Post: #1 Title: ود رفاعة: أحمد مأمون جفون الأول على نجوم الغد 2010 - توقع قبل التتويج Author: صبري طه Date: 11-06-2010, 12:47 PM
لمعجبيه رقم التصويت 9
ــــــــــــــــ
Post: #2 Title: Re: ود رفاعة: أحمد مأمون جفون الأول على نجوم الغد 2010 - توقع قبل التتويج Author: صبري طه Date: 11-06-2010, 12:50 PM Parent: #1
Post: #3 Title: Re: ود رفاعة: أحمد مأمون جفون الأول على نجوم الغد 2010 - توقع قبل التتويج Author: صبري طه Date: 11-06-2010, 12:50 PM Parent: #2
Post: #4 Title: Re: ود رفاعة: أحمد مأمون جفون الأول على نجوم الغد 2010 - توقع قبل التتويج Author: صبري طه Date: 11-06-2010, 12:51 PM Parent: #3
Post: #5 Title: Re: ود رفاعة: أحمد مأمون جفون الأول على نجوم الغد 2010 - توقع قبل التتويج Author: صبري طه Date: 11-06-2010, 12:53 PM Parent: #4
مبالغة عدييييييييل كدة
Post: #6 Title: Re: ود رفاعة: أحمد مأمون جفون الأول على نجوم الغد 2010 - توقع قبل التتويج Author: لطفي علي لطفي Date: 11-06-2010, 09:44 PM Parent: #5
صبري طه
سلام
من اجل رفاعة فهي الغد بلا منازع
الف مبروك لود جفون و مزيد من الابداع
لطفي
Post: #7 Title: Re: ود رفاعة: أحمد مأمون جفون الأول على نجوم الغد 2010 - توقع قبل التتويج Author: عبدالله السفاح Date: 11-07-2010, 05:44 AM Parent: #6
حبيبنا صبري
ولدنا أحمد ما شاء الله قمة في الروعة أداء أكثر من رائع وحضور زاهي
وزي ما قال محمد سليمان من هسي مبروووووووووك
ونتمنى أن يجد الرعاية الكافية لأنه بلا شك نجم سوف يكون له
أسم كبير في الساحة الفنية السودانية ..
وفوووووق من أجل أحمد مامون ورفاعة
Post: #12 Title: Re: ود رفاعة: أحمد مأمون جفون الأول على نجوم الغد 2010 - توقع قبل التتويج Author: صبري طه Date: 11-09-2010, 11:57 AM Parent: #7
Quote:
Quote: عبدالله السفاح كتب:
وزي ما قال محمد سليمان من هسي مبروووووووووك
تكرم يا غالي ... ومن هسي بنقول ليهو مبروك ...
Post: #11 Title: Re: ود رفاعة: أحمد مأمون جفون الأول على نجوم الغد 2010 - توقع قبل التتويج Author: صبري طه Date: 11-08-2010, 10:30 PM Parent: #6
Quote:
Quote: لطفي علي لطفي كتب:
صبري طه
سلام
من اجل رفاعة فهي الغد بلا منازع
الف مبروك لود جفون و مزيد من الابداع
لطفي
وعليكم السلام وتكرم أخي لطفي ...
وهكذا عودتنا رفاعة بولادة المبدعين في كل المجالات ...
Post: #8 Title: Re: ود رفاعة: أحمد مأمون جفون الأول على نجوم الغد 2010 - توقع قبل التتويج Author: سمندلاوى Date: 11-07-2010, 11:10 AM Parent: #2
مرحب صبرى وعيدكم مبارك الغريبة كتبت رد طويييل لكن إظهر انو راح فى هوج الرياح ...........
اهم شئ انو مامون بغنى مرتاح يعنى اختيار السلم مناسب مع طبقة صوتو. الحاجة التانية, غناهو بأسلوبو واحساسو هو دى كانت نقطة مهمة جدا عجبنى المقطع الاخير من هوج الرياح لانو مبنى فى منطقة صعبة وهى الباص "الغليظة" لكنو تجاوزها بدون اى اهتزاز فى نهاية كل بيت مثل "راح" افتكر مامون مر الامتحان بنجاح بس بحتاج لتمارين صوت على البيانو لتثبيت وتعزيز منطقة الباص وبالتالى بنكون موعودين بسطوع نجم رفاعى جديد.
ايضا دعنى اشيد بالفرقة المصاحبة فقد كانت هى المخرج "بضم الميم وكسر الراء" الحقيقى للاعمال بصورة مقنعة واطار مريح وواضح ان هناك طفرة تكنيكية والتعامل بدرجة ما بالدايناميكس الموسيقية"القوة فى محل القوة والعكس" ايضا مخاطبة الكمنجات مع الساكس فى خط متوازى "هارمونية" فى رائعة زيدان كانت حلوة ومريحة الساكسفونيست كان رائع واكيد مشاركة العنصر النسائى زين الفرقة وبتمنى المزيد من المشاركات.
