لن نترك حكم السودان الا عندما يصير كاليابان ...

عشان ما تقعدوا ( تجلبغوا ) وتضيعوا وقتكم خارم بارم


وقتها سنترك الحكم ونكون مطمئنين اننا قد ادينا الرسالة


وحفظنا الأمانة...

صناعات ثقيلة

واخرى تحويلية

ومترو انفاق


وراتب عامل النظافة يعادل 5 الف دولار

غير البدلات ..

هي تطلعات ليست مستحلية ولكنها تحتاج الى قوة

ارادة وعزيمة

ود الباوقة

سلام يأخي

والله اليابان ذاتها لو رجعوها لحالة السودان دا

تاني ما ترجع اليابان

Quote: والله اليابان ذاتها لو رجعوها لحالة السودان دا تاني ما ترجع اليابان

اخي حمد

كم نحتاج لنبلغ ما وصلت اليه اليابان


خمسون عاما مثلا ..

ود الباوقه...يوم ح تكتلنى انت. طب....ح اطب ساكته و ما يعرفوا سببى شنو

ما عندى شك انو اى بلد ممكن تبقى ذى اليابان. لكن الكيزان ديل يبقونا ذى اليابان؟؟؟؟
يا سيدى اليابانيين ديل البيحس انو قصر فى شغلوا بينتحر...ما بيسقيل ...بينتحر عديل كده.
ناسك ديل الواحد يسرق على عينك يا تاجر...يقوموا يبقوه وزير...
حرام عليك يا ود الباوقة و الله حرام

Quote: يا سيدى اليابانيين ديل البيحس انو قصر فى شغلوا بينتحر...ما بيسقيل ...بينتحر عديل كده

نحمد الله ان شريعتنا تحرم الانتحار ...

Quote: نحمد الله ان شريعتنا تحرم الانتحار ...

صحي والله، الحمد لله، لو ما كدا، كان كملتو.

Quote: نحمد الله ان شريعتنا تحرم الانتحار ...

هل لديكم دين بدون دين الله الذي انزله على محمد صلى الله عليه وسلم؟
طيب اذا كان دينكم الاسلام لماذا الكذب والنفاق والدجل الظاهر
وخاصة السرقة علناً لاموال الشعب السوداني

Quote: يا سيدى اليابانيين ديل البيحس انو قصر فى شغلوا بينتحر...ما بيسقيل ...بينتحر عديل كده.

مش بإنتحرو وبس، كمان على طريقة الهاراكيري.

Quote: ود الباوقه...يوم ح تكتلنى انت. طب....ح اطب ساكته و ما يعرفوا سببى شنو ما عندى شك انو اى بلد ممكن تبقى ذى اليابان. لكن الكيزان ديل يبقونا ذى اليابان؟؟؟؟ يا سيدى اليابانيين ديل البيحس انو قصر فى شغلوا بينتحر...ما بيسقيل ...بينتحر عديل كده. ناسك ديل الواحد يسرق على عينك يا تاجر...يقوموا يبقوه وزير... حرام عليك يا ود الباوقة و الله حرام

انا ذاتى , والله صحى

.

Quote: لن نترك حكم السودان الا عندما يصير كاليابان ...

بلحيل!
حتلحقوا الخرطوم وام درمان هيروشيما ونجازاكى!
تانى ما فى وج شبه!

الحاجة لادروب بائع الفحم ::دا فحم اليابانى
أدروب: الفحم من قضارف لكن اللورى نيسان يابانى

يا الباوقة دا وارد حوش بانقا!
جنى

كان سيكون مقبولا ان قلت لن نترك حكم السودان حتى يصير كاليابان فى مساحته الكلية

لك الود ود الباوقة

Quote: كان سيكون مقبولا ان قلت لن نترك حكم السودان حتى يصير كاليابان فى مساحته الكلية

اخي نصر الدين


لدينا خطة ربع قرنية انجزنا فيها الكثير

وسنشرع في وضع خطة ربع قرنية اخرى لنكمل

ما بدأناه ونبدا في مشاريع اخرى


صدقني لا اريد احباطكم بقدر ما اشفق عليكم من ان

نضالكم سيذهب كالزبد جفاءا ...

مودتي

Quote: الحاجة لادروب بائع الفحم ::دا فحم اليابانى أدروب: الفحم من قضارف لكن اللورى نيسان يابانى

جني

يا اخوي الفحم دا زاتو اخذ ليهو فترة معدوم ومافي زول

لاقيهو . دا طبعا في العهود الغابرة


الان البتوجازات قايلة ياليل في القرى والهجر والفرقان


يعني الشاي دقيقة ونص قدام الضيوف


واللحمة 10 دقائق بقدر الضغط

سبحانك تاتى الملك من تشاء وتنزع الملك ممن تشاء

Quote: نحمد الله ان شريعتنا تحرم الانتحار ...

وبتحلل السرقة والنهب والقتل!
جنى

احلام اليقظة

Quote: احلام اليقظة

قصدك للذين يريدون تغيير النظام

يا ود الباوقة

يعني ننتظر 61 سنة بكلامك دا يا ربي حتكونوا عايشين تصوطوا فينا لسع؟؟؟؟؟؟؟

قال يابان قال

الجنوب اسع حيفوت اليابان

وانتو اجلدوا لينا في البنات وتطلعوا زيتنا

Quote: يعني ننتظر 61 سنة بكلامك دا يا ربي حتكونوا عايشين تصوطوا فينا لسع؟؟؟؟؟؟؟

زمراوي


يعني من هس احسب 5 خطط ربع قرنية دي كم سنة

كتبت سمارت

Quote: يا سيدى اليابانيين ديل البيحس انو قصر فى شغلوا بينتحر...ما بيسقيل ...بينتحر عديل كده

فر دود الباوقة

Quote: نحمد الله ان شريعتنا تحرم الانتحار

طيب يا ود الباوقة الاستقالة حرام !!!

يا خوانا ما تفهمو بلدياتي دا غلط يكون قاصد انهم ح ينجحو يقسمو ويفتفتو حتة حتة بحيث يصبح زي جزر اليابان يعني جزرنة السودان وافغنته وعرقتنه وهلمجرا

Quote: وهلمجرا

وهلموجرا

دي بالذات تاني مافي

تشموها قدحة

Quote: طيب يا ود الباوقة الاستقالة حرام !!!

استقالة مافي

اي زول يموت بي وظيفتو ..

هيييييييييييييييييييييع


والباوقا في الميدان

الله يطمنك بالخير

يا وش الخير

سيبك سيبك

من كلام الطير

الفي الباقير

هي الباقير ذاتا

بقى فيها مصانع خير

وخير وفير ِ




نحن هنا










وإن عدتم عدنا

إنت وين

يا باوقة

هو إنتو

بترفعوا بوستات

الكيزان

بس

Quote: سيبك سيبك من كلام الطير الفي الباقير هي الباقير ذاتا بقى فيها مصانع خير وخير وفير ِ

اخي في الله ابو شيمة


مشكلة هؤلاء واقصد المتشددين منهم قاعدين برة

السودان وينادوا بتغيير النظام

والناس الجوة ما جايبا لي كلامهم خبر

ديل دايرين يلدغوا شعبنا الوفي اربعة مرات


لكن نقول ليهم هيهات

Quote: يا باوقة هو إنتو بترفعوا بوستات الكيزان بس

دي حلوة والله ...

Quote: سبحانك تؤتي الملك من تشاء وتنزع الملك ممن تشاء

ونعم بالله يا الجبلابي

يا ود الباوقة بدل كدا قول ما ناوين نفككم عديل كدا. كان أحسن عنوانك يكون لن نترك الحكم حتى يدخل الجمل في سم الخياط.
لكن يا زول وقت الله يقول ليها كوني بتكون. و قبالكم كتار افتكروها دايمة ليهم ما دائم إلا الله.

Quote: يا ود الباوقة بدل كدا قول ما ناوين نفككم عديل كدا. كان أحسن عنوانك يكون لن نترك الحكم حتى يدخل الجمل في سم الخياط. لكن يا زول وقت الله يقول ليها كوني بتكون. و قبالكم كتار افتكروها دايمة ليهم ما دائم إلا الله.

بالعكس اخي العوض


نحن متى ماشعرنا بتوفير الرفاهية للمواطن والاطمئنان

عليه سنقف عند هذا الحد

بس كمان ما بنسلمها لمن يضيع الامانة

يا ود الباوقة

الخطة خمسية ولا خمسينية؟

Quote: الخطة خمسية ولا خمسينية؟

اخي فرانكلي

الخطة عندما تقوم بتجميعها

تساوي 2 خطة خمسية ونص
مودتي ..

Quote: لن نترك حكم السودان الا عندما يصير كاليابان ...

قصدك كحال اليابان بعد قنبلتي هيروشيما وناجازاكي؟؟؟

أخبار محاريث الليزر شنو؟
قالوا وصلت بورسودان....

كفرتم بسنة الله في خلقه؟؟

إن دامت لغيركم ما آلت لكم
ألهم إني أسألك اللطف بنا وهداية القوم فهم جاهلون ولو حملوا أعلى الشهادات، ولكن تنقصهم شهادة الإيمان والتقوى ومخافتك فينا يا ربي...
هيييييييييه سبحان الحي الدائم....

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

اشهد الله باني لم اكن انوي احباطكم او تثبيط هممكم النضالية

لكن اردتكم ان تتعاملوا مع الواقع بعقل متسع واماني سهلة المنال

ده كلام اليابانى!!!!

سلام ياود الباوقة يا غالى.

Quote: Quote: احلام اليقظة قصدك للذين يريدون تغيير النظام

قصدي للتايوانيين

Quote: قصدي للتايوانيين

ديل ما عندنا معاهم شغلة

شكرا

Quote: سلام ياود الباوقة يا غالى.

تسلم من كل شر يا ابن الاصول

Quote: إن دامت لغيركم ما آلت لكم

نعم اخي الشايقي

نحن لسنا طلاب سلطة

نحن لدينا مشروع رسالي متى مااطمانينا على ثباته

فسحنا المجال لغيرنا لحكم البلاد ..

مع كل ما اسلفنا ذكره

لا تقنطوا من رحمة الله

وتتركوا النضال مرة واحدة

اها
النجيضة جاتكم من ود الباوقة
ود الباوقة ده يا ناس ما ترموا كلامو واطه
الرجل يعلم ببواطن الامور


وإذا قال ود الباوقة فصدقوهو

Quote: اها النجيضة جاتكم من ود الباوقة ود الباوقة ده يا ناس ما ترموا كلامو واطه الرجل يعلم ببواطن الامور وإذا قال ود الباوقة فصدقوهو

باشمهندس الشفيع

اولا شكرا على طلتك البهية


بعدين شايف الجماعة ديل الايام ديل نفسهم قايم

ومفتكرين انو الانقاذ دي يمكن ان تسقط بهذه السهولة

فحبينا نديهم ليك شوية ( تتراسايكلين ) وبخاخ

مع قليل من الحرجل

مع الاستمرار في مراقبة الحالة

والحالة المقصودة هي المتابعة من المنبع

وهي بريطانيا حاليا

باشمهندس انت مسؤول من المحباس رقم2

Quote: لا تقنطوا من رحمة الله وتتركوا النضال مرة واحدة

يعني هسة تأكدت كونوا تكونوا برة الحكم دي

رحمة من الله؟ شفت الله رحيم كيف؟


حي انا

Quote: حي انا

دا شنو يا زول

Quote: دا شنو يا زول

دي بقولوها للزول لما يجب في نفسو قون


زي زووووووووووووووووووووووووط

Quote: دي بقولوها للزول لما يجب في نفسو قون

يا اخوي قون شنو

نحن قاعدين في الحكم والدايرو اليجيوه عديل كدا

حمرة عين يعني ...

