قصة غضب وثورة الجماهير بالمسرح القومى بعد اعلان نتيجة برنامج نجوم الغد

بالصدفه فقط ساقتنى الاقدار يوم الجمعه الماضيه الى المسرح القومى بامدرمان لاشاهد ختام تصفيات البرنامج هذا العام واعلان الثلاثه الفائزين كما درج عليه الحال فى الاعوام التى مضت وصلت متأخر جدا لكننى حضرت اعلان النتيجة
وكانت النتيجه هى فوز (احمد مامون) وكانت المرة الاولى التى اعرف فيها احمد وهو من ابناء مدينة رفاعه الجميلة والمركز الثاني هو( بكرى عباس) والمركز الثالث كانت (سارة ازرق ) والغريب ان الجمهور الحاضر فى المسرح استقبل اعلان هذه النتيجه من مقدم البرنامج بابكر صديق بسيل من الهتافات والمعارضه الشديده والانفعالات الكبيرة وفى رأيهم ان هنالك ظلم كبير فى هذه النتيجه وكنت اسمع الناس تهتف بأسم( رومان ياخ )(مامعقول والله) (رمان والله حرام عليك) كانت هذه هى الصيحات التى جعلتنى اسأل احدهم من تكون رمان فاجابنى انها فتاة يافعه صاحبة امكانيات خرافيه والحق اننى بس رجعتى البيت فتحت اليوتيوب عشان اسمع رومان ولقيته ليك بالجد عجيبه ورهيبه وتضامنت مع هؤلاء الذين شجبوا النتيجه وودت لو عدت ادراجى الى المسرح والتقيت بابكر صديق واللجنة واعادوا لى اللقطه بتاعت الشجب من جديد عشان اكوريك واصرخ مع الجماعه المتعاطفين مع رومان .

المهم ان بابكر صديق حاول ان يسيطر على غضب الجمهور حتى لاينسف الاحتفال فطيب خاطرهم بكلمات فحواها ان هذه النتيجه هى من اللجنة ومن تصويت الجمهور وعلينا ان نتقبلها بصدر رحب فجلس الحاضرين فى اماكنهم لكن همهمات الغضب استمرت لفترة طويله وحتى اثناء حديث بابكر صديق كنت استمع للبعض يقول (عليك الله خلينا ياخ ) ياخى بتبالغ عديل كده ولا ابالغ اذا قلت اننى استمعت الى الكثير الذى لامجال لسرده .
تعاطفت مع دموع (رمان) قبل ان استمع الى صوتها وكانت تبكى بحرقه شديده بعد ان تهيأت لنيل المرتبه الاولى ليس هى فقط انما كل الجمهور الحاضر وعلى عكس العام الماضى حينما كان كل الشارع يعرف ان فهيمة هى الاولى قبل ان تعلن النتيجه بايام بل وبشهور وفازت فهيمةفماذا حدث؟.

ونواصل

الفائز الاول احمد مامون

المرتبة الثالثة سارة ازرق

رومان كانت هى سبب ثورة الجماهير وخرجت دون ان تحرز
اى مركز من المراكز الثلاثة!!!

عندما عدت الى المنزل كانت دموع رمان مازالت عالقة فى ذهنى ممادفعنى ان اتذكر حكايتى مع نجوم نجوم الغد التى امتدت لسنوات طويله تسنى لى خلالها ان اتابع الكثير من الاصوات التى ظهرت واستطاعت ان تضع بصمة حتى لو صغيرة على جدار محبى الفن والطرب الاصيل ....والان احاول بذاكرتى المرهقة والمتعبه من التفكير فى مستقبل هذا البلد وطريقه الذى يبدو مسدودان ادرك ماذا حدث لهذا البرنامج ؟؟

طاف بذاكرتى عدد من الاسماء التى لمعت فى السنوات الاولى منهم الشاب سعد ومى عمر ورماز وحرم النور وعافية حسن وعدد كبير من الاسماءالاخرى ليس هذا فحسب بل تذكرت ذلك الزخم الكبير والجماهيرية المقدرة التى خلقها البرنامج فى السودان وفى عموم منطقة الخليج وتوصلت الى ان البرنامج اصبح باهت ليس له وزن كما كان فى السنوات الماضيه مع ان كل شى كما هو الاصوات الجميلة موجوده ،اللجنه التى تقيم كماهى بابكر صديق زاتو كما هو يقود البرنامج الى الهاوية برتابة الاداء وعدم تطوير الفكرة والتوقف فى محطة واحده دون المضى قدما بمستقبل هذه الاصوات او تطوير البر نامج وجعله جاذب فمن غير المعقول ان يظل كل شى كما هو لمدة تزيد عن الخمس سنوات حتى الديكور وطريقة التنافس ...يعنى بصراحة المشاهد اصيب بالملل والدليل على هذا ان العام الحالى لم يشهد اى زخم للبرنامج ولم يكن حديث الشارع كما كان فى الماضى القريب وزاد الطين بلة عدم اقتناع الجمهور بالنتيجة