Post: #9 Title: Re: ود رفاعة: أحمد مأمون جفون الأول على نجوم الغد 2010 - توقع قبل التتويج Author: عبدالرحيم أبراهيم العبيد Date: 11-07-2010, 12:13 PM Parent: #8
شهادتي مجروحــه بجانب العلم جمعت مدينة رفاعه بين الكفر والوتر تحيه للفنان ود المأمون ولجميع أهل رفاعه ما أحلي تلك الايام الجميله التي قضيناها ( رفاعه الثانويه ) ودمتم بالف خير وعافيه
Post: #10 Title: Re: ود رفاعة: أحمد مأمون جفون الأول على نجوم الغد 2010 - توقع قبل التتويج Author: فاروق عثمان Date: 11-07-2010, 02:30 PM Parent: #9
العزيز صبري احمد جفون يتمتع بصوت طروب واداء متمكن بالاضافه الي حسه الموسيقي العالي وقدره مُدهشه علي الاختيار اعتقد انه بطل الجوله بلا منازع بدليل اعجاب لجنة التحكيم الشديد به
Post: #13 Title: Re: ود رفاعة: أحمد مأمون جفون الأول على نجوم الغد 2010 - توقع قبل التتويج Author: محسن عبدالقادر Date: 11-09-2010, 12:34 PM Parent: #10
الحبيب صبري لك التحية اوافقك الرأي .. أحمد مأمون ينبوع ابداع متدفق ينساب بأريحية تامة .. لا أذيعك سرا إن قلت أنني أنتظر برنامج الغد فقط من أجمل سماعه ..
Post: #14 Title: Re: ود رفاعة: أحمد مأمون جفون الأول على نجوم الغد 2010 - توقع قبل التتويج Author: مشاعر بدوي Date: 11-11-2010, 11:54 AM Parent: #13
الاخ صبري طه
سلامات
من اجل رفاعة فقد عودتنا دائما على الابداع فى كل المجالات
الف مبروك لود جفون و المذيد من تقديم كل جميل
Post: #15 Title: Re: ود رفاعة: أحمد مأمون جفون الأول على نجوم الغد 2010 - توقع قبل التتويج Author: اسماء الجنيد Date: 11-11-2010, 12:19 PM Parent: #14
Quote: من اجل رفاعة فهي الغد بلا منازع
الف مبروك لود جفون و مزيد من الابداع
لطفي
الاخ صبري وزوراه الكرام تحية وإحترام بعد شهادة ألاخ العزيز سمندلاوي ناس الشغلانة زاتها بتبقى شهادتنا نحن إعجاب اكثر من انها فهم لابعاد وطبقات الصوت والاداء وبرضو اضيف بصراحة شاب موهوب جدا ربنا يحفظه ويرعاه ان شاء الله ما شاء الله صوت دافيء وجميل واداء هادي ورايق يستحق الجائزة بجدارة من أجل رفاعة واهلنا في رفاعة نبارك مقدما مليون مبرووووووك ومن عندي هدية ليه قصيدتين يختارهم ليه عمو بكري سمندلاوي من هسة واللحن عليه شكرا ليك مرة اخرى اخي صبري لتسليط الضوء على الشاب المبدع أحمد مامون وامنياتنا يا أحمد ليك بالتوفيق في هذه المسابقة وفي دروب الفن الطويلة
Post: #16 Title: Re: ود رفاعة: أحمد مأمون جفون الأول على نجوم الغد 2010 - توقع قبل التتويج Author: اسماء الجنيد Date: 11-13-2010, 10:20 PM Parent: #15
فوووووووووووووووووق من أجل الشاب الموهوب أحمد وكل اهلنا في رفاعة
Post: #17 Title: Re: ود رفاعة: أحمد مأمون جفون الأول على نجوم الغد 2010 - توقع قبل التتويج Author: إبراهيم عبد الحليم Date: 11-14-2010, 00:06 AM Parent: #16
الاخ صبرى الاخ سمندلاوى
