وردي..ونانسي عجاج..أمانة ما إتلومتو

Post: #1
Title: وردي..ونانسي عجاج..أمانة ما إتلومتو
Author: سجيمان
Date: 12-30-2010, 09:18 AM
Parent: #0

لابسين بناطلين كولدرايت... جداد من الورقة... وقمصان كاروهات من الورقة برضو.. ونعلات برضهن جداد من الورقة....وحاشين القمصان ومشنطين... وسرحنا شعرنا.. ومرقنا... معاي ود اعمي... كان النضم دا في القاهرة زمن طول.... قلنا الليلة نسهر.... في القاهرة دي ونصوطا فوق تحت....نصوطها صواطة جوهرة الصقلي ما صاطها ليها... ومرقنا... ومشينا شارع الهرم.. ودخلنا كازينو دفعنا القريشات عشرة جنية رسوم دخول قلنا انشاء الله ما اتلمت....مشينا قعدنا قداااااام... جنب الخشبة.... الرقاصة كانت تتهوزز... وقعدنا وكل واحد فينا فاتح خشمو مترين من الدهشة والفرحة... ونية الصواطة الناوي عليها....جانا الجرسون ( الباهوات ياخدو ايه؟)... قلنا لو( جيب لنا قزازتين بيستي كولا صاقطاااااات).... تتعشو ايه؟....قلنا ليهو عشا ما دايرين والله حدها الحلق... قال لنا لا ابدا اي زول يجي هنا لازم يتعشا.... اتلفلت علي ود اعمي وقلت لو الزول دا وقت حلف علينا نتعشى ما نكسر خاترو.... جيب لنا اي حاجة على مزاجك.... الراجل ما صدق يجري وكل مرة يجيب صينية مليانة صُحانة ويردمها قدامنا..... اتلفت علي ود اعمي وقال لي(والله يا جنا اظننا وقعنا فوق بكان اهلو كريمين..كرم شديد خلاس).... يا مومن يا مصدق اكلنا لمن شبعنا... وقلنا كدي مشينا غسلنا ايدينا ..وجينا راجعين ... وقعدنا الجرسون جاب الفاتورة..كانت مائة وتمنطاشر جنية.... ونحن العندنا كلو دايرين نتفسح بو في مصر ايامنا كلها متين جنية...... قال دا حسابكم.... قلنا ليهو نحن دافعين عشرة جنية ساعتنا الدخلنا ..والله وماك طالبنا حليفة قايلين العشا دا فنجرة منكم ساكت... المهم بعد حجة وبعد جونا اربعة تنفار الواحد فيهم قدر هرم خوفو دفعنا القريشات..... وصبحت علينا الواطا وقعدنا نفكر في الرجعة علي السودان وطرنا من الفسحة في القاهرة طيرة حلوف من الجروف.......

راس السنة جا.. الايام دي اعلانات عن الحفلات... حفلات الفنانين ومعاها عشاء فاخر....كل زول داير يغني يجيب عشاهو معاهو يبيعو للناس ويقعد يغني...وفاخر دي ما بعرفها كيفنو ح يكون.... لكن لي حسي قدر ما اكلت عشا فاخر.... ما مرقت من كريع جدادة وبيضة مكوعة فوقها زيتوناية...ورغيفة قدر الزلابية...المهم دا نضم ما بيبقى ولوم كبير... يا تعشو الناس علي حسابكم يا ما تجيبو طاري اللكل دا.... وخلو كل زول يتعشى عند اهلو ويجيكم متعشي.... يبقى زول غنا ورقيص وهيصة...والله انا نضر فنجّرة احمد المك وافراح ما لاقتني....مشينا الحفلة حقت العرس حقهم .. واتعشينا عشا فاخر.. ورقصنا وهيصنا.... مع ترباس وندى القلعة... وعاصم البنا....وفنانين كتااااار.....وبي سااااااااكت لا قرش لا تعريفة....ولا في زول قالنا ادفعو واللا ما تدفعو... تجو انتو يا وردي ويا نانسي تقولو عندكم حفلة في راس السنة... وتعزمو الناس وتقولو ليهم تدخلو علينا بي مائة وعشرين جنية وتخسمو منها حق الللكل؟ ... الللكل يا وردي و نانسي؟ افو....أمانة ما اتلومتو.....لكن ان بقيت اصلي داير امشي اتعشا بجي اتعشا عندكم...علا عشا انصاف مدني وحات الله ان قتلوني ما بحوم عليهو

Post: #2
Title: Re: وردي..ونانسي عجاج..أمانة ما إتلومتو
Author: سجيمان
Date: 12-30-2010, 09:40 AM
Parent: #1

زورونا...تجدو ما يسركم
وما لا يسركم
كلو فيّ
عنوان الصفحة في الفيس بوك

http://www.facebook.com/?ref=home#!/cgman2004

Post: #3
Title: Re: وردي..ونانسي عجاج..أمانة ما إتلومتو
Author: منال
Date: 12-30-2010, 09:45 AM
Parent: #1