رومان سبب الثورة لم تفوز باى مركز من الثلاثة

الأخ مدثر

سلامات

نفس السيناريو حدث من قبل مع الموهبة رفيعة إبراهيم

الأماكن هي ذاتها والصور نفس المشاهد ياصاحبي .

ودي وتقديري

سلام عليكم أخ مدثر
حسم النتائج بتصويت الجمهور للاسف لا يعطي الصورة الحقيقية
لكن النوع دا من البرامج هدفه الأساسي و نسبة كبيرة من تمويله بتجي من شركات الهاتف و عن طريق التصويت فهي شر لابد منه
قبل سنوات فاز السعودي هشام عبد الرحمن بالمرتبة الاولى في ستار اكاديمي مع انو كل المشاركين افضل منه صوتا واداءاً
لكن نسبة التصويت من السعودية كانت الاعلى
ومن قبل فتحت الشركات الاردنية الخطوط مجانا لتضمن فوز المنافسة الاردنية
واذكر في احد البرامج المشابهة عن نجوم كرة القدم احد المشاركين تم ضبطه وهو يصوت لنفسه بشكل متكرر من داخل مقر اقامة المشاركين وتم طرده
تقييم الموهبة اعتمادا على عدد المصوتين لا يعطي الصورة الحقيقية لكن لا غنى عنه لاستمرار البرنامج

الاخ مدثر
في تقديري ان احمد مامون يستحق المركز الاول بجداره,بالاضافه الي صوته القوي وثباته وتطريبه العالي
شهد له كل الموسيقيين داخل البرنامج وخارجه بانه فنان قادم بقوه ويمتلك كل الملكات والمقومات التي تؤهله لذلك
وكانت هنا شهاده من الراحل المقيم بكري سمندلاوي في حقه.
ربما يكون التعاطف ناتج من شله او مجموعه معينه تربطها علاقه قربي او زماله بالمطربه,ومن الممكن لمجموعه بسيطه ان تثير كثير من الهرج
هذا مع اعجابي بصوتها,ولكن ليس للدرجه التي تجعلها تتفوق علي احمد جفون,والحق يقال
مع فائق تقديري.

تحية طيبة للجميع

تعديل لـ حاجة فى نفس يعقوب :D

رمان .. ( إسمها كده يا مدثر بالضمة على الراء التي إستعضت عنها بواو عديل )
أقول أن رمان صوت إستثنائي ومقدرتها على التطريب عالية
وتجربتها في أغنية العطبراوي معبرة عن صوتها أكثر من النموذج الوضعته
رمان عندها مشكلة في الواطي ، وبتحتاج لتدريب أخذ نفس لأنها بتصل نهاية الواطي ونفسها مقطوع
ودي مشكلة بيعالجوها المختصين

الثلاث الأوائل يستحقون
وكان ممكن رمان تكون الثالث مشترك لتقارب صوتها مع الثالثة

Quote: الأخ مدثر سلامات نفس السيناريو حدث من قبل مع الموهبة رفيعة إبراهيم الأماكن هي ذاتها والصور نفس المشاهد ياصاحبي . ودي وتقديري

سلامات يافنان
ايوه انا متذكر رفيعه ياعمده كان صوتها جميل
لكن والله البرنامج ده بقى مامقياس يورينامين الاحسن بالضبط
محبتى

