Quote: التحيه الحاره لهؤلاء الشباب المبدع اتمنى لهم مزيداً من التقدم والنجاحات
شكراً خالد على عكس الصوره
الاخ محمد زكريا شكرا على المرور
والتحية لكل مبدع في السودان
Post: #18 Title: Re: فرقة سودانية سودانية بنكهة جاميكية Author: سفيان بشير نابرى Date: 12-28-2010, 02:24 AM Parent: #17
شكراً يا سوميت أنك اشركتنا في هذه المتعه والتحية لاخواني واصحابي يوسف ومحمد و أحمد فهم بالحق شباب فنان واخوة محبين أتمنى لهم التقدم في المسيرة ومواصلة اجتهادهم ويوسف مغني ممتاز وشاب طموح وخلوق وذو معشر حلو و محمد شاب فنان ومهذب ورقيق و احمد يكفي أنه من اسرة فنية عريقة ومحبوبة وهو شاب خلوق وفي غاية الطيبة بالحق هم أخوتي المحبوبين .
Quote: شكراً يا سوميت أنك اشركتنا في هذه المتعه والتحية لاخواني واصحابي يوسف ومحمد و أحمد فهم بالحق شباب فنان واخوة محبين أتمنى لهم التقدم في المسيرة ومواصلة اجتهادهم ويوسف مغني ممتاز وشاب طموح وخلوق وذو معشر حلو و محمد شاب فنان ومهذب ورقيق و احمد يكفي أنه من اسرة فنية عريقة ومحبوبة وهو شاب خلوق وفي غاية الطيبة بالحق هم أخوتي المحبوبين .
شكراً يا سوميت .
الاخ سفيان شكرا على المرور
صدقت يا اخي في حديثك عن الشباب المبدعين
احمد ومحمد شرحبيل شباب اول ما تجلس معاهم تحس الهدؤ والاحترام
في طريقة تعاملهم معك.. احمد شرجبيل عرفته عن قرب رجل ممتاز لي ابعد الحدود
وله اجتهاداته الخاصة في مجال الموسيقي مع فرقة الوازا وخارج الفرقة ايضا.
الاخ يوسف فنان موهوب وانسان ومرهف الدواخل ينعكس ذالك في ادائه الرائع
اخي.... سفيان فرقة الوازا قدمت كل جميل في فن الريقي والتراث الافريقي والسوداني
لذالك نالوا الاشادة والتقدير من محبيهم فالتحية لكل اعضاء فرقة الوازا
كفرقة سودانية تهتم بكل القضايا التي تدور في السودان ويظهر هذا الاهتمام في تخصص بعض من الاغاني الخاصة بهم للسودان تحديدا مسالة الحرب والسلام والتعايش السلمي فلهم رسالة واضحة في هذا الاتجاه كما ان لهم مساهمات دائمة بالتعاون مع الجامعة الامريكية من خلال احياء حفلات يوم افريقيا ويوم اللاجئ العالمي كل سنة و للفرقة ايضا نشاط غنائي كبير في شكل حفلات (دخل) والحفلات الخيرية ايضا معتمدين في ذالك على جمهور كبير جدا من المعجبين بالاداء المتميز والمحبين لموسيقي الريقي . الوازا كفرقة سودانية مميزة جدا من حيث ا لحضور والمشاركات في الكثير من المسارح والمهرجانات والتي تنظم عبر بيوت الثقافة في مصر.
ياخالد تحياتى غايتو السودانيين ديل كان مزاجهم راق ولقو جو كويس بعيد عن حق الحلة والرغيف وضغوط الانقاذ المابتنتهى يبدعوا فى كل شى والله ده جضم للطش وابداع حقيقى والاعلام هنا فى السودان ما حايتجاوب كعادته فى البعد عن الاشياء الجميلة محبتى
Post: #26 Title: Re: فرقة سودانية سودانية بنكهة جاميكية Author: عثمان دغيس Date: 12-30-2010, 09:20 AM Parent: #25
التحية للشباب الزي الورود ..... وأحلى صباح ومزيد من الألق ... تشكر يا سوميت على هذا الجمال ..