ههههههههههههههههههههههههههه

والله ليك وحشة ياسجيمان ,,,

Post: #4
Title: Re: وردي..ونانسي عجاج..أمانة ما إتلومتو
Author: ياسر بيناوي
Date: 12-30-2010, 11:22 AM
Parent: #3

Quote: وتقولو ليهم تدخلو علينا بي مائة وعشرين جنية وتخسمو منها حق الللكل؟

اتلوموا والله ياقريبي
اكان كدي مانا معتبين عليهم تب

خالص الود

Post: #7
Title: Re: وردي..ونانسي عجاج..أمانة ما إتلومتو
Author: سجيمان
Date: 12-31-2010, 09:24 AM
Parent: #4

ياسر

تعرف صورتك الفي البروفايل دي.... بتوديني بعيييييييد.... مع( اب نص) و(اب راس )..

Post: #18
Title: Re: وردي..ونانسي عجاج..أمانة ما إتلومتو
Author: سجيمان
Date: 01-02-2011, 09:59 PM
Parent: #7

http://www.facebook.com/cgman2004

Post: #5
Title: Re: وردي..ونانسي عجاج..أمانة ما إتلومتو
Author: سجيمان
Date: 12-30-2010, 12:36 PM
Parent: #3

منال ... ازيك
وكيفنك
تعالي لي في الفيسبوك..في العنوال الفوق دا

Post: #6
Title: Re: وردي..ونانسي عجاج..أمانة ما إتلومتو
Author: عبدالفتاح أبوشيمة
Date: 12-30-2010, 05:03 PM
Parent: #5

ها الدكتور السجمان
إنت وين؟
خوّتك لستك ساي
لما تمشي للهبر براك وما تنادينا
وفي الكل يوم معانا الباقي لينا غدانا وعشانا
ما بتغشانا
-
وبعدين شنو ياخي
من ديك وعيك
ياخي بكري دا ماقاصدك
في حاجة
بس كدايسك الكتار تقّلوا ليه السيرفر
ما تمرق من هنا تاني
خصمتك بي الله
وكمان بتعزمنا للوش بوك
ما جايين ولا حاجة
أنا زعلان منك
وش زعلان
-
ياخي مشتاقين والله
موبايلك مافي
وإنت مافي
على كل عوافي
خلينا نشوفك ياخي

Post: #8
Title: Re: وردي..ونانسي عجاج..أمانة ما إتلومتو
Author: المر
Date: 12-31-2010, 02:16 PM
Parent: #6

امشو إتعشو في الحارة التاسعة. في عرس الكوارتة . وبعدين امشو علي الحفلة

Post: #9
Title: Re: وردي..ونانسي عجاج..أمانة ما إتلومتو
Author: Ali Sirelkhatim
Date: 12-31-2010, 03:27 PM
Parent: #8

يا سيجا والله ليك وحشة يارجل

كل سنة وانت طيب

Post: #10
Title: Re: وردي..ونانسي عجاج..أمانة ما إتلومتو
Author: MOHAMMED ELSHEIKH
Date: 12-31-2010, 03:44 PM
Parent: #9

قشيران

الليلة ظهرت من وين؟؟ حمد الله على سلامتك
اها عزومتك الفي "كتاب الوجه" دي فيها عشاء اسفيري ولا عشاء صفري(بضم الصاد) ولا حتى عشايا سفري؟؟؟

بعدين يا ناس الجزيرة شرنات انتو مالكم ومال راس السنة ولا قعرها؟
خليكم في كدايسكم دي و عدوها ونسة مع العوض ود مصطفى واكلولكن فطير بي لبن و كل جدادتن على بيتها.

Post: #17
Title: Re: وردي..ونانسي عجاج..أمانة ما إتلومتو
Author: سجيمان
Date: 01-02-2011, 05:24 PM
Parent: #10

محمد الشيخ

نحن اول ناس اكتشفنا الراس والقعر
راس الجزيرة وقعر الجزيرة

راس السنة شنو العفيّن؟

Post: #13
Title: Re: وردي..ونانسي عجاج..أمانة ما إتلومتو
Author: سجيمان
Date: 01-01-2011, 07:22 PM
Parent: #9

كل سنة وانت طيب يا علي
بارك الله فيك
ماتشوف وحش.... وانشاء الله ما تستوحش دنيا واخرة

Post: #39
Title: Re: وردي..ونانسي عجاج..أمانة ما إتلومتو
Author: سجيمان
Date: 01-10-2011, 08:06 AM
Parent: #9

Post: #40
Title: Re: وردي..ونانسي عجاج..أمانة ما إتلومتو
Author: سجيمان
Date: 01-10-2011, 10:15 AM
Parent: #39

Post: #11
Title: Re: وردي..ونانسي عجاج..أمانة ما إتلومتو
Author: المر
Date: 12-31-2010, 06:30 PM
Parent: #8