ود الباوقة سلام.. وأضحك الله سنك ياخي وكل سنة وإنت طيب
هيييع ... عافي منكم والله ...
شرطّو فاتورة السكر..
شرطّو فاتورة البنزين..
وشرطّو فاتورة الحرب ( سيبك من دارفور.. ديل مسلمين ودي ما حرب مقدسة )
ووو..الخ
وفي النهاية مالقيتو حاجة تشرطوها ذاتو .. قمتو شرطّو خريطة السودان!

ود الباوقة ..

متي يبلغ البنيان يوماً تمامه إذا كنت تبنيه وغيرك يهدم؟؟

.
.

حكومة الإنقاذ تواجه أعنف معارضة في العالم .. مدعومة بقوة وبتدخل مباشر من القوي العظمي، لمدة ٢٠ سنة ورغم ذلك صمدت واستطاعت أن تحقق معدلات نمو اعترف بها اعداؤها قبل اصدقائها .. يجي ناس حسنين وأشباهه عاوزين يدمروا البلد ويرجعونا لمربع واحد ؟؟ ..
ياخوي أصلو نحن نقعد نرجي ناس أبوعيسي وحسنين الذين أكلوا لامن فتروا من مخصصات البرلمان ولم يشبعوا في الآخر دايرنها كلها؟؟

بس بالله كلِّم جماعتك ديل يبدأوا الحرب علي الفساد من الداخل ، والمساواة أمام القانون ،،، وتاني عوجة ما بتجيهم ..

العصـيان المـدني للإطـاحــة بعصابة الكـيزان المجـرمـة

Quote: لن نترك حكم السودان الا عندما يصير كاليابان ...

اليابان القريبة دي ياود الباوقة
عليك دينكم أمسكونا زمن كدة لي يوم القيامة


ـ
تفكونا لي منو ياخ

Quote: وقتها سنترك الحكم ونكون مطمئنين اننا قد ادينا الرسالة وحفظنا الأمانة...

تعرف ياود الباوقه نوع كلامك ده بقى عندنا ليهو مناعه وترياق
لأنو إنت ومياده أنا بعتبركم مجرد أبواق مسبقة الدفع لهذا النظام
وإن ماتكتبونه هنا ماهو إلا عباره عـن أداء وظيفه ,, بل وجودكم
اليومى فى المنبر صار بالنسبه لنا عباره عن دوام مدفوع الأجر ,,,
فياعزيزى ود الباوقه أنت فى قرارة نفسك تعلم تماما بل ومقتنع
بأن حكومتك هذه أو مخدمك هذا إنما قذف بالوطن إلى أسفل سافلين
وأى عاقل بنظره بسيطه لو رجع للوراء قبل 30يونيو 1989 وقارن بين
حال الوطن آنذاك والآن ,, لتحسر لما آل إليه الحال ,,
عـن أى أمانه حفظتموها تتحدث ياود الباوقه ؟؟!!
أحفظتم جنوب السودان؟! ,, أحفظتم حلائب؟! ,, أحفظتم مواطنيكم
فى دارفور! أحافظتم على الوضع الإقتصادى كما كان ؟! قل لى كم
سعر الدولار عندما إغتصب مخدمك السلطه وكم سعره اليوم؟! ,,
كم كان عدد الأطفال اللقطاء بالمايقوما وكم عددهم الآن ؟! كم
كان ينتج مشروع الجزيره وكم إنتاجه اليوم بل أين هو أصلا ؟؟!!
كم كانت ديون السودان الخارجيه وكم تبلغ اليوم ؟!
ياود الباوقه والله وظيفتك الشغال فيها دى أخير منها تفتح ليك
طبلية صعود .

Quote: تعرف ياود الباوقه نوع كلامك ده بقى عندنا ليهو مناعه وترياق لأنو إنت ومياده أنا بعتبركم مجرد أبواق مسبقة الدفع لهذا النظام وإن ماتكتبونه هنا ماهو إلا عباره عـن أداء وظيفه

اخي كمال سالم

الترياق سيكون سما زعافا كل بقدر حجم مؤامرته ضد الوطن

Quote: عندما إغتصب مخدمك السلطه وكم سعره اليوم؟! ,,

هو مخدمي ومخدمك الا ان تنال الجنسية القطرية

Quote: ياود الباوقه والله وظيفتك الشغال فيها دى أخير منها تفتح ليك طبلية صعود .

برضو نصيحة كويسة منك

انت قاعد تسف ياكيمو

Quote: حكومة الإنقاذ تواجه أعنف معارضة في العالم .. مدعومة بقوة وبتدخل مباشر من القوي العظمي، لمدة ٢٠ سنة ورغم ذلك صمدت واستطاعت أن تحقق معدلات نمو اعترف بها اعداؤها قبل اصدقائها .. يجي ناس حسنين وأشباهه عاوزين يدمروا البلد ويرجعونا لمربع واحد ؟؟ .. ياخوي أصلو نحن نقعد نرجي ناس أبوعيسي وحسنين الذين أكلوا لامن فتروا من مخصصات البرلمان ولم يشبعوا في الآخر دايرنها كلها؟؟

اخي منير

ابو عيسى وحسنين وغيرهم من ديناصورات السياسة

اكلوا حتى اكل الدهر عليهم وشرب

ديل مفروض لو في زول عاقل طوالي ياخذهم لاقرب مسيد

لحضور تلاوة القران ومجالسة العلماء بدل المرمطة البسوو فيها

دي ..

شكرا حبيبنا منير

Quote: شرطّو فاتورة السكر.. شرطّو فاتورة البنزين.. وشرطّو فاتورة الحرب ( سيبك من دارفور.. ديل مسلمين ودي ما حرب مقدسة ) ووو..الخ وفي النهاية مالقيتو حاجة تشرطوها ذاتو .. قمتو شرطّو خريطة السودان!

وبرضو

حانشرط كل من تسول نفسه التجاسر على وطننا وسيادتنا .....

شكرا الشفيع

Quote: هيييع ... عافي منكم والله ... شرطّو فاتورة السكر.. شرطّو فاتورة البنزين..

الشفيع محمد صادق
زمان فى واحد صاحبنا قال: انهم بعد ما شرطوا فاتورة القمح.....رجعوا لصقوها تانى

Quote: طيب يا ود الباوقة الاستقالة حرام !!!

مجـرد الفكـرة فقـط ترعـب الكيزان حـد الغثيان!
لهـذا ستفعـلون كل شئ تفاديا لذاك المصـير المـرعب
مهـما إشتدت القبضـة الأمـنية ستسـقط الإنقـــاذ
ومهـما بطشـتم بالمعـارضـة أيضا ستسـقط الإنقـاذ
وفـتح البوسـتات المطمـئنة لن يحـول دون سقوطـها
كيفما نظرتـم وتفاصحتـم ستسـقط الإنقـاذ دون شـك
سـتدفعـــون كـثيرا..
سـتخطـطـون طــويلا..
وفي النهاية ستسقط الإنقـاذ
ذاك هـو حـــكـم الله تعالي
لـن تجـد لسـنة الله تبديـلا
ولـن تجـد لسـنة الله تحـويـلا.

عـندك كـلام في حـــكم الله يا ود الباوقـــة ??!!

حانشرط كل من تسول نفسه التجاسر على وطننا وسيادتنا .....



سيادتكم حنشوف ...لكن وطنا لا ............

قال سيادتنا قال هو فضل فيها سيادة

ِودالباوقة سلام

Quote: قال سيادتنا قال هو فضل فيها سيادة

والله نحن عا########ا .............

Quote: عـندك كـلام في حـــكم الله يا ود الباوقـــة ??!!

حاشى وكلا .....

وسنواصل في الدعاء

اللهم ولي علينا خيارنا ولا تولي علينا اشرارنا

شكرا الحبيب

Quote: نحن متى ماشعرنا بتوفير الرفاهية للمواطن والاطمئنان عليه سنقف عند هذا الحد

يا ود الباوقة
و الله انا كمواطن اترفهتا رفاهية لمن فتا الحد
ياخ و الله اسة انا حاسي باني مستر هوندا عديييييل
يا شباب عليكم الله موش كل زول فيكم حاسي انه بقى ياباني ياباني ؟
هسة خضر حسين دا حاسي انو مستر تايوتا مستر تايوتا كدا
يلا عليكم الله اقيفوا عند هذا الحد
و الله نحنا اترفهنا
مافي صوفوف عيش
مافي صفوف بنزين
مافي صوفوف اي شئ
قمة الرفاهية مبسوطين و عافين منكم

يلا خلاص انقذتونا كتر خيركم
خلاص فيكونا عكس الهوا عليكم الله



ياخ عليكم قوة عين تقول مغسلين وشكم بي مرق

تحية طيبة يا ود الباوقة
السودان يبقى زي اليابان
وإن شاء الله كمان تسكنوا سكن فاخر زي الصورة دي
قول آمين

يعنى مكنة الانتخابات والتداول السلمي للسلطة انتو ذاتكم ما مصدقنها!!!!!

ما تفهموا غلط يا جماعه

Quote: : وكاتب مرح ود الباوقة.. يعني يا دكتورة ممكن التحق بفرقة الهيلاهوب الله يطمنك يا دكتورة مودتي ..

تتاملوا براكم

انا ذاتي بتامل

انتو مش حتغيروا اسم (التيرمة) الحتفضل بعد يوم تسعة؟

السودان البنعرفوا انتهيتو منو يا باوقة اولريدي




لمو ليكم في دولة تانية اقرضوها

احلام ظلوط

Quote: احلام ظلوط

قريمان

انت اقعد سوي في احلام زلوط

لما تلقى نفسك واقع في الأسر .....

دقيقة يا جماعة .....

Quote: وقتها سنترك الحكم لدينا خطة ربع قرنية وسنشرع في وضع خطة ما بدأناه ونبدا في مشاريع اخرى نحن متى ماشعرنا بتوفير الرفاهية للمواطن والاطمئنان عليه سنقف عند هذا الحد بس كمان ما بنسلمها لمن يضيع الامانة نحن لسنا طلاب سلطة نحن لدينا مشروع رسالي متى مااطمانينا على ثباته فسحنا المجال لغيرنا لحكم البلاد .. نحن قاعدين في الحكم والدايرو اليجيوه عديل كدا

إنتو متأكدين الكاتب البوست ده ((عُمر)) ود الباوقة؟ والاّ عُمراً تاني.

والبجو بعدنا باذن الله برضو من الاسلاميين

يعني يا قوى اليسار اتغتوا وارقدوا ...

ايوااااااااااااة تقصد زي اليابان بعد هيروشيما بي كم يوم كده
أبشرك هو وصل المرحله دي خلاص...
فكو دربنا
قطعتو قلبنا
حتي ك ل ب نا أكل جرجير....

Quote: والبجو بعدنا باذن الله برضو من الاسلاميين يعني يا قوى اليسار اتغتوا وارقدوا ...

و هل السودان لليسار و الكيزان و بس


لعنة الله تغشاكم اليها الكيزان الاوباش اللصوص و الفاسدين

Quote: لعنة الله تغشاكم اليها الكيزان الاوباش اللصوص و الفاسدين

قرمرم

ليه فكيت اخرك سريع كدا

المعركة معكم لم تبدأ

طول بالك وخلي نفسك طويل

شوف يا ود الباوقة

انا بحذرك و بقول ليك كلام واضح

انا اسمى قريمان

و اى اسم غير كده تطلقو تتحمل مسئولية كلامك .

