروف .. أبقى منجم Author: أبوبكر أبوالقاسم Date: 01-02-2011, 07:08 PM Parent: #1
خالد سلامات وكل عام وأنتم بخير
Quote: ربنا يهون ويجعل الأمور سليمة في غمرة هذه اللحظات الصعبة لابد أن نضرب الهم بالمرح
حمداً لله على الطلّة وإنشاء الله المداومة .... وبالرجوع للإقتباس :
والله عدت من السودان وشاهدت الفقر واليأس يطحن فى البشر ... ولا يلوح أى بارق فى الفرج ... فالحال ياهو ذاتو الحال.....
Post: #5 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-02-2011, 09:17 PM Parent: #3
Quote: أخترتَّ من دون العيون يا غالية عينيك أعشقََّّ وأخترتَّ شوفتك كل يوم لوحتى شوفتك أسرقَّ
العيون تصيب وسهمها قاسي لا يقارع عيون المها عيون الصيد وعيونك سمحة يا ملكة وحات الله ورسول مكة
تشرق شوفة وحيل زمن سرقة الشوفة تبدل الزمان والمكان والحال صبح ماهو الحال يا حليل زمن بسرقو شوفة المحبوبة والشوفة غالية العشق الصادق وعشق المحبوب يشعل الحب فينا ونحن قوم جبلنا على الحب ولحين ميسرة
ولحين ميسرة
Post: #6 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-02-2011, 09:26 PM Parent: #5
Quote: نديك شوية نم واسفاى كان الموت يجى يعجلى وقبال المنزه فيه اكمل غلى يا شهور الظلام الغبتى ابيتى تهلى اشوف الفرو بنسف فى السحاب الكلى
ود المحرب الصافي دهب الخزانة ود شيوخ البطانة
مروك يسر وكلام يرد الروح يا سمح الخصال الخلق الكريم شيمة تبوح بحسن منبت ولك القدح المعلى في ذلك الكلام سمح بالحيل الغوص فيه جميل وليتك تغوص لنا فيها حروف درر توضح معانيها نريد أن نجعل من هذا البوست إنجمامة يجد الزائر لها الفائدة من المعاني ولك الشكر أجزله أخي خالد سلااام مطبوق للأسرة الكريمة وبنت أبوحريرة ومنتظرين تجينا بقدحها ملئ ووالبطحاني مابجي يدو فاضية هيييييييييع والخلا ولع ومحل رهيفة التنقد
Post: #7 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-02-2011, 09:30 PM Parent: #6
Quote: حمداً لله على الطلّة وإنشاء الله المداومة .... وبالرجوع للإقتباس :
والله عدت من السودان وشاهدت الفقر واليأس يطحن فى البشر ... ولا يلوح أى بارق فى الفرج ... فالحال ياهو ذاتو الحال.....
حباب أبوالقاسم الحصيف سيد الجلد والرأس يا المرق الاصيل عمود البيت أهلييين بيك من المرحبين بعودة الإنجمامة وياها إنجمامتنا وما بنقى براها يا الزين
لك التحية وربنا يعدل الحال
ولحين ميسرة
Post: #8 Title: Re: الغوص في نقش الحروف .. أبقى منجم Author: عاطف رميتي Date: 01-02-2011, 10:24 PM Parent: #7
لعزي خالد .. وجميع من بالانجمامة
كل سنة وانتو طيبين
وكل ايامكم خير
كل سنة والامل الاخضر بيننا يتسع باتساع الكون
ودائما متلمين وسعيدين
لكم من مودتي اطرافها الجميلة
---------------------------
ود المنسى مشتاقين والله .. الاخبار
Post: #9 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-04-2011, 05:32 PM Parent: #7
ولحين ميسرة لما البلد يظهر فيها تمساح الدميرة ود شيقوق ووضاحة
ومحل رهيفة شنو ؟؟
والما عندو قديم يكوسلو قديم وعزنا فوق قديمنا
والشبع البعد جوع سيدو ديمة سغيير والريش البقوم بعد الكسر ما بطيّر
Post: #10 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-04-2011, 05:50 PM Parent: #9
Quote: لعزي خالد .. وجميع من بالانجمامة
كل سنة وانتو طيبين
وكل ايامكم خير
كل سنة والامل الاخضر بيننا يتسع باتساع الكون
ودائما متلمين وسعيدين
لكم من مودتي اطرافها الجميلة
---------------------------
ود المنسى مشتاقين والله .. الاخبار
الزول السمح الفات الكبار والقدرو والشوق الواحد بحر دفق وسيلا بقبق في الوديان
ياها إنجماتنا في وقت الصعاب وعندما تحبك العقدة وتابّا تنحل الحال مال بينا يا عاطف والحرقة جوا الجوف في فقد جزء عزيز علينا بسياسية لا يد لنا فيها ولا جمل كيف يقطعو وكيف ؟؟؟ الحزن يملئ القلب فجيعة وربنا يلزمنا الصبر الجنوب يامبو يامبو أوو بابور دا من وين داوو بابور جا من باندأو وانا شول انا باندا اوو شغال بدنو كهربا أوو وانا شول أنا باندا أوو
ولحين ميسرة لك منا مودة لا يشوبها ريب
Post: #11 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-04-2011, 06:11 PM Parent: #9
في تراثنا في كلامنا وشعرنا وموروثنا الثقافي العجب العجاب من قولا ونثر فهيا أخوتي نغوص فيه نفتت حروفه ونجعلها تركة لجيل لا نقول تنصل لكن قصرنا وقصر الكل في حقه في حفظ موروثه الجميل
الكلمة هي أقرب للقلب شعرا
ولحين ميسرة
وينك يا محرب خالد بحدثك الجميل من ا{ض البطانة وحليلك يا البطانة وقشك المفروك وحليلك قُبال يسوّليك جزارة وسوق
ولحين ميسرة
Post: #12 Title: Re: الغوص في نقش الحروف .. أبقى منجم Author: الطيب شيقوق Date: 01-04-2011, 07:29 PM Parent: #11
Quote: ولحين ميسرة لما البلد يظهر فيها تمساح الدميرة ود شيقوق ووضاحة
والقائمة تطول سلمى الشيخ سلامة ريحانة البطانة سمية الحسن طلحة القمر بوبا وعلينا عامل تقيل والشاعرة هند محمد والشاعرة سوما وعاطف الجنى الجديد ووضــــــــــــــاحة الرطاني وود جبريل واحمد القرشي الحبيب رادف في العجلة معه ود المرتضى وهاشم خلف الله وأمير وليد الجمري واشراقة حيمورة ذات الذوق العالي وإنعام بت الحصاحيصا ( عبد الحفيظ ) والمشغولة بي دلالها أسيا ربيع ( هي عارفة وانا عارف والله عارف ) وحامل لواء أول إنجمامة ود هاشم في بلاد العم سام عتمان وليد ناس مويس وود العبيد وعمر صديق وخواطر من الشاعر البلولة والقائمة تطول وتطول دايرين نتلم من تاني فهل من ملبي اللمة سمحة نتفاكر ونمزح ونغني ونطرب ولحين ميسرة وحباب كل من جانا نرحب بي ونديلّو البكان ترحاب ونحن بناتنا معروفات ونحن ولادنا ضللات ونحن أماتنا ياهن ديل ونحن أبواتنا ياهم ديك
Post: #15 Title: Re: الغوص في نقش الحروف .. أبقى منجم Author: الطيب شيقوق Date: 01-05-2011, 06:24 PM Parent: #14
Quote: والقائمة تطول سلمى الشيخ سلامة ريحانة البطانة سمية الحسن طلحة القمر بوبا وعلينا عامل تقيل والشاعرة هند محمد والشاعرة سوما وعاطف الجنى الجديد ووضــــــــــــــاحة الرطاني وود جبريل واحمد القرشي الحبيب رادف في العجلة معه ود المرتضى وهاشم خلف الله وأمير وليد الجمري واشراقة حيمورة ذات الذوق العالي وإنعام بت الحصاحيصا ( عبد الحفيظ ) والمشغولة بي دلالها أسيا ربيع ( هي عارفة وانا عارف والله عارف ) وحامل لواء أول إنجمامة ود هاشم في بلاد العم سام عتمان وليد ناس مويس وود العبيد وعمر صديق وخواطر من الشاعر البلولة والقائمة تطول وتطول دايرين نتلم من تاني فهل من ملبي اللمة سمحة نتفاكر ونمزح ونغني ونطرب ولحين ميسرة وحباب كل من جانا نرحب بي ونديلّو البكان ترحاب ونحن بناتنا معروفات ونحن ولادنا ضللات ونحن أماتنا ياهن ديل ونحن أبواتنا ياهم ديك
معاك وكتر خيرك جبت اسم وضاحة تاني
ات يا خالد اخوى وضاحة دي إنس ولا جنس؟
Post: #16 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-05-2011, 06:52 PM Parent: #15
Quote: لكني ما لاقي الفرح لا في البعاد لا اللقاء ما طينة هواك أنا أصلي عاد خلقوني من طين الشقَّا
أنا مديت كتير حبل الصبر لآمن فقدت أنا أولو ومن غير صبر بقدر أساي ياغالية شانك بحملّو
وبس لو سمحتي ومرة بس داير قليبك أسألو حافظ معزتو زي زمان ولا الحصل كان بدلو
الفرح طبع القلوب الذي جبلت عليه لولا الحزن فقدنا الأحساس بالفرح وكيف نتذوق طعم الفرح ( لو صحَّ التعبير وكله جائز ) إذا ماع رعرفنا الحزن ولكني ما لاقي الفرح لا في البعاد لا في اللقى
يا سلااام ... عندما تعشق ويتدلل عليك المحبوب تتلز في بعاده وتنم تقول الجمال خصاك والعذاب خصاني وما بسيب حبك ولا لو ضراني
يا سلااام ويا له من حزن موشح بولن الليل البهيم. عندما يعتريك ذاك الأحساس المبهم بالفراق وأنت ترشف من حنين المحبوب وهسا خايف من فراقك لمن يحصل ببقى كيف زي ورد في عز نداهو وخوفي بكرة يزورو صيف
ويا للفجعة تسكن الجوف أحزان سود عندما تكون مؤقن الفراق لا محال ومن عرفتك كنتَّ حاسس الزمن لي ما بسيبك وكنتَّ حاسس رغم ريدي أني زي الما حبيبك
Quote: وبس لو سمحتي ومرة بس داير قليبك أسألو حافظ معزتو زي زمان ولا الحصل كان بدلو
حليل زمن المعزّة وحفظ العهود بس نقول حفظ العهود صبح منبوذ
Post: #17 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-05-2011, 06:53 PM Parent: #15
Quote: لكني ما لاقي الفرح لا في البعاد لا اللقاء ما طينة هواك أنا أصلي عاد خلقوني من طين الشقَّا
أنا مديت كتير حبل الصبر لآمن فقدت أنا أولو ومن غير صبر بقدر أساي ياغالية شانك بحملّو
وبس لو سمحتي ومرة بس داير قليبك أسألو حافظ معزتو زي زمان ولا الحصل كان بدلو
الفرح طبع القلوب الذي جبلت عليه لولا الحزن فقدنا الأحساس بالفرح وكيف نتذوق طعم الفرح ( لو صحَّ التعبير وكله جائز ) إذا ماع رعرفنا الحزن ولكني ما لاقي الفرح لا في البعاد لا في اللقى
يا سلااام ... عندما تعشق ويتدلل عليك المحبوب تتلز في بعاده وتنم تقول الجمال خصاك والعذاب خصاني وما بسيب حبك ولا لو ضراني
يا سلااام ويا له من حزن موشح بولن الليل البهيم. عندما يعتريك ذاك الأحساس المبهم بالفراق وأنت ترشف من حنين المحبوب وهسا خايف من فراقك لمن يحصل ببقى كيف زي ورد في عز نداهو وخوفي بكرة يزورو صيف
ويا للفجعة تسكن الجوف أحزان سود عندما تكون مؤقن الفراق لا محال ومن عرفتك كنتَّ حاسس الزمن لي ما بسيبك وكنتَّ حاسس رغم ريدي أني زي الما حبيبك
Quote: وبس لو سمحتي ومرة بس داير قليبك أسألو حافظ معزتو زي زمان ولا الحصل كان بدلو
حليل زمن المعزّة وحفظ العهود بس نقول حفظ العهود صبح منبوذ
Post: #18 Title: Re: الغوص في نقش الحروف .. أبقى منجم Author: الطيب شيقوق Date: 01-05-2011, 08:29 PM Parent: #17
انجمامة مع كورال نادي الجالية السودانية بسلطنة عمان
Post: #19 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-05-2011, 08:43 PM Parent: #17
Quote: معاك وكتر خيرك جبت اسم وضاحة تاني
ات يا خالد اخوى وضاحة دي إنس ولا جنس؟
انس من لحم ودم بنت شهمة أعجبتني شديد في موقفها من قضية السرقات التي ألمت بأحمد القرشي كان لها دور كبير في قرع السارق الأسفيري
فلها منّا التحية والتقدير قطعت الشك أنها من جبل علي ديار الشيخ حامد أب عصا
ولحين ميسرة
Post: #20 Title: Re: الغوص في نقش الحروف .. أبقى منجم Author: الطيب شيقوق Date: 01-05-2011, 09:08 PM Parent: #19