مع تحيات الفخامة

Post: #19
Title: Re: وردي..ونانسي عجاج..أمانة ما إتلومتو
Author: سجيمان
Date: 01-03-2011, 04:13 AM
Parent: #11

المر
ا والله عشا فاخر.... القزيزة دي ....الشي قزيزة بستي كولا؟

Post: #22
Title: Re: وردي..ونانسي عجاج..أمانة ما إتلومتو
Author: المر
Date: 01-03-2011, 11:59 AM
Parent: #19

Quote: القزيزة دي

قزيزة الهضم

Post: #25
Title: Re: وردي..ونانسي عجاج..أمانة ما إتلومتو
Author: سجيمان
Date: 01-04-2011, 12:22 PM
Parent: #22

المر
يعني قزيزة جردقة؟

Post: #26
Title: Re: وردي..ونانسي عجاج..أمانة ما إتلومتو
Author: المر
Date: 01-04-2011, 02:34 PM
Parent: #25

Quote: يعني قزيزة جردقة؟

جردقة (اسكتدلندية)
آآآآآآآآآآآآآآآآع واحدة منها تفرتق(الهمبريغر)

Post: #29
Title: Re: وردي..ونانسي عجاج..أمانة ما إتلومتو
Author: سجيمان
Date: 01-05-2011, 08:45 AM
Parent: #26

المر

عليك الله ابقى عشرة علي البوسطي دا

البكا بيحررو اسيادو

Post: #12
Title: Re: وردي..ونانسي عجاج..أمانة ما إتلومتو
Author: سجيمان
Date: 01-01-2011, 08:41 AM
Parent: #6

حبيبنا ابوشيمة
والله ليك وحشة
كل سنة وانت طيب

والشوق ردوم ردوم
زي السكسك المنضوم

Post: #14
Title: Re: وردي..ونانسي عجاج..أمانة ما إتلومتو
Author: Habib_bldo
Date: 01-01-2011, 10:02 PM
Parent: #12

دكتور سجيمان
كل سنة وانت طيب
وردي ونانسي اتلومو وبس لا عشاء لا حفلة
وكمان كم بسطونة من الليل النظام العومي
ناس حسادين ما دايرين الناس تفرح حتى بي حقها

Post: #15
Title: Re: وردي..ونانسي عجاج..أمانة ما إتلومتو
Author: محمد فرح
Date: 01-02-2011, 00:40 AM
Parent: #14

منور ياسجيمان والله

سمح الوريتنا بكانك في الفيس

ماشاء الله شايف قريب الفين نفر عاملين لايك لي صفحتك وده جمهور كبير جداً اتمنى ماتحرمهم وتحرمنا من دررك ياحنين

مؤونة عشرة أعوام من الود

Post: #16
Title: Re: وردي..ونانسي عجاج..أمانة ما إتلومتو
Author: د.نجاة محمود
Date: 01-02-2011, 03:12 AM
Parent: #15

هاي ود العم
كل سنة وانت طيب
فوفو ما كبرت عايزين نجيب ليكم الولد يقعد معاكم خلاس..

مودتي

Post: #24
Title: Re: وردي..ونانسي عجاج..أمانة ما إتلومتو
Author: سجيمان
Date: 01-03-2011, 07:04 PM
Parent: #16

الدكتورة بت أعمي نجاة

فوفو نحن حسي شهلناها ....و قطعنا لا جلابتين ونعلات..وناويين نرسلها ليكم ماليزيا
انتو اكنكون دايرين ترسلو الوليد علينا جاااااي؟؟؟؟؟؟؟؟

Post: #37
Title: Re: وردي..ونانسي عجاج..أمانة ما إتلومتو
Author: سجيمان
Date: 01-08-2011, 04:13 PM
Parent: #24

http://www.facebook.com/cgman2004

Post: #23
Title: Re: وردي..ونانسي عجاج..أمانة ما إتلومتو
Author: سجيمان
Date: 01-03-2011, 02:12 PM
Parent: #15

محمد فرح حبابك
عليك الله ارجع وعد الناس تاني ...... الفي الفيسبوك..قرييييب التلاتالاف

Post: #30
Title: Re: وردي..ونانسي عجاج..أمانة ما إتلومتو
Author: سجيمان
Date: 01-05-2011, 06:57 PM
Parent: #15

طيب
و سمح

Post: #43
Title: Re: وردي..ونانسي عجاج..أمانة ما إتلومتو
Author: سجيمان
Date: 01-10-2011, 09:49 PM
Parent: #15

http://www.facebook.com/cgman2004

Post: #21
Title: Re: وردي..ونانسي عجاج..أمانة ما إتلومتو
Author: سجيمان
Date: 01-03-2011, 10:34 AM
Parent: #14

حبيب بلدو يا حبيب

كمان غشو الناس.... البساطين دي ما مكتوبة في الدعاية
يكونو يا ربي خاتنها ليهم مفاجعة الحفل؟؟؟؟؟

Post: #27
Title: Re: وردي..ونانسي عجاج..أمانة ما إتلومتو
Author: سجيمان
Date: 01-04-2011, 06:30 PM
Parent: #6

http://www.facebook.com/cgman2004

Post: #28
Title: Re: وردي..ونانسي عجاج..أمانة ما إتلومتو
Author: سجيمان
Date: 01-04-2011, 06:32 PM
Parent: #6

http://www.facebook.com/cgman2004

Post: #57
Title: Re: وردي..ونانسي عجاج..أمانة ما إتلومتو
Author: سجيمان
Date: 01-13-2011, 11:43 AM
Parent: #3

http://www.facebook.com/cgman2004

Post: #20
Title: Re: وردي..ونانسي عجاج..أمانة ما إتلومتو
Author: عبير خيرى
Date: 01-03-2011, 04:21 AM
Parent: #1

.

