مشاهدات !!!

مشاهدات :
من السودان الشقيق
من مصر : أرض الخديوي حيث يعيش المستلبون و يتعلمون كيف - باسم الثقافه و الأدب - يغتالون الوطن !!
من سودانيزولاين : منبر من لا موضوع له
و من قلبي الذي ( يرقد فوق بقايا المدينة .. وردة من عطن .. هادئأ ... بعد ان قال لا للسفينة واحب الوطن ) !!!

المشاهدات مهداه إلي أخي عبد الناصر الخطيب ممثلنا في أرض الماء و الخضره و الوجه الحسن !!

ميول

علي جميع المشاركين في هذا البوست كتابة اسمائهم و اعمارهم و ميولهم : الداير يطلع ( أووف بوينت ) بالله يطلع لينا بره البوست ده لانو معانا عوايل !!

إنفصال

بالنسبه للناس القاعده بره أحب أطمنكم إنو الانفصال ولا الوحده و الأستفتاء و الكلام ده كلو لا يوجد إلا في الجرايد و سودانيزولاين منبر من لا موضوع له !!
سئيلي الله قعدت في السودان قريب تلاته اسابيع : زول جاب سيرة إنفصال و لا وحده ولا نضم في سياسه مافي :
طفقت أفتح موضوع الوحده و الأنفصال و مالاتهم فما فعلت غير أن (إستبيضني ) الناس !!

جلد


حتي هذه اللحظه ، لم استطع إكمال شريط الفيديو : كمية الأنحطاط كانت أكبر من سعة أوعيتي الدمويه !!

بورداب الخرطوم (جناح الونسه)

كلهم أمنجيه : رجالهم و نسائهم : شيبهم و شبابهم
بورداب الخرطوم هم سبب بقاء هذا النظام : انهم السوس الذي ينخر في أجسادنا
بورداب الخرطوم مسؤلين عن إنفصال الجنوب و عن ماساة دارفور و سيول طوكر : مسؤلين عن جلد الفتاه : عن جلدنا جميعا : عن موتنا كل يوم !!

حمور

عشره أيام مع حمور تحت سقف واحد تعلمت منها صبر الجدران عليه !!

خضر حسين

هو الشخص الوحيد في العالم الذي يمكن أن تلمس عفويته بيديك !!

ترحيب
حمد الله على السلامة

شمار
قيل أنك من اختلس النقطتين من الجيم لإحراج ابن أختك!

عادى
أكثر كلمة لها رواج فى السودان

المسلمي

سلام علي ال المسلمي في العالمين !!

سلام يا دوك

Quote: قيل أنك من اختلس النقطتين من الجيم لإحراج ابن أختك!

ياخي ود أختي محرج طبيعي ما محتاج ليه اختلاسات

إعلان

أحب خضر حسين و اميره الشيخ و موسي (الشهير بقمر الحقد الأصلع ) و مورتا و حسبو بغض النظر عن ميولهم !!

حسبو

يعجبني في حسبو تصالحو مع نفسو كضهب و مع اسمو كحسب الرسول عكاشه !!

حليم صاحب خضر :

البني أدم الوحيد في الزايله البمسك مويه و نار في نفس الوقت !!
أين شرطة النظام العام ؟!

سمعت بويكيليكس ؟

بي صراحة يا حمور، خالك ده بقى يجيب لي إكتئاب

سلام يا أمين,,,
لحد ما أجيك راجع تانى ونواصل فى المشاهدات,,
أتمنى أن أسمع تلك العصماء التى ألقيتهايومذاك,,,,


يا نوتة والله ونستنا لم تكتمل,,
خليك أمين فى توزيع الزمن...

فرصة سعيدة تانى,,

و عليكم السلام يا أيمن

Quote: يا نوتة والله ونستنا لم تكتمل,, خليك أمين فى توزيع الزمن...

يا أيمن : مافي حاجه بتكتمل في السودان ، خلينا نتم الموضوع ده في قطر !!
بعدين الصور دي بتنكتو فيها من وين ؟ سئيلي الله ما متذكرها !!





----------
حمور و ياسر علمت بمروركم !!

Quote: سئيلي الله ما متذكرها !!

يا زول أنا خلينى ساكت أحسن ,,,
والله يقدرنى على خشمى دا,,


وصورى ديل

Quote: بعدين الصور دي بتنكتو فيها من وين ؟ سئيلي الله ما متذكرها !!

ما قلنا ليك يا أمين ياخي الشهرة متاعب. حمدا لله على السلامة و إن شاء الله رحلة موفقة و ما تكون نسيت تدي حمور الظرف بتاعه.

إعتذار

كان بودنا نلاقيك, لكن أتت الرياح بما لا تشتهي السفن !


البركه في شوفة أميره الشيخ الأميره :)

يا أمانينا،
أمين شِن طعمو عشان تلاقيهو، أخير منو شعر ذو اليد..
___

Quote: البركه في شوفة أميره الشيخ الأميره :)

Quote: حمور و ياسر علمت بمروركم !!

عليك الله علمت بمروركم بتاعت بدرالدين إسحق دي ما تقولها لي..
___
يا رد التلفون يا أضرب، عذبتنا ياخ!

Quote: حمور و ياسر علمت بمروركم !!

هههههههههههههه
يا خوفي من تجي يوم تقول مثلك لا يسأل عن مصدر

حمدالله على السلامة

الدكتور أمين

نرجب بك بعد عودتك من جولتك التفقدية، ووقوفك بنفسك على ما آل إليه حال البلاد والعباد، ونهنئك وأنفسنا على عودتك لأرض الوطن.

Quote: نرجب بك بعد عودتك من جولتك التفقدية، ووقوفك بنفسك على ما آل إليه حال البلاد والعباد، ونهنئك وأنفسنا على عودتك لأرض الوطن.

آمين.

هسي عليكـ الله دي مشاهداتكـ
وين صوركـ في ليل القاهرة البهيج حينما كنت بصحبة حبيبنا ( حبيب نورة) ؟


ــ
نزل الصور وسكت الخشامة ..
(المعني بالخشامة هو ياسر طيفور )

Quote: حليم صاحب خضر : البني أدم الوحيد في الزايله البمسك مويه و نار في نفس الوقت !! أين شرطة النظام العام ؟!

دي اوسكار يا دكتور

سعادتك
تحايا بعظمة وقدر الالقاب
ياخ من شدة ماكترت بقينا مابنقدر نكتبا زاتو
طبعاً كل يوم بتأكد لينا حجم الفايدة من حلك وترحالك واستقرارك
فبسفرتك الاخيرة تعرت صن اير وطربت امستردام وحاكت KLM اخواتها السودانيات
ثم انقق حمور ثلاث وعشرين من الجنيهات المصرية واكتسب مشاهدات جمة تعينه على اخت الكونج..
واشياء أُخر لن تسؤنا ان بدت بأى حال من الاحوال..

مراحب بالمشاهدات والمناظر والصور وايو حاجة

دكتور امين كيفنك ياخي

الجنى وخالو والعابرين
سلام


مشاهدات أم مناكفات


ترويحة للأرواح المغلغلة
بي سبب وبدون


شوكرن ليكم كتيرن

سلام يا العوض

Quote: و إن شاء الله رحلة موفقة و ما تكون نسيت تدي حمور الظرف بتاعه.

حمور كمان بستناني ؟ ظروفو بجيبوها ليه لحدي خشم الباب : كاتبين فيها (شكرا لساعي البريد ) !!
إنت قايل البلد دي ضاعت من هين ؟!!

Quote: إعتذار كان بودنا نلاقيك, لكن أتت الرياح بما لا تشتهي السفن !

الفيك اتعرفت يا أماني و أنا الكنت قايلك بتجيني المطار شايله الأعلام !!

Quote: يا رد التلفون يا أضرب، عذبتنا ياخ!

تلفوني رايح قبل ما أسافر باكتر من أسبوع ...







--------
يا ياسر إن شاء الله مرتك تكون بالاك بل العرديب !!

Quote: يا خوفي من تجي يوم تقول مثلك لا يسأل عن مصدر

البشري يا حبيبنا : دي ما سمعت بيها !! إن شاء بس القالها يكون من مفكري هذه الأمه من أمثالنا !!!
الناس البتري بنور الله الزينا ديل ما مفروض يسالوهم جبتو الكلام ده من وين !!

من الآخر كده يا اخونا ما عندنا زمن نضيعو:
نمشي و لا نلغى الحجز ....