Quote: بنت شهمة أعجبتني شديد في موقفها من قضية السرقات التي ألمت بأحمد القرشي كان لها دور كبير في قرع السارق الأسفيري
والله يا ود المنسي انت راجل ليك حضور ما عادي
هل تعلم انا كيف كنت مستغرب في مواقف وضاحة مع ود القرشي عندما سرقت اعماله ؟
دي ( لو انثى ) ودا ( لو ضكر) ما عادي /عادية كيفما يكون الحال
والله يا خالد اخوى انسانة او انسان نبيل نبيل ووفيي ووفية جدا
Post: #21 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-05-2011, 10:03 PM Parent: #20
Quote: والله يا خالد اخوى انسانة او انسان نبيل نبيل ووفيي ووفية جدا
قر قر قر قر قر حقت سماح ليه ووفي جداً ووفية برضو جداً ما جدنة وتاني قر قر قر قر
ليه ليه .... ليه ليه ما داير تصدق انها بنية والله بنية وضاحة ما تسمع قول الوشاية والواشي
واسمع كلام الببكيك وما تسمع كلام البضحكك وأنا ببكيك وما بضحكك هههههههههههههه وقرقر قر
Post: #22 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-06-2011, 06:55 PM Parent: #21
لحين ميسرة
Post: #23 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-06-2011, 06:59 PM Parent: #22
الكلمة الحلوة بتعجب ونظم الكلام فن والفن لا ينبع إلا من مبدع فنان
هنا نجد الحروف التي تستوجب الغوص والبحر دوماً بيأخد عوامّو والعوم عكس التيار بدور ناسو ديل ولاد النيل تماسيحاً يقالدو الموج ضُمَّ صدورن ما إتبلّن ولو قطير
يا مولاي يامولاي آه من غلبي من النار وحرقت قلبي ياملاي يامولاي بشكيلك شقايا وغلبي حظي الديمة من ندي الأنيس جافلبي طالت السفر وإتحفت مناسم تلبي هبَّ الريم وعاودك الحنين ياقلبي
الناس عيدّت مرقت علي أصحابا وأنا فريت علي الجاهلي السمح ترحابّا فاطراً يحكي براق البدودي سحابّا لفت قلبي زي لف طرحتا اللافحابا
مالك نفسي مطعونة وتملّي تنيني مالك عيني لي الغُميض أبيتي تليني عطشان ديمة كفح المويا مابرويني وكاتلانّي الطريفية البريدا قريني
إتمنى الدهب لو لونو إشبه لونك إشتهت الدرر لو هيّا تبقى سنونك مجنون ليلى حالتو أقلَّ من مجنونك مادام ليلى كانت في المحاسن دونك
شعرك منتظم زي السلاسل فتلّو عينيك تكسر الحجر إن بقت شافتلّو الطاؤوسة قاصدة مشيكي ماعرفتلّو وأعصاب من رأآك إتكهربت تلفتلّو
خت إيدا فوق إيدي إنجذبتَّ خدرتّا حبيت أمشي من كُتر الطرب ماقدرتا بقت الحنة بين إدي إديهاندرتّا لو ماالحنة بيني وبينا كنتَّ ودرتا
ممشوق القوام الما وجدتا نظيرو شقايّا معاهو أخير من محنة غيرّو جافاني العزيز الكنتّا ديمة نظيرو هو يسوي الغلط وأنا أسوي كتّر خيرو
وعمي الهادي لي الشافو البريدو ضربني قسّم نومي من تيبان حيايّا سلبني حق إنصاف أبا يقبل سؤالي صلبني وصبري الكان جميل جربتو كلو غلبني
Post: #24 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-06-2011, 07:26 PM Parent: #23
Quote: يا مولاي يامولاي آه من غلبي من النار وحرقت قلبي ياملاي يامولاي بشكيلك شقايا وغلبي حظي الديمة من ندي الأنيس جافلبي طالت السفر وإتحفت مناسم تلبي هبَّ الريم وعاودك الحنين ياقلبي
اريد الغوص في حروفها فإن أخطأت فقوموني .... وإن أصبت لتعم به فائدة وإنا مجتهد أسبح عكس ومع التيار فيا غرق يا جيت حازما فرجاءً المعذر ... فلكل مجتهد نصيب
الشكية لغير الله مزلة فأن دعيت فقل يا الله وإن أستغثت فقل يا الله يا الله يا الله وكانت البداية الموفقة من الشاعر بأسم الله ( يامولاي )
يا مولاي .....والمولى هو الواحد الأحد الذي لا ينام ولأ تأخذه سِنة السنة هي الغفوة وعندنا بالعامية السودانية ( هجسة ) وأكيد سمعتها أيها القاري الكريم ( يا ولد ما تهجس ) اي أخد ليك غفوة وقت الظهيرة والحر جمر يقلي الحبة ولا مجير من لظاها غير ضل حيطة إن وجد
آه من غلبي البدء بآه يدل على أن الوجع أستفحل وعيييييك لمّ تستفحل الألآم والوجع والأحزان .. تبقى حي بين الناس بجسدك وترفرف روحك مع ألآمها وأحزانها وتيقى زي فاقداً مزوزو تجرجر في التراب ( والجن بداوا لكن كعبا الإندراوة ) غلبي : عندما تتشابك الأحزان والألم ... لفراق عزيز يغلبنا الصبر فيصير الأمر غلبة خارج على المقدرة والطاقة لذا نقول غلبتَّ خلاص : اي كثرت عليَّ الأحزان المشاكل وغلبني حلها وغلبني تحملها ... وآه من غلبي وكان المقدر ... غلب الشاعر من حزن لفراق عزيز .. نار لظى توقد في جوفه نار حامية من فراق لمحبوبة أحبها... وكان الفراق قدرهما وتتعدد الأسباب والفراق واحد
فكانت الشكوة لله حظي : اي قدري ( حظي زي سزاد هضليمك )
ندي : الند قد يكون من كان في عمرك ولكن هنا قصد بهاالشاعر رفيق دربه المحبوبة الأنيس : اي من يؤنس وحشتك وقد أطلق الأنيس على المحبوبة فكانت حبة والأنيس في وحشته
طالت السفر : ويعني بها الشاعر مدة الفراق .... اي من زمان فراقه لمحبوبته إتحت مناسم تلبي المنسم هو الخف ( خف الجمل ) التلب هو الجمل ( البعير ) وقد قيل التلب اللزوم مدخور يشيل العايلة يقدل بي مهل فوقو الحمول الهايلة
وهذا يقال في الجنى القارح من يومو هو باللزم أهله وجاره يقضي حاجتهم ويتم النقاصة ( هييييع ياالقارح مادللا ) ولداً ما ختالن زلة شن قولك في قول مادللا ولداً قدامي يتب حفيان لي ضيفانو يرقع ويوجب الجار والبعيد والأهل وهنا يعني أنه صار لا يحمل الفراق ... طال به الزمان وإنهارت قواه وحفت قدماه كفعل السفر الطويل في النوق تحف مناسمها وتنهار قواها وهي سفن الصحراء تتحمل ما لا يحمله من خلق الله هب الريم ... وفي رواية هبَّ الريد... وكلهما يستقيم معها المعنى الريد بعد الفراق تخمد ناره حين ثم يعاود الحنين له المسببات ... ديار المحبوبة ... أهلها ... وكل ما أرتبط بها من ذكريات قد يكون سبب في هياج الحنين من تاني وتاني ( ووا وجعي الشديد يا روحي دايرا تمرقي )
ولحين ميسرة نواصل
Post: #25 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-06-2011, 08:02 PM Parent: #24
Post: #26 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-07-2011, 08:44 PM Parent: #25
لحين ميسرة
Post: #27 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-07-2011, 10:10 PM Parent: #26
Quote: الناس عيدّت مرقت علي أصحابا وأنا فريت علي الجاهلي السمح ترحابّا فاطراً يحكي براق البدودي سحابّا لفت قلبي زي لف طرحتا اللافحابا
جمال الوصف في هذه القصيدة يخلب العقل رغم بساطة المفردة لما تكون المفردة قريبة نجد تأثيرها فينا أكبر وهي مفردتنا العامية البسيطة
العيد يوم الفرحة واللقاء بالحبايب والأهل والصحاب ويا جمال العيد لما يكون بين الأهل ومن نحب ومن نكن لهم محبة في قلوبنا... يجمعنا بهم ومعهم يوم مبارك. وفي نفوسنا له وقع وطعم خاص. مرتبط بطفولتنا عندما كنا نحرس الخياط لخياطة جلابية العيد جناح أم جكّو والنعيم عجوبة عليه رحمة الله يتمحرك في الخياطة والزيائن كُثر ( يا ولد ما قلت ليك تعال بكرة ) ونرد في براءة ( ياعم النعيم عجوبة والله قلت لي تعال الليلة ) ونجري نسبق الرياح لكي نعود إليه بكرة وبكرة قد تستلم وقد يعاود الكرة ... موش قلت ليك تعال بكرة ... كانت حلاوة الايام وهموم الناس قليلة... حليل ايام زمان وليتها تعود لينا .. شيط العيد من باتا ولا من دكان محمد عبدو والما اشنرى من دكان محمد عبدو ما عيد وعيدو ناقص ويومك سعيد لما يلقى ليك جمال ود محمد عبدو مقاسك انت السعيد ذاك اليوم تختفو في صندقو وجري البيت ترقد تنام الشيط جنبك تشم تلك الرائحة الزكية من الشبط ... والله هذه الرائحة ارتبطت مع الشبط الجديد وما زلت اشمها عندما اشتري صندل جديد هههههههه وبقينا نسمي الشبط صندل... ما عشنا في اوروبا وأتربربنا .. ما تقول علينا الدرافين الكنا نجري حفايا من ضل لي ضل نتقي شر رمضاء شندي الحارقة ... ونظل ليلنا كله نتظر فجر يوم العيد ونصحى على تحية من الحاجة بت فضل الله فاطمة بت عبد الرحمن عليها رحمة الله تلقيها على الوالدة عليها رحمة الله .... مباركة للعيد وقد عهدت على سنتها هذه أنت تمر على الوالدة قبل الذهاب للصلاة بعد رجوعها من المقابر وزيارتها لاحباب غيبهم عنها الموت وها هي لحقت بهم ولحق بهم لحق من الأعزاء والحبايب عليهم كلهم رحمة الله .... والناس عيدّت مرقت علي أصحابا وأنا فريت فريت اي جريت علي الجاهلة السمح ترحابا ويا حلاوة الترحاب الذي يفتح نوافذ المحبة ويرسم لك الطريق بالورد الترحاب مهم والله وشن طعم الزول أز الزولة كان مابقى مرحب مرحب مرحب حبابك أقرب ..... الفاطر هو البسام من الفم اي مظهر الاسنان الرباع الفوق التحت وعندما تبتسم المحبوبة كأن فاطرها فجة برق لي سحابة لها دية والدية هي الدوي بصوت عالي
عند شوفتي ليها وقع قلبي في كرعي واصل ما بحمل شوفة المحبوب وهي التي ملكت قلبي ولفتو زي ري لفها لي طرحتها والطرحة كناية أنها ما زالت في عمر الزهور ولم تصل لسن لباس التوب بعد وزي دي القال فيها طه البطحاني كيف أنا اعيش وصبري ولى مودع وسببي الرخرخ القام من سغير متفدع جنيت وجني جنّى وحالي اصلو مبدع أهج شقيش أفج فاضلي تاني أجدع
ولفت قلبي زي لف طرحتا اللافحابا
ولحين ميسرة
Post: #28 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-08-2011, 06:04 AM Parent: #27
صدفة وأجمل صدفة أنا يوم لاقيتو أسعد يوم يومي الحيتيو
ماقادر اقولك عن حبي الكبير
وقدر الكون دا كلو حبي وأكبر بي كتير
ولحين ميسرة وما أحلى الغوص في بحر الكلام والحروف
Post: #29 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-08-2011, 08:18 PM Parent: #28
لحيـــــــــــــــــن ميسرة
Post: #30 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-08-2011, 09:30 PM Parent: #29
كما قلت سابقاً هذه القصيد فيها من الوصف والمعاني الجميلة ما يجعل القارئ يجب أن لا يمر على كلماتها مرور الكرام فلابد من الغوص في معانيها الجميلة والوصف الذي أعتبره ابداع وبلاغة عالية رغم أنها بالعامية البسيطة
أخدر ... اي لون محبوبته لون زينب تلك الخدرة الزيتونية الباردة التي تشده ( لون زينب ) ليهو ضل : هنا كناية واراها ودسها الشاعر في كناية بلاغية يوضح لنا فيها أن المحبوبة كانت ممتلئة الجسم .. وأهلنا يقولوا ليك الزول دا ليهو ضل ... وعادة الزول الممتلئ الجسم يبين ظله في الأرض أبين من النحيف ... فكانت المحبوبة خدراء اللون. صافية بلون زينب وممتلئة الجسم لا تسمع للخلخال وشوشة إذا أنصرفت . وكان لوقت قريب تسمن الفتاة بعد خطبتها لأن ذلك يعني ويدل عن عز تربت فيه ( بكثروا لها من الموص ) كما قلنا فالمحبوية خدراء صافية اللون وفوق ذلك . فكل المحاسن أنتشرت فيها في وجهها في شعرها في كفيها في جسمها في ارجلها في كل شئ فيها .............