سي جي

والله مشتاقين عديل كده

كل راس سنة وانت طيب.

والجاتك في نانسي سامحتك ياخ

كديسك خليتها لي منو؟

Post: #31
Title: Re: وردي..ونانسي عجاج..أمانة ما إتلومتو
Author: عبدالفتاح أبوشيمة
Date: 01-05-2011, 09:17 PM
Parent: #20

Quote: حبيبنا ابوشيمة
والله ليك وحشة
كل سنة وانت طيب

والشوق ردوم ردوم
زي السكسك المنضوم

الشوق ردوم ردوم

بختكم يا ناس الثورة والخرطوم
بقيتو تقولو شعر جغوم دغوم
أحسن برضو من زول الجلمنتوش المحروم
من ظلال وطنه المظلوم

-
خارج الخط ياخوي وش الكتاب الليلك دا غلبني أدخله
مع إني مقدم فيه من بدري اعمل لي إيميل فهمني كيفن طريقة
تعاملنا مع الوش المبروم اعمل لي إيميل فهمني المنضوم
أو كان ما قدرت رسل لي شوية مقالات على الإيميل
وعلى الله شيل من حسن عبدالله حاجاتي من الجهاز رسلها
لي كيمو كلمته قبال كدي
في حاجات كاتبها هناك ما بقد
ر أكتبها تاني وبعدين نانسي لسع
ما صالحتها مع إنه سنيناتك
قلت شبهن

لك كل الشوق والود وغالي الأمنيات

بالله ما تشرد

Post: #32
Title: Re: وردي..ونانسي عجاج..أمانة ما إتلومتو
Author: عبدالمجيد الكونت
Date: 01-06-2011, 08:16 AM
Parent: #31

سجيمان

نانسي دي بتعشوا معاها كيف زاتو

Post: #36
Title: Re: وردي..ونانسي عجاج..أمانة ما إتلومتو
Author: سجيمان
Date: 01-07-2011, 06:40 PM
Parent: #32

عبد المجيد الكونت
Quote: نانسي دي بتعشوا معاها كيف زاتو

ليه.. يا ..جنا؟..... اكالا؟.... شارفة؟
والله اليشوفها يقول نص رغيفة ما بتكملها

Post: #47
Title: Re: وردي..ونانسي عجاج..أمانة ما إتلومتو
Author: سجيمان
Date: 01-11-2011, 06:13 PM
Parent: #32

برضو
اها
طيب

Post: #77
Title: Re: وردي..ونانسي عجاج..أمانة ما إتلومتو
Author: سجيمان
Date: 01-21-2011, 04:30 PM
Parent: #32

البوسطي دا بدري عليهو

مش؟

Post: #34
Title: Re: وردي..ونانسي عجاج..أمانة ما إتلومتو
Author: سجيمان
Date: 01-07-2011, 10:17 AM
Parent: #31

ابوشيمة

انشاء الله ربنا يرجعك لينا بالسلامة
ويحفظك ويغتيك من كل بلاء يا رب

Post: #42
Title: Re: وردي..ونانسي عجاج..أمانة ما إتلومتو
Author: عبدالفتاح أبوشيمة
Date: 01-10-2011, 02:22 PM
Parent: #34