عصام
متسببة ليك ساي في لغيان حجز انتا بعد صاحبك باعك
انتا امشي و محل الما لقاهو امين دا انتا بتلقاهو .. اصلو كما تكونون يولى عليكم :)

أمين
غايتو انا شايف انو حمور خوفك بويكي ليكس دي

نعمل رايحين قلتا كدا اخير

مفكرة يا دكتور مفكرة لا تشيل هم
صاحبة المقولة اختنا المفكرة ميادة

___________

يا ود جبر الله انت زعلت بجدك ولا شنو؟ ما راجينك يا معلم

سلام يا وجيه

انا لسه ظرفي ما استلمته ..قالوا شوف عينهم البكيل فيها التراب سلموك ليها هبر هبر





__________

المستلبة تماماً

Quote: من الآخر كده يا اخونا ما عندنا زمن نضيعو: نمشي و لا نلغى الحجز ....

من الأخر كده يا عصام : تمشي لكن ما تنزل مع حمور في القاهره

Quote: أمين غايتو انا شايف انو حمور خوفك بويكي ليكس دي نعمل رايحين قلتا كدا اخير

يا أمجد : ما تشوف طولو ده : صحبك أقصر قامه من إنو يبدا حرب زي دي معاي !!

Quote: مفكرة يا دكتور مفكرة لا تشيل هم صاحبة المقولة اختنا المفكرة ميادة

والله يا البشري ميادة ولا مفكره ولا حاجه : المفكرين في بورد ما لا موضوع له ده اتنين : أنا و محسن خالد و محسن ذاتو أنا مجاملو ساي !!

تحياتي يا فخيم

Quote: سودانيزولاين : منبر من لا موضوع له

والله الواحد عايز يتفق وخايف من شيلان الحال او العدة لا فرق ..
ثم إنه كيفنك واحاويلك يا دكتور ؟

ياخال

تعرف العماقة حقتك دي مفروض نديك بيه الربع الجايي ده برراك بس



تورينا الحاصل و كل من تسؤءل لة نفسة


تديهو النجيضة *


------------------
النجيضة بتاعت العمقاء مش بتاعت ناس نجد

يا اللخو اخبار السودان الشقيق شنو؟
البمشى كلو يجينا يتكلم عن سمك عوضبة..
لدرجة المذكورة عايزة تعمل فرع فى بيت الفنون..
انا سمعت قالو العوض المسلمى بحضر دكتوراة فى عيون السمك..
بعدين بلدا فيها خضر وياسر طيفور اريتك كان مشيت فى الخريف...
هو موضوع البوست ده شنو؟؟

الصادق يا حبيبنا

Quote: نرجب بك بعد عودتك من جولتك التفقدية، ووقوفك بنفسك على ما آل إليه حال البلاد والعباد، ونهنئك وأنفسنا على عودتك لأرض الوطن.

البلاد و العباد بسلمو علينا و عليك لكن لا مبالاة الناس بالاحداث يمكن أن تري بالعين المجرده : الحكومه شدهت الناس في رقبتها و السودانيين الكانت ونستهم سياسه بقو يفرو منها فرار السليم من الاجرب !!
الكلام كلو و الونسه كلها يا كوره يا سيرة الناس العندها قروش !!

سيف يا دوك ، سلام يا صاحب و إن شاء الله أمورك و أمور المعانا بجاي كلها سالكه ..

Quote: هسي عليكـ الله دي مشاهداتكـ وين صوركـ في ليل القاهرة البهيج حينما كنت بصحبة حبيبنا ( حبيب نورة)

يا سيدنا ، القاهره ليلها كئيب كابة الحياه مع حمور في مكان واحد !!
بعدين ياخي أنا بقدر علي حبيب نوره و برامج حبيب نوره ؟

Quote: البلاد و العباد بسلمو علينا و عليك لكن لا مبالاة الناس بالاحداث يمكن أن تري بالعين المجرده : الحكومه شدهت الناس في رقبتها و السودانيين الكانت ونستهم سياسه بقو يفرو منها فرار السليم من الاجرب !!

والله في دي بتفق معاك يا أمين... ياخي أنا مشيت قبل أربعة خمسة شهور عادي كنت بدي الناس هناك أخبار السودان. و وصفت لناس بيت الفنون كمان... مش كدا و بس كانو ما عارفين في حاجة اسمها بيت الفنون و اتفلسفت لما سألوني قالوا لي بيت الفنون دا شنو كمان؟ قلت ليهم ياخي دا العامله طارق الأمين... قاموا أحبطوني قالوا لي طارق الأمين دا منو؟ (معليش يا طارق لا شيء شخصي لكن دا ياهو حال الناس في السودان) قربت أقول ليهم كمان قولوا ما بتعرفوا بكري أبو بكر و بشاشا و ذو اليد... لكن احترمت نفسي. و ناس كتيرين ما كانوا عارفين الاستفتا متين و الأغلبية مع الانفصال بدون أي وعي بتبعاته. أما عوضية سمك دي الما بيخلو بوست هنا عن السودان من الكلام عنها فقد كان لي شرف تعريف عدد من أبناء السودان بها.

من الاسكلا و حلا .... ضهبي للتياب بلا
العضه كانت جامده يا بروف
انا لقيت مرادي و اتفكفكت
اهاالفنان كان كيف ؟

الدكتور امين. الحمد لله على السلامة..

كيف كانت العلقة يا دوك ?




فقد نما إلى علمنا أنك كنت عالقا بمطار كايرو

عموما حمد الله على السلامة

د. أمين سليمان
صباحك زين ,,,

Quote: المشاهدات مهداه إلي أخي عبد الناصر الخطيب ممثلنا في أرض الماء و الخضره و الوجه الحسن !!

بعد التحية والاعتذار عن عدم مشاهدتي للبوست , بقي الواحد يجي بي جاي يلقي الناس ما سكه في بعض يرجع تاني
سعيد بقراءة مشاهداتك عن السودان الشقيق , بالمناسبة مؤخرا من تلفوناتي مع أخوي أتضح لي أنو السودان الفي سودانيز والسودان الهناك , في شوية فروق في الأولويات والاهتمامات بين ديل وديل , أمبارح مع أخ مكرم صاحب لأخ مكرم بعرفو برضو كان بحكي لينا في مشاهداتو بعد الإجازة الاضطر يختصره بعد ما قضي حاجاتو الماشي ليها لانو مافي زول فاضي ليهو أصلا. من عباراتو السودان كلو بقي في الخرتوم
مره ببالي نشيد ياربي متين أشوف الخرطوم !!! وقالوا لى في الخرطوم الفسحة بالعربية وقالوا لى في الخرطوم جنينة البلدية . وفي كل الاحوال عوزة ميزانية


_ لو الحكاية فيها توزيع ظروف ماكنه مع بورداب الخرطوم جناح الترطيب والونسة بنمش إجازة سريعة _



أها دي من بدعنا الاسفيرية

Quote: ميول علي جميع المشاركين في هذا البوست كتابة اسمائهم و اعمارهم و ميولهم : الداير يطلع ( أووف بوينت ) بالله يطلع لينا بره البوست ده لانو معانا عوايل !!

عمرنا كبر اكتر من اللازم
وميولنا تقليدية بحته ..

حمور ياخي انت شائل حسو ساى
أنا غايتو متفائل لي في البلد الشغيغ ومن هسه مجهز عنوان بوست الاحتفاء بشهرتو ومجدوهناك

حمور زيادة على خطي مي زيادة



-------------------------------------------------------------
**ناس بلد الخضرة والماء والوجه الحسن بقوا حاسدين الواحد عديل أنو من بلد الاثارة والاكشن الاسمو السودان مرات بقولو لى _ السودان مش حتقدر تغمض عينيك _

شغلتنا أموالنا وأهلونا عن هذا البوست ، لنا عوده إن شاء الله

Quote: دي اوسكار يا دكتور

يا مورتا ، الأوسكار خلينا لفوجي القروشو من كترتها التكاسي ما بتشيلها !!

أبو حميد يا حبيبنا ، سلام ياخي

Quote: سعادتك تحايا بعظمة وقدر الالقاب ياخ من شدة ماكترت بقينا مابنقدر نكتبا زاتو طبعاً كل يوم بتأكد لينا حجم الفايدة من حلك وترحالك واستقرارك فبسفرتك الاخيرة تعرت صن اير وطربت امستردام وحاكت KLM اخواتها السودانيات ثم انقق حمور ثلاث وعشرين من الجنيهات المصرية واكتسب مشاهدات جمة تعينه على اخت الكونج.. واشياء أُخر لن تسؤنا ان بدت بأى حال من الاحوال.. مراحب بالمشاهدات والمناظر والصور وايو حاجة

شفت جوطة حمور دي كلها في تمنين جنيه دفعهم لبتاع التاكسي لمن رجعت من المطار : دي واجعاهو أكتر من أي شئ !! اقترحت عليه ارجعهم ليه فرفض في شكل (يتمنع و هو راغب ) !! بعداك أنا ذاتي عملت ميت ،
بالنسبه للكونج فحمور علاقتو بالابداع زي علاقتي بقدو قدو !!