Post: #27 Title: Re: فرقة سودانية سودانية بنكهة جاميكية Author: خـالد سـوميت Date: 12-31-2010, 00:37 AM Parent: #26
صورة لفرقة الوازا في عام 2002 تقريبا
ويظهر في الصورة كل من الاخوان
احمد ومحمد شرحبيل
فلاقون عازف ساكس فرنسي
محمد محمود
هيثم كمبال
سيف عازف الدرامز
خالد دردق
سامر شلقامي
يوسف احمد صالح
Post: #28 Title: Re: فرقة سودانية سودانية بنكهة جاميكية Author: خـالد سـوميت Date: 12-31-2010, 01:15 AM Parent: #27
Quote: ياخالد تحياتى غايتو السودانيين ديل كان مزاجهم راق ولقو جو كويس بعيد عن حق الحلة والرغيف وضغوط الانقاذ المابتنتهى يبدعوا فى كل شى والله ده جضم للطش وابداع حقيقى والاعلام هنا فى السودان ما حايتجاوب كعادته فى البعد عن الاشياء الجميلة محبتى
سلام يا حبيبنا وكل عام وانت بخير المشكلة يامدثر في السودان غير الضغوط الفي البلد في ناس عندها فهم انو الغناء والابداع ده عندو شكل واحد وماعندها استعداد تسمع شي تاني ودائما ما يبادرو ليك بالاحكام المسبقة والتقليل من قيمة اي عمل جميل لايتفق مع افكارهم وللاسف الشديد الكثير منهم من اهل الفن والاعلام.... تحياتي وشكرا على المرور
Post: #29 Title: Re: فرقة سودانية سودانية بنكهة جاميكية Author: خـالد سـوميت Date: 01-01-2011, 02:58 AM Parent: #28
Quote: التحية للشباب الزي الورود ..... وأحلى صباح ومزيد من الألق ... تشكر يا سوميت على هذا الجمال ..
الاخ عثمان شكرا على المرور ... والتحية لك وكل عام وانت بخير...
معليش ...مكن تستخدم اللغة العربية شوية في التعريف والشرح |!
! ! ! ؟؟؟
Post: #31 Title: Re: فرقة سودانية سودانية بنكهة جاميكية Author: الخير محمد عوض Date: 01-04-2011, 08:18 AM Parent: #30
اخانا ابو الخلد
تحياتي يا حبوب
بالفعل ان ( الوازا) فرقة لها طعم ولون وفهم وقضية فهي بالتالي تحمل بين دفتي انغامها كل مقومات النجاح فقط عليهم بالصمود وتخطي كل عقبات التعويق مهما كانت لان الرسالة التي تحملها هذه الفرقة جد قيمة وتستحق ان يعمل علي تحقيقها
شكرا يا رجل لرفدنا بهذا الجمال وباذنه تعالي لي عودة لهذا الخيط.
Quote: بالفعل ان ( الوازا) فرقة لها طعم ولون وفهم وقضية فهي بالتالي تحمل بين دفتي انغامها كل مقومات النجاح فقط عليهم بالصمود وتخطي كل عقبات التعويق مهما كانت لان الرسالة التي تحملها هذه الفرقة جد قيمة وتستحق ان يعمل علي تحقيقها
ابو الخيرات سلام يا حبيب
نتمني من قلوبنا النجاح لكل مبدع مثابر في تجويد مايقدم الوازا كفرقة ريقي كانت اغاني الاسطورة بوب مارلي هي زادهم الوحيد لكن مع مرور الزمن تمكنوا من ان يقدموا اعمالهم الخاصة كلمات ولحن لكن تظل المنافسة والظهور في عالم الغناء والموسيقي صعبة للغاية خالص الاماني لي هؤلاء المبدعين بنجومية وشهرة عالمية فلكل مجتهد نصيب