Quote: انشاء الله ربنا يرجعك لينا بالسلامة
ويحفظك ويغتيك من كل بلاء يا رب

آمين يارب العالمين

وإيّاك

يا سلام عليك يا دكتور

مالك داير تقتل لي قلبي

إنت ما ليك زمن بس مستخبّي

لا تقول في ناس بحبّوني فاتوا دربي

وقالوا لي ما بنمشي لي ناس ما تلبّي
-

يا زول شن داير من أبو شيمة
ديل كدايسك شمشمنُّه عملن له في عيونه غيمة

بقى ما بشوف شي ولا هو لاقيك عشان حتة نضيمة

قلنا السنينات مافي مانع تشبهن لكن نغيم فاها بالجد سيمة

مالك بتحسدا يا مفلّس في قريشاتا البتسوي قيمة

من دون قريشات أي زول ما ليه قيمة

قصة خلق وناس القيم قالوا ماناساً فهيمة

البنية بتجدد غنا الميتين كمان تديه قيمة

سيبك تشاغلا البت ما بقت زي اليتيمة

أو قول يتيمة

كفاك تب درب تلويما

كمان ما تدخلنا في شغل النميمة

أمش وادخل حفلاتا من غير تاكل جغيمة

أكيد تشبع بس من ترنيما+ نغيما

وتاني بقول ليك ما نمشي لي ناس ما بجونا

لي برّة شالوا وجدّعونا

-

كتر خيرك على دعائك الطيب

ويديك الله زيّو آلاف

قول آمينا

مرحباً

برجوعك

أرجو ألا تغيب

فلديك في هذا الفضاء

أيضاً قرّاء

Post: #33
Title: Re: وردي..ونانسي عجاج..أمانة ما إتلومتو
Author: سجيمان
Date: 01-06-2011, 04:24 PM
Parent: #20

الاخت عبير خيري
انا بخير
اما سوعالكم عن كديستنا قد اثلج صدورنا ومقدرنو....ويسعل منك الخير يا يمة .. وربنا يحفض ويغتي علي كدايسكم
ان بكري ابو بكري عدو الحيوان والحياونية... شايل عكازو ويساكك فيها من بوسطي لي بوسطي... لحدي ما هاجرت...
وهي تداعي فيهو.....

Post: #35
Title: Re: وردي..ونانسي عجاج..أمانة ما إتلومتو
Author: المر
Date: 01-07-2011, 12:34 PM
Parent: #1

الزول دة بكًد في شنو؟؟

Post: #38
Title: Re: وردي..ونانسي عجاج..أمانة ما إتلومتو
Author: سجيمان
Date: 01-09-2011, 04:41 PM
Parent: #35

الزول منو؟؟؟؟؟
يا المر؟ افصح ابن

Post: #41
Title: Re: وردي..ونانسي عجاج..أمانة ما إتلومتو
Author: المر
Date: 01-10-2011, 12:52 PM
Parent: #38

Quote: الزول منو؟؟؟؟؟
يا المر؟ افصح ابن

الزول الكانت صورتو حايمة هنا قبل يومين، وكان عرقان وبكد ليهو في شي ما عرفتها.

Post: #44
Title: Re: وردي..ونانسي عجاج..أمانة ما إتلومتو
Author: عبدالفتاح أبوشيمة
Date: 01-11-2011, 07:45 AM
Parent: #41

الزول منو؟

وفي شنو؟

ماتفهمونا

يا منو؟

Post: #50
Title: Re: وردي..ونانسي عجاج..أمانة ما إتلومتو
Author: سجيمان
Date: 01-12-2011, 09:21 AM
Parent: #44

ابو شيمة

وقع لك؟

Post: #62
Title: Re: وردي..ونانسي عجاج..أمانة ما إتلومتو
Author: سجيمان
Date: 01-15-2011, 08:35 AM
Parent: #44

تعالو هنا...وحات الله مافي شي تخوفكم

http://www.facebook.com/cgman2004

Post: #45
Title: Re: وردي..ونانسي عجاج..أمانة ما إتلومتو
Author: سجيمان
Date: 01-11-2011, 09:26 AM
Parent: #41

المر
الزول بي يكد في جدادة... سمعنا وسلمنا

Post: #46
Title: Re: وردي..ونانسي عجاج..أمانة ما إتلومتو
Author: سجيمان
Date: 01-11-2011, 01:00 PM
Parent: #45

الزول عرفت يا اب شيمة

Post: #48
Title: Re: وردي..ونانسي عجاج..أمانة ما إتلومتو
Author: عبير خيرى
Date: 01-11-2011, 06:39 PM
Parent: #46

.

الزول بيكد في بيتزا يا سي جي

اريتو كان خنق ومات في لحظتها

والله كان غايظني غيظ فاقع مرارتي وهو فاتح خشمو

Post: #51
Title: Re: وردي..ونانسي عجاج..أمانة ما إتلومتو
Author: سجيمان
Date: 01-12-2011, 04:08 PM
Parent: #48

عبير
انا كمان غايظاني الجدادة الواقفة ليهو وساكتة وهو بياكل فيها دي
والله انا كان باكنا املا الخرتوم دا جت..كاك

Post: #49
Title: Re: وردي..ونانسي عجاج..أمانة ما إتلومتو
Author: المر
Date: 01-11-2011, 06:57 PM
Parent: #45

Quote: الزول بي يكد في جدادة... سمعنا وسلمنا

وطيب مالو مزلوع كدة؟؟ ذي السارقة

Post: #52
Title: Re: وردي..ونانسي عجاج..أمانة ما إتلومتو
Author: نادية عثمان
Date: 01-12-2011, 05:48 PM
Parent: #49

سي جي

علك بخير يارب

كل سنة وأنت طيب

كنت في الحفلة دي إنت ؟

ليه ماشفتك أنا كنت قاعد وين إنت ؟

Post: #53
Title: Re: وردي..ونانسي عجاج..أمانة ما إتلومتو
Author: طارق جبريل
Date: 01-12-2011, 06:06 PM
Parent: #52

دكتور عادل كيفنك ياخي

Post: #56
Title: Re: وردي..ونانسي عجاج..أمانة ما إتلومتو
Author: سجيمان
Date: 01-13-2011, 09:08 AM
Parent: #53

د. طارق

عساك طيب

انا لي حسي ما عندي عوجة

Post: #55
Title: Re: وردي..ونانسي عجاج..أمانة ما إتلومتو
Author: سجيمان
Date: 01-12-2011, 10:03 PM
Parent: #52

ندوية بي حالا في بوسطيني؟؟؟

ا تاريني كل ما امرق من البوسطي اطفي النور .....اجي القاهو منّور؟...