ود البشرى سلام

Quote: سلام عليكم أخ مدثر حسم النتائج بتصويت الجمهور للاسف لا يعطي الصورة الحقيقية لكن النوع دا من البرامج هدفه الأساسي و نسبة كبيرة من تمويله بتجي من شركات الهاتف و عن طريق التصويت فهي شر لابد منه قبل سنوات فاز السعودي هشام عبد الرحمن بالمرتبة الاولى في ستار اكاديمي مع انو كل المشاركين افضل منه صوتا واداءاً لكن نسبة التصويت من السعودية كانت الاعلى ومن قبل فتحت الشركات الاردنية الخطوط مجانا لتضمن فوز المنافسة الاردنية واذكر في احد البرامج المشابهة عن نجوم كرة القدم احد المشاركين تم ضبطه وهو يصوت لنفسه بشكل متكرر من داخل مقر اقامة المشاركين وتم طرده تقييم الموهبة اعتمادا على عدد المصوتين لا يعطي الصورة الحقيقية لكن لا غنى عنه لاستمرار البرنامج ]

اتفق معك تماما لكن هذا لايمنع ان البرنامج تعتريه فوضى فى كل شى
ويحتاج للنظام والتجديد واكيد نظام التصويت فيهو اساليب عجيبه وممكن
يكون الاعلام للشخصية مؤثر اكتر من الاداء عشان كده بتظهر الفوارق فى
النتائج .
محبتى

Quote: الاخ مدثر في تقديري ان احمد مامون يستحق المركز الاول بجداره,بالاضافه الي صوته القوي وثباته وتطريبه العالي شهد له كل الموسيقيين داخل البرنامج وخارجه بانه فنان قادم بقوه ويمتلك كل الملكات والمقومات التي تؤهله لذلك وكانت هنا شهاده من الراحل المقيم بكري سمندلاوي في حقه. ربما يكون التعاطف ناتج من شله او مجموعه معينه تربطها علاقه قربي او زماله بالمطربه,ومن الممكن لمجموعه بسيطه ان تثير كثير من الهرج هذا مع اعجابي بصوتها,ولكن ليس للدرجه التي تجعلها تتفوق علي احمد جفون,والحق يقال مع فائق تقديري.

فاروق تحياتى

من المؤكد انو احمد مامون مبدع هذا لانختلف فيه لكن برضو الرمانه
كانت تستحق ان تنال مركز متقدم حتى لو بالاشتراك مع ود رفاعه
رحم الله سمندلاوى شهادة لا حديث بعدها من فنان قدير وعارف بمكامن الابداع
الجمهور لم يبخس احمد حقه لكنه كان يتطلع ان تكون الرمانه فى مكانه المستحق
محبتى

التحية لصاحب البوست ولمتداخليه ...

ولا أعتقد أن رمان أفضل من أحمد مأمون جفون ... فود جفون فنان مكتمل وولد بأسنانه ...

ارجعوا إلى ما تغنى به وإلى ما تغنى به غيره ... وأعقدوا المقارنة ...

رابط ذا صلة:
ود رفاعة: أحمد مأمون جفون الأول على نجوم الغد 2010 - توقع قبل التتويج

ابو ساندرا حبابك

Quote: رمان .. ( إسمها كده يا مدثر بالضمة على الراء التي إستعضت عنها بواو عديل ) أقول أن رمان صوت إستثنائي ومقدرتها على التطريب عالية وتجربتها في أغنية العطبراوي معبرة عن صوتها أكثر من النموذج الوضعته رمان عندها مشكلة في الواطي ، وبتحتاج لتدريب أخذ نفس لأنها بتصل نهاية الواطي ونفسها مقطوع ودي مشكلة بيعالجوها المختصين الثلاث الأوائل يستحقون وكان ممكن رمان تكون الثالث مشترك لتقارب صوتها مع الثالثة ,

قال تعالى ( فِيهِمَا فَاكِهَةٌ وَنَخْلٌ وَرُمَّانٌ ) سورة الرحمن ( 68 )

وَهُوَالَّذِيَ أَنزَلَ مِنَ السَّمَاء مَاء فَأَخْرَجْنَا بِهِ نَبَاتَ كُلِّ شَيْءٍ فَأَخْرَجْنَا مِنْهُ خَضِرًا نُّخْرِجُ مِنْهُ حَبًّا مُّتَرَاكِبًا وَمِنَ النَّخْلِ مِن طَلْعِهَا قِنْوَانٌ دَانِيَةٌ وَجَنَّاتٍ مِّنْ أَعْنَابٍ وَالزَّيْتُونَ وَالرُّمَّانَ مُشْتَبِهًا وَغَيْرَ مُتَشَابِهٍ انظُرُواْ إِلِى ثَمَرِهِ إِذَا أَثْمَرَ وَيَنْعِهِ إِنَّ فِي ذَلِكُمْ لآيَاتٍ لِّقَوْمٍ يُؤْمِنُونَ ) سورة الأنعام أيه ( 99 )