الذى لفت نظرى بهذا البوست هم اغنيتين صحى اتغيرت خلاص لزيدان هوج الرياح للجابرى لماذا لفت نظرى هو اننى شخصيا اخذ تمارين صوتى من ثلاث فنانين تحديدا هم احمد الجابرى لان صوته به قدرة الانتقال من الغليظ الى الحاد وبسهولة وبعذوبة لا تتوفر الى له وهو مايميزه . هوج الرياح استمع لها شبه يوميا واستغرب للجزء الاخير للكوبليه الاخير الذى فى نظرى شديد الصعوبة لانه فى منطقة جد غليظة ولكن الاخ احمد مأمون استطاع ان يؤديه باريحية مع وجود بعض الصعوبة فى النزول للغليظ واكيد دى بالتمرين بتختفى انا شخصيا بتمرن بصورة دكاكينية على اغنية حد يشعر بالسعادة الفنان الثانى هو هاشم ميرغنى فلديه صوت ضخم جدا جدا الفنان الثالث وهو فى نظرى اجمل صوت مر على تاريخ الغنا السودانى وهو زيدان لمن كان العندليب الاسمر وليس الان خلينى اكون صريح واغنية اتغيرت انت خلاص بتنزل لى فى جرح فزيدان لديه صوت رهيب ومداه واسع احمد مأمون ربنا يحفظه طريقته بتذكرنى برضو بى شريف الفحيل وهى محاولة الانطلاق من منطقة الصوت شبه الغليظ - الباريتون - Bariton وهنا الحلاوة
الفرقة كما قال الاخ بكرى حلوة وبتا ع الساكس ظريف معليش يا بكورى انا برضو عجبنى بتاع البيز جيتار جدا وانا ما شايفو بالفرقة ظاهر ليه؟ حاجة غريبة صوت بتاع البيز ده جانى من وين شطب راسى هذا البيز معقول يكون طالع من الاورغن. ؟؟؟؟؟؟ يستحيل ؟؟؟
اسف طولت المداخلة لكن البوست كلكلنى فى هوجى
إبراهيم عبد الحليم
Post: #18 Title: Re: ود رفاعة: أحمد مأمون جفون الأول على نجوم الغد 2010 - توقع قبل التتويج Author: إبراهيم عبد الحليم Date: 11-18-2010, 05:51 PM Parent: #17
من اخر مداخلات بكرى
علما بان بكرى نفسه من رفاعة على ما اظن
امنت بالله وبالموت
شابيب الرحمة والمغفرة للفقيد بكرى
Post: #19 Title: Re: ود رفاعة: أحمد مأمون جفون الأول على نجوم الغد 2010 - توقع قبل التتويج Author: صبري طه Date: 12-26-2010, 08:54 PM Parent: #18
وصدق التوقّع ...
Post: #20 Title: Re: ود رفاعة: أحمد مأمون جفون الأول على نجوم الغد 2010 - توقع قبل التتويج Author: اسماء الجنيد Date: 12-26-2010, 09:02 PM Parent: #19
مبروك لاحمد مأمون[ ولاهلنا في رفاعة سبحان الله يا بكري ما قايلين روحنا النتيجة بتطلع بعد ما انت تفوتنا يآآآآآآآآآآآآآآآآآه يا دنيا امانة مي خربانة أم بنايا قش منتظره رده يجي مارق ويعلق وكل مره اقول بكري ده مالو . زي الكان حاسي انه مفارقنا وانه النتيجة هو زاتو ما بحضرا احي يا ود امي الله يرحمك يا بكري وشكرا الاخ صبري ومبروك لابن رفاعة/B]
Post: #21 Title: Re: ود رفاعة: أحمد مأمون جفون الأول على نجوم الغد 2010 - توقع قبل التتويج Author: صبري طه Date: 12-27-2010, 10:02 AM Parent: #20
Quote: مرحب صبرى وعيدكم مبارك الغريبة كتبت رد طويييل لكن إظهر انو راح فى هوج الرياح ...........
اهم شئ انو مامون بغنى مرتاح يعنى اختيار السلم مناسب مع طبقة صوتو. الحاجة التانية, غناهو بأسلوبو واحساسو هو دى كانت نقطة مهمة جدا عجبنى المقطع الاخير من هوج الرياح لانو مبنى فى منطقة صعبة وهى الباص "الغليظة" لكنو تجاوزها بدون اى اهتزاز فى نهاية كل بيت مثل "راح" افتكر مامون مر الامتحان بنجاح بس بحتاج لتمارين صوت على البيانو لتثبيت وتعزيز منطقة الباص وبالتالى بنكون موعودين بسطوع نجم رفاعى جديد.
ايضا دعنى اشيد بالفرقة المصاحبة فقد كانت هى المخرج "بضم الميم وكسر الراء" الحقيقى للاعمال بصورة مقنعة واطار مريح وواضح ان هناك طفرة تكنيكية والتعامل بدرجة ما بالدايناميكس الموسيقية"القوة فى محل القوة والعكس" ايضا مخاطبة الكمنجات مع الساكس فى خط متوازى "هارمونية" فى رائعة زيدان كانت حلوة ومريحة الساكسفونيست كان رائع واكيد مشاركة العنصر النسائى زين الفرقة وبتمنى المزيد من المشاركات.