Quote: قرمرم ليه فكيت اخرك سريع كدا المعركة معكم لم تبدأ طول بالك وخلي نفسك طويل

Quote: يعنى مكنة الانتخابات والتداول السلمي للسلطة انتو ذاتكم ما مصدقنها!!!!!

Naser


هي ليست مكنات ولكن المؤامرات التي تحاك ضدنا

من قبلكم هي لتي عجلت بكردنتكم

عرض تطبيلي مدهش يا ود الباوقة
تستحق عليه عشرة ناقات ومئة درهم من بيت المال

--------
واليومين دي انت مرفوع عنك الضرب الركبي
لانك مصاب باعراض مرض اسفيري اكتشفو في اليابان اسمو
(الفرفرة الاسفيرية الشديدة المفاجئة عندما يقترب موعد رحيل الطغاة)

Quote: الرجل يعلم ببواطن الامور وإذا قال ود الباوقة فصدقوهو

يا رااااااجل
ود الباوقة قول لصحبك دا يقول بسم الله
الا قول لى هو انتو زاتكم منو ؟؟؟؟

سنكون مثل اليابان كما قال ودالباوقة يا جماعة

فقط تأملوا الصورة جيداً

نعم سيكون حال السودان مثل اليابان

الانقاذي ود الباوقة.

المعروف تاريخيا هو أن اليابان دمرتها أمريكا وبنتها أمريكا.

الكيزان الان يدمرون السودان فمن الذي سيبني السودان؟

ود الباوقه صباحاتك قشطه
يازول خليك من ناس المعارضه ديل
امبارح انا اتلقيت اتصال من الوالدة
قالت لى فى السودان صنعو قرقريبه توشيبا
ومفراكه سونى اتنين فى واحد مفراكه وكنش..
واخترعو صاج زى مكنة الطباعة..
تكب العجين فى الدك و الطايوق محل الحبر و
تكتب عايز كم طرقه وتضغط على الزر..
بالله فت فت تجيك الكسرة طايره...
مع مقاس تخين للقراصة..
يازول الوالده قالت فتنا اليابان زاتو
وصلنا افغانستان..
اها انتو ماشين متين؟؟؟
اخوك صدينج شنق مونج،،،

Quote: (الفرفرة الاسفيرية الشديدة المفاجئة عندما يقترب موعد رحيل الطغاة)

كيكي

اكرب السدار

.

Quote: نعم اخي الشايقي نحن لسنا طلاب سلطة نحن لدينا مشروع رسالي متى مااطمانينا على ثباته فسحنا المجال لغيرنا لحكم البلاد ..

لسه مصدق؟؟؟


غايتو كان ما طلاب سلطة تبقوا تلاميذ روضة.....
خبر المحاريت شنو؟؟
غايتو قالوا الخزن في الجزيرة غلت وبقت في السوق السوداء



الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

سلام
رسالة الغفران............

Quote: لن نترك حكم السودان الا عندما يصير كاليابان ...

ياباوقه

أزيك

أنت قاصد علي ما أعتقد لن نترك حكم السودان الا عندما يصير كالصومال

Quote: لن نترك حكم السودان الا عندما يصير كاليابان ...

ودالباوقة

لا لا يا راجل.. مش كدا...

اليابان دي خليخا..
كدا ورينيا انجازات 21 سنة.. بعدين اتكلم...



فوق ده كله تذكر قوله تعالى: قل اللهم مالك الملك تؤتي الملك من تشاء وتنزع الملك ممن تشاء......
......
لو دامت لغيرك لما آلت إليك..

Quote: نحن لسنا طلاب سلطة نحن لدينا مشروع رسالي متى مااطمانينا على ثباته فسحنا المجال لغيرنا لحكم البلاد ..

الكلام ده سنة كم كدة يعني
ورانا مسئووليات يا شيخ عمر
مورتا عايز يعرس
حسبو لسة بفتش في حبيبة
خضر داير يفتتح الفرع التاني
طه سليمان عنده غنية جديدة اسمها سنتر طوكيو عايز يرتب ليها
ويعني ...وذاكها * دواليك
التاريخ بالارقام مهم عشان الناس تبني عليها الامال العراض


_
ذاكها = هكذا

ود الباوقه صباحاتك قشطه
يازول خليك من ناس المعارضه ديل
امبارح انا اتلقيت اتصال من الوالدة
قالت لى فى السودان صنعو قرقريبه توشيبا
ومفراكه سونى اتنين فى واحد مفراكه وكنش..
واخترعو صاج زى مكنة الطباعة..
تكب العجين فى الدك و الطايوق محل الحبر و
تكتب عايز كم طرقه وتضغط على الزر..
بالله فت فت تجيك الكسرة طايره...
مع مقاس تخين للقراصة..
يازول الوالده قالت فتنا اليابان زاتو
وصلنا افغانستان..
اها انتو ماشين متين؟؟؟
اخوك صدينج شنق مونج،،،





حلوة ياود الموج والله

مع التحية للأخ ود الباوقه وربنا يحقق الأمانى

ابو ختم

Quote: ود الباوقه صباحاتك قشطه يازول خليك من ناس المعارضه ديل امبارح انا اتلقيت اتصال من الوالدة قالت لى فى السودان صنعو قرقريبه توشيبا ومفراكه سونى اتنين فى واحد مفراكه وكنش.. واخترعو صاج زى مكنة الطباعة.. تكب العجين فى الدك و الطايوق محل الحبر و تكتب عايز كم طرقه وتضغط على الزر.. بالله فت فت تجيك الكسرة طايره... مع مقاس تخين للقراصة.. يازول الوالده قالت فتنا اليابان زاتو وصلنا افغانستان.. اها انتو ماشين متين؟؟؟ اخوك صدينج شنق مونج،،،

من ميتسوشبي قمر الي صيدينج مونج
بعد السلام والتحية
نبلغكم بأن السوفت وير بتاع ناسخة الكسرة ricoh بقي ضارب
دخلنا موقع أدوب قراصة لتحميل الدرايفر فكانت الرسالة مفادها أنه حسب قانون الصادر الامريكي هذه الدولة لا تتمتع بخدمات المنتج
الرجاء ارسال عدد اتنين كراكر للقراصة والكسرة وتدعم الفطيرة
لكي تزاول الناسخة عملها
من جهة أخري أبشرك أن اخانا البلولة سوزوكي نجح في زراعة الارز في نواحي منواشي وطلق ليك حاجة اسمها ويكة تماما...وسيكون من كبار تجار الرز في القريب العاجل
كما نهنئكم بإحتراف هوندا محمد صالح في فريق بورتو البرتغالي
وننتظر احتراف الآنسة نفيسة تقلية أشوشو في فريق الركبي الايطالي
وكله من نعم الإنقاذ علينا...وإن تعدوها ما تحصوها ذاتو



_
بوست موفق جد

Quote: فسحنا المجال لغيرنا لحكم البلاد ..

ساى كده من غير لحسة كوع??


ودـالباوقه
ياخى بعيدا عن المكاوا حقتك دى كل سنه وانت طيب
بمناسبة السنه الهجريه ما الميلاديه ما تتعقد..تحياتى

ساعود لمداخلاتكم ريثما اقضي مشاغلي

Quote: من ميتسوشبي قمر الي صيدينج مونج بعد السلام والتحية نبلغكم بأن السوفت وير بتاع ناسخة الكسرة ricoh بقي ضارب دخلنا موقع أدوب قراصة لتحميل الدرايفر فكانت الرسالة مفادها أنه حسب قانون الصادر الامريكي هذه الدولة لا تتمتع بخدمات المنتج الرجاء ارسال عدد اتنين كراكر للقراصة والكسرة وتدعم الفطيرة لكي تزاول الناسخة عملها من جهة أخري أبشرك أن اخانا البلولة سوزوكي نجح في زراعة الارز في نواحي منواشي وطلق ليك حاجة اسمها ويكة تماما...وسيكون من كبار تجار الرز في القريب العاجل كما نهنئكم بإحتراف هوندا محمد صالح في فريق بورتو البرتغالي وننتظر احتراف الآنسة نفيسة تقلية أشوشو في فريق الركبي الايطالي وكله من نعم الإنقاذ علينا...وإن تعدوها ما تحصوها ذاتو

من صدينج شنق مونج الى ميتسوبيشى قمر

بهذا نفيدكم ان عدم معرفتكم باستخدام الجهاز كانت هى السبب
فى العطل الذى لحق بالسوفت وير بتاع الكسرة ..
الرجاء مراجعة الكتلوج اولا يجب الاغتسال ثم ادخال السى دى
باليد اليمنى...
الهارديسك يجب ان يوصل بكهرباء سد شيخنا اسامه عبد
الله فهى مباركه ويحظر استخدام الجنريتر المستورد من دول الاستكبار
مواصفات قراصه الشاقية محمله فى الدى...اما قراصة المحس والدناقله
فهى فى السى...
بشر الاخوان ان هيتاشى انغاز تعكف على دراسه لتطوير المعراكه..
كما تم اختراع طريقة جديدة لعمل سندوتشات ام رقيقه تيك اوى..
بخصوص جهاز السبروق ميكر فهو فى المراحل التجريبية..
تصلك عينه من الرز المصنوع خصيصا فى مزارع محاريت الليزر
فى شكل كبسولات،ننتظر الافادة عن الطعم..
عاشت الانقاذ اللهم لاتحرمنا خيراتهم ولا تفقع مرارتنا بالمعارضة..
صدينق شنق مونج

أخي ود الباوقة سلامات...

أولا ألم تقرأ قوله تعالى:

إِن يَمْسَسْكُمْ قَرْحٌ فَقَدْ مَسَّ الْقَوْمَ قَرْحٌ مِّثْلُهُ ۚ وَتِلْكَ الْأَيَّامُ نُدَاوِلُهَا بَيْنَ النَّاسِ وَلِيَعْلَمَ اللَّـهُ الَّذِينَ آمَنُوا وَيَتَّخِذَ مِنكُمْ شُهَدَاءَ ۗ وَاللَّـهُ لَا يُحِبُّ الظَّالِمِينَ ﴿١٤٠﴾

أها يا ود الباوقة كلامك ده عكس الناموسالإلهي الفوق ده..

ثم ثانيا يا أخي الكريم...

السودان في المرتبة ال 66 من حيث الناتج القومي وده حسب قائمة صندوق النقد الدولي وقائمة البنك الدولي

واليابان تحتل المركز الثالث

باقيلك يا ود الباوقة السودان يرمي وراه 62 دولة من كبار الدول ومتوسطيها..