أفلج فاطرو زي برق السواري الكرّن
أفلج تعني هنا أن اسنانها ( الاثنين الامامية الفوق ) غير ملتصقة وبالعامية نقول أفلج اي له فلجة مبسمها أي اسناها عند التبسم تلصف ضوء كما ضوء برق وليس برق عادي بل برق مطر السواري وهي المطر أم شهفوفة التي تكون معها رياح وبرقها عاتية تعقبه رعد مدوية لها كرة ..... الرعد يدوي في الظلام كأنه لعنات جن في الظلام القاهرِ اراد الشاعر القول أن محبوبته فوق جمالها لايستطيع الناظر النظر إليها تلصفة بروق بسمها اي فاطرها
إتقسم مقاطع في المشي وإتحرّن
هنا يصف مشيتها من بيت جارتها مر السحاب لا ريث ولا عجل ويحوي لنا انها كانت رزينة متمهلة في مشيتها مع ألتفاتة كل ما مشت خطوات وألتفاتة بأدب جم ترمي نظرها ذات اليمين مرة وذات الشمال مرة لكن لا تلفت للواء قط في هذا البيت وضف بديع جميل المقطع هو القطعة من القماش وتقاس بالمتر عادة مقطع الرجل 5 أمتار ومقطع النساء عادة يكون 3 أمتار قصد الشاعر ان يقول ان مشيتها تكون بمقاس المقطع ولم يحدده اهو مقطع رجال 5 متر او نسائي 3 متر لكن قال تقسّم مقاطع في المشي وتتحرن وعندما نقول حرنت الدابة أي توقفت عن السير وهذا كان فقعل المحبوبة في مشيتها تمشي وتحرن وشبه مشيتها بمشية فرخ القطا وهنا الابداع لو لحظنا طريقة مشي فرخ القطا عندما يفقد سربه نرى انه يجري خطوات سراع ثم يقف ملتفت يمين يسار ثم يكرر الجرية مرة أخرى منظر مدهش هذا فكان وجه الشبه بين طريقة مشي فرخ القطا ومشية المحبوبة ولم يقصد الخفة بل قصد الحرنة فقط عندما يقف الفرخ الصغير يتبين اتجاه سربه اين طار؟ وطير قلوبنا معا
الجمال كثير في هذه القصيدة لكن تخوننا دقة وصف ما وصفه الشاعر في ابداع بلاغي الغوص في حروفه كما فعل الغوص في الشية في نهر النيل العظيم
Post: #31 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-09-2011, 06:18 PM Parent: #30
لحين ميسرة
Post: #32 Title: Re: الغوص في نقش الحروف .. أبقى منجم Author: أيمن الطيب Date: 01-09-2011, 06:52 PM Parent: #31
سلام يا خالد يا حبيب,, والله دوما على البال لكن بس تقول شنو!! كل عام وإنت بخير وعافيه ,,,
عودا حميدا يا رجل وربنا يعيد ليك كل الجميلين الذين شغلتهم الحياة وفرقتهم الهموم..
قريباجدا سنلتقى يا ونتفاهم,,
بالنسبة لشيقوق وكدا قول ليهو إنت جيب وضاحك دا ونحن نجيب ليهو سامح كيف معاكم!!!
تحياتى
Post: #33 Title: Re: الغوص في نقش الحروف .. أبقى منجم Author: الطيب شيقوق Date: 01-09-2011, 08:00 PM Parent: #32
ايمنوووووووووووووف
Quote: بالنسبة لشيقوق وكدا قول ليهو إنت جيب وضاحك دا ونحن نجيب ليهو سامح كيف معاكم!!!
عارفك مسنوح ولديك اجندة خفية عايز تدخلني في ........... وزة
الاوز ال ................ اهلك
Post: #34 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-09-2011, 08:16 PM Parent: #33
Quote: سلام يا خالد يا حبيب,, والله دوما على البال لكن بس تقول شنو!! كل عام وإنت بخير وعافيه ,,,
عودا حميدا يا رجل وربنا يعيد ليك كل الجميلين الذين شغلتهم الحياة وفرقتهم الهموم..
أيمنوف يا سلاااام وتحيات عظام والله عودتنا كانت من أجل جمال أرواحكم أهل الإنجمامة الهموم وشغل الحياة لا ينتهي لابد أن نضرب الهم بالمرح
والله شوقي ليك بحور بقدر ما شوقك إلينا وأكثر يا جميل الروح كلما مررت بذاك المول راودتني مشاعر جميلة جمعتنا في ذاك اليوم الذي لا أنساه أبداً لأنت واسرتك لك مني التحايا أجملها وخليك قريب وبطل كتر الغياب بنجيب ليكم سماح
مودتي
Post: #35 Title: Re: الغوص في نقش الحروف .. أبقى منجم Author: الطيب شيقوق Date: 01-09-2011, 08:44 PM Parent: #34
منسينوف
انت تمام؟
Post: #36 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-10-2011, 05:29 PM Parent: #34
لحين ميسرة
Post: #37 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-10-2011, 08:38 PM Parent: #36
Quote: منسينوف
انت تمام؟
عفو الله عن ما سلف والفات مات كت بدور اتصل بيك يا المسنوح
لكن يا أخوي رجعت الإنجمامة وجا ايمنوف وبجو أخوانو واخواتو بس من هسي حدد موقفك يا مامرمي الله إما أن تكون متسامح مع نفسك وإما أن تكون واضح معها
إني خيرت فختارا ما بين الجنة والجنة
وإن قلت نخلي سر وسوس لي في أضاني
مودتي
Post: #38 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-10-2011, 09:10 PM Parent: #37
Quote: مالك نفسي مطعونة وتملّي تنيني مالك عيني لي الغُميض أبيتي تليني عطشان ديمة كفح المويا مابرويني وكاتلانّي الطريفية البريدا قريني
مالك نفسي مطعونة وتملي تنيني
ياهو الحال حال من قدر عليه الفراق عن محبوبة هواها بكل مشاعره البعاد هنا يكون تباعد وبين بين النفوس التي كانت في القريب توأم... ما أفظععها من طعنة عندما تذكر محبوبتك التي قدر لكما الفراق طعنة كنزع السهام ونزعهنَّ أليم
تملي : دائما الأنين : صوت خافض يصدر عن ألم جواني وما افظعه
مالك عيني لي الغميضة أبيتي تليني
والنوم جافني قسمتو لي حباني كيف ينام من اكتب عليه الفراق .. يصبح نومه خزاز
هنا في البيتين السابقين يخاطب الشاعر نفسه التي تؤلمه وعينه التي جافت النوم والغمضة
عطشان ديمة وكفح الموية ما برويني
الظمأ هنا من رحيق المحبوب يجعله يحس بالظمأ دوماً وقدر ما يكفح من موية لا يسد ظمأه
كاتلاني الطريفية البريدا قريني وفي رواية الطريفية البدورا قريني
الطريفية : دي تسألوا منها شاعرة البطانة وريحانتها سمية الحسن طلحة
القرين هو الند
ولحين ميسرة
Post: #39 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-11-2011, 03:29 PM Parent: #38
لحين ميسرة
Post: #40 Title: Re: الغوص في نقش الحروف .. أبقى منجم Author: الطيب شيقوق Date: 01-11-2011, 09:26 PM Parent: #39
Quote: وبجو أخوانو واخواتو
اخوانو غاطسين
سجم رماد
Post: #41 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-12-2011, 02:59 PM Parent: #39
يا مولاي بشكيلك جفوة صحابي الإنجماماب جافوني
ولحين ميسرة
Post: #42 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-12-2011, 06:08 PM Parent: #41
Quote: إتمنى الدهب لو لونو إشبه لونك إشتهت الدرر لو هيّا تبقى سنونك مجنون ليلى حالتو أقلَّ من مجنونك مادام ليلى كانت في المحاسن دونك
إتمنى الدهب لو لونو إشبه لونك
هنا صيغ المبالغة والهدف أن يظهر أن محبوبته لا يضاهيها مثيل وحتى الدهب بتمنى أن يصير لونه كلونها .. والمعروف أن لون الدهب من الألوان الجميلة التي تخلب لكن رغم ذلك الدهب يتمنى أن يكون لونه كلونها
إشتهت الدرر لو هيّا تبقى سنونك
وهنا أيضا صيغة المبالغة من شدة جمال سنونها الدرر تمنت أن تكون لها سنان
مجنون ليلى حالتو أقلّ من مجنونك
وقد أشتهر مجنون ليلى من بين العشاق أنه هام بعشقه وكان هيامه في ليلى ذات الجمال لكن رغم هيامه فحالته مقارنة بحال هذه المحبوبة اي حالة الشاعر أو صاحب القصة كانت أقلّ
وحالة الهيام هذه عندنا أقرب شئ إليها هي (الإندر وة أو الزوزوة ) هي حالة يصعب وصفها لكن نصفها في ابيات للشاعر سماعين ودحسن عليه رحمة الله
يقول على لسان نعيم وليد بت ودخير ( يرد رسالة امه الشهيرة ) السلام من عين شمش لي حد فلسطين السلام يغريك أنت يا الزين السلام لي المعاكا في الأوضة قاعدين السلام يغري الطرابيش والقلاشين وإلى أخرها
يرد سماعين ود حسن يصف حال ولدها أنه هام في حب بنات الريف ( المصريات لوجوده في عين شمش عسكري تبع الجيش السوداني في حرب ضد اسرائيل )
بعد أن وصف ينات مصر وقال بعدها مهرن غالي يما ومابقدر عليهن وشوف كمان المصيبة نفيستي فيهن ومنو البقدر يمد إيدينو لي كيس المرابي دحين يا يما راجع لي دريبك أنا الغرقان وفي الموجات بشابي أصارع في الهلاك يا يما قاسي وقدر ما قربت لي قيف الشرق تلفحني شيمي كاسحا مغربابي وأنا قعدت زي فاقدن مزوزو أجرجر في التراب ودر حجابي مشاكل الدنيا مما فتَّ منك وإلى هذا الوكت وأيضاً كذلك إلى مابعدو ضدي مبشتنابي أنا لا مالاً لقيتو عشان أجيك اقدل من الجنيات تجيك العافي بس فضل شبابي وإن كان لي القروش إن شاء طايري أنا معلم الله لي حولين أسم فراقة مادخلت جرابي
ومجنون ليلى حالتو أقلَّ من محنونك مادام ليلى كانت في المحاسن دونك
اي انه فتن وجنَّ بمحبوبته وهام في عشقها حتى فاق جن مجنون ليلى وكيف لا يجن بها وليلى دونها في الجمال ولا تضاهيها جمالا
ولحين ميسرة
Post: #43 Title: Re: الغوص في نقش الحروف .. أبقى منجم Author: Rawia Date: 01-12-2011, 06:28 PM Parent: #42
الاخ خالد جبر الله كسركم ورحم والدتكم وأسكنها الفردوس حاولت مراراً الاتصال بالرقم الموجود على البروفايل للتعزية في حين الوفاة ولم أوفق رغم تكرار الاتصال
Post: #44 Title: Re: الغوص في نقش الحروف .. أبقى منجم Author: الطيب شيقوق Date: 01-12-2011, 07:00 PM Parent: #43
Quote: يا مولاي بشكيلك جفوة صحابي الإنجماماب جافوني
انت يا دهب الخزائن بجافوك
طول بالك الحمام جاييك يسيكك مساككة
Post: #45 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-12-2011, 07:53 PM Parent: #44
Quote: الاخ خالد جبر الله كسركم ورحم والدتكم وأسكنها الفردوس حاولت مراراً الاتصال بالرقم الموجود على البروفايل للتعزية في حين الوفاة ولم أوفق رغم تكرار الاتصال
الأخت الفاضلة راوية كدي عليك الله راوية بكتبوها كدي ( صاح ولا ما غلط )
التحية طيبة سلااام
لك الشكر أجزله وبارك الله فيك وهذا من طبعك الجميل نعم التلفون الفي البروفايل هذا رقم كوسوفا وانا من سنة 2009 هنا في الامارات
الوالدها ندعو الله أن يرحمها رحمة واسعة ويغفر لها
بوركت أختي راوية
تحياتي
Post: #46 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-12-2011, 07:58 PM Parent: #45
Quote: Quote: يا مولاي بشكيلك جفوة صحابي الإنجماماب جافوني
انت يا دهب الخزائن بجافوك
طول بالك الحمام جاييك يسيكك مساكك
طيب يا شيقوق
حم حم تعال يا حمام شتتَّ ليك سكر
طبعاً زي الغنى دا ماعندكم يا ناس البردانة أنتو عندكم
أنا ما بسيب مامون لو قالوا لي مجنون أنا ما بسيبو صلاح لو عبّو ليّا سلاح
وهييييييييييييييع انا الكوكو الفجخ الطين
Post: #47 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-12-2011, 07:58 PM Parent: #45
Quote: Quote: يا مولاي بشكيلك جفوة صحابي الإنجماماب جافوني
انت يا دهب الخزائن بجافوك
طول بالك الحمام جاييك يسيكك مساكك
طيب يا شيقوق
حم حم تعال يا حمام شتتَّ ليك سكر
طبعاً زي الغنى دا ماعندكم يا ناس البردانة أنتو عندكم
أنا ما بسيب مامون لو قالوا لي مجنون أنا ما بسيبو صلاح لو عبّو ليّا سلاح
وهييييييييييييييع انا الكوكو الفجخ الطين
Post: #48 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-13-2011, 05:54 PM Parent: #47
صدفــــة وأجمل صدفة أنا يوم لاقيتو أسعد يوم يومي الحييتو نور عينيّى ياما حبيتو
ولحين ميسرة
Post: #49 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-14-2011, 07:00 PM Parent: #48
لحين ميسرة
بنرجع
تحياتي ومودتي لكل من يمر من هنا
Post: #50 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-16-2011, 03:46 PM Parent: #49
لحين ميسرة
Post: #51 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-16-2011, 05:00 PM Parent: #50
Quote: شعرك منتظم زي السلاسل فتلّو عينيك تكسر الحجر إن بقت شافتلّو الطاؤوسة قاصدة مشيكي ماعرفتلّو وأعصاب من رأآك إتكهربت تلفتلّو
الشعر ( الديس ) سمة جمال زمان وهسي وقد قيل فيه الكثير من الشعر وليت الحبيب ود القرشي أحمد معنا حتى يمتعنا بما قيل في الشعر
أذكر كان بنات جيرانا في شندي يمتازون بطول الشعر كلهم ماشاء الله إلا واحدة وهي ألذ واحدة وكان لها حكاوي مع الولدة ( يرحمها الله ) ... قالت لها الوالد والله يا سمهدر الله ما اداك شعر طويل زي أخواتك ردت ليها وكانت صغيرة ايامها يا بت بادي الله ما أداني شعر لكن أداني قعر لكن لا بأس أن نذكر ما ندكر من قول
لآحم كتفو كفلو وما تجد العفر يمم ديسو درعو وفي بعضو إنضفر
هنا يصف الشاعر البنت عندما إتنت ترقص رقصة الرقبة المعروفة في وسط السودان فتلاحمت أك########ا مع كفلها وهذا كناية عن لين وطوع ظهرها وزي ماقال صديق لي ( الكترابة الشئ مافيها عضم ) يمم اي أتجه وقد قال العبادي ( إتيمم الحللال ) اي اتجه نحو الحللال
والحللال هي جمع حلة اي قرية أو حي في مدينة هنا يقول الشاعر اتجه شعرها من طوله حتى استند لدروعها
شعرك منتظم زي السلاسل فتلّو عينيك تكسر الحجر إن بقت شافتلّو
يصف شعر المحبوبة أنه كان من الطول مقدار ومنتظم ( ما متفوف من كريمات وزيوت بنادي وجوزهند ) ضفيرتها تشبه فتل السلسلة منتظمة في حلقاتها
وعينك عيونك من الجمال ترسل السهام تصيد من نظر إليك تصرع ذا اللب حتى لا حراك له وهنَّ أضعف خلق الله إنسانَ
فعينها من قوة سهامها تكسر حتى الحجر إن نظرت إليه ( ما من حسد أو عينها حارة كما يقولون لكن فتاك سهامها يصيب )
الطاؤوسة قاصدة مشيكي ماعرفتلّو
هنا حبَّ يقول الشاعر أن حكاية قدلة الطاؤوس هذه ما هي إلا تقليد حبت الطاؤوسة أن تقلد مشية محبوبته الناس بتقول يقدل الطاؤوس زهواً وهم ما عارفين هي اصلا بتقلد في محبوبتي وبرضو ماعرفت تقلدها
وأعصاب من رأآك إتكهربت تلفتلّو زولنا لحق الصح ... هو الودا يعاين شنو طلعة ما بتتقابل زي لهيب النار تحررق البتهابل والبعيد في نار
Post: #52 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-17-2011, 03:14 PM Parent: #51
.