Quote: دكتور امين كيفنك ياخي

يا طارق ياخي ما لمينا فيك بعد الرحله و إنت سافرت قبل يوم من جيتي القاهره فما تقابلنا تاني ، فإن شاء الله نتقابل في ساعة خير .
و ياخي عليك الله رسل لي ايميل عن كيفية الاعتناء بالصلعه عشان كلنا نستفيد لانو الشافتو عيني ده شغل منظم و مخطط و مرتب و أبدا ما ممكن يكون صدفه !!

يا أمين حمداً لله على السلامة ونورت المنبر ..
مع التحايا

.....
....
....المشاهدات .... خلـّها ....
....

Quote: ..... ...النجيضضه

...
...ادوك حق التذكره و تعويضاتا ....
.....
...و الاّ اكلو بعقلك حلاوه ...شاكلة الشكر لساعي البريد .....
...
.....
....
....
....
....
.....
....
.
.
.
.
.
.

Quote: ..... ...النجيضضه

...
..
..
..محفوظه ...حقوقا ...لاخونا ود الصايم
....
...

Quote: شفت جوطة حمور دي كلها في تمنين جنيه دفعهم لبتاع التاكسي لمن رجعت من المطار : دي واجعاهو أكتر من أي شئ !! اقترحت عليه ارجعهم ليه فرفض في شكل (يتمنع و هو راغب ) !! بعداك أنا ذاتي عملت ميت ،

يادكتور ....... كدي ضربه بحسابات الحميدية ............ ياخ ده مبلغ خرافي

طوال الربع الفائت لم استسغ القراءة لكثير من عضوية المنبر , وجدت في بعض بوستاتك التي نشرتها بعد عوتك وقبلها الكثير من العزاء وفي بعض مداخلاتك فتوجتك كاتبي المفضل للربع المنصر والذي اسأل الله ان لا يعيده

.


.

السادات ده مالو؟؟


....

يا دكتور .. تحياتي وتقديري ..

والله لحدي اليوم في ناس بتفتش في رقم تلفونك ...


ما تجي تستلم ياخ ...

البلال امين حمدا لله علي سلامة عودتك ..
قلت لي الخرطوم لقت سمحة

سعدنا جدا لرؤيتكم في سوق الحميدية...طبعا الميم للتفخيم سعادتك







:ــــــــــــــ

Quote: أموالنا

وقرط على كده يا خال

وشهد شاهد على المشاهدات:

والله أمين العامل ليكم فيها دكتور وبتاع مشاهدات دا
لما انحنا كنا تفاتيح في الحلة هو كان شافع ساي
هسة عملتوه لينا دكتور وباحث وكمان بقى أحد أشهر خالين في السودان
أمين جال حمور والطيب خال الرئيس مع الفارق طبعا (دي اسمها ثنائيات النفي يعني زي الخير والشر والليل والنهار)
وبعدين أمين بنتمي لأشهر أم في السودان بعد أم رقيقة الا وهي أم درمان (أم رقيقة وأم درمان ديل مترادفات ما متنافيات)
الخلاصة انو لما أمين الصغير وجاهل دا يبقى خال الناس الحايمة دي
وخال حمور أبصلعة البيكون ما مولود لما انحنا كنا تفاتيح كدا أنا ما استحميت وبقيت حبوبة البورد وام بكري ابو صلعة صاحب البورد
وأبو ساندرا وصديق الموج.
يعني بعد كدا بس الواحد يحح ويموت.


أمين ازيك وحمد الله على السلامة والبركة فيكم مرة تانية, قبل كدا عزيتكم في بوست حمور لكن ما أظنو بيعرفني.

سلام كتييييير لبدري

تحياتي يا سناء ..
ما عرفتك في بوست العزاء للاسف .. رغم انو البوست كان سبب في معرفة عدد من الاقارب منهم اماني العجب.
لكن اتمنى لو عرفتك في حته ما عندها علاقة بأمين.


من يسأل عن تلفون أمين او ايميلو او عنوان الاسكايب بتاعو يكمنه مراسلتي على المسينجر.
و توجد صور برضو.

بله يا حبيبنا ، و عليكم السلام يا صاح

Quote: الجنى وخالو والعابرين سلام مشاهدات أم مناكفات ترويحة للأرواح المغلغلة بي سبب وبدون

مشاهدات والله يا بله !!
و ما تسميه مناكفات اسميه مهمه تنويريه !!
كاحد مفكري هذه الأمه : يجب أنوه و احذر من الاستلاب و المستلبين الذين تسربو من غفلتنا إلي ساحات الأدب و المعرفه !!
معركتنا طويله لكنا - بعون الله - سننتصر !!!

سلام يا منال و سئيلي الله مشتاقين

Quote: سلام يا وجيه انا لسه ظرفي ما استلمته ..قالوا شوف عينهم البكيل فيها التراب سلموك ليها هبر هبر __________ المستلبة تماماً

ناس أمريكا (ظروفهم ) غير يا منال و لو الجماعه كانو سلموني الظروف سئيلي الله ما كان جيت راجع !!

لو كنت مكان حمور لاستبدلت هذا الخال بجردل بلاستيك او جك، على حسب ما يجيب، مثله مثل أي ملابس قديمة..

Quote: شغلتنا أموالنا وأهلونا عن هذا البوست ، لنا عوده إن شاء

حمدالله علي السلامة يادوك
أموالنا!!؟. ما تكون ال٨٠ جنيه الجازفتهم من ود أختك

سلام يا طلحه

Quote: والله الواحد عايز يتفق وخايف من شيلان الحال او العدة لا فرق .. ثم إنه كيفنك واحاويلك يا دكتور ؟

أنا بخير طالما سوداننا بخير : هل سوداننا بخير يا طلحه ؟!
شيل العده و الحال ما بقي مشكله : المشكله بقت في الامهات البتشتمو بكل أريحيه في منبر من لا موضوع له ده !!

نصر يا حبيبنا ، سلام

Quote: ياخال تعرف العماقة حقتك دي مفروض نديك بيه الربع الجايي ده برراك بس تورينا الحاصل و كل من تسؤءل لة نفسة تديهو النجيضة * ------------------ النجيضة بتاعت العمقاء مش بتاعت ناس نجد

عجبتني جدا قصة يدوني الربع الجايي أنظر ليكم فيه عشان تشربو ما تروو !!







-----------
ياسر ، علمت بمرورك !

Quote: ياسر ، علمت بمرورك !

بصراحة يا أمين بقيت تضغط علي شديد..
___
أكتر من صاحب المقولة نفسه..

صديق يا موجنا الهادر في نص الصمت القاتل !!

Quote: يا اللخو اخبار السودان الشقيق شنو؟ البمشى كلو يجينا يتكلم عن سمك عوضبة.. لدرجة المذكورة عايزة تعمل فرع فى بيت الفنون.. انا سمعت قالو العوض المسلمى بحضر دكتوراة فى عيون السمك.. بعدين بلدا فيها خضر وياسر طيفور اريتك كان مشيت فى الخريف... هو موضوع البوست ده شنو؟؟

السودان الشقيق يقرئكم السلام يا صديق و بقول ليكم أنا بخير لو انتو بخير ..
البلد حصل فيها تغيير جذري في كل شئ - ما بالضروره تغيير سئ - و الناس القاعده بره و بتنظر دي لو بالجد عايزين يسقطو النظام ده مفروض يعرفو و يفهمو كل كبيره و صغيره عن الحاصل شنو جوه و عن التغيير في أمزجة الناس و مدي رغبتها و استعدادها لعمل أي شئ لاسقاط النظام !!
الأنقاذ اغتالت في الناس رغبه الكلام في السياسه و كل مقتضياتها : ياخي النقه العاديه بتاعت الغلاء و الحياه البقت صعبه الناس خلتها !!





---------
طيب يا ياسر : سعدت بمرورك !!

Quote: من الاسكلا و حلا .... ضهبي للتياب بلا العضه كانت جامده يا بروف انا لقيت مرادي و اتفكفكت اهاالفنان كان كيف ؟

يا حسبو ياخي مشية السودان دي لو ما كان فيها غير اليوم داك لكفاني !!
الفنان كان تعيس تعاسة السنين . البركه في فاديه اليمني !!