أكان جاوبت على السؤال الأخير ما بتقدر تخالف كلام الله البيأكد عكس كلامك

تحياتي يا ود الباوقة

ميتسوشبي لو سمحت يا صدينج وليس ميتسوبيشى ابو غمارتين
المسألة بتفرق

نبلغكم أن كهرباء السيد أسامة مبروكة مبروكة
وطالما الموضوع ذو صلة بالكهرباء نبلغك اننا سنكون علي اتم الدفء والصحة
بالنسبة للمجانين (جنينترات) المستوردين اهنئك يا مونج فقد (مزعنا) تلكم الفواتير
بلطي مجنون من سد مروي بس
كما ننوه لحوجتنا الي عدد 1فول (cooker) واحد اسبلت يونت للضيوف في الصالون والتاني ما اسبلت يونت للعدس برضو في الصالون.
بالنسبة للسندوتشات التيك أوي ابشرك البت الصغيرة بقت تعمل ليها داون لوود من موقع المسئولية الاجتماعية لتوشيبا...فلا حوجة لنا بها الآن

السيد ميتسوشبى شلانج بونج كانج شنق ورحمة الله وبركاته
بخصوص الفول ميكر عندنا اجهزة سوف نبعت ليكم منها واحد
وتصلح للصالون والضيوف اما بخصوص العدس لانه عدس السودان كله
حجار فعندنا اجهزة بتعمل على الكتاحه يعنى تاكل مما تصنع او
تصنع مما تاكل ما فرقت..
يستعد رواد الفضاء السودانين فى قاعدة (كيب الجداد) لاطلاق
كبسولة فضاء انقاذنجر لتتجه نحو الشمس،القمر حردناهـ للامريكان
وعشان نوريهم التحدى والجدير بالذكر المركبة مصنوعه من الفخار
غير القابل للذوبان من انتاج مصانع جياد..
تقول لى اليابان ياود الباوقه..
متين بتمشوا،،،

ود الباوقة لا داعي للمكابرة فقد فشلت الانقاذ وفشلت كل الاحزاب السودانية في المحافظة على وحدة البلاد وإذا سرنا على هذا النهج فالله المستعان فعد الى رشدك يا أخي فالبلاد على حافة الخطر نسأل الله في هذه الجمعة المباركة ان يسخر لنا مخرجا اخر من هذه الورطة وحتى إن كان إنقلابا فلا نمانع

ود الباوقة لا داعي للمكابرة فقد فشلت الانقاذ وفشلت كل الاحزاب السودانية في المحافظة على وحدة البلاد وإذا سرنا على هذا النهج فالله المستعان فعد الى رشدك يا أخي فالبلاد على حافة الخطر نسأل الله في هذه الجمعة المباركة ان يسخر لنا مخرجا اخر من هذه الورطة وحتى إن كان إنقلابا فلا نمانع

Quote: وهلموجرا دي بالذات تاني مافي تشموها قدحة

دى كلمة الصادق المهدى المفضله


مع احترامى للانصار

ياجماعة زول يصحى لينا عمو جعفر والفاتح ميرغنى


مغروووضن فيهم

و نحسب ان الجلد حايكون بدون قدو قدوالواااحد داو بواسطة جهاز الي اسمو"gado gado auto whipper" .
المخالفات مبر مجة بس تدخل على الجهاز وشكلو زي بتاع الرنين المغنطيسي ويبرمجو ليك جلداتك.
بالنسبة للمغتربين الذين يرتكبون جرائم"شبه حدودية" يمكن فتح مقار في قنصلياتنا للGGAW في كل سفارة
وتستلم ايصالك وتشتت.

شكرا الاخ نصر الدين محمد شريف سبقتني بقولك:

Quote: كان سيكون مقبولا ان قلت لن نترك حكم السودان حتى يصير كاليابان فى مساحته الكلية

و بذا يصبح عنوان هذا البوست
لن نترك حكم السودان الا عندما يصير كاليابان في مساحته ...

صديق الموج وقمر بوبا ومحمد الشيخ
ياخي حرااام عليكم عديل كده
فقعتو مخيخنا الايسر بالضحك وليييييه كده ياااخ
كيكي سوزوكي تايوتا

يا زول كلامك ده عايز ليه 2000 سنة ضوئية



كاليابان عديل كده .... انت مفتكر اليابان دي لبنان وله شنو ؟

يا كيكي شكلك ما سمعت قول الشاعر امنجي بن مناضل الأسفيري لسودان ما بعد اليابان:

انت كالصين في قهر الشعوب......... وكاليابان في مساحة الأرض

بى الشريعة السلفية؟ ومنو القال نحن عايزين نبقى زى اليابان؟

الأخ العزيز ود الباوقة

تحياتي




العملاق العلى الشمال دا الشعب ... بعد أن نفذ صبره

.

Quote: صديق الموج وقمر بوبا ومحمد الشيخ ياخي حرااام عليكم عديل كده فقعتو مخيخنا الايسر بالضحك وليييييه كده ياااخ كيكي سوزوكي تايوتا

كيكى يا معارضة انتو سب تخلفنا..
ابشرك ود الزاكى اتحولت لى نجازاكى وطوكر اضحت تضاهى طوكيو
وكل ذلك بفضل سياسة حكومتنا الرشيدة..
اقعدو قرقو علينا كده والايام دى سانيو ام ضريوة تطرح اكتشافها العجيب
للرعاة..
لاداعى لوجود الخلال ولا الصرار للعتان والسخيلات بعد اليوم..
سانيو اطلقت منتجها الجديد جهاز يربط حول عنق العتود
فيضــلل العتود بحيث لا يتبين شطر امه حتى لوكانت بجانبه..
يازول ماشين تمام بس الله يبعد عن الانقاذ ناس كيكى ديل والعوارض والفهم،،،

صناعات ثقيلة

واخرى تحويلية

ومترو انفاق


وراتب عامل النظافة يعادل 5 الف دولار

غير البدلات
--------------------------------------------
أين قامت النهضة الزراعية 2006 -2011 ؟
كم حجم المال المخصص لها ؟
كم مصنع تم حرقه بنار جياد ؟
كم مصنع تم تشيده من الكيزان ؟
الشفيع

Quote: وراتب عامل النظافة يعادل 5 الف دولار

باوقة
فى اليابان العيشة أغلى من السودان..!!!
الموزة الواحدة.....بى أكثر من دولار أمريكى!!!!!

______________________________

هسى بس لو جونا ناس خليل.....نودى وشنا وين؟؟؟؟

Quote: فى اليابان العيشة أغلى من السودان..!!! الموزة الواحدة.....بى أكثر من دولار أمريكى!!!!! ______________________________ هسى بس لو جونا ناس خليل.....نودى وشنا وين؟؟؟؟

ناس خليل نجيب ليهم

قدوقدو

Quote: شوف يا ود الباوقة انا بحذرك و بقول ليك كلام واضح انا اسمى قريمان و اى اسم غير كده تطلقو تتحمل مسئولية كلامك .

اسف اخي قريمان

سلام يا قريبى
اها والحاجات ديك فى اليابان
البااااااااادرة برضو بتكون
عندكم فى دولة سوزوكى الجديدة
المفترضة دى
وقدوقدو بيشتغل بالريموت

انت عارف زولك ده لو كسح
لاهاى بيفكر كويس و بعد 25
سنة بيمرق ... تفتيحة اكتر


كل سنة وانت طيب

قمر بوبا
新年のベストの願い

نييييييييهاو

Quote: 新年のベストの願い

جابت ليها ( طلاسم ) كمان

نسال الله العافية

私は、日本人すべての人々が日本人になる

شكرا جزيلا يا ود الباوقة

Quote: Quote: شوف يا ود الباوقة انا بحذرك و بقول ليك كلام واضح انا اسمى قريمان و اى اسم غير كده تطلقو تتحمل مسئولية كلامك . اسف اخي قريمان

سارة سان

日本語で達成

سيف....
نيييييهاو الله ورسوله
بس أظن انك محتاج تاخد ليك دروس تقوية في الياباني...
والا... الجماعة ديل حيطولوا بسببك ...
تقدر تتحمل المسئولية دي؟



___________
يعني شنو المحرز في اليابانية؟
دي على حسب رواية قوقل ... ولا اخطأ من قوقلا

هيييييع
私はライオン午前


__________
لغير الناطقين بها: هيييييييع انا الاسد النتر
مع ملاحظة ان هيييييع بالسوداني تشترك في النطق مع هيييييع بالياباني
الاتنين صناعة اصلية

Quote: 私はライオン午前

ود الباوقه شنو ما اتطورنا ياخى عافص لينا صفحه كامله ماتعبرنا ياخى
اها شوف سارة على وسيف النصر ديل من شدة ما الانقاذ بقتهم يابانيين انحرفو عديل
بكرة يقولو بنعبد بوذا..
وابشرك حبوبه السارة بت ابو ضلف وجدى على ود الجار عودو
شوهدو بالبكينى فى زقلونا بيتش وهم بياكلو فى ام رقيقه بالعصايتين
اها نبقى يابانين اكتر من كده كيف؟؟
خلى ناس الانقاذ ديل يختونا خلاص
قلنا الروووووووب باليابانى،،،

Quote: ود الباوقه شنو ما اتطورنا ياخى عافص لينا صفحه كامله ماتعبرنا ياخى

موج

جاييك طول بالك

كل عام وانت بالف خير

أين قامت النهضة الزراعية 2006 -2011 ؟
كم حجم المال المخصص لها ؟
كم مصنع تم حرقه بنار جياد ؟
كم مصنع تم تشيده من الكيزان ؟
ود الباوقة استعين بصديق للإجابة ومنتظرك والسنة يا دوب بدأت ...
الشفيع

سارة علي
最高の願い
بمناسبة العام الجديد

سلامات سارة سان

Quote: بس أظن انك محتاج تاخد ليك دروس تقوية في الياباني

بس شيخ قوقل بتاعك ده مكشكش شويه ... شوف ليك شيخ تاني



بس عجبتني هييييييييييييييييييع انا الاسد
بالمناسبة هيييييع بالياباني هياااااااااااااااااااع



شوفتي كيف اخوك متمكن

مازلت مشغولا

ربنا يهون القواسي

Quote: مازلت مشغولا

( مادا ايسوقاشي ديس )


اه يجي زول يقول لي غلط عشان اطلع (الكاتانا) بتاعي

Quote: مازلت مشغولا

عزر ( الياباني ) والتاباني يا يمه

بقينا يابانيين من زمااااااااان حتي عيونا بقت صغيرررررررررررونه وبقينا قصااااار !!

نييييييهاو للجميع

Quote: بقينا يابانيين من زمااااااااان حتي عيونا بقت صغيرررررررررررونه وبقينا قصااااار !!

مها الله يسعلنى ماعرفتك يا بت خالتى
قلت ياربى مها دى كشت والا ودوها ترزى قيفوها؟؟
بالغتى بالله انت التطور ده وصلك
اها ياود الباوقه مها دى كانت اخر زول فى السودان اتطورت وبقى يابانية..
خلى ناس الانقاذ ديل بعد ده يختونا
وحات الله بالطريقه دى مها تانى طربيزة الشاى
الا تطلع ليها بى سلم،،،

Quote: مها الله يسعلنى ماعرفتك يا بت خالتى قلت ياربى مها دى كشت والا ودوها ترزى قيفوها؟؟

إبن خالتي العزيز صديق شنق مونج
رجعت ياخوي ودا كلو من أكل السوشي والرفاهيه العايشنها
الحاجه بتقول ليك ما تنسي ترسل قروش القرقريبه لكن عاوزاها سوني ، ما توشيبا

اليابان دينهم شنو؟

أي شريعة يطبقون؟

Quote: نييييييهاو للجميع

يا مها انتي راكبه غلط ... البص ده بتاع سيرة ماشى لليابان

باص السيرة الماشي الصين جاي في الطريق

Quote: اليابان دينهم شنو؟

الشينتو الديانة الرسمية لليابان


دي من راسي ما من قوقل

هل ستجعلوننا متدينين كاليابانيين؟

هل سنقيم شرع الله مثلهم؟

هل سنقطع الأيدي مثلما يقطعون؟

وسنجلد مثلما يجلدون؟

ونصلب مثلما يصلبون؟


الله أكبر

والعزة لليابان...