Post: #53 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-17-2011, 03:14 PM Parent: #51
.
Post: #54 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-17-2011, 03:15 PM Parent: #51
.
Post: #55 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-17-2011, 09:02 PM Parent: #54
كل ما قلت أغني الجرح يتاورني
واعود من تاني لي جني القبيل
مرات اقول السكات اخير لكن اعود ارجع وألقى السكات رضى انتفض واقول لا لا وألف لا أغني كان الغنى يجيب الراح ويا حليل الفخار عندما تنداح وتنكسر والأنكسر ما بتلم منها لكن العشم في خالق الكون كبير
ولحين ميسرة بنرجع
Post: #56 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-18-2011, 04:49 PM Parent: #55
لحين ميسرة
Post: #57 Title: Re: الغوص في نقش الحروف .. أبقى منجم Author: الطيب شيقوق Date: 01-18-2011, 06:07 PM Parent: #56
انجمامة بدون وضاحة اخير منها التعب
Post: #58 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-18-2011, 07:32 PM Parent: #57
Quote: انجمامة بدون وضاحة اخير منها التعب
بس ياهو ذاتو
ممشوق القوام الما وجدتّا مثيلو شقايّأ معاهو أخير من محنة غيرو جافاني العزيز الكنتا ديمة نظيرو هو يسوي الغلط وأنا أقول كتر خيرو
هيييييييييع البتدورو بترفعوا فوق المابتدورو تحدر لي في الضلمة
زي ناس المكابراب ديل ناس متلقين حجج بكسو السبب قالو المكابرابي كان دار الشر بتمسح بي زيت ويرقد في الطريق الماشي
كان بي جنبو بقول ليك كتحتني وتاني يحلك منو الله وكان عوجت دربك وقتَّ بي بعيد منو يناديك تعال يا زول مالك بتمشي مني ببعيد مالي مجرب ويتقرن فيك ويحلك منو الحللا بله
هسي يا اخوي انت متسبب سااااي جايني بي جاي وانت عارف وضاحة مافي بس داير تقطع كراعك مني لكن العمر لي حدو والسير لي مردّو البدورنا بندورو واليابانا ..........
تكون ريحتني من الرد عليك
هههههههههههههه
بقينا نكتب لي للقراء الكرام ونفضي مايجول في خواطرنا من ضيم وفراق وألم
ويا حلاوة عندمت تفضي مايجول في خاطرك أحرفا
فضينا يدينا من أعضاء خلاص
امش بي عافتك يا وضاح
Post: #59 Title: Re: الغوص في نقش الحروف .. أبقى منجم Author: الطيب شيقوق Date: 01-18-2011, 07:53 PM Parent: #58
Quote: ممشوق القوام الما وجدتّا مثيلو شقايّأ معاهو أخير من محنة غيرو جافاني العزيز الكنتا ديمة نظيرو هو يسوي الغلط وأنا أقول كتر خيرو
شوف اكان ما جاك ممشوق القوام دا ما في انجمامة ذاتو
وين وضحو ممشوق القوام؟
Post: #60 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-19-2011, 05:27 PM Parent: #58
كفى المرء شر الحديث
ولحين ميسرة
Post: #61 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-19-2011, 05:54 PM Parent: #60
Quote: شوف اكان ما جاك ممشوق القوام دا ما في انجمامة ذاتو
وين وضحو ممشوق القوام؟
ومن أين لك تلك المعلومة ؟؟؟
منجمين نحن
اقصد انا
مودتي
Post: #62 Title: Re: الغوص في نقش الحروف .. أبقى منجم Author: الطيب شيقوق Date: 01-19-2011, 06:03 PM Parent: #61
Quote: ومن أين لك تلك المعلومة ؟؟؟
من شندي وجبل على بالتحديد
Post: #63 Title: Re: الغوص في نقش الحروف .. أبقى منجم Author: ممدوح أبارو Date: 01-19-2011, 06:12 PM Parent: #61
عاد يا مسانيح أمانة ما إتلومتو
كيفن تفتحو الانجمامة وما تدوني خبر؟
وكمان لاعبين راس أنت وشيقا يا منسي؟
أصبرو لي الليلة بوردكم أم زبل كان الله قبل
Post: #64 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-21-2011, 05:22 PM Parent: #61
ود المقدرة يا اختو غنيلّو دا الرفح ابوهو وامو تدعيلّو لي بيت الحلال الحظ يوافيلّو وبالمال والعيال يادنيا أهديلّو
ولحــــــــــــــــين ميسرة
Post: #65 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-21-2011, 05:39 PM Parent: #64
Quote: : ومن أين لك تلك المعلومة ؟؟؟
من شندي وجبل على بالتحديد
ها جماعة شوفو القريزين والله كُت قايلك هراط ساكت
جبتا خبرو يا المسنوح تنقطع ريحتك الله لا تكسبك
أم علي بلد الشيخ حامد أب عصا
بلدا حجارا سود
تحياتي وموتي
Post: #66 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-21-2011, 07:55 PM Parent: #65
Quote: عاد يا مسانيح أمانة ما إتلومتو
كيفن تفتحو الانجمامة وما تدوني خبر؟
وكمان لاعبين راس أنت وشيقا يا منسي؟
أصبرو لي الليلة بوردكم أم زبل كان الله قبل
امسحها لينا في وشينا يا ابارو كيفك ياغالي وعالي والمقام
انت من الجماعة التي أوكلنا لود ابوالقاسم اخبارهم تم تقسيم الإنجماماب لاربعة مجموعات وانت كنت في الجماعة التي مفروض ينوه عليهم ابوالقاسم
بس اللوم بجي بي الغفلات يا الحبيب
شيقا يا ابارو ياهو المؤزرني رغم مساختو بس متحملو مافي زول الناس اشندهت في الحياة ومع الخدار الزي الدهب
تحياتي ومودتي
Post: #67 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-21-2011, 10:04 PM Parent: #66
تركنا الدنيا لي العبدوها ولي الحكام
ولحين ميسرة
Post: #68 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-22-2011, 06:13 AM Parent: #67
لحيــــــن ميسرة
Post: #69 Title: Re: الغوص في نقش الحروف .. أبقى منجم Author: الطيب شيقوق Date: 01-22-2011, 06:16 AM Parent: #68
Quote: عاد يا مسانيح أمانة ما إتلومتو
كيفن تفتحو الانجمامة وما تدوني خبر؟
وكمان لاعبين راس أنت وشيقا يا منسي؟
أصبرو لي الليلة بوردكم أم زبل كان الله قبل
عافي يا المنسي غيرت الطعمة
زولك دا ما بجيبو علا الصارقيل
Post: #70 Title: Re: الغوص في نقش الحروف .. أبقى منجم Author: ممدوح أبارو Date: 01-22-2011, 05:47 PM Parent: #66
خالد الحبيب تحياتي لك ولود أبو القاسم
شيقا الصارقيل اليقطع سحاليك
أصبر جاييك بما لا قبل لك به
Post: #71 Title: Re: الغوص في نقش الحروف .. أبقى منجم Author: الطيب شيقوق Date: 01-22-2011, 06:07 PM Parent: #70
Quote: شيقا الصارقيل اليقطع سحاليك
أصبر جاييك بما لا قبل لك به
مسنووووووح
Post: #72 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-22-2011, 06:59 PM Parent: #71
Quote: عافي يا المنسي غيرت الطعمة
زولك دا ما بجيبو علا الصارقيل
حبيبتي حنينة مـــأ بتنفات دوام حارساها لي نجمــــات بغازل طيفها كل مـــا يـوم رجيتا سنين أهلا جــــــأت
هييييع ناس ام علي انتو القدركم منو
Post: #73 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-22-2011, 07:22 PM Parent: #72
ابارو سلااام نضارتك تسوي حي يا ليل وخاتي شنيبك نص رباط
سلم يبلغ للجميل ابوالقاسم بس مشغول يفضى شوية يجينا
ولك أهداء ... كلمات للشاعر الشفيف الدسوقي خالد
أحكيلي كيف ألقاكي باكر ياملامح من قصيـــــــدة في زمن محزون خواطـــر بين سنين هجران وحسرة غربـــة في صدق المشاعر ياغنية في حضن السحابة ولحن من عطر الضفائر
ولحين ميسرة
Post: #74 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-23-2011, 04:08 PM Parent: #73
أحكيلي كيف ألقاكي باكر وأنتِ فيكِ الغيم مسافر مرة يهطل في جبينك مرة يعطن لوز شفايفك مرة فيها يغيب يهاجر مرة هايم في خدودك مرة في شوق لي وعودك مرة طيفاً شال ورودك فيها يرحل ويمشي شادر
الشاعر الدسوقي خالد ود بارا
Post: #75 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-23-2011, 05:39 PM Parent: #74
خت إيدا فوق إيدي إنجذبتَّ خدرتّا حبيت أمشي من كُتر الطرب ماقدرتا بقت الحنة بين إدي إديهاندرتّا لو ماالحنة بيني وبينا كنتَّ ودرتا
الحنة وشوف عيني الحبيب بي حشمة لابس التوب الأرتباط الوثيق بين الحنة والتوب الحنة تكمل للتوب جماله وبي الحنة يزداد جمال التوب رونقا الحنة ماهي حنة لو ما بقت من حنة الدامر يا مساخة الحنة الجديدة الزرقا دي متل بوهية بابكر ننشف ( نقاش عليه رحمة الله في شندي ) أشتهر بفنه وذوقه الجميل في النقش ومع خفة دم أكسبته حب الناس ومن لا يعرف بابكر ننشف في شندي والنمتة والطرفة لا تفارق سيل كلماته مع ابتسامة لا تبرح الشفاه أبدا عليه رحمة الله رحمة واسعة وكلما ذكرت هذا الشخص طفر لبالي الخرب أبنه الجميل نمر بابكر الذي ورث من والده كل الفنون والجمال وخالفه المهنة فأختار نمر النجارة وابدع فالعود الخشبي بين يديه صلصال يطوعة كما يشاء مع أدب جم تشاهد له الخلوق ... فالحنة تلك التي عرفناها ليست التي غزتنا مع الانفتاح على عالم الفضائيات حنتنا أم محلبية والقعدة نهارية والرجال في الشغل .. ولها طقوسها من التحضير فإذا ساقت الظروف لبيت وقت الظهيرة فتخير أن تنقر علي الباب لا تلج دون ذلك وإن ولجت فأصفق ثلاثة مستأذن ولا تدخل حتى يؤذن لك بالدخول دأ وقت الحنة ... مالك تشده الناس وتدخلهم في ذوبعة وهاك يا جبد توب يغطى به ما تكشف وهذا عادة يقود أن تخرب حنة اليد التي استغرقت وقت طويل بالذات اليد اليسرى إن لم المرأة عسراء
وداير أشوفو غافل ويتغطى بسواعدو ويسجو كأنو راكع
خت إيدا فوق إيدي إنجذبتَّ خدرتّا
الإنجذاب هو تلك الحالة الصوفية عندما يهيم المريد عن عالم البشر فيقال إنجذب ويتكلم حينها بلغة لا يفهمها البشر وهي كما يسميها الصوفية لغة سريانية والخدر تجمد في سريان الدم لا تحس بالعضو حينها تقول يدي خدرت اي لا اشعر بها
حبيت أمشي من قدر الطرب ماقدرتا
وكيف يمشي ساحب يده من يد المحبوبة عندما صافحها ليتها تبقي الدهر كله فهي ليست حالة طرب وبس بل ممكن القول حالة تنداح فيها الروح والقلب معاً وتذوب متحولة لإحساس يكنه الأنتقال كما فعل التيار الكهربائي
بقت الحنة بين إدي إديهاندرتّا
فكانت الحنة عازل .. بعد خيال لان الحنة لا تعزل ويجوز عليها الوضوء
لو ماالحنة بيني وبينا كنتَّ ودرتا ودرت : الودار هو حالة من الجن بس خفيفة يقال دا زول مودر اي يقول ما لا يدري به
Post: #76 Title: Re: الغوص في نقش الحروف .. أبقى منجم Author: ممدوح أبارو Date: 01-23-2011, 06:02 PM Parent: #70
شيقااااا موش قلت ليك
Quote: أصبر جاييك بما لا قبل لك به
أها هاك النضم دا النضم لعثمان الحليبي زميلنا بسودانيات