Quote: الأنقاذ اغتالت في الناس رغبه الكلام في السياسه و كل مقتضياتها

يا أمين
نحنا تعبانين تعب شديد
وعدتك اجيك بالليل ـ جيت بالليل وما لقيت روحي ـ ياخي بلد عبارة عن لخبطة شديدة ليس الا
ودعنا هذا المساء يا صديقي أكيج ملونق عاشت معنا أو في الحقيقة عشنا سوياً أجمل أيام العمر
ودعناها ولعنا الظلام فعن شنو نحكي وعن شنو نكاتبك وعن منو نقول ـ ياخ ساعدونا بالتي هي أجمل
تعلو يا نعيش كلنا حياة زي الانسانيين الفي العالم يانموت كلنا زي الانسانيين برضو دي رسالتي الوحيدة
في البوست ده يا امين ـ وحياتك بقينا نشرب صرف صحي وناكل كسرة ومرات نبيت ام فكو وغايتو غايتو غايتو
حليم برضو بقول ليك


انحنا خلاس مافضل شيتاً تلقوهو مننا في الاجازات
ياخ وداعاً أكيج

يالترف هؤلاء الناس يا امين بتوعين سودانيز اونلاين لايعلمون البتة كم مرة جلدت فيها اكيج
وكم مرة نامت بدون عشاء وكم مرة باتت في السجن وكم مرة وكم مرة يا للحقارات ياصاحبي؟

ــ
وأنا جاي راجع (منتهي) تذكرت الدوش جالت بخاطري اكيج ومايكل (الوريتك ليهو داك)
فتساءلت ونفسي يا أمين :
هل نحنا كسودانيين صدقة جارية ولاجارين ساكت
فعذراً لهذا الاستفراغ

ــــــــــ
ياريتك تجي راجع يا امين

Quote: مشية السودان دي لو ما كان فيها غير اليوم داك لكفاني !!

جايك راجع و لذلك اليوم

Quote: سئيلي الله قعدت في السودان قريب تلاته اسابيع : زول جاب سيرة إنفصال و لا وحده ولا نضم في سياسه مافي :

يا أمين يسألنى الله ده كلام الغواصات ذاتو !!
يازول إنت متأكد فى القاهره دى لاقيت حمور بس ؟
عموما المسوده سوف تصلنا قريبا وإلى ذلك الحين لك مودتى وتحياتى ,,
زى السمعت فى كلامك ده سيرة الدوحه .
عموما الدوحه وأهل الدوحه برحبوا بيك فى أى وقت ,, وحق التاكسى أقلعوا من أميره الشيخ بعدين ,,

Quote: سئيلي الله قعدت في السودان قريب تلاته اسابيع : زول جاب سيرة إنفصال و لا وحده ولا نضم في سياسه مافي :

يا كيمو السالم،
هذا المقتبس يدل على أن هذا الأمين لا يمت لشعبنا بصلة، ولا بقضاياه، وأظن أن الذين كانوا حوله أو في معيته حناكيش، أصبعهم في "هناية" غيرهم..

بوست لا يخلو من دغمسة

أو كما أفاد ياسر طيفور في مسينجر داخلي أكثر دغمسة !

واضح جداً الإستلاب السحلبي في طيّات البوست المشبوه

كما لا تخفي محاولات زميلة البورد أميمة سند الشهيرة بحلبلب لدغمسة مسار البوست

تم القبض علي خال حمّور وهو في حالة شرود ذهني مُريب !










مصادر مُطلِعة أكدت زيادة نسبة السحلب في دم الخال بدرجةٍ مثيرةٍ للقلقِ والغبارِ و الأترِبة !

حبيب نورة
أنا جايِّ القاهرة قريب جداً، وأتوقّع منك أن تسوقني لكل الجخانين التي سقت لها هذا الللا أمين، أزروايِّزْ، سوف أفعل ما فعله صابر أتير، وأعود أدراجي.

Quote: طيب يا ياسر : سعدت بمرورك !!

و الله يا ود طيفور الزول دا إست######ك إستوساخ ما عادي..

إنت الوحيد اللي قال ليك الكلام دا...

و كمان كررها إمعاناً منه في إستوساخك...

دنـيـا.......

سلام للجميع.




.

وجهة نظر

مناضلي المنبر : العار لاجهزة الأمن لاعتدائها علي الدكتوره مريم !!
أمنجية المنبر : أخوان الدكتوره جزء من أجهزة الأمن هذه !!
الحقيقه : العار لاجهزة الأمن لاعتدائها علي الدكتوره مريم و العار لأخوان الدكتوره كونهم جزء من هذه الأجهزة !!!

سمارت يا ذكيه ، سلام يا صديقه و الله يسلمك و يديك الصحه و العافيه
قريت كلامك المسحتيهو ده و بتفق معاك فيهو ميه ميه لكن شكلو ناس بيتكم هرشوك

حلب لب يا حبيبنا ، سلام يا أشرف

Quote: كيف كانت العلقة يا دوك ? فقد نما إلى علمنا أنك كنت عالقا بمطار كايرو عموما حمد الله على السلامة

ياخي والله ظللت عالقا في مطار القاهره حتي ملني و مللته : عزائي إنو أول مره كنت ماشي السودان و تاني مره كنت راجع لعيالي و في المرتين كنت متخارج من حمور !!!

يا محمد عثماننا الذي نحب : عرفنا سمارت الذكيه سحبت كلامها ليه ، إنت مالك ياخي ؟!!
قريت مداخلتك كذا مره و شكرا علي طيب كلماتك في حقي و حق مشاهداتي و لو إنو ما قادر أفهم سبب سحبها .

أفكر يا بروف في سحب مداخلتي

ــــــ
اليوم كذلك ودعنا أسرة السيد جون انتوني

يا ناصرنا في بلاد الظلم ، سلام يا صديق

Quote: سعيد بقراءة مشاهداتك عن السودان الشقيق , بالمناسبة مؤخرا من تلفوناتي مع أخوي أتضح لي أنو السودان الفي سودانيز والسودان الهناك , في شوية فروق في الأولويات والاهتمامات بين ديل وديل , أمبارح مع أخ مكرم صاحب لأخ مكرم بعرفو برضو كان بحكي لينا في مشاهداتو بعد الإجازة الاضطر يختصره بعد ما قضي حاجاتو الماشي ليها لانو مافي زول فاضي ليهو أصلا. من عباراتو السودان كلو بقي في الخرتوم مره ببالي نشيد ياربي متين أشوف الخرطوم !!! وقالوا لى في الخرطوم الفسحة بالعربية وقالوا لى في الخرطوم جنينة البلدية . وفي كل الاحوال عوزة ميزانية

أهو جنس كلامك ده البخلي كمال سالم حبيبنا يقول لينا كلامكم كلام غواصات !!
البلد اتغيرت يا ناصر و الناس المهتمه بالعمل السياسي حقو يصحو و يشوفو التغيير ده اثرو شنو في العمليه السياسيه لانو من أهم أسباب بقاء النظام ده إنو المعارضه منفصله تماما عن ما يحدث في الداخل .

Quote: حمور ياخي انت شائل حسو ساى أنا غايتو متفائل لي في البلد الشغيغ ومن هسه مجهز عنوان بوست الاحتفاء بشهرتو ومجدوهناك حمور زيادة على خطي مي زيادة

شوف يا ناصر : اليوم الحمور يبقي كاتب كبير يشار له بالبنان بتعصر عليه و كلامي الكعب عنو كلو بنكرو : حتي ذلك الحين (دعونا نؤكّد ونصرِّح بصورةٍ قطعيةٍ واضحة: نحن لا نتضامن مع حمور زيادة بتاتاً، بل سنعمل لإسقاط حملته النجوميّة بوضوح. ) أو كما قال شيخنا التلب قدس الله سره !!

Hololy يا حبيبنا ، سلام يا صاحب

Quote: ...ادوك حق التذكره و تعويضاتا .... ..... ...و الاّ اكلو بعقلك حلاوه ...شاكلة الشكر لساعي البريد ..... ... .....

والله لغاية اللحظه دي زول اداني تعريفه مافي ( إلا يكون حمور شالها و علفها بره بره ) لكن : لنا من الصبر ما هو كفيل باسترداد حقوقنا و لو بعد حين !

Quote: يادكتور ....... كدي ضربه بحسابات الحميدية ............ ياخ ده مبلغ خرافي

يا سعادتك : المبلغ الخرافي ده ما ياهو الجاب الوجع الخرافي ذاتو !!

أساسي : حبيبنا الدباب :

Quote: طوال الربع الفائت لم استسغ القراءة لكثير من عضوية المنبر , وجدت في بعض بوستاتك التي نشرتها بعد عوتك وقبلها الكثير من العزاء وفي بعض مداخلاتك فتوجتك كاتبي المفضل للربع المنصر والذي اسأل الله ان لا يعيده

ياخي كتر خيرك علي طيب كلامك في حقي ، لكن كلامك ده بيبين بؤس هذا المكان !!





-----------
مستغرب انك ما مسحت مداخلتك ليه !!