الباقر

Quote: إبن خالتي العزيز صديق شنق مونج رجعت ياخوي ودا كلو من أكل السوشي والرفاهيه العايشنها الحاجه بتقول ليك ما تنسي ترسل قروش القرقريبه لكن عاوزاها سوني ، ما توشيبا

مها بت خالتى كيفك وكيف حال الخاله
القروش برسلن ليها تستاهل الخاله
لكن اليابان عملنها اسمها الين حقتكم سميتوها الجن والا ياها؟
قروش القرقريبه السونى بطرفكم قريبا لو الفروش نقصت بالله خليها
تشترى المعراكه هيتاشى ما بتفرق؟؟
اسمعى حاارسل ليك قروش بالله اشترى لى مكنة نضافة ام فتفت طالباها
(شوينا بت شانج كم) هنا ماعندنا تكون دوال فولتج(DUAL VOLTAGE)
60 سيكل ضرورى بالله ترسليها.
الله يخلى الانقاذ ماقصرت لحست مخ ود الباوقه،،،

مهاتاشى وينك يا غالية ؟؟؟ غايتو انتى واخوى
صديقنج شنق مونج يوم تكتلو ليكم زول بالضحك
كل سنة وانتو بالف اخير

اختكم/ حواتشو

Quote: مهاتاشى وينك يا غالية ؟؟؟ غايتو انتى واخوى صديقنج شنق مونج يوم تكتلو ليكم زول بالضحك كل سنة وانتو بالف اخير اختكم/ حواتشو

حواتشو العزيزه شوق كميات
ياختي بقيت YAMAHA عديييييييل ( بعد ما بقينا كاليابان ) مهاتاشي دي أخت صديق منج ود خالتي

Quote: لكن اليابان عملنها اسمها الين حقتكم سميتوها الجن والا ياها؟

ود خالتي كيفنك وكيف أمسيت
شوف يا صديق يا خوي شكلك ما متابع أخبار البورصه
1 جن سوداني يعادل 3 ين ياباني ( إنت ما متابع أسعار العملات ولا شنو ) بتبالغ دي حبوبه الورتني
السعر اليوم ( دخلت النت ) وشافت لي الأسعار من اللبتوب بتاعها ماركه ( توشيبا ) وقالت ليك
الماكنه بتاعت أم فتفت دي بقت موضه قديمه وممكن نرسل ليكم ( أم فتفت معلبه ) جاااااااهزه تفتح وتأكل طوالي !

قالوا في اليابان

لما يجلدوا البنات

بختوا لهم قفف رملة ورماد ألكيترونية!



الباقر

Quote: مهاتاشى وينك يا غالية ؟؟؟ غايتو انتى واخوى صديقنج شنق مونج يوم تكتلو ليكم زول بالضحك كل سنة وانتو بالف اخير اختكم/ حواتشو

حواتشو... شنق هنج ورحمة الله وبركاته
يازوله انت ماناقشة السودان اخر تطور قالو الناس بقو يجو
من اخر الدنيا يتفرجوا فينا.
وحاتك حكومة الانقاذ بقتنا فرجه..
بس ادوها خمسة سنه تانى وبتشوفو
كان ما فرجت فينا باقى خلق الله
بفضل السياسات الرشيدة،،،

Quote: الماكنه بتاعت أم فتفت دي بقت موضه قديمه وممكن نرسل ليكم ( أم فتفت معلبه ) جاااااااهزه تفتح وتأكل طوالي !

يامها بتبالغى.... بالله ام فتفت علبتوها؟؟
بس ماتنسى بالله (الاتى) ابعتيه باودر..
الناس هنا بتكلمو عن الدوم العملتوه كبسولات
لو سمحتى امشى الصيدليه ابعتى لى منو كورس
خلينى اورى الناس ديل نحن وصلنا وين..
سنه يا الانقاذ،،،

Quote: اسمعى حاارسل ليك قروش بالله اشترى لى مكنة نضافة ام فتفت طالباها

دي بالله يا ود الموج دايرين منها اربعة كوتينر لكمبو كديس وكمبو كتر وعمو عباس
ولوكمان في فيرشن من صفاية (المرايسة) التوشيبا العمنول رسلت لينا منها ديك عارفك ما بتقصر معانا ..
لانو الصفاية القديمة بقت تطلع مششششششك (زي الزفت)غنم الفرييييييق جتتتتت مافي وااحدة عاوزة تقرب منو وتاكلو لينا

Quote: يامها بتبالغى.... بالله ام فتفت علبتوها؟؟ بس ماتنسى بالله (الاتى) ابعتيه باودر..

بالحيل يا ودخالتي في معلبه وفي ( مكرتنه )وكمان في أم فتفت شرائح ومثلجه برضو لناس كيكي الكسلانين. أجي أجي نحنا بقينا ذي اليابان يا ود أمي
أها احكي ليك الجديد صنعوا في معمل ( طوكر البتشبه طوكيو ) رجل آلي يدعي بشيرو يتحدث كل اللغات (ذي الصنعهوه اليابانيين زمااان ) وبقي الرئيس بدل كان بقول ( ألحس كوعك ) بقي الرجل الآلي بيقولها بالفرنسيه والألمانيه واليابانيه كمان !

بالنسبه للدوم الكبسولات أمي بتقول ليك في ( كبسوله ) جديده إكتشفوها يدخلوك جواها ما بتحتاج تمشي دكتور زااااااااتو . بس عندنا هنا لكن لو مصر يعني خلاص نرسل ليك ( حقن القرض ) رهيبه شديد

بنت خالتك ( يا ماها ) اليابانيه
مها زمااااااااااان

حسب كلام محمد ود الشيخ الجلد ح يكون كدا يا الباقر أخوي

Quote: و نحسب ان الجلد حايكون بدون قدو قدوالواااحد داو بواسطة جهاز الي اسمو"gado gado auto whipper" . المخالفات مبر مجة بس تدخل على الجهاز وشكلو زي بتاع الرنين المغنطيسي ويبرمجو ليك جلداتك.

لكن اليومين ديل شوف عيني شايفه ( قدو قدو ) شايل ليهو عصايتين بتوع السوشي وهااااك يا جلد بالله في أرحم من كدا جلد !

.

المؤتمر الوطني ما زال يشوه الإسلام ويستغله لأغراض ممارسة شهوتي السلطة والثرورة.
وهو لهذا فاسد ومفسد وظالم، وما نحاربه ليس أشخاصاً بعينهم فيه بقدرما نحارب ما ينطوون
عليه من فساد وظلم.


فلنشد أيدي بعضنا البعض لمقاومة الفساد والظلم!

و لاسقاط النظام بكافة السبل و الوسائل المتاحة


http://www.sudaneseonline.com/uploadpic11/Jan/albasheeer.jpg

Quote: إبن خالتي العزيز صديق شنق مونج رجعت ياخوي ودا كلو من أكل السوشي والرفاهيه العايشنها الحاجه بتقول ليك ما تنسي ترسل قروش القرقريبه لكن عاوزاها سوني ، ما توشيبا

والله ما ضحكتُ في حياتي كما ضحكت اليوم. بارك الله فيك يا مها وبورك
في قريبك صديق شنق مونج...


بالله لا توقفوا تبادل الرسائل ومعكما كيكي..



تحياتي ود الباوقة...

في حي في اقليم بيافرا المنشق اسمو اليابان
دي بقيتونا ذيها من زمان. اقطعوا وشكم

Quote: والله ما ضحكتُ في حياتي كما ضحكت اليوم. بارك الله فيك يا مها وبورك في قريبك صديق شنق مونج...

شاعرنا الجميل زمراوي
سنه سعيده وعام ملئ بالفرح والأمنيات الطيبه ، رغم محن الوطن وهذا الزمان الأغبر الذي أتي بمثل هؤلاء ليمحوا حقنا في رسم بهجة ولو زيفا ،ونحن نصارع الحلم ببقاء الوطن موحدا، تأت أكاذيب أبواق النظام وأحلامهم ووعودهم الزائفه لتمحو الإبتسامه والحلم ويبقي صدي الصوت ينادي لك الله يا وطن ، رغم المحن !!



قريبي شنق مونج لو بطل ( الطفاسه ) وأكل ( أم فتفت ) ما بتجيهو عوجه تب.أقول ليهو سوشي يقول ( أم فتفت )
يا جماعه وييييين مستر سامسونج صاحب البوست !

Quote: قالوا في اليابان لما يجلدوا البنات بختوا لهم قفف رملة ورماد ألكيترونية! الباقر

وير ...باو.. قو.. لى . يعنى اين ود الباوقة. رد .دو شان يرد...لهجة محلية من جااااااااااابااااان...
مى هو ...يعنى يا مها.... وير في تو فى....يعنى ام فتفت..د. كى ....بالدكوة

Quote: وير ...باو.. قو.. لى . يعنى اين ود الباوقة. رد .دو شان يرد...لهجة محلية من جااااااااااابااااان... مى هو ...يعنى يا مها.... وير في تو فى....يعنى ام فتفت..د. كى ....بالدكوة

أأأي سو ( يعني أيوه ) بالدكوه يا معاويه بس الدكوه بتكون في ( صباع ) ذي الكاتشاب حسب رغبتك بإضافة الكميه والليمون والبصل powder ، خاليه من المواد المسرطنه وعلي درجة ( جوده ) عاليه ( بتقنيه تفوق اليابان زمااان وكمان ماركة ( أم تك شو سي )

برضو إنت ( طفس ) ذي ود خالتي دا ؟ ياالنبي نوح

ود الباقيرو هيروهيتو

يا صديق الموج نسيت كمان الباوقة
لقد صارت باقيرو ... PAJERO

Quote: 私は、日本人すべての人々が日本人になる

الأخت سارة بتقول ليك ... يا ود الباقيرو
لقد أصبح كل الناس يابانيين ...

Quote: 私はライオン午前

خاصة صباح

Quote: 日本語で達成

سيف اليزل قال كلام خطير هنا ما بترجم ...

Quote: 最高の願い

قمر بوبا لساره علي .... أطيب التمنيات .. بمناسبة العام الجديد

وأخيراً أقول لك يا ود الباوقة:

あなたは人鈍感アカウントに他人の気持ちを取るされていない

あなたのアカウントに他人の感情をとらない鈍感人です

الجماعة البعرفوا الياباني ما يكلموه ....


arigatoo gozaimasu
يعني شكرا بالياباني

جعلي/ فوراي - شايقي/ زغاوي ما هماني ما دام النيل أبونا والجنس ياباني
スーダンや日本人は私にはあまり意味がありませんナイルの父と日本人の国籍限り

ウェイコメントを残すも犬食べるルッコラ


تعنى.......فكوا دربنا حتى ######نا اكل تطوير......

تحسوبنه هظارا ولكن سياتيكم يوم

تتلفتون فيه يمنة ويسرى الا ان يجرفكم الطوفان

ياجماعة
الزول جاد بطلوا هزار ######رية
نشد من أزرك يا باقيرو
سير سير يا با كبير
ـــــــــــــــــــــــــ
لكن السؤال قائم
كم كانت أموال النفرة الخضراء 2006 - 2011 م
المناطق المستهدفة (حلو المستهدفة) عجبتني شديد
يالله الإجابة عشان عندنا عمالة عاطلة بالجزيرة نديهم خبر بتلك المناطق بعرفوا أي شغل حتى حاجات السيد(ح) ديك ...
الشفيع

Quote: تحسوبنه هظارا ولكن سياتيكم يوم تتلفتون فيه يمنة ويسرى الا ان يجرفكم الطوفان

يعيش بوذا يعيش بوذا يعيش يعيش يعيش

دا خالي عوض ...... من ما جات الانقاذ دي، ابتسامتو ما فارقتو
بسلم عليك يا ود الباوقة و قال ليكم خلاص شتتو ... الامور طيبة


و لو ما مصدقني اسأل ود الموج

Quote: لن نترك حكم السودان الا عندما يصير كاليابان

في كل مناحي التقدم والازدهار و التكنولوجيا

و من هسه ... التكنولوجيا دي معانا ... و ما عاوزين خرخره

Quote: لن نترك حكم السودان الا عندما يصير كاليابان ...