Quote: كان الحسين ود علي يستأنس ببعض الأصدقاء في وحدة طلقانه وخرفه. أكثرهم إلفاً له كان حفيده محمد أحمد العجمي. لكن ذلك الطفل الصغير كان مشغولاً بعشرة جمعته مع فأر أظنه ضلَّ عن اسرته وسكن في زريبة الغنم. والحسين يتسأل كل يوم عن إحجام حفيده عنه حتى عدم مشاركة له في صحن الفطور. وإيقانه كان في وجود مخلوق أخر يهتم به هذا الولد العاق. كان يتابع كل يوم للعجمي وهو ذاهب مبتعدا عنه وهو يحمل مواصة العواسة يعاود الزريبة كل ضحى. وقد لاحظ إنه ليس هناك واحدة من الغنم تعير العجمي إهتمام أكثر من إهتمامها بمشروب المواصة ولا حتى سخلة العنز البعام. إلا ويكون ذلك الجقر الصغير الذي ظهرت عليه مخايل الترف. والجقر عندما يكون متلصصاً بقدوم العجمي كان مطمئنا يعلم بمحاباة العجمي له. وعند العجمي كان إشفاقا عليه من باب الرحمة بالضعفاء. أما مريم بت الجاك فقد تركت أمرها ودكايها حتى جاعت سريولة خطفها عندما غابت أخراج الجزازير بشحمها ولحمها من حوشها الذي كان يإهله السكارى ????. العجمي يحمل المواصة والغنم تراقب حظ الجقر الذي كما قلت يتلصص إليه بعيون صغيرة ثاقبة. والحسين ود علي مغتاظاً يجلس على دكته الحزينة التى تقعد أمام غرفة البيت يستقبل أشعة الشمس ليتدفأ. وسريولة بت الجاك تُحْكِمُ أحداث خطتها لخطف ذلك الجقر الصبي السمين. والغيظ يزداد تياره سارياً في اوصال الحسين عندما أكمل العجمي إكرام جقره الصديق. وبعيداً عن الشوك نامت أحاسيس الجقر محتضن صحنه الكبير أتخمه فتات ما جلقته ارجل الغنم. واقلعت حينه مخالب السريولة نواحي عِراقه وأًصبح في خبر كان القريبة. إن قلت لك إن الحسين لم يفرح لكذبت فقد إبتسم متجها بعيداً عن إنفضاحه عند الغنم وتظاهر إلي بت عازة بأسفه على ذخر العجمي لذلك قال: يا ود عتمان تعال علينا ماك عارف الليلي جقرن هول العجمي رباهو بالمواصة إنسلطت فيهو سريولة هيل بت الجاك خطفتو بلعتو جب. الرسول ماها مغسة؟
Post: #77 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-23-2011, 06:30 PM Parent: #76
ابارو سلااام زولك دا بخمش بس ما بقرأ حتى إلا يلقى اسمو وبقرأ فقط وين موجود اسمه تلك الفقرة
Post: #78 Title: Re: الغوص في نقش الحروف .. أبقى منجم Author: الطيب شيقوق Date: 01-23-2011, 08:30 PM Parent: #77
Quote: ابارو سلااام زولك دا بخمش بس ما بقرأ حتى إلا يلقى اسمو وبقرأ فقط وين موجود اسمه تلك الفقرة
ههههههههههههههههههههههههههههههها والله كلامك صاح ابارو السجم دا انا ذاتي ما بقرا ليهو عارفو مسنوح ومسلط
Post: #79 Title: Re: الغوص في نقش الحروف .. أبقى منجم Author: الطيب شيقوق Date: 01-24-2011, 01:15 PM Parent: #78
الليلة يا خالد اخوى جاييك بخبر
هذه مداخلة من الاستاذة المحترمة و الاميرة وست الناس كوووووووولهم وضاحة
غزالة وجاهلة بِكرة وقامة لينة عديلة عليها الجيد مَحَزّز وردفاً هادّو حيلا بان فى قفاها مستور بى ضفاير ليلا ووقلة ساق متَبَر هادية ماهلة وحيلة
غزالة وجاهلة أدوها الجمال بالكيلا عليها الجيد محزز والضمير واكيلا ان قلت الشعر ساعة يقع يتكيلا وان مرت تشوف الناس يدوّي سكيلا
ونافرة مطرِّفة فى مد هواها بخيلة غزالة مكحّلة مربوعة قامة عديلة فسيلة محَسَّنة من حور جنانا سليلة نصلِّى على النبى بى ترابا عينَّا نكيلا
ان جاتك تمش ماها البعوّي علالا وان بسمت شلع ضي السنينات لالا لو شافا القمر من طولو يتدلالا خلت ود ود شيقوق راقدلو في ملّالا
ن جاتك تمش ماها البعوّي علالا وان بسمت شلع ضي السنينات لالا لو شافا القمر من طولو يتدلالا خلت ود شيقوق راقدلو في ملّالا
ان جاتك تقيلة الما بتشبه جيلا في المشي والضمير شبه الغزال والريلة بت المك سليلة العزة واقفة عديلة مضمورة خصر سمحة وكريمة وأصيلة
ان جاتك تميل من الثمار وقالا وان بسمت بروق حجب الظلم شقالا لو شافا القمر من شاهقو يتلقالا خلت ود المنسي راقدلو فوق نقالا
تمُر مر السحاب ما شفنا استعجالا كلاما وزن دهب لا فظّة لى هرجالا نقشة حنتها.. قافلاها بى حجّالا يا شيقا اخوى شوفَتْهَا دايرة رجالة
هيييييييييييييع وضاحة الجاسرة عافي منك دنيا واخرة
الله يجازيك يا بكري الحرمتنا منها
Post: #80 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-24-2011, 08:18 PM Parent: #77
أحكيلي كيف ألقاكي باكر أصلي قبل اللقيا شاتلك ألف خاطر .. وإندهاشة يوم تهب من نيل عيونك نسمة لي ناساً عطاشا تلاقي موجتين وإرتعاشة ضحكة جوة الروح تفرهد غيم يبل ريق الفراشة
وما زلنا نغوص في أحرف الشاعر الدسوقي خالد الرجل الجميل روحا وشعرا
ولحين ميسرة
Post: #81 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-24-2011, 08:19 PM Parent: #77
أحكيلي كيف ألقاكي باكر أصلي قبل اللقيا شاتلك ألف خاطر .. وإندهاشة يوم تهب من نيل عيونك نسمة لي ناساً عطاشا تلاقي موجتين وإرتعاشة ضحكة جوة الروح تفرهد غيم يبل ريق الفراشة
وما زلنا نغوص في أحرف الشاعر الدسوقي خالد الرجل الجميل روحا وشعرا
ولحين ميسرة
Post: #82 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-24-2011, 08:51 PM Parent: #81
Quote: غزالة وجاهلة بِكرة وقامة لينة عديلة عليها الجيد مَحَزّز وردفاً هادّو حيلا بان فى قفاها مستور بى ضفاير ليلا ووقلة ساق متَبَر هادية ماهلة وحيلة
ود شيقوق قيل الرد يكون على حمل الصدق لمن جاء بالنبأ التحية للأخت وضاحة أو كما قال أيمنوف وضاح وما فرقت مادام الله عارف ...............
جرت العادة تشبيه الجميلة بالغزالة والريلة والجدية ووجه الشبه جمال الجيد والعيون ورشاقة الجسم وجمال الإلتفاتة ( بترمي رب ) فهي غزالة وجاهلة ( صغيرة في السن ) والقامة أي القد لينة طرية وعديلة لا أ‘وجاج فيها
وزي ماقال الشاعر لآحم كتفو كفلو وما تجد العفر يمم ديسو درعو وفي بعضو إنضفر
عليها الجيد مَحَزّز وردفاً هادّي حيلا عاد من تاني يصف جيدها ( محزز ) دا الشئ البخلي الزول يعضي إيديهو من العجب وهييييييع فوق دا كلو الردف مجيه الجيهة هي الهادة حيلها ماهي رشيقة والخصر تقول خاتم والردف هادي حيلها اي فترها وزي مابقولوا أخوانا الأسيويين ( سمان مرتب )
بان فى قفاها مستور بى ضفاير ليلا ووقلة ساق متَبَر هادية ماهلة وحيلة
الردف باين مهما خبئ وتستره بشعر ( ديس ) غزير يمم الدروع وهي ( الردف ) والردف غير الكفل الردف هو ( الرفارف ) جوانب أغلى الفخذ وقل اي قلبة العين بنظرة تشده وتصرع الساق الدبور ما لا يبين فيع عرقوب وعصبة وتحلو عليه رسم الحنة
ومن صفاتها ايضاً هادية والهدؤ سمح ماهلة وسمحة المهلة في كل شئ وحيلة اي ممتلئ الجسم منها وهذا لا يعني انها سمينة لكن لا يرى العظم منها وتعني وحيلة في مشيتها اي كأن مشيتها من بيت جارتها مر السحاب لا ريث ولا عجلَُّ
وتسلم يا شيقوق مهما كان الحصل لك أجر المناولة في هذه الكلمات الجميلة
ولحين ميسرة
Post: #83 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-24-2011, 09:11 PM Parent: #82
أحكيلي عن ساعة لقاك قولي لي خضرة جروفنا برضو لي رملة بلادي لي هشاب بي العزة شامخ لي سواقي هناك تنادي لي التبلدي الشال نضارو من فرح لُقيا الأيادي لي قماري هناك تقوقي إنو بكرة خلاص ميعادي
Post: #84 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-25-2011, 03:49 PM Parent: #83
احكيلي كيف ألقاكي باكر ياسفر ريدة .. ومعاني أديّ العصافير الأماني بيك تطير شايلة الأغاني تغشى نسمات في الأماسي تخبر القمرة الحنينة تشتل الأشواق حديقة وتنسج الغيمات كراسي وكيف أقالد فيكي روحي البلد ينضح وريدو النخل يخضر جريدو والسفن تلقى المراسي
Post: #85 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-25-2011, 06:59 PM Parent: #84
Quote: ممشوق القوام الما وجدتا مثيلو شقايّا معاهو أخير لي من محنة غيرّو جافاني العزيز الكنتّا ديمة نظيرو هو يسوي الغلط وأنا أسوي كتّر خيرو
ممشوق القوام الما وجدت مثيلو اي مافيها من لية أو عوج منسقة في جسمها كل بمقاس
ست البنات يا أغلى من عينيّا ممشوقة القوام يا الخاتيّا من الليّا شعرك دفة الليل الما بتبينلو تيريا وثغرك فجة البرق اللي السحابة أم ديّا
فلا مثيل لمحبويته في قوامها وجمالها
شقايّا معاهو أخير لي من محنة غيرو
رغم البعد ورغم الشقاوة التي أعانيها في البعد عنه لكن اني أحس في غرارة نفسي يشقيني ويبعد عني أخير لي من أحب شخص أخر وهذا هو التجرد للمحبوب القلب لما يحب بصدق هذا حالو ...
جافاني العزيز الكنتّا ديمة نظيرو هو يسوي الغلط وأنا أسوي كتّر خيرو
ومن غير ذنب واسباب جافوني الأحباب سيب الجفا وأرحم كفى أنا قلبي ذاب من العذاب
كان الند والأليف المحبوب فجافاني هو يسوي الغلط وأنا اقول لي كتر خيرك
وأغلطو أنتو يا الحلوين نجيكم نحن بي الأعذار
وليحين ميسرة
Post: #86 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-25-2011, 07:22 PM Parent: #85
Quote: غزالة وجاهلة أدوها الجمال بالكيلا عليها الجيد محزز والضمير اكيلا ان قلت الشعر ساعة يقع يتكيلا وان مرت تشوف الناس يدوّي سكيلا
الوصف في الشعر فيه من الجمال بلاغةً في ذات مرة والممرات كثيرة قال البروف عليه رحمة الله عبدالله الطيب في الوصف وجمال الشعر الذي قيل في الوصف
قال ان أجمل بيت شعر في صنف هو بيت الشاعر بشار بن برد
كأن مسار النقع فوق رؤوسنا ***** وأسيافنا ليلاً تهاوى كواكبه فقال العلامة عبدالطيب لوما كان بشار أعمى لكان بيت الشاعر ادريس جماع اجملا وصفا
أنت السماء بدت لنا ****** واستعصمت بالبعد عنّا
واني أرى هذا الشاعر من الوصف كان بليغ وبالغ في البلاغة
غزالة وجاهلة أدوها الجمال بالكيلا عليها الجيد محزز والضمير اكيلا
يصفها انها صغيرة في العمر لكن استوى العود وبدت محاسنها تفوق اقرانها والفاتو قبالا
وحتى الجمال حينما حباها الله إياه لم يكن لمحة بل كال لها المولى عز وجل من الجمال
الجيد محزز والضمير اكليل والأكليل هو نظم الورد في شكل طوق دائري صغير
اي الضمير صغير ويا الخصر الشوية تقول مدّين والدين دوماً ممحوق وشوية
ان قلت الشعر ساعة يقع يتكيلا وان مرت تشوف الناس يدوّي سكيلا
وهنا تأتي المبالغة اي من شدة طول شعر وديسها إذا وقع اي انفكا من ربطته تنتكي معه مائلة من ثقل وزنه ( مبالغة )
ولما تمر في الفريق الناس مابين مشنده ومابين من يصلي علي النبي من جمالها ومنهم من يهووووي هووووووو الجمال حقا بجذب
والمفلس شن داير يكوس بس يعاين ويشبع مغوص
دا زي حالة ناس شيقوق وأنا الجنيت وقلتا هوووو حي أنا المرضان شن أسووو
Post: #89 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-26-2011, 04:37 PM Parent: #86
ويا حزني التليد ... مالك مباليني سكنت القلب غزيت الروح وما إنفكيت هايم في بحور الشوق تايه والمرسى لي مابان سابح أقالد موج الهم أهاتي زي ضهبان وحيد في غربة أشواقي لا رفقة ولا حبان
Post: #87 Title: Re: الغوص في نقش الحروف .. أبقى منجم Author: فاروق أبوحوه Date: 01-25-2011, 08:17 PM Parent: #81
Quote: وما زلنا نغوص في أحرف الشاعر الدسوقي خالد الرجل الجميل روحا وشعرا
ود المنسي كيفنك يا مك؟ الدسوقي خالد الشاعر الجميل وهو شقيق الشاعر الراحل عثمان خالد عليه رحمة الله. نلتقي بصوره شبه يوميه ونتدارس شؤون القريض ، يهاتفني كلما خط حرف جديد كما أفعل.