الزوول يا حبيبنا

Quote: السادات ده مالو؟؟

غايتو دي بالغت فيها !!

الغريبه إنو أنا لا متذكر لحظة الصوره و لا لمن أيمن صورني ولا أنا ذاتي كنت بهبب في شنو بيديني و كرعيني و بالحماس ده !!!

أمين المفكر الكبير رغم أنف حمور
مساء الخيرات
والله كنا عاوزين نلاقيك فى جيتك دى لكن الظروف ماسمحت
وخيرها فى غيرها إنشاء الله ....

كتاب يا دوك
ما اصله الخال ولد
لووووووووول

سلام يا دوك
شركت ليك ب ( حفلة) فى مركز الخاتم والشرك ما قبض
هسة عرفت المرة الجاية ح أشرك ليك ب ( بلطاية )
واكيد ح تجى
...
قلنا نقلب ليك الصفحة عملا فى الله

سلام يا أبو نون و لعلك طيب ياخي

Quote: يا دكتور .. تحياتي وتقديري .. والله لحدي اليوم في ناس بتفتش في رقم تلفونك ... ما تجي تستلم ياخ ...

ياخي تسلم و يسلمو الناس البفتشو في تلفوني : حا أجي استلم قريب لو ربك هون

العوض يا حبيبنا

Quote: البلال امين حمدا لله علي سلامة عودتك .. قلت لي الخرطوم لقت سمحة

ياخي الله يسلمك و يديك العافيه ..

الخرطوم ما بتنفات لكن المعايش جباره !!

يا دكتور حمدلله على السلامة


اللحظات القعدناها معاك بقدر ما كانت قليلة الا اني اجزم بي اني اضفت لي قائمة الناس البعرفم

انسان ما عادي

..

انسان نضيف جدا جزمتو يستحيل تت######

انسان حنكوش في شكل راجل عجوز










...

Quote: سعدنا جدا لرؤيتكم في سوق الحميدية...طبعا الميم للتفخيم سعادتك

اميمه يا عزيزه ، و أنا والله سعدت بلقائك و بلقاء العزيز دكتور محمد قرشي .
كوني بخير يا صديقه .





-----------
غايتو الحميديه تعيسه تعاسه : ما عارف ناس حمور العاجبهم فيها شنو !!

سناء الصباغ !!! لا حولااااا !!! بكري ده مفروض يدوه أوسكار

Quote: والله أمين العامل ليكم فيها دكتور وبتاع مشاهدات دا لما انحنا كنا تفاتيح في الحلة هو كان شافع ساي هسة عملتوه لينا دكتور وباحث وكمان بقى أحد أشهر خالين في السودان أمين جال حمور والطيب خال الرئيس مع الفارق طبعا (دي اسمها ثنائيات النفي يعني زي الخير والشر والليل والنهار) وبعدين أمين بنتمي لأشهر أم في السودان بعد أم رقيقة الا وهي أم درمان (أم رقيقة وأم درمان ديل مترادفات ما متنافيات)

حلتنا يا سناء إلا يوصفوها ليك : و ممكن تتحاومي ربع ساعه ما تلقي زول تعرفيه : البحر ذاتو رحل و مشي هناااك : عايز ليه تاكسي عشان تصليه !!
ناس حلتنا الزمن لخبط ملامحهم من بره ، لكنهم من جوه نفس الناس : عميقين و كريمين و حنينين !!

Quote: الخلاصة انو لما أمين الصغير وجاهل دا يبقى خال الناس الحايمة دي وخال حمور أبصلعة البيكون ما مولود لما انحنا كنا تفاتيح كدا أنا ما استحميت وبقيت حبوبة البورد وام بكري ابو صلعة صاحب البورد وأبو ساندرا وصديق الموج. يعني بعد كدا بس الواحد يحح ويموت.

بالصلعه و الشيب الفي الصور يا سناء : أنا لو محلك كان جيت قلت إنو ناس أمين ديل أولاد حلتنا الكبار


---------
علي إتصال بموسي في تكساس و لو إنو لينا زمن ما اتكلمنا ..

Quote: حمدالله علي السلامة يادوك أموالنا!!؟. ما تكون ال٨٠ جنيه الجازفتهم من ود أختك

الله يسلمك و يديك الصحه و العافيه يا الشفيع .
ال ٨٠ جنيه ديل حمور دفعهم لبتاع التكسي : و غالبا بكون بفتش فيه لحدي هسي

Quote: غايتو الحميديه تعيسه تعاسه : ما عارف ناس حمور العاجبهم فيها شنو !!

انا وريت طارق جبريل السبب حسب رأي !!!

لكن الا بالماسنجر ..............

لطف

ورقة

وثقافة

وسجايا ,,,,, واخلاق

ودود من غير حدود ,,,,,, وحاجات تانيه حاميانى ,,,,,,


شكلى كده اندحت خلاص

Quote: لطف ورقة وثقافة وسجايا ,,,,, واخلاق ودود من غير حدود ,,,,,, وحاجات تانيه حاميانى ,,,,,, شكلى كده اندحت خلاص

يا خال انت الجية التانية متين ..؟؟

Quote: يا خال انت الجية التانية متين ..؟؟

ماقاليك قريب يامعتصم

وحيستلم كمان

سناء الصباغ :

Quote: وبقيت حبوبة البورد وام بكري ابو صلعة صاحب البورد وأبو ساندرا وصديق الموج.

والله يا ماما سناء أمومتك ما باباها ، وتزيدني شرف
إلا أعيدي النظر في أمومة الموج
ح يتلحك بيها
ومابعيد يطالب بحق اللبن كاش

لايفوتني أن انوه بإعجابي بالمقارنتين
- أم رقيقة وأم درمان ،، والخال الرئاسي والخال المنبري


-

أبو نون و منال : علمت بمروركم

إلي العالي قيمة و مقاما خضر حسين ، سلام

Quote: يا أمين نحنا تعبانين تعب شديد وعدتك اجيك بالليل ـ جيت بالليل وما لقيت روحي ـ ياخي بلد عبارة عن لخبطة شديدة ليس الا ودعنا هذا المساء يا صديقي أكيج ملونق عاشت معنا أو في الحقيقة عشنا سوياً أجمل أيام العمر ودعناها ولعنا الظلام فعن شنو نحكي وعن شنو نكاتبك وعن منو نقول ـ ياخ ساعدونا بالتي هي أجمل تعلو يا نعيش كلنا حياة زي الانسانيين الفي العالم يانموت كلنا زي الانسانيين برضو دي رسالتي الوحيدة في البوست ده يا امين ـ وحياتك بقينا نشرب صرف صحي وناكل كسرة ومرات نبيت ام فكو وغايتو غايتو غايتو

إذا كنت تكتب بهذا الياس يا خضر فمن للناس : من لنا : من للوطن يا صديقي ؟!!
نحن ما ناس سياسه : لكنا نعرف صادقيهم من كاذبيهم فبالله شوفو لينا دباره لانو الروح بلغت الحلقوم !!

Quote: حليم برضو بقول ليك انحنا خلاس مافضل شيتاً تلقوهو مننا في الاجازات

قول لحليم : أولا مبروك الخطوبه و ثم أني انتظرت عودته من البلد لكنه مثل كل أشيائنا الجميله : لاتاتي أبدا في مواعيدها !!

Quote: ياريتك تجي راجع يا امين

أنا ما مشيت عشان ارجع يا خضر : و دي مشكلة السودان الأزليه : كان داير تخليه ما بخليك !!!

آسف يا صديقي معليش يا أمين

(1)


بلد جنحاتها مكسورة
بلد أوراقها في إيدها
بلد قدام
بلد رامي
بلد أحزانها يوماتي


(2)

بلد مفتاحها في ايدها
تفتش في لياليها
تفتش عن كشر ضايع
وتسأل عن ولد صايع
بلد رقراق
بلد طيب
بلد ناساتو موجوعة
بتعرف كيف تسوي الصي
تجيب تارا

(3)

بلدنا الصاح ومو كضاب
يجينا تمام
بلد راكز
بلد سواي
ومو حداث
بلد منتج
بلد بستان
بلد مزدان
بلد واعد
يجينا سيوف
يجينا بخور
مطر من حلفا لي سنكات
عيوش وقموح
صمغ عربي
ونيلنا تمام
يجينا دليب
نواحي أويل
يجينا
بلد موحد زين

ـــــــــ
خضر

اكتب يا خضر : لعل الله يجعل في الكتابة مخرجا !!







----------
لي يومين بساهر مع حاجاتك الرسلتها : دهشتي فيما تكتب تتجدد كل يوم !!

Quote: جايك راجع و لذلك اليوم

في انتظارك يا مورتا : بس بالله مشوار الاسكلا جليهو من الحكايه !!