** ود الباوقه.
** ســلام.
## اليابان حته واحده !!!! ياخوى خلى اليابان رجعونا لى أُم ضواًبان فى 29/06/1989 ومشكورين ماقصرتو وفى ميزان حسناتكم البلد مساحتا زادت وبقت مليون وميتين وخمسين الف ميل مربع ,, والدولار بقى بتلاته وتلاتين قرش وتلاته ملاليم ,, وقانونى من أين لك هذا والثراء الحرام تم تطبيقهما ,, والمراجع العام فى آخر تقرير لاتوجد إى إختلاسات بالبلاد ,, وكل الوزراء وزوجاتهم واولادهم وأخوانهم ذمتهم برئيه من المال العام ,, والمحسوبيه غير موجوده ,, والعلاج المجانى داخل وخارج الدوله غرقتونا فى خيركم ,, والتعليم مجانى وإجبارى من الروضه وحتى الجامعه ,, والخريجيين مُمتنين للرواتب العاليه ,, والأمن مُستتب والحدود مأمنه ,, والقضااة مؤهلين ويحكمون بالعدل ,, والريس ماشاء الله فى أغانى السيره تبوتو بقت مازى زمان ..
** أها قبل ماأنسى البلد لافيها فساد ولاإفساد ..

** ما ماقصرنا معاكم إستحملانكم ربع قرن إلا تلانه سنوات ,, والمحكوم عليه بالمؤبد (25 سنه) بيطلع بتلاتة أرباع المده – فكونا تمينا تلاتة أرباع المده دى وكنا حسنى السير والسلوك ..
(ودام الود بينناباليابانى ومااليابانى )
(ابو محمد فؤاد)

ناصر لكن بالجد فتو اليابان
خالك البله ده انا خليتو مشلخ مطارق بالغتو
بالله مسحتوهن ليه بجهاز SHILOUKH REMOVER
قالو حاجه زى المراية كده الزول يمسح فيها جضمو يلقاهن مافى
ومحلهن يبقى حمرة خدود مدى الحياة،ماكنت بصدق كان ما الصورة..
قول الليزر واجرك على الله...
غايتو الليزر تعب معاكم جنس تعب شى للمحاريت وشى للجضوم..
ما الاتنين شخيت فى شخيت!!!!
اها دق الشلوفه كيف..واللا قالو يخلصو دق البنات فى الاول..
عاشت الانقاذ...
ود الباوقه معناها الانقاذ دى كان قعدت اكتر من كده ..
الزول يرجع ما يفرز امو من باسكال مشعلان..
ويامها بت خالتى ارجع القاها جوليا روبرتس..
يعنى الواحد الا يسوق معاه مطوف من هنا حتى يفرز اهله..
ماشاء الله تبارك ربى...
اها تانى سبب واحد لقعاد الانقاذ دى يوم واحد مافى،،،

Quote: وابشرك حبوبه السارة بت ابو ضلف وجدى على ود الجار عودو شوهدو بالبكينى فى زقلونا بيتش وهم بياكلو فى ام رقيقه بالعصايتين

سودان التاباني، والياباني يا ود مونشنكج.
اخوك، مكيكو ...

يا ود الموج ....
بمناسبة الطوفان القالوا ود الباوقة دة ... ما بلقي لي عندكم اسبير اصلي للفلتر بتاع مياه الأمطار؟
الجهاز العندنا دة كان بيشفط موية المطرة قبل ما تصل الارض ويفلترا مباشرة...
جزء من الموية المفلترة بيمشي الصهريج والباقي بيدخل التلاجة مباشرة...
هسه الفلتر ما شغال مشيت اجيب اسبير قالوا في شح عشان الموسم ده استخدموا كمية م الفلاتر الاوتماتيكية في مجاري الصرف الصحي
والحكومة ما قصرت لانها وزعت الجهاز بالمجان ....
نسيت اقول ليك انو اكتشفوا غلاف اصطناعي يحيط بكل منزل على حده عازل للأشعة المضرة الناتجة من قدة طبقة الأوزون ...
كان شفتا البنات ديل ألوانهم بقت فاااااااتحة بسبب الغلاف العازل دة ...
تاني لا أشعة بنفسجية ولا تحت بنفسجية.... انا لسه ما اشتريتو لانو الطلب عليه كتير
أحجز ليك منو واحد؟


الله يبارك في الحكومة

Quote: يا ود الموج .... بمناسبة الطوفان القالوا ود الباوقة دة ... ما بلقي لي عندكم اسبير اصلي للفلتر بتاع مياه الأمطار؟ الجهاز العندنا دة كان بيشفط موية المطرة قبل ما تصل الارض ويفلترا مباشرة... جزء من الموية المفلترة بيمشي الصهريج والباقي بيدخل التلاجة مباشرة...

سارة على ....شنانجق جنشجان وعافية

مشيت مصنع ام ضريوه فلترز
قالو فى بس لازم يعرفو المطر بنزل براه..
والا صلو ليه صلاة استسقاء؟.. والصلى منو فى الشيوخ؟؟
عشان بتفرق لانو عندهم تلاته انواع (كارورى رين) وواحد (عصامكو ستورم)..
وواحد لى المطر بدون..
وبعدين لى هسه عندكم صرف صحى ؟ لكن لقيتكم متخلفين بجد..
تصدقى عندناهنا صنعو كبسولات اسمها (WASTE FREE) من الفم للدم
جميع الفلافور موجوده..بنكهة ام تكشو..بنكهة التقليه..وبنكهة القيمه..
والنعيميه،وبنكهةالباميه فرك..
عاشت الانقاذ يسقط كيكى ورهطه،،،

ود الموج ركز ....
انا معاك في السودان....


استيراد داخلي وكدة

ود الموج سلامات

Quote: وابشرك حبوبه السارة بت ابو ضلف وجدى على ود الجار عودو شوهدو بالبكينى فى زقلونا بيتش وهم بياكلو فى ام رقيقه بالعصايتين اها نبقى يابانين اكتر من كده كيف؟؟ خلى ناس الانقاذ ديل يختونا خلاص قلنا الروووووووب باليابانى،،،

كلامك دا بالعربي عشان كده ما حيشتغلو بيهو

قلنا نقولو ليهم بالياباني

Quote: 穀物や吉報良いビットアブDilv Wagdy博士の隣人Audo ZgulwnaでCuhedo Balpkinyうーん、彼らByakloビーチ薄いBalasajtn AHAはIapanin Aktarはどのようにいてね 酢の人々の救助デルIxtonaの救い 日本では、と我々はAlroowoowob、

خالص الود

استهتاركم بالبوست لن يعصمكم من الطوفان

الذي سينجو منه فقط الذين يناضلون بوطنية صادقة

اما اصحاب الغرض والمرض والهمز واللمز فمصيرهم

معلوم

Quote: استهتاركم بالبوست لن يعصمكم من الطوفان الذي سينجو منه فقط الذين يناضلون بوطنية صادقة اما اصحاب الغرض والمرض والهمز واللمز فمصيرهم معلوم

ود الباوقة مافاهمين شى لو سمحت باليابانى ...
هسه سارة على وياسر بيناوى ديل يردوا عليك كيف؟

يا ود الموج شوف لي معاك مكنة توشيبا بتشلخ لاااااااورا

Quote: عشان ما تقعدوا ( تجلبغوا ) وتضيعوا وقتكم خارم بارم وقتها سنترك الحكم ونكون مطمئنين اننا قد ادينا الرسالة وحفظنا الأمانة...

حدث ولا حرج !
تقلعوا بالقوة وتعملوها أمانة!
شكراً الأخ ود الباوقة على البوست
التحفة !
كل عام أنت بالف خير ..

Quote: مها الله يسعلنى ماعرفتك يا بت خالتى قلت ياربى مها دى كشت والا ودوها ترزى قيفوها؟؟ بالغتى بالله انت التطور ده وصلك اها ياود الباوقه مها دى كانت اخر زول فى السودان اتطورت وبقى يابانية.. خلى ناس الانقاذ ديل بعد ده يختونا وحات الله بالطريقه دى مها تانى طربيزة الشاى الا تطلع ليها بى سلم،،،

شكراً الأخ العزيز صديق الموج والاخوة
والاخوات المتداخلون الكرام لقد انتزعتم
الضحكة في زمن أصبح الضحك فيه قليل!
كل عام وانتم جميعاً بالف خير ..

ديل يا ود الباوقة عرفتهم؟


الولد ده بو.لو بيق تو بن ماو يا عبدو صاى مو
البت دى نو لو بيق تو بن ماو يا عبدو صاى مو


احفاد احفاد معاوية الثانى عشر؟..شكرا

اخوى صديقنج شنق مونج شوانق شانق عليك

عليك الله يا اخوى رسل لينا انا واختى يامها مكنة للطعمية خمسة فى واحد
ولازم تكون ماركة سونى اركسون لانه هنا فى لندن قدر ما دورنا عليها
ما لقيناها ، قالو لينا ما بتتلقى الا فى سويابادان

お姉さんからのご挨拶と

حواتشو

ما بين رمشة عين وانتباهتها يبدل الله من حال الى حال

صورة نادرة لود الباوقة

الله لا حرمنا منك يا ود الباوقة

إنت وأخوك صلاح غريبة


مفروض يدوكم جائزة

البوستات الكوميدية

مشترك


الباقر

إعلان حالة الطوارئ ( الرد المطلوب من الحكومة)

Quote: ما بين رمشة عين وانتباهتها يبدل الله من حال الى حال

وصدق ود الباوقة

الصوره اعلاه لحفيد ود الموج الثانى عشر

Quote: ياجماعة زول يصحى لينا عمو جعفر والفاتح ميرغنى

يعني انينا ما ننوم ولاشنو؟
ودالباوقة كل سنة وأنت طيب ياخ. ده بوست اوسكار لانو وضح لينا مهارات وإمكانيات في تطوير الموارد البشرية اليابانيين زاتم احتاروا فيها!
هسي شوف الناس دي في اقل من اسبوع جضمت ليك اللغة اليابانية.
وناس الخال صديق الموج وقمر بوبا ومها عبدالله وكيكي تجاوزا المرحلة دي وبدوا يناقشوا ويفاضلوا ما بين التكنلوجيا الصديقة للبيئة والسيارة الهجين( دي ما عنها علاقة بالقوات الهجين)!.
الون تو البين الخال الموج وقمر بوبا خطرة زي الون تو البين كيكي وخليل، ومها عبدالله باصات سريعة وقاتلة امام المرمى، اما سارة علي فكل ضربة ركنية بقون. وده كلوا توفيق من الله.
مع ذلك بقول ليك زي ما قال صديقنا خضر " اليابان القربية دي، وتمشوا تخلونا لمنو؟"ده تواضع منكم ساى يا اخوى.

كل سنة والجميع بالف خير

Quote: ما بين رمشة عين وانتباهتها يبدل الله من حال الى حال

ونعم بالله ولكن لا تنسى أن الله لا يغير ما بقوم حتى يغيروا ما بأنفسهم .