كلامك مليون فى الميه لكن انا مااستعضت الواو بدل التشكيل
لست ضليع فى امور اللغة العربية مع ان دى مادايره ليها ضلاعه وجدت الاسم مكتوب فى اليوتيوب
صحيح وطالعت عدد من الصحف من بينها صحيفة فنون عدد الاحد 26\12\2010
فوجدت الاسم رومان موسى تعجبت وقلت اكيد ده غلط فى الصحف راجعت
الاسم عدت مرات ومن ضمن مراجعتى وجدت ايضا صورة فى صحيفة مكتوب عليها رومان
موسى قلت يا اخوانا هو الرمان ده غيرو ولاشنو ؟اتصلت على احد اصدقائى ممن كنت
اعتقد انه ممكن يفيدنى فورا لكن برضو لف ودور وقال لى ممكن تكون بالواو ورغم قناعتى
التامة بان رمان لاتكتب الا رمان ...لك العتبى فقد اعتقدت ان الصحف يمكن ان تكون نقلت
الاسم من ستو ويمكن سموها على الروم ماعلى الفاكهة غايتو .
بخصوص رمان اتفق معك انها كانت تستحق مركز من المراكز الثلاثه وانا لحدى هسه لم
استمع الى صاحب المركز الثانى واحاول ان ابحث له عن اغنية
محبتى

احمد مامون جدير بالمركز الأول
استمعت له أكثر من مرة .. سيكون له شأن كبير في مجال الغناء .... تحياتي قرجاج

مدثر

ســـلام..........
بصراحة البت غناية وتستاهل تحصل على أحد المراكز الثلاثة الاولى
نحن طبعا ناس ما مختصين وناس سميعه سااااي
لكن في بداية هذا المقطع وقفت كثيرا عند كلام ابو ساندرا
عموما رمان صغيرة وستنجح حتما فقط عليها المواصله وتصحيح الاخطاء

تحاياي

يتنافسوا على المراكز الثاني والثالث
أما المركز الأول فقد حجزه أحمد مأمون جفون
منذ وقت مبكر في المسابقة.

تحياتي للنجوم المتنافسين
ولبابكر صديق ولصاحب البوست.

لك التحية

مدثر قرجاج

وإبداء إعجاب

مش كمان بقولوا الولف كتال

هو دا الجمهور الكسف للبال

هو بي تصويته شالا بت الخال

أصله بس متعود لي تقاليد الخال

ديل ناس زمناً أول ما بحولوا حال

بحسنوا التقليد وبوزنوا المتقال

قرجاج بوستيك كله جمال

وللنقد قوال

وليك كل تحية

وليها بت الخال

اتفق معاك ومعهم تماما فى احقية احمد بالمركز الاول
اما رمان مشكلتها بتحاول تقلد احمد الصادق فى الحتات البتقدر عليها
وترجع لصوتها فى بعض الاحيان وعشان كده بتحس كأن هنالك ضيق فى النفس
مع انها ما عندها المشكله دى، فقط محاولة التقليد التى تظهرها فى هذا
الموقف. فلو غنت بطريقتها كانت سوف تحرز مركز من المراكز الثلاثة
المتقدمة،لكن هى مشروع فنان بتطريب كامل الدسم،،،

Quote: تحية طيبة للجميع تعديل لـ حاجة فى نفس يعقوب ]

محمدالامين تحياتى
ماتقول ياخ الشى الفى نفسك
شكلك مامع رمان
مودتى

Quote: التحية لصاحب البوست ولمتداخليه ... ولا أعتقد أن رمان أفضل من أحمد مأمون جفون ... فود جفون فنان مكتمل وولد بأسنانه ... ارجعوا إلى ما تغنى به وإلى ما تغنى به غيره ... وأعقدوا المقارنة ]

صبرى تحياتى

عارف المقارنه بين الاصوات لناس مامختصين زينا صعبه
لاننا بنتعامل بالميول اكتر وكل خبرتنا هى سماعيه
يعنى حاتلقى ناس كتار يمكن يكونوا حابين صوت رمان
اكتر من احمد لكن نحن قصدنا انو رمان على الاقل كانت
تستحق مرتبه متقدمه وهذا لاينقص احمد ود رفاعه من حقه

سلام يا ود قرقاج مطوليين منك الاخبار؟


هجوم شيخ محمد مصطفي عبد القادر ضد برنامج نجوم الغد.