قصدك ياتو حفلة؟ غايتو الللت وردي ونانسي يعميني فيها!!!

Post: #54
Title: Re: وردي..ونانسي عجاج..أمانة ما إتلومتو
Author: سجيمان
Date: 01-12-2011, 09:05 PM
Parent: #49

المر

يا ولد هوي!... قمتا علي قلة ادبك؟ البي يزلعو شنو؟..... فوووووووق عديلو

مزلوعين نحن ديل!!!

Post: #60
Title: Re: وردي..ونانسي عجاج..أمانة ما إتلومتو
Author: المر
Date: 01-14-2011, 11:43 AM
Parent: #54

Quote: فوووووووق عديلو

مزلوعين نحن ديل!!!

لو فوق عديلو ودة عديلو بالجد لية(الشًرفة)؟

Post: #61
Title: Re: وردي..ونانسي عجاج..أمانة ما إتلومتو
Author: سجيمان
Date: 01-14-2011, 04:21 PM
Parent: #60

Quote: لو فوق عديلو ودة عديلو بالجد لية(الشًرفة)

يا ولد دي ما شّرفة... انت قايلا شّرفة؟

الناس ديل اصلُن قاعدين ياكلو كدي!!!!

Post: #65
Title: Re: وردي..ونانسي عجاج..أمانة ما إتلومتو
Author: المر
Date: 01-15-2011, 03:46 PM
Parent: #61

Quote: الناس ديل اصلُن قاعدين ياكلو كدي!!!!

امال ناس (قريعتي) راحت بيأكلو كيفن؟

Post: #66
Title: Re: وردي..ونانسي عجاج..أمانة ما إتلومتو
Author: المر
Date: 01-15-2011, 03:54 PM
Parent: #65

شبل اشبال (قريعتي) راحت

أشان ما نسيس الحفلة.... دة (قريعة) رايحة من الهند؟؟

Post: #67
Title: Re: وردي..ونانسي عجاج..أمانة ما إتلومتو
Author: سجيمان
Date: 01-15-2011, 07:16 PM
Parent: #66

المر

غايتو القالد البتيخة دا... لا قريعتي راحت لا شي

Post: #70
Title: Re: وردي..ونانسي عجاج..أمانة ما إتلومتو
Author: المر
Date: 01-16-2011, 12:40 PM
Parent: #67

Quote: غايتو القالد البتيخة دا... لا قريعتي راحت لا شي

لية؟؟ أشان ابيضاني وشعرو سببي، ما ممكن يكون من "تونـــــــــــــــــــــس"

Post: #58
Title: Re: وردي..ونانسي عجاج..أمانة ما إتلومتو
Author: لؤى
Date: 01-13-2011, 12:48 PM
Parent: #1

يا دكتور
سلامات

كجّيت الحفلة

.

Post: #59
Title: Re: وردي..ونانسي عجاج..أمانة ما إتلومتو
Author: سجيمان
Date: 01-14-2011, 08:12 AM
Parent: #58

لوئ
كل سنة وانت طيب

انا هامي الخسارة الخسروها في العشا...... العشا ودوهو وين؟؟؟؟....

Post: #63
Title: Re: وردي..ونانسي عجاج..أمانة ما إتلومتو
Author: عبدالفتاح أبوشيمة
Date: 01-15-2011, 09:23 AM
Parent: #59

@

Post: #64
Title: Re: وردي..ونانسي عجاج..أمانة ما إتلومتو
Author: سجيمان
Date: 01-15-2011, 03:19 PM
Parent: #63

ابو شيمة @ فنجرة . كوم

Post: #68
Title: Re: وردي..ونانسي عجاج..أمانة ما إتلومتو
Author: عبدالفتاح أبوشيمة
Date: 01-16-2011, 08:58 AM
Parent: #64

Quote: ابو شيمة @ فنجرة . كوم

والله إنت فنجري وظريف

عملت لينا كمان موقع

كتر خيرك والله

يللا سرّع لينا

بالباسوورد

الفنجرة ما عندك إنت

لكن مزودا فشخرة

شن الأكل تاكل تنوم وتشخرا

خليك كدا في هذا الفويل بينومك لكن أبد ما بتشخرا

ما كفاك داك تخريج كمال والفشخرة

داير كمان حفلات غنا شان تحضرا

لا زم بتلبس فشخرة

كمان حتاكل فشخرة

لا الشغل دا شغلاً ...