للشيخ عبد العزيز بن با ز
س : ما تفسيـر قـول الحق تبارك وتعـالى في سـورة الرعـد : (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ) ؟

ج : الآية الكريمة آية عظيمة تدل على أن الله تبارك وتعالى بكمال عدله وكمال حكمته لا يُغير ما بقوم من خير إلى شر ، ومن شر إلى خير ومن رخاء إلى شدة ، ومن شدة إلى رخاء حتى يغيروا ما بأنفسهم ، فإذا كانوا في صلاح واستقامة وغيروا غير الله عليهم بالعقوبات والنكبات والشدائد والجدب والقحط ، والتفرق وغير هذا من أنواع العقوبات جزاء وفاقا قال سبحانه : (وَمَا رَبُّكَ بِظَلامٍ لِلْعَبِيدِ)

الله سبحانه لا يمكن أن يغير حالنا ونحن جلوس في ضل الحيطان ، الله لا يغير حال القوم إن كان هناك لا حد للشبع حتى التخمة وجوع كافر يمزق إحشاء بعض القوم .

خذ مثلاً العطش في شرق السودان أخرج من أروما وتوجه شرقاً حياة بائسة وعطش يجعلك تلهث وراء السراب .

خذ مثلا موسم الخريف ومدن العاصمة المثلثة ودعك من بقية مدننا البائسة ، كم خريف مر علينا ونعجز في تصريف مياه الأمطار .

ديل براهم عايزين ديشليون سنة .

من حقك أن تتفائل ولكن الشرط أن نتفاعل بالعمل والعمل الجاد وليست الحياة بالتمني .

وختاماً نأمل التوفيق للسودان وأهل السودان

Quote: يا ود الموج شوف لي معاك مكنة توشيبا بتشلخ لاااااااورا

** د. طارق ..
** مساءك خير..
## ياخوى إنت مفتكر ودالموج أخو الريس ولى شنو ,, الوكاله بتاعت مكنات التشليخ حصرياً عندى أنا لكل منطقة الشرق الاوسط وإفريقيا..
** أها المكنات عايزا تسليم :- FOB ولى CIF ولى CF ,, ووين الوجهه البلد ,, المغرب ,, الصحافه الرد سريع لانو الكميه محدوده وناس تشاد واقفين صفوف ..
(وكيل فوفوشانج ليمتد الحصرى)(سابقاً ابو محمد فؤاد)
(ودامت اليابان فى خدمة السودان)

مارى داتينية ود الباوقة


سايونارا

سكان اوكناوا-الباوقة سابقا- يتظاهرون ضد القاعدة العسكرية الامريكية
الموجودة على ارض جزيرتهم و يظهر الأخ ود الباوقة في نص المظاهرة.

إذاعة أم در شي مان fm تبث الآن أغنيات وطنيه ويصدح العطبراوي
أنا ( ياباني أنا أنا ياباني أنا )
الأغنيه مهداه لجميع الأهل بالداخل والخارج ( يابانيي المنبر العام ) خصوصا والأعزاء الشرفونا جدد طارق ود جبريل والأستاذه أماني العجب وساره علي وود بيناوي وسيف النصر محي الدين وكما أهدي اللحن للياباني ( الأصلي ) الفاتح ميرغني وإهداء خاص لإبن الخاله صديق ود مونج ونستمع الآن إلي أغنية ( نحن في اليابان نهوي أوطانا )

Quote: الان البتوجازات قايلة ياليل

حسب كلام ودالباوقه الفوق دا ، في كمان مايكيرويف يقول يا عين شفت كيف يا ود خالتي مونج التطور وصل بينا وين

Quote: اخوى صديقنج شنق مونج شوانق شانق عليك عليك الله يا اخوى رسل لينا انا واختى يامها مكنة للطعمية خمسة فى واحد ولازم تكون ماركة سونى اركسون لانه هنا فى لندن قدر ما دورنا عليها ما لقيناها ، قالو لينا ما بتتلقى الا فى سويابادان お姉さんからのご挨拶と حواتشو

حواتشو سلام شنق يانج هو

بالله سيبى التخلف البتعملى فيه ده
انت من زمن كان اسمها( طع مية) بعد ما الانقاذ طورتنا بقى اسمها (طع مليون)
فرق السعر فى الجن الياسودانى يا حواتشو.
يامها بالله كلمى البت دى بى عملتنا الجديده..
اليابان (ين) نحن (جن)....
قدر ما ناس ود الباوقة يطورو فينا انتو ترجعونا..
بعدين هى نوعين.
واحدة الكبكبى والباكنبودر والشمار منها وفيها.
وفى واحدة الكبكبى منكم،دايره ياتا.
علما بان الاتنين بشتغلن بالطاقه القمريه...
الطاقة الشمسيه بقت اولد فاشن..
البسوى والما بسوى بستعملها.. خليناها للامريكان المتخلفين ديل..

حواتشو الوصية فى الذمة امك قالت ليك:
ضرورى فى لندن تطلبى من شركة الاتصالات عندكم توصيل خدمة (الكانون اكس)
ده الفاكس طورتو (شركةالباوقه ادفانس تكينكل ).
يختو ليك الفسيخ واللا الفول فى (الكانون اكس) فى السودان
وبضغطة زر بس تستلميه حار فى لندن..
تقولى لى نمور اسيا سنه يالانقاذ،،،

Quote: حواتشو الوصية فى الذمة امك قالت ليك: ضرورى فى لندن تطلبى من شركة الاتصالات عندكم توصيل خدمة (الكانون اكس) ده الفاكس طورتو (شركةالباوقه ادفانس تكينكل ). يختو ليك الفسيخ واللا الفول فى (الكانون اكس) فى السودان وبضغطة زر بس تستلميه حار فى لندن.. تقولى لى نمور اسيا سنه يالانقاذ،،،

الحمد لله بالله سودانا بعد ما ناس باوقاكو قيفو وكشكشو
بقى فيه حاجات جميلة خلاص
المهم يا اخوى صديقنج شنق حكايه الفسيخ دى مهمة شديد لانو عندى
جاره لى بتتوحم على فسيخ سودابانى والولد حلف ما يتولد الا بعد
يضوقو ليه ، كمان عليك الله ما تنسى تقول للحاجة ترسل لقيمات محشى فستق ولوز
ومعاه سندوتشات الام رقيقة >ى الرسلوها ليكم ديل وبالعدم خلى ترسل لينا ام رقيقة المعبئ
فى قزاز واهم حاجة كبسولات الدوم وايسكريم اللالوب ، على فكرة انا خلاص
عملت اشتراك مع ناس الاتصالات وجابو لى جهاز الاستقبال

お姉さんからのご挨拶と

ود الباوقة الظريف وضيوفو الظرفا..
عام سعيد على الجميع..
مليتونا ضحك وسط جونا المتلج دا.

Quote: gado auto whipper"

اعلنت وكالة ( كافورناسكياهو ) للفضاء بمقرها ( بهوشي بانقاّمون ) على لسان امبرطورها (بشه شاو شنق ) أنهم بصدد اطلاق مكوك الفضاء ( بشاو 2 ) لتثبيت مسار القمر (قدوهوشي) لضبط وتصحيح زوايا جهاز الـ gado auto whipper" ذلك بغرض اجادة (دَقًةـ بالفتحه بالله) واصابة الهدف في مقتل.
هذا وقد أكد المهندس المقيم ( شيخو شاوشينج ) اكتمال كافة الاستعدادات لذلك.
المصدر/ اسش باوقز برس..
غايتو يا ود الباوقة الجاتك في بوستيك سامحتك.

حواتشو شينق بنق كع

شايفك ماخدا راحتك خالص في البوست

عموما بالهناء والشفاء

دعوني اخرمج مع المخرمجين بعد ان فقد البوست بوصلته

Quote: حسب كلام ودالباوقه الفوق دا ، في كمان مايكيرويف يقول يا عين شفت كيف يا ود خالتي مونج التطور وصل بينا وين

مها ياماها ناو نيو

صباح الخير

أخونا ود الباوقـة،
سلام وكل عام وانت بخير..

حسب الظاهر ستتركوا الحكم عندما يصيـر السودان مثل اليباب.




.

Quote: حسب الظاهر ستتركوا الحكم عندما يصيـر السودان مثل اليباب.

ابو الريش بولتين ضارب شنق كخ

صدموشنق،
الوصية بالمهلة.
عليك الله كلم لينا قريبتك يامها الفي سودا########، ترسل لينا
قزقازات تسالي، واهمّ حاجة يكونن هيتاشي عشان الماركة
دي هنا مرغوبة شديد.
كمان ما تنسى عليك الله جهازين بتاعات كشف الدهب عشان
هنا جبال الروكي فتحت. عليك الله يا صدموشنق اعمل
معروف انا باقي عليك.
اخوك/ مكيكو...

Quote: دعوني اخرمج مع المخرمجين بعد ان فقد البوست بوصلته

ود الباوقه بالله بطل الحقارة ما تتعامل معانا بالجمله
رد لينا واحد واحد..
بعدين شنو يعنى نحن خرماجين؟؟
على قول ناذر انت نبذ ساكت ما تسىء ياخى...
عاد بركة شيخنا شوانج لى كيم
الانقاذ تتبارك وتتقدم...
عن اذنك اشوف طلبات الزبائن ديل،،،

المظاهرات تاني بالربورتاج

حظكم

Quote: المظاهرات تاني بالربورتاج

مظاهرات شنو يا باوقة هاوازاكي .. عليك الله

ياخي نحن كفار ؟؟؟
معقولة النعمة العايشين فيها دي كللللها و تقول لي مظاهرات ؟؟؟





بعدين طارق جبريل ماساكي دا دايما حارجنا ياخي

شلوخ شنو اللي ورا ؟؟؟؟؟ اي حاجة حا تمشي لي قدام يا مان

الظاهر معيشتو في المغرب دي سبب تخلفوا

Quote: مظاهرات شنو يا باوقة هاوازاكي .. عليك الله

مظاهرات قايلا في شنو

مثلا تطلع مجموعة الشارع بدعوى ان البيتزا هوت الليلة

ملحا زايد

شكرا اخي ناصر

مظاهرات في ام ضريوة

لتاخير مترو الانفاق نص دقيقة

واستقالة المعتمد من منصبه احتجاجا على التاخير

الموج شنج تنج .. ياخي نحن شدة ما اتقدمنا

البطيخ زاتو جيهناهو.

هبوط القصواء في مطار شلعوها الخوالدة الدولي

افتتاح المفاعل النووي بالصلوعاب غدا

وفي رواية آخرى
أن فتوار ستصبح اوساكا

لدى قسم شرطة ....... يوجد

100 جهاز موبايل

10000 دولار



وجدت على قارعة الطريق على اصحابها التكرم لاستلامها

Quote: مها ياماها ناو نيو صباح الخير

أيوه يا ود الباوقه خليك كدا ياخي ورد علي الناس بدل ( ماكينة سامسونج تجاهل ) المركبها لينا دي
قول خلاص أنا كنت ( بخرمج ) سااااااي في كلام البوست دا ولا في يابان وهي في سودان أصلا ، وإلا !!!

لن نترك الكتابه في البوست إلا عندما تقول الروب

كاشفك أنا يا ود الباوقة

إنت زول فكاهة ساي


كان عندنا واحد في الحلة حالجة معاهو شوية

مرة جا شايل ليهو قفة في ضهرو ويكورك

أيوة السمك

أيوة السمك

ناداه واحد قال ليهو : يا فلان .. صحي عندك سمك

رد ليهو: سمك شنو يا معلم

فسألة الرجل: طيب القفة دي لي شنو؟

فرد: دي للفكاهة ساكت ...