مدثر
سلام
لو كنت أنا الحكم
المركز الأول سارة أزرق
المركز الثاني أحمد مؤمون
المركز الثالث رمان موسى

نجوم الغد فقد رونقه
بعدم مصداقية لجان التحكيم منذ فترة
الخوف بعد ما يدو الولد الجائزة يعملوا ليهو زي فيهمة
عموما نامل في غدا اجمل
بفن راقي وشباب مميزين

منتصر تحياتى

Quote: احمد مامون جدير بالمركز الأول استمعت له أكثر من مرة .. سيكون له شأن كبير في مجال الغناء .... تحياتي قرجاج

والله احمد صوتو جميل ويحتاج للرعاية والاهتمام
وياريت مايكون مصيرو كمصير من سبقوه من اصوات
جميلة تلاشت من الساحة فجأة
محبتى

Quote: مدثر ســـلام.......... بصراحة البت غناية وتستاهل تحصل على أحد المراكز الثلاثة الاولى نحن طبعا ناس ما مختصين وناس سميعه سااااي لكن في بداية هذا المقطع وقفت كثيرا عند كلام ابو ساندرا عموما رمان صغيرة وستنجح حتما فقط عليها المواصله وتصحيح الاخطاء تحاياي ]

الامين تحياتى

انا بتفق معاك وبشاركك نفس الاعجاب
وبتمنى انها ماتتأثر بالنتيجه وتمضى قدما
فى طريقها الحايكون ناجح ولسه الطريق مازال
طويل وكان تستاهل مركز متقدم
محبتى

Quote: يتنافسوا على المراكز الثاني والثالث أما المركز الأول فقد حجزه أحمد مأمون جفون منذ وقت مبكر في المسابقة. تحياتي للنجوم المتنافسين ولبابكر صديق ولصاحب البوست]

اسامة حبابك الف

احمد مامون ولد معلم مافى كلام لكن رمان ايضا
عند كثير من المشاهدين كانت قد حجزت مقعدها وربما
فى المركز الاول
مودتى

Quote: لك التحية مدثر قرجاج وإبداء إعجاب مش كمان بقولوا الولف كتال هو دا الجمهور الكسف للبال هو بي تصويته شالا بت الخال أصله بس متعود لي تقاليد الخال ديل ناس زمناً أول ما بحولوا حال بحسنوا التقليد وبوزنوا المتقال قرجاج بوستيك كله جمال وللنقد قوال وليك كل تحية وليها بت الخال]

الزول الرائع عبد الفتاح لك الود
وشكرا على كلماتك الرائعه كما عودتنا فى البور
كل الكلمات تنثرها شعرا جميل وتدخلها روضتك الشعرية الجميله
لتخرجها فى منظومة جميله تدهشنا وتسعدنا
محبتى

Quote: الخوف بعد ما يدو الولد الجائزة يعملوا ليهو زي فيهمة

هم عملوا لي فهيمة شنو؟ ..


رمان ما ساهلة تب وبتستحق المركز الرابع ..

تحياتي أخي مدثر ..

Quote:

محبوي لاقاني .... وببسمه حياني
.
.
ونجوم الغد فقدت رونقها للمجامله الواضحة
من لجنة التحكيم الغير نزيه الذي اعتبره احباط للمنافسين في مسيرتهم الفنيه ...
كما حدث من قبل مجاملة الشاب (منوت ) وابعاد الشاب ( السراج ) من اجل ان تكون الوحدة جاذبه

Quote: اتفق معاك ومعهم تماما فى احقية احمد بالمركز الاول اما رمان مشكلتها بتحاول تقلد احمد الصادق فى الحتات البتقدر عليها وترجع لصوتها فى بعض الاحيان وعشان كده بتحس كأن هنالك ضيق فى النفس مع انها ما عندها المشكله دى، فقط محاولة التقليد التى تظهرها فى هذا الموقف. فلو غنت بطريقتها كانت سوف تحرز مركز من المراكز الثلاثة المتقدمة،لكن هى مشروع فنان بتطريب كامل الدسم،،،

صديق الموج تحياتى
احد الاصدقاء ذكر لى ان رمان ابدت اعجابها باحمد الصادق
فى احدى الحلقات وانها متاثرة به وتحب التطريب الموجود
فى صوته اتمنى انها تجد مكانه الحقيقى بصوته الحقيقى وهو
بدون شك جميل
مودتى