الناس تموت

والحي يعود

ما كل دا حنفوته فوت

خلي البشر يحركوهم بالريموت

يقلدوا لي لي شغل الهبوت

اللي ما بعيد يوماً يفوت

ويقولو ليك ما خلاص

استمتعت في دنياك يوت

Post: #69
Title: Re: وردي..ونانسي عجاج..أمانة ما إتلومتو
Author: سجيمان
Date: 01-16-2011, 10:50 AM
Parent: #68

Post: #71
Title: Re: وردي..ونانسي عجاج..أمانة ما إتلومتو
Author: عبدالفتاح أبوشيمة
Date: 01-16-2011, 02:31 PM
Parent: #69

ياااااااااااااااااااااهـ

مالك داير تألمنا

وتبهدلنا

بي صورك وكدايسك تخلعنا

أنت رجل فيك خيرية جامعة

فوق دربك يا زول

القشة ما تعتّر ليك

Post: #72
Title: Re: وردي..ونانسي عجاج..أمانة ما إتلومتو
Author: سجيمان
Date: 01-17-2011, 10:06 AM
Parent: #71

ابوشيمة
والله انت راجلن عديل وطيب
وعليك الله دعواتك معاي

Post: #73
Title: Re: وردي..ونانسي عجاج..أمانة ما إتلومتو
Author: سجيمان
Date: 01-17-2011, 12:57 PM
Parent: #72

http://www.facebook.com/home.php#!/cgman2004

Post: #74
Title: Re: وردي..ونانسي عجاج..أمانة ما إتلومتو
Author: عبدالفتاح أبوشيمة
Date: 01-17-2011, 02:49 PM

وعشان مانسيّس الموضوع
ختّيت لينا الهندي يجوع
إنت يا الواعي وماك جربوع
الإنسان هو الإنسان أيا كان بجيب لدموع
الله يقدّرك تقش لي كل هذي دموع
نحن خلاص بقينا ما عارفين كوع من بوع
واحترنا خلاص من فوارق الجوع
في ناس تعبانة ما لاقية عضم الكوع
وهي تهرس في المجموع

سي جي

الله يديك العافية
-

ما شغل حسادة داك المشيوع
لكن وين فضل الظهر للواقف في برد الرجوع
وين النفقة لي موجوع الجوع
وين الدوا اللي صار موضوع
كل زي ما عايز بس أدي معاك زول صايبه الجوع
غير كدا مافي قيام لربوع
بقت تتناقص من دون موضوع
قيدا وقيدا هذي شموع
الله يزيدك يا موجوع
من نعمه وخيرو مقسومة شروع

Post: #75
Title: Re: وردي..ونانسي عجاج..أمانة ما إتلومتو
Author: سجيمان
Date: 01-18-2011, 08:41 AM
Parent: #74

Quote: واحترنا خلاص من فوارق الجوع

اب شمية مالك مخلوع؟

ات ما شفتا جنا اللسد في الكوش مجدوع؟

وعضم العافية يمصمص فيهو الفار ويقاسم الجربوع؟

Post: #76
Title: Re: وردي..ونانسي عجاج..أمانة ما إتلومتو
Author: عبدالفتاح أبوشيمة
Date: 01-18-2011, 12:00 PM
Parent: #75

Quote: اب شمية مالك مخلوع؟

ات ما شفتا جنا اللسد في الكوش مجدوع؟

وعضم العافية يمصمص فيهو الفار ويقاسم الجربوع؟

لا لا لا لا
وألف لا لا
جنس كلامك آآزول ممنوع
شن جاب لجاب
يللي طاريك قرّب يكون مقطوع
شنو اللي ما بيخليني أكون مخلوع
كان جشع الغنى عامل لنا موضوع
أول شي جنا اللسد مافي زول قال له روح مجدوع
الراجل لقا الموضوع
أخد حقه وكفايته وشيل الحال ما منه أي قنوع
والسيرفر كمان جنوي اللسد خلنه جد موجوع
ما تكبر موضوع اللسد؛ أحسن لينا نكون في الجوع
وشبع السمان ياهو اللي جد موضوع
الناس ما لاقية تاكل والناس تعضعض كل شي ممنوع

-

ياخي ما تجيني في البوست اللي بفتش فيه لي فدياس؛
عشان أصالحكم يا ناس
أصلي خلاص داير أفارق دنيا الناس
أعمل حاجة قبل ما يجي أبو الكباس
أستغفر الله وأستعيذ من الوسواس الخناس

Post: #78
Title: Re: وردي..ونانسي عجاج..أمانة ما إتلومتو
Author: سجيمان
Date: 01-26-2011, 08:31 AM
Parent: #76

ابشيمة
انت راجلن ما بتتخلع بي هينة

شاملاك الرجالة وصفات الجود فيك بينة

البلد ما بتجيها عوجة

ان لقينا منك عشرة بس... عينة

Post: #79
Title: Re: وردي..ونانسي عجاج..أمانة ما إتلومتو
Author: عبدالفتاح أبوشيمة
Date: 01-26-2011, 10:15 AM
Parent: #78