قلنا نسلم علي خالنا

أخانا في دوحة العرب التي أصلها فطن : السالم كمال : سلام يا صديقي

Quote: يا أمين يسألنى الله ده كلام الغواصات ذاتو !! يازول إنت متأكد فى القاهره دى لاقيت حمور بس ؟ عموما المسوده سوف تصلنا قريبا وإلى ذلك الحين لك مودتى وتحياتى ,,

حبايبنا في جهاز الأمن ما محتاجين غواصات : ناس المعارضه قايمين بالواجب و زياده !!
الانقاذ لمن جات يا كمال أنا راجل كبير في تالته جامعه : لا أتعاطي السياسه و أحسبني أفهمها : كل معارضي الانقاذ في البيت و الحله و الأصحاب و زملاء الدراسه كلامهم كان (الجبهجيه ديل ما بتمو إسبوع !!! ) : الأسبوع بقي اسبوعين و الاسبوعين بقو كم و عشرين سنه و القصه جاره : الأنظمه العسكريه في دولنا الشقيقه لا تقتلع بال wishful thinking و لا بمعارضه تحمل في جيناتها كل أمراض الحكومه الخبيثه : الأنظمه العسكريه تقتلع بالعمل المنظم الممنهج المتواصل و بالله ركز لي علي المتواصل دي يا كمال ! متي علمت باخر عمل سياسي للمعارضه - باي شكل كان - من شانه أن يسقط هذا النظام ؟!!
الحكومه و المعارضه تحالفو لاغتيال رغبة الناس في أي عمل سياسي من شانه أن يسقط هذا النظام : الحكومه شدهت الناس في معيشتها و المعارضه فشلت في تقديم بديل حقيقي للنظام يلتف حولو الناس ، و لحدي ما يجي اليوم اللي المعارضه تفهم نفسية الناس في الداخل و متطلباتها عشان ما تشارك في ثوره شعبيه تقتلع النظام : الناس ديل حا يكونو قاعدين و حاكمين و ظالمين و لا عزاء للسودان الشقيق !!!

Quote: زى السمعت فى كلامك ده سيرة الدوحه . عموما الدوحه وأهل الدوحه برحبوا بيك فى أى وقت ,, وحق التاكسى أقلعوا من أميره الشيخ بعدين ,,

كان عزمنتونا بنجي عليكم ، مش قالو قطر فتحت ؟!!
بعدين اميره الشيخ دي خاتنها للسمينه : تقول لي حق التكسي ؟!!

شكرا أبو ساندرا

غاينو صديق الموج دا مابيعرفني وما حصل أن تداخلنت معاهو قبل كدا
لكن بس بنكيف منه لله فالله كدا وبنعجبني تعليقاته الذكية ولو انه بعدمرات
بكتر المحلبية ونحن هنا معانا عوايل.
المهم قلت أشرك ليه بحكاية الامومة دي لكن ربك ستر وما شافها.

معليش يا أمين على الونسة الجانبية دي.

لكن رجاءا ركز لي شوية على المشاهدات الابروفية بالله شفت البحر بقى بائس كيف؟؟؟؟
وشفت أبي روف اتغيرت ديموغرافيا لياتو درجة.
آخر مرة مشيت شعرت بغربة شديدة وكأني لم أنتمي لهذا المكان في يوم ما.

ياسر

Quote: هذا المقتبس يدل على أن هذا الأمين لا يمت لشعبنا بصلة، ولا بقضاياه، وأظن أن الذين كانوا حوله أو في معيته حناكيش، أصبعهم في "هناية" غيرهم

علمت و سعدت بمرورك !!

أبو الحسين يا حبيبنا ، سلام ياخي

Quote: و الله يا ود طيفور الزول دا إست######ك إستوساخ ما عادي.. إنت الوحيد اللي قال ليك الكلام دا... و كمان كررها إمعاناً منه في إستوساخك... دنـيـا.......

عليك الله ما تضغط علي ياسر ده كده تبقو عليه إنت و الزمن و تراجي !!

facebook

عايز لي دباره اقفل بيها حسابي في ال facebook : عشرمية ايميل في اليوم لمجموعات ما عندي علاقه بيها غير إنو في لحظه تعيسه قبلت أكون عضو فيها :
سؤال جادي : اقفل حسابي في ال facebook كيف ؟!!

حبيبنا الوليد ، سلام يا صديق و لعلك بخير

Quote: أمين المفكر الكبير رغم أنف حمور مساء الخيرات والله كنا عاوزين نلاقيك فى جيتك دى لكن الظروف ماسمحت وخيرها فى غيرها إنشاء الله ....

شكرا لاحقاق الحق رغم أنف حمور و صلعتو و إن شاء الله نلتقي قريبا إن سارت الأمور كما أحب ..

Quote: كتاب يا دوك ما اصله الخال ولد لووووووووول

أبومازن يا حبيبنا ، ده إنت القلنا عليك عاقل ؟!

شيخ ديننا سمير ، سلام يا صاحب

Quote: سلام يا دوك شركت ليك ب ( حفلة) فى مركز الخاتم والشرك ما قبض هسة عرفت المرة الجاية ح أشرك ليك ب ( بلطاية ) واكيد ح تجى

سئيلي الله جيت و لقيت زحمه لا يعلم بها إلا الله : ضربت من قدام المركز أقول ليك أمرق لي (ولانو ما نزلت تلفونات الناس ) القايلو تلفونك طلع تلفون خضر حسين إتونست معاه شويه و دورت عربتي و إتخارجت !!
ياخي المحل من شدة ما زحمه : الشارع بره مليان : ما عارفكم كنتو قاعدين جوه كيف !!
الجايات أكتر إن شاء الله و البلطي ما بنابه : كتر الشطه بس

حذيفه الأمريكي : سلام يا حبيبنا و الله يسلمك و يديك العافيه ياخي

Quote: يا دكتور حمدلله على السلامة اللحظات القعدناها معاك بقدر ما كانت قليلة الا اني اجزم بي اني اضفت لي قائمة الناس البعرفم انسان ما عادي .. انسان نضيف جدا جزمتو يستحيل تت###### انسان حنكوش في شكل راجل عجوز

اللحظات القليله دي تمنيتها لو طالت لكن الجايات أكتر إن شاء الله ..
بعدين خالك من ناحية عجوز عجوز لكن ما حنكوش : غايتو حناكيش ابوروف ديل سئيلي الله ما سمعنا بيهم !!

!

Quote: عايز لي دباره اقفل بيها حسابي في ال facebook : عشرمية ايميل في اليوم لمجموعات ما عندي علاقه بيها غير إنو في لحظه تعيسه قبلت أكون عضو فيها : سؤال جادي : اقفل حسابي في ال facebook كيف ؟!!

وليه تقفل حسابك ؟؟؟ انت بس ممكن تعمل خروج من المجموعات دى وترتاح منها



صباحك بلون الفرح ,,,,,,

Quote: انا وريت طارق جبريل السبب حسب رأي !!! لكن الا بالماسنجر ..............

قريت السبب و بطل العجب !!
ده كلام ده يا سعادتك ؟!!

بركاتنا الذي بالدوحه ، سلام يا صديق

Quote: لايفوتني أن انوه بإعجابي بالمقارنتين - أم رقيقة وأم درمان ،، والخال الرئاسي والخال المنبري

غايتو أنا و خال الرئيس : خيلان السجم و الرماد !!

Quote: قلنا نسلم علي خالنا

بهاء يا حبيبنا : ياخي تسلم عليك العافيه و الأيام الطيبه ..
و سعدت جدا بلقائك والله

سلام يا منال و يسعد صباحك

Quote: وليه تقفل حسابك ؟؟؟ انت بس ممكن تعمل خروج من المجموعات دى وترتاح منها صباحك بلون الفرح ,,,,,,

ياخي أنا ال facebook ده مما عرفتو ما ضقت عافيه : كمية ايميلات عجيبه جدا : غير المجموعات ، لو زول علق لزول في حيطو ساي أنا بتبله بايميلات لكل تعليق : غير كده أنا ذاتي ما بستعملو إلا فيما ندر فمافي طريقه غير ما أقفلو ...

سلامات يا دكتور...

Quote: قريت كلامك المسحتيهو ده و بتفق معاك فيهو ميه ميه لكن شكلو ناس بيتكم هرشوك

ابدا و الله. ناس بيتنا ديل اصلا ما عارفين سودانيزاونلاين ده شنو.
انا قريت كلامك ده...