Quote: فرد: دي للفكاهة ساكت

دمك خفيف

افتح ليك محل كوارع ( دليفري هوم )

هيييييييع

قولو واحد

الجيش السوداني يحتفل بإطلاق أول طائرة سودانية بدون طيار

واحد تاني برضو بي نفس الطريقة بحب يشاغل أصحابو

أصحابو كانوا مراضى بتاعين سينما

وبالذات أفلام كاوبوي الكلها رصاص


لما يدخلوا والرصاص يدور

الجماعة يقومو ويقعدوا مع البطل


صاحبنا هنا يبتدي يشجع الخائن

والجماعة يحمروا ليهو بي عين

ويرجعوا مع الضرب المدور يقوموا ويقعدوا


صاحبنا من ما الفلم يقرب ينتهي

برااااااحة يمرق من السينما

لما البطل يقرض الخيانة

والجماعة نفسهم ينجم

يتلفتوا على صاحبهم

ما يلقوا ليهو أثر

عمدة نيويورك وعمدة لندن
يطلبون حق اللجوء من عمدة
با قيرو مستر باو .قاو ...والعمدة
يفكر....................................

Quote: دمك خفيف افتح ليك محل كوارع ( دليفري هوم )

ود الباوقه انعل ابو اليابانى زاتو..
خرب عليك لغتك ياخى..
هوم ديلفرى.. ما دليفرى هوم...
والا اتطورتو بقيتو تجيبو البيت لى عند سيدو؟؟

Quote: ياختي بقيت YAMAHA عديييييييل ( بعد ما بقينا كاليابان ) مهاتاشي دي

笑い 笑い 笑い

笑い 笑い 笑い

صدق ياصديق شينج مونج

فعلا كلامك طلع صحي وعملتنا بعد الانفصال حتبقي الجن قول لي ليه
قلت لييييييييييييييييييييه

لانو الجنوبين لما بنفصل حيشليو تلت الخريطة وتلت السكان وتلت العملة
وبما انو عملتنا الجنيه هم حيشيلو ال يه ويخلو لينا الجن



خالص الود

Quote: لن نترك الكتابه في البوست إلا عندما تقول الروب

يامها احيييييييييييييييييييى منك لى متين حا تكونى كده؟؟ ما بتتطورى اصلك..
ناس اليابان بقولو الزباااااااااااااادى..
لانو البقر الانقاذ طورتو ما زى بقرة حبوبتك الزمان..
اللبن يحلبو وينتظروه يخمر ويجو يهزو وشنو والتخلف حقكم ده..
هسه بقر الانقاذ مصنف دايره بقره تحلب زبادى ساده فى ، تحلب زبادى بنكهات فى،
تحلب زبادى بى سكر فى، تحلب زبادى بارد فى، زبادى حار فى....
دايره بقرة تحلب قشطه برضو فى دايره حقت السمن فى..
هسه ناس علم السلالات فى معهد قوز كبرو بطورو فى بقر الجبنه بختنا!!!
ود الباوقه شوف لينا الانقاذ ماشه متين؟؟

Quote: دايره بقرة تحلب قشطه برضو فى دايره حقت السمن فى.. هسه ناس علم السلالات فى معهد قوز كبرو بطورو فى بقر الجبنه بختنا!!!

دي دحين مو شركة ( خبوب وربوب أخوان ) لمنتجات الألبان ، أها سمعت بيها يا مونج

Quote: يا مها ما بلقالي مُلقاط أليل شعر سانيو يرقق الحواجبين من غير معط

طارق ود جبريل كيفنك
موجود بالحيل يا ابوي من زمااااان ، بيركبوا لي ( زعانف ) في نص راسك ( ذي بتاعات ألانا فتاة الغد ) ، بتعمل ذبذبات لمركز الإحساس في الدماغ وما بتشعر بأي ألم لأنه الجهاز هو البيقول ( أأأأأأخ )
هو جنس تطور لكن !!

Quote: 笑い 笑い 笑い 笑い 笑い 笑い

أضحك كويس يا مبارك ياخوي أضحك ، يعني ما مصدق بقيت يا ما ها
ياخي أمي تنادي ( يا ما ها )
وأخواتي والجيران من الصباح ( يا ما ها يا ما ها ) وأنا كنت زيك كدا ما عارفه إني ( يابانيه) إلا بعد كلام باوقه دا

YAMAHA

マハ マハ マハ


تانى اكتبى اسمك كده ياليابانى

يعنى الجواز الجديد بيكون فيه لغه يابانيه

Quote: هيييييييع

الرجاء من زميل المنبر ود الباوقه الإلتزام بلغة الحوار وهي ( اليابانيه )
هيييييييييع يالياباني ( هيااااااااااع شونق ) ، بعض القراء لا يستطيعوا قراءة ( رطانة الإنقاذ )
يرجي حضور المترجمين

Quote: ** أها المكنات عايزا تسليم :- FOB ولى CIF ولى CF ,, ووين الوجهه البلد ,, المغرب ,, الصحافه الرد سريع لانو الكميه محدوده وناس تشاد واقفين صفوف ..

ابو محمد فؤاد كيفنك
الخرابات رسلن علي عنواني في مروي طوالي
بس تفوت السد بي شوية حا تلقى ناطحة سحاب الزهرة بت ود كنيش
هناك ختهن عندها



يا مها ما بلقالي مُلقاط أليل شعر سانيو يرقق الحواجبين من غير معط

بقايا اليسار المتسربلة اتت من كل حدب وصوب

بقيادة الماركسي المترهل ود الصايم

لكني لهم بالمرصاد

Quote: لن نترك حكم السودان الا عندما يصير كاليابان ...

الأصح أن تقول: لن نترك حكم السودان إلا عندما يصير طاليابان!!!!!

ولكن هيهات ........ بيد أنكم قد دخلتم المخينق!!!

Quote: بقايا اليسار المتسربلة اتت من كل حدب وصوب بقيادة الماركسي المترهل ود الصايم لكني لهم بالمرصاد

والله يا ود الباوقة مصيبتك يلاقوا فيها

ممكن اعمل ليك واسطة عند محمد ابو العزائم

يحولو لبوست اليلع

Quote: لن نترك الكتابه في البوست إلا عندما تقول الروب

شايف لغة الجماعة بدات في التغيير

عموما الفي القدر بيجبو المغراف

مثل كتلوني

ام الثورة الباقوية................

دي يا ود الباوقة يا ما ها بعد التعديل (بت خالة صدي يق مو نج)

كتر خيرك يا مرشد الثورة الصناعية

Quote: ود الباوقه انعل ابو اليابانى زاتو.. خرب عليك لغتك ياخى.. هوم ديلفرى.. ما دليفرى هوم... والا اتطورتو بقيتو تجيبو البيت لى عند سيدو؟؟

صديق الموج


ينعل شيطانك

دى بى كم كرت

لو مصارينى دى جاتها حاجه تجيب لى مصارين من اليابان

دليفرى هوم زى ماقال ودالباوقه

ود الباوقة
أعفص هنا وأرجو التعليق
فساد ...تزوير و اختلاس بالبنك ـالزراعى السودانى( توجد وثيقة)
أها كيفن ما (نصير) يابان ؟
هاك اليابان دي - بلد من بنكها المركزي لبنكها اللا مركزي تبيح الرشى والاختلاس علنا وبدون حرج ...
الشفيع

ياود الباوقة دى...حواتشوا.....
بارك الله فيك ياود الباوقة ثورتك عدلت لينا البنات ديل

ياود الباوقة دى...حواتشوا.....
بارك الله فيك ياود الباوقة ثورتك عدلت لينا البنات ديل

صديق الموج

دى عربات ودالباوقه للدلفرى هوم 配信

Quote: يعني من هس احسب 5 خطط ربع قرنية دي كم سنة

كامكازى بالكمونية... خطير يا ود الباوقة

لمحدودي الدخل..وبأسعار مناسبة منتجات حوشنق بانقاشين اجهزة なめなめ肘
للحس الكوع ... الكمية محدودة.. سارع بشراء نسختك..

Quote: افتتاح المفاعل النووي بالصلوعاب غدا

هسه عليك الله يا باوقه لو ناس وكالة الطاقه الذريه صدقوا كلامك دا وجوا شبكوا ليك ناسك طاقه سلميه ولا ما سلميه ، ما جبت للإنقاذ ( الغتاس ) زااااااااتو ، البوست دا من ما بدأ كلو ثورة تقنيه وإختراعات علميه متطوره

***آخر أخبار البورصه وسوق الأوراق الماليه

تراجع أسهم بورصة طوكيو مقابل بورصة ( تمبول ) وهبوط حاد للين الياباني مقابل ( الجن ) السودا ياباني

***إنتباه وتحذير
الطايره من غير طيار الفكاها ود الباوقه دي ما ( تخبت ) ليها زول ، إضغط زر alt + shift لتجنبها ( في كومبيوترات بورداب الداخل بس ) تقنيه قااااااااادر الله !

Quote: بقايا اليسار المتسربلة اتت من كل حدب وصوب بقيادة الماركسي المترهل ود الصايم لكني لهم بالمرصاد

ود الباوقه اتكلم كويس لاعندنا زول متسربل لا متسرول..
الشعب كلو لابس كيمونو حرير فاخر
من خشم دودة الخز للكمبيوتر للجسم مباشرة
وسمع اضانى قالو اللبسه بتطلع معطرة بعطرك المفضل كمان
بس تدى الكمبيوتر اسم عطرك البتستعمله وتطبز الزر
الله يخلى الانقاذ شغلها كلو طبيز

Quote: حواتشو شينق بنق كع شايفك ماخدا راحتك خالص في البوست عموما بالهناء والشفاء

ودبوقشونج
平和があなたにする
مالى يا ود امى ما باخد راحتى بعد العز والوفرتو لينا دا؟؟؟
يا يابا الفسيخ بقى يجينا هوم دليفرى والكسرة والقراصة بتترسل لينا
ذى الفاكس ، امى تكب العجين فى السودابان وانا استلم الكسرة
ذى العجب فى بريطانيا المتخلفة دى ومرات بتجينى كسرة بنكهة ملاح الخضرة او ام رقيقة
او البامية المفروكة او كل ما يخطر على بالك .
اها بعد دا ما اتجدع واخد راحتى كيف ؟؟

挨拶して

فريق المرابيع ود اللبيح يفوز بكاس العالم للاندية

معاوية الصايم


يبدو متحسرا على الايام التي قضاها ماركسيا

ولكن بعد فوات الاوان

موج في حالة اندياح بمناسبة عيد شم النسيم

ما عارفة ليه فى اللحظة اتذكرت ود الصايم

حواتشو

صباح الخير

صورة تذكارية لود الصايم

التقطت له بمنتزة ام الطيور العالمي

ودبوقشونج

朝の光

ما قلنا ليك خليك زول متحضر وخاطبنا بما نفهم

حواتشو ...شن شان كام والبركه

سواتشى اختى قالت ليك عربيتهاا سايقه خدام طباخ سواق ال######
رسلى ليها عربيتكم الفيرارى الكحليه وسواقكم الموف،،،

Quote: لمحدودي الدخل..وبأسعار مناسبة منتجات حوشنق بانقاشين اجهزة なめなめ肘 للحس الكوع ... الكمية محدودة.. سارع بشراء نسختك..

يا سلآلآلآلآلآم يا بكتاش،
الوآحد عاجز عن الشكر. يأخي إنت قدمت لي خدمة عمري
ما أنساها. بالله عليك لحاسات الكوع الأمريكية عذبتنا عذاب
قبورة. يا اخي تظبطا علي لحس الكوع تروح لآحسا ليك
جُضمك، لكن ديل في السلك...

مناضلة اسفيرية

تضع خطة لانقلاب عسكري

لماذا تحولت الإنقاذ من مشروع صيننة السودان إلى مشروع اليبننة؟
دا الصينيين حيزعلو خالص، ويقومو يفرتكو!!

.