الاخ مدثر

سلام

مجموعة نجوم الغد المرة دي كلهم ما زي المرات الفاتت

فيهم شوية ضعف في الاداء ومع ذلك جفون هو أفضلهم من حيث الثبات والحضور

والمقدرة على الاداء


-------------------------

البوست بتاع وردي ونانسي طلبت من بكري يرجعو

امس كانت عندي مشكلة في النت غير ضغط الشغل كمان
عشان كدا غبت وما قدرنا على الردود ليك ولباقي الأخوان

واهو الصباح جينا لقينا صفحة جديدة

دم بخير

Quote: سلام يا ود قرقاج مطوليين منك الاخبار؟

يا احمد والله ليك وحشه انشالله طيب

الاخبار تمام والحمد لله

الشيخ ده انا شايفو منتشر فى الموبايلات
اصلو ما اتفقت معاه فى شى
مودتى

Quote: مدثر سلام لو كنت أنا الحكم المركز الأول سارة أزرق المركز الثاني أحمد مؤمون المركز الثالث رمان موسى

ايمو تحياتى
سارة والله رهيبه وغنايه لكن لو انا كنت اختار
رمان
سارة
احمد
لكن برضو ترتيبك ده منصف بالنسبه لرمان
وياريت لو النتيجه طلعت كده

الاخ مدثر

والإخوة الأعزاء

سلامات

اعتقد ان احمد مامون استحق المركز الأول عن جدارة واستحقاق

لما يملكه ذلك الفتى من امكانيات صوتيه هائلة بجانب اجادته

لاغاني صعبة جداُ وقد اجاد في غناء اغاني المتفرد الجابري

اما رمان فهي تستحق المركز الثاني لصوتها الجميل لكن اعتقد

ان التصويت كان له دور في المركز الثاني والثالث

Quote: نجوم الغد فقد رونقه بعدم مصداقية لجان التحكيم منذ فترة الخوف بعد ما يدو الولد الجائزة يعملوا ليهو زي فيهمة عموما نامل في غدا اجمل بفن راقي وشباب مميزين

حافظ سلام
اتفق معك البرنامج فقد المصداقية والتنظيم
وفهيمه المرة الفاتت حنكوها فى موضوع الجائزة
الله يستر على صاحبنا ده .
كمانأمل فى المؤسسية والخطط الجيد للارتقاء
بهذا الشباب الواعد

الشباب كلكم والعواجيز الزينا

نجوم الغد تجربة فريده في السودان وجميله صار الناس ينظرونها كل عام مثل ما كانت تنتظر الأستاذ عوض احمد في مسابقات المدارس .

هذا العام كما لاحظ احد المتداخلين الأصوات كانت قريبة جدا من بعض . الا ان هذه المجموعة التي تنافست على المراكز الأولى كانت الأبرز.

فيما يتعلق بالنتيجه فعلا قد التصويت لعب دوراً بارزا في تحديد الفائز لكن اعتقد ان اللجنة قد حسمت مسألة فوز ود رفاعه مبكرا .

قناعتي الشخصية هي ان الأحق بالفوز هو كان ود بورتسودان او بت ام درمان سارة ازرق .

أ ما بت الريف الشمالي فالذي في نفسه شئ اقول له لي نفس التعليق فهي لم تؤدي كما ينبغي وكان صوتها ( شاتر ) في الأغنية في مشاركتها

الأخيرة والتي كانت داخله ضمن التصويت ، حتى ان اللجنة علقت على ذلك ، على الرغم من تأكيدها - أي اللجنة - ان ذلك لا يقدح في موهبتها

العالية وتطريبها المتميز .

عموما هنئيا للفائزين وهنيئا لنا بالمجموعة التي تنافست وببرنامج نجوم الغد .

وعليكم الله اسمعوا وشوفواساره دي بتغني مرتاحه كيف .

قرجاج سلام .

اولا - احمد مامون يستحق المركز الاول بدون منازع

ورمان - اسمه حلو وجديد .. اول مرة اسمعو
حقيقه انا كنت بتوقع انها سوف تكون ضمن الثلاثه الاوائل ..

البرنامج فقد بريقه - ..


تحياتي

Quote: رمان ما ساهلة تب وبتستحق المركز الرابع .. تحياتي أخي مدثر ..