Quote: الانقاذ لمن جات يا كمال أنا راجل كبير في تالته جامعه :

و شلت هم. قلت بينى و بين نفسي: بالله انا بتتداخل مع ناس عجاويز كده؟؟؟؟انا الزمن داك كنت فى الابتدائى!!!!
________________________________________________
just kidding كل القصة انو بقيت حساسة الايام دى...و جيت راجعه البوست بعد يوم من كتابة تعليقى قريت الكلام تانى و استبيضته و قمت مسحته. بالبساطة دى. و هسى كلامى ده لو الدنيا صبحت و جيت قريتو تانى و ما عجبنى ...يمكن امسحه.ما تجى تقول لى:" التيبس"*




* لتفسير كلمة "التيبس" ارجع للمقال ادناه.
http://www.sudaneseonline.com/index.php?option=com_content&vi...1-11-26-03&Itemid=55

Quote: just kidding كل القصة انو بقيت حساسة الايام دى...و جيت راجعه البوست بعد يوم من كتابة تعليقى قريت الكلام تانى و استبيضته و قمت مسحته. بالبساطة دى. و هسى كلامى ده لو الدنيا صبحت و جيت قريتو تانى و ما عجبنى ...يمكن امسحه.ما تجى تقول لى:" التيبس"*

سمارت يا ذكيه : حسب اللائحه لا يجوز سحب المداخله حال يباسها !!

السلام عليكم ورحمة الله

اجمل وارق التهاني بمناسبة اعياد الميلاد والسنة الجديدة

و عليكم السلام و رحمة الله و بركاته يا بدرنا حيث لا بدر هناك !!

Quote: السلام عليكم ورحمة الله اجمل وارق التهاني بمناسبة اعياد الميلاد والسنة الجديدة

مالي لا أري جمالا ولا رقة فيما أتيت به ؟

-------
لو كنت صلحت النخره شويه كان جبت أخوك زي ما الله خلقو !!


-----

Quote: مالي لا أري جمالا ولا رقة فيما أتيت به ؟

وماهي مقاييس الجمال والرقة عنك ايها الاديب الاريب ؟!!
يا اميننا الذي رمينا به اعداء الوطن والانسانية..مالي اراك غير متصالح مع نفسك وواقعك ؟!!
اخشى ان سرت على هذا المنوال ان تصل الى مرحلة(كاره ذاتك + مستلب ) وانا لا يرضيني ولا يسرني ان تكون كذلك يا من ظننا انك سيفنا البتار وسراجنا المنير !!

يا بدرنا

Quote: وماهي مقاييس الجمال والرقة عنك ايها الاديب الاريب ؟!! يا اميننا الذي رمينا به اعداء الوطن والانسانية..مالي اراك غير متصالح مع نفسك وواقعك ؟!! اخشى ان سرت على هذا المنوال ان تصل الى مرحلة(كاره ذاتك + مستلب ) وانا لا يرضيني ولا يسرني ان تكون كذلك يا من ظننا انك سيفنا البتار وسراجنا المنير !!

يعني أنا يا أبقي شبه الغوريلا حبيبتنا الفوق دي : يا أبقي ما متصالح مع رقبتي ؟ مافي أي خيارات تانيه ؟!!!

مرتضي المقبول

بالمناسبه أكره نفسك في فراغك وفي تفاهتك دي . وانا الظاهر بالنسبه ليك موضوع مش ؟
لاكين عاين لي نفسك كده من جوووه من معدتك من بطنك ومن تاريخك ونفسك كده ، شوف انته بس ما عندك شغله غير كده ؟ معقول ما يكون عندك موضوع غيري يعني !!!
أنا مهم بالنسبه ليك للدرجة دي دي يعني ؟ ما أكيييد عندك مشاكل ، أم و بيت و ذكريات و واصدقاء !! ما بتكون عندك مشاكل زي دي يعني ؟

-------
يا اخوانا مافي زول يلمنا في الراجل ده ؟ ما تمنيت مقابلة زول و الونسه معاهو قدر الزول ده !!
-------
مرتضي المقبول : أعمق من مشي علي قدمين في سوداننا الشقيق !!

دعوه

نحو حياه خاليه من ايميلات ال facebook الما بتنتهي : deactivate your Facebook account !!









---------
انتهيت من موضوع ال-facebook ظاهرا و باطنا !!

خال حمور:

Quote: غايتو أنا و خال الرئيس : خيلان السجم و الرماد !

القشير ايوة سجم ورماد ،، والطيب بيكون خال السجم والرماد وهو ذاتو اسجم وارمد
لكن حمور ما أظن
فأهنا بخؤولتك له

Quote: القشير ايوة سجم ورماد ،، والطيب بيكون خال السجم والرماد وهو ذاتو اسجم وارمد لكن حمور ما أظن فأهنا بخؤولتك له

يا أبا ساندرا : حمور ده لا يقل سوءا عن البشير : إنت ما بتعرفو بس !!

ثم أين حبيبنا صلاح جادات ؟!!!

يا بروف

Quote: نحو حياه خاليه من ايميلات ال facebook الما بتنتهي

ليه كدا؟؟
ممكن بدون ماتعمل deactivate تعمل الخطوات دي و ما حيجيك ايميل تاني

Account >> Account Settings >> Notifications
و تنزل تحت تشيل التكات كووووولها



و لو وصلك ايميل تاني
يكون مورتا بالغ

حسبو الذي .... سلام يا فرده

Quote: و تنزل تحت تشيل التكات كووووولها

شوفت عشان شغل التكات ده : البتاع ده خلينا خالس !!

ذبحتنا بمشاهداتك..
__
أتيت لأعلمك بمروري، تباً لك -تقرأ بالإنجليزية الركيكة-!

Quote: أتيت لأعلمك بمروري، تباً لك -تقرأ بالإنجليزية الركيكة-!

شرحو..
.
.
.
.
.

.
..
.
يا نوتة يسألني الله ..اصلا ما اتخيلتك تنقل المصيبة دي للربع الجديد ...
.
.
.
.
عالم عكاليت بشكل !!!

يا ياسر
بالمناسبه أكره نفسك في فراغك وفي تفاهتك دي . وانا الظاهر بالنسبه ليك موضوع مش ؟
لاكين عاين لي نفسك كده من جوووه من معدتك من بطنك ومن تاريخك ونفسك كده ، شوف انته بس ما عندك شغله غير كده ؟ معقول ما يكون عندك موضوع غيري يعني !!!
أنا مهم بالنسبه ليك للدرجة دي دي يعني ؟ ما أكيييد عندك مشاكل ، أم و بيت و ذكريات و واصدقاء !! ما بتكون عندك مشاكل زي دي يعني ؟

إنت مرتضى ولا الواثق؟
___
تخيّل اللغة السمحة دي عرفتها ما لغتك، بالإضافة لي إني عارف يدك خفيفة بعد تعديك على عزيزنا بدر، فطوالي قوقلت ما جئت به من لون أحمر، وطشّ بي من عكس الريح ومع الريح وحتات تانية كثير لا يعلمها إلا قوقل.. المهم يا عملات تبارك، أكتب في المحضر قبضناك مرة تانية..

يا ياسر ياخي ما قلت ليك الموضوع ده بسيط جدا : كان كلام بدر الدين كان كلام مرتضي العميق ده : قد أكون اطلعت عليهم فى يوما ما و اتخزن اتومتكيا مع باقى المواد الموجوده فى المخيخ العلوى لا اكتر ولا اقل !!*









-------
*تعال قول لي الكلام ده كمان أنا ناجرو من حته !!

Quote: يا ياسر ياخي ما قلت ليك الموضوع ده بسيط جدا : كان كلام بدر الدين كان كلام مرتضي العميق ده : قد أكون اطلعت عليهم فى يوما ما و اتخزن اتومتكيا مع باقى المواد الموجوده فى المخيخ العلوى لا اكتر ولا اقل !!*

غايتو الكلام دا يا دكتور بضبانته موجود في الرابط أدناه

مشاهدات !!!

يا بدرنا الذي ما طلع علينا يوما :

Quote: يا نوتة يسألني الله ..اصلا ما اتخيلتك تنقل المصيبة دي للربع الجديد ...

ياخي أنا - زي و زي سيد صبري - عندي مهمه تنويريه و تقع علي عاتقي مهمة تبصير و تعليم الوهم الهنا ديل !!
الناس دي حا أمشي ليهم في بيوتهم يعني ؟ ما لازم انقل معاي البوستات دي !!!

يا عمو أمين إتخزن في ذاكرتك ومخيخ علوي بتاع راس قلبك إنت سارية الجبل قايل روحك

Quote: يا عمو أمين إتخزن في ذاكرتك ومخيخ علوي بتاع راس قلبك إنت سارية الجبل قايل روحك

ابدا يا مورتا : قايل روحي العميق ده :

Quote: غايتو الكلام دا يا دكتور بضبانته موجود في الرابط أدناه

مورتا يا وهم : شفت الفرق بينك و بين الصادق ؟!
ياخي مفروض تقيف معاي كان قبضوني مجازف لي سطر سطرين شوف الصادق حبيبنا جا بادلتو منجوره تحمد ربها !!