عيد (الضحية) الفات دا كنت في إجازه في السودان وكان هو عائداً لتوه من السودان أرسل لي متندماً علي أنه لم يحضر العيد بالسودان قائلاً:
مبروك عليك التكيه فوق الضُل وفي ضرا الحيشان تحت راكوبه بااارده والقهوه بالفنجان وسط أمك وابوك ولمّة الصحبان وكانوناً كبييير لي شية الخرفان.
ورديت عليه:
الحوش الكبير القهوه والأخوان نطايب من دُغُش كل الأهل خِلان الشيّه ام شِطوط شربوت ينسِّي الكان عيداً في البلد يساوي افراح وبالمجان سُب في الغربه سُب في الهمله والتوهان أريت ترجع أريت الكان دا يوم ما كان.
وعاد ليكتب:
أخوك اليوم صبح تب في الدوام غرقان في المكنه أم جضوم تهدر هدير بركان لا شاي بالصباح لا لقمه من دكان صبِح في الصي يزازي في الهندي والبتان
ربما إنشغلت عن الرد له ليردف معاتباًً:
ضربت اللحوم رخّمت يا فنان ؟ أم جاك القمر في زول ندي وريان؟ أداك التحيه بي نظره فيها حنان خلاّك في البشتنه والكبكبه ام رجفان
كأنه قد قرأني (صاح) فكل الذي قاله قد حصل تماماً.
معليش طولنا عليك يا خالد وعلي ضيوفك
كل الود
Post: #88 Title: Re: الغوص في نقش الحروف .. أبقى منجم Author: الطيب شيقوق Date: 01-25-2011, 08:27 PM Parent: #87
تبنت حفرتها زيراً قديم وممتّن اوقدت الطلح بوخاتو للحيل بتّن ونادت صاحبتها ملصن دهوبن وختّن وبعد البوخة جرن للتياب إتغتّن
Post: #90 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-26-2011, 04:56 PM Parent: #88
Quote: ود المنسي كيفنك يا مك؟ الدسوقي خالد الشاعر الجميل وهو شقيق الشاعر الراحل عثمان خالد عليه رحمة الله. نلتقي بصوره شبه يوميه ونتدارس شؤون القريض ، يهاتفني كلما خط حرف جديد كما أفعل.
عيد (الضحية) الفات دا كنت في إجازه في السودان وكان هو عائداً لتوه من السودان أرسل لي متندماً علي أنه لم يحضر العيد بالسودان قائلاً:
الحبيب فاروق ابوحوة لك مني التحية الطيبة سلااام عليك يا رائع بفتش فيكا ومن زمان راجيك بجيبك الدرب ونعتر بيك تسوي النضم السمح وما فاكيك أبقى منحم معانا بنراضيك
هنئ لك قد فزت والله أن تلتقي بهذا القامة يكسوه الأدب الجم حسن الخُلق هندام وقمصانا الدسوقي خالد شخص مهما وصفته لك لا تسعفني الأحرف والكلمات أن اوفيه حتى القليل من حقه ... الروعة والجمال والأدب والخلق والكرم والنخوة أجتمعت فيه رجل يمعنى الكلمة ... انت تلتقيه كل يوما تقريباً لكن جاءت الأقدار أن نلتقيه كل أسبوعين مرة وقد تطول المدة أحيانا ننعم بصحبته ننهل من معين معرفته الجمة من ضروب الجمال والحرف اخي الكريم ابوحوة خليك معنا منجم ننهل من معينك والله أنا أحمد الله كثيرا أن يمد لنا من الجمال كل يوم زهرة أنت مكسب ولنا الشرف للتعرف بشخصك الكريم هذا رقم تلفوني اخي الحبيب 0501546277 تحياتي ومودتي
Post: #91 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-26-2011, 05:09 PM Parent: #88
دا قولك انت يا مطموس ما قول وضاحة وضاحة بنت تربت في بلاد الفرنج ليس لها من هذا الضرب ميولا
شقق عنكوليبك ودي تلقاها عند القافل علمته الرماية فلما أشتد ساعده رماني
لو برعتم في خلق البرة نحن قدينها يا ودشيقوق
تحياتي للأخت وضاحة
لك المودة يا مطموس
Post: #93 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-26-2011, 05:30 PM Parent: #91
Quote: كأنه قد قرأني (صاح) فكل الذي قاله قد حصل تماماً.
معليش طولنا عليك يا خالد وعلي ضيوفك
يا سلااام يا ابوحوة نضمكم سمح بالحيل وليتنا نخت إيدينا فوق بعض ونناشد بكري أن يكون هذا الجميل بيننا هنا ينجم معانا ونسعد به فلت لي كنت غرقان هايم ونسيت الدسوقي أسألو من ذات الشامة الشامة الراقدة فوق الخد وهي أظن من آخر كلماته اتصل به الآن خلي يسمعك اياها
تحياتي
Post: #92 Title: Re: الغوص في نقش الحروف .. أبقى منجم Author: الطيب شيقوق Date: 01-26-2011, 05:19 PM Parent: #39
بلاغ ضد زوجتي
نختلف مع زوجاتنا.. أو هن يختلفن معنا.. ثم نعود إلى الحوار.. المصارحة.. الإقناع.. مراجعة أنفسنا ونعترف بأخطائنا .. ونعتذر.. شيء جميل.. يدعم العلاقة الأسرية ويقويها.. وتتدفق من خلاله ديمومة الحب.. في خلايا العروق.. ثم نعاود الكرة .. بين الاختلاف والاتفاق.. في مواقف مختلفة ومتباينة.. إلى أن يقترب كل منا من الآخر.. يتخلله.. يتمازج معه عندها تتآلف الطباع ونجد عندنا من الفراسة والذكاء ما يجعل كلا منا يقرأ ما بداخل الآخر.. ويسارع في تلبية احتياجاته بمجرد النظرة.. اعتقد أن في هذا غاية السعادة الأسرية . وعندما تتباعد الفكرة وتسيطر علينا الأنا ونفقد التمييز بين إدراك مفاهيم معينة.. وكل منا يتشبث برأيه.. قد تصل الأمور إلى فراق بيني وبينك.. وتلك هي الكرة الخاسرة. مثل ما حدث في هذا الموقف.. الذي نستطيع أن نضعه تحت عبارة " صدق أو لا تصدق " ..أو من صنع الخيال.. ليكن كذلك , لا بأس.. ما دامت الفكرة جاءت طيعة وبسطت الظهر لامتطائها لتصل بنا في النهاية.. إلى الهدف والمقترح.. ولنفرج الستار! على صياح ومشاجرة عنيفة.. بين زوج وزوجته.. تبادل السباب والاتهامات.. هي تتهمه بالبخل الشديد.. وهو يبادلها الاتهام بالجهل.. وأنها لا تستطيع أن تضع فاصلا بين الحرص والبخل.. أو بين الإسراف والترشيد.. والكرم والسفه!!. على المائدة كميات كبيرة من بقايا الطعام .. تتنوع أشكالها وألوانها.. على أركان حوائط المطبخ وفي خزاناته.. مجموعات كبيرة من الأكياس.. بعضها يحمل أغراضا أصابها العفن والتلف.. في وسط هذا الجو الغاضب ,شديد التوتر. حالة من اللامبالاة عند الصغيرين!! فهما يمزحان .. يتضاحكان.. يتقاذفان.. بحبات البرتقال والتفاح.. ومن آن لآخر.. يتبادل الصغيران التلصص من جانب باب الحجرة.. لمشاهدة العراك الدائر بين الأبوين.. ثم يعودا ليحاكي الولد أباه.. وتتقمص البنت دور أمها .. الموقف بالنسبة للصغيرين خبرة حياتية من خلال تدريب عملي.. على اللامبالاة بقيمة ما يتمازحان به.. واكتساب سلوكيات عدوانية بما يسمعانه ويشاهدانه من الوالدين .. وكم من الجرائم يرتكبها الكبار في حق الصغار بدون وعي!! . يترك الزوج المنزل.. متوعداً زوجته.. ويتجه دون أن يشعر إلى قسم الشرطة. هناك ضابط يتحدث في الهاتف.. مضطرب.. وفي حالة مزاجية سيئة.. يبدو من طريقة حواره في الهاتف.. أنه يتكلم مع زوجته.. ويرد عليها بإجابات مقتضبة.. حاضر.. طيب.. لن أنسى..كفى يا زوجتي .. أوجزي.. ويدون بعضا من احتياجات زوجته التي تمليها عليه في ورقة أمامه .. ضاق صدره.. أنهى المحادثة بغضب.. تضجر.. سحب شهيقا طويلا يعالج به ضيق رئتيه من المكالمة وسرعان ما تنبه أن هناك مواطناً ينتظر.. تفحص في توتره ووجهه المليء بالغضب.. ماذا تريد أنت الآخر؟ . فأجابه: أريد أن أقدم بلاغاً ضد زوجتي.. قال له الضابط: ما التهمة؟ وما حكايتك؟ . زوجتي سبب من أسباب غلاء المعيشة.. وارتفاع الأسعار في المدينة.. أهدرت مالي.. وقصمت ظهري بطلباتها.. ولاحقتني الديون. فسأله الضابط متهكماً لا بد أنها صاحبة أعمال.. أو مستثمرة.. لا هذا ولا ذاك.. بل هي مستهترة مسرفة إلى حد السفه, تستنزف راتبي كل شهر, في مراكز البيع, لا تترك عرضاً ولا سلعة, ضرورية أو غير ضرورية, إلا وتغرف منها بلا حساب . تبسم الضابط في سخرية من هذا البلاغ الغريب العجيب. وقال في نفسه, يبدو أن أكثر الحريم في وضع زوجتي. ضع همك على همي , ورحب الضابط بفكرة البلاغ وأضاف هو الآخر بلاغا ضد زوجته, وأرفق قائمة الأغراض التي طلبتها منه في الهاتف, ووضع يده في سترته أخرج مجموعة من فواتير الهاتف والمياه والكهرباء, وأمسك بقلمه مضيفا إسرافها في شراء ملابسها, ومتطلباتها الشخصية, وكيفية استخدامها لغسالتها الآلية, أقصد "الفول اتوماتيك", وأشياء وأشياء, إلى أن ضاق المحضر بما يكتب, واستوقفه الزوج, يريد هو الآخر أن يضيف شيئا في محضر زوجته. قال له الضابط لا بأس !! زوجتي تفتقد ثقافة إدارة البيت, وتحديد كميات الطهي, التي غالبا ما تزيد عن حاجتنا أضعافا مضاعفة, وتهمل أو لا تجيد تخزين باقي الأغراض التي تشتريها, مما يسبب لها التلف. وقبل أن يقفل الضابط المحضر, سأل الزوج هل لديك أقوال أخرى؟ أضاف الزوج: نعم لا بد أن أثبت لك, أن زوجتي من أسباب ارتفاع الأسعار, أشار عليه الضابط أن يوجز! فأضاف الزوج : إذا كان ثمن السلعة يا" باشا" ريالا ونصيب الفضلات الضعف "ركز معي يا باشا" يبدو أن الزوج أو المواطن نسي نفسه أنه في قسم الشرطة, مما اضطر الضابط إلى نهره وتوبيخه, وسارع الزوج بالاعتذار "آسف يا باشا" واستمر الزوج في طرح نظريته وباقي الأغراض يفسد فتصل بذلك السلعة, إلى خمسة ريالات!! فلك أن تتصور مجموع السلع التي نشتريها. وأعجبت العملية الحسابية الضابط, الذي أخرج ورقة طلبات زوجته, وراح يهمهم ويكلم نفسه ويدون.. هذه السلعة قيمتها ريال. فتصبح خمسة! وهذه ريالين فتصبح عشرة! وظل هكذا يحسب ويضاعف, وثارت ثورته, يا إلهي كل هذا وأنا لا أدري !! سأرفق هذا المستند إلى محضرك يا زوجتي العزيزة وليكن ما يكن . وزاوج الضابط المحضرين وقدمهما لرئيسه.. الذي هو الآخر وجد ضالته فأرفق محضرا ثالثا لزوجته وأصبح الأمر غريبا ومدهشا مما جعل المواطن الذي هو الزوج والضابط ورئيسه تصيبهم هستريا الضحك. وتسرب الخبر من قسم الشرطة إلى الشارع تلقفته وسائل الإعلام، وتزاحم الأزواج لتقديم بلاغات ضد الزوجات المسرفات. وأصبح الأمر قضية رأي عام لا بد من مواجهته ورفع الأمر إلى القضاء . وبعد مرافعات ومداولات كان الحكم مفاجأة للجميع براءة لكل الزوجات المتهمات في قضايا الإسراف وسبب البراءة ثغرة في محضر الضابط استغلتها إحدى المحاميات عن الزوجات وسنتعرف على تلك الثغرة من خلال حيثيات الحكم : بعد الاطلاع على المحضر ودراسة القضية وجدنا أن الزوجات يفتقدن ثقافة إدارة المنزل ويجب إعطاؤهن فرصة أخرى من خلال التزامهن بما سيأتي في التوصيات . إلى جانب أن الإسراف لا يقتصر على الزوجات فقط بل يشمل شريحة كبيرة من المجتمع رجالا ونساء وأطفالا. لذا نقترح أن نرفع جميعا قضية ضد "الإسراف" ومواجهته بقيام حملة قومية مضادة تحت عنوان "ترشيد الاستهلاك" تبدأ توصيتها بالآتي : عمل دورات تدريبية شاملة لكل الزوجات والفتيات المقبلات على الزواج يقوم بها متخصصون لتعليمهن كيفية إدارة منازلهن وترشيد الاستهلاك داخل هذه المنازل دون إسراف أو تقتير. تشترك في حملة الترشيد كل فئات المجتمع كل في مجاله وتقوم كل وزارة أو مؤسسة بوضع برنامج فيما يخصها من هذه الحملة . إلى جانب الدور التوعوي الذي يقوم به خطباء المساجد . والدور الرئيسي للإعلام المقروء والمرئي . وفي النهاية لابد من خطة زمنية محددة نقوم بعدها بتقييم مدى النجاح في هذه الحملة. وتتبعها خطة زمنية أخرى إلى أن يصبح الترشيد عندنا عادة متأصلة لا يمكن الاستغناء عنها . انتهت التوصيات وبدأت الحملة في كل اتجاه وانتهت المدة المحددة الأولى وكانت آثار نجاحها لا تصدق تنافس المنتجون بأجود البضائع وأقل الأسعار لجذب المستهلك .زادت السيولة المالية لدى الأفراد فجعلهم يفكرون في مشاريع استثمارية احتاجت هذه المشاريع إلى أيد عاملة زاد الإنتاج عن حاجة المدينة وأصبح تصديرها لمنتجاتها يفوق استيرادها بمراحل وانقلبت المدينة من مستهلكة إلى منتجة وأصبح أهلها في حركة دائبة ليل نهار . لا وقت للمشاحنة ولا تضييع للوقت استقرت الأسر وعادت الزوجات بشكل جديد مزغردة وهتف الجميع رشدنا وترشدنا انتصرنا على الغلاء وشاركنا في نهضتنا وإلى الأمام تقدمنا وأهم من كل ذلك انتصرنا على أنفسنا . ومع إغلاق الستار أقفلت المحاضر ضد الزوجات وقيدت القضية ضد الغلاء. الذي أصبح لا يوجد له مكان في مدينتا.