بشير تحياتى
والله ماساهلة لكن ماشايف معاى على الاقل
كان يكون التالت
محبتى

Quote: محبوي لاقاني .... وببسمه حياني . . ونجوم الغد فقدت رونقها للمجامله الواضحة من لجنة التحكيم الغير نزيه الذي اعتبره احباط للمنافسين في مسيرتهم الفنيه ... كما حدث من قبل مجاملة الشاب (منوت ) وابعاد الشاب ( السراج ) من اجل ان تكون الوحدة جاذبه ]

ياوليد كيفنك انشالله طيب

والله ياوليد البرنامج بقى فوضى وفيه كثير من الخلل
وبدأ يفقد جمهوره العريض عشان العقول اتحجرت فى
مكان واحد ده غير احباطات الكثير من النتائج التى
لم تكن عادلة...
محبتى ... الباشمهندس فى السودان شهر 4 الخبر ده صاح؟

Quote: الاخ مدثر سلام مجموعة نجوم الغد المرة دي كلهم ما زي المرات الفاتت فيهم شوية ضعف في الاداء ومع ذلك جفون هو أفضلهم من حيث الثبات والحضور والمقدرة على الاداء ------------------------- البوست بتاع وردي ونانسي طلبت من بكري يرجعو امس كانت عندي مشكلة في النت غير ضغط الشغل كمان عشان كدا غبت وما قدرنا على الردود ليك ولباقي الأخوان واهو الصباح جينا لقينا صفحة جديدة دم بخير ¿

ياحمد تحياتى ليك
طبعا اتفق معاك انو برنامج نجوم الغد فقد نكهتو الاولى
وبقى فيه رتابه وكثير من اللخبطة...

...........................................

ياريت لو كان رجعت لينا البوست بتاع وردى ونانسى ياخى النقاش
كان فى قمتو وجيت تانى يوم مالقيتو ! ارجو السعى لاعادته ان
امكن ذلك
محبتى الاكيده

والله بصراحة ومن غير زعل

رمان ما بتستحق المرتبه الأولى

وانا شخصيا لم تطربنى أبداً

وأقدر محاولاتها كناشئة

Quote: الاخ مدثر والإخوة الأعزاء سلامات اعتقد ان احمد مامون استحق المركز الأول عن جدارة واستحقاق لما يملكه ذلك الفتى من امكانيات صوتيه هائلة بجانب اجادته لاغاني صعبة جداُ وقد اجاد في غناء اغاني المتفرد الجابري اما رمان فهي تستحق المركز الثاني لصوتها الجميل لكن اعتقد ان التصويت كان له دور في المركز الثاني والثالث ]

عبدالله تحياتى ليك
والله انا بتفق معاك فى انو اغانى الجابرى من الصعوبة بمكان ومرهقة جدا
للاخرين انا سمعت ليه اغنية للجابرى حقيقه اداها بطريقه رايعه وان بدت
على ملامحه الارهاق الشديد السؤال الكبير هل يستطيع احمد مامون ان يتجاوز
محطة اجابرى وغيره من الرواد ويثبت انو هو الاول ؟
رمان تستاهل لكن التصويت بتاع الجمهور مرات مابديك الشى الصاح لاختلاف
الميول والازواق لكن اللجنة كانت ايضا غير محايده فى السنوات السابقة
محبتى

الحبيب قرجاج كل عام وانت بخير وان شاء الله ربنايجعل عام 11 خير وبركة وسلام ومحبة عليك وعلي الاسرة الكريمة

وكل الاهل ولاحباب بالامتداد ولكل الناس في كل العالم


الرمان بتاعك لسع مانجض !!!!

والله عندها موهبه كبيره ومافي شك عندها امكانية لسع ماوجدت طريقها للخروج ..

اختيارها للاغاني اعتقد ماموفق ليناسب صوتهاواداها خاصة في اغنية ديمة في العشاق..

..حسيت بانها مابتكمل وبتميل لتقطيع الاغنية اعطاني احساس بان النفس قصير

..محتاجة لمساعده من ذوي الخبرة في مجال الموسيقي ومتخصصي الصوت ..

وسيكون لها شأن كبير وخاصة هي صغيرة في السن وثابته وواثقه من نفسهاجدا وده حيساعدها كتير

اتمني لها مزيد من التقدم ...

محمد بشير يااخي نحن بنسمع في جيل جديد قادم ذي الورد في داعي تنكد علينا بالزول الهطلة ده ...

