Post: #1
Title: إنه يكـذب بالدارجيه ويتحـرى الكـذب بالعربيه ! ياترى ماذا لديه اليوم ؟
Author: كمال سالم
Date: 12-31-2010, 04:32 PM
Parent: #0
اليوم وفى تمام الساعه التاسعه مساء سوف يلقى
عليكم أمير المؤمنين كلمه من القصر الجمـهورى
بمناسبة الذكرى 55 لعيد الإستقلال ,
|
Post: #2
Title: Re: إنه يكـذب بالدارجيه ويتحـرى الكـذب بالعربيه ! ياترى ماذا لديه اليوم ؟
Author: كمال سالم
Date: 12-31-2010, 04:36 PM
Parent: #1
بالتأكيد الكلمه سوف تكون باللغه العربيه الفصحى
وبالتأكيد هنالك من يكتبها له .
بالتالى اليوم سنعرف أن هنالك من يكذب بإسم الرئـيس .
ياترى من الذى يكذب علينا بإسم الرئيس ؟؟!!
( دى زى من الذى يكتب بإسم مجمد عادل )
|
Post: #3
Title: Re: إنه يكـذب بالدارجيه ويتحـرى الكـذب بالعربيه ! ياترى ماذا لديه اليوم ؟
Author: كمال سالم
Date: 12-31-2010, 04:39 PM
Parent: #2
وهل ياترى إنه هو نفسه الذى يملئ عليه تلك الأكاذيب
المرتجله بالدارجه ؟؟
|
Post: #4
Title: Re: إنه يكـذب بالدارجيه ويتحـرى الكـذب بالعربيه ! ياترى ماذا لديه اليوم ؟
Author: كمال سالم
Date: 12-31-2010, 04:41 PM
Parent: #3
ياترى هل سينكر أن هذه ال55 سنه من إستغلال السودان
شارك هو فيها بالحكم لمدة 22 عاما .
|
Post: #5
Title: Re: إنه يكـذب بالدارجيه ويتحـرى الكـذب بالعربيه ! ياترى ماذا لديه اليوم ؟
Author: كمال سالم
Date: 12-31-2010, 04:43 PM
Parent: #4
ياترى سوف يكون مصرا ويتحرى الكذب ويتحدث عن السودان
الواحد الموحد ؟
|
Post: #7
Title: Re: إنه يكـذب بالدارجيه ويتحـرى الكـذب بالعربيه ! ياترى ماذا لديه اليوم ؟
Author: كمال سالم
Date: 12-31-2010, 04:57 PM
Parent: #5
عندى إحساس قوى بأن يصحى ضميره اليوم ويتحدث بكل
شفافيه ,, نادما على تفريطه فى حلايب ونادما علـى
الحرب التى أشعلها فى دارفور ونادما على ال 10000
الذين قتلهم فيها ,, ونادما ( سافى التراب )
على 28 ضابطا من أعز رفقائه فى السلاح أعدمهم صباح
يوم العيد .
أتمنى أن يكون شفافا ونادما على سعر دولار وجده يوازى عشره
جنيهات واليوم بعشرمية ألف جنيه .
أتمنى أن يبكى وهو نادما على رغيفة خبز وجدها بخمسه
قروش والآن وبقدرة قادر أصبح سعرها 3000 ضعف سعرها
عندما إستلم السلطه ( والله ماببالغ أحسبوها ) .
أتمنى أن يقطع خطابه ويبكى هذه المره على شباب فى
عمر الزهور أمر بإعدامهم لمجرد أنه وجد فى حوزتهم
دولار والذى يملك منه هو شخصيا اليوم تسعه مليارات
وضعها فى بنك كريديت أوف حوش بانقا بإنجلترا .
أقول ليكم من الآخر أتمنى أن يخرج مسدسه ويطلق منه
طلقه فى نافوخو الفاضى ده وكده يكون كفر عن ذنوبوا
كلها .
|
Post: #6
Title: Re: إنه يكـذب بالدارجيه ويتحـرى الكـذب بالعربيه ! ياترى ماذا لديه اليوم ؟
Author: عمران حسن صالح
Date: 12-31-2010, 04:45 PM
Parent: #2
| Quote: ياترى من الذى يكذب علينا بإسم الرئيس ؟؟!! |
ياخي انا لامن خايف
يمكن يكون مخادع وبهلواني
بس المتأكد منو ما حا يكون في قوة وذكاء محمد حسنين هيكل
|
Post: #8
Title: Re: إنه يكـذب بالدارجيه ويتحـرى الكـذب بالعربيه ! ياترى ماذا لديه اليوم ؟
Author: كمال سالم
Date: 12-31-2010, 05:04 PM
Parent: #6
| Quote: بس المتأكد منو ما حا يكون في قوة وذكاء محمد حسنين هيكل |
ياريتهم لو كان بفكروا كده ياعمران ,, يأخ ديل جابو
واحد سواق دبابه برتبة عريف وعملوه سكرتير صحفى للرئيس
فتأمل !