بقلم عبد المعبود الجزار جريدة الوطن العمانية
Post: #94 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-26-2011, 05:41 PM Parent: #92
Quote: بلاغ ضد زوجتي
زمان قالوا تخمش وتجري بقيت تألف وتروي
هسي الخمشة دي قلت لي من جريدة الوطن
دي ماسمعها ودالقرشي
قالوا الراجل أختلف مع زوجته ضربها وصرخت لآمن سمعوا الجيران جاره مـــد راسو بالحيطة وقال لي يا ابومحمد المرة ما بدقوها كدي بدقوها بي أختها
قال لي قلت شنو ؟
مرتو قالت لي قال ليك دق دقك ساااااكت
Post: #95 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-26-2011, 06:21 PM Parent: #94
سلام يا بنية للشاعر الدسوقي خالـــد
سلام يا بنية .. سلام يابنية
بنية دوام مني ليها تحية بين إيديها ورود بالنسيم مسقية برضو ليها كلام لما تهمس ليَّ بنسى كل الكون ياناس وحات عينيَّ
يوم لاقيتا مارقة كان وكت عصرية من خدودها الغيم مستلفلو شوية قتَّ .. سلااام لمــــا ردت ليَّ فجأة جاتني النار فيها موج حنية
كتير غنيت شن غناي جاب ليَّ كم وكم سنوات كنتي وين يابنية أنتي أحلى نسيم هبَّ لينا عشية والله أحلى عيون يا اخوانا باراوية
فلك منا التحية الشاعر الجميل الدسوقي خالد
Post: #96 Title: Re: الغوص في نقش الحروف .. أبقى منجم Author: الطيب شيقوق Date: 01-26-2011, 08:09 PM Parent: #95
Quote: مرتو قالت لي قال ليك دق دقك ساااااكت
هههههههههههههههههههههههههههههها مسنووووووووووح
Post: #98 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-26-2011, 08:37 PM Parent: #96
ياشيقوق قال الدكتور القرشي في كتابه ( عادات سودانية لها أصول عربية )
في كيد النساء
ان رجل شاف من الأهمال ما لا تراه عين زوجته صارت مثل اخيه تسبقه علي الجامع لا دلال لا كحل لا حنة لا كبريت وحتى الرأس ما بتديهو حبة زيت استنكر لكن دون فائدة فقال لها يوماً يازولة يا تنعدلي يا بعرس فيك قالت لي : عرس كان معرس شن بدوربك انا تاني
المهم رسم خطته وساق ناقتو وختر غاب عنها ايام .. فتشتغل قلبها وقالت في نفسها ظنيتو الراجل دا بدور يعملها بالجد كدي النقوم اجيه نفسي قبل ما يجيب عروسو ويجي وان بقى عرس ألقى لي يومن معاها ما يحضن عند العروس الجديد إتحننت .. وادلكت .. واكبرتت .. وجابت المشاطة تمشط فيها وفي ضل العصرية مصنقرة والمشاطة في ظهرها تمشط جاء الرجل قايد عبيرو وفيه شبرية ( تنم عن وجود عروس بداخلها )
ناغم زوجتو وقال ليها يا ولية قومي تعالي سلمي علي ضرتك
قالت لي وحات شيخي ما بسلم عليها قال ليها : ليه ؟ قالت لي : سبتني وشتمتني
قال يا مرة خافي الله هسي المرة دي شتمتك متين قالت لي هسي ما سمعتها
قال ليها والله انتي شيتك برا يا مشاطة سمعتي المرة الفي الشبرية دي سبت زوجتي دي
ردت المشاطة قالت لي : لا والله ما سمعتها نضمت الله بسألني يوم القيامة من السمعتو لكن شفتها مدت يدها بعببصت ليها بأصبعها ففتح لهنَّ الشبرية وكانت فاضية لا زوجة فيها ولا يحزنون هههههههههههههههههه شوفت كيف كيدهنَّ
Post: #97 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-26-2011, 08:16 PM Parent: #95
Quote: ونافرة مطرِّفة فى مد هواها بخيلة غزالة مكحّلة مربوعة قامة عديلة فسيلة محَسَّنة من حور جنانا سليلة نصلِّى على النبى بى ترابا عينَّا نكيلا
وقيل ما الحكمة في كونك بخيل وأهلك ارابيب الندى أصلك بتدلل علي ولا الحكاية معاندة
مربوع القامة لا هو طويل ولا هو قصير ( بين بين )
فسيلة محَسَّنة من حور جنانا سليلة نصلِّى على النبى بى ترابا عينَّا نكيلا
فسيلة أي فصيلة بالدارجة السودانية
كيل العين بالتراب هو أظهار الحسرة والندم
كنّا مرة وزي ما قلنا الممرات كثيرة وانا وأبن عمي عصام الدين محمد الحسن محجوب في طريقنا من المدرسة للبيت وكان اليوم خميس ويوم الخميس له وقع على نفسنا أيام المدارس هو نهاية دوام طال لستة أيام وعادة بتكون الحصص أقل يومها ورغم كدي بندك لينا وحيدة اتنين نغشى السوق ( سوق شندي نتسكع ) نمتع أعيننا في الريل نهاية الأسبوع وهنَّ مسافرات لأهلن في ضواحي شندي ( وكانت أيام حلوة ) امام مستشفى شندي كان رجل ومعه زوجه ( كانت من الجمال ما يوصف ويقال فيه شعر ) ود عمي انشده من شدة جمالها عندما وقعت عينه عليه فلاحظ زوجها عينه في زوجته جاء الزوج ولكد ود عمي وقال له : يا ابن العم الواحد لو مارق معاها تاني يلفها في جريدة
ويا حليل ربوع شندي وبلد الجمال عندي
Post: #99 Title: Re: الغوص في نقش الحروف .. أبقى منجم Author: فاروق أبوحوه Date: 01-27-2011, 00:19 AM Parent: #97
Quote: يا ابن العم الواحد لو مارق معاها تاني يلفها في جريدة
هههههههههههههههه
الشقيه حاكت سمك ديمو ؟ هههههههه
ود المنسي شلت تلفونك ود تلفوني:0502563233
إت في يات بلاد عشان نصلك والله خلي الدسوقي يجيبك لينا ياخ.
شندي بتسلم عليك شديد
Post: #100 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-27-2011, 12:30 PM Parent: #97
لحيـــــــــن ميســـــــــــــرة
Post: #101 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-27-2011, 12:39 PM Parent: #100
Quote: شندي بتسلم عليك شديد
طولنا خلاص واخبار شندي فوق ما جاتنا طرينا الريم منه هبة عشق جاتنا في صدرك مدافع تحتو البرينات راطنة دا الفرقش كويلنــأوطرشق عجلاتنا
يا ابوحوة مالك داير تولع فوقي النيران شندي وحب شندي وناس شندي من جميل زي ناس شندي موش حر وكل زول بعجبو الصاري وانا مكتول هوى شندي واهل شندي الطيبين
Post: #102 Title: Re: الغوص في نقش الحروف .. أبقى منجم Author: خالد علي محجوب المنسي Date: 01-27-2011, 07:24 PM Parent: #101
بلد الأوندرا ياسيدي شقيتا الجُرح المغور لحقت بريتا سيد الساقية والساقية والحيطة سيد العجل الرباع البتاتي بي قيدا
*********************************
قالوا الدود قرقر حبس الدرب
الدود ياعيال دود الخلا القرقار في قلبو الشطارة وعينو شرار فرتاك لي الصفوف لكنو مو قدار وكت الصُح يقع شيخي بخوض النار
الدود ياعيال حملو التقيل شالو يقدل في عرينّو حارس اشبالو مابخاف من عدو إن قصرو وإن طالو والبكيلو بي شينة الرماد كالّو
وقالوا الدود قرقر حبس الدرب
Post: #107 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-05-2011, 06:47 PM Parent: #106
مافي داعي تقولي مافي
ولحيـــــن ميسرة
Post: #108 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-05-2011, 07:19 PM Parent: #107
Quote: البشيل فوق الدبر ما بميل قدل شيخي في رباعتو مهيل
قصائد الحماسة والشكر والمديح تثير في الأنفس الكثير والكثير وقد أجاد في هذا الضرب من الغنا النساء وأبدعنَّ وهنَّ كُثر من تصف أخاها أو اباها أو ابن الحي الفارس وتعدد محاسنه ويوجد هذا الضرب في كل بقاع السودان شماله وغربه وجنوبه وشرقه وفي الوسط .....
هذا الضرب من الشعر يعجبني الغوص فيه وابحبت ابحبت في معانيه وقد استعين ببعض في معرفة المعاني الضاربة في عمق عميق العامية السودانية فيها من البلاغة ما أن تجده في عامية اخرى وابدع شعراء العامية في ذلك
Quote: البشيل فوق الدبر ما بميل قدل شيخي في رباعتو مهيل
يشيل : يحمل الدبر :- الدبرة الجرح في ظهر الدابة يميل : اي ينثني من الألم
تشبه الممدوح بالدواب وحاشا ان يكون ممدوح دابة بل التشبيه كان وجه الشبه في تحمل المشاق في الدفاع الذود عن الأهل والحي
الربع ( رباعتو بالعامية ) هم الأنداد المقاربين له في العمر
مهيل ومهول كلمة عامية ماهل اي يسع يقال البيت ماهل اي كبير المهلة هنا في كل ( كرم وشهامة وفراسة وشجاعة وغيرها )
قدل : اي سار بعزة مرفوع الرأس وزي ما قال ابوقطاطي أقدلي وسكتي الخشامة وأ،زلي في العوازل كي
ولحين ميسرة
Post: #109 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-06-2011, 08:54 PM Parent: #108
حاجة غريبة!!! وأغرب منها كيف تنساني !!!