تحياتي للجميع بعام سعيد

Quote: فوجدت الاسم رومان موسى تعجبت وقلت اكيد ده غلط فى الصحف راجعت الاسم عدت مرات ومن ضمن مراجعتى وجدت ايضا صورة فى صحيفة مكتوب عليها رومان موسى قلت يا اخوانا هو الرمان ده غيرو ولاشنو ؟اتصلت على احد اصدقائى ممن كنت اعتقد انه ممكن يفيدنى فورا لكن برضو لف ودور وقال لى ممكن تكون بالواو ورغم قناعتى التامة بان رمان لاتكتب الا رمان .

سويت ده كلو يا مدثر أخوى؟؟

عافى منك ما قصرت تب..

و بالمناسبة مامون ده أخطر من شريف الفحيل ..

Quote: قناعتي الشخصية هي ان الأحق بالفوز هو كان ود بورتسودان او بت ام درمان سارة ازرق . أ ما بت الريف الشمالي فالذي في نفسه شئ اقول له لي نفس التعليق فهي لم تؤدي كما ينبغي وكان صوتها ( شاتر ) في الأغنية في مشاركتها الأخيرة والتي كانت داخله ضمن التصويت ، حتى ان اللجنة علقت على ذلك ، على الرغم من تأكيدها - أي اللجنة - ان ذلك لا يقدح في موهبتها العالية وتطريبها المتميز . عموما هنئيا للفائزين وهنيئا لنا بالمجموعة التي تنافست وببرنامج نجوم الغد . وعليكم الله اسمعوا وشوفواساره دي بتغني مرتاحه كيف . ..

محمد الواثق تحياتى
اتفق معاك انو سارة ازرق صوت جميل ذكرتنا باصوات فنانات زمان
لكن ماعارف ناقصاها وزنة وبالنسبه لشتارة رمان اعتقد انها بتحاول
تغنى بطريقه معينه عشان هى متأثرة ببعض الفنانين الشباب وربما احدث
هذا نوع من الخلل فى مرات عديده لكن هذا لاينفى جمال صوتها وقوته
محبتى

Quote: قرجاج سلام . اولا - احمد مامون يستحق المركز الاول بدون منازع ورمان - اسمه حلو وجديد .. اول مرة اسمعو حقيقه انا كنت بتوقع انها سوف تكون ضمن الثلاثه الاوائل .. البرنامج فقد بريقه - .. تحياتي

ياكع كل سنه طيب وانشالله تمام

انا زاتو كنت متوقع تكون من ضمن الاوائل
احمد مامون والله قدر يغنى اغانى صعبه شديد
البرنامج فقد كل شى ويحتاج الى غرفة الانعاش
محبتى

Quote: والله بصراحة ومن غير زعل رمان ما بتستحق المرتبه الأولى وانا شخصيا لم تطربنى أبداً وأقدر محاولاتها كناشئة ]

مافى اى زعل ياخى حب الناس مذاهب
بس نتمنى ليها التوفيق فى مقتبل الايام
ولسه الطريق طويل حتى تثبت ذاتها

ياعمده مشتاقين ياخ انشالله الامور تمام
وكل سنة وانت طيب وربنا يديك الصجة والعافيه

Quote: الرمان بتاعك لسع مانجض !!!! والله عندها موهبه كبيره ومافي شك عندها امكانية لسع ماوجدت طريقها للخروج .. اختيارها للاغاني اعتقد ماموفق ليناسب صوتهاواداها خاصة في اغنية ديمة في العشاق.. ..حسيت بانها مابتكمل وبتميل لتقطيع الاغنية اعطاني احساس بان النفس قصير ..محتاجة لمساعده من ذوي الخبرة في مجال الموسيقي ومتخصصي الصوت .. وسيكون لها شأن كبير وخاصة هي صغيرة في السن وثابته وواثقه من نفسهاجدا وده حيساعدها كتير اتمني لها مزيد من التقدم ...

عارف ياعمده البت دى مشكلته انها بتخاف بعد مراتعشان كده الصوت بتاعه بيطلع
مهتز وبيرجف فى كثير من الاوقات لدرجه انهاممكن تفرق زمن عديل كده
واغنية ديمه فى العشاق اعتقد انها خصمت منها مازى باقى الاغنيات كان
الاداء فيها حلووفيه نضوج ...
غايتو الخوف تتلاشى سريع ولاتجد المسانده نتمنى ليها التوفيق..
محبتى ياعمده