--------
لك المجد يا صادق و أنت تدافع عن مفكري هذه الأمه ؛
و الخزي و العار لمورتا و حسبو و اميره الشيخ !!!

عمو أمين


القفلة متين؟



ثم سلامو ياخ , وعايزة أشترك معاك فى مشاهدات كتيرة , بعد تكلمنى بالقفلة متين بجى برصا ليك :-)

أختنا في الله : ندي :
ياخي لعلك طيبه و سعيده و مطمئنه !

Quote: القفلة متين؟ ثم سلامو ياخ , وعايزة أشترك معاك فى مشاهدات كتيرة , بعد تكلمنى بالقفلة متين بجى برصا ليك :-)

يا زوله خشي طوالي و أدينا مشاهداتك .
و بالنسبه للقفله : مافي قفله إن شاء الله : فاتحين طوااالي Walmart بس !!!

يا سيِّد أمين،
الجزء الذي إقتبسه البدري، لله دره، هو أهم ما جاء في مداخلتي، و لا أظنك إستوسـخته كما تفعل. أظنّك، آثم، لم تفهمه لذلك سوف أعيد تركيبه، عسى ولعل أن يفهمه مخيخك العلوي أو السفلي أو أي كان إسمه..
____
أتيت لأعلمك بمروري، تباً لك*!

* تقرأ بالإنجليزية الركيكة

سئيلي الله يا ياسر فهمتو فهم : بعدين ياخي الناس البتري بنور الله دي مافي حاجه بتفوت عليها !!

يا ود اسمعيل
ما عهدتك هكذا،
إذا نشل الصديق وجدتم له "الجيب" المصدر، وإذا نشل العدو أقمتم عليه الحد..

سؤال
هل صدفه إنو في تلاته اربعه احزاب أمه و كميه من الاتحادي الديمقراطي و كلما شيوعي يزعل من حزبو يعمل ليه حزب و الأحزاب دي ذاتها تتفكك و تتشظي ؟ هل صدفه إنو الكيزان إنقسمو و هم في عز السلطه و إنو حركات دارفور المسلحه -اللي عددها بالكالكوليتر ما بتحسب - إنقسمو و هم في عز النضال ؟ هل صدفه إنو البعثيين و الأخوان المسلمين منقسمين ؟ ياخي أنصار السنه منقسمين : و قبل إسبوع أول مره أسمع بحركه (كوش ) المسلحه و سمعت بيها لانهم متشاكلين و عايزين ينقسمو !!
الكلام ده كلو صدفه ؟!!
و القصه دي مافي السياسه و بس : الفرق الموسيقيه تنشطر و تنبثق و ينفرط عقدها كالمسبحه : و لو جاز إنقسام الفرق الرياضه كان بيكون عندنا تسعه هلالات و تمنيه مريخات و موردتين علي الأقل !!! و لو بكري كان دقس و شارك زول في محلتو دي : هسي كان بنكون مقسمين في الباندويث و كنت بكون واقف مع صاحب المنبر التاني ضد بكري !!!
السؤال : لماذا كل ما إشترك سودانيان في عمل عام أو خاص : انفصلا قبل أن يجتمعا و تفرقا قبل أن يلتقيا ؟

حق و اللبرالي
تري لو لم يختلف المرحوم الخاتم مع قيادة الحزب الشيوعي : هل كانت ستولد حق ؟! و لو لم يخرج عادل عبدالعاطي من الحزب الشيوعي : هل كان اللبرالي سيري النور ؟!!
بالنسبه لي كمواطن : لا فرق بين الشيوعيين من جهه و أهل حق و اللبرالي من جهة أخري : كلهم شيوعيين : لكن ناس حق و اللبرالي (شيوعيين زعلانيين من الشيوعيين ) !!!

حتي و إن جاء الصقيع : الشمس تبقي ساخنه !!!

اخونا* الاصغر امين محمد سليمان,,,,سلاااااااااااااااام شديد
دخلنا نشوف المشاهدات نلقاك عاملها لينا امة واتحادى وليبرالى .....?
.الزول الا يقول ليهو قصيدة عصماء حتى يعتبر سلم عليك غير كدا مابنفع ِ...
حاستعين بالشاعرة النحريرة امانى الامين (الماشوية) لكتابة هذه القصيدة






------------------------------------------------------------------

النون راجعة لينا انا ومورتا وحسبو ..خضر وابوصلعة ما معانا

و عليكم السلام يا اميره و سئيلي الله شوقنا يهد الحيل ...

Quote: اخونا* الاصغر امين محمد سليمان,,,,سلاااااااااااااااام شديد دخلنا نشوف المشاهدات نلقاك عاملها لينا امة واتحادى وليبرالى .....? .الزول الا يقول ليهو قصيدة عصماء حتى يعتبر سلم عليك غير كدا مابنفع ِ... حاستعين بالشاعرة النحريرة امانى الامين (الماشوية) لكتابة هذه القصيدة

مشاهداتنا لا تخضع لزمان و لا لمكان و بالتالي لا تخضع لموضوع
أنا أخوكم الأصغر علما و معرفه و عمقا و كان دايرين تزيدو ليها عمرا كمان يكون من ذوقكم بس !!

امين الياسمين
انت باين عليك في السودان لموا فيك
ناس غبد العال ومرسال ابات شنباتا غلاد
لانوا عماقتك لاتخطئها العين

محجوب على .....سلااااااااااااااام
كل سنة وانت طيب وبالف خير وعافية
وبركة بالشوفة وليك وحشة شديدة

شنو الغيبة دى ؟؟


امين ياخ ازيك ومشتاقين تانى

بت الشيخ الاميرة
كل ستة وانت طيبة
وعلي قول المفكر امين (شغلتنا ..........)
من امنيات السته الجديدة تصعيد امين الي سودان فوراول
ويخرمج ويجينا شايل بغجتو

محجوبنا الذي !! سلام يغشاك و يبراك محل ما تقبل

Quote: من امنيات السته الجديدة تصعيد امين الي سودان فوراول

ياخي لو علم أهل الفورول بقدرنا لجاءو لنا بالباسويردات في مكاننا !!
طبعا أنا هنا بكتب باسلوب بسيط عشان الرجرجه الذي ناس اميره الشيخ ديل يفهمو ، لكن لمن أمشي بهناك ما تفرزني من محسن خالد : أو كما قال أبوالريش !!

Quote: الفنان كان تعيس تعاسة السنين . البركه في فاديه اليمني !!

انت قصدك... البركة فى العضة...صــاح!!!خليك امين ياخ


امين الذى ...لا يقول النصيحة

اميرة التى ..ما شوية

حسبو الذى... يعرف يعض "من عضة"

مورتا... المتماسخ






كنتم احلى المشاهدات... سنة حلوة عليكم

Quote: من امنيات السته الجديدة تصعيد امين الي سودان فوراول ويخرمج ويجينا شايل بغجتو

يا محجوب سودان فور أوول ما كتيرة علي أمين، لكن الخوف يمشي يسوي مشاهداتو دي هناك، يقوم يلم فيهو حسن موسى يعملو مشهّد، كتابة وتصاوير..
__
يابت اليمني يا فادية سلامات، وين بت الأمين؟

فاديه التي ....، سلام يا صديقه و لعلك بخير و صحه و عافيه

Quote: انت قصدك... البركة فى العضة...صــاح!!!خليك امين ياخ

والله البركه في العضه ما نقدر ننكرها لكن البركه الأساسيه فيك انتي دي !!

Quote: حسبو الذى... يعرف يعض "من عضة" مورتا... المتماسخ

و لا خير في كليهما !!
الاتنين ضهب : و إن كان حسبو متصالح مع ضهبو بصوره أوضح و أجمل أشمل !!

Quote: يقوم يلم فيهو حسن موسى يعملو مشهّد، كتابة وتصاوير..

العريس ود طيفور
وانت براك عارف تصاوير المثقفاتيه ، تغني عن الف مقال.
وعندها تصيع كل الالقاب ويصبح امين المشهداني

Quote: يابت اليمني يا فادية سلامات، وين بت الأمين؟

المشاهد العزيز ود طيفورنا..كل سنة وانت طيب

نشكركم على سؤالكم عنااما فيما يتعلق ببت الامين...

الايام دي كديستها بتاعت الشعر رايحة منهابتفتش عليها

نرجو تكرمكم بمدنا باجهزة الكشف عن الكدسة "القطط" ..ومهم جدا "مد ان يو اس ا"


ركز معانا بالله ...و خليك من الفلترة

أين صاحب هذه المشاهدات؟