ولحيــــن ميسرة
Post: #110 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-07-2011, 05:04 PM Parent: #109
قيل
الله يخرب الزول العبيط كان حبَّ
الله يكون في العون
Post: #111 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-07-2011, 05:25 PM Parent: #110
Quote: غني وشكري الليلة يا بنية ترمبيلو الملك بيتو الماهو عارية إيدك المطر الدودرّت ورزمّت وصبت نهارية
الترميبل : هي العربة الملاكي ترمبيلو ملك اي يملكها بيتو ماهو عارية اي ايضاً البيت ملك وليس متأجر او عاره من احد اعارني ألف درهم اي سلفني او اعطاني
طبعاً ودشيقوق بس بفهم بي المصاري
وهنا تقول الشاعرة انَّلممدوح كان من العز بمكان يملك السيارة والبيت
وفوق دا كان كريم ويده زي المطر للناس ايدك المطر وما مطراً ساكت مطر غزيزة وقد اشارت لذلك انها المطر الدودرت ورزمت اي سبقها رعد شديد وصبا نهارية وعادة مطر النهارية يحبها الخلق والعين تشوف بفقدو ويضايروا واكسرو الحوش عشان الساس ما يتحل وينماص
Post: #112 Title: Re: الغوص في نقش الحروف .. أبقى منجم Author: الطيب شيقوق Date: 02-07-2011, 09:23 PM Parent: #111
الجمة ال .............. اهلك
Post: #113 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-09-2011, 04:14 PM Parent: #111
غايتو بختم نفسي إن خطرت بي التحية من حشاي سطرت لي التدر والطاريا والمطرت سلاماً ما الغصون خضرت
وروحي ليه مشتاقة لي شندي
ولحين ميسرة
Post: #114 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-09-2011, 08:07 PM Parent: #113
جرت عادة الشعراء ان يبدؤ في كل اشعارهم بكلمات تكاد تكون متشابه جري النم وغني وشكري جريت بقول قولي وغنيت بجيب قولو وكضبو القالوا بدنولّو وا لومي انا انا الليلة وغيرها من بدايات المدح والمناحة ولها في النفس وقع جم
طيب الأخلاص اي جميل المعشر المرق وهو عمود البيت وعادة يكون من السنط وبعدها دخل الكمر ( من الحديد ) إنكسر المرق تعني انها فقدته ( بموته ) اتشتت الرصاص الرصاص هو خشب السقف وعادة يشيله او يحمله المرق وعندما ينكسر المرق بتشتت الرصاص ( اي الخشب الصغار ) وتعني بقولها هذا انه بموت الممدوح فقد عوله رشادهم إنهدم الركن والركن اساس بيت الجالوص لانه لايوجد فيه اعمدة مسلحة الركن يدعم في البناء وعليه احمال السقف وينو البلم الناس اي في حياته كانت جمعتهم
Post: #115 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-10-2011, 07:03 PM Parent: #114
كنا قالين بي ورانا أنت زينا طاري ديمة كنا قالين نحن عندك زي عيونك لينا قيمة قلنا تترجانا أنت الزهور تحضن نسيما إلا ريدك تاري روح وعدَّ فات زي كل غيمة
ونظل واقفين نحمل الحب ودا ونظل صامدين نعصر القلب من الألم على الفلااق والرفيق وشن أسوو آه أنا الجنيت وقتَّ هوو حي أنا المرضان شن أسوو
ولحين ميسرة
Post: #116 Title: Re: الغوص في نقش الحروف .. أبقى منجم Author: عاطف رميتي Date: 02-10-2011, 11:16 PM Parent: #115
الى كل من بالانجمامـــة
بلهفة مشاعري البنقابل بيها حنينكم الدافق
بسلم عليكم
وبقول ليكم جد مشتاقين
زهور حلوة المنظر
وربيع زاهر اخضر
رمز القدرة والقادر
وطعم مروركم سكر
وطعم وجودكم سكر
ولحين ميسره
Post: #117 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-11-2011, 03:46 PM Parent: #115
,
Post: #118 Title: Re: الغوص في نقش الحروف .. أبقى منجم Author: فيصل محمد خليل Date: 02-11-2011, 03:55 PM Parent: #117
بوستك دا مزمزغ
Post: #119 Title: Re: الغوص في نقش الحروف .. أبقى منجم Author: أبوبكر أبوالقاسم Date: 02-11-2011, 04:44 PM Parent: #118
ســـلامى للجميع وعوداً حميداً
Post: #120 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-11-2011, 04:58 PM Parent: #117
Quote: بلد الأوندرا ياسيدي شقيتا الجُرح المغور لحقت بريتا سيد الساقية والساقية والحيطة سيد العجل الرباع البتاتي بي قيدا
Post: #121 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-11-2011, 05:06 PM Parent: #117
Quote: بلد الأوندرا ياسيدي شقيتا الجُرح المغور لحقت بريتا سيد الساقية والساقية والحيطة سيد العجل الرباع البتاتي بي قيدا
بلد الأوندرا / على ما أظن والله اعلم ...هي بلد الفرنج وتعني بها الخرتوم الجرح المغور اي الذي لايبرأ وطال نزفه ينخر في اللحم الحي وتعني ان الممدوح حتى الجرح المغور عنده له الدواء والعلاج
ثم تعرج تفخر بما يملك الساقية الأولى تعني ان له من الزرع ما استوجب ان تكون له ساقية وعادة الساقية تكون إما لمجموعة مزارع ان كانت صغيرة مشاركة أو لارض زراعية لفرد واحد ان كانت مزرعته كبيرة ( الممدوح له ساقية خاصة به ) والساقية الثانية هي بئر الشرب حفرها لري البشر والحيوان ( صدقة جارية )
الحيطة تعني بها ان له من البيوت أملاك اي طين وعز ورضاعة وز
لم تكتفي بل عددت امالكه انه يملك من السعية واشارت لها بالعجل الرباع البتاتي بي قيدا
Post: #122 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-11-2011, 05:16 PM Parent: #121
Quote: ســـلامى للجميع وعوداً حميداً
إتلومت لوم اليابا فضيل ودبلول
كنت من أكثر الناس اللذين شجعوني أن اعيد الإنجمامة وما تجي تنجم
سيادة المستشار مابنبقى بلاك ما تغيب علينا
ولك التحية والود
Post: #123 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-11-2011, 07:57 PM Parent: #122
فيسلوف حمد الله علي السلامة صحيت يا دوب الجابك يجيب عم كمال
تحياتي وتشكراتي علي المرور
البوست مخرمج
Post: #124 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-12-2011, 05:09 PM Parent: #123
وجيـــنا بعد الفرقة نسأل جيــــنا نلقى محنة عندك نحكي ليك عن ليل شقانا وعن متاهات نجمو بعدك
Post: #125 Title: Re: الغوص في نقش الحروف .. أبقى منجم Author: الطيب شيقوق Date: 02-12-2011, 07:35 PM Parent: #124
الشوم الفقر سجم الرماد كان قاطعتني بجيك
عاين خليقتو الغشيم
Post: #126 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-12-2011, 07:45 PM Parent: #125
Quote: الشوم الفقر سجم الرماد كان قاطعتني بجيك
عاين خليقتو الغشيم
اليل والنهار واحد علي العميان والزم والشكر واحد علي السجمان
إت طير واصل السما وحتى القمر دليهو ويوم نتلاقى كل واحد بعرف الليهو
ندمت اني اني درست هذه الأحرف ( حتى ) ولو لي يد بلغيها من الأبجدية
ش ي ق و ق
Post: #127 Title: Re: الغوص في نقش الحروف .. أبقى منجم Author: الطيب شيقوق Date: 02-12-2011, 07:51 PM Parent: #126
Quote: اليل والنهار واحد علي العميان والزم والشكر واحد علي السجمان
إت طير واصل السما وحتى القمر دليهو ويوم نتلاقى كل واحد بعرف الليهو
ديل قرتك ليهن وضاحة الشوم؟
Post: #128 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-13-2011, 03:23 PM Parent: #126
.
Post: #129 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-13-2011, 08:12 PM Parent: #128
آه على حشاشتي ودجني وا حنيني ولوعتي ودجني دار أبويا ومتعتي وعجني ياسعادتي وثروتي ومجني
وروحي ليه مشتهية ربوع شندي
Post: #130 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-17-2011, 04:10 PM Parent: #129
ومن غير سبب ظلموا الغرام الكان حلو والكان امين
:
ويقولوا عنا ظالمين يا حليلنا يا حليلنا حليلنا نحن المخلصين
وحتى ميسرة من الله
Post: #131 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-17-2011, 04:14 PM Parent: #130
Quote: ديل قرتك ليهن وضاحة الشوم؟
كُل ما أوقرك في الشين أراك تتقدم إتعكنن خلاص أنا صبري شفتو إتهدّم أصلو البيناتنا ما بتنفك من غير دم الكاينة التكون بي وراها مافي ندم
هيييييع أنا الكوكو الفجخ الطين
Post: #132 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-17-2011, 05:10 PM Parent: #131
الناحر فؤادي
وعييييك عندما ينحر فؤادك بموت حب جميل
وهل يموت الحب ام يموت المحبوب في فؤادك من وماذا يموت ليتني اعرف كنت رحت واسترحت
Post: #133 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-17-2011, 06:20 PM Parent: #132
قالوا الدود قرقر حبس الدرب
الدود هو اسم الأسد باللهجة السودانية
وأيضاً عرف باسم الدب
كما قال الشاعر في مرثية العمدة أب جديري عمدة كلي غرب شندي الدُب أب هرش الضارب الوكرة تمساح دار كلي البمرق مع الهجعة
والهجعة هي وقت السحر والناس نيام وهاجدة
وأيضا يطلق عليه أب عاجات
قرقر اي سمع له صوت زئيره
وحبس الدرب منع السارحة والراتعة والسايمة والماري من البشر
وهناك قول والأسد تغيان لما يشبع برقد في الدرب والقلبو محدثو أجي ماري بي هناك
يحضرني قول لي صديق قال لي: هناك بطن من بطون الجعليين قرب الدامر ناس شر ووكتين يدوروا الشر ما بفتشوا
الرجل منهم عندما ينوي الشر يتمسح بي زيت سمسم ويجر عنقريبو ويرقد في الدرب كان يجيت ماري بالقرب منه ينشبك فيك ويقول ليك كتحتني بي تراب مشيك وكان عوجت دربك وبعدت منو يلحقك ويقول ليك بتمشي من بي بعيد مالي مجرب وبرضو ينشبك فيك
يعني ماك منفك من شرو
ولحين ميسرة
Post: #134 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-17-2011, 08:33 PM Parent: #133
دامع لجَّ طرفي يا باو طرفاً سحر والبسم المفلّج لي الأكباد سحر ماببرد حميمي لو أحسي البحر داري وماكا داري يلسمح النحر
في يوم النحر ينحر المسلمون يضحو بضحياهم ويسيل دمائها والناحر فؤادي اي الذي أسال دم فؤادي بحبه والغريبة ما كان ايامها (اعني ايام نظم ) هذه القصائد حب كما نعرفه الآن يبوح فيه كل محبوب لحبيبته ما يكنه قلبه لها وتبوح له سرها وحبها في حياء وخجل كان المحبوب ايامها مرامه ان يلفت فقط نظر البنية التي يهواها قلبه وكفى ... تترصد هي مروره وطلته وفقط تراه هذا زادها ليلالي تجافي الرموش والعين تأبا الغميض وتظل سهرانة تهاتي النجيمات البعاد وتناجي قمر اربعتاشر يا القمرا يا القمرا أقلبي السنسنة الحمرا وشوفي حبيبي ليه ماجا
الليلة وين البي العصر مرورو ونسام السحر والناس نيام هاجعين من تعب يوم طويل تجافي جنوب العشاق مضاجعهم والرشرش يصبح مفروق ( وهي الساعة التي يطلق فيها ابليس جنده يتفرجخو في صدور البشر يزيدون علي النومة تعسيلة حتى تفوتهم صلاة الصبح ) والغريبة هي الوقت الذي تجافي جنوب العشاق رقدتهم وفهل لأبليس يد في ذلك شكيتو علي الله
Post: #140 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-19-2011, 08:40 PM Parent: #139
أحذروا يا أحبّا.. حب الريم خطر يكفي البيّا حاصل .. ياحالي انفطر
وقيل أسأل مجرب وما تسأل طبيب زمني كلو كنت بقول لا تملك الحسناء قلبي كله وإن شملتها رقة وشبابُ
أجري ولا أعطي الهوى حق مقودي
أهفو ولا يخفَ عليَّ صوابُ
وأنا الكنتا بنم واجر جني جن الزول يقول عاشق فلان وينقسم نصين وجني جن عاشق مباغت يبكي بي فرد عين
لكن حب الريم خطر يسوقك لي البحر وتجي عطشان وبعدها السهر والسهراجة حمي تهرس فوقك وتجد نفسك سابح في الضياع والحسرة والسنين تمر وهو المحبوب في دلالو ساهي ولاهي ( جبروت الجبابرة ) ومين بقول البغلة في الأبريق
وحب الريم خطر
Post: #141 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-21-2011, 07:54 PM Parent: #140
ان سألنا حاويا الوصبي من خمائل قرية القصبي قالوا تأثيرك علي النصبي نحن بين الروض والغصبي
وربنا ييسر ورحي ليه مشتهية دار شندي
Post: #142 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-21-2011, 08:17 PM Parent: #141
شادي الحفلا طنّا والأكليل سفر والنشاب توتر لي الفاتر غفر ظبي الريم تبختر وبي الأساد ظفر ومعنى الفلة كاين علي واحد نفر
القصيدة نظمت وكانت ردة فعل لأحساس جميل غمر الشاعر عندما أنبرت جميلة في حفل لترقص وايامها كان الرقيص رقبة تحاكي فيه المرأة عوم الوز
شادي الحفلة طنّا اي المطرب بدأ يشدو بغنائه
ظبي الريم تبختر ايامها كانت مافي بنت بتقوم ترقص براها تقدم لها الدعوة من أخوات العريس أو من الشباب اصحاب العريس وعادة تكون العملية منتظمة اي كل اغنية برقصو اتنين وكانت المرأة بتقوم من مجلسها حتى تصل السبات وتكشف عن مقنع رأسها ( التوب ) وتبدأ في الرقيص وهذه الفتاة عندما تبخترت متجهة إلى السباتا ويا بخت السباتا البتلامس قديماتا
ظفرت بقلوب الأسود الوقفة وصرعتها وكانت وكأنها الفتاة الوحيدة في الحفل اي جذبت كل الأنظار لها وفازت بقلوب الحضور من الشباب والشيبة والجمال جذاب ولا يقاوم
Post: #143 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-25-2011, 09:49 PM Parent: #142
لحين ميسرة
Post: #144 Title: Re: الغوص في نقش الحروف .. أبقى منجم Author: خالد علي محجوب المنسي Date: 02-28-2011, 08:48 PM Parent: #143
شبّن فينا شابات بعد ما كبرنا عقب عاد زمن جهلّو وغباهو قلبنا بي رصاص عيونن في دقيقة ضُربنا وإتحدينّا أمر الوجبات وتعبــا
ولحين تيسير من الله
Post: #145 Title: Re: الغوص في نقش الحروف .. أبقى منجم Author: خالد علي محجوب المنسي Date: 03-04-2011, 08:40 PM Parent: #144
مفرح وشوفتو تفرح إتلقاكا باسم كالزهر المنسق في زمن المواسم
ولحيـــن ميسرة
Post: #146 Title: Re: الغوص في نقش الحروف .. أبقى منجم Author: خالد علي محجوب المنسي Date: 03-11-2011, 08:01 PM Parent: #145
آه آه يازمان الريد لي جابوك عيون الريم أم جابك نخل في الخد
ولحين ميسرة
Post: #147 Title: Re: الغوص في نقش الحروف .. أبقى منجم Author: حاتم هاشم Date: 03-12-2011, 02:22 AM Parent: #146
بسم الله الرحمن الرحيم اب احمد وبقية العقد الفريد السلام عليكم ورحمة الله تعالي وبركاته ___ خالد ياخوي طولنا منك تحياتي لاحمد وامه
__ ابوهاشم .
Post: #148 Title: Re: الغوص في نقش الحروف .. أبقى منجم Author: عاطف رميتي Date: 03-18-2011, 11:18 PM Parent: #147
مساء الود والوداد والتوادد والمودة لجميع الانجاماماب بدون فرز