بالله هسه هم لو بفكروا صاح وجابوا حسين ملاسى ده عشان يكتب
للرئيس مش كان إتحاشوا الكثير من هذا الحرج ؟
|
Post: #9
Title: Re: إنه يكـذب بالدارجيه ويتحـرى الكـذب بالعربيه ! ياترى ماذا لديه اليوم ؟
Author: محمد عمر الفكي
Date: 12-31-2010, 05:20 PM
Parent: #8
Quote: عليكم أمير المؤمنين كلمه من القصر الجمـهورى
بمناسبة الذكرى 55 لعيد الإستقلال. |
غايتو يا كمال المؤمنين ديل الا يكون القاصدهم المصري داك لما حصلت ليهو مصيبة كبيرة فقعد يجقلب فاخوانه بيواسوفيهو قالو يا اخي المؤمن مصاب قال ليهم (وهي الدنيا مافيهاش مؤمن غيري؟) ونحن بدورنا نتساءل الستة مليار وشوية ديل مافيهم مؤمنين غيرنا؟
وحيد سيف سالوه عن شعبان عبد الرحيم قال (متمنى الاقيليهو ديل "ضنب" امسكو منو) ونحن الريس دا جهجه باكاتنا كل يومين خطاب وكل خطاب يجب ما قبله وبلغة القرأن ينسخ ما قبله لما بقينا ما عارفين الموقف الرئيسي جقو ياتو اللهم الا اذا كان موقفه ابو جنزير !!! ابو جنزير ذاتو انهد وما معروف حينباع لمنو.
تحياتي
|
Post: #10
Title: Re: إنه يكـذب بالدارجيه ويتحـرى الكـذب بالعربيه ! ياترى ماذا لديه اليوم ؟
Author: كمال سالم
Date: 12-31-2010, 05:32 PM
Parent: #9
| Quote: قالو يا اخي المؤمن مصاب قال ليهم (وهي الدنيا مافيهاش مؤمن غيري؟) |
والله يا أبوحميد نحن نستاهل لأنه وجدنا قطيع من المؤمنين
وأخذ يهش فينا بعصاته لمدة عقدين من الزمان ولا حياة فينا ,,
عشان كده كلام المصرى صاح ( الدنيا دى مافيها مؤمنين غيرنا ) .
|
Post: #11
Title: Re: إنه يكـذب بالدارجيه ويتحـرى الكـذب بالعربيه ! ياترى ماذا لديه اليوم ؟
Author: كمال سالم
Date: 12-31-2010, 05:44 PM
هنالك همس فى المدينه يقول أن الرئيس اليوم سوف
يصدر قرارا بتمليك كل مواطن سودانى خزنه كاملة الدسم
حتى يتمكن المواطن من أن يضع فيها الفلوس الكثيره
والتى ستنزل عليه كالمطر بعد الليزر .
حقو الواحد من هسه يقوم يصدر ليهو خزن للسودان ,,
|
Post: #12
Title: Re: إنه يكـذب بالدارجيه ويتحـرى الكـذب بالعربيه ! ياترى ماذا لديه اليوم ؟
Author: ندى صالح الطيب
Date: 12-31-2010, 05:58 PM
Parent: #11
الاخ كمال سالم لك التحية وكل سنة وانت طيب
الأن الاحتفال فى القصر الجمهوى وكورال يغنى كررى تحدث عن رجال ..الخ
المنظر جميل للقصر والبهرجة بقت زى سماحة جبنة الطين زى ما بقولو ....!
بلد تقطعت وضاعت
لنا الله .
|
Post: #13
Title: Re: إنه يكـذب بالدارجيه ويتحـرى الكـذب بالعربيه ! ياترى ماذا لديه اليوم ؟
Author: محمد عمر الفكي
Date: 12-31-2010, 05:59 PM
Parent: #11
معليش يا كمال جيتك راجع تاني
كدى والله نسيت اسالك انت اغتسلت ودخلت الاسلام ولا لسه؟ قال تعالي (واطيعوا الله ورسوله واولي الامر منكم) غايتو انا اغتسلت غسل الجمعة اليوم عندك فكرة بيكفي؟ خليهو دا الواحد قاعد يغتسل غسل الجنابة دا برضو ما بيجزي؟ عليك الله ما تحبطني انا ما عندي سخان في البيت والايام دي الموية في مكة والله التقول حافظينها في الفريرز.
الجابني راجع موضوع الليزر امس بتفرج في كورة الاهلي والزمالك لما غيرو شيكابالا في جماعة سلطوا عليهو ليزر في وشه وحكمة ربنا وشه ما اتساوي يعني النخرة في محلها والخشم في محلو والصلعة زي ماهي شعرة واحدة زيادة ماقامت عندها سالت نفسي هل ياتري يختلف هذا الليزر عن ليزر امير المؤمنين؟ ارجو الافادة منكم.
|
Post: #14
Title: Re: إنه يكـذب بالدارجيه ويتحـرى الكـذب بالعربيه ! ياترى ماذا لديه اليوم ؟
Author: فتحي الصديق
Date: 12-31-2010, 06:07 PM
Parent: #13
Quote: وهل ياترى إنه هو نفسه الذى يملئ عليه تلك الأكاذيب
المرتجله بالدارجه ؟؟ |
لا طبعا يا كمال ..
ما ممكن ...
معقول؟
ليزر
ولحس كوع
ورجال بيعرسوا رجال ..
معقول دي تكون لغة زول بياخد عليها مرتب ..
ما ممكن يااخ ..
|
|