يا سجيمان إنت هيمان

المشاعر

وللا لازم تكرم الضيفان

تضاير

وفي عيوبم ما تشاور؟

--

ياخي أخجلت تواضعنا
كلامك دا بتاع بكش بشتنّا
نان مالم ناسك ديل مكجننا
لو كنا كويسين دا ما كان بقى حالنا
البلد رافسانا والناس في الغربة بقت عيانة
لكن إنت يا زين هنانا
سوق دربك ما توقفنك ناس كحيانة
البتسويه لي ناسنا ديل الديمة حزنانة
شيتاً ماهو سهل ولا يقدروا عليها ناس تعبانة
فلاحتم انتقاد وما عارفين اللي بيشتعل علشانا
ويوقد من حريقه سعادةً هيمانة
كون الناس دي تضحك ما ساهلة يا خلانا
أصل الحزن فينا متجذّر وبي ألوانا
البمرقنا منه حلاوة الدنيا نقول خلقت علشانا
يديك العافية يا دكتور كمان كديستك التعبانة
معاك حملتها الهموم وكان بدري جد علشانا
-
بس يا دكتور ما تكتب لنا
كلمتين عن تخريج كيمو ومعاه زملانا
أصل الفشخرة بقت حق ناس الزمن الفات لي كل أزمانا
ناس ما لاقية تاكل وناس عاملين عديل هيلمانة
لكن البنية الحلوة دي ما زيّنا تعبانة
إلا صوتا جميل شديد وأحاسيسا جد مليانة
زي اللي بتقول كلاما من جوة الجوة زي هيمانة
ما تغلبها عشان سنيناتا أسمح من سنينات أبو الكداس
الديمة في لمعانا
لأنه بضحك ويضحك لي زول كتير ما عانى
أشكر لك

Post: #80
Title: Re: وردي..ونانسي عجاج..أمانة ما إتلومتو
Author: سجيمان
Date: 01-26-2011, 11:55 AM
Parent: #79

يازول نضمي صح ماهو حوتاك

وكل شي سمح يمشي منك وين يختاك

وبلدا مافيها انت .... خربانة وسجمانة بلاك

Post: #81
Title: Re: وردي..ونانسي عجاج..أمانة ما إتلومتو
Author: عبدالفتاح أبوشيمة
Date: 01-26-2011, 03:01 PM
Parent: #80

سجيمان مالك فارقت خطاك
أقول لك سيب البنية اللي صوتا يشبه الأملاك
وشوف لك قططاً سمان في سماك
دبر لها درب دربين يجيبو ليها هلاك
اللي فتحولنا درب الفشخرة والبوبار وزيادة الأملاك
أصل الكدايس من وين جابن شهرتن لولاك
ما كان اللولاي للكدايس لولاك
شوف ناساً عيشتم بقت ببلاك
ويجهصوا بالكدالك اللي ما شافتن عيناك
قول لهم (الدينا) دي ما دامت لزول ماشة تعدي بلاك
طلّع القرش لي زول غناه أباه ماهو أباك
بدل شغل الجخ اللي بتسويه في حفلاتو في ليلاك
وقبل يجيك يوما تقول وا هلاك
خلي رضا الله يبقى طريق لرضاك
عن نفسك تكون قانع وما يبلاك
فوق الشفته في الدنيا عذاب أملاك
ما بقدر عليه يا عادل حيكون ديمة باك
يومها ما بنفع قرش ولا زهرة الليلاك
والسجمانة بلاك
هي دنيا ما فيها الطرافة بلاك
شايل هم فقير ومسكين يقولوا عليه بلاك
رباطابي حر ماببرى للوكواك
داك حق السياسة الرمّدت للأرض ولين وصلها سماك
ياحليلو داك أكل السمك اللي نسيناه من أفلاك
حتى الفول تعزز تقول بقى السيرباك
كلما جينا عليه يبعد الأفلاك
بينا وبينه صارن هناك أشواك
مسكين الولد اللي صار يفتش في كوشة الكدايس الهاك هاك
جغيمة الذل ما عاد يطيقا رضاك
جبت الرسمة من برة عشان ما يرضو ناس ببلاك
كيف تسجم بلد نحن السجامى هناك
بعيد بقينا لا لاقين رجوع لا هلاك
تسلم البلد ويسلموا اللي فيها من حزانى بالانفصال اللي جانا
بس هلاك
ويجغموا الخواجات في خيرنا زي صاحب الملك
الفات هناك خلاّك
بعد ما مصّ خيرنا ولا قال حتى الوداع يبراك
يا زين ولاد رباط أفكارك ندية
ترقش بس فوق الشجر في دناك
والكلمة الحنينة إن شا الله يوت تبراك
ما شاالله عليك
وتسلم هادي ديمة بس لي علاك
وتسلم كل بذرة خير ساكنة في